[USERGROUP=63]@Trust Team[/USERGROUP] أغنية أنا قلبي
معاك
غناء ..شادية ...كلمات ..فتحي قورة...لحن منير مراد
الأغنية من فيلم ..الهاربة ..عام ١٩٥٨
العمدة ابو زينب عايز يجوزها ل إبن عمها بالعافية
فتهرب للقاهرة وتقابل الطبيب الشاب (شكري سرحان) وتحبه لكنه مسافر أوروبا لمدة 3 سنين وطلب انها تستناه وفي حديقة القناطر الخيرية
وبدلعها وشقاوتها تبدأ وتقول ..أنا قلبي
معاك ثانية ب ثانية لو حتي تروح اخر الدنيا ...فرحته معاك أول فرحة..محتاج وحياتك للتانية ..انا قلبي
معاك . وبدلعها المحبب لقلوبنا وخفة روحها تقولله انها مش ح تسيبه يسافر لوحده لكن روحها ح تفضل لزقاله وتلف وتدور حواليه تعرف بيكلم مين وبيبص لمين ومين اللي حليت في عينيه ......البت عرفت الرادار قبل ما يخترعوه ..واقعة في دباديبه الغلبانة وده اسمه في علم الحبيبة .........
بعيد عن السامعين ههههههه رادار الحب ........
وتكمل دلعها اللي يجنن وتقولله ...إياك...إياك
أبقي مخاصماك.....وطبعا خصام القمر ده مش بالساهل ده العن من عضة الكلب ..لا مؤاخذة يعني
..وترجع تحن وتقوله ..انها ح تبعتله في كل دقيقة سلام من ساعة ما تصحي لحد ما تنام وتعد الايام ..
فات كام يوم وفاضل كام ..وتترجاه ..بس اوع تغيب ي أعز حبيب ..د أنا قلبي
معاك ....وتفتكر وتقول د أنا لسة معاك واشتقت ليك ...وتقول ان عنيها بتقول لها ..انا ح اعمل ايه وقلبها بيقول انه من بكره بقي ملك ايديه ...بس اوع تنساه وتزيد
في اساه ..د أنا فلبي معاك ..انا قلبي معاك
لو حتي روح آخر الدنيا .
آدي الحب
واللي واخدينه منه ..مش كده ولا ..ايه ؟
