ثقافة حوار لافت من فيلم زوجة رجل مهم

[جدو سامى 🕊️ 𓁈]

= إيه اللذة الغريبه اللى بتلاقيها لما تلفق لواحد تهمة
- لذة إيه يا راجل انت !؟ .. أنا شغلى إنى أحمي البلد
= ومين أقنعك إن التصرفات دى هى اللى تحمى البلد؟ ومين اللى فهمك أصلاً أنك أكتر وطنية منى أو من اللى قبضت عليهم !؟
- لا .. اقف عندك ، أنا مسمحلكش باللهجة دى
= طبعاً مش متعود عالمناقشة ، متحبش تسمع إلا صوتك وبس
- هو ده أسلوب المتطرفين
= شايف أديك منحتنى تهمة جديدة، طبعاً .. تشكيلة التهم متوفرة عندك، ولو كنت دلوقتى فى مكتبك، قاعد على كرسيك وسط الهيلمان والسلطة.. كانت الأقوال اترصت.. والتقارير اتكتبت ،وألف حسرة عاللى يقع تحت إيدك
- أنا خدمت البلد .. ولولايا كانت الفوضى خربت كل حاجة .. إحنا ياحضرة الصحفى فى حالة حرب ، ومسئوليتنا حراسة البلد من الأعداء
= الحرب الحقيقية إحنا عارفين جذورها وأطرافها .. إنما الحرب اللى انت بتتكلم عليها مش موجودة إلا فى تفكيرك وتفكير اللى زيك، انتم اخترعتوها علشان توقعوا الناس فى بعض وتشغلوهم بأعداء وهميين !
- أنت أكيد عميل أجنبى
احمد زكي
فيلم (زوجة رجل مهم) ١٩٨٧