ثقافة جنسية إستشارة طبية الدوره الشهريه وازاي اتعامل معاها (1 مشاهد)

[Black hat]

ورقه وقلم واكتبي ورايا يا ست الكل..

•اول حاجا لما تيجي الدوره لأغلبنا بيكون في ألم شديد..طيب خلوني بقى اقول لكم ازاي نخفف الألم ده بأبسط الطرق خالص وهنفذ الأربع 4 حاجات دول.


1_ اول حاجا نعملها اننا ناخد مسكنات للألم طب ناخد مسكنات ليه!.. عشان معظم المسكنات زي مضادات الألتهاب بتخفف آلام الدورة بشكل كبير ده خاصه فحاله كان النزيف غزيز وكتير.. ومن الأدوية دي (أيبوبرفين_ونابروكسين).



2_ تاني حاجا نتغطى كويس ونحافظ على درجه حراره الجسم نجيب كوبيرته او ملايه حلوه ونتغطى بيها..ولو امكن ومتاح في مخده التدفئة (Heating pad) حلوه على فكره هتحطيها على بطنك فتره وهتهفف الالم كتير بردو.



3_ تالت حاجا التدليك.. تدليك البطن بيفيد جامد فتخفيف الألم..طب نعمل اي؟.. هنجيب اي زيت عطري مثلا زي(زيت النعناع او زيت الورد ) بس خدي بالك لازم الزيت اللي ه تستخدميه يتخفف بزيت ناقل (Carrier oil ).



4_ رابع حاجا شرب المشروبات الدافيه .. في بعض العشاب والتوابل بتعمل ك مضادات التهابات والتورّم وبتساعد على تخفيف الم الدوره بشكل كبير ومنها..(القرفه والزنجبيل 🫚).



•تعالو بقى اقول لكو التغذيه الصحيه والمفيدة في فتره الدوره الشهريه.

اول حاجا نعتمد على الحبوب.. يعني ايه حبوب؟.. يعني ناكل اكل بيحتوي على منتجات قمحيه ودقيق ..والرز والشوفان كل ده فيه نسبه الياف عاليه جدا اللي هتمنع الاصابه بالمساك.



تاني حاجا البروتينات..نحاول ناكل اكل بيحتوي على برونين كتير زي.. (البقوليات🫘والفراخوسمك السلمون) وبالتحديد سمك السلمون لانو بيحتوي وغني بالأوميجا-3.. اللي بيساعد على تعويض الدّم اللي نزل في فتره الدوره.


img images

تالت حاجا الخضراوات 🫛 والفاكهة الطازه... اولا الفاكهة بتزود الجسم بالفيتامينات والعناصر المهمه.. والخضروات بتزود الجسم بالألياف والحديد اللي بيساعد في تعويض نسبه الدَم المفقود في فتره الدوره..وكمان ملحوظه الخضروات الطاظه مصدر ممتاز لمضادات الأكسدة اللي بتقلل من الأجهاد بالجسم.



رابع حاجا.. ناكل دهون صحيه بس بكميات قليله.. وابعدي تماماً عن الحاجات المقليه فالزيت عشان ممكن تعمل مضاعفات سوء الهضم..ونبعد عن الأكلات المملحه واللي فيها نسبه ملح عاليه.. ليه؟ عشان بتعمل احتباس ميه فالجسم اللي ممكن تسبب انتفاخ..وكمان نقلل من السكريات.. طب ومالها السكريات بس؟.. اثبت علمياً ان تناول مأكولات بتحتوي على نسبه كبيره من السكر ففتره الدوره بتعمل.. (تقلب مزاج_ واكتئاب_وتوتر).



•نيجي بقى لآخر حاجا واهم حاجا فالموضوع وهي النظافة الشخصية.
خدو بقى مني شويه النصايح دي للعناية بنضافه جسمك.

اولا تغيري الفوطه الصحيه بأستمرار حتى لو كان النزيف خفيف.. عشان لو معملتيش كدا حيحصلك مشاكل كتير صدقيني منها.. التهاب جامد وطف جلدي.. وملحوظه حاولي تشتري فوطه من ماركه وبراند معروف. بلاش الحاجات اللي من تحت بير السلم دي.. وافيدها Always هي غاليه شويه بس مريحه ومضمونه .



تاني حاجا اوعي تستخدمي الصابون وانتي بتغسلي من تحت ليه؟ انا دورت فالموضوع وعرفت ان الصابون بيقتل بعض البكتيريا المفيده وده بيأدي لألتهابات بسيطه تحت..طب اعمل ايه انضف ازاي!.. بسيطه استحمي وخدي شاور بشكل منتظم وده افيد هلى فكره.



اتمنى ان الموضوع يكون افاد بعضكو ولو قليل