مساء الخير ..
ووحشتوني يا شباب.. أخباركم إيه **** تكونوا بخير وصحة وسعادة..
البوست طويل شوية بس هيتقري للآخر سامع يا كابتن إللي في الآخر ، أيوه أنت إللي قاعد جنب البرنس إللي بيشرب قهوة من غير ما يعزم?
معلش الكلام كتير ويمكن الأفكار مش مترتبة هنستحمل بعض ونخلص قراءة للآخر .. هتمتحنوا فيه?
أغلب الناس عندها خلفيه إني اشتركت في مكان تاني بنفس الاسم والصوره أنا مش بخاف ولا بيهمني حد، يعني انا هنا بتكلم عن نفسي وشخصيتي ووجهة نظري، مش بلسان الإدارة
"مع إحترامي للجميع" عشان عارفه ان الناس بقت تشك في صوابعها..
هتكلم عشان صعبان عليا فرقتنا بجد انا هنا حسيت اني في بيتي وسط اخواتي واصحابي.. ومايهونش عليا لمتنا وقهوتنا وسجايرنا?
إللي فرهد مني وزهق من الكلام يقوم يعمل شوب عصير سكر زيادة عشان يفوق وييجي يكمل قراءة ..
موضوع مراقبة الخاص::: أنا ماشفتش بعيني ولا اتأذيت في حاجه فمش فارق معايا.. واعتقد مافيش حد اتأذى فعلا من الموضوع ..
هو حاجة غير مقبولة ولكن .... خلينا صادقين مع نفسنا، كل المنتديات بتعمل كده بس لسه ما اتفضحوش..
ياسيدي ولا ستي عايز تعطف وتلطف.. في تليجرام ده إختراع ياكوتش لسه متعرفه عليه جديد .. او أغرم متين جنيه وجيب خط جديد واتكلم واتس، ماحبكش الخاص يابرنس..
أعتقد ده السبب الأساسي إللي مخلي الكل كاشش من المكان..
99.9٪ من الأعضاء مشتركين في اماكن تانيه بأسماء غير من بدري، حتى الإدارة ،ورغم كده كان في نشر وتفاعل ومناقشة وحتى خناق، الأهل ياما بيحصل بينهم، بس آخر الليل كنا بنسهر نتكلم ونهزر ونضحك ...
إيه إللي حصل خلى المكان صامت كده، أغلبنا لسه موجود بس بيتفرج في صمت..
كل إللي نفسه في حاجه يقولها.. لو زعلان نراضيه، لو في مشكله نحاول نحلها، لو دماغك عطلانه وعامله إيرور ومافيش مواضيع انشر لنا نكته وكلنا هنضحك عليها حتى لو رخمه ،
بس بجد بلاش نخسر معرفة حلوه هَونِت علينا قرف الواقع ومسؤولياته..
هستناكم أونلاين الساعه 11 مساء اليوم .. نتجمع ونرغي ونشوف الدنيا هتمشي إزاي..
اتمنى ما تكسفونيش وتشرفوني..
تحياتي ?
