- إنضم
- 15 يونيو 2024
- المشاركات
- 1,109
- مستوى التفاعل
- 1,013
- النقاط
- 0
- نقاط
- 7,156
- النوع
- أنثي
- الميول
- عدم الإفصاح
المانجه قالت للعنب ..
إتلم يا مفرط.
مركون ومالك سعر
علي أيه بتتشرط
زعل العنب منها
راح مشتكي للموز
وقاله ينفع كده؟
أو حتي يعني يجوز؟
إكمنها زبدية
تعمل كده فيا
ده انا كنت في العنقود
جميل وليا العجب.
بس الزمن دار بيا
ودا شئ عليا إنكتب.
ف أنا حقي لو مجانيش
ها أقلبها قله أدب..
وأفضحها ف الاسواق
عديمه الأخلاق
ده الكل منها داق
والرك ع النيه..
مضروبة ف الخلاط
مشقوطة بالشفاط
مفيناش صوات وعياط
وسدي يا عنيا..
مش عامله فيها كيوت
حامل يا بنت بنوت
مش ماشيه لية مظبوط
ده انا نجم أغنية.
أحمر وأصفر فيه
وأخضر كمان تلاقيه
ما تشوفي غيري بقى
وأرمي بلاكي عليه..
ده المحشي من ورقي
والخمرة من مرقي
وانتي اما تتفلقي
تتحطي في زكيبة.
ده انا بيتي تكعبية
وعزوتي رهيبة…….ورصتي عجيبة
وليا حبيبة
مش يعني متمرمط..
المانجة قالت للعنب
سامحني يا مفرط
