لما تحب امرأة عندها وعى هى مش هتفكر كتير هى هتحس هى اتعودت على مشاعر الحب بتعيشها كمان مع كل الكائنات.
مش هتبقى مهتمة باسئلة ملهاش لازمة زى.
هو ياترى بيحبنى
طيب هو ليه علاقات تانية
يا ترى هيخونى
هى بتبقى بره المساحة دى خالص بره عن الاسئلة دى هى كاكلة فى عنيها هى عندها اكتفاء ذاتى كبير اوى
مش هتحاول تخبرك كتير عن مشاعرها مش هتبقى سريعة فى انها تبدى معاك اى مشاعر هتحبك لما تشوفك انك شخص كويس وهتقدر كيانها وحقيقتها وقيمتها فى الوقت انت هتكون الراجل المثالى ليها.
هتعرف وعندها القدرة انت مين من اول لحظة تتكلم فيها معاها وعشان كده كل اللى هيعمل نفسه ذكى عليها الموضوع بينتهى معاها قبل ما يبتدى اصلا .
هى مش عايزة شخص تقليدى لازم تكون مجنون بس بعقل هتاخدك معاها فى نزهة كونية .
مش هتلاقيها بتكلمك كتير وقتها ملئ وحتى لو مش مشغولة هتبقى مسافرة فى ذاتها .
مش هتديلك كتير لدرجة انك ممكن تحس انها مش بتحبك انت بس اللى بتحبها بس فى لحظة هتوريك حبك انت نفسك مش هتقدر لا روحك ولا قلبك ولا عقلك يتحمله
عندها حكمة بالفطرة تعرف متى تديلك المشاعر دى وامتى توقفها .
هتكون معاها فى حالة عشق وانت مش مدرك او هتحاول تدرك بس مش هتعرف تفهم حاجة.
هتكون الوطن ليك والام والحبيبة والاخت والصديقة لما هتيجى تحكى ليها على مشكلة هتقزلك الحل بشكل بسيط بس بشكل غير مباشر
فى كل حضن منها هتحس بالطاقة اللى بتعالجك هتعرف امنى تخليك حبيب او ابنها او صديقها هتعرف تخرج منك الشعور المناسب .
هتشوف الحياة بين عنيها والدنيا بين اديها.
ايوه المرأة الواعية لو استيقظت هتلاقى فيها اختصار لمعانى الوجود
