ثقافة حوار في فيلم الخائنة بين محمود مرسي و عمر الحريري (1 مشاهد)

[جدو سامى 🕊️ 𓁈]

- الرواية اللي معاك دى بتاعت مين..؟
صمويل بيكيت Endgame...لسه الراجل المتشائم ده مأثر عليك..؟
=ده مش متشائم يا أحمد...ده واقعي جدا...
الراجل بيقول أن الحياة عبث وكلام فارغ لأنها في النهاية ضياع وموت؛ يعني عايشين عشان نموت..!
= الموت ده نصيب كل انسان يا شاكر...
- ايه فايدة مليون جنيه في ايدك ويختفوا منك غصب عنك؟!
=اصرف فيهم يا اخي لحد ما يضعيوا...اعمل لدنياك كأنك تعيش ابدا واعمل لآخرتك كأنك تموت غدا...
=اهي المشكلة في كأنك دي...
المشكلة ف الإيمان، إذا كنت مؤمن يبقى مفيش مشكلة...
- انا مؤمن اني عايش...ليه معرفش، ومؤمن اني هموت.. ليه معرفش...
= دي فلسفة إنسان مش مؤمن...الإيمان أننا نعيش حياتنا وكل واحد يحاول يحقق أمله..
- وبعد ما يحقق أمله..؟!
=دايما فيه أمل جديد...احنا عايشين ف عصر العلم..بيقدم للإنسان كل يوم فرصة جديدة للسعادة...العلم هيخلي حياتنا جنة بس لازم نشتغل يا شاكر علشان نتمتع بيها...
- هي دى أزمة الانسان المعاصر اللي كشفها بيكيت... كل انسان متصور انه عايش وإن حياته بتتطور للأحسن لكن في الواقع هو بيقدم نفسه هدية للموت والضياع...
- أزمة الإنسان المعاصر ان الحياة بتفرض عليه العمل ليل نهار علشان أيامه ف المستقبل تبقى أجمل وأسهل...
- أحلام جميلة زي أحلام التور اللي مغمين عينيه ورابطينه ف الساقية.. عمال يلف ويدور ويلف ويدور لحد ما يدوخ ويقع.. أنت مخدوع يا أحمد.. احنا مش هنتفق ابدا...
حوار في فيلم الخائنة
بين محمود مرسي و عمر الحريري