مكتملة من ملكت قلبي - سبعة اجزاء

[ابو دومة]

من ملكت قلبي

الجزء الأول

بتدخل نسمة مكتبها وهى بتوزع ابتسامتها على كل زملائها زى عادتها .... الابتسامة اللى بسببها بقت محبوبة من الجميع بسبب رقتها وطاقتها المرحة .... أول ما بتقعد على مكتبها بتحس بحركة غريبة في الشركة استعدادا لاستقبال ضيف مهم بتراقب بس مش بتفهم حاجة فبتكمل شغلها..

نسمة مهندسة ديكور اندلسي عمرها 25 سنة معروفة بمهارتها وذكائها في شغلها في الشركة ... عايشة في مستوى راقي حبيبة امها وابوها لانها بنتهم الوحيدة ... مثقفة لانها بتعشق القراية ... وفنانة بتحب الرسم والموسيقى .... بشوشة ومرحة وجميلة ورقيقة زي اسمها.
بيدخل الضيف بخطوات ثابتة وصارمة بشكله الغامض وريحة برفيوم مميزة مالية المكان حواليه ونظارته الشمسية الغامقة مغطية عيونه ....سكرتيرة مديرالمكتب بتدخله لصاحب المكتب فورا.

عمر مهندس معماري عمره 45 سنة أشهر مهندس معماري .... صارم جدا ...صاحب وجه قاسي ... مبيحبش الهزار .... واخد الحياة جد ... وحيد معندوش اهل أواصحاب ... مش بيحب الكلام ولا يشارك اسراره مع حد .... حياته روتينيه جدا .... بس لو حفرنا قلبه هنلاقي حنية بتتوزع وبتزيد بس خافيها لظروف قاسية مر فيها.

بعد السلام والكلام بين الضيف المهم وصاحب الشركه بيطلب المدير من السكرتيرة انها تستدعي المهندسة بسمه فورا .... دقايق والباب بيدق بهدوء انثوي

مدير الشركة من جوا المكتب : إتفضلي يا نسمة

بتدخل نسمه بوجهها البشوش ومرحها : طلبتني يا باشمهندس

اهلا يا باشمهندسة نسمة اعرفك .... دا الباشمهندس عمر .... من اشطر المهندسين المعماريين في البلد

نسمه بابتسامة اهلا بحضرتك باشمهندس عمر

عمر بعدم اهتمام وهو بفتح اللابتوب بتاعه ... اهلا

نسمه مش بيعجبها وبتحسه مغرور فبتقول فى عقلها ناقصني قرف على الصبح

عمربيقول فى عقله : يعنى معرفوش يبعتولي غير بنت .... ناقصني دلع على الصبح

نسمة بترجع تبص لمديرها وبتساله بشوية استهزاء .... هو اجتماعنا هنا ولا هنخرج لمكان برا .... اصل الباشمهندس مخلعش نظارته الشمسية.

عمر بيتضايق وبيقولها انا مبخلعش نضارة الشمس غير فى البيت

نسمة وانا هشتغل ازاي كدا مش حاسه انها مريحاني .... حاساه غلط انت متعرفش يا باش مهندس اللي بيلبس نظارة شمسية في اماكن مغلقة ومش بيقلعها بيطلع سمعة وحشة على نفسه.

عمرانتى هتشتغلى على تصميم مرسوم يا باشمهندسة مش هتشتغلى على وشى

نسمة بترمقه بنظرات غيظ وهو ولا معبرها وبتكلم مديرها .... مطلوب مني ايه يا باشمهندس

مدير المكتب تفضلي اقعدي يا نسمة .... المهندس عمر هيعرض عليكي تصميم من شغله .... انتى هتشتغلى معاه على الديكورات الداخلية .... هو جه مكتبنا علشان شاف الشغل اللى انتى عملاه فى مشروعنا اللى لسة مخلصينه .... محتاج حد زيك كده لان تصميمه طرازه الخارجى اندلسى ....ومش محتاج اوصيكي يا نسمه .... عمر من أكبر المصممين وليه طابع خاص فى شغله وحياته واى مكتب يتمنى انه يشتغل معاه فى تصميم واحد انا هستاذنكم عندي شغل مهم..

نسمة : حاضر يا باشمهندس وبتلمع في عقلها فكره مجنونة عشان ترد اعتبارها من المغرور عمر

بيغادر مدير المكتب .... عمر بفتح الفولدرات ومركز بالشاشة .... إتفضلي يا باش مهندسة هتفضلي واقفة ؟

بتتحرك نسمة بتقعد على الكرسي القريب منه وبتدوس على رجل عمر وبتتظاهر انها من غير قصد

عمر بيتعصب بس بيمسك نفسه و يفتح اللاب توب بتاعه ويبدأ يشرح لنسمة التصميم

نسمة بتسأل عمر عن اتجاهات شروق الشمس وغروبها فى التصميم وزوايا سقوط الشمس على الجدران

عمر بيعجبه السؤال فبيقلع نضاراته ويبص لنسمة باعجاب

نسمة بتستغرب وبتحس بحنان بعيونه العسلية وبتحس انه في وش تاني غير وش الخشب اللي مصدره

عمر بيرتبك لما يشوف عيون نسمة بلونها الحقيقى بعد ما خلع نضاراته .... عيون ما بين الاخضر والعسلي .... وشعرها الكستنائي وشها الابيض المايل للحمار .... بيحاول يغير نظره عن وشها بيشوف جسمها المتناسق.

وش نسمة بيحمر وبتغير اتجاه عنيها للاب .... وعمر بيحاول يخفي ارتباكه ويبدا يشرحلها ارتفاعات النوافذ وبيسألها لو شايفة ان تغيير الارتفاع وزوايا النوافذ محتاج تعديل

بتتوتر وبتقول انها هتحتاج تدرس التصميم اكتر علشان تحدد الارتفاع

عمر بيهز راسه بالموافقة وبينقل التصميم على فلاشة بيطلعها من شنطته ويديهالها

بتشكره وبتساله امتى موعدهم الجاي او لو عاوز ترد عليه ايميل

وبيديها كارت عليه أرقام تليفوناته وبيطلب منها تتصل بيه لو عندها اى استفسار

بتتفحص نسمة الكرت بتقوله مفيش ايميل؟

بيقولها بيفضل التواصل فى الشغل يكون سريع وأنها ممكن تتصل بيه فى اى وقت خلال ال٢٤ ساعة

نسمة تمام يا باشمهندس عن اذنك .... بتخرج برا المكتب مع نفسها .... ايه خلال ال 24 ساعة دي مخلوق فضائي مش بينام ايه البني ادم دا اللي وقعت معاه انا ناقصه هم .... ومصدرلي الوش الخشب ومكشر ومش عاوز يخلع نظارته ... منظره يجيب الشك اصلا ....بتوصل مكتبها بتقعد على كرسيها اللي بتحبه... بتسكت شوية وبتقول هييي بس عيونه حلوين بتهز راسها وبتقول بطلي هبل با بنت منت عيونك حلوين برضو ومش مغروره وبترجع تسرح بكارت ارقامه..

عمر بيقفل اللاب توب ويحطه فى الشنطة وبيتصل يشكر المدير ويخرج .... وهو خارج بيبص على نسمة وبيحس احساس غريب

نسمة بتفتح اللاب توب بتاعها وتشغل الفلاشة بتلاقي فولدر تانى غير فولدر التصميم بتردد شوية قبل ما تفتحه بتبلع ريقها وهيه بتفتحه .... بتلاقى فيه أغانى اجنبية قديمة وصور قديمة لعمر وهو شاب مع واحدة .... بتقلب فى الصور بصدمة من الابتسامة والفرح على وش عمر بتسأل نفسها .... يا ترى مين دى ؟ معقول ليها علاقة بوشه الخشب دلوقتي؟

بتشغل الاغاني أغانى أول مرة تسمعها مع انها بتحب الموسيقى من زمان بتنسي كل حاجة وتعيش مع الصور والأغانى

بتلاقى ايد بتهزها وتخبط على كتفها بشتت تركيزها وبيزعج تركيزها.. انت....

يا ترى مين بتتوقعو اللي في مكتب نسمة وخضها كدا؟؟...


الجزء الثاني

مبسوطة جدا ان مقدمة القصة عجبتكم فرحتوني اوي بتعليقاتكم..... والمرادي طولت الجزء على قد ما بقدر يا رب يعجبكم يلا نكمل


وقفنا في الجزء الفات لما نسمة كانت بتسمع الاغاني وبتتفرج على صور عمر الموجودين على فلاشته وفجاءة لقت ايد بتهزها....وتخبط على كتفها بشتت تركيزها صوت سحر بيفزعها .... انتى سايبة الشغل وبتسمعى إيه يا بت انتى (سحر صاحبة نسمة الانتيم بشرتها قمحية عيونها عسلية .... جسمها جميل .... واطول من نسمة)

بتتخض نسمة وبتقفل ملف الصور بسرعة ..

-ها... مفيش ... اغنيه كدا علشان اركزفى الشغل

-أغنية ايه انا واقفة وراكى بقالى ربع ساعة وانتى تايهة فى دنيا تانية ... بعدين انتي تفزعتي لي

-مفيش حاجة يا سحورتي اصلا الباشمهندس البارد قفلني وقلت ارجع للمود وكنت سرحانة بالشغل ..... يلا على مكتبك خليني اركز فى شغلي

-سحورتي؟ ماشي هصدقك .... بس مش هسيبك غير لما تحكيلى مهندس مين اللى يقدر يكون بارد مع قمر زيك

-المهندس دا اللي جاه النهاردة .... كان اسمه ايه الزفت دا؟؟ اه عمر

-أه المهندس عمر ابو وش خشب .... لأ ليكى حق .... هو بارد فعلا

-بارد برود مش عارفه هتحمل اشتغل معاه ازاي وهو كده ....

-بس اللى بيشتغل معاه بيعدى.... بيعتبروا الشغل معاه بس وسام شرف

-وسام شرف؟ على ايه الغرور دا كله .....ماهو الناس دى همه اللي مدينه حجم أكبر من حجمه .... لغاية ما اتغر فى نفسه كدا .... انا شايفاه عادي .... انسان طبيعي زينا ملوش جناح(بتريقة) ..

-جناح!!لما تشوفى شغله هتعرفى انه عبقري .... أنا شوفت له شغل كتير برة مصر.... ركزى بس فى شغلك معاه وهتشوفى

نسمة بنرفزة

-ماشي يا حبيبتي يلا خليني اشوف شغل سي عمر بتاعكم نسمة بتفتح ملف التصميمات وهى مشغلة الاغانى وراحت في عالم تاني ما بين الشغل والاغاني ..

..........................................................................................

في مكان وظروف وشخصية وافكار تانية .... نفس الاغاني اللي شغالة في مكتب نسمة .... شغالة في عربية عمر .... بيركب عربيته ورايح على مكتبه .... بس اللي متاكدة منه انه عقل عمر مش معاه ... عقل عمر رجع للماضي اللي اصلا عمره ما فارقه .... صوت الاغانى بيهيج ذكرياته اللى عمره ما قدر ينساها .... ذكريات حب الجامعة والشباب..... الانسانة الوحيدة اللى ملكت قلبه..
ساره حبيبة قلبه وروحه كان بيشوف الدنيا منها وليها... جمال سارة ورقتها وهدوئها خلاها مطمع لزواج كتير من اقاربها مع كده تمسكت بيه ورفضت كل اللى اتقدمولها .... صممت انها مش هتكون لغيره .... وقفت قدام اهلها لغاية ما وافقوا على خطوبتهم... خطبها وسافر يشتغل برا مصر فى دولة عربية تانية .... كانت بتتصل بيه كل يوم تطمنه عليها وعلى التجهيزات لعرسهم وتتطمن عليه يحكو بالساعات وما يملوش... وفى يوم متصلتش بيه... قلق عليها وحاول يتصل ببيتها لكن محدش رد عليه... اتصل بأهلها ملقاش حد بيرد عليه ... أتصل بصديق ليهم هما الاتنين بلغه بالخبر الصادم .... سارة كانت بتشترى قماش من شارع الأزهر وحصل تفجير قنبلة وكانت من بين اللى منجيوش... هنا انهار عمر البنت الوحيدة فى العالم اللى ملكت قلبه سابته وحيد .... سابته زي ما اهله ماتو وسابوه... قلبه انفجرت فيه قنبلة قطعته اكثر من قطع القماش اللي كانت ساره رايحه تشتريه لفرحها .... بيلوم نفسه كل يوم انه مكانش جنبها يحميها او يموت معاها حتى.... بالنسبة لعمر حياة من غير ساره مش حياة ....رجع من السفر وساب شغله اللي برا .... رجع لبلد المحبوبه.... وراح عند قبرها يعاتبها انها سابته كان بيمر عليها كل يوم يكلمها ويستنى ردها بس ميلقاش الرد يروح بخيبة اكبر من خيبته وهو رايح... شقته اللي مش بيدخلها غير علشان ينام ... دي كانت شقة احلامه جنته على الارض.. كانوا بيجهزوها سوا لزواجهم كانت هية فرشتها على ذوقها الانثوي الجميل ....عاش فيها كأنها معاه ..كان خلاص مش شايف لحياته معنى...
بس القدر مش بياخد كل حاجة وخلاص.... الحياة بتاخذ وبتدى... وهنا كانت نقطة التحول لحياة عمر.... صديق قديم ليه بعد شهور من الوحدة والعزلة بيعرض عليه انه يشتغل معاه ... مش بيرفض .. بالعكس ... بياخد شغله وسيلة ينسى بيها او يتناسى اللي حصله... ودى كانت بداية نجاحه.... مع اخر نغمات الموسيقى كان عمر وصل باب مكتبه ..... إتنهد تنهيدة حارة مؤلمة رجع نظارته الشمسية لمكانها... على عيونه... ورجع الجمود يغطي وجهه ...بيدخل باب الشركة ...نظرات المهندسين ليه بقت عادية .... اعتادو على دخلته الجامدة ملامحه القاسية ما بيتكلمش يا دوب ايماءات براسه خفيفة كنوع من رد السلام .. بدلاته دايما سودا .... نضارته سودا بيداري بيها عيونه العسلية .... وشعره سايبه دايما بلونه المختلط بين الأبيض والأسود .... مبيحاولش يخفى الشيب اللى ظهر فى شعره بدرى أوى عن معاده... قميص ابيض بلون بشرته


........................................................................................


نسمة بتعدل فى تصميم عمر ..... مش بس بتغير زوايا النوافذ .....لأ بتغير كمان أشكالها ...

سحر بتيجى تبص وبتسألها

-بتعملى ايه

-بعدل تصميم المهندس عمر

-انتي يا بت مغيرة التصاميم الخارجية بشكل كبير دا مش المطلوب منك!!... نسمة يقلبي متعمليش كدا انتي عارفة المدير بيقدر المهندس عمر اد ايه وبيحبه زى اخوه..

-ما يحبه زى ماهو عايز ...اعمله ايه؟... انا مش عاجبني تصميمه وهعدل حاجات بسيطة عشان يناسب تصاميمي وشغلي...

-انتي كدا بتتحديه ... فاهمة خطورة اللي بتعمليه مع مهندس زي دا؟؟ اشتغلي المطلوب وبلاش مشاكل .... افترضي اشتكاكي للمدير ... المدير بذات نفسه موصيكي عليه...

-تلفتت نسمة حواليها عشان تتاكد مفيش حد بيسمعها... بصوت هامس لانتيمتها..

-انا عاملة كدا عمدا عاوزه يشتكي وماشتغلش معه مش طايقاه.....(بس الحقيقة نسمة هتموت وتكتشفه وبتعمل كدا كنوع من المشاكسة والاستفزاز ردا على غروره)

-نسمة اعقلي وخدى بالك ان المدير ممكن يطردك مش يوقفك عن الشغل معاه هتعملي ايه يا فالحة؟

-متخافيش مش هيقدر يطردني ويستغنى عن خبراتي انتي ناسية اني التوب هنا فى الديكور الاندلسي .... (وهيه بتغمز صاحبتها بضحكة غرور كدا) ....

-وبعدين يا ستي ايه الغلط اللي عملته هو مش سي عمر بتاعكم عايز ديكور اندلسى .... يبقى شكل الشبابيك والأبواب لازم تبقى اندلسى..

-طيب ربناا يعينك على عقلك و ربناا يستر من عمايلك...إتفضلي وقت الشغل خلص هنروح بيوتنا خلاص

....................................................................


بيدخل عمر مكتبه..... ويطلب من السكرتيرة تبعت له القهوة بتاعته سادة بوش تقيل ..... بيقعد على مكتبه .... هيقضى يومه كعادته فى مكتبه وكل المهندسين والموظفين بيمشوا وبيقعد يشتغل لوحده .... بيفتح شنطته ويطلع اللاب توب .... وبيطلع الفلاشة الموجودة يشغلها يلاقيها فاضية... عنيه بتوسع من الصدمة .... بيمسك شنطة اللابتوب بسرعة وببدا يدور زي المجنون ... بتجيله لحظة ادراك انه نقل فولدر التصميم على الفلاشة الغلط ... فلاشته الخاصة .... فلاشة المحبوبه... بيبدأ يحك راسه بقلق ... يعمل ايه .... فلاشته بقت مع شخص ثاني.... ومش اي شخص .... بنت!! كائن حشرى حبتين وفضووولي كتير ...على الرغم من عشق عمر لساره في حياتها ومماتها طول السنوات الطويلة ....دي الا انه بيعتبر ساره بنت مميزة ما فيش ليها مثيل ...وكل علاقته من زمالة او صداقة مع الجنس الاخر ....كان بيشوفها مجرد ازعاج لراحته وقلق وصداع....
بيفضل عمر يدور بالغرفة بقلق.... عاوز الفلاشة حالا وباي طريقة بيقرر يتصل على الشركة يكلم المهندسة يقول لها متفتحش الفولدر الخاص... بس حظه مساعدوش المرادي ....

-الدوام خلص يا باشمهندس عمر .....(دا كان رد مسؤول الامن في الشركة)

-طيب ممكن تدينى رقم المهندسة .... اللي اشتغلت معها النهاردة

-حضرتك عندنا مهندسات كتيرة ...ممكن اسمها عشان اقدر اساعدك

عمر مع نفسه كان اسمها ايه المهندسة دي ....يخربيت معرفتها بس..
-نسمة اسمها نسمة

-نسمة ايه حضرتك؟؟

-معرفش.... معرفش!!

_مقدرش اساعدك يا فندم كدا...

بيقفل عمر التليفون فى وش الموظف قبل ميكمل حتى.....بيمسح وشه بعصبية

بتدخل سكرتيرته بتحط القهوة على مكتبه ..

-محتاج حاجة تانية يا باشمهندس؟؟

عمر بنرفزة ...
_لا...برا فورا

بتخرج السكرتيتره فورا من غير نقاش .... هيه في غنى من انها تواجه وحدة من موجات غضب المهندس عمر ..

قعد على مكتبه .... ضم راسه بين اديه.... بتفكير مفيش قدامي الا اني اصبر اكيد هترنلي عشان الشغل... بيلم لابتوبه واغراضه ويخرج من مكتبه .... بيركب عربيته .... بيفضل يلف فى الشوارع سرحان ومهموم لحد ميلاقي نفسه قدام بيته بيركن عربيته و بيطلع لشقته ... مكان ذكرياته مع محبوبته... ببينهار بجسمه على أول كرسى يقابله ..... بيحس بإرهاق كأنه كان بيجري لساعات


...........................................................................


نسمة بتروح لبيتها يكون ابوها وامها منتظرينها للغدا.... بتقعد معاهم شاردة.....

ابوها بيسألها
-مالك يا نسومة سرحانة فى ايه .....

نسمة بابتسامه ...
-ابدا مفيش يا بابا ...بس جالي شغل مع اشهر مهندس معماري في مصر

الاب بحنية
-دايما رافعة راسي يا حبيبتي.... انا فخور فيكي

بتخلص الغدا .... بتحضن ابوها وتبوسه ..... وتحضن امها وهتهرب لاوضتها

الام بتوقفها بمشاكسه ...
-اشمعنى باباكي مع بوسة وانا من غير يا بت انتي..

نسمة بابتسامة
-كلو ولا زعلك يا ست الكل واحلى بوسة لعيونك..

نسمة في أوضتها .... بتفتح اللاب وتكمل شغل مع انه مش عادتها تشتغل فى البيت ..... بتلاقى نفسها عايزة تخلص التعديل بسرعة .... مش عارفة ليه ..... بس بتبرر لنفسها حتى تخلص من المهندس عمر باسرع وقت ممكن ...بتخلص التعديلات بتاعتها على تصميم عمر على نص الليل..... بتتمطى وتبص لشغلها بفخر
ان ما جننتك يا باشمهندس عمر(بتكلم نفسها )
وبتلاقى نفسها بتمسك تليفونها .... وتطلع كارت عمر وتتصل عليه ... بتكلم نفسها
مش انت عامل فيها كائن فضائي رد اشوفك ...

عمر بيكون فى الشقة بيدور فيها زى المجنون على امل تكون الفلاشة مش مع غيره .... تليفونه بيرن برقم غريب مش مسجل عنده ...
مين قليل الذوق اللي بيتصل بيا دلوقتي مش وقته بيمسك التليفون علشان يعمله صامت.... بعدين بيفتكر نسمة والفلاشة برد بسرعة..

نسمة بصوت ناعم ....
-الو باشمهندس عمر

-ايوة .... مين معايا

انا المهندسة نسمة
-اه .... اهلا اهلا ..... انا نسيت اخد تليفونك ..... كنت عايزك ضرورى

بتستغرب نسمة
-عاوزني انا .... بترد بشك ... إتفضل خير في حاجة

-أنا نقلت لك فولدر التصميم على فلاشة فيها فولدر خاص.... ممكن متفتحيهوش من فضلك

نسمة بتوتر ...
-فولدر خاص ؟!..لا مخدتش بالي منه..

-طيب كويس جدا ..... انا محتاج الفلاشة فى اقرب وقت ممكن؟؟

-ايوا ممكن تمر على الشركة تشوف شغلى على التصميمات وتاخذ فلاشتك... فى اي وقت تحبه

-لحقتى خلصتى ديكورات المبنى بالكامل ؟

-لا.... انا عملت تعديلات فى زوايا النوافذ وارتفاعتها علشان تناسب تصميم الديكور الاندلسى

-تعديلات في التصميم؟؟... لازم اشوف التعديلات اللى اتعملت دي ....

-اوكي هستنى حضرتك فى الشركة بكرا .... تطلع على التعديلات وتاخذ فلاشتك.... الدوام ببدا عندنا الساعة10:00 ...

-10 متأخر اوى ... انا عندى اجتماع مهم الصبح

-عادي تعال فى أى وقت يناسبك بس قبل الساعة 5:00 ...الشركة موجودة وانا فيها

-بس انا مستعجل على الفلاشة اوي ... ممكن نتقابل فى اى مكان على الفطار لو معندكيش مانع....

-نتقابل على الفطار؟ ... لا مينفعش هتطلع بخيل وتدبسنى بعزومة... شكرا مش عاوزه تعال عندنا على الشركة وهشربك شاى ....

عمر بترتخي ملامحه لشبه ابتسامه خفيفه
-يا ستى متخافيش هاعزمك ..... بس متنسيش الفلاشة...

-يعم مش هنساها هلكتني بالفلاشة....بس عاوزه عزومة جميلة مش تضحك عليا ..

-اختارى المكان اللى انتى عايزاه وانا تحت امرك...

-اممم مش عارفة .... على ذوقك اشوف لو حلو ولا وحش..

-انتى ساكنة فين يا باشمهندسة ؟

نسمة بترفع جبينها
-ليه بتسال ....
بتكمل بمشاكسه
-هتخطفني؟ هجيبلك الفلاشة مش محتاجة خطف...

عمر بابتسامه من مشاكستها بس خفاها وتكلم بجمود....
- لا يا ستي مش هخطفك هشوف مكان قريب عليكي عشان ما تتعبيش فى المشوار .... (بقلة صبر) انجزي ساكنه فين

نسمة بصوت خافت
-اه يعني حركات جنتل وكدا ... أنا ساكنة في التجمع..

-طيب حلو جدا .....أنا ساكن قريب منك فى مدينة نصر.... فيه مطعم حلو فى فيستفال سيتى بيكون مفتوح للفطار من 7:00 الصبح..إيه رأيك نتقابل هناك 7:30

-7.30 الصبح ؟ انت بتحلم يا باشمهندس..... خليها 8:30 ينفع؟

-خلاص نخليها 8:00 وسط بين الاتنين...

-تمام اتفقنا .....عن اذنك ... بتكمل بعد متغلق المكالمة لا يعني كلمته لازم تمشي اما ما جننتك يا سي عمر ...

نسمة بتنام وهى سعيدة ومش عارفة سبب سعادتها بس الابتسامه مرسومة على وجهها.... بتخطر على بالها صور عمر مع البنت المجهولة .....هيه مين دي؟ وعمر متصربع على الفلاشة اكيد عشانها ... طيب عايشة ولا ميتة باين الصور قديمة اوي معقول اخته او امه او حبيبته... لا لا .. اكيد مش حبيبته هو مش متزوج لو بيحبها كان زمانه تزوجها ... بس نظراتهم وقعداتهم مبينه انها حب.... يووو بطلي تفكير يا نسمة ونامي(بتمسك الوسادة وبتغطي وجهها فيهاوبتكمل) نامي عندك موعد الصبح بدرى نامي....
بتقوم بدرى تجهز نفسها... مش بتحط ميكب حاجات خفيفة كدا تبرز جمال بشرتها وجمال عيونها الواسعة.. بتلبس طقم اسود وابيض تحفة عليها بس رسمي حتة... مع كعب اسود وشنطة بيضا.... بتنزل لعربيتها عشان توصل على الموعد...

................................................................................


عمر بيسرح بموبايله شوية بيفتكر لما داست على رجله ولما اتريقت على نظارته بيبتسم من جنانها ..... بس سرعان ما بيصحى من سرحانه وبينفض افكاره..... بيفتح موبايله وبختار موسيقى من اللي بيحبها ... بيمد جسمه على السرير ... وساره في خياله طلعتهم على البحر جمالها ... بيفضل كدا لحد ميروح في النوم ...
بيصحى عمر بنشاط وعنده حماس للاكل .... مع انه مش بيحب ياكل من بدري هو بيكتفي بفنجان قهوة الصبح بس....وطبعا برر لنفسه سبب حماسه علشان يسكت ضميره انه دا فطار عمل وكدا .... مش هيفطر لوحده زي دايما .... بيلبس بدلته السودا كعادته.... بيحط نظارته الشمسية.... بعد ما يرش من برفانه المفضل ويسرح شعره.... بيركب عربيته وبيوصل 7:45 للمكان ....بيحجز ترابيزة جميلة لشخصين..... واكل لذيذ ومتنوع ما بين عربي وغربي... بياجل المشروب لغاية ما نسمة توصل... لانه مش عارف هى بتحب تشرب ايه ..:..على 8 بالضبط بتكون نسمة بتدخل من باب المطعم... بيشوفها عمر بيعجبه انها لبست حاجة فورمال .....دا معناه انه فطور عمل..... على عكس بنات كتير قابلهم خارج شركاتهم كانت بتستغل الموقف و بتحاول تكسب عمر بطريقة تانية...دا طبعا غير انها كانت واصلة على الوقت بكامل اناقتها....وعمر بيقدس المواعيد والالتزام بيها..... المرة دي مقدرش يخفي ابتسامة الاعجاب مد ايده علشان يسلم على نسمة..... بس نسمة ما صدقت ترد ليه لحظة تجاهلها في المكتب.... قعدت واتجاهلت ايده ....

بابتسامة نصر وعيون بتلمع من الموقف نسمة بتقول
-ازيك ياباشمهندس عمر

عمر بغيظ
-تمام وانتي يا باشمهندسة نسمة...

عمر بغرور
- ايه رايك فى المكان اتوقع ذوقي طلع مش وحش

نسمة بغيظ
-اه مش بطال .... جميل !!!

عمر وهو بيكتم الكلام في عقله دلوقتي مش بطال يا نسمة هانم بيرد عمر بجدية
-قبل ما انسى الفلاشة لو سمحتي

نسمة بتوتر خايفة يعرف انها شفتها
-اه اه ... حاضر اتفضل

نسمة بتمسك شنطة اللاب بتخرج اللابتوب بتاعها

-بتعملي ايه

-هوريك الشغل والتعديلات بتاعتي على تصميماتك (بابتسامة فخر)

عمر بابتسامة ونبرة مستفزة
-دا انتي واثقة اوي نفطر الاول ... بلاش تسدى نفسك من تعليقاتي.... وتطلعي تقولي عليا بخيل ومأكلنيش...

نسمة بغيظ واستفزاز
-مش هسمع تعليقاتك لاني متاكدة أن تعديلاتى هتبهرك

بيبدأو الجرسونات يرصوا الاطباق على الترابيزة وبتلاقي حاجات كتيرة بتكفي اكتر من شخصين

نسمة باستغراب وصوت خافت
-الاكل دا كله لمين.... شايفني مفجوعة ؟؟؟

بيسمعها وببتسم
-لا بس معرفتش بتحبي تاكلي ايه فطلبت من حاجات كتيرة عربية وغربية

بحمر وجهها من الخجل
-اوكي .... مرسي

الويتر
-تشربو ايه يا فندم

-قهوة .... بيطلع على نسمة يشوف هتطلب ايه

الويتر
-وحضرتك يا مدام

نسمة بترفع حاجبها
-عصير برتقال طبيعي ... وبعدين انا انسة مش مدام

الويتر بحرج
-بعتذر افتكرت حضرتك زوجته .....
بينقل نظراته ما بين عمر ونسمة.... اسف يا فندم اسف يا انسة

نسمة وجهها بحمر من الاحراج والعصبية
متفكرش تاني .... تفضل جيب اللي طلبناه.....
(وفى سرها)
- خطيبة المستفز دا اهو ده اللي ناقصني لو اخر راجل فى الكوكب مش ممكن افكر يوم اتجوزه

عمر مصدوم من جملة الويتر ... خلته يفتكر ساره ..... تفكيره رجع لسنين كتير ورا ..... افتكر القدر ازاى حرمه من الجواز بحبيبة عمره قبل ما تبقى زوجته بأسابيع ... فك زر قميصه ودعك رقبته حس بخنقة غريبة ....ما ركزش مع نسمة ولا تعليقاتها .... حتى الجمود والانزعاج
رجعوله بعد ماكان بدا يفك شويه....وسيطر الهدوء على المكان قطع هدوئهم الويتر وهو بجيب المشروبات ..

فاق عمر من شروده
أتفضلي يا نسمة افطري... عشان نخلص الشغل قبل معاد اجتماعي

بتبدا نسمة تاكل وبتلاقي عمر بيراقب اكلها بس
نسمة بطفولة وهيه لسا بتبلع اللقمة
- انت جايبني هنا نفطر ولا تراقبني وانا باكل وتعد علي اللقمات

عمر بابتسامة خفيفة
-لا يا ستي انا مش بفطر

-ايه مش بتفطر ازاي ؟

بتمسك كروسان بتحط فيها تيركي مع شريحة جبنة مدخنة وشوية خضراوات ورقيةمن الاطباق الموجودة ..... بتمد ايدها ليه .....
-إتفضل ..... هتعجبك اوي .... بس كلها مع شاي او عصير أحسن من القهوة دي

بينصدم برد فعلها وبرائتها وبيفضل يراقب وشها ونظراتها وهيه مادة ايدها (ولانه مش بيخلع النظارات الشمسية نسمة ماتوترت من حركته لانها مش شايفة عيونه اللي معجبه فيها وبتراقب وجهها وحركاتها الطفولية)

-يلا هتفضل كدا كتير عاوزة اكمل فطار

بيبتسم وبياخذها وبياكل اول لقمة وبتعجبه فعلا ... وبيبدأ ياكل معاها ..

والفطور كان الذ فطور ليهم التنين .... مش علشان الاكل الطيب .... علشان مشاكسة نسمة وضحكتها اللي ما وقفت طول وقت الفطور

بيخلصو فطور وبيشيل الويتر الاطباق

بيخرج عمر اللاب وبحط الفلاشة بيبص لنسمة بشك وبيسالها
-انت ازاي ما اخدتيش بالك من الملف وهمه الملفين جنب بعض

نسمة بتوتر
-اه مانا فكرته ملف لاعدادات الفلاشة يعني .... مكنتش عارفة انه ملف خاص ولا ليه اسم ولا حاجة فمركزتش

-يعني مفتحتيهوش.. اكيد؟؟؟

-ها .. لا لا اكيد ...مفتحتوش

عمر بشك
-تمام

بيكمل باستهزاء
-خليني اشوف تعديلاتك على التصميم

نسمة بتحدي
-قبل ماتفتحه عندي شرط

عمر باستغراب وهو بيرفع حاجبه
-شرط!!

-اه

-خير ايه هو

-لو عجبتك التعديلات هنكمل وقتنا وانت من غير نظارتك السودا دى وتشتغل من غيرها

-نعم!! انت مجنونة بتهزري انا باشمهندس مشهور مش فاضي لهزارك دا

-مش بهزر دا شرطي

عمر بنفاذ صبر
-ولو معجبنيش

-هعيد كل الشغل وهنفذ كل طلباتك

-مانتى كدا كدا المفروض تنفذي طلباتي

-عاوز ايه طيب؟ تطلب من المدير تشتغل مع غيري .... يناسبك كدا؟

عمر بخبث
-طبعا لا

-امال عاوز ايه

-لو معجبنيش التعديلات هتيجى تشتغلى فى مكتبى يعني معايا شهر كامل تتعلمي فيه

انت مجنون !؟صح

-لا كدا عدل طلب بطلب ...

-وشغلي؟؟

-عادي تاخدي الدوام على شفتين الصبح في شركتك وبعد الظهر عندي

-ها موافقة ولا نلغي موضوع الشروط دا

نسمة بتحدي
-موافقة

بتقوم وبتقعد على الجهة اللي هو فيها
بيفتح اللاب وبيشغل الملف والاتنين عيونهم بتتسع من الصدمه

-ايه دا!! حصل كدا ازاي

يا ترى ايه اللي حصل وهمه انصدمو كدا لي؟ وشرط مين اللي هيمشي نسمة ولا عمر ؟؟؟

الجزء الثالث
ايه دا!!! فين الشغل (نسمة مصدومة من الشاشة البيضا وهتبكي )

بس ثواني والملف بيحمل وبيظهر الشغل بتتنفس بهدوء وبتبتسم بفخر ورضى عن شغلها اللي ظهر
الصدمة بتتمسح عن وجهها وبتنتقل لوجه عمر
عمر مصدوم من مستوى الشغل العالي بيبهره وبيعجبه جدا ..... بيبدا يحرك التصميم ويتفحص كل جزء فيه من غير مايظهر على وشه اي تعبير بس جواه انبهار....انبهار بنسمة وموهبتها وانجازها شغل زي دا فى الوقت القليل دا... هنا بيتاكد انه وقعت بين اديه جوهرة فنية مبدعة لازمها بس شوية تدريب ....

بحماس وقلة صبر بحركات عفوية من نسمة.... بتحاول فيها تشوف ملامح وشه اللي مغطي اغلبها بالنظارة السودا.......العيون اكتر شي ممكن يفضح الانسان .....وعمر عيونه متغطيه .... بتحاول تعرف انفعالات وشه من الجهة الجانبيه ليه ......لو التصميم عجبه او لا !!
بس عمر كان وشه غالب عليه الجمود... بياخد ١٠ دقايقوهو بتفرج بكل هدوء..... نسمة بتحس انهم ساعات....وبتقطع الهدوء الموجود ب

- مقلتش حاجة ايه رايك؟؟
(هيه هتموت من التوتر هنا بقى في شرط عيونها هيخرجو من مكانهم وهيه بتحاول تعرف رايه )

بيقلع نظاراته .... بيطلع فيها بانبهار واعجاب...
- مبروك مع اني متوقعتش ...بس كسبتي.... تعديلاتك عجبتني وهننفذها....

نسمة بتقف وتضحك من الفرحة وهيه بتسقف بإديها

عمر وشه بيحمر ويشدها بقوة عشان تقعد تاني
- اسكتي هتفضحينا... المطعم كله بيتفرج علينا
نسمة بتحس باحساس غريب ..... لما مسك ايدها وشدها .... احساس مش قادرة تحدده .... بتحمرخدودها .... بتهدى وبتقعد...... بس ابتسامتها مرسومة على وشها ....مش قادرة تخفيها او تمنعها ..

- برافو عليكى يا نسمة

قلها نسمة !! من غير باشمهندسة ... بتحس فى صوته بنبرة مختلفة عن كل مرة قال فيها أسمها......دا بيربك نسمة بتتوتر وبتفرك اديها وبتحاول تخرج من توترها...

- احم احم سوري على اللي حصل...ابدأ بالتصميمات الداخلية خلاص؟

- احكيلي الاول .. الافكار اللي فى بالك .... ايه تصورك للالوان والشكل ؟

- يهمني اعرف الميزانية ..... علشان افكر فى كل الامور دي واعمل تصميم بكل التصورات دي ..

- الميزانية مفتوحة .. يعنى أطلقى لخيالك العنان وإبدعى زى مانتى عايزة.
بتبدأ تتكلم بحماس وهو بيسمع باهتمام وبتبدأ إبتسامة تظهر على وشه من ابداعها وحماسها

- هبهرك متاكدة وبتكمل...نقدر نستخدم الاقواس والقبب وحتى الزخارف النباتية والهندسية نختار طراز معين عثماني او مصري ااو من بلااد الشام ووففي الطراز االهندي ااو (نسمة بتتلعثم من نظراته وابتسامته المميزة ونظرات الاعجاب فيها كمصصمة موهوبة)

عمر بابتسامة هادئة
- بالراحة اتكلمي بالراحة .. محدش بيجري وراكي
بتاخذ نفس عميق بتبتسم وبتكمل

- كنت باقول ايه ؟اه ... نختار طراز معين عثماني او مصري او من بلاد الشام وفي الطراز الهندي اوالمغربي حسب رغبة العميل والالوان اللي بيحبها كل نوع عمارة بيتميز بالوان عن غيرها وشبكات ونظام اقواس وقبب وأعمدة مميزة .. انا ممكن اجهزلك ملف بسيط زي سكتش باكثر من طراز وانت تعرضه عليه واللي هيوافق عليه هاعمل كل الديكورات عليأساسه..

بيعدي الوقت من غير ما يحسوا وهمه بيتكلمو ويحطواتصورات وافكار ويتناقشوا وبعد ماحطوا النقط على الحروف واتفقوا على الفكرة والتصميم العام وهتنفذ ايه من سكتشات وتصاميم ...

بيسالها عمر بجدية

- هتحتاجي اد ايه علشان تخلصي السكتشات دي يا باشمهندسة؟؟

- على حسب .... لو طالبينه بشكل عاجل هيخلص معاياخلال خمس ايام ..... لو براحتي تسع ايام

- تمام .... على راحتك .....معاكى عشر ايام تجهزي السكتشات دي

- يبقى هبقى على تواصل معك وهبعتلك السكتشات..... تعرضها على عميلك وتقولى عاوزين ايه عشان ابدا شغل كامل

- لكن انا مش عايز تتواصلي معايا

نسمة باستغراب...
- امال عايز ايه ؟؟!

- عايز اتابع تصميمك اول بأول.... عايزك تشرحيلى بنفسك كل خط بتحطيه... هعزمك على فطار عمل زي النهاردة كدا ونشتغل سوا

- مينفعش .... دا شغلي يا باشمهندس... انت شفت شغلي وعجبك ...بس اشرحلك شغلي ده هيعطلني وياخد وقت اكتر.... انا بوعدك هتستلم حاجة جميلة.....وتقدر تعدي كل يوم على الشركة تشوف كل اللي عاوزه..... انما نفطر كل يوم مع بعض صعب جدا .... متأسفه يا باشمهندس

- بصى يا نسمة .... أنا مش هاعدل على شغلك.... انا ليا هدف تانى من انى اقعد معاكى كل يوم
نسسمة وهيه بترفع جبينها باستغراب

- هدف... هدف ايه؟!

- انتى موهوبه يا نسمة ..... موهوبه حقيقى .... عايز موهبتك تعدى حدود الشركة ومصر .... عايز أسمك يبقى زى إسمى برة مصر مش فى مصر بس .... موهبتك محتاجة صقل بسيط وهتلمع زى الماس كده ...

نسمة بتفكير وحيرة
- مش عارفة .. (من جواها عارفة انها فرصة متتعوضش بس بتكابر)
كملت كلامها بهزار بس رافعة حاجبها بتتصنع الجدية
- بعدين انت شلت الالقاب كدا ليه مش مش شايفني مهندسة قد الدنيا ولا ايه..

- مش بشيل الالقاب يا حضرة الباشمهندسة .....بس لانى دلوقتى مش باكلم نسمة المهندسة الصغيرة .... انا باكلم نسمة اللى هيبقى أسمها زى إسمى فى التصميم.
بكمل عمر كلامه بيحاول تلطيف الاجواء مع ابتسامة...

- متخافيش الفطار عليا ... انا اللي هعزمك كل يوم

- لا يابشمهندس .... انا هعزمك انا مش قليلة ذوق برضه...بس محتاجة افكر ....ولازم اقول لاهلي ومدير الشركة لو هنفطر سوا حتى لو فطار عمل...

- إستأذنى من أهلك وأنا هاستأذنلك من مديرك ..... مش هيرفضلى طلب..

- هفكر الاول ......وانا حابة اقول له بنفسي كمان مش عن طريقك ......على كل حال لو مصمم تستاذنه يا ريت متكلموش قبل ما افكر وأرد عليك موافقة ولا لأ

• وهيوصلنى قرارك امتى ؟
• ممكن احتاج يومين..
• هانتظر قرارك ..... لكن متضيعيش وقت كتير فى التفكير..

نسمة بخنقة من غروره
- انا ادرى بوقتي .....ولو وافقت نشتغل سوا .....يا ريت تخفف من الغرور بتاعك ده شوية..
بتقف وبتسحب شنتتها ولابتوبها
- عن اذنك .... شكرا على......

(تصرف عمر بيسكتها وما بتكملش نسمة كلامها).....
بتلاقي عمر بيمسك ايدها ..... و بيبص فى عيونها مع ابتسامة خفيفة.... بتتوتر و خدودها بيحمروا ....بيهزلها راسه علشان تهدى وتقعد تاني...... بتلاقي نفسها بتستجيب ليه بتهدى وبتقعد .... بيسرح فى عيونها شويةمع الشمس اللي بدأت تزحف على ترابيزتهم .... اول مرة يشوف عيونها من القرب دا
نسمة بتتنحنح... خدودها بيحمروا وبتنزل عيونها لتحت..
بيشرب عمر من كوباية المية وبيستعيد تركيزه ويبص ناحيتها

- فى شغلنا يا نسمة مش هتكبرى غير لما تعرفى قيمة فنك ..... ولما تعرفى قيمة فنك هتلاقى الناس بتتهمك بالغرور

بتتنهيدة حزن
- ينفع تعرف قيمة نفسك من غير غرور يا عمر.... من غير متكلمني بالطبقية دي
....بتكمل بهزار وابتسامة خفيفة..... مش يعني عزمتني هتحملني جميلة..... دا اول فطار .... هتعمل إيه بقى لو وافقت على باقي عزايمك اللي بتقول عليها؟؟

بيسكت شوية وهو بيكلم نفسه .....اول مرة يسمع أسمه من غير ألقاب ..... حس بإسمه مختلف وهو طالع من شفايفها .... احساس غريب وهو بيسمع اسمه منها...

- لما تعرفيني هيحصل حاجة من اتنين....اما هتعرفى انى مش مغرور ....أو هتبقى مغرورة زيى
بترفع حاجبها وهيه مش بتفهمه

- انا مستحيل اكون مغرورة يا عمر....
بتكمل باستغراب ونظراته موجهه ليه ...
- اشمعنى انا ؟ عاوز تنمي موهبتي وتصقلها لي؟ هيفيدك بايه دا؟

- لإنك موهبة حقيقية مش مزيفة .... لما أصقل موهبة زيك على الأقل لما أمشى من الدنيا أكون سايب أثر ليا من بعدى .... أنا من زمان بأدور على مهندس موهوب يكون تلميذ ليا .... وأخيرا لقيتك

بتفرك اديها بتوتر وخجل و بتبتسم ..
- شكرا.... هفكر وارد عليك ممكن

- وانا موافق ..... يلا بينا علشان متتأخريش على شغلك….
بيلبس نضارته وبينادى على الجرسون ويدفع الحساب ....... وهيه بتلم اغراضها وتمسك شنطتها ...بعد ما يدفع الحساب بيقف ويستناها تقوم .... بتمد أيدها تسلم عليه ..... بتشكره على الفطار والحاجات الجميلة اللي قالها فى حقها .. بيرد عليها

- تعالى أوصلك فى طريقتى لشركتك

- متشكرة معايا عربيتى

- طيب تفضلي هوصلك لعربيتك

نسمة باحراج من لباقته
- مفيش داعي تغلب نفسك يا باشمهندس

- مفيش غلبة ..... كدا كدا رايح لعربيتي إتفضلي..

بيمشى معاها لغاية عربيتها.... وبيفتح لها الباب لغاية ما تقعد ويقفله بهدوء…..بتندهش من حركته...... هيه عارفة ان ليه تصرفات جنتل .....بس متوقعتكش يكون لبق للدرجة دي معاها .....
بيقطع سرحانها وتفكيرها بحركاته وهو بقول....

- منتظر رأيك

- متنساش وعدك....... مش هتكلم المدير الا لما ابلغكب موافقتي
بيهزلها براسه بالموافقة مع ابتسامة بسيطة…

بتمشى بالعربية وهى معجبة بحركاته الجنتل اللى مشفتهاش غير فى السينما .... وبتبص فى المراية تشوفه بيركب عربيته ..... بتبتسم بفرح
نسمة سايقة العربية بس سرحانة تايهة مشاعر متضاربة كتير
مبسوطة انها ابهرت مصمم مشهور زيه .....وكلامه الجميل عنها وعن موهبتها.....متوترة من طلبه الغريب انهم يفطرواكل يوم....متحمسة انها تكبر نفسها...... وتصقل موهبتها وتبقى مشهورة زيه ...... زعلانة من غروره ...... وبتفكرلو هتعرف تتعامل معه.... خاصة انها كانت عاوزه تخلص من الشغل معاه باي طريقة ..

نسمة اتجننت وبقت بتكلم نفسها
بس انتي زعلانة ليه ؟. مغرور على نفسه .... شفتي هو كان جنتل مان معايا اوي النهاردة ......بس كان مغرور اوي
بس الشغل دا لمصلحتي .......بس مش عاوزاه يتكبر علي اكتر من كدا

بتكون واقفة فى اشارة مرور بتصرخ خلللاااص صدعت.......اللي حواليها بيبصوا عليها بتنتبه بتحط ايدها على بقها وبتضحك على نفسها من الاحراج .......

.....................................................

بتوصل شغلها بتشوفها سحر وبيصبحوا على بعض وبيبدأوا شغل ......نسمة بتكون سرحانة اغلب الوقت… سحر بتنتبه ليها.. بتروح ليها وبتسالها ..
-مالك يا نسمة؟سرحانة فى إيه؟

بتقول لها على كل اللي حصل (بس بتخبي كم حاجة زي شرطها بانه يقلع نظارته...ولما مسك ايدها واستجابت ليه وقعدت .....ولما وصلها لعربيتها وفتح لها الباب ) هيه مش عارفة خبت الحاجات دي ليه بس حست انه دا الاحسن

- طيب؟؟ وافقتي

- لا ... لسا مش عارفة اعمل ايه

- اكيد طبعا توافقي انت هتكوني غبية لو رفضتي....هتبقى اشهر من نار على علم

- بس دا عاوز نفطر كل يوم مع بعض

- ومالو .... مش يمكن يحصل وتعيشوا قصة حب جميلة وتتجوزوا مثلا؟ هتكوني زوجة اشهر واغنى مصمم هنا

- سحر بطلي عبط وغباء ... انت ناسية .... دا اكبر من بيجي عشرين سنة .... نتجوز ايه وبتاع ايه .... دا مش اكتر من مصمم بالنسبالي وهعمل معاه شغل

- غبية طول عمرك .... لو اكبر مني بثلاثين سنة حتى هرسم عليه

نسمة بنرفزة
- غورى من وشى يا سحر بسرعة يلا

- طيب يختي الحق علي بانصحك النصيحة زمان كانت بجمل .... دلوقتي بننصح ومش عاجبين ... باي يا حضرة الباشمهندسة

نسمة بتفكر وبتحس انه عرض فعلا ما يترفضش.... بتقررانها هتوافق..... بس طبعا محتاجة تستشير اهلها وتكلم مديرها ..

بتبدأ تشتغل على المطلوب منها....... وتعمل السكتشات قبل ما تبلغه خبر موافقتها ..

سحر من وراها بتفزعها كالعادة
- شكلك سمعتي الكلام ووافقتي ...

- نسمة ايدها على قلبها من الفزعة ... انتي مش هتبطلي عادة العفاريت دي ... ايوا وافقت على الشغل مش الحاجات اللي فى بالك يا سحر

سحر بضحكة صاخبة
- ماشي يا حبيبتي **** يوفقك ... يلا خلص الدوام انتي لولاي كنتي هتباتي فى الشركة

- ماشي يا سحورتي شكرا
(الفرق نسمة بتحب شغلها علشان كده بتكون دايما مندمجة.... سحر ظروفها اصعب بتشتغل عشان تساعد اهلها.... نسمة وضعها المادي مخليها مش محتاجة للشغل .. هيه بتشتغل لانها حابة تكتسب خبرات وتطور نفسها.... اما سحر طموحها زوج غني يريحها من تعب ومسؤوليات الحياة )

.....................................................

نسمة فى بيتها ….وبعد الغدا والدها ووالدتها قاعدين في غرفة المعيشة بيشربوا شاي ….جت وقعدت وهيه متوترة مش عارفة تقول ايه..

ابوها انتبه
- ها يا حبيبتي شغلك أخباره ايه النهاردة ؟ .... والمهندس اللي حكتيلي عنه .... مش مغلبك؟

- ايوا يا بابا الحمد**** كله حلو

- الحمد****.... امال القمر متوتر لي احكيلي يا حبيبتي عاوزه ايه؟
نسمة بتوتر وهيه بتفرك اديها

- احكي يا روح قلبى .... مالك؟

- بتحكي لابوها كل اللي حصل وكلام المهندس عنها واعجابه بموهبتها ...

ابوها بيبص لها بكل هدوء وبيرد عليها بسؤال
- انت عاوزه الفرصة دي و لا لأ؟

- مش عارفة حساها فكرة حلوة وهتفيدني اوي…

- انا معنديش مشكلة فى اي حاجة هتفيدك..... بس يا حبيبتي مش متقبل فكرة خروجكم تفطروا سوا كل يوم ... مفيش شركة او مكتب تشتغلو فيه ؟ يجي مكتبكم ...

- منا قولتله كدا بس شركتنا مش بتفتح بدري وبيكون عنده شغل فاحنا هنتقابل قبل دوامنا

الام باستغراب
- قبل دوامكم يعني الساعة كام يا نسمة؟؟؟

- على 7:30 ل 9:30

الاب بحزم
- هو اسمه ايه المهندس دا ؟

• نسمة بسرعة
• عمر .. المهندس عمر

- عمره كام سنة .... تعرفي؟؟

- لا معرفش بالضبط بس يمكن اعرف انه اوائل الاربعينات او حاجة زي كدا..

الاب بتفكير
- اعزميه عندنا بكرا على الفطار وهقعد معه واتعرف عليه واشوف لو ارتحت ليه ومعنديش مشكلة معاه .....يبقى تمام مبروك عليكي الشغل الجديد .......لو معجبنيش يبقى ننسى موضوع الفطور يلاقي وقت يجيكي الشركة لو مصر انه يشتغل ويقعد معاكى بشغلك.... غير كدا معنديش اتفقنا يقلبي؟..

نسمة بفرحة بتنط وبتحض والدها
- شكرا يا بابا اوي بجد ساعتني وريحتني ......بحبك اوي
وبتروح لعند والدتها بتبوسها وبتحضنها
- وبحبك اوي........ ها عشان متقوليليش اشمعنا بابا وانا لا

الام بضحكة
- ماشي يا شقية قلبي

طلعت اوضتها مسكت الموبايل تكلمه بس بتتردد وبتقرر متتصلش وتخليه على اعصابه يوم كمان

............................................................

عمر فضل يراقب نسمة لغاية ما اختفت بسيارتها من مراية سيارته...... رجع راسه للكرسي واتنهد .......يا ترى الايام مخبيالي ايه (بيكلم نفسه)

بيتحرك عمر بسيارته .....وبيطلع على اجتماعه وبعد ساعات من المناقشات وطبعا عمر دايما اللي ببكسب بخبرته وقوة رايه..... بيلم اوراقه واغراضه وبيرجع لسيارته تاني بيشغلها وبيتحرك على شركته ......بيقعد ويفضل يشتغل فيها كعادته حتى لو الموظفين روحوا

بيسمع دقات ناعمة على الباب (بيتوقع انها سكرتيرته )
- إتفضل

سكرتيرته بتسأل
- محتاج حاجة قبل ما امشي يا باشمهندس؟

- ايوا .... قبل ما انسى .....عايز فايل ارض التجمعوكوباية قهوة وبعدها إتفضلي

- اخيرا قرررت تستغل الارض ….وتبني حاجة عليها من تصاميميك الجميلة يا باشمهندس

بيرد بجمود
- مش شغلك ...اتفضلي نفذي اللى قولت لك عليه ..

- حاضر
(بتخرج وهيه بتمتم ....بيفضل قاعد مبيطلبش حاجة ولما اعوز اروح يفتكر كل حاجة .... وفوق دا اسلوبه الزفت )

بتجيبله القهوة وبتجيب له الملف اللي طلبه
بتحط الكوباية وتساله
- محتاج حاجة تانية يا فندم؟

- لا شكرًا

بتخرج السكرتيره...بمجرد خروجها من المكتب بيرفع راسه.....بيسيب الشغل اللي بقاله ساعات ما استراح فيها لحظة..... بيطقطق صوابعه ورقبته ......بيشرب رشفة من القهوة .....وبرجع اديه وبيشبك كفوفه لورا راسه .....بيغمض عيونه وبيتنهد..... فجاءة بيلاقي وش نسمة فى خياله..... بيفتح عيونه بسرعة بيسمع صوت ضحكتها بودنه..... بيمسك موبايله يشوف لو في حاجة منها مش بيلاقي لا رسايل ولا اتصال...... بيحس انه اتخنق من المكتب بيلم اغراضه وبيطلع على الحديقة الموجودة قريب من الشركة بيقعد شوية.... ودي حادثة مش بتتكرر كتير.... اصل عمر بيته الثاني هو المكتب…. وهو من بيته الاول لبيته الثاني....بيلاقي **** جميلة بتلعب بالزهور وبتضحك .....فجاءة بتقرب منه وبتديه وردة قطفتها .....بينصدم من تصرفها بيبتسم باخدها وبيكلمها
- شكرًا

- عمو عادي اشوف وشك ؟ انت ليه لابس نضارة شمسي والدنيا ليل.

( بيفتكر نسمة واول يوم ليه معاها فى المكتب وشرطها بتاع النظارة بينفجر ضحك ..... وبيرد عليها)
- انت اسمك ايه يا أمورة؟

- سلمى

بيبتسم وبيقلها
- شكله نسمة تقربلك…. انتي كمان عندك مشكلة مع نظارتي..

- مين نسمة يا عمو .... حبيبتك يعني؟

عمر مصدوم من جملة الصغيرة بيفرك راسه وبيسرح وبيفتكر كلمة الويتر

الجميلة سلمى مش بتخليه يكمل تفكيره بتهزه
- عمو يا عمو....ليه لابس النظارة السودا دي اقلعها
بيضحك عليها وبيرفع النضارة شوية ... بعدين بيشيلها

سلمى بابتسامه جميلة بريئة
- وشك جميل يا عمو ليه بتخبيه بالنضارة

بيبتسم على برائتها وبيحس بسعادة .... اول مرة حد يقوله انه جميل

سلمى بتناديها مامتها بتروح وهيه بتشاور بايدها بحركة جميلة (حركة باي عمو )

بيلبس نضارته تاني ..... باخذ شنطته وملفاته وبيركب سيارته وبيروح على شقته.... بيمر على محل كروسان وبيسال عن نفس السندويش اللي عملته له نسمة على الفطار لما خرجو..... بيشتريه و بيروح على بيته...بياخذ شور ويغير هدومه ... بيقرر يعمل فنجان قهوة مع الكروسان بس بيفتكر نصيحة نسمة فبيقرر يعمل كوباية شاي ....بياكل الكروسان مع كوباية الشاي وبتعجبه جدا ..... حاسس بسعادة غريبة ... نفسه مفتوحة للاكل ..... بيخلص اكله بيكون الوقت عدا 10 بليل .....وبيقعد يستنى اتصال نسمة لحد ما الوقت يعدى نص الليل .... وبعد مايفقد الامل من اتصالها ..... بيحس بحزن مش عارف سببه .... خوف من انها ترفض ....... وبيبرر خوفه بانه هو بس شايف انها موهوبه وهيستفيد منها......بيقرر يهرب من افكاره وينام.....

عمر صحي من النوم مش مرتاح اوي .......حاسس انه طول الليل كان بيحلم بس مش فاكر حاجة ....... قام اخذ دش واتنشط ....... اكتفى بفنجان القهوة لانه مالوش نفسي اكل حاجة.... لبس بدلته السودا.... رتب شعره ورش برفانه......ولبس نضارته السودا وركب عربيته.... حرك عربيته ورايح على مكان اجتماعاته كعادته..

............................................................

نسمة بتفطر مع امها وابوها ..... طلعت غرفتها بدلت هدومها ولبست هدوم جميلة ورقيقة بس فورمال مناسبة لشغلها ......خرجت من غرفتها رايحة الشغل

وقفها ابوها
- نسمة حبيبتي

- نعم بابا

- كلمتي المهندس عمر؟

- لا لسا هكلمه النهاردة يا بابا

- تمام يا حبيبتي انتبهي لنفسك

بتبوس خدود باباها وبتروح لشغلها

بتوصل شركتها........ وكعادتها المرحة بتسلم على الكل بمرح ورقة ...... بتشوف سحر بتصبح عليها .... وبتقعد على مكتبها عشان تشتغل

سحر بتلحقها لمكتبها
- ها رديتي على المهندس عمر ؟

- قلت لبابا وقالي عاوز يفكر
(بتقرر مش تحكيلها اي تفاصيل تانية عشان ما تزعجها بتعليقاتها مع انه سحر انتيمتها ... بس نسمة بتحسها مش بتحبلها الخير )

سحر بتخرج بس معجبهاش رد نسمة (افتكرتها بتكذب عشان تفوز بكل حاجة لوحدها)

في وقت البريك بتمر نسمة على مكتب المدير

السكرتيره بتبلغه بان نسمة طالبة تشوفه فبيرد عليها انه تدخل
- اهلا يا باشمهندسة نسمة ... إتفضلي اقعدي

نسمة بهدوء ووجه بشوش
- شكرا يا باشمهندس

- ها ... إتفضلي عاوزاني فى ايه

نسمة بيحمر وشها وبتاخذ نفس وبتبدأ تتكلم
بتقوله على تعديلاتها اللي عجبت عمر وانه طلب تشتغل معاه كل يوم الصبح عشان عاوز يعلمها حاجات كتير وكدا هتبقى مبدعة اكثر وانه يقدر يطورها لانها بتملك موهبه حقيقية... وانا قلت لازم اقولك يا فندم لو هوافق لانك مديري وبفضلك جت ليا فرصة زي دي

- يعني انتي موافقة على عرضه يا باشمهندسة ؟

• انا لسا مبلغتوش بالرفض او الموافقة حبيت اسالك الاول
• انتي مهندسة مبدعة فعلا وفرصة زي دي هتفيدك اوي .... مبروك ....انا معنديش مشكلة ... بكمل وهو بيهزر ... بس كدا متبقاش تنسينا لما تبقى مشهورة وتشوفيي نفسك علينا

نسمة بابتسامة فرحة
- لا لا ... اكيد مش هنساكم وهنسى فضلك يا باشمهندس

- بالتوفيق يا باشمهندسة نسمة ..

- استاذنك بقى يا باشمهندس مش هعطلك اكتر..

- إتفضلي

بتخرج نسمة من مكتب مديرها فرحانة بتلاقي سحر ماسكة موبايلها

بتبص لسحر باستغراب
- تلفونك مكانش عايز يبطل رن فكنت بادور عليكي عشان اقولك انه باشمهندس عمر.... ابو وش خشب اتصل

نسمة وشها احمر ..... اصلها مسمية عمر على تلفونها ابو وش خشب

بتسحب تليفونها وبتقعد على مكتبها بتفتحه بتلاقيه انه رن مرة وحدة بس ....... بتستغرب من سحر وتغيرها معاها من وقت ما استلمت مشروع عمر

بتفضل سحر واقفة عاوزه تسمع الحوار ما بينهم بس نسمة بتقفل موبايلها وبتحطه جنبها وبترجع للشغل
سحر رفعت حواجبها
- مش هتكلميه ؟؟

- لا عندي شغل كتير هكلمه بعدين

سحر بتتقهر من تصرف نسمة ...... وبتحس انها بتخبي عليها حاجات عن علاقتها بعمر ...... نسمة بتتخنق من تصرفات سحر ...... وبتندم انها قالت لها على موضوع فطورهم سوا...... وبتحمد ربناا انها مقالتلهاش باقي التفاصيل

نسمة كانت بتعد الساعات لغاية ما ينتهي دوامها .....عشان تكلم عمر بعيد عن عيون سحر.....وأول ما خلص الدوام .... عملت نفسها مش واخدة بالها.... عشان سحر متاخدش بالها ....لانه بالعادة نسمة مش بتاخد بالها من نهاية الدوام......بتيجي سحر عليها وبتقولها

- خلص الدوام .... يلا نروح

بتقوم نسمة وبتلملم اغراضها...... بتبدأ سحر تزن عليها عشان ترن على عمر دلوقتي وهيه موجودة...... عشان تقدر تسمع المكالمة...... بتعمل نفسها بترن عليه وانه مردشوبتقولها انه مش بيرد ....بتبعت لمامتها رسالة ترنلها ضروري.... بترن مامتها ... بتحاول سحر تشوف مين المتصل ......بتوريها انه المتصل امها عشان تخلع من سحر وتروح بيتها .

بتوصل بيتها بتطلع لغرفتها بسرعة ......عاوزه تتصل على عمر...... رن عليها من وقت طويل......وهيه مفيش منها خبر..
بتتصل على رقمه بتنتظر رده..... بيرد عليها مش بيخليها تنتظر كتير..

- اهلا باشمهندسة نسمة.... لسا ما وافقتتيش على العرض وابتدينا نتقل ونتغر

- لا ابدا مش كدا ....انا مش بتغر وبتعامل بطبيعتي....حصلت حاجة عطلتني بس

- خير؟ ياارب حاجة مش وحشة..

• لا مفيش .... مش حاجة مهمة ..... هبقى اقولك عليها بعدين
• تمام... ها ..... فكرتي فى العرض ؟

- ايوا.. وانت معزوم عندنا على الفطار بكرا.... الساعة 8:00

- معزوم عندكم؟؟

- ايوا .... بابا عايز يتأكد انك شخص جدير بأنك تفطر مع بنته

بيرد بهزار
- يعني كشف هيئة زى بتاع الكلية الحربية يعنى...

بتتكلم وهيه بتضحك
- لأ أصعب ... ولو نجحت فى كشف الهيئة بتاعه يبقى مبروك عليك مهندسة فنانة مبدعة زيي تفطر وتشتغل معها كل يوم

بابتسامة واضحة
- مش بقولك بدينا نتغر يا باشمهندسة نسمة

نسمة بضحك اكتر

• لا بهزر يا باشمهندس..... مش محتاج اقولك اوعى تقعد مع بابا وانت لابس النضارة السودا بتاعتك... صدقني هيطردك
• للدرجادي ...انتو عيلة بتكرهو النضارات الشمسية باين

نسمة بهزار.
- انا نبهتك وانت حر...... وقد اعذر من انذر...... متجيش تلومني بعدين

بابتسامة
- ماشي يا ستي متنسيش تبعتيلي لوكيشن بيتكم

- حاضر ..... صح قبل ما انسى ........ وهنشتغل بكرا الصبح بعد الفطار ....اشتغلت كم حاجة هوريهملك..... عشان تعمل حسابك لو فاضي

عمر باستغراب
- انتي لحقتي تشتغلي حاجة؟

- ايوا اشتغلت هتشوفهم بكرا

- اوكي سلام

- سلام

بتبعتله اللوكيشن... بتسيب تليفونها ... بتنزل تتغدا مع اهلها ... وبتقعد مع اهلها بتقضي وقت جميل من هزار وضحك ومشاكسة من نسمة ....... هيه فعلا نسمة بيتهم
بتقول لوالدها انه هيجي المهندس بكرا....والد نسمها لوالدتها ....

- عاوزين فطار مميز بكرا عشان الضيف يا ام نسمة ..

- حاضر يا حبيبي
بعد سهرة جميلة مع اهلها بتطلع غرفتها ... بتشتغل على التصاميم ... بس تتعب بتقفل لابتوبتها وبتحضر نفسها للنوم ..... تفكيرها مش بيهدا .

يا ترى هيحصل ايه؟ عمر هيعجب باباها ولا لا؟؟؟ عمر لبق اكيد هيعجبه ... بس ممكن يرفضه لحاجات تانية
معقول بابا ما يوافقش على فرصة زي دي؟؟ لا لا ...متوقعش هو مش هيضيع علي فرصة زي دي لو معجبوش نفطر سوا هيلاقي حل تاني اكيد اكيد..... وبتفضل كدا لحد مايغلبها النوم وتروح فى نوم عميق من التعب...
............................................................

خلص عمر اجتماعه وفى طريقه لشركته .........في مكتبه بيشتغل على فايل ارض التجمع..... (دي مفاجاة عاملها لنسمة هنعرفها بعدين بقى)
رن على نسمة بس ملقاش منها رد ...... فرجع يركز على شغله بالفايل دا....كل شوية يشوف موبايله بس ملقاش اي اتصال او حتى رسالة من نسمة .... فقد الامل واعتبر انه دا رد رفض منها... حاول ينفض افكاره ويركز ع شغله....وهو بيشتغل ومركز... ازعج تركيزه رنة موبايله ... رفع وشه عن لابتوبه ... لقى اسم نسمة على شاشته ... رد عليها بسرعة.. وما خلهاش تستنى كتير ... خلصوا مكالمتهم وقفلو... خلع نضارته السودة وحطها على مكتبه....ولاول مرة من سنين عمر بيعمل كدا برا شقته......بيتنهد ويبتسم ابتسامه واسعه... هو مبسوط وحاسس براحة ......افتكر براءة نسمة وطفولتها وهيه بتقله قد اعذر من انذر ..... لملم اغراضه ولبس نضارته وروح بيته .....
اخذ دش ولبس بيجامة مريحة واكل حاجة خفيفة وقرر ينام عشان يصحى فايق ....... بس النوم ما كانش صديقه فى اليلة دى ......فضل يفكر هيكون بكرا ماشي ازاي وهيحصل ايه..... كان متوتر لدرجة إنه معرفش ينام كويس...... وفضل يفكر فى المقابلة وياخد ايه معاه وهو رايح.... وابوها هيساله ايه....... يوووو هو انا هروح اخطب.... دي كلها مقابلة لشغل (بيتصدم من اللي قاله بينه وبين نفسه .......اخطب!!!..... ركز يا عمر بالهبل دا انت صدقت كلام الناس؟؟ ..... نسمة صغيرة .... وبعدين انت اخذت عهد على نفسك مش هيكون فى حياتك غير ساره...... انت مكنتش معها ومحميتهاش......ومحبتش ولا هتحب غيرها...... نسمة مجرد مهندسة وبس .... سامعني مهندسسسة....بتجتاحه روح ساره )..... بيفضل يتقلب ....والنوم بيجافيه.....بيقوم بيعمل شاي بالنعناع مع البابونج......وبيفضل قاعد لحد مينام
بيصحى الصبح بلاقي نفسه نام وهو قاعد .... بيحس جسمه متكسر....ورقبته ملووحة.... بيعمل تمرين سترتش سريع عشان يحرك عضلاته ..... بياخذ دش بيلبس هدومه.... بيرش برفانه بس مبيكونش على بعضه بعد مرجعت روح ساره تجتاحه ...... غيرارقه طول الليل ونومته المتعبة ...وبيركب عربيته على موقع فيلا اهل نسمة .....

............................................................

نسمة صحيت مبسوطة بس متوترة ... مش عارفة ليه....اخذت شور دافي ...لبست فستان طويل باكمام لنصاديها باللون الابيض عليه وردات باللون البينك ....ربطتشعرها ذيل حصان ونزلت كم خصلة من شعرها.... حطت ملمع شفايف وردي من غير اي حاجة ثاني.... نزلت تطمن على تحضيرات الفطار وتساعد والدتها ....
على الساعة 8:00بالضبط كان باب بيتهم بيدق .... طلع والد نسمة استقبل عمر.... وكان طالب من نسمة متجيش وتستنى هيه ووالدتها في حديقة الفيلا عند ترابيزة الفطور..عاوز يقعد معه شوية لوحدهم (عاوز يطمن طبعا دي بنته الوحيدة)الاب فتح الباب وبترحيب وسلام بالايدين

- اهلا باشمهندس عمر

- اهلا بحضرتك

- تفضل هتفضل واقف عند الباب

بيدخل عمر وهو شايل معاه كيس حلويات من نوع جميل وكيس ثاني فيه شوية مخبوزات... بيحطهم على ترابيزة وبيقعد... بيشيل نظاراته زي محذرتة نسمة ...وبيقعد
والد نسمة بيفحص عمر وقعدته

- مغلب نفسك ليه يا باشمهندس مكانش في داعي

- مفيش غلبة حضرتك ان شاء **** يعجبكم ذوقي

• تسلم .... عرفني بنفسك ...ووضحلي عرض الشغلعلى بنتي نسمة
• انا عمر مهندس معماري.....عمري 45 سنة ...بقالي مهندس معماري معروف في مصر 15 سنة.....انتبهت للموهبة اللي عند نسمة و ذكائها وسرعة ادائها واهتمامها بالتفاصيل.... بس مع الاسف الكليات بتدرس نظريات جامدة بتمنع الابداع والخروج برا الصندوق....ولو حضرتك تسمحلي اني اخرج نسمة برا الصندوق دا والقواعد الصارمة في اماكن الفنون والابداع الحر ...

• طيب نشوف الموضوع دا بعد الفطار ... إتفضل هنفطر برا فى الجنينة ..... نسمة ووالدتها مستنينا هناكومحضرين الفطار
• بالمناسبة انا احمد عمري 55 سنة ... عميد طبيب متقاعد من الجيش...

- إتشرفت بحضرتك
بيخرجو الجنينة ...مكان نسمة ووالدتها ما كانوا قاعدين
بيقفو يسلمو عليه

والدة نسمة بصدمة ودهشة
- عمر؟؟ دا انت ؟؟

عمر حس الصوت مالوف عليه بس معرفش مين

نسمة اتوترت واستغربت امها تعرفه ازاي

والد نسمة باستغراب
- انتي تعرفيه ؟

ايوا دا كان ابن جارتنا وانقطعت اخباري عنها لما اتجوزنا ... بس عرفت انها توفت بعدين ربناا يرحمها

عمر افتكرها..... كانت والدته بتحبها ومبسوطة بجوازها كانها بنتها .....

- اهلا بحضرتك مدام ايمان افتكرتك ... فرصة سعيدة وتشرفت بيكي

- اهلا بيك يا باشمهندس

- ازيك يا باشمهندسة نسمة

- بخير وانت يا باشمهندس

بيهز راسه بتحية لنسمة مع ابتسامة بسيطة

يلا يا جماعة…..إتفضلو على الفطار قبل ميبرد .. (والد نسمة وهو بيقعد على راس الطاولة)

بيقعدو يفطرو ...الفطور مش بيخلى من اسئلة من والد نسمة لعمر عن شغله وحياته وعيلته ومكتبه والمشاريع اللى شارك فيها والجوائز اللى فاز بيها..ليعرفه
اكثر قبل ميرد عليه بقرار الموافقة للعرض بتاعه لاغلى حاجة عنده ..(نسمة)

والدة نسمة بابتسامه
صحيح يا باشمهندس ...اخبار ساره ايه ؟؟قصة حبكم كانت مثل لكل العشاق .... مع الاسف كنت مع أحمد فى البعثة وقت فرحكم فمأخدتش خبر…

نسمة بتتصدم ان عمر عنده زوجه.. وشها بيختلف وبتختنق من غير متعرف ادايقت لي

ابو نسمة بينتبه لوش نسمة ... وبيلاحظ اختلاف وش عمر وشحوبه كمان

عمر بوجه شاحب وحزن كبير.... ساره اتوفت قبل الفرحباسابيع بسيطة في حادثة تفجير شارع الازهر
والدة نسمة بصدمة

- ساامحني يا باشمهندس مكنتش اعرف... وما اتجوزتش لغاية دلوقت؟

عمر بخنقة وحدة
- لا

ابو نسمة بيخفف الجو
- سيبيه ياكل يا ام نسمة بعدين اتطمني على ناسك ومعارفك

بيخلصوا فطارهم….

والد نسمة بيكلم عمر ونسمة
- تقدروا تشتغلو النهاردة هنا في الجنينة وبعدين هرد على موضوع عرضك يا باشمهندس عمر

بيهز راسه بالموافقة

عمر لنسمة
- ممكن لو سمحتي يا باشمهندسة تجيبي لابتوبك اشوف السكتشات

- تمام ... عن اذنكم

بيقوم والد نسمة وبيسيب المهندس عمر بيبص على مبنى الفيلا وبيعجبه

مش بتتاخر نسمة..... بتكون منزلة شنطة لابتوبها للمطبخ.... بتاخده وبترجع عند عمر ... .بيبدأو يشتغلو بتفرجه التصميمات ...وبينبهر من خيالها الواسع واتقانها لشغلها .... خلال يومين بس

• برافويا نسمة الشغل جميل ... بس محتاج شوية تعديلات وهيطلع بيرفكت......كم سكتش فاضلين لسة ؟؟؟
• كمان 4 هكون مخلصاهم قبل المعاد

- تمام ممتاز

بيبدأوا شغل وبيعدل الحاجات المحتاجة تعديل (ابو نسمة طبعا مش بيسيبهم.... اما براقبهم من بعيد واما بيجي عندهم شوية وبيشوف وضع الشغل وبيروح)

نسمة بتحكي لعمر بضحكة بس تتاكد انه والدها بعيد
- مش قلتلك حضر نفسك لكشف الهيئة

عمر ملامحه ارتاحت وبضحكة
- ابوكي محسسني اني مراهق وهيمسكني اداب النهاردة

نسمة بتضحك بصوت عالي .....عمر بيحط ايده على بقها

- اسكتي هتفضحينا

نسمة بتنصدم من تصرفه وخدودها بيحمروا وعمر بينتبه للي عمله بيشيل ايده بسرعة وهو محرج منها
- آسف يا نسمة ...... بس وطي صوت ضحكتك...هتفضحينا

نسمة وهيه بتترج من الضحك بس بتكتم صوت ضحكتها
حاضر..... هحاول

-صحيح هيه ايه الحاجة اللي عطلتك وإتاخرتي لغاية ما اتصلتى بيا تاني لما رنتلك؟؟

نسمة بتدايق لما تفتكر سحر وازاي فضلت تزعجها..
-بنت بالشركة كنت باعتبرها انتيمتي… بس عاوزه تعرف كل حاجة عن تطور الشغل ما بينا … وتعليقاتها مش بحبها بتزعجني ..

-تمام… يلا نكمل شغل .. احسن ابوكي ياخد باله

بيخلصوا شغل وتعديل التصاميم ......نسمة بفرح

- الحمد**** خلصنا بوقت كويس

- ايوا دا بفضل ذكائك

نسمة بخجل
- شكرا

بيلم عمر اغراضه وبيطلع هو ونسمة يقابلوا والدها ويقولوله انهم خلصوا الشغل المطلوب وانه عايز يعرف رده على العرض

والد نسمة بيبص لعمر وبنظرات مش مريحة...
- مرفوض يا باشمهندس عمر

نسمة ابتسامتها المرسومة على وشها اختفت وحل مكانها زعل وصدمة..

بتسال باباها
- ليه يا بابا

الاب بيبص بنظرات صارمة لنسمة بيخليها تسكت .... وبيحول نظراته لعمر
اهلا بيك يا باشمهندس نورتنا

وكدا انتهى الجزء الثالث ...
تتوقع والد نسمة رفض العرض ليه؟ وهل بكدا بيحمي نسمة ولا بيضيع مستقبلها في الشهرة والتفوق؟؟؟


الجزء الرابع


أبو نسمة بص ليها بصة صارمة خلتها تسكت .... وحول نظرته ناحية عمر قبل ما يبدأ يتكلم
- اهلا بيك يا باشمهندس ..... شرفتنا

عمر بجمود
- اهلا بحضرتك.... شكرا لدعوتك وشكرا للفطار الجميل ده

وحول نظرته لنسمة....
- يا ريت يا باشمهندسة تخلصي المطلوب وتبعتيهولى فى اقرب وقت ممكن ..... هنتظر تصميمك وابداعك...

وبيوجه نظراته لمدام ايمان (والدة نسمة)
- شكرا يا مدام على الفطار .... الاكل كان رائع تسلم ايدك

بيمد ايده بيسلم على والد نسمة وبيكمل
- انت الادرى بمصلحة نسمة دي بنتك ومسؤولة منك.... بس لو ممكن تفكر تاني...... نسمة موهوبة والفرصة دي هتفرق معاها كتير مهنيا

الاب بحزم
- انت قلتها يا باشمهندس..... نسمة بنتي ومسؤولة مني وانا ادرى بمصلحتها ...

- عن اذنكم جميعا ... وشكرا مرة تانية
خرج عمر وهو حاسس بشعور غريب .... إحباط مع إحراج ......

أول ما خرج بصت نسمة لابوها و كلمته من بين دموعها
- ليه يا بابا ؟ انت ضيعت فرصة كبيرة كانت هتفرق معايا كتير فى حياتى وفى شغلى....عمل ايه عمر؟ كان محترم جدا

الاب بتنهيدة
- انتي تعرفي انه عمري ماعملت حاجة تزعلك او تاذيكي .... صدقيني دا الاحسن ليكي يا حبيبتي

- الاحسن فى ايه؟ طيب عمل حاجة خلتك مترتاحش يا بابا

- لا .....بس انا مش عاجبني تخرجوا تفطروا سوا برا في المطاعم كل يوم ... دا هياثر على سمعتك .... وانا مش هاسمح لأى حاجة فى الدنيا تأثر على سمعتك و دا اهم عندى من أى حاجة فى الدنيا .... انا عندي فلوس ومش محتاج انك تشتغلي حتى ..... بس لاني بحب اشوفك ناجحة..... وعشان انتي بتحبي شغلك سمحتلك تشتغلي وانتي عارفة دا..

- بس يا بابا

- نسمة انا قلت ايه؟؟؟ يلا هتتاخري على شغلك

بتطلع نسمة على أوضتها وهيه زعلانة

- الاب بيقعد وهو حزين انه بنته زعلانة ..بس هو شايف انه كدا بيحميها

- والدة نسمة بتطبطب على كتفه وبتكلمه

- فهمني ايه اللي فى بالك يا احمد ... رفضت العرض ليه؟؟

- سبب الفطار برة كل يوم مش كافي يعني يا ايمان ؟

- يعني .... مش لدرجة ترفض عرض زي دا لمستقبل نسمة... كان ممكن نفكر بحل تاني ؟لو فكرة الفطار مش عاجباك ومش هتوافق عليها من البداية ....عزمته على الفطار ليه؟

- انا خايف عليها...الباشمهندس دا لبق زيادة ... وانت عارفة بنتك وعارفة رومانسيتها وقلبها .... انا مش عاوزها تعجب بيه وتحبه ويأذيها زي الولد الندل اللي كانت مخطوبة ليه ....وكانت شيفاه ملاك مع انع مكنش عاجبني اوي ....انا من وقتها قلت انا ادرى بمصلحتها .... ولو حاجة حاسس انها هتاذيها مش هخليها تعملها ....انتي نسيتي ايام اكتئابها؟؟ انا مسمحتلهاش تروح الشغل الا عشان تنساه وتطلع من حالتها..

- لا منسيتش يا حبيبي ... وربناا ميعيدهاش من ايام ....بس يا حبيبي دا مهندس كبير ... وباين عليه انه راجل محترم وانا اعرف والدته .....

- وايه يعني كبير مهو لسة عازب .....وبنتك ذكية وموهوبة.......وبعدين تعرفي والدته متعرفيهوش هو ......انتي منتبهتيش لنظرات بنتك لما سالتيه عن زوجته المتوفيه دي ... انا خايف عليها ... بس مش عاوزة تشوفني بدمر مستقبلها المهني

- طيب مهو ممكن يجيلها الشركة ويشتغلوا ......انت مقلتلهاش انك رافضه كشخص .....انت قلت رافض فكرة الفطار بس ....

- ايوا ....منا مش هقلها عشان قصة خطيبك الندل .... مش هجيب السيرة دى تاني.... مصدقنا نسيتها ......وانت عارفة نسمة عاطفية اد ايه

- طيب انا عندي فكرة ايه رايك يا حبيبي؟؟

- ايه ..احكي....

- وكدا لو رفض تجي منه ومتبانش الشرير قدام بنتك ايه رايك...(هتعرفو انتو بعدين اعزائي )

- تمام.......فكرة جميلة يا حبيبتي يخليكى ليا


.......................................................


نسمة سايقة سيارتها وعيونها وانفها احمروا من البكا ووشها حزين....متوقعتش ابوها يرفض عرض مهم لحياتها زي دا .....وصلت الشركة ... دخلتها مكانتش كلها فرحة زي عادتها.... الكل بيصبح عليها وهيه بتحاول ترسم البسمة على وشها وبتكتفي بايماءات بسيطة براسها...الكل استغربو من وضع نسمة الغير طبيعي .... شافتها سحر وانتبهت لحالتها ولحقتها لمكتبها ......

- مالك يا نسمة .....وشك عامل كدا ليه

- بابا رفض عرض الباشمهندس عمر

- ايه؟؟؟؟ لي كدا باباكي مش مقدر الفرصة اللي جاتلك؟

- منتى فضلتي تنقي وتقولي اتجوزيه لما اترفض عرض الشغل .... مش هنتقابل انا والباشمهندس عمر ...هبعتله كل الشغل على الواتساب وبس

- انا كنت بهزر معاكى ياقلبي .... وكملت باستغراب ....ليه ؟ والدك رفض ؟ ليه ؟

- مش عارفة.......بيقول الاخلاق اهم ... وانه كدا مش اخلاق نخرج نفطر سوا كل يوم

سحر بتطبطب على كتف نسمة ..
- بسيطة يا حبيبتي..... يمكن يكون كده أحسنلك

نسمة بتستغرب من تحول سحر معاها بس مش بتهتم ...هيه دلوقتي شاغل بالها حاجة اهم... الفرصة الذهبية بنظرها طيرها والدها من اديها (نسمة شخص طموح وبتحب التميز اوي فهيه مهتمة للفرصة اوي لانه بنظرها هتفتحلها افاق واسعة )

بتخرج سحر من عند نسمة بتحزن عليها ازاي والدها يرفض فرصة زي دي...بس بتجيها فكرة غريبة.... ليه ما تظهرش نفسها للمهندس عمر ؟ نسمة راحت فرصتها معاه ....وكدا مش هتخون صاحبتها (سحر طيبة من جوا بس حياتها وظروفها بتخلي شيطانها يوسوسلها)


........................................................................


عمر خرج من فيلا اهل نسمة ....الحزن اجتاحه مش عارف ليه ..بس اللي عارفه انه هيرجع لحياته الروتينة الممل الكئيبة والسواد بيغطيها.... كان عاوز يكون ليه تلميذ موهوب يترك اثره في الدنيا...كان عاوز يفطر دايما بس مش لوحده.....كان عاوز تفضل الساعات اللي بيكون فيها عمر بشخصيته الحقيقية ويبتسم ويفرح من قلبه... محدش قدر يعمل معاه كدا غير الصغيرة نسمة .... فاق من سرحانة لما وصل مكتبه ....... مستغرب من قرار والد نسمة....قعد يفكر لو عمل حاجة خطأ اترفض العرض عشانها بس ملقاش سبب....اتفزع شوية .... ممكن يكون ابو نسمة شافهم لما حط ايده على فم نسمة لما ضحكت بصوت عالي؟..... وصل مكتبه وقعد وقلبه مقبوض وبيحاول ينفي الفكرة دي من دماغه ..... شغل اللاب بتاعه وهو بيحاول يركز فى شغله .....بس سبب رفض والد نسمة للعرض وانه ممكن يكون شافه شاغل تفكيره..... بيقرر يتصل على نسمة ويفهم منها سبب الرفض .....

مش بتتاخر عليه نسمة بالرد

- الو

- اهلا ازيك يا باشمهندس

- اهلا مهندسة نسمة ...انا بخير وانتي؟

- بخير شكرا ليك

- نسمة كنت عايزة اسالك...والدك قال سبب رفضه للعرض؟

- ايوا .... شايف انه الفطار لوحدنا في المطاعم ممكن يضر سمعتي الاخلاقية ودا بالنسباله اهم من الشهرة المادية ...

- طيب لو كدا بسيطة.

- ازاي؟

- تقدرى تتاخري بعد شغلك في مكتب شركتكم؟؟ نشتغل فيه

نسمة والحزن بدا يختفي ملامحه عن وشها وتتبدل لابتسامة بسيطة
- فكرة حلوة ... هأقول لبابا واقولك رايه .... ما اتوقعش يرفض اهو مشكلة الفطار إتحلت

بيرتاح عمر شويه .... والدها مقالش انه شافهم.......وبيرجع يكمل شغله فى تصميم ارض التجمع

...................................................................


نسمعة بتفتح لابتوبتها ........وبترجع تشتغل تاني في المشروع عشان تخلصه بالوقت المطلوب........ وهيه الحزن اللي كان ماليها خف اوي من فتحة امل انه رفض والدها مش رفض نهائي...وكعادتها بتندمج بالشغل وما بتحس الا وسكرتيرة المدير بتخبط على باب مكتبها...

- مهندسة نسمة المدير طالبك لمكتبه...

- حاضر جاية .... حفظت الملف وقفلت اللاب علشان تطمئن أن محدش يلعب فى شغلها

بتخبط على باب مكتب المدير وبتدخل
- نعم يا باشمهندس ...طلبتني؟

- إتفضلي يا باشمهندسة نسمة .....كنت حابب عرف حصل ايه فى موضوع شغلك الخارجي مع الباشمهندس عمر

نسمة بحزن
- بابا موافقش

المدير باستغراب
- ليه؟ حصل حاجة معجبتش والدك؟

- عرض الباشمهندس عمركان اننا نفطر الصبح مع بعض ونشتغل...لانه الشركة مش بتفتح بدري وهو عنده اجتماعات ........ووالدي معارض فكرة الفطار برا سوا.....بيقول دا مش صح وممكن يسوء سمعتي وسمعة الاخلاق اهم من الشهرة المهنية ......عشان كدا حضرتك

المدير بابتسامة اعجاب وهو بيهز راسه مع كلام نسمة
- والدك معاه حق بصراحة ....وانا لو كان عندي بنوتة جميلة وذكية زيك كنت هتصرف زيه ...

- تسلم يا باشمهندس دا من ذوقك

- خلاص كدا يعني انتهى العرض ..ولا قررتو تعملو ايه ؟

- الباشمهندس عمر قالى لو اتاخر لاخر الدوام ونشتغل سوا نكون خلصنا شغلنا ودا شغل اضافي .....وكدا مش هنفطر سوا..ومش هنشتغل فى المطاعم و هنشتغل فى الشركة

المهندس بابتسامة من تفكير وتصرف عمر
- ولو حابين افتحلكم ابواب الشركة بدري تشتغلو فيها معنديش مشكلة..

- مرسي دا لطف من حضرتك ....بس مش هينفع

- ليه يا باشمهندسة ؟

- يعني .... انا مش عاوزه حد يعرف عن الشغل دا حاجة....وبكدا الموظفين هيعرفو

- متخافيش محلولة.....انا ممكن افتح ليكم واحدة من غرف الاجتماعات اللي بعيدة عن مكاتب الموظفين... ومطلة على غرفة الامن متخافيش يعني

نسمة بفرحة
- بجد يا باشمهندس ينفع ؟؟

- ايوا ينفع

- شكرا اوي لحضرتك ...هشوف الانسب وابلغ حضرتك ......لازم اكلم والدي الاول

- اكيد خدي راحتك.....وسلمي على والدك

- ربناا يسلمك يا باشمهندس

بتغادر نسمة المكتب والفرحة على وجهها

بتشوفها سحر بتلحقها وبتسالها
- المدير كان عاوزك بايه؟؟

- مفيش بيسالني حصل ايه بالشغل

- وفرحانة لي ؟؟

- مدح شغلي اوي بس .....ولا مش عوزاني افرح يا سحر

لا لا ابدا.... بسال بس بالتوفيق

- شكرا يا حبيبتي

خلص دوام نسمة روحت على بيتها تغدت مع اهلها ساعدت امها بشيل الاطباق ......قعدت معهم بعد الغدا.......بنظرات حزن وامل لوالدها

- بابا عاوز اتكلم معك

- إتفضلي يا حبيبتي ...وانا عاوز اتكلم معاكى انا كمان

- بالنسبة لقرارك الصبح انا بحترمه بس لو سمحت

الاب مقاطعا
- نسمة انا بحبك وعاوز مصلحتك يا حبيبتي

بترد نسمة بسرعة
- عارفة يا بابا يا حبيبي بس عوزاك تسمعني لو سمحت لما اخلص كل كلامي ممكن ؟

- طيب إتفضلي أنا سامعك

- بابا ....انا عارفة انك بتحبني وانا لما فكرت بكلامك لقيت فيه وجهة نظر....حتى المدير طلبني النهاردة لمكتبه وسالني عن اللى حصل وقررت ايه فى الموضوع......وبلغته رفضك والراجل اعجب جدا برأيك وقالي معاك حق وطلب اسلم عليك كمان .....وعشان كدا قلي هيفتح لنا ابواب الشركة الصبح نشتغل فيها بدل المطعم..... هتكون غرفة اجتماعات مطلة على غرفة للامن

الاب انصعق متوقعش يحصل كدا بس حاول يفضل هادي

كملت نسمة كلامها
- والباشمهندس عمر اتصل بيا ........ سالني عن سبب الرفض وقلتله سبب الرفض ........قالي تمام لو الرفض مش لشخصي......... نقدر نشتغل بالشركة بعد دوامي ودوامه...... زي اوفر تايم كدا

الاب بغيظ من عمر
-انا مكنتش عاوز ازعلك ومهونتيش عليا لما خرجتى الصبح وانتى زعلانة ... وفكرنا انا وامك بحل احسن من الحلين اللى قولتى عليهم ...

- ايه هو؟؟

- هتشتغلو هنا في جنينة الفيلا .... وبكدا مش همنع حلمك .... وهتكوني تحت عينى ومطمئن اكتر ....

- بس يا بابا انا مش بنت صغيرة اقوله ايه ... دا مهندس كبير ومشهور..... اقوله بابا مش مطمن وعاوز اكون تحت عينه

- نسمة .... دا اللي عندي ومش هغير رايي انت حرة(وبيتحرك وبيسيبها هيه ووالدتها)

بتبص لماماتها بنظرات طفولية
- يا ماما كلميه

- دا رأيي اصلا .... احمدي *** اني اقنعته ..... اكتر من كدا مش هقدر اعمل حاجة

- طيب يا ماما هقول للمهندس..... وهشوف هيقولي ايه

طلعت نسمة لغرفتها مسكت موبايلها ........واسم ابو وش خشب على الشاشة .....مترددة تتصل او لا .... بس بتقرر تتصل وتبلغه بكل التطورات
- احم...ازيك يا باشمهندس عمر

- بخير وانت إزيك ؟

- الحمد**** .....ها احكيلي اتصالك دا خير ولا رفض برضو

انت اللي هتقرر

- انا؟؟ ازاي

- بابا وافق نشتغل .. بس بشرطه هو

- تمام ..وايه شرطه؟

- عايز نتقابل كل يوم وعلى الفطار كمان بس عندنا فى الفيلا....ورافض اي مكان تاني

- ايوا

- احم بس ..دا شرطه

- مفيش مشكلة لو دا يريحه ........معنديش مشكلة

- بجد يا باشمهندس؟

عمر بهزار بس بصوت جامد
-ايوا طبعا.... بس شكلك انتي اللى بخيلة ومش عوزاني افطر عندكم

نسمة بصدمة
- ها...لا لا ابدا اهلا وسهلا ..بس فكرت هتنزعج

عمر بابتسامه
- مفيش مشكلة ... حتى لو في بيتكم.....وتحت مراقبة جناب العميد

نسمة بفرحة
- ميرسي ليك يا عمر..... هنبدا ان شاء **** من بعد بكرا شغل عندنا فى الفيلا

- تمام .... سلام يا نسمة

- سلام

بتقفل موبايلها وبتحطه جنبها ........وبتنزل تشوف والدها بمكتبه....... بتخبط الباب بهدوء...بتستنى والدها ياذن بالدخول

- إتفضلي

- احم احم ...ممكن ادخل

بيرفع وشه عن المجلد الطبي
- اكيد يا بنتي ادخلي

- بابا اسفة لو عصبتك ...متزعلش مني

الاب بحنان
- يا حبيبتي ....بس عاوزك تتاكدي اي حاجة بقولها لمصلحتك مش اي حاجة تانية

نسمة بابتسامة
- يخليك ليا يا بابا ....انا كلمت الباشمهندس عمر وقولتله على كل حاجة قلتلي عليها وشرطك

الاب بنظرة ترقب (متوقع عمر يرفض طبعا مهو مهندس مشهور )

- تمام؟

- والمهندس عمر قالي مفيش مشكلة ...وهيبدا يزورنا فى وقت الفطار من بعد بكرا انا بلغته بكدا

الاب باستغراب
- وافق؟؟

- ايوا يا بابا

- خير ان شاء **** ...مدام بالفيلا مفيش مشكلة

نسمة بتبوس راس والدها...... وبتطلع من مكتبه .......بتقابل والدتها بطريقها....... بتبوس راسها وخدودها
- شكرا ماما حبيبتي

الام بابتسامه
- عفوا يا روحي

بتوصل نسمة غرفتها.....بترتمي على سريرها.... وبتسرح بكل حاجة حصلت..



......................................................................................................


صوت إشعار من موبايله بيشتت تركيزه .......بيبص حواليه بيلاقي انه الليل جا... محسش بحاجة شاشة موبايله بنورها بتوريه الساعة بقت 10 بليل..... وهو لسا بمكتبه راسه ما اترفعش عن شغله.... بيلم اغراضه زى عادته......بيركب سيارته مروح لشقته.......طول الطريق تفكيره شاغله

قرار موافقته على شرط والد نسمه صح؟ انا مصمم مشهور وليا سمعتي....... كدا هيكبر راسه عليا ولا يفكرني ضعيف.....

بس انا وافقت عشان ميفكرش اني عاوز حاجة غير الشغل ويعتبر رفضي لكدا....هلاقي طريقة اكيد وافهمه النقطة دي بطريقتي ....

وهو مروح بطريقة اشترى شوية كيك وحليب من السوبر ماركت .......بيوصل بيته .....بيرن على صاحبه مدير شركة نسمة

- باشمهندس عمر ازيك

- بخير وانت طمني عليك ...... بس مكونش ازعجتك بالوقت دا

- لا ابدا احكيلي .... في حاجة ؟؟الشغل كله تمام؟

- ايوا تمام..... عاوزك بموضوع غير الشغل

- نسمة؟

- ايوا نسمة

- خير يا عمر احكي

- انا عرضت على نسمة نشتغل بعد الدوام فى الشركة عندك

- ايوا قالتلي......وانا قولتلهاا لو يناسبكم الصبح شركتي مفتوحة ليكم ......هتشتغلو بغرفة اجتماعات في الشركة عندنا

- ايوا بس والدها ليه شرط ثالث..... عشان يوافق نشتغل سوا برا اوقات الدوام الرسمية للشركة

- شرط ثالث؟؟ ايه هو

- عاوز الشغل يكون بفيلتهم.... طبعا تحت انظاره...... نسمة مقالتش كدا.......بس طبعا مفهوم

- وانت رديت بايه ؟

- وافقت..... بس خطرلي بعدين انه ممكن يفكرني ضعيف....... ولا ميت عليه وعلى بنته .....انا وافقت لان نسمة موهوبة......وعشان ميقولش رفض العرض لما هيبقى تحت انظاري.....

- تمام يا عمر تصرفك لوجهة نظرك ممتاز......بس ممكن يتفهم عكس كدا .......ع كلن انت استاذ ومش محتاج تعليم....فهمه وجهة نظرك لما تسمحلك الفرصة

- تمام ........وانا قلت كدا برضو.......تسلملي يا صاحبي

اخذ دش و اتعشى ....وراح في نومه

.......................................................................................................



غارقة بتفكيرها وازاي تظهر نفسها قدامه ... بتدخل عليها امها بتلاقيها سرحانة

- سرحانة فى ايه يا حبيبتي

- ماما ؟ ... مفيش

- ازاي يقلبي؟احكيلي مالك انا مامتك حبيبتك

- انا عاجبني شخص بس هو اكبر مني بشوية

- طيب؟

- غني يا ماما ...لو اتجوزته هيريحني من الهم كله

- طيب هو بيحبك؟

- هو مش شايفني ........بس مش دي المشكلة

الام باستغراب وشك
- امال ايه المشكلة يا سحر

- حاسه انه في بينه وبين نسمة حاجة

- سحر يا حبيبتي انا مقدرة انك بتشتغلي عشان تصرفي علينا وتساعدي اخوكي.....بس بلاش ظروفنا الصعبة تنسيكي اخلاقك اللي ربيتك عليها......انا فخورة بيكي كدا ومبسوطة انك بنتي....... وربناا يبعتلك عدلك الحلو ......من غير متزعلي حد ..........هيجي اللي يشوفك ويقدرك بطبيعتك.

- طيب يا ماما .......انا هنام عاوزة حاجة؟

- لا يا حبيبتي....... **** يهدي بالك يا بنتي الحلوة

بتخرج مامت سحر....

سحر مع نفسها.......انتي مش حاسة بيا يا ماما........انا تعبت وعمري قرب من 30 ومتجوزتش و دي فرصتي ...... سامحيني

..................................................



بيصحوا ابطال روايتنا في روتينهم العادي بس كل واحد بيفكر فى حاجة مختلفة

سحر بتفطر مع والدتها واخواتها عشان تروح الشغل (بس عقلها بمكان تاني..........ازاي توقع عمر )

عمر بيشرب قهوته وهو بيفكر ازاي يفهم والد نسمة موافقته على شرطه ....بدون ما والدها يحلل على كيفه ويقلل من نظرته ليه ......خاصة انه مهندس مشهور

نسمة بتفطر مع والدتها ووالدها بهدوء ....وكلهم بفكرو باللي مستنيهم بكرا ...(هيكون اول يوم عشان تبدا نسمة تشتغل مع عمر في فيلتهم)...

الاب محتار هو عمر لما وافق على شرطه كدا يعتبر شخص كويس ......وعاوز يثبتلي انه هو همه الشغل مع نسمة بغض النظر عن الاماكن.......ولا هو فى باله حاجة تانية......مصيري هعرف نيتك يا عمر

اما نسمة....فهيه مبسوطة بانه عمر متحسسش من شرط باباها.......بس متوترة لباباها يحرجها تاني مع عمر.......ويخرب فرصتها الذهبية بانها تبقى مصممة مشهورة ......وتنمى موهبتها اكتر

اما ايمان والدتها الحنونة.....فهيه ما بين خوفها على نسمة ياذيها عمر زي ماقلها زوجها....وما بين طوح بنتها الموهوبة علشان تبدع اكتر واكتر.........وطبعا كدا هيزيد عليها عبء تحضير فطار مخصوص كل يوم تقريبا .........عشان تبيض وش بنتها وزوجها مع المهندس المشهور ...

عمر بيشرب قهوته وهو بيفكر ازاي يفهم والد نسمة سبب موافقته على شرطه ....بدون ما والدها يحلل على كيفه ويقلل من نظرته ليه ......

مديرشركتهم هو ومراته مبسوطين ...بيفطروا بحماس قبل مايروحو المطار........ابنهم راجع من السفر ورايحين يستقبلوه في المطار ....

بيخلصوا كلهم فطورهم وبيطلعوا شركاتهم للشغل...والمدير فى طريقه للمطار علشان يستقبل وحيده ...

نسمة بتوصل بدري زى عادتها........ بتبدا شغل باقيلها اخر حاجة بالسكتشات عاوزه تبهر عمر لما يجي عندهم بكرا.........بتدخل وراها سحر بحماس على غير عادتها .......بتسغرب نسمة بس مش بتسالها ........ بتدعي فى سرها يكون ربناا هداها وبتصبح عليها بابتسامة رضى.....

فى وقت البريك سحر وهيه بتكلم نسمة ببراءة مصطنعة

- نسومتي عاوزه اسالك

- تفضلي يقلبي

- حصل جديد في موضوع عمر ؟ باباكي وافق؟؟

نسمة بهدوء ومحتارة.....تقولها ولا تستنى شوية.... خايفة ابوها يكسفها تاني مع عمر ويفركش الشغل..... وخايفة سحر ترجع تتغير تاني بمعاملتها

- ايه؟سكتي ليه

- لا مفيش.....افتكرت اللي حصل بس......لا مفيش تغير لغاية دلوقتى

- طيب مفكرتيش تطلبي من المدير يتدخل؟

- لا طبعا .... هقوله ازاي ؟ مش هحط بابا بموقف زي ده واحرجه.......هحاول اقنعه انا

- طيب حبيبتي هو ممكن طلب؟

- اكيد ياقلبي .......نسمة باهتمام .....عاوزه ايه يروحي

- ممكن تديني رقم عمر

- مين عمر؟

- المهندس عمر يا نسمة

نسمه باندهاش وبسرعة في الرد
- لا طبعا.......بتكمل ..... انتي عارفة دا مهندس مشهور وممكن ميكونش بيحب حد ياخد ارقامه......انتي عاوزه رقمه لي يا سحر؟

سحر بتوتر..
- عاوزه اساله على حاجة شفتها فى تصميم هو عامله .... ومحدش هيعرف يجاوبني غيره

- اطلبيه منه لما يجي هنا او من المدير .....خلص البريك هقوم لشغلي

سحر بخنقة
- براحتك هاستنى انا شوية

بتمسك سحر موبايلها ......بتدور على ارقام المهندس عمر الخاصة بس طبعا مش بتلاقي حاجة......بترن على مكتب عمر وبتطلب ارقامه طبعا مش بيدوها الارقام........ مع انها اتصلت كانها سكرتيرة الشركة بتاعتها......

بتروح لسكرتيرة مديرها.......وبتعرض عليها عزومة في مطعم مقابل تجيبلها رقم عمر الشخصي......طبعا بحكم انها سكرتيرة فهتكون صديقة سكرتيرة عمر(سكرتيرات مع بعض)......بتتصل عليها وبتجيبلها الرقم وبتديه لسحر........بتشكرها سحر بفرحة كبيرة

- بس متنسيش العزومة

- حاضر حاضر

بتطلع سحر بفرحة كبيرة...... وبتتصل على عمر بسرعة..... ورنات بسيطة حستها وقت طويل لحد ما رد

- الو

- باشمهندس عمر؟

- إتفضلي... مين معايا

- انا المهندسة سحر.... مهندسة ديكور

عمر بيفضل ساكت تكمل كلامها

سحر بعجلة ولعثمة
- ككنت يا باشمهندس عاوزه اسالك على حاجة شفتها بتصاميمك

- أتفضلي اسالي

- لاا مهو مش هينفع على الموبايل ..... لو ينفع اقابل حضرتك

- تماما بكرا الساعة 11:00 صباحا عندي في المكتب ... تمام؟؟

- تمام اوي ميرسي لحضرتك

بيخلص دوامهم........ سحر وهيه مروحه بتاخذ إذن تاخير 3 ساعات الصبح

نسمة بتستغرب.... سحر تقريبا عمرها ما إتاخرت ولا اخذت اجازات
- هتتأخرى ليه بكرة يا سحر ؟ ..... فيه حاجة؟انتو بخير وطنط بخير ؟

- ايوا كلنا تمام....عندي مشوار بس كدا هخلصه و آجى على الشغل

- تمام بالتوفيق يقلبي

بتروح كل وحدة على بيتها

......................................................................................................


عمر في مكتبه وبعد ماخلص اتصاله مع سحر ....... نادى لسكرتيرته

- انتي اديتى رقمي لحد النهاردة ؟؟

السكرتيره بتتوتر
- لا

عمر بشك من توترها؟
- متاكدة ؟

بتهز راسها

- طيب أتفضلي روحى مكتبك

روح عمر لبيته بعد ما تاخر الوقت وهو بيشتغل بياخد دش وبيلبس بنطلون بيجامة ابيض بس ...... بياكل وبينام


......................................................................................



نسمة بعد ماتخلص غدا مع اهلها بتطلع لغرفتها تشتغل ومش بتنام قبل متخلص شغلها .......... بس تخلص بيعجبها الشغل بتبوس شاشة اللابتوب بفرحة ......بتتمطى بتغير هدومها لبيجامة جميلة بنطلون قصير بينك على قد الجسم وبلوزة نص كم على قد الجسم وعليها نجوم وراحت بنوم عميق..

صحيت مبسوطة..............نزلت ساعدت والدتها فى تحضير الفطار...... وعملت الساندوتش اللي اكلته معاه بالمطعم بس بخبز توست ..

طلعت غيرت بيجامتها ولبست بنطلون جنز واسع .....بلوزة بيضا واسعة نص كم عليها وردات بينك صغيرة... ربطت شعرها ذيل حصان وحطت نظارة شمسية على راسها

عمر كان وصل واستقبله والدها .....وكان جايب معه باقة زهور جميلة من الورد البينك والابيض ......

نزلت نسمة اخذت الباقة وحطتهم بفازه مع ماية وجابتها حطتها على ترابيزة الفطار وكانت جايبة لابتوبها معها كمان........وقعدو يفطروا بترقب من الاب اللي بيحاول يفهم تفاصيل عمر اللي كانت جامدة ......اتشال الفطور

- تسلم اديكم على الفطور... جميل ... بابتسامة مجاملة

- صحة وهنا (والد نسمة)

- وانت تسلم اديك على باقة الروز جمل اوي..(والدة نسمة)

عمر بيهز راسه مع ابتسامة بسيطة
- مفيش حاجة قد مقامكم هدية صغيرة لفطوركم اللذيذ...... وبانكم تسمحولي اشتغل مع بنت حضرتكم وهو بيطلع بوالد نسمة

والد نسمة فهم عاوز يقول ايه رفع حاجبه من ذكائه...... مد ايده وسلم على عمر بابتسامه .......عمر صافحه بنفس الابتسامة لما حس انه رسالته وصلت

نسمه ووالدتها بيتفرجو ومستغربين اللي بيحصل.......همه اتحولوا فجاءة ليه..... بيبصوا لبعض ومش فاهمين حاجة

قعدوا عمر ونسمة يشتغلو .....

- ها وصلتي في الشغل فين؟؟

- خلصت السكتشات

- ايه خلصتيهم؟؟ بس انا قلتلك اشتغليهم براحتك مش عاوزين الطلب السريع؟

- ايوا عارفة...... كنت متحمسة تشوفهم فلقيت نفسي بشتغل لوحدي من غير ما احس وخلصتهم

عمر بابتسامة رضى
- تمام يا نسمة .... اشوف

فتحت لابتوبها وباعجاب واضح هز راسه بابتسامة
- جميل جميل..... برافو

- مرسي يا باشمهندس

بس في حاجات بسيطة لازم نعدلها ...... وبيبدأوا شغلهم وتعديلاتهم مش بيحسوا بالوقت

الاب الساعة 9:30 بيقف عندهم (طبعا تفتكروا كان سايبهم كل الوقت ده ؟؟طبعا لا بيراقب عمر ونسمة من بعيد او بيجيبلهم أى حاجة زي الشاي والبسكويت )
- لسة مخلصتوش ؟

نسمة وعمر وهمه بيرفعو راسهم عن اللاب
- خلصنا تقريبا

- انتو عارفين كم الساعة ؟

نسمة بتبص على موبايلها
- يلهوي 9:30 منتبهناش .... هطلع اوضتي البس حاجة فورمال عشان الحق الشغل

عمر بيبص فى ساعته و بيقف وبيضبط هدومه ..... بيصافح والد نسمة.....
- بعتذر لو اخذت زيادة من الوقت انا كدا دايما بشتغل ومش بحس بالوقت....

(الاب بيعرف انه زي بنته فى حبها لشغلها.....عشان كدا همه مبدعين)

- شكرا عشان حضرتك سمحتلنا نشتغل وحضرتك بلغ شكرى لمدام ايمان على الفطور الرائع

بينقل نظره من والد نسمة .......لنسمة وبيقول
- نسمة خلصي التعديلات الباقية هتعرفي.....انا واثق فى ده ..وهشوفها بكرا بعد اذن حضرتك يا احمد باشا

نسمة بفرحة
- حااضر ميرسي يابشمهندس....عن اذنكم

- ولا يهمك المكان مكانك يا باشمهندس (والد نسمة)

- تسلم ...عن اذنك

- سلام

بتطلع نسمة بتبدل بلوزتها بقميص ابيض وجكيت اسود فورمل..... بتركب عربيتها وبتشغل اغنية وبتروح شغلها وهيه مبسوطة ومرتاحة ....



........................................................................................

- بتدخل والدة سحر تصحيها

- لسا مصحيتيش يا حبيبتي مش هتروحي شغلك ؟

- النهاردة المدير ادانا اجازة ..... هخرج انا وصحباتي البنات على 10:00 نقضي وقت كدا

- طيب يا حبيبتي **** يهنيكي

بتصحى سحر متنشطة بتاخذ دش وبتقعد تجهز حالها وتحضر هتسال وتقول وتعمل ايه........وتجهز نفسها وهيه خارجة بتشوفها مامتها
- ايه الجمال دا كله يا حبيبتي ...ربناا يحميكي

- تسلميلي يا ماما ويخليكي ليا ....حلو ؟

- اوي ......**** يحميكي ويفرحنا بيكي عن قريب

سحر بسرها هتفرحي عن قريب

- يلا يا ماما باي...... بلاش اتاخر



..................................................



بيغادر عمر فيلا نسمة وهو مرتاح من ابداعها وانه ابوها بقى احسن مع عمر......

بيروح مكتبه بيخلص اجتماعة ...خمس دقايق وبتدخل سكرتيرته

- باشمهندس في مهندسة على الباب اسمها سحر..... بتقول ان فيه معاد مع حضرتك

- دخليها

بتدخل سحر لابسة فستان ازرق يناسب بشرتها القمحية وسايبه شعرها مفرود(تحت كتافها بشوي)

عمر مش بيعجبه انها مش لابسة فورمال ودي مفروض مقابلة شغل....... وهو بيكلم سكرتيرته بجمود
- ابعتى عامل البوفيه يشوف الباشمهندسة تشرب ايه ......واتفضلى على مكتبك وسيبى الباب مفتوح وانتى خارجة .......علشان يمكن احتاج منك حاجة

- اهلا باشمهندس عمر

- اهلا مهندسة سحر.......تفضلي ...أقعدي.... بيكمل كلامه

- احكيلي انتي بتشتغلى فين ؟

- في شركة للتصميم الداخلي اسمها (............)

- اه يعني عند باشمهندس أيمن؟؟

- ايوا

- وجبتي رقمي الشخصي منين ؟

- تقدر تقول ان ليا طرقي الخاصة يا باشمهندس

- تمام تفضلي سؤالك ايه؟

سحر قعدت طول اليوم امبارح تتفحص تصاميمه..... علشان تلاقي سؤال يلفت انتباهه ويحتاج شرح طويل.... علشان تعجبه وتقعد معه اطول فترة ممكنه
- فى تصميمك اللى عملته لمبنى شركة البترول فى نيجيريا .... ازاى قدرت تجمع بين الطابع الحديث لشركات البترول والطابع القبلى الافريقى بالشكل ده .... ازاى خليت المبنى الفخم ده كل اللى يبصله يشوف فيه شكل الكوخ التقليدي رغم فخامته الشديدة
سؤال سحر عجب عمر....... وفهمها عمله ليه وازاي

- طيب ممكن حضرتك يا باشمهندس تعلمني اعمله ازاي؟

عمر سكت شوية فكر وقرر يوافق ويغض نظره عن لبسها ....بصفتها مهندسة صغيرة عايزة تتعلم منه جزئية معينة.... وهو مش بيبخل بعلمه على حد..
- تمام..ممكن ... ليه لا؟ بحب اعلم اي حد بيكون ليه طموح وعايز يتعلم

- تمام ايه رايي حضرتك اعزمك على الفطار...... في مطعم فراندا فى مدينة نصر بيفتح للفطار من ٧ الصبح نفطر ونشتغل سوا

عمر بيستغرب اختياراها للمطعم صدفة ولا عارفة مكان بيته...برد
- هو هياخد مننا تعليم 10 ساعات بتركيز......مش حاس في داعي للمطعم .....بافضل تجيني الشركة هنا......اختاري وقت يناسبك

سحر بتقف بغضب وبنظرات مش لطيفة بانه بيرفضها

عمر باستغراب
-مالك يا باشمهندسة

سحر بانفعال وغيظ
-ليه يعني مطعم لا؟ ولا لناس وناس المطاعم

عمر باستغراب من لهجتها وكلمتها
- تقصدي ايه يا باشمهندسة

-اقصد انك بتقابل تعلم مهندسات فى مطاعم علشان تشوف شغلهم ....... بتعمل نفسك ثقيل معايا يعني
سحر غلطت اوي باخر جملة كدا فكرت انها بتهدده كانها ماسكة عليه ذلة ......لانها شايفة انه في علاقة ما بين نسمة وعمر مخبينها عليها......فكدا كانها بتخرب سمعته المهنية اللي بناها طول سنين عمره

عمر وهو بقمة غضبه وماسك نفسه
- تقصدي ايه ؟؟؟

- اقصد نسمة وعزومة الفطار بتاعة كل يوم

عمر باستياء من نسمة لانه كان فاكرها غير كل البنات وبتحفظ السر ......وهو بيوجه كلامه لسحر ...
- طيب يا باشمهندسة سحر..... لو انتي فاكره كدا بتلوي دراعي؟؟؟فانا مش بتهدد وعايزه تقولى فى كل مكان الكلام ده اتفضلى قولى .... هتقوليلهم ايه الباشمهندس عمر في احدى المطاعم في موعد عمل على الفطار مع مهندسة اخرى؟؟

- لا ..

عمر بيقاطعها بصوت عالي

• ثانيا بقى والاهم ....... عرض انك تيجي تتعلمي عندي الحاجة اللي سالتي عنها من شوي حتى بالمكتب مرفوض...معنديش وقت استقبلك
• واخيرا لما تروحي تقابلي حد في مكتبه كمقابلة عمل.....يفضل تلبسي فورمال....إتفضلي برا

سحر متنحة .....مكنتش عاوزه توصل لهنا
- بس يا عمر

- اسمي باشمهندس عمر

- بينادي عمر لسكرتيرته .....بس مش بترد بسرعة

- انتي يا زفته

- نعم نعم يا باشمهندس

- وصليها لباب المكتب بسرعة

عمر بيكون هيفرقع من الغيظ.... ازاي تتجرأ سحر انها تهدده...... بيقرر انه هيكلم نسمة بكرا لما يشوفها فى الفيلا ويفهم منها ازاي تعمل كدا
بيحاول يركز فى شغله بس مش بيقدر...... بيستنى الساعات عشان يخلص دوام نسمة ويرنلها في بيتها عشان يعرف يكلمها ....



..................................................



سحر بتخرج ودموعها بتنزل .........كدا فشلت خطتها .........بتكلم نفسها وبتلعن حظها وبتسب غبائها وتسرعها

بتروح بيتها بتشوفها مامتها وهيه داخلة
- ايه يا ماما روحتي بدري كدا ليه...بعدين مال وشك كدا لي ؟؟في حد زعلك

- مفيش يا ماما المدير قطع علينا الاجازة .....هغير هدومى واروح الشغل

- طيب يا حبيبتي دا مستاهل تعيطي ؟ تعوضوها يا حبيبتي

- كان نفسي فى الخروجة يا مااما

بتدخل سحر تغير هدومها .... بس امها مش بتصدقها وبتعرف انه في حاجة سحر مخبياها عليها..بتلبس وبتروح شغلها ...... طول الطريق بتفكر بالخطا اللي عملته وازاي تهدد مهندس مشهور زيه....
وبتفتكر صاحبتها اللي وشت عليها قدام المهندس.....اكيد هيفكر فيا المهندس تفكير وحش...ولو نسمة عرفت هتزعل مني ...بس ماهيه قالتلي ابوها مش موافق ......بس اكيد هتشتغل معاه لسا ما خلصتش الشغل المطلوب من الشركة ....بتوصل سحر الشركة والحزن ماليها

بتشوفها نسمة ...
- الحمد**** على سلامتك يا حبيبتي ....مالك ؟ وشك كدا لي

- مفيش يا نسمة تعبانة شوي

- مرضيتش تضغط عليها اكتر
سلامتك ..... ولو احتجتي حاجة قوليلى..... انتي تعرفي اني دايما جنبك

بدا ضمير سحر يانبها من اسلوب نسمة اللطيف

..................................................


نسمة بعد الغدا قاعدة بغرفتها بتخلص التعديلات موبايلها بيرن باسم عمر
بتستغرب اتصاله وبترد عليه

- الو..... اهلا باشمهندس عمر

- اه يا ست نسمة .......يا كبيرة يا عاقلة ......... انتي ازاي تتجرأي تعملي كدا؟؟؟.... بعدين انت ازاي تدي رقمي الشخصي لحد من شركتكم ......انتي متعلمتيش يعني ايه امانة......يعني ايه سر ؟

نسمة بتتصدم من كلامه ودموعها بدت تنزل وبتلاقي باب اوضتها اتفتح

- مالك يا حبيبتي بتعيطي ليه؟ مين اللي بيزعق دا على الموبايل .......

تتوقعو مين اللي دخل اوضة نسمة ؟ولسا هتعتبر الفرصة من الشغل مع عمر ذهبية ولا هتبطل عنها.....

الجزء الخامس

نسمة بعد الغدا قاعدة فى أوضتها بتخلص التعديلات .... موبايلها بيرن باسم عمر

بتستغرب اتصاله وبترد عليه

• الو

• ايه يا ست نسمة .......يا كبيرة يا عاقلة ......... انتي ازاي تتجرأي تعملي كدا؟؟؟.... بعدين انتى ازاي تدي رقمي الشخصي لحد من شركتكم ......انتي متعرفيش ان رقمى ده محدش يعرفه غير المقربين منى بس...... متعرفيش يعني ايه سر وامانة ؟

نسمة بتتصدم من كلامه ودموعها بدأت تنزل وبتلاقي باب اوضتها اتفتح

• مالك يا حبيبتي بتعيطي ليه؟ مين اللي بيزعق دا على الموبايل .......

نسمة بتشاور بايدها لوالدتها تصبر شوية وتهدى ....... بتمسح دموعها وبتتكلم

• حضرتك بتكلمني كدا ليه؟؟ اظن مش بحاجة ابرر انا تربيت ازاي لاني اتربيت كويس اوي واعرف احفظ السر ...بس حضرتك اللي شكلك مبتعرفش تتعامل مع الناس وخاصة البنات ؟؟
• انت ازاي تكلميني كدا ؟؟
• زي محضرتك كلمتني اسوأ من كدا ....سلام

بتقفل نسمة موبايلها بتبص لوالدتها ........

• لو سمحتي متقوليش اللي حصل ده لحد .... خصوصا بابا

• بس يا نسمة دا قل ادبه ورفع صوته عليكي
• **** يخليكي يا ماما عشان خاطري....... لو اتصرف اي تصرف مش كويس انا بنفسي هاقول لبابا

الام بقلق على بنتها وانه يطلع كلام زوجها صح وياذيها

• طيب المرة دى وبس
• متخفيش مش هيكررها

بتبعتله رسالة انه ميجيش بكرة بيتهم ويجي يشوف السكتشات مع مديرها بالشركة..


.................................................................

عمر هيطق.....توقع تعتذر بس دي شككت بطريقة تصرفاته وكلامه

بتدخل سكرتيرته عليه ...

• محتاج حاجة قبل ما امشي يا باشمهندس

عمر بجمود وصوت عصبي

• هسالك اخر مرة ولو عرفت انك بتكذبي صدقيني هطردك........فنصيحة تجاوبي بدون كذب
• في حد طلب رقمي الشخصي واديتيهوله ؟؟

سكرتيرته بتوتر وهيه بتبلع ريقها

• ايوا سكرتيرة باشمهندس أيمن صاحب حضرتك.....اتصلت وطلبته واديتهولها
• سكرتيرة أيمن ؟؟ انت ازاى تخبي علي حاجة زى دى لما سالتك ؟
• اناا توقعت انه مش مهم لانه ....

بيقطع كلامها

• متفكريش تاني ولما اسالك تجاوبي بدون كذب ساامعة؟
• حااضر
• جيبيلي قهوة مضبوط بسرعة ..........وبعد كده اتفضلى على بيتك

بتخرج سكرتيرته بسرعة بتجيبله القهوة ودموعها ما وقفتش....... عمر شافها من ورا النظارات لام نفسه على عصبيته اللي مش بيعرف يتحكم فيها.......بس فى رأيه مكانش لازم تكذب .......كان متكلمش مع نسمة بالطريقة دي .......خبط ايده على راسه .........

• هببت ايه .... ازاي تكلم نسمة من غير ماتفهم منها........ عصبيتك دي هتدمرك

بيمسك تلفونه بيلاقى مسج نسمة ....... بيقراها وبيعرف انها زعلت اوي ....... بيتدايق وبحاول يلاقي فكرة يكلمها ويراضيها.... بيروح على بيته...........وهو فى طريقه بيمر على محل عارفه كويس .... محل فضة مشهور .... بينزل يشتري منه هدية لنسمة....


.................................................................


سحر على سريرها بتفكر فى اللي حصللها ....... ندمانة اوي وخايفة لتحصلها مشاكل مع نسمة او مشاكل فى شغلها ........فعلا اللي بيبص لفوق بتنكسر رقبته ( سحر مع نفسها)

دخلت عليها مامتها

• مالك يا حبيبتي انتي النهاردة مش على بعضك
• مفيش يا ماما
• لا في يا حبيبتي انا مش هعرف بنت بطني
• خلاص يا ماما بجد مفيش
• طيب يا حبيبتي **** يهدي بالك....... بس نصيحة مني ركزي ع نفسك يا بنتي ...... وصفي نيتك وحبي الخير للكل..... و**** يرزقك كل الخير يديكى على أد نيتك الجميلة ...... انا عارفة قلبك نظيف وجميل ازاي... بس متخليش الدنيا بظروفها وسوادها تاثر عليكي وعى معدنك الاصيل...

سحر باستغراب وتوتر

• مالك يا ماما ...بتقوليلي كدا لي ؟..حد قلك حاجة

الام بابتسامة حنونة

• انا ام يا بنتي مفيش داعي حد يقولي حاجة.....يلا تصبحي على خير ...... يا دوب تلحقي تنامي وترتاحي قبل معاد شغلك
• ماشي يا حبيبتي تصبحي على خير

سحر عقلها مش بيوقف تفكير فى كلام مامتها ......وهيه محتارة تكون قالتلها كدا ليه؟ هتكون عارفة من مين اصلا ....


.................................................................


نسمة بتسمع باب غرفتها بيخبط

• إتفضل
• بتشوف اللي دخل فبتزبط قعدتها احترام ليه
• اهلا يا بابا ...... إتفضل
• صباح الخير يا حبيبتي ........هو المهندس عمر جاي النهاردة؟؟
• اسفة يا بابا.. نسيت ابلغك النهاردة هيجي يشوف التصاميم فى الشركة لانها السكتشات النهائية...... فشفنا انه مفيش داعي يجيى هنا النهاردة

الاب بيشك من تعابير بنته

• هو عمر دا مزعلك فى حاجة؟؟
• لا يا بابا هيزعلني فى إيه ..هو يقدر يزعلنى وانت موجود ؟

بتحضن نسمة باباها عشان تموه على السيرة وبمرح

• يلا بابا حبيبي عاوزه البس واروح الشركة...... يرضيك يقولو عن بنتك المهندسة كسولة ؟
• طيب يا حبيبتي ... البسي براحتك ويلا عشان نفطر سوا

بيخرج والدها .......وبتفضل نسمة قاعدة وبتفتكر المكالمة المشؤمة ........ازاي قدر يكلمها كدا ويشكك فى طريقة تربيتها .....على حاجة هيه مش معملتهاش ....... ومش عارفة هيه ايه اصلا ...........

بتوقف وبتكمل بحزم......انا السبب اني اديته اكبر من حجمه وسمحتله يجي بيتنا ....هعامله زيه زي اي عميل أومهندس طالب شغل ....بترتب غرفتها وتجيب هدومها ......... بتلبس بنطلون اسود عريض مع بلوزة بيضا نص كم .......وفوقها قميص اسود مفتوح عليها وردات بيضا صغيرة.......وشوز ابيض وشنطة ايد بيضا حجمها صغير ...... بتسرح شعرها وبتحط جلوس ترابي خفيف ومسكرا خفيفة ...... بتنزل تفطر مع اهلها .......بتلبس نظاراتها الشمسية بتاخذ مفاتيح سيارتها وبتخرج للشركة....

نسمة طول الطريق بتفكر ازاي تقهر عمر......ازاي تردله اللي عمله فيها ....


.................................................................


طول الليل محتار يضبط غضبه اكتر ازاي ....مكانش كدا .....زعل نسمة .......والسكرتيره خرجت تعيط .....حس بندم فظيع وقرر انه بكرا لازم يصلح كل اخطاءه ......بس بعد مايعرف من نسمة موضوع سحر ....وينبه السكرتيره متكذبش تاني.......

صحي الصبح وهو حاسس انه منامش ابدا .....هواجس بتدور فى دماغه طول الليل .... ساره مفارقتش عقله.......اهله اللي ماتو زاروه فى احلامه.......تانيب الضمير مسابوش طول الليل .....السكرتيره ودموعها..........نسمة وصوتها الحزين المكسور .........مسابوهوش طول الليل

لبس بدلته بس المرادي لبس قميص اسود ونظارته السودا .....اخذ كوب قهوته معاه ..........كلم سكرتيرته ولغى اجتماع الصبح ............واتحرك على شركة صاحبه ايمن .....


وصل شركة ايمن وسط همهمة الموظفين....... شافته نسمة من زجاج مكتبها وتجاهلته وكملت شغلها ...... بص عليها من الزجاج بنظرة طويلة واتنهد ...... كمل طريقه لمكتب صاحبه .....السكرتيره دخلته وقالتله ان المدير شوية وبيوصل


نسمه افتكرت المكالمة وادايقت جدا ............ احمر وشها من العصبية لما شافت الساعة اللي جاي فيها شركتهم........ لانه قالها انه بيكون عنده اجتماعات فى الوقت ده ....

دخل مديرهم الشركة ...... وبعد السلام والكلام بينه وبين عمر.....المدير طلب من سكرتيرته تبعتله نسمة .....طلب عمر من ايمن انه بس يشوف شغل نسمة يستاذن...... على اساس عنده شغل وعايز يتكلم معاها

• ليه ؟ يا عمر فيه حاجه؟
• حاجة خاصة يا ايمن
• متنساش انك فى شركتي وانا مسؤول عنها
• على ايه ..... هلاقي طريقة تانية اكلمها
• طول عمرك عنيد وكتوم يا عمر ......تمام هعمل كدا اشوف اخرتها ايه معك
• تمام ...

قطع كلامهم طرقات نسمة على الباب

• اتفضل

دخلت نسمة وهيه حاضنة لابتوبها بين اديها........ وعلى غير عادتها هيه مش فرفوشة زي ما هى دايما وشها جامد

بابتسامة بسيطة

• اهلا باشمهندس ايمن

بجمود واضح ومن غير متطلع عليه

• اهلا باشمهندس عمر

الاتنين بصوت واحد

• اهلا باشمهندسة نسمة

بتقعد نسمة من الجهة الاقرب للمهندس ايمن .....بتفتح لابتوبها وبتبدا تشرح وبتتجاهل عمر ...... بيكون اغلب كلامها مع المهندس ايمن ........ولما بيسال عمر بتجاوب من غير متبصله.....عمر حس بضيق من تجاهلها .......خلصت نسمة شرحها

المهندس ايمن بفخر واعجاب

• برافو يا نسمة بجد ابهرتيني ....... بس نشوف رأي المهندس عمر عشان العميل من عنده

عمر بابتسامة بسيطة

• جميل جدا .......مفيش غير تعديل بسيط ويكون بجد تحفة باحييها
• تمام هسيبكم تشتغلو براحتكم انا عندي اجتماع مهم .... هسيب ليكم الباب مفتوح والسكرتيره برا لو احتجتوا حاجة.....عن اذنكم

نسمة بتنخنق انها هتفضل معاه لوحدهم ....وبصوت حاد

• تفضل ....اي هيه تعديلاتك يا باشمهندس

عمر بيخلع نظاراته القاتمة وبيخرج علبة متوسطة الحجم من جيبه ......

• إتفضلي دي هدية بسيطة....... لما تلبسيها هيكون التعديل خلص

بتفتح العلبة بتكون اسورة فضة ناعمة بسيطة ...... فيها احجار على شكل وردات من الزمرد الاخضر .......بتقفل العلبة بغضب .......

• هديتك مرفوضة....... وانت لاحظ انك بتقلل من احترامي اكتر......وانا عمري ماهسمح بكدا....انا مش بنباع وبشترى

بمسك اديها بهدوء

• انا مش قصدي كدا .......ممكن تهدي ونتكلم ؟

بتسحب ايدها بقوة

• طبعا لا ..... وموضوع تيجي الفيلا انساه

عمر بيسالها بسرعة

• مين سحر وبالنسبة لك هى ايه؟

نسمة بتهدى وبتبص له بشك

• اشمعنى؟
• جاوبيني بس
• صديقتي في الشركة؟
• وصديقتك بالشركة يستدعي تقولينها عن فطورنا سوا فى المطعم؟ او حتى اتفاق اني عاوز اعلمك

نسمة بصدمة

• انت عرفت ازاي؟

عمر باستهزاء

• ابدا .... دي جت هددتني انها هتنشر خبر فطورنا سوا ......لو مفطرتش معها

نسمة بصدمة

• اييه؟؟مش فاهمة .....يعني ايه؟؟

عمر بعد ما تنهد وهدى نفسه شوية

وبدا يحكيلها قصة سحر من ساعة ما كلمته فى الموبايل....ولما كذبت عليه السكرتيره

• نسمة بصدمة ........ هيه طلبت رقمك بس انا ما رضتش اديهولها ..........ومعرفش انها هتحاول تجيبه باي طريقة ..... اما العزومة وباقي التفاصيل القديمة ......... دا لاني كنت بعتبرها انتيمتي....فاكر لما قلتلك انتيمتي أزعجتني باسالتها ......... دى تبقى سحر ..... اتغيرت بعد شغلي معاك ......ومن وقتها مش بقولها حاجة......
• بس انتي مكانش لازم تكلمي اي حد عن شغلنا وطريقته ....... انتى حرة فى حياتك بس انا شخص بحافظ جدا على خصوصيتى ....... ومبحبش حد يعرف عني حاجة
• كنت بعتبرها انتيمتي...... مع كدا مكانش لازم تعلي صوتك علي ابدا وتكلمني بالطريقة دى .....ولا حتى تشكك بطريقة تربيتي من غير دليل .....كان لازم تسالني بهدوء .....اهو طلعت مش غلطانة

عمر بندم

• اسف يا نسمة

نسمة بتنهيدة

• حصل خير يا باشمهندس عمر
• ممنوع اجي الفيلا لسا برضو ؟

نسمة بحرج

• البيت بيتك...... إتفضل فى اي وقت

.... وبتكمل بابتسامة بسيطة

• في تعديل على المشروع ؟ ولا ابدا شغل
• لا طبعا ابدأي شغل ....التصميم هايل
• شكرا ..... وهيه بتلم اغراضها اوكي مرسي ...... هشوفك بكرا

عمر باعجاب

• نسمة
• نعم
• مش هتاخدي الاسورة

نسمة بخجل واحراج

• لا مرسي
• ليه يا نسمة ؟
• هاخدها بصفتي ايه؟ احنا زملا مهندسين واعتذرت وخلاص .......بس لو اتعادت علاقتنا حتى بالشغل هتنتهي
• طيب مينفعش تاخديها بصفتنا اصدقاء مثلا ؟
• اصدقاء؟
• ايوا ......ولا مش ممكن تعتبريني صديقك المهندس
• اتشرف بصداقتك ..... بس معلش مش هاخدها ......ممكن سؤال
• اكيد تفضلي
• انت ازاي جيت الوقت دا الشركة

عمر بابتسامه من سؤالها

• متخافيش انا مش بكذب انا لغيت اجتماعي عشان اجي اشوفك ...... عمربيتوتر من اللي قاله ...قصدي اشوف التصميم وشغلك

نسمة بابتسامة وخدودها احمرت اوي

• تمام ...عن اذنك

نسمة خرجت من باب المكتب وعمر لسا بيبص عليها لحد ماخرجت بمشاعر مختلطة باستغراب واعجاب بيها وبشخصيتها

نسمة راحت لسحر بتبصلها بغضب

سحر بتوترو هيه بتبلع ريقها

• مالك يا نسمة بتبصيلى كدا ليه
• يعني مش عارفة ؟
• لا ..... في ايه ؟
• انتي عارفة كويس في ايه.....وعشان كدا انا معدتش عاوزه اعرفك..... ولا تكوني انتيمتي ولا حتى صحبتي ........اكتر من صباح الخير بينا مفيش

بتخرج نسمة وبتروح لمكتبها ..... بتلحقها سحر بسرعة

• نسمة اسمعيني ربناا يخليكي

نسمة وهى حاطة وشها باللاب مفيش داعي اسمعك

• انتي قولتى انك معدتيش تشتغلي معاه ..... ولا حاطاه فى بالك كعريس ...... فقولت اشوفه انا .... ممكن يحصل بينا تفاهم او قبول ..... انا قولتلك انه عاجبنى من الاول
• تقومي تهدديه باسرار انا قيلالك عليها ك انتيمتك ؟؟
• انا اسفة .... حقك عليا ...مش هتتكرر
• ايوا مش هتتكرر ......لانك مبقيتيش انتيمتي
• يا نسمة ميبقاش قلبك اسود كدا

نسمة بتردد

• طيب يا سحر .....سماح المرادي

حضنتها سحر بفرحة

• شكرا ياقلبي يا حنونة انتي

رجعت سحر لمكتبها .......وكملت نسمة شغل في اللاب بتاعها....... وعدا الوقت لحد مخلصوا شغلهم .....وروحوا بيوتهم


.................................................................


طلع عمرمن مكتب ايمن .......خطف نظرات لنسمة اللي بمكتبها بتكلم سحر...... وباين الغضب على وشها ...........عرف انها كلمتها فى اللي حصل ......ابتسم من غير محد ياخد باله......على وشها اللي بيحمرمن كل حاجة ........ وخرج ركب عربيته وراح لمكتبه..... وصل الشركة شاف سكرتيرته.... وحس انها زعلانة فعرف انه من عصبيته مبارح .....وقلة ذوقه معاها

عمر بحزم

• جيبيلي قهوة مضبوطة ..... وتعالي عاوزك
• حاضر

بيفرد اغراضه ع مكتبه .........وبيفتح فايل ارض التجمع .....وبقرر يشتغل عليه شوية .

بتدخل السكرتيره ومعاها القهوة...بتحطها على مكتبه

• إتفضل يا باشمهندس ..... عاوزني
• بيخرج عمر من جيبه ظرف وبيمد ايده ليها

بتبص باستغراب.....وبتاخده

عمر بحزم

• ياريت متكذبيش عليا تاني ......ولما اسالك تاني مرة على حاجة قولي الصراحة.....عشان بكذبك كنتي هتعملي مشكلة كبيرة فى شغل مهم
• بعتذر ياباشمهندس
• الظرف دا في مكافاة مالية كنوع من الشكر ليكي
• ليا انا بجد ؟
• ايوا طبعا تستاهليه
• شكرا اوي لحضرتك
• العفو ...... إتفضلي على مكتبك .. لو احتجت حاجة هندهلك

عمر ارتاح بعد اللي عمله .....مع كل جموده ووشه الخشب اللي بيصدره لكل الناس الا انه حنون وطيب اوي ....... هو بس اشباح ماضيه اللى مش بتفارقه ...... لو يخلع الحداد والحزن من حياته وقلبه

بيكمل شغله وبعد ماروحوا كل الموظفين والسكرتيره ....... طلع من جيبه علبة السوار اللي جابه لنسمه ....بيفضل يتأمله ويفتكر عيونها اللي بلون السوار ....يا ترى ليه ما اخدتيهوش يا نسمة؟ معجبكيش ؟ وحقيقى هل بقيتي تشوفيني صديق ولا لسا زعلانة مني؟ ...... بيفضل سرحان لقرب نص الليل بينتبه للوقت بيلم اغراضه........ وبيروح على بيته .......بيخلص روتينه من اكل ودش وبينام ...

بيصحى عمر من بدري متحمس ........عشان يروح يشتغل فى فيلا نسمة ويفطر مع عيلتها........او يمكن دا اللي أقنع نفسه بيه ......بس اللي انا شيفاه انه متحمس عشان يروح يشوف نسمة ...... بيجهز نفسه وعلى معادهم بالدقيقة .......بكون ع باب بيتهم بيدق الباب

بيستقبله والد نسمة من الباب ...... بيسلم عليه عمر بابتسامة وهو خالع نظاراته ......بيستغرب احمد من الحماس اللي عمر فيه .....بيدخلو وهمه بيطمنو على اخبار بعض ....... بيقعدو قدام النافورة في حديقة الفيلا ...... وبيحط عمر علبة جميلة على الترابيزة…. فيها كيكة العسل ..

والد نسمة بابتسامة وشك

• منورتناش يا باشمهندس عمر امبارح يعني ؟

عمر ارتاح انه نسمة مقالتلوش حاجة

• مفيش ..... روحت الشركة امبارح ...... وشفت السكتشات بتاعتها ..... واخترنا التصاميم المناسبة
• وايه سبب حماسك لليوم يا هندسة ... فرحني معاك
• نسمة مبدعة بجد وكل مرة بتبهرني اكتر يا سيادة العميد ...... بالوقت والشغل حتى مش باضطر اعدل حاجات كتير ..... ومشينا فى التصميم بوقت قياسي
• ماشي ربناا يوفقكم
• تسلم يا سيادة العميد ..... دا بفضل انك وافقت لينا نشتغل مع بعض

نسمة ووالدتها وخلصو تحضيرهم للفطار..... راحو سلمو على المهندس عمر ...... ونادوهم وقعدو على سفرة الفطار ..... بدأوا يفطروا بجو عائلي لطيف ......وضحك من الفرفوشة الجميلة نسمة ......واحمد بدأ يتقبل عمر اكتر ويتعامل معه بلطف ...خلصوا فطارهم واستاذنو من العميد احمد ومدام ايمان ....

قعدوا قريب من النافورة وبدأوا يشتغلوا ... نسمة ورته وصلوا فين ......وعمر يوجهها لو في تعديلات ......وطبعا قعدتهم كانت هزارو ضحك....... ونظرات اعجاب واحمرار وجه .....اكتر من كلام الشغل نفسه

وفضل الحال كدا من مقابلات ..... وفطار وهزار واعجاب حوالي شهر ونص..... عمر ونسمة قربوا من بعض اوي ....... وسحر ونسمة بقت علاقتهم زمالة بس ........سحر حست ان نسمة مبقتش معها زي زمان .......وانها بتخبي عليها.....ودا زود من سخطها على حياتها ...... وبقت تكره عمر اوي .....شافت انه اهانها في مكتبه ........... وبعد عنها انتيمتها الوحيدة نسمة

جا يوم العرض النهائي للمشروع ............بعد الشهر والنص من التعب من نسمة ومساعدات عمر واقتراحته وتعليمه......اتفقو في اليوم دا مش هيجي عمر فيلا نسمة...... هيتقابلو فى الشركة مع ايمن ......ويعرضوا عليه الشغل وبعدها هيعرض عمر الشغل على العميل بتوقيع نسمة.....

صحيت نسمة فطرت مع اهلها ولبست طقم فخم اوي وشيك..... لليوم المهم بتاعها ....لبست طقم بلون النسكافيه ...... بنطلون عريض مع بليزر بكم ثلثيني .......تحته قميص بيج ....وحزام بلون بيج وكعب وشنطة من نفس اللون........وسابت شعرها مفرود..... و حضرت نسمة باور بوينت عرض جميل وفخم اوي......فيه كل التصاميم والديكورات ....

اخذت مفتاح عربيتها وشغلت اغنية قديمة من اللى كانت سمعتهم على فلاشة عمر .......وطلعت الشركة دخلت على مكتب المدير فورا ............. كان عمر وايمن فى انتظارها

عمر انبهر بشياكتها الجميلة الرقيقة فى نفس الوقت ..... وفضل يبص عليها

نسمة بابتسامة جميلة ظهرت غمازاتها منها

• صباح الخير يا باشمهندسين
• صباح النور يا باشمهندسة

عمر باعجاب

• صباح الورد يا نسمة

لكزه ايمن فى كتفه

تنح عمر باحراج اللي بان عليه لانه قالع نظاراته السودة حسب طلب نسمة

بدأت نسمة تشرح اللي اشتغلوه ....وكانت مبسوطة باعجابهم ....... وهيه بتشرح جت عينها فى عين عمر اللي كان بيبصلها باعجاب .......... إتلعثمت واحمرت وبقت مش عارفة تكمل شرح .....شربت كوباية ماية واتنحنحت عشان تقدر تكمل شرحها .....استغرب ايمن من صاحبه وانتبه على نظراته واعجابه ....... بس معلقش ........خلصت نسمة شرحها

ايمن وعمر بتصفيق ..

• برافو بجد

ايمن بانبهار

• مهندسة نسمة انتي بجد مستواكي فرق اوي .........انا بقولك يعمر خد بالك ....دي كمان شوية هستنافسك
• دا شرف ليا مهندسة مبدعة زي نسمة يتقارن اسمنا مع بعض

نسمة بفرح وخجل

• دا بفضلك يا باشمهندس عمر ...... وبفضل توجيهاتك
• مش بفضلي ولا حاجة دي توجيهات صغيرة مني .......انتي مبدعة اصلا

خلصوا اجتماعهم الخاص بالشغل ...... وايمن قال لنسمة

• مهندسة نسمة لو تحبي تروحي تاخدى باقى اليوم راحة .......انتي تعبتي اوي الفترة اللي فاتت
• مرسي ليك ... هخلص حاجات بسيطة فى المكتب واروح ...... عن اذنكم

عمر بيراقب نسمة لحد مخرجت ....ايمن بيقطع افكاره

• عمر مالك؟
• مالي؟
• انت بينك وبين نسمة حاجة ؟

عمر وهو بيرفع حاجبه

• بينا حاجة ؟ يعني ايه ؟
• انت مش شايف نظراتك ليها طول الوقت ؟
• عادي ..... معجب بشغلها
• متاكد؟
• ايوا
• تمام براحتك

بيخرج عمر بيلاقي نسمة نازلة ........ بيسلم عليها وبينزلوا سوا..... نسمة ساكتة وخجلانه....وعمر معرفش يتكلم يقول ايه ......واخيرا بيتكلم وبقولها

• مروحة بعربيتك ؟
• ايوا
• طيب سوقي ع مهلك .... توصلي بالسلامة

نسمة بخجل

• تسلم .... وانت كمان ....عن اذنك وبتهرب منه باحراجها لسيارتها

بتروح بيتها وهيه طايرة من الفرحة ......بتشوفها مامتها

• ايه مروحة بدري ليه يا حبيبتي ؟

نسمة بتحضن والدتها وهيه مبسوطة وبتتنطط

• ايوا يا ماما ...... فرحانة اوي
• فرحيني معاكي يقلبي انتي
• عجبهم شغلي اووووووي وانبهروا بيييه
• حبيبتي الشطورة .... انت مبدعة اصلا ...... وروحتي بدري لي؟
• المدير قالي انتى تعبتي الفترة اللى فاتت روحي ارتاحي النهاردة
• طيب يا حبيبتي اطلعي ارتاحي
• انا هغير هدومي وانزل اتمشي بالعربية شوية
• طيب يا حبيبتي روحي بس انتبهي لنفسك ومتتاخريش
• حاضر مش هتاخر

طلعت نسمة اوضتها بسرعة ....... وغيرت لبسها لبنطلون اخضر مريح ....... وبلوزة نص كم بيضا .......واخذت جاكيت خفيف من نفس لون البنطلون .......وعملت شعرها ديل حصان ...ونزلت ..... لقت نفسها بتروح ناحية المعادى ..... حيها القديم اللى اتولدت واتربت فيه لغاية ما دخلت الجامعة ..... قبل ما بابها يشترى فيلا التجمع وينقلوا فيها.... ركنت عربيتها على الكورنيش وفضلت تتمشى وهى بتبص للنيل وسرحت فى عمر ونظراته ....وبقت تكلم نفسها ..... وبس افتكرت انه قلها انتبهي لنفسك ..........وسوقي ع مهلك بقت تنط من الفرحة ..... لقت ست كبيرة و شها كله طيبة بتكلمها من غير سابق معرفة .....

• انتي بنت جميلة وتستاهلي كل خير
• تسلمي يا طنط
• **** يجعله من نصيبك
• هو مين دا يا طنط ؟
• اللي بتتنططي من الفرحة عشانه

نسمة وشها احمر

• تسلمي يا طنط

قعدت نسمة وافتكرت سن عمر وانه اكبر منها...... وشها كشر وبقت تكلم نفسها بحزن المرادي...

• هو اكبر مني صح بس مش باين عليه عمره...... بس بابا عارف عمره تقريبا .... معقول بابا يوافق ...... نسمة بطلي هبل دي مجرد خدى بالك من نفسك ..... بعدين هو معروف بوش الخشب....وكان خاطب واكيد بيحب خطيبته ......واكيد اللي شفت صورتها في الفلاشة اكيد دي ساره..... اكيد لسا بيحبها لغاية دلوقتى ..... عشان كدا دايما حزين...... وبيلبس اسود........ ونظرات اعجابه ؟ يووووو مش عارفة هترك الظروف تمشي زي ماربناا يريد

بتروح نسمة بيتها قرب وقت الغدا ...... بتساعد مامتها وبيحطوا الاكل ....بياكلو وبتفرح باباها بانبهارهم بشغلها ...بينبسط باباها وبيكون جايبلها هدية صغيرة ...... عقد جميل رقيق زيها .....

• وانا عارف ابداعك دا .....مديرك كلمني وقالى انه فخور بيكي
• مديري كلمك ؟
• ايوا كلمنى وهو فرحان بيكى وبموهبتك
• بجد يا بابا قالك انه فرحان بيا وشايفنى موهوبة ؟ وانت قولتله ايه ؟
• شكرته على اهتمامه ..... هو مجهزلك مكافأة كبيرة .... المفروض انها مفاجأة لكن انا قولت ليكي........ يبقى خلاص هديتى ليكى انا ومامتك تبقى هيا المفاجأة .... إتفضلي دي هدية مني ومن مامتك على ابداعك وموهبتك

بتحضن باباها وبتتنطط من الفرحة

• شكرا يا بابا يا حبيبي

وبتحضن مامتها

• وشكرا ليكي ..... يسلم اديكي على كل حاجة جميلة بتعمليها

.................................................................


عمر قاعد بشقته......... بيفتكر نسمة وملامحها ..... خجلها قوة شخصيتها...... بيبص على الاسورة وبيفكر يهديها ليها تاني.......ممكن تقبلها بعد علاقة صداقتهم اللي بقت قوية جدا ....... هو مش عارف ليه ..... بس حابب يشوف الاسورة دي فى ايدها...... بيقطع تفكيره اتصال مهم

• اهلا اهلا يا دكتور ....ازيك
• اهلا يا باشمهندس عمر ..... مجيتش على معادك النهاردة ليه
• كنت مشغول اوي

بس انت مهما كان انشغالك مش بتتاخر على مواعيدك.... خيرفي حاجة ؟

• لا ابدا.. بس كان في مناقشة مشروع مهم لصديقة مهمة ......ونسيت اعتذر
• ولا يهمك هستناك بكرا .......انت عارف الموضوع دا مهم اد ايه
• حاضر هامر عليك بكرا بعد العصر
• تمام جدا ....بانتظارك

بيقفل عمر المكالمة ....... ازاي نسيت امر على الدكتور زياد؟ ...... اصل الدوا خلص كمان....يلا ليلة وهتعدي يا عمر معلش


.................................................................


صباح بداية اسبوع جديد .....كل واحد فيهم راح لشغله ......ايمن بيروح على شركته ….. ومعاه شاب طويل قمحى بعيون عسلية…… لابس بدلة رمادية …..باين عليه جنتلمان …. وينفع يكون فارس احلام نص البنات في الشركة
وقف ايمن بنص شركته … الكل بيبص عليهم وبيهمهمو … ايمن بصوت واضح وحازم بيتكلم … الكل بيسكت وبيسمعله

• يا ريت هدوء عندي كلام مهم عاوز اقوله .... بعرفكم ابني محمد … كان مسافر وجاه من فترة قصيرة… هو مهندس زيكم….. وهيشتغل معكم هنا بالشركة…. وهينوب عني بحاجات كتيرة…. يعني ايدي اليمين
  الموظفات رجعو يهمهو تاني…
  بيوقف الهمهة صوت المهندس محمد …
  - اهلا بيكم وسعيد اني رح اكون جزء منكم ......الكل بيصفق ( طبعا ابن المدير لازم يطبلوله )

اخذه المهندس ايمن بجولة وعرفه على مدراء الاقسام …. وعرفه على المهندسة نسمة ….بصفتها اشطر مهندسة فى الشركة…... وعلى المهندسة سحر ...... بصفتها مسؤولة قسم الماكيت في الشركة....... خلصو جولتهم …. دخل على مكتبه اللي جنب مكتب والده ….بيناتهم بس باب زجاج كبير… واستلم الشغل وبدا يشوف المطلوب...


.................................................................

سحر راحت لنسمة وهيه بتحاول تتقرب منها عشان عاوزه ترغي

• نسومة
• اه يا سحر
• مالك ؟
• مالي ؟
• يعني مبقتيش معااي زي زمان ...... لسا زعلانة
• لا يا حبيبتي مش زعلانة
• امال بقيتي مش بتكلميني لي؟
• عادي مفيش حاجة اكلمك فيها ....... انا بشتغل اهو
• انا كل ما اقولك نتكلم شوية تقوليلى مفيش حاجة اكلمك فيها ...
• لانه مفيش
• طيب يعني فطارك كل يوم مع عمر

نسمة بانزعاج

• انا مش بافطر مع عمر يا سحر
• قصدي بتشوفوا بعض
• ولا بنشوف بعض
• طيب شغلكم مع بعض
• عادي شغل اهو زيه زي اي شغل

سحر بفقدان الامل انه سحر تقولها حاجة عنها

• طيب براحتك مش عاوزه تحكي براحتك
• هسالك حاجة تانية
• إتفضلي اسالي
• ايه رايك في محمد؟

نسمة بانزعاج من تفكير سحر

• مين محمد يا سحر؟
• المهندس محمد يا نسمة
• رجعنا يا سحر ؟
• و**** مهعمل حاجة بس بسال
• شكله شاب محترم **** يخليه لاهله
• امين ....ويجعل لينا الخير معاه

نسمة بصدمة

• سحرررررر

سحر بضحك

• خلاص خلاص....سكت اهو يا ويلي عليكي مش بتخلي الواحد يحلم وبتحط ايدها على بوقها
• طيب يلا ع مكتبك

بتخرج سحر من مكتب نسمة..... وهيه لسا حاطة ايدها على بوقها...بتتكلم بعقلها المرادي مش هعمل حاجة...... لو انت نصيبي **** هيكتبك ليا ....هسمع كلام ماما ونصايحها ......ومش هخلي ظروفي تخسرني اشيائي الجميلة ..

السكرتيره بتروح لسحر ...... وبتطلب منها تجهز الماكيتات للمشروع الجديد ...... وتوديها للمهندس محمد باسرع وقت.... بتنبسط سحر وبتشتغل باسرع وقت ...... واجتهاد كبير عشان تثبت نفسها ليه وتعجبه ......


.................................................................


بيصحى عمر من نومه...... وليلته مش بتكون احسن حاجة...... وبيطلع على شركته بيخلص شغله واجتماعاته......... بيقعد شوي بيسرح ..... حس انه يومه ناقص...... وحس انه مشتاق لنسمة وقعدتها والفطور معها...........بيجهز نفسه وبيلغي اي مواعيد عنده ........بيركب عربيته وبيروح لدكتور زياد ..

بيسلموا على بعض بحراره

• اهلا يا باشمهندس عمر
• اهلا يا دكتورزياد

بيضحكو .......

• احنا هنتهبل القاب وباشمهندس ودكتور
• اقعد يا عمر اقعد ..... احكيلي مجيتش مبارح لي .....مين دي الصديقة الجديدة اللي معرفش عنها
• ايه يبني انت هتحسسني اني مراتك .........عاوز تعرف صديقاتي
• يخربيت عقلك يعمر مراتك....يلا اتفضل خليني اديك الحقنة ......عشان تحكي واسمعك باين عندك اخبار كتير ....... إتفضل انا سامع
• صديقتي هيه مهندسة جميلة اوي .....فرفوشة ودمها خفيف....... ذكية وموهوبة جدا ....... قوية ورقيقة بنفس الوقت.... تعرف امبارح مفطرتش معاها والنهارده مشفتهاش .... حسيت يومي ناقص ..... مرجعتليش الضحكة الا معاها ...
• يا سلام يا سلام ايه الشعر دا وبتقولي صديقة ؟
• امال ايه ؟......اكيد صديقة
• عمر انتا واعي للي بتقوله
• ايوا في ايه يا زياد
• انت بتحب يا عمر ....متقوليش انك مش واعي لنفسك وبتعتبرها صديقة
• ايه.... انت اتجننت يا زياد ...ايه بحب دي ؟؟
• ايوا طبعا بتحب ............دي مش صداقة ابدا ....انا هسالك .... لسا بتفتكر ساره زي زمان؟؟؟
• بصراحة لا ..... اجتياح الزمن والذكريات بقى اقل وبقيت افكر بنسمة
• اهو شفت انت بتحبها ...... بس الماضي مسيطر عليك
• مينفعش اللي بتقوله دا يا زياد
• مينفعش ليه ؟؟؟
• نسمة اصغر مني بعشرين سنة ..... يعني حب مستحيل دا لو حصل
• مفيش حاجة مستحيلة .....العمر عمره مكان عائق بالحب الحقيقي........ انت ناسي انه بيني وبين مراتي 13 سنة
• بس دول 7 سنين مش قليلين برضو
• حتى لو .... انت اصلا راح من عمرك 15 سنة معملتش فيهم غير الشغل .......مخك وعقلك وقفوا هناك ...... عشان كدا حبيت نسمة انت من جوا مش كبير معشتش مراحل عمرك
• مش عارف يا زياد خايف
• من امتى وانت بتخاف ....حاول من اول فرصة .........صارحها .... العمر بيجري يا عمر ....فتاة بالمواصفات اللي بتقول عنها هيجي عرسان وتتخطب وتروح منك
• تتخطب !!وعرسان ؟
• امال هتخلل عند اهلها؟ حاول اهو لو حاولت متندمش بعدين..
• هشوف يا زياد

نسيب زياد الدكتور النفسي وعمر يرغوا براحتهم......احنا عرفنا اللي يهمنا حاليا منهم ....... نسيب عمر ونفسيته يحلها الدكتور زياد

بيخلص عمر موعده ..... بيكتبله الدكتور ادويته والفيتامينات بتاعته.... بيروح عمر بيقرر يروح يتغدى بنفس المطعم اللي افطر فيه مع نسمة ...... بيقعد على نفس الطاولة .....بيطلب نفس الحاجات اللي طلبها معها.......... وبيعمل نفس الساندوش اللي عملتهوله ...... بيقعد يفكر بكلام دكتوره وصديقه الوحيد اللي بيقدر يتكلم معه زياد .... يا ترى معقول انا بحبها بجد ......اسمع من زياد واعترفلها ولا بلاش .....انا مبسوط معاها فعلا وعاوزها دايما حواليا ...طيب هقابلها ازاي وهعترفلها ازاي؟ ........ اه لقيتها مفيش غير كدا هستعجل فيه .....يا رب ابوها يوافق بس.... هقولكم بعدين على فكرة عمر اللي خطرتله بقى......بيخلص عمر اكله وبيروح بيته ....... بياخد دش بياكل وبنام.......


.................................................................


بتروح نسمة وبيكون يومها روتيني بتتغدا ........وبتقعد مع اهلها بتتكلم مع باباها ومامتها......بتطلع تكمل شغلها .....بتحس انه عمر وحشها ......ايامها الحلوة معاه ضحكها .....شخصيته اللي مبيعرفهاش حد تقريبا ..... بتكمل شغلها لحد متنام

بتصحى الصبح بتلبس وبتروح شغلها ...وكعادتها لبسها الانيق الفورمل.... الطقم باللون الزيتي والقميص والكعب والشنطه باللون الطحيني .... وشعرها بتعمل اطرافه ويفي وبتسيبه مفرود ..

بتوصل الشركة وبتفضل تشتغل لوقت طويل ......بتحتاج ملف بتروح تجيبه من الارشيف بتتتقابل مع عمر عند المصعد ..........

• احم مساء الخير

عمر باعجاب بطقمها اللي مخلي لون عيونها خيال

• مساء الفل يا نسمة ....

بكمل بتوتر

• هوانتي عندك حاجة النهاردة بعد الشغل

نسمة باستغراب

• لا ليه ؟
• عازمك على الغدا النهاردة .......ويا ريت مترفضيش

بيوصل المصعد لطابق المكاتب

نسمة بتتصدم من طلبه ومش بتقول حاجة ...... بتبتسم بخجل ..... وعمر بيمشي لمكتب المدير

السكرتيره بتبلغ نسمة ان المدير طالبها حالا...... بتروح نسمة لمكتب المدير.....بتلاقي عمر في مكتب مديرها ...بتسلم عليهم وبتوجه كلامها للمدير

• إتفضل يا باشمهندس.... انت طالبني
• ايوا يا نسمة .... كنت عاوز اسالك عن رايك في المهندس محمد
• ابن حضرتك ؟
• ايوا
• رايي فيه من اي ناحية يعني....... مش فاهمة حضرتك
• انا عاوز اجوزه ..... وعاوز اعرف رايك فيه
• رايي انا ؟؟؟

عمر طبعا قاعد سامع الكلام .....ومقدرش يسكت اكتر .....وشاط كدا......

• ما تجوزه يا ايمن ......... عاوز تعرف راي نسمة ليه؟

ايمن بيضحك بصوت عالي

• مالكم اتخضيتوا كدا ليه انتو الاتنين ..... اهدى يا عمر

بينده ايمن سكرتيرته بيقولها تندهله المهندسة سحر وتجيب قهوة للكل

بيكمل ايمن وهو بيضحك تاني..... وعمر وصل لاخره من الاستفزاز ......ايمن بيكمل لما يشوف منظر عمر

• انا بفكر اخطب المهندسة سحر لابني محمد ...ايه رايك يا نسمة انتي تعرفي سحر اكتر مني

نسمة تفاجات بس كملت بهدوء

• اللي تشوفه يا باشمهندس ..... سحر بنت طيبة وجميلة .........هيه ظروفها صعبة شوي بس هيه اخلاقها جميلة......... ومامتها طيبة وربتها كويس ...

عمر بيدخل بالحوار وبيكلم ايمن

• انا من رأيى تلاقي احسن منها

ايمن بصدمة

• انت تعرفها ؟؟
• ايوا اعرفها....... وانا مش شايفها بالطريقة اللي بتقول عنها المهندسة نسمة

نسمة باستغراب

• يا باشمهندس عمر سحر مش بالطريقة الوحشة اللي شايفها ....... يمكن سوء فهم ما بينكم

اللي مكانوش يعرفوه انه سحر وصلت وكانت ورا الباب لما سكرتيرة ايمن راحت تجيب القهوة.....وكانت هتطرق الباب بس وقفت لما سمعت اسمها....... ولما سمعت كلام عمر عنها زاد الكره من ناحيتها اتجاهه...... هيه دلوقتى شايفة انه بيحرمها من عريس لقطة...

بتخبط وبتدخل سحر المكتب …… بعد كلمة تفضلي اللي خرجت من المدير ايمن

• تحت امرك يا باشمهندس ..... طلبتني ؟
• إتفضلي يا سحر .....المهندس محمد مدحلي اوي بالماكيت ......فحبيت المهندس عمر والمهندسة نسمة يشوفوه بما انه شغلهم بقى
• حاضر يابشمهندس تحت امرك
• بتعرضه عليهم وبيعجبهم اوي

نسمة باعجاب

• جميل اوي يا سحورتي...... تسلم اديكي بجد تحفة

عمر وهو بنظارته السودة

• جميل تسلم ايدك يا باشمهندسة سحر

سحر بغيظ

• وايدك يا باشمهندس

بتخرج سحر من المكتب وهيه بتبرطم ومفلوقة من عمر....... اللي شافته بيدمرها شوية شوية..... وبتقول في سرها

• اما ما وريتك يا سي عمر

بتخلص نسمة وبتستاذن بالخروج
ايمن وهو بيكلم عمر

• برضه متاكد انه مفيش حاجة جواك لنسمة يا عمر
• يا ايمن بلاش اسالتك دي
• لو حصل حاجة هقولك...... عن اذنك

بيمر عمر على مكتب نسمة ....... بيرفع نظارته ...... هاستناكي على باب الشركة لما تخلصي.... عشان نروح نتغدى مع بعض يا نسمة

نسمة وشها بيحمر وبتتصدم من تصرفاته بتبتسم باعجاب...... بتخلص شغلها وبتنزل على باب الشركة بتلاقيه بيستناها

بترن على مامتها وبتحكيلها انها هتطلع تتغدا مع اصحابها وهتتاخر شوية ...

• ايه المشوار الفجأة دا
• اهو يا ماما نغير جو زهقنا من الشغل وبقالنا فترة ما خرجناش
• طيب يا حبيبتي انتبهي لنفسك...... ومتتاخريش
• حاضر يا ماما ياحبيبتي ...سلميلي على بابا
• طيب يا حبيبتي ..... مع السلامة

بياخدها لسيارته ....

• ممكن نروح سوا وهرجعك تاخدي سيارتك ...
• معلش هروح بسيارتي يا عمر.......ابعتلي اللوكيشن وهلحقك
• حاضر براحتك إتفضلي هوصلك ليها
• مفيش داعي ..
• متتعبينيش هوصلك يلا

بابتسامة خجل

• حاضر إتفضل

بيوصلها السيارة ....بيفتح الباب ....

• تفضلي يا مدموزيل نسمة

نسمة بضحك

• مرسي

ببعتلها اللوكيشن على فندق ولدورف قرب المطار

بيوصل قبلها بيستناها عند الباب ...... بيفتحلها الباب ...

نسمة بضحكة خجل

• ايه الحركات الجنتل اوي دي

عمر بضحك

• طول عمري يا بنتي يلا تفضلي
• يا سلام على الغرور
• ليش متسميهاش ثقة

نسمة بضحك

• ممكن
• يلا يا نسمة هنفضل واقفين عند الباب مثلا؟ تفضلي يلا

دخلو الفندق واخدها عمرللمطعم وقعدوا على ترابيزة جميلة .......مطلة على منظر جميل ورد والوان جميلة .....سحب لنسمة الكرسي وقعدوا

نسمة بخجل

• مرسي يا عمر...... بس ممكن اعرف سبب العزومة

عمر توتر وبدا يحك راسه

• ينفع نطلب الاكل الاول

نسمة باستغراب من تلبكه

• تمام

طلبو الاكل وبدأوا ياكلو....... والصمت مسيطر عليهم ....... نسمة بدت تقلق ....قطعت الصمت

• مش هتتكلم يا عمر؟؟

تنحنح عمر.... ووقف اكل

• الصراحة همه موضوعين ...

نسمة باستغراب

• الاول ؟
• انا ليا ارض في التجمع .... عاوز انتي اللي تعمليلي تصميمات ديكوراتها
• انا؟
• ايوا عاوز ابداعك ومتاكد هتطلع حاجة تحفة ورهيبة
• بس يا عمر .....
• من غير بس .....انت مبدعة .... والشغل دا هيكون خارجي يعني مش لحساب الشركة .... حسابك انتي لوحدك .....وعاوز نستاذن من والدك نشتغل تاني سوا...... طبعا لو حضرتك موافقة
• تمام هفكر واسال والدي .......وارد عليك يا عمر
• تمام ..والموضوع التاني؟؟

عمر بيتوتر....بيحك راسه وجبينه وبدا يعرق

• نسمة بتضحك على منظره مالك يبني انت لو بتتقدملي ومتدبس مش هتتوتر كدا
• وانت قلتيها

نسمة بتوتر واستغراب

• ايه مش فاهمة
• انا معجب بيكي ...وباين شكلي بحبك

نسمة بصدمة

• ايييه ...بتحبني انا ؟ انت بتحبني انا يا عمر بس ان..

تفتكروا نسمة هتعمل ايه بعد اعتراف عمر ليها بحبه… هتوافق على العلاقة دي او لأ؟؟!

الجزء السادس



عمر بحنية وتوتر

• انا انا معجب بيكي ...وباين كده شكلي بحبك

نسمة بصدمة

• ايييه ...بتحبني انا ؟ انت بتحبني انا يا عمر بس انت ....

عمر بقلق

• انا ايه يا نسمة

نسمة بتوتر

• اناااا

عمر بانفعال بسيط

• انتي ايه يا نسمة .....اتكلمي

نسمة بخجل

• وانا معجبة ييك يا عمر بس .....

ابتسامة ارتسمت على وجه عمر راحت بسرعة مع كلمت بس

• بس ايه يا نسمة ؟
• فرق العمر احنا بينا 20 سنة يا عمر
• العمر مش عائق ......المهم الحب اللي بينا لو كان صادق .... وتفاهمنا سوا .... نتحدى الظروف دي
• انت رايك كدا؟

عمر وهو بيشد على ايدها بلطف....... وعيونه مليانة حب

• ايوا كدا ..
• بس خايفة من بابا لو عرف......
• احنا مش هنخبي كتير يا نسمة ........ هندى نفسنا فرصة بسيطة نتعرف على بعض....... وبعدها هكلم والدك واطلبك
• ربناا يستر
• متخفيش يا نسمة طول ما انتي معايا اوعى تخافى من حاجة

نسمة بنظرات حب وخجل

• تسلملي يا عمر

بيطلع عمر من جيبه نفس العلبة اللي قدمها لنسمة قبل كده ورفضتها ..

أتمنى مترفضيهاش المرادي .............انا اخترت جواهرها من الزمرد على لون عيونك

نسمة بخجل

• شكرا جميلة اوي

بيلبسها عمر الاسورة ............. بيفرح اوي لما بيشوفها بايدها..... وبتزيد الاسورة جمال مع لون طقمها الزيتي

بتفرح اوي نسمة بيها........ عيونها بتلمع من الفرحة........ وهيه بتحرك معصمها وبتشوف جمال الاسورة

• انت عرفت اني بحب الزمرد من فين ؟

عمر بفرحة

• معرفش بس دا حسيته يليق بيكي .... عجبك ؟
• جدا .... تسلم اديييك
• نسمة هو انا ممكن اسالك سؤال ؟
• ايوا يا عمر طبعا تسأل زى ما تحب
• انتي رفضتي الاسورة اول مرة ليه ؟

نسمة بمداعبة وهيه بتتصنع الجدية

• عينك على الاسورة يعني ؟ اقلعها وارجعهالك؟

عمر بسرعة

• لا لا..... مش قصدي كدا

نسمة وهيه بتضحك ...

• عارفة

وكملت بجدية

• لاني مكنتش عاوزاك تفكر انك لو غلطت او زعتقلى او كلمتني باسلوب وحش....... بهدية بشوية فلوس منك تقدرتشتريني...... انت شخص عندك فلوس بس مش كل حاجة تقدر تصلحها بفلوسك يا عمر ..... اما دلوقتي قبلتها لانك بقيت حب.....

بتنتبه نسمة وبتسكت وخدودها بقت حمرا

عمر بخبث وهو بيضحك

• لاني بقيت ايه ؟مسمعتش
• بس يا رخم .... مبقيتش حاجة
• لا قلتي ..... كمليها كمليها

نسمة بتمسك علبة المناديل اللي على الترابيزة

• هحدفك بيها لو مسكتش يا عمر

عمر بيضحك من قلبه على منظرها وبيحاول يمسك ضحكته بالعافية.....

• تصدقي اني مكنتش اعرف انه ممكن تفكري كدا ....... ووعيك ونضجك بالطريقة دي عجبوني اكتر

نسمة بخجل

• تسلم يا عمر

بتكمل بجدية

• بس انا اتصدمت منك بسبب اللي قلته للمهندس ايمن
• قصدك عن ايه يا نسمة ؟؟
• عن سحر طبعا يا عمر...... عملت كدا ليه ؟؟
• بس انتي عارفة باللي حصل من سحر ......... استغربتي ليه ؟ انتي المفروض منك متمدحيهاش بعد اللي عملته
• يا عمر .....سحر مش بنت سيئة .....هيه ظروفها اللي سيئة انا اعرف اهلها...... وبعدين انا ممدحتهاش ......انا قلت كلمة الحق واللي اعرفه ......حاولت اكون حياديه مذمتهاش ولا قلتله اه مناسبة ...... انا تركت الخيار ليه ............. مش هنصحه بيها وتطلع وحشة ......ولا هقوله لا اقطع بنصيبها واحمل وزرها يا عمر.
• انتي بتعرفي انك كل يوم ........لا حتى كل ساعة بتبهريني بذكائك اكتر
• احم احم ..... عارفة
• وبتتكلمي عن التواضع يا باشمهندسة نسمة

بيضحكو اوي .....وبيسرقهم الوقت من غير ميحسو بحاجة...... شعلة الحب بتكبر بينهم اكتر واكتر .....بيقطع قعدتهم صوت رنة موبايلها

• يلهوي دا بابا ....... الساعة بقت 6:30 مخدتش بالي من الوقت
• طيب اهدى ومتتوتريش........وقوليله انك منتبهتيش للوقت وانك جاية .....

نسمة وهيه بتاخد نفس

• احم الو ....اهلا بابا حبيبي
• اهلا يا نسمة.....فينك يا بنتي
• انا في وولدورف مصر الجديدة يا بابا
• هتروحي امتى؟؟
• يلا يا بابا شوية وهكون بالبيت ....حقك عليا منتبهتش للوقت
• طيب يا حبيبتي انتبهي لنفسك ....وسوقي على مهلك
• حاضر يا بابا....سلام

بتتنفس بهدوء بعد متقفل المكالمة…. بيتكلم عمر بحرج

• اسف لو حطيتك بوضع مش لطيف
• بسيطة يا عمر ...ومرسي على العزومة اللطيفة والاسورة الجميلة

عمر بكل حب

• عفوا
• هستاذن بقى ....مش هينفع اتاخر اكتر من كده
• تمام ... إتفضلي اوصلك ........ومن غير اعتراض

نسمة بضحكة خجل مع غمازاتها اللي بانو اسرت قلب عمر اكتر

• حاضر

روحت نسمة بيتها قعدت مع اهلها .......بدأوا يسالوها عن فسحتها ولو اتبسطت...... نسمة حكتلهم ومخبتش عليهم انها راحت مع عمر على المطعم ....بس خبت موضوع الحب ...... ومع كدا كانت خايفة اوي ..........من ردة فعل باباها

• اتبسطت اوي تسلمولي
• بابا عاوزة اقولك حاجة
• إتفضلي يا حبيبتي
• المهندس عمر كان عندنا فى الشركة النهاردة
• تمام؟
• انا كنت خارجة معه ..... واتغديت معاه
• نعم؟؟؟؟

ايمان بصدمة

• يعني مخرجتيش مع اصحابك
• اسمعوني لو سمحتوا
• اسمع ايه يا نسمة تخرجوا تتغدوا ليه من غير اذني؟ وتكذبي على مامتك وتقوليلها خارجة مع اصحاابك
• اول حاجة هو بقى زميلي وصديقي يعني مكذبتش .....وبعدين احنا خرجنا عشان كلمني بعرض شغل ....... ولو قلتلكم طالعة مع عمر ..... يا اما مش هتوافقوا ...... يا اما مش هتخلونا نعرف نتكلم
• عرض شغل ؟ يكلمك بالشركة ولا لازم المطاعم العادة اللي مش بيبطلها دي...... ولا هو صرمحة وخلاص
• يا بابا مكناش بنتصرمح .....لما يعوز يكلمني بموضوع شغل هيكلمني فين؟؟ يقولى يلا على الشركة الفاضية؟ هو بيختار مكان فيه ناس يعني مكان عام ..
• طيب كان عاوز ايه عمر؟ اي هو عرض الشغل دا
• عرض شغل خاص يعني لحسابى انا ....... مش للشركة بتاعتي
• ليه يعني المهندس عمر يعمل كدا
• يا بابا هو علمني وساعدني كتير انمي موهبتي......وقلي انه المشروع دا هيطلع باسمي واسمه ......مش باسم الشركة ......وكدا هينتشر اسمي زي ماكان واعدني ...... وهبقى مشهورة وليا اسمي الخاص.......وحتى وقتها مش هحتاج اروح الشركة....... ممكن اخلص شغلي من البيت ....والكل هيبعتلي يتمنى تصميم مني لو حتى بمبالغ خرافية ..........خاصة الناس اللي بتموت بالشو والمظاهر يا بابا
• طيب وانتي رديتي ايه؟
• طبعا قولتله هستشير حضرتك ...... خاصة انه هيكون في التقاء ما بينا .....ونشتغل سوا لانه دا مشروع مشترك ...... وهيعلمني زي ماكنا بنشتغل المشروع الاول.......بس دا على مستوى اوسع
• طيب يا حبيبتي
• ها يا بابا موافق؟
• هتتقابلوا امتى وفين
• مقررناش وتركنا الموضوع لحضرتك ....واللي تشوفه مناسب
• طيب مبدئيا خليه يجيى البيت تاني
• البيت تاني يا بابا ؟
• هو انا منكرش انه عمر محترم .......... ومشفتش منه الا كل تصرف طيب في الشغل الاول ....... بس انا برتاح كدا
• طيب حاضر يا بابا زي ماتحب ....... انا هطلع اوضتي انام (بتقوم وبتحضن ابوها وبتبوسة )
• شكراا ليك يا اجمل اب فى الدنيا

الاب بمشاكسة

• دلوقتى بقيت احسن اب فى الدنيا ....... لو قلتلك لا كنتى قعدتي تعيطي وبقيت أب مفترى و ظالم

نسمة بضحكة

• لا يا بابا انت دايما جميل
• حتى لو رفضت
• مالك يا بابا ؟ انت اديت كلمة خلاص مفيش رجوع

الاب بضحك

• ماشي يا غلباوية انتي

نسمة بابتسامة جميلة

• ربناا يخليك ليا

بتروح لوالدتها وبتبوسها بحب

• متزعليش مني
• مش بقدر ازعل منك يا روحي
• تصبحوا على خير

الام والاب

• وانتي من اهل الخير يا حبيبتي

بتطلع نسمة اوضتها فرحانة اوي ..... بتفتح موبايلها بتلاقي اسم المهندس عمر (وش الخشب) ......بتفتكر اول مقابلة ليهم بتضحك اوي ...... وبتغير اسمه على موبايلها ل هدية الحياة ... بتقرر تبعتله رسالة بموافقة والدها ....بس بتغير رايها وبتقرر انها هتقوله الخبر وجها لوجه بكرا.... بتتامل الاسورة اللي بايدها ....بتفتكر لما اعترفلها بحبه ..... ولما لبسها الاسورة ...... بتتذكر عائق العمر اللي ما بينهم ....... بتقول ما بينها وبين نفسها انها مش عاوزة تفكر بحاجات سلبية تخرب فرحتها .........وبتروح بنوم عميق

.................................................................


سحر طلعت من اوضتها لقت مامتها قاعدة ......... راحت المطبخ عملت كوبايتين شاي

• مااما فاضية نقعد نتكلم شوية ؟
• ايوا طبعا يا حبيبتي ...... ولو مش فاضيلة افضالك

(سابت مامة سحر القميص اللي بين اديها…. وركزت مع بنتها )

• احكي يا حبيبتي
• هو لو انتي غلطتي غلط صغير مغلطتيش غيره ......وحسيتي انه هيقفل سكك رزق كثيرة بطريقك ... هتعملي ايه؟
• هستنى اشوف ربناا هيكتبلي ايه .....وهرضى بيه ......تعرفي ليه يقلبي؟
• ليه يا ماما
• لانه مش هيكون دا رزق خير ليكي ......يمكن تمرضي وتصرفيه على علاجك .......او حتى زوج غير صالح ميخافش **** فيكي وميحبكيش
• يعني انتي تفتكري كدا
• اكيد يقلبي ربناا بيحبنا.....وبيكتبلنا الخير دايما بحياتنا......ولو لينا نصيب بحاجة ......هتفضل مكانها تستنانا احنا ناخدها...
• يخليكي ليا يا ماما وميحرمنيش منك
• ومنك يا حبيبتي
• هتفضلي صاحية ؟
• اخلص دي لاخوكي وهنام
• طيب تصبحي على خير هنام عشان الحق شغلي بكرا
• وانت من اهل الخير يقلبي

بتروح سحر لسريرها ........بتفكر بكلام مامتها لحد متروح بالنوم

.................................................................


قاعد في بيته بيفكر وسرحان ..... بتشوفه مراته بتروحله

• مالك يا ايمن سرحان كدا ليه
• مفيش بفكر بموضوع جواز محمد
• مش حكتلي عن مهندسة جميلة مؤدبة عندكم بالشركة!
• ايوا مهنا المشكلة
• اي المشكلة يا حبيبي
• انا سالت عنها المهندسة نسمة......يعني .... حكت حاجات محايدة وقالت الامر يرجعلي بس هيه لطيفة ..... بس ظروفها صعبة شوية بس .... دا اللي قالته
• طيب فين المشكلة
• المهندس عمر يعرفها ومشجعنيش
• طيب خلاص بلاش تكلمها .... ماتشوف نسمة لمحمد

ايمن بضحك

• لا مينفعش
• ايه مالك بتضحك ليه ... مينفعش ليه
• اصله عمر تقريبا بيحب نسمة
• بجد ؟
• ايوا هو مقالش بس مش هتوه عنه
• ربناا يكرمه يا حبيبي ....نسمة جميلة وعمر يستاهل كل خير ...... بس خسارة نسمة بنت رقيقة ومؤدبة
• اهو النصيب يا حبيبتي
• طيب هنعمل ايه؟
• هشوف لو لقيت مهندسة حلوة وأخلاقها كويسة في الشركة .......لو ملقيناش هنشوف وسط معارفنا لوفيه ..... انا عايز اجوز محمد بسرعة علشان ينتبه لشغله وشركته .... مش عايز واحدة كده ولا كده تلف عليه
• متقلقش يا أيمن ..... محمد متربي كويس وعارف ربناا .... شوف عاش فى المانيا كام سنة ومعملش زى الشباب اللى بيروحوا اوروبا ..... ابنك مستقيم فى حياته وميعرفش لا كده ولا كده

ايمن بضحك

• ماهو ده اللى قالقنى

.................................................................


روح بيته مبسوط ....... نسمة طلعت بتحبه زي ماهو بيحبها ......مبسوط انها قبلت الاسورة وانه كل ماتشوفها بايدها هتفتكره .....طلع موبايله واتصل بزياد

• الو ايوا يا زياد ..... إزيك ؟
• تمام يا عمر ...مش محتاج اطمن عليك الفرحة باينة من صوتك
• ايوا انا مبسوط فعلا ......... اعترفت لنسمة وطلعت هيه بتبادلني نفس المشاعر
• مبروك يا صاحبي .........ربناا يتمم اموركم على خير
• يا رب تسلم يا زياد......وشكرا لنصيحتك بجد
• مفيش بينا شكر يا عمر.....امنيتي اشوفك مبسوط ..... لو احتجت اي حاجة اتصل فى اي وقت
• تمام تسلم يا صاحبي .......سلام
• سلام

اخذ الدش ولبس بجامته واخذ ادويته ...........المرة دي كان مبسوط ومرتاح فكر بنسمة ....... ابتسامتها .... ضحكتها خجلها ...... خدودها الحمر .... عيونها الخضر .......... يا ترى باباكي وافق يا نسمة ......... مش هيوافق ليه ... بس اكيد هيحط شروطه القاسية ........طيب معقول يوافق يبقى حمايا .... دا هيطلع عيني .... بس فدا نسمة حبيبتي ............ حبيبتك ؟ انت إتجرات وبقيت تعترف ...... ايوا بحبها وساره مش هتزعل انا عارف هيه بتحبلي الخير............. مش عاوز اي تانيب ضمير ولا وجع ....هنام احسن حاجة ........... وبيروح فى النوم هو كمان

بيصحى عمر مرتاح .... بيمسك تليفونة وبيبعت لنسمة


.................................................................


نسمة قاعدة بتتامل الاسورة ....... بتفتكر امبارح بتفاصيله .... عمر وحنانه وجنتلته ....... بيقطع تاملها صوت طنة موبايلها.....بتلاقي مسج من حبيبها .......ايوا حبيبي وفيها ايه يعني .......هو بيحبني وانا باحبه.......خليني ارد عليه بلاش اتاخر عليه اكتر ..... هيي بيصبح علي .....دا احلى صباح

• صباح الورد يا عمر
• ازيك؟
• تمام وانتا
• بخير
• صاحية ؟

نسمة بهزار

• لا بكلمك من الحلم
• بس يا رخمة صاحية من بدري ؟
• ايوا من شوية يعني
• جميل ...... ها كلمتي باباكي ؟
• ايوا
• وكان رده ايه ؟
• هتعرف النهاردة بس هقولهولك وش لوش......ممكن اشوفك
• اشمعنى؟
• كدا احسن
• تمام..... اشوف وشك على خير فى الشركة .....سلام
• سلام

نسمة نزلت فطرت مع اهلها وهيه بتتنطط وفرحانة

والدها بحنان

• يا رب مبسوطة دايما

والدتها بضحك

• ايه يا حبيبتي ايه في ايه ؟
• ابدا متحمسة عشان شغلي الجديد

ماماتها وباباها بحب

• **** يوفقك ويحميكي يا حبيبتي

مامتها انتبهت للاسورة اللي فى ايدها بس متكلمتش........ ومسالتش عشان باباها قاعد

بتطلع نسمة اوضتها بترتبها وبتجهز نفسها للشغل .......بتلبس بنطلون كحلي موديل شرلستون ...... مع قميص بلون بيبي بلو وعليه شوية حبات لؤلؤ عند رقبته ...حطت حلق بحبات اللؤلؤ وشنطة بيضا عليها حبات لؤلؤ وكعب ابيض ....... وسرحت شعرها وعملته ديل حصان .....اخذت عربيتها وراحت لشغلها..... وهيه بتشتغل وغرقانة فى التصميمات ........ موبايلها بيطن .....بتتفرج بتلاقي رسالة من عمر ...بتفتحها بسرعة

• نسمة انا تحت تقدري تنزلي ؟؟ او استناكي لغاية ما تخلصي شغل ؟
• انزل فين يا عمر ؟
• انا تحت على باب الشركة
• جاي تعمل ايه يا مجنون
• جاي اعرف رد والدك

نسمة بتضحك .... وهيه بتكلم نفسها جننتك يا باشمهندس عمورة

• حاضر شوية ونازلة

سحر جنب نسمة بيشتغلو على التصميم ......وبتعرف منها عاوزه ايه بالضبط ...... عشان تجهز الماكيت

نسمة بعد دقايق ..... بتحاول تخلع عشان تنزل تشوف حبيبها

• سحر هنزل اجيب ملف مش لقياه
• قوليلى اسمه وانا اجيبه و كملي انتى شغلك
• لا عاوزه انزل احرك جسمي شوية من القعدة .......مش هتاخر
• طيب براحتك

سحر بتشك مع نفسها ....... من امتى وانتي بتحركي جسمك من قعدة المكتب .......انتي بتقعدي ساعات ومش بتحسي........يا ترى مخبية عني إيه يا نسمة .....يلا ربناا يهنيكي على كل حال

بتنزل على باب الشركة بتلاقي عمر واقف مستنيها ...

• اهلا يا نسمة ازيك

نسمة بخجل واضح

• بخير يا عمر

بيديها وردة حمرا

• دي ليا ... شكرا

بيسمك ايدها وبيطبع بوسة عليها

نسمة خدودها احمروا اكثر من الوردة اللي بايدها ......بتسحب نسمة ايدها بهدوء

• ميصحش يا عمر ...... ممكن حد يشوفنا ويقول علينا كلام مش لطيف
• معاكى حق يا نسومتي

نسمة بخجل

• نسومتك؟
• ايوا طبعا ....احم احم .... احكيلي بقى ..... سيادة العميد قال ايه؟
• وافق

عمر بفرحة

• بجد ؟
• ايوا بجد ...

بيحضن عمر كفوف نسمة بفرحة ......بيلفت انتباهه الاسورة اللي اهداه ليها .. لسه بمعصمها .... بيفرح اوي ومن غير ماينتبه من فرحته قلها...

• مبسوط جدا يا حبيبتي
• ايه انت قلت ايه

عمر بيتنحنح

• مقلتش يا نسمة يلا اطلعي لمكتبك بلاش تتاخري
• عشان خاطري عيدها يا عمر

عمر اتحرج وبدا يطرقع اصابعه

• خليها يا نسمة تطلع لوحدها

نسمة بزعل ...

• طيب .... عاوزه اقولك بكرا هتفطر عندنا فى الفيلا ..... بس لازم نتصرف كاننا اصدقاء وبس..... بلاش بابا ينتبه ويخلينا تحت المراقبة
• تمام يا نسومتي

نسمة بابتسامة خفيفة

• تسلم ......يلا عن اذنك ....... هطلع لمكتبي

عمر انتبه انها زعلت ..... بس لفت علشان تمشى ... ضحك على قفشها وقلها

• نسومتي بحبك

بصت له بفرحة وقالت

• وانا كمان يا عُمَري
• ايه وانتي ايه

نسمة بتخرج لسانها بطفولة

• مش هقول ........ يلا باي

وبتهرب من قدامه .... بيفضل يبصلها بحب وبيضحك عليها ........... هتجننيني يا مجنونة

بتطلع نسمة مكتبها بفرحة كبيرة ...... كانت سحر بتستناها ....... عشان يكملو الشغل

• ها يا حبيبتي فرحيني معاكي

نسمة خفت ابتسامتها وقالت فى سرها ....... يا لطيف مبتخليش الواحد يفرح شوية

• مفيش شفت حاجة بتضحك على الموبايل
• اها ..... طيب بعدين مش قلتيلي رايحة تجيبي ملف رجعتي من غيره لي

نسمة بربكة

• ها ....ملقيتوش عادي يعني
• قوليلى اسمه .....وانا هجيبهولك
• مش مهم يا سحر...... شكله هنا هدور عليه
• مش مهم ؟؟ وقطعتي شغلنا عشانه ؟
• تقصدي ايه يا سحر؟
• مفيش بطمن عليكي..... وعاوزه نرجع اصحاب زي زمان
• بمدايقاتك دي .....والتحقيق اللي بتعمليه ده ؟ كدا هنرجع اصحاب ؟

سحر بصدمة

• تحقيق ؟؟

نسمة بانفعال بسيط

• امال انتي فاكره ايه ....عمالة رايحة فين؟ جاية من فين؟ بتضحكي ليه ؟ بتكلمني مين؟
• ربناا يسامحك يا نسمة انا بطمن عليكي بس
• بس انتي بتدخلي في خصوصياتى يا سحر ...... لو عاوزه اقول كنت هقول لوحدي
• شفتي انك مخبية عني حاجات ؟
• يا ستي لو مخبية .......انا مش موقعة معاكي عقد اني لازم اقولك عن كل حاجة فى حياتي ..... او حتى اللي بيحصل فيها.....متنسيش اللي كنتي عملتيه زمان مع عمر
• اها ..... عمر؟؟

نسمة بارتباك

• المهندس عمر قصدي
• دا كله بسبب عمر حبيب قلبك اللي فرق ما بينا ....... سوري قصدي المهندس عمر صح

نسمة بصدمة وحدة

• سحر متدخليش في امورى لو سمحتى....... واحترمي نفسك لما تتكلمني عني وعن عمر
• بس مأنكرتيش انه حبيب قلبك يعني ؟؟ ع كلن ربننا يهنيكم .....متخافيش
• لا مفيش حاجة بينا

سحر بضحكة عالية

• اعتبريني صدقت يا نسمة..... ع كلن براحتك ...... سلام

نسمة بتتوتر من سحر..... وانها شاكة ان فيه حاجة بينها وبين عمر .... هاقول لعمر اول ماشوفه احسن حاجة ........ بتحاول تلهي نفسها بالشغل بس مش بتعرف....... بتمسك موبايلها بترن على عمر


.................................................................


سحر خرجت من مكتب نسمة وهيه مخنوقة .....وحست انها خسرت نسمة بجد وزاد كرهها لعمر.......واتخنقت من كلام نسمة واسلوبها الحاد معاها ..... وقالت فى نفسها......(لو مكلمنيش محمد هيكون بسببكم ومش هسامحكم خاصة انت يا عمر..)

خلص الدوام وسحر شافت نسمة وهيه خارجه ومكلمتهاش ....سحر بتكلم نفسها ايه يعني بقيتي مهندسة كبيرة وبتشوفي نفسك عليا ...... مانا مهندسة كبيرة برضو


.................................................................

عمر خلص مكالمته مع نسمة وبقى يكلم نفسه (شكله وافق ..........لو موافقش كانت هتكون زعلانة بس شكلها فرحانة .........ويمكن محبتش تقلقنى من االموبايل ........... معقول يكون رفض ..... احسن حاجة البس واطلع اخلص شغلي وامر على الشركة اعرف منها ) جننته حبيبة القلب

بيجهز عمر نفسه بيلبس بدلته وبيطلع على شركته بيخلص اجتماعاته وشغله وبيركب عربيته ......بيشوف بنت صغيرة بتبيع ورد ..... بيشتري منها وردة لنسمة وبيوصل على باب شركة ايمن..... بيهديها الوردة بيخلص لقائهم الرومانسى...... وبيركب عربيته فرحان بيشغل اغنية حب رومانسية ........ (واخيرا يا نسومتي هشوفك كل يوم) .......... بيشغل عربيته وبيمشي بالشوارع بيلف بفرحة......

بيلاقي موبايله بيرن بيشوف اسم نسمة ........ بيستغرب لسا من شوية كان معاها بيرد عليها بسرعة

• اهلا يا نسومة ...
• اهلا يا عمر ....... ازيك
• خير مالك .... صوتك مش تمام ........ من شوية كنت سايبك فرحانة ..... حصل حاجة ؟
• ايوا ممكن اقابلك بعد ساعتين...... على ما يخلص دوامي؟
• خير يا نسمة قلقتيني؟
• مفيش هقولك بس تجي ..... ممكن ؟
• حاضر يا حبيبتي ساعتين هكون عند عربيتك
• تمام اتفقنا .......شكرا هغلبك معايا
• مفيش الكلام بينا ......يلا خدى بالك من نفسك
• حاضر .....سلام
• سلام

عمر لف بعربيته ورجع تانى لشركة ايمن ........ وقف عربيته جنب عربية نسمة وفضل يستناها ...... وشاف نسمة جاية عليه نزل من عربيته بسرعة ومسك ايديها ...

• خير يا نسمة ؟ ... ها قلقتيني .... في ايه ؟
• سحر
• مالها سحر يا نسمة ؟
• هيه شاكة ان فيه بينا حاجة ...وقعدت توقعني فى الكلام النهاردة
• طيب وانتي قلتيلها ايه ؟
• أنكرت طبعا ...... بس هيه مصدقتش
• طيب هددتك بحاجة مثلا؟
• لا قالتلي براحتك وربناا يهنيكم.....بس انا خايفة

عمر بضحك

• خايفة ليه يا نسمة ؟ .....انا بحبك بجد ....وهاجي اطلبك من باباكي اول مانخلص المشروع
• بس خايفة تقول لاهلي قبل ما احنا نقولهم ...... ودي تبقى مصيبة

عمر بيطمنها بحب

• متخافيش ...قلتلك قبل كده متخافيش من حاجة طول ما انا معاكى ..... اتفقنا ؟

نسمة بحب اكبر

• اتفقنا ... ربناا يخليك ليا وميحرمني منك
• عمر بيمسك كف ايدها وبيبوسه
• احم .... يا عمر يمنفعش كدا .... لازم بس نتخطب رسمى الاول
• بحبك يا نسمة

نسمة بخجل وفرحة

• وانا بحبك
• بيفضلو يبصوا لبعض بحب ..... بتعدي دقائق

نسمة بتتنحنح

• احم احم .... خليني اروح انا
• طبعا مش هينفع اعزمك النهاردة كمان عشان اهلك صح ....
• صح ........ هستناك بكرا عندنا على الفطار
• اكيد مش هتاخر يا نسومتي

بيروحوا والحب والفرحة ملياهم .........عمر بيفضل يلف فى الشوارع يفكر فى هدية جميلة ياخدها معاه بكرا لفيلا نسمة .....تناسب عزومة الفطور ومتحطهوش تحت شبهات والد نسمة

.................................................................


نسمة طايرة من الفرحة....... بتحاول تتماسك قدام اهلها ......عشان ميشكوش لحد ميجي عمر يطلبها .... بتبدل هدومها و بتنزل تتغدا معاهم .... بتقعد تشرب شاي وتاكل كيك بعد الاكل .......

باباها انتبه للإسورة اللي فى ايدها

• ايه دا يا نسمة ؟
• ايه يا بابا؟
• الاسورة اللي فى ايدك دى ........ اول مرة اشوفها
• انتي اللي اشتريتيهولها يا ايمان ؟
• لا يا حبيبي

نسمة بتوتر بسيط

• انا اللي اشتريته يا بابا
• اشتريتيه من فين ؟
• من محل فضة
• اه باين جميل ....دا زمرد اللي عليه ؟
• ايوا يا بابا .....انت بتعرف انا بحب الزمرد اوي
• انتي كان معاكي فلوس لكل دا ؟ مطلبتيش يعني
• اخذت مكافاة الشغل....وقلت اجيب لنفسي هدية ..... وكان معايا فلوس فى الكريديت دفعت منها الباقي
• طيب يا حبيبتي مبروك
• تسلم يا بابا

استاذنت منهم وطلعت اوضتها ....... نسمة بتكلم نفسها بخوف (ربناا ستر....... ربناا يستر من هنا لغاية ما عمر يتقدملى ......خايفة بابا يكلم المدير ويعرف اني مخذتش المكافاة ......بس لا بابا مستحيل يعمل كدا ويسال على الفلوس )...... بتفتح اللاب وبتشتغل لحد متتعب بتجهز نفسها علشان تنام.....وعمر مش بيفارق خيالها ....... بس بيرعبها صوت دقات الباب ....... الوقت متأخر جدا ..... الساعة قربت لمنتصف الليل

.................................................................

سحر بتستنى يكلمها المهندس ايمن او محمد بقى عندها امل انه حالها هيتغير ويتشقلب للاحسن بتدخل امها عليها وهيه فرحانة

• مبروك يا حبيبتي مبروك

سحر بفرحة

• على ايه يا ماما
• جالك عريس محترم وابن ناس
• بجد ؟ مين دا يا ماما اسمه ايه ؟
• تامر ابن طنط نجلاء
• تامر؟؟
• ايوا يا حبيبتي ماله تامر جاي من الخليج...... وضعه المادي مستريح ...... ومش عاوز مراته تشتغل ..... يعني زي منتي حابة......
• بس وحش يا ماما .... مش وسيم
• يا بنتي ربناا مبيديش كل حاجة بس مش بطال

سحر بتمتمه

• لا عادي ماهو محمد وسيم ومعاه فلوس
• بتمتمي بتقولى ايه؟ ...... مين محمد ده ؟
• ابن صاحب الشركة يا ماما

امها بعصبية

• ومين قلك اني هاجوزك لابن صاحب الشركة ده لو اتقدملك حتى ؟؟ احنا هناخذ من اللي زينا يا بنتي
• وانا مش موافقة على تامر
• وانا مش موافقة على محمد بتاعك .....ومعاكى من هنا لاخر الاسبوع تفكري براحتك علشان ارد على طنط نجلاء ...... وارضي واقنعي بالقليل بلاش طمع ..
• دا مش طمع يا مااما .... انا بشوف مصلحتي والاحسن ليا
• انا قولت اللي عندي وفكري كويس ومتضيعيش الفرصة من ايدك وترجعى تندمي

بتخرج امها من أوضتها وهيه زعلانة على بنتها والطمع اللي بدأ يعميها .....وبتقرر انها هتجوزها تامر وتقعدها من الشغل ....اللي خلاها تفكر كدا وتطمع كدا


.................................................................

بتروح بتنده لوالدها وهيه خايفة..

• بابا ... يا بابا
• مالك يا نسمة في ايه ؟
• في حد بيخبط على الباب
• مين اللي جاينا بالوقت دا

ايمان باستغراب

• معرفش يا حبيبي ...افتح وشوف

بيفتح الباب احمد بيرتاح وجهه بس يشوف الضيف .... ونسمة جنبه وبتنط بحضن الضيف بتحضن وبتبوسه ....... ايمان بفرحة

• ماما الحمد**** على السلامة
• **** يسلمك يا بنتي

احمد بترحيب

• إتفضلي إتفضلي .... اتفصلى يا حماتى .... ايه النور ده
• بس بنتك تسيب حضني
• نسمة بخجل
• سوري يا تيتا .......كنتي وحشاني إتفضلي
• وانتي اكتر يا حبيبتي ...ايه رايكم فى المفاجاة دى؟
• جميلة اوي يا ماما
• انتي تنورينا يا حماتي
• بس اعملي حسابك يا تيتا....... هتفضلي عندنا فترة طويلة ......مش هتضحكي علي شهرين وتسافري تانى

الجدة بضحك

• حاضر يا حبيبتي هحاول
• طمنيني .... خيلانى ازيهم ؟ عاملين ايه؟

الاب بضحك

• نسومة ..... تيتا اكيد تعبانة
• تعالي يا ماما اطلعك الاوضة ترتاحي ...... وبكرا نرغي براحتنا

نسمة بزعل كدا ....

• ربناا يسامحكم

وبتلمع فكرة براسها...... بتخلي الضحكة ترتسم على وجهها تاني

• تيتا ....ايه رايك تنامي فى اوضتي الليله

الكل انفجر ضحك ......الاب وهو بيضحك ..

• انتي مش كنتي عاوزه تنامي ......... لسا فيكي حيل ترغي ؟
• مش هزعجها ومش هرغي كتير وعد .......... ها ايه رايك يا تيتا ؟

الجدة بحنان وحب

• حاضر يا حبيبتي يلا امشي نرتاح فى اوضتك ..... تصبحوا على خير

نسمة بتتنطط من الفرحة لما وافقت جدتها

• هيييييي .... تصبحوا على خير

الاب والام بفرحة......

• وانتوا من اهل الخير .....

هما عارفين الجدة بتعني ايه لنسمة ......... وازاى هيا متعلقة بيها

نسمة فى اوضتها مع جدتها ........

• احكيلي عوزاني فى ايه ......جيباني اوضتك فى نص الليل قبل حتى ما استريح من السفر ليه ؟؟؟ وايه اللى عايزة تتكلمي فيه ومش قادرة حتى تصبرى لبكرة ؟
• شوفتى بقى ..... مانا مش بحبك من فراغ يا تيتا ......دايما فهماني

الجدة بضحك

• ارغي ... اتفضلي
• فاكرة عمر .....ابن جيرانكم فى بيتكم القديم .....اللي كان بيحب واحدة اسمها سارة
• عمر ؟؟؟؟ وانتى تعرفي عمر منين يا نسمة ؟ احنا سبنا البيت القديم ده قبل مانتى تتولدى حتى
• ايوا اعرفه يا تيتا .... وعايزاكى فى حاجة بخصوصه
• حاجة ايه يا نسمة ؟

بتبدأ نسمة تحكي لجدتها كل اللي حصل معاها ......من بداية تعارفهم بالشركة لحد ماعترفلها بحبه .......

• بتحبوا بعض يا نسمة ؟
• ايوا يا تيتا
• عمر شاب محترم ويستاهل كل خير
• بس يا تيتا بينا 20 سنة ......خايفة لبابا يصعبها
• يصعبها ليه ؟ دا انا بيني وبين جدك ربناا يرحمه 25 سنة
• ايوا بس انتي مشفتيش عمل ايه اول تعارفنا.......... دا لحد الان بجيبنا نفطر هنا قدامه فى الفيلا
• متخافيش انا هكون معاكى لو شفت انه يستاهلك ..... هيتقدملك امتى ؟
• اول ما نخلص المشروع اللي شغالين عليه على الورق
• طيب يا حبيبتي ربناا يجيب الخير
• امين يا تيتا ......ربناا يخليكي ليا

بتنام نسمة وهيه حاضنة جدتها وفرحانة بوجودها........ فى رايها جدتها جت بالوقت الصح وهيه بتتفائل جدا بوجودها


.................................................................


بيصحى عمر بيحضر نفسه الصبح .... بيلبس بدلته .........بيمر يشتري طبق حلويات ........فى معاده بيكون عند باب فيلا اهل نسمة ....بيخبط على الباب ..... بتفتحله نسمة ....بتكون لابسة جيبة بلون ابيض بكسرات....... وقميص زيتي واسع بموديل الفراشة .....مع هيلز بلون ابيض ...وبتعمل شعرها كعكة جميلة ........ وبتحط كلبسة على شكل وردة بتزين شعرها ...

عمر بينبهر

• ايه الجمال دا يروحي
• هششش لحد يسمعنا ... إتفضل

بيضحك على منظرها وبيدخل

• حاضر متخافيش هعمل نفسي مبحبكيش

بتخبطه بكتفه بتكشيرة

• ماصدقت يعني

عمر كاتم ضحكته

• بهزر بهزر يا نسومتي

بيقعد عمر وبيحط علبة الحلويات على الترابيزة .... بينزل والد نسمة بيقعد مع عمر وبيتناقشوا عن احوال البلد وبيهزرو شوية ... نسمة بتروح تساعد والدتها بتحضير الفطار........اول ما بيخلصو بيندهولهم و بيطلعوا يفطروا سوا برا ........ على الفطور عمر بيقابل جدة نسمة .......نسمة بفرحة

• عمر نسيت اعرفك دي تيتا

عمر بيفتكرها ...

• طنط سلمى صح والدة مدام ايمان

الجدة بضحك

• لا ذاكرتك قوية يا عمر

عمر بفرحة كانت دايما مدام سلمى بتحبه وتساعده

• طبعا مستحيل انساكي كنتي بتعامليني زي امي بالضبط

سلمى بحزن على صاحبة عمرها

• ربناا يرحمها يا حبيبي
• تعيشي

احمد بيحاول يلطف الاجواء

• يلا إتفضلو يا جماعة ......الواحد واقع من الجوع

وهمه بيفطروا والدة ايمان بتقطع الصمت بسؤال

• هو انتو قابلتوا بعض ازاي يا عمر

بيتكلم عمر ...وبيقولها على موضوع الشغل......وانه العميد احمد موافقش نتقابل فى مكان عام ..... واصر منشتغلش سوا غير فى الفيلا واتعرفت على مدام ايمان

• لي بس يا احمد يا ابني ؟؟ اناعمر مربياه على ايدي ...... وعارفه اخلاقه كويس

الاب بحرج

• اهو اللي حصل يا حماتي
• طيب عندي فكرة حلوة لو تسمحلي يابني
• اكيد تفضلي

تفتكرو ايه هو اقتراح والدة ايمان؟ هيعجب نسمة وعمر والعميد احمد؟

الجزء السابع
والأخير
الاب بحرج

• اهو اللي حصل يا حماتي
• طيب عندي فكرة جميلة لو تسمحلي يبني
• اكيد تفضلي يا حماتي
• انا اسمع عن الاماكن دي اللي بتكون عامة وللدراسة والشغل والاجتماعات ........ بس مش عارفة بيقولولها ايه

نسمة بابتسامة
• وورك سبايس يا تيتا

عمر بفرحة ....... من كلام مدام سلمى...... هيه دايما كانت المنقذة من غضب والدته ......ودلوقتي بتنقذه من سيادة العميد وتحقيقه ........ هيطير مع عصفورته ويحبها ويتعرف عليها اكتر

الاب بيبص على ايمان بتفكير ...... وايمان بتهز راسها انه يوافق .......الاب بحيرة مخلوطة بهزار

• اتفقتوا عليا...... انتو راشينهم يولاد
• الكل بيضحك ........

نسمة بنظرات حب لوالدها بتغريه ليوافق

• ارجوك يا بابا وافق

الاب بنحنه

• احم احم ..... خلاص تمام انا هسمحلكم تكملوا المشروع من غير ما تفطروا هنا ........ لو دا يريحكم اكتر........انا بقيت اثق فيك يا عمر .......وانت تقريبا بقيت واحد من العيلة

نسمة بفرحة

• ميرسي اوي يا بابا

عمر بفرحة

• شكرا يا سيادة العميد على ثقتك ... بس الصراحة انا كنت جاي وطمعان اطلب طلب...... بقو طلبين
• ابتدينا........خير يا عمر إتفضل
• الطلب الاول ....... كنت هطلب منك انه نسمة تشرف معايا بنفسها على التنفيذ ....... بعد مانخلص التصميم ورقي........لانه دا هيفرق معانا اوي فى المشروع ويخليها تكتسب خبرات جديدة
• قصدك تروح معاك موقع العمل مش بس على الورق
• ايوا واتمنى حضرتك توافق ...... انا هاخذها وارجعها بنفسي..... وهضمنلك مفيش حاجة هتخدشها

والدها رفع جبينه بحيره وقاله

• والطلب التاني
• لو ينفع نغير معاد لقائنا من الصبح بدري لبعد العصر....... بعد مكتبى وشغلها فى الشركة..... المشروع دا محتاج وقت اطول عشان يخلص ....... وساعات الصبح مش هتكفي ...... ومفيش وورك سبايس بيفتح من الساعة 7 الصبح

احمد بحيرة

• ايه رايك يا نسمة ؟
• يا ريت توافق يا بابا ........ بس في الاخر اللي تشوفه حضرتك طبعا

الاب بيوزع نظراته بين حماته ومراته ..........والاتنين بيهزو راسهم يشجعوه على الموافقة

• طيب عشانك يا حماتي الغالية ....... وعشان انتي بتقولي بتثقي فيه ومربياه هوافق....... بس لو عمل حاجة غلط ......... ولا زعل نسمة

سلمى والدة ايمان مقاطعة

• هقطملك رقبته
• طيب اتفقنا يا حماتي ....

احمد بينقل نظراته لعمر وبيقوله

• يبقى هرد عليك قبل ماتروح يا عمر

عمر بهزار

• برضو انا بتشائم من الجملة دي

والدة ايمان بهزار

• انت هتزله يا سيادة العميد احمد ؟

احمد بضحك

• خلاص موافق هقولكم ايه

نسمة بتقوم بتبوس راس والدها وخدوده

• شكرا يا بابا

ايمان بهزار

• ايه مصدقتوا ......... هو فطوري مش عاجبكم ولا ايه !!

عمر بابتسامة سعيدة

• ابدا يا مدام ايمان ........اكلك لذيذ جدا وبيفكرني باكل والدتي ..... ربناا يرحمها
• تسلم اديكي يا ماما........ هو فى حد يقدر يقاوم جمال اكلك يا جميل انت

ايمان بضحك

• ماشي ثبتوني براحتكم

الام بحنان....بتكمل بهزار

• تسلم اديكي يا بنتي على الفطور رائع.....اهم يريحوكي هتقعدي كل يوم تحضريلهم فطار مخصوص زي دا؟ مايستهلوش

نسمة بهزار مصطنعة الحزن

• اعععع ......**** يسامحك يا تيتا .......بتبعيني كدا فى ثواني

الاب بهزار

• أدى دقنى اهه اذا مكونتيش انتي اللي محرضاها من الصبح علينا ..... بنتي وعارفك .... ما بتصدقي تيجي جدتك عشان تحققي احلامك كلها

نسمة وبتتصنع البراءة

• انا يا بابا ....... ربناا يسامحك

امها بضحك

• لا انتي مسكينة والقطة بتاكل عشاكي ..... بنت بطني وحافظاكى

عمر بيضحك ومبسوط .........من زمان اوي محروم من جو عائلي زى اللى هو فيه دلوقتى ........ولا ضحك من قلبه زى ما بيضحك دلوقتى

بيخلص الفطور العائلى الجميل ......ما بين هزاروضحك واجواء جميلة.....بيستاذن عمر ونسمة ......وبيقوموا يشتغلوا وبيكملو شغل على التصميم.....الاب والام مشغولين مع الجدة....... وابوها مش فاضي يراقبهم ...... كانو مبسوطين جدا خلاص هيتتحرروا من رقابة والد نسمة ...........وهيبقو اجمل عصافير حب احرار......وهيقعدوا بعد كدا سوا براحتهم...

وهمه بيقعدوا مسك اديها بفرحة

• نسمة ..... جدتك دي رهيبة
• ايوا عارفة ...... عشان كدا انا قلتلها كل حاجة يا عمر

عمر بتوتر

• ايه بجد ؟
• ايوا
• وقالت ايه
• قالتلي هتقف معنا ...... اصلها شايفة فرق العمر بينا عادي .....هيه بينها وبين جدو 25 سنة
• طيب اهو يعني احنا هنتخطب عادي ........امال انتي خايفة وبتخوفيني للدرجادي ليه
• دا جدو وتيتا يا عمر ...... مش بابا
• طيب ما والدك اكبر من والدتك برضو بعمر مش قليل
• مهو عشر سنين برضو مش عشرين يا عمر
• طيب خلاص ربناا ييسر يا حبيبتي ...... متتشائميش كدا
• ياا رب........يلا نبدا شغل يا حبيبى علشان باب مياخدش باله

بدأو شغل وخدوا وقت مش قليل.........نسمة وهيه بتشتغل بتسال عمر

• عمر
• عيون عمر

بتبتسم بخجل

• بجد سؤال انت ليه قلت لبابا عاوز انا اشرف على التنفيذ في المشروع .......... مع انه ملوش داعي
• عشان دا هيكون بيتنا يا حبيبتي ...... عاوزك تعملى كل جزء فيه بنفسك

نسمة بفرحة مخلوطة بخجل

• بجد يا حبيبي ؟ ده هيكون بيتنا ؟ وهاعمل كل حتة فيه زى مانا عايزة ..... ده اجمل خبر سمعته فى حياتى ...... يلا نشتغل لحسن بابا يطب علينا
• ويودينا الاداب

نسمة بتمسك نفسها علشان متضحكش بصوت عالي وتفضحهم

• رخم .... متقولش على بابا كدا
• حاضر يا حبيبتي
• متوقعش يطب علينا اصلا يا حبيبي ..... لان تيتا هتلهيهم عنا

بيخلصوا شغل وقبل مايروح عمر بيمسك ايدها وبيقولها

برافو عليكى يا حبيبتي....... تسلم ايديكى الحلوين

• **** يسلمك يا عمر
• **** يسلمك كدا ناشفة ؟..... مفيش حتى حبيبي؟ طيب بوسة كدا زي بابا

نسمة بتدوس برجلها على رجله وهيه بتجز على سنانها بتقله

• لم نفسك يا عمر

عمر بألم

• اخخ حاضر حاضر يا مفترية

نسمة بتضحك على منظر وش عمر وبتطلع لسانها تغيظه

بيروح عمر يسلم على ابو نسمة

• معادنا يا سيادة العميد ....الساعة 3 ونص اول متخلص شغلها يعني ...... يادوب مسافة السكة للوورك سبايس ...... انا اخترت وورك سبيس في مول بوينت 90 ..... كدا هتكون مطمن اكتر اهو المول مكان عام

احمد بإعجاب مظهرش على ملامحه

• انت مرتب كل حاجة بقى ........ تمام يا عمر اتوكل على ربناا
• شكرا لحضرتك جدا ..... عن اذنك
• مع السلامة

بيروح يسلم على مدام سلمى ويهمس لها

• شكرا ليكي بجد ...... مش عارف اشكرك ازاي ..... من وانا صغير كنتي دايما منقذتي وزي امي ....وباس ايدها

سلمى بتاثر

• خد بالك من نفسك ومن نسمة .... حطها فى عيونك
• من غير ماتوصيني دي فى عيوني اصلا

خبطته سلمى على كتفه بخفة

• لم نفسك يا واد ...... بس انا اللي بقول حطها فى عيونك

عمر بضحك

• حاضر

بتقرب منهم ايمان

• بتتوشوشوا فى ايه يا ماما كل دا
• مفيش يا بنتي بطمن عليه

عمر بامتنان

• شكرا ليكي مدام ايمان على اكلك اللذيذ ...... وعلى الجو العائلى اللى انا كنت محروم منه ...... ووشك البشوش ..... تعبناكي معنا
• مفيش اي تعب يا عمر....... نورتنا
• عن اذنكم ......سلام
• سلام

بتبدل نسمة هدومها وبتروح الشركة ....... يوم بدا بفرحة خلا مزاج نسمة جميل طول اليوم .......كان يوم روتيني ليها ولشغلها بس طبعا........ مغابش عمر عن بالها وسمعت تلفونها بيرن..

.................................................................

سحر الحاجة الوحيدة اللي مكانتش فى روتينها في اليوم ده ........ كانت مخنوقة ومش عارفة تعمل ايه ...... بس قررت انها لازم تعمل اى حاجة ......تخليها تعرف تقرر هتوافق على تامر ..... ولا تستنى محمد فارس الاحلام.... قعدت تفكر وفجأة جت فى دماغها فكرة .......فقامت من مكتبها بسرعة

راحت سحر لامل سكرتيرة ايمن

• عاوزه اقابل المدير
• ليه يا سحر ؟
• عاوزاه فى حاجة خاصة دلوقتى ...... لو ممكن تديه خبر
• طيب ثواني اشوفه

بتدخل السكرتيرة امل لمديرها وفى ايدها فنجان القهوة علشانه

• شكرا يا امل
• باشمهندس ايمن .... المهندسة سحر برا .... وعاوزه تقابل حضرتك ضروري
• ليه ؟ في حاجة ؟
• معرفش ...... بتقول حاجة خاصة
• تمام دخليها

بتدخل سحر وهيه متوترة مش عارفة تتكلم ازاي...... خايفة تقع فى الكلام ........ مش عاوزه أيمن يعرف انها كانت بتتصنت عليهم

.................................................................

عمر بيمشى من فيلا نسمة مبسوط ..... فرحان....... بتشوفه السكرتيرته بتستغرب اول مره تشوفه بالحالة دي ...... بيطلب قهوته ويبدأ يشتغل .... بيفتكر نسمة ورقتها وجمالها
بيمسك موبايله وبيفتح على اسمها وبيكلمها

• وحشتيني اوي

بترد عليه بفرحة وحب

• انت اكتر
• انتي ايه؟
• بلاش رخامة يا عمر
• يابنتي بوسة ومش عاوزة وكمان كلمة حلوة لا ؟؟ ...ارحميييييييييني

نسمة بضحك

• حاضر...وانت وحشتني اكتر يا عمر
• بحبك ... متنسيش معادنا بعد الشغل عندي حاجات مهمة عاوزة اقولها
• حاضر

.................................................................

• إتفضلي يا سحر ..... فيه حاجة فى الشغل ؟
• الشغل تمام ..... عايزة آخد رأى حضرتك فى حاجة
• إتفضلى يا سحر ..... انا تحت أمرك
• انت عارف يا باشمهندس انه والدي متوفي
• ايوا ربناا يرحمه
• وانا باعتبرك زي والدي ..........وعاوزه اخد رايك فى حاجة خاصة
• تمام إتفضلي يا بنتي ....اقعدي واقفة ليه

سحر قعدت وبدأت تتكلم وهيه بتفرك اديها بتوتر

• انا متقدملي عريس
• طيب؟
• العريس كان فى الخليج ورجع .... وضعه المادي كويس...... اهله محترمين .......بس هو مش وسيم ولا عنده كريزما ......ومش عارفة اوافق او لا
• طبعا وافقي يا بنتي ...... اقعدي معاه.....ولو حسيتي ارتياح وقبول وتعامل كويس متتردديش ......الجمال مش كل حاجة .....ومفيش انسان كامل
• ده رايك يا باشمهندس ؟
• ايوا طبعا
• شكرا ليك
• العفو يا بنتي ...بالتوفيق

بتخرج سحر وخيبة الامل والحزن ماليين نفسها .......بتعرف انه معدش عاوز يخطبها لابنه ...... ربناا ينتقم منك يا عمر .......انت السبب


.................................................................


عمر ونسمة بيتقابلوا فى الوورك سبايس..... بعد السلام قعدوا اختارو هيشربو ايه....فاجأها عمر وهو بيقول

• مش هنشتغل النهاردة يا نسمة

نسمة باستغراب

• ليه يا عمر؟
• في حاجات مهمة عاوزك تعرفيها عني
• إتفضل أنا سمعاك
• انتي تعرفي حياتي المهنية وعمري بس ..... متعرفيش طباعي وافكاري طبعا لكن دي مش مشكلة هنتعرف على بعض وطباع بعض فى المدة اللي هنشتغل فيها سوا ......... بس في حاجة قالتها مامتك قبل كدا بس لازم تعرفي تفاصيلها مني انا

نسمة باهتمام

• تفضل يا عمر
• سارة خطيبتي الاولى وكانت حب حياتي...... إتوفت قبل فرحنا باسابيع بسيطة فى حادث تفجير قبل 20 سنة ........ عشت معاها اجمل ايام حياتى وكانت هيا سبب سعادتى...... عشان كدا متجوزتش من بعدها...... بس انتي جيتي وملكتي قلبي يا نسمة ...... مش عارف ازاي ......... من أول ما دخلتي حياتي شقلبتي حالي واحوالي ... خليتيني عمر جديد ..

نسمة وشها احمر من الغيرة .....بتتكلم بسرعة ومن غير وعي

• هيه دي البنت اللي كانت صوركم سوا على الفلاشة وكنت بتضحك وطاير فيها صح؟

أخدت بالها وحطت ايدها على بقها ...... مصدومة من تسرعها وبتلوم نفسها على غباءها ..... وهيا شايفة عيون عمر بتوسع من الصدمة

• ايه؟؟ انتي كذبتي علي يا نسمة؟
• اسفة يا عمر غصب عني
• يعني ايه غصب عنك دي؟؟؟ ............. انا سألتك اكتر من مرة وانكرتي مع كدا .... صح!!
• حقك علي يا حبيبي بجد..... انت لما سالتني على الموبايل اول مرة......انا كنت فتحتهم اصلا .......... وخفت احكيلك تتعصب ..... مانت كنت بتشخط فيا على كل حاجة وقتها ...
• بس كذبتي علي فى اللنهاية !!

بتمسك ايديه..... وعيونها بدأت تدمع

• متزعلش مني ..... و**** بحبك ...وما عمري خبيت عليك حاجة ...... او كذبت عليك حتى ... الا فى المرة دى بس

نسمة دموعها بدأت تنزل وانفها بدأ يحمر..... عمر انتبه وهدى نفسه

• طيب يا نسمة متعيطيش .... ممكن ؟

نسمة هزت راسها بالموافقة

• حد شافهم غيرك ؟
• لا لا ابدا .... بس انا
• حصل خير يا حبيبتي ..... بس ياريت متتكررش وتصارحينى بالحقيقة مهما كانت

بتهز راسها بابتسامة وهيه بتمسح دموعها

• حاضر يقلبي ....

وبتكمل كلامها بغيرة وجدية

• احنا بما اننا بقينا مرتبطين ........انت هتحذف الصور دي من عندك ..... صح ؟

عمر اتصدم من السؤال متوقعش.....فاضل ساكت شوية ... قاطع سكوته نسمة بقلة صبر

• إيه يا عمر؟

عمر بابتسامة بسيطة على غيرتها

• حاضر يا حبيبتي ..... هحذفهم
• انا عاوزه اقولك حاجات برضو
• إتفضلي

نسمة بارتباك

• انا انا كنت مخطوبة قبلك برضو

عمر بصدمة

• ايه؟؟ ومعرفتش قبل كده ليه يا نسمة ؟
• دي حاجة هتقلل مني يعني يا عمر؟؟؟ ........بعدين مجتش فرصة قبل كده ...... اهو لما اتفتح مجال...... واتكلمنا عن نفسنا قولتلك على طول
• ...طيب وكنتي مخطوبة لمين ؟؟من فين تعرفيه ....وفسختو ليه؟

نسمة بتاخذ نفس وبتبدا تتكلم

• كنت مخطوبة لواحد كان معيد معايا فى الجامعة .....حبيته بس طلع حقير وكان بيستغلنى .... إستلف منى مبلغ كبير كان بابا حاططهولى فى البنك بإسمى ....فهمنى انه *** عليه علشان يقدر يكمل تمن الشقة ونتجوز بسرعة .... كان مفهمنى ان كل امله فى الحياة اننا يجمعنا بيت واحد .... سابنى وهرب وسافر أمريكا وكل اللى عمله انه بعتلى رسالة انساه لانه مش هيرجع مصر تانى ..... كنت باحبه بكل مشاعرى وكنت على استعداد انى اديله عيونى لو طلبها مش بس فلوسى .... دخلت بعدها فى إكتئاب احتجت اروح معاها لدكتور نفسي .... كنا كاتبين كتابنا واضطريت الجأ للمحاكم علشان اتطلق ..... وبعت يطلب من بابا فلوس تانى علشان يطلقني....علشان كده بابا كان خايف عليا أول ما عرفتك ..... من بعدها بقى يدقق فى كل علاقاتى لانه من الاول مكانش مستريح ليه بس وافق علشان ميكسرش قلبى .....

الدموع ملت عيون نسمة وبدأت تنزل على خدها

• وياريته ما وافق يا عمر .... ياريته ما وافق

عمر بيمسح دموع نسمة بصوابعه .... وبيلطف الجو بهزار

• فعلا ندل ..... وحمار كمان ..... فيه حد فى الدنيا يسيب قمر زيك علشان الفلوس ..... او حتى علشان اى سبب تاني

نسمة بابتسامة خجل

• تسلم يا عمر

عصافير الحب فضلوا كام ساعة زيادة في الوورك سبايس...... بيتكلمو عن نفسهم ويتعرفوا على بعض اكتر ......شربوا العصير واكلو الكيك....... وروحوا وهما طايرين من الفرحة ..........الحلم بقى بيتحقق قدامهم

نسمة وعمر علاقتهم اتطورت اوي ....... ومرت الايام والشهور ...... وبدأوا يبنوا بيت احلامهم ..... التصميمات شبه جاهزة .... البيت اللي هيجمعهم تحت سقف واحد ...... بدأت معالمه تبان اكتر ............. على ذوق نسمة وتوجيهات حبيب قلبها عمر

عمر مسك موبايله يرن على نسمة ..... اسمها لسا مسجله المهندسة نسمة .......... ضحك على نفسه.......وغيره فورا وسجله ب"من ملكت قلبي " واتصل عليها

• الو يا حبيبتي ازيك
• تمام ياقلبى وانتا
• بخير .....**** يديم صوتك الجميل ... تعرفي وحشتيني
• حبيبي بطل بكش........لسا من شوية كنا سوا
• حتى لو ..... بتوحشيني كل ثانية .... بحبك يا نسومتي
• وانا باعشقك يا عمورتي
• المهم كنت عاوز رقم والدك
• رقم بابا ؟ ليه؟
• عشان اتقدملك ياروحي طبعا

نسمة باستغراب

• هتتقدملي على التليفون يا عمر ؟

عمر بضحك شديد

• طبعا لا يا حبيبتي ..... انتى عبيطة ؟
• هكلمه اخد معاد..
• لا خلاص انا هاخدلك معاد
• اشمعنى ؟
• كدا احسن مش عاوزاه يشك
• طيب يا حبيبتي اللي يريحك
• بكرا بعد العصر اتفقنا
• اتفقنا يقلبي

بتتنطط فى اوضتها بسعادة ....يوم واحد بس...... بيفصلها عن اهم يوم فى حياتها ......... عمر هيكون حبيبها قدام الكل وبشكل رسمي ......بتهدي نفسها وبتنزل لوالدها في مكتبه ...... بتخبط على الباب وبتدخل

• بابا حبيبي
• ايوا يا نسمة يا حبيبتي ....تفضلي
• المهندس عمر كلمنى .... هو طالب يقابل حضرتك بكرا العصر
• ليه ؟ فيه حاجة ؟
• معرفش يا بابا...طلب رقمك علشان يكلمك ........وانا قلتله معلش انا هاقول لبابا عادي
• طيب يجي اهلا وسهلا....... ومفيهاش حاجة لما تديه رقمى .... على كلن انا بقيت اعتبره واحد من العيلة والبيت بيته........وانا معنديش حاجة بكرا هو يوم اجازة كدا كدا ....... انا بحترم عمر ولباقته .... شاب مؤدب ومتربى
• ايوا فعلا يابابا ......هبلغه انك موافق ..... عن اذنك

بتطلع غرفتها جري..... بتتبسط اكتر بعد ماتسمع مدح والدها لعمر ........ بترن على عمر بسرعة

• الو الو
• ايوا يا حبيبتي
• بابا معندوش حاجة بكرا .... وبيقولك اهلا وسهلا
• تمام ..... كويس جدا .... بس انتي هتنطي من الفرحة ليه

نسمة بفرحة وضحك

• اصل بابا مدحك...... وبعدين هبقى حبيبتك رسمي مش عاوزني اتبسط ؟؟ عاوزني ازعل ولا لتكون انت زعلان وانا معرفش
• هزعل ازاي بس يا حبيبتي ... دا يوم المنى

نسمة بضحك

• ايوه كده اتعدل
• عمر بضحك
• يا مفترية ....بس بجد باباكي مدحني؟
• ايوا ...بجد ودا خلى عندى امل اكتر
• ياا رب يا حبيبتي ربناا ييسر امورنا بكرا ويتم الامر على خير
• يا رب يا حبيبي يا رب

بتدخل مامتها

• يلا باي .... نتكلم بعدين
• ماشي حبيبتي سلام
• سلام

مامتها بترفع حاجبها وبتسالها

• كنتي بتكلمي مين

نسمة بتتوتر

• انا كنت بكلم

بتقاطعها مامتها

• من غير كذب يا نسمة ...... كنتي بتكلمي عمر.... صح ؟
• ايوا يا ماما
• على فكرا انا عارفة بقصة حبكم

نسمة باستغراب

• ايه ؟ تعرفي ؟
• ايوا يا حبيبتي ماما قالتلي ......جاي بكرا يطلبك ؟
• ايوا كنت لسا رايحة اكلم تيتا

بتدخل الجدة بهزار

• سامعة اسمي ..... بتجيبوا سيرتي فى ايه انتي وهيه
• مفيش يا ماما عمر بيه اللي حضرتك بتدافعي عنه
• ماله ؟؟
• جاي بكرا يطلبها

الجدة بتحضن حفيدتها بفرحة

• ومالو..... لو مش عاوزة ابوكي يسمع كنت زغرتلك
• يا ماما بتتكلمي بجد ؟
• اه وجد الجد .... عمر شاب كل البنات تتمناه

ايمان بقلة حيلة

• انا مش هتكلم بكرة ....... الا لو عوزاني اروح معاكى متطلقة

الجدة باستغراب ونرفزة

• انتو مكبرين الموضوع كدا ليه؟
• مش مكبرينيه ...... يا ماما انتي ناسية خطيب الست اللي قدامك.......
• القديم يا ماما القدييم
• ايوا القديم.... المعيد اللي كانت فكراه محترم ..... كان اكبر منها ب 13 سنة ....... ومكانش احمد بيطيقه .....وعلشان لقاها بتحبه وهتموت نفسها عليه وافق .... وبعدها هو حلف مش هيجوزها لواحد اكبر منها بكتير..... وواحد مش عاجبه او موافق عليه......بقى عنده عقدة من الفرق الكبير .....وشايف انه هو الادرى بمصلحتها
• انتي يا بنتي هتقارني الندل ده بعمر؟؟؟؟ عمر شكلا باين اصغر من عمره ... وجنتل ولبق ومش طمعان فيها وعارفين اصله وفصله ...... وبيحبها وحاططها فى عيونه ....... عاوز ايه جوزك اكترمن كده
• واللله معرف يا ماما ..... احب ما علي انه يوافق
• ربناا يستر بكرا يا تيتا
• تاني يا حبيبتي متخافيش .....سيبولي أنا الموضوع ده

نسمة بتحضن جدتها بقوة

• ربناا يخليكي ليا

.................................................................


سحر قاعدة مع تامر بعد ماقروا الفاتحة .....وبقت تستلطفه اكتر ....بس مش شيفاه العريس اللقطه ... شيفاه عريس عادي

بيتكلموا وبيتعرفوا على بعض اكتر ....... بس سحر كانت عاوزه خروجات وهدايا غالية ......بس تامر وضعه ميسمحش بطلبات كتير زى دى .... هو محوش قرشين يشترى بيهم العفش ويزبط شقته ..... بس كان بيحاول يسعدها على قد مايقدر

بتدخل مامت سحر بتضايف تامر وبتلطف الاجواء .......واول ما مشى تامر..... بتقعد مع سحر وبكل حدة بتكلمها

• اتعدلي يا سحر ..... اتعدلي
• اعمل ايه يا ماما اكتر من كده بس
• صدقيني لو متعدلتيش لاقعدك فى البيت..... تنظفي تطبخي وتغسلي .........حتى من غير جواز .... وفداهية القرشين اللى بتقبضيهم وهنعيش على أد المعاش بتاع ابوكى زى ما يكون ...... سامعة ......الراجل مش مخلي على جهده جهد ......وبيعمل اللى بيقدر عليه فى الخروجات والهدايا ........ بس احلامك وطموحات بفارس الاحلام على الحصان الابيض انسيها ........تمام ؟؟
• بس يا ماما ..
• انا قولت اللي عندي .....والباقي عليكى انتى
• طيب حاضر يا ماما.....متزعليش نفسك
• تصبحي على خير يا سحر

وبتخرج مامتها وبتقفل الباب بقوة ........ بتدعي لبنتها ربناا يهديها ....

سحر بتكلم نفسها ...... وبتقرر تبص لحاضرها واللي بين اديها ........وتفقد الامل بطموحاتها واحلامها العالية ....... بتقرر انها تروح تاني يوم الشركة وتقدم استقالتها خلاص


.................................................................


نسمة وعمر صحيوا والفرحة ملياهم ........ واخدوا دش وفطروا ......عمر لقى رسالة من نسمة بتصبح عليه ..... اتصل بيها فورا

• صباح الخير يا حبيبي
• صباح الورد يا روح وقلب حبيبك
• قبل اي حاجة متنساش ..... البس البدلة الرمادي مش السودة والكرافته البينك
• برضو يا نسمة
• عشان خاطري
• حاضر يروحي هو انا اقدر اقولك لا

وبيكمل عمر بضحك

• على اخر الزمن الباشمهندس عمر هيلبس كرافته بينك
• ان كان عاجب ياحضرة سي عمر
• عاجب يا ستي عاجب

بتفضل نسمة تتفرج بدولابها وبتقرر هتلبس ايه يليق ببدلة عمر اللي مختارينها سوا...... وبعد ما تختار بتقوم بتسرح شعرها .......بتفرقه من النص وبتعمله ويفي .......وبتلبس فستان ابيض على قد الجسم واكمامه ليها تل من اطرافه ومزين بحبات اللؤلؤ... وهيلز وردي وحزام وردي........ واكسسورات على شكل الورد بلون وردي ......بس مع كدا مقلعتش الاسورة اللي من عمر ........

وعمر بيحلق وبعدها بيروح باخد دش ...... وبيلبس البدلة الرمادي زي ماطلبت حبيبته..... وقميص ابيض وكرفته وردية.......بيشتري فى الطريق هدية لنسمة ...... عبارة عن عقد فضة بشكل وردة بالزمرد .......تناسب الاسورة اللي جبهالها قبل كده ........ وبوكيه ورد احمر ......وعلبة شوكولاه على شكل قلوب محشية نكهات فواكه..

بيوصل عندهم على معاده بالضبط بيفتحله الاب ..... وبيستغرب من كل الهدايا اللي فى ايده ..........ولبدلته اللي لونها مختلف عن اللون الاسود اللى دايما بيشوفه بيه...... ومع ذلك شيك وانيق زى عادته .......... وبيشوف نسمة نزلت وهيه جميلة برضو ..... الاب باستغراب بدهشة من منظرهم ......

اللي ميعرفوش الاب انه خلال الفترة اللي اشتغلو فيها سوا برا الفيلا.......نسمة غيرت عمر كتير..... مبقاش يلبس نظارته الشمسية بكل مكان....... بقى بيلبس بدل بالوان تانية غير الاسود ......بقى يحب يفطر......ويحب يهزر .....حب الحياة بسبب وجودها فيها

• مالكم يا ولاد عاملين كدا لي ...... تعرفي في ايه يا ايمان ؟
• لا يا حبيبي ..... هعرف منين ... انا مستغربة زيي زيك

الجدة بتقعد وبتبدأ هيا تتكلم

• انا اعرف يا احمد ....... وبعد الفحص والتمحيص قولت ليه لأ ؟

احمد باستغراب

• ايه هو يا حماتي اللى ليه لأ ؟؟

عمر بابتسامة لطيفة

• ممكن ادخل ونتكلم

احمد باحراج وعجلة

• اه إتفضل يابني مأخدتش بالى

دخل عمر وقعد ......وحط قالب الشوكلاته على التربيزة ...... والورد جنبه .....وعلبة عقد الزمرد في جيبه

الاب باستغراب

• إتفضلي يا حماتي

عمر ونسمة الابتسامة مش بتفارق وشهم

• بصراحة يا سيادة العميد .... انا بطلب ايد بنتك المصونة نسمة لابني عمر

احمد بضحك هستيري من الصدمة

• يعني ايه ؟

عمر بيحاول يخفف الجو

• انا مقدر انها مفاجأة لحضرتك ..... بس انا ونسمة بنحب بعض .....وباطلب ايدها من حضرتك ....... علشان تكون حبيبتي ومراتي وام ولادي رسميا
• انت بتهزر ..... صح ؟
• لا حضرتك ..... هى الحاجات دى فيها هزار ؟
• انت مجنون ولا غبي
• ليه بتقول كدا بس يا سيادة العميد
• انت لسا هترد علي .....امشي اطلع برا بيتي

الجدة بعصبية انت مش محترم وجودي يا احمد ؟

• انتي على عيني وراسي يا حماتي ........ بس الموضوع دا محدش يتدخل فيه ....... نسمة بنتي
• نسمة حفيدتي برضو
• بس هيه بنتي يا حماتي..... وانا ادرى بمصلحتها
• وايه هيه مشكلتك مع عمر؟؟؟؟ انت شايفه هيدمر حياتها مثلا ؟؟
• ايوا هيدمرها اوي.....دا فارق العمر لوحده مصيبة

عمر بحاول يدافع عن نفسه

• بس يا
• اخرس واطلع برا

نسمة بزعل

• يا بابا بتكلم عمر كدا ليه

ابوها بينفجر فيها بغضب

• اخرسي ولا كلمة واطلعي على اوضتك ...... لسا حسابك بعدين لما اتفاهم مع البيه دا

نسمة بتروح قريب من عمر

• بس احنا بنحب بعض .....ودي رغبتنا

احمد بعصبية كبيرة

• انتي اتجنني

بيشدها من ايدها وبيزقها لجوا بعيد عن عمر .......وبيصرخ لمراته تاخدها من وشه ....... وبيقولهم انه حسابهم بعدين همه الاتنين ......... وبيصرخ على عمر يطلع برا

• خد هدياك الغبية دي واطلع برا فورا

الجدة بانفعال

• انا قلتلك دا ابني ؟ تطرده زي اكنك بتطردني

الاب وهو بيحاول يتمالك نفسه لانه بيكلم حماته ..... ومش عايز الأمور تسوء مع حماته اكتر من كده

• يا حماتي البيت دا بيتك ......وعمر لا هو ابنك ولا مرحب بيه هنا من بعد كده ...... ومتحاوليش تضغطي عليا بالكلام فى الموضوع دا ....... لانه مرفوض رفض قطعي ......واقتله ولا اجوزه بنتي

عمر لسانه اتربط من الصدمة

الجدة اول مرة تشوف احمد بالشكل دا ...... ومستغربه رفضه القطعي والمخيف ..... سلمى والحزن بادي عليها ..

• امشي يا عمر باين مش مرحب بينا هنا

ايمان بخوف لامها تروح

• لا يا ماما احمد قلك البيت بيتك

عمر بانكسار وحزن فظيع

• خليكي هنا يا ماما سلمى ..... نسمة اكيد هتحتاجك جنبها .....

وبيهمسهلها

• طمنيني عليها ...... وادها العلبة اللي في جيبته........ادي دي لنسمة من غير ما ابوها ياخد باله ..... ولو قدرتي تديها باقي الهدايا يبقى كتر خيرك

سلمى بطبطب عليه بحزن.....وقلبها بيتقطع على نسمة وعمر

بيخرج عمر مكسور من الحزن ....... بس مصمم انه مش هيستسلم..... وهيطلبها تاني وثالث ورابع هيفضل يطلبها لاخر عمره

بتخبي سلمى هدية العقد ....وبتاخد الشوكلاه والورد تديهم لنسمة

الاب بغضب

• مفيش حاجة منهم هتاخدهم لنسمة يا حماتي

نسمة وهيه عيونها متنفخة من العياط

• بس انا عاوزاهم يا بابا ........مش كفاية انك رفضت حب حياتي
• انتي لسا شوفتي حاجة يا نسمة ........ شغل مع اللي اسمه عمر دا ممنوع ...... خروج من باب البيت اصلا ممنوع ..........ولا حتى لشغلك انا هاخذلك استقالة من مدير شركتك

نسمة بصدمة

• ايييه؟

ايمان بصدمة

• احمد حبيبي اهدى شوية .... مالك يا قلبي اتعصبت كدا ليه

الاب باستهزاء

• اول حاجة انتي جاوبيني...... كنتي تعرفي حاجة عن الموضوع ده؟

ايمان بتوتر

• لا

احمد بشك

• متاكدة ؟

نسمة بحزن على والدتها

• مكانتش تعرف يا بابا ....بس تيتا اللي تعرف

الاب بغيظ..

• تيتا ..... طبعا محدش مقويكي غيرها .....دول كانو بيستغفلونا يا ايمان ....يروحوا يشتغلو طلعوا بيتصرمحوا وبيحبوا فى بعض......تاني حاجة هو اكبر منها بعشرين سنة....... عارفة يعني ايه عشرين سنة ؟؟؟؟؟ فرق العمر بينك وبين بنتك ......دا اصغر مني بعشر سنين..... مش ناقصها حاجة عشان تتجوز عجوز زيه .......تقدر تتجوز واحد جمال ومال واخلاق ومن نفس سنها

الجدة مقاطعة

• وهو عمره بقى يعيبه ؟؟ مانا جوزي ربناا يرحمه كان اكبر مني ب25 سنة .........وياما ناس اتجوزوا بفارق اعمار كبيرة .........انت ذات نفسك فرق بينك وبين مراتك عشر سنين
• عشر سنين ..... انتي قلتيها يا حماتي مش عشرين دا الضعف .......اذا كان خطيبها القديم الندل بينهم 13 سنة ومعجبنيش ......هرضى باللى فرق العمر بينهم 20

الاب وهو بيكلم نسمة اللي بتبكي

• عاوزه الهدية دي خديها بس متسمعينيش صوتك خالص ....... اطلعي لاوضتك ووشك ماشوفوهوش .... اخرتها تخلص الهدايا دي ........ مفيش خروج من البيت يا نسمة ولا حتى الشغل سااامعة !!!
• بتاخدهم نسمة وبتطلع لاوضتها .........وهيه هتموت نفسها العياط

.................................................................


سحر بتروح بتقدم استقالتها من الشغل......وبتنقطع اخبارها عنهم فعلا وحتى اخبار نسمة لانها بترنلها ومش بترد....بتقعد بالبيت وبتحاول تتاقلم مع خطيبها ......بقت تندمج معه اكتروتحبه اكتر...... امها مبسوطة منها ..... مبسوطة بحالهم اللي تعدل ......... بتتمنالهم كل السعادة وبدأوا يجهزوا لفرحهم ..... وتامر شايفها وطاير وبيحققلها اللي بتتمناه على قد مايقدر .......وسحر وهيه رايحة تخلص اوراق استقالتها والاجراءات....... بتعرف موضوع نسمة من باقى المهندسات .... وبتشفق على نسمة ..... لكن بتشمت فى عمر اوى ..... بتحس ان نارها بردت منه..... وخدت تارها من الباشمهندس عمر

.................................................................


نسمة فعلا والدها بيحبسها فى البيت ........ وحتى شغلها مش بيخليها تروح عليه ....... بيقدملها استقالتها من التليفون...... بعد مايتصل بمديرها بالشغل ......... مع ان الباشمهندس ايمن بيحاول يخليه يغير قراره ...... عشان نسمة اهم موظفه عنده ....... بس احمد كان مصمم على رايه بكل حده ..

• طيب مفيش فى إيدى حاجة اعملها يا سيادة العميد ... بس لو تحب تمر علينا حضرتك ........او تبعت نسمة تاخد حاجتها من مكتبها .......وتاخد مكافئتها عن شغلها مع المهندس عمر..... لأنها لسة مأخدتهاش .....
• هيه لسة مأخدتهاش لغاية دلوقتى ؟؟
• لأ حضرتك ..... الحسابات اتأخرت فيها لإن الشغل بين الشركة ومكتب عمر أخد شوية وقت ..... انا بعتذر لحضرتك عن التأخير ده
• لأ ولا يهمك يا باشمهندس ..... متشكر اوى لذوقك

احمد بينهي المكالمة وبيحس ان الدنيا بتدور بيه .... امال نسمة جابت فلوس الاسورة الفضة بالزمرد منين ؟؟؟ وبيقرر انه هيكلم ايمان عشان تعرف منها....لانه لو سالها هو مش هتقوله

.................................................................

عمر مش بيفقد الامل...... بيتقدملها اكتر من مرة ...... وكل مرة بيرفضه ........وفي اخر مرة بيتقدم فيها احمد هدده تهديد واضح .......انه هيبلغ البوليس عنه ...... بتهمة الازعاج ويحبسه ...

جدة نسمة بعد مافقدت الامل ...... بتقرر انها هترجع بيتها .....مع انه ايمان بنتها حاولت تقنعها كتير اوي انها تفضل اكتر بس رفضت ..... وقبل ماتخرج وتروح بيتها بتطلع لغرفة نسمة ....... بتاخدها فى حضنها .... نسمة بتعيط

• يا حبيبتي انتي الدموع دي كلها بتجيبيها من فين ...... حرام عليكي عيونك مش بينشفوا من الدموع
• يا تيتا متروحيش وتسيبيني
• معلش يا حبيبتي مش هقدر افضل اكتر من كده ...... وجودي مبقاش حلو اصلا

طلعت علبة من جيبها

• خدي يا حبيبتي
• ايه دا ؟؟
• افتحيها يقلبي
• بتلاقي عقد فضة نفس اسورتها ...
• من فين دي يا تيتا
• دا عمر جابهولك في اليوم اللي طلبك فيه.......وخباه معايا وطلب منى اوصله ليكى

نسمة بحب اكبر لحبيبها وحزن على وضعهم

• لبسيهولى يا تيتا
• حاضر يا حبيبتي تعالي

لبستها جدتها العقد .......ونسمة مسكت احجارة وبقت تحسس على رقبتها ...... وبعدها انفجرت دموعها من جديد......

• نسمة متخلينيش اندم اني اديتهولك ...... عشان خاطري .... طيب عشان خاطر عمر اهدي وبطلي بكى ......

بتهدى نسمة شوية بتلاقي موبايلها بيرن بنغمة مسجات عمر

فتحت بسرعة لقت رسالة طويلة من عمر...

الي من ملكت قلبي .... حبيبة روحي وقلبي وحياتي ..... فرحتي في الدنيا كلها ....عصفورة حبي ... حبنا اللي انتهى من بدايته واحلامه صارت رماد ...... حاولت بكل جهدي تكوني شريكة حياتي .....جيت طلبتك كتير بس باباكي رافض رفض قاطع ..... في اخر مرة من يومين طلبتك هددني هيببلغ عني للبوليس ....... عرفت من ماما سلمى انك حابسة نفسك فى اوضتك ......ومش بتبطلي دموع ومش بتاكلي ....... عيونك الجميلة دي مش عاوزها تحزن وتبكي .... عايزك نسمة الفرفوشة زي دايما ما كنتى وزى دايما ما هافتكرك .... وعايزك تهتمي بنفسك ومتهمليش صحتك ابدا .....انا عايز اقولك اني وقفت شغل فى المشروع اللي اشتغلنا عليه ....... انا مش عاوز اعيش فى بيت احلامنا لوحدي ......انا هبعت شغلك لاكبر مكاتب التصميم ..... عشان يجيكي شغل فى البيت وتسلي نفسك وتطوري اكتر ... متتخليش عن حلمنا اننا نخلي اثر جميل فى عالم التصميم .......وعاوز ابلغك اني هسافر برا البلد .......كل مكان هنا بيفكرني بيكي .... بس عاوزك تعرفي ...... انا مش هنساكي وهفضل اكلمك واطمن عليكي ..... هتفضلى آخر حب فى حياتى

نسمة خلصت قراية الرسالة وكان شلال دموع نازل ....

• عمر هيسافر يا تيتا هيروح ويسبنى هو كمان ....
• معلش يا حبيبتي ......اعذريه هو مفيش بايده حاجة
• ليه هتسيبوني كلكم

جدة نسمة بتحزن على وضعها ....... بتقرر انها هتحاول تكلم والدها بالموضوع تاني عشان خاطر نسمة ....... مع انه العلاقة مبقتش احسن حاجة بينهم ...... بس والدها بيقفل الكلام من اوله ومش بيديها فرصة ..

جدة نسمة بتسافر مباشرة ومش بتستنى اكتر ..... حست بانه جوز بنتها هانها في بيته......

نسمة بتفضل حابسة نفسها فى اوضتها مش بتخرج منها....... اما بتكلم عمر او بتشوف صورة او بتحضن الهدايا اللي جابهالها فترة حبهم القصيرة واللي انتهت بسرعة

ايمان مش بتكلم احمد تانى فى الموضوع .... لانها عارفة جوزها وعارفة انه مستحيل يغير رأيه.... وطبعا منسيتش ايمان تسال نسمة عن الاسورة جابتها منين ونسمة مجاوبتهاش....خافت ياخدوا منها الذكرى الوحيدة من حبيبها .........

والاب هيتجنن ويعرف جابتها من فين وشك ان عمر ليه علاقة بالموضوع.... اكيد مش معقول بنته تسرق!!

.................................................................


عمر سافر اسبانيا وبدا يشتغل هناك........ منسيش حبيبته كان بيكلمها مسجات على قد ميقدر......لما يشوف اي حاجة جميلة ......تليق بنسمة كان بيشتريها على امل يتقابلوا تاني ..

عدا سبع سنين على نسمة..... كبرت اوي وباينة انها كبرت عشر سنين بسبب الحزن اللي سيطر عليها طول الوقت....... اللي مصبرها مسجاتها مع عمر....... نسمة والدتها كانت بتطلع تقعد معها شوية ....... لانها مش بترضى تخرج من أوضتها ....... ابوها يا دوب كان بيشوفها كل فترة وفترة ....... لان نسمة بتفضل عاملة نفسها نايمة ...... ومش بترضى تشوفه ...... وابوها كل ما بيشوفها بيلاقيها دبلانة اكتر وهيتجنن عليها ..... بس خلاص العمر عدا وعمر سافر برا مصر وانقطعت عنه اخباره ..... كان بدأ يندم ويقرر يغير رايه ويمكن يلين حتى لحد ما .......

نسمة قاعدة فى أوضتها مضلمة و بتتامل الوردات الدبلانة...... اللي فضلت محتفظة بيهم لانهم من حبيبها ...... من روح قلبها عمر هما اخر وردات منه ليها

دخلت عليها مامتها....

• حبيبتي نسمة

نسمة بجمود

• نعم يا ماما
• بابا عاوزك
• وعاوزني فى ايه
• معرفش يا حبيتي تعالي شوفيه ...... عاوزك فى حاجة مهمة
• قوليله يتفضل
• طلب ما نتغدا سوا أحسن
• اوووف ماما خلاص مش عاوزه اكل ولا اشوفه
• عشان خاطري يا نسمة

امها فضلت واقفة معها اوي ...... فمحبتش تكسر بخاطرها

• حاضر يا ماما ......مش هزعلك

الام بابتسامة حنان

• ربناا يكرمك يا بنتي ويسعدك....... يلا جهزي نفسك وانزلي هنستناكي

نسمة بنفس الجمود اللي بقى مسيطر عليها

• حاضر يا ماما

نسمة بتغير بيجامتها .....ولبست بنطلون اسود مع بلوزة سودا....وشوز رمادي ....وربطت شعرها كعكعة ونزلت

ابوها بس نزلت اتصدم .......وجهها بقى شاحب ولونه اصفر..... والضعف اللي بقت فيه ......وشكلها اللى خلى اللي يشوفها يديها اكبر من عمرها بكتير ...... نسمة افتكرت البيت وايامها الجميلة ....... قعدتت تتامل الصالون و افتكرت اخر زيارة لعمر.... دموعها نزلت مسحتها وامها طبطبت على كتفها .........قعدت على ترابيزة السفرة .....كان باباها سبقهم وقعد .......وقعدت الام كمان

• عاملة إيه يا بنتي

نسمة بجمود

• بخير ..... كنت عايزنى فى حاجة يا بابا ؟
• يعني مينفعش نقعد ناكل مع بعض من غير سبب
• مفيش حاجة نتكلم فيها زي منتا شايف ......... انا بقالي كذا سنة مش بخرج من أوضتى ...... مش من البيت حتى ....... ومش بكلم حد ولا بشوف حد
• طيب يا حبيبتي....اللي يريحك إتفضلي كلي

بتاكل نسمة لقمتين ... تقوم من على السفرة ....الاب بحنية وحزن على وضع بنته

• لسا ما اكلتيش حاجة يا حبيبتي
• شبعت يا بابا .......شكرا
• طيب اقعدي عاوز اكلمك فى حاجة

نسمة بتقعد بشك ...... حاسة انها مش مرتاحة

• انا كلمني هيثم ابن صديقي جودت افتكرتيه ؟
• اه يا بابا افتكرته ...عاوز ايه
• عاوز يتجوزك يا حبيبتي

نسمة بتتصدم بتفضل ساكتة ومش بيظهر عليها اي رد فعل

• ها يا حبيبتي ايه رايك ؟؟
• نسمة بتعرف انها مسمعتش غلط
• رايي فى ايه ؟؟؟ طبعا لا ...انا بحب عمر ومش هتجوز غيره
• الزفت عمر دا مخلصناش من سيرته .... عدا سبع سنين عاوزه ايه اكتر؟؟

نسمة بتتكلم بعياط

• متقولش على عمر زفت يا بابا .... ولو عدا العمر كله مش هنساه

امها بتحضنها وبتهديها....... وبتشاور لابوها يكلمها بهدوء اكتر ....... باباها وهو بيحاول يكون هادي

• طيب يا حبيبتي ..... هيثم هيجي على اخر الاسبوع يشوفك طيب ؟
• لا مش طيب ومش عاوزه اشوفه
• انا يانسمة ربناا يمكن ميدينيش طولة العمر...... وعاوز اشوف احفادي ..... انتي بنتي الوحيدة
• احفادك كان ممكن تشوفهم من عمر ....... لو انت عايز تشوف احفاد بجد وتكون امهم مبسوطة
• يا حبيبتي انا موافقتش على عمر ....... لانه اكبر منك بكتير وانتي تستاهلي الاحسن ...... وصدقيني مكانش هيسعدك
• هيثم دا احسن ؟؟ انت اصلا شايفني دلوقتى سعيدة ؟
• ايوا يا حبيبتي .....اول حاجة اعرفه واعرف اهله وابوه صديقي و هو من عمرك
• وعمر تيتا وماما بيعرفوه وبيعرفو مامته ....

احمد بتحدي

• ثانيا وضعه المادي مرتاح
• وعمر يا بابا كان وضعه المادي مرتاح
• ثالثا عمره مناسب لعمرك دا اكبر منك بست سنين بس
• عمر مكانش باين عليه عمره
• ودا كان خاطب واحدة وسابها لانه متفقش معاها ...... مش ماتت وهو بيحبها وقعد سنين عايش على ذكراها

نسمة باستهزاء

• اصلا دا اللي يتخاف منه يا بابا ...... اما عمر فهو مخلص للحب ومينخافش منه
• نسمة انا قولت كلمتي ووافقت ..... انا مش همشي على مزاجك .... انا اكبر واعقل منك فى الامور دي واعرف مصلحتك اكتر منك ...... فنصيحة حاولي تتقبليه احسن متروحي بيته مجبورة

بتطلع نسمة بتبكي لحد متنام

ايمان بشفقة على بنتها ...بتكلم جوزها بعتاب

• بالرحة يا احمد انت من امتى وانت قاسي عليها كدا .........انا خايفة لتعمل في نفسها حاجة
• منا جبتلها اشطر دكاترة نفسيين مريضيتش حتى تقابلهم
• هيه رافضة الحياة من غير عمر

احمد بزعيق

• محدش يجيب سيرة عمر في البيت دا..... هتتخطب لهيثم يعني هتتخطب لهيثم

.................................................................


عمر بيراسلها بالايام مبتردش ....... بيكلم جدتها سلمى وبتقوله ان والدها عاوز يجوزها ....... بيطلب منها انه يقولولها انه عاوزها ضروري .......بيرنلها وبتكلمه صوت ..... كان صوته الحنون اللي بيديها الامان ....... راحة ليها

• نسمة عشان خاطري انسيني ..... كفاية تعذبي نفسك اكترمن كدا
• يعني انت نسيتني يا عمر
• طبعا لا منستكيش ولا عمرى هنساكى .. انا اتجننت لما مبقيتيش تردي عليا ..... بس انا خايف عليكي
• متخفش ..... انا هفضل على وعدي ليك
• بس يا حبيبتي ابوكي مهما عملنا مش هيوافق يجوزنا لبعض ..... الموضوع بقى بالنسباله مسألة كرامة وتحدى
• ودا مش معناه اني هرضى بالعريس اللي هو عاجبه

حد بيخبط الباب على نسمة بتفتكرها مامتها لانه باباها ملوش بالعادة يدخل أوضتها ...... ومش بترد على اللي بيخبط وبتفضل تكلم عمر ... بيتفتح الباب وبيطلع والدها

نسمة بخوف وارتباك بتحاول تبان انها طبيعية

والدها بهدوء

• اديني الموبايل يا نسمة

نسمة بعند

• لا ....مش هديك موبايلي

والدها بياخده بالقوة وبيشوف الاسم على الشاشة هدية الحياة

• الو ....

مبيلاقيش رد من الطرف الثاني....احمد بيكمل كلامه بنبرة غضب

• انت عمر صح
• ايوا يا سيادة العميد .....انا عمر اللي بحب بنتك وهفضل احبها

الاب بغيظ من جرأته

• طيب بنتي بكرا هتكون مخطوبة اظن مش هترضى تكلم وحدة مخطوبة صح؟؟

عمرمش بيرد

الاب بهدوء

• يا ريت متكلمهاش تاني .... سلام

بيقفل المكالمة وبيطلع خطها وبيكسره ...

نسمة بتعيط

• ليه يا بابا بتعمل كدا ..... ليه ؟
• بكرا هجبلك خط بداله ..... وهتقعدي وتشوفي هيثم

.................................................................


سحر اتجوزت تامر وبعد سنتين من الجواز جابت ولد صغير ..... وسموه امير

محمد خطب بنت من الطبقة المخملية إتعرف عليها في احدى الحفلات للمجتمع الراقي

نسمة بتتخطب لهيثم وبتتجوزه باجبار من ابوها ...... كان تقريبا مش بيخليهم قاعدين مع بعض لوحدهم ....... عشان نسمة متقلوش انها مجبورة ..... هيثم حس انها مش عاوزاه ....... بس قعد يقول يمكن مكسوفة ولا حاجة ...... نسمة وعمر انقطع تواصلهم عن بعض .......... ونسمة بتعامل هيثم بكل الود والاحترام ....... وادته حقوقه كزوجة ..........وطول ماهيه زوجته احترمته وحافظت على اخلاقها ومخانتش هيثم ولا كلمت عمر .....

نسمة صح مكانتش بتحب هيثم بس كانت بتعاملة بود ...... هيثم كان انسان عملي ومهتمش بالمشاعر والحب اوي .... فمفرقش معاه وضع نسمة .....بالعكس كان مبسوط ..... مفيش نكد مفيش تحقيق ...... بياكل اكل لذيذ ... هدومة وبيته نضيف ....... نسمة واجهة اجتماعية ممتازة لانها جميلة ...... مع انها خست اوي ووشها شحب .. بس كان بيطلب منها تحط شوية ميكب يرجع وشها منور ........ نسمة وهيثم بقالهم دلوقتي سبع سنين متجوزين ....... بس مخلفوش ومعندهمش عيال ....... وبدأت المشاكل تزيد ما بينهم .... هيثم عاوز عيال يورثوا ثروته من بعده ويساندوه لما يكبر ..... ونسمة مش فارق معها لانه جوازها كله مجبرة عليه ..... في يوم هيثم بيعزم نسمة على الغدا في مطعم شيك فى مكان راقى ....... علشان عاوز يكلمها فى الموضوع على رواقة .... وبالصدفة اتقابلوا مع شخص مكانتش نسمة تتوقع تشوفه مرة تانية في حياتها...


.................................................................


عمر انقطعت اخباره عن نسمة .....بقى مركز على الشغل ....... ومع وفاة جدة نسمة وانقطاع اخبار حبيبة قلبه بالكامل عنه ....... وضعه بقى بيسوء اكتر مع غربته .... فقد شغفه بالحياة لاقصى مرحلة ........ بطل ياخذ ادويته ولا يتابع مع دكتوره النفسي ...... وقرر انه خلاص يتقاعد من شغله ...... وقعد يكتب يوميات حياته وحبه لنسمة ..... وفضل يشتري هدايا ليها برضو على امل اللقاء.....


.................................................................
هيثم ونسمة داخلين المطعم ...

• نسمة ؟؟؟

بتلتفت نسمة للصوت

• سحر !!

بيسلموا على بعض ....سحر بتتصدم من شكل نسمة اللي كبرت اوي .... والحزن اللي ظاهر عليها

تامر وهيثم بيسلموا على بعض
سحر

- انتوا تعرفوا بعض ؟؟
ايوا دا زميلي

تامر زميل هيثم فى الشغل وسحر انتيمة نسمة سابقا في شركة باشمهندس ايمن

كل واحد بيعرف التاني على مراته والعكس ....... نسمة وسحر بيتبادلو أرقام التليفونات بعد انقطاعهم المدة دى كلها عن بعض ........ بيقعدوا سوا وبيتعشو الاربعة مع بعض ........ كان الكل بيشارك فى الحديث الا نسمة .... كانت يادوب بتقول كلمة او كلمتين كل فترة ..........وهيثم مش بيقدر يكلم نسمة في الموضوع اللي عزمها عشانه.... فبيقرر يكلمها يوم ثاني ......


.................................................................


فضل هيثم يحاول معاها تروح لدكاترة تاني ....

نسمة بعصبية

• انا يا هيثم مش بشتكي من حاجة الدكاترة قالوا كدا ........ طيب انت رحت لدكتور ؟؟؟

هيثم بجهل

• لا ومش هروح ..... انا رجل مش بشتكي من حاجة
• وانا بشهادات الدكاترة مش بشتكي من حاجة
• علشان خاطري يا نسمة روحي اخر مرة ....... ولومحصلش حمل هروح انا

نسمة بنفاذ صبر وقلة حيلة بعد ما زهقت واتخنقت

• طيب يا هيثم هاتصل بكرا واخذ معاد هشوف ايه هيه العيادة اللي لسا مزرتهاش في مصر وهاتصل بكرا واخذ معاد

.................................................................


بتمر سنين تانية كتيرة ونسمة بتكشف ومفيش فايدة ... مش بيحصل حمل ..... لحد مافقدوا الامل من الموضوع......وهيثم طبعا مش بيكشف .......... وبيفكر يتجوز عليها

علاقتها مع اهلها او بالاحرى والدتها كانت كويسة .... بتكلمها كل يوم .......بس علاقتها مع والدها كانت اسوء ما يكون عن علاقتهم القديمة ... مش بتكلمه ولو قابلته .... بيكون اشبه بالغريب سلام بالايد وبتطمن عليه وعلى صحته .......... وهو لو حاول يكلمها بترد بجمود

.................................................................

• بيروح تامرعلى بيته وبعد الغدا وبعد مالعب مع اولاده ....
• قعد هو وسحر لوحدهم ......
• 
  
• شفتي خبر وفاة المهندس عمر دا ....الدنيا مقلوبة علشانه...

سحر بتردد

• ايوا ...تعرف يا حبيبي

تامر بتركيز

• ايه يا حبيبتي ؟
• هقولك سر بس محدش يعرف بيه
• حاضر قولي
• نسمة وعمر كانت بينهم قصة حب كبيييرة ...

بدأت سحر تقوله اللي تعرفه من زميلاتها في الشركة سابقا ....... وعرفت عن الموضوع دا ايه .......وازاي باباها رفضه وحبس نسمة فى البيت ....وعمرسافر لانه مقدرش يعيش من غيرها ........وقالتله ازاي كانت فرفوشة ومحبة للحياة وتبان دايما اصغر من عمرها

تامر باستغراب

• نسمة كانت فرفوشة ؟؟؟
• جدا ..... حتى انا اتصدمت من التغيير اللى حصلها

هيثم بيحتار يقول لصاحبه الكلام اللى سمعه من سحر ولا لأ ..... بس اكيد لو قاله مش هيقول كل التفاصيل دي ..... دا اللي قرره بينه وبين نفسه

.................................................................
في الشغل هيثم وتامر قاعدين

• ها يا تامر سالت مراتك

تامر بتردد

• ايوا
• وقالتلك ايه ؟
• بلاش يا صاحبي
• قول يا تامر .... متخفش سرك في بير

وبيقول تامر اللي قالته ليه سحر بس باختصار شديد

• كان حبيبها زمان وبس..... معرفش حاجة تانية يا صاحبي .....

هيثم بجمود

• مستغربتش ..... من ساعة ما خطبتها حسيتها مش عاوزاني ...... بس قلت يمكن مكسوفة عشان كانوا بيتغنوا باخلاقها ....بس دول طلعو بيستغفلوني .... واهى الايام بينت اد ايه كانوا فى منتهى الحقارة .... انا هوريه
• يا صاحبي طول بالك واسمع منها الاول ...... وبلاش تظلمها
• اظلمها ؟؟

تامر بقلق ...يا رتني ما قلتله .....اكيد هيتجنن ويعمل مصيبة

.................................................................

بيروح هيثم بيته والشرار بيطق من عيونة .... بيدخل يصرخ

• نسمة يا نسمة
• نعم يا هيثم .... بتزعق كده ليه ؟
• هسالك وتجاوبي بصراحة

نسمة باستغراب

• إتفضل إسأل زى مانت عايز
• عمر دا كان حبيبك بجد ؟

نسمة بتوتر

• بتسال ليه يا هيثم

هيثم بصوت عالي

• جاوبي
• ايوا كان حبيبي ....... ومحبتش غيره يا هيثم ...... وبابا اللي أجبرني اتجوزك

هيثم بسرعة وكانه مجهزها فعلا ...

• انتي طالق يا نسمة

نسمة مصدومة واخذت وقت على ما تستوعب هو قال ايه..... معرفتش تفرح ولا تزعل

بيقطع صدمتها صوت هيثم

• انت لسا هتسرحي يا ست هانم ....... لمى هدومك عشان اوديكي بيت اهلك ...... كنتوا بتستغفلوني طول السنين دي
• لعلمك يا هيثم عمري ما خنتك ....... ولا كلمت عمر طول مانا في بيتك
• حتى لو ..... مش عاوزك ...... حتى عيل صغير ما عرفتيش تجيبيلنا

نسمة بابتسامة سخرية لكلامه عن العيال راحت لمت هدومها ..... وصلها هيثم لبيتها ...... طلع زعق مع ابو نسمة ... دخلت نسمة وهيه بتبص لوالدها بكره ...... والدها زعل من موضوع طلاقها مش عارف يعمل ايه عشان تسامحه


.................................................................


طلعت نسمة أوضتها القديمة قعدت تدور على هدايا حبيبها طلعتهم تشمهم وتحضنهم ...... دموعها بتنزل وهيه بتكلم نفسها ........لي يا حبيبي رحت وسبتنى ليه؟ .......اهو بقيت حرة دلوقتى ...... ليه رحت ....... كنت بقيت ليك لو حتى يوم واحد ........ وحشتني اوي ........ وحشتني حنيتك وطيبتك ....وحشني وشك ..... بتفتح على صورهم وبتتفرج عليها بحب....

وفى يوم ونسمة زى عادتها بتكلم عمر وهو مش موجود .... خبط على بابهم محامي ...... طلب يقابل نسمة

المحامي في وجود نسمة ووالدها ووالدتها ...

عمر قبل موته كتب وصية ليه انه يدفن في مصر .......... وكتب كل املاكه وامواله باسم نسمة وعمللها توكيل...... طلب منها تتبرع باللي عوزاه وتاخد اللي عاوزاه ........وتكمل بنا بيت احلامهم ...... وبعتلها بوكس كبير اوي فيه كل الهدايا اللي جمعهم طول سنين غربته ....... بكل ال20سنة اللي كانو بعاد عن بعض....... هدايا بكل الاشكال والاحجام .......


نسمة وهيه بتبص لابوها بنظرات خالية من المشاعر او يمكن تكون اقرب للكره

• اتوقع كدا انت استريحت .... عمر مات ومتجوزناش علشان بس تمشى كلامك .... فمش هاتوقع انك كمان تعارض انفذ وصية المرحوم !!!

ابوها بحزن وندم ....بيقرر يوافق انها تنفذ وصية عمر .....يمكن يقدر يخليها تسامحه على اللي عمله فيها وفى عمر

• طيب يا حبيبتي نفذيها
• بالمناسبة يا بابا انا مش مسرقتش اسورة الفضة و الزمرد .... دي كانت هدية من عمر ربناا يرحمه...... خفت اقولك وقتها تاخدها وتحرمنى منها زى ما حرمتنى من صاحبها ..... عمر هدية الدنيا ليا اللي انت حرمتني منها..

نسمة مترددتش لحظة بانه تعمل كل وصاياه ...... اما البوكس بتاع الهدايا كان حته منها ........ كل يوم تمسك حاجة منه تشم ريحة عمر اللي فيه ....... تحضن الهدايا بحب وتعيط........ دفنته فى مصر زي ما كانت وصيته ....... وكانت على الاقل مرة كل اسبوع تروح تكلمه وتقله عملت ايه وسوت ايه .......وتوزع اكل وفلوس على روحه

نسمة بعد طلاقها بقت نسخة من عمر......بتلبس اسود وبس ....... بتلبس نضارة سودا على طول ........ركزت على شغلها ...... في عمر 45 بقت مصممة مشهورة جدا ........ الكل يتمنى الشغل معها...... بقت جامدة اوي......... كان الكل يهابها ...... معدتش تتكلم زي زمان وبقت تهز براسها وبس ..... وعاشت فى البيت اللى كان عمر بينيهولها وسابت بيت اهلها ......اللي بقى دلوقتي كل ركن فيه بيفكرها برفض باباها لعمر ..... خاصة بعد ما اهلها توفو معدش ليها حاجة فى البيت الا الوجع... عاشت فى بيت أحلامها مع عمر ...... لكن عاشت وحيدة مع الذكريات


....النهاية....

الشخصية الحزينة اللي بتبكي على حب حياتها اللي اخذته منها الحياة .......نفس الشخصية بس فى جسد شخص تاني ... نفس الشخصية بظروف تانية ..... نفس الشخصية اتكررت بعد 20 سنة

• تتوقعو نسمة وعمر غلطو لما حبوا بعض؟
• ولا الغلط من جدة نسمة و الدكتور زياد لما شجعوهم ؟
• برايكم مين كان السبب ان نسمة توصل للحال دا؟ نسمة وعمر ولا والدها احمد؟
• وتتوقعو لو كانوا عاشو مع بعض كانوا هيعيشوا فى سعادة ولا كانوا هيبقوا غير كده؟
• انتو لو كنتو مكان والد نسمة كنتو هتتصرفو كدا؟ ولا هتشوفو العمر مش مهم وهتزوجوهم...
• هتعاندوا بطريقة ابو نسمة ولا هتلينوا مع الايام لما تشوفوا اولادكم تعساء وبيدبلوا قدام عنيكم ؟
• واهم سؤال ..... تتوقعوا في لسا فى وقتنا الحالي حب زي حب نسمة وعمر ؟؟؟ولا لا

منتظرة إجابتكم عن الأسئلة دى كلها ..... عايزة أعرف أراءكم بجد ...لأنى الحقيقة مش لاقية إجابات للأسئلة دى كلها

شكرا ليكم ولمتابعتكم قصة من ملكت قلبي ...