قصيرة أسرار (2 مشاهدين)

[Dr. Yousef]

يا ليدي لما يقرأ القصتين الصغيرين اللي بعتها ليه هيعرف اني مخليه البطل في قصة منهم

لأ يا راجل

أحاااا بجد بطل واحده منهم لما أشوف طيب

أفضي بس وهقرأهم علي السبت

 

[SALEM]

يا ليدي لما يقرأ القصتين الصغيرين اللي بعتها ليه هيعرف اني مخليه البطل في قصة منهم

دي احسن من الاهداء يا غالي

 

[SALEM]

لأ يا راجل

أحاااا بجد بطل واحده منهم لما أشوف طيب

أفضي بس وهقرأهم علي السبت

اه و**** انت البطل في واحدة منهم
والكبير قرأ الاتنين علي فكرة وعجبوه جدا

 

[Dr. Yousef]

اه و**** انت البطل في واحدة منهم
والكبير قرأ الاتنين علي فكرة وعجبوه جدا

لأ أستني بقي أنا لازم أقراءهم

 

[SALEM]

لأ أستني بقي أنا لازم أقراءهم

 

[SALEM]

@AMGJR

 

[🦂 the king Scorpion]

موضوع مهم

 

[SALEM]

حبيبي
يشرفني انه شد انتباهك

 

[AMGJR]

أسرار..
******

إهداء..

إلي الصديق العزيز الذي تعرفت عليه من خلال المنتدي هنا..

الصديق الذي شجعني علي كتابة اول قصة لي ودخول المسابقة..

ارجو أن تنال هذه القصة إعجابه.. وإعجاب القراء، بعيداً عن الفوز بالمسابقة..

إلي صديقي aahmedegypt الباشا
********

مقدمة..

في حياة كل واحد فينا أسرار، أسرار مش بيقدر يحكيها حتي لنفسه، في اللي بيعيش مع أسراره و في اللي ما بيقدرش يستحملها وبتخنقه..

احيانا بنحتاج نحكي أسرارنا لحد...أي حد.. حتي لو كان غريب عننا منعرفوش ومش هنشوفه تاني..

نرمي تعبنا وخنقتنا عليه ونمشي مش عايزين منه حل او نصيحة، كل اللي محتاجينه حد يسمع وبس..

و ده سر من الأسرار دي..

************

في عيادة طبيب نفسي مشهور..

شقة أنيقة في عمارة فاخرة في حي راقي..

كل شئ مطلي بالابيض يعطي شعور بالراحة النفسية موسيقي هادئة منبعثة من مكان ما بصوت متوسط كخلفية للشعور المريح للمكان..

العيادة مفيهاش ناس كتير..

ماهو مش عشان طبيب مشهور لازم تلاقي الناس واقفة علي السلم مستنية الدور بتاعها..

مش عيادة امراض باطنة هي..

بتدخل واحدة ست جميلة جدا، جسم رياضي ومتناسق.

ماشية بهدوء وثقة.. ووقفت عند السكرتيرة..

الست: الدكتور موجود.

السكرتيرة: ايوة يا فندم في حجز سابق ولا لأ.

الست: لأ مفيش حجز سابق، هيبقي في مشكلة لو هاخد دور حد..

السكرتيرة: المفروض ان في معاد محجوز دلوقتي، بس الحالة لسه ما وصلتش، لو إتاخر عن معادة 15 دقيقة الحجز بيتلغي، ساعتها لو الحجز اللي بعده موجود بدخله، لو مش موجود ممكن ادخل حضرتك.

الست: يعني هتردي عليا بعد اد ايه؟

السكرتيرة: استريحي يا فندم ربع ساعة واعرف حضرتك الوضع ايه.

بعد ربع ساعة..

قامت السكرتيرة و خبطت علي باب في اخر الريسبشن وبعد كده دخلت..

5دقايق وخرجت وراحت للست اللي لسه قاعدة..

السكرتيرة: حضرتك يا فندم تقدري تدخلي للدكتور بعد 5 دقايق، الحجز الحالي اتلغي والحجز اللي بعد لسه ما وصلش، فمفيش مانع عند الدكتور ان حضرتك تدخلي..

الست: تمام ميرسي.

السكرتيرة: ممكن اخد شوية بيانات؟

الست: (بتوتر) بيانات ايه؟

السكرتيرة: الاسم والسن والعنوان والحالة الاجتماعية، ما تقلقيش يا فندم الداتا بتاعة الحالات دايما بتبقي سرية.

الست: اسمي سميره، مدام، السن 40سنة، العنوان ....................

السكرتيرة: تمام يا فندم.

رجعت السكرتيرة للدكتور تاني وبعد كده خرجت وهي بتقول..

السكرتيرة: اتفصلي مدام سميره

قامت سميره وخبطت علي الباب وسمعت صوت هادي قوي بيقول

الدكتور: ادخل

سميره دخلت وشافت الدكتور كان واقف في استقبالها بابتسامة هادية وملامح وقورة..

الانطباع الاول لسميره..

دكتور في حوالي الـ40 او 45 من عمرة، في بعض الشيب في شعرة، طويل جسمه رياضي، عينيه بني بدقن خفيفة فيها بعض الشيب بردو.

الاوضة كلها بالابيض وواسعة مش عارفة عشان اللون مخليها واسعة او هي كبيرة فعلا..

لابس بدلة واضح انها غالية وقالع الجاكت وواقف بالصديري بس ومقفول..

الدكتور: اتفضلي يا مدام سميره، انا عامر محسن.. استريحي.

سميره: ميرسي يا دكتور. وقعدت..

عامر: خير يا مدام سميره، تحبي نبدأ منين؟

سميره: مش عارفة يا دكتور عامر، كنت فاكرة انك هتبدأ تسألني والكلام يجيب بعضه.

عامر: أولا ناديني عامر بس، ثانياً تحبي نتكلم وانت قاعدة علي الكرسي ولا الشيزلونج هيبقي مريح اكتر ليكي؟

سميره: لأ أفضل اني ابقي علي الكرسي.

عامر: تمام.. انا عايز اوصل بيكي لكل اللي يوصلك للهدوء النفسي.

سميره: ميرسي يا دكتور

عامر: قلنا عامر بس، عشان يبقي في نوع من التفاهم مش مجرد دكتور وحالة، عشان نبني جسر ثقة بيننا.

سميره: تمام يا عامر.

عامر: تحبي نبدأ منين؟

سميره: بجد مش عارفة.

عامر: ماشي، هبدأ انا.. هل سميره اسمك الحقيقي؟

سميره: (بإبتسامة خفيفة) لأ بس خليها سميره دلوقتي.

عامر: انا عارف اني هحتاج وقت لحد ما اوصل لثقتك الكاملة، بس مش عشان كده سألت السؤال ده، انما ده هيوصلني لسؤالي التاني الي هو.. اشمعني الاسم ده؟

سميره: معرفش اخترته علي اي اساس، بس اول اسم جه في بالي لما السكرتيرة سألتني عن اسمي، وطبعا العنوان مش عنواني الحقيقي، الحاجة الوحيدة اللي كانت صح اني مدام.

عامر: عندك حق.

سميره: تقصد ايه؟

عامر: اقصد انك ماقلتيش سنك الحقيقي.

سميره: مفيش ست بتقول سنها الحقيقي.

عامر: مفيش مشكلة بس عموما العنوان مش مشكلة اننا نعرفة، والاسم اللي اخترتيه ليه معني معين في عقلك وهنوصل ليه مع بعض، اما السن فإنت سنك 35.

سميره: (بدهشة) عرفت ازاي؟

عامر: خبرة السنين، المهم يا سميره هل انا اول طبيب نفسي تزوريه ولا كان في قبلي؟

نظرت سميره طويلاً الي نافذة الغرفة التي احتلت حائط بأكمله مطلة علي منظر رائع للنيل ليلاً..ثم قالت..

سميره: انت مش اول دكتور اروحله، انت الرابع، منهم اتنين بره مصر، ومحدش فيهم عرف يوصل لحل، هنا اتوصفلي مهدئات ومضادات اكتئاب، وبره نفس الموضوع..لأ كمان اقترحوا جلسات كهربا..

صحباتي القريبين اقترحوا عليا اروح لدجالين، شوف التخلف وصل لإيه، الدجل والشعوذة..

وطبعا اللي هيقوله الدجال ان عليا عفريت وعايز وعايز وعايز وهبقي بالنسبة بقرة بتجيب فلوس..

اما انتم يا دكاترة الطب النفسي سواء هنا او برة كلكم تشخيصكم واحد إكتئاب حاد او فصام..

مش بتفرقوا بين مريض والتاني تشخيصكم لكل الحالات يبيقي بين التشخصين دول إكتئاب أو فصام بس مفيش تالت..

الفحوص اللي يتعملوها هي هي، كلامكم اللي بتقولوه هو هو..

دا انا بقيت بفهم في الطب النفسي اكتر منكم..

لم يرد عامر عليها، وعندما نظرت اليه وجدته ينظر اليها بعينين كانهما عيون صقر متفحص لوجهها..

كان عامر يتفحص وجهها، ارتعاشة فمها اثناء الحديث، توتر نظراتها..

نظرت اليه قليلاً وظهر علي وجهها خوف من نظرة عينيه.. من الملامح القاسية المرسومة علي وجهه والصرامة البادية فيه..

سميره: انت زعلت يا دكتور.

عامر: ................

فجأة انفجر عامر ضاحكاً حتي ادمعت عيناه.. وسميره تنظر له بذهول من ردة الفعل الغريبة..

سميره: انت بتضحك يا دكتور، دا ردك علي كلامي.

اقترب عامر منها وامسك بيدها وهو يقول..

عامر: انتي قولتي الحقيقة بالظبط..بصراحة رأيك في الاطباء وخصوصاً النفسيين منهم هو نفس رأيي، مش بكدب عليكي، بصي انا ليا مقال بسيط في مجلة علمية، وكنت كتبت رأي بالمعني ده، تحبي تشوفيه؟

سميره: (بلهفة) فين هو؟

قام عامر وراح ناحية مكتبة كبيرة في الجنب التاني من الاوضة ووقف قصادها شوية بيدور بعينيه عن حاجة..

ومسك مجلة من وسط المجلات اللي عنده، قلب صفحاتها شوية ووقف عند صفحة يتأكد منها، بعد كده ابتسم ورجع قعد علي مكتبه وهو بيتاول سميره المجلة..

مسكت سميره المجلة وبتقرأ المقال بإهتمام وعلي وشها إبتسامة غريبة..

عامر ساكت ومركز في ملامح وشها بتركيز عالي..

من أول ما دخلت مكتبه وهو شايف في عينيها نظرة غريبة كش نظرو الخوف او التوتر اللي بتحاول تبينهم..
لأ دي مش ست خايفة، دي بتحاول تبين انها خايفة او ضعيفة، في حاجة غامضة في الست دي..

سميره بعد ما خلصت قراءة المقال انفجرت من الضحك بشكل هيستيري لدرجة انها دمعت..

بعد دقايق من الضحك تمالكت اعصابها..

سميره: اهو شهد شاهد من أهلها..

عامر: من الضحكة دي افهم انك بداتي ترتاحي شوية ليا؟

سميره: دا صحيح.

عامر: نتكلم عنك شوية بقي؟

سميره: ماشي.

عامر: عايزك تحكيلي اي حاجة ايا كانت اي هي حتي لو مش مرتبطة بالموضوع الاساسي اللي خلاكي تشرفيني هنا.

سميره: قبل ما أبدأ احكي اي حاجة هسألك سؤال.

عامر: اتفضلي.

سميره: المفروض ان اي حاجة بقولها هنا هتفضل هنا بين الاربع حيطان دول.. صح؟ بمعني ان مفيش حد أياً كان هيعرف حاجة عن اللي هقوله..صح؟

عامر: طبعاً حضرتك، القانون وشرف المهنة قبله بيمنعني من إني أطلع أسرار الحالات بتاعتي مهما كانت طبيعة الأسرار دي.

سميره: عظيم.. كده أقدر أقول اللي عندي.

عامر: اتفضلي حضرتك اتكلمي وانتي في منتهي الاطمئنان من النقطة دي، بس هنسجل الجلسة عشان أرجع للتفاصيل لو إحتجتها..

سميره: لأ يا دكتور..من غير تسجيل تمام. اسمعني كويس، انا مش جايه هنا عشان تعالجني او توصفلي علاج والكلام ده،

انا جايه هنا عشان عايز حد غريب يسمعني وأحكي كل اللي عندي وبعد كده مش هيشوف وشي تاني.

عامر: مفيش مشكلة، بس ليه انا؟ و ليه طبيب نفسي من الاساس؟

سميره: ليه انت..عشان سمعت عنك كتير وانا في انجلترا وعلي فكرة انا قرأت المقال ده قبل كده وعشان كده جيت هنا،

ليه طبيب نفسي من الاساس مش اي انسان تاني.. عشان السؤال اللي سألته ليك من شوية والقسم اللي انت واخدة علي نفسك كطبيب انك تحافظ علي اسرار الحالات بتاعتك.

عامر: (بإبتسامة) تمام حضرتك.. كده فهمتك، اتفضلي احكي وانا سامعك، ومش هقاطعك الا في أضيق الحدود.

سميره: تمام يا دكتور..

وبدأت تحكي...

سميره: انا يا دكتور من عائلة راقية، أب و ام أطباء مشهورين في تخصصهم، و انا بنتهم الوحيدة، كبرت وسط حبهم ورعايتهم لحد ما اتخرجت من الجامعه..

ما رضيتش اشتغل بعد الجامعه علي طول وكنت عايزة اسافر اشوف اوروبا، وبابا وماما مارفضوش وجهزولي رحلة ازور فيها اوروبا كلها.. رحلة كانت مدتها 6شهور، بس كانت هتبقي رحلة العمر..

سافرت ايطاليا وفرنسا وانجلترا والنمسا واسبانيا وتركيا...كل دولة شهر..

كانوا أجمل 3 شهور في عمري..

عامر: آسف للمقاطعة بس انتي قولتي الرحلة 6شهور..

سميره: كنت عارفة انك هتسال السؤال ده بالذات، بس انا لما وصلت إنجلترا اتعرف علي شاب هناك وأعجبت بيه، شاب من عائلة كبيرة جدا في مصر وجاي يتابع شغل العائلة في لندن، كملت رحلتي في لندن وقابلته كام مرة بعدها لحدد ما خلص شغله وكمل معايا الرحلة في لندن، وعرف جدول رحلتي الباقي وقرر انه يكمله معايا، فرحت جداً وخصوصا لما عرفت انه زار اسبانيا وتركيا كذا مرة قبل كده وبيعرف يتكلم تركي كويس جدا..

سافرنا النمسا وقربنا من بعض اوي مقدرش اقول اني حبيته بس كنت مبسوطة وانا معاه جدا، كنت بكلم ماما وبابا كل يوم تقريبا بطمنهم عليا وأطمن عليهم، وعرفت ماما علي وجود سيف معايا في الرحلة..

في اول قلقت جدا واعترضت بس مع الوقت قلقها بقي أقل..

وسافرنا اسبانيا بعدها و كانت من اجمل البلدان اللي روحتها، ووجوده معايا خلي الرحلة اجمل كمان، كان كل مكان في اسبانيا وروحنا اماكن كتير بره البرنامج..

وبعد كده سافرنا تركيا في الوقت ده انا مكنتش اقدر استغني عنه، وجوده بقي شئ اساسي في حياتي، كان بيعاملني كأني أميرة..

عدوا اجمل 3 شهور في عمري كله وخلصت رحلتي وكان لازم ارجع مصر..

بس هو مكانش هيرجع معايا كان لازم يرجع لندن تاني.. وكنت حزينة جدا بس هو وعدني انه هيكلمني كل يوم لحد ما يرجع مصر، ولما يرجع هيكون مجهزلي مفاجأة كبيرة..

فعلاً قعدنا 3شهور نتكلم في الفون يومياً، مفيش يوم انشغل عني.

وبعد كده اختفي اسبوع من غير مكالمة واحدة، كنت هتجنن واطمن عليه مكنتش عارفة اوصل له..

كان اسوأ اسبوع مر عليا، كنت بعيط طول اليوم وكل يوم..

بعد الاسبوع ما خلص لقيته هو بينصل..

كنت فرحانة جدا بالاتصال ده و في نفس الوقت كنت متضايقة منه انه سابني طول الاسبوع بالشكل ده..

بس مقدرتش ما اردش، رديت عليه بكل لهفتي..

الو كنت فين لليه سيبتني كده حرام عليك، انا عملت ايه لكل ده يا سيف.

اديني فرصة بس ارد، اولا انا اسف يا حبيبتي، كلن عندي مشكلة كبيرة جدا جدا هنا وكان لازم قبل ما اكلمك اكون نهيت المشكلة دي من جذورها..

مشكلة ايه دي، وليه مكنش ينفع تكلمني غير لما تخلصها، انا مش فاهمه حاجة، اشمعني المشكلة دي، ما كان بيحصل مشاكل في شغلك وبتكلمني بردو، دا احنا كنا بنحل مشاكل شغلك سوا.

يا سميره المشكلة المرة دي مش في شغلي، المشكلة كانت في العائلة.

في العائلة!! طب ليه؟ وبين مين ومين؟

ماما وبابا واختي جنب وانا قصادهم من الجنب التاني.

ليه يا سيف انت كده واقف قصاد عيلتك كلها، ليه كده؟

عايزين اني اتجوز وشافو العروسة وتقريباً اتفقوا جايين بس يبلغوني،

طب وانت رديت عليهم بإيه يا سيف؟

ده كان اصعب اسبوع عدي عليا، لأني عرفتهم اني مرتبط بواحدة وبحبها جدا وعايز اتجوزها..

لحظة صمت عدت علي سميره من غير رد..

سميره..سميره انتي معايا، الو الو فريدااا

ايو يا سيف معاك، انت بتقول انك مرتبط.. طب ازاي وامتي؟

ازي وامتي ايه يا سميره؟ هو انتي مش فرحانة؟

افرح بإيه، افرح وانت بتقوللي انك مرتبط، ومرتبط من امتي وماقولتليش ليييه؟

ههههههههههههههههههههههههههههههههه

انت بتضحك يا سيف، بتضحك، بتضحك علي ايه، انا مش عايزة اعرفك تاني، حرام عليك بجد انا حبيتك، انت الانسان الوحيد اللي حبيته، حرام عليك.

بحبك.

دقايق من الصمت عدت..

سميره انتي سامعه، انا بحبك انتي يا مجنونة، ومرتبط بيكي من اول مرة شفتك، وعايز اتجوزك انتي.

سميره مصدومة ومش بترد..

سميره.. سميره ردي عليا، سميره انا بحبك وعايز اتجوزك، واول ما انزل مصر هتقدملك.

سميره بردو مفيش رد لسه بتستوعب اللي سيف بيقوله..

لأ كده مش طبيعي، طب انتي كويسة؟ سميره ردي عليا.. ردي مش هينفع كده.

ايوة سيف معاك.

ياااااه اخيراً، ايه يابنتي في ايه، لو مش موافقة قولي، لو شايفة اننا اصحاب وبس ماشي، انا كفاية عليا بس اني..

اصحاب ايه يا سيف..اصحاب ايه، انا بحبك، انا كنت هموت لما قولت انك مرتبط، إفتكرت انك مرتبط بواحدة تانية قبل ما اعرفك، انا كان هيجيلي جلطة دلوقتي.

هههههههههه بعد الشر عنك يا قلبي، طب انتي موافقة يعني اني اتقدملك لما ارجع.

طبعا موافقة، موافقة جداً، انت هترجع امتي.

محتاج اسبوع هنا اظبط شوية حاجات و ارجع علي طول.

ترجع بالسلامة.

تسلميلي يا قلبي، يلا هقفل دلوقتي عشان اشوف الحرب اللي عندي.. سلام.

سلام.

وفعلا رجع بعد اسبوع، و جه البيت واتفق مع بابا علي معاد الخطوبة وانه يجيب اهله، و جابهم معها واتفقنا علي كل حاجة، واشتري فيلا وكتبها بإسمي وفتح حساب ليا في البنك وحط فيه مليون دولار..

سألته ليه كل المبلغ ده؟

وكان رده بأمنلك مستقبلك.

مفهمتش رده بصراحة، بس كنت فرحانة إنه بيحبني وخايف عليا..

انا زي ما قولت يا دكتور قبل كده انا من عائلة مرتاحة ماديا بشكل كبير، يعني مش محتاجة فلوس او فيلا..

وكان بيعمل كل حاجة بسرعة غريبة، كانه عايز يخلص قبل وقت محدد، بس مفهمتش في ايه بردو..

المهم حددنا معاد الفرح.. واصر اننا نخرج من الفرح ع المطار وتبقي ليلة الدخلة في لندن..

كنت مستغربة من التسرع الغريب اللي هو فيه، ليه الاستعجال ده؟ و ليه الدخلة تبقي في لندن؟

كان ممكن نقضي الليلة في الاوتيل ونسافر بعد يوم او اتنين بعد زيارة اهلي واهله، العادات المتعارف عليها يعني..

بس بردو ما وقفتش عند النقطة دي اوي، وقلت لنفسي اننا غير اي اتنين متجوزين، احنا بنحب نكون مع بعض وبس..

سكتت سميره عن الكلام وبتبص للدكتور عامر بتشوف رد فعله علي كلامهما..

ايه يا دكتور، انت كنت بتقول انك مش هتقاطعني غير في اضيق الحدود، بس انت ماقاطعتنيش خالص اصلاً.

ابدا يا مدام سميره، انا بس برسم في خيالي ابعاد المشكلة فمنتظر اسمع الموضوع للاخر، بس عموما ممكن اقاطعك وأسألك تشربي ايه؟

ياااه يا دكتور انت لسه فاكر.

انا بعتذر طبعاً، بس ملحوقة، تشربي ايه؟

ممكن قهوة؟

لأ هنا مش بنقدم اي مشروبات بكافيين للحالات اللي بتيجي، كل المشروبات اللي هنا بتبقي عشان هدوء الاعصاب.

طب تمام، ممكن لمون.

تمام يبقي 2 لمون.

ههههههههههههه اتنين لمون وشجرة بقي.

هههههههههههه ده علي اساس اننا قاعدين بنحب في بعض.

هزار يا دكتور بهزر معاك.

مفيش مشاكل حضرتك (داس علي زرار جنبه) هاله 2 لمون لو سمحتي.

حاضر يا دكتور.

دقايق عدت ودخل الفراش باللمون وخرج..

شربت سميره منه شوية وهي ساكت وعامر بردو ساكت..

ممكن ادخن ولا مش مسموح؟

لأ حضرتك ممكن تدخني وانا كمان هدخن.

طب ليه ما ولعتش سيجارة واحدة من ساعة ما دخلت يا دكتور؟

عشان مش عارف اذا كنتي بتدخني ولا لأ، فعشان ما اضايقش حضرتك، بس طالما هتشربي يبقي خلاص، اشرب انا كمان.

ولعوا الاتنين سجايرهم وبيشربوا وهما ساكتين..

تحب أكمل واحنا بنشرب السيجارة.

لأ...الأفضل نتكلم في اي موضوع غير الموضوع الاساسي مؤقتاً.

ليه يا دكتور؟

عشان عايزك تفصلي شوية وتمسكي أعصابك.

مش فاهمة....تقصد إيه؟

أقصد إن كل اللي حكيتيه ليا ده كان تمهيد للمشكلة مش المشكلة نفسها، وانتي وقفتي عند الفرح والسفر مخصوص عشان اللي جاي هيكون صعب عليكي تحكيه، عشان كده وقفتي كلام وطلبتي تشربي حاجة وتشربي سيجارة.

سميره ابتسمت وما ردتش..

شربوا السجاير واللمون وقام عامر خرج للسكرتيرة ورجع تاني قعد علي مكتبه..

اعتقد يا دكتور ان وقتي المفروض يكون خلص من فترة، انا بقالي ساعتين هنا.

انا هن نفسي معنديش مواعيد تانية، واتأكدت من كده لما خرجت لـ هالة، الحالة اللي بعدك اعتذرت، فأنا كده فاضي باقي اليوم، بس لو حضرتك تعبتي ممكن نحدد معاد تاني.

لأ يا دكتور، انا لو خرجت مش هرجع، فلو حضرتك تقدر تكمل انا كمان هكمل.

زي ما قلت لحضرتك انا مش مرتبط بأي مواعيد تانية النهاردة، وقتي اللي فاضل متاح لحضرتك، وانا محتاج اسمع باقي الحكاية بصراحة.

تمام يا دكتور، ميرسي ليك، ميرسي بجد.

مفيش داعي حضرتك دا واجبي، اتفضلي كملي، وبردو مش هقاطع حضرتك غير في أضيق الحدود.

سميره خدت نفس طوييل وخرجته وبدأت تكمل الحكاية..

مجدي – ياسر – رامي – هاني

أصحاب سيف الأربعة واقرب الناس ليه أكتر من أهله، حكالي عنهم كتير وانهم مش بيفترقوا عن بعض ابدا، ويعرفوا عن بعض كل الاسرار وادق التفاصيل اللي اهاليهم نفسها ماتعرفهاش..

حكالي عنهم قبل كده وحكالي عن مواقفهم ومغامراتهم مع بعض..

قاللي انهم يعرفوا قصة حبنا من الاول، لتضايقت انهم عرفوا قبلي، بس مركزتش في النقطة دي اوي، قلت اصحاب من سنين واسرارهم مع بعض ودايما بينصحوا بعض في كل حاجة..

اول ما وصلنا مطار هيثرو في لندن لقيت الاربعة واقفين مستنين..

اتفاجئت فعلاً بوجودهم، بس قلت اكيد هو بلغهم وطبعا لازم يكونوا موجودين يستقبلوا صاحبهم..

سلموا عليا وسلمت عليهم وكانوا فرحانين لصاحبهم وكل شوية واحد يقول لـ سيف حاجة في ودنه و سيف بيضحك ويرجع يوشوشهم..

كلام رجالة في بعض بقي مليش دعوة بيه..

طلعنا ركبنا العربيات ووصلونا للبيت..

الساعة كانت 7 الصبح وطبعا بعد رحلة 5 ساعات كنت هموت و انام بس كنت فايقة وبحلم بليلة العمر زي ما بيقولوا..

وبدأت المفاجئات

اتفاجئت انه بيشرب خمور، وكان عايز يخلين اتفرج معاه علي فيلم سكس قبل العلاقة بيننا، والفيلم كان عنيف اوي، واتفاجئت ان هو نفسي عنيف في العلاقة ومقصدش قوي يا دكتور لأ كان كان...

وهنا سكتت سميرة وبدأت عينيها يبقي في دموع..

تقصدي ان الفيلم كان بيتكلم عن السادية وهو كان سادي.

ايوة يا دكتور بس بردو استحملت عشان بحبه وقلت هحاول اعرفه انا بحب ايه.

مدام سميرة حضرتك كل ده بتحاولي توصليلي انك بتشتكي من معاملة جوزك السادية.

لأ طبعاُ يادكتور، مش قلتلك انكم كلكم كاطباء نفسيين دايما تشخيصكم جاهز.

انا اسف للإستعجال، كملي حضرتك.

تمام يا دكتور.

بعد أسبوع كنا قاعدين وقاللي..

عايز اعمل حاجة جديدة.

حاجة جديدة زي ايه؟

ما تشغليش بالك، انا هحضرلك مفاجئة النهاردة.

مفاجئة ايه.

اولا انا عازم اصحابي النهاردة هنا نسهر مع بعض، يتعرفوا عليكي أكتر.

ويتعرفوا عليا اكتر ليه، المفروض ان العلاقة معاهم تكون بحدود.

يا حبيبتي دول اصحابي واكتر من اخواتي يعني زي اخواتك بردو.

ماشي يا حبيبي..اللي انتي عايزة.

وفعلاً بالليل اصحابه وصلوا، الاربعة كانوا مع بعض وواحد فيهم كان معاه شنطة (سبورت باج)..

دخلوا وقعدوا وقمت عشان اجيب عصير ليهم ورجعت وقعدت معاهم

حبيبتي معلش ممكن تعملي قهوة مظبوط لمجدي عشان ملوش في جو العصاير وكده.

معلش يا مرات اخويا هتعبك معايا.

ابدا حضرتك مفيش تعب.

حضرتك ايه بيقولك مرات اخوه يبقي تقوليله مجدي علي طول.

واحدة واحدة يا رامي لسه مش متعودة عليكم.

ماشي يا سيف.

قمت اعمل القهوة ورجعت وقدمتها لمجدي..

وقعدت جنب سيف وهو ناولني كوباية العصير بتاعتي..

فضلنا نتكلم ونضحك واحنا بنشرب العصير كواقف كوميدية ومقالب كانوا بيعملوها في بعض..

فجأة بدأت أحس ان الدنيا حر وبدأت أعرق ، وبدأت أحس بهيجان..

في حاجة غلط..

انا كنت طبيعية من شوية، ايه اللي حصل؟ ايه اللي اتغير؟

حاولت اسيطر علي أعصابي وضميت رجلي علي بعضها بقوة عشان أسيطر علي نفسي بس كان صعب..

إستأذنتم اني اقوم لأني تعبانة شوية لقيت رامي قام من مكانة و قعد جنبي، وبقيت بينه وبين سيف، بصيت لسيف لقيته مبتسم عادي، حاولت أقوم مسكني من دراعي بقوة وجعتني وعلمت في في ايدي..

انت بتعمل ايه؟ سيف شوف صاحبك.

اقعدي يا سميرة رامي معملش حاجة.

معملش حاجة، قاعد جنبي ولازق فيا وماسكني من ايدي ومعملش حاجة، اومال عايزة يغتصبني عشان يبقي عمل.

لقيتهم كلهم بيضحكوا..

استغربت من رد فعلهم بس كانت صدمتي في سيف انه بيضحك معاهم.

تقصدي حضرتك ان جوزك طلع ديوث وعامل حفلة عليكي لصحابه، واكيد حطوا في العصير منشط جنسي.

اغتصبوني يا دكتور، مش مجرد ديوث، دول بيستمتعوا بالاغتصاب والسادية، ضربوني وشتموني واغتصبوني بأبشع الطرق، جسمي اتقطع من الضرب بالحزام وكان معاهم عصايا مطاط وكلبشات ودبابيس ومشابك حديد..

بدلوا عليا الخمسة واوقات كانوا بيبقوا اتنين او تلاتة مع بعض.

صدمتي كانت في سيف اللي كان واقف بيصور لما يكون مش بيشارك او حد غيره بيصوره معايا..

دمروني...دمروا جسمي...دمروا نفسيتي..

وهنا دموعها نزلت بدات تعيط بدون صوت..

طب ازاي مصرختيش ازاي محدش حس من الجيران او امن المكان، صحيح انا عارف ان كل واحد في حاله هناك بس ممكن يشتكوا من الصريخ او الازعاج اي حاجة.

الشقة كانت عازلة للصوت.

امممممم، يعني لو فضلوا يعذبوا فيكي للصبح محدش هيحس بيكي.

اسبوع.

ايه!! معلش مسمعتش كويس.

أسبوع.

أسبوع ايه مش فاهم.

فضلوا يغتصبوا فيا أسبوع، 7 أيام كاملة بيبدلوا عليا أو بيتجمعوا عليا.. لحد ما زهقوا مني.

وازاي مخرجتيش من البيت او ماحولتيش تهربي.

لأنهم كانوا رابطين رقبتي بسلسلة طويلة متثبتة في الحيط زي طوق الكلب، وطويلة تخليني انام علي الارض..

مجدي كان بيحب يعمل معايا وانا مربوطة في السلسلة.

ياسر و رامي كانوا بيفكوا السلسلة الاول ودايما الاتنين مع بعض بيعملوا معايا.

هاني كان بيحب يضربني بس وكان بيهيج بس من صوت عذابي من الضرب مش بيعمل معايا، لأ كان بيضربني بس.

سيف كان أغلب الوقت بيصور وكان بردو بيهيج وهو بيتفرج، كانه بيتفرج علي فيلم سكس سادي.

بعد ما الاسبوع خلص وهما كانوا زهقوا مني فكوني وقعدوا معايا..

انتي عارفة احنا ممكن نعمل فيكي ايه.

هي فاهمة يا هاني أكيد، ومستحيل تنطق بكلمة.

يا مجدي احنا مصورين كل حاجة، فضيحتها هتبقي بجلاجل لو نطقت بحرف واحد، ولا ايه يا سمير.

صح كلامك يا ياسر.

بصي بقي يا حلوة، ده مزاجنا كلنا بنحب السادية، متعتنا كده، بس مش مجرد اننا نجيب واحدة من الشارع نعمل معاها كده وخلاص لأ.. احنا بنحب تكون واحدة بريئة متعرفش حاجة عن أي حاجة، متعتنا بتبقي اكبر، وكل ما قاونت كل ما متعتنا بتزيد، وانتي مش أول واحدة انتي التالتة او الرابعة، لأ الرابعة..

مجدي كان اول واحد جاب مراته، وبعده هاني، وبعده ياسر، ودلوقتي سيف..

كده يبقي انا اللي عليا الدور يا رجالة صح ولا ايه.

ايوة يابو رامي يا جامد، عايزين نشوف ذوقك بقي.

بصراحة ياض يا مجدي ذوق الواد سيف احلي من التلاتة بتوعنا بجد.

عندك حق ياض يا هاني، دا انا البت اللي اتجوزتها بالنسبالها شبشب.

استنوا بقي نتكلم جد شوية.. دلوقتي يا سميرة عايزة ايه؟

معرفتش انطق بأي حاجة ومكنتش مستوعبة اللي بيحصل، مش فاهمة علي مش مصدقة علي مصدومة..

كوكتيل مشاعر مختلف.

وهما فضلوا ساكتين مستنين ردي.. اول كلمة نطقتها والوحيدة اللي عرفت ارد عليه بيها هي..

طلقني.

مفيش مشكلة هطلقك، وكده كده تمن الاسبوع وصلك مقدم الفيلا والمليون دولار اللي في البنك.

مش عايزة منك حاجة.

براحتك، ودلوقتي يا رجالة كل واحد يطلع الرهان اللي عليه.

بصراحة تستاهل الرهان يا سيف.

طبعا دي كانت صدمة جديدة ليا انه كان متراهن عليا معاهم..

مستغربة ليه اول مرة شوفتك في الكافيه كنا كلنا مع بعض وشوفناكي وعجبتينا، واتراهنا اني اجيبك تحتنا، و ده كان سبب الاستعجال في اجراءات الجواز والسفر، وسبب ان الدخلة تبقي في لندن مش مصر، مدة الرهان كانت قربت تخلص، فكان لازم أنجز.

انت احقر.....

من غير شتيمة انت ليكي فيديوهات كتيييييييييير لو اترفعوا هيعملوا نسبة مشاهدة بنت وسخة، هنزل اطلقك وانتي جهزي نفسك عشان ترجعي مصر، لو شوفتك صدفة هدمرك.

رجعت مصر وكنت دخلت في حالة صدمة واكتئاب، واتعرضت علي دكتور نفسي في مصر ، واتنين في المانيا لأني رفضت اروح انجلترا تاني.

سؤال يا مداد سميره.

اتفضل يا دكتور.

الحادثة دي بقالها اد ايه؟

5 أو 6 سنين يا دكتور.

بس ليه بعد 5 أو 6 سنين جايه تحكي القصة دي دلوقتي، لسه مش قبل كده؟ من الواضح كمان انك اول مرة تحكيها، يعني الزملاء اللي قبلي مايعرفوش حاجة عن الموضوع ده.

يا دكتور محدش يعرف حاجة عن الموضوع ده، انت اول واحد يسمعه.

طب ليه؟ ليه انا بالذات، اكيد مش سمعتي اللي جابتك هنا، وتشخيصي مش هيكون أقوي أو مختلف عن الزملاء اللي قبلي.

ده صحيح يا دكتور.

طب ليه؟ جيتي هنا ليه؟

كنت محتاجة حد احكي ليه السر اللي شايلاه طول السنين اللي فاتت.

طب بعد ما حكيتي السر ناوية علي ايه.

بس انا ما قولتش السر اصلاً لحد دلوقتي يا دكتور.

نعم!!!! تقصدي إيه؟ اومال اللي فات ده كله يبقي ايه؟

السر يا دكتور اللي شايلاه بقالي سنين لسه هقوله، بس بأكد علي حضرتك تاني قبل ما اقوله ان شرف المهنة بتاعك والقانون بيمنعك انك تخرج السر ده بره حدود الاوضة دي.

قبل ما يرد جهاز الاتصال الداخلي رن..

رد عامر..

ايوة يا هالة

اسفة يا دكتور مواعيد الشغل خلصت وبستأذن حضرتك اني امشي انا وعم صالح.

تمام يا هالة خلي عم صالح يعملي قهوة ويعمل لمون للضيف.

معلش ممكن اشرب قهوة معاك

بص عامر لسميره شوية وبعد كده قال..

قهوتك ايه؟

زيادة.

هالة خلي عم صالح يعمل قهوة زيادة وقهوتي ويجيبهم وتمشوا.. تمام.

تمام يا دكتور.

فضلوا قاعدين ساكتين لحد القهوة ما جت وشربوها مع سيجارة وهما بردو ساكتين وعامر سرحان طول الوقت ده..

ايه يا دكتور سرحت في ايه؟

اااه لا ابدا ان معاكي وسامعك

معايا ايه بس، بجد سرحت في ايه؟

بصراحة بحاول ارسم سيناريو للسر اللي لسه هتقوليه، بس مش متخيل اي حاجة ابشع من اللي قولتيه، ايه اللي ممكن تقوليه اكتر من كده ويكون بالنسبة ليكي سر رهيب واكبر من الحادثة البشعة اللي حصلت معاكي.

هقول يا دكتور صحيح مش هحكي تفاصيل، بس هو اعتراف مش أكتر.

إعتراف!! عايزة تعترفي بإيه؟

خلال الـ 3 سنين اللي فاتوا حصل 5 حوادث راح نتيجيتها 5 شباب من عائلات معروفة وكبيرة، محدش عارف ماتوا ليه لأنهم كلهم ماتوا مقتولين وبأبشع الطرق الممكنة وكل واحد مات وكان علي جسمه اثار تعزييب رهيب والعضو بتاعه مقطوع.. كلهم ماتوا بعد ما اعترفوا بذنبهم بس ما فرقش معايا اعترافهم بذنبهم او ندمهم، كلهم يستاهلوا اللي حصل فيهم. سيف...مجدي...ياسر...رامي...هاني.

الاسم اللي اخترته لما قابلت السكرتيرة كان اول حرف من كل اسم ((س..م..ي..ر..هـ))

عشان افضل فاكراهم وهفضل فاكراهم لأنهم السبب في كل حاجة وكل تغيير حصللي..

دلوقتي يا دكتور انا حكيت السر وعرفة انك مش هتقول حاجة ولو حتي قلت معندكش دليل، لأنك ما سجلتش الجلسة طبعاً زي ما اتفقنا في الأول..

عامر ساكت ومصدوم ومش بيرد..

انا اسفة يا دكتور علي الوضع اللي حطيتك فيه، بجد اسفه... انا همشي دلوقتي وزي ما قولت لحضرتك قبل كده، مش هتشوف وشي تاني، لأن أنا مش من القاهرة أصلاً..

وقامت واتمشت ناحية باب الاوضة وبتفتحه ورجعت بصت لـ عامر مرة تانية..

انساني يا دكتور وانسي كل اللي اتقال هنا، دا عشان سلامك النفسي... ميرسي ليك يا دكتور علي انكم سمعتني بإهتمام و آسفة مرة تانية بجد، وميرسي تاني... سلام يا دكتور.

و خرجت وقفلت الباب وراها وخرجت من العيادة...

فضل عامر قاعد علي مكتبه مصدوم من كل اللي سمعه بس كطبيب نفسي تمالك اعصابه بسرعة وفضل يفكر في حاجة اهم..

في دلوقتي واحدة جت اعترفت بـ5 جرائم قتل..

هو محتار دلوقتي هل يحافظ علي شرف المهنة والقسم بأنه يحافظ علي أسرار المرضي بتوعه، ولا يخالف شرف المهنة و يبلغ عنها كأي إنسان عرف بوجود جريمة ولازم يبلغ عنها..

يعمل إيه؟

يعمل إيه؟

****

تمت،،،

رووووووووووعة بجد ايه الدماغ دى شابوووه يا صديقى
يستلهلو اللى حصل فيهم بامانه

 

[SALEM]

رووووووووووعة بجد ايه الدماغ دى شابوووه يا صديقى
يستلهلو اللى حصل فيهم بامانه

و**** فرحت انها عجبتك
وتعليقك ده انك كنت متغاظ منهم اوي