الإنسان بطبعه بيدور على البعيد كأن روحه دايمًا بتتوق للي مش في إيده وده جزء من طبيعه البحث اللي جواهبنحلم نوصل للمحيط.. وإحنا أصلاً جواه!
كان في سمكة صغيرة بتعوم مع سمكة كبيرة،
قالت لها: "أنا متحمسة جدًا إني أشوف المحيط!"
ردت السمكة الكبيرة باستغراب: ما إنت بتعومي فيه يا صغيرة!
قالت لها: "ده مجرد ماء... أنا عايزة أشوف المحيط الحقيقي."
الموقف بسيط، لكن المعنى عميق جدًا.
السمكة الصغيرة زي أي إنسان بيدور على حاجة كبيرة في حياته — السعادة، النجاح، الحب، أو المعنى — ومش واخد باله إنه عايش جواها بالفعل.
بس لما نتعود على النعمة، بنفقد الإحساس بيها ونفتكر إن اللي بندور عليه لسه قدام.
أوقات كتير بنعيش وسط الخير والجمال،
بس مش بنشوفهم لأننا مشغولين ندوّر على "الأكتر".
🪸 سؤال ؟
هل الإنسان محتاج يبعد علشان يعرف قيمة اللي عنده؟
ولا لازم يتعلم يشوف "المحيط" اللي هو فيه دلوقتي؟
بس الحقيقة إن النضج مش إنك تكتشف الجديد النضج إنك "تشوف" القديم بنظره جديده
مش لازم تبعد علشان تعرف القيمه
اللي محتاجه فعلاً هو وعي يخليك تدرك إنك كنت في النعمه من البدايه
البعد ممكن يعلمك التقدير
لكن الإدراك هو اللي يخليك ما تفقدش اللي عندك أصلاً
أوقات الحكمه كلها مش في الرحله
لكن في اللحظه اللي تفهم فيها إنك كنت من البدايه "في المحيط".