سجل عضوية للتمتع بالمنتدى واكتساب مميزات حصريه منها عدم ظهور الإعلانات
تم فتح باب الاشراف ومساعدي الاشراف علي اقسام منتدي ميلفات

تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="ابو دومة" data-source="post: 274437" data-attributes="member: 12828">#فلاش_باك#الحلقة_الأولىالتليفون رن للمرة التالتة وانا شغال على التجربة بتاعتي وكنت خلاص قربت اوصل لحاجة في المعادلة الأخيرة ، رنة التليفون فصلتني وشتت تفكيري ، وكل الخيوط اللي جمعتها فجأة اتلخبطت مني زي سلك التليفون ، اتعصبت جدا ، عموما دي غلطتي ، تاني مرة مش لازم اخد الموبايل معايه في المعمل ، بصيت على الساعة لقيتها بقت 3 الفجر ، يااااه ، محستش بالوقت خالص ، انا مش متخيل اني هنا من الساعة تسعة بالليل شغال على المعادلة ، كنت وصلت لنتايج مهمة جدا بس الزفت الموبايل ضيع كل حاجة ..رن للمرة الرابعة ، بصيت على الشاشة لقيتها سمية ..غريبة جدا ، اول مرة سمية تكلمني من سنة ونص ، من ساعة ما اتطلقنا ، ايه الحكاية ، تكونش دي الهرمونات بتاعة الستات بعد نص الليل ..رديت طبعا بتقل الدنيا مع اني كنت فرحان ومش مصدق نفسي اصلا ان سمية رجعت تكلمني ..حاولت اظبط نبرة صوتي كدا عشان مبانش قدامها مدلوق وبتاع ، ورديت ..-الو ، مين ؟؟مسمعتش غير صرخة طويلة جدا ، وسمية بتقول الحقني يا حسن ، وبعد كدا التليفون اتقفل خالص ..وقفت لمدة دقيقة في حالة ذهول وحاسس ان دماغي اتشلت ومش عارف استوعب ..سمية كانت بتصرخ في التليفون وبعدين تليفونها اتقفل ، ايه اللي حصلها ..بعد حوالي دقيقة لما بدأت افوق من الصدمة خدت بالي ان الرقم اللي سمية كلمتني منه رقم تليفون ارضي ، مش موبايلها ، بس هو ظهر على تليفوني باسمها عشان هو متسجل كدا على الترو كولر ..وطبعا دا مش نفس تليفون البيت عندها ، مشيت ورا احتمال انهم يمكن يكونوا غيروا خط التليفون أنا بقالي كتير مكلمتهاش على تليفون البيت مع ان الرقم لسه متسجل معايه ، رنيت على تليفون البيت لقيته بيرن ، كام جرس كدا ووالدتها ردت ، كان باين على صوتها انها نايمة ، نايمة يعني اكيد متعرفش اي حاجة ، بس ازاي اصلا سمية تكون برا البيت لحد وقت متأخر زي دا ومامتها تكون نايمة ومطمنة أوي كدا ، اللي اعرفه انها بتخاف على سمية جدا ، دي ايام الخطوبة لما كنت باخدها افسحها كانت بتتصل بيها كل ساعة تقريبا علشان تتطمن عليها ..الموضوع فيه لغز كبير ، وجود سمية برا البيت في وقت زي دا ، أو بياتها برا مع عدم قلق امها عليها معناه انها خرجت مع حد موثوق منه جدا ..المصيبة دلوقتي اني مش عارف المفروض اعمل ايه ..مفيش غير ايهاب ، هكلمه اشوفه فين ..-ايوه يا ايهاب= ايوه يا أينشتاين-انت فين ؟؟= طبعا ، ما انت بتنزل المعمل بتنفصل عن الواقع ، متعرفش الناس اللي عايشة معاك في البيت راحوا فين ولا جوم منين-مش وقته يا ايهاب ، انت موجود في البيت وللا سهران برا ؟= انا في القسم ، عندي نبطشية النهارده ، خير يا حسن قلقتني ، ماما حصلها حاجة ؟-لا لا ماما كويسة اطمن ، بس سمية هي اللي حصلها حاجة= سمية ، مالها سمية ، انتو رجعتوا تتكلموا تاني ؟-مش وقته يا إيهاب ، انا جايلك القسم دلوقتي ، لما اجيلك نبقى نتكلم ..ونزلت ركبت عربيتي وطلعت بأقصى سرعة فيها على قسم العجوزة اللي بيشتغل فيه ايهاب اخويا ..روحتله لقيته طبعا كالعادة قاعد على الكرسي وحاطط رجله على المكتب ، و الموبايل على ودنه بيكلم أي واحدة من بتوعه يضيع معاها النبطشية وضارب الدنيا جزمة قديمة ولا فارق معاه اي حاجة ..دخلت المكتب ، اتعدل في قعدته ونده على العسكري-شوف يا ابني الدكتور حسن يشرب ايه= مش هشرب حاجة يا ايهاب انا مش جاي اتضايف-طب روح يا ابني هاتله لمون ساقع ، وهاتلي انا نسكافية= مش عايز حاجة يا ايهاب قولتلك-يا عم كوباية لمون حلوة كدا تروق دمك ، شكلك متوتر اوي ، ايه بقى فيه ايه ، مفهمتش منك حاجة في التليفون= سمية يا ايهاب-مالها سمية ، ايه اللي حصلها= مش عارف-مش عارف ؟؟ لا إله إلا **** ، مالك يا عم حسن ، يعني انت فجأة كدا حسيت ان قلبك واكلك عليها وللا ايه مش فاهم= يا ايهاب سمية كلمتني وكانت بتصرخ ، انا خايف عليها يكون حصلها حاجة-واشمعنى كلمتك انت يعني معلش ، بص يا ابو علي ، انا خايف عليك من حبستك في المعمل دي وسط الاحماض والتركيبات وانابيب الاختبار ، انت الموضوع بيوصل معاك لمراحل خطر ..= يا ايهاب بطل سخافة يا اخي ومتندمنيش اني فكرت فيك ، **** ، بقولك أعصابي متدمرة من ساعة ما سمعت صوتها وهي بتصرخ و بتقولي الحقني يا حسن ومش عارف ايه اللي حصلها وانت ليك نفس تهزر-مش بهزر يا حبيبي و**** ، انا بتكلم معاك بالعقل ، انا راجل ظابط شرطة وليا طريقة في التفكير مختلفة شوية عن اي حد عادي ، واللي انت بتسألني فيه دا صميم تخصصي ، يعني انا احسن حد يفيدك في موقف شبه دا ، واحدة بتتصل بواحد بعد نص الليل تصرخ وتقوله الحقني وبعد كدا تقفل التليفون يعني فيه خطر داخل عليها وبينها وبينه ثواني معدودة وانت آخر أمل ليها في الدنيا ، تمام ، لوچيكال كدا يا عم حسن ، مكانش عندها وقت تقلب في الارقام اللي على موبايلها وتطلع رقمك من وسطهم وتكلمك انت بالذات حتى لو بتفكر فيك ليل ونهار ، التصور الأصح في موقف زي دا ، ان دا واحد غرقان بيتعلق في قشة ، ولو **** الهمه وعرف يمسك التليفون بيتصل بأول رقم ايده بتيجي عليه ، وأول رقم دا بيكون حاجة من اتنين ، يا آخر رقم هي كلمته ، يا أول رقم متسيف على موبايلها بالترتيب الابجدي ، وانت وهي مفيش بينكو كلام من ساعة ما انفصلتوا من سنة ونص ، ومستحيل تكون انت اول اسم على موبايلها ابجديا سواء كانت بتكتب الاسامي عربي او انجليزي ، انت اسمك حسن .. يبقى الموضوع كله فاكس ..= خلصت تحليلك يا سي شارلوك هولمز ؟؟ سمية مكلمتنيش من موبايلها ، كلمتني من تليفون ارضي ..-تليفون ارضي ازاي يعني ، كلمتك من الكشك اللي تحت العمارة= لو هرجت تاني هسيبك وامشي-خلاص انا اسف ، طب التليفون اللي كلمتك منه دا تيليفون البيت ؟= لا ، مش تليفون البيت-امممممم ، طب انت عرفت منين انها سمية ، من صوتها بس يعني ، جايز حد بيعمل فيك مقلب= اوووف ، لا يا ايهاب هي سمية ، حتى التليفون اللي كلمتني منه متسجل على الترو كولر باسم سمية-طب دي ملاحظة مهمة جدا ، الكلام دا معناه ان المكان اللي كلمتك منه مكان مألوف بالنسبالها ، والتليفون اللي فيه استعملته قبل كدا وكلمت منه حد ، بدليل أن الحد دا سيفه عنده باسمها ، عشان كدا ظهر على الترو كولر باسمها= بالظبط ، وانا كمان لما كلمت مامتها على تليفون البيت كان باين على صوتها انها نايمة ، معنى كدا انها عارفة بنتها بايتة فين ومش قلقانة عليها-يا نهار اسود ، الحكاية شكلها بجد وللا ايه= امال انت فاكرني بهزر-طب بقولك ايه ، وريني تليفونك كدا ، واطلبلي الرقم اللي سمية كلمتك منه ، يمكن يكون اشتغل وللا حاجة= اتفضل ، اهو الرقم-ايه دا يا حسن ، الرقم طالع معايه باسم تيسير= تيسير ايه ، كان مكتوب سمية و**** انا متأكد-ما اهو يا عم حسن قدامك اهو ، هو انا جبت حاجة من عندي ، مكتوب تيسير اهو= ازاي ، يبقى اكيد عدلوا الاسم على الترو كولر-هما مين دول اللي عدلوه ؟= اصحاب التليفون-اصحاب تليفون ايه يا عم حسن ، دا تليفون ارضي ، هيعدلوه ازاي= يا ايهاب انا مش مجنون ، انا عارف أنا بقول ايه-يا حبيبي محدش قال انك مجنون ، انت بس اعصابك تعبانة من ضغط الشغل ، وكمان حكاية طلاقك من سمية دي كلنا عارفين انها مأثرة على نفسيتك ، زي ما احنا عارفين انك لسه بتحبها ، طبيعي يحصل كدا معاك ، اهدى بس واشرب اللمون اللي قدامك دا= يوووووه يا ايهاب ، انا غلطان يا اخي اني جيتلك ، انا ماشي-طب خلاص متزعلش نفسك خلاص ، اقعد بقى متبقاش عيل ، انا همشي معاك للآخر ، انت جربت تكلم سمية على موبايلها ؟؟= أكيد طبعا-طب ايه ؟= مقفول-طب خلاص ، انا هكلمها من عندي وهفضل وراها لغاية ما ترد ، اهو ، استنى يا حسن فيه جرس اهو= افتح الاسبيكر- الو ، ايوه يا سمسمة ، ازيك عاملة ايه* ازيك يا ايهاب- ايه مال صوتك ، انتي تعبانة وللا ايه ؟* لا دا انا كنت نايمة ، فيه حاجة يا ايهاب- لا مفيش ، اصلي كنت نايم برضو وحلمت بحاجة وحشة كدا فاتخضيت عليكي قلت اطمن يعني ، انتي كويسة* اه انا كويسة الحمد ***- طيب يا حبيبتي كملي نومك بقى ، تصبحي على خيرعاجبك كدا يا عم حسن ، طلعتني مجنون قدامها وبتاع أحلام ، اهي الست كانت نايمة اهي واحنا اللي صحيناها= سمية اتخطفت يا ايهاب-تاااني انت= تاني ايه و تالت ايه ، انت مش سامع صوت العربيات اللي كانت جنبها-ودي فيها ايه دي كمان ، عادي فاتحة الشباك والصوت جاي من الشارع= جرى ايه يا ايهاب انت مغيب ، وللا انت مروحتش البيت عند سمية قبل كدا ، الكمباوند اللي هما ساكنين فيه بينه ، وبين الطريق نص ساعة ، سمية اتخطفت ..-سمية اتخطفت يا ايهاب= اتخطفت ازاي يعني ، ما هي لسه رادة على التليفون قدامك اهي ، وكانت نايمة وصحيت على الرنة-ايهاااااب ، انت عبيط وللا بتستعبط ، ولما هي صحيت على رنة التليفون كانت قافلاه ليه وفتحته امتى ، سمية فيه حد مهددها بسلاح عشان ترد عليك وتقولك كدا ، لازم نتحرك دلوقتي حالا ، كل دقيقة تأخير فيها خطر على سمية= نتحرك على فين طيب-وأنا اللي هقولك ، انت مش ظابط شرطة وللا انا جيت لكوافير حريمي= يا عم ظابط ظابط ، بس فعلا مش عارف نروح فين ، الموضوع غريب وملعبك أوي-ممممممم ، عندك حق ، الموضوع غريب فعلا ، طيب يا حضرة الظابط انا هقولك تعمل ايه ، حضرتك تاخد رقم التليفون الأرضي اللي سمية كلمتني منه وتجيب بياناته ، سهل جدا تعرف العنوان اللي فيه التليفون دا فين ، هنروح هناك ومش هنلاقيها طبعا لأن اللي خطفها واضح انه اتحرك بيها عشان كان فيه أصوات عربيات جنبها وهي بتتكلم= طب ولما انت عارف اننا مش هنلاقيها ، ايه اللي هيودينا هناك-عشان دا الطبيعي اللي لازم يحصل ، واحدة مخطوفة و**** اكرمنا وقدرنا نعرف العنوان اللي كانت مخطوفة فيه المفروض نعمل ايه ، نطلع على ستار باكس ناخد اتنين سبريسو سينجل ونقعد نفكر يا ترى مين اللي خطفها ؟؟ وللا نروح المكان اللي كانت مخطوفة فيه ندور على اي حاجة توصلنا لشخصية الخاطف ؟؟= ماشي يا عم حسن ، مفهوم ، بس حكاية اني اجيب عنوان المكان من رقم التليفون دي بتاخد شوية وقت ، مش اقل من ساعة يعني لو كنا مستعجلين أوي-سااااعة ، وانا هقعد على أعصابي كدا ساعة معرفش سمية ايه اللي بيحصل فيها ؟؟= امال انت عايزني اعمل ايه يا عم حسن ، افتح المندل وللا اقرا الفنجان ، اهدى شوية خلينا نتصرف ، اقعد هنا على ما اروح اعمل تليفون من مكتب رئيس المباحث-طب ما تتكلم من هنا= تليفون مكتبي عطلان ، ودي مكالمة رسمية مينفعش اعملها من موبايلي ، اقعد هنا خمس دقايق وتمالك اعصابك شوية عشان نعرف نتصرف ..وخرج ايهاب قعد في مكتب رئيس المباحث حوالي خمس دقايق يتكلم في التليفون وبعدين رجع-خلاص انا اديتهم رقم التليفون الأرضي ، وكلمت واحد زميلي كمان يعملي تراكينج على موبايل سمية بس دا لو التليفون اتفتح تاني ، انا رنيت عليه دلوقتي لقيته اتقفل ، يمكن تحصل غلطة وللا حاجة ويتفتح ونقدر نحدد مكانها فين ، على ما التليفون يجيلي واعرف عنوان الشقة يكون ايمن صاحبي اللي هيشيل مني النبطشية وصل ، اسلمه القسم واخرج معاك ..ساعة بالظبط عدت عليا في قلق وتوتر لحد ما ايهاب جاله التليفون وعرفنا العنوان اللي سمية مخطوفة فيه ، شقة في المعادي ..-قولي يا حسن هي سمية مالهاش اي قرايب او اصحاب في المعادي ؟؟= لا خالص-الموضوع دا فيه لغز مش قادر افهمه ، بس الحل عند ام سمية= مش فاهم-بص يا عم حسن ، تعالى نجيب الحكاية من الاول ونفكر فيها واحدة واحدة ، سمية اتصلت بيك الساعة تلاتة الفجر من تليفون ارضي وقعدت تقولك الحقني يا حسن ، أولا كدا معنى وجودها برا البيت الساعة تلاتة الفجر انها بايتة برا ، اكيد ما اتخطفتش من بيتهم وامها نايمة مش حاسة بحاجة ، واللي بيأكد دا ان التليفون الأرضي اللي كلمتك منه كان متسجل على الترو كولر باسم سمية ، يعني شقة المعادي دي سمية راحتها برجليها وكانت بايتة هناك بعلم امها ، يعني اللي خطف سمية حد هي تعرفه وواثقة فيه ، يعني لو فرضنا ان سمية كانت بايتة عند واحدة صاحبتها ، يبقى طبيعي امها تكون عارفة وبناء عليه نايمة ومطمنة ، وطبيعي التليفون الأرضي بتاع صاحبتها يكون متسجل على الترو كولر باسم سمية لانها أكيد عملت منه مكالمات كتير ووارد يكون حد افتكره تليفونها وسجله باسمها ، لو مدينا بقى الخط دا على استقامته هنلاقيه هيخلص مننا عند احتمال واحد بس ، ان صاحبتها دي هي اللي خطفتها ، خصوصا وانت بتقول انها ملهاش اصحاب في المعادي ، منطقي جدا تكون شخصية جديدة ظهرت في حياتها بعد انفصالكو ..= طب وليه متقولش انها كانت بايتة عند صاحبتها وحد هجم على الشقة وخطفها ، أو يمكن خطفهم هما الاتنين ، أو جايز لما نروح الشقة نلاقي صاحبتها مقتولة-بلح ، كل اللي انت بتقوله دا بلح= ليه-هقولك ، وخلينا برضو نجيب الخيط من أوله ونمشي معاه للاخر نشوف هيوصلنا لفين ، انت كنت شغال في معملك زي كل يوم ، لقيت تليفونك بيرن ، بصيت عليه ، لقيتها سمية ، بعد كدا اكتشفت ان دا رقم ارضي ومتسجل على الترو كولر باسم سمية .. لحد هنا حلو ؟؟= حلو-على بال ما جيتلي هنا رنيت على التليفون تاني لقيته متسجل على الترو كولر باسم تيسير= ودا معناه ايه-علشان تقدر تفهم دا معناه ايه لازم الأول يكون عندك فكرة عن برنامج الترو كولر دا ، هو ايه وبيشتغل ازاي= طب فهمني-بص يا سيدي ، الترو كولر دا برنامج بيعمل داتا بيز لكل الموبايلات اللي عليها نفس البرنامج ، وبيعرض الاسم اللي انت مسجل بيه في الابلكيشن ، بمعنى ايه ، انت عندك برنامج ترو كولر على موبايلك ، بتدخل تسجل في البرنامج ، بيبعتلك مسدچ على الرقم اللي بتسجل بيه ، بتفتحها وتعملها كونفيرم ، وتسجل نفسك في البرنامج بالاسم اللي تحبه ، تسمي نفسك بقى حسن ، الدكتور حسن ، الشاطر حسن ، بخيالك ، المهم ان الاسم اللي هتسجل بيه في البرنامج هو اللي هيظهر عند الناس اللي عندها ترو كولر لما ترن عليهم ، مثال عملي ، انت مسجل نفسك في الترو كولر ايه= انا عامل sign in باكونت الفيس بوك-حلو ، تعالى بقى كدا لما ارن عليك من عندي وشوف هيظهر ازاي ، اهو ، حسن الحناوي ، وصورة البروفايل بتاعك .. لحد هنا كويس اوي ، طيب مش كل الناس عندهم ترو كولر ، ومش كل اللي عندهم ترو كولر عاملين أكونت عليه ، في الحالة دي البرنامج هيجيب اساميهم منين ماهو مش هينجم ، هيجيب اسمك من الداتا بيز بتاعة البرنامج نفسه ، من عند اي حد من مستخدمي البرنامج يكون مسيف رقمك على تليفونه ، وانت وحظك بقى ، تطلع حسن كيميا ، تطلع سنسن القاسي ، اي حاجة ، البرنامج بيجيب الاسم من عند حد مسجل رقمك ..طيب الناس اللي اسمها على الترو كولر مشردها وعايزة تغيره ، ازاي تقدر تعمل كدا ، أقولك أنا والمثال عليا شخصيا المرادي .. فيه واحد مهزأ من اصحابي بتوع زمان كان مسجلني على تليفونه باسم الشهرة بتاع الطفولة ، إيهاب النجس ، فضلت شهور كل ما حد يرن عليا من رؤسائي وللا زمايلي وللا اي حد يفضل يضحك عليا ، ومكانش ينفع اغير رقم التليفون عشان معايه من زمان ، تخيل انت تبقى ظابط محترم وحد طالب منك خدمة ، عايز واسطة عايزك تجيبله الرخص ، وتيجي تديله موبايلك يلاقيه متسجل بالاسم العره دا .. حاجة تكسف .. قعدت شهور ادور مين السافل اللي مسجلني كدا عشان اخليه يغيره ، لغاية ما واحد حبيبي عفريت تكنولوجيا رساني بقى وقالي مش لازم تغيره عند اللي مسجله ، اعمل أكونت في البرنامج وسميه زي ما انت عايز هيظهر عند الناس بالاسم الجديد ، عملت أكونت في البرنامج وسميت نفسي المقدم ايهاب ، مع اني لسه رائد بس تقول ايه ، نقص بعيد عنك ، ومن ساعتها واسمي بيظهر كدا عند كل الناس ، بس ان شاء **** لما اترقى مقدم هعدل الاسم على الترو كولر وهخليه العقيد ايهاب ..= لا تمام أوي ، وانت بقى شايف ان الوقت مناسب عشان تقعد تحكيلي ذكرياتك وتديني كورس في الترو كولر-يا عم حسن اتك عالصبر شوية ، كل اللي فات دا كان تقديمة للي جاي ، ركز بقى معايه كويس ومتسرحش مني ، لو اي تليفون ارضي متسجل على الترو كولر بأي اسم ، مينفعش يتغير تاني غير في حالة واحدة ، ان اللي مسجله على موبايله بالاسم دا يغيره او يدلته أو يدلت الترو كولر من على جهازه ، المهم ان المشكلة تتحل من المصدر ، غير كدا مش هتتحل لأنك مش هتعرف تعمل أكونت على الترو كولر من التليفون الارضي ..= انت عايز تقول ايه عشان انا مبقتش فاهم منك اي حاجة-ما انا قولتلك متسرحش مني ، اللي خطف سمية هو نفس الشخص اللي كان مسجل الرقم الارضي باسمها ، ولما شاف انها كلمتك منه وحب يقطع علينا الاستنتاج اللي ممكن نوصله ، شال الترو كولر من على موبايله فالرقم رجع يظهر بالاسم الأصلي= استنتاج ايه اللي بتتكلم عنه-سمية كانت بتتردد على الشقة دي كتير ، والشخص اللي خطفها كان مسجل تليفون البيت باسمها ، ضيف على كل دا حاجة مهمة جدا عرفتها وانا بجيب عنوان البيت وحبيت اقولك عليها في الاخر خالص عشان عارف انك مش هتصدقها بسهولة ، الشقة اللي فيها التليفون باسم سمية ودا بيقودنا لاستنتاج واحد ، ومش عايزك تتضايق مني ..= ايه هو ؟؟-للأسف يا حسن ، بنسبة 90% سمية على علاقة بواحد غيرك ، والواحد ده في الغالب هو اللي خطفهاانتظروا الحلقة الثانيه،،،<a href="https://freeimage.host/i/2Ra5i4s"><img src="https://iili.io/2Ra5i4s.md.jpg" alt="2Ra5i4s.md.jpg" class="fr-fic fr-dii fr-draggable " style="" /></a>#فلاش_باك#الحلقة_ الثانيهايه الكلام الفارغ اللي بتقوله دا يا إيهاب ، انت اتجننت= هي دي الإجابة المنطقية لكل اللي بيحصل دا يا حسن ، الشقة بإسم سمية ، ايه اللي يخلي سمية تاخد شقة لوحدها في المعادي وتروح تبيت فيها برضو لوحدها ؟؟ شوف يا حسن ، التحليل المنطقي للي حصل دا ان سمية زهقت منك ومن حياتك ، في الفترة دي ظهرلها حد ضحك عليها واقنعها تتطلق منك ، وبعد كدا **** اعلم بقى اتجوزها وللا كانوا ممشيين دنيتهم ازاي ..= انت بتقول ايه يا حيوان انت ، دا أنت كدا اتجننت خالص ، انت بتطعن في سميةاهدى يا عم حسن ، انا مقدر انفعالك وعارف انك محبتش حد في الدنيا قد سمية ، وعارف انك لسه بتحبها ، بس انت نفسك لو فكرت في آخر كام شهر ليكم قبل الطلاق هتحس ان فيه حاجة غلط ، عموما انا مش ناوي اتسرع في اصدار اي حكم قبل ما نقعد مع امها ونسمع منها ، اكيد عندها معلومة تفيدنا ، مين عارف ، جايز تيسير يطلع اسم واحدة في الاخر مش واحد .. هنشوف .. هنشوف يا حسن ، وادي ايمن وصل اهو ، يالا بينا احنا بقى على شقة المعاديوطلعنا على الشقة انا وايهاب ، قابلنا تحت بواب العمارة ، وريناه صورة سمية ، وسألناه تعرفها وللا لا ، قال ايوه اعرفها ، سألناه كانت بتيجي هنا امتى ومع مين قالنا كانت بتيجي كل خميس وتبات وتمشي يوم الجمعة آخر النهار وكانت بتيجي معاها دايما واحدة ست منتقبة ..إيهاب سأل البواب انت متأكد أن المنتقبة دي واحدة ست ، يعني اتكلمت معاها قبل كدا ، سمعت صوتها ، الراجل قال انه مش متأكد وأنه مكانش بيتعامل غير مع سمية ..طلعنا الشقة على أمل اننا نلاقي اي حاجة توصلنا لسميةالشقة كان مصروف عليها ديكورات وعفش ميقلش عن نص مليون جنيه ، كان باين جدا فخامة الشقة وشياكتهالحد دلوقتي مش قادر افهم سر الشقة دي ولا سمية ليه اشتريتها ولا ليه بتبات فيها يوم في الاسبوع واشمعنى يوم الخميس تحديدا ..مفيش أي حاجة في الشقة تدل على شخصية اللي كانوا عايشين فيها ..ولا صورة متعلقة على الحيطة ولا جهاز كمبيوتر ولا اي حاجةبس كان فيه مفرمة ورق معرفش كانوا بيعملوا بيها ايه وكان فيه ورق كتير مفروم ..واضح ان اللي عمل كدا كان قاصد ميسيبش اي دليل وراه ..الحاجة الوحيدة اللي لقيناها كسر في ازاز البلكونة وكام شعرة من راس سمية واقعين على الأرض وأربع أرقام مكتوبين بماركر اسود على حيطة البلكونة ، 2211 .. واضح ان سمية هي اللي كتبتهم لانها كانت بتكتب رقم واحد انجليزي بطريقة معينة ، انا عارف ده كويس ، بس اللي مش عارفة ، ايه اللي ممكن تكون سمية قصدت تقوله بالاربع أرقام دول ..اكيد حاولت تسيب اي دليل يوصلنا للفاعل ، واكيد محبتش تكتب دا بنص مباشر تحسبا لإنه اكيد هيمحي كل الآثار بتاعته من الشقة زي ما عمل بالفعل .. فكتبت الارقام دي علشان توصل بيها رسالة معينة ..ايه العمل دلوقتي يا ايهاب ؟= اول حاجة لازم نحرك بلاغ رسمي ، عشان نقدر نجيب لجنة ترفع البصمات من الشقة ، للأسف أنا مش هقدر امسك القضية دي بنفسي لانها برا دايرتي ، بس اقدر أتابع التحريات من قريب بعلاقاتي واعرف وصلوا لايه ، الحاجة التانية ام سمية ، لازم نتكلم معاها لأننا مش هنوصل لحاجة من غيرهاايوه بس صعب أوي دا يا ايهاب ، ازاي هننقلها خبر زي دا ، راعي ان دي ام واحنا مش أغراب ، الموضوع فيه حساسية كبيرة ..= و**** اللي تشوفه يا ابو علي ، احنا زي ما انت شايف كدا ، جينا الشقة وقلبناها حتة حتة ومطلعناش منها باي معلومة ، امها آخر طريق قدامنا ، حتى البصمات بعد ما نرفعها دا لو مكانش طمسها اصلا برضو مش شرط توصلنا لحاجةازاي يعني ، يعني انتو متعرفوش تجيبوا صاحب البصمات= مش دايما ، لما يكون له فيش وتشبيه عندنا نقدر نجيبه ، لكن لو مالوش سوابق البصمات دي هنبلها ونشرب ميتها ..وهو الفيش والتشبيه بيتعمل للسوابق بس ، عشان تتقدم لأي وظيفة دلوقتي لازم تعمل فيش جنائي ، واكيد يعني بيبقى فيه نسخة منه عندكم في الوزارة= برضو يا حسن ، دي مجرد فئة واحدة بس اللي بيتوظفوا ، مش اجراء ملزم لكل الشعب يعني ، مش زي بطاقة الرقم القومي مثلا ، وبعدين يعني يا عم حسن انت شايف بعينك كدا اللي ياخد شقة زي دي ويصرف عليها كل المصاريف دي عشان في الاخر يقضي فيها يوم في الاسبوع دا يبقى واحد موظف ، مستحيل يعني يا حسنطب هنعمل ايه يا ايهاب ، هنقعد حاطين ادينا على خدنا كدا واحنا مش عارفين حتى سمية عايشة وللا ميتة= لا طبعا ، بس كمان لازم نعمل كنترول على أعصابنا ، مش هنعمل اي حاجة طول ما احنا مشدودين كدا ، اهدى يا حسن واديني مساحة أتصرف .. بكرا الصبح احنا هنروح عند ام سمية وهنتكلم معاها ، ونشوف هنطلع منها بإيه ..بكرا الصبح ، انا هقعد على أعصابي كدا لحد بكرا الصبح يا ايهاب= روح نام يا حسن وريح دماغك شوية ، انت مش هتعمل حاجة لسمية بتوترك دا ، انت اي خطوة هتاخدها بأسلوبك دا هترجعنا لورا ، فاتمالك اعصابك **** يكرمك خلينا نعرف نتصرف ..روحنا البيت ، إيهاب نام وانا فضلت صاحي قاعد ابص للأرقام اللي صورتها واللي كانت سمية كاتباها ، يعني ايه 2211 ، ممكن يكون ايه معنى الارقام دي ، كنتي عايزة تقولي ايه يا سمية ..دا باسورد جهاز مثلا وللا ايه ، طب فين الجهاز دا ، وللا تاريخ مناسبة ، انا حافظ كل تواريخ المناسبات الشخصية بتاعة سمية مفيش حاجة حصلت يوم 22/11 ، التليفزيون ايه معنى الارقام دي ..وفضلت اضرب اخماس في اسداس لحد الصبح ، خدت ايهاب وروحنا بيت مامة سمية واتفقت معاه ان هو اللي هيتكلم ..لما ايهاب حكالها اللي حصل الست مصدقتش ولا كلمة وانهارت تماما ، وبعدين مسكت فيا انا واتهمتني ان انا اللي خطفتها ، واني بكرهها من ساعة ما طلبت الطلاق وكلام كتير كدا واننا جايين نعمل عليها الفيلم دا عشان نبعد الشبهات عن نفسنا ، كلامها كان جارح جدا طبعا بس كل دا مفرقش معايه ، اللي فرق معايه بجد ان آخر خيط ممكن يوصلني لسمية خلاص اتقطع ، يااااا رب ، حتى البني آدم اللي جيبته يساعدني عنده مخزون من اللا مبالاة لو اتوزع على سكان العالم مفيش مخلوق في الدنيا هيبص جنبه وهو بيعدي طريق سريع ..قاعد هو بيتفرج على ماتش كورة ولا الموضوع في دماغه ، انا ماليش في الكورة بس بسمع عنها كتير بحكم انها اللعبة الشعبية في مصر ، واعرف اسامي أشهر اللاعيبة وأحيانا الأندية اللي بيلعبوا فيها ..محمد صلاح خد الحذاء الدهبي باين او حاجة زي كدا وعمل لفتة محترم جدا في الاحتفال اللي اتعمله ، سأل على ابو تريكة ، ايه دا ..ايهااااااااااب= فيه ايه يا ابن المجنونة ، سرعتنيمحمد صلاح وأبو تريكة= مالهم2211 الشفرة= شفرة ايهالارقام يا ابني اللي سمية كانت كاتباها على سور البلكونة ، 22 رقم التيشرت بتاع ابو تريكة ، و 11 رقم التيشرت بتاع محمد صلاح= حلو أوي ، خلاص احنا ناخد المعلومات الخطيرة دي ونطلع بيها على سيادة اللوا مدحت شلبي ، أو سيادة العقيد أيمن الكاشف ونحل اللغز معاهمانت بتهزر ؟= وانت بتتكلم جد ، فعلا ؟ انت حياتك في وسط الضفادع والفيران خلت تفكيرك يوصل للمستوى دايا بني ادم انت انا متأكد أن سمية كانت تقصد كدا ، سمية كانت مهووسة بالكورة واكيد لما حست بالخطر اتصلت بيا وسابتلي الرسالة دي عشان اقدر اوصلها= ايوه الرسالة دي نفهم منها ايه ، ان ابو تريكة وصلاح هما اللي خطفوا طليقتك ، طب قول طارق حامد وعمرو ذكي كنت صدقتكايهاب انا مش عايز غباوة واستظراف ، اللي سمية تقصده ان اللي خطفها اسمه ميكس من الاتنين دول= طب وترتيب الاسمأكيد نفس ترتيب الارقام ، 11 الاول وبعدين 22= طب مبدئيا كدا دي الشت منك ، لأن الاتنين اصلا اسمهم محمد .. اوت المرادي يا كابتنيمكن تقصد أول اسم من محمد صلاح وتاني اسم من ابو تريكة= حبيبي انت لو مشيت ورا ابو تريكة هتلاقي عيلته لحد ثورة 19 اسمهم محمد برضو ، دا اسمه محمد محمد محمد ابو تريكة ، هتروح فين ..ايوه يا ايهاب ، بس اسم الشهرة بتاعه محمد ابو تريكةطيب ممكن ناخد اول اسم من صلاح وتاني اسم من ابو تريكة= غلط برضو ، ما هو بالشكل دا هيطلعلك محمد ابو تريكة ، ولو كانت تقصد كدا كانت كتبت 22 أسهل ، وبعدين انا مش فاهم احنا بنعمل ايه ، انا حاسس اني قاعد مع سامح ابو عرايسيا ايهاب **** يكرمك لو مش ناوي تساعدني خلاص اوكيه بس بلاش تحبطني مش كل شوية هتكلم معاك في الموضوع دا ..= استنى يا حسن استنى ، صلاح ابو تريكةمين صلاح ابو تريكة ده= رجل الاعمال صاحب اكبر توكيل عربيات في البلد ، انت ازاي متعرفوش ، وللا هتعرفه ازاي ما انت راكب عجلة حربية - مش وقته يا ايهاب ، يعني انت تعرف واحد بالاسم ده ، فيه حد فعلا اسمه صلاح ابو تريكة= ايوه يا ابني بقولك مشهور جداولما هو مشهور جدا يا حيوان ، ساكت ليه من الصبح وسايبني في حيص بيص ..تليفون ايهاب رن في الوقت دا ، كان حد من زمايله الظباط اللي في الكماين اللي في مداخل ومخارج القاهرة ، كان بعتلهم صورة لسمية عشان يساعدوه وجايز حد فيهم يشوفها ، اللي اتصل بيه كان واحد صاحبه في قسم شرطة الشيخ زايد ، وقاله انهم لقيوا جثة واحدة مضروبة بالرصاص نفس المواصفات دي وطلب مننا نروح نتعرف عليها . .ركبت العربية انا وايهاب وطلعنا فورا على المكان اللي صاحب ايهاب قالنا عليه ، كانت أعصابي بتتحطم طول الطريق ، جوايا مليون سؤال وخايف من الف حاجة ، يا رب الجثة اللي لقيوها متكونش جثة سمية ، يا رب انا قلبي مش حمل الوجع عليها ، لو سمية حصلها حاجة وحشة انا مش عارف هعيش ازاي من غيرها ، الوقت اللي قضيته في الطريق كان أطول وقت في حياتي وأصعب وقت في حياتي ، مر من قدام عيني شريط طويل عليه ذكرياتي مع سمية ، 7 سنين حب ، وسنتين خطوبة ، و 3 سنين جواز ، حتى السنة ونص اللي قضيتها واحنا منفصلين ، مكانش في دماغي ولا في قلبي اي حد غيرها .. يااااا رب ..وصلنا المكان ..نزلت من العربية وأنا أعصابي كلها هربانة مني ، مش قادر ادوس على رجلي ، الجثة كانت لسه مرمية في المكان اللي لقيوها فيه ، وكان ملموم حواليها ناس كتير ، قوات من الشرطة وناس عادية بتتفرج ، صاحب ايهاب وسع كل الناس دول ودخلنا نبص عليها ، كشفوا وشها ، وكانت هي فعلا ، سمية ..مقتولة وغرقانة في دمها ، بعد ما شوفت المنظر دا وقعت من طولي ، ودي كانت آخر أنا فاكرها ، بعدها جالي انهيار عصبي وفضلت في المستشفى شهر ونص ، وبعدها خرجت على المعمل ، عندي حالة انسحاب غير طبيعي من الحياة ، مش عايز اشوف اي حد ولا اتكلم مع اي حد ..ايهاب قعد معايه وحكالي على اللي وصله في الفترة اللي كنت فيها في المستشفى ..ظهر في تحقيقات النيابة ان عقد الشقة بتاعة المعادي مكتوب باسم سمية ، وتاريخ العقد دا قبل طلاقنا باربع شهور ، وسمية كانت بتتردد على الشقة دي وهي لسه على ذمتي ، بس مفيش أي حد قدر يعرف مين الست المنتقبة اللي كانت بتروح معاها الشقة دي ، وهل فعلا هي ست وللا راجل ومتنكر ..الطبيب الشرعي لما شرح جثة سمية اكتشف وجود سحجات وكدمات في جسمها ، وآثار لاعتداء بالضرب وقع عليها قبل القتل بحوالي ساعة ، وراجعوا تليفوناتها في الفترة الاخيرة بس ما وصلوش منها لأي حاجة ..لكن أخطر حاجة قالها الطبيب الشرعي انه بتشريح جثة سمية اكتشف وجود حيوانات منوية في الرحم بقالها 3 ايام ، بما يعني أن سمية عملت علاقة جنسية كاملة قبل ما تموت ب 3 ايام ..ايهاب كمان وصل لاكتشاف مهم لما بدأ يدور ورا صلاح ابو تريكة رجل الأعمال ، عرف أن فيه واحد من اللي شغالين معاه اسمه تيسير عبد الفتاح ، ودا يعتبر الدراع اليمين لصلاح أبو تريكة .. وبعمل تحريات عنه اتضح انه كان دائم التردد على منطقة المعادي ، وبنسبة كبيرة هو دا تيسير صاحب خط التليفون اللي اسمه كان بيظهر على الترو كولر ، وهو دا اللي سمية حاولت تدل عليه لما كتبت الارقام اللي وصلتنا لصلاح أبو تريكة ، بس للاسف تيسير دا ساب البلد وراح ايطاليا بعد الحادثة بيوم واحد بس ، وفي كل الأحوال احنا ما نملكش ضده او ضد صلاح ابو تريكة اي دليل إدانة أو حتى اتهام ، ودي كلها مجرد تكهنات مبيتاخدش بيها في المحاضر الرسمية ..كل اللي كان فارق مع ايهاب كظابط شرطة انه يجيب القاتل ، أما أنا كان كل اللي فارق معايه اني اعرف هل سمية خانتني فعلا ، وللا كانت ضحية جريمة ****** ..لسه الموضوع مش واضح ، ولسه فيه حاجات مش مفهومة ، ولسه ايهاب بيدور باستخدام كل الوسايل والأساليب اللي اتعلمها في شغله كظابط شرطة ، أما أنا فخدت قراري وحددت طريقي وعرفت أنا هعمل ايه ..انا هقفل على نفسي معملي وهشتغل على التجربة بتاعتي- انت بتقول ايه يا حسن ، معمل ايه وتجربة ايه ، يا حسن شوف شغلك وبص لحياتك ، انت كيميائي مفيش منك اتنين ، وأول دفعتك طول سنين دراستك في كلية العلوم ، ضحيت بوظيفة التدريس في الجامعة وبالشغل الخاص في اكبر شركات الكيماويات عشان تتفرغ للتجربة المتخلفة بتاعتك دي ، كام سنة ضيعتها من عمرك ورا الوهم دا ، ولسه ناوي تضيع كام سنة تانيين ..= دا مش وهم يا ايهاب ، دا مشروع حياتي ، وبعد اللي حصل لسمية بقت التجربة دي هي حياتي كلها ..- انت بقالك اكتر من عشر سنين شغال على التجربة دي ، وصلت لأي نتايج= ايوه وصلت يا ايهاب ، قدرت اعمل عقار بيخلق طاقة غير طبيعية في الجسم بتنقل الإنسان من زمن لزمن تاني ، انا رجعت بالزمن اسبوع بعد ما شربت العقار دا- اللهم طولك يا روح ، وهو فين العقار دا يا عم حسن= كان عندي في المعمل ، انا صنعت منه كبسولتين ، واحدة شربتها والتانية ضاعت- طب والمعادلة بتاعة العقار راحت فين يا عم حسن= المعادلة مكانتش متسجلة ، العقار دا أنا صنعته بعد حركة عشوائية عملتها ، ضيفت كميات غير معروفة من مواد كتير ، من غير ما اسجل خطوات للاسف ، وطلع معايه العقار اللي رجعني بالزمن اسبوع بحاله ، لكن بعد كدا أنا حاولت كتير اوي ، عملت تركيبة من نفس المواد الكيماوية اللي استخدمتها أول مرة بس موصلتش لحاجة ، غيرت كتير في الكميات من غير اي فايدة ، لحد ما زهقت واهملت التجربة كلها- ودا كان احسن قرار انت خدته ، يا ريت بقى يا عم حسن تركز في مستقبلك وتسيبك من حكاية السفر بالزمن دي ، انت عالم كبير يا حسن ، وعبقرية فذة ، بس مضيع ذكاءك في أفكار كل العلماء اللي قبلك اكدوا على استحالتها ، لو عايز تقدير علمي انت تقدر تاخد جايزة نوبل حتى في الكيميا انا متأكد من دا ، بس لو ركزت جهدك وطاقاتك العلمية في فكرة معقولة حتى من الناحية المنطقية= انا لا عايز جوايز ولا تقدير علمي ، انا كل اللي عايزه سمية- سمية ماتت= عارف ، عاااارف ، عارف انها ماتت بالنسبالكم ، بس بالنسبالي مماتتش ، ومش هتموت ، انا هشتغل على التجربة تاني ، سنة واتنين وعشرة لحد ما اقدر ارجع بالزمن ، واشوف بعيني ايه اللي حصل لسمية ، ولو كانت مظلومة انا هعيش معاها في الماضي ، أما لو كانت خاينة ، فانا اللي هقتلها بايدي تاني- لا حول ولا قوة الا ب**** ، مفيش فايدة فيك يا حسن ، مفيش فايدة= اسمع يا ايهاب ، أنا ناوي ابيع نصيبي في البيت وفي كل ميراث بابا ، لو حابب تشتري مني جهز فلوسك ، ولو مش عايز انا هشوف مشتري تاني .. انا هصرف كل جنيه في جيبي على التجربة دي- اللي يريحك يا حسن ، سلاموقعدت شغال على التجربة بتاعتي سبع شهور بغير في النسب والمكونات بتاعة المادة الفعالة وبحاول افتكر المعادلة اللي طلعت منها العقار الناجح الوحيد اللي عملته في حياتي ، انا افتكرت حاجة مهمة كنت ناسيها بسبب خضتي على سمية وانشغالي بقضيتها وحزني عليها بعد كدا ..في الليلة اللي اتخطفت فيها سمية انا كنت قربت اوصل للمعادلة النهائية ، كنت بالفعل حققت نتايج مهمة ، في الليلة دي انا كان معايه جهاز ريكوردر صغير أوي في المعمل ، وكنت بسجل عليه خطوات شغلي خطوة بخطوة ، بس مش عارف الجهاز دا راح فين ..دورت عليه في كل حتة ، لحد ما لقيته عند ايهاب اخويا ، هو قالي انه لقاه في عربيته وشاله عنده في البيت ونسي يقولي عليه ، واضح انه وقع مني واحنا بندور على سمية ..خدت الجهاز وقعدت في المعمل اسمع التسجيل بتاع الليلة دي ، الجهاز كان مسجل كل خطوات المعادلة ، وكان مسجل رنة موبايلي لما سمية كلمتني ، وكان مسجل حواري مع ايهاب لما روحتله القسم ، مش عارف ايه اللي خلاني اسمع الريكورد كله ..بس لأول مرة اخد بالي من حاجة مهمة اوي قالهالي ايهاب في الليلة دي بس انا مكنتش مركز اوي معاه لإني كنت خايف على سمية وتركيزي كله كان معاها ..الحاجة اللي ايهاب قالهالي يومها هي اللي وصلتني للي قتل سمية ، وهي اللي صدمتني اكبر صدمة في حياتي .انتظروا الحلقة الثالثه ،،،#فلاش_باك#الأخيرةانا تقريبا شبه وصلت لحاجة من التسجيلات اللي سمعتها ، ومن الحاجات اللي فكرت فيها بعد كدا ، بس لسه لحد دلوقتي اللغز ما اتحلش ، ولسه فيه حاجة غامضة في الموضوع ، وما زال الأمل الوحيد دلوقتي في التجربة ، لازم التجربة تنجح ، ولازم أسافر بالزمن وارجع للماضي عشان اشوف الحقيقة كلها وافهم اللي مكنتش قادر افهمه قبل كدا ، بس اللي فرق معايه دلوقتي اني هشتغل وأنا متأكد من براءة سمية .. سمية كانت ضحية للعبة كبيرة ومؤامرة ليها اكتر من طرف ، صحيح انا لسه معرفتش كل حاجة ، وصحيح اللي في ايدي دا اول الخيط بس ، لكن هوصل للحقيقة ، وهعرف كل حاجة لما التجربة تنجح ..اشتغلت على نفس المعادلة اللي كنت شغال عليها ليلة خطف سمية وقبل ما يجيني تليفونها اللي لخبط كل حاجة في حياتي ، المعادلة كانت واقفة على مسافة قريبة جدا من النجاح ، المسألة كلها كانت مسألة تغيير نسب وأرقام ، يعني مسألة وقت ويكون تحت ايدي العقار اللي هيخليني أسافر بالزمن ..شهر من الشغل المتواصل والسهر ليل ونهار في المعمل وقدرت بحمد **** أكمل المعادلة واحط ايدي على مواطن الضعف اللي فيها ..العقار المتسبب في إحداث طاقة غير عادية في الجسم البشري تمكنه من اختراق حاجز الزمن والرجوع للماضي لو حصل اي زيادة في المادة الفعالة بتاعته هيسبب زيادة طردية في مقدار الطاقة المسؤولة عن نقل الجسم الحي من زمن لزمن تاني ، مما يترتب عليه زيادة المسافة الزمنية اللي هيخترقها الجسم الواقع تحت تأثير العقار ..لما ظبطت النسب بتاعة المادة الفعالة بشكل دقيق ومحسوب قدرت اخترع كبسولة تقدر ترجعك بالزمن عشر سنين ، وكبسولة تانية تقدر ترجعك 100 سنة ، كبسولة تالتة تقدر ترجعك 1000 سنة ، اكتشفت كمان ان عملية التوجيه العكسي لحركة الجسم بالزمن هو تغيير مصدره العقل الواعي والمادة الكيميائية اللي في العقار ملهاش اي علاقة بيه ومتقدرش تتحكم فيه ، بمعنى اني لو عايز أسافر للماضي هاخد كبسولة ولو حبيت ارجع تاني من هناك للمستقبل هاخد نفس الكبسولة بس الاوردر هيخرج من عقلي الواعي لبقية جسمي باتجاه الحركة الجديدة ..كل الكلام دا لما حكيته لايهاب كان كلام صعب عليه ، كلام علمي فوق مستوى ادراكه ، كان محتاج تجربة عملية عشان يصدق ..-التجربة نجحت يا ايهاب ، وقدرت ارجع بالزمن= اه ، يعني انت بقى الشهرين اللي فاتوا كنت مختفي علشان كنت مسافر بالزمن مش كدا-بالظبط= طيب يا راجل مش كنت تقول ، دا انا كنت عايز شوية حاجات من الماضي كنت خليتك تجيبهالي معاك ..-متتريقش لحد ما تشوف بنفسك ، دلوقتي انا هوريك تجربة عملية وهرجعك لسنة 26 ، وهخليك تقعد مع جدك الكبير= لا يا راجل-هتشوف بنفسك ، بس الاول خد البس الهدوم دي= ايه ده بقى ، ايه البدلة العرة دي ، وايه دا كمان ، طربوش ، عايز تلبسني طربوش على آخر الزمن-امال يعني انت عايزنا نتحرك في العشرينات باشكالنا دي ؟؟ وخد دا كمان الزقه في وشك= شنب ، يعني شنب سليم الأنصاري دا كله مش مالي عينك وعايز تخليني الزق شنب-يا عم شنبك دا مينفعش معاهم ، الناس في الفترة دي كانوا بيقيسوا الرجولة بحجم الشنب= سبحان **** بقينا نقيسها دلوقتي بحاجات تانية-طب بطل استظراف والبس بسرعة= اديني لبست ، لما نشوف آخرتها معاك-امسك بقى ، الكبسولة دي هترجعنا 100 سنة لورا ، هفرجك على مصر بتاعة العشرينات ، الشوارع الهادية النضيفة ، والناس المحترمة ، والطرابيش والملايات اللف ، جاهز ؟= جاهز ، ورينيايهاب بلع الكبسولة وانا كمان ، وحسينا ان الدنيا بتدور بينا جامد جدا كإننا دخلنا الخلاط ، طاقة غير عادية في جسم كل واحد فينا ، وبعد شوية كل دا هدي ، ولقيت نفسي أنا وايهاب مرمين على الأرض ، وفيه هدوء قاتل حوالينا ، بدأنا نجمع الصورة لأن عينينا كانت مزغللة ، وكان فيه صداع بدأ يتلاشى ، ملقيناش نفسنا في البيت ، مفيش بيت ، ومفيش شارع ، احنا في صحرا ، وشوية وبدأنا نسمع اصوات وحوش وحيوانات مفترسة ، فضلت ماشي أنا وايهاب لحد ما اتكعبلنا في حاجة غريبة جدا ، جثة راجل الوحوش واكلاها ومش سايبة منها غير شوية أشلاء قليلة ، وهدومه ، مكانتش هدوم ، كانت جلود حيوانات من اللي كانوا بيلبسوها في العصر الحجري-احنا فين يا حسن ؟؟= يا خبر ، الكبسولتين اللي خدناهم دول الكميات بتاعة المادة الفعالة اللي فيهم مكانتش متظبطه ، احنا بدل ما نرجع العشرينات رجعنا العصر الحجري-عصر حجري ، يا نهار اسود ، ادي اخرة اللي يمشي وراك وورا جنانك= يا عم اتلهي بقى ما تولولش كدا ، هنرجع تاني الزمن بتاعنا-هترجعنا ازاي ، هترجعنا ازااااي= هناخد كبسولتين تانيين-يا سلااام ، همشي وراك تاني انا ، عشان الاقي نفسي في سنة 3000 ميلاديا صح= يا عم قولتلك متخافش ، العقار اللي بيرجع للماضي هو هو اللي بيطلع المستقبل ، نفس النسب اللي رجعتنا لورا الفترة دي كلها هتطلعنا قدام نفس الفترة بالظبط ، يعني هنرجع الزمن اللي جينا منه ..-انا ما افهمش في الكلام اللي انت بتقوله دا ، انا عايز امشي من هنا دلوقتي حالا قبل ما حد ييجي يقتلنا وللا الوحوش اللي بتعوي حوالينا دي تفترسنا= متخافش هنرجع ، المشكلة دلوقتي اني لما ارجع هحتاج اشتغل على المعادلة تاني عشان اعدل النسب واقدر ارجع بالظبط لآخر سنة في حياة سمية عشان اعرف ايه اللي حصلها ..-خرجنا من هنا ، خرجنا من هنا يا حسن وبعدين ابقى اعمل اللي نفسك فيه .. واعمله لوحدك .. بعيد عني= طب خلاص متعيطش ، هتاخد الكبسولة اللي هديهالك دلوقتي وهترجع-طب هات= ثواني-فيه ايه يا حسن بتدور على ايه= يا نهار اسود يا ايهاب-ايه= انا نسيت العلبة اللي فيها الكبسول في جيب الچاكيت اللي كنت لابسه قبل ما اغير والبس ال هدوم ديالليل ابتدا ينزل على المكان وانا وايهاب تعبنا من المشي والجوع ، المشكلة الحقيقية دلوقتي اننا ماشيين من غير هدف ، مستحيل نقدر نتواصل مع اي حد من سكان العالم دا ، دول ناس بيننا وبينهم آلاف السنين ، مش من مصلحتنا اصلا اننا نقابل اي بني ادمين .. الاحسن اننا نقابل حيوانات بس ..-هنعمل ايه يا عبقري ، هنموت هنا خلاص= لا مش هنموت ولا حاجة ، احنا هنفضل هنا لحد ما اعيد التجربة كلها تاني واخترع العقار اللي هينقلنا من الزمن ده للزمن بتاعنا-واحنا هنفضل في العصر الحجري دا لحد ما سيادتك تعيد التجربة اللي ضيعت فيها عمرك دي من الاول وجديد ، انت مجنون يا حسن ؟؟ مجنون ايه ، انا بسأل ؟ انت فعلا مجنون ، وانا اجن منك عشان مشيت وراك= مفيش قدامنا حل غير كدا ، احنا دلوقتي عايشين في عالم بتحكمه الطبيعة ، عالم بيور جدا ، مفيهوش اي حاجة صناعية ، مهمتنا دلوقتي عشان نقدر نعيش الفترة اللي هنقضيها في الزمن ده اللي **** اعلم هتطول وللا هتقصر اننا نتعلم ازاي نقاوم الطبيعة ، الجوع والعطش والخطر-ودي نعملها ازاي ان شاء **** ، ناكل ونشرب هنا ازاي ، من الشبراوي ؟= لا ، هناكل ونشرب من الطبيعة ، زي كل الناس اللي عايشين هنا ما بيعملوا ، تعالى انا بيتهيألي فيه غابة قريبة من هنا-واحنا هنعمل ايه في الغابة= هندور على اي حاجة ناكلها ، اكيد هنلاقيوفضلنا ماشيين لحد ما دخلنا الغابة ، مشينا مسافة كبيرة جدا بين الشجر والحشائش لحد ما قابلنا أول انسان في الغابة ، كان شعره طويل جدا ومنكوش ودقنه طويلة ، وعلى جسمه كام حتة جلد كدا يادوب ساترين الأماكن المهمة ، كان معاه حتة حجر كدا على شكل خنجر ومسنونة كويس جدا ، وماسك غزالة صغيرة وقاعد بيقطع فيها وبياكلها نية .. اول ما ايهاب شافه قالي ايه ده ، ايه اللي جاب ابو الليف هنا ..-أخرس خالص ، انت مش شايف بياكل الغزالة نية ازاي ، دا لو شافنا هيقطعناالراجل خد باله مننا ، قام من على الغزالة وهو وشه وبؤه متلطخين ددمم ووقف قدامنا وقعد يزعق فينا بلغة غريبة جدا وهو ماسك الخنجر الحجري بتاعه ، مكناش فاهمين اي حاجة طبعا بس ايهاب حب يجود كالعادة فابتدا هو كمان يزعق للراجل ، ولااا ، متتجننش انت بتكلم ظابط يالا= يا اخي اتنيل بقى ظابط ايه ، انت فاكر نفسك في وسط البلدالراجل قرب على ايهاب وهو ماسك الخنجر وعايز يقتله ، فجأة ايهاب طلع الطبنجة بتاعته وضرب الراجل بالرصاص-**** يخربييييتك ، عملت ايه ، عملت اييييه= ايه اللي عملت ايه ، امال كنت عايزني اسيبه يموتنا-والطبنجة دي بتعمل ايه معاك هنا ؟= انا مبسيبهاش دي عهدة-انت عارف اللي انت عملته دا ممكن يوصلنا لفين ، احنا ممكن نفضل محبوسين هنا بسبب غباءك دا= ليييه يعني ؟-هقولك ايه ما انت جاهل ، احنا موجودين في عصر سحيق تعداد البشرية كلها فيه حوالي 100 بني آدم متوزعين في العالم كله ، ال 100 واحد دول طبعا مش كلهم رجالة ، فيهم رجالة وأطفال وستات ، الرجالة بقى اللي عايشين في الزمن دا ، فيهم واحد بلا اي شك جدي وجدك ، هو اللي احنا هنخرج من نسله بعد كدا ، يعني علميا كدا احنا قدام احتمال مش اقل من 60% انك قتلت جدك= يعني انا ابن عاق ؟-لا انت إبن .. يا اخي مش عايز اشتم امنا بسببك ، هو دا اللي فارق معاك ، لو الراجل اللي انت قتلته دا طلع جدنا فعلا يبقى احنا مش هنتولد ، ودا الجزء التطبيقي اللي عامل مشكلة في نظرية النسبية ، اي حدث بيتغير في الماضي بتتغير معاه الاحداث المترتبة عليه في المستقبل ..= يا نهار اسود وبعدين-استنى فيه صوت رجلين ، استخبى استخبىكان فيه ست وطفل ماشيين في الغابة وبيدوروا على حد ، ولما شافوا جثة الراجل اللي ايهاب قتله قعدوا يعيطوا جنبها-الحمد *** ، الست دي شكلها مراته ، والواد دا ابنه= يعني الواد ابو شخة دا يبقى جدي ؟؟-احتمال كبير ، كويس ان الراجل عنده ابن ، كدا احتمال اننا نتولد لسه موجودوقبل ما نلحق نفرح شوفنا ديناصور في الغابة ، كان على مسافة قريبة مننا ، ايهاب طلع المسدس وفرغ كل الرصاص اللي فيه في الديناصور ، وسيبناه مجروح وطلعنا نجري لحد ما بقينا قريبين من البحيرة ، انا لسه مش متأكد البحيرة دي فيها تماسيح وللا لأه ، بس على الاقل ضمنا مصدر للشرب .. ونقدر نتغذى على ورق الشجر لحد ما نلاقي حيوان نصطادهاتهدينا من التعب والجري واترمينا على الأرض ، كل واحد فينا باصص للسما وساكت ، لحد ما ايهاب اتكلم-وبعدين ، هنقضي بقية حياتنا هنا ؟= وماله هنا ، يفرق ايه عن هناك-افندم= ايوه ، هنا غابة وهناك غابة ، يمكن حتى الغابة اللي هنا أوضح ، الوحوش اللي هنا صرحا ، الراجل اللي انت قتلته كان رافع سلاحه في وشك ، لكن هناك انت بتتضرب في ضهرك من اقرب حد ليك-انت بتقول ايه يا حسن ، انت بتخرف= الليلة اللي سمية اتخطفت فيها أنا كنت سهران في المعمل وشغال على التجربة بتاعتي ، وكان في جيبي المسجل الصغير بيسجل كل خطوات التجربة ، سمية كلمتني حطيت المسجل في جيبي وجريت عليك ، جريت على اخويا الصغير عشان يلحقني ، يومها انا تركيزي كله ضايع ، انا نفسي كنت ضايع ، بعدها بشهور ، لما رجعت افرغ التسجيلات علشان أكمل التجربة خدت بالي من حاجة انت قولتهالي ليلة خطف سمية وانا ما ركزتش فيها اول مرة ..-حاجة ايه= قولتلي خلينا نحسبها بالعقل ، واحدة اتصلت بيك الساعة تلاتة الفجر وقالتلك الحقني يا حسن وبعد كدا تليفونها اتقفل ، انا مقولتلكش ان تليفونها اتقفل يا ايهاب ، انا قولتلك بس انها كلمتني وقالتلي الحقني يا حسن-دا مجرد استنتاج عادي= استنتاج ، ولما قولتلي هروح اعمل تليفون من مكتب رئيس المباحث علشان تليفون مكتبي عطلان ، وخرجت ، بعدها تليفون مكتبك رن وانت برا ، وانا برضو مكنتش فايق أركز في حاجة-انت فاهم غلط يا حسن= كان نفسي اكون فاهم غلط ، بس انا لما دورت على تيسير اللي شغال مع صلاح ابو تريكة عرفت انه لسه جوا مصر ، مسافرش زي ما انت قولتلي ، انت يا ايهاب ، انت تقتل سمية وانت عارف انا بحبها قد ايه ، ومش كدا وبس ، وتطعن في شرفها وهي ميتة ، انا كنت فاكر انك نسيت الحكاية القديمة وأنك كنت بتحب سمية واحنا صغيرين وهي كانت بتحبني انا ..-ايوه قتلت سمية يا حسن ، بس ابلع ريقك ، سمية مش شهيدة ، سمية كانت بتخونك مع اللي اسمه تيسير ، وكلهم كانوا شغالين مع مهرب آثار كبير ، كان بايع صفقة آثار باكتر من اتنين مليار دولار ، تمن مقبرة بتاعة ملك مهم جدا ، الراجل دا ضحك عليهم وسرق نصيبهم وخبا الفلوس في مكان محدش يعرفه ، خدوه وقعدوا يعذبوه لحد ما مات في ايديهم وبرضو معرفوش مكان الفلوس ، انا عرفت كل الحدوتة دي لما قبضت على سمية في شقة المعادي مع اللي اسمه تيسير دا وهي لسه على ذمتك ، كان جايلنا بلاغ ان الشقة دي فيها نشاط مشبوه ، روحت اكبس لقيتها هي اللي هناك ، اعترفتلي بكل حاجة وحكيتلي الحكاية كلها .. ضربت في دماغي فكرة تخليني انتقم لشرفك وفي نفس الوقت نستفيد بالفلوس ، التجربة بتاعتك ، لو رجعنا بالزمن للحظة اللي الراجل خبا فيها الفلوس هنعرف هو خباها فين ..= ومين قالك ان التجربة دي مضمونة-عبقريتك اللي عمري ما شكيت فيها ، دا غير اني في يوم لقيت حباية عندك في المعمل ، كنت فاكرها بتاعة صداع ، شربتها ، الدنيا اتلخبطت معايه وحياتي أخرت أسبوع ، ساعتها اتاكدت ان التجربة بتاعتك هتنجح ، بس لو حطيناك في الظروف النفسية السليمة= اللي هي-ان سمية تموت ، وانت تشك فيها ، دا هيخليك تعتبر التجربة أملك الوحيد في الحياة علشان ترجع سمية وتثبت برائتها ، عملت الخطة واتفقت معاها على كل حاجة ، اتفقت معاها تتطلق منك وتسيبك السنة ونص دول تتعذب واتفقت معاها تعمل مخطوفة وتكلمك في التليفون ، اتفقت معاها على كل حاجة ما عدا حاجة واحدة ، اني اقتلها ، دي كانت مفاجأة ، هي خاينة و خدت جزاءها ، وانت اخترعت العقار فعلا ، صحيح حصل شوية لخبطة ، بس انت عبقري ، هنعيش هنا كام شهر وهنرجع تاني ، وهناخد الفلوس ونعيش حياتنا= يا خسارة يا اخويا ، يا خسارة-خسارة ايه بس= انت مش هترجع تاني ، انت هنا عايش في أنسب مكان للي زيك ، في الغابة ، انا جايبك هنا قاصد ، وقضيت معاك الليلة دي علشان أعلمك ازاي تقاوم الطبيعة وتقدر تعيش هنا ، ودلوقتي انا مهمتي خلصت ، علبة الحبوب اهي ، هاخد منها كبسولة وهرجع تاني لزمني ، وهفضل أسافر بالزمن لحد ما الاقي الزمان اللي فيه ناس طيبة مببخونوش بعض وهعيش فيه ، أما انت فدا زمانك ومكانك ، سلام يا ابن ابوياتمت،،،</blockquote>

التحقق: 1+1