امبارح الصبح واحد صاحبي متجوز بعتلي رساله على الواتس اب ،، لقيته بيكلمني باحترام كده ومن غير هزار بيقولى صباح الخير ،، وانا مش متعود منه علي الادب ده !! قومت قولتله صباح النور ايه الاخبار ،، قالى تمام بس انا زهقان من مراتي شويه ،، ماتيجى ننزل انا وانت و اصحابنا البنات ..!! ساعتها كل شكوكي اتاكدت منها وقلت دي اكيد مراته هي اللي بتكلمني ،، رديت عليها بنات ايه و مراتك ايه اللي زهقان منها ؟!! مش دي اللي انت مصدعنا بيها و دي حب عمري و عشقي و دي قلبي وكنت قرفنا ٢٤ ساعه بيها ،، وجاي دلوقتي تقولي بنات ؟!! انت كويس ولا في ايه ؟! قالى اه انا تمام سلام و قفل ،، بعدها بنص ساعه لقيت صاحبي بيكلمني و بيقولي جميلك ده فوق راسي ..!! 