اهلا وسهلا . . بالجميع
هذة اول مشاركة لي ف سامحوني ان كانت لا تليق بالجميع واتقبل جميع النقد البناء
اليوم هحكيلكم قصة حياة اخصائي نفسي من يوم الولاده الى اليوم الي كتبت في القصة عارف ان ده مش هيناسب ناس كتير ولاكن. صدقوني قصة حياتي مليئه بالاثارة والمواعظ لعلكم تتعلمون ... لنبداء....
. كل اشخاص القصة باسماء مستعارة الا انا (عصام)
. القصة حقيقية 100%
انا عصام شب عندي حاليا 29 سنه
اخصائي نفسي
في يوم كان غائم جزئي ويوم مش مفهوم علي حسب السجلات الميدانية متولدش في حد ولا مات في حد
اتولدة انا عصام..... اتولدة بمشكلة وهيا ان هرمون النمو عندي عالي وده كل الناس وقتها
كانو فاكرين اني هموت
ابويا وامي تخلو عني لانهم مكنوش عايزين يتعلقو بحد كده كده
ميت حتي لو ابنهم
جدي قالهم انو هياخدني يربيني واهو اونسو بعد موت ستي (الي ماتت قبل ولادتي ب شهر جدي رباني وكان بيخلي جارتو ترضعني وبكده هفتح مجال معاكم لحاجه تانية بعدين بس خليكم فاکرین ده
كويس عدة الايام وبقا عندي 4 سنين وشايف الاولاد ف الشارع بيلعبو والي باباه دائما بيبقا معاه والي باباه بيشتريلو حجات وانا عمري مشوفت ابويا انا كنت زكي شوية كنت فاكر ان بابا ميت وجدي لو سالتو هيزعل ف كنت بسكت لحد ما ف يوم وانا قاعد حزين قدام الباب لقيت واحد بينده عليا وبيقولي بس
الشخص انتا يبني عم فاروق فين انا بيجيب حجات من السوق
الشخص : انتا عارفو
انا: ايوا ده يبقا جدي
الشخص كان باين علي وشو التوتر
الشخص : انتا عصام !!!!
انا: ايوا انا عصام (بقولها بزعل)
الشخص: انتا لي بتقولها بزعل
انا: عشان اصحابي كلهم بيقولو اسمهم واسم ابوهم وراها وانا الوحيد الي بتكسف اقول اسم بابايا
الشخص بغضب شديد) بتتكسف لي يعني
انا: عشان انا مش عارف بابايا فين وعمري ما شوفتو ف اللحظه دي شوفت ف وش الشخص ده حزن كبير اووي
سهيله جارتي وتبقا بنت جارت جدي الي رضعتني واختي بالرضاعه. نجوان جارت جدي ورضعتني ف تبقا ف مقام امي.
سهيله: الواد عصام الي ملوش اب اهو هههههه
وسبتني وجريت الشخص راح شاخط فيها وقالها انتي يبنت يالي مترتيش تعالي هنا انا رديت عليه بصوت عالي ومسرسع انتا ياعم ملكش دعوه بيها الشخص بصلي بستغراب وقالي انا كنت هزعئلها عشان بتقول عليك کده
انا: ملكش دعوه دي صحبتي الوحيده تقولة الي هيا عايزاه جدي فاروق اهلا اهلا اهلا اذيك يا خالد اخيرا حنيت وجيت تزور ابنك
ف اللحظه دي حسيت اني اتصعقت.
يتبع ف الجزء القادم اتمنا المتابعه....... يتبع
الجزء الثاني
مرحباً بالجميع
حسيت اني اتصعقت.... بعد ما جدي فاروق قال لابويا انو اخيرا حن وجي يزور ابنو حسيت اني مشلول ومش عارف اتصرف اذاي انا ف الوقت ده كنت *** 4 سنين عاقل اه بس بردو ***
.
انا: بابا! بابا اذاي يا جدو انا كنت فاكر ان بابا مات (بقولها وانا عيني كلها دموع)
خالد (بابا) ملوش لازمه الكلام ده يابا انا جي مزنوق ف قرشين وجي اخدهم
دي بالنسبالي كانت اسواء لحظه واسعد لحظه ف حياتي انا طلع لیا اب بس اساله كتير اووي مكنش ليها اجابه جوايا
سالتو وقلتلو سؤال بعفوية من عيل
انا: انت لي مش ميت؟
بابا: اي يا ابني الي بتقولو ده?
جدي: عيب يا عصام تقول لباباك كده
انا: انا ماليش اب انا ابويا مات هو اذاي في اب ميبقاش عايز ابنو
بابا: يااااا دنتا وفرت عليا معانات انك عرفت مين ابوك بص يا حبيبي خليك علي كلامك كده ومتقوليش يابابا تاني
انا: عياط في صمت وشموخ .. انتا اصلا عمرك متكون بابا الي انا اتمنيتو
لحظة سكووت ملت المكان وقطعها جدي بقلم علي وش ابويا
جدي: انتا واطي يا خالد وعمرك مهيكون عندك قلب وراح رامي لابويا الف جنية ف وشو وابويا نزل شالهم من الارض وسابني ومشي حتي مبصليش ف وشي اول ما ابويا مشي لقيت سهيلة بتبصلي وبتعيط
انا: بتعيطي لي يا سهيلة
سهيلة: اصل انتا صعبان عليا اووي
انا ميصعبش عليكي غالي يا رخمه ?
سهيلة راحت حضنتني وقلتلي: متزعلش انا هبقا باباك
جدي: ههههههههههههه وهتبقي باباه اذاي بقا يا سوسو
سهيلة اتكسفت جداً وجريت
انا: جدو انا جعان
جدي: طيب يلا انا جايب اكل هحضرو وناكل
حضر جدي الاكل وكنا بناكل وبنهزر والباب خبط واحنا بناكل
جدي: ميييين
صوت امراءه: افتحلي يابابا انا لمياء
لمياء دي تبقا امي بس طبعا انا اول مره اشوفها بردو حتي مكنت اعرف اسمها
قمت انا وفتحت البابا.
لمياء: اذيك يا زفت عامل اي
قلتلها بستغراب: انا كويس حضرتك كويسه
لمياء: ابتسمت وسكتت
جدي: خير جيه لي انتي كمان
قالتلو جيه اشوف ابني
نفس سعقت ابويا فاكرنها ??
انا: ماما !!!!!!!!!!!!
لمياء: مستغربش يا حبيبي من تصرف ابوك احنا كنا مش عارفين مكانك وجين دلوقتي عشان نخدك تعيش معانا
جدي: يعيش معاكو فين انتي هتستعبطي
لمياء: لي الغلط بس يا حج
جدي: امشي اطلعي بره ومتجيش هنا تاني
لمياء: هو في اي يا حج ده ابني علي فكره الي انتا واخده مني
جدي: وشو احمر جدا وقالها انتو بعد مرميتو الواد وهو حتت لحمه جيه دلوقتي تقولي ابني يا اوساخ اطلعو بره
لمياء صوتت بعلو صوتها
لمياء: يالهههههوووووي يا خرابي الحقوني الراجل حماية الوسخ بيتهجم عليا
جدي ؟؟؟؟؟؟
الناس اتلمت وبترزع علي الباب ف انا بعفوية الطفولة فتحت
زقوني الناس بالباب اتخبط جامد واغم عليا
. صحيت لقيت نفسي ف مكان غريب وشقة مختلفه مش هيا دي الي انا اتربيت وعشت فيها انا متاكد مع اني *** بس مش ده المكان الي انا متعود عليه
انا بخبط علي باب موجود ف الشقه وبقول
يا جدوووو
يا جدوووو
افتحولي الباب يالي هنا افتحلي الباب
لمياء: اسكت يلا جيالك اهو
سکت خالص واطمنت وجت فتحتلي الباب وقالتلي تعاله يا زفت ابوك عايزك
طلعت بره لقيت ابويا ماسك الشيشه وكباية الشاي وقاعد
انا: انتو عايزين مني اي وفين جدي
بابا اخرس يلا لما ائزنلك تتكلم تبقا تتكلم
انا: انا خايف منكو ودوني لجدي
لمياء: اخدة منها قلم علي وشي وقعني ف الارض وقالت انتا هنا تقول حاضر وبس
وطبعا لاني خايف كتمت العياط والصوت وسكت خالص
بابا: انتا عارف احنا جبناك هنا لي
انا: لا
بابا عشان تخدمنا عشان امك حامل وهيجيلك اخ او اخت
انا وبتفاها جدا نسيت كل حاجه
انا اي ده بجد هيجيلي اخ او اخت ياااا انا فرحان اووي
لمياء: انتا يلا فاكرهم هيبقو اخواتك بجد
انا: امال هيبقو اي
لمياء: انتا ولا حاجه وكده كده مش هتعيش كتير وهتموت ف متفرحش اووي كده
انا: خوفت من الكلام الي هيا بتقولو عشان مش فاهمو وسكت
بابا: لومه عيب كده اي الي بتقوليه ده تعاله یا عصومه تعاله
انا: حاضر يابابا
بابا قرب متخفش اقعض جنبي انا قربت من ابويا وانا خايف جدا معرفش لي... وفجائه نزل كسور الفحم علي رجلي وسيحت البنطلون وعملت في اخرام ونزلت علي رجلي لسعتني جااامد
انا: عياط......
ابويا اسكت یاد انتا وقوم غور من هنا
قومت جريت علي الحمام الي كان ف مدخل ف الشقه ونزلت ميه علي رجلي الي كانت بتوجعني جدا وقعدة اعيط واخدت من التعزيب ما يكفي لقتل انسان لمدة 3 سنين لحد ما بقا عندي . 8سنين وكانو دخلوني مدرسه ازهري قدام البيت طبعا بس دخلوني المدرسه عشان شكلهم قدام الناس ف يوم قررت اني لازم اهرب من التعزيب ده كان في مدرسه كانت حسه بالي انا في لانها كانت بتشوف اثار التعزيب الي كنت بتعزبو بس مش عايزه تبينلي ف اليوم ده معرفش لي قررت اني اروحلها هيا واقولها علي كل حاجه وكان اسمها (وفاء)
انا: استاذه وفاء كنت عايز حضرتك ف حاجه
وفاء تعاله يا عصومه يا حبيبي
انا: حضرتك انا تعبت وانفجرت ف العياط)
وفاء: في اييا ابني اي الي حصلك
انا ابتديت احكي كل الي حكيتو فوق ده بس
وفاء ساكته
انا: انا اسف يا استاذه وفاء انا عطلت حضرتك وقمت عشان امشي وفجئه لقيتها بتشدني من دراعي وبتاخدني ف حضنها وبتعيط
انا بالنسبالي ده كان اول حضن ف حياتي بعد جدي عمري محسيت بدفاء حضن الام وفضلت ف حضنها وعيط كتير اووي لدرجة اني دموعي عملت بوقعا علي الهدوم استاذه وفاء
وفاء: عصام انتا مش هترجع بيتك
انا: امال حضرتك هعمل اي
وفاء: هتيجي معايا
انا: هاجي مع حضرتك فين
وفاء: هتيجي بيتي انتا هتبقا ابني
انا: حضرتك عندك اولاد واكيد مش هبقا حمل علي حضرتك
وفاء: عصام انا مبخلفش
انا: يعني اي مبخلفش
وفاء ابتدت تعيط / يعني عندي عقم ومش بخلف او مش بعرف اجيب اولاد مرزقنيش
انا (مفهمتش بس قولت ابقا عندي زوق اخيرا?)
• انا خلاص انا ابنك بقا ?
دي كانت ابتسمتي والدموع مغرقه وشي
وفاء: استنا هتصل ب وائل
وائل ده جوزها وده نجار كبير اووي معروف ف المدينه الي كنا فيها
اتصلت بي وخرجت بره تكلمو تحكيلو علي الي حصل وانا كل الي ف دماغي خوف ورعب من الي ابويا وامي ممكن يعملو بس الي مريحني ان انا مبسوط بالحضن بتاع استاذه وفاء والي بعدين هقولها يا ماما عدي عشر دقايق ولقيت استاذه وفاء داخله ب وائل ده وهو داخل بيبصلي ب شغف غريب
وائل: اذيك يا حبيبي انا قمت وقفت وقلتلو الحمد **** حضرتك عامل اي وائل بصل لوفاء بصه غريبه
الي هو اذاي واحد بالتعزيب الي هو اتعزبو ولسه محتفظ بالادب (ده) وائل ممكن توريني الضرب الي علي جسمك يا عصام لو سمحت
انا اتكسفت جدا
وائل نزل علي ركبتو وقالي
وائل: عصام متخفش انا جوز استاذه وفاء واعتبرني باباك انا ابتديت اقلع التيشرت وابتدي يبان البقع الي ف بطني وصدري وضهري ونزلت البنطلون وابتدي الزرقان يبان كنت متشوه بالمعني الحرفي بصيت للحظه علي وشوشهم وشوفت ف عينهم كلام والي هو انتا اذاي عيل عندك 8 سنين وواقف علي رجلك بالتعزيب الي انتا في ده انتا جبل يا ابني وفاء قطعت الصمت بنهيار عياط
وائل لبسني البنطلون والتيشرت واخدني ف حضنو وقالي متخفش يا حبيبي احنا جنبك ومش هنرجعك للهم ده تاني انا كنت مطمن اووي ولاول مره احس بالاحساس ده احساس الدفى الي اي .عيل بيحسو مع اهلو
مش عارف اي حصل بس | انا اغم عليا يمكن فعلا انا جبل واستحملت كتير واول مطمنت ضعفت واطمنت لدرجة اني من كتر الوجع اغم عليا
يتبع.......
منقولة حكاية عبد الـله بن فاضل عامل البصرة مع أخويه - ألف ليلة وليلة
متسلسلة عصر الأهوال (للكاتبYukio_HTM) | السلسلة الثانية | ـ حتى الجزء الثالث