عربي بياض أوضة ٩٢ جنية ! (1 عدد المشاهدين)

[جدو سامى 🕊️ 𓁈]

حضرة المحترم مؤنس أفندي ياقوت: مرسل لكم طيه كشف بمبلغ 92 جنيه و17 قرش و3 مليم عن قيمة ما صرف في بياض الغرفة البحرية بمنزل حارة قاووين
-ايه ايه أوضة واحدة» ب92 جنيه ليه.. بياض بلبن زبادي؟ بمربى تفاح؟
كلام فى سرك ناظر الوقف بتاعتنا من الصنف التقيل !
- يا شيخ !
- أوى أوى أوى ... ده حرامى
- حرامى !!
- أيوا .... وحرامى حمار كمان
- حمار !
- يقيدهم زى ماهو عايز لكن مش بالشكل ده ... بياض أوضة ٩٢ جنية !
- أومال ازاى ؟
- لا ده انتم مساكين أوى انا اقولك ازاى كحت البياض القديم مثلا كذا ... سنفرة الحيطان بعد الكحت كذا .. تقطيب الخروم والثقوب كذا .. تلييس الحيطان بعد التقطيب كذا .. دهان اول وش كذا ... دهان تانى وش كذا .. دهان تالت وش كذا ... وبعد كدا مش يقيد ٩٢ جنيه يقيد ١٩٢ كمان ... كدا تبقى مبلوعة ..
- و طيب لو كتبنا تكاليف الخروف 18 جنيه تبقي كتير؟
_ ليه خروف مسكوفي! إحنا ندون: حبل ومخلة وجردل لزوم أكل الخروف كذا، حكيم بيطري لزوم علاج الخروف كذا، مزين لحلاقة شعر الخروف: كذا، أكل وشرب للخروف: كذا، كلاف لتنظيف حظيرة الخروف: كذا، كده نخليها 48 جنيه مش 18، كده الشغل مش الناظر الغبي بتاعنا».
_إنت قبيح لكن عبقري مش ممكن أستغني عن الشيطنة بتاعتك في أمور الحساب». يا تربية الابالسة يا تربية الشياطين طب وضب الشغلانة دى على مزاجك......
- أايدهم كدة ولا ابحبح ؟...
.= بححححححبح....
____________________
نجيب الريحانى وعباس فارس في فيلم ابو حلموس