أول حب كان مقلب. وفعلا محبتش حد قد الي معايا. عرفت معنى الحب. معنى إن واحده مستعده تضحي بشرفها وتعمل حاجه مش عاوزاها عشان بس متروحش لغيرها. واحده بجد رغم إنها قالتلي كده وممكن غيري يشوفها مش كويسة بس في الآخر أنا من كلامي معاها ومعرفتي بيها هي بس مش عاوزاني أبص لغيرها واحده حببتني في الحب بعد ما آخر مره كنت فاقد أملي فيه. رجعتلي الأمل حسستني إن في حد مستعد ينزل من حياة الرفاهيه والفلوس لشخص عايش حياة متوسطه جدا. قررت تسيب صحابها الوحشين عشان أنا قولتلها إني بغير عليها ومش عاوزها تاخد سمعة من المشي معاهم واختارت زياد النكدي الي بيغير ورغم حبه ليها خلاها تعيط عشان بيعاتبها. اختارت وجع الدماغ معايا أحسن من راحتها مع غيري. خافت عليا من كل حاجه وحشه بعملها. حددت مستقبلنا مع بعض قبل ما أنا أعرض او أتكلم. واحده اختارت الاحتشام رغم إن أهلها كانوا سايبنلها حرية اللبس. أنا فعلا عرفت قبلها 6 وعرفت واحده فعلا كانت جاهزه منغير ما أقولها حاجه. بس إحساس إن حد يبقى أحسن عشانك وعشان بيحبك له طعم تاني أحلى بكتير. يعرفك إن الحب حلو أوي ومش وجع قلب غير للي غاوي وجع قلب. حب كبير أوي ل(سندس) إلي خطفت قلبي وعلقتني بيها.
