.********* عِمَّة سعد ********
..........الجزء الأول ........
قبل سنة فاتت
سعد نزل البدروم ولبس العمّة على راسه
وجرب امكانياتها
ورجعها مكانها
فى الوقت الحالى************
سعد عمل اجتماع مع اصحابه
الرائد مجدى والمعلم سطوحى واخوه حمدى
والمهندس وليد اقرب صاحب لسعد
وقرر يكشف لهم سر العمّة
***************
مجدى وصلته معلومة
ان فيه عملية بيع آثار بين تجار آثار
فضل يتابع الموضوع باهتمام
وكلف واحد عفريت من صحابه بس مش من الشرطة
الاخ ده فضل ورا الموضوع وجاب قراره
ولما عرف وقت التبديل بين التجار بلغ مجدى بيه
ومجدى كلفه بتصوير عملية التبادل بالتفصيل
فى مكان ما بالقرب من مدينة اسنا بالاقصر
عملية بيع آثار
جماعة معاها تمثالين دهب وتمثال حجرى
ومجموعة معاها الفلوس بالعملة الصعبة
اثناء التبادل
سرينة شرطة بصوت عالى
10 ضباط يحاوطو المكان بمسدساتهم
ومعاهم القائد ومفيش عساكر
الكل يرفع ايده ويرقد ع الارض
يدخل اكبر رتبة ويقلب ف البضاعة والفلوس
القائد ....
حطو الحاجة والفلوس ف شنطة العربية
اما انتو ( يقصد بتوع عملية التبادل )
انا حاشفق عليكم وعلى عيالكم
لازم اعرف فين المقبرة
واما كل واحد ياخد طلقة
ونقول عملية تبادل نيران
تاجر الاثار...
يا باشا احنا منعرفش المقبرة
احنا اخدناها من جماعة من المنيا
والعملية تمت من غير مقابلات
اخدو الفلوس من ع الاسفلت وسابو الحاجة
واحنا بنبيعها بتمنها الاصلى وبناخد مكسبنا
القائد ....
المبلغ الحالى كله كام
التاجر ...
حوالى 40 مليون اخضر يا باشا
حتتين دهب وتمثال حجر
واللى حيشترى من بحرى
القائد....
لو سمعت عن اى عملية
او شفت وشكم ف نواحينا
مش حيكون فيه تسامح
حنضرب بالنار علطول
سيبهم يا حضرة الظابط
بعد ما يسيبوهم
الناس تاخد بعضها وتجرى على عربياتها
صدقت ما فلتت من الكمين
التاجر....
تلاقيهم حياخدوها لنفسهم
يعنى بصريح العبارة نصبو علينا
زميله...
حر ونار فى جتتهم
بقالنا كام شهر بنخطط
وف الاخر ياكلوها ع الجاهز
اللهى ما تلحقو تتهنو بيها
القائد ومجموعة الظباط
القائد....
يلا ادى كل واحد مليون من دول
ولما نتصرف ف الحاجة ابقى اشوفكم
ظابط....
كله بركة يا افندم ..
كفاية كدة مش عايزين حاجة تانى
خليهم كلهم مع بعض ولما نخلص جولتنا ناخدهم
القائد.....
تحرياتك مظبوطة يا سيادة المقدم
المقدم....
اومال ايه ..انا متابع الحدوتة من 3 شهور
والحاجة و الفلوس تتحط ف شنطة عربية القائد
اربع شنط كبيرة وشوال فيه البضاعة
عند كمين الرزيقات بالاقصر
الظابط مجدى الهوارى ومعاه 5 افراد
ملازم و4 عساكر
مجدى فاتح التليفون ع الفيسبوك
توصل له رسالة عبارة عن فيديو
بيتفرج وبيضحك
وبيقول بسيونى بسيونى
حبيبى يا بسيونى
الملازم....
افندم...وصلت اخبارية اكيدة
ان لجنة من المديرية كانت ف اسنا وحتعدى من الطريق الغربى وتعمل تفتيش ع الاكمنة..
الأول حتعدى تعمل تفتيش على امن دير مارى جرجس
مجدى....
يا مرحب يا مرحب باللجنة واللى فيها يا مرحب
أكيد ميعرفوش اتى واقف هنا
حنرحب بيهم اخر ترحاب
هات باقى العساكر اللى ف الراحة بسرعة
ويطلع صفارة ويصفر
5 كلاب من بتوع سعد بيجرو ناحية الكمين
الملازم....
يا باشا ...لما بتيجى الكللابب هنا بتخرب الدنيا
عايزة تفتش ف كل عربية وشكلهم
مجدى....
مالو شكلهم
ما هم زى القمامير
كلاب اصيلة ونضيفة
مفيش واحد منهم بيهنطل من بقه
متربيين ع الغالى
الملازم ...
ربنـا يستر
مجدى....
جهز العساكر وانت امسك الكمين
الملازم...
وحضرتك
مجدى....
مش عايز اشوف شكله
تيجى كل العساكر وتعمل تشريفة ع القد
مجدى يتصل بسعد ويتكلم معاه شوية
سعد ومعاه سطوحى وحمدى ووليد
مجدى يزوغ من الكمين ويلبس جلابية
ويحصلهم ويروح معاهم
كلهم يطلعو عند نص الطريق قبل المقابر
وقبل الدير بحوالى 500 متر
سعد كان لابس العمّة ومنتظر وصول الموكب
حطو جذع نخلة وسد الطريق
طبعا عربيات الموكب وقفت ونزلت الظباط
عشان تشوف حد يشيل النخلة
القائد ....
خلو بالكم ليكون كمين ولا فخ
ظابط....
لا يا باشا دى نخلة قديمة سوست ووقعت
سعد لابس العِمّة
ومد ايده عشان فتح صندوق العربية
سعد فتح صندوق عربية القائد بالراحة
وكان القائد بعد ما عرف انه مفيش خطورة
م اللى بيحصل نزل من العربية
ظابط....
لا يا باشا ...خليك دى خفيفة خالص
كان سعد اخد الفلوس والاثار من شنطة العربية
وراح دخلهم القصب
كانو 4 شنط وشوال فيه التماثيل
بعدها حمدى وسطوحى ووليد ومجدى حملو الحاجة
وكان معاهم سعد
ولما وصلو جوة القصب لمكان بعيد شوية
مجدى سابهم ورجع غير هدومه ورجع الكمين
عند الكمين
مجدى....
ايه يا مهند ...لسه الموكب معداش
الظابط ...
اسمى نور يا افندم
لسه يا افندم مرجعوش م الدير
...................
بعد ما الظباط حولو النخلة
وبعدها كلو يرجع عربيته
ويطلعو يعملو جولة التفتيش على امن الدير
يسيبو العربيات جنب البوابة ويدخلو
سطوحى وحمدى ومعاهم سعد ووليد
يوصلو بالحاجة لبدروم سعد
......................
بعد جولة التفتيش ف الدير وهما راجعين
يوصل الموكب لكمين مجدى اللى مقامش من مكانه
الموكب يوقف عند الكمين
عشان مش لاقى ترحيب من ظابط الكمين
والظابط اللى مع القائد بيقول....
حانزل اوريه مكانته يا باشا
القائد.....
لا بلاش ده الظاهر مجدى الهوارى
مش عايزين مشاكل معاه
عايزين نرجع بالحاجة والفلوس بخير
بعد ما يعدى الموكب بكيلو
يوصل لواحد من الظباط رسالة
( حاجتنا رجعناها من تانى )
ويبعت معاها الفيديو اللى اتصور وقت التبديل
الظابط يشوف كل وشوشهم ظاهرة
كل الظباط والقائد بتاعهم ظاهرين بوضوح
اما التجار كل وشوشهم مدارى عليها
الظابط يوقف العربية ويوقف الموكب
ويجرى للقائد....
اتفرج يا باشا...دى مصيبة حصلت
مدير الامن بيتفرج ويروح ينزل بسرعة...
افتح صندوق العربية بسرعة
فميلاقيش لا فلوس ولا شوال الاثار
..امتى حصل ده وازاى
انتو شفتو حد لما كنتو بترفعو النخلة
الرائد...
لا يا افندم مفيش حد خالص ظهر وقتها
القائد....
يبقى حصل لما نزلنا عند الدير
الفيديو ده ممكن يحبسنا
وتيجى رسالة للظابط من تانى...
معاكم اسبوع
الظباط فلان وفلان ..ويعد الظباط العشرة
كلهم يتم تحويلهم للوجه البحرى
اما اللوا بسيونى
كفاية عليه كدة ..يقدم طلب للتقاعد
اسبوع مش اكتر
ان محصلش حنوصل المقطع للوزارة
القائد...
ادى اخرتها ...تقاعد او سجن
وخلال اسبوع فعلا
مدير الامن عمل تحويل لكل الظباط لوجه بحرى
اما هو قدم طلب للتقاعد
عمره 67 سنة ووافقو عليه طوالى
...........................
بعدها اجتمع سعد مع اصحابه
واتناقشو حيعملو ايه بالفلوس والاثار
وليد....
اكيد مجدى حيقول نسلمهم للحكومة
مجدى.....
حلاوتك يا حكومة
حكومة مين يا باشمهندس
دول تمن السنة اللى كنت مطرود فيها من الخدمة
ومن بكرة حاقدم استقالة ...خلينا نعيش
اجيب لى تريسكل وابيع بقالة مع سعد
بس الاول اذل بسيونى بسيونى
وبالليل كلهم يلفو على مكاتب الصيارفة
وبالعافية يغيرو 100 الف دولار
.......................
تانى يوم
سعد يطلب من حمدى يشوف حد يشترى التماثيل
حمدى ....
وانا اشوف من فين ..مش فاكر حد
سعد....
طب متشوف مغاورى بتاع المشايخ من سوهاج
حمدى....
وانت تعرف مغاورى من فين
ايوة فكرتنى حاسال على رقمه
سعد....
تصدقنى لو قلت لك شفته فى حلم قبل كدة
حمدى....
احلامك واقعية يا ريس
ويدور على رقم حد من سوهاج
مجدى....
عندى الحكاية دى
ويتصل بواحد من قرية قريبة منهم
يتصل بواحد اسمه السهمودى
من الشيخ جامع بدار السلام ( أولاد طوق شرق )
ويقوله توصل المشايخ
وتدور على تاجر اسمه مغاورى
السهمودى ....
ايوة اعرفه بس محتاجه ف ايه حضرتك
مجدى....
حنتعامل معاه ف تجارة
السهمودى...
حتشترى بطاطين ولا
مجدى .....
ولا ايه متقول
السهمودى.....
اثار يعنى
مجدى....
اثار ايه جاتك خيبة
محتاجين بطاطين للتجارة
السهمودى....
وايه دخل الباشا بالتجارة
مجدى....
يا عم شغال ف التجارة اليومين دول
ولا انت متعرفش انا استقلت وريحت دماغى
انا رجعت بس عشان اثبت براءتى
وخلاص اثبتها
لكن دلوقتى التجارة وشغلها بيكسب
وشغال بمزاجى من غير ما حد يؤمرنى
السهمودى ...
طب احنا لينا حلاوة ف كدة
مجدى....
حلاوتك محفوظة بس لما اتصل بيك تحاول تنزل لنا ف سعر البطانية
السهمودى .....
اخر النهار حارد عليك
انا حاروح له طوالى يا باشا
مجدى....
منتظر اتصالك ..
بس بلاش تقول له ظابط وكدة
عشان ميفكرش ف كدة ولا كدة ...سلام
وبعد 3 ساعات يتصل السهمودى
السهمودى ....
انا عند المعلم مغاورى يا استاذ مجدى
مجدى....
طب اسأل لنا كدة عن سعر البطانية الطبقتين
السهمودى ....
بيقول الواحدة منها نوعين
نوع الدب ونوع التفاحتين
الدب على 500 جنية والتفاحتين على 450
مجدى....
حاول تنزل السعر ولا ادهولى
مغاورى....
ايوة يا استاذ مجدى .... اؤمر حضرتك
مجدى....
احنا محتاجين 1000 بطانية على بعضهم
نصهم من ده والنص التانى من النوع التانى
بس خليك حنيّن شوية ..عايزين لنا لقمة عيش
مغاورى ....
لا طالما العدد ده يبقى نتفاوض
الدب تجارى بيوصلنى على 450
وانا حادهولك على 475 جنيه
والتانى بيوصلنى على 400
وادهولك على 425
مجدى ...
ده اخر كلام يا معلم
مغاورى ....
وغلاوتك ده اخره
مجدى.....
ماشى كلامك يا معلم
خد نمرتى ورن عليا بعد ساعة لما تكون لوحدك
وادينى السهمودى
ايوة يا سهمودى
انت شايف البضايع عندك
عايزك تصور لى كام صورة للنوعين
وانا والمعلم اتفقنا ع السعر وحلاوتك محفوظة
وفوق منهم بطانية كمان
السهمودى....
هو ده العشم يا غالى
حاصورلك وابعت لك عدل
مجدى .....
مع السلامة يا غالى
السهمودى يصور المقاطع ويبعتهم
مجدى مع سعد واصحابه.....
مجدى....
الموضوع حيكلفنا نص مليون جنية بضايع
سطوحى ....
ليه حنشترى بطاطين بجد
سعد....
مش مشكلة نوزعهم ع اهل البلد الغلابة
بعد ساعة مغاورى يتصل بمجدى...
مغاورى ....
ايوة معاك يا استاذ مجدى
مجدى....
بص يا معلم
احنا اتفقنا على موضوع البطاطين ده خلاص
1000 بطانية اول ما يوصلو ع الطرابيزة
لكن بص كدة انا حاقفل واتصل فيديو
ركز معايا
مغاورى....
فيديو ..وقبل ما يكمل يقطع الاتصال
ويرن التليفون مكالمة فيديو
مجدى....
بس كدة ...انا معايا دول
تمثالين دهب وواحد حجر
ركز وعاين او تيجى الاقصر تعاين بنفسك
وهات معاك الخبير واجره علينا كمان
مغاورى....
انت بتقول ايه
مجدى.....
انا من طهطا يعنى بلديات
وقلت بلدياتى اولى م الغريب
هنا فيه كتير يشيل بالتمن اللى نقول عليه
بس انا مش ضامن الا ابن بلدى
ومتحاولش تنكر
اعرفك واعرف كمان الناس اللى شغالة معاك
عادل ابو محمود وخاله السنى
وكمان من اخميم الزوطى والسلعاوى
المهم ...عايز ولا اشوف غيرك
مغاورى...
انا معرفش الناس دى
مجدى....
براحتك .... ويقفل السكة
****************
سميحة ومنى مع بعض
سميحة رغم انها خلفت 3 عيال
اكبرهم 6 سنين واصغرهم سنتين لكن رشيقة
ومحافظة على تناسق جسمها
اما منى بطنها منفوخة بالرابع
وبرضو بقت زى العجل من غير حمل
وقدامها اى اكل بتهبر منه
سميحة....
ايه يا منى ...مش بتشبعى خالص
منى....
اعمل ايه ..مش عارفة اطبخ ف البيت
والعيال بتعمل زحمة وبيخطفو منى الاكل
سميحة ....
بس بالراحة عشان تعرفى تتنفسى ع الاقل
منى....
ابقى اتنفس ف البيت ..خلينى اكل واشبع
سميحة....
طول عمرك مفجوعة
بتحبى حاجتين ف حياتك
الاكل والفرم
منى....
وحياتتك مانا مستحملة اى فرم اليومين دول
بيجى وليد بالليل اعمل نفسى نايمة
وهو ولا هنا اصلا
يخش ع السرير وبعد نص دقيقة اسمع شخيره
الباب يخبط وتدخل عبير
عيل ف ايدها وبنت شايلاها
عبير....
ايه يا فنطاس برضو بتاكلى
هو مفيش عندكم اكل ولا ايه
منى....
لا مفيش وحياتك
انا هنا اكل ولما اروح عندك اكل
اومال ايه فايدة الصحوبية
انا مصحباكم عشان كدة
عبير....
طب بلاش تتعبى نفسك وتروحى هنا وهنا
خليكى ف بيتك ونبعت لك
منى....
مش حينفع عشان سببين
سميحة ....
ايوة اشرحى البرهان ..اللى هما ايه
منى....
السبب الاول
العيال مش حتخليلى حاجة
السبب التانى
اتمشى عشان اهضم الاكل
سميحة...
حتى عيالها مفجوعة زيها
خلصو على حلتين رز لوحدهم
حتى الواد الصغير ضرب اخوه بالمعلقة ف راسه
عبير....
صحة وعافية عليهم
*******************
مغاورى يتصل بمجدى من تانى
مجدى...
الووو ايوة مين
مغاورى...
انا المعلم مغاورى يا استاذ مجدى
انا عرفت انك ظابط
مجدى....
كنت ظابط ...لكن دلوقتى تاجر
مغاورى....
وان ايه اللى يأكد لى انك مش عامل كمين
مجدى....
بص انا قلت اللى عندى
لو كمين كنت خليت حد تانى يتصل بيك
عايز البضاعة اهلا وسهلا
مش عايز قدامى 3 تجار
معاك 5 دقايق
بعدها حاتصل بواحد من الغريرة سلام
بعد 3 دقايق
يتصل مغاورى...
خلاص موافق ..انا جاى اعاين
بعد ساعتين اكون عندكم
مجدى....
بعد ما توصل قنا تيجى غرب
وبعد ما تعدى ارمنت اتصل ونستقبلك ...سلام
سعد....
يا مجدى تقدر تعرف لى حد من التجار
اللى البهوات نصبو عليهم
مجدى....
اكيد دى ساهلة
وليد...
واحنا مالنا بيهم
سعد.....
هو انت فكرك حناكل حقهم
حنرجع لهم حقوقهم وناخد نسبتنا
ما هو برضو حتبقى خسارة عليهم توجعهم
دول مش مليون مصرى ولا اتنين
دول يجو حوالى مليار ولا اتنين
سطوحى ...
بسعر الدولار حاليا على 29 وشوية
يعنى تقريبا اتنين مليار ونص الا حاجة بسيطة
سعد....
واحنا حنعمل ايه بالفلوس دى كلها واصلها حرام
مجدى .....
اتصل واعرف يعنى
سعد....
ايوة لازم نعرف
مجدى يتصل بالاخ اللى صور مقطع الفيديو
مجدى....
ايوة يا سلطان
الناس اللى اتنصب عليها ف الفيديو اللى صورته
تعرف حد فيهم
سلطان ....
ايوة اعرف واحد ساكن فين ..لكن اسمه معرفوش
مجدى....
خلاص هات العنوان بالظبط
وحاول تعرف اسمه ايه
سلطان ....
حصل ايه عشان ده
مجدى.....
لا ابدا مجرد استعطاف
المهم انت حاول
سلطان ....
حاضر يا باشا م العين دى للعين دى
مجدى ...
مع السلامة
بعد ساعة يتصل مغاورى
مغاورى ...
يرضيك على كمين دندرة اخدو الرخص
مجدى....
ارجع لهناك وانا حاتصل يرجعوها
مغاورى ....
انا واقف هناك اصلا
مجدى يفصل عنه ويتصل بواحد ظابط ع الكمين
ويستسمحه يرجع للمعلم رخصته
وفعلا يرجع لمغاورى الرخص
............................
لكن عسكرى يشوف حاجة بتنقط من صندوق العربية
العسكرى...
الحق يا باشا
فيه ددمم بينقط من صندوق العربية
الظابط بس سمع كدة ...
اثبت محلك... اوعى تتحرك... ارفع ايديك لفوق
انت معاك قتيل ف الصندوق
................
الجزء الثانى
......... الجزء الثانى
مغاورى...
قتيل ايه بس يا باشا
دول شوية سمك قراميط
اشتريتهم من على قناطر نجع حمادى
واخدهم هدية لتاجر رايح اتفق معاه على شغل
والعسكرى يفتح الصندوق ويقول....
دى قرامبط لسة بتلغوص يا باشا
الظابط.....
انت يا بهيم مش تتاكد الاول قبل ما تقول د م
جاك د م لما ياخدك
اتفضل يا معلم ...معلهش عطلناك متاسفين
وبعد ساعة يوصل المعلم مغاورى
والخبير بتاعه يعاين البضاعة
سعد ومجدى بيفاصلو ف السعر
سعد....
بص يا معلم انا حاقول كلمة مفيش بعدها فصال
40 اخضر و10 مصرى
كدة اخر حاجة
ومش حافاصل
مغاورى....
بس كدة كتير
سعد....
الموضوع خلص
هات يا وليد الحاجة وديها المخزن
وانت يا مجدى
ربع ساعة واتصل بالمعلم الدهشورى
مغاورى...
لا خلاص موافق
انا ماديش رزقى للدهشورى لو حاموت
سعد....
مبروك عليك
مغاورى...
طبعا موضوع البطاطين موضوع خلصان
مجدى...
اكيد خلصان
مغاورى....
عشان اخلى الرجالة تحمل البطاطين
وف الوسط تبقى الفلوس
ويتصل برجالته
حملو عربيتين نص نقل
كل عربية 500 بطانية من نوع
وتحطو بين البطاطين 40 اخضر و10 مصرى
ولما توصلو قنا تعدو بالغرب
وبعدها اتصلو وانا ادلكم ع العنوان
واحد من رجالة مغاورى....
احنا من وقت ما مشيت يا معلم بنجهز البطاطين
ساعة ونحملهم والموضوع خلصان
مغاورى....
خلى السواقين ومعاهم اتنين مع كل سواق
يلا عشان تخلصو
وقبل ما تتحركو ادونى تمام
بعد نص الليل توصل عربيات البطاطين
عمال مغاورى
وسعد وصحابه كله بينزل
بعدها يفرزو الفلوس
ويدخلوها البدروم
ومغاورى يسلم عليهم ويقول...
نتمنى التعامل معاكم مرة تانية
اول مرة بس مش حتكون اخر مرة
سعد.....
المرة الجاية تقّل جيبك
توصلو بالسلامة
مغاورى ياخد حاجته ورجالته ويمشو
بعدها الكل يدخل الفلوس جوه المخزن
وينزلو البطاطين للبدروم ويرصوها
بعدها وليد يسحب فرشة وينام ع الارض
سعد....
ايه يا وليد حتنام هنا خايف ع الحاجة
وليد...
اخاف من ايه هنا
انا خايف ف البيت المدام بقت مفجوعة
حمدى وسطوحى ومجدى يرجعو بيوتهم
وسعد يتصل بسميحة ويقولها ....
انا معايا شغل وحابات ف البدروم
سميحة....
انزل اساعدك يا حبيبى
سعد.....
لا حبيبتى ...وليد معايا تصبحى على خير
مجدى تانى يوم الصبحية
يدى سعد عنوان الاخ اللى اتنصب عليه واسمه
بعد شوية الكل يجمع ف البدروم
يطلعو كل الفلوس
تمن البضاعة 40 مليون اخضر اللى اتسرق
ويدخلو المصرى جوة المخزن
وبعدها يطلعو 30 اخضر من البيعة الجديدة
ويرصوهم جنب بعض ويبقو 70 مليون اخضر
ويطلعو من البدروم ويقفلو كل مداخله
سعد يركب عربيته ويطلع
يوصل اسنا
ويسأل على المعلم هارون الاسناوى
ولما يعرف مكانه ويوصل لبيته
سعد شافه طالع من البيت عرفه من الفيديو
سعد....
يا معلم هارون ...ممكن لحظة
هارون....
اهلا اهلا ...اتفضل البيت اهو
سعد....
ممكن نقعد دقيقة بس برة البيت
هارون.....
لا متجيش لازم ضيافتك
انا اعرف تقريبا سكان اسنا كلهم
انت مش من هنا
سعد ....
انا من الرزيقات
ممكن لحظة متقاطعنيش
هارون....
لا مينفعش كدة
سعد....
انا لو قمت مش حاقعد تانى وانت خسران
هارون....
طب قول ...عايز عجول ولا خرفان
سعد....
صدقنى لو نطقت حتخسر 70 مليون اخضر
هارون...
اخضر ايه برسيم ولا قلاوح
سعد....يطلع التليفون ويفتح الفيديو
بص كدة اتنصب عليكم
واحنا صورنا اللى حصل
هارون يفتح بقه وعايز يصرخ....
يا فضايحنا يا وجع بطنى ...هاتولى الاسعاف
ليه بس تفكرنى
سعد....
متخفش مفيش وجع بطن ولا يحزنون
حنرجع لكم حاجتكم بس بشروط
هارون....
ازاى ترجعوها من بطن التماسيح دول
سعد....
ممكن تسمع للاخر
هارون ...يقلع جزمته ويحطها ف بقه
اهو سكت اهو
سعد....
الاول حتجيب كل الناس بتوعكم اللى كنتو وقت التسليم
سواء صاحب البضاعة او صاحب الفلوس
ثانيا ....
حتاخدو سبعين اخضر
35 لكل جماعة
ويفتح الفيديو التانى
ويفرجو ع الفلوس
وثالثا متسألش ازاى ولا ليه
الساعة 1 الضهر حاتصل بيك
الاقيك جمعت كل الناس اللى كانو هناك
ومعاكم عربية تاخدو فلوسكم
حتقول حادى حتقول بادى
ميلزمنيش
احرقهم كلهم وانا مش متضرر
هارون....
وانت استفدت ايه
سعد....
احنا استغلينا الفيديو
وقدرنا نرجع البضاعة والفلوس
بعنا البضاعة واخدنا نسبتنا
واتفقنا عشان تبقى فلوسنا حلال نرجع حقكم
واظن 10 اخضر مش خسارة بالنسبالكم
اعتبرو بعتوها او اشترتوها بـ 35
دلوقت الساعة 10
بعد ساعتين حاتصل
وان لقيتكم كلكم مع بعض اسلمكم فلوسكم
ان كان ناقص واحد ميلزمنيش حد منكم
ويرجع سعد لبيته من تانى
والساعة 12 بالظبط
كان هو وصحابه قدام البيت
ويتصل سعد بهارون....
هارون...
ايوة يا باشا
احنا كلنا مع بعض دلوقتى
سعد....
تيجو بعربية ربع نقل معاكم
عارفين طبعا دير مارى جرجس
هارون...
ايوة يا باشا
سعد....
تطلع على الطريق هناك
وتوقفو قبل المزلقان بشوية او بعده
المهم الاقيكم هناك خلال ساعة
اية العربيات اللى معاكم
هارون...
معانا عربتين ربع نقل واحدة خضرة والتانية بيضا
سعد....
ماشى الاقيكم هناك ...سلام
وينزل سعد واللى معاه البدروم
يجيبو 13 بطاطين بكراتينهم
يطلعو 7 بطاطين
ويملو الكراتين بالفلوس
كل كرتونة اخدت 10 مليون
ويحملوها على عربية ربع نقل
ومعاهم 6 كراتين بالبطاطين بتاعتها للتمويه
سعد يشرب الشاى
ويركب لوحده
ويوقف عند السحارة على مدخل طريق الدير
بعد ربع ساعة من وقفته
عربية خضرة ووراها عربية بيضا يعدو
سعد ينتظر دقيقة ويطلع وراهم
يوقف جنبهم ويرد السلام
سعد....
ينزل من عربيتة الكراتين اللى فيها بطاطين
ويقول...
يلا همتكم حولو دول على عربية واحدة
ويروح بعد اول كرتونة على عربيتهم
ويفتحها ويقول ادى فلوسكم
كل كرتونة فيها 10 اخضر
يبقى المجموع 70 اخضر
ولما تكون معاكم حاجة للبيع
ابيعهالكم فى 3 ايام لحد اسبوع
لا خطط ولا مواعيد
لا سلم ولا استلم ولا مواويلكم دى
هارون....
طب احنا متعرفناش بحضرتك يا باشا
سعد....
اسمى سعد و متسألش عن حاجة تانية
خلال شهر حاتصل
او لو معاكم حاجة تتصل بالرقم اللى معاك
بس مش علطول مفتوح
الاتنين والخميس بعد الضهر للمغرب
يلا السلام عليكم
بس يمشى ويبعد
والرجالة تتنطط وترقص م الفرحة
ويرجع سعد ويقعد مع اصحابه
سعد....
يلا كدة كل واحد يهتم بشغله
وابعتو الحريم تيجى البدروم
محتاج اتكلم معاهم انا ومراتى
سطوحى....
ومال الحريم ف شغلنا
سعد....
ومين قال عن شغلنا
اومال مين حيوزع البطاطين المتكومة تحت
وليد....
ليه احنا مش حنبيع
مجدى....
نبيع ايه يا هندسة
احنا اخدنا نصيبنا
وبعدين نبقى نتكلم فيه
لكن البطاطين الظاهر سعد عايز يوزعها للغلابة
سعد....
روحو اتغدو وبعد الغدا ابعتوهم
وليد.....
انا مش باخاف الا من الغدا مع المدام
سعد....
خد لك كام فرخة محمرة من الكافتيريا
متبقاش بخيل يا اخى
حمدى....
تعالى خد لك 5 محمرين على حساب صاحب المحل
وليد....
وهو مين صاحب المحل
سعد....
خلص يا وليد ورانا شغل
ومش عايز اشوفك كام يوم
روح شركتك وشوف اعمالك....
وليد....
اخد الفراخ الاول ...سلام
....
وبعد الغدا
سعد ينزل البدروم
وربع ساعة تتصل سميحة تبلغه النسوان وصلت
سعد....
طب انزلى معاهم البدروم
سميحة...
بس منى لسه مجتش
سعد....
سيبك منها اكيد لسه بتاكل
وبعد شوية تنزل سميحة ومعاها النسوان
ويلاقو البدروم مكبوس كراتين بطاطين
سعد.....
ممكن تركزو معايا شوية
بعد ما تروحو البيت
كل واحدة تركز فى بلدهم
وتجمع ف دماغها او تكتب ف ورقة
ناس غلابة ومحتاجة وبنات على وش جواز
عشان بكرة حتروحو توزعو البطاطين دى عليهم
اظن مرات حمدى وسطوحى جيران
ممكن يساعدو بعض
وهنا سميحة وعبير حيساعدو بعض
عايز كل محتاج ياخد منها
وان حد غلبان طلب اتنين
ادوله اتنين متحرموش حد من حاجة
فهمتو الوضع
يلا على بيوتكم وشغلو دماغكم
النسوان تمشى وتبقى سميحة
سميحة.....
ممكن اسأل
سعد....
حابقى اشرح لك منين البطاطين دى بالليل
سميحة ....
طب ممكن استعين بالست ذكية
دخلت بيوت كتير ف البلد
وتعرفها شرقها غربها
سعد......
ماشى انت وعبير ومنى
واكيد الست ذكية حتعرف اكتر منكم
اسبوعين يعدو
وكل واحد مهتم بشغله
البطاطين اتوزع منها حوالى 800 على معظم البلاد القريبة منهم وكل شيء تمام
يوم الاتنين بعد الضهر
واول ما سعد فتح خط التليفون
اللى مش متسجل باسمه
واللى بيبقى مع بتوع الاثار
بس يفتح الخط والتليفون يرن
هارون....
السلام عليكم استاذ سعد
الحمد لـله المرة دى فتحت تليفونك
سعد....
اهلا وسهلا مين معايا
هارون....
انا هارون الاسناوى
مش قلت لو معاكم حاجة كلمونى
سعد....
اه افتكرتك
وايه... معاكم حاجة
هارون....
معانا 3 حتت دهب اكبر شوية
سعد....
طب هاتهم وتعالى
بس ميكونش معاك اكتر من فرد واحد
اتفرج واعاين ونشوف السعر
هارون ....
انا جاهز بالحاجة وحاجيب معايا صاحبها
سعد....
خلاص بعد ساعة ف نفس المكان
هارون....
حالا حاكون هناك
سعد بعد ما يقفل التليفون
يتصل باصحابه كلهم واجتمع معاهم
ويقولهم ع الموضوع
مجدى....
الظاهر حنتحول لتجار اثار
حمدى....
مش كدة يا باشا
الناس ابتدت تثق فينا وف ذمتنا
سعد....
اهو كله خير للغلابة واحنا نسترزق كمان
سطوحى ....
المرة دى ممكن اخد كام مليون اجيب لودر كبير
سعد...
وانت مستنى مرة تانية
ليه انا اخدت الفلوس لنفسى ولا ايه
الفلوس كلها موجودة زى ما هى ولو طلبت
حتدخل وتاخد قد ما تقدر
يا جماعة ..الفلوس دى بتاعة الكل
وللغلابة والفقرا كمان
مكنش العشم يا سطوحى
سطوحى....
ما احنا متكلمناش ولا قلنا ايه نظام الفلوس
وبعدين الصفقة كانت بتاعتك وبتاعة مجدى
مجدى....
يا عم بتاعة ايه بس
كله بتاعنا كلنا
انا مكنش عندى بيت اصلا
ومكنتش املك غير 10 الاف جنيه
وصحوبيتى مع سعد طلعتنى فوق
الاول من فلوس ارضه
مبخلش علينا وبنى لينا بيوت
وعمل لنا تجارة واتجوزنا
سعد....
خلاص يا مجدى
خلينا نشوف البيعة اللى جاية حترسى على ايه..
واتكلمو شوية
وبعدها تليفون سعد يرن
ويتكلم شوية
بعدها ياخد حمدى ومجدى
ويطلع يقابل هارون ويشوفو الحاجة
واول ما يوصلو
هارون يشوف مجدى والظاهر بيعرف انه ظابط..
وراح راكب عربيته وكان حيجرى
لكن سعد لحقه ونزله م العربية
واستخدم معاه القوة
هارون...
انتو عاملين لنا كمين ولا ايه
الاخ ده ظابط
سعد...
يعنى نرجع لكم 70 مليون دولار
كنتو فقدتو الامل فيهم
وكانت بين ايدينا لكن رجعنهالكم
ونيجى بعدها نعمل لكم كمين
مجدى هو اللى السبب ف رجوع فلوسكم
ايوة كان ظابط زمان
لكن الباشا اللى نصب عليكم
كان سبب فى مشكلة لمجدى
وبعد ما اثبت براءته استقال من نفسه
وشغال ف التجارة
احنا مجموعة اصحاب عاملين شغلنا مع بعض
عايزين تمشو اتفضلو مش حامسك فيكم
هارون....
اصل اول ما شفته اتخضيت
المرة دى انا وسيط مش اكتر
سعد....
واحنا برضو وسطا مش اكتر
بناخد نسبتنا وبنعمل حق الغلابة
يعنى اللى ناخده مش لينا وبس
هارون ..
المهم.. معانا 3 حتت
وزن الحتة 7 ونص كيلو
والسعر اللى عايزينه 25 للواحدة
يعنى 75 اخضر للكل
سعد...
خلاص تجيب الحاجة
واحنا نجيب الخبير يعاين
واول ما نخلص ونبيع ابلغك
وعشان المبلغ كبير مش حينفع ف يوم
يوم الخميس حاتصل بيكم
هارون....
بس احنا منعرفش فين مكانك ولا بيتك
سعد.....
اى بنى ادم من المحاميد لحد الضبيعية
تسأله عن سعد اليتيم حيدلك
بس الشغل اللى زى ده عايز السرية مش اكتر
لكن مكانى وبيتى وشركتى كلها ع الخط السريع
انا لو عندى المبلغ ده كنت شيلت واتصرفت
لكن صدقنى احنا وسطاء وبس
بعد ما نمشى
تقدر تروح كافتيريا اليتيم على الشمال
تتغدو وهناك تقولو على حساب صاحب المحل
الكافتيريا تبعى
والبيوت اللى جنبها تبقى بيوتنا
هارون يسحب شوال ويجى يطلع الحاجة
سعد...
لا خليهم زى ما هما وانا اعرف ايه فيهم
يوم الخميس حابلغك بالجديد
هارون...
اشمعنى الخميس
سعد.....
الخميس عشان اللى حيشترى يجهز فلوسه
ومتخفش مش حاظلمك
انت طلبت 75 وطبعا حتاخد اللى تطلبه
لكن قولى
هل فيه تانى غير دول
اصل الظاهر فيه مقبرة
هارون....
كله بوقته ...نخلص دول وبعدها ربـنا يسهلها
سعد ياخد الحاجة ويمشى مع مجدى وحمدى
وهارون واللى معاه قبل ما يرجعو بلدهم
وصلو الكافتيريا
وطلبو اكل على حساب صاحب المحل
سعد.. يدخل ناحيتهم
المكان مكانكم اطلبو اللى يعجبكم
حمدى....
اهلا يا معلمين
تحبو تتغدو ايه
سعد يرجع للبدروم
هارون ...لحمدى
هى الكافتيريا دى تبقى بتاعة مين
حمدى....
دى شراكة بين كام صاحب
انا منهم والاستاذ سعد اللى كان هنا منهم
سعد مع مجدى
مجدى يتصل بمغاورى ويبلغه
ان فيه 3 حتت وزن اكبر من اللى فات
وطوله اكبر كمان
وحيتعمل عليهم مزاد
والمزاد حيبدأ بـــ 90 اخضر
والتزويد بالمصرى
مغاورى...
ممكن اشوفهم
مجدى....
افصل وحاتصل بيك فيديو
ويتصل بيه فيديو ويوريه الحاجة
مغاورى....
ما بلاش مزاد وانا اشيل
مجدى....
عايزين اكبر سعر
وعشان كدة حنعمل مزاد
مغاورى.....
حادفع 100
90 اخضر و10 مصرى
مجدى....
نتشاور واشوف التجار الباقيين
مجدى يتصل بتاجر تانى
وبرضو حصل زى ما حصل مع مغاورى
بعدها سعد يتصل بتاجر من اسنا
هو نفسه اللى كان مع هارون اول مرة
بعدها سعد قرر مفيش مفر
لازم مزاد
واتصلو بالتجار
يوم الحميس الساعة 9 بالليل
حيتعمل المزاد
وكل واحد حيدخل المزاد
تكون فلوسه جاهزة
والتماثيل كانت معاهم ع الترابيزة
وتنزل كبسة عليهم ف البدروم
ومحدش قدر يفلفص من مكانه
******************
الجزء الثالث
.
.
........ الجزء الثالث
.
منى تنزل البدروم ووراها باقى النسوان
سميحة وعبير ومرات حمدى ومرات سطوحى
منى....
ايوة يا سى وليد
سايبنى وناسينى
تطلع الشغل وانا نايمة
وترجع اخر الليل وانا نايمة
مفيش اهتمام ولا فاضى تشوف طلباتى
قلنا نعمل عليكم كبسة
سميحة....
مليش ذنب طبو كلهم ولسه حنحكى
البرميل ده نزل يجرى لوحده
منى....
اه حقك تقولى عليا برميل
ما انا مفيش حد بيدلعنى ولا يهتم
وليد...
يدلع ايه بس
كل يوم بتحشى ف الفراخ واللحم والمحشى
انا خايف وانا نايم جنبك الاقيك بتقرمى ف دراعى
مجدى لحق يدخل التماثيل ف الشوال....
ايوة يا وليد انت بتهمل مع مراتك
ويجى يتحرك عشان يدخل الشوال ف المخزن
عبير....
هى منى بس اللى بتشتكى
كلنا مش لاقيين اهتمام
سميحة....
قولى عن نفسك
انا مبسوطة وسعد كل يوم مش حارمنى من حاجة
منى....
يعنى فيه فرم معاكم ولا ايه
مرات سطوحى....
يعنى ايه فرم
سميحة...
لحمة مفرومة ... منى مش بتشبع منه
سعد....
خلاص الليلة كله يرجع لعياله
ليه انا رابطهم عتدى
كل واحد عنده بدروم
يروح يقعد ف بدرومه
يلعب مع عياله
يلا كله على بدرومه
وانت يا وليد
خد القطر ده من ع الشارع اسهل لك **** يعينك
منى....
انا قطر يا سعد...ربـنا يسامحك
سعد....
القطر ارحم ..على الاقل خفيف وبيجرى
وليد.....
يلا يا قدرى
متنساش يا حمدى ابعت لى 7 فرخات
منى....
انا نفسى ف مونبار
مرات حمدى....
ليكى عليا بكرة اعمله وابعتهولك
سعد.....
يلا يا جماعة روحو كملو رغى ف بيتكم
ويتفض المولد
وسميحة تبقى مع سعد لوحدهم
سميحة....
هو ايه حكاية قعادكم الكتير ف البدروم
سعد....
بنتكلم ف الشغل
ولا لازم نتكلم ف بيوتنا
ولا نروح ونقعد ف الكافتيريا
البدروم هنا المقر الرسمى
عايزين نوسع شغلنا شوية
سميحة ....
**** يوسع عليك يا حبيبى كمان وكمان
سعد....
اخبار العيال ايه بيسهرو ولا بينامو بدرى
سميحة...
وليه بتسأل عن سهرهم
سعد....
عايز ليلة صهللة ومحدش يزعجنا
سميحة....
بعد ما ينامو يا حبيبى ابسطك واصهللك
سعد....
ربـنا ما يحرمنى منك يا حبيبتى
وتعدى الليلة بفرمها وصهللتها
ويوم التلات والاربع شرحه
كله ف بيته مع عياله
وسعد مطلبش حد منهم
منى اتفرمت 3 ايام
بعدها مقدرتش تقوم من ع السرير
يوم الخميس رجعت الاجتماعات
وجهزو البدروم للمزاد
وبالليل
المعلم مغاورى كان اول واحد وصل
وعاين البضاعة وعجبته
وقال مش حاسيبهم باى شكل
بعد منه وصل الدهشورى وعاين مع خبيره
عجبته البضاعة ووزنها اكتر من مرة
واخر واحد المعلم الدوشى من المطاعنة
وبرضو عجبه الموضوع
سعد وجماعته سابوهم مع بعض
واصحابه برضو طلعو
بعد شوية نزلو لهم العشا
وبعد العشا كانو لوحدهم
مغاورى....
ما تيجو يا جماعة نتفق مع بعض
منزودش على مبلغ معين
الدهشورى....
ما بلاها مزاد
احنا نتفق كلنا على سعر معين
وبعدها نقسم البضاعة وكل واحد ياخد حتة
ونبقى ندفع مع بعض
الدوشى....
انا مع الكلام الاخير
ممكن نقول احنا حنشترى ونبقى نتفق مع بعض
سعد طبعا كان لابس العمة وسامع كل حاجة
بعد شوية وصل مع اصحابه
سعد...
اولا مفيش اتفاقيات ولا روبطية
السعر الاجمالى 90 اخضر
ونزود بالمصرى
لو كنتو مثلا ناويين كل واحد يشترى حتة
الحتة لوحدها 33 اخضر و10 مصرى
قلتو ايه
ولا نشغل المزاد
محدش بيرد
سعد ....
يبقى نبدأ المزاد
نقول 90 اخضر و10 مصرى
مغاورى ...
و15 مصرى
الدوشى ...
نقول 17
الدهشورى ...
20
صوت واحد داخل عليهم ومعاه خبير
95 اخضر و22 مصرى
سعد....
اهلا بالمعلم الببلاوى
انا قلت مش حيعرف يوصل
الببلاوى...
لكن الحمد للـه وصلنا
مغاورى ...
يبص ع الدوشى والدهشورى
ويقول 96 و25 مصرى
الببلاوى....
98 و30 مصرى
مغاورى يبص على جماعته
ويتكلمو مع بعض بصوت واطى
ويتفقو مع بعض
مغاورى .....
100 اخضر و35 مصرى
سعد...
مين يزود
الببلاوى ....
كدة مش فرى
الظاهر اتفقو مع بعض كلهم
مغاورى...
ايوة اتفقنا احنا التلاتة مع بعض
مش حنسيب الموضوع
والببلاوى يجى يزود
لكن المعلم مغاورى يجرى ويسد بقه
مش حينفع كدة يا معلم..حنديك عرقك
احنا اول مرة نشوفك
نسمع عنك من بعيد لبعيد
بلاش تحرمنا من رزقنا
الببلاوى....
ماشى مبروك عليكم
جت عليا بخسارة يا مجدى باشا
مجدى....
المرة الجاية حنعوضهالك
وابعت لك الحاجة لحد عندك يا معلم
سعد....
يعنى نقول مبروك ولا حنكمل
مغاورى...
ايوة خلاص كدة
100 اخضر و35 مصرى
سعد....
مبروك يا معلمين
الببلاوى....
عن اذنكم
لو عارف انه حيحصل اتفاق
مكنتش فكرت اجى من اصله
السلام عليكم
مجدى....
جيتك على راسنا
بعدها مفيش مزادات طالما فيه زعل
سامحنى يا معلم
ويخرج المعلم الببلاوى من البدروم
مغاورى يقعد مع جماعته
ويحسبو الفلوس على تلاتة
كل واحد 33 مليون 333 الف دولار
وكمان 11 مليون و666 الف مصرى
بعدها كل واحد يتصل برجالته تجهز الفلوس
بعد ساعتين
عربية من بتوع مغاورى
فيها 200 بطانية وبينهم الفلوس
عربية الدهشورى جابت الفلوس ف فنطاس بنزين
عشان عنده بنزينة
اما الدوشى جت فلوسه ف اشولة بادنجان
كل الفلوس نزلت البدروم
والتجار اخدو بضاعتهم وكانو مبسوطين
واخدو رجالتهم ومشيو
وبعد ما مشيت العربيات
سعد....
فين الببلاوى
سطوحى....
ادينى يا سيدى
اظن عملت الدور صح
مجدى....
تنفع ممثل
سعد....
يا جماعة لو وصلت لـ150 كانو حيكملو
الحاجات دى بتتباع بضعف اللى بيدفعوه لينا
مش موضوع دهب
الاثار دى بتتحط ف معارض
والزوار بتدفع عشان تتفرج
ويطلع تليفونه ويتصل بهارون...
ايوة يا معلم ...فلوسكم جاهزة
حتعرف تيجى دلوقتى ولا تخليها لبكرة
هارون...
عند كلمتك يا باشا ...
وخير البر عاجله
سعد...
هات صاحبك بعربية ربع نقل
حتاخد البطاطين من عند الكافتيريا
لما توصل تلاقينى هناك ...سلام
سعد وجماعته يحطو الفلوس فى كراتين بطاطين
وطلعوهم برة عند الكافتيريا
ودخلو باقى الفلوس ف المخزن
سعد....
كدة معانا حوالى 34 مليون دولار
والمصرى من بيع الحاجة اكتر من 50 مليون
تحبو نقسم الفلوس دلوقت ولا نحليها بكرة
مجدى...
ونوديها فين ...خليها هنا واللى نحتاجه حناخده
سعد....
لا يا سيدى
كل واحد يعمل له مخزن ف بدروم بيته
ويحط فلوسه هناك
سطوحى...
خليهم هنا ...كلنا عاجبنا الوضع
سعد.....
لا كل واحد يشيل شيلته
بكرة حنقسم
يلا عشان نشوف هارون
ويوصل المعلم هارون
ويحمل الكراتين ومعاهم كام واحدة ببطاطينهم للتمويه
وتانى يوم بعد صـلاة الجمعة
الكل ف البدروم مع سعد
مجدى....
سيبونى انا اقسم الفلوس
مجدى عمل 4 اكوام
كل كوم 5 مليون دولار و5 مليون مصرى
مجدى....
دول نصيبى ووليد وسطوحى و حمدى
والباقى يبقى من حق سعد
هو صاحب الافكار والمخطط
ولو كان طماع مكنش رجع الفلوس لبتوع اسنا
وهو بيفكر اكتر مننا ف الغلابة
الموضوع خلصان
حد عنده اعتراض
دلوقتى الواحد معاه اكتر من 130 مليون مصرى
لو عايزين تحرقوها انتو احرار
حمدى....
ولا كنت احلم بمليون مصرى
حنعترض على ايه
سطوحى...
نعترض على ايه
صحوبية جت على غفلة ومعاها كل الخير
وكل واحد اخد فلوسه فى شوالين ولا تلاتة
لكن وليد ركنهم جوة مخزن سعد وقال...
خليهم هنا وابقى احولهم لما تروح منى بيتهم
مش ناقص تطفلها
بعد ما رجعو كلهم
وليد....
متجيب العمّة اجربها
سعد يقوم ويجيب العمّة ويديها لوليد
وليد يلبس العمة ويكبسها على راسه
والكل بيضحك عليه
وليد....
هى مش شغالة ولا ايه..متكونش عايزة شحن بطارية
حمدى يسحبها ويجربها
وكلهم يجربوها وبرضو محدش اختفى
مجدى...
ايه الموضوع بالظبط
سعد.....
هات كدة
واخدها ولبسها وكبس عليها
سعد اختفى قدامهم...وقلعها قدامهم
الموضوع وخلاصته
العمّة تبقى حاصة بيا
يعنى حاجة مركونة من سنين وموعودة ليا
مجدى....
يعنى هى كدة ...مش كنت تقول
سعد يقوم يرجعها المخزن ويقفله .....
بصو كدة
عايز الايام الجاية نشوف طلبات الغلابة
عايزين نزور مكتب اعضاء مجلس الشعب
اكيد حنلاقى هناك الكتير والكتير مقدم طلبات
احنا نعرف الطلبات دى ونحاول نلبيها
وعندى اقتراح
حنرشح حمدى لكرسى المجلس عن بلدنا
وليد....
اشمعنى حمدى
..........
.......
..........
......
سعد...
حمدى مش معاه شركة هندسة
حمدى مش مقاول
حمدى ماسك الكافتيريا
والغرض مش حمدى
الغرض انه يجمع لنا كل طلبات الدايرة
واحنا بالامكانيات اللى عندنا نحاول نحلها
كلها 4 شهور ويفتح باب الترشحات
وهو من الرزيقات بحرى
وعليهم الدور ف الترشح
حمدى....
وانا اجى ايه وسط العتاولة اللى بتنزل
سعد....
انت بس تقدم ورقك ولا حتروح مكان
انا حانجحك من اول مرة
متشيلش هم
اومال العمّة دى شغلتها ايه
من بكرة حنطلع جولات نجس النبض
حنقول حنعمل مستشفى تخصصى لكل المجالات
واحد ف الناحية البحرية والتانى هنا
وحنعمل مش كلام وخلاص
وليد يروح بين المريس وارمنت الحيط يدور على حتة ارض كبيرة ونشتريها ونحط لوحة كبيرة عليها
نكتب باجر رمزى لغير المقتدر
ونصف التكلفة لمتوسط الدخل
وبتكلفة كاملة للمقتدرين
ونبقى نجيب كل لوازم المستشفى من بلاد برة
بعدها كل واحد رجع بيته
سعد سحب توكتوك من عند الكافتيريا
قال لصاحبه ساعتين وراجعلك
نزل البلد وراح كتّاب بيعلم الاطفـال القـرءان
سأل الشيخ عن الاخبار
بعدها قال للعيال
اللى يحفظ ربع حياخد 200 جنيه
واللى يحفظ نص حياخد 500
اما لو حفظت الجزء كله حتاخد 1000 جنيه
ولو جزءين يبقو الفين
يلا يا حلوين شدو حيلكم
بنت صغيرة يجى 6 سنين ...
انا قربت اخلص اول جزء يا عم سعد
سعد...
طب قولى كدة سورة الماعون
البت زى القطر تقولها
سعد...
سورة الهُمزة
والبت رهوان
سعد...
قولى سورة التكاثر
البت زى البرق
سعد...
المطففين
والبنت تقولها
سعد...
طب قولى سورة النازعات
البنت...
لسة باحفض فيها يا عم سعد
سعد يكلم الشيخ...
نعتبر حافظة الجزء ولا النص
الشيخ ...
نقول عليها حافظة النص صم
سعد يطلع الفلوس ويقول...
زميلتكم حفظت نص صم
وادى 500 جنية
ولو كملت الجزء الاسبوع الجاى حاديك الف كمان
بعدها كل شوية عيل يسمع
واللى اخد 100 جنيه واللى 200
المهم كل العيال اخدت فلوس
سعد....
انا كل جمعة حاجى هنا مرة او ابعت حد
واللى يحفظ اكتر حياخد اكتر
واخد الشيخ لبرة واتكلم معاه
سعد....
انا عايزك تهتم بالعيال شويتين
لو لقيت مجهودك واضح
حاعمل لك شهرية معتبرة
وكل عيل يحفظ جزء حاديه مكافأة
وانت ليك مكافأة كل شهر
وطلع له 5000 جنيه
ودى اول مكافأة
هو كام يوم ف الاسبوع
الشيخ ....
3 ايام وكل عيل بيدفع 20 جنيه
سعد....
3 حلوين بس خليهم ساعتين
وعلمهم يكتبو
وانا حابعت لك سبورة يتكتب عليها بالقلم
بعدها وصل عند السوبر ماركت بتاعه
ووقف هناك ولقى 3 بنات
سعد....
ممكن رغيف فينو ..جعان
بنت....
عايز بكام
سعد...
كام ايه ..انا باقول لك جعان
البنت....
يلا يا عم ربنـا يحنن ...احنا مش بنشحت
مش فاتحينها تكية
بنت تانية...
يلا يا عم هنا مش سبيل..شوف لك قهوة اتخمد عليها
البنت التالتة...
تقوم وتجيب رغيفين فينو وتحشيهم جبنة ولانشون
وتقول ...
يعنى الرغيفين دول حيخسرو صاحب المحل
وانا كمان حادفع تمنهم
يمكن يطلعو بركة ويزيد ف الرزق
ما قل مال من صدقة ...الصدقة بتزوده
سعد....
الموضوع مش حكاية حتدى او متديش
الموضوع الرد يكون افضل من كدة
يعنى الرد بالحسنى
حتى لو قلت انت او هى مفيش
حيكون رد احسن من ردكم
انت وهى مرفودين
وينط للمحل
يلا برة...انا صاحب المحل سعد
البنات تبلم ..ازاى مش عارفين سعد
ويجى ابن الست ذكية ( حسن )
حصل ايه يا استاذ سعد
سعد....
دول مرفودين ودى تقعد ..شوف غيرهم
حسن ....
يلا يا بت انت وهى ع البيت
دى مراتى ومرات اخويا
سعد....
يقعدو ف بيتهم احسن
الابتسامة صدقة
دول يقطعو الرزق
سعد يقلب ف الدفاتر
ويطلب الحساب عن السنة اللى فاتت
تيجى الست ذكية وبعد السلام
سعد يتصل بوليد يجى يراجع الحسابات
بعد ما وليد يجى ويراجع
يكتشف فيه سرقة واحتيال
وفيه اسامى وهمية واخدين ع النوتة
ومفيش سداد
هو فيه حد بياخد 7 الاف بقالة ف الشهر
يعد كام ساعة
وبعد مراجعة البضاعة والصادر والوارد
وليد....
لا الموضوع عايز شغل
والبضاعة عايزة تتراجع بالمخزن
سعد... للبنت اللى قالها اقعدى هنا
انت بنت مين
البنت....
انا بسمة بنت اسماعيل ابو موسى
سعد...
امسكى المحل لوحدك
ومحدش يدخل هنا ولا يكون مين
ومفيش ع النوتة لحد ما نراجع
ويقول للست ذكية...
من يوم ما شيلت ايدك عنهم
وسيبتى لهم الشغل
وايدهم اخدت ع القرش
الذنب مش ذنبك
لحد دلوقت فيه نقص ولا 100 الف جنيه
ماهو قالو مش حيراجع
لا حنراجع ولو كيس لب
الموضوع مش مكسب وخسارة
المال السايب يعلم السرقة
دى اموال ناس
يوم ما سبت المحل عملت جرد لكل حاجة
كان فيه بضاعة باكتر من مليون
سعد....
يقول لواحد شاب معدى
لو سمحت خد روح هات 3 اقفال كبيرة
الشاب...
حاضر يا عم سعد
بعدها يلم كراسات الديون
وباخد الفلوس م الخزنة
ويقول للبنت بكرة الساعة 9 تكونى هنا
بسمة ....
حاضر يا استاذ سعد
من زمان كان نفسى اشوف حضرتك
اسمع عنك ..الصبح حاكون هنا ان شاء اللـه
يتصل بحمدى ف الكافتيريا
يا حمدى تنزل البدروم تجيب التوكتوك بتاعى
وحتلاقى عندك واحد اخدت منه التوكتوك بتاعه
ابعت معاه بتاعى ويجى ياخد بتاعه
انا حاتاخر شوية انا ف السوبر ماركت
ويقعد سعد مع وليد للساعة 10
وليد ....
الديون هنا 150 الف جنيه
وفيه اكتر من اسم بياخد ومش بيدفع حاجة
المفروض خد وهات ولو بعد شهر
تانى يوم من الصبح بدرى
سعد ووليد ومجدى
ومعاهم سميحة ومنى وعبير
منى قعدت على كرسى قدام مكتب
وجت معاهم بسمة
وعملو جرد لكل شيء ف المحل
وقبل الضهر بشوية خلصت المراجعة
ووليد بعد المقارنة والمراجعة
وليد....
البضاعة السنة اللى فاتت كانت بـ مليون و200 الف
سعد....
هات الخلاصة
وليد....
بعد المقارنة مع الاسعار الجديدة مع كل زيادة
فيه عجز ما لا يقل عن 300 الف جنية
غير الديون الخارجية اللى تقدر بـ 153 الف
الخلاصة يعنى
فيه سرقة وتبديد ونهب
سعد....
سمعت يا ست ذكية
عيالك شغلو حريمهم هنا
والكل بيصرف ماهو مال سايب
سعد لبسمة ....
ابوك شغال ايه
بسمة....
ابويا شغال مدرس ف الابتدائية
سعد...
روحى هاتيه وتعالى
المهم..
ادو المحل لبسمة وابوها اللى وافق يشتغل بعد المدرسة وحيجيب بنات على مسؤوليته
وغيرو نظام الشغل
المراجعة حتكون كل شهر
والجرد كل 3 شهور
وسميحة حتيجى كل يوم والتانى
والاهم من ده كله ...الغلابة محدش يظلمهم
وطلب من بسمة تشوف موضوع الديون
بسمة....
حاضر يا استاذ سعد
الجزء الرابع
........ الجزء الرابع
خلال اسبوع
كان وليد لقى حتة ارض قصاد عزبة التمساح
اللى ما بين ارمنت الحيط والمريس
واخدو ترخيص مبانى
ونصبو اللوحة وعليها اسم الحج حمدى الدهشان
وبرضو نفس الامر فى الرزيقات قبلى
ووليد استعان بخبراء فى تدشين المستشفيات
وجهز التخطيط والرسومات
وابتدى الشغل والخراسنات
وفى خلال شهر
مستشفى الرزيقات خلص خرسانات 4 ادوار
واتبنى السور
وحيبدأ ف بنيان الحوائط والتشطيب
اما فرع الناحية البحرية
خلص دورين
والعمل شغال على قدم وساق
سعد قدر يجيب 10 دكاترة وباقى كام تخصص
بعدها الدكاترة طلبت اجهزة معينة لكل تخصص
ولازم تيجى من برة
سعد اتفق مع الكل انهم يجهزو ملفات للاجهزة
وانه حيجيبهم من برة
ما علينا ....
يعنى الموضوع سعد جيخلصه باى شكل
واول ما ابتدت التشطيبات
اجتمع مع الدكاترة
وقرر يسافر 3 منهم وهو معاهم اوروبا
سعد مع اصحابه ف البدروم
سعد...
انا دلوقتى حاسافر اوروبا
حنحتاج العملة الصعبة اللى هنا
عشان نشترى الاجهزة للمستشفى
مجدى....
عندى اقتراح بس مش عارف توافقونى عليه ولا ايه
سعد...
نسمع حتقول ايه
مجدى....
بريطانيا وفرنسا دول بالذات
نهبو ثروات مصر لسنين
الحملة الفرنسية قعدت ف مصر 3 سنين
ماقولكش على كمية الاثار اللى سرقوها
والمصريين اللى قتلوهم
اما بريطانيا
نهبت ثروات مصر لسنين طويلة
واستولت على ايرادات قناة السويس لاكتر من 70 سنة اللى حفرها المصريين الغلابة بعرقهم وجهدهم
واظن اكتر من 200الف مصرى ماتو وهما بيحفرو
يعنى عايز اقول
ان بريطانيا وفرنسا سرقونا
وانا باقترح
انك ترجع جزء م اللى سرقوه
تروح بريطانيا وفرنسا
واستخدم العمة ورجع اللى نهبوه
نعمل المستشفيات للغلابة مقابل الغلابة اللى ماتو
ونجيب احدث الاجهزة تقنية وتطور
ده اقتراحى
وليد....
كلام مجدى مظبوط ...وكله حقيقى
سطوحى....
لو معاك طبق كشرى
وواحد اخد معلقة...مش حيخس طبقك يعنى
حمدى.....
وهو ليه ياخد من طبقى
سعد....
كفاية يا سطوحى انت وحمدى
مجدى....
اديك شايف
انا كنت ظابط وكنت ضد بيع الاثار
لكن بعد ما سبت الشرطة
اشتركت معاكم فى بيعها
واقتنعت انها مش حرام
وانت لو عملت اللى قلت عليه
صدقنى مش حرام
سعد فضل ياخد ويدى معاهم
وف الاخر اقتنع وقرر انه يجرب
وعملو تخطيط لكل ده
وجهزو تقارير لمعظم بنوك لندن وباريس
ودخلو النت
ووليد دخل على جوجل ايرث
وعمل تخطيط للبنوك
وسعد حفظ كل المعلومات دى
وعلى مدى اسبوع كامل وهما بيخططو
بعدها اجتمع مع الدكاترة
سعد ...
انا باقول اننا نتفق مع شركة عالمية لتوريد جميع الاجهزة المطلوبة
بحيث هى تجمع لنا كل المطلوب
اللى من المانيا هى تبعته من المانيا
واللى من فرنسا واللى من امريكا
يعنى نعمل معاهم عقد وهى ملزمة بتوريد كل شيء
دكتور منصور ( اكبر دكتور ف السن )....
انا اعرف شركة ف لندن كبيرة ف المجال ده
وهى بتوفر كل حاجة نطلبها
وملزمة بالتوصيل والتركيب كمان
سعد....
خلاص انت تسافر ومعاك اتنين يساعدو
تقعدو اسبوع وتتفقو على كل شيء
وانا ابقى اروح بعدكم
وبعد الاتفاق اعرف المطلوب
والحمد للـه اهل الخير وفرو لنا كتير
واللى عليا ادفع كل المطلوب
دكتور منصور....
لو جبنا احدث تقنيات ممكن المطلوب يبقى اكتر من
50 مليون عملة صعبة غير مصاريف الشحن
سعد....
متشيلش هم
انا حاسافر كام بلد عربى
فيه هناك امراء اصدقاء ليا
ومعظمهم وعدونى بتحمل كل التكاليف دى
دكتور منصور...
لما هو كدة ليه ما كتبتش اسمهم ع المستشفى
سعد....
فيه ناس بتعمل الخير من غير رياء
بعد كام يوم
سعد يستعد للسفر وحجز طيران
ودع سميحة واولاده
وكمان اصحابه بعد ما راجعو معاه الخطة
بعدها راح ع المطار وسافر باريس اولا
وصل افخم فندق وكان معاه 5 شنط غير شنطة هدومه
اشتراهم برة المطار
ورص فيهم طوب عشان يبقو تقال
وحجز غرفة فاخرة
بعدها خرج بشنطتين بعد ما لبس العمة
وفضى الطوب اللى فيهم ف صندوق زبالة
ملحوظة:
اى حاجة يشيلها سعد وهو لابس العمة بتختفى معاه
وكمان بيعدى من اى مكان سواء باب او حيط
وصل لاول مكان ف الخطة
ودخل البنك ووصل للخزنة الرئيسية
وكانت من غير اجراءات امنية عشان البنك شغال
وكل شوية تدخل فلوس وتخرج فلوس
وملا الشنط بـ 20 مليون استرلينى
بعدها رجع الفندق واخد شنطتين غيرهم
وراح لبنك تانى وعمل نفس الموضوع
وبعد كام جولة ف البنوك
كان معاه 80 مليون استرلينى وعشرة مليون يورو
طلب من ادارة الفندق المدير
( طبعا اتدرب ع الكلام اللى حيقوله غير كدة كل اللى حيقول له مكتوب ف ورق معاه )
وبعد ما وصل المدير ..
سعد اداه ورقة مكتوبة بالفرنسى
انه محتاج عربية متأمنة لتوصيل اموال للبنك المركزى
وبعد نص ساعة كانت العربية ف انتظاره
وطلع الامن وحملو الشنط للعربية
ووصلو معاه للبنك
ومن هناك عمل تحويل لبنك ف لندن
ودفع رسوم التحويل باليورو
ورجع الفندق
واكرم المدير وانهى حجزه
وطلع على المطار وسافر للندن
واول ما وصل لندن
راح البنك وغير اليورو اللى معاه باسترلينى
اخد مليون استرلينى ف شنطته
والباقى عمل بيه حساب
وتم تأكيد تحويل الاموال من فرنسا
واضافهم للحساب ذاته
واتكلم انه حيورد خلال 3 ايام
ما يقارب 100 مليون استرلينى على نفس الحساب
بعد ما طلع م البنك اشترى 4 شنط كبيرة فاضية
وعرف يملاها شوية طوب ورصهم
واخد تاكسى
راح الفندق والعمال وصلو الشنط لغرفته
وكان عايز ينام
بس حس بالجوع
خايف من اكلهم
طلع الشارع يدور على حاجة مناسبة
اخيرا لقى واحد بيتكلم بالعربى ف التليفون
فضل وراه
كل ما يروح مكان هو وراه
اخينا لما شك فيه
وصل عند دورية شرطة
الشخص يشاور على سعد انه ماشى وراه
والظاهر انه حرامى
الشرطة تقوم تقبض على سعد
سعد...
ايه يا عم ..انا مستنى انك تخلص تليفون
لقيتك بتتكلم عربى ..قلت اكيد حيساعدنى
الشخص ( عمرو )...
وليه ماشى ورايا بقالك ربع ساعة
سعد....
وصلت لندن من كام ساعة ومش عارف مكان اقدر اكل فيه لقمة حلال او اكل مصرى
عمرو ...يطلع 20 جنيه استرلينى
خد شوف لك حاجة تاكلها
واتكلم مع الشرطة تسيبه عشان كان سوء تفاهم
وادى الشرطى 20 استرلينى رشوة
بعد ما يسيبو سعد
سعد...
انت فاكرنى باشحت ولا ايه
انا الحمد للـه مقتدر وعندى الخير كتير
عمرو....
اومال مش بتقول عايزنى اساعدك
سعد...
عايز مكان او مطعم مصرى ولا عربى اكل
بس مش اكتر
ولما سمعتك بتتكلم عربى جريت وراك
وكمان عرفت انك ف ازمة
قلت انا اللى اساعدك
عمرو....
ايوة ف ازمة ومحتاج 50 الف استرلينى
عشان امى جاية تعمل عملية خطيرة
هل بكدة تقدر تساعدنى
يلا يا عم سيبنى ف همى
سعد....
خدنى اتغدى مصرى وليك 100 الف يا سيدى
عمرو....
انت جاى تتريق ف الضهرية ودماغى مش فاضية
فيا اللى مكفينى
سعد....
يا سيدى ولا تزعل
صدقنى حتاخد الفلوس
بس ارحمنى حاموت م الجوع
عمرو...
متدخل اى مطعم اتغدى
سعد....
مقدرش اكل الا لو كنت متاكد مفيش منتج خنزير
دى مشكلتى
عمرو....
طب تعالى نركب الباص اوصلك لمطعم
سعد.... يشاور لتاكسى
عمرو....
بتعمل ايه...انت عارف التاكسى بياخد كام
سعد...
ميهمكش
ويركبو التاكسى ويوصل المكان
كافتيرا المصريين والعرب
كبدة وفراخ ولحم حلال
واول ما يقعد سعد
عمرو....
هنا حتلاقى كل اللى تحبه
اسيبك معايا شغل ...يلا السلام عليكم
سعد....
تسيبنى ايه ...انا صدقت ما لقيتك
انا معايا 3 ايام هنا ف لندن
خليك معايا
عمرو....
يا سيدى مش حاقدر
معايا ظروف وعايز اتصرف ف فلوس
بقولك امى حتعمل عملية
محتاجين مصاريف سفر واقامة
وكمان مصاريف المستشفى
سعد....
انا اسلفك كل ما تحتاج ولما ترجع مصر تسدد
تبقى تسدد على اقل من راحتك
عمرو.....
اقولك ايه ...مش ناقص وجع دماغ وهرتلة ف الكلام
( سعد كان لابس هدوم عادية تدل انه غلبان )
سعد....
صدقنى مش باهرتل
وتيجى بنت بتقول...
تحب تاكل ايه يا استاذ
سعد....
هاتى فرخة وتحابيشهم
ولااقولك خليهم فرختين
البنت ( شروق ) ....
انت عارف تمن الفرخة الواحدة بكام
والظاهر متعرفش
سعد....
متطلع زى ما تطلع
هو انا حاكل واهرب ولا ايه
اقعد يا سيدى اتغدى
معرفتش اسم حضرتك
عمرو......
اللهم طولك يا روح ..اسمى عمرو
امتى حتحل عن دماغى
سعد....
اتفضل يا استاذ عمرو ...اتغدى
عمرو....
يا ريس الاكل هنا غالى
سعد.....
ما هو المصرى غالى ...لازم اكله يبقى غالى
تعرف لو ف مصر حتعرف الفرق
عمرو قعد على سبيل النخوة والجدعنة
وهو مقتنع ان اللى قدامه واحد غلبان
واكيد بيهزر وعايز يتخلص منه باى شكل
المهم الاكل وصل واقنع عمرو انه ياكل معاه
بعد دقيقة عمرو ابتدى يأكل بشراهة
الظاهر كان جعان ومحروم م الاكل ده
وبعد الاكل وعلى حسب العرف والتقاليد
عمرو حب يحاسب
لكن سعد اصر على انه هو اللى يحاسب
سعد....
قوليلى يا انسة
شروق....
شروق يا استاذ
سعد....
اكيد بتوصلو طلبات للمنازل
شروق...
اكيد وباقصى سرعة كمان
سعد.....
طب ممكن رقم التليفون عشان اطلب عشا من هنا
انا قاعد ف انتركونتننتل
شروق....
يا خبر ده فندق فخم
اكله كل فاخر واسعاره نار
سعد.....
بس ميجيش حاجة زى الاكل المصرى
المصرى يوكل
ويطلع لها فلوس اضعاف الحساب
شروق....
بس ده كتير يا استاذ
سعد....
الاكل يستاهل
بس يا ريت تبعت لنا اتنين شاى مصرى ف الخمسينة
شروق....
احنا ف خدمتك يا استاذ ولا نقول يا باشا
سعد....
قولى سعد.....سعد بس
ويروح يقعد على طاولة بعيدة عن مكان الاكل
سعد....
اقعد يا استاذ عمرو
عمرو....
اللهم طولك يا روح ...وادى قعدة
ادينى قعدت ..لما نشوف اخرتها معاك
سعد.....
انت بتشتغل هنا صح
عمرو....
لا يا سيدى
انا دكتور وجت هنا عشان ادور على مستشفى معين مصاريفه خفيفة عشان امى محتاجة تعمل عملية قلب مفتوح وعندها السكرى
وف مصر مستوى الاهمال يوصل لوفاة المريض
وبالعافية لقيت عيادة خاصة على سعر اقل
تكلف 50 الف استرلينى اجر العملية
لكن الاقامة والعلاج وفترة النقاهة محتاجة اكتر
وانا مش حاعرف اعيش من غير امى
ولو ماتت حاموت وراها
سعد....
الاعمار بيد اللـه يا سيدى
الا قولى
لو انت كنت مقتدر ومعاك فلوس
كنت حتوديها تعمل العملية فين
عمرو....
لو معايا فلوس
كنت حاوديها مركز تخصصى ف النوع ده من العمليات اللى كان فيها الدكتور مجدى يعقوب
قبل ما يكبر ف السن ويرجع مصر
والتكلفة حوالى 250 الف استرلينى
سعد....
اعتبر معاك الفلوس دى
عمرو....
احلام
سعد....
مش احلام ولا حاجة
انا حاتكفل بكل المصاريف دى
ولا اقولك نشرب الشاى وتيجى الفندق معايا
وهناك حاديك نص مليون مش 250 الف
عمرو....يقوم وهو بيخبط ف راسه
اقول لك ايه ...خلاص هى وصلت لاخرها
مش ناقصة تريقة
ويقوم يمسك سعد من هدومه وهو بيزعق..
يجى واحد ( عصام)....
ايه يا جماعة مش حينفع كدة
ده مكان اكل عيش
واحنا مش ف مصر
هنا تيجى الشرطة تقفل لنا المكان
عمرو....
يا عم
عصام...
اسمى عصام... رجل اعمال مصرى واعتبرنى صاحب المكان كمان
عمرو.....
انا راسى خوخت
الاخ ده بقاله ساعتين معايا
ودماغى اتملت تخاريف وبيخطرف
والسوس ابتدى ياكل فيها
عصام....
ايه يا دكتور
قدرت تتصرف ف باقى مصاريف العملية
انا ممكن اسلفك بس بفايدة
عمرو....
لا مفيش داعى
انا عرضت ف مصر العيادة للبيع
ولما ارجع مصر حابيعها وربنـا يسهل
سعد....
وليه تبيع عيادتك
انا قلت لك حاديك كل الفلوس اللى محتاجها
وبعدين تبقى تسدد براحتك
عمرو....
خد اهو عندك
يدينى كل اللى محتاجه
عصام....
وحضرتك تبقى مين ..ومنين تدى واحد متعرفوش
سعد....
ربنـا يمكن جمعنا عشان نسدد حوايج بعض
ويمكن بعتنى هنا عشان احل مشكلة الدكتور
عمرو....
ماشى يا سيدى
ايدك على 50 الف استرلينى
سعد....
انت مش قلت المركز التخصصى حيكلف 250
عمرو....
ايوة تمام ...هات 250 الف استرلينى
سعد.....
يلا بينا الفندق وهناك اديك الفلوس
اطلبو لنا تاكسى
شروق تقول ...
يا استاذ سعد ..ثوانى عشان الحساب
ويروح سعد ...
حساب ايه
شروق ....يصوت واطى
خلى بالك اللى اسمه عصام ده نصاب
نصب على معظم المصريين هنا
وواخد عليهم شيكات
وبيسلف فلوس بالربا
انا نبهت عليك ...اوعى تتعامل معاه
عصام....
يلا بينا يا استاذ سعد
انا معايا عربية ...يلا بينا
فين فندقك
سعد....يطلع المفتاح وعليه بطاقة الفندق
عصام....
ايد ده ...انت ف الفندق ده
ده 7 نجوم
سعد....
انا قلت للتاكسى افخم فندق ودانى هناك
ولما يوصلو
يلاحظو ان سعد دخل عادى ومش مرهوب
وياخدهم ع الكافتيريا ويطلب لهم عصير
سعد يوصل الاوضة
ياخد نص مليون استرلينى وينزل عندهم
سعد....
ادى يا سيدى خد اللى يكفيك وزيادة كمان
عمرو....
انت بتتكلم بجد ...معقول
انا كل الوقت ده باهين فيك وباتريق عليك
وانت كنت بتتكلم جد
سعد.....
يوضع سره ف اضعف خلقه
مش لازم الابهة والهيلمان يعنى
قولى يا معلم عصام
حتعرفو تبعتولى العشا هنا
عصام ....
لا ده صعب
ممنوع دخول اى اكل خارجى هنا
سعد....
طب ممكن تكتب لى العنوان بتاع الكافتيريا
عشان اديه للتاكسى
احتمال كبير اجى اتعشى عندكم
عصام....
والعشا على حساب المطعم يا سيدى
خصوصا النهردة حيكون معظم المصريين هناك
انت عارف يوم الخميس للمصريين يبقى ايه
معظمهم شباب منهم العازب
ومنهم اللى متجوز وسايب عياله ف مصر
وجاى يدور على لقمة العيش
بيجو يتعشو على قد حالهم
سعد....
لا دى متجيش
انا حاحاسب لكل المصريين والعرب اللى جايين
يتعشو الليلة ..بس متقولش عنى
وانا هناك كأنى زيهم
انت تقول اى حاجة بس متجبش سيرتى
عصام....
ربـنا يرزقك كمان وكمان
عمرو....يطلع تليفونه ويقوم يتكلم مع حد
عصام....
اكيد بيطمن امه واهله
سعد....
يا حج عصام
انا مستعد اساعد اى حد محتاج مساعدة
عصام....
مقلتلناش حضرتك شغال ايه
ومن فين ف مصر
سعد.....
كفاية تعرف ان اسمى سعد
من السعادة
ومعاكم لـــ 3 ايام وبس
اعتبرونى واحد مصرى اصيل
محدش يسأل انا مين ولا من فين ولا اى حاجة
واتفق مع عصام انه جاى ع العشا
المعلم عصام يرجع المطعم
وعمرو ياخد الفلوس ويجرى يجهز لعملية امه
سعد يطلع اوضته
يطلع العمّة ويلبسها ويكبسها
ويخرج م الفندق
ومفيش حد شايفه ولا حاسس بيه
يطلع برة الفندق ومعاه شنطتين
وبيحاول يفتكر طريق البنك من فين
وبعد ساعة عرف الطريق ووصل البنك
ولما دخل الخزنة الرئيسية جرس الانذار ضرب
بعد دقايق البنك كان مليان شرطة وامن
كان فيه جهاز كشف حرارى
وبعد كام محاولة من سعد
الامن اعتبره انذار كاذب
وقفلو جهاز الكشف الحرارى لحين الاصلاح
وبعد ما الخزنة اتقفلت
دخل سعد الخزنة وكبس ف الشنط 30 مليون
وهو خارج شغل انذار الحريق
وبعد ما خرج من البنك
وصلت عربيات المطافى من كل شارع
والمكان بقى كوردون مغلق
شرطة ومطافى واسعاف
رجع سعد الفندق وفضل يفكر ف كلمة
الكلمة اللى قالتها له شروق
بعد الساعة 8 كان عصام ف انتظاره
رن تليفون الاوضة
كان بيرطن انجليزى
وسعد بيتكلم انجليزى على قده
ومش فاهم بيقول ايه
لولا انه سمع صوت المعلم عصام
ونزل ومعاه الفلوس وحطهم ف شنطة العربية
وقبل المطعم بشوية نزل سعد م العربية
سعد...
انت اتفضل قدامى
وانا جاى كأنى زبون
سعد بس ينزل
وعصام يطير بالعربية
وميوقفش قصاد الكافتيريا ويهرب بالفلوس
................
الجزء الخامس
.......الجزء الخامس
.
بعد ما هرب عصام بالفلوس
لحظة وتاكسى يوقف قصاد سعد
عمرو كان وراهم بالتاكسى
ويركب معاه ويطلعو ورا عربية عصام
فضلو نص ساعة وراه
اخيرا دخل جراش
سعد لعمرو....
خليك هنا انتظرنى
سعد ينزل الجراش ويلبس العمة ويكبسها ويختفى
عصام بيطلع الشنطة وبيقول ...
دى تقيلة كدة ليه
اكيد مليانة فلوس
انت جيت لى ع الطبطاب يا سعد العبيط
ويطلع بيها ع الدور الاول ويضرب الجرس
الباب يفتح
عصام....
جبت لكم اكبر عملية نصب
واحد مصرى مليونير
كان حيوزعها ع البهايم المصريين والعرب
لطشتها منه والغشيم منتظرنى ع العشا
مدحت ( زعيمهم )....
افتح الشنطة وورينى استمتع بمنظرهم
ولما يفتحو الشنطة
كلها ورق جرايد مقطعة وفيها زبالة كمان وطوب
مدحت....
ايه ده يا حلمى ... زبالة
وبتقول عليه غشيم وعبيط
اهو نصب عليك ولبسك الطرطور
حلمى ( بيقول على نفسه عصام )....
يا بن اللعيبة ...بتلبسنى الخازوق
ده قدامى طلع لواحد مصرى نص مليون استرلينى
وكان ناوى يوزع فلوس ع المصريين اللى بيروحو
المطعم يتعشو
مدحت.....
انتو يا بهايم
هاتو الايصالات والشيكات بتاعة المصريين
عشان الحمار اللى اسمه حلمى
بص يا غبى
تروح المطعم وتهدد كل اللى هناك
الكل لازم يدفع مديونياته
وانا حابعت ايصالات الامانة مصر
وهناك نقدم فيهم
واللى ميدفعش من بكرة نرفع الشيك بتاعه
سمير....
اتفضل يا مدحت بيه
مدحت....
دى كل الايصالات والشيكات بتاعة المصريين
سمير....
ايوة دى كلها مع بعضها
مدحت...
وفين باقى الشيكات كلها
سمير....
دول بتوع العرب اهو كلهم مع بعض
مدحت....
هات الكل احطهم هنا ف الخزنة
مدحت يفتح الخزنة ويحط الورق
ويبص على حلمى
وف نفس اللحظة سعد يسحب الورق م الخزنة
ويرجع مدحت يقفل الخزنة
مدحت...
بص يا حلمى دلوقتى تروح الكافتيريا
تهددهم وتبين لهم العين الحمرة
لازم الكل يدفع اللى عليه
انت فاهم يا حمار
حلمى....
فاهم يا باشا... اؤامرك
بس حاستنى شوية
اكيد سعد منتظرنى هناك
مدحت...
انت يا حمار يا سعيد
ليه شنطة البودرة لسه هنا..
سعيد....
حضرتك قلت اعاين الاول
مدحت...
خلاص عاينت دخلهم جوة الاوضة مع اخواتها
بكرة نبقى نسلمهم للمشترى
دول بـ 5 مليون يا حمار ..يلا شيلهم
سعد يلف المكان كله
جماعة بتلعب قمار
وجماعة بتشرب خمرة
وكمان فيه كام بنت انجليز للمزاج
ينزل سعد للجراش
ويروح لعربية عصام اللى طلع اسمه حلمى
ويفضى الهوا من عجلتين منها
بعدها يقلع العمة ويخرج
يلاقى عمرو بيدور عليه
سعد....
ادينى رجعت
باقولك ايه ...
بلغ البوليس عن مخدرات ف الشقة دى بسرعة
عمرو....
انت بتقول ايه
سعد....
اطلع قدام شوية من اى تليفون عمومى وبلغ
عمرو ....
لما نشوف اخرتها
ويتصل بالشرطة ويبلغهم عن تعاملات غير مشروعة فى شقة وفيه هيرويين ومخدرات واداهم العنوان
وقفل السكة
ادينى بلغت يا سيدى
سعد....
ارجع لمكان قريب منهم نشوف ايه اللى حيحصل
ومتعديش ربع ساعة الا وعربيتين شرطة تروح العنوان
وبعد نص ساعة
يكون اكتر من 5 عربيات تانية وقفت هناك
واكتر من 8 رجالة مكلبشين بالحديد
ومعاهم 3 بنات بتوع المزاج
ويتعمل كوردون ع المكان
سعد....
وادى خلصنا المجتمع من فئة ضالة
عمرو..
انا اول ما لقيت الورقة ف الفلوس
وانا ورا عصام ف كل حتة
لحد ما جالك الفندق
(سعد لما كان بيجيب الفلوس لعمرو ف الفندق وكان معاهم اللى اسمه عصام..سعد كتب ف ورقة ان عصام بيقولو عليه نصاب واكيد حيحاول ينصب عليا او عليك فخد بالك من نفسك واوعى تآمن له )
عمرو...
فين الشنطة اللى اخدها
مش كان فيها فلوس برضو
سعد....
ده اللى اتخيله الاخ عصام
لكن انا مليتها زبالة وطوب
خليك ثوانى هنا وراجعلك
ويروح ناحية الشقة لعشر دقايق ويرجع
عمرو ....
رحت فين
سعد....
رحت جبت دول
الف استرلينى لظابط ودخل جابهم لى من الخزنة
( مجرد تمويه لعمرو )
عمرو....
ايه دول
سعد...
دى ايصالات وشيكات على مصريين وعرب
عصام كان بيسلف العرب والمصريين بالفايدة
يعنى ربا ..والمبالغ بقت اضعاف مضاعفة
ومحدش قادر يسدد
عمرو ...
طب حنعمل ايه بيهم
سعد...
ولا حاجة حنحرقهم
ونبلغ المصريين والعرب اللى حنلاقيهم ف المطعم
ان عصام وعصابته اتقبض عليهم
ومبقاش اى واحد مديون ويتابع حياته عادى
عمرو....
وليه مندهمش الشيكات والايصالات بتاعتهم
سعد....
خليك ذكى
حنفتح على نفسنا طريق مش عارفين له اخر
ماهو جايز العصابة دى كان منهم ناس برة الشقة وقت القبض عليهم
مش جايز يدورو ورايا او ينتقمو من الناس المديونة
او يبتزوهم
احنا نقول شفنا عصام اتقبض عليه
وانهم طلعو عصابة وبتوع مخدرات وبس
وبعد ما يوصلو المطعم
سعد ينادى على شروق ويقول لها ....
احنا وجايين شفنا اللى اسمه عصام
هو وعصابته اتقبض عليهم
طلعو عصابة وتجار مخدرات
تبقى تبلغى الناس المديونة خلاص ميشيلوش هم
شروق....
انا مش قلت لك نصاب
سعد...
انا والدكتور عمرو شفناهم بالصدفه
حصل خير ..
شروق...
ربنـا ياخده.. اللـهى ما يرجع
وتاخد بعضها وتشوف شغلها
وكل ما توقف مع مصرى تقول له عن اللى حصل
سعد وعمرو....
سعد....
الا قولى حضرتك دكتور ف ايه
عمرو....
انا خريج قسم جراحة بس لسه كتير على كدة
سعد....
فهمنى اكتر
عمرو....
لسه محتاج دراسات وماجستير
ولو امى عملت العملية هنا
وفاضت فلوس م اللى حضرتك سلفتهالى
ممكن اخد منحة خاصة واخد ماجستير من هنا
سعد....
طب لو خلصت ده كله
ممكن تيجى الصعيد تشتغل هناك
عمرو...
مش عارف ...لكن انا ابويا من اسنا
وهناك عمامى وعيلتى
رحت مرتين ف حياتى
امى من مصر
وابويا جه مصر يشتغل
ولما اتجوزو عاشو ف القاهرة
سعد...
اسنا قريبة منى
اقل من نص ساعة
انا من ارمنت
عمرو....
ايوة اسمع عنها
بس مقولتش ايه اللى جابك لندن
سعد....
انا اعرف اصدقاء من العائلات الحاكمة ف دول الخليج العربى كتير منهم
وكنت عايز اعمل مستشفى تخصصى للفقراء
والغلابة من بلادنا ف كل التخصصات
والحمد للـه قدرت اجمع منهم تبرعات كبيرة
وكنا انا واصحابى اللى ف مصر
عملنا اتنين مستشفى وشغالين تشطيب
وقبل ما يكمل تليفونه يرن
سعد ....
لحظة ارد
ايوة حضرتك
دكتور منصور ...
احنا ف مدريد ترانزيت
وحنكمل الرحلة خلال ساعة
يعنى ممكن ساعتين تلاتة نكون ف لندن
سعد....
وانا حاكون ف انتظاركم هناك
خلصت لكم حجز الفندق
دكتور منصور ....
تمام كدة حاتصل لما نوصل
سعد لعمرو ....
وصلنا ف الكلام عن تشطيب المستشفيات
عملنا لجنة من مجموعة دكاترة
واتفقنا نشترى الاجهزة على احدث تقنية
من شركة متخصصة هنا ف لندن
جايين 3 اطباء ومعاهم كل ملفات الاجهزة
وانا جيت عشان ادفع الفلوس
وقلت اتفسح لى يوم
وشاءت الظروف انى اقابلك
عمرو....
ياااه انا اسمع ان الصعيدى راجل جدع
لكن يوصل بيه الحال انه يدفع ملايين
ويعمل مستشفيات عشان الغلابة
صدقنى لو خلصت تخصصى
اوعدك انى اجى واشتغل معاكم
سعد....
لو كانت دراستك محتاجة مصاريف
من بكرة ادينى رقم حسابك
وانا احول لك مليون استرلينى
واعتبرهم مقدم تعاقد معاك
وبعد ما تخلص تيجى تمسك الشغل
عمرو...
طب حيكون ازاى التعامل مع الغلابة
مهما كان التخفيض برضو غالى عليهم
سعد.....
لا احنا قررنا نعمل كارنيهات بالتعاون مع مكاتب الشؤون الاجتماعية
والفقير مجانى
ومتوسط الدخل ربع التكلفة
والمقتدر معاه فلوسه يدفع
يعنى كارنية مثلا احمر للغلابة
وازرق لمتوسط الدخل
عمرو....
معقول تفكر ف الناس اكتر من نفسك
ده لو فكرت ترشح نفسك ف مجلس الشعب
اكيد الناس مش حتبخل عليك وينجحوك
سعد....
عمرى ما فكرت اترشح
بس انا اللى باختار ف الدايرة بتاعتى
يعنى باختار مين اللى ينجح
ونويت ان واحد من شركائى يترشح الدورة دى
عمرو....
اشمعنى صاحبك وانت لا
سعد...
اولا المجلس عايز حضور جلسات
وانا مليش تقل استحمل ده
ثانيا... احنا ملناش غرض من الكرسى الا حاجة واحدة
عمرو....
اللى هى ايه
سعد....
حنعمل مكتب ف كل قرية ونقبل جميع الطلبات
الشكاوى واللى محتاج مساعدة
وكمان حنطلب من الناس اللى محتاج اعانة
او محتاج علاج او اى مساعدة
يعنى اللى يهمنا من الكرسى شكاوى الغلابة
عمرو...
ربــنا يكمل مشروعكم على خير
سعد...
نلحق نتعشى قبل ما اروح المطار
عمرو ....
مطار
سعد....
الدكتور منصور واتنين معاه جايين عشان الاجهزة
عمرو...
خلاص انا حاروح معاك
سعد يبص حواليه يلاقى المطعم على اخره
يشاور لشروق تيجى
سعد...
ايه الزحمة دى
شروق...
انا قلت لكام واحد ع اللى حصل لعصام
اتصلو ببعض وكل اللى عليه ديون جاى يتاكد
سعد....
طب كلميهم يقعدو انا عازمهم ع العشا
شروق...
بس ده كتير يا استاذ سعد
سعد....
انا لو حبيت اشترى المطعم واشغله للمصريين ببلاش حاعملها
يلا كلميهم يقعدو وخدى دول تحت الحساب
بعد شوية رايح مشوار انا والدكتور عمرو
ولما ارجع بكرة نتحاسب
بس متبخليش على اى حد بحاجة
شروق ...
دول 100 الف ..ممكن ياكلو لشهر كمان
سعد...
اللى عايز ياخد اكل معاه كمان
يلا يا ست رزق وجالهم وجالك لحد عندك
ومتنسيش لو حد عليه ديون للمطعم من العرب والمصريين بكرة حاسدد كل الديون دى
وكمان حاقدم مساعدات
واللى عايز يرجع مصر ومش قادر
المهم بكرة بعد صـلاة الجمعة عايز اشوف مشاكلهم
سعد لعمرو...
انت مقيم فين دلوقتى
عمرو....
انا قاعد ف فندق صغير ع القد
سعد...
لا يلا هات حاجتك وتيجى تقعد معانا ف الفندق
عمرو...
بس د..
سعد ...
مفيش بس ..
انا عايزك تكون معانا لما نروح بكرة
ونتفق على المعدات الطبية
وتبقى تترجم لى وتفهمنى ادق التفاصيل
يلا عشان نلحق المطار
وفعلا يطلعو على فندق عمرو وينهى حسابه
بعدها يرجعو الفندق ويحجز له غرفة جنب منه
ويطلبو من الفندق توفير سيارة كبيرة
وبعدها يطلعو بالعربية ويستقبلو الدكاترة
ويرجعو الفندق
وكل واحد فى اوضته بيستعد للنوم
يتصل سعد بسميحة شوية
وعشان فرق التوقيت يخلص معاها بدرى
ويقوم يجهز حاله عشان يروح يكمل ع البنوك
يرن تليفونه ويلاقيه المعلم هارون
سعد يكنسل ويتصل هو
سعد....
ايوة يا معلم هارون
هارون....
معايا حاجة معتبرة
مقبرة لسه مطلعش منها حاجة
حنطلع كام حتة كبيرة
سعد....
انا ف اوروبا
يوم الاتنين حاكون ف البلد
نتقابل ونتكلم براحتنا
ولو عايز تتصرف من نفسك مش مشكلة
هارون....
برضو بعد اللى شفته من صدق وثقة ف تعاملكم اروح ادور ع التعب من تانى
وجايز يتنصب علينا
حاستنى طبعا يوم الاتنين
سعد...
وانا حاتصل بيك يوم الاتنين
تصبح على خير
يسحب الشريحة ويركب خطه الاصلى
هارون كان مع جماعته
هارون....
الباشا ف اوروبا حيرجع يوم الاتنين
والشيء المؤكد لو اخد الحاجة مننا
مش حيبيعها الا يوم الخميس
يعنى كله على بعضه اسبوع
لا ندور على خبير
ولا نتعب نفسنا مع اى نصابين
هو بياخد الحاجة
واول ما يبيع بيتصل ونروح ناخد الفلوس
شخص...
مش جايز هو بيبيع باكتر م اللى بنطلبه
هارون...
ملناش فيه ان شاء الـله يبيعها قد تمنها مرتين
احنا بنقول دول تمنهم كذا
وهو بياخدهم من غير فصال
واللى قلنا عليه بيديهولنا
شخص 2...
طب منطلب منه قد التمن مرة ونص
هارون...
مينفعش
الظاهر انه خبير بنفسه
مسكته للحتة بيجيب قرارها
ايده ميزان ونظرته يكتشف المضروب
شخص 1...
طب ما نحط له حاجة مضروبة معاهم
هارون...
اهو اللى فالح فيه
اى حد جاى يشترى بيتفرج الاول
ومعاهم اكتر من خبير
لو طلع منهم حاجة مضروبة سمعتنا تبوظ
وسمعة الباشا
وبعدها احنا مش حنعرف نصرف حاجتنا
خليك ناصح
خلينا ف السليم
سعد يلبس العمة ويطلع بشنطتين فاضيين
يوصل بنك جديد
يملاهم استرلينى ويرجع الفندق
يعد الفلوس يلاقيهم 30 مليون
وبعد كام محاولة مع اكتر من بنك
وصلت الفلوس لــ 110 مليون استرلينى
طلع برة البنك قدام الرسيبشن
راح اشترى 4 شنط كمان فاضيين
ودخل الفندق وهو لابس العمة
ورص الفلوس على 8 شنط
ولبس العمة وطلع بشنطتين مليانة فلوس
وعند حتة مدارية يحطهم فى صندوق زبالة
ويرجع الفندق بسرعة
ويطلع بشنطتين كمان
ويجرى لصندوق الزبالة يلاقى الشنط موجودة
ويطلب تاكسى يوصل له الفندق
واول ما يوصل يطلب عمالة تطلع معاه الشنط
وبعد ما يرتاح يترمى ع السرير م التعب
بقاله يومين وهو مش عارف ينام
يصحى على صوت تليفونه بيرن
بالعافية يقوم يلاقى الدكتور منصور
سعد....
ربع ساعة اكون جاهز
ويتصل بعمرو يجي له الاوضة
وبعد ما يجى
سعد...
اطلب من ادارة الفندق عربيتين كبار
بعدها يقول له
حتروح معاهم الشركة بتاعة المعدات الطبية
وتفهم كل كبيرة وصغيرة هناك
وتعرف حيتفقو على ايه
احنا اتكلمنا ف مصر عن المطلوب
طبعا انا معرفش.... هما دكاترة
جايز فيه معدات متوفرة ف مصر انت ادرى
ليه نشتريها من هنا
المهم انا مش حاعرف اروح النهردة معاهم
او ممكن اكون هناك بعد ساعة
عمرو...
لا حضرتك المفروض تكون معانا
وانا هناك حافهمك كل حاجة
سعد...
طب خلاص انا رايح البنك لساعة وارجع نروح مع بعض ونبقى نخلص براحتنا
عمرو...
بكرة وبعده اجازة مش حتعرف
يعنى لو عايز تخلص يبقى تخلص النهردة
سعد...
خلاص روح انت وانا حاخرج وراجع بعد ساعة
ويتصل بالرسيبشن يطلب 4 عمال
ولما يجيو كل عامل يشيل شنطتين لحد العربية
ويطلع على نفس البنك اللى اتعامل معاه
ويحط فيه 100 مليون استرلينى
عشان المجموع يبقى 180 مليون على بعضه
وينبه عليهم انه حيرجع قبل نهاية العمل
وحيعمل تحويل لحساب تانى
ويحط 10 مليون ف حساب لوحده
ويرجع الفندق ويطلع مع الدكاترة ومعاهم عمرو
ويوصلو الشركة
والدكاترة ومعاهم عمرو بيتفرجو على مجلات
فيها كل شيء
وهما بيتناقشو
سعد يتصل بشروق
سعد...
صباح الخير يا شروق انا سعد
شروق...
اهلا بالباشا ..جاى حضرتك اجهز لك اكل معين
سعد...
انا على لحم بطنى من عشا امبارح
انا ف شركة كذا ف الحتة الفلانية
ينفع تبعتولى افطار حاموت م الجوع
شروق...
يا خبر يا باشا نص ساعة يكون عندك احسن فطار
سعد...
ابقى ادى اللى معاه الاوردر رقمى يتصل
لسه معانا شغل
وممكن اتاخر لبعد العصر
يعنى تخلى الناس تنتظر
بسرعة والنبى ...سلام
شروق...
حاضر يا باشا ...مع السلامة
............
...........
الجزء السادس
.
............ الجزء السادس
..
بعد ما يفطر سعد ويتجدد نشاطه
يجى عمرو ومعاه الدكاترة
الدكتور منصور...
اتفقنا على كل المعدات المطلوبة
واتفقنا ع السعر ومصاريف الشحن
ومش ناقص الا توقيع العقود
سعد...
والمطلوب كله كام
عمرو....
بعد اختيار احدث التقنيات
مع الغاء بعض المعدات اللى موجود منها ف مصر
منصور...
الدكتور عمرو اصر انه يلغيها ويشترى من مصر
سعد...
طب فيه فرق ما بينهم
عمرو....
مفيش فرق الا السعر هنا اغلى
وعملنا ملف خاص بيهم
سعد....
ومين حيستلم الحاجة
عمرو....
فيه طريقتين للشحن
الاولى عن طريق باخرة شحن
والتانية عن طريق الطيران
سعد...
خلاص خلينا طيران ونستلم ف الاقصر
ونبقى نعمل بيهم تخليص جمركى ف المطار
جميع العقود بتقول مستشفى خيرى
يعنى مش حيحصل مشاكل
الشركة تعمل اجتماع لتوقيع العقود
المبلغ المطلوب كان 49 مليون استرلينى و566 الف
ينتهى الموضوع ويتم التوقيع
ويروح مندوب من الشركة لاستلام المبلغ ف البنك
ويتم تحويله لحساب الشركة
وبعد تأكيد التحويل يرجع الشركة
وينتهى كل شيء
وكل المعدات حيتم شحنها بالطيران
وحتوصل خلال 15 يوم
وحيتم الاتصال قبل الشحن بيومين
لتبليغ ميعاد الطيارة
الدكاترة ترجع الفندق
وسعد مع عمرو يروحو المطعم
يلاقوه مليان عن اخره
وناس كتير واقفة على رجليها
سعد لشروق...
ايه الموضوع
شروق...
راجعين من صـلاة الجمعة ومعظمهم ما راحش شغله
منتظرين حضرتك ..
كل المصريين هنا عايزين يتعرفو عليك
سعد....
مش مشكلة
الاول هاتي لنا نتغدى
بعدها اتكلم معاهم
...................
بعد العصر
سميحة ومعاها عبير ف البلد
وتروح الاول الكتّاب ( سعد وصاها بكدة عشان هو وعد الاطفـال كل جمعة يقابلهم )
فضلت هى وعبير يراجعو مع الاطفـال الحفظ
والشيخ كان بيساعدهم
ووزعو ع ******* فلوس زى ما قال لها سعد
بعدها راحت المحل تقعد تشوف الشغل ايه
.............
سعد اتكلم مع معظم الموجودين ف الكافتيريا
وحل المشاكل المادية كلها
واللى محتاج يرجع اداله مبلغ كويس
عشان يرجع وكأنه رجع برزقه
لحد المغرب وكان اتكلم مع الكل
سعد لعمرو...
انا راسى اتنفخت
انا عايز احجز الليلة وارجع مصر
عمرو....
انا حارجع كمان مصر اجهز امى للسفر
سعد....
عملت ايه ف موضوع العملية
عمرو...
قدمت التحاليل للمركز اياه
وطلبو منى الانتظار وحيتصلو بيا
عشان اجيب امى شخصيا لعمل تحاليل تانية
يعنى مفيش داعى لقعدتى هنا
واديتهم طبعا رقمى المصرى
والفلوس حطيتهم ف حساب هنا
سعد....
لو احتجت اى تكاليف اتصل بيا
وده رقمى الشخصى
شغال علطول الا الاتنين والخميس
باقفله ارتاح من كله
عمرو ....
انا حابقى اجى ازوركم
سعد...
تشرفنا يا سيدى
اتعشى وعايز انام لبكرة
انا حاسافر بكرة
عمرو ....
خلاص وانا كمان
تانى يوم الصبح
سعد مع الدكاترة وعمرو
الدكتور منصور ...
فيه مؤتمر بكرة حاستنى احضره
ونعمل جولة سياحية
ويوم التلات نسافر
سعد يطلع لهم بوكت مانى
ويقولهم نتقابل يوم التلات
انا وعمرو مسافرين
انا مش مستحمل الجو هنا
وبعدها يتصل بشروق.....
ده رقمى متدهوش لحد
لكن اذا كان فيه مشكلة كبيرة مع اى حد
انتى ترنى وانا اتصل
شروق....
خلاص يا باشا
انا حارن عليك من رقمى عشان تسيفه
وبعد العصر يوصلو القاهرة
عمرو اصر انه يعزمه ع العشا
سعد...
انا حابات الليلة ف الفندق
عايز اشبع نوم قبل ما ارجع لدوشة العيال
عمرو...
ايه ده انت متجوز ومعاك عيال
انا باحسبك لسه
شكلك صغير
سعد....
عندى 3 عيال
حاشوف لو قدرت اجى ع العشا
عمرو....
يا سيدى انا جنبك هنا ف طلعت حرب
يعنى تمشى رجليك
مش حاتنازل عن العشا
حارن عليك الساعة 8 سلام
وقبل ما يدخل الفندق
سعد يطلع العمّة ويقول لنفسه
اما اشوف صاحبنا نظامه ايه
يمكن موضوع امه فنكوش
وفعلا عمرو بيتمشى ويدخل ناحية جروبى
وعند ميدان طلعت حرب يدخل شمال
ويدخل عمارة ويطلع تانى دور ويضرب الجرس
واول ما يفتح الباب
واحدة تفتح الباب وتحضنه بتكون اخته( 18 ولا 19)
بعدها يدخل لاوضة فيها واحدة ست على سرير
وبعد السلام والترحاب
يحكى لامه انه قابل واحد صعيدى
اخته ...
صعيدى قفل تقصد
عمرو....
اتلمى يا جزمة
لو كل الصعايدة قالو عليهم المواويل
اللى قابلته يغطى على كل كلام
اعتبروه انسان طيب لاقصى الحدود
بيحب عمل الخير حتى للى ميعرفوش
حل كل مشاكلى المادية من غير مقابل
دفع تكاليف العلاج والعملية
لا وايه ضمنت اكمل دراستى ف لندن
ام عمرو....
فينه يا بنى اخده ف حضنى
معقول ربنـا بعت لك ملاك من عنده
عمرو....
ربنـا بعته على هيئة انسان
مينفعش نقول ملاك
لكن ممكن نقول صفات ملاك
انا عزمته ع العشا الليلة
بس قال مش عارف حاعرف اجى او لا
اخته...
اسمه ايه وقد ايه سنه
عمرو.....
بيقول 32 واسمه سعد
اخته...
متعرفش خاطب ولا ايه
عمرو...
معاه 3 عيال ...متعشميش نفسك
امه...
**** يكرمكم انتو الاتنين بعرسان يا حبايبى
افرح معاكم واشيل عيالكم قبل ما اموت
عمرو....
ربـنا يديك طولة العمر
يلا يا بت قومى عشان تجهزى الاكل
اخته....
انا مش عارفة اطبخ ايه
امها ....
الصعايدة بيحبو اللحم والرز والسلطة
اعملى اللى تقدرى عليه يا سميرة يا بنتى
سميرة ....
حاضر يا ماما
بعدها سعد ياخد بعضه ويخرج
وف الطريق يدخل لعمارة يقلع العمّة
ويخرج يشاور لتاكسى
ويطلع الفندق ويروح ف نوم عميق
يصحى على تليفون
يقوم وهو بيتمطع يلاقيها الساعة 8
سعد....
نص ساعة اكلمك
عايز افوق شوية سلام
عمرو....لامه
ملحقتش اقول كلمة
بيقول كنت نايم لما افوق اكلمك
سميرة ....
يبقى مش جاى يا جميل
عمرو....
ان شاء الـله يجى
سعد يقوم يستحمى وكان عايز يطلب شاى ولا قهوة
لكن جعان
يغير هدومه ويلبس حاجة شيك
ويطلع يتمشى ويروح يدخل عند محل صاغة
يشترى سلسلة فيها حرف اس
وخاتم لست كبيرة بفص
ويرجع يتمشى ويروح يشترى علبة شيكولاتة كبيرة
وقبل ما يوصل البيت
يتصل بعمرو...
ايوة يا عمرو
انا ف ميدان طلعت حرب
فين العنوان
وبعد ما ياخد العنوان
يطلع ويرن الجرس
سميرة ....
ايه معقول يكون هو
ده مكملش ثوانى معاك ع التليفون
عمرو....
لا مش هو.... قومى افتحى
وتجرى تفتح....
سميرة ....
ايوة مين حضرتك
سعد....
انا القفل
اقصد الصعيدى القفل
سميرة ....
مش فاهمة
سعد....
انت فاهمة الصعيدى قفل
انا سعد وجاى لعمرو
سميرة....
يا عمرو الاستاذ سعد ع الباب
يجرى عمرو ...
يا خبر ... معقول يا غبية توقفيه ع الباب
اتفضل يا استاذ سعد
ويدخل سعد ويحط علبة الشيكولاتة
ويسلم ع الحجة ويبوس ايديها
ويطلع الخاتم
سعد...
اقبلى الهدية البسيطة دى منى
صراحة ف موضوع الهدايا انا معرفش
ده اللى قلت يناسب حضرتك
الست ام عمرو تاخد الخاتم وتسحبه لحضنها
سعد....
فكرتينى بالغالية الـله يرحمها
وبعد ما يقوم
يطلع السلسلة ويقول...
ودى للانسة بحرف اسمها
سميرة....
وانت حتعرف منين اسمى
محدش هنا قال عنه
سعد....
مش قلت لك ع الباب الصعايدة مش اقفال
اسمك سميرة وده حرف اس
سميرة ....
تلاقى عمرو قال اسمى
عمرو....
صدقينى ولا يعرف اصلا ان عندى اخت
ولا حكيت له عن كدة
مش باقول لك يا ماما راجل بركة وكله خير
وبعد كلام وكلام
يتعشى سعد معاهم
وبعد ما يقوم
سعد....
منتظرك قبل ما تسافر تتفرج ع المستشفى
اكيد ف يوم تفكر تيجى تشتغل هناك
سميرة....
هو حضرتك دكتور معاك مستشفى
عمرو...
لا يا سميرة
هو عمل مستشفيين للغلابة والعلاج والكشف مجانى
ام عمرو....
ربنـا يزيد من امثالك
سميرة...
رغم انى مش عارفة ولا مستوعبة
ازاى عرفت انى قلت صعيدى قفل
انا باعتذر لحضرتك يا استاذ سعد
وسعد يسلم ويخرج
..............
.
عمرو ...
فهمينى ايه اللى قلتيه
سميرة...
معرفش ازاى
اول ما فتحت الباب وباقول مين
لقيته بيقول لى انا الصعيدى القفل اللى قلتى عليه
وقال الصعايدة مش اقفال
طب منين عرف انى قلت كدة
ومنين عرف ان اخت عمرو
ومنين عرف اسمى
انا حاتجنن
ام عمرو...
عشان تبطلى تتكلمى بقلة ادب عن الناس البركة
انت يا عمرو لازم تروح تزوره ف الصعيد
وتشوف المستشفى يمكن يعجبك الحال هناك
وانت صعيدى با اخى
عمرو...
ايوة عارف
بيقول بينى وبين اهلك نص ساعة
هو من ارمنت جنب اسنا
حازوره قبل السفر وقبل الجو ما يزيد حرارة
سعد يرجع الفندق ويطلب يحجزو له تذكرة للاقصر
ف اول طيارة ومنتظر الرد
بعد ساعة اتصلو بيه يبلغو موعد الطيارة على 7 ص
تانى يوم الساعة 10 يكون ف البيت
وهو ف حضن سميحة
سعد....
معرفتش اخد نفسى يا حبيبتى هناك
ولا كان عندى وقت اروح لمكان غير اللى رايح له
معرفتش اشترى من هناك حاجة
لكن جبت لك سلسلة بحرف اسمك من مصر
بس الصراحة محبش اكدب عليك
الاول جبت نفس السلسلة
ورحت زرت واحد دكتور قابلته ف لندن
وساعدنى هناك كتير
امه حتعمل عملية برة مصر
واخدت لها خاتم بفص
وهناك لقيت بنت تبقى اخت عمرو صغيرة يجى 16 ولا 17 ولما عرفت ان اسمها سميرة
اديتها السلسلة ورجعت لنفس المحل جبت غيرها
لكن حاديك فلوس تشترى اى حاجة تخطر ف بالك
سميحة...
يا حبيبى انت عندى بالدنيا..
كفاية رجعتك بالسلامة
وبعدها الحضن يتحول لقلع هدوم
وهات وخد وركب الفرسة
وهى ركبت الحصان
بعد وقت هى استمتعت وسعد انبسط اخر حاجة
حضنو بعض
وسعد راح ف النوم وهو ف حضنها
هى سحبت الملاية عليهم عشان العيال
وسعد كان رابط ايديه على رقبتها
وبعد ساعتين فاق سعد من نومته
ولما لقى نفسه عريان بين احضانها
عمل معاها دور تانى
رجليها على كتفه زى ودان الجحش
بعدها هى اتفرمت ومقدرتش تقوم
وهو اتعكز وقام استحمى
ورجع شالها عريانة للحمام وفوقها وحممها ونشفها
ورجعها تنام ع السرير من تانى
ودخل المطبخ يجهز اكل
بعد ساعة قامت سميحة
وراحت حضنته حضن يقوم الشمروخ
سميحة...
بحبك يا حبيبى
وكل يوم والتانى حبى لك بيزيد
سعد...
لا كدة يبقى فيه دور تالت
سميحة ....
لا انا اتفرمت وجبت اخرى
كفاية عليك حبيبى تتعب
سعد يبوسها
وهى تسحبه لبره
سميحة...
خلاص انا حاكمل الاكل
سعد ينزل ويقابل اصحابه ف البدروم
وسميحة تخلص الاكل
و تاخد الواد الصغير وتروح ف النوم
الواد والبنت يلعبو بالراحة ف البيت
سعد بعد السلام والاحضان مع اصحابه
مجدى....
ايه يا بطل... المغامرة تمت على خير
سعد ....
تمت يا سيدى وما اظنش اى بنك حيكتشف السرقة
الفلوس مرصوصة ولا كانها طوب احمر
من كل صنف ولون اكوام اكوام
مجدى....
بصيت ع الفلوس ان كانت متسلسلة
سعد ...
فرزت رزم كتير
مفيش اى تسلسل
حتى ورق الرزم كان ابيض من غير ختم
انا نقيت نقاوة
والبنك اللى وردت فيه الفلوس
ما اخدتش منه حاجة
وكدة عملنا اللى علينا
ورجعنا شوية م اللى سرقوه من خيرات مصر
مجدى....
سحبت قد ايه
سعد....
اكتر من 100 وشوية
وتمن المعدات كان حوالى 50 مليون
وحتيجى خلال اسبوعين
مجدى...
اشطة يا معلم
سعد....
عايزين حد ثقة يمسك حساب المستشفيات
مجدى...
مش محتاجة متخصص ولا يحزنون
طالما كل حاجة بالورق والفواتير يبقى سهلة
سعد يتصل بهارون من الرقم اياه
هارون....
اهلا بالباشا
سعد....
لو تقدر هات الحاجة
حاجيلك عند المزلقان اياه
هارون ....
ماشى قبل ساعة حاكون هناك
سعد يتكلم شوية مع اصحابه
ولما قرب وصول هارون
سعد لمجدى....
تعالى وصلنى عايز اشوف بيقولو ايه
بعدها انت تطلع الجبل فوق
واول ما ارن عليك تنزل وتوقف وراهم
وانا حاتصرف وانزل من عربيتك
مجدى يوصل سعد عند المزلقان
وسعد يلبس العمة وينزل من العربية
ومجدى يطلع عند المقابر
وقبل ما تعدى 5 دقايق
يوصل هارون ومعاه 2 كمان
سعد يروح يوقف معاهم وطبعا محدش شايفه
شحص ...
حتقول تمنهم كام يا معلم هارون
هارون ...
حاطلب زى اللى قبلهم 40 اخضر
شخص غيره...
ما تقول له 50 ونشوف رده حيكون ايه
شخص ...
ايوة احنا نجرب ونقول 50
هارون ....
يا جماعة متحرجونيش مع الراجل
الراجل مش مقصر معانا
دول وزن الواحد 5 كيلو و125 جرام
وتمنهم نفس تمن الحاجة اللى اتنصب علينا فيها
وهو بنفسه رجعهالنا
ولو مرجعهاش كان زماننا بنروح سوق الكيمان
واحنا بندور على شغل
شخص...
انت قول 50 وجرب مش حنخسر
هارون....
خايف يكشفنى ويفقد الثقة اللى بينا
ولسه حيتصل بسعد ويلاقيه مشغول
لكن سعد يتصل بمجدى ينزل
وف اقل من دقيقة عربية مجدى تنزل بعدهم بكام متر
والباب التانى يتفتح و يدخل سعد
ويقلع العمّة وينزل م العربية
سعد...
اهلا بالمعلمين
وبعد السلام والترحيب
فين الحاجة
هارون ....
اهى يا باشا دول اول مرة يطلعو برة البيت
سعد....
وكام تمنهم على كدة
هارون يتلجلج لحظة...
تمنهم 50 اخضر
سعد يمسك واحد ف ايده ويقول
دول وزن الواحد 5 كيلو وتمن يعنى 125 جرام
وتمنهم زى اللى قبلهم
الاتنين الاولين كانو 5 كيلو بالظبط
والتانيين كانو على 7 ونص
اما دول 5 وتمن
تمن الاتنين مع بعض
38 اخضر
خد حاجتك وبلاش تسمع كلام حد
وان حبيت تجيب لى حاجة
تبقى تيجى لوحدك
يديه الحاجة ويروح يركب العربية
هارون....
موافق يا باشا ..38 اخضر
كلك فلوس
سعد ...
انا قلت اللى فيها
لكن طالما رجعت لك الحاجة وانت اخدتها منى
يبقى متلزمنيش ...شوف حد غيرى سلام
ويركب العربية ويلبس العمة وينزل ومجدى يجرى
هارون مع جماعته
هارون...
مش قلت لكم بلاش كدة
اهو قفل دماغه ومش حاعرف اقنعه
شخص...
ليه مفيش غيره
من بكرة اجيب لها 7 يشترو
شخص تانى...
ايوة نجيب احسن منه كمان
وصدقنى حنبيع على 50
هارون...
يا جماعة دى حاجة ناس
واحنا لينا نسبتنا
ولو لفينا بيها ريحتها حتفيح
وممكن حد يحاول ينصب علينا
شخص....
متخفش محدش يعرف يضحك علينا
بعدها هارون يحاول يتصل بسعد
لكن التليفون يرن ومفيش رد
سعد يتصل بمغاورى
ويبلغه فيه مقبرة مضروبة
اللى بيحاولو يصرفوها من اسنا
بلغ اللى تعرفه
الحاجة مضروبة بدقة وممكن تعدى على خبراء
مغاورى...
وهو فيه حد يستجرى ياخد حاجة من غير اذنك
وخلال ساعة معظم التجار وصلهم الموضوع
سعد يوصل البيت ويغير هدومه
يعدها يطلع بعربيته لاسنا ويركنها هناك
ويروح عند هارون البيت ويلبس العمّة
ويلاقى اكتر من 10 افراد
سماسرة ووسطا والكل بيتكلم مع كله
ومعظمهم زعلان م اللى حصل
سمسار يتصل بوسيط من قنا
الوسيط...
الحاجة طالعة من فين
السمسار ...
من اسنا
الوسيط....
ابعد نفسك عنها البضاعة مضروبة
واعتبر انها مش حتتباع
وتفضل السماسرة تتصل بوسطاء
ونفس الامر شغال
البضاعة مضروبة
والكل بيضرب اخماس ف اسداس
هارون....
يا عم خدو حاجتكم ....انا صدقت انها مضروبة
وعشان كدة الباشا بتاعنا مرديش ياخدهم من تانى
ويتفض المولد
واصحاب الحاجة تاخد حاجتها ويركبو عربيتهم
سعد يطلع وراهم لحد ما يدخلو من كوبرى الستين
وسعد من وراهم من بعيد
وبعد ما ركنو عربيتهم
سعد وقف ولبس العمة واخدها جرى واتشعلق معاهم
اصلهم شافو عربية وراهم
لكن لما اتاكدو انها مش وراهم
راحو لمقبرتهم وحطو الحاجة مكانها
سعد دخل وراهم وبيتفرج على كل حاجة
يعرف العدد والانواع ويصور فيديو لكل حاجة
.......
.
.......الجزء السابع
.
بعد ما يصور اللى ف الحفرة
يخرج وراهم
يلاقى واحد بيجرى ..
الحق يا عم مهران بقرتك بتولد
مهران يجرى للحوش اللى فيه البقرة
ويجى وراه اخوه الامير
سعد يقول يعنى دول اخوات
ويستنى معاهم يتفرج
البقرة تولد بخير
وواحدة ست الظاهر مرات مهران بتحلب لبن السرسوب وتيجى مرات الامير تبارك
سعد يصور كل الوشوش
مهران ...
كفاية كدة سرسوب وخلى الباقى للعجلة
مرات مهران....
ما هو ضرعها مليان والخير كتير
مهران ...
طب بسرعة اعملى السرسوب نفسى رايحة عليه
سعد ميلاقيش حاجة جديدة
يروح لتليفون مهران ويعرف نمرته ويسجله عنده
بعدها سعد يرجع مشى مسافة كيلو لعربيته
ويتصل بمهران...
سعد....
مبروك العجلة يا معلم مهران
مهران....
مين اللى معايا
سعد...
الباشا سعد
عايزك انت واخوك الامير عند هارون
ومش عايز يكون معاكم لا وسيط ولا سمسار
لو عايز حاجتك تتباع
تتصل بهارون وتبلغه يكون لوحده
ومتنساش تجيب لى حتة سرسوب
ويقفل السكة
مهران يتصل علطول بهارون....
هو مين الباشا سعد
هارون...
ده اللى كان بياخد الحاجة ويبيعهالنا
ايه اللى حصل
مهران...
البقرة بتاعتى لسه والدة
وما ظنش حد يعرف
احنا ساكنين انا واخويا معزولين
ولقيته بيتصل عارف اسمى واسم اخويا
وكمان البقرة ولدت
الراجل ده يبقى مين يا عم كدة انا خفت
هارون...
وطب ليه اتصل بيك
مهران....
بيقول تاخد اخوك الامير وتروح للمعلم هارون
وتنتظرنى هناك
وبيقول مش عايز يشوف وسطا ولا سماسرة
مش عارف ليه
هارون....
يمكن حياخد الحاجة يصرفهالنا
انا فعلا اللى غلطت
واخدت معايا اتنين وسيط وسمسار
وزنو على دماغى وغيرت السعر
لكن هو رجع لى الحاجة وقال محبش حد يخدعنى
المهم تعالى انا ف البيت لوحدى
مهران...
مستنى يخلص السرسوب
اصله عايز سرسوب
بعد ما مهران واخوه يعدو رايحين لهارون
سعد يركب عربيته ويطلع لبيت هارون
سعد بعد ما يدخل...
لا سلام ولا كلام
لما تحبو تطلعو حاجة بلاش شغل الوسوسة
وموضوع وسيط وسمسار
ريحة الحاجة بتفيح والكل بيشمها
انا اقول مضروبة يبقى الكل يمشى على كلامى
انت يا هارون جيت باتنين معاك
يوسوسو فيك قول 50 قول 50
وانت ف الاخر مشيت وراهم وقلت زيهم
وانا طبعا محبش الفصال
الحاجة ممكن ف الاخر تسيحوها لدهب
ومش حتتباع برضو
انا مش حتخفى عنى حاجة
معاكم 4 حتت دهب و3 حجر
موجودة ف حفرة ف حوش الامير
لما صورتوها فيديو قبل كدة
انا عرفت اجيب تصوير لهم
ولو عايزنى اصور عيالك وحريمكم حاعملها
لا تقولى صابحة ولا صباح
مفيش حاحة تخفى عنى
واخر كلام
كل اللى عندكم بـ 75 اخضر
ومعنديش كلام تانى
او تبلوها وتشربو ميتها
هات السرسوب ...
وانت يا هارون .لو سمعت الوسوسة بعد كدة
حتندم ومش حتعرف تطلع حاجة
الدهب له قانون ووزن
سلام يا معلمين
وقبل ما يطلع
مهران ...
موافقين يا باشا
موافقين مش عايزين خسارة
كفاية اللى صرفناه واحنا بندور وبنحفر من 3 سنين
هارون....
كلامك يمشى على رقبتنا يا باشا
سعد....
بعد ما امشى بساعة تجيبو الحاجة عند الكافتيريا
والوسطا والسماسرة انسو انهم موجودين
وهو ف الطريق يتصل بمغاورى
سعد....
4 حتت دهب و3 حجر
تحب ولا ابعت للببلاوى
ولا اعمل مزاد
مغاورى....
المطلوب كام يعنى على بعضه
سعد...
100 اخضر و30 مصرى
مغاورى....
فيه ازمة ف السيولة
محتاج يومين تلاتة لحد ما توصل لى السيولة
سعد.....
معاك كام حاليا
مغاورى ...
حوالى ستين اخضر
اما المصرى فيه 50
سعد...
متيجى تشوف وهات اللى معاك
مغاورى...
لا دى مش باعملها
معايا المطلوب اشيل
محبش يبقى عليا ديون
يوم الخميس حاكون عندك
سعد....
حابعت لك الفيديو ...سلام
سعد يوصل البيت بعد العصر ويتغدى مع سميحة
وهو بيشرب الشاى هارون يتصل
سعد يبوس سميحة وينزل للكافتيريا
ياخد الحاجة ينزلهم البدروم
يجى الخميس ومغاورى يجيب الفلوس
وياخد الحاجة
واصحاب الحاجة ياخدو فلوسهم
ويعدى كمان يومين
ويوم السبت يتصل بيه عمرو
يبلغه انه حيسافر يوم التلات مع امه
وسعد يسأله
....سميرة حتروح معاكم
عمرو...
لا حتقعد هنا ...عادى حتعرف تمشى امورها
سعد....
انت حتقعدو قد ايه
عمرو...
حوالى اسبوعين
سعد...
خلاص اقنعها تيجى تقعد عندنا الاسبوعين دول
وكمان انت والوالدة حتبقو مرتاحين
عمرو ....
ثوانى اشوف
ويقول لامه استاذ سعد بيقول
نخلى سميرة تقعد مع اهله لحد ما نرجع
بدل ما تقعد لوحدها
امه....
وهى حتعرف تروح الصعيد لوحدها
عمرو ...
المهم ايه رأيك يا سميرة
سميرة ...
مفيش عندى مانع
اهو اتفرط شوية هناك واتفسح وازور الاثار
عمرو يرجع يكلم سعد...
امى بتقول عادى
وهى عايز تتفسح وتزور الاثار
سعد...
نفسحها مع العيال عادى
المهم متشيلوش همها وانتو هناك
عمرو...
خلاص يوم التلات بعد ما نسافر هى تسافر
سعد...
انا حاكون عندكم يوم التلات لو محتاجين حاجة
وبعدها ارجع معاها البلد
عمرو....
ماشى تسلم يا استاذ سعد
وهو ف البيت يتكلم مع سميحة
عن موضوع اخت عمرو
ويحكيلها الحكاية
بنت صغيرة ومش حينفع تقعد لوحدها اسبوعين
وسميحة طبعا ترحب وتقول....
طول عمرك بتحب الخير يا حبيبى
وانا اقدر اقول للخير لا
هى كام عمرها
سعد....
مش عارف ممكن 17 او اكبر شوية
سميحة....
تيجى وتشرفنا ونشيلها ع الراس يا حبيبى
يوم التلات الصبح يسافر سعد طيران
ويحجز ف الفندق لليلة
ويطلع يروح لعمرو
وقبل الضهر يوصلهم للمطار
ويرجع بسميرة البيت عشان تحضر حاجتها
سميحة تقول ربع ساعة واجهز الغدا
سعد....
لا انا حاجز ف الفندق نتغدى هناك
سميرة ...
خلاص حاجهز نفسى وحاجتى
وبعد شوية يتغدو ف الفندق
ويطلعو ع المطار
ويكونو ف البيت قبل **** العشا
وسميحة تستقبلها وترحب بيها
وتشيلها ع الراس
بعد يومين سعد ياخد سميحة مراته والعيال
ومعاهم سميرة اخت عمرو
يفسحهم ويزورو الاثار
ويقضو يوم جميل
وتانى يوم سميرة اخت عمرو تروح تتفرج ع الكافتيريا وهى بتلف هناك
يشوفها ابن حمدى الكبير ( 23 ) سنة
ويحاول يتقرب منها
ويعرفها انه ماسك شغل الاستاذ سعد
ويقدر يتكلم معاها شوية
وهى يعنى
بعد الغدا اخدتها سميحة للبلد
وراحو محلات سعد
ومن تانى تصادف ابن حمدى ( عماد )
وسميحة مرات سعد لما حست بتجاذب
قالت ف نفسها اما نشوف اخرتها
ف خلال كام يوم
كانت بتكلم عماد ف التليفون وانسجمت معاه
والواد عبر لها عن مشاعره
وقالها ف التليفون ..
عايزة اشوفك بكرة
وهى قالت عادى مفيش مشكلة
تانى يوم لما اتقابلو
عماد....
بصى كدة ... انا مش عايز الف وادور
انا حاكلم اهلى لو توافقى ممكن اخطبك
سميرة...
انت بتقول ايه
احنا منعرفش بعض الا من كام يوم
عماد...
هو يعنى حتفرق يومين ولا سنة
انا احب امشى دوغرى
سميرة...
طب استنى نتفاهم الاول
عماد....
نتفاهم لكن بشكل رسمى
سميرة....
لما يرجعو اهلى اشوف
عماد.....
المهم انا عايز ادخل رسمى
اتكلم معاك براحتى مش سرقة وكدة
سميرة ..ابقى نشوف
حاكلمك بالليل... وتجرى على بيت سعد
مرات سعد كانت شايفة اللى بيحصل
واول ما طلعت
سميحة...
هو عماد كان عايز منك ايه
سميرة ...
هو حضرتك شفتينا ولا ايه
سميحة مرات سعد..
ايوة.... انت عندنا امانة
سميرة....
بيقول عايز يخطبنى
وانا باقول حتى لو حصل
لسه بدرى لحد ما يكوّن نفسه
لسه شقة ومواويل
سميحة...
لا هو جاهز من كله
شقته جاهزة وعفشته كمان والشبكة
يعنى جاهز من مجاميعه
سميرة....
انا لسه بدرى لحد ما اكوّن نفسى
سميحة...
لو الموضوع داخل دماغك
جهازك هدية منى ومن سعد
اللى يعجبك
وممكن ف ظرف شهر كل حاجة تبقى جاهزة
سميرة ....
مش عارفة يا ابلة
انا مجربتش اكلم شبان
ومحصلش معايا قبل كدة
لما ترجع امى واخويا ابقى اقرر
سميحة....
الحب حلو ...والجواز احلى
وعشان يوصل الحب لمنتهاه
لازم يتكلل بالجواز
مينفعش حب من غير جواز
انا حبيت سعد وسعيت ورا حبى
لحد ما ربنـا كرمنا واتجوزنا
واشتغلو الرغى
فى بيت حمدى
عماد مع امه
عماد....
قوليلى يمه
ايه رأيك ف سميرة...
ام عماد ....
**** يسترها ويبارك فيها وفى عيالها وجوزها
عماد..
يمه انا اقصد البنت اللى عندهم باقول سميرة
ام عماد...
ايه الموضوع يا واد
عماد...
اصلها عاجبانى وعايز اخطبها
ام عماد....
يوم السعد والهنا يا حبيبى
بس دى تربية مصر وممكن تحيرك
عماد...
دى غلبانة ولا تعرف تحور ولا تدور
ام عماد....
ايه ..قول من غير لف ودوران
عماد...
الصراحة انا قلت لها عايز اخطبك ونتجوز
ومنتظر ردها
بس برضو هى حتستنى اهلها
ام عماد....
عليك وعلى سى سعد
لما يجى ابوك انا حالاغيه
وهو يكلم سى سعد
عماد....
ايوة والنبى يمه
مش عايز انشغل بيها
وكل شوية استنى اشوفها
عايز يبقى الموضوع رسمى
اعرف اتكلم معاها ونرغى براحتنا
ام عماد....
اصبر وبلاش تندلق على وشك
الصبر حلو
الصبح وسعد بيفطر مع مراته والعيال والضيفة
سميحة مرات سعد....
ايه اخبار شغل التجارة يا سعد
سعد....
تقصدى البقالة وكدة
من يوم ما مسكها عماد وانا شلت دماغى
بيشتغل بكل اخلاص وجهد
سميحة....
الواد الصراحة زى الفل وابيض زى الالماظ
امه بتفكر تشوف له عروسة
(سميرة شرقت ووقعت معلقتها )
على ابن سعد.....6 سنين
وانا عايز اتجوز يا بابا
سعد....
وماله يا حبيبى لما تكبر شوية نجوزك
على....
لا انا عايز اتجوز ابلة سميرة دى
سعد....
اشمعنى ابلة سميرة.. دى كبيرة عليك
على....
اصل عماد ابن عم حمدى كان بيقولها تتجوزينى
( هنا سميرة تجرى على اوضتها )
سميحة ....
يخرب مطنك يا على
منين سمعت الكلام ده
على...
سمعتهم وهما واقفين مع بعض قصاد البيت
وتقوم سميحة ورا سميرة وتخبط عليها
وبعد ما تدخل
سميحة ...
اهو مفيش حاجة بتستخبى يا عروسة
الواد الصغير سمعكم
سميرة....
متكسفنيش يا ابلة
سميحة....
ايه يعنى الموضوع خلاص وفكرت
سميرة....
لما ترجع ماما واخويا عمرو يا ابلة
سميحة....
ابلة مين يا بت
انا اكبر منك بكام سنة مش للدرجة دى
سميرة....
خلاص متحرجينيش مش عارفة اتلم على روحى
مش مصدقة ان الواد فاهم كدة
وكمان عم سعد حيقول عليا ايه
سميحة....
حيقول كل خير
يلا قومى كملى اكلك وتسحبها
وهى بتمانع
ولما تخرج معاها
سعد ....
كملو اكلكم انا حاشرب الشاى مع الجماعة برة سلام
سعد يروح لاصحابه
بعدها ياخدهم ويروح لمخزن البضايع
سعد....
ايه الاخبار يا عماد
فيه مشاكل ولا صعوبات ف الشغل
عماد....
لا يا عمى مفيش
كل التجار بتستلم بضاعتها ف وقتها
وبنوصلها لهم لحد محلاتهم
ومفيش حد منهم قصر فى تمن بضاعة ولا اخر ميعاد
سعد لحمدى....
باقولك ايه يا حضرة النائب
عايز نشوف لعماد عروسة قبل ما يبقى ابن النائب
حمدى....
وانا بافكر كمان واحسن واحدة بنت عمته
اهى حلوة وصغيرة
عماد....
يا با مش وقته ...خلينى اختار براحتى
مش عايز حد يختار لى
دى حتبقى مراتى انا
لو سمحت يابا سيبنى ع راحتى
مش بافكر ف الجواز
سعد....
سيبه براحته
تصدق با حج حمدى
الضيفة اللى عندنا جاها عريس وعايز يطلبها
عماد....
على رقبتى لو حد وصلها غيرى
ليه انا عيل ولا ايه
انا عايز اتجوزها يا عم سعد
وادينى باقولها لابويا قدام الكل
انا باحبها وعايز اتجوزها
حمدى...
انت بتقول ايه يا واد
سعد....
حيلك حيلك يا حج حمدى
سيب الواد يطلع اللى جواه
خلاص يا عماد خليك ف شغلك
وبعدين نتكلم ف ده
حمدى....
وبنت عمته يا سعد
سعد....
بنت عمته اكيد حتلاقى نصيبها
هو مفيش يعنى غير عماد
بس يرجع اهلها يا عماد ونشوف
متشغلش بالك ..بسيطة
ويسحب سعد حمدى واصحابه
ولما ينزلو البدروم
حمدى...
انا عرفت موضوعه
هو قال لامه تكلمنى
واذا اهلها وافقو ....يلا على خيرة الـله
مجدى...
المستشفى خلص تشطيبات يا وليد
وليد مش معاهم وسرحان
سعد... يغمز وليد ...
ايه يا وليد
وليد....
وليد مين ...حصل ايه
سعد...
مالك سرحان ومش على بعضك
وليد....
اصل ام العيال وديتها بيت اهلها
سطوحى....
زعلتها ولا زمقانة منك ولا ايه الموضوع
وليد....
لا مش كدة بعتها عشان تخف وينزل حجمها
دى بقت حاجة ولا لودر دكّاك
تليفون سعد يرن
يرد عليه....
ماشى جاى طوالى سلام
سعد...
يا جماعة حد يشوف ليه قطعو الكهربا
عن مستشفى بتاع ارمنت الحيط
حمدى...
انا حاشوف يلا يا وليد
مجدى...
وانا رايح معاهم واخد سطوحى كمان
كل اصحابه يروحو يشوفو المشكلة
وسعد يركب عربيته ويروح الغريرة
وهناك يلبس العمّة ويدخل عند شبكة الكهربا
ويروح يفصل الكهربا عن كل البلاد
وكل ما حد يجى يشغلها
سعد يفصل المفاتيح من تانى
وبعدها وصل للخط العمومى وفصله نهائى
اخد ساعتين وهو يحير فيهم
وبعدين راح فاتح هويس المية لاخره
واتسربت المية اللى بيستخدموها للتبريد
وكدة معاهم كام ساعة لحد ما يعرفو يرجعو للطبيعى
اتصل بحمدى ايه الموضوع
حمدى....
شركة الكهربا طالبة تركيب عداد
سعد...
وهو احنا اللى بنركب عدادات
ميجيبو العداد ويركبوه واحنا نتكفل بالمصاريف
خلاص انا حاروح الفرع
ويوصل الشركة ف ارمنت ويزعق هناك
اما تركبو عداد او تشوفو اللى عمركم ما شفتوه
رئيس الفرع...
تقصد ايه
سعد....
معاكم ساعتين تخلصو الروتين بتاعكم
اما الاقى حد هناك بيركب العداد
او تستحملو اللى يجرالكم
طلع برة ولبس العمة
الاول فضل يفصل عنهم الكهربا من المفاتيح
والكل اتنرفز من الجو بعد ما التكييفات ما وقفت
رجعو المفاتيح واشتغلت التكييفات
سعد راح قطع سلك التكيفات
والموظفين ابتدت تخرج من مكاتبها
بعدها سعد شغل انذار الحريق
وكانو مركبين سحاحات ميه ف كل اوضة
واشتغلت المية والدنيا اتقلبت
رئيس الفرع....
احنا مش قد سعد
شوفو عداد 3 فاز بسرعة
واطلعو ركبوه
احنا كدة مش حنخلص
سمعت بيقولو معاه بركات
محدش يتاخر
وراح مهندس ومعاه كام فنى للمستشفى
وركبو العداد والدنيا بقت تمام
سعد...
ناس مش بتيجى الا بالعين الحمرة
..............
............
.............
......... الجزء الثامن
الحج حمدى الدهشان ف الضبيعية
بيدبح عجل ويعلق لوحة على مكتب
مكتب استقبال شكاوى المواطنين
المرشح القادم لعضوية مجلس الشعب
بعد ساعتين ف المريس
ونفس الحال فى ارمنت الحيط
سعد ومعاه مجدى يروح مكاتب الشؤون الاجتماعية
بيطلب قاعدة بيانات الاسر
لما الروتين يوقف قدامه
يلبس العمّة ويدخل يحملهم على فلاشة
ويعمل نفس الموضوع مع كل المكاتب
يروح مكاتب الزراعة
عشان كشوفات الحيازة الزراعية
وبرضو يحملهم على فلاشة
بعد 3 ايام
حمدى وسطوحى بيلفو البلاد
ويعملو مؤتمرات انتخابية
مش للدعاية وبس
ولكن عشان يكشفو للناس برنامجهم الانتخابى
العلاج المجانى فى المستشفى التخصصى
فرع ارمنت الحيط عند عزبة التمساح
وفرع الرزيقات ع الخط السريع
مساعدات مالية للاسر المعيلة
مساعدة الاسر فى تزويج البنات
دخول الشباب للكليات العسكرية شرطة وحربية
تعيين الكثير من ابناء وبنات الاسر الفقيرة فى وظائف حكومية ثابتة بتأمين شامل
الاعلان عن قبول طلبات لاستخرج كارنية العلاج المجانى للاسر المستحقة
وبعدها بيوم
ازدحام عند المستشفيات للاستفسار
عن الاوراق المطلوبة للتقديم
ازدحام عند المكاتب اللى اتعملت لقبول الشكاوى
لجنة كبيرة من امهر الشباب
لفرز قاعدة البيانات سواء الاسر الفقيرة
ومعاينتها بقاعدة بيانات مكاتب الزراعة
الدكتور عمرو يتصل بسعد
ويبلغه بنجاح العملية لامه
وكمان اسبوع ويرجعو
سميرة اخت عمرو وعماد يتقابلو كذا مرة
والظاهر الحب عمل ما بينهم عش عصافير
سعد داخل بيته بعد العشا
يلاقى عماد بيحضن سميرة
سعد....
احم احم...الحب حلو
سميرة جت تجرى
لكن سعد قال....
استنو مكانكم....لسه مكملتش كلامى
سميرة رجعت ووشها ف الارض
وعماد بقى عرق مرق من الكسوف والخوف
سعد....
الحب جميل مقلناش حاجة
بس لو تماديتو ف مشاعركم
والواحد قعد مع نفسه يفكر
الشيطان حيدخل يوسوس له
ويقول لنفسه
هى ليه سابتنى احضنها ولا ابوسها
ميكونش متعودة على كدة مع غيرى
والشيطان يوسوس ويبث سمومه ف افكارك
وممكن يخليك تفكر فى حاجات تانية للمتعةو بس
وهى تقول
هو ليه عايز يحضنى ويبوسنى
ميكونش عايزنى لمتعته
وبعد ما ياخد متعته يرمينى
متخلوش الشيطان يخدعكم
خلو مشاعركم لبعد الجواز
ساعتها حتلاقوها اجمل واكتر متعة
انتو لسه شباب والايام ما بينكم طويلة
بعدها حتعيشو الحب باسمى معانيه
بلاش تنجرفو والشيطان يساعدكم
وبعدها يفرقكم وحتندمو ساعتها
سميرة...
انا اسفة يا عمو
كنت فرحانة بنجاح عملية امى
وهو كان بيبارك لى ونسيت نفسى
مش حاعملها تانى يا عمو ..انا اسفة
عماد ....
غلطة ومش حتتكرر يا عم سعد تانى
سعد....
مش حتقابلو بعض سرقة بعد كدة
وخلال اسبوع
لا مقابلات ولا تليفونات
بعد الاسبوع حاقابلكم انتو الاتنين
اخد موافقتكم ع الخطوبة
اهل عماد موافقين
وعمرو عنده خلفية
بس منتظرين يرجعو بالسلامة
بعدها نعمل خطوبة والجواز بعد الانتخابات علطول
سميرة تجرى وتحضن سعد وتجرى لفوق
وعماد يجى يحضن سعد.
سعد ...
ايه كمان حتى انت ...
يلا على بيتكم ولا شغلك
يدخل البيت
ويتجهز العشا
وهما ع العشا مجبش اى سيرة عن الموضوع
سعد....
تحبى تسافرى القاهرة طيران ولا قطر ...
سميرة .....
لا خلينا بالقطر كنت خايفة المرة اللى فاتت
سميحة مراته....
برضو القطر احسن عشان العيال
سعد....
ليه انت ناوية وكمان العيال...
سميحة مراته....
اومال ايه ... سى على مستعجل ع الخطوبة
على...
لا خلاث انا عايز اخطب بنت خالتى عبير
سميحة....
مش قلت عايز اخطب ابلة سميرة
على....
لا مس عايز ...عثان..
سعد ....
بس كفاية ...اكيد حتطلع لنا بموال
انا حاخطب لك ملك بنت خالتك منى
على...
يععع مس عاوز الداموثة دى
تعضنى وتاكل دراعى
سميرة ....
انا عايزة اعرف ليه سبتنى
على...
انت اللى سبتينى ورحت ..اقول ولا ماقولث
سعد...
لا متقولش
ابلة سميرة حنخطبها لعماد
على...
ماسى خلاث مس عايزها
بعد العشا يخرج سعد للكافتيريا
ولما اتجمع الاصحاب
وليد....
انا راجعت حسابات الكافتيريا
لقيت عليها ديون
سطوحى ....
ديون على مين
وليد...
على وعلى الكل
مراتى طلبت اكتر من 30 فرخة ع الحساب
وكل واحد مكتوب الدين اللى عليه
وادى كشف بالديون
مجدى....
طب جايبة ارباح
وليد....
ربـح ايه...احنا واكلينها وجبنا اجلها
مجدى....
ايه الموضوع يا عم حمدى
حمدى....
الخير كتير يا باشا
بتكسب وبزيادة
بس الباشمهندس بص ع الديون
وف الحساب 218 الف ميزانية الشهر اللى فات
حسب حساباته على 281 الف
عشان كدة جابت خسارة
سعد....
وليد مش بحالته
احنا نشوف له عروسة جديدة
يفرفش معاها وتكون رشيقة
وليد....
اسكت يا عم الحيطان ليها ودان
وانا بحب مرتى ومش ممكن اتجوز عليها
بس الحالة اللى اتحولت ليها مش عاجبانى
المعدة بقت زى الخلاطة
بتهرس اى حاجة
بعد الولادة وكام شهر رضاعة
حاطبق عليها رجيم
دى حتى العيال بقت زيها
بعد كام يوم
سعد هو وعياله ومراته وسميرة
كلهم مسافرين بالقطر بالليل على 11 بالليل
بعد المغرب مع حمدى
سعد....
بعد يومين حاشوف الموضوع
وان قلت لك تعالى
تجيب العيال وامهم ومتنساش الزواير معاك
حمدى....
والكافتيريا وشغل عماد
سعد...
الكافتيريا سيبها لسطوحى
والشغل حيمسكه مجدى
لكن لو عملنا خطوبة
الكل يتقفل ليوم اجازة ولا يومين
تانى يوم بعد ما يوصلو القاهرة
يوصلو الاول لبيت ام عمرو
ويدخلو الزيارة
ويسيب مراته والعيال
الطيارة ميعادها الساعة 4
وهو يروح الفندق
بعد ما يستريح كام ساعة
سعد يطلع ع المطار ويرجع مع عمرو وامه البيت
وبعد ما يطمن عليهم
ياخد اولاده ويرجع الفندق
وبالليل يفسحهم شوية
ملاهى وجناين ويرجعو الفندق
تانى يوم على بيت عمرو
ومع اول فرصة ف الكلام جاب سيرة سميرة
وشرح لعمرو وامه الوضع
ام عمرو....
اللى يعجبك يابنى
طالما هى موافقة يبقى مفيش مشكلة
عمرو.....
انا سألتها وهى قالت موافقة
سعد..
يعنى نبعت نجيب العريس واهله
ام عمرو.....
مش دلوقتى ...
اقصد يعنى خليها بعد اسبوعين
وبدل ما نشحطط الناس
بس استرد عافيتى حنروح نزوركم
ونعمل الخطوبة هناك
او عند اعمامها ف اسنا
واحنا موافقين يعنى مش مماطلة
وانا زى ما عرفت الوضع
عماد وابوه لو غابو يومين الشغل حيتعطل
سعد....
مش مهم الشغل ..مش عايزين نتعبك
ام عمرو....
اللى اقصده ...هنا ملناش علاقات
ولا حد حيفرح معانا
لكن ف الصعيد كل اهلنا وحبايبنا
انا مقطوعة من شجرة
لا عندى خالات ولا بنات خالات
سعد....
بس اهل العريس منتظرين يجو زيارة
ام عمرو .....
لا بلاش يعطلو الشغل
انا اكلمهم واطمنهم ....هات نمرة ام عماد
سعد.....
ثوانى اكيد نمرتها مع ام على
ويروح عند الباب ينادى مراته
ولما دخلت
سعد....
هاتى نمرة ام عماد لو معاك
وعمرو يتصل من تليفون امه ويديها التليفون
ام عمرو ....
الو ام عماد معايا.....
زغرتى يا ام على لو تعرفى
ام عماد قبل ما ترد تسمع زغاريت...
ايوة مين اللى بيكلمنى
ام عمرو ....
معاك ام سميرة عروسة ابنك
ام عماد.....
الف سلامة عليكى يا حبيبتى
الحمد لـله رجعت بخير
الحمد للـه على سلامتك
ام عمرو ....
الـله يسلمك
بصى يا حبيبتى افهمى الكلام
الاستاذ سعد عرض علينا موضوع عماد وسميرة
احنا موافقين
بس سيبو موضوع الخطوبة كمان شوية
واستاذ سعد حيبقى يفهمك
المهم احنا موافقين
الف مبروك
معلهش عشان ممنوع عنى التليفون
زغرتى وفرحى اللى عندك
مع السلامة يا حبيبتى
ام عماد....
مع السلامة يا ام سميرة
وتسيب التليفون
وتطلع البلكونة وتضرب زغروتة زينات صدقى
واللى يسمع يجرى ناحيتها
والكل عرف بخطوبة عماد
وتانى يوم سعد وعياله بيودعو عمرو واهله
وباليل يسافرو ويرجعو الفجر
والصبحية سعد فهم حمدى موضوع الخطوبة
والكل اتفهم الامر
والكل رجع لمشاغله
سعد مع حمدى ف الجولات الانتخابية
ومن كلامه فى الجولات والحديث عن الترشحات
سعد...
انا باحذر تحذير اخوى
بلاش تصرف وتكلف نفسك
برضو حناخد المقعدين للفردى
يعنى باقول لاى شخص عايز يقدم اوراقه
حتصرف وتتعب نفسك
وبعد 15 يوم من فتح باب الترشح
الكل متخوف من التقديم
مش من سعد...... لا
خايفين من خسارة المصاريف ع الانتخابات
فخدوها من قاصيرها ومحدش اترشح
الانتخابات ف الدورة دى اتغير نظامها
اصبحت المحافظة كلها
قوائم وفردى
فيه 4 قوائم
و5 افراد اترشحو فردى من البر الشرقى
واتنين من البر الغربى
اللى هما حمدى وواحد من القرية اللى عليها الدور
عمرو اتصل بسعد بعد السلام وخلافه
عمرو...
بكرة حنيجى نشوف البلد ونروح اسنا نزور الاعمام
سعد....
تشرفونا يا دكتور..ف انتظاركم توصلو بخير
مرات سعد وضبت الدور الاول ليهم
وجهزت كل لوازمه
وتانى يوم
لما وصلو واستريحو شوية
عمرو اخر النهار خرج مع سعد
نسوان اصحاب سعد كلهم الا منى
كل النسوان والرغى والمساعدة ف الاكل
والزغاريت والتهانى بقدومهم
تانى يوم الصبحية
عماد حيفرقع م الغيظ
عايز يسلم وبالمرة يشوف سميرة
راح نادى على ابن سعد...
تعرف تقول لسميرة تنزل عايز اتكلم معاها
على...
ايوة اعرف ...انا رايح
على يطلع ويروح لام عمرو
على....
عايز اقولك حاجة يا جدة
ام عمرو....
قول يا حبيب جدة
على....
فى ودنك
ام على....
اكيد وراه مصيبة
على يروح يوسوس ام عمرو...
عماد تحت عايز سميرة يتكلم معاها
ام عمرو.....
يا ام عماد
ام عماد....
نعم يا ام عمرو
ام عمرو....
عماد برة عايز سميرة تنزل له
نادى عليه اشوفه واسلم عليه
سميرة تسمع تجرى لتحت
بعد ما تسلم تسحبه
سميرة....
تعالى ماما عايزاك
عماد ....
لا مينفعش مش مستعد
حاغير هدومى وارجع
واخد بعضه ويجرى لبيتهم
يروح يستحمى ويلبس حاجة نضيفة ويتبرفن
لكن خايف
اخد بعضه وراح المخازن مستنى سعد
بيخاف من سعد اكتر من خوفه لابوه
سعد واصحابه ف البدروم
سعد لمجدى....
فين اللى طلبته يا مجدى
مجدى....
عملت تحريات كاملة عن قرايب الدكتور عمرو
عرفت ان عمرو له نص فدان ورث ابوه
لكن اعمامه اكلوه منه
عمرو معرفش ياخد حقه منهم
فيه بينهم مشكلة ف كدة
بس عمه الصغير اسمه الضوى واقف ف صفه
عمه الكبير محروس والتانى موسى
هما دول اللى دايسين على الموضوع
واختهم رضا مش عاجبها الوضع برضو مش عايزين يدوها حقها
والارض على الاسفلت
عرضو على اختهم 100 الف جنيه
لكن هى عايزة ورثها وتتصرف فيه
سعد....
نص فدان ع الطريق يعنى ممكن تدخل كوردون
يعنى 12 قيراط
اكتر من مليون جنيه
مجدى...
الارض عندهم غالية يا ريس
القيراط يوصل لــ 150 ولا 160 الف
نقول مليون ونص
سعد ...
تعرف طريقهم
مجدى....
ايوة
سعد ...
يلا بينا
وهما طالعين صادفو عماد ابن حمدى
عماد....
لو سمحت يا عم سعد
سعد....
لما نرجع حناخدك تسلم على حماتك
مش حينفع دلوقت
ويسيبه ويكمل طريقه
عماد لنفسه...
هو ايه اللى عرّفه عايز ايه انا
سعد يقول لكل صحابه يجهزو عربياتهم
ويطلعو كلهم على اسنا
يوصلو اصفون
ويدخلو بربطة المعلم
على بيت المعلم محروس
محروس....
اتفضلو يا جماعة
والكل دخلو المندرة
محروس....
اهلا بالمعلمين
اقدر اخدمك بايه ومين حضراتكم
سعد...
انا سعد اليتيم من الرزيقات
محروس..
اهلا اهلا بالباشا يا مرحب يا مرحب
كان نفسنا نشوف الباشا
سعد ...
ابعت لاخواتك
الضوى وموسى والست رضا
محروس....
ليه حضرتك ..وايه دخل اخواتى
سعد...
لما يجو حتعرف
محروس يخرج برة ويبعت لاخواته
محروس....
نشرب الشاى لحد ما نجهز الغدا
سعد...
مفيش داعى لغدا
نشرب الشاى كفاية
بعد نص ساعة كل اخواته يجو
محروس ....
ادى كل اخواتى اهم
ممكن تشرح لنا الوضع
سعد وبيشاور على حمدى...
الحاج حمدى الدهشان
عضو المجلس القادم ان شاء الـله
معاه ابن اسمه عماد ربنـا يبارك فيه
ونوينا نخطب بنتكم
وجايين نتكلم الاول
محروس...
بنتى انا وازاى وفين يعرفها
سعد....
انا مقلتش بنتك ..قلت بنتكم
واللى اقصدها بنت المرحوم حامد
واخت الدكتور عمرو
الضوى....
والاستاذ سعد يعرفهم من وين
سعد....
ممكن تسيبونى اكمل كلامى
احنا بنعرف الدكتور والوالدة **** يديها الصحة
وسميرة كمان
ام عمرو عملت عملية برة البلد
والحمد للـه نجحت وصحتها تمام
محروس...
يعنى انت جاى تخطب البنت مننا
سعد....
انا مقلتش كده
انا باعلمكم بالموضوع
بس مش ده اللى جايين عشانه
محروس...
طب نعرف الموضوع
سعد....
عمرو واخته ليهم ورث نص فدان
وكمان عوايد زرعتها طماطم وربحها لـ 10 سنين
حسبنا الموضوع
العوايد بــــ 300 الف جنيه
يوم الخميس اللى بعد بكرة
حنعمل الخطوبة
عايزكم تجيبو الفلوس ومعاها عقد الارض
يوم الجمعة الصبح نستلم الارض
وكمان ترجعو ورث الاخت رضا وهى حرة
تبيعها تزرعها ملكمش فيه
قلت اللى عندى
وقد اعذر من ان انذر
لو متعرفوش سعد اليتيم اسالو وانتو تعرفو
وف كل الاحوال حترجع الارض والفلوس
يلا يا بهوات
وياخد اصحابه ويخرجو
يركب العربية مع مجدى
يلبس العمة ويرجع المندرة والعربيات تمشى
محروس يطرد الضوى واخته رضا
ويطلعو يبرطمو
محروس مع موسى
موسى...
فين العقود المضروبة اللى عليها بصمة حامد
محروس ....
موجودين ف الدولاب ومقفول عليهم
موسى...
طب ممكن اللى اسمه سعد يغلس علينا
محروس....
انا حابعت له حد
يطخه ونرتاح منه
***********
.
.
......الجزء التاسع
سعد يسمع الكلام ده
يروح بيت محروس ويدخل اوضة النوم
يلاقى مراته تقريبا نايمة
وكانت مفشوخة وعريانة
زى الجاموسة ويسحب الملاية يغطيها
ويدور ع الورق ف الدولاب
ويقلب فيه وياخد كل الورق المهم
عقود مضروبة منها
عقد اخوهم حامد
وكمان عقد اخته رضا
ويلاقى عقد جواز ويبص ع الصورة
ويرجع يبص على مراته مش هى
وعقد طلاق لمراته
وعقد بيع ارض بنفس اسم قسيمة الطلاق
يقول لنفسه
يعنى اخد ارضها وبعدها طلقها
واتجوز عليها ف بلد تانية
واكيد معاها ارض
وياخد العقود ويطلع يحصل مجدى ع الاسفلت
يركب معاه ويقلع العمة
سعد....
يتكلم مع مجدى شوية وبعدها يقول له
ارجع المندرة يا مجدى
ينزل سعد
ويوصل المندرة
ويدخل يلاقى محروس وموسى لسه بيتكلمو
محروس....
خير يا باشا ..رجعت تانى يعنى
سعد....
ايوة رجعت من تانى
اصلى خايف وباترعش
سمعت انك نويت تطخنى
موسى...
كلام ايه ده
سعد...
اسكت انت
بص يا محروس
الارض حترجع لصحابها
واختك رضا حتاخد حقها
لا وايه ..اصبر التقيل جاى
محروس ...
تقيل ايه تقصد
سعد....
باقول اصبر جاى .جاى جاى
وهنا يدخل مجدى ومعاه ناس
محروس....
اهلا يا معلمين
اختكم ف البيت.... هنا معانا ضيوف
سعد....
لا انا اللى جبتهم
بصو يا معلمين
جوز اختكم ضحك على اختكم
الاول بصمها على ورقة بيع لارضها وورثها
محروس....
ايه الكلام اللى بتقوله ده
سعد....
اصبر لسة شوية
وبعدين يا معلمين
المعلم محروس طلق اختكم رسمى
ومن غير ما تعرف
وعايش معاها بالحرام من سنة فاتت
لا وايه
اتجوز واحدة من شرق الخزان
وناوى يعمل معاها زى اللى عمله مع اختكم
محروس....
كداب ..انت كداب
سعد....
انا مش كداب
ادى كل العقود
وادى ورقة طلاق اختكم
ودى ورقة جواز محروس من واحدة تانية
وانتو روحو المحكمة واستفسرو عن موضوع اختكم
وانا بكرة حاستلم الارض
مش منك ولا من موسى
الضوى حيسلمنا الارض
وحنسلم الاخت رضا ورثها
وارضك حتبقى من ورا
وابقى ابعت حد يطخنى
اخوات مرته مسكو فيه
وشدوه للشارع
واشتغلت العركة
وصراخ الحريم والشوم طلعت
واحد من اخوات مرته للناس....
محدش يتدخل
ده موضوع شخصى
ونادو على اختهم
وقدام كل الناس
وووووووووووو
واخدو اختهم معاهم
اللى كانت بتبكى
وتقول...
انا ما بصمتش على ورق
ومعرفش انه طلقنى
بعد شوية يجى البوكس ويسحبو محروس معاهم
اتبلغ فيه
.........
يطلع سعد ومجدى على بيت الضوى
والضوى يبعت لاخته تيجى
سعد....
بكرة حنيجى نستلم ارض المرحوم ونسلمها لعمرو
وهو يبقى يتصرف
وكمان ورث الاخت رضا
الضوى....
متفهمنا حصل ايه
سعد....
اخوكم محروس متفق مع موسى
ضاربين عقود بيع لارض المرحوم حامد
وكمان عقد لبيع اختكم رضا
وادى العقود المضروبة
رضا....
انا ما بعتش حاجة
الضوى....
ايوة اختى ما بعتش حاجة
وانا كمان بالعافية عارف ازرع 5 قراريط
والباقى واخدينه ف ارضهم ومش عايزين نقسم
سعد....
بكرة حنجيب لجنة من كبار البلد
ومندوب من المساحة والزراعة
وكمان حنجيب معانا الشرطة
وكل واحد ياخد حقه
الضوى....
ومحروس حنعمل معاه ايه
ممكن يسحب السلاح
مجدى ....
ليه انتو مسمعتوش باللى حصل لمحروس
رضا....
حصل يا استاذ ...
سعد....
اخوكم محروس مطلق مراته من سنة
وكمان عايش معاها ف الحرام
وبصمها وهى نايمة على بيع ارضها
وكمان اتجوز عليها
وهى لا تعرف بطلاقها ولا بجوازه
وبلغت عنه
ودلوقتى مستنى يتعرض ع النيابة بكرة الصبح
المهم
بكرة على 10 الصبح نلاقيكم عند الارض
كل واحد حياخد ورثه
وكل سنة وانتو طيبين
وفضلو يتكلمو اى كلام
والضوى اصر ع الغدا
لكن سعد قال....
الدكتور عمرو ووالدته واخته عندى ضيوف
عايزكم بكرة ف الارض
وبعدها لو تحبو تيجو تسلمو عليهم
رضا....
والنبى وحشونى
بقالى سنين مشفتش حد فيهم
سعد...
عارف انهم منعوكم عنهم
لكن حترجع المية لمجاريها
وحيرجعو لبيتهم وارضهم
والكل حيرتاح
وبعد ما يخرجو ع الطريق يوقفو
سعد....
مين حيشوف موضوع المساحة والزراعة
مجدى ....
سيب لى الموضوع ده
انا حارجع من تانى قبل ما يمشو من مكاتبهم
حاوضب كل حاجة
سعد...
مش عايز اتعبك ..هو كل حاجة عليك
حمدى..
انا حاكون معاه
سعد....
لا خلى المهندس وليد
وليد...
تمام يا ريس
اهو اى حاجة تبعدنى عن البيت
سعد...
حنشوف موضوع البيت بس ترتاح الامور
هو انت بقيت للدرجة دى
المهم حنريحك اخر راحة
وينزل مجدى من عربية سعد ويركب عربية وليد
ويطلعو يشوفو ايه المطلوب
سعد واللى معاه يرجعو البلد
سعد ...
حاتصل بيك يا حمدى بعد الغدا
حمدى...
ماشى يا استاذ سعد
يوصل سعد البيت
ويجهزو الغدا
عمرو وامه واخته ع الغدا
ومعاهم سعد ومراته واولاده
وف وسط الاكل
سعد....
اعمل حسابك يا عمرو
عمرو....
اعمل حسابى عليه يا استاذ سعد
سعد....
بكرة حتستلم ورثكم من المرحوم ابوك
ام عمرو....
بتقول ايه يا بنى
ورث ايه ...احنا نسينا الموضوع ده اصلا
عمرو....
ايوة فعلا ..طلع ان ابويا بايع الارض ف حياته
سعد...
هو المرحوم قال لكم كدة
ام عمرو...
اخوات المرحوم كان معاهم عقد بيع
لما طالبت بالورث بعد حياة ابو عمرو
طلعولنا عقود بيع الارض والبيت
سعد....
لا ما هو العقود طلعت مزورة
وبكرة حنستلم البيت والارض
الصبح تكون جاهز
عمرو....
ينصر دينك يا استاذ
سعد....
هنا محدش بيتظلم فى حقه
الا قولولى
ايه رايكم نعمل خطوبة سميرة بعد بكرة
ام عمرو....
طب ازاى واهل عماد محدش جه يطلبها رسمى
سعد....
هو حضرتك نسيت ولا ايه
مش لما رحت لك ف مصر وقلت عماد واهله يجو
حضرتك قلت لا بلاش شحططة واحنا موافقين
ام عمرو....
قلت موافقين ع الموضوع
سعد....
خلاص بالليل يطلبوها رسمى
وبكرة اخر النهار يطلعو يشترو الدهب
ونعمل الخطوبة يوم الخميس
خصوصا
عمهم الضوى وعمتهم رضا حيحضرو الخطوبة
ام عمرو...
اشمعنى افتكرونا دلوقتى
سعد...
ما هو محروس وموسى كمان دايسين عليهم
ومش عارفين ياخدو ارضهم
ومكسوفين منكم
حنرجع لهم ارضهم كمان
ام عمرو....
انا كنت احسب انهم متوالسين معاهم
سعد....
لا مش كدة
محروس نصاب وكمان اتقبض عليه النهردة
عمرو...
حصل ايه
سعد....
مطلق مراته من غير ما تعرف
وحاطط بصمتها على بيع ارضها
وهى متعرفش
بلغت فيه
وايه متجوز عليها
والنيابة حتحقق ف كل حاجة
لو تحبو تعملو بلاغ ضده
ام عمرو....
لو حترجع ارضنا خلينا بعيد احسن
مجدى ووليد راجعين من اسنا
وفجأة مجدى يركن على جنب
وليد ....
حصل ايه
مجدى ...
نشترى شجرتين موز
تزرعهم قدام بيتك ف الجنينة
مراتك وعيالك يقرمو فيهم
وبعدها حيخسو
وفعلا يشترو 3 شجرات
ويروحو يزرعوهم ف جنينة وليد
وليد....
وامتى حيعملو انتاج يا مجدى
مجدى...
مش سمعت بودنك
الراجل قال شهر ونص والانتاج يبقى جاهز للاكل
بعدها تمنع اللحمة والرز عن البيت
خليهم يقرمو ف الموز
وبالليل
حمدى وعيلته بيطلبو العروسة لعماد
طبعا كل الاصحاب موجودين والزغاريد
وقرو الفاتحة واتفقو الخطوبة تتعمل بعد بكرة
ام عمرو...
مش حنعرف نجهز نفسنا
سميحة مرات سعد...
احنا كلنا موجودين متشيليش هم
.........
تانى يوم الصبح
سعد واصحابه ومعاهم عمرو يروحو اصفون
وهناك يلاقو الضوى وعمته رضا
واحضان وسلامات وزغاريت
وشوية تيجى لجنة الزراعة والمساحة
وكمان بوكس شرطة
تتقاس الارض وتتقسم
عمرو وعمه الضوى وعمتهم رضا يكون نصيبهم على الطريق ويسلمو موسى حقه وحق محروس من ورا
وتتعمل المحاضر
والكل يمضى ورضا تزغرت
سعد...
نويت على ايه يا دكتور عمرو
عمرو...
حاسيب الارض حاليا مع عمى الضوى يزرعها
ولينا حسب العرف نصيبنا
واظن مش حيظلمنا زى عمنا التانى
موسى...
انا اخليهم معايا وازرعهم
سعد....
لا انت خليك بعيد
بس احفظ حقك بنفسك
واياك تهوب ناحية ارض حد فيهم
وينزلو ويستلمو بيتهم جوة البلد
وعمته رضا قالت...
حاوضبه وانضفه ويرجع احسن من الاول كمان
سعد ...
المهم متنسيش بكرة خطوبة سميرة بنت اخوك
حيكون فيه فرح وشبكة
رضا....
مش حاتاخر من الفجرية حاكون هناك
عمرو....
تشرفى يا عمتى
............
........
بعد العصر بشوية
عربيات فيها الحريم
يعنى مرات سعد واولادها
وباقى نسوان الاصحاب
رايحين يشترو الشبكة وشوار للعروسة
وهناك يلفو ويشترو فساتين وهدوم للعيال
ولما جت سميرة تختار الشبكة
مرضيتش تاخد غير خاتم ودبلة ومحبس
عماد حاول معاها بكل الطرق تاخد اسورة وسلسلة
وهى مستحيل اقبل اكتر من كدة
عماد....
يا ستى لو مليون جنيه
( ابوه اداه شنطة فيها مليون )
لكن سميرة رفضت البذخ والاسراف
ويعدى اليوم والكل مبسوط
وتانى يوم عمتهم رضا من الصبح بدرى كانت هناك
وكانت معاها مرات الضوى وبنته
ومع رضا بناتها الاتنين الصغيرين
وبالليل اتعملت الخطوبة ف الميدان
اللى هو وسط البيوت اللى اتبنت على ارض سعد
اتدبح عجل
والبلد كلها اتعزمت
ووقت تلبيس العروسة الشبكة
عماد لبسها الدبلة والخاتم والمحبس
بعدها طلعت عمتها لبستها سلسلة
وعمها الضوى لبسها اسورة
سميحة مرات سعد طلعت
لبستها خاتم وغويشة
مرات مجدى
مرات سطوحى كمان
وبالعافية النسوان سندت منى ولبستها غويشة
سميحة وامها استعجبو م اللى بيحصل
بنتها مرضيتش ان خطيبها يجيب حاجة غالية
تقوم نسوانهم تزود الشبكة اضعاف
وتبكى سميرة وامها م الحب اللى شافوه
الحب مش وراثى الحب شيء مكتسب
تانى يوم
سعد مع اصحابه مستعدين للتخطيط للانتخابات
وبعد ساعتين واكتر
اتكلمو واتناقشو وانتهى الموضوع
سعد....
يبقى كدة خلاص اتفقنا
فرح عماد وسميرة حيبقى بعد يوم من الانتخابات
طالما الانتخابات على يومين يبقى هو التالت
المهم كل واحد يعمل شغله صح
باقى 3 اسابيع على الانتخابات
عماد وسميرة وامها بيجهزو عش الزوجية
وخلاص تقريبا جهزو كل حاجة
جه موضوع النيش
واتعمل منه مشكلة
عماد....
يادى النيش اللى خاربها ف كل جوازة
سميرة ....
انا عايزة نيش ومش حاستغنى عنه
عماد....
طالما مصرة ماشى
بس بشرط
سميرة....
هو ايه
عماد...
حيتملى عن اخره
سميرة ...
وايه يعنى
عماد ...
ماشى ..قبل الفرح بيومين تلاقى النيش
عماد راح لنجار بريمو
اخده البيت
عماد...
عايز الجزء ده ف الصالة
بعرض الصالة يعنى 4 متر
ويطلع متر كمان لبرة
عايز المنطقة دى تعمل لى نيش كبير
القزاز جرارات
لو قلت لك عايزه مخزن لطن كوبايات وصحون
النجار....
بس ده حيكلفك كتير
محدش بيعمل ده
عماد....
لا انا عايز ابهر مراتى
ويا ريت نفس لون العفش اللى ف الصور قدامك
وبعد اسبوع
العفشة اللى اختارتها سميرة توصل
النجار يجى بالليل عشان سميرة متسمعش
يركب النيش
ويركب العفشة والستاير
وعماد يفرش السجاد وتحته الموكيت
ويرص هدومه
ومش ناقص الا حاجة العروسة
تانى يوم
سميرة سمعت ان العفشة وصلت بالليل
امتى حتركبها عشان اودى حاجتى
عماد...
تعالى نتكلم قدام مامتك
سميرة....
يلا بينا وهى فرحانة
قولى النيش نفس لون العفشة
عماد....
اومال ...من قماشة واحدة
يروحو عند حماته
وهناك ينادو باقى النسوان
مرات سعد وعبير ومرات سطوحى وام عماد
يلا تتفرجو ع الشقة
شقة عماد كانت ورا بيت ابوه بالظبط
مرديش يسكن معاهم
ف الجنينة وعمل شقة منفصلة ارضى
وعند باب الشقة
عماد يطلع منديل
عماد...
اربطى ده على عيونك يا سميرة
عشان تشوفى النيش
عملتهولك مفاجأة
وتدخل النسوان وساحبة معاها سميرة
والزغاريت شغالة وفجاة
كل الزغاريت تسكت
سميرة ....
حصل ايه ...ليه بطلتو زغاريت
ام عماد....
النيش يا سميرة
سميرة...
مالو
وعماد يروح يسحب المنديل من على عيونها
اتفرجى
سميرة تشوف النيش وتصرخ
منين حاجيب له كوبايات وصينى
عماد...
وانا مالى
انت قلت عايزة نيش
اهو قدامك النيش ولازم يتملى
سميرة....
ايوة قلت نيش
بس بالعقل مش بالهبل ده
عماد...
بتقولى هبل ..ويرمى المنديل ويخرج
وهى تجرى وراه
لكن متحصلوش
ترجع وتقول
هو ايه اللى حيملاه ده
لو اشترينا كل الصينى والكاسات والكوبايات
والفناجين اللى فى محلات الاقصر كلها
مش حيتملى
امها....
عشان تحرمى
هو قالك ملوش لزمة
وانت اصريت
على ابن سعد جاى يجرى....
وسعو وسعو القطر جاى
بتوع الصينى وصلو
ام على....
صينى ايه يا واد
ويجى واحد يخبط
ام على...
ايوة مين حضرتك وازاى دخلت لهنا
شخص....
يا فندم انا مندوب محلات مزازيك لادوات المطبخ
والاطباق والصينى
ومعانا طلبية للاستاذ عماد حمدى
ام على....
طلبية ...تقصد كوبايات وكدة
شخص ....
ايوة يا فندم
ام على...
طب طلعوها
شخص...
محتاجين عمال زيادة
دول عربيتين
الستات تدخل جوة
ويجى شباب من اصحاب عماد ويطلعو الكراتين
الصالة اتملت كراتين
واوضة ******* واوضة الجلوس
والمندوب قال ...
خلاص كدة يا هوانم خلصنا شغلنا
تطلع ام على لوحدها
وتشوف الكراتين وتزغرد
اطلعو يا ستات
ضهرنا حيتكسر واحنا بنرص
وبعد 3 ساعات
والرص لسه شغال ومش عايز يخلص
ام عمرو....
ينفع كدة يا سميرة تغرمى خطيبك كدة
دى بضاعة ولا بمليون جنيه
سميرة جت ترن على عماد
عماد كنسل عليها ومردش كذا مرة
قالت يبقى زعلان
وفضل يومين زعلان منها
وهى مش عارفة تشوفه ولا تكلمه
بتقول لامها ...
معقول زعل لما قلت كلمة هبل
امها...
اكيد اعتبر انك قلت عليه يا اهبل
طلعت سميرة تدور على عماد
ف الاخر لقيته بيجرى
سميرة...
يا عماد عماد
عماد .... بيجرى
مش وقته
سعد كان مع مجدى ووليد
وعماد جاى بيجرى ناحيتهم
عماد....
الحقنى يا عم سعد
سعد ...
خد نفسك الاول ...حصل ايه
عماد...
كنت انا وابويا رايحين ارمنت
جت عربيتين ووقفتنا
ونزلت منها ناس بسلاح
و الحج حمدى اختفى
...........
..........
..........
.
.......... الجزء العاشر
سعد....
ريّح نفسك ..خد نفسك
متقلقش
افتح يا مجدى وشوف لنا هو فين
( فى اخر اجتماع عن الانتخابات ..سعد اتفق مع الكل على تشغيل خاصية التتبع ف التليفون GPS
وحمدى متعود يحط تليفونه ف الصديرى )
سعد...
اوعى حد يتصل بيه
يلا بينا يا مجدى
عماد....
انا جاى معاكم
سعد....
لا مجدى بس ..واوعى تقول لحد
فاهم اوعى تقول لحد...
ولا نحاول تتصل بتليفونه
مجدى ....
لحقت الاشارة قبل ما تتقفل
دى ف الاقصر يا سعد
سعد ....
خلاص فهمت...يلا بينا
هاتو سطوحى
ويجى سطوحى ويعرف حصل ايه
وكلهم يركبو عربياتهم
وعند اى كمين يشوفو سعد يعدوهم علطول
ووصلو عند اخر اشارة من التليفون
سعد...
المخزن ده بتاع مسعود المعداوى
وطبعا مترشح لمجلس الشعب
ف المخزن....
مسعود ومعاه كمان عبد اللـه راجح
والاتنين مترشحين للعضوية
والاتنين مربوطين ف كراسى
ومعاهم كمان رجالتهم ع الارض
وفاقدين الوعى
وقدامهم حمدى
وتليفون حمدى قدامه متكسر
حمدى...
ومن امتى الانتخابات بقت بالقوة
الانتخابات تصويت بشرف
وهنا حمدى يشم ريحة العمّة
وسعد يقرب من وشه ويهمس له
متخفش كلنا هنا
خد راحتك ف الكلام وجننهم
حمدى....
بصو يا باشوات
انا باديكم مهلة 48 ساعة
تسحبو اوراقكم بالذوق
او اطلعكم بفضيحة وسجن كمان
ان كنتو عايزينها بالقوة
اتعامل معاكم بالقوة
حمدى...
انصحكم 48 ساعة مش عايز تأخير
ونصيحة اخيرة مش عايزين خساير ف الارواح
واوعو تفكرو تعملوها تانى
ويخرج حمدى ومعاه سعد اللى لابس العمّة
وبعدهم بثوانى مسعود وابو راجح ورجالتهم بيجرو برة
وبعدها المخزن تولع فيه النار
بعد ما بعدو عن المخازن
سعد....
حصل ايه يا حمدى
حمدى....
جم يخطفونى عشان يهددونى وانسحب م الانتخابات
مجدى...
وبعدين
احنا وصلنا لقناك انت اللى رابطهم
حمدى....
فى الطريق اخدونى وهددونى بالسلاح
واول ما وصلنا المخزن
من غير ما ياخدو بالهم
كان مسدسى الصغير فى عمتى على راسى
مسكت مسعود وهددتهم كلهم
خليت رجالتهم يربطوهم
وانا ضربت الرجالة بالاحواض ورقدو مكانهم
سعد....
طول عمرك راجل يا حمدى
وتمر الايام وقبل كام يوم من الانتخابات
اجتماع مع شباب الدايرة
المرة دى معاهم اهالى الناحية البحرية
كبير احدى العائلات من الناحية البحرية....
احنا عايزين نتحد دايما
والمرة الجاية عايزين ندخل القوايم
ولو اتحدنا كلنا
حناخد كل المقاعد الفردية والقوايم كمان
سعد....
المرة دى تعدى على خير
والمرة الجاية نخطط مع بعض
المهم عايزين كل الناس تخرج للتصويت
شخص....
ايه النخطيط المرة دى
حمدى.....
مفيش خطط
كل المطلوب ان الناس تنزل
هو ده كل المطلوب
شخص....
يعنى مفيش تسويد ولا حاجة زى كدة
سعد.....
لا مفيش
نزلو الناس تصوت
واصواتنا تغلب
اما اصواتهم حتتوزع عليهم
وعلى رأى المثل ( فرّق تسُد )
شخص ......
طب حنعمل ايه لمرشحينا اللى ف القوايم
سعد.....
مع احترامى ليهم
الاتنين نزلو على قوايم
الدكتور السعدى الغول
من ارمنت الحيط
لكنه رقم 4
والاستاذ ايهاب ابو ديوك من المريس
وبرضو رقم 4 ف القايمة
ونسبة فوزهم شبه مستحيلة
عشان يفوز رقم 4 فى اى قايمة
لازم تاخد نسبة 87.5 % زايد 1
وطبعا ارمنت الحيط حتكون مع قايمة الدكتور الغول
والمريس حتكون مع قايمة ابو ديوك
تقدر تقولى مين فيهم حياخد النسبة دى
لكن الفردى مضمون
عندنا اتنين البر الغربى
قصاد 5 من البر الشرقى
احنا عندا حوالى 430 الف صوت
والمفروض اللى يصوتو اكتر من النص
بس حنضغط ونطلع الناس ونخليهم 300 الف
والبر الشرقى
عدد اصواتهم 580 الف صوت
بالطول بالعرض حيصوتو 300 الف وشوية
بس حيكونو متوزعين عليهم الخمسة
فلو قلنا عدد اصواتهم 300 الف
كل مرشح مثلا 60 ولا 70 الف
وممكن يعدى 100 الف
لكن عندنا التصويت لرجالتنا وبس
موضوع القوايم بوظ الانتخابات
حمدى....
احنا جهزنا 100 عربية ميكروباص
عشان توصل بناتنا واخواتنا وامهاتنا
توصلهم للمقر الانتخابى وترجعهم للبيت
واللى يعمله **** فيه الخير
وينتهى الاجتماع
***********
قبلها باسبوع
مجدى مع سعد راحو عند المطبعة المخصصة
لطباعة اوراق التصويت
وسعد لبس العمة
والمطبعة شغالة
وهناك كانت لكل مجموعة محافظات ركن لوحده
فضل سعد يلف ف المطبعة
لحد ما وصل للمطبعة اللى بتطبع دايرتهم
وعساكر بترصص الدفاتر ف كراتين
و بعد ترتيب الورق وعمل كل دفتر 100 ورقة
والكرتون فيها 500 دفتر
على الارض الدفاتر متكومة
العساكر يعدو ويملو الكراتين
اى كرتونة يكمل عددها
يشمعوها بالشمع الاحمر
يعنى الكرتونة الواحدة 50 الف ورقة تصويت
والمصيبة العد بيكون اثناء رص الكراتين
يعنى مفيش حد بيعد اللى بتطلعه المطبعة
سعد فضل ساعتين واقف
وكل ما يجى يرصو كرتونة
كان سعد ياخد حوالى 40 ولا 50 دفتر
وف الاخر
اخد من ع الارض
ملا شنطته بالكتير ولا 100 الف ورقة
يعنى 100 الف ورقة تصويت
ورجع لمجدى
مجدى....
ايه ده كله يا ريس
دى باصوات المحافظة كلها
سعد....
لا يا سيدى
دول 100 الف صوت بس
مجدى....
ودول حيعملو ايه
وازاى حنستخدمهم
سعد.....
انا عندى خطة
متشغلش بالك
بعد ما رجعو البلد
حمدى....
انا نفسى اعرف حاجة
هو ليه يا سعد انت اصريت ان مسعود وابو راجح ما ينسحبوش م الانتخابات زى ما انا هددتهم
سعد....
لو انسحبو يا ريس
حيكونو 3 ف البر الشرقى
وممكن يتحدو مع بعض ويغلبونا
لكن لما يبقو 5 حيفتتو اصواتهم
وصعب يغلبونا يا حضرة النائب
مجدى.....
الشباب وصلو الصوان يا سعد
سعد.....
اتكلمو معاهم عشان يهتمو بالناس
مفيش معانا الا كدة
قبل الانتخابات بيوم
اجتماع مع كل الشباب اللى معاهم توكيلات
سعد.....
هو طلب واحد مطلوب من المناديب اللى حتكون فى اللجان ف البر الشرقى
لما يقفلو الصناديق بعد نهاية اليوم التانى
عايز عدد الاصوات لكل صندوق
لازم تتابعو وهما بيقفلو الصناديق
عايز رقم الصندوق ومعاه عدد الاصوات
هو ده بس المطلوب منكم
هناك ما تناقشوش اى حد
متعملوش اى مشكلة
سكتم بكتم
حتى لو عملو تسويد للصناديق
ملكمش دعوة بيهم
ولما يتقفل الورق وتتشمع الصناديق
كل واحد يتصل بالمسؤول عنه
كل 10 صناديق ..فيه فرد تتصلو بيه
هو يسجل كل البيانات
بعدها يبلغها لمجدى باشا
بس كدة
اما المناديب اللى ف البر الغربى
كل اللى عليهم يحاولو يسرعو من عملية التصويت
احنا حنعتمد على اصواتنا اللى هنا
وهى اللى حتنجح مرشحينا
معنديش كلام تانى
حمدى .....
ازاى حنسكت لو سودوا الصناديق
سعد....
خليهم يسودو ...احنا متخصناش اصواتهم
انت عليك البر الغربى
شد حيلك وخلى الكل ينزل يصوت
سطوحى....
شدى حيلك يا بلد ..حمدى بيه ابن البلد
وينتهى الاجتماع على خير
تانى يوم اثناء عملية التصويت
سميرة اخت عمرو كانت بتفرش الشقة مع النسوان
محدش فاضى من الرجالة
كل رجالة البلد بيروحو بيت بيت
يطلعو الستات والبنات اللى ليهم حق التصويت
حمدى وسطوحى بيلفو كل البلاد
كل العزب والاماكن البعيدة
العربيات ف كل مكان
واليوم الاول يخلص ونسبة التصويت يدوب 20 %
......
................
لكن تانى يوم
البلاد تشد حيلها وزحمة فى كل اللجان
الليلة حنة سميرة وعماد
سميرة كل ما تتصل بعماد يطنشها
سميرة مع سميحة مرات سعد
سميرة اخت عمرو...
عماد مطنشنى يا ابلة
ام على...
كلها كام ساعة وتخلص الانتخابات
وبكرة ع الكوشة ابقى اتعاتبو
سميرة...
وليه ميجيش الكوشة ليلة الحنة
ام على ....
يا بنتى ابوه مترشح وبيساعده
اوعى تضغطى عليه عشان ميحصلش حاجة
اصبرى وكل حاجة حتبقى تمام
سميرة....
يووووة ..
هو كان لازم يعملو الخشة مع الانتخابات
مجدى كان بيستلم التقارير
كل اللجان خلصت تصويت والصناديق اتشمعت
عدد صناديق البر الشرقى حوالى 250 صندوق
والتقارير اللى وصلت مجدى حوالى 190 صندوق
مجدى بيحاولو يتصل بالمسؤولين عن الباقى
كل الصناديق جاهزة لنقلها للمقر الرئيسى
وليد كان بيجهز باقى الورق
هو ومجدى بقالهم يومين بيعلمو على الورق اللى سعد جابه من المطابع ويسودوه
فاضل 30000 ورقة ووليد تعبت اعصابه
وايده وصوابعه من مسكة القلم اتخشبت
سعد ينزل البدروم عند مجدى ووليد
محدش بيعرف الخطة غيرهم
لا حمدى ولا سطوحى يعرفو الخطة
الورق اللى جاهز
شنط بلاستيك فيها 300 ورقة متطبقة
بعدها يرص ورق من غير تطبيق
كل 200 ورقة يربطهم باستك
وكل 5 لفات مع بعض عملهم رزمة واحدة
بعدها اخد 20 رزمة
سعد....
يا مجدى
حنشتغل بسماعة البلوتوث
لحد ما تخلص التقارير كلها
كمل شغل مع وليد
ولما اتصل خلينا على اتصال
بعدها تبلغنى برقم الصناديق العمرانة
وتعلم عندك على كل صندوق
وبعد ما تخلصو شغل
وتخلصو الرزم كلها
تيجى انت ووليد بعربيتك برة المقر الرئيسى
ويطلع سعد للمقر الرئيسى
وهناك يلبس العمة
يعمل التليفون صامت
ولما يدخل ينصل بمجدى
ويركب سماعة البلوتوث
ياخد 5 رزم
مجدى يبلغه باكبر 5 صناديق
سعد....
لا... بالراحة
خلينا صندوق صندوق
لما اخلص اقول لك غيره
بعدها يروح لصندوق 221
عدد الاصوات 1001
يجهز رزمة بـــ 1000 صوت
يدخل براسه وايده جوة الصندوق
يظبط الورق ويلمه ف شنطة ويخلى ورقة واحدة
بس الاول يبطل صوتها
ويفك الرزمة اللى معاه ويبعترها ف الصندوق
ويرجع عربيته ويحط الشنطة ويرجع لصندوق تانى
استمر الوضع لعشر صناديق
وخلصت الرزم اللى معاه
بعد نص ساعة وصل مجدى ووليد
خلال ساعتين
كان بدل حوالى 70 الف ورقة
طلعو ع الخط السريع
وهناك ولعو ف ورق التصويت اللى سحبوه من الصناديق عشان ميبقاش اى دليل
وليد وكان ف العربية
وليد....
اخيرا كل الورق خلص
مجدى....
نروح نكمل اللى بدأناه
سعد....
الصناديق شفافة شوية
وعند كل صندوق عسكرى واتنين
وليد...
انا تعبت فى تجهيز الورق يا سعد
مش حياخدو مننا ساعة
مجدى.....
هى العمة لو تشتغل معايا كنت انا كملت
سعد....
خلاص نرجع
ويرجع سعد
ويحط ف الصناديق اللى فيها اصوات كتيرة
ويبدل الورق
ويرجع للعربية
سعد.....
خلاااص انا جبت اخرى
مجدى....
احنا خلصنا اللى علينا
الباقى على حمدى وسطوحى
سعد يتصل بعماد ...
يلا يا عماد ارجع عشان تستعد لفرحك
كفاية عليك كدة
عماد.....
برضو يا عم سعد تسيبونا لوحدنا
لا انت ولا عم وليد ولا عم مجدى
مفيش حد واقف معانا
سعد....
ايه الكلام اللى بتقوله ده
هو يعنى لازم نكون معاكم ف كل حتة
انتو اعملو اللى عليكم
واحنا عملنا اللى علينا وزيادة
حمدى ياخد التليفون من عماد...
مكنش العشم يا استاذ سعد
ترمونى ف النار وتسيبونى
سعد فاتح السبيكر
مجدى ....
انت بتخرف ولا ايه يا حمدى
نوقف معاكم ونعمل ايه
احنا عملنا جولات ف البر الشرقى
وجبنالك 100 الف صوت
حمدى....
محدش شافكم لا هنا ولا ف البر الشرقى
مجدى....
هو انتو لازم تشوفونا قدامكم
اقفل بدال ما اخربها
سعد ومجدى يزعلو فعلا من كلام حمدى وابنه
تانى يوم سعد مخرجش من بيتهم
حمدى كان مع اخوه سطوحى بيتابعو عمليات الفرز
ولما اشتغل الفرز ف صناديق البر الشرقى
شافو بنفسهم اصوات بتجيهم من غير ترتيب
ارقام مهولة بيسمعوها
لا هو مصدق
ولا مرشحين البر الشرقى مصدقين
مسعود وباقى المرشحين بيزعقو
ايه اللى بيحصل
ازاى صندوق بلدى ماخدش فيه الا 50 صوت
ايه اللى بيحصل
حمدى بيحاول يتصل بسعد
سعد يقفل تليفونه
ومجدى كمان
يتصل بوليد...
وليد.....
ايوة يا عم حمدى حصل ايه
حمدى....
هو ليه سعد مش بيرد علينا
وليد....
انا وسعد ومجدى بقالنا 3 ايام بلياليهم شغالين فى ورق التصويت
حمدى...
مش فاهم تقصد ايه
وليد.....
احنا جهزنا 100 الف صوت
ورحنا بدلناهم ف الصناديق
اومال عمّة سعد بتعمل ايه
وف الاخر تقول مش واقفين معاكم
كل اللى عملناه ده وموقفناش معاكم
تزعل سعد ومجدى
سعد لما بيخطط لحاجة
مش لازم يقول عنها
ماهو لو قالك عن الخطة
كنت حتكسل عن البر الغربى
هو قال البر الغربى واصواتنا الاهم
ساب لكم البر الغربى
وسعد ومجدى وانا اخدنا البر الشرقى لوحدنا
يعنى جبنا 200 الف صوت
نزلنا من رصيدهم 100 الف
وحطينا لرصيدك 100 الف
مبروك يا حضرة النائب
ويقفل السكة ويترمى على سريره ف سابع نومة
بالليل سعد يروح الفرح عشان خاطر عمرو واخته
الفرز كان خلص ومنتظرين الاعلان الرسمى بعد يومين عشان نسب القوايم
عمرو كان جاى ومعاه واحدة بنت ...
البنت تسلم على سعد
وسعد يسلم من غير ما يدقق تبقى مين
البنت....
ايه يا استاذ سعد لحقت تنسانى
سعد.....
معلهش مرهق شوية من الانتخابات وكدة
البنت ....
انا شروق ..ولا نسيت مشوار لندن
سعد.....
اهلا شروق
اصل المكياج مغير شكلك شوية
عمرو.....
شروق كانت شغالة فى الكافتيريا عشان تصرف على نفسها ودراستها ف لندن
سعد.....
تقصد كانت بتدرس هناك
يعنى مش بنت صاحب الكافتيريا
شروق.....
لا انا كنت بادرس طب هناك
اخدت اول سنة ف روسيا
عشان المجموع مكنش كبير
وبعدين لما تفوقت حولت على لندن
سعد.....
طب ايه
شروق....
سمعت من عمرو عن موضوع المستشفيات الخيرية
وقلت يمكن اضمن لى وظيفة لما اخلص
سعد....
خلصو انتو الاول ووظيفتكم مضمونة
وفجأة بلا مقدمات
ضرب النار يشتغل
عمرو....
ايه هى العروسة وصلت من الكوافير
مجدى يجى لسعد...
المهمة تمت يا ريس
عمرو....
مهمة ايه
مجدى....
الحاج حمدى فاز ف الانتخابات
بس لسه اعلان النتيجة الرسمي
سعد ياخد مجدى على جنب
ومن فين جبتو النتيجة
مجدى....
من فرز الصناديق
عدد الاصوات 570 الف تقريبا
وحمدى وابراهيم بتوعنا حصلو على اكتر من 300 الف صوت واقرب مرشح ليهم 60 الف
يعنى لولا مهمتنا كانت حتبقى اعادة
سعد....
حصل خير ...خلونا ف الفرح
شروق....لعمرو
هو استاذ سعد مش فاضى ولا ايه
عمرو...
اصل والد العريس يبقى مترشح ف الانتخابات
وسعد واصحابه مهتمين بكدة
وفى وسط المغمغة والزحمة
يجى حمدى ويصر يبوس على راس سعد
وبعد شوية عتاب
سطوحى ومجدى يصفو الجو بين الاطراف
المهم توصل العروسة
والناس بقت تيجى من كل حتة
جاية تبارك للحج حمدى ع الانتخابات
يلاقو الفرح يكملو فرحة
بعد كام يوم
تظهر نتايج الانتخابات
ينجح حمدى واللى تبع سعد برضو من اول مرة
***********************
سعد فى البيت
وحط العمّة فى الدولاب
سميحة بتسأله عمّة مين دى يا سعد
على يجرى عليها
يلبسها ويظهر الموضوع وراثى
يختفى على ابن سعد
ومع صرخته
سعد عرف مكانه واخد العمّة من على راسه
وسميحة بعد الصراخ ابتدت التحقيقات
***********
نكمل فى سلسلة جديدة
********** قريبا التكملة ****************
..........الجزء الأول ........
قبل سنة فاتت
سعد نزل البدروم ولبس العمّة على راسه
وجرب امكانياتها
ورجعها مكانها
فى الوقت الحالى************
سعد عمل اجتماع مع اصحابه
الرائد مجدى والمعلم سطوحى واخوه حمدى
والمهندس وليد اقرب صاحب لسعد
وقرر يكشف لهم سر العمّة
***************
مجدى وصلته معلومة
ان فيه عملية بيع آثار بين تجار آثار
فضل يتابع الموضوع باهتمام
وكلف واحد عفريت من صحابه بس مش من الشرطة
الاخ ده فضل ورا الموضوع وجاب قراره
ولما عرف وقت التبديل بين التجار بلغ مجدى بيه
ومجدى كلفه بتصوير عملية التبادل بالتفصيل
فى مكان ما بالقرب من مدينة اسنا بالاقصر
عملية بيع آثار
جماعة معاها تمثالين دهب وتمثال حجرى
ومجموعة معاها الفلوس بالعملة الصعبة
اثناء التبادل
سرينة شرطة بصوت عالى
10 ضباط يحاوطو المكان بمسدساتهم
ومعاهم القائد ومفيش عساكر
الكل يرفع ايده ويرقد ع الارض
يدخل اكبر رتبة ويقلب ف البضاعة والفلوس
القائد ....
حطو الحاجة والفلوس ف شنطة العربية
اما انتو ( يقصد بتوع عملية التبادل )
انا حاشفق عليكم وعلى عيالكم
لازم اعرف فين المقبرة
واما كل واحد ياخد طلقة
ونقول عملية تبادل نيران
تاجر الاثار...
يا باشا احنا منعرفش المقبرة
احنا اخدناها من جماعة من المنيا
والعملية تمت من غير مقابلات
اخدو الفلوس من ع الاسفلت وسابو الحاجة
واحنا بنبيعها بتمنها الاصلى وبناخد مكسبنا
القائد ....
المبلغ الحالى كله كام
التاجر ...
حوالى 40 مليون اخضر يا باشا
حتتين دهب وتمثال حجر
واللى حيشترى من بحرى
القائد....
لو سمعت عن اى عملية
او شفت وشكم ف نواحينا
مش حيكون فيه تسامح
حنضرب بالنار علطول
سيبهم يا حضرة الظابط
بعد ما يسيبوهم
الناس تاخد بعضها وتجرى على عربياتها
صدقت ما فلتت من الكمين
التاجر....
تلاقيهم حياخدوها لنفسهم
يعنى بصريح العبارة نصبو علينا
زميله...
حر ونار فى جتتهم
بقالنا كام شهر بنخطط
وف الاخر ياكلوها ع الجاهز
اللهى ما تلحقو تتهنو بيها
القائد ومجموعة الظباط
القائد....
يلا ادى كل واحد مليون من دول
ولما نتصرف ف الحاجة ابقى اشوفكم
ظابط....
كله بركة يا افندم ..
كفاية كدة مش عايزين حاجة تانى
خليهم كلهم مع بعض ولما نخلص جولتنا ناخدهم
القائد.....
تحرياتك مظبوطة يا سيادة المقدم
المقدم....
اومال ايه ..انا متابع الحدوتة من 3 شهور
والحاجة و الفلوس تتحط ف شنطة عربية القائد
اربع شنط كبيرة وشوال فيه البضاعة
عند كمين الرزيقات بالاقصر
الظابط مجدى الهوارى ومعاه 5 افراد
ملازم و4 عساكر
مجدى فاتح التليفون ع الفيسبوك
توصل له رسالة عبارة عن فيديو
بيتفرج وبيضحك
وبيقول بسيونى بسيونى
حبيبى يا بسيونى
الملازم....
افندم...وصلت اخبارية اكيدة
ان لجنة من المديرية كانت ف اسنا وحتعدى من الطريق الغربى وتعمل تفتيش ع الاكمنة..
الأول حتعدى تعمل تفتيش على امن دير مارى جرجس
مجدى....
يا مرحب يا مرحب باللجنة واللى فيها يا مرحب
أكيد ميعرفوش اتى واقف هنا
حنرحب بيهم اخر ترحاب
هات باقى العساكر اللى ف الراحة بسرعة
ويطلع صفارة ويصفر
5 كلاب من بتوع سعد بيجرو ناحية الكمين
الملازم....
يا باشا ...لما بتيجى الكللابب هنا بتخرب الدنيا
عايزة تفتش ف كل عربية وشكلهم
مجدى....
مالو شكلهم
ما هم زى القمامير
كلاب اصيلة ونضيفة
مفيش واحد منهم بيهنطل من بقه
متربيين ع الغالى
الملازم ...
ربنـا يستر
مجدى....
جهز العساكر وانت امسك الكمين
الملازم...
وحضرتك
مجدى....
مش عايز اشوف شكله
تيجى كل العساكر وتعمل تشريفة ع القد
مجدى يتصل بسعد ويتكلم معاه شوية
سعد ومعاه سطوحى وحمدى ووليد
مجدى يزوغ من الكمين ويلبس جلابية
ويحصلهم ويروح معاهم
كلهم يطلعو عند نص الطريق قبل المقابر
وقبل الدير بحوالى 500 متر
سعد كان لابس العمّة ومنتظر وصول الموكب
حطو جذع نخلة وسد الطريق
طبعا عربيات الموكب وقفت ونزلت الظباط
عشان تشوف حد يشيل النخلة
القائد ....
خلو بالكم ليكون كمين ولا فخ
ظابط....
لا يا باشا دى نخلة قديمة سوست ووقعت
سعد لابس العِمّة
ومد ايده عشان فتح صندوق العربية
سعد فتح صندوق عربية القائد بالراحة
وكان القائد بعد ما عرف انه مفيش خطورة
م اللى بيحصل نزل من العربية
ظابط....
لا يا باشا ...خليك دى خفيفة خالص
كان سعد اخد الفلوس والاثار من شنطة العربية
وراح دخلهم القصب
كانو 4 شنط وشوال فيه التماثيل
بعدها حمدى وسطوحى ووليد ومجدى حملو الحاجة
وكان معاهم سعد
ولما وصلو جوة القصب لمكان بعيد شوية
مجدى سابهم ورجع غير هدومه ورجع الكمين
عند الكمين
مجدى....
ايه يا مهند ...لسه الموكب معداش
الظابط ...
اسمى نور يا افندم
لسه يا افندم مرجعوش م الدير
...................
بعد ما الظباط حولو النخلة
وبعدها كلو يرجع عربيته
ويطلعو يعملو جولة التفتيش على امن الدير
يسيبو العربيات جنب البوابة ويدخلو
سطوحى وحمدى ومعاهم سعد ووليد
يوصلو بالحاجة لبدروم سعد
......................
بعد جولة التفتيش ف الدير وهما راجعين
يوصل الموكب لكمين مجدى اللى مقامش من مكانه
الموكب يوقف عند الكمين
عشان مش لاقى ترحيب من ظابط الكمين
والظابط اللى مع القائد بيقول....
حانزل اوريه مكانته يا باشا
القائد.....
لا بلاش ده الظاهر مجدى الهوارى
مش عايزين مشاكل معاه
عايزين نرجع بالحاجة والفلوس بخير
بعد ما يعدى الموكب بكيلو
يوصل لواحد من الظباط رسالة
( حاجتنا رجعناها من تانى )
ويبعت معاها الفيديو اللى اتصور وقت التبديل
الظابط يشوف كل وشوشهم ظاهرة
كل الظباط والقائد بتاعهم ظاهرين بوضوح
اما التجار كل وشوشهم مدارى عليها
الظابط يوقف العربية ويوقف الموكب
ويجرى للقائد....
اتفرج يا باشا...دى مصيبة حصلت
مدير الامن بيتفرج ويروح ينزل بسرعة...
افتح صندوق العربية بسرعة
فميلاقيش لا فلوس ولا شوال الاثار
..امتى حصل ده وازاى
انتو شفتو حد لما كنتو بترفعو النخلة
الرائد...
لا يا افندم مفيش حد خالص ظهر وقتها
القائد....
يبقى حصل لما نزلنا عند الدير
الفيديو ده ممكن يحبسنا
وتيجى رسالة للظابط من تانى...
معاكم اسبوع
الظباط فلان وفلان ..ويعد الظباط العشرة
كلهم يتم تحويلهم للوجه البحرى
اما اللوا بسيونى
كفاية عليه كدة ..يقدم طلب للتقاعد
اسبوع مش اكتر
ان محصلش حنوصل المقطع للوزارة
القائد...
ادى اخرتها ...تقاعد او سجن
وخلال اسبوع فعلا
مدير الامن عمل تحويل لكل الظباط لوجه بحرى
اما هو قدم طلب للتقاعد
عمره 67 سنة ووافقو عليه طوالى
...........................
بعدها اجتمع سعد مع اصحابه
واتناقشو حيعملو ايه بالفلوس والاثار
وليد....
اكيد مجدى حيقول نسلمهم للحكومة
مجدى.....
حلاوتك يا حكومة
حكومة مين يا باشمهندس
دول تمن السنة اللى كنت مطرود فيها من الخدمة
ومن بكرة حاقدم استقالة ...خلينا نعيش
اجيب لى تريسكل وابيع بقالة مع سعد
بس الاول اذل بسيونى بسيونى
وبالليل كلهم يلفو على مكاتب الصيارفة
وبالعافية يغيرو 100 الف دولار
.......................
تانى يوم
سعد يطلب من حمدى يشوف حد يشترى التماثيل
حمدى ....
وانا اشوف من فين ..مش فاكر حد
سعد....
طب متشوف مغاورى بتاع المشايخ من سوهاج
حمدى....
وانت تعرف مغاورى من فين
ايوة فكرتنى حاسال على رقمه
سعد....
تصدقنى لو قلت لك شفته فى حلم قبل كدة
حمدى....
احلامك واقعية يا ريس
ويدور على رقم حد من سوهاج
مجدى....
عندى الحكاية دى
ويتصل بواحد من قرية قريبة منهم
يتصل بواحد اسمه السهمودى
من الشيخ جامع بدار السلام ( أولاد طوق شرق )
ويقوله توصل المشايخ
وتدور على تاجر اسمه مغاورى
السهمودى ....
ايوة اعرفه بس محتاجه ف ايه حضرتك
مجدى....
حنتعامل معاه ف تجارة
السهمودى...
حتشترى بطاطين ولا
مجدى .....
ولا ايه متقول
السهمودى.....
اثار يعنى
مجدى....
اثار ايه جاتك خيبة
محتاجين بطاطين للتجارة
السهمودى....
وايه دخل الباشا بالتجارة
مجدى....
يا عم شغال ف التجارة اليومين دول
ولا انت متعرفش انا استقلت وريحت دماغى
انا رجعت بس عشان اثبت براءتى
وخلاص اثبتها
لكن دلوقتى التجارة وشغلها بيكسب
وشغال بمزاجى من غير ما حد يؤمرنى
السهمودى ...
طب احنا لينا حلاوة ف كدة
مجدى....
حلاوتك محفوظة بس لما اتصل بيك تحاول تنزل لنا ف سعر البطانية
السهمودى .....
اخر النهار حارد عليك
انا حاروح له طوالى يا باشا
مجدى....
منتظر اتصالك ..
بس بلاش تقول له ظابط وكدة
عشان ميفكرش ف كدة ولا كدة ...سلام
وبعد 3 ساعات يتصل السهمودى
السهمودى ....
انا عند المعلم مغاورى يا استاذ مجدى
مجدى....
طب اسأل لنا كدة عن سعر البطانية الطبقتين
السهمودى ....
بيقول الواحدة منها نوعين
نوع الدب ونوع التفاحتين
الدب على 500 جنية والتفاحتين على 450
مجدى....
حاول تنزل السعر ولا ادهولى
مغاورى....
ايوة يا استاذ مجدى .... اؤمر حضرتك
مجدى....
احنا محتاجين 1000 بطانية على بعضهم
نصهم من ده والنص التانى من النوع التانى
بس خليك حنيّن شوية ..عايزين لنا لقمة عيش
مغاورى ....
لا طالما العدد ده يبقى نتفاوض
الدب تجارى بيوصلنى على 450
وانا حادهولك على 475 جنيه
والتانى بيوصلنى على 400
وادهولك على 425
مجدى ...
ده اخر كلام يا معلم
مغاورى ....
وغلاوتك ده اخره
مجدى.....
ماشى كلامك يا معلم
خد نمرتى ورن عليا بعد ساعة لما تكون لوحدك
وادينى السهمودى
ايوة يا سهمودى
انت شايف البضايع عندك
عايزك تصور لى كام صورة للنوعين
وانا والمعلم اتفقنا ع السعر وحلاوتك محفوظة
وفوق منهم بطانية كمان
السهمودى....
هو ده العشم يا غالى
حاصورلك وابعت لك عدل
مجدى .....
مع السلامة يا غالى
السهمودى يصور المقاطع ويبعتهم
مجدى مع سعد واصحابه.....
مجدى....
الموضوع حيكلفنا نص مليون جنية بضايع
سطوحى ....
ليه حنشترى بطاطين بجد
سعد....
مش مشكلة نوزعهم ع اهل البلد الغلابة
بعد ساعة مغاورى يتصل بمجدى...
مغاورى ....
ايوة معاك يا استاذ مجدى
مجدى....
بص يا معلم
احنا اتفقنا على موضوع البطاطين ده خلاص
1000 بطانية اول ما يوصلو ع الطرابيزة
لكن بص كدة انا حاقفل واتصل فيديو
ركز معايا
مغاورى....
فيديو ..وقبل ما يكمل يقطع الاتصال
ويرن التليفون مكالمة فيديو
مجدى....
بس كدة ...انا معايا دول
تمثالين دهب وواحد حجر
ركز وعاين او تيجى الاقصر تعاين بنفسك
وهات معاك الخبير واجره علينا كمان
مغاورى....
انت بتقول ايه
مجدى.....
انا من طهطا يعنى بلديات
وقلت بلدياتى اولى م الغريب
هنا فيه كتير يشيل بالتمن اللى نقول عليه
بس انا مش ضامن الا ابن بلدى
ومتحاولش تنكر
اعرفك واعرف كمان الناس اللى شغالة معاك
عادل ابو محمود وخاله السنى
وكمان من اخميم الزوطى والسلعاوى
المهم ...عايز ولا اشوف غيرك
مغاورى...
انا معرفش الناس دى
مجدى....
براحتك .... ويقفل السكة
****************
سميحة ومنى مع بعض
سميحة رغم انها خلفت 3 عيال
اكبرهم 6 سنين واصغرهم سنتين لكن رشيقة
ومحافظة على تناسق جسمها
اما منى بطنها منفوخة بالرابع
وبرضو بقت زى العجل من غير حمل
وقدامها اى اكل بتهبر منه
سميحة....
ايه يا منى ...مش بتشبعى خالص
منى....
اعمل ايه ..مش عارفة اطبخ ف البيت
والعيال بتعمل زحمة وبيخطفو منى الاكل
سميحة ....
بس بالراحة عشان تعرفى تتنفسى ع الاقل
منى....
ابقى اتنفس ف البيت ..خلينى اكل واشبع
سميحة....
طول عمرك مفجوعة
بتحبى حاجتين ف حياتك
الاكل والفرم
منى....
وحياتتك مانا مستحملة اى فرم اليومين دول
بيجى وليد بالليل اعمل نفسى نايمة
وهو ولا هنا اصلا
يخش ع السرير وبعد نص دقيقة اسمع شخيره
الباب يخبط وتدخل عبير
عيل ف ايدها وبنت شايلاها
عبير....
ايه يا فنطاس برضو بتاكلى
هو مفيش عندكم اكل ولا ايه
منى....
لا مفيش وحياتك
انا هنا اكل ولما اروح عندك اكل
اومال ايه فايدة الصحوبية
انا مصحباكم عشان كدة
عبير....
طب بلاش تتعبى نفسك وتروحى هنا وهنا
خليكى ف بيتك ونبعت لك
منى....
مش حينفع عشان سببين
سميحة ....
ايوة اشرحى البرهان ..اللى هما ايه
منى....
السبب الاول
العيال مش حتخليلى حاجة
السبب التانى
اتمشى عشان اهضم الاكل
سميحة...
حتى عيالها مفجوعة زيها
خلصو على حلتين رز لوحدهم
حتى الواد الصغير ضرب اخوه بالمعلقة ف راسه
عبير....
صحة وعافية عليهم
*******************
مغاورى يتصل بمجدى من تانى
مجدى...
الووو ايوة مين
مغاورى...
انا المعلم مغاورى يا استاذ مجدى
انا عرفت انك ظابط
مجدى....
كنت ظابط ...لكن دلوقتى تاجر
مغاورى....
وان ايه اللى يأكد لى انك مش عامل كمين
مجدى....
بص انا قلت اللى عندى
لو كمين كنت خليت حد تانى يتصل بيك
عايز البضاعة اهلا وسهلا
مش عايز قدامى 3 تجار
معاك 5 دقايق
بعدها حاتصل بواحد من الغريرة سلام
بعد 3 دقايق
يتصل مغاورى...
خلاص موافق ..انا جاى اعاين
بعد ساعتين اكون عندكم
مجدى....
بعد ما توصل قنا تيجى غرب
وبعد ما تعدى ارمنت اتصل ونستقبلك ...سلام
سعد....
يا مجدى تقدر تعرف لى حد من التجار
اللى البهوات نصبو عليهم
مجدى....
اكيد دى ساهلة
وليد...
واحنا مالنا بيهم
سعد.....
هو انت فكرك حناكل حقهم
حنرجع لهم حقوقهم وناخد نسبتنا
ما هو برضو حتبقى خسارة عليهم توجعهم
دول مش مليون مصرى ولا اتنين
دول يجو حوالى مليار ولا اتنين
سطوحى ...
بسعر الدولار حاليا على 29 وشوية
يعنى تقريبا اتنين مليار ونص الا حاجة بسيطة
سعد....
واحنا حنعمل ايه بالفلوس دى كلها واصلها حرام
مجدى .....
اتصل واعرف يعنى
سعد....
ايوة لازم نعرف
مجدى يتصل بالاخ اللى صور مقطع الفيديو
مجدى....
ايوة يا سلطان
الناس اللى اتنصب عليها ف الفيديو اللى صورته
تعرف حد فيهم
سلطان ....
ايوة اعرف واحد ساكن فين ..لكن اسمه معرفوش
مجدى....
خلاص هات العنوان بالظبط
وحاول تعرف اسمه ايه
سلطان ....
حصل ايه عشان ده
مجدى.....
لا ابدا مجرد استعطاف
المهم انت حاول
سلطان ....
حاضر يا باشا م العين دى للعين دى
مجدى ...
مع السلامة
بعد ساعة يتصل مغاورى
مغاورى ...
يرضيك على كمين دندرة اخدو الرخص
مجدى....
ارجع لهناك وانا حاتصل يرجعوها
مغاورى ....
انا واقف هناك اصلا
مجدى يفصل عنه ويتصل بواحد ظابط ع الكمين
ويستسمحه يرجع للمعلم رخصته
وفعلا يرجع لمغاورى الرخص
............................
لكن عسكرى يشوف حاجة بتنقط من صندوق العربية
العسكرى...
الحق يا باشا
فيه ددمم بينقط من صندوق العربية
الظابط بس سمع كدة ...
اثبت محلك... اوعى تتحرك... ارفع ايديك لفوق
انت معاك قتيل ف الصندوق
................
الجزء الثانى
......... الجزء الثانى
مغاورى...
قتيل ايه بس يا باشا
دول شوية سمك قراميط
اشتريتهم من على قناطر نجع حمادى
واخدهم هدية لتاجر رايح اتفق معاه على شغل
والعسكرى يفتح الصندوق ويقول....
دى قرامبط لسة بتلغوص يا باشا
الظابط.....
انت يا بهيم مش تتاكد الاول قبل ما تقول د م
جاك د م لما ياخدك
اتفضل يا معلم ...معلهش عطلناك متاسفين
وبعد ساعة يوصل المعلم مغاورى
والخبير بتاعه يعاين البضاعة
سعد ومجدى بيفاصلو ف السعر
سعد....
بص يا معلم انا حاقول كلمة مفيش بعدها فصال
40 اخضر و10 مصرى
كدة اخر حاجة
ومش حافاصل
مغاورى....
بس كدة كتير
سعد....
الموضوع خلص
هات يا وليد الحاجة وديها المخزن
وانت يا مجدى
ربع ساعة واتصل بالمعلم الدهشورى
مغاورى...
لا خلاص موافق
انا ماديش رزقى للدهشورى لو حاموت
سعد....
مبروك عليك
مغاورى...
طبعا موضوع البطاطين موضوع خلصان
مجدى...
اكيد خلصان
مغاورى....
عشان اخلى الرجالة تحمل البطاطين
وف الوسط تبقى الفلوس
ويتصل برجالته
حملو عربيتين نص نقل
كل عربية 500 بطانية من نوع
وتحطو بين البطاطين 40 اخضر و10 مصرى
ولما توصلو قنا تعدو بالغرب
وبعدها اتصلو وانا ادلكم ع العنوان
واحد من رجالة مغاورى....
احنا من وقت ما مشيت يا معلم بنجهز البطاطين
ساعة ونحملهم والموضوع خلصان
مغاورى....
خلى السواقين ومعاهم اتنين مع كل سواق
يلا عشان تخلصو
وقبل ما تتحركو ادونى تمام
بعد نص الليل توصل عربيات البطاطين
عمال مغاورى
وسعد وصحابه كله بينزل
بعدها يفرزو الفلوس
ويدخلوها البدروم
ومغاورى يسلم عليهم ويقول...
نتمنى التعامل معاكم مرة تانية
اول مرة بس مش حتكون اخر مرة
سعد.....
المرة الجاية تقّل جيبك
توصلو بالسلامة
مغاورى ياخد حاجته ورجالته ويمشو
بعدها الكل يدخل الفلوس جوه المخزن
وينزلو البطاطين للبدروم ويرصوها
بعدها وليد يسحب فرشة وينام ع الارض
سعد....
ايه يا وليد حتنام هنا خايف ع الحاجة
وليد...
اخاف من ايه هنا
انا خايف ف البيت المدام بقت مفجوعة
حمدى وسطوحى ومجدى يرجعو بيوتهم
وسعد يتصل بسميحة ويقولها ....
انا معايا شغل وحابات ف البدروم
سميحة....
انزل اساعدك يا حبيبى
سعد.....
لا حبيبتى ...وليد معايا تصبحى على خير
مجدى تانى يوم الصبحية
يدى سعد عنوان الاخ اللى اتنصب عليه واسمه
بعد شوية الكل يجمع ف البدروم
يطلعو كل الفلوس
تمن البضاعة 40 مليون اخضر اللى اتسرق
ويدخلو المصرى جوة المخزن
وبعدها يطلعو 30 اخضر من البيعة الجديدة
ويرصوهم جنب بعض ويبقو 70 مليون اخضر
ويطلعو من البدروم ويقفلو كل مداخله
سعد يركب عربيته ويطلع
يوصل اسنا
ويسأل على المعلم هارون الاسناوى
ولما يعرف مكانه ويوصل لبيته
سعد شافه طالع من البيت عرفه من الفيديو
سعد....
يا معلم هارون ...ممكن لحظة
هارون....
اهلا اهلا ...اتفضل البيت اهو
سعد....
ممكن نقعد دقيقة بس برة البيت
هارون.....
لا متجيش لازم ضيافتك
انا اعرف تقريبا سكان اسنا كلهم
انت مش من هنا
سعد ....
انا من الرزيقات
ممكن لحظة متقاطعنيش
هارون....
لا مينفعش كدة
سعد....
انا لو قمت مش حاقعد تانى وانت خسران
هارون....
طب قول ...عايز عجول ولا خرفان
سعد....
صدقنى لو نطقت حتخسر 70 مليون اخضر
هارون...
اخضر ايه برسيم ولا قلاوح
سعد....يطلع التليفون ويفتح الفيديو
بص كدة اتنصب عليكم
واحنا صورنا اللى حصل
هارون يفتح بقه وعايز يصرخ....
يا فضايحنا يا وجع بطنى ...هاتولى الاسعاف
ليه بس تفكرنى
سعد....
متخفش مفيش وجع بطن ولا يحزنون
حنرجع لكم حاجتكم بس بشروط
هارون....
ازاى ترجعوها من بطن التماسيح دول
سعد....
ممكن تسمع للاخر
هارون ...يقلع جزمته ويحطها ف بقه
اهو سكت اهو
سعد....
الاول حتجيب كل الناس بتوعكم اللى كنتو وقت التسليم
سواء صاحب البضاعة او صاحب الفلوس
ثانيا ....
حتاخدو سبعين اخضر
35 لكل جماعة
ويفتح الفيديو التانى
ويفرجو ع الفلوس
وثالثا متسألش ازاى ولا ليه
الساعة 1 الضهر حاتصل بيك
الاقيك جمعت كل الناس اللى كانو هناك
ومعاكم عربية تاخدو فلوسكم
حتقول حادى حتقول بادى
ميلزمنيش
احرقهم كلهم وانا مش متضرر
هارون....
وانت استفدت ايه
سعد....
احنا استغلينا الفيديو
وقدرنا نرجع البضاعة والفلوس
بعنا البضاعة واخدنا نسبتنا
واتفقنا عشان تبقى فلوسنا حلال نرجع حقكم
واظن 10 اخضر مش خسارة بالنسبالكم
اعتبرو بعتوها او اشترتوها بـ 35
دلوقت الساعة 10
بعد ساعتين حاتصل
وان لقيتكم كلكم مع بعض اسلمكم فلوسكم
ان كان ناقص واحد ميلزمنيش حد منكم
ويرجع سعد لبيته من تانى
والساعة 12 بالظبط
كان هو وصحابه قدام البيت
ويتصل سعد بهارون....
هارون...
ايوة يا باشا
احنا كلنا مع بعض دلوقتى
سعد....
تيجو بعربية ربع نقل معاكم
عارفين طبعا دير مارى جرجس
هارون...
ايوة يا باشا
سعد....
تطلع على الطريق هناك
وتوقفو قبل المزلقان بشوية او بعده
المهم الاقيكم هناك خلال ساعة
اية العربيات اللى معاكم
هارون...
معانا عربتين ربع نقل واحدة خضرة والتانية بيضا
سعد....
ماشى الاقيكم هناك ...سلام
وينزل سعد واللى معاه البدروم
يجيبو 13 بطاطين بكراتينهم
يطلعو 7 بطاطين
ويملو الكراتين بالفلوس
كل كرتونة اخدت 10 مليون
ويحملوها على عربية ربع نقل
ومعاهم 6 كراتين بالبطاطين بتاعتها للتمويه
سعد يشرب الشاى
ويركب لوحده
ويوقف عند السحارة على مدخل طريق الدير
بعد ربع ساعة من وقفته
عربية خضرة ووراها عربية بيضا يعدو
سعد ينتظر دقيقة ويطلع وراهم
يوقف جنبهم ويرد السلام
سعد....
ينزل من عربيتة الكراتين اللى فيها بطاطين
ويقول...
يلا همتكم حولو دول على عربية واحدة
ويروح بعد اول كرتونة على عربيتهم
ويفتحها ويقول ادى فلوسكم
كل كرتونة فيها 10 اخضر
يبقى المجموع 70 اخضر
ولما تكون معاكم حاجة للبيع
ابيعهالكم فى 3 ايام لحد اسبوع
لا خطط ولا مواعيد
لا سلم ولا استلم ولا مواويلكم دى
هارون....
طب احنا متعرفناش بحضرتك يا باشا
سعد....
اسمى سعد و متسألش عن حاجة تانية
خلال شهر حاتصل
او لو معاكم حاجة تتصل بالرقم اللى معاك
بس مش علطول مفتوح
الاتنين والخميس بعد الضهر للمغرب
يلا السلام عليكم
بس يمشى ويبعد
والرجالة تتنطط وترقص م الفرحة
ويرجع سعد ويقعد مع اصحابه
سعد....
يلا كدة كل واحد يهتم بشغله
وابعتو الحريم تيجى البدروم
محتاج اتكلم معاهم انا ومراتى
سطوحى....
ومال الحريم ف شغلنا
سعد....
ومين قال عن شغلنا
اومال مين حيوزع البطاطين المتكومة تحت
وليد....
ليه احنا مش حنبيع
مجدى....
نبيع ايه يا هندسة
احنا اخدنا نصيبنا
وبعدين نبقى نتكلم فيه
لكن البطاطين الظاهر سعد عايز يوزعها للغلابة
سعد....
روحو اتغدو وبعد الغدا ابعتوهم
وليد.....
انا مش باخاف الا من الغدا مع المدام
سعد....
خد لك كام فرخة محمرة من الكافتيريا
متبقاش بخيل يا اخى
حمدى....
تعالى خد لك 5 محمرين على حساب صاحب المحل
وليد....
وهو مين صاحب المحل
سعد....
خلص يا وليد ورانا شغل
ومش عايز اشوفك كام يوم
روح شركتك وشوف اعمالك....
وليد....
اخد الفراخ الاول ...سلام
....
وبعد الغدا
سعد ينزل البدروم
وربع ساعة تتصل سميحة تبلغه النسوان وصلت
سعد....
طب انزلى معاهم البدروم
سميحة...
بس منى لسه مجتش
سعد....
سيبك منها اكيد لسه بتاكل
وبعد شوية تنزل سميحة ومعاها النسوان
ويلاقو البدروم مكبوس كراتين بطاطين
سعد.....
ممكن تركزو معايا شوية
بعد ما تروحو البيت
كل واحدة تركز فى بلدهم
وتجمع ف دماغها او تكتب ف ورقة
ناس غلابة ومحتاجة وبنات على وش جواز
عشان بكرة حتروحو توزعو البطاطين دى عليهم
اظن مرات حمدى وسطوحى جيران
ممكن يساعدو بعض
وهنا سميحة وعبير حيساعدو بعض
عايز كل محتاج ياخد منها
وان حد غلبان طلب اتنين
ادوله اتنين متحرموش حد من حاجة
فهمتو الوضع
يلا على بيوتكم وشغلو دماغكم
النسوان تمشى وتبقى سميحة
سميحة.....
ممكن اسأل
سعد....
حابقى اشرح لك منين البطاطين دى بالليل
سميحة ....
طب ممكن استعين بالست ذكية
دخلت بيوت كتير ف البلد
وتعرفها شرقها غربها
سعد......
ماشى انت وعبير ومنى
واكيد الست ذكية حتعرف اكتر منكم
اسبوعين يعدو
وكل واحد مهتم بشغله
البطاطين اتوزع منها حوالى 800 على معظم البلاد القريبة منهم وكل شيء تمام
يوم الاتنين بعد الضهر
واول ما سعد فتح خط التليفون
اللى مش متسجل باسمه
واللى بيبقى مع بتوع الاثار
بس يفتح الخط والتليفون يرن
هارون....
السلام عليكم استاذ سعد
الحمد لـله المرة دى فتحت تليفونك
سعد....
اهلا وسهلا مين معايا
هارون....
انا هارون الاسناوى
مش قلت لو معاكم حاجة كلمونى
سعد....
اه افتكرتك
وايه... معاكم حاجة
هارون....
معانا 3 حتت دهب اكبر شوية
سعد....
طب هاتهم وتعالى
بس ميكونش معاك اكتر من فرد واحد
اتفرج واعاين ونشوف السعر
هارون ....
انا جاهز بالحاجة وحاجيب معايا صاحبها
سعد....
خلاص بعد ساعة ف نفس المكان
هارون....
حالا حاكون هناك
سعد بعد ما يقفل التليفون
يتصل باصحابه كلهم واجتمع معاهم
ويقولهم ع الموضوع
مجدى....
الظاهر حنتحول لتجار اثار
حمدى....
مش كدة يا باشا
الناس ابتدت تثق فينا وف ذمتنا
سعد....
اهو كله خير للغلابة واحنا نسترزق كمان
سطوحى ....
المرة دى ممكن اخد كام مليون اجيب لودر كبير
سعد...
وانت مستنى مرة تانية
ليه انا اخدت الفلوس لنفسى ولا ايه
الفلوس كلها موجودة زى ما هى ولو طلبت
حتدخل وتاخد قد ما تقدر
يا جماعة ..الفلوس دى بتاعة الكل
وللغلابة والفقرا كمان
مكنش العشم يا سطوحى
سطوحى....
ما احنا متكلمناش ولا قلنا ايه نظام الفلوس
وبعدين الصفقة كانت بتاعتك وبتاعة مجدى
مجدى....
يا عم بتاعة ايه بس
كله بتاعنا كلنا
انا مكنش عندى بيت اصلا
ومكنتش املك غير 10 الاف جنيه
وصحوبيتى مع سعد طلعتنى فوق
الاول من فلوس ارضه
مبخلش علينا وبنى لينا بيوت
وعمل لنا تجارة واتجوزنا
سعد....
خلاص يا مجدى
خلينا نشوف البيعة اللى جاية حترسى على ايه..
واتكلمو شوية
وبعدها تليفون سعد يرن
ويتكلم شوية
بعدها ياخد حمدى ومجدى
ويطلع يقابل هارون ويشوفو الحاجة
واول ما يوصلو
هارون يشوف مجدى والظاهر بيعرف انه ظابط..
وراح راكب عربيته وكان حيجرى
لكن سعد لحقه ونزله م العربية
واستخدم معاه القوة
هارون...
انتو عاملين لنا كمين ولا ايه
الاخ ده ظابط
سعد...
يعنى نرجع لكم 70 مليون دولار
كنتو فقدتو الامل فيهم
وكانت بين ايدينا لكن رجعنهالكم
ونيجى بعدها نعمل لكم كمين
مجدى هو اللى السبب ف رجوع فلوسكم
ايوة كان ظابط زمان
لكن الباشا اللى نصب عليكم
كان سبب فى مشكلة لمجدى
وبعد ما اثبت براءته استقال من نفسه
وشغال ف التجارة
احنا مجموعة اصحاب عاملين شغلنا مع بعض
عايزين تمشو اتفضلو مش حامسك فيكم
هارون....
اصل اول ما شفته اتخضيت
المرة دى انا وسيط مش اكتر
سعد....
واحنا برضو وسطا مش اكتر
بناخد نسبتنا وبنعمل حق الغلابة
يعنى اللى ناخده مش لينا وبس
هارون ..
المهم.. معانا 3 حتت
وزن الحتة 7 ونص كيلو
والسعر اللى عايزينه 25 للواحدة
يعنى 75 اخضر للكل
سعد...
خلاص تجيب الحاجة
واحنا نجيب الخبير يعاين
واول ما نخلص ونبيع ابلغك
وعشان المبلغ كبير مش حينفع ف يوم
يوم الخميس حاتصل بيكم
هارون....
بس احنا منعرفش فين مكانك ولا بيتك
سعد.....
اى بنى ادم من المحاميد لحد الضبيعية
تسأله عن سعد اليتيم حيدلك
بس الشغل اللى زى ده عايز السرية مش اكتر
لكن مكانى وبيتى وشركتى كلها ع الخط السريع
انا لو عندى المبلغ ده كنت شيلت واتصرفت
لكن صدقنى احنا وسطاء وبس
بعد ما نمشى
تقدر تروح كافتيريا اليتيم على الشمال
تتغدو وهناك تقولو على حساب صاحب المحل
الكافتيريا تبعى
والبيوت اللى جنبها تبقى بيوتنا
هارون يسحب شوال ويجى يطلع الحاجة
سعد...
لا خليهم زى ما هما وانا اعرف ايه فيهم
يوم الخميس حابلغك بالجديد
هارون...
اشمعنى الخميس
سعد.....
الخميس عشان اللى حيشترى يجهز فلوسه
ومتخفش مش حاظلمك
انت طلبت 75 وطبعا حتاخد اللى تطلبه
لكن قولى
هل فيه تانى غير دول
اصل الظاهر فيه مقبرة
هارون....
كله بوقته ...نخلص دول وبعدها ربـنا يسهلها
سعد ياخد الحاجة ويمشى مع مجدى وحمدى
وهارون واللى معاه قبل ما يرجعو بلدهم
وصلو الكافتيريا
وطلبو اكل على حساب صاحب المحل
سعد.. يدخل ناحيتهم
المكان مكانكم اطلبو اللى يعجبكم
حمدى....
اهلا يا معلمين
تحبو تتغدو ايه
سعد يرجع للبدروم
هارون ...لحمدى
هى الكافتيريا دى تبقى بتاعة مين
حمدى....
دى شراكة بين كام صاحب
انا منهم والاستاذ سعد اللى كان هنا منهم
سعد مع مجدى
مجدى يتصل بمغاورى ويبلغه
ان فيه 3 حتت وزن اكبر من اللى فات
وطوله اكبر كمان
وحيتعمل عليهم مزاد
والمزاد حيبدأ بـــ 90 اخضر
والتزويد بالمصرى
مغاورى...
ممكن اشوفهم
مجدى....
افصل وحاتصل بيك فيديو
ويتصل بيه فيديو ويوريه الحاجة
مغاورى....
ما بلاش مزاد وانا اشيل
مجدى....
عايزين اكبر سعر
وعشان كدة حنعمل مزاد
مغاورى.....
حادفع 100
90 اخضر و10 مصرى
مجدى....
نتشاور واشوف التجار الباقيين
مجدى يتصل بتاجر تانى
وبرضو حصل زى ما حصل مع مغاورى
بعدها سعد يتصل بتاجر من اسنا
هو نفسه اللى كان مع هارون اول مرة
بعدها سعد قرر مفيش مفر
لازم مزاد
واتصلو بالتجار
يوم الحميس الساعة 9 بالليل
حيتعمل المزاد
وكل واحد حيدخل المزاد
تكون فلوسه جاهزة
والتماثيل كانت معاهم ع الترابيزة
وتنزل كبسة عليهم ف البدروم
ومحدش قدر يفلفص من مكانه
******************
الجزء الثالث
.
.
........ الجزء الثالث
.
منى تنزل البدروم ووراها باقى النسوان
سميحة وعبير ومرات حمدى ومرات سطوحى
منى....
ايوة يا سى وليد
سايبنى وناسينى
تطلع الشغل وانا نايمة
وترجع اخر الليل وانا نايمة
مفيش اهتمام ولا فاضى تشوف طلباتى
قلنا نعمل عليكم كبسة
سميحة....
مليش ذنب طبو كلهم ولسه حنحكى
البرميل ده نزل يجرى لوحده
منى....
اه حقك تقولى عليا برميل
ما انا مفيش حد بيدلعنى ولا يهتم
وليد...
يدلع ايه بس
كل يوم بتحشى ف الفراخ واللحم والمحشى
انا خايف وانا نايم جنبك الاقيك بتقرمى ف دراعى
مجدى لحق يدخل التماثيل ف الشوال....
ايوة يا وليد انت بتهمل مع مراتك
ويجى يتحرك عشان يدخل الشوال ف المخزن
عبير....
هى منى بس اللى بتشتكى
كلنا مش لاقيين اهتمام
سميحة....
قولى عن نفسك
انا مبسوطة وسعد كل يوم مش حارمنى من حاجة
منى....
يعنى فيه فرم معاكم ولا ايه
مرات سطوحى....
يعنى ايه فرم
سميحة...
لحمة مفرومة ... منى مش بتشبع منه
سعد....
خلاص الليلة كله يرجع لعياله
ليه انا رابطهم عتدى
كل واحد عنده بدروم
يروح يقعد ف بدرومه
يلعب مع عياله
يلا كله على بدرومه
وانت يا وليد
خد القطر ده من ع الشارع اسهل لك **** يعينك
منى....
انا قطر يا سعد...ربـنا يسامحك
سعد....
القطر ارحم ..على الاقل خفيف وبيجرى
وليد.....
يلا يا قدرى
متنساش يا حمدى ابعت لى 7 فرخات
منى....
انا نفسى ف مونبار
مرات حمدى....
ليكى عليا بكرة اعمله وابعتهولك
سعد.....
يلا يا جماعة روحو كملو رغى ف بيتكم
ويتفض المولد
وسميحة تبقى مع سعد لوحدهم
سميحة....
هو ايه حكاية قعادكم الكتير ف البدروم
سعد....
بنتكلم ف الشغل
ولا لازم نتكلم ف بيوتنا
ولا نروح ونقعد ف الكافتيريا
البدروم هنا المقر الرسمى
عايزين نوسع شغلنا شوية
سميحة ....
**** يوسع عليك يا حبيبى كمان وكمان
سعد....
اخبار العيال ايه بيسهرو ولا بينامو بدرى
سميحة...
وليه بتسأل عن سهرهم
سعد....
عايز ليلة صهللة ومحدش يزعجنا
سميحة....
بعد ما ينامو يا حبيبى ابسطك واصهللك
سعد....
ربـنا ما يحرمنى منك يا حبيبتى
وتعدى الليلة بفرمها وصهللتها
ويوم التلات والاربع شرحه
كله ف بيته مع عياله
وسعد مطلبش حد منهم
منى اتفرمت 3 ايام
بعدها مقدرتش تقوم من ع السرير
يوم الخميس رجعت الاجتماعات
وجهزو البدروم للمزاد
وبالليل
المعلم مغاورى كان اول واحد وصل
وعاين البضاعة وعجبته
وقال مش حاسيبهم باى شكل
بعد منه وصل الدهشورى وعاين مع خبيره
عجبته البضاعة ووزنها اكتر من مرة
واخر واحد المعلم الدوشى من المطاعنة
وبرضو عجبه الموضوع
سعد وجماعته سابوهم مع بعض
واصحابه برضو طلعو
بعد شوية نزلو لهم العشا
وبعد العشا كانو لوحدهم
مغاورى....
ما تيجو يا جماعة نتفق مع بعض
منزودش على مبلغ معين
الدهشورى....
ما بلاها مزاد
احنا نتفق كلنا على سعر معين
وبعدها نقسم البضاعة وكل واحد ياخد حتة
ونبقى ندفع مع بعض
الدوشى....
انا مع الكلام الاخير
ممكن نقول احنا حنشترى ونبقى نتفق مع بعض
سعد طبعا كان لابس العمة وسامع كل حاجة
بعد شوية وصل مع اصحابه
سعد...
اولا مفيش اتفاقيات ولا روبطية
السعر الاجمالى 90 اخضر
ونزود بالمصرى
لو كنتو مثلا ناويين كل واحد يشترى حتة
الحتة لوحدها 33 اخضر و10 مصرى
قلتو ايه
ولا نشغل المزاد
محدش بيرد
سعد ....
يبقى نبدأ المزاد
نقول 90 اخضر و10 مصرى
مغاورى ...
و15 مصرى
الدوشى ...
نقول 17
الدهشورى ...
20
صوت واحد داخل عليهم ومعاه خبير
95 اخضر و22 مصرى
سعد....
اهلا بالمعلم الببلاوى
انا قلت مش حيعرف يوصل
الببلاوى...
لكن الحمد للـه وصلنا
مغاورى ...
يبص ع الدوشى والدهشورى
ويقول 96 و25 مصرى
الببلاوى....
98 و30 مصرى
مغاورى يبص على جماعته
ويتكلمو مع بعض بصوت واطى
ويتفقو مع بعض
مغاورى .....
100 اخضر و35 مصرى
سعد...
مين يزود
الببلاوى ....
كدة مش فرى
الظاهر اتفقو مع بعض كلهم
مغاورى...
ايوة اتفقنا احنا التلاتة مع بعض
مش حنسيب الموضوع
والببلاوى يجى يزود
لكن المعلم مغاورى يجرى ويسد بقه
مش حينفع كدة يا معلم..حنديك عرقك
احنا اول مرة نشوفك
نسمع عنك من بعيد لبعيد
بلاش تحرمنا من رزقنا
الببلاوى....
ماشى مبروك عليكم
جت عليا بخسارة يا مجدى باشا
مجدى....
المرة الجاية حنعوضهالك
وابعت لك الحاجة لحد عندك يا معلم
سعد....
يعنى نقول مبروك ولا حنكمل
مغاورى...
ايوة خلاص كدة
100 اخضر و35 مصرى
سعد....
مبروك يا معلمين
الببلاوى....
عن اذنكم
لو عارف انه حيحصل اتفاق
مكنتش فكرت اجى من اصله
السلام عليكم
مجدى....
جيتك على راسنا
بعدها مفيش مزادات طالما فيه زعل
سامحنى يا معلم
ويخرج المعلم الببلاوى من البدروم
مغاورى يقعد مع جماعته
ويحسبو الفلوس على تلاتة
كل واحد 33 مليون 333 الف دولار
وكمان 11 مليون و666 الف مصرى
بعدها كل واحد يتصل برجالته تجهز الفلوس
بعد ساعتين
عربية من بتوع مغاورى
فيها 200 بطانية وبينهم الفلوس
عربية الدهشورى جابت الفلوس ف فنطاس بنزين
عشان عنده بنزينة
اما الدوشى جت فلوسه ف اشولة بادنجان
كل الفلوس نزلت البدروم
والتجار اخدو بضاعتهم وكانو مبسوطين
واخدو رجالتهم ومشيو
وبعد ما مشيت العربيات
سعد....
فين الببلاوى
سطوحى....
ادينى يا سيدى
اظن عملت الدور صح
مجدى....
تنفع ممثل
سعد....
يا جماعة لو وصلت لـ150 كانو حيكملو
الحاجات دى بتتباع بضعف اللى بيدفعوه لينا
مش موضوع دهب
الاثار دى بتتحط ف معارض
والزوار بتدفع عشان تتفرج
ويطلع تليفونه ويتصل بهارون...
ايوة يا معلم ...فلوسكم جاهزة
حتعرف تيجى دلوقتى ولا تخليها لبكرة
هارون...
عند كلمتك يا باشا ...
وخير البر عاجله
سعد...
هات صاحبك بعربية ربع نقل
حتاخد البطاطين من عند الكافتيريا
لما توصل تلاقينى هناك ...سلام
سعد وجماعته يحطو الفلوس فى كراتين بطاطين
وطلعوهم برة عند الكافتيريا
ودخلو باقى الفلوس ف المخزن
سعد....
كدة معانا حوالى 34 مليون دولار
والمصرى من بيع الحاجة اكتر من 50 مليون
تحبو نقسم الفلوس دلوقت ولا نحليها بكرة
مجدى...
ونوديها فين ...خليها هنا واللى نحتاجه حناخده
سعد....
لا يا سيدى
كل واحد يعمل له مخزن ف بدروم بيته
ويحط فلوسه هناك
سطوحى...
خليهم هنا ...كلنا عاجبنا الوضع
سعد.....
لا كل واحد يشيل شيلته
بكرة حنقسم
يلا عشان نشوف هارون
ويوصل المعلم هارون
ويحمل الكراتين ومعاهم كام واحدة ببطاطينهم للتمويه
وتانى يوم بعد صـلاة الجمعة
الكل ف البدروم مع سعد
مجدى....
سيبونى انا اقسم الفلوس
مجدى عمل 4 اكوام
كل كوم 5 مليون دولار و5 مليون مصرى
مجدى....
دول نصيبى ووليد وسطوحى و حمدى
والباقى يبقى من حق سعد
هو صاحب الافكار والمخطط
ولو كان طماع مكنش رجع الفلوس لبتوع اسنا
وهو بيفكر اكتر مننا ف الغلابة
الموضوع خلصان
حد عنده اعتراض
دلوقتى الواحد معاه اكتر من 130 مليون مصرى
لو عايزين تحرقوها انتو احرار
حمدى....
ولا كنت احلم بمليون مصرى
حنعترض على ايه
سطوحى...
نعترض على ايه
صحوبية جت على غفلة ومعاها كل الخير
وكل واحد اخد فلوسه فى شوالين ولا تلاتة
لكن وليد ركنهم جوة مخزن سعد وقال...
خليهم هنا وابقى احولهم لما تروح منى بيتهم
مش ناقص تطفلها
بعد ما رجعو كلهم
وليد....
متجيب العمّة اجربها
سعد يقوم ويجيب العمّة ويديها لوليد
وليد يلبس العمة ويكبسها على راسه
والكل بيضحك عليه
وليد....
هى مش شغالة ولا ايه..متكونش عايزة شحن بطارية
حمدى يسحبها ويجربها
وكلهم يجربوها وبرضو محدش اختفى
مجدى...
ايه الموضوع بالظبط
سعد.....
هات كدة
واخدها ولبسها وكبس عليها
سعد اختفى قدامهم...وقلعها قدامهم
الموضوع وخلاصته
العمّة تبقى حاصة بيا
يعنى حاجة مركونة من سنين وموعودة ليا
مجدى....
يعنى هى كدة ...مش كنت تقول
سعد يقوم يرجعها المخزن ويقفله .....
بصو كدة
عايز الايام الجاية نشوف طلبات الغلابة
عايزين نزور مكتب اعضاء مجلس الشعب
اكيد حنلاقى هناك الكتير والكتير مقدم طلبات
احنا نعرف الطلبات دى ونحاول نلبيها
وعندى اقتراح
حنرشح حمدى لكرسى المجلس عن بلدنا
وليد....
اشمعنى حمدى
..........
.......
..........
......
سعد...
حمدى مش معاه شركة هندسة
حمدى مش مقاول
حمدى ماسك الكافتيريا
والغرض مش حمدى
الغرض انه يجمع لنا كل طلبات الدايرة
واحنا بالامكانيات اللى عندنا نحاول نحلها
كلها 4 شهور ويفتح باب الترشحات
وهو من الرزيقات بحرى
وعليهم الدور ف الترشح
حمدى....
وانا اجى ايه وسط العتاولة اللى بتنزل
سعد....
انت بس تقدم ورقك ولا حتروح مكان
انا حانجحك من اول مرة
متشيلش هم
اومال العمّة دى شغلتها ايه
من بكرة حنطلع جولات نجس النبض
حنقول حنعمل مستشفى تخصصى لكل المجالات
واحد ف الناحية البحرية والتانى هنا
وحنعمل مش كلام وخلاص
وليد يروح بين المريس وارمنت الحيط يدور على حتة ارض كبيرة ونشتريها ونحط لوحة كبيرة عليها
نكتب باجر رمزى لغير المقتدر
ونصف التكلفة لمتوسط الدخل
وبتكلفة كاملة للمقتدرين
ونبقى نجيب كل لوازم المستشفى من بلاد برة
بعدها كل واحد رجع بيته
سعد سحب توكتوك من عند الكافتيريا
قال لصاحبه ساعتين وراجعلك
نزل البلد وراح كتّاب بيعلم الاطفـال القـرءان
سأل الشيخ عن الاخبار
بعدها قال للعيال
اللى يحفظ ربع حياخد 200 جنيه
واللى يحفظ نص حياخد 500
اما لو حفظت الجزء كله حتاخد 1000 جنيه
ولو جزءين يبقو الفين
يلا يا حلوين شدو حيلكم
بنت صغيرة يجى 6 سنين ...
انا قربت اخلص اول جزء يا عم سعد
سعد...
طب قولى كدة سورة الماعون
البت زى القطر تقولها
سعد...
سورة الهُمزة
والبت رهوان
سعد...
قولى سورة التكاثر
البت زى البرق
سعد...
المطففين
والبنت تقولها
سعد...
طب قولى سورة النازعات
البنت...
لسة باحفض فيها يا عم سعد
سعد يكلم الشيخ...
نعتبر حافظة الجزء ولا النص
الشيخ ...
نقول عليها حافظة النص صم
سعد يطلع الفلوس ويقول...
زميلتكم حفظت نص صم
وادى 500 جنية
ولو كملت الجزء الاسبوع الجاى حاديك الف كمان
بعدها كل شوية عيل يسمع
واللى اخد 100 جنيه واللى 200
المهم كل العيال اخدت فلوس
سعد....
انا كل جمعة حاجى هنا مرة او ابعت حد
واللى يحفظ اكتر حياخد اكتر
واخد الشيخ لبرة واتكلم معاه
سعد....
انا عايزك تهتم بالعيال شويتين
لو لقيت مجهودك واضح
حاعمل لك شهرية معتبرة
وكل عيل يحفظ جزء حاديه مكافأة
وانت ليك مكافأة كل شهر
وطلع له 5000 جنيه
ودى اول مكافأة
هو كام يوم ف الاسبوع
الشيخ ....
3 ايام وكل عيل بيدفع 20 جنيه
سعد....
3 حلوين بس خليهم ساعتين
وعلمهم يكتبو
وانا حابعت لك سبورة يتكتب عليها بالقلم
بعدها وصل عند السوبر ماركت بتاعه
ووقف هناك ولقى 3 بنات
سعد....
ممكن رغيف فينو ..جعان
بنت....
عايز بكام
سعد...
كام ايه ..انا باقول لك جعان
البنت....
يلا يا عم ربنـا يحنن ...احنا مش بنشحت
مش فاتحينها تكية
بنت تانية...
يلا يا عم هنا مش سبيل..شوف لك قهوة اتخمد عليها
البنت التالتة...
تقوم وتجيب رغيفين فينو وتحشيهم جبنة ولانشون
وتقول ...
يعنى الرغيفين دول حيخسرو صاحب المحل
وانا كمان حادفع تمنهم
يمكن يطلعو بركة ويزيد ف الرزق
ما قل مال من صدقة ...الصدقة بتزوده
سعد....
الموضوع مش حكاية حتدى او متديش
الموضوع الرد يكون افضل من كدة
يعنى الرد بالحسنى
حتى لو قلت انت او هى مفيش
حيكون رد احسن من ردكم
انت وهى مرفودين
وينط للمحل
يلا برة...انا صاحب المحل سعد
البنات تبلم ..ازاى مش عارفين سعد
ويجى ابن الست ذكية ( حسن )
حصل ايه يا استاذ سعد
سعد....
دول مرفودين ودى تقعد ..شوف غيرهم
حسن ....
يلا يا بت انت وهى ع البيت
دى مراتى ومرات اخويا
سعد....
يقعدو ف بيتهم احسن
الابتسامة صدقة
دول يقطعو الرزق
سعد يقلب ف الدفاتر
ويطلب الحساب عن السنة اللى فاتت
تيجى الست ذكية وبعد السلام
سعد يتصل بوليد يجى يراجع الحسابات
بعد ما وليد يجى ويراجع
يكتشف فيه سرقة واحتيال
وفيه اسامى وهمية واخدين ع النوتة
ومفيش سداد
هو فيه حد بياخد 7 الاف بقالة ف الشهر
يعد كام ساعة
وبعد مراجعة البضاعة والصادر والوارد
وليد....
لا الموضوع عايز شغل
والبضاعة عايزة تتراجع بالمخزن
سعد... للبنت اللى قالها اقعدى هنا
انت بنت مين
البنت....
انا بسمة بنت اسماعيل ابو موسى
سعد...
امسكى المحل لوحدك
ومحدش يدخل هنا ولا يكون مين
ومفيش ع النوتة لحد ما نراجع
ويقول للست ذكية...
من يوم ما شيلت ايدك عنهم
وسيبتى لهم الشغل
وايدهم اخدت ع القرش
الذنب مش ذنبك
لحد دلوقت فيه نقص ولا 100 الف جنيه
ماهو قالو مش حيراجع
لا حنراجع ولو كيس لب
الموضوع مش مكسب وخسارة
المال السايب يعلم السرقة
دى اموال ناس
يوم ما سبت المحل عملت جرد لكل حاجة
كان فيه بضاعة باكتر من مليون
سعد....
يقول لواحد شاب معدى
لو سمحت خد روح هات 3 اقفال كبيرة
الشاب...
حاضر يا عم سعد
بعدها يلم كراسات الديون
وباخد الفلوس م الخزنة
ويقول للبنت بكرة الساعة 9 تكونى هنا
بسمة ....
حاضر يا استاذ سعد
من زمان كان نفسى اشوف حضرتك
اسمع عنك ..الصبح حاكون هنا ان شاء اللـه
يتصل بحمدى ف الكافتيريا
يا حمدى تنزل البدروم تجيب التوكتوك بتاعى
وحتلاقى عندك واحد اخدت منه التوكتوك بتاعه
ابعت معاه بتاعى ويجى ياخد بتاعه
انا حاتاخر شوية انا ف السوبر ماركت
ويقعد سعد مع وليد للساعة 10
وليد ....
الديون هنا 150 الف جنيه
وفيه اكتر من اسم بياخد ومش بيدفع حاجة
المفروض خد وهات ولو بعد شهر
تانى يوم من الصبح بدرى
سعد ووليد ومجدى
ومعاهم سميحة ومنى وعبير
منى قعدت على كرسى قدام مكتب
وجت معاهم بسمة
وعملو جرد لكل شيء ف المحل
وقبل الضهر بشوية خلصت المراجعة
ووليد بعد المقارنة والمراجعة
وليد....
البضاعة السنة اللى فاتت كانت بـ مليون و200 الف
سعد....
هات الخلاصة
وليد....
بعد المقارنة مع الاسعار الجديدة مع كل زيادة
فيه عجز ما لا يقل عن 300 الف جنية
غير الديون الخارجية اللى تقدر بـ 153 الف
الخلاصة يعنى
فيه سرقة وتبديد ونهب
سعد....
سمعت يا ست ذكية
عيالك شغلو حريمهم هنا
والكل بيصرف ماهو مال سايب
سعد لبسمة ....
ابوك شغال ايه
بسمة....
ابويا شغال مدرس ف الابتدائية
سعد...
روحى هاتيه وتعالى
المهم..
ادو المحل لبسمة وابوها اللى وافق يشتغل بعد المدرسة وحيجيب بنات على مسؤوليته
وغيرو نظام الشغل
المراجعة حتكون كل شهر
والجرد كل 3 شهور
وسميحة حتيجى كل يوم والتانى
والاهم من ده كله ...الغلابة محدش يظلمهم
وطلب من بسمة تشوف موضوع الديون
بسمة....
حاضر يا استاذ سعد
الجزء الرابع
........ الجزء الرابع
خلال اسبوع
كان وليد لقى حتة ارض قصاد عزبة التمساح
اللى ما بين ارمنت الحيط والمريس
واخدو ترخيص مبانى
ونصبو اللوحة وعليها اسم الحج حمدى الدهشان
وبرضو نفس الامر فى الرزيقات قبلى
ووليد استعان بخبراء فى تدشين المستشفيات
وجهز التخطيط والرسومات
وابتدى الشغل والخراسنات
وفى خلال شهر
مستشفى الرزيقات خلص خرسانات 4 ادوار
واتبنى السور
وحيبدأ ف بنيان الحوائط والتشطيب
اما فرع الناحية البحرية
خلص دورين
والعمل شغال على قدم وساق
سعد قدر يجيب 10 دكاترة وباقى كام تخصص
بعدها الدكاترة طلبت اجهزة معينة لكل تخصص
ولازم تيجى من برة
سعد اتفق مع الكل انهم يجهزو ملفات للاجهزة
وانه حيجيبهم من برة
ما علينا ....
يعنى الموضوع سعد جيخلصه باى شكل
واول ما ابتدت التشطيبات
اجتمع مع الدكاترة
وقرر يسافر 3 منهم وهو معاهم اوروبا
سعد مع اصحابه ف البدروم
سعد...
انا دلوقتى حاسافر اوروبا
حنحتاج العملة الصعبة اللى هنا
عشان نشترى الاجهزة للمستشفى
مجدى....
عندى اقتراح بس مش عارف توافقونى عليه ولا ايه
سعد...
نسمع حتقول ايه
مجدى....
بريطانيا وفرنسا دول بالذات
نهبو ثروات مصر لسنين
الحملة الفرنسية قعدت ف مصر 3 سنين
ماقولكش على كمية الاثار اللى سرقوها
والمصريين اللى قتلوهم
اما بريطانيا
نهبت ثروات مصر لسنين طويلة
واستولت على ايرادات قناة السويس لاكتر من 70 سنة اللى حفرها المصريين الغلابة بعرقهم وجهدهم
واظن اكتر من 200الف مصرى ماتو وهما بيحفرو
يعنى عايز اقول
ان بريطانيا وفرنسا سرقونا
وانا باقترح
انك ترجع جزء م اللى سرقوه
تروح بريطانيا وفرنسا
واستخدم العمة ورجع اللى نهبوه
نعمل المستشفيات للغلابة مقابل الغلابة اللى ماتو
ونجيب احدث الاجهزة تقنية وتطور
ده اقتراحى
وليد....
كلام مجدى مظبوط ...وكله حقيقى
سطوحى....
لو معاك طبق كشرى
وواحد اخد معلقة...مش حيخس طبقك يعنى
حمدى.....
وهو ليه ياخد من طبقى
سعد....
كفاية يا سطوحى انت وحمدى
مجدى....
اديك شايف
انا كنت ظابط وكنت ضد بيع الاثار
لكن بعد ما سبت الشرطة
اشتركت معاكم فى بيعها
واقتنعت انها مش حرام
وانت لو عملت اللى قلت عليه
صدقنى مش حرام
سعد فضل ياخد ويدى معاهم
وف الاخر اقتنع وقرر انه يجرب
وعملو تخطيط لكل ده
وجهزو تقارير لمعظم بنوك لندن وباريس
ودخلو النت
ووليد دخل على جوجل ايرث
وعمل تخطيط للبنوك
وسعد حفظ كل المعلومات دى
وعلى مدى اسبوع كامل وهما بيخططو
بعدها اجتمع مع الدكاترة
سعد ...
انا باقول اننا نتفق مع شركة عالمية لتوريد جميع الاجهزة المطلوبة
بحيث هى تجمع لنا كل المطلوب
اللى من المانيا هى تبعته من المانيا
واللى من فرنسا واللى من امريكا
يعنى نعمل معاهم عقد وهى ملزمة بتوريد كل شيء
دكتور منصور ( اكبر دكتور ف السن )....
انا اعرف شركة ف لندن كبيرة ف المجال ده
وهى بتوفر كل حاجة نطلبها
وملزمة بالتوصيل والتركيب كمان
سعد....
خلاص انت تسافر ومعاك اتنين يساعدو
تقعدو اسبوع وتتفقو على كل شيء
وانا ابقى اروح بعدكم
وبعد الاتفاق اعرف المطلوب
والحمد للـه اهل الخير وفرو لنا كتير
واللى عليا ادفع كل المطلوب
دكتور منصور....
لو جبنا احدث تقنيات ممكن المطلوب يبقى اكتر من
50 مليون عملة صعبة غير مصاريف الشحن
سعد....
متشيلش هم
انا حاسافر كام بلد عربى
فيه هناك امراء اصدقاء ليا
ومعظمهم وعدونى بتحمل كل التكاليف دى
دكتور منصور...
لما هو كدة ليه ما كتبتش اسمهم ع المستشفى
سعد....
فيه ناس بتعمل الخير من غير رياء
بعد كام يوم
سعد يستعد للسفر وحجز طيران
ودع سميحة واولاده
وكمان اصحابه بعد ما راجعو معاه الخطة
بعدها راح ع المطار وسافر باريس اولا
وصل افخم فندق وكان معاه 5 شنط غير شنطة هدومه
اشتراهم برة المطار
ورص فيهم طوب عشان يبقو تقال
وحجز غرفة فاخرة
بعدها خرج بشنطتين بعد ما لبس العمة
وفضى الطوب اللى فيهم ف صندوق زبالة
ملحوظة:
اى حاجة يشيلها سعد وهو لابس العمة بتختفى معاه
وكمان بيعدى من اى مكان سواء باب او حيط
وصل لاول مكان ف الخطة
ودخل البنك ووصل للخزنة الرئيسية
وكانت من غير اجراءات امنية عشان البنك شغال
وكل شوية تدخل فلوس وتخرج فلوس
وملا الشنط بـ 20 مليون استرلينى
بعدها رجع الفندق واخد شنطتين غيرهم
وراح لبنك تانى وعمل نفس الموضوع
وبعد كام جولة ف البنوك
كان معاه 80 مليون استرلينى وعشرة مليون يورو
طلب من ادارة الفندق المدير
( طبعا اتدرب ع الكلام اللى حيقوله غير كدة كل اللى حيقول له مكتوب ف ورق معاه )
وبعد ما وصل المدير ..
سعد اداه ورقة مكتوبة بالفرنسى
انه محتاج عربية متأمنة لتوصيل اموال للبنك المركزى
وبعد نص ساعة كانت العربية ف انتظاره
وطلع الامن وحملو الشنط للعربية
ووصلو معاه للبنك
ومن هناك عمل تحويل لبنك ف لندن
ودفع رسوم التحويل باليورو
ورجع الفندق
واكرم المدير وانهى حجزه
وطلع على المطار وسافر للندن
واول ما وصل لندن
راح البنك وغير اليورو اللى معاه باسترلينى
اخد مليون استرلينى ف شنطته
والباقى عمل بيه حساب
وتم تأكيد تحويل الاموال من فرنسا
واضافهم للحساب ذاته
واتكلم انه حيورد خلال 3 ايام
ما يقارب 100 مليون استرلينى على نفس الحساب
بعد ما طلع م البنك اشترى 4 شنط كبيرة فاضية
وعرف يملاها شوية طوب ورصهم
واخد تاكسى
راح الفندق والعمال وصلو الشنط لغرفته
وكان عايز ينام
بس حس بالجوع
خايف من اكلهم
طلع الشارع يدور على حاجة مناسبة
اخيرا لقى واحد بيتكلم بالعربى ف التليفون
فضل وراه
كل ما يروح مكان هو وراه
اخينا لما شك فيه
وصل عند دورية شرطة
الشخص يشاور على سعد انه ماشى وراه
والظاهر انه حرامى
الشرطة تقوم تقبض على سعد
سعد...
ايه يا عم ..انا مستنى انك تخلص تليفون
لقيتك بتتكلم عربى ..قلت اكيد حيساعدنى
الشخص ( عمرو )...
وليه ماشى ورايا بقالك ربع ساعة
سعد....
وصلت لندن من كام ساعة ومش عارف مكان اقدر اكل فيه لقمة حلال او اكل مصرى
عمرو ...يطلع 20 جنيه استرلينى
خد شوف لك حاجة تاكلها
واتكلم مع الشرطة تسيبه عشان كان سوء تفاهم
وادى الشرطى 20 استرلينى رشوة
بعد ما يسيبو سعد
سعد...
انت فاكرنى باشحت ولا ايه
انا الحمد للـه مقتدر وعندى الخير كتير
عمرو....
اومال مش بتقول عايزنى اساعدك
سعد...
عايز مكان او مطعم مصرى ولا عربى اكل
بس مش اكتر
ولما سمعتك بتتكلم عربى جريت وراك
وكمان عرفت انك ف ازمة
قلت انا اللى اساعدك
عمرو....
ايوة ف ازمة ومحتاج 50 الف استرلينى
عشان امى جاية تعمل عملية خطيرة
هل بكدة تقدر تساعدنى
يلا يا عم سيبنى ف همى
سعد....
خدنى اتغدى مصرى وليك 100 الف يا سيدى
عمرو....
انت جاى تتريق ف الضهرية ودماغى مش فاضية
فيا اللى مكفينى
سعد....
يا سيدى ولا تزعل
صدقنى حتاخد الفلوس
بس ارحمنى حاموت م الجوع
عمرو...
متدخل اى مطعم اتغدى
سعد....
مقدرش اكل الا لو كنت متاكد مفيش منتج خنزير
دى مشكلتى
عمرو....
طب تعالى نركب الباص اوصلك لمطعم
سعد.... يشاور لتاكسى
عمرو....
بتعمل ايه...انت عارف التاكسى بياخد كام
سعد...
ميهمكش
ويركبو التاكسى ويوصل المكان
كافتيرا المصريين والعرب
كبدة وفراخ ولحم حلال
واول ما يقعد سعد
عمرو....
هنا حتلاقى كل اللى تحبه
اسيبك معايا شغل ...يلا السلام عليكم
سعد....
تسيبنى ايه ...انا صدقت ما لقيتك
انا معايا 3 ايام هنا ف لندن
خليك معايا
عمرو....
يا سيدى مش حاقدر
معايا ظروف وعايز اتصرف ف فلوس
بقولك امى حتعمل عملية
محتاجين مصاريف سفر واقامة
وكمان مصاريف المستشفى
سعد....
انا اسلفك كل ما تحتاج ولما ترجع مصر تسدد
تبقى تسدد على اقل من راحتك
عمرو.....
اقولك ايه ...مش ناقص وجع دماغ وهرتلة ف الكلام
( سعد كان لابس هدوم عادية تدل انه غلبان )
سعد....
صدقنى مش باهرتل
وتيجى بنت بتقول...
تحب تاكل ايه يا استاذ
سعد....
هاتى فرخة وتحابيشهم
ولااقولك خليهم فرختين
البنت ( شروق ) ....
انت عارف تمن الفرخة الواحدة بكام
والظاهر متعرفش
سعد....
متطلع زى ما تطلع
هو انا حاكل واهرب ولا ايه
اقعد يا سيدى اتغدى
معرفتش اسم حضرتك
عمرو......
اللهم طولك يا روح ..اسمى عمرو
امتى حتحل عن دماغى
سعد....
اتفضل يا استاذ عمرو ...اتغدى
عمرو....
يا ريس الاكل هنا غالى
سعد.....
ما هو المصرى غالى ...لازم اكله يبقى غالى
تعرف لو ف مصر حتعرف الفرق
عمرو قعد على سبيل النخوة والجدعنة
وهو مقتنع ان اللى قدامه واحد غلبان
واكيد بيهزر وعايز يتخلص منه باى شكل
المهم الاكل وصل واقنع عمرو انه ياكل معاه
بعد دقيقة عمرو ابتدى يأكل بشراهة
الظاهر كان جعان ومحروم م الاكل ده
وبعد الاكل وعلى حسب العرف والتقاليد
عمرو حب يحاسب
لكن سعد اصر على انه هو اللى يحاسب
سعد....
قوليلى يا انسة
شروق....
شروق يا استاذ
سعد....
اكيد بتوصلو طلبات للمنازل
شروق...
اكيد وباقصى سرعة كمان
سعد.....
طب ممكن رقم التليفون عشان اطلب عشا من هنا
انا قاعد ف انتركونتننتل
شروق....
يا خبر ده فندق فخم
اكله كل فاخر واسعاره نار
سعد.....
بس ميجيش حاجة زى الاكل المصرى
المصرى يوكل
ويطلع لها فلوس اضعاف الحساب
شروق....
بس ده كتير يا استاذ
سعد....
الاكل يستاهل
بس يا ريت تبعت لنا اتنين شاى مصرى ف الخمسينة
شروق....
احنا ف خدمتك يا استاذ ولا نقول يا باشا
سعد....
قولى سعد.....سعد بس
ويروح يقعد على طاولة بعيدة عن مكان الاكل
سعد....
اقعد يا استاذ عمرو
عمرو....
اللهم طولك يا روح ...وادى قعدة
ادينى قعدت ..لما نشوف اخرتها معاك
سعد.....
انت بتشتغل هنا صح
عمرو....
لا يا سيدى
انا دكتور وجت هنا عشان ادور على مستشفى معين مصاريفه خفيفة عشان امى محتاجة تعمل عملية قلب مفتوح وعندها السكرى
وف مصر مستوى الاهمال يوصل لوفاة المريض
وبالعافية لقيت عيادة خاصة على سعر اقل
تكلف 50 الف استرلينى اجر العملية
لكن الاقامة والعلاج وفترة النقاهة محتاجة اكتر
وانا مش حاعرف اعيش من غير امى
ولو ماتت حاموت وراها
سعد....
الاعمار بيد اللـه يا سيدى
الا قولى
لو انت كنت مقتدر ومعاك فلوس
كنت حتوديها تعمل العملية فين
عمرو....
لو معايا فلوس
كنت حاوديها مركز تخصصى ف النوع ده من العمليات اللى كان فيها الدكتور مجدى يعقوب
قبل ما يكبر ف السن ويرجع مصر
والتكلفة حوالى 250 الف استرلينى
سعد....
اعتبر معاك الفلوس دى
عمرو....
احلام
سعد....
مش احلام ولا حاجة
انا حاتكفل بكل المصاريف دى
ولا اقولك نشرب الشاى وتيجى الفندق معايا
وهناك حاديك نص مليون مش 250 الف
عمرو....يقوم وهو بيخبط ف راسه
اقول لك ايه ...خلاص هى وصلت لاخرها
مش ناقصة تريقة
ويقوم يمسك سعد من هدومه وهو بيزعق..
يجى واحد ( عصام)....
ايه يا جماعة مش حينفع كدة
ده مكان اكل عيش
واحنا مش ف مصر
هنا تيجى الشرطة تقفل لنا المكان
عمرو....
يا عم
عصام...
اسمى عصام... رجل اعمال مصرى واعتبرنى صاحب المكان كمان
عمرو.....
انا راسى خوخت
الاخ ده بقاله ساعتين معايا
ودماغى اتملت تخاريف وبيخطرف
والسوس ابتدى ياكل فيها
عصام....
ايه يا دكتور
قدرت تتصرف ف باقى مصاريف العملية
انا ممكن اسلفك بس بفايدة
عمرو....
لا مفيش داعى
انا عرضت ف مصر العيادة للبيع
ولما ارجع مصر حابيعها وربنـا يسهل
سعد....
وليه تبيع عيادتك
انا قلت لك حاديك كل الفلوس اللى محتاجها
وبعدين تبقى تسدد براحتك
عمرو....
خد اهو عندك
يدينى كل اللى محتاجه
عصام....
وحضرتك تبقى مين ..ومنين تدى واحد متعرفوش
سعد....
ربنـا يمكن جمعنا عشان نسدد حوايج بعض
ويمكن بعتنى هنا عشان احل مشكلة الدكتور
عمرو....
ماشى يا سيدى
ايدك على 50 الف استرلينى
سعد....
انت مش قلت المركز التخصصى حيكلف 250
عمرو....
ايوة تمام ...هات 250 الف استرلينى
سعد.....
يلا بينا الفندق وهناك اديك الفلوس
اطلبو لنا تاكسى
شروق تقول ...
يا استاذ سعد ..ثوانى عشان الحساب
ويروح سعد ...
حساب ايه
شروق ....يصوت واطى
خلى بالك اللى اسمه عصام ده نصاب
نصب على معظم المصريين هنا
وواخد عليهم شيكات
وبيسلف فلوس بالربا
انا نبهت عليك ...اوعى تتعامل معاه
عصام....
يلا بينا يا استاذ سعد
انا معايا عربية ...يلا بينا
فين فندقك
سعد....يطلع المفتاح وعليه بطاقة الفندق
عصام....
ايد ده ...انت ف الفندق ده
ده 7 نجوم
سعد....
انا قلت للتاكسى افخم فندق ودانى هناك
ولما يوصلو
يلاحظو ان سعد دخل عادى ومش مرهوب
وياخدهم ع الكافتيريا ويطلب لهم عصير
سعد يوصل الاوضة
ياخد نص مليون استرلينى وينزل عندهم
سعد....
ادى يا سيدى خد اللى يكفيك وزيادة كمان
عمرو....
انت بتتكلم بجد ...معقول
انا كل الوقت ده باهين فيك وباتريق عليك
وانت كنت بتتكلم جد
سعد.....
يوضع سره ف اضعف خلقه
مش لازم الابهة والهيلمان يعنى
قولى يا معلم عصام
حتعرفو تبعتولى العشا هنا
عصام ....
لا ده صعب
ممنوع دخول اى اكل خارجى هنا
سعد....
طب ممكن تكتب لى العنوان بتاع الكافتيريا
عشان اديه للتاكسى
احتمال كبير اجى اتعشى عندكم
عصام....
والعشا على حساب المطعم يا سيدى
خصوصا النهردة حيكون معظم المصريين هناك
انت عارف يوم الخميس للمصريين يبقى ايه
معظمهم شباب منهم العازب
ومنهم اللى متجوز وسايب عياله ف مصر
وجاى يدور على لقمة العيش
بيجو يتعشو على قد حالهم
سعد....
لا دى متجيش
انا حاحاسب لكل المصريين والعرب اللى جايين
يتعشو الليلة ..بس متقولش عنى
وانا هناك كأنى زيهم
انت تقول اى حاجة بس متجبش سيرتى
عصام....
ربـنا يرزقك كمان وكمان
عمرو....يطلع تليفونه ويقوم يتكلم مع حد
عصام....
اكيد بيطمن امه واهله
سعد....
يا حج عصام
انا مستعد اساعد اى حد محتاج مساعدة
عصام....
مقلتلناش حضرتك شغال ايه
ومن فين ف مصر
سعد.....
كفاية تعرف ان اسمى سعد
من السعادة
ومعاكم لـــ 3 ايام وبس
اعتبرونى واحد مصرى اصيل
محدش يسأل انا مين ولا من فين ولا اى حاجة
واتفق مع عصام انه جاى ع العشا
المعلم عصام يرجع المطعم
وعمرو ياخد الفلوس ويجرى يجهز لعملية امه
سعد يطلع اوضته
يطلع العمّة ويلبسها ويكبسها
ويخرج م الفندق
ومفيش حد شايفه ولا حاسس بيه
يطلع برة الفندق ومعاه شنطتين
وبيحاول يفتكر طريق البنك من فين
وبعد ساعة عرف الطريق ووصل البنك
ولما دخل الخزنة الرئيسية جرس الانذار ضرب
بعد دقايق البنك كان مليان شرطة وامن
كان فيه جهاز كشف حرارى
وبعد كام محاولة من سعد
الامن اعتبره انذار كاذب
وقفلو جهاز الكشف الحرارى لحين الاصلاح
وبعد ما الخزنة اتقفلت
دخل سعد الخزنة وكبس ف الشنط 30 مليون
وهو خارج شغل انذار الحريق
وبعد ما خرج من البنك
وصلت عربيات المطافى من كل شارع
والمكان بقى كوردون مغلق
شرطة ومطافى واسعاف
رجع سعد الفندق وفضل يفكر ف كلمة
الكلمة اللى قالتها له شروق
بعد الساعة 8 كان عصام ف انتظاره
رن تليفون الاوضة
كان بيرطن انجليزى
وسعد بيتكلم انجليزى على قده
ومش فاهم بيقول ايه
لولا انه سمع صوت المعلم عصام
ونزل ومعاه الفلوس وحطهم ف شنطة العربية
وقبل المطعم بشوية نزل سعد م العربية
سعد...
انت اتفضل قدامى
وانا جاى كأنى زبون
سعد بس ينزل
وعصام يطير بالعربية
وميوقفش قصاد الكافتيريا ويهرب بالفلوس
................
الجزء الخامس
.......الجزء الخامس
.
بعد ما هرب عصام بالفلوس
لحظة وتاكسى يوقف قصاد سعد
عمرو كان وراهم بالتاكسى
ويركب معاه ويطلعو ورا عربية عصام
فضلو نص ساعة وراه
اخيرا دخل جراش
سعد لعمرو....
خليك هنا انتظرنى
سعد ينزل الجراش ويلبس العمة ويكبسها ويختفى
عصام بيطلع الشنطة وبيقول ...
دى تقيلة كدة ليه
اكيد مليانة فلوس
انت جيت لى ع الطبطاب يا سعد العبيط
ويطلع بيها ع الدور الاول ويضرب الجرس
الباب يفتح
عصام....
جبت لكم اكبر عملية نصب
واحد مصرى مليونير
كان حيوزعها ع البهايم المصريين والعرب
لطشتها منه والغشيم منتظرنى ع العشا
مدحت ( زعيمهم )....
افتح الشنطة وورينى استمتع بمنظرهم
ولما يفتحو الشنطة
كلها ورق جرايد مقطعة وفيها زبالة كمان وطوب
مدحت....
ايه ده يا حلمى ... زبالة
وبتقول عليه غشيم وعبيط
اهو نصب عليك ولبسك الطرطور
حلمى ( بيقول على نفسه عصام )....
يا بن اللعيبة ...بتلبسنى الخازوق
ده قدامى طلع لواحد مصرى نص مليون استرلينى
وكان ناوى يوزع فلوس ع المصريين اللى بيروحو
المطعم يتعشو
مدحت.....
انتو يا بهايم
هاتو الايصالات والشيكات بتاعة المصريين
عشان الحمار اللى اسمه حلمى
بص يا غبى
تروح المطعم وتهدد كل اللى هناك
الكل لازم يدفع مديونياته
وانا حابعت ايصالات الامانة مصر
وهناك نقدم فيهم
واللى ميدفعش من بكرة نرفع الشيك بتاعه
سمير....
اتفضل يا مدحت بيه
مدحت....
دى كل الايصالات والشيكات بتاعة المصريين
سمير....
ايوة دى كلها مع بعضها
مدحت...
وفين باقى الشيكات كلها
سمير....
دول بتوع العرب اهو كلهم مع بعض
مدحت....
هات الكل احطهم هنا ف الخزنة
مدحت يفتح الخزنة ويحط الورق
ويبص على حلمى
وف نفس اللحظة سعد يسحب الورق م الخزنة
ويرجع مدحت يقفل الخزنة
مدحت...
بص يا حلمى دلوقتى تروح الكافتيريا
تهددهم وتبين لهم العين الحمرة
لازم الكل يدفع اللى عليه
انت فاهم يا حمار
حلمى....
فاهم يا باشا... اؤامرك
بس حاستنى شوية
اكيد سعد منتظرنى هناك
مدحت...
انت يا حمار يا سعيد
ليه شنطة البودرة لسه هنا..
سعيد....
حضرتك قلت اعاين الاول
مدحت...
خلاص عاينت دخلهم جوة الاوضة مع اخواتها
بكرة نبقى نسلمهم للمشترى
دول بـ 5 مليون يا حمار ..يلا شيلهم
سعد يلف المكان كله
جماعة بتلعب قمار
وجماعة بتشرب خمرة
وكمان فيه كام بنت انجليز للمزاج
ينزل سعد للجراش
ويروح لعربية عصام اللى طلع اسمه حلمى
ويفضى الهوا من عجلتين منها
بعدها يقلع العمة ويخرج
يلاقى عمرو بيدور عليه
سعد....
ادينى رجعت
باقولك ايه ...
بلغ البوليس عن مخدرات ف الشقة دى بسرعة
عمرو....
انت بتقول ايه
سعد....
اطلع قدام شوية من اى تليفون عمومى وبلغ
عمرو ....
لما نشوف اخرتها
ويتصل بالشرطة ويبلغهم عن تعاملات غير مشروعة فى شقة وفيه هيرويين ومخدرات واداهم العنوان
وقفل السكة
ادينى بلغت يا سيدى
سعد....
ارجع لمكان قريب منهم نشوف ايه اللى حيحصل
ومتعديش ربع ساعة الا وعربيتين شرطة تروح العنوان
وبعد نص ساعة
يكون اكتر من 5 عربيات تانية وقفت هناك
واكتر من 8 رجالة مكلبشين بالحديد
ومعاهم 3 بنات بتوع المزاج
ويتعمل كوردون ع المكان
سعد....
وادى خلصنا المجتمع من فئة ضالة
عمرو..
انا اول ما لقيت الورقة ف الفلوس
وانا ورا عصام ف كل حتة
لحد ما جالك الفندق
(سعد لما كان بيجيب الفلوس لعمرو ف الفندق وكان معاهم اللى اسمه عصام..سعد كتب ف ورقة ان عصام بيقولو عليه نصاب واكيد حيحاول ينصب عليا او عليك فخد بالك من نفسك واوعى تآمن له )
عمرو...
فين الشنطة اللى اخدها
مش كان فيها فلوس برضو
سعد....
ده اللى اتخيله الاخ عصام
لكن انا مليتها زبالة وطوب
خليك ثوانى هنا وراجعلك
ويروح ناحية الشقة لعشر دقايق ويرجع
عمرو ....
رحت فين
سعد....
رحت جبت دول
الف استرلينى لظابط ودخل جابهم لى من الخزنة
( مجرد تمويه لعمرو )
عمرو....
ايه دول
سعد...
دى ايصالات وشيكات على مصريين وعرب
عصام كان بيسلف العرب والمصريين بالفايدة
يعنى ربا ..والمبالغ بقت اضعاف مضاعفة
ومحدش قادر يسدد
عمرو ...
طب حنعمل ايه بيهم
سعد...
ولا حاجة حنحرقهم
ونبلغ المصريين والعرب اللى حنلاقيهم ف المطعم
ان عصام وعصابته اتقبض عليهم
ومبقاش اى واحد مديون ويتابع حياته عادى
عمرو....
وليه مندهمش الشيكات والايصالات بتاعتهم
سعد....
خليك ذكى
حنفتح على نفسنا طريق مش عارفين له اخر
ماهو جايز العصابة دى كان منهم ناس برة الشقة وقت القبض عليهم
مش جايز يدورو ورايا او ينتقمو من الناس المديونة
او يبتزوهم
احنا نقول شفنا عصام اتقبض عليه
وانهم طلعو عصابة وبتوع مخدرات وبس
وبعد ما يوصلو المطعم
سعد ينادى على شروق ويقول لها ....
احنا وجايين شفنا اللى اسمه عصام
هو وعصابته اتقبض عليهم
طلعو عصابة وتجار مخدرات
تبقى تبلغى الناس المديونة خلاص ميشيلوش هم
شروق....
انا مش قلت لك نصاب
سعد...
انا والدكتور عمرو شفناهم بالصدفه
حصل خير ..
شروق...
ربنـا ياخده.. اللـهى ما يرجع
وتاخد بعضها وتشوف شغلها
وكل ما توقف مع مصرى تقول له عن اللى حصل
سعد وعمرو....
سعد....
الا قولى حضرتك دكتور ف ايه
عمرو....
انا خريج قسم جراحة بس لسه كتير على كدة
سعد....
فهمنى اكتر
عمرو....
لسه محتاج دراسات وماجستير
ولو امى عملت العملية هنا
وفاضت فلوس م اللى حضرتك سلفتهالى
ممكن اخد منحة خاصة واخد ماجستير من هنا
سعد....
طب لو خلصت ده كله
ممكن تيجى الصعيد تشتغل هناك
عمرو...
مش عارف ...لكن انا ابويا من اسنا
وهناك عمامى وعيلتى
رحت مرتين ف حياتى
امى من مصر
وابويا جه مصر يشتغل
ولما اتجوزو عاشو ف القاهرة
سعد...
اسنا قريبة منى
اقل من نص ساعة
انا من ارمنت
عمرو....
ايوة اسمع عنها
بس مقولتش ايه اللى جابك لندن
سعد....
انا اعرف اصدقاء من العائلات الحاكمة ف دول الخليج العربى كتير منهم
وكنت عايز اعمل مستشفى تخصصى للفقراء
والغلابة من بلادنا ف كل التخصصات
والحمد للـه قدرت اجمع منهم تبرعات كبيرة
وكنا انا واصحابى اللى ف مصر
عملنا اتنين مستشفى وشغالين تشطيب
وقبل ما يكمل تليفونه يرن
سعد ....
لحظة ارد
ايوة حضرتك
دكتور منصور ...
احنا ف مدريد ترانزيت
وحنكمل الرحلة خلال ساعة
يعنى ممكن ساعتين تلاتة نكون ف لندن
سعد....
وانا حاكون ف انتظاركم هناك
خلصت لكم حجز الفندق
دكتور منصور ....
تمام كدة حاتصل لما نوصل
سعد لعمرو ....
وصلنا ف الكلام عن تشطيب المستشفيات
عملنا لجنة من مجموعة دكاترة
واتفقنا نشترى الاجهزة على احدث تقنية
من شركة متخصصة هنا ف لندن
جايين 3 اطباء ومعاهم كل ملفات الاجهزة
وانا جيت عشان ادفع الفلوس
وقلت اتفسح لى يوم
وشاءت الظروف انى اقابلك
عمرو....
ياااه انا اسمع ان الصعيدى راجل جدع
لكن يوصل بيه الحال انه يدفع ملايين
ويعمل مستشفيات عشان الغلابة
صدقنى لو خلصت تخصصى
اوعدك انى اجى واشتغل معاكم
سعد....
لو كانت دراستك محتاجة مصاريف
من بكرة ادينى رقم حسابك
وانا احول لك مليون استرلينى
واعتبرهم مقدم تعاقد معاك
وبعد ما تخلص تيجى تمسك الشغل
عمرو...
طب حيكون ازاى التعامل مع الغلابة
مهما كان التخفيض برضو غالى عليهم
سعد.....
لا احنا قررنا نعمل كارنيهات بالتعاون مع مكاتب الشؤون الاجتماعية
والفقير مجانى
ومتوسط الدخل ربع التكلفة
والمقتدر معاه فلوسه يدفع
يعنى كارنية مثلا احمر للغلابة
وازرق لمتوسط الدخل
عمرو....
معقول تفكر ف الناس اكتر من نفسك
ده لو فكرت ترشح نفسك ف مجلس الشعب
اكيد الناس مش حتبخل عليك وينجحوك
سعد....
عمرى ما فكرت اترشح
بس انا اللى باختار ف الدايرة بتاعتى
يعنى باختار مين اللى ينجح
ونويت ان واحد من شركائى يترشح الدورة دى
عمرو....
اشمعنى صاحبك وانت لا
سعد...
اولا المجلس عايز حضور جلسات
وانا مليش تقل استحمل ده
ثانيا... احنا ملناش غرض من الكرسى الا حاجة واحدة
عمرو....
اللى هى ايه
سعد....
حنعمل مكتب ف كل قرية ونقبل جميع الطلبات
الشكاوى واللى محتاج مساعدة
وكمان حنطلب من الناس اللى محتاج اعانة
او محتاج علاج او اى مساعدة
يعنى اللى يهمنا من الكرسى شكاوى الغلابة
عمرو...
ربــنا يكمل مشروعكم على خير
سعد...
نلحق نتعشى قبل ما اروح المطار
عمرو ....
مطار
سعد....
الدكتور منصور واتنين معاه جايين عشان الاجهزة
عمرو...
خلاص انا حاروح معاك
سعد يبص حواليه يلاقى المطعم على اخره
يشاور لشروق تيجى
سعد...
ايه الزحمة دى
شروق...
انا قلت لكام واحد ع اللى حصل لعصام
اتصلو ببعض وكل اللى عليه ديون جاى يتاكد
سعد....
طب كلميهم يقعدو انا عازمهم ع العشا
شروق...
بس ده كتير يا استاذ سعد
سعد....
انا لو حبيت اشترى المطعم واشغله للمصريين ببلاش حاعملها
يلا كلميهم يقعدو وخدى دول تحت الحساب
بعد شوية رايح مشوار انا والدكتور عمرو
ولما ارجع بكرة نتحاسب
بس متبخليش على اى حد بحاجة
شروق ...
دول 100 الف ..ممكن ياكلو لشهر كمان
سعد...
اللى عايز ياخد اكل معاه كمان
يلا يا ست رزق وجالهم وجالك لحد عندك
ومتنسيش لو حد عليه ديون للمطعم من العرب والمصريين بكرة حاسدد كل الديون دى
وكمان حاقدم مساعدات
واللى عايز يرجع مصر ومش قادر
المهم بكرة بعد صـلاة الجمعة عايز اشوف مشاكلهم
سعد لعمرو...
انت مقيم فين دلوقتى
عمرو....
انا قاعد ف فندق صغير ع القد
سعد...
لا يلا هات حاجتك وتيجى تقعد معانا ف الفندق
عمرو...
بس د..
سعد ...
مفيش بس ..
انا عايزك تكون معانا لما نروح بكرة
ونتفق على المعدات الطبية
وتبقى تترجم لى وتفهمنى ادق التفاصيل
يلا عشان نلحق المطار
وفعلا يطلعو على فندق عمرو وينهى حسابه
بعدها يرجعو الفندق ويحجز له غرفة جنب منه
ويطلبو من الفندق توفير سيارة كبيرة
وبعدها يطلعو بالعربية ويستقبلو الدكاترة
ويرجعو الفندق
وكل واحد فى اوضته بيستعد للنوم
يتصل سعد بسميحة شوية
وعشان فرق التوقيت يخلص معاها بدرى
ويقوم يجهز حاله عشان يروح يكمل ع البنوك
يرن تليفونه ويلاقيه المعلم هارون
سعد يكنسل ويتصل هو
سعد....
ايوة يا معلم هارون
هارون....
معايا حاجة معتبرة
مقبرة لسه مطلعش منها حاجة
حنطلع كام حتة كبيرة
سعد....
انا ف اوروبا
يوم الاتنين حاكون ف البلد
نتقابل ونتكلم براحتنا
ولو عايز تتصرف من نفسك مش مشكلة
هارون....
برضو بعد اللى شفته من صدق وثقة ف تعاملكم اروح ادور ع التعب من تانى
وجايز يتنصب علينا
حاستنى طبعا يوم الاتنين
سعد...
وانا حاتصل بيك يوم الاتنين
تصبح على خير
يسحب الشريحة ويركب خطه الاصلى
هارون كان مع جماعته
هارون....
الباشا ف اوروبا حيرجع يوم الاتنين
والشيء المؤكد لو اخد الحاجة مننا
مش حيبيعها الا يوم الخميس
يعنى كله على بعضه اسبوع
لا ندور على خبير
ولا نتعب نفسنا مع اى نصابين
هو بياخد الحاجة
واول ما يبيع بيتصل ونروح ناخد الفلوس
شخص...
مش جايز هو بيبيع باكتر م اللى بنطلبه
هارون...
ملناش فيه ان شاء الـله يبيعها قد تمنها مرتين
احنا بنقول دول تمنهم كذا
وهو بياخدهم من غير فصال
واللى قلنا عليه بيديهولنا
شخص 2...
طب منطلب منه قد التمن مرة ونص
هارون...
مينفعش
الظاهر انه خبير بنفسه
مسكته للحتة بيجيب قرارها
ايده ميزان ونظرته يكتشف المضروب
شخص 1...
طب ما نحط له حاجة مضروبة معاهم
هارون...
اهو اللى فالح فيه
اى حد جاى يشترى بيتفرج الاول
ومعاهم اكتر من خبير
لو طلع منهم حاجة مضروبة سمعتنا تبوظ
وسمعة الباشا
وبعدها احنا مش حنعرف نصرف حاجتنا
خليك ناصح
خلينا ف السليم
سعد يلبس العمة ويطلع بشنطتين فاضيين
يوصل بنك جديد
يملاهم استرلينى ويرجع الفندق
يعد الفلوس يلاقيهم 30 مليون
وبعد كام محاولة مع اكتر من بنك
وصلت الفلوس لــ 110 مليون استرلينى
طلع برة البنك قدام الرسيبشن
راح اشترى 4 شنط كمان فاضيين
ودخل الفندق وهو لابس العمة
ورص الفلوس على 8 شنط
ولبس العمة وطلع بشنطتين مليانة فلوس
وعند حتة مدارية يحطهم فى صندوق زبالة
ويرجع الفندق بسرعة
ويطلع بشنطتين كمان
ويجرى لصندوق الزبالة يلاقى الشنط موجودة
ويطلب تاكسى يوصل له الفندق
واول ما يوصل يطلب عمالة تطلع معاه الشنط
وبعد ما يرتاح يترمى ع السرير م التعب
بقاله يومين وهو مش عارف ينام
يصحى على صوت تليفونه بيرن
بالعافية يقوم يلاقى الدكتور منصور
سعد....
ربع ساعة اكون جاهز
ويتصل بعمرو يجي له الاوضة
وبعد ما يجى
سعد...
اطلب من ادارة الفندق عربيتين كبار
بعدها يقول له
حتروح معاهم الشركة بتاعة المعدات الطبية
وتفهم كل كبيرة وصغيرة هناك
وتعرف حيتفقو على ايه
احنا اتكلمنا ف مصر عن المطلوب
طبعا انا معرفش.... هما دكاترة
جايز فيه معدات متوفرة ف مصر انت ادرى
ليه نشتريها من هنا
المهم انا مش حاعرف اروح النهردة معاهم
او ممكن اكون هناك بعد ساعة
عمرو...
لا حضرتك المفروض تكون معانا
وانا هناك حافهمك كل حاجة
سعد...
طب خلاص انا رايح البنك لساعة وارجع نروح مع بعض ونبقى نخلص براحتنا
عمرو...
بكرة وبعده اجازة مش حتعرف
يعنى لو عايز تخلص يبقى تخلص النهردة
سعد...
خلاص روح انت وانا حاخرج وراجع بعد ساعة
ويتصل بالرسيبشن يطلب 4 عمال
ولما يجيو كل عامل يشيل شنطتين لحد العربية
ويطلع على نفس البنك اللى اتعامل معاه
ويحط فيه 100 مليون استرلينى
عشان المجموع يبقى 180 مليون على بعضه
وينبه عليهم انه حيرجع قبل نهاية العمل
وحيعمل تحويل لحساب تانى
ويحط 10 مليون ف حساب لوحده
ويرجع الفندق ويطلع مع الدكاترة ومعاهم عمرو
ويوصلو الشركة
والدكاترة ومعاهم عمرو بيتفرجو على مجلات
فيها كل شيء
وهما بيتناقشو
سعد يتصل بشروق
سعد...
صباح الخير يا شروق انا سعد
شروق...
اهلا بالباشا ..جاى حضرتك اجهز لك اكل معين
سعد...
انا على لحم بطنى من عشا امبارح
انا ف شركة كذا ف الحتة الفلانية
ينفع تبعتولى افطار حاموت م الجوع
شروق...
يا خبر يا باشا نص ساعة يكون عندك احسن فطار
سعد...
ابقى ادى اللى معاه الاوردر رقمى يتصل
لسه معانا شغل
وممكن اتاخر لبعد العصر
يعنى تخلى الناس تنتظر
بسرعة والنبى ...سلام
شروق...
حاضر يا باشا ...مع السلامة
............
...........
الجزء السادس
.
............ الجزء السادس
..
بعد ما يفطر سعد ويتجدد نشاطه
يجى عمرو ومعاه الدكاترة
الدكتور منصور...
اتفقنا على كل المعدات المطلوبة
واتفقنا ع السعر ومصاريف الشحن
ومش ناقص الا توقيع العقود
سعد...
والمطلوب كله كام
عمرو....
بعد اختيار احدث التقنيات
مع الغاء بعض المعدات اللى موجود منها ف مصر
منصور...
الدكتور عمرو اصر انه يلغيها ويشترى من مصر
سعد...
طب فيه فرق ما بينهم
عمرو....
مفيش فرق الا السعر هنا اغلى
وعملنا ملف خاص بيهم
سعد....
ومين حيستلم الحاجة
عمرو....
فيه طريقتين للشحن
الاولى عن طريق باخرة شحن
والتانية عن طريق الطيران
سعد...
خلاص خلينا طيران ونستلم ف الاقصر
ونبقى نعمل بيهم تخليص جمركى ف المطار
جميع العقود بتقول مستشفى خيرى
يعنى مش حيحصل مشاكل
الشركة تعمل اجتماع لتوقيع العقود
المبلغ المطلوب كان 49 مليون استرلينى و566 الف
ينتهى الموضوع ويتم التوقيع
ويروح مندوب من الشركة لاستلام المبلغ ف البنك
ويتم تحويله لحساب الشركة
وبعد تأكيد التحويل يرجع الشركة
وينتهى كل شيء
وكل المعدات حيتم شحنها بالطيران
وحتوصل خلال 15 يوم
وحيتم الاتصال قبل الشحن بيومين
لتبليغ ميعاد الطيارة
الدكاترة ترجع الفندق
وسعد مع عمرو يروحو المطعم
يلاقوه مليان عن اخره
وناس كتير واقفة على رجليها
سعد لشروق...
ايه الموضوع
شروق...
راجعين من صـلاة الجمعة ومعظمهم ما راحش شغله
منتظرين حضرتك ..
كل المصريين هنا عايزين يتعرفو عليك
سعد....
مش مشكلة
الاول هاتي لنا نتغدى
بعدها اتكلم معاهم
...................
بعد العصر
سميحة ومعاها عبير ف البلد
وتروح الاول الكتّاب ( سعد وصاها بكدة عشان هو وعد الاطفـال كل جمعة يقابلهم )
فضلت هى وعبير يراجعو مع الاطفـال الحفظ
والشيخ كان بيساعدهم
ووزعو ع ******* فلوس زى ما قال لها سعد
بعدها راحت المحل تقعد تشوف الشغل ايه
.............
سعد اتكلم مع معظم الموجودين ف الكافتيريا
وحل المشاكل المادية كلها
واللى محتاج يرجع اداله مبلغ كويس
عشان يرجع وكأنه رجع برزقه
لحد المغرب وكان اتكلم مع الكل
سعد لعمرو...
انا راسى اتنفخت
انا عايز احجز الليلة وارجع مصر
عمرو....
انا حارجع كمان مصر اجهز امى للسفر
سعد....
عملت ايه ف موضوع العملية
عمرو...
قدمت التحاليل للمركز اياه
وطلبو منى الانتظار وحيتصلو بيا
عشان اجيب امى شخصيا لعمل تحاليل تانية
يعنى مفيش داعى لقعدتى هنا
واديتهم طبعا رقمى المصرى
والفلوس حطيتهم ف حساب هنا
سعد....
لو احتجت اى تكاليف اتصل بيا
وده رقمى الشخصى
شغال علطول الا الاتنين والخميس
باقفله ارتاح من كله
عمرو ....
انا حابقى اجى ازوركم
سعد...
تشرفنا يا سيدى
اتعشى وعايز انام لبكرة
انا حاسافر بكرة
عمرو ....
خلاص وانا كمان
تانى يوم الصبح
سعد مع الدكاترة وعمرو
الدكتور منصور ...
فيه مؤتمر بكرة حاستنى احضره
ونعمل جولة سياحية
ويوم التلات نسافر
سعد يطلع لهم بوكت مانى
ويقولهم نتقابل يوم التلات
انا وعمرو مسافرين
انا مش مستحمل الجو هنا
وبعدها يتصل بشروق.....
ده رقمى متدهوش لحد
لكن اذا كان فيه مشكلة كبيرة مع اى حد
انتى ترنى وانا اتصل
شروق....
خلاص يا باشا
انا حارن عليك من رقمى عشان تسيفه
وبعد العصر يوصلو القاهرة
عمرو اصر انه يعزمه ع العشا
سعد...
انا حابات الليلة ف الفندق
عايز اشبع نوم قبل ما ارجع لدوشة العيال
عمرو...
ايه ده انت متجوز ومعاك عيال
انا باحسبك لسه
شكلك صغير
سعد....
عندى 3 عيال
حاشوف لو قدرت اجى ع العشا
عمرو....
يا سيدى انا جنبك هنا ف طلعت حرب
يعنى تمشى رجليك
مش حاتنازل عن العشا
حارن عليك الساعة 8 سلام
وقبل ما يدخل الفندق
سعد يطلع العمّة ويقول لنفسه
اما اشوف صاحبنا نظامه ايه
يمكن موضوع امه فنكوش
وفعلا عمرو بيتمشى ويدخل ناحية جروبى
وعند ميدان طلعت حرب يدخل شمال
ويدخل عمارة ويطلع تانى دور ويضرب الجرس
واول ما يفتح الباب
واحدة تفتح الباب وتحضنه بتكون اخته( 18 ولا 19)
بعدها يدخل لاوضة فيها واحدة ست على سرير
وبعد السلام والترحاب
يحكى لامه انه قابل واحد صعيدى
اخته ...
صعيدى قفل تقصد
عمرو....
اتلمى يا جزمة
لو كل الصعايدة قالو عليهم المواويل
اللى قابلته يغطى على كل كلام
اعتبروه انسان طيب لاقصى الحدود
بيحب عمل الخير حتى للى ميعرفوش
حل كل مشاكلى المادية من غير مقابل
دفع تكاليف العلاج والعملية
لا وايه ضمنت اكمل دراستى ف لندن
ام عمرو....
فينه يا بنى اخده ف حضنى
معقول ربنـا بعت لك ملاك من عنده
عمرو....
ربنـا بعته على هيئة انسان
مينفعش نقول ملاك
لكن ممكن نقول صفات ملاك
انا عزمته ع العشا الليلة
بس قال مش عارف حاعرف اجى او لا
اخته...
اسمه ايه وقد ايه سنه
عمرو.....
بيقول 32 واسمه سعد
اخته...
متعرفش خاطب ولا ايه
عمرو...
معاه 3 عيال ...متعشميش نفسك
امه...
**** يكرمكم انتو الاتنين بعرسان يا حبايبى
افرح معاكم واشيل عيالكم قبل ما اموت
عمرو....
ربـنا يديك طولة العمر
يلا يا بت قومى عشان تجهزى الاكل
اخته....
انا مش عارفة اطبخ ايه
امها ....
الصعايدة بيحبو اللحم والرز والسلطة
اعملى اللى تقدرى عليه يا سميرة يا بنتى
سميرة ....
حاضر يا ماما
بعدها سعد ياخد بعضه ويخرج
وف الطريق يدخل لعمارة يقلع العمّة
ويخرج يشاور لتاكسى
ويطلع الفندق ويروح ف نوم عميق
يصحى على تليفون
يقوم وهو بيتمطع يلاقيها الساعة 8
سعد....
نص ساعة اكلمك
عايز افوق شوية سلام
عمرو....لامه
ملحقتش اقول كلمة
بيقول كنت نايم لما افوق اكلمك
سميرة ....
يبقى مش جاى يا جميل
عمرو....
ان شاء الـله يجى
سعد يقوم يستحمى وكان عايز يطلب شاى ولا قهوة
لكن جعان
يغير هدومه ويلبس حاجة شيك
ويطلع يتمشى ويروح يدخل عند محل صاغة
يشترى سلسلة فيها حرف اس
وخاتم لست كبيرة بفص
ويرجع يتمشى ويروح يشترى علبة شيكولاتة كبيرة
وقبل ما يوصل البيت
يتصل بعمرو...
ايوة يا عمرو
انا ف ميدان طلعت حرب
فين العنوان
وبعد ما ياخد العنوان
يطلع ويرن الجرس
سميرة ....
ايه معقول يكون هو
ده مكملش ثوانى معاك ع التليفون
عمرو....
لا مش هو.... قومى افتحى
وتجرى تفتح....
سميرة ....
ايوة مين حضرتك
سعد....
انا القفل
اقصد الصعيدى القفل
سميرة ....
مش فاهمة
سعد....
انت فاهمة الصعيدى قفل
انا سعد وجاى لعمرو
سميرة....
يا عمرو الاستاذ سعد ع الباب
يجرى عمرو ...
يا خبر ... معقول يا غبية توقفيه ع الباب
اتفضل يا استاذ سعد
ويدخل سعد ويحط علبة الشيكولاتة
ويسلم ع الحجة ويبوس ايديها
ويطلع الخاتم
سعد...
اقبلى الهدية البسيطة دى منى
صراحة ف موضوع الهدايا انا معرفش
ده اللى قلت يناسب حضرتك
الست ام عمرو تاخد الخاتم وتسحبه لحضنها
سعد....
فكرتينى بالغالية الـله يرحمها
وبعد ما يقوم
يطلع السلسلة ويقول...
ودى للانسة بحرف اسمها
سميرة....
وانت حتعرف منين اسمى
محدش هنا قال عنه
سعد....
مش قلت لك ع الباب الصعايدة مش اقفال
اسمك سميرة وده حرف اس
سميرة ....
تلاقى عمرو قال اسمى
عمرو....
صدقينى ولا يعرف اصلا ان عندى اخت
ولا حكيت له عن كدة
مش باقول لك يا ماما راجل بركة وكله خير
وبعد كلام وكلام
يتعشى سعد معاهم
وبعد ما يقوم
سعد....
منتظرك قبل ما تسافر تتفرج ع المستشفى
اكيد ف يوم تفكر تيجى تشتغل هناك
سميرة....
هو حضرتك دكتور معاك مستشفى
عمرو...
لا يا سميرة
هو عمل مستشفيين للغلابة والعلاج والكشف مجانى
ام عمرو....
ربنـا يزيد من امثالك
سميرة...
رغم انى مش عارفة ولا مستوعبة
ازاى عرفت انى قلت صعيدى قفل
انا باعتذر لحضرتك يا استاذ سعد
وسعد يسلم ويخرج
..............
.
عمرو ...
فهمينى ايه اللى قلتيه
سميرة...
معرفش ازاى
اول ما فتحت الباب وباقول مين
لقيته بيقول لى انا الصعيدى القفل اللى قلتى عليه
وقال الصعايدة مش اقفال
طب منين عرف انى قلت كدة
ومنين عرف ان اخت عمرو
ومنين عرف اسمى
انا حاتجنن
ام عمرو...
عشان تبطلى تتكلمى بقلة ادب عن الناس البركة
انت يا عمرو لازم تروح تزوره ف الصعيد
وتشوف المستشفى يمكن يعجبك الحال هناك
وانت صعيدى با اخى
عمرو...
ايوة عارف
بيقول بينى وبين اهلك نص ساعة
هو من ارمنت جنب اسنا
حازوره قبل السفر وقبل الجو ما يزيد حرارة
سعد يرجع الفندق ويطلب يحجزو له تذكرة للاقصر
ف اول طيارة ومنتظر الرد
بعد ساعة اتصلو بيه يبلغو موعد الطيارة على 7 ص
تانى يوم الساعة 10 يكون ف البيت
وهو ف حضن سميحة
سعد....
معرفتش اخد نفسى يا حبيبتى هناك
ولا كان عندى وقت اروح لمكان غير اللى رايح له
معرفتش اشترى من هناك حاجة
لكن جبت لك سلسلة بحرف اسمك من مصر
بس الصراحة محبش اكدب عليك
الاول جبت نفس السلسلة
ورحت زرت واحد دكتور قابلته ف لندن
وساعدنى هناك كتير
امه حتعمل عملية برة مصر
واخدت لها خاتم بفص
وهناك لقيت بنت تبقى اخت عمرو صغيرة يجى 16 ولا 17 ولما عرفت ان اسمها سميرة
اديتها السلسلة ورجعت لنفس المحل جبت غيرها
لكن حاديك فلوس تشترى اى حاجة تخطر ف بالك
سميحة...
يا حبيبى انت عندى بالدنيا..
كفاية رجعتك بالسلامة
وبعدها الحضن يتحول لقلع هدوم
وهات وخد وركب الفرسة
وهى ركبت الحصان
بعد وقت هى استمتعت وسعد انبسط اخر حاجة
حضنو بعض
وسعد راح ف النوم وهو ف حضنها
هى سحبت الملاية عليهم عشان العيال
وسعد كان رابط ايديه على رقبتها
وبعد ساعتين فاق سعد من نومته
ولما لقى نفسه عريان بين احضانها
عمل معاها دور تانى
رجليها على كتفه زى ودان الجحش
بعدها هى اتفرمت ومقدرتش تقوم
وهو اتعكز وقام استحمى
ورجع شالها عريانة للحمام وفوقها وحممها ونشفها
ورجعها تنام ع السرير من تانى
ودخل المطبخ يجهز اكل
بعد ساعة قامت سميحة
وراحت حضنته حضن يقوم الشمروخ
سميحة...
بحبك يا حبيبى
وكل يوم والتانى حبى لك بيزيد
سعد...
لا كدة يبقى فيه دور تالت
سميحة ....
لا انا اتفرمت وجبت اخرى
كفاية عليك حبيبى تتعب
سعد يبوسها
وهى تسحبه لبره
سميحة...
خلاص انا حاكمل الاكل
سعد ينزل ويقابل اصحابه ف البدروم
وسميحة تخلص الاكل
و تاخد الواد الصغير وتروح ف النوم
الواد والبنت يلعبو بالراحة ف البيت
سعد بعد السلام والاحضان مع اصحابه
مجدى....
ايه يا بطل... المغامرة تمت على خير
سعد ....
تمت يا سيدى وما اظنش اى بنك حيكتشف السرقة
الفلوس مرصوصة ولا كانها طوب احمر
من كل صنف ولون اكوام اكوام
مجدى....
بصيت ع الفلوس ان كانت متسلسلة
سعد ...
فرزت رزم كتير
مفيش اى تسلسل
حتى ورق الرزم كان ابيض من غير ختم
انا نقيت نقاوة
والبنك اللى وردت فيه الفلوس
ما اخدتش منه حاجة
وكدة عملنا اللى علينا
ورجعنا شوية م اللى سرقوه من خيرات مصر
مجدى....
سحبت قد ايه
سعد....
اكتر من 100 وشوية
وتمن المعدات كان حوالى 50 مليون
وحتيجى خلال اسبوعين
مجدى...
اشطة يا معلم
سعد....
عايزين حد ثقة يمسك حساب المستشفيات
مجدى...
مش محتاجة متخصص ولا يحزنون
طالما كل حاجة بالورق والفواتير يبقى سهلة
سعد يتصل بهارون من الرقم اياه
هارون....
اهلا بالباشا
سعد....
لو تقدر هات الحاجة
حاجيلك عند المزلقان اياه
هارون ....
ماشى قبل ساعة حاكون هناك
سعد يتكلم شوية مع اصحابه
ولما قرب وصول هارون
سعد لمجدى....
تعالى وصلنى عايز اشوف بيقولو ايه
بعدها انت تطلع الجبل فوق
واول ما ارن عليك تنزل وتوقف وراهم
وانا حاتصرف وانزل من عربيتك
مجدى يوصل سعد عند المزلقان
وسعد يلبس العمة وينزل من العربية
ومجدى يطلع عند المقابر
وقبل ما تعدى 5 دقايق
يوصل هارون ومعاه 2 كمان
سعد يروح يوقف معاهم وطبعا محدش شايفه
شحص ...
حتقول تمنهم كام يا معلم هارون
هارون ...
حاطلب زى اللى قبلهم 40 اخضر
شخص غيره...
ما تقول له 50 ونشوف رده حيكون ايه
شخص ...
ايوة احنا نجرب ونقول 50
هارون ....
يا جماعة متحرجونيش مع الراجل
الراجل مش مقصر معانا
دول وزن الواحد 5 كيلو و125 جرام
وتمنهم نفس تمن الحاجة اللى اتنصب علينا فيها
وهو بنفسه رجعهالنا
ولو مرجعهاش كان زماننا بنروح سوق الكيمان
واحنا بندور على شغل
شخص...
انت قول 50 وجرب مش حنخسر
هارون....
خايف يكشفنى ويفقد الثقة اللى بينا
ولسه حيتصل بسعد ويلاقيه مشغول
لكن سعد يتصل بمجدى ينزل
وف اقل من دقيقة عربية مجدى تنزل بعدهم بكام متر
والباب التانى يتفتح و يدخل سعد
ويقلع العمّة وينزل م العربية
سعد...
اهلا بالمعلمين
وبعد السلام والترحيب
فين الحاجة
هارون ....
اهى يا باشا دول اول مرة يطلعو برة البيت
سعد....
وكام تمنهم على كدة
هارون يتلجلج لحظة...
تمنهم 50 اخضر
سعد يمسك واحد ف ايده ويقول
دول وزن الواحد 5 كيلو وتمن يعنى 125 جرام
وتمنهم زى اللى قبلهم
الاتنين الاولين كانو 5 كيلو بالظبط
والتانيين كانو على 7 ونص
اما دول 5 وتمن
تمن الاتنين مع بعض
38 اخضر
خد حاجتك وبلاش تسمع كلام حد
وان حبيت تجيب لى حاجة
تبقى تيجى لوحدك
يديه الحاجة ويروح يركب العربية
هارون....
موافق يا باشا ..38 اخضر
كلك فلوس
سعد ...
انا قلت اللى فيها
لكن طالما رجعت لك الحاجة وانت اخدتها منى
يبقى متلزمنيش ...شوف حد غيرى سلام
ويركب العربية ويلبس العمة وينزل ومجدى يجرى
هارون مع جماعته
هارون...
مش قلت لكم بلاش كدة
اهو قفل دماغه ومش حاعرف اقنعه
شخص...
ليه مفيش غيره
من بكرة اجيب لها 7 يشترو
شخص تانى...
ايوة نجيب احسن منه كمان
وصدقنى حنبيع على 50
هارون...
يا جماعة دى حاجة ناس
واحنا لينا نسبتنا
ولو لفينا بيها ريحتها حتفيح
وممكن حد يحاول ينصب علينا
شخص....
متخفش محدش يعرف يضحك علينا
بعدها هارون يحاول يتصل بسعد
لكن التليفون يرن ومفيش رد
سعد يتصل بمغاورى
ويبلغه فيه مقبرة مضروبة
اللى بيحاولو يصرفوها من اسنا
بلغ اللى تعرفه
الحاجة مضروبة بدقة وممكن تعدى على خبراء
مغاورى...
وهو فيه حد يستجرى ياخد حاجة من غير اذنك
وخلال ساعة معظم التجار وصلهم الموضوع
سعد يوصل البيت ويغير هدومه
يعدها يطلع بعربيته لاسنا ويركنها هناك
ويروح عند هارون البيت ويلبس العمّة
ويلاقى اكتر من 10 افراد
سماسرة ووسطا والكل بيتكلم مع كله
ومعظمهم زعلان م اللى حصل
سمسار يتصل بوسيط من قنا
الوسيط...
الحاجة طالعة من فين
السمسار ...
من اسنا
الوسيط....
ابعد نفسك عنها البضاعة مضروبة
واعتبر انها مش حتتباع
وتفضل السماسرة تتصل بوسطاء
ونفس الامر شغال
البضاعة مضروبة
والكل بيضرب اخماس ف اسداس
هارون....
يا عم خدو حاجتكم ....انا صدقت انها مضروبة
وعشان كدة الباشا بتاعنا مرديش ياخدهم من تانى
ويتفض المولد
واصحاب الحاجة تاخد حاجتها ويركبو عربيتهم
سعد يطلع وراهم لحد ما يدخلو من كوبرى الستين
وسعد من وراهم من بعيد
وبعد ما ركنو عربيتهم
سعد وقف ولبس العمة واخدها جرى واتشعلق معاهم
اصلهم شافو عربية وراهم
لكن لما اتاكدو انها مش وراهم
راحو لمقبرتهم وحطو الحاجة مكانها
سعد دخل وراهم وبيتفرج على كل حاجة
يعرف العدد والانواع ويصور فيديو لكل حاجة
.......
.
.......الجزء السابع
.
بعد ما يصور اللى ف الحفرة
يخرج وراهم
يلاقى واحد بيجرى ..
الحق يا عم مهران بقرتك بتولد
مهران يجرى للحوش اللى فيه البقرة
ويجى وراه اخوه الامير
سعد يقول يعنى دول اخوات
ويستنى معاهم يتفرج
البقرة تولد بخير
وواحدة ست الظاهر مرات مهران بتحلب لبن السرسوب وتيجى مرات الامير تبارك
سعد يصور كل الوشوش
مهران ...
كفاية كدة سرسوب وخلى الباقى للعجلة
مرات مهران....
ما هو ضرعها مليان والخير كتير
مهران ...
طب بسرعة اعملى السرسوب نفسى رايحة عليه
سعد ميلاقيش حاجة جديدة
يروح لتليفون مهران ويعرف نمرته ويسجله عنده
بعدها سعد يرجع مشى مسافة كيلو لعربيته
ويتصل بمهران...
سعد....
مبروك العجلة يا معلم مهران
مهران....
مين اللى معايا
سعد...
الباشا سعد
عايزك انت واخوك الامير عند هارون
ومش عايز يكون معاكم لا وسيط ولا سمسار
لو عايز حاجتك تتباع
تتصل بهارون وتبلغه يكون لوحده
ومتنساش تجيب لى حتة سرسوب
ويقفل السكة
مهران يتصل علطول بهارون....
هو مين الباشا سعد
هارون...
ده اللى كان بياخد الحاجة ويبيعهالنا
ايه اللى حصل
مهران...
البقرة بتاعتى لسه والدة
وما ظنش حد يعرف
احنا ساكنين انا واخويا معزولين
ولقيته بيتصل عارف اسمى واسم اخويا
وكمان البقرة ولدت
الراجل ده يبقى مين يا عم كدة انا خفت
هارون...
وطب ليه اتصل بيك
مهران....
بيقول تاخد اخوك الامير وتروح للمعلم هارون
وتنتظرنى هناك
وبيقول مش عايز يشوف وسطا ولا سماسرة
مش عارف ليه
هارون....
يمكن حياخد الحاجة يصرفهالنا
انا فعلا اللى غلطت
واخدت معايا اتنين وسيط وسمسار
وزنو على دماغى وغيرت السعر
لكن هو رجع لى الحاجة وقال محبش حد يخدعنى
المهم تعالى انا ف البيت لوحدى
مهران...
مستنى يخلص السرسوب
اصله عايز سرسوب
بعد ما مهران واخوه يعدو رايحين لهارون
سعد يركب عربيته ويطلع لبيت هارون
سعد بعد ما يدخل...
لا سلام ولا كلام
لما تحبو تطلعو حاجة بلاش شغل الوسوسة
وموضوع وسيط وسمسار
ريحة الحاجة بتفيح والكل بيشمها
انا اقول مضروبة يبقى الكل يمشى على كلامى
انت يا هارون جيت باتنين معاك
يوسوسو فيك قول 50 قول 50
وانت ف الاخر مشيت وراهم وقلت زيهم
وانا طبعا محبش الفصال
الحاجة ممكن ف الاخر تسيحوها لدهب
ومش حتتباع برضو
انا مش حتخفى عنى حاجة
معاكم 4 حتت دهب و3 حجر
موجودة ف حفرة ف حوش الامير
لما صورتوها فيديو قبل كدة
انا عرفت اجيب تصوير لهم
ولو عايزنى اصور عيالك وحريمكم حاعملها
لا تقولى صابحة ولا صباح
مفيش حاحة تخفى عنى
واخر كلام
كل اللى عندكم بـ 75 اخضر
ومعنديش كلام تانى
او تبلوها وتشربو ميتها
هات السرسوب ...
وانت يا هارون .لو سمعت الوسوسة بعد كدة
حتندم ومش حتعرف تطلع حاجة
الدهب له قانون ووزن
سلام يا معلمين
وقبل ما يطلع
مهران ...
موافقين يا باشا
موافقين مش عايزين خسارة
كفاية اللى صرفناه واحنا بندور وبنحفر من 3 سنين
هارون....
كلامك يمشى على رقبتنا يا باشا
سعد....
بعد ما امشى بساعة تجيبو الحاجة عند الكافتيريا
والوسطا والسماسرة انسو انهم موجودين
وهو ف الطريق يتصل بمغاورى
سعد....
4 حتت دهب و3 حجر
تحب ولا ابعت للببلاوى
ولا اعمل مزاد
مغاورى....
المطلوب كام يعنى على بعضه
سعد...
100 اخضر و30 مصرى
مغاورى....
فيه ازمة ف السيولة
محتاج يومين تلاتة لحد ما توصل لى السيولة
سعد.....
معاك كام حاليا
مغاورى ...
حوالى ستين اخضر
اما المصرى فيه 50
سعد...
متيجى تشوف وهات اللى معاك
مغاورى...
لا دى مش باعملها
معايا المطلوب اشيل
محبش يبقى عليا ديون
يوم الخميس حاكون عندك
سعد....
حابعت لك الفيديو ...سلام
سعد يوصل البيت بعد العصر ويتغدى مع سميحة
وهو بيشرب الشاى هارون يتصل
سعد يبوس سميحة وينزل للكافتيريا
ياخد الحاجة ينزلهم البدروم
يجى الخميس ومغاورى يجيب الفلوس
وياخد الحاجة
واصحاب الحاجة ياخدو فلوسهم
ويعدى كمان يومين
ويوم السبت يتصل بيه عمرو
يبلغه انه حيسافر يوم التلات مع امه
وسعد يسأله
....سميرة حتروح معاكم
عمرو...
لا حتقعد هنا ...عادى حتعرف تمشى امورها
سعد....
انت حتقعدو قد ايه
عمرو...
حوالى اسبوعين
سعد...
خلاص اقنعها تيجى تقعد عندنا الاسبوعين دول
وكمان انت والوالدة حتبقو مرتاحين
عمرو ....
ثوانى اشوف
ويقول لامه استاذ سعد بيقول
نخلى سميرة تقعد مع اهله لحد ما نرجع
بدل ما تقعد لوحدها
امه....
وهى حتعرف تروح الصعيد لوحدها
عمرو ...
المهم ايه رأيك يا سميرة
سميرة ...
مفيش عندى مانع
اهو اتفرط شوية هناك واتفسح وازور الاثار
عمرو يرجع يكلم سعد...
امى بتقول عادى
وهى عايز تتفسح وتزور الاثار
سعد...
نفسحها مع العيال عادى
المهم متشيلوش همها وانتو هناك
عمرو...
خلاص يوم التلات بعد ما نسافر هى تسافر
سعد...
انا حاكون عندكم يوم التلات لو محتاجين حاجة
وبعدها ارجع معاها البلد
عمرو....
ماشى تسلم يا استاذ سعد
وهو ف البيت يتكلم مع سميحة
عن موضوع اخت عمرو
ويحكيلها الحكاية
بنت صغيرة ومش حينفع تقعد لوحدها اسبوعين
وسميحة طبعا ترحب وتقول....
طول عمرك بتحب الخير يا حبيبى
وانا اقدر اقول للخير لا
هى كام عمرها
سعد....
مش عارف ممكن 17 او اكبر شوية
سميحة....
تيجى وتشرفنا ونشيلها ع الراس يا حبيبى
يوم التلات الصبح يسافر سعد طيران
ويحجز ف الفندق لليلة
ويطلع يروح لعمرو
وقبل الضهر يوصلهم للمطار
ويرجع بسميرة البيت عشان تحضر حاجتها
سميحة تقول ربع ساعة واجهز الغدا
سعد....
لا انا حاجز ف الفندق نتغدى هناك
سميرة ...
خلاص حاجهز نفسى وحاجتى
وبعد شوية يتغدو ف الفندق
ويطلعو ع المطار
ويكونو ف البيت قبل **** العشا
وسميحة تستقبلها وترحب بيها
وتشيلها ع الراس
بعد يومين سعد ياخد سميحة مراته والعيال
ومعاهم سميرة اخت عمرو
يفسحهم ويزورو الاثار
ويقضو يوم جميل
وتانى يوم سميرة اخت عمرو تروح تتفرج ع الكافتيريا وهى بتلف هناك
يشوفها ابن حمدى الكبير ( 23 ) سنة
ويحاول يتقرب منها
ويعرفها انه ماسك شغل الاستاذ سعد
ويقدر يتكلم معاها شوية
وهى يعنى
بعد الغدا اخدتها سميحة للبلد
وراحو محلات سعد
ومن تانى تصادف ابن حمدى ( عماد )
وسميحة مرات سعد لما حست بتجاذب
قالت ف نفسها اما نشوف اخرتها
ف خلال كام يوم
كانت بتكلم عماد ف التليفون وانسجمت معاه
والواد عبر لها عن مشاعره
وقالها ف التليفون ..
عايزة اشوفك بكرة
وهى قالت عادى مفيش مشكلة
تانى يوم لما اتقابلو
عماد....
بصى كدة ... انا مش عايز الف وادور
انا حاكلم اهلى لو توافقى ممكن اخطبك
سميرة...
انت بتقول ايه
احنا منعرفش بعض الا من كام يوم
عماد...
هو يعنى حتفرق يومين ولا سنة
انا احب امشى دوغرى
سميرة...
طب استنى نتفاهم الاول
عماد....
نتفاهم لكن بشكل رسمى
سميرة....
لما يرجعو اهلى اشوف
عماد.....
المهم انا عايز ادخل رسمى
اتكلم معاك براحتى مش سرقة وكدة
سميرة ..ابقى نشوف
حاكلمك بالليل... وتجرى على بيت سعد
مرات سعد كانت شايفة اللى بيحصل
واول ما طلعت
سميحة...
هو عماد كان عايز منك ايه
سميرة ...
هو حضرتك شفتينا ولا ايه
سميحة مرات سعد..
ايوة.... انت عندنا امانة
سميرة....
بيقول عايز يخطبنى
وانا باقول حتى لو حصل
لسه بدرى لحد ما يكوّن نفسه
لسه شقة ومواويل
سميحة...
لا هو جاهز من كله
شقته جاهزة وعفشته كمان والشبكة
يعنى جاهز من مجاميعه
سميرة....
انا لسه بدرى لحد ما اكوّن نفسى
سميحة...
لو الموضوع داخل دماغك
جهازك هدية منى ومن سعد
اللى يعجبك
وممكن ف ظرف شهر كل حاجة تبقى جاهزة
سميرة ....
مش عارفة يا ابلة
انا مجربتش اكلم شبان
ومحصلش معايا قبل كدة
لما ترجع امى واخويا ابقى اقرر
سميحة....
الحب حلو ...والجواز احلى
وعشان يوصل الحب لمنتهاه
لازم يتكلل بالجواز
مينفعش حب من غير جواز
انا حبيت سعد وسعيت ورا حبى
لحد ما ربنـا كرمنا واتجوزنا
واشتغلو الرغى
فى بيت حمدى
عماد مع امه
عماد....
قوليلى يمه
ايه رأيك ف سميرة...
ام عماد ....
**** يسترها ويبارك فيها وفى عيالها وجوزها
عماد..
يمه انا اقصد البنت اللى عندهم باقول سميرة
ام عماد...
ايه الموضوع يا واد
عماد...
اصلها عاجبانى وعايز اخطبها
ام عماد....
يوم السعد والهنا يا حبيبى
بس دى تربية مصر وممكن تحيرك
عماد...
دى غلبانة ولا تعرف تحور ولا تدور
ام عماد....
ايه ..قول من غير لف ودوران
عماد...
الصراحة انا قلت لها عايز اخطبك ونتجوز
ومنتظر ردها
بس برضو هى حتستنى اهلها
ام عماد....
عليك وعلى سى سعد
لما يجى ابوك انا حالاغيه
وهو يكلم سى سعد
عماد....
ايوة والنبى يمه
مش عايز انشغل بيها
وكل شوية استنى اشوفها
عايز يبقى الموضوع رسمى
اعرف اتكلم معاها ونرغى براحتنا
ام عماد....
اصبر وبلاش تندلق على وشك
الصبر حلو
الصبح وسعد بيفطر مع مراته والعيال والضيفة
سميحة مرات سعد....
ايه اخبار شغل التجارة يا سعد
سعد....
تقصدى البقالة وكدة
من يوم ما مسكها عماد وانا شلت دماغى
بيشتغل بكل اخلاص وجهد
سميحة....
الواد الصراحة زى الفل وابيض زى الالماظ
امه بتفكر تشوف له عروسة
(سميرة شرقت ووقعت معلقتها )
على ابن سعد.....6 سنين
وانا عايز اتجوز يا بابا
سعد....
وماله يا حبيبى لما تكبر شوية نجوزك
على....
لا انا عايز اتجوز ابلة سميرة دى
سعد....
اشمعنى ابلة سميرة.. دى كبيرة عليك
على....
اصل عماد ابن عم حمدى كان بيقولها تتجوزينى
( هنا سميرة تجرى على اوضتها )
سميحة ....
يخرب مطنك يا على
منين سمعت الكلام ده
على...
سمعتهم وهما واقفين مع بعض قصاد البيت
وتقوم سميحة ورا سميرة وتخبط عليها
وبعد ما تدخل
سميحة ...
اهو مفيش حاجة بتستخبى يا عروسة
الواد الصغير سمعكم
سميرة....
متكسفنيش يا ابلة
سميحة....
ايه يعنى الموضوع خلاص وفكرت
سميرة....
لما ترجع ماما واخويا عمرو يا ابلة
سميحة....
ابلة مين يا بت
انا اكبر منك بكام سنة مش للدرجة دى
سميرة....
خلاص متحرجينيش مش عارفة اتلم على روحى
مش مصدقة ان الواد فاهم كدة
وكمان عم سعد حيقول عليا ايه
سميحة....
حيقول كل خير
يلا قومى كملى اكلك وتسحبها
وهى بتمانع
ولما تخرج معاها
سعد ....
كملو اكلكم انا حاشرب الشاى مع الجماعة برة سلام
سعد يروح لاصحابه
بعدها ياخدهم ويروح لمخزن البضايع
سعد....
ايه الاخبار يا عماد
فيه مشاكل ولا صعوبات ف الشغل
عماد....
لا يا عمى مفيش
كل التجار بتستلم بضاعتها ف وقتها
وبنوصلها لهم لحد محلاتهم
ومفيش حد منهم قصر فى تمن بضاعة ولا اخر ميعاد
سعد لحمدى....
باقولك ايه يا حضرة النائب
عايز نشوف لعماد عروسة قبل ما يبقى ابن النائب
حمدى....
وانا بافكر كمان واحسن واحدة بنت عمته
اهى حلوة وصغيرة
عماد....
يا با مش وقته ...خلينى اختار براحتى
مش عايز حد يختار لى
دى حتبقى مراتى انا
لو سمحت يابا سيبنى ع راحتى
مش بافكر ف الجواز
سعد....
سيبه براحته
تصدق با حج حمدى
الضيفة اللى عندنا جاها عريس وعايز يطلبها
عماد....
على رقبتى لو حد وصلها غيرى
ليه انا عيل ولا ايه
انا عايز اتجوزها يا عم سعد
وادينى باقولها لابويا قدام الكل
انا باحبها وعايز اتجوزها
حمدى...
انت بتقول ايه يا واد
سعد....
حيلك حيلك يا حج حمدى
سيب الواد يطلع اللى جواه
خلاص يا عماد خليك ف شغلك
وبعدين نتكلم ف ده
حمدى....
وبنت عمته يا سعد
سعد....
بنت عمته اكيد حتلاقى نصيبها
هو مفيش يعنى غير عماد
بس يرجع اهلها يا عماد ونشوف
متشغلش بالك ..بسيطة
ويسحب سعد حمدى واصحابه
ولما ينزلو البدروم
حمدى...
انا عرفت موضوعه
هو قال لامه تكلمنى
واذا اهلها وافقو ....يلا على خيرة الـله
مجدى...
المستشفى خلص تشطيبات يا وليد
وليد مش معاهم وسرحان
سعد... يغمز وليد ...
ايه يا وليد
وليد....
وليد مين ...حصل ايه
سعد...
مالك سرحان ومش على بعضك
وليد....
اصل ام العيال وديتها بيت اهلها
سطوحى....
زعلتها ولا زمقانة منك ولا ايه الموضوع
وليد....
لا مش كدة بعتها عشان تخف وينزل حجمها
دى بقت حاجة ولا لودر دكّاك
تليفون سعد يرن
يرد عليه....
ماشى جاى طوالى سلام
سعد...
يا جماعة حد يشوف ليه قطعو الكهربا
عن مستشفى بتاع ارمنت الحيط
حمدى...
انا حاشوف يلا يا وليد
مجدى...
وانا رايح معاهم واخد سطوحى كمان
كل اصحابه يروحو يشوفو المشكلة
وسعد يركب عربيته ويروح الغريرة
وهناك يلبس العمّة ويدخل عند شبكة الكهربا
ويروح يفصل الكهربا عن كل البلاد
وكل ما حد يجى يشغلها
سعد يفصل المفاتيح من تانى
وبعدها وصل للخط العمومى وفصله نهائى
اخد ساعتين وهو يحير فيهم
وبعدين راح فاتح هويس المية لاخره
واتسربت المية اللى بيستخدموها للتبريد
وكدة معاهم كام ساعة لحد ما يعرفو يرجعو للطبيعى
اتصل بحمدى ايه الموضوع
حمدى....
شركة الكهربا طالبة تركيب عداد
سعد...
وهو احنا اللى بنركب عدادات
ميجيبو العداد ويركبوه واحنا نتكفل بالمصاريف
خلاص انا حاروح الفرع
ويوصل الشركة ف ارمنت ويزعق هناك
اما تركبو عداد او تشوفو اللى عمركم ما شفتوه
رئيس الفرع...
تقصد ايه
سعد....
معاكم ساعتين تخلصو الروتين بتاعكم
اما الاقى حد هناك بيركب العداد
او تستحملو اللى يجرالكم
طلع برة ولبس العمة
الاول فضل يفصل عنهم الكهربا من المفاتيح
والكل اتنرفز من الجو بعد ما التكييفات ما وقفت
رجعو المفاتيح واشتغلت التكييفات
سعد راح قطع سلك التكيفات
والموظفين ابتدت تخرج من مكاتبها
بعدها سعد شغل انذار الحريق
وكانو مركبين سحاحات ميه ف كل اوضة
واشتغلت المية والدنيا اتقلبت
رئيس الفرع....
احنا مش قد سعد
شوفو عداد 3 فاز بسرعة
واطلعو ركبوه
احنا كدة مش حنخلص
سمعت بيقولو معاه بركات
محدش يتاخر
وراح مهندس ومعاه كام فنى للمستشفى
وركبو العداد والدنيا بقت تمام
سعد...
ناس مش بتيجى الا بالعين الحمرة
..............
............
.............
......... الجزء الثامن
الحج حمدى الدهشان ف الضبيعية
بيدبح عجل ويعلق لوحة على مكتب
مكتب استقبال شكاوى المواطنين
المرشح القادم لعضوية مجلس الشعب
بعد ساعتين ف المريس
ونفس الحال فى ارمنت الحيط
سعد ومعاه مجدى يروح مكاتب الشؤون الاجتماعية
بيطلب قاعدة بيانات الاسر
لما الروتين يوقف قدامه
يلبس العمّة ويدخل يحملهم على فلاشة
ويعمل نفس الموضوع مع كل المكاتب
يروح مكاتب الزراعة
عشان كشوفات الحيازة الزراعية
وبرضو يحملهم على فلاشة
بعد 3 ايام
حمدى وسطوحى بيلفو البلاد
ويعملو مؤتمرات انتخابية
مش للدعاية وبس
ولكن عشان يكشفو للناس برنامجهم الانتخابى
العلاج المجانى فى المستشفى التخصصى
فرع ارمنت الحيط عند عزبة التمساح
وفرع الرزيقات ع الخط السريع
مساعدات مالية للاسر المعيلة
مساعدة الاسر فى تزويج البنات
دخول الشباب للكليات العسكرية شرطة وحربية
تعيين الكثير من ابناء وبنات الاسر الفقيرة فى وظائف حكومية ثابتة بتأمين شامل
الاعلان عن قبول طلبات لاستخرج كارنية العلاج المجانى للاسر المستحقة
وبعدها بيوم
ازدحام عند المستشفيات للاستفسار
عن الاوراق المطلوبة للتقديم
ازدحام عند المكاتب اللى اتعملت لقبول الشكاوى
لجنة كبيرة من امهر الشباب
لفرز قاعدة البيانات سواء الاسر الفقيرة
ومعاينتها بقاعدة بيانات مكاتب الزراعة
الدكتور عمرو يتصل بسعد
ويبلغه بنجاح العملية لامه
وكمان اسبوع ويرجعو
سميرة اخت عمرو وعماد يتقابلو كذا مرة
والظاهر الحب عمل ما بينهم عش عصافير
سعد داخل بيته بعد العشا
يلاقى عماد بيحضن سميرة
سعد....
احم احم...الحب حلو
سميرة جت تجرى
لكن سعد قال....
استنو مكانكم....لسه مكملتش كلامى
سميرة رجعت ووشها ف الارض
وعماد بقى عرق مرق من الكسوف والخوف
سعد....
الحب جميل مقلناش حاجة
بس لو تماديتو ف مشاعركم
والواحد قعد مع نفسه يفكر
الشيطان حيدخل يوسوس له
ويقول لنفسه
هى ليه سابتنى احضنها ولا ابوسها
ميكونش متعودة على كدة مع غيرى
والشيطان يوسوس ويبث سمومه ف افكارك
وممكن يخليك تفكر فى حاجات تانية للمتعةو بس
وهى تقول
هو ليه عايز يحضنى ويبوسنى
ميكونش عايزنى لمتعته
وبعد ما ياخد متعته يرمينى
متخلوش الشيطان يخدعكم
خلو مشاعركم لبعد الجواز
ساعتها حتلاقوها اجمل واكتر متعة
انتو لسه شباب والايام ما بينكم طويلة
بعدها حتعيشو الحب باسمى معانيه
بلاش تنجرفو والشيطان يساعدكم
وبعدها يفرقكم وحتندمو ساعتها
سميرة...
انا اسفة يا عمو
كنت فرحانة بنجاح عملية امى
وهو كان بيبارك لى ونسيت نفسى
مش حاعملها تانى يا عمو ..انا اسفة
عماد ....
غلطة ومش حتتكرر يا عم سعد تانى
سعد....
مش حتقابلو بعض سرقة بعد كدة
وخلال اسبوع
لا مقابلات ولا تليفونات
بعد الاسبوع حاقابلكم انتو الاتنين
اخد موافقتكم ع الخطوبة
اهل عماد موافقين
وعمرو عنده خلفية
بس منتظرين يرجعو بالسلامة
بعدها نعمل خطوبة والجواز بعد الانتخابات علطول
سميرة تجرى وتحضن سعد وتجرى لفوق
وعماد يجى يحضن سعد.
سعد ...
ايه كمان حتى انت ...
يلا على بيتكم ولا شغلك
يدخل البيت
ويتجهز العشا
وهما ع العشا مجبش اى سيرة عن الموضوع
سعد....
تحبى تسافرى القاهرة طيران ولا قطر ...
سميرة .....
لا خلينا بالقطر كنت خايفة المرة اللى فاتت
سميحة مراته....
برضو القطر احسن عشان العيال
سعد....
ليه انت ناوية وكمان العيال...
سميحة مراته....
اومال ايه ... سى على مستعجل ع الخطوبة
على...
لا خلاث انا عايز اخطب بنت خالتى عبير
سميحة....
مش قلت عايز اخطب ابلة سميرة
على....
لا مس عايز ...عثان..
سعد ....
بس كفاية ...اكيد حتطلع لنا بموال
انا حاخطب لك ملك بنت خالتك منى
على...
يععع مس عاوز الداموثة دى
تعضنى وتاكل دراعى
سميرة ....
انا عايزة اعرف ليه سبتنى
على...
انت اللى سبتينى ورحت ..اقول ولا ماقولث
سعد...
لا متقولش
ابلة سميرة حنخطبها لعماد
على...
ماسى خلاث مس عايزها
بعد العشا يخرج سعد للكافتيريا
ولما اتجمع الاصحاب
وليد....
انا راجعت حسابات الكافتيريا
لقيت عليها ديون
سطوحى ....
ديون على مين
وليد...
على وعلى الكل
مراتى طلبت اكتر من 30 فرخة ع الحساب
وكل واحد مكتوب الدين اللى عليه
وادى كشف بالديون
مجدى....
طب جايبة ارباح
وليد....
ربـح ايه...احنا واكلينها وجبنا اجلها
مجدى....
ايه الموضوع يا عم حمدى
حمدى....
الخير كتير يا باشا
بتكسب وبزيادة
بس الباشمهندس بص ع الديون
وف الحساب 218 الف ميزانية الشهر اللى فات
حسب حساباته على 281 الف
عشان كدة جابت خسارة
سعد....
وليد مش بحالته
احنا نشوف له عروسة جديدة
يفرفش معاها وتكون رشيقة
وليد....
اسكت يا عم الحيطان ليها ودان
وانا بحب مرتى ومش ممكن اتجوز عليها
بس الحالة اللى اتحولت ليها مش عاجبانى
المعدة بقت زى الخلاطة
بتهرس اى حاجة
بعد الولادة وكام شهر رضاعة
حاطبق عليها رجيم
دى حتى العيال بقت زيها
بعد كام يوم
سعد هو وعياله ومراته وسميرة
كلهم مسافرين بالقطر بالليل على 11 بالليل
بعد المغرب مع حمدى
سعد....
بعد يومين حاشوف الموضوع
وان قلت لك تعالى
تجيب العيال وامهم ومتنساش الزواير معاك
حمدى....
والكافتيريا وشغل عماد
سعد...
الكافتيريا سيبها لسطوحى
والشغل حيمسكه مجدى
لكن لو عملنا خطوبة
الكل يتقفل ليوم اجازة ولا يومين
تانى يوم بعد ما يوصلو القاهرة
يوصلو الاول لبيت ام عمرو
ويدخلو الزيارة
ويسيب مراته والعيال
الطيارة ميعادها الساعة 4
وهو يروح الفندق
بعد ما يستريح كام ساعة
سعد يطلع ع المطار ويرجع مع عمرو وامه البيت
وبعد ما يطمن عليهم
ياخد اولاده ويرجع الفندق
وبالليل يفسحهم شوية
ملاهى وجناين ويرجعو الفندق
تانى يوم على بيت عمرو
ومع اول فرصة ف الكلام جاب سيرة سميرة
وشرح لعمرو وامه الوضع
ام عمرو....
اللى يعجبك يابنى
طالما هى موافقة يبقى مفيش مشكلة
عمرو.....
انا سألتها وهى قالت موافقة
سعد..
يعنى نبعت نجيب العريس واهله
ام عمرو.....
مش دلوقتى ...
اقصد يعنى خليها بعد اسبوعين
وبدل ما نشحطط الناس
بس استرد عافيتى حنروح نزوركم
ونعمل الخطوبة هناك
او عند اعمامها ف اسنا
واحنا موافقين يعنى مش مماطلة
وانا زى ما عرفت الوضع
عماد وابوه لو غابو يومين الشغل حيتعطل
سعد....
مش مهم الشغل ..مش عايزين نتعبك
ام عمرو....
اللى اقصده ...هنا ملناش علاقات
ولا حد حيفرح معانا
لكن ف الصعيد كل اهلنا وحبايبنا
انا مقطوعة من شجرة
لا عندى خالات ولا بنات خالات
سعد....
بس اهل العريس منتظرين يجو زيارة
ام عمرو .....
لا بلاش يعطلو الشغل
انا اكلمهم واطمنهم ....هات نمرة ام عماد
سعد.....
ثوانى اكيد نمرتها مع ام على
ويروح عند الباب ينادى مراته
ولما دخلت
سعد....
هاتى نمرة ام عماد لو معاك
وعمرو يتصل من تليفون امه ويديها التليفون
ام عمرو ....
الو ام عماد معايا.....
زغرتى يا ام على لو تعرفى
ام عماد قبل ما ترد تسمع زغاريت...
ايوة مين اللى بيكلمنى
ام عمرو ....
معاك ام سميرة عروسة ابنك
ام عماد.....
الف سلامة عليكى يا حبيبتى
الحمد لـله رجعت بخير
الحمد للـه على سلامتك
ام عمرو ....
الـله يسلمك
بصى يا حبيبتى افهمى الكلام
الاستاذ سعد عرض علينا موضوع عماد وسميرة
احنا موافقين
بس سيبو موضوع الخطوبة كمان شوية
واستاذ سعد حيبقى يفهمك
المهم احنا موافقين
الف مبروك
معلهش عشان ممنوع عنى التليفون
زغرتى وفرحى اللى عندك
مع السلامة يا حبيبتى
ام عماد....
مع السلامة يا ام سميرة
وتسيب التليفون
وتطلع البلكونة وتضرب زغروتة زينات صدقى
واللى يسمع يجرى ناحيتها
والكل عرف بخطوبة عماد
وتانى يوم سعد وعياله بيودعو عمرو واهله
وباليل يسافرو ويرجعو الفجر
والصبحية سعد فهم حمدى موضوع الخطوبة
والكل اتفهم الامر
والكل رجع لمشاغله
سعد مع حمدى ف الجولات الانتخابية
ومن كلامه فى الجولات والحديث عن الترشحات
سعد...
انا باحذر تحذير اخوى
بلاش تصرف وتكلف نفسك
برضو حناخد المقعدين للفردى
يعنى باقول لاى شخص عايز يقدم اوراقه
حتصرف وتتعب نفسك
وبعد 15 يوم من فتح باب الترشح
الكل متخوف من التقديم
مش من سعد...... لا
خايفين من خسارة المصاريف ع الانتخابات
فخدوها من قاصيرها ومحدش اترشح
الانتخابات ف الدورة دى اتغير نظامها
اصبحت المحافظة كلها
قوائم وفردى
فيه 4 قوائم
و5 افراد اترشحو فردى من البر الشرقى
واتنين من البر الغربى
اللى هما حمدى وواحد من القرية اللى عليها الدور
عمرو اتصل بسعد بعد السلام وخلافه
عمرو...
بكرة حنيجى نشوف البلد ونروح اسنا نزور الاعمام
سعد....
تشرفونا يا دكتور..ف انتظاركم توصلو بخير
مرات سعد وضبت الدور الاول ليهم
وجهزت كل لوازمه
وتانى يوم
لما وصلو واستريحو شوية
عمرو اخر النهار خرج مع سعد
نسوان اصحاب سعد كلهم الا منى
كل النسوان والرغى والمساعدة ف الاكل
والزغاريت والتهانى بقدومهم
تانى يوم الصبحية
عماد حيفرقع م الغيظ
عايز يسلم وبالمرة يشوف سميرة
راح نادى على ابن سعد...
تعرف تقول لسميرة تنزل عايز اتكلم معاها
على...
ايوة اعرف ...انا رايح
على يطلع ويروح لام عمرو
على....
عايز اقولك حاجة يا جدة
ام عمرو....
قول يا حبيب جدة
على....
فى ودنك
ام على....
اكيد وراه مصيبة
على يروح يوسوس ام عمرو...
عماد تحت عايز سميرة يتكلم معاها
ام عمرو.....
يا ام عماد
ام عماد....
نعم يا ام عمرو
ام عمرو....
عماد برة عايز سميرة تنزل له
نادى عليه اشوفه واسلم عليه
سميرة تسمع تجرى لتحت
بعد ما تسلم تسحبه
سميرة....
تعالى ماما عايزاك
عماد ....
لا مينفعش مش مستعد
حاغير هدومى وارجع
واخد بعضه ويجرى لبيتهم
يروح يستحمى ويلبس حاجة نضيفة ويتبرفن
لكن خايف
اخد بعضه وراح المخازن مستنى سعد
بيخاف من سعد اكتر من خوفه لابوه
سعد واصحابه ف البدروم
سعد لمجدى....
فين اللى طلبته يا مجدى
مجدى....
عملت تحريات كاملة عن قرايب الدكتور عمرو
عرفت ان عمرو له نص فدان ورث ابوه
لكن اعمامه اكلوه منه
عمرو معرفش ياخد حقه منهم
فيه بينهم مشكلة ف كدة
بس عمه الصغير اسمه الضوى واقف ف صفه
عمه الكبير محروس والتانى موسى
هما دول اللى دايسين على الموضوع
واختهم رضا مش عاجبها الوضع برضو مش عايزين يدوها حقها
والارض على الاسفلت
عرضو على اختهم 100 الف جنيه
لكن هى عايزة ورثها وتتصرف فيه
سعد....
نص فدان ع الطريق يعنى ممكن تدخل كوردون
يعنى 12 قيراط
اكتر من مليون جنيه
مجدى...
الارض عندهم غالية يا ريس
القيراط يوصل لــ 150 ولا 160 الف
نقول مليون ونص
سعد ...
تعرف طريقهم
مجدى....
ايوة
سعد ...
يلا بينا
وهما طالعين صادفو عماد ابن حمدى
عماد....
لو سمحت يا عم سعد
سعد....
لما نرجع حناخدك تسلم على حماتك
مش حينفع دلوقت
ويسيبه ويكمل طريقه
عماد لنفسه...
هو ايه اللى عرّفه عايز ايه انا
سعد يقول لكل صحابه يجهزو عربياتهم
ويطلعو كلهم على اسنا
يوصلو اصفون
ويدخلو بربطة المعلم
على بيت المعلم محروس
محروس....
اتفضلو يا جماعة
والكل دخلو المندرة
محروس....
اهلا بالمعلمين
اقدر اخدمك بايه ومين حضراتكم
سعد...
انا سعد اليتيم من الرزيقات
محروس..
اهلا اهلا بالباشا يا مرحب يا مرحب
كان نفسنا نشوف الباشا
سعد ...
ابعت لاخواتك
الضوى وموسى والست رضا
محروس....
ليه حضرتك ..وايه دخل اخواتى
سعد...
لما يجو حتعرف
محروس يخرج برة ويبعت لاخواته
محروس....
نشرب الشاى لحد ما نجهز الغدا
سعد...
مفيش داعى لغدا
نشرب الشاى كفاية
بعد نص ساعة كل اخواته يجو
محروس ....
ادى كل اخواتى اهم
ممكن تشرح لنا الوضع
سعد وبيشاور على حمدى...
الحاج حمدى الدهشان
عضو المجلس القادم ان شاء الـله
معاه ابن اسمه عماد ربنـا يبارك فيه
ونوينا نخطب بنتكم
وجايين نتكلم الاول
محروس...
بنتى انا وازاى وفين يعرفها
سعد....
انا مقلتش بنتك ..قلت بنتكم
واللى اقصدها بنت المرحوم حامد
واخت الدكتور عمرو
الضوى....
والاستاذ سعد يعرفهم من وين
سعد....
ممكن تسيبونى اكمل كلامى
احنا بنعرف الدكتور والوالدة **** يديها الصحة
وسميرة كمان
ام عمرو عملت عملية برة البلد
والحمد للـه نجحت وصحتها تمام
محروس...
يعنى انت جاى تخطب البنت مننا
سعد....
انا مقلتش كده
انا باعلمكم بالموضوع
بس مش ده اللى جايين عشانه
محروس...
طب نعرف الموضوع
سعد....
عمرو واخته ليهم ورث نص فدان
وكمان عوايد زرعتها طماطم وربحها لـ 10 سنين
حسبنا الموضوع
العوايد بــــ 300 الف جنيه
يوم الخميس اللى بعد بكرة
حنعمل الخطوبة
عايزكم تجيبو الفلوس ومعاها عقد الارض
يوم الجمعة الصبح نستلم الارض
وكمان ترجعو ورث الاخت رضا وهى حرة
تبيعها تزرعها ملكمش فيه
قلت اللى عندى
وقد اعذر من ان انذر
لو متعرفوش سعد اليتيم اسالو وانتو تعرفو
وف كل الاحوال حترجع الارض والفلوس
يلا يا بهوات
وياخد اصحابه ويخرجو
يركب العربية مع مجدى
يلبس العمة ويرجع المندرة والعربيات تمشى
محروس يطرد الضوى واخته رضا
ويطلعو يبرطمو
محروس مع موسى
موسى...
فين العقود المضروبة اللى عليها بصمة حامد
محروس ....
موجودين ف الدولاب ومقفول عليهم
موسى...
طب ممكن اللى اسمه سعد يغلس علينا
محروس....
انا حابعت له حد
يطخه ونرتاح منه
***********
.
.
......الجزء التاسع
سعد يسمع الكلام ده
يروح بيت محروس ويدخل اوضة النوم
يلاقى مراته تقريبا نايمة
وكانت مفشوخة وعريانة
زى الجاموسة ويسحب الملاية يغطيها
ويدور ع الورق ف الدولاب
ويقلب فيه وياخد كل الورق المهم
عقود مضروبة منها
عقد اخوهم حامد
وكمان عقد اخته رضا
ويلاقى عقد جواز ويبص ع الصورة
ويرجع يبص على مراته مش هى
وعقد طلاق لمراته
وعقد بيع ارض بنفس اسم قسيمة الطلاق
يقول لنفسه
يعنى اخد ارضها وبعدها طلقها
واتجوز عليها ف بلد تانية
واكيد معاها ارض
وياخد العقود ويطلع يحصل مجدى ع الاسفلت
يركب معاه ويقلع العمة
سعد....
يتكلم مع مجدى شوية وبعدها يقول له
ارجع المندرة يا مجدى
ينزل سعد
ويوصل المندرة
ويدخل يلاقى محروس وموسى لسه بيتكلمو
محروس....
خير يا باشا ..رجعت تانى يعنى
سعد....
ايوة رجعت من تانى
اصلى خايف وباترعش
سمعت انك نويت تطخنى
موسى...
كلام ايه ده
سعد...
اسكت انت
بص يا محروس
الارض حترجع لصحابها
واختك رضا حتاخد حقها
لا وايه ..اصبر التقيل جاى
محروس ...
تقيل ايه تقصد
سعد....
باقول اصبر جاى .جاى جاى
وهنا يدخل مجدى ومعاه ناس
محروس....
اهلا يا معلمين
اختكم ف البيت.... هنا معانا ضيوف
سعد....
لا انا اللى جبتهم
بصو يا معلمين
جوز اختكم ضحك على اختكم
الاول بصمها على ورقة بيع لارضها وورثها
محروس....
ايه الكلام اللى بتقوله ده
سعد....
اصبر لسة شوية
وبعدين يا معلمين
المعلم محروس طلق اختكم رسمى
ومن غير ما تعرف
وعايش معاها بالحرام من سنة فاتت
لا وايه
اتجوز واحدة من شرق الخزان
وناوى يعمل معاها زى اللى عمله مع اختكم
محروس....
كداب ..انت كداب
سعد....
انا مش كداب
ادى كل العقود
وادى ورقة طلاق اختكم
ودى ورقة جواز محروس من واحدة تانية
وانتو روحو المحكمة واستفسرو عن موضوع اختكم
وانا بكرة حاستلم الارض
مش منك ولا من موسى
الضوى حيسلمنا الارض
وحنسلم الاخت رضا ورثها
وارضك حتبقى من ورا
وابقى ابعت حد يطخنى
اخوات مرته مسكو فيه
وشدوه للشارع
واشتغلت العركة
وصراخ الحريم والشوم طلعت
واحد من اخوات مرته للناس....
محدش يتدخل
ده موضوع شخصى
ونادو على اختهم
وقدام كل الناس
وووووووووووو
واخدو اختهم معاهم
اللى كانت بتبكى
وتقول...
انا ما بصمتش على ورق
ومعرفش انه طلقنى
بعد شوية يجى البوكس ويسحبو محروس معاهم
اتبلغ فيه
.........
يطلع سعد ومجدى على بيت الضوى
والضوى يبعت لاخته تيجى
سعد....
بكرة حنيجى نستلم ارض المرحوم ونسلمها لعمرو
وهو يبقى يتصرف
وكمان ورث الاخت رضا
الضوى....
متفهمنا حصل ايه
سعد....
اخوكم محروس متفق مع موسى
ضاربين عقود بيع لارض المرحوم حامد
وكمان عقد لبيع اختكم رضا
وادى العقود المضروبة
رضا....
انا ما بعتش حاجة
الضوى....
ايوة اختى ما بعتش حاجة
وانا كمان بالعافية عارف ازرع 5 قراريط
والباقى واخدينه ف ارضهم ومش عايزين نقسم
سعد....
بكرة حنجيب لجنة من كبار البلد
ومندوب من المساحة والزراعة
وكمان حنجيب معانا الشرطة
وكل واحد ياخد حقه
الضوى....
ومحروس حنعمل معاه ايه
ممكن يسحب السلاح
مجدى ....
ليه انتو مسمعتوش باللى حصل لمحروس
رضا....
حصل يا استاذ ...
سعد....
اخوكم محروس مطلق مراته من سنة
وكمان عايش معاها ف الحرام
وبصمها وهى نايمة على بيع ارضها
وكمان اتجوز عليها
وهى لا تعرف بطلاقها ولا بجوازه
وبلغت عنه
ودلوقتى مستنى يتعرض ع النيابة بكرة الصبح
المهم
بكرة على 10 الصبح نلاقيكم عند الارض
كل واحد حياخد ورثه
وكل سنة وانتو طيبين
وفضلو يتكلمو اى كلام
والضوى اصر ع الغدا
لكن سعد قال....
الدكتور عمرو ووالدته واخته عندى ضيوف
عايزكم بكرة ف الارض
وبعدها لو تحبو تيجو تسلمو عليهم
رضا....
والنبى وحشونى
بقالى سنين مشفتش حد فيهم
سعد...
عارف انهم منعوكم عنهم
لكن حترجع المية لمجاريها
وحيرجعو لبيتهم وارضهم
والكل حيرتاح
وبعد ما يخرجو ع الطريق يوقفو
سعد....
مين حيشوف موضوع المساحة والزراعة
مجدى ....
سيب لى الموضوع ده
انا حارجع من تانى قبل ما يمشو من مكاتبهم
حاوضب كل حاجة
سعد...
مش عايز اتعبك ..هو كل حاجة عليك
حمدى..
انا حاكون معاه
سعد....
لا خلى المهندس وليد
وليد...
تمام يا ريس
اهو اى حاجة تبعدنى عن البيت
سعد...
حنشوف موضوع البيت بس ترتاح الامور
هو انت بقيت للدرجة دى
المهم حنريحك اخر راحة
وينزل مجدى من عربية سعد ويركب عربية وليد
ويطلعو يشوفو ايه المطلوب
سعد واللى معاه يرجعو البلد
سعد ...
حاتصل بيك يا حمدى بعد الغدا
حمدى...
ماشى يا استاذ سعد
يوصل سعد البيت
ويجهزو الغدا
عمرو وامه واخته ع الغدا
ومعاهم سعد ومراته واولاده
وف وسط الاكل
سعد....
اعمل حسابك يا عمرو
عمرو....
اعمل حسابى عليه يا استاذ سعد
سعد....
بكرة حتستلم ورثكم من المرحوم ابوك
ام عمرو....
بتقول ايه يا بنى
ورث ايه ...احنا نسينا الموضوع ده اصلا
عمرو....
ايوة فعلا ..طلع ان ابويا بايع الارض ف حياته
سعد...
هو المرحوم قال لكم كدة
ام عمرو...
اخوات المرحوم كان معاهم عقد بيع
لما طالبت بالورث بعد حياة ابو عمرو
طلعولنا عقود بيع الارض والبيت
سعد....
لا ما هو العقود طلعت مزورة
وبكرة حنستلم البيت والارض
الصبح تكون جاهز
عمرو....
ينصر دينك يا استاذ
سعد....
هنا محدش بيتظلم فى حقه
الا قولولى
ايه رايكم نعمل خطوبة سميرة بعد بكرة
ام عمرو....
طب ازاى واهل عماد محدش جه يطلبها رسمى
سعد....
هو حضرتك نسيت ولا ايه
مش لما رحت لك ف مصر وقلت عماد واهله يجو
حضرتك قلت لا بلاش شحططة واحنا موافقين
ام عمرو....
قلت موافقين ع الموضوع
سعد....
خلاص بالليل يطلبوها رسمى
وبكرة اخر النهار يطلعو يشترو الدهب
ونعمل الخطوبة يوم الخميس
خصوصا
عمهم الضوى وعمتهم رضا حيحضرو الخطوبة
ام عمرو...
اشمعنى افتكرونا دلوقتى
سعد...
ما هو محروس وموسى كمان دايسين عليهم
ومش عارفين ياخدو ارضهم
ومكسوفين منكم
حنرجع لهم ارضهم كمان
ام عمرو....
انا كنت احسب انهم متوالسين معاهم
سعد....
لا مش كدة
محروس نصاب وكمان اتقبض عليه النهردة
عمرو...
حصل ايه
سعد....
مطلق مراته من غير ما تعرف
وحاطط بصمتها على بيع ارضها
وهى متعرفش
بلغت فيه
وايه متجوز عليها
والنيابة حتحقق ف كل حاجة
لو تحبو تعملو بلاغ ضده
ام عمرو....
لو حترجع ارضنا خلينا بعيد احسن
مجدى ووليد راجعين من اسنا
وفجأة مجدى يركن على جنب
وليد ....
حصل ايه
مجدى ...
نشترى شجرتين موز
تزرعهم قدام بيتك ف الجنينة
مراتك وعيالك يقرمو فيهم
وبعدها حيخسو
وفعلا يشترو 3 شجرات
ويروحو يزرعوهم ف جنينة وليد
وليد....
وامتى حيعملو انتاج يا مجدى
مجدى...
مش سمعت بودنك
الراجل قال شهر ونص والانتاج يبقى جاهز للاكل
بعدها تمنع اللحمة والرز عن البيت
خليهم يقرمو ف الموز
وبالليل
حمدى وعيلته بيطلبو العروسة لعماد
طبعا كل الاصحاب موجودين والزغاريد
وقرو الفاتحة واتفقو الخطوبة تتعمل بعد بكرة
ام عمرو...
مش حنعرف نجهز نفسنا
سميحة مرات سعد...
احنا كلنا موجودين متشيليش هم
.........
تانى يوم الصبح
سعد واصحابه ومعاهم عمرو يروحو اصفون
وهناك يلاقو الضوى وعمته رضا
واحضان وسلامات وزغاريت
وشوية تيجى لجنة الزراعة والمساحة
وكمان بوكس شرطة
تتقاس الارض وتتقسم
عمرو وعمه الضوى وعمتهم رضا يكون نصيبهم على الطريق ويسلمو موسى حقه وحق محروس من ورا
وتتعمل المحاضر
والكل يمضى ورضا تزغرت
سعد...
نويت على ايه يا دكتور عمرو
عمرو...
حاسيب الارض حاليا مع عمى الضوى يزرعها
ولينا حسب العرف نصيبنا
واظن مش حيظلمنا زى عمنا التانى
موسى...
انا اخليهم معايا وازرعهم
سعد....
لا انت خليك بعيد
بس احفظ حقك بنفسك
واياك تهوب ناحية ارض حد فيهم
وينزلو ويستلمو بيتهم جوة البلد
وعمته رضا قالت...
حاوضبه وانضفه ويرجع احسن من الاول كمان
سعد ...
المهم متنسيش بكرة خطوبة سميرة بنت اخوك
حيكون فيه فرح وشبكة
رضا....
مش حاتاخر من الفجرية حاكون هناك
عمرو....
تشرفى يا عمتى
............
........
بعد العصر بشوية
عربيات فيها الحريم
يعنى مرات سعد واولادها
وباقى نسوان الاصحاب
رايحين يشترو الشبكة وشوار للعروسة
وهناك يلفو ويشترو فساتين وهدوم للعيال
ولما جت سميرة تختار الشبكة
مرضيتش تاخد غير خاتم ودبلة ومحبس
عماد حاول معاها بكل الطرق تاخد اسورة وسلسلة
وهى مستحيل اقبل اكتر من كدة
عماد....
يا ستى لو مليون جنيه
( ابوه اداه شنطة فيها مليون )
لكن سميرة رفضت البذخ والاسراف
ويعدى اليوم والكل مبسوط
وتانى يوم عمتهم رضا من الصبح بدرى كانت هناك
وكانت معاها مرات الضوى وبنته
ومع رضا بناتها الاتنين الصغيرين
وبالليل اتعملت الخطوبة ف الميدان
اللى هو وسط البيوت اللى اتبنت على ارض سعد
اتدبح عجل
والبلد كلها اتعزمت
ووقت تلبيس العروسة الشبكة
عماد لبسها الدبلة والخاتم والمحبس
بعدها طلعت عمتها لبستها سلسلة
وعمها الضوى لبسها اسورة
سميحة مرات سعد طلعت
لبستها خاتم وغويشة
مرات مجدى
مرات سطوحى كمان
وبالعافية النسوان سندت منى ولبستها غويشة
سميحة وامها استعجبو م اللى بيحصل
بنتها مرضيتش ان خطيبها يجيب حاجة غالية
تقوم نسوانهم تزود الشبكة اضعاف
وتبكى سميرة وامها م الحب اللى شافوه
الحب مش وراثى الحب شيء مكتسب
تانى يوم
سعد مع اصحابه مستعدين للتخطيط للانتخابات
وبعد ساعتين واكتر
اتكلمو واتناقشو وانتهى الموضوع
سعد....
يبقى كدة خلاص اتفقنا
فرح عماد وسميرة حيبقى بعد يوم من الانتخابات
طالما الانتخابات على يومين يبقى هو التالت
المهم كل واحد يعمل شغله صح
باقى 3 اسابيع على الانتخابات
عماد وسميرة وامها بيجهزو عش الزوجية
وخلاص تقريبا جهزو كل حاجة
جه موضوع النيش
واتعمل منه مشكلة
عماد....
يادى النيش اللى خاربها ف كل جوازة
سميرة ....
انا عايزة نيش ومش حاستغنى عنه
عماد....
طالما مصرة ماشى
بس بشرط
سميرة....
هو ايه
عماد...
حيتملى عن اخره
سميرة ...
وايه يعنى
عماد ...
ماشى ..قبل الفرح بيومين تلاقى النيش
عماد راح لنجار بريمو
اخده البيت
عماد...
عايز الجزء ده ف الصالة
بعرض الصالة يعنى 4 متر
ويطلع متر كمان لبرة
عايز المنطقة دى تعمل لى نيش كبير
القزاز جرارات
لو قلت لك عايزه مخزن لطن كوبايات وصحون
النجار....
بس ده حيكلفك كتير
محدش بيعمل ده
عماد....
لا انا عايز ابهر مراتى
ويا ريت نفس لون العفش اللى ف الصور قدامك
وبعد اسبوع
العفشة اللى اختارتها سميرة توصل
النجار يجى بالليل عشان سميرة متسمعش
يركب النيش
ويركب العفشة والستاير
وعماد يفرش السجاد وتحته الموكيت
ويرص هدومه
ومش ناقص الا حاجة العروسة
تانى يوم
سميرة سمعت ان العفشة وصلت بالليل
امتى حتركبها عشان اودى حاجتى
عماد...
تعالى نتكلم قدام مامتك
سميرة....
يلا بينا وهى فرحانة
قولى النيش نفس لون العفشة
عماد....
اومال ...من قماشة واحدة
يروحو عند حماته
وهناك ينادو باقى النسوان
مرات سعد وعبير ومرات سطوحى وام عماد
يلا تتفرجو ع الشقة
شقة عماد كانت ورا بيت ابوه بالظبط
مرديش يسكن معاهم
ف الجنينة وعمل شقة منفصلة ارضى
وعند باب الشقة
عماد يطلع منديل
عماد...
اربطى ده على عيونك يا سميرة
عشان تشوفى النيش
عملتهولك مفاجأة
وتدخل النسوان وساحبة معاها سميرة
والزغاريت شغالة وفجاة
كل الزغاريت تسكت
سميرة ....
حصل ايه ...ليه بطلتو زغاريت
ام عماد....
النيش يا سميرة
سميرة...
مالو
وعماد يروح يسحب المنديل من على عيونها
اتفرجى
سميرة تشوف النيش وتصرخ
منين حاجيب له كوبايات وصينى
عماد...
وانا مالى
انت قلت عايزة نيش
اهو قدامك النيش ولازم يتملى
سميرة....
ايوة قلت نيش
بس بالعقل مش بالهبل ده
عماد...
بتقولى هبل ..ويرمى المنديل ويخرج
وهى تجرى وراه
لكن متحصلوش
ترجع وتقول
هو ايه اللى حيملاه ده
لو اشترينا كل الصينى والكاسات والكوبايات
والفناجين اللى فى محلات الاقصر كلها
مش حيتملى
امها....
عشان تحرمى
هو قالك ملوش لزمة
وانت اصريت
على ابن سعد جاى يجرى....
وسعو وسعو القطر جاى
بتوع الصينى وصلو
ام على....
صينى ايه يا واد
ويجى واحد يخبط
ام على...
ايوة مين حضرتك وازاى دخلت لهنا
شخص....
يا فندم انا مندوب محلات مزازيك لادوات المطبخ
والاطباق والصينى
ومعانا طلبية للاستاذ عماد حمدى
ام على....
طلبية ...تقصد كوبايات وكدة
شخص ....
ايوة يا فندم
ام على...
طب طلعوها
شخص...
محتاجين عمال زيادة
دول عربيتين
الستات تدخل جوة
ويجى شباب من اصحاب عماد ويطلعو الكراتين
الصالة اتملت كراتين
واوضة ******* واوضة الجلوس
والمندوب قال ...
خلاص كدة يا هوانم خلصنا شغلنا
تطلع ام على لوحدها
وتشوف الكراتين وتزغرد
اطلعو يا ستات
ضهرنا حيتكسر واحنا بنرص
وبعد 3 ساعات
والرص لسه شغال ومش عايز يخلص
ام عمرو....
ينفع كدة يا سميرة تغرمى خطيبك كدة
دى بضاعة ولا بمليون جنيه
سميرة جت ترن على عماد
عماد كنسل عليها ومردش كذا مرة
قالت يبقى زعلان
وفضل يومين زعلان منها
وهى مش عارفة تشوفه ولا تكلمه
بتقول لامها ...
معقول زعل لما قلت كلمة هبل
امها...
اكيد اعتبر انك قلت عليه يا اهبل
طلعت سميرة تدور على عماد
ف الاخر لقيته بيجرى
سميرة...
يا عماد عماد
عماد .... بيجرى
مش وقته
سعد كان مع مجدى ووليد
وعماد جاى بيجرى ناحيتهم
عماد....
الحقنى يا عم سعد
سعد ...
خد نفسك الاول ...حصل ايه
عماد...
كنت انا وابويا رايحين ارمنت
جت عربيتين ووقفتنا
ونزلت منها ناس بسلاح
و الحج حمدى اختفى
...........
..........
..........
.
.......... الجزء العاشر
سعد....
ريّح نفسك ..خد نفسك
متقلقش
افتح يا مجدى وشوف لنا هو فين
( فى اخر اجتماع عن الانتخابات ..سعد اتفق مع الكل على تشغيل خاصية التتبع ف التليفون GPS
وحمدى متعود يحط تليفونه ف الصديرى )
سعد...
اوعى حد يتصل بيه
يلا بينا يا مجدى
عماد....
انا جاى معاكم
سعد....
لا مجدى بس ..واوعى تقول لحد
فاهم اوعى تقول لحد...
ولا نحاول تتصل بتليفونه
مجدى ....
لحقت الاشارة قبل ما تتقفل
دى ف الاقصر يا سعد
سعد ....
خلاص فهمت...يلا بينا
هاتو سطوحى
ويجى سطوحى ويعرف حصل ايه
وكلهم يركبو عربياتهم
وعند اى كمين يشوفو سعد يعدوهم علطول
ووصلو عند اخر اشارة من التليفون
سعد...
المخزن ده بتاع مسعود المعداوى
وطبعا مترشح لمجلس الشعب
ف المخزن....
مسعود ومعاه كمان عبد اللـه راجح
والاتنين مترشحين للعضوية
والاتنين مربوطين ف كراسى
ومعاهم كمان رجالتهم ع الارض
وفاقدين الوعى
وقدامهم حمدى
وتليفون حمدى قدامه متكسر
حمدى...
ومن امتى الانتخابات بقت بالقوة
الانتخابات تصويت بشرف
وهنا حمدى يشم ريحة العمّة
وسعد يقرب من وشه ويهمس له
متخفش كلنا هنا
خد راحتك ف الكلام وجننهم
حمدى....
بصو يا باشوات
انا باديكم مهلة 48 ساعة
تسحبو اوراقكم بالذوق
او اطلعكم بفضيحة وسجن كمان
ان كنتو عايزينها بالقوة
اتعامل معاكم بالقوة
حمدى...
انصحكم 48 ساعة مش عايز تأخير
ونصيحة اخيرة مش عايزين خساير ف الارواح
واوعو تفكرو تعملوها تانى
ويخرج حمدى ومعاه سعد اللى لابس العمّة
وبعدهم بثوانى مسعود وابو راجح ورجالتهم بيجرو برة
وبعدها المخزن تولع فيه النار
بعد ما بعدو عن المخازن
سعد....
حصل ايه يا حمدى
حمدى....
جم يخطفونى عشان يهددونى وانسحب م الانتخابات
مجدى...
وبعدين
احنا وصلنا لقناك انت اللى رابطهم
حمدى....
فى الطريق اخدونى وهددونى بالسلاح
واول ما وصلنا المخزن
من غير ما ياخدو بالهم
كان مسدسى الصغير فى عمتى على راسى
مسكت مسعود وهددتهم كلهم
خليت رجالتهم يربطوهم
وانا ضربت الرجالة بالاحواض ورقدو مكانهم
سعد....
طول عمرك راجل يا حمدى
وتمر الايام وقبل كام يوم من الانتخابات
اجتماع مع شباب الدايرة
المرة دى معاهم اهالى الناحية البحرية
كبير احدى العائلات من الناحية البحرية....
احنا عايزين نتحد دايما
والمرة الجاية عايزين ندخل القوايم
ولو اتحدنا كلنا
حناخد كل المقاعد الفردية والقوايم كمان
سعد....
المرة دى تعدى على خير
والمرة الجاية نخطط مع بعض
المهم عايزين كل الناس تخرج للتصويت
شخص....
ايه النخطيط المرة دى
حمدى.....
مفيش خطط
كل المطلوب ان الناس تنزل
هو ده كل المطلوب
شخص....
يعنى مفيش تسويد ولا حاجة زى كدة
سعد.....
لا مفيش
نزلو الناس تصوت
واصواتنا تغلب
اما اصواتهم حتتوزع عليهم
وعلى رأى المثل ( فرّق تسُد )
شخص ......
طب حنعمل ايه لمرشحينا اللى ف القوايم
سعد.....
مع احترامى ليهم
الاتنين نزلو على قوايم
الدكتور السعدى الغول
من ارمنت الحيط
لكنه رقم 4
والاستاذ ايهاب ابو ديوك من المريس
وبرضو رقم 4 ف القايمة
ونسبة فوزهم شبه مستحيلة
عشان يفوز رقم 4 فى اى قايمة
لازم تاخد نسبة 87.5 % زايد 1
وطبعا ارمنت الحيط حتكون مع قايمة الدكتور الغول
والمريس حتكون مع قايمة ابو ديوك
تقدر تقولى مين فيهم حياخد النسبة دى
لكن الفردى مضمون
عندنا اتنين البر الغربى
قصاد 5 من البر الشرقى
احنا عندا حوالى 430 الف صوت
والمفروض اللى يصوتو اكتر من النص
بس حنضغط ونطلع الناس ونخليهم 300 الف
والبر الشرقى
عدد اصواتهم 580 الف صوت
بالطول بالعرض حيصوتو 300 الف وشوية
بس حيكونو متوزعين عليهم الخمسة
فلو قلنا عدد اصواتهم 300 الف
كل مرشح مثلا 60 ولا 70 الف
وممكن يعدى 100 الف
لكن عندنا التصويت لرجالتنا وبس
موضوع القوايم بوظ الانتخابات
حمدى....
احنا جهزنا 100 عربية ميكروباص
عشان توصل بناتنا واخواتنا وامهاتنا
توصلهم للمقر الانتخابى وترجعهم للبيت
واللى يعمله **** فيه الخير
وينتهى الاجتماع
***********
قبلها باسبوع
مجدى مع سعد راحو عند المطبعة المخصصة
لطباعة اوراق التصويت
وسعد لبس العمة
والمطبعة شغالة
وهناك كانت لكل مجموعة محافظات ركن لوحده
فضل سعد يلف ف المطبعة
لحد ما وصل للمطبعة اللى بتطبع دايرتهم
وعساكر بترصص الدفاتر ف كراتين
و بعد ترتيب الورق وعمل كل دفتر 100 ورقة
والكرتون فيها 500 دفتر
على الارض الدفاتر متكومة
العساكر يعدو ويملو الكراتين
اى كرتونة يكمل عددها
يشمعوها بالشمع الاحمر
يعنى الكرتونة الواحدة 50 الف ورقة تصويت
والمصيبة العد بيكون اثناء رص الكراتين
يعنى مفيش حد بيعد اللى بتطلعه المطبعة
سعد فضل ساعتين واقف
وكل ما يجى يرصو كرتونة
كان سعد ياخد حوالى 40 ولا 50 دفتر
وف الاخر
اخد من ع الارض
ملا شنطته بالكتير ولا 100 الف ورقة
يعنى 100 الف ورقة تصويت
ورجع لمجدى
مجدى....
ايه ده كله يا ريس
دى باصوات المحافظة كلها
سعد....
لا يا سيدى
دول 100 الف صوت بس
مجدى....
ودول حيعملو ايه
وازاى حنستخدمهم
سعد.....
انا عندى خطة
متشغلش بالك
بعد ما رجعو البلد
حمدى....
انا نفسى اعرف حاجة
هو ليه يا سعد انت اصريت ان مسعود وابو راجح ما ينسحبوش م الانتخابات زى ما انا هددتهم
سعد....
لو انسحبو يا ريس
حيكونو 3 ف البر الشرقى
وممكن يتحدو مع بعض ويغلبونا
لكن لما يبقو 5 حيفتتو اصواتهم
وصعب يغلبونا يا حضرة النائب
مجدى.....
الشباب وصلو الصوان يا سعد
سعد.....
اتكلمو معاهم عشان يهتمو بالناس
مفيش معانا الا كدة
قبل الانتخابات بيوم
اجتماع مع كل الشباب اللى معاهم توكيلات
سعد.....
هو طلب واحد مطلوب من المناديب اللى حتكون فى اللجان ف البر الشرقى
لما يقفلو الصناديق بعد نهاية اليوم التانى
عايز عدد الاصوات لكل صندوق
لازم تتابعو وهما بيقفلو الصناديق
عايز رقم الصندوق ومعاه عدد الاصوات
هو ده بس المطلوب منكم
هناك ما تناقشوش اى حد
متعملوش اى مشكلة
سكتم بكتم
حتى لو عملو تسويد للصناديق
ملكمش دعوة بيهم
ولما يتقفل الورق وتتشمع الصناديق
كل واحد يتصل بالمسؤول عنه
كل 10 صناديق ..فيه فرد تتصلو بيه
هو يسجل كل البيانات
بعدها يبلغها لمجدى باشا
بس كدة
اما المناديب اللى ف البر الغربى
كل اللى عليهم يحاولو يسرعو من عملية التصويت
احنا حنعتمد على اصواتنا اللى هنا
وهى اللى حتنجح مرشحينا
معنديش كلام تانى
حمدى .....
ازاى حنسكت لو سودوا الصناديق
سعد....
خليهم يسودو ...احنا متخصناش اصواتهم
انت عليك البر الغربى
شد حيلك وخلى الكل ينزل يصوت
سطوحى....
شدى حيلك يا بلد ..حمدى بيه ابن البلد
وينتهى الاجتماع على خير
تانى يوم اثناء عملية التصويت
سميرة اخت عمرو كانت بتفرش الشقة مع النسوان
محدش فاضى من الرجالة
كل رجالة البلد بيروحو بيت بيت
يطلعو الستات والبنات اللى ليهم حق التصويت
حمدى وسطوحى بيلفو كل البلاد
كل العزب والاماكن البعيدة
العربيات ف كل مكان
واليوم الاول يخلص ونسبة التصويت يدوب 20 %
......
................
لكن تانى يوم
البلاد تشد حيلها وزحمة فى كل اللجان
الليلة حنة سميرة وعماد
سميرة كل ما تتصل بعماد يطنشها
سميرة مع سميحة مرات سعد
سميرة اخت عمرو...
عماد مطنشنى يا ابلة
ام على...
كلها كام ساعة وتخلص الانتخابات
وبكرة ع الكوشة ابقى اتعاتبو
سميرة...
وليه ميجيش الكوشة ليلة الحنة
ام على ....
يا بنتى ابوه مترشح وبيساعده
اوعى تضغطى عليه عشان ميحصلش حاجة
اصبرى وكل حاجة حتبقى تمام
سميرة....
يووووة ..
هو كان لازم يعملو الخشة مع الانتخابات
مجدى كان بيستلم التقارير
كل اللجان خلصت تصويت والصناديق اتشمعت
عدد صناديق البر الشرقى حوالى 250 صندوق
والتقارير اللى وصلت مجدى حوالى 190 صندوق
مجدى بيحاولو يتصل بالمسؤولين عن الباقى
كل الصناديق جاهزة لنقلها للمقر الرئيسى
وليد كان بيجهز باقى الورق
هو ومجدى بقالهم يومين بيعلمو على الورق اللى سعد جابه من المطابع ويسودوه
فاضل 30000 ورقة ووليد تعبت اعصابه
وايده وصوابعه من مسكة القلم اتخشبت
سعد ينزل البدروم عند مجدى ووليد
محدش بيعرف الخطة غيرهم
لا حمدى ولا سطوحى يعرفو الخطة
الورق اللى جاهز
شنط بلاستيك فيها 300 ورقة متطبقة
بعدها يرص ورق من غير تطبيق
كل 200 ورقة يربطهم باستك
وكل 5 لفات مع بعض عملهم رزمة واحدة
بعدها اخد 20 رزمة
سعد....
يا مجدى
حنشتغل بسماعة البلوتوث
لحد ما تخلص التقارير كلها
كمل شغل مع وليد
ولما اتصل خلينا على اتصال
بعدها تبلغنى برقم الصناديق العمرانة
وتعلم عندك على كل صندوق
وبعد ما تخلصو شغل
وتخلصو الرزم كلها
تيجى انت ووليد بعربيتك برة المقر الرئيسى
ويطلع سعد للمقر الرئيسى
وهناك يلبس العمة
يعمل التليفون صامت
ولما يدخل ينصل بمجدى
ويركب سماعة البلوتوث
ياخد 5 رزم
مجدى يبلغه باكبر 5 صناديق
سعد....
لا... بالراحة
خلينا صندوق صندوق
لما اخلص اقول لك غيره
بعدها يروح لصندوق 221
عدد الاصوات 1001
يجهز رزمة بـــ 1000 صوت
يدخل براسه وايده جوة الصندوق
يظبط الورق ويلمه ف شنطة ويخلى ورقة واحدة
بس الاول يبطل صوتها
ويفك الرزمة اللى معاه ويبعترها ف الصندوق
ويرجع عربيته ويحط الشنطة ويرجع لصندوق تانى
استمر الوضع لعشر صناديق
وخلصت الرزم اللى معاه
بعد نص ساعة وصل مجدى ووليد
خلال ساعتين
كان بدل حوالى 70 الف ورقة
طلعو ع الخط السريع
وهناك ولعو ف ورق التصويت اللى سحبوه من الصناديق عشان ميبقاش اى دليل
وليد وكان ف العربية
وليد....
اخيرا كل الورق خلص
مجدى....
نروح نكمل اللى بدأناه
سعد....
الصناديق شفافة شوية
وعند كل صندوق عسكرى واتنين
وليد...
انا تعبت فى تجهيز الورق يا سعد
مش حياخدو مننا ساعة
مجدى.....
هى العمة لو تشتغل معايا كنت انا كملت
سعد....
خلاص نرجع
ويرجع سعد
ويحط ف الصناديق اللى فيها اصوات كتيرة
ويبدل الورق
ويرجع للعربية
سعد.....
خلاااص انا جبت اخرى
مجدى....
احنا خلصنا اللى علينا
الباقى على حمدى وسطوحى
سعد يتصل بعماد ...
يلا يا عماد ارجع عشان تستعد لفرحك
كفاية عليك كدة
عماد.....
برضو يا عم سعد تسيبونا لوحدنا
لا انت ولا عم وليد ولا عم مجدى
مفيش حد واقف معانا
سعد....
ايه الكلام اللى بتقوله ده
هو يعنى لازم نكون معاكم ف كل حتة
انتو اعملو اللى عليكم
واحنا عملنا اللى علينا وزيادة
حمدى ياخد التليفون من عماد...
مكنش العشم يا استاذ سعد
ترمونى ف النار وتسيبونى
سعد فاتح السبيكر
مجدى ....
انت بتخرف ولا ايه يا حمدى
نوقف معاكم ونعمل ايه
احنا عملنا جولات ف البر الشرقى
وجبنالك 100 الف صوت
حمدى....
محدش شافكم لا هنا ولا ف البر الشرقى
مجدى....
هو انتو لازم تشوفونا قدامكم
اقفل بدال ما اخربها
سعد ومجدى يزعلو فعلا من كلام حمدى وابنه
تانى يوم سعد مخرجش من بيتهم
حمدى كان مع اخوه سطوحى بيتابعو عمليات الفرز
ولما اشتغل الفرز ف صناديق البر الشرقى
شافو بنفسهم اصوات بتجيهم من غير ترتيب
ارقام مهولة بيسمعوها
لا هو مصدق
ولا مرشحين البر الشرقى مصدقين
مسعود وباقى المرشحين بيزعقو
ايه اللى بيحصل
ازاى صندوق بلدى ماخدش فيه الا 50 صوت
ايه اللى بيحصل
حمدى بيحاول يتصل بسعد
سعد يقفل تليفونه
ومجدى كمان
يتصل بوليد...
وليد.....
ايوة يا عم حمدى حصل ايه
حمدى....
هو ليه سعد مش بيرد علينا
وليد....
انا وسعد ومجدى بقالنا 3 ايام بلياليهم شغالين فى ورق التصويت
حمدى...
مش فاهم تقصد ايه
وليد.....
احنا جهزنا 100 الف صوت
ورحنا بدلناهم ف الصناديق
اومال عمّة سعد بتعمل ايه
وف الاخر تقول مش واقفين معاكم
كل اللى عملناه ده وموقفناش معاكم
تزعل سعد ومجدى
سعد لما بيخطط لحاجة
مش لازم يقول عنها
ماهو لو قالك عن الخطة
كنت حتكسل عن البر الغربى
هو قال البر الغربى واصواتنا الاهم
ساب لكم البر الغربى
وسعد ومجدى وانا اخدنا البر الشرقى لوحدنا
يعنى جبنا 200 الف صوت
نزلنا من رصيدهم 100 الف
وحطينا لرصيدك 100 الف
مبروك يا حضرة النائب
ويقفل السكة ويترمى على سريره ف سابع نومة
بالليل سعد يروح الفرح عشان خاطر عمرو واخته
الفرز كان خلص ومنتظرين الاعلان الرسمى بعد يومين عشان نسب القوايم
عمرو كان جاى ومعاه واحدة بنت ...
البنت تسلم على سعد
وسعد يسلم من غير ما يدقق تبقى مين
البنت....
ايه يا استاذ سعد لحقت تنسانى
سعد.....
معلهش مرهق شوية من الانتخابات وكدة
البنت ....
انا شروق ..ولا نسيت مشوار لندن
سعد.....
اهلا شروق
اصل المكياج مغير شكلك شوية
عمرو.....
شروق كانت شغالة فى الكافتيريا عشان تصرف على نفسها ودراستها ف لندن
سعد.....
تقصد كانت بتدرس هناك
يعنى مش بنت صاحب الكافتيريا
شروق.....
لا انا كنت بادرس طب هناك
اخدت اول سنة ف روسيا
عشان المجموع مكنش كبير
وبعدين لما تفوقت حولت على لندن
سعد.....
طب ايه
شروق....
سمعت من عمرو عن موضوع المستشفيات الخيرية
وقلت يمكن اضمن لى وظيفة لما اخلص
سعد....
خلصو انتو الاول ووظيفتكم مضمونة
وفجأة بلا مقدمات
ضرب النار يشتغل
عمرو....
ايه هى العروسة وصلت من الكوافير
مجدى يجى لسعد...
المهمة تمت يا ريس
عمرو....
مهمة ايه
مجدى....
الحاج حمدى فاز ف الانتخابات
بس لسه اعلان النتيجة الرسمي
سعد ياخد مجدى على جنب
ومن فين جبتو النتيجة
مجدى....
من فرز الصناديق
عدد الاصوات 570 الف تقريبا
وحمدى وابراهيم بتوعنا حصلو على اكتر من 300 الف صوت واقرب مرشح ليهم 60 الف
يعنى لولا مهمتنا كانت حتبقى اعادة
سعد....
حصل خير ...خلونا ف الفرح
شروق....لعمرو
هو استاذ سعد مش فاضى ولا ايه
عمرو...
اصل والد العريس يبقى مترشح ف الانتخابات
وسعد واصحابه مهتمين بكدة
وفى وسط المغمغة والزحمة
يجى حمدى ويصر يبوس على راس سعد
وبعد شوية عتاب
سطوحى ومجدى يصفو الجو بين الاطراف
المهم توصل العروسة
والناس بقت تيجى من كل حتة
جاية تبارك للحج حمدى ع الانتخابات
يلاقو الفرح يكملو فرحة
بعد كام يوم
تظهر نتايج الانتخابات
ينجح حمدى واللى تبع سعد برضو من اول مرة
***********************
سعد فى البيت
وحط العمّة فى الدولاب
سميحة بتسأله عمّة مين دى يا سعد
على يجرى عليها
يلبسها ويظهر الموضوع وراثى
يختفى على ابن سعد
ومع صرخته
سعد عرف مكانه واخد العمّة من على راسه
وسميحة بعد الصراخ ابتدت التحقيقات
***********
نكمل فى سلسلة جديدة
********** قريبا التكملة ****************
