سجل عضوية للتمتع بالمنتدى واكتساب مميزات حصريه منها عدم ظهور الإعلانات
تم فتح باب الاشراف ومساعدي الاشراف علي اقسام منتدي ميلفات

تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="ابو دومة" data-source="post: 244523" data-attributes="member: 12828">#الحلقة_الأولىصاحبي دكتور كبير، بقاله 30 سنة بيشتغل في مهنة الطب، وردت عليه حالات غريبة وعجيبة كتير، بس عمره ما شاف مريض أغرب من طارق ..شاب عنده 34 سنة، بيدخل عيادة دكتور مخ وأعصاب، وفي إيده ورقة مكتوب فيها إقرار بخط إيده إنه مسؤول عن العملية اللي جاي يعملها، وان أي أضرار هتحصله هو الوحيد اللي هيتحملها، والأغرب من كدا إنه جاي يطلب من الدكتور يعمله عملية استئصال للخلايا السمعية، بتعبير أبسط، الشاب دا عايز يعمل عملية تخليه يبقى أصم، أطرش، ميسمعش أي حاجة خالص ..هحكيلكم الحكاية من بدايتها، بس الأول لازم افكركم بالعهد اللي أخدناه مع بعض، ان اللحظة اللي بتعرف فيها السر، هي لحظة استثنائية، حياتك بعدها مبترجعش زي ما كانت في السابق، يعني لو معندكش الشجاعة الكافية لاكتشاف السر، تقدر ترجع من دلوقتي، احنا لسه في أول الطريق ..طارق اتولد لأسرة فقيرة، مش بس الفقر كان صديقه الأول، أو بمعنى أصح عدوه الأول في الدنيا، لكن كمان الجهل كان مع الفقر، مصيبتين إذا اجتمعوا مع بعض يقدروا يقضوا على شعوب بأكملها، مش بس على *** عمره 5 سنين ..طارق كان بيعاني من مشاكل في السمع وهو صغير، كان طول الوقت بيسمع صوت طنين في ودنه، الصوت دا ابتدا يعلى لحد ما غطى على أي صوت تاني، لكن نقدر نقول انه كان بيسمع الأصوات اللي بتدور حواليه طشاش ..عند سن الست سنوات بالتحديد، فقد حاسة السمع تماما، مبقاش يسمع أي حاجة، ولا حتى صوت الطنين اللي كان في ودانه ..بعض المتعلمين من الجيران أشاروا على أبوه انه ياخده لدكتور كبير، ومشكلته ممكن يكون ليها حل بالجراحة ..لكن أبو طارق كان عارف انه ميقدرش يتحمل تكاليف علاج إبنه ..حد من جيرانه الجهلة، اقترح عليه اقتراح، قاله ما تاخد ابنك وروح للشيخ نوح، راجل واصل ويقدر يعمل المعجزات، يا عم دا عنده 1000 خادم من الجن، يؤمرهم يطيعوا .. تطلع إيه مشكلة ابنك دي جنب الراجل اللي كان مشلول بقاله 20 سنة، وكل الدكاترة احتاروا في علاجه، ومن جلسة واحدة عند الشيخ نوح، خرج ماشي على رجله ..وللا الست اللي مكانتش بتخلف، وصرفت اللي وراها واللي قدامها عشان تشوف عيل واحد من خلفتها، يا دوب راحت للشيخ نوح وحطلها 3 نقط بس من إزازة صغيرة عنده فيها علاج سحري للعقم، بقى عندها بعد كدا من الولاد 3 ومن البنات 4 .. حكايات كتيرة جدا كانت بتتردد عن الشيخ نوح .. مش بس عن معجزاته وكراماته، وقدراته الخارقة ..عن قصة سكنه في القرية أصلا، ناس كتير بيقولوا انه كان محكوم عليه بالاعدام ظلم في جريمة قتل ما ارتكبهاش ..طلع على المشنقة بقلب ميت، وهو مبتسم ابتسامة رعبت كل طقم الاعدام اللي كان بينفذ فيه الحكم، واول ما حطوا الحبل في رقبته واتحركت طبلية الإعدام من تحت رجله .. كل اللي واقفين شافوا جسمه طاير في الهوا، كأن الجن شايله .. ولما القصة وصلت للقاضي اللي حكم عليه بالإعدام، أمر بإعادة التحقيق في القضية، وثبتت براءته وخرج من السجن ..فيه بقى ناس تانية بتقول ان الشيخ نوح اتعدم بالفعل، ومات، واتدفن، وبعد كدا **** أحياه، وخرج من قبره ..القصة الأغرب من الاتنين اللي فاتوا، إن الشيخ نوح واحد من المعمرين المعدودين في العالم، الراجل عمره تجاوز ال300 سنة، هو صحيح لما تشوفه متديلوش أكتر من 60 سنة، بس لما تبتدي تتكلم معاه، هتحس فعلا انه مش إنسان عادي، دا واحد عابر للزمن .. بالإضافة لإنه معاه مستندات ووثائق تثبت عمره الحقيقي، وتثبت كمان اسمه الحقيقي اللي بالمناسبة مش نوح خالص، لكن الناس أطلقت عليه اسم نوح بسبب حكاية سنه الكبير دي ..بعيدا عن كل الأساطير اللي بتتردد حوالين الشيخ نوح، خلينا نكمل حكايتنا ..أبو طارق خد ابنه وراح للشيخ، نوح، كان ساكن في بيت صغير على أطراف القرية، أقرب للصحرا منه للقرية ..بيت قديم متهالك، لما تشوفه من برا هتحس انه موجود هنا فعلا من 300 سنة ..وهيزيد إحساس الرهبة جواك لما تدخل البيت، من أول باب البيت الخشب القديم جدا اللي اتفتح لوحده بمجرد ما طارق وابوه وقفوا قدامه، أنا عارف ان دي مبقتش معجزة دلوقتي وأي مول فيه باب بسينسور بيفتح أول ما تقرب منه ..لكن سينسور ازاي أصلا في بيته مفيهوش كهربا، بيت مصنوع من الحجارة، ومع ذلك منور جدا لوحده في وسط عتمة الليل اللي مخيم على القرية كلها ..في بيت الشيخ نوح هتحس بالزحمة رغم إنه عايش لوحده، طارق وابوه مشافوش أي مخلوق في البيت مع الشيخ، لكن فيه ناس كتير بتخدمه، فيه حد فتح الباب، وفيه حد كان بينضف البيت، وفيه حد تالت دخل للشيخ المنقد والفحم والبخور، بس طارق وابوه مشافهوش ..أول ما ابو طارق شاف الشيخ لقى نفسي بشكل لا إرادي بيوطي على إيده ويبوسها وهو بيقوله أنا واقع في عرضك يا سيدي، لكن الشيخ نوح خطف إيده بسرعة وقاله متعملش كدا تاني يا رمضان، محدش سيد حد، كلنا عبيده ..الحاج رمضان كان مستعجب الشيخ عرف اسمه منين .. لكن الشيخ فاجأه بسؤال تاني قبل ما يفوق من حيرته، وقاله ليه سيبت طارق لحد دلوقتي يا رمضان، جايلي بعد ما سمع الواد ضاع ؟انتظروا الحلقة الثانية،،،الجزء الثاني صرخه ابليس<a href="https://freeimage.host/i/dVfiLt2"><img src="https://iili.io/dVfiLt2.md.jpg" alt="dVfiLt2.md.jpg" class="fr-fic fr-dii fr-draggable " style="" /></a>رمضان ارتبك ومعرفش يرد، وقاله مكنتش اعرف طريقك يا مولانا، الشيخ نوح قاله مكنتش تعرف مكاني وللا مكنتش مصدق فيا ؟ قلت لنفسك هيعمل ايه راجل عجوز جاهل قاعد في الصحرا لوحده ؟دا بالظبط كل حرف قاله بينه وبين نفسه، الشيخ نوح ازاي عرف كل الكلام دا ؟للمرة التالتة في نفس الدقيقة تقريبا يفاجأه الشيخ نوح بإنه عارف كل حاجة بتدور جوا عقله، وقاله متستغربش كدا يا رمضان .. أنا كنت سبب من الأسباب اللي **** سخرها لوجودك في الكون ..رمضان قاله ازاي يا شيخنا ؟الشيخ نوح قاله، انت مش ابوك مرزوق ابن سالم، ابن عبد الكريم، ابن حمدان، ابن مخلوف، مش مخلوف دا كان متجوز ست اسمها نور العيون بنت حمزة، وقعدت 20 سنة بعد جوازها متخلفش، كان معمولها سحر ومدفون في بطن سمكة والسمكة كان في البحر، أنا اللي اصطدت السمكة دي من نص البحر، وطلعت العمل من بطنها، وكنت سبب ان جدك وجدتك يخلفوا .. لسه بتسأل نفسك الشيخ نوح عمره كام سنة ؟قالولك كام ؟ 300 سنة ؟ هاهاهاها ..وضحك الشيخ نوح ضحكة عالية هزت حتى جدران البيت، وزرعت الرعب أكتر وأكتر في قلب الحاج رمضان ..كمل الشيخ نوح كلامه وقاله 300 سنة دا خيال الغلابة، الشيخ نوح عمره 500سنة، ولسه هيعيش 500 سنة قدهم ..توقيتي غير توقيتكم، وحسابات زمني غير حسابات زمنكم .. لأن انا مش إنسان زيكم ..وبعدين وجه كلامه للطفل وقاله تعالى يا طارق، اقعد هنا جنبي ..كان لسه الحاج رمضان هيقوله انه مبيسمعش، وهيشاور لطارق انه يروح يقعد جنب الشيخ، لكن الغريبة ان طارق اتحرك، وقعد جنب الشيخ ..رمضان قاله انت سامعني يا طارق .. طارق هز راسه من غير ما يتلكم، بإشارة معناها أيوه، سامعك ..رمضان مكانش مصدق نفسه، لدرجة انه مقدرش يتحكم في دموعه، وقال للشيخ كل اللي تطلبه مني أنا تحت أمرك فيه ..الشيخ ضحك تاني ضحكة عالية ومرعبة، ضحكة كشفت عن صفين أسنان زي أنياب الوحوش، وعينه لمعت كأن الشرار بيخرج منها .. وقاله أنا أطلب منك انت ؟ هو الغني اللي بيطلب من الفقير وللا الفقير اللي يطلب من الغني ..رمضان كان كأنه في حلم، مش مصدق ان مشكلة ابنه اتحلت من غير أي مقابل ..لكن احنا اتفقنا ان الشيخ كان بيقرا أفكاره، قاله لأ يا رمضان، مفيش حاجة في الدنيا من غير تمن، أبونا آدم خرج من الجنة عشان تفاحة .. من يومها واحنا اتعلمنا ان مفيش حاجة من غير تمن ..انت هترجع بيتك دلوقتي، بس هترجع لوحدك ..رمضان قاله هرجع لوحدي ازاي يا مولانا، طب وطارق ..الشيخ قاله طارق هيفضل هنا، أنا عايزه، إيه هتعزه عليا ؟ وضحك الشيخ ضحكته المخيفة ..رمضان مكانش فاهم حاجة، كأنه في كابوس مخيف، وقاله لا طبعا مفيش أي حاجة تعز عليك، لكن الكلام دا لما تطلب مني حتة أرض، تطلب مني بيتي، تطلب عين من عيوني حتى، لكن تطلب مني ابني ؟الجزء الثالثالشيخ قاله ما احنا اتفقنا ان الفقير هو اللي بيطلب من الغني، انت اللي جيت تطلب مني، وانا حققتلك طلبك ..رمضان قاله ومستعد اعيش خدام ليك قصاد المعروف دا، لكن متاخدش مني ابني، هتعمل بيه إيه أصلا ..الشيخ قاله اسمع يا رمضان .. أنا مبخطفش ولاد الناس، ابنك من مصلحته انه يفضل هنا، ابنك لو خرج من هنا هيموت ابن 7 سنين، يعني كمان سنة بالظبط، هو القانون كدا ..ابنك واحد ضمن 120 إنسان في التاريخ كله اللي دبت فيهم الحياة لحظة تنصيب الشيطان ..رمضان مكانش فاهم أي حاجة، الشيخ كان عارف دا كويس، فبدأ يفهمه ..إبليس بعد ما اتطرد من الجنة، بنى مملكته على الأرض، وبقى ليه ناس كتير بيعبدوه، عمل من نفسه إله، اليوم اللي نصب فيها إبليس نفسه إله على العصاة من البشر اللي قدر يغويهم ويخليهم يعبدوه، في التوقيت دا والساعة والدقيقة والثانية كان فيه آلاف الأجنة في بطون أمهاتهم، الأجنة دول كان منهم اللي اكتمل تكوينه، ومنهم اللي كان فيه الروح، ومنهم اللي كان لسه نطفة، ومنهم اللي كان مضغة لحم، الإنسان بتتوجد فيه الروح وهو جنين عمره 40 يوم في بطن أمه، حتة لحم **** بيخلق فيها النبض .. أي جنين في التاريخ وصله النبض وهو في بطن أمه في نفس تاريخ الثانية اللي إبليس نصب فيها نفسه إله، بيسمع صرخة قوية جدا جدا، صرخة بتقتل عنده حاسة السمع من قبل حتى ما تتكون، بيعيش الطفل دا يسمع في ودانه طنين، لحد ما يفقد السمع تماما، لكن دا مبيكونش التأثير الوحيد عليه، الطفل دا بيموت لما بيوصل سن 7 سنين ..كل سنة في نفس التوقيت بالساعة وبالثانية، بيصرخ إبليس صرخة مدوية، محدش بيسمعها غير الجنين اللي بيتصادف توقيت وصول النبض ليه مع توقيت صرخة إبليس، والجنين دا بيعيش أصم لحد سن 7 سنين، عندها بيموت، لأن روحه مبتتحملش اللي شافته في عالم الغيب ..اللي حصلهم كدا في التاريخ كله 119 ***، 118 منهم ماتوا وهما بعمر السبع سنين .. أما الطفل رقم 119 كان أنا، ولولا اني لقيت شيخ يديني العهد ويحصني من إبليس، كان زماني ميت من مئات السنين ..طبعا مش محتاج اقولك ان الطفل رقم 120 هو ابنك .. طارق ..قدامك اختيارين مالهمش تالت، يا تخرج بابنك من هنا، لكن تكون عارف انك هتفقده كمان سنة، يا تسيب ابنك هنا معايه، تسيبه يعيش ..ابنك قدره انه هيكون من المعمرين في الأرض، هيعيش مئات السنين، واللي يعيش مئات السنين مينفعش يخرج من الكهف دا، مينفعش يقابل البشر ويعيش في وسطهم، حياتهم غير حياته .. قدامك ثانية واحدة يا رمضان تاخد فيها قرارك ..خرج رمضان، خرج من غير ما يفكر .. وساب ابنه .. الطفل اللي عمره ست سنين، لوحده مع الشيخ المرعب دا ..طارق كان مرعوب، مكانش فاهم ايه اللي بيحصل بالظبط، هو سمع كل حاجة بس مفهمش ولا حرف ...إيه المكان الغريب اللي ابوه سابه فيه دا، قال لنفسه أنا صحيح كنت عايز ارجع اسمع، بس مش معنى كدا اني اعيش بقية حياتي هنا، بعيد عن ابويا وأمي، وبدأ يعيط، ويصرخ، ويحاول يتعلق في هدوم ابوه، خدني معاك يابا، متسيبنيش هنا .. لكن ابوه اتخلص منه بصعوبة وخرج، هرب .. ومن يومها مشافوش تاني ..طارق عاش مع الشيخ نوح، في بيته، كان الأكل بيجيله لحد عنده وهو مش عارف مين اللي طبخ الأكل دا، ولا مين اللي بيجيبهوله ..حاجات كتير بتتغير في البيت من حواليه، البيت يتنضف، الأطباق تتغسل، الماية تتبرد، الهدوم تتغسل، كل حاجة في البيت بتتم كأنه شغال فيه جيش من الخدم، بس طارق مبيشوفش حد منهم ..الجزء الرابع والاخيرالشيخ كان بيعامله معاملة كويسة، كان حنين معاه كأنه أبوه، لحد ما يوصل للخط الأحمر ويسأل على حاجة مش فاهمها ومش لازم يفهمها، ساعتها كان بيشوف في عيون الشيخ نار جهنم ..لحد ما طارق وصل سنة ال17، بدأ الشيخ نوح يحفظه التعاويذ ويلزمه انه يرددها كل يوم في مواعيد معينة ..طلاسم غريبة مكانش فاهم حرف منها، بس هو خلاص اتعود انه يطيع الشيخ نوح طاعة عمياء، يعمل كل اللي يقوله عليه، الشيخ نوح بالنسبة لطارق بقى أبوه وأمه وكل الناس .. هو حتى نسي أهله، مبقاش يفكر فيهم ..لكن المرحلة اللي دخل فيها بعد كدا كانت مرحلة صعبة جدا، صعب تحملها على أي إنسان ..طارق بقى المساعد بتاع الشيخ نوح، كل مقوماته تخليه هو الإنسان الوحيد اللي يقدر يتحمل أعباء الوظيفة دي ..طارق اللي دخل البيت دا من 11 سنة وهو مبيسمعش، بقى النهارده بيسمع كل الأصوات اللي في الكون ..أصوات الجن وهما بيتكلموا مع بعضهم، بيضحكوا، بيصرخوا ..أصوات الشياطين وهي بتسوس للبشر ..أصوات الناس اللي بتغرق تحت قاع المحيط ..كل شيء بالنسباله بقى مسموع، بقى عايش في دوشة مرعبة، مخيفة ..طارق كان بيبقى قاعد في بيته، ويسمع كل حرف في خطة قاتل بيدبر لجريمة قتل ..كان بيسمع أصوات الحيوانات البريئة اللي بتتعرض لتعذيب بعض البشر المهووسين، مش بس بيسمع أصواتهم، دا كمان كان بيفهم كل اللي بيقولوه ..كانوا بيقولوا إيه الذنب اللي عملناه عشان دا يحصل فينا ..كتير اترجى الشيخ نوح انه يرحمه من الخاصية دي، يسكت الأصوات دي ويحجبها عنه ..لكن الشيخ كان بيقوله محدش فينا بيختار مهمته، مهمتك هي اللي اختاراتك ..انت بتدفع تمن نجاتك من الموت، التمن دا انك تكون شاهد على كل جرايم البشر .. سواء اللي بينفذوها بنفسهم أو اللي بيستعينوا فيها بالجن ..طارق شافالوجه القبيح للعالم، لكنه مقدرش يتحمل ..كان كل يوم بيصحى من النوم على صرخة إنسان جديد بيتقتل ظلم .. بيسمع صوته وهو بيتألم، وهو بيطلب من القاتل يرحمه ..كان عذاب فوق طاقة أي إنسان .. وعلشان كدا لما راح لصاحبي الدكتور يطلب منه يخلصه من العذاب دا، كان شعره كله أبيض، وهيئته متدلش انه شاب عمره 34 سنة .. كان شكله عجوز أوي، لأنه شاف من الدنيا اللي محدش يقدر يتحمله .. وكان صعب يفضل عايش في الجحيم دا قرون من الزمن ..كل اللي كان بيسمعه طارق كان صعب، لكن الأصعب من كل دا هو صوت الصرخة اللي كان بيصرخها إبليس كل سنة في نفس الميعاد .. واللي لو صادفت دخول النبض في جسم جنين هيكون مصيره زي مصير طارق، ولو حظه حلو هيموت وهو عمره 7 سنين ..طارق قرر يحكي حكايته كلها للدكتور قبل ما يلغي حاسة السمع تماما .. ويرجع يعيش في الكهف، بعيد عن الناس ..لكن للأسف، العملية منجحتش، لأنه حتى بعد ما عملها، فضل يسمع كل حاجة .. زي الأول بالظبط ..قدره انه يفضل مئات السنين يتعذب بأصوات الناس وأصوات العفاريت، وأصوات المعذبين فوق الأرض وتحتها ..ويحسد كل إنسان **** حرمه من نعمة السمع، أو حتى قدارته في السمع محدودة ..لما رجع للشيخ نوح تاني، الشيخ ابتسمله بمرارة وقاله أنا كنت عارف اللي انت خارج تعمله، ومحاولتش ارجعك، سيبتك تجرب بنفسك عشان تعرف ان المكتوب مفيش منه هروب ..وقال الشيخ في سره، انت بتعذب كل العذاب دا عشان بس بتسمع أصوات الجن، والشياطين، أمال هتعمل إيه يا مسكين لما تعرف انك بعد 10 سنين من دلوقتي هتدخل في مرحلة الرؤية، وهتبتدي تشوف كل حاجة ..للأسف الكلام اللي قاله الشيخ نوح في سره، مكانش سر، لأن طارق سمع دا كمان .. زي ما بيسمع كل حاجة ..واكتشف انه هرب من الموت مرة، عشان يشوفه مليون مرة ..تمت،،،،<a href="https://freeimage.host/i/dWBkLRn"><img src="https://iili.io/dWBkLRn.md.jpg" alt="dWBkLRn.md.jpg" class="fr-fic fr-dii fr-draggable " style="" /></a></blockquote>

التحقق: 1+1