كن كالماء معناها انك تكون عندك مرونة وانك قابل انك تتكيف مع اى وضع انت فيه حتى لو كان صعب او ظرف زى المياه كده ما بتتكيف مع اى حاجة تتحط فيها ازازة بقى طبق حلة مش بيفرق معاها بيعمل انسيابية حول اى عاقبة بتقابله ويشوف طريقه الخاص الفكرة من الحكمة دى انك لازم تكون عندك مرونة وتعدى اى ازمة بطريقة مرنة وتتكيف مع الوضع من غير ما تخلى العقبات انها توقفك او تعطل اى مسيرة ليك .
كن كالماء لين بس قوى فى الوقت الضرورى ممكن يتسرب من اصغر شق موجود ويملى الفراغات المياه مش بتحاول انها تقاوم اى صعب بتتجاوزها على طول مافيش وقت عندها انها تقاوم تمشي وتتجاوز ف يعدى من الصخر ويشق طريقه فى الارض.
بالطريقة دى تقدر تتعلم المرونة والتكيف على الاوضاع الصعبة اللى بنمر بيها ف حياتنا او لما نقابل تحديات نفسية او ضغط او اى تحدى بشكل عام هنااقى اكيد كرث نتغلب على التحديات دى بدل ما نقاومها بعناد ونضبع وقت ممكن نغير شكلنا واسلوبنا على حسب الحاجة وحسب الموقف اللى احنا فيه بس نحافظ على جوهرنا وروحنا الحقيقيه زى ما المياه بتعمل بتحتفظ بالخصائص بتاعتها بعيد عن الشكل اللى هى بتاخده بتفضل مياه
وفى نفس الوقت المياه تقدر تكون قوية ومدمرة لما يتجمع فى قوة كبيرة زى الفيضان او الموج العالى ده يعكس ان لازم يكون عندك مثابرة والتجمع لتحقيق الاهداف الكبيرة اللى انت عايزها.
كن كالماء هادى بس متستهونش بيه بيحمل فى هدوئه سكينة وفى قوته بيحمل عظمة شوف ازاى بيتسرب بهدوء من اصغر الفجوات بس عنده قدرة انه ياكل الصخور بعد فترة .
اتعلم من المياه انك متسبش العقبات تحدد مصيرك شوفها بطريقة انها حاجات جديدة تتعلم منها على التطور ولو لقيت طريق مسدود شوف طريق غيره زى ما المياه عندها القدرة انها تلاقى طريق للمخرج من اى شى خليط لطيف ولين بس حافظ على قوتك الداخلية واستقرارك .
وفى النهاية المياه بتعلمنا ان القوة واللين مش متناقضين لا دول بيكملو بعض
دمتم بخير دائما واسف على الاطالة
🤝🏻
