شعر خواطر إقتباسات همسات الروح

[Q U I N N]

غيرتى

أنا ما بغيرش لأني ما بثقش فيك…
بغير لأني بحبك أكتر من اللزوم.
لأن كل تفصيلة فيك غالية عليا،
حتى ضحكتك… بحس إنها حقي أنا.

يمكن صوتي يعلى لما بشوفك بتضحك لغيري،
بس جوه قلبي في لحظتها بيتكسر بهدوء.
أنا مش عايزة أملكك،
أنا بس نفسي أحس إني الأمان اللي تلجأ له مش العادة اللي تزهق منها.

الغيرة فيا مش ضعف،
دي خوف… وخوف الحبيبة مش عيب.
ده دليل إنك وسط الدنيا دي كلها
فيه واحد قلبها بينبض باسمك من غير ما يتبدل.

فـ لما أغير… ما تزعلش.
ده أنا بس بحبك بزيادة،
ويمكن الزيادة دي هي غلطي الوحيد.

 

[Q U I N N]

حُبّي فيك

حُبّي فيك مش عادي…
ده حالة من الارتباك الحلو بين العقل والقلب،
بين الخوف من الفقد، والرغبة في البقاء.

حُبّي فيك مش كلمة،
ده وجع لذيذ بيخليني أبتسم وأنا موجوعة،
وبيعلّمني إزاي أضعف من غير ما أنهزم.

فيك لقيت نفسي،
وفي غيابك بحسّ إني تايهة نصّي.
كل حاجة فيّ بتندهلك،
حتى صمتي بقى يشبه اسمك،
وكل تفاصيل يومي فيها منك حتة صغيرة

مش عارفة ده حب ولا قدر،
بس متأكدة إنك النقطة اللي عندها بدأ إحساسي بالحياة.