شعر خواطر نفسي اناام (1 مشاهد)

[DARK SHADOW]

نفسي انام
علي ريش نعام
بدون مراوح
بدون زكام

و لما انام
احلم كمان
اني بنام
جوة الدولاب
برة الدولاب
عند الجيران
جنب الحيطان
سيبوني انام
نفسي انام

هما اللي صحيوا عملوا ايه!
و لما ناموا خسروا ايه!
ننام و نصحي عشان ننام
سيبوني انام..
نفسي انام..
كنت زمان
بعرف انام
مافيش في عقلي غير انسجام
مافيش قضية
ولا مسؤلية
ولا زعل ولا خصام
و لا بنت حلوة
شاغلة خيالي
دايما في بالي
حافظة المكان

فاكر زمان؟
كان عقلي صااافي
و قلبي داافي
و كان حلمي اعرف كل شيئ
ياه ع الزمان...
دة الحلم لسا جوا مني
لساه بريئ
كأني عمري ماسبته لحظة
كأني لسا فـ نفس الطريق
نفسي اغني
نفسي كل الكون يغني
و عمري ماحس بأي ضيق
بس تعباااان
نفسي انام!
مرة نمت ع الرخام
ضهري اتقطم
مخي اتخرم
خسرت عقلي المحترم

صحيت لاقيتني نفسي انام!
سيبوني انام
نفسي انام
اصحى..انام​