نقاش لو ما بقتش بصحتك فى نهاية عمرك تفضل الموت الرحيم ولا انك تستمر فى معاناة نهاية العمر ؟

[جدو سامى 🕊️ 𓁈]

معلش موضوع كئيب بس ضرورى

اكيد كل واحد وواحدة فينا يتمنى وتتمنى انك تعيش لاخر عمرك صحيح البدن
لكن لو حصل ووصلت للسبعين او التمانين ولاقيت نفسك على كرسى متحرك مش قادر تمشى وتروح الحمام
ولازم حد يشيلك يقعدك على التواليت
او بتلبس بامبرز للكبار
او ما بقتش قادر تقضى حاجة مثانتك الا بالقسطرة والكيس البولى ومشاكله
او ما بقتش تفتكر احبابك او ذكرياتك القريبة او البعيدة
او او او من امور كتيرة من مظاهر الشيخوخة المتاخرة
مع العلم ان فيه ناس بتعيش للتسعين والمية واكتر وبيتوفوا وهما واقفين على رجليهم وفى منتهى الصحة

لو انت من تعيسى الحظ اللى كانوا من المتدهورين صحيا فى نهاية عمرك .. تتمنى الموت الرحيم ولا انك تستمر فى حياتك مع معاناتك لاخر لحظة بموت طبيعى متعرفش هيجيلك امتى