أكيد كل شيء جميل الاستمرار فيه صعب بالذات بنفس الشغف
ف الحالات الطبيعيه
الذكر بيبذل مجهود كبير شويه على ما اعتاد عليه ف باقي أمور حياته عشان يعجب البنت اللي عاجباه وبمجرد ما بيخليها تعجب بيه وتحبه بيدخل لا ارادي ف مرحله " ك افتراض لحسن النية هنسميها مرحله الراحه"
حبتيني يلا قدميلي انتي زي ما قدمتلك ف البدايه
هو بيشوفها كده وهي بتشوفها أنه مبقاش يحبها أو ضامن مكانها ف خلاص زهق منها أو او او
مع الخناقات والكلام الجارح بيبقى في رواسب بتموت شغف البدايات وتبدء العلاقه تاخد منحنى الهبوط وبعدها النهايه معروفه و أن اختلفت الطرق
حتى لو عدت مرحله الفتور و دخلنا ف الجد منبقاش مبهرين زي ما كنا واحنا لسه ع البر و غامضين للشخص اللي عاوز يعرفنا
ف كراجل بيبدء يبص على احتياجاته والنواقص اللي ف الشخص اللي كان بيجري وراه
و ك ست بتقارن أحوالها بغيرها أو مواقف بمواقف وهكذا
ازاي بقى العلاقه تنجح وتكمل بنفس الشغف مش عارف الحقيقه بس اظن انه السر دايما هيكون ف انك تقلل كمية التوقعات ف الشخص اللي قدامك
متتوقعش أنه يفهمك طول الوقت من غير ما تقول
متتوقعش أنه يكون ف أحسن حالاته/ ا طول الوقت
متتوقعش أنه هيفضل مبهر زي ما كان اول ما عرفته .. هو مكنش مبهر من البدايه انت بس اللي معرفتهوش كويس .
