ثقافة اقبل امك وابوك زى ما هم (1 مشاهد)

[جدو سامى 🕊️ 𓁈]

اقبل أمك وابوك زى ما هم

✦اوعك تقف تحاسبهم انتو قولتو كذا والا عملتو كذا .
✦ امك وابوك ما يتحاسبوش ولا يتعاقبوا ولا تحسسهم بالذنب
ماتحاولش تغيرهم ولا تعدلهم

✦ انت ما شفتش هم عاشو قبلك ازاى ولا حصل معاهم ايه علشان انت توصل للمرحلة دى .
✦ ارحموهم من السخرية والزهق منهم أو الإحساس بالضجر
أصل هم مروا بمراحل كتير وابتلاءات أكتر وهموم كتير علشان توصل انك تبقي راجل وانتي تبقى ست البنات .
✦ ماتبخلش عليهم باهتمامك ولا بمالك حتي لو هم مش محتاجين وخليك فاكر ان البار بوالديه هو اللى بيعمل كل طيب لهم من قبل هم ما يطلبوا

،،،
✦ و لو معاك فلوس اوعى تستكتر عليهم فلوس دا الخير والبركة والكنز والجنة تحت رجليهم ،،، متبقاش غبى

.
✦ لو تعبانين اجري بيهم وعالجهم ،،، أصل هم دول اللى مكانش بيقبلوا عليك تقول آه ، فاكر وانت صغير والدكتور بيقولك بتشكى من ايه ؟ وانت تبص لهم علشان يحكوا هم انت بتشكى من ايه

.
✦ اوعك تخلى مراتك او تخلى انتى جوزك او عيالكم او شغلكم أولوياتكم عنهم .

بلاش تلغوا الوالدين ف كل امور حياتكم علشان للاسف هتجنوا ثمرة الإلغاء ده ،،،
دائن تدان

✦ "اكرم اباك وامك لكى تطول وتنعم ايام حياتك بنعم الدنيا و الاخره

"