اشكى لمين واحكى لمين دنيا بتلعب بينا
تهنا سنين ولا عارفين بكرة جايب ايه لينا
بينا للفرحة لينا قبل الجراح ما تدق بابنا
بينا دى الدنيا لينا بكرة الزمان يسرق شبابنا
ليه هنضيع عمرنا ليه ايه راح ناخد منها ايه
هما يومين مش دايمين مكتوبين علينا
نقضى ساعات فرحانين وساعات بتبكينا
لينا الفرحة لينا بالحب ننسى كل اللى فاتنا
ويا الرحلة الطويلة ننسى اللى فات كله فى حياتنا
دنيا بتلعب بينا ليه ايه راح ناخد منها ايه
ضحكتنا شمعتنا بينوروا ليالينا
خطوتنا فى رحلتنا بتقرب امانينا
لينا احلى امانينا ليه الزمان يكسر قلوبنا
جينا ومادين ايدينا واللى يصيبنا اهو من نصيبنا
دنيا بتلعب بينا ليه ايه راح ناخد منها ايه
دنيا تدور مهما تدور ماهى بتدور سواقينا
فى عطشنا فى المنا ما بتنساش تدوينا
لينا احلى امانينا ليه الزمان يكسر قلوبنا
جينا ومادين ايدينا واللى يصيبنا اهو من نصيبنا
دنيا بتلعب بينا ليه ايه راح ناخد منها ايه
كلمات: عبدالرحيم منصور
ألحان: بليغ حمدي
