فيلم حوار مميز من فيلم ارض الخوف (1 عدد المشاهدين)

[جدو سامى 🕊️ 𓁈]

- انا جيتلك برجليا
= انا مبسوط اني هقابلك كنت خايف لتموت قبل ما اقابلك .. عاوز اعرف منك حاجه انت اللي قتلت رجب ابوحسين وابراهيم الحوت ؟
- ايوه
= غبي غبي غبي ، اول مرة قابلني رجب لما جابه ابراهيم الحوت خاطر خلاني ابصلك لان لقيت فيك شئ غريب .. لقيتك بتكرهه كرة البني ادم للموت بس الإنسان بيكره الموت ويخاف منه لكن بيحترمه إنما انت بتكره رجب وبتحتقره اندهشت ! قولت الواد ده فيه شئ غريب ابتديت اهتم بيك واراقب وشك قولت عليك بير غويط مش سهل فاهم كل حاجه ، الفرق بيني وبينك أن ايامي وسنيني حموول شايلها يعني مقدرش اروحلهم واشتغل معاهم إنما انت شاب خفيف ، انت عملت اللي كان ممكن اعمله لو كنت فسنك بس انت طلعت غبي وانا طلعت عديم الفراسه .
- واي العلاقه بين ده وبين اللي بيحصل انهارده .
= ليك حق تسأل يا ابو دبورة، رجب وابراهيم هما الأصل هما اللي خلوك متسواش غير رصاصه ف دماغك ، دول نظام مش ع قد مصر دول ع قد العالم كله والكبار مش احنا الكبار هما اللي بيزرعوا ويحصدوا ويصدروا واحنا اللي بنوزع ورجب وابراهيم هما التوكيل لو ماتوا يجي غيرهم انما لو اتقتلوا اللي قتلهم لازم يدفع تمن غلطته عشان كدا مصدقتش لما قلولي انك قتلتهم عشان كنت فاكرك معلم وده مش شغل معلمين .
- بس انا مبلغتش عن حد ولا بشتغل مع البوليس .
= البوليس عاوز رقبتنااا واحنا بنكرهم بس ده ميمنعش أننا نفهم بعض وحكاية انك بتشتغل معاهم دي لعبه مكشوفه بس اي معلم لازم يفهم الرسالة .
- رسالة اي ؟
= رسالة جايه من فووق الرسالة انهم مش هيرتاحوا الا لما ابو دبورة يختفي من علي وش الارض
يعني انت لازم تموت عشان احنا نكمل ونعيش وده ملوش دعوة بالعواطف بس انا مش هقتلك مش عارف ليه.. يمكن لأني مش معصوم من الغلط وغلطتي اني حبيتك
نصيحه يابو دبورة سيب مصر واهرب محدش هيرحمك وانا لو شفت وشك تاني هقتلك.
فيلم ارض الخوف