فضفضة أول عطسة (1 مشاهد)

[🦂 the king Scorpion]

اسمحولي اعطس أول عطسة في المنتدى.. واحكيلكم شوية عني، عن بنت اسمها "جاد"

جااااااد

مش ذات
احم
هبدأ بس في الأول أقول إني بشكر دماغي على الاسم الجامد فشخ ده وبشكر لساني إنه موقعش بيه قدام حد من اللي اتكلمت معاهم النهاردة في حياتي برة المنتدى، لأني -مش عارفة أقول للأسف ،ولا لأ- بني آدمة رغابة وحماسية أغلب الوقت، إن مكنتش مكتئبة يعني..

وكان في كل مرة أقول بصوت عالي بنت اسمها جاد كنت بحولها لأغنية المغني المشهور كان فيه بنت اسمها تررلم ضحكتها مش طبيعية..
المهم عشان مطولش عليكم
انا اسمي هنا جاد
مش جاد بتاع الفول

ولا جاد صاحب الواد اللي دخلي خاص بيقولي انا خايفك تطلع جاد واحد ابن تيت كنت اعرفه

ف لأ اطمنوا انا واحدة محدش يعرفها خالص (ياريت يعني) ولا انا اعرف حد فيكم خااالص (اتمنى يعني) وكله هيهدى ويفهم انا ليه اسمي جاد

انا بفكر كتير.. قشطة؟ فزمان كانوا يسموا ده "واحد بيهري وينكت في نفسه" إنما في ظل المصطلحات الجديدة اللي اتعلمناها من السوشيال ميديا ف انا يا عزيزي يانت وهو بيسموني "اوفر ثينكر"
overthinker



وفيه بعض الأجانب بيسموها بس "ثيتنكر"
Thinker
تخفيفاً للحمل النفسي علينا كناس بتعمل ايه؟ بتهري وتنكت في نفسها.. برافو عليك وقشطة عليا..

فالمهم كنت بدور على اسم للأكونت ابدأ بيه رحلتي في التهليس على نفسي ونفس حضرتك ونفس الاستاذ اللي معدي من تحت الشجرة هناك ده (اه لسه فيه شجر) فدورت على الاسم العلمي لفرط التفكير لقيته:
Generalized anxiety disorder (GAD)

Anxiety = worry = القلق

شايف الصبورة غرقانة انجليزي ازاي؟

شايف اللي بين قوسين ده؟
G
A
D
ج
ا
د
=
أنا
..
انا جيت هنا في النقطة دي ماغي اتبسطت اوي وقررت خلاص انفذ فكرتي ودخلت المنتدى طلبوا جيميل فعملت وقلت بالمرة اعمل اكونت صراحة وبالمرة تويتر و و و ويك ويك صويت صويت ويا ولود كذا وياولوذ كذا

بس كده انا شرحت اسمي
طب انا فعلا مين؟

جاد (مشوها جاد) 25 سنة خريجة وبشتغل سنجل ومليش تجارب
حلوة التلخيصة دي؟ تلم نفسك بقى انت وهو من هاي ممكن نتعرف عشان احنا اتعرفنا اهو.. ونخش في الموضوع على طول
يعني ايه انا: السنجل واللي مدخلتش في علاقات رسمية ولا غير رسمية اكون عارفة رجالة بعدد شعر

راسي وايدي ورجلي قبل ما اعمل ليزر.. يعني ايه؟

شربتي بانجو ولا لسه يا جاد؟

لا لسه ومدخنتش ولا مرة بس ساعات بنحط جوزة الطيب على الأكل..

طيب..حد يفهمني يعني ايه ابليكيشن كامل عليه

استنوا اعد

17 كونتاكت

17 بني آدم

منهم 3 جروبات مفنطة فيهم الناس

طبعا لأغراض جنسية

ويعني ايه ابليكيشن غيره عليه خاصية إن أي حد يبعتلي ادد عشان انا مفعلة خاصية "كويك ادد" الإضافة السريعة ومش لاغياها عشان بيتعبط، فأي حد يقولي هاي اقوله هاي وعندك كام سنة فارد عليه ومنين اقوله منين اسمك ايه اقوله اسم بقوله من وانا تحت السن (مش هقول كام عشان ممنوع)

لما كنت بتعرف على ناس اونلاين

ويوم ما ازهق اسيب الاكونت واعمل غيره عشان الأشباح اتكاترو عليا في غيابك وانا آنسة وحيدة أخاف اسمع لحد بيقولي طب ما تيجي؟ (اجيله بجد ونجيب مليجي حقيقي وكده)

؟ليه الناس الاونلاين بقت جزء من حياتي وحياتك؟

وليه متعودة على الدوشة دي؟ سامعين الدوشة دي بردو؟ مع إني قافلة إشعارات بس انا بنفسي بخض كل دقيقة اشوف مبعوتلي ايه!

اعتقد كلنا بييجي علينا وقت بنحتاج نفصل ونهدى ونبعد عن كل حاجة

انا الوقت ده بيجيلي كتير وبقيت اطنشه، كأنه بعمر سنوز/غفوة للمنبه اللي بيصحيني الصبح عشان بس خمس دقايق زيادة لا هيفيدوني ولا يفوقوني!

هيح

رغي كتير

مخبيش عليهم انا لما الفترة دي بتيجي في حياتي ساعات بستجيب

بعمل ايه بقى؟ بعمل بلوك للناس اللي مبحبهاش

بفلتر

طب وليه مخلية ناس عندي مبحبهاش؟ عشان متخلفة ولما البني ادم بيضعف قصاد نفسه وشيطانه بيبقى متخلف زي طنط كده

(محدش يقول طنط دي لواحدة قدي عشان متزعلهوش، أولهم أنا)

اخر مرة فلترت شلت الناس اللي صوتها وحش

بعدها الناس اللي انا متأكدة إن شكلها وحش

بعدها الناس السرسجية

اكمل ولا خلاص عرفتو إني فيه سيكة عنصرية وعنطزة؟

ماشي هكمل

وبعدين خليت ناس معينة واتفقت معاهم إني هبطل عك واخترم نفسي.. وبيوافقوا ويشجعوني

معرفش عشان هما ناس كويسة وعندهم ددمم ولا عشان عارفين إنهم لو موافقوش هيتضافوا لقايمة البلوك، اللي وصلت الشهر ده بس ل

ثواني اشوف

11 نفر

فاضلهم نفر ويبقى ميكروباص يعني

وطبعا بتيجي بعدها هوجة ايه ده انا ازاي سايبة نفسي كده؟ انا لازم اقوم اطور من نفسي حالاً! وبعدين اكتشف إني لسه عالسرير عرقانة من امبارح وشعري محتاج يتعمل بعد ما دعكته في المخدة بسبب ومنغير سبب، فاقوم اخد شاور اكتشف إني لسه مفطرتش، اجي افطر اكتشف إني لسه مخدتش دوا قبل الاكل عشان القولون، بس انا هيغمى عليا اهو من قلة الأكل وكتر السرمحة في السرير من مرقعة مع الناس دي أو ريلز وستوريز وخرة

فبدخل الحمام على سيرة الخرة وباخد الموبايل معايا، بطلع بعدها بساعة ونص بعرج عشان رجلي نملت من القعدة فاكسل اهتم بالسكين كير روتين وألكلكه أي حاجة، و اكتشفت إن كان فيه نص ساندوتش وشوية فرايز من فاست فود امبارح ولا نص بيتزاية على دماغي، فاسخن واكل، بعد ما كان عندي أمل اكل صحي واقطع خياراية نضيفة وطماطماية.. بس احا ليه؟ ما الكسل موجود؟ ما ارجع بالمرة

الناس اللي عملتلهم بلوك؟

فاتفاجىء إن:

ايه ده محدش في البيت؟ انا لوحدي؟

ده انا همرمغ نفسي في الوساخة تاني بقى وهنسى نفسي وانا بعمل ايه وانا مين وانا ليه

وبس..

فلما يجي حد يسألني انتي مين؟

اقولهم انا فلانة

وبس

بتعملي ايه في وقت فراغك؟ ببص في الأرض في خيالي، بس في الحقيقة بكدب وبقول كل هواياتي ومهاراتي اللي بعملها في وقت فراغي، اللي اصلا يا ببقى فيه نايمة لواحدي يا بستهبل مع خلق ****

واللي بالمناسبة فيه منهم ناس متجوزين وبطلت احس بالذنب خلاص

انا نحّست

عارف يعني ايه يا حبيب قلبي انت وهو؟ بقيت مكتئبة ومش بساعد نفسي

هتقولولي انتي جاية هنا تقوليلنا ايه غلط و ايه صح؟ وتصدعينا بقى؟

ولا ! انت هتزق ولا ايه ارجع مكانك!

(لو كان معايا مطوه كنت فتحتها هنا زي الممثلة القمر اياها بس انا معيش مطوه)

هقولكم انا عارفة الصح من الغلط لنفسي، وكذلك انت عارف، وعارف امتى بتزود على نفسك وبتهين نفسك وكرامتك قدام نفسك عشان شيطانك يتبسط شوية.. اللي هو انت نفسك، ايوه انت شيطانك

واسألني انا بقالي مثلا خمس سنين بييجي شهر معين كده الشياطين بتتسلسل وانا وشيطاني بنلعب كيلو بامية على الناس اللي هكلمها اعشمها ولا أجازتي هخلصها على مين وازاي

بصوا هو انا افكاري مش مترتبة عشان سمعت خشروميت اغنية غريبة، وعشان ماما جت قعدت جمبي عشرين مرة وانا بكتب، وعشان انا بتحجج دلوقتي

انا اصلا كلي على بعضي ملخبط، واعتقد ده زيكم إلى حد ما

مش عايزة اطول عليكم اكتر من كده عشان عيب.. احنا اول مرة نتكلم ويابخت من زار وخفف

وعشان بصراحة الساعة دلوقتي قدامي 12 إلا ربع بالليل يوم 14 سبتمبر 2023 وكلها نصاية وندخل في يوم الجمعة وانت عارف ده معناه ايه؟ سفاح الجيزة نازل يلا بينا نشوف "اختي ظينة؟ عوعوعو هتعمل ايه النهاردة"

لو حابين تجاوبوا..
تفتكر ايه خلانا ندمن سوشيال ميديا اوي كده؟
تفتكر ليه العلامة الخضرا دي بتسعدنا ومجرد ما بتنطفي جمب ناس معينة بنحس بالوحدة؟
هل احنا ادمنا قرب الناس الوهميين جمبنا لأغراض جنسية ولا بس بنضحك بينا على نفسنا عشان بس ناقصنا ونس؟
احنا محترمين زي ما قلت ل"اسلام" اجدد حد كلمته هنا.. ولا دي خدعة بس بنوهم بيها نفسنا عشان نخبي عننا بشاعة الشخص اللي اتحولناله؟
هستنى آرائكم وخناقاتكم معايا على الكركبة اللي عملتها دي..
و..

اشوفكم مرة تانية اكون محتاجة فيها اكتب، ده لو انتم حابين تسمعوا اكتر عن خد ملخبط شبهكم بيسليكم في وقت انتوا مش ماسكين فيه بتاعكم في انصاص الليالي ومحدش معبركم يا شوية بائسين

>>>تفتكروا لو عايزين العطسات الفكرية دي تكمل تبقى هنا ولا على قسم قصص غير جنسية؟ في المستقبل هحكيلكم قصص عني فعلا <<<<
أنقر للتوسيع...

يلا باي هروح احضر سهرة السفاح

وبعدها هبقى بائسة زيكم وافتقر للونس ومش هبقى عارفة أنام، فممكن وقتها اجي اشوف الموضوع اتوافق على نشره ولا لأ، ولو فيه كومنتات هقراها واتفاعل عليها لحد ما اسقط وانام.. ومش هقولكم هعمل ايه بكرة بدري عشان هجرب حاجة جديدة ممكن تخليني أحسن شوية.

(ده لو عرفت أصحى بدري هيهي)

يلا باي بقى

خدوا بوسة

وميدل فينجر

ومتاخدوهوش على قلبكم يعني ♥

مواه






منقول