سجل عضوية للتمتع بالمنتدى واكتساب مميزات حصريه منها عدم ظهور الإعلانات

تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="♛الكاتب المجهول♛" data-source="post: 19664" data-attributes="member: 727">- إزيك يا مدام ناهد، فاضية اتكلم معاكي خمس دقايق ؟= الأول بس ممكن تقوليلي اسمك عشان مبحبش اتكلم مع المجهول ؟- مش مهم الإسم، تقدري تعتبريني فاعلة خير= طب وهو فاعل الخير يخبي إسمه ليه ؟- عشان الفاعل دايما مرفوع= أوكيه، فيك أكونت عليه صورة مي عمر واسمه عاشقة القلقاس بالسلق، وواحدة بتقول انها فاعلة خير، غالبا اقدر اتوقع الموضوع اللي هتتكلمي فيه- اللي هو إيه بقى ؟= هتقوليلي ان عماد جوزي متجوز عليا- و**** العظيم ما بشتغلك، ولا ليا أي مصلحة اني احور عليكي= أنا مش بكدبك يا حبيبتي و**** انا بوفر عليكي المقدمات، متجوز سحر- لا معرفش اسمها الحقيقة= بت طويلة كدا وشبه غادة عبد الرازق- أيوه صح= ما هي اسمها سحر- ايه دا هو انتي عارفة ؟= من ٤ سنين، واخدلها شقة ايجار جديد في الطوابق، وبيخرجوا كل اربع في نادي الصيد، بس معندهمش عيال، أصلها اتطلقت من جوزها الأولاني عشان مبتخلفش- بس اعتقد ان جوز حضرتك اتجوزها لأغراض دينية يعني، عشان يفك كرب ***** وكدا= دينية مين يا حبيبتي طب يصلي الأول، دا ميعرفش الفرق بين سيف **** المسلول وسيف **** المختار، هو متجوزها طفاسة، أصله بيحب النسوان الطويلة- الطويلة ؟= أيوه دا مريض اسمعي مني، دا انا قفشته بيجمع ڤيديو فيه كل المشاهد اللي هاني رمزي عمل فيها دور واحدة ست- دا مريب يا مدام، بس عايزة الصراحة ؟ انتي مريبة أكتر، متزعليش مني= عشان يعني عارفة كل دا وساكتة ؟- بالظبط، انا كنت جاية انورك لقيتك عارفة كل حاجة= وحياتك من قبل ما يتجوزوا، من أيام ما كانوا لسه في مرحلة جمال البدايات- طب وايه اللي سكتك= بصي يا حبيبتي، فرضنا اني واجهته ايه اللي هيحصل ؟- هيطلقها= وبعد ما يطلقها، تقدري تضمنيلي انه ميلفش على واحدة غيرها ؟ أصل طول ما مبدأ الوسـ ـاخة موجود هيلاقي البِركة اللي يبلبط فيها- خلاص يبقى تطلبي الطلاق انتي= وبعد ما اتطلق- تتجوزي غيره= لا خلاص قفلت من الصنف واتجهت لتربية الكللابب- يبقى تعيشي مع نفسك ومع كلابك= وليه بقى اخسر نطع بيصرف عليا انا وكلابي ؟ ليه أخرج أواجه الحياة واشتغل واتعب واتمرمط لما ممكن حد تاني يعملي اللي انا عايزاه وانا قاعدة برنسيسة- طب وليه متقوليلوش انك عارفة ؟= عشان يفضل خايف مني، لو عرف اني عارفة قلبه هيمـ ـوت- وانتي هتستفيدي ايه من خوفه= لو عايز يبات عندها في أي يوم مثلا، هيعدي مني ازاي ؟- لازم يشوفله كدبة مقنعة يشتغلك بيها= زي إيه مثلا ؟- على حسب درجة الآي كيو بتاع جوزك= آي كيو راس شاحن نوكيا- يبقى هيقولك انه بايت في الشغل= بايت في الشغل يعني أوڤر تايم، وأوڤر تايم يعني فلوس زيادة، و الفلوس دي لازم يوردهالي آخر الشهر بدل ما اشك فيه- يا بنت الجامدة= مش من حقه يسافرله كام يوم مع السنيورة في الصيف دا ؟- هيقولك عنده مأمورية طبعا= ومأمورية يعني مكافأة يشتريلي بيها هدية محترمة- انا والشيـ ـطان بنسقف= دا غير اني طول الوقت بلعب معاه لعبتي المفضلة- ليدو ؟= لا، بلعب بأعصابه، احكيله عن واحدة صاحبتي جوزها اتجوز عليها، واقوله ان الدنيا مبقاش فيها أمان، والرجـ ـالة بقوا غدارين ؟- وايه اللي بيحصل بعد كدا ؟= بيحس ان الخطر بقى قريب منه أوي، واني هبتدي اركز معاه، فيحاول يلهيني ويتوهني، خروجات بقى وفسح ودلع مشافتهوش سعاد حسني في عز شبابها- وايه كمان= ارجع تاني احسسه اني واثقة فيه وانه غير كل الرجـ ـالة، ولو أي حد اتجوز على مراته هو ميعملهاش- يعمل ايه ساعتها ؟= يحس بالذنب ويحاول يعوضني، فيريحني على الآخر، تصدقي ب**** يا أختي ؟- لا إله إلا ****= أنا آخر مرة نضفت شقتي كانت من ٣ سنين ونص- للدرجادي انتي معفنة ؟= لأ يا حبيبتي هو اللي بينضفها، وهو اللي بيغسل ويطبخ ويعمل كل حاجة- وبيعمل كدا ليه ؟= ما انا مستموتة فيها وطول الوقت عاملة نفسي عيانة، فهو بيقدم السبت، عشان يوم ما اعرف انه متجوز عليا، يطلع مجاملني- بس مش دا يبقى استغلال ؟= هو لما واحد يتجوز واحدة وياخد زهرة شبابها وبعدين يرميها في البيت تربي العيال ويروح يدلع نفسه مع واحدة تانية يبقى شايفها ايه ؟- جارية= بالظبط، وانا كمان شايفاه زبون، فين المشكلة بقى- مفيش أي مشكلة، بس انا عندي ليكي مفاجأة يا حبيبتي= هحرقهالك، انت عماد جوزي، وكنت بدأت تشك اني هارشاك وجاي تتأكد- واتأكدت خلاص، سؤال بقى، هو الطلاق ينفع تكست وللا ابعتلك ڤويس نوت ؟= يا اختشي كدا ينفع وكدا ينفع، بس ابقى شوفلك حتة تبات فيها عشان سحر صاحبتي وأنتيمتي مضتك على كل ما تملك، وقسمنا مع بعض، بوسلي نفسك يا عمدة ?</blockquote>

التحقق: 1+1