فضفضة الاستغلال العاطفى و الجنسى ظاهرة عالمية (1 مشاهد)

[مولانا العاشق]

من فترة اتعرفت على بنت فلبينية و اعدنا نتكلم مع بعض فى حاجات كتير و لقيتها بتسألنى فى امور جمسية زى مثلا الرجالة بيحبوا ايه فى الستات و بيحبو يعملو ليهم ايه

فأنا سألتها ليه بتسألى عن الحاجات دى .. فعرفتنى انها على علاقة مع واحد علاقة حب حب مدة طويلة ٣ سنين و حكتلى
انه كان فى الاول على طول بيكلمها و يروحلها البيت و بيتكلم معاها كنير و ان هى حبته و عملت معاه علاقة جنسية كاملة

بس قالتلى انه من بعدها ابتدى يتغير و مبقاش زى الاول معاها
مبقاش يكلمها و لا يتصل بيها زى الاول و قليل لما يروح لها الا لما هى تطلبه و مبيروحلهاش الا لما يكون عايز ينام معاها و بيفضل ساكت طول القاعدة او ينام او موبايل و كدة

فهى سألتنى سؤال هل هو فعلا بيحبنى و حيتجوزنى و لا بيخدعنى و واخد الموضوع لعب

بصراحة انا ملقتش جواب لسؤالها قلقت اقول لها انه بيتسلى بيكى لتفتكر انى عايزها تبعد عنه عشان استلمها انا

فقلت لها انتى ابعدى عنه فترة متكلمهوش لو هو كلمك و رجع زى الاول يبقى بيحبك لو مسألش يبقى بيلعب و انتى مش فارقة معاه
و سألتها طيب طالما انتى مدايقة من كدة ليه مش تبعدى عنه قالتلى انها بتحبه و مش متخيلة حياتها مع غيره

فأكتشفت ان المشاكل ااعاطفية من النوع ده مشاكل العالم كله مش وطنا العربى بس ...