السادية والعنف في العلاقة... حب ولا سيطرة؟
بصراحة الموضوع ده بقى بيتكرر كتير، وكل مرة الناس بتختلف عليه...
فيه اللي بيشوف إن العنف في العلاقة نوع من الإثارة، وفيه اللي بيعتبره قسوة وتشويه للحب نفسه.
بس خلونا نتكلم بالعقل
السادية مش مجرد عنف.
هي ميول نفسية بيستمتع فيها الشخص بالإحساس بالقوة أو السيطرة، أو حتى بإحداث ألم بسيط للطرف التاني — وده طبعًا بيختلف من شخص للتاني.
بس الفرق الكبير بين السادية كميول، والعنف كتصرف، هو كلمة واحدة: الرضا.
طالما الاتنين عارفين ورااضيين، وكل حاجة بتحصل فى احترام وحدود، يبقى ده يدخل تحت "اللعب الحسي" أو الـBDSM،
لكن لو في طرف واحد بيفرض الألم أو بيهين أو بيسيطر بالعافية…
فده مش حب، دى إساءة صريحة، وكسر للنفس قبل الجسد.
من الناحية النفسية، السادية ساعات بتكون ناتجة عن تجارب قديمة، أو كبت، أو رغبة في الهروب من الضعف.
وفيه ناس تانية بتنجذب للخضوع أو الألم (المازوخية)، وده برضو له جذور نفسية معقدة.
بس السؤال اللى بيطرح نفسه:
هو العنف فى العلاقة دليل حب ولا نقص؟
هل الشدة بتزود الشغف؟
ولا بتكسر الحنية اللى المفروض تبقى بين الاتنين؟
في الآخر، العلاقة السليمة مش لازم يكون فيها وجع عشان نحس إنها قوية.
القرب الحقيقى بيبنى على رغبة متبادلة، احترام، وأمان... مش على خوف أو قهر.
---
🗣 سؤال ؟
إنت شايف فين الحد الفاصل بين "اللعب الحسي" المثير وبين "العنف المؤذي" اللى يكسر العلاقة؟
مشاهدة المرفق 44457
