the king Scorpion
مشرف عام
إدارة ميلفات
مشرف عام
مستر ميلفاوي
ناشر قصص
ناشر صور
ناشر أفلام
فضفضاوي متألق
ميلفاوي متميز
ميلفاوي كوميدي
إستشاري مميز
ميلفاوي شاعر
ناشر موسيقي
ميلفاوي سينماوي
ميلفاوي نشيط
ناشر محتوي
- إنضم
- 16 ديسمبر 2023
- المشاركات
- 37,754
- مستوى التفاعل
- 13,853
- النقاط
- 0
- نقاط
- 179,144
- النوع
- ذكر
- الميول
- طبيعي
هيا الناس بطلت تشرب قهوة واتجهت للشاي بالنعناع ليه؟
ايه اللي خلى الانسان المصري يسيب الهالة المثقفة المحاطة بمرارة القهوة ويتجه الى مشروب العامة الاسترخائي المرتبط بالفلاح؟ ايه اللي يخلي "الاستهلاك الجماعي" لمنتج يتحول من استهداف منتج بعينه الى منتج تاني؟ هل بسبب تردي الحالة الاقتصادية؟ ام الملل من التكرار؟
لو هنتكلم اقتصاديا فإقتصاديا صعب لان سعر فنجان القهوة يقارب من سعر كوب الشاي بالنعناع، اذن فالموضوع نفسي اجتماعي بحت.
هوا المشروبين دخلوا الثقافة المصرية ازاي؟
- القهوة دخلت كمشروب بيساعد طلبة الازهر على المذاكرة والسهر، ودخل على مصر بثورة شعبية ضد تحريمها وقت الدولة العثمانية، وتحدي للسلطات لحد ما خنع السلطان في النهاية وافتى بجوازها، اذن هو مشروب "التحدي".
- الشاي دخل مصر مع المستعمر، في عصر خنوع واستبداد واستعمار، اصبح كيف المصريين في عز الازمات زي الحرب العالمية مثلا، لدرجة انه نزل على بطاقة التموين من الاربعينات وقت الملكية والاستعمار، اذن فمشروب الشاي هو مشروب "السعادة والهروب من الواقع".
اذن فالبداية شارحة نفسها، تسمع بقا عن نظرية التكيف؟
في التمانينات، علماء النفس الامريكيين ريتشارد لازاروس وسوزان فولكمان عملوا كتاب في التمانينات اسمه : الضغط، التقييم والتكيف" بيتكلم عن حاجات كتير، لكن يهمني انا عن ان الانسان او المجتمع عامة لما بيتعرض لضغط ما، سواء ضغط اقتصادي او كارثة او حرب، بيعمل عملية ديناميكية كدة بيقيم فيها الموقف الضاغط، وعلى اساس التقييم بيختار استراتيجيات مناسبة للتعامل معاه بهدف التقليل من الضغط النفسي، وده اللي اسمه التكيف او الcoping .
طيب الموقف اللي بيقيمه ده بيقسمه لاتنين:
بالنسبة للموقف اللي بيمثل تحدي فاليكن مثلا ازمة اقتصادية محتاجة منك تشتغل عدد ساعات اكتر او تبقا فايق وتفكر اكتر وتخطط اكتر، بيميل افراد المجتمع للمواجهة، والمواجهة هنا بتستدعي استهلاك مشروب زي القهوة، مرة وبتفوق، بتساعد على التركيز والسهر.
اما المواقف اللي بتمثل تهديد، اللي مبيبقاش فيه حل في ايديك، زي الامراض الخبيثة مثلا او الحروب، هنا بيميل الانسان اكتر للهروب عن طريق انه يعيش اللحظة اللي في ايديه، يعني ياكل كتير يضرب حلويات او يشرب مشروب مسكر زي الشاي بالنعناع، بحيث انه يهرب من الضغط المصاحب بالشعور بالعجز بدل ما يواجهه لانه عارف انه حتى لو واجهه فهو مش في ايديه حاجة.
عامة انا ملاحظ اتجاه الناس للشاي بديل للقهوة بدأ من سنة بالظبط، عارف حصل ايه من سنة؟ اظن دلوقتي هتبقا عارف ليه، فا اقعد كدا طالما مش قادر تغير حاجة، واشرب الشاي بتاعك من سكات.
شكرا
ايه اللي خلى الانسان المصري يسيب الهالة المثقفة المحاطة بمرارة القهوة ويتجه الى مشروب العامة الاسترخائي المرتبط بالفلاح؟ ايه اللي يخلي "الاستهلاك الجماعي" لمنتج يتحول من استهداف منتج بعينه الى منتج تاني؟ هل بسبب تردي الحالة الاقتصادية؟ ام الملل من التكرار؟
لو هنتكلم اقتصاديا فإقتصاديا صعب لان سعر فنجان القهوة يقارب من سعر كوب الشاي بالنعناع، اذن فالموضوع نفسي اجتماعي بحت.
هوا المشروبين دخلوا الثقافة المصرية ازاي؟
- القهوة دخلت كمشروب بيساعد طلبة الازهر على المذاكرة والسهر، ودخل على مصر بثورة شعبية ضد تحريمها وقت الدولة العثمانية، وتحدي للسلطات لحد ما خنع السلطان في النهاية وافتى بجوازها، اذن هو مشروب "التحدي".
- الشاي دخل مصر مع المستعمر، في عصر خنوع واستبداد واستعمار، اصبح كيف المصريين في عز الازمات زي الحرب العالمية مثلا، لدرجة انه نزل على بطاقة التموين من الاربعينات وقت الملكية والاستعمار، اذن فمشروب الشاي هو مشروب "السعادة والهروب من الواقع".
اذن فالبداية شارحة نفسها، تسمع بقا عن نظرية التكيف؟
في التمانينات، علماء النفس الامريكيين ريتشارد لازاروس وسوزان فولكمان عملوا كتاب في التمانينات اسمه : الضغط، التقييم والتكيف" بيتكلم عن حاجات كتير، لكن يهمني انا عن ان الانسان او المجتمع عامة لما بيتعرض لضغط ما، سواء ضغط اقتصادي او كارثة او حرب، بيعمل عملية ديناميكية كدة بيقيم فيها الموقف الضاغط، وعلى اساس التقييم بيختار استراتيجيات مناسبة للتعامل معاه بهدف التقليل من الضغط النفسي، وده اللي اسمه التكيف او الcoping .
طيب الموقف اللي بيقيمه ده بيقسمه لاتنين:
- اما موقف بيمثل تحدي
- اما موقف بيمثل تهديد
بالنسبة للموقف اللي بيمثل تحدي فاليكن مثلا ازمة اقتصادية محتاجة منك تشتغل عدد ساعات اكتر او تبقا فايق وتفكر اكتر وتخطط اكتر، بيميل افراد المجتمع للمواجهة، والمواجهة هنا بتستدعي استهلاك مشروب زي القهوة، مرة وبتفوق، بتساعد على التركيز والسهر.
اما المواقف اللي بتمثل تهديد، اللي مبيبقاش فيه حل في ايديك، زي الامراض الخبيثة مثلا او الحروب، هنا بيميل الانسان اكتر للهروب عن طريق انه يعيش اللحظة اللي في ايديه، يعني ياكل كتير يضرب حلويات او يشرب مشروب مسكر زي الشاي بالنعناع، بحيث انه يهرب من الضغط المصاحب بالشعور بالعجز بدل ما يواجهه لانه عارف انه حتى لو واجهه فهو مش في ايديه حاجة.
عامة انا ملاحظ اتجاه الناس للشاي بديل للقهوة بدأ من سنة بالظبط، عارف حصل ايه من سنة؟ اظن دلوقتي هتبقا عارف ليه، فا اقعد كدا طالما مش قادر تغير حاجة، واشرب الشاي بتاعك من سكات.
شكرا
