🦂 the king Scorpion
مشرف عام
إدارة ميلفات
مشرف عام
مستر ميلفاوي
ناشر قصص
ناشر صور
ناشر أفلام
فضفضاوي متألق
ميلفاوي متميز
ميلفاوي كوميدي
إستشاري مميز
ميلفاوي شاعر
ناشر موسيقي
ميلفاوي سينماوي
ميلفاوي نشيط
ناشر محتوي
الأكثر نشر هذا الشهر
- إنضم
- 16 ديسمبر 2023
- المشاركات
- 36,851
- مستوى التفاعل
- 13,532
- النقاط
- 0
- نقاط
- 171,063
- النوع
- ذكر
- الميول
- طبيعي
- لو سمحت... لوووو سمحت
- تحت امرك يا فندم..
- انا عاوزه مدير الفرع حاااالا
- ليه يا فندم! خير؟ حصل حاجة؟
- طبعا.. لازم يجي يشوف الاهمال الجسيم ده فورااا
- اهمال؟؟ خير يا فندم بس
- انا مش هتكلم غير قصاد المحامي.. قصدي المدير.. فييين المدير؟؟!
- يا فندم بس ايه المشكلة وهجيب المدير حاضر
- مفيش اهتمام.. ازاي طابعين السعر غلط على الحاجة؟؟ بص كدة.. يعني النقطة مكانها غلط.. المفروض بعد الرقم واحد.. مش تسعة!! كدة اللي هيشوفها هيقراها ١٧٩ جنيه يا محترم!!
- طب ما هي بـ ١٧٩ جنيه يا فندم
- لا انا بتكلم عن التين ده.. دهووووو... التين الشوكي ددده
- ايوة يا فندم التين الشوكي ده بـ ١٧٩ جنيه
- اااااه... انت بقى اللي كاتب الرقم وبتداري على غلطتك... اناااا عاااوزه المديييير لأعملكم فضيييحاااااااع
- يا فندم بس هدي نفسك... ده سعر التين الشوكي فعلا
- بسسس اخرررس... انت فاكرني جاية من نواكشوط والا مقديشو؟؟ انت بتستهبل؟؟ ده عربية التين الشوكي بـ ١٠٠ جنيه يا حراااامي.. ده انا لو اديت الراجل ١٧٩ جنيه هيديني التين الشوكي بحُجة الأرض اللي زارعه فيها... مش تقولي الكيلو بـ ١٧٩ جنيه!!!
- يا فندم انا ما قلتش ان الكيلو بـ ١٧٩ جنيه
- اااااااه... شفت... شفت بقى شغل النصب... بتتهرب من كلامك ... مدير الماخوووور ده فيييين... يا مديييير
- يا فندم ارجوك.. انا بقول ده مش سعر الكيلو.. ده سعر القطعة...
- سعر القطة ازاي مش فاهمة !
- سعر اللللقطططعة... يعني سعر الواحدة
- واحدة؟! واحدة مع التين يعني بتبيعوها تقشر التين؟ رقيق؟ شغالين في تجارة البشر؟؟!
- يا فندم ده سعر التينة الواحدة
- تينة؟!!!!!! ده ليلة ابوك هي اللي هتبقى مطينة بتينة حالا! سعر واحدة ايه اللي بـ ١٨٠ جنيه؟ هو ده تين شوكي والا سهم في بورصة طوكيو!! يعني الطبق ده بكام؟
- التلات تينات بـ ٥٦٠ جنيه حضرتك
- يا ختااااااااااااااااااااي.. عسكري... حد يجييلي عسكرااااي
- يا فندم ده مش تين شوكي عادي
- ده لو نخاع شوكي مش هيبقى الطبق بـ ٥٦٠ جنيه!!
- يا فندم ارجوكى..
- يعني لو اكلته هشعر بشعور مش عادي؟ والا الشوك برضه هيدخل في سقف حلقي يمرمطني زي ابو حلاوة يا تين العادي اللي بـ ٥ جنيه
- اقصد يا فندم انه مخصوص لمرضى السكر عشان مفيهوش سكر
- حبيبي ده سعره جابلي سكر لوحده!!
- و**** حضرتك لو دقتيه مش هتقولى كدة خالص يا فندم
- ممممم... عندكم قطمة بعشرة جنيه؟
- لا و**** اسفين
- طب شمة
- ارجوكى اطلعى برة...
- طب لمسسسسة
- برررررررة