فضفضة ما تضحكش على نفسك

[𝕿𝖍𝖊 𝖐𝖎𝖓𝖌 𝕾𝖈𝖔𝖗𝖕𝖎𝖔𝖓]

احيانا حب التملك يخليك تمسك النار بإيدك و فاكر انها مش هتحرقك عشان انت عايز تمتلكها
لكن النار هتفضل نار مش هتغير نفسها عشان انت افتكرت كدة او خيالك صور لك ده
ممكن تعجب بشخص على الوضع اللي هو فيه بس يبقى نفسك تغيره عشان يناسبك
بس لو غيرته مش هيفضل يعجبك لان اللي عجبك فيه انت غيرته
ولو مقدرتش تغيره مش هتقدر تستحمله
متحاولش تغير حد خليك انت صادق وواضح مع نفسك انت عايز ايه من اللي ادامك
انت لو في مجتمع تاني هل اختياراتك هتفضل ثابته ؟! ولا تقييد الحرية و الخوف من نظرة الغير بتحولك لمسخ و تخليك تحاول تغير غيرك اللي على طبيعته لمسخ برضه عشان يناسبك ؟ او بمعني ادق يناسب نظرة المجتمع؟!!!!!
لان مفيش انسان طبيعي يقدر يعيش مع مسخ لازم يبقوا ذي بعض
خلي عندك شجاعة المواجهة لاختياراتك اي كانت
المجتمع مش ملايكة وكله عارف كدة