قصه حلوه في عبرة عظيمه
بيقولك الحمار كان بيلف على كل سكان الغابه يقولهم أن ورق الشجر ازرق ومحدش وقفله غير النمر وقاله لا على فكره ورق الشجر اخضر وبعد خناقه بينهم اتلم فيها الحمير على النمر وجم القرود عملوا زيطه .. قرروا كلهم يروحوا للأسد وهو يفصل ما بينهم
سمع الأسد المشكله وبدون تردد حكم على النمر أنه يتعاقب
الحمار كان في منتهى السعاده أنه انتصر على النمر و راح يعمل حفله مع الحمير اللي شبهه بمناسبه انتصارهم العظيم على النمر
النمر اندهش من العقوبه لكنه مقدمهوش حل غير أنه ينفذ العقاب لكنه قبل ما ينفذ العقاب قرر يسأل الأسد هو ورق الشجر ازرق فعلا ؟
قاله لا ورق الشجر اخضر بس انت مش هتتعاقب عشان لون ورق الشجر انت هتتعاقب عشان مكنش ينفع حد قوي وعظيم زيك يضيع وقته أنه يقنع الحمير أنهم غلط هتكون بتضيع وقتك لما تتناقش مع حمار مش فارق معاه الصح من الغلط مش فارق معاه الحقيقه وكل اللي فارق معاه أنه يطلع صح
في ناس كتير كده مهما وريته بالادله أنه غلط هيفضل مصمم على رأيه وهيفضل يدافع عن قناعاته باستماته حتى لو كانت غلط .
غباء أو غرور مش هتفرق .. زي ما نقاشك معاهم مش هيفرق
وبس كده
