ازيكم يا حلوين رجعتلكم تاني بموضوع جديد في سلسة معلومة في 3 دقايق
معنا ومعكم النهاردة شجرة البالسا(Balsa) وهي شجرة سريعة النمو بتنموا في الغابات المطيرة بردو في المكسيك وبنما وكامبوديا
شجرة البالسا معروفة ومشهورة بسرعة نموها لانها ببساطة في خلال 10 سنين بس بتر توصل لطول 30 متر يعني بطول عمارة 10 ادوار بس زي ما هى ميزة عشان تقدر توصل لنور الشمس عيبها ان خشبها خفيف جدا وفي العواصف بتتكسر بسهولة فنادرا لما تلاقي شجرة بالسا يتعيش اكتر من 20 سنة
لما الشجرة بتوصل لعمر معين ممكن نقول 10 سنين بتقول كفاية طول بقا بقينا اطول من ياسر جلال شخصياً كفاية ادب ونبدأ في قلة الادب عشان نخلف ويبقا لنا عزوة يشيلوا اسمنا
فتبدأ الشجرة تنتج زهور من اكبر الزهور في الغابة واللى حجمها قد قبضة الايد بلون اصفر او ابيض وعاملة شبه القمع كده باعداد ضخمة جدا ولما الليل يجي بتبدأ تجهز السفرة للقورنيه احنا اتفقنا بقا كل نبات ليه قورني عشان يوفق راسين في الحلال والقورني دا بياخد حقه ناشف مبيعملهاش ببلاش هو وقورني الشجرة دي حيوان اسمه كين كا جو وده نوع من انواع الراكون وبيتغذى على الفاكهة
تقوم الشجرة تملى الوردة بالرحيق الحاجة اللى كين كا جو ميقدرش يقاومها فبيفضل يقربع زي اللى كان صايم وما صدق المدفع ضرب
- ايوة وحبوب اللقاح بتتنقل ازاى
- الحيوان ده لما بيحط بوزه في الزهرة مناخيره ووشه بيتلحوسوا بحبوب اللقاح عشان لما يروح يشرب من زهرة تاني يصاف انها انثي ويتم التزاوج بس في حاجه عجيبة في الموضوع
- ايه هيا؟
- الشجرة لما بتملى الزهرة بالرحيق مبتملهاش بدرجة تخلي الحيوان يشبع من اول زهرة ولا اتنين لا دي كمية محسوبة بدقة حاجة كدا على طرف المعلقة عشان يفضل يتنقل بين الازهار
- انما التطور دا عجيب بشكل
- الشجرة الواحدة بتملى الزهرة كام مرة في اليوم بقا ؟
- 7 مرات ... 7 مرات يا مؤمن من غير لا حباية زرقة ولا فحلوقي
وخلال فترة التزواج دي الشجرة الواحدة بتستهلك 60 لتر رحيق عشان بعد كدا السر الإلاهي يطلع ويجيرها صاعقة ولا عاصفة تشيلها بس تبقا ورثت اجيال وراها وتبدأ دورة حياة جديدة بنفس التفاصيل
وبس كده ده كان موضوع خفيف لذيذ كدا ع السريع عشان وحشتوني وقولت اروق عليكم واستنوني بكرة هكلمك عن نبات اتحدى اي حد يكون سمعه عنه قبل كدا سلااام
♥
معنا ومعكم النهاردة شجرة البالسا(Balsa) وهي شجرة سريعة النمو بتنموا في الغابات المطيرة بردو في المكسيك وبنما وكامبوديا
شجرة البالسا معروفة ومشهورة بسرعة نموها لانها ببساطة في خلال 10 سنين بس بتر توصل لطول 30 متر يعني بطول عمارة 10 ادوار بس زي ما هى ميزة عشان تقدر توصل لنور الشمس عيبها ان خشبها خفيف جدا وفي العواصف بتتكسر بسهولة فنادرا لما تلاقي شجرة بالسا يتعيش اكتر من 20 سنة
لما الشجرة بتوصل لعمر معين ممكن نقول 10 سنين بتقول كفاية طول بقا بقينا اطول من ياسر جلال شخصياً كفاية ادب ونبدأ في قلة الادب عشان نخلف ويبقا لنا عزوة يشيلوا اسمنا
فتبدأ الشجرة تنتج زهور من اكبر الزهور في الغابة واللى حجمها قد قبضة الايد بلون اصفر او ابيض وعاملة شبه القمع كده باعداد ضخمة جدا ولما الليل يجي بتبدأ تجهز السفرة للقورنيه احنا اتفقنا بقا كل نبات ليه قورني عشان يوفق راسين في الحلال والقورني دا بياخد حقه ناشف مبيعملهاش ببلاش هو وقورني الشجرة دي حيوان اسمه كين كا جو وده نوع من انواع الراكون وبيتغذى على الفاكهة
تقوم الشجرة تملى الوردة بالرحيق الحاجة اللى كين كا جو ميقدرش يقاومها فبيفضل يقربع زي اللى كان صايم وما صدق المدفع ضرب
- ايوة وحبوب اللقاح بتتنقل ازاى
- الحيوان ده لما بيحط بوزه في الزهرة مناخيره ووشه بيتلحوسوا بحبوب اللقاح عشان لما يروح يشرب من زهرة تاني يصاف انها انثي ويتم التزاوج بس في حاجه عجيبة في الموضوع
- ايه هيا؟
- الشجرة لما بتملى الزهرة بالرحيق مبتملهاش بدرجة تخلي الحيوان يشبع من اول زهرة ولا اتنين لا دي كمية محسوبة بدقة حاجة كدا على طرف المعلقة عشان يفضل يتنقل بين الازهار
- انما التطور دا عجيب بشكل
- الشجرة الواحدة بتملى الزهرة كام مرة في اليوم بقا ؟
- 7 مرات ... 7 مرات يا مؤمن من غير لا حباية زرقة ولا فحلوقي
وخلال فترة التزواج دي الشجرة الواحدة بتستهلك 60 لتر رحيق عشان بعد كدا السر الإلاهي يطلع ويجيرها صاعقة ولا عاصفة تشيلها بس تبقا ورثت اجيال وراها وتبدأ دورة حياة جديدة بنفس التفاصيل
وبس كده ده كان موضوع خفيف لذيذ كدا ع السريع عشان وحشتوني وقولت اروق عليكم واستنوني بكرة هكلمك عن نبات اتحدى اي حد يكون سمعه عنه قبل كدا سلااام
♥
♥