فكاهة دول رجعوا البكالوريا يا نينة

[جدو سامى 🕊️ 𓁈]

اهو يخلص البكالوريا من هنا ويدخل الجهاديه سنه ولا اتنين وبعد كده يتوظف في عزبه ياقوت باشا ويبقي باشكاتب قد الدنيا

طلبه البكالوريا لما يجوا يعاكسوا واحده
"انا ممنون لجنابك يا مودموزيل على اني شوفت ابتسامك الرقيقه"

طربوش للبيع لاعلى سعر لزوم البكالوريا









الواد صاحي الصبح لابس لي طربوش مش عارف جابه منين باقول له ايه دة يا واد؟
بيقول لي دة طربوش يا والدي
و لقيته داخل بيبوس على ايد أمه و يقولها صباح الخير يا نينة
و مش عايز يروح المدرسة يمتحن البكالوريا إلا لما اوصله بالسوارس
و بيقول يا والدي في نظرية جديدة لعالم شاب اسمه اينشتاين بيدرسوها لنا السنة دي و هو مش فاهم منها حاجة
و عايز يروح الكتاب علشان يتقوى في اللغة العربية
الواد ضرب خالص و بيقول لي الحق يا والدي دة في انجليز ماشيين في الشارع
قلت يا واد سيبه يمكن واخد صدمة بتاع البكالوريا
طيب خش يا حبيبي ريح شوية و خد النهاردة اجازة
دخلت عليه بعد شوية لقيته بيدندن ارخي الستارة اللي في ريحنا
قلت له بتقول ايه؟
قال لي دي اخر اغنية للست منيرة انت ما سمعتهاش يا والدي
يا واد فوق بقى لنفسك و بطل استعباط
انا فايق يا والدي و بالامارة سعد باشا راجع و كلنا هنخرج في استقباله
طيب ما ينفعش بقى اسوق فيها و اعمل لهم سي السيد احمد عبدالجواد؟
و الولية ترقيني و انا طالع و انا نازل
و اكشف على مها صبري ببلاش و اقول لايهاب قيد عندك كشف اتلفه الهوى

بركااااتك يا ابو عبلطيف
د. هاني عاطف