محتاج اعرف رأي كل واحد
ف واحد عنده السكر وعايز يخطب ويتجوز بس صالونات مش مرتبط بحد هو كدا كدا هيعرف العروسه انه عنده السكر بس ف اختلاف ف الميعاد
هو عايز يقول للعروسه ف قعدة التعارف يعنلو ارتاح وعجبته وكدا يعرفها ويسيب القرار ليها
انما اهله وأصحابه المقربين بيقولوا له خليك بعد الخطوبه بفتره ابقي قولها خصوصا انها متعرفكش ولا تعرف طباعك ولا خدت عليك هيبقي تفكيرها عقلي بحت وهتقول انا ايه يجبرني اتجوز واحد مريض وترفض علي طول غير لما تتخطبوا ويبقي بينكم كلام ومشاعر ومواقف ممكن ساعتها توازن الامور
هو مش موافق ومصمم علي رأيه بس بدأ يفكر ف كلامهم ويحس انه صح لانه اتقدم لكام واحده وقالها من قعدة التعارف وتقريبا كانت موافقه قبل ما تعرف ولما عرفت غيرت رأيها
وجهة نظركوا يعمل ايه
أنا شايف ومقتنع انه يعرفها من البدايه خالص وهي صاحبة القرار عشان متلومش عليه بعدين
