بما اني قريت كل الردود ف شايف أن الموضوع متشعب شويه
يعني لو الشخص بيستخدم الأسلوب ده ك طريقه أنه يوصل بيها للي هو عاوزه من الشخص التاني ف البتر حل مناسب لكل الحالات المستعصية دايما لانه هنا مبتز وبيستغل حاجه اللي قدامه له " و ده غالبا أن مكنش دايما محبكبش اصلا "
طب وهو ايه اصلا الحب .
من وجهه نظري أنه الحب الافلاطوني مش موجود لكن الحب اللي كلنا نعرفه وجربناه كل واحد من الطرفين ف العلاقه بيشبع حاجه واحتياج عند الطرف التاني ف أن كان الشخص ده بيستغل احتياجك لشئ هو بيديهولك مقابل محبته بأنه يعاقبك ببعده وسكوته حط قلبك تحت جزمتك و امشي
النوع التاني .. ناس بتستخدم الأسلوب ده عشان تعبر عن رفضها لشئ ما بيعمله الطرف التاني.. معاهم حق اه لكنهم برضه محلوش المشكله بالتالي لما الشخص التاني يعرف أن ده اخرك معاه هيتعود ومش هيدي لسكوتك قيمه " اول نفس من سيجاره بعد صيام تاثيره غير السيجاره ال 50 مثلا " و ده برضه يودينا لنفس الطريق... البتر .. اصل لو انت مش عارف تحل مشاكلك مع الشخص اللي معاك ولا عارف تكلمه وتعارضه كأنه منزه عن الغلط ف بتسكت يبقى ايه لازمه وجودك معاه ما انت كده كده مع الوقت هتضطر تروح تتكلم مع غيره عن اللي جواك ومش قادر تقولهوله و ساعتها برضه هتكون غلطان " لأنها هتتحط تحت بند خيانه "
