ثقافة جنسية مشكلة كبيرة (1 مشاهد)

[مولانا العاشق]

دي اعادة نشر للموضوع بعد التعديل وحذف الاسماء اتمنى من إدارة المنتدى متحذفش الموضوع تانى لانى عايزة افيد الناس بيه

انا حابة بس اتكلم عن موضوع مهم وافهمكم الدنيا بس وانا مش بعمل دا لأي سبب الى لدافع النصيحة وعملا بنصيحة دكتور جامعى عزيز عليا كان قالنا لو لقيتوا اي مشكلة في المجتمع منتشرة بسبب الجهل بتاع الناس والنصابين خصوصها في مجالكم متترددوش لحظة واحدة انكم تنصحوا الناس وتعرفوهم الغلط عشان انتوا الجيل الجديد اللى احنا حاطين الانل فيه عشان يصنع التغيير ويصلح المجتمع دا
عموما انا من فترة لاحظت انتشار علانات على السوشيال ميديا وخصوصا الفيس بوك وهي اعلانات عن التخسيس والنحافة ودي كلنا عارفين ان المستهدف منها هما البنات بشكل اساسى لأنهم بيدروا على الجسم المثالى طيب هو ايه اللى بيحصل ؟
الصفحات دي بيمتلكها اشخاص عاديين زيي وزيك بس هدفهم الربح بأي شكل ودا عن طريق انه يقولك انا عندى المنتج السحري لكي سيدتي عشان يبقى عندك الجسم المثالى ودا علاج مجرب ومعتمد من وزارة الصحة وملهوش اي اعراض جانبية .
هنا مربط الفرس مفيش وركز معايا والنبي مفيييش دوا في الوجود ملهوش اعراض جانبية كل الادوية اللى موجودة سواء ادوية من اصل عشبي او كيميائي كلها ليها اعراض جانبية

طيب يامرام هو ايه الدوا اللى بيتكلموا عليه دا؟
في ادوية كتيرة واحنا مش هنتكلم على اسماء عشان ميكونش اشهار بحد بس هتقدر تميز الا،وية دي من خلال الصفحات دي واعلاناتهم وانه الحل السحري وغيره


▪ الدوا دا مهمته الاساسية انه يخلى الاكل اللى سعادتك كلته يفضل في المعدة ولما الجسم يلاقي نفسه شبعان وتمام يقوم يزود افراز هرومن الانسولين واللى بدوره هياخد الاكل دا ويخزنه في الكبد ولما يتملى الكبد هيخزنه على هيئة دهون تحت الجلد بمعنى انه مخسسش لا دا جاب نتايج عكسية دا غير انك هتتعب كبدك وهنا يطرح سؤال تانى مين اللى يقدر ياخد الدوا ده؟
انا دخلت احدى هذه الصفحات والاخت مشكورة ردت عليا وقالتلي اي حد ممكن ياخد الدوا
فقولتلها حتى الحوامل ؟ فقالتلى حتى الحوامل ينفعوا ياخدوه
ودى مصيبة في حد ذاتها ليه بقا ؟ لان المفروض ان الست الحامل بتاخد فيتامين B12 اللى هو موجود في الدوا دا بشكل اساسي بس بتاخده بوصف دكتور وبنسب محددة لان اى زياده في الموضوع دا هيأثر على الكبد والكلية وممكن بعد مدة يسبب فشل في الكلي والحامل اساسا بتتمنع انها تاخد الفيتامين دا بعد الشهر الرابع من الحمل دا غير ان الدوا ممنوع للي تحت سن 18 او لكبار السن

كفاية كلام عنه كدا عشان متزهقوش بس و**** لو قعدت احكيلك على البلاوي اللى بيعملها مش هنخلص فانتى عزيزتي اللى حابة تخسي مفيش مشكلة بس متتساقيش ورا دول لانهم مش هاممهم صحتك تموتى ولا لا المهم مكسبهم انتى لو عايزة تخسي مفيش مشكلة كل اللى عايزة تعرفيه هو وزنك وطولك وسنك وبمعادلة بسيطة نقدر نحدد انتى محتاجة كام كالوري في اليوم ونقللها شوية واي حد يقولك هخليكى تخسي 5 كيلو في يوم دا هري وكدب لان الانسان ميقدرش يخسر اكتر من كيلو في الاسبوع واكتر من كدا يبقا خطر على الصحة ( هنتكلم عنها في موضوع تانى)
وانا بردو موجودة لو اي حد احتاج مساعدة بخصوص حساب الكالوري وتظبيط الدايت ( وانا بقول محتاج مساعدة مش داخل يتعرف )

اما بقا عن موضوع تانى وهو اعلانات الكيرفي اللى هو الاعلان اللى بيقولك وداعا للفلات واهلا بالكيرفيات طيب انا مش هطول مش الموضوع دا بس انا هقول حاجة بسيطة احنا عندنا خمس اماكن اللى هما ( اللغد ، الصدر ، الكرش ، الجناب ، الارداف ) دول اماكن تركز الدهون الرئيسية في الجسم ودول لما حضرتك تاكلي وتتخنى الدهون هتتوزع فيهم بالتساوى يعني مفيش حاجة اسمها احنا هنكبر الارداف والصدر ومفيش كرش ومفيش لغد ولا غيره دا كدب في حالة واحدة بس تقدري تعملى قيها كدا وهى عمليات النحت ودي اكيد كلنا عارفين انها مكلفة جدا

مش عايزة اطول اكتر من كدا وزي ما قولت انا موجود في اي وقت للمساعدة " المحترمة " لان هدفي افيد الناس واساعدهم يصلحوا عادات خطأ كانت عندهم وكل الكلام اللى قولته دا لا فتي منى ولا فزلكة دا ناتج عن دراسة ومعلومات دا غير انى سألت 3 دكاترة في الموضوع دا وكلهم اجمعوا على انه خطر جدا وخطره اكبر من فوايده​