هي مختلفة في الشكل والمضمون لكن في الآخر بتشارك باقي العلاقات في حاجة أساسية : إن العنصر الذكوري بيأثر في العنصر الأنثوي ويخليه يتأقلم على طباعه سواء أسلوب حياته او طريقة تفكيره . بس هنا السيطرة والقوة بتكون أوضح وأقوى وده بيحتاج ميزان عادل بين العقاب والمكافأة . العقاب لازم يكون على قد الغلط بالظبط . مفيش حاجة اسمها غلطة صغيرة تتعاقب بعقاب كبير يكسر الروح أو يطفي النفس . الأسوأ من ده إنه يغير مكانة السيد جوا قلبها وعقلها . وفي المقابل،لما الخاضعة تعمل اللي عليها أو تنجح في اختبار لازم تحس إن تعبها مقدّر . المكافأة هنا مش شرط تكون حاجة مادية أوقات كلمة تشجيع أو لمسة اهتمام بتبني ارتباط أقوى وتخليها عندها دافع تكمل بل وممكن تزود المحبة أضعاف . طب إزاي السيد يتعامل مع الغلط أو الخلل اللي ممكن يتسرب لنفس مملوكته خصوصاً لو لسه جديدة في العالم ده ؟ الإجابة إن السيد بيبقى عارف إنه وارد يحصل خلل أو تردد وساعتها مش الحل في العقاب القاسي . هو محتاج يفهم طبيعتها النفسية كويس ويعرف إزاي يستخدم العقاب المناسب — أوقات يكون نفسي مش جسدي — بحيث يوصل الرسالة من غير ما يجرح أو يكسر . هو أشبه باللي بيحط إيده على الجرح علشان يداويه مش علشان يوجعه . المهم كمان إنه يخليها تحس إنها في أمان تحت قيادته . ده بيخليها تتعلم وتفهم القواعد من غير ما تفقد قوتها الداخلية واللي ضروري تفضل موجودة عشان تبقى شخصية يعتمد عليها . في الآخر هو مش هيعيش ليها للأبد فهي لازم تفضل قوية من جوه . تخيل معايا ست مستقلة وقوية طول عمرها وفجأة تلاقي نفسها واقفة قدام راجل قادر يسيطر عليها بعقله حنكته وهيبته . الموقف بالنسبة لها غريب ومثير . لكن الحقيقة إن السيد مش بيكسرها … هو بيعيد تشكيلها . بيخليها تعيش التجربة وهي لسه محتفظة بجوهر قوتها بس قوتها دي بتتوجه دلوقتي بطريقة جديدة : لخدمته ولسعادته . وفي المقابل هي كمان بتحصل منه على تقدير وحب ومكافأة تليق بيها
المصدر: منتديات مليفات من 
♏️ ♏️
المصدر: منتديات مليفات من ♏️ ♏️