حابه ابدأ فالاول بتعريف القصه وطبيعه الاحداث..القصه مصنفه +18 نظراً لوجود احداث عنف بسيطه بالقصه وده لزياده الاثاره والأكشن فالأحداث.. القصه واحداثها بتدور حولين جزيرة سحريه وبطل قصتنا اللي هتتعرفو عليه كمان شويه مر بتجربه هو هيحكيها بالكامل من طأطأ لسلاموعليكو.. تجربه كانت سبب في دمار حياته النفسيه وخلتو من انسان طيب لأبشع حد ممكن تقابله فحياتك.. مش عايزه اطول عليكو وخلونا نبدأ فقصتنا... ونتعرف الاول على شخصيات القصه.
شخصيات القصه...
أحمد/ بطل القصه.
محمود/ ابو احمد.
عم جلال/صديق ابو احمد.
كمال/صديق احمد وابن عم جلال.
الريس ماهر /شيخ الصيادين.
مصطفى/ قبطان السفينه.
كريم/صديق احمد وهو تاني شخصيه مهمه فالقصه.
꧁خلونا نبدأ꧂
أنا اسمي احمد محمود عندي 26 سنه معايا ثانوية عامة مكملتش الجامعه لأن مهنتنا اللي هتتعرفو عليها كمان شويه عايزه ناس متفرغه ليها ومكنش في صراحه وقت ولا مجال ولااااااا اي حاجا علشان ادخل الكليه.. سميها خيبه سميها غباء سميها زي ما تسميها طب! انا بشتغل ايه؟.. انا بشتغل فالصيد دي مهنه ابويا وجدي وجد جدي دي ميراث العيله... .. انا ساكن انا وعيلتي في الأنفوشي في السكندرية حتا كدا اسمها حي الجمرك.. المنطقه اللي احنا فيها دي بتاعه شغلنا بقى كلها صيادين ومراكب وسفن المنطقه عباره عن شاطئ وعليه عشش من القش والصفيح وفيها اهالي الصيادين... للي مبيرحش هناك انا بحاول اوصفلكم وصف تفصيلي شويه وورا كل عشه في مركب صيد من اللي بنطلع نصتاد بيهم.. اهالي اسكندريه هيفهموني اوي... وبحيي كل اهالي اسكندريه الجدعان.
طيب! انا بكتب الحكايه دي ليه؟... علشان انشر حقيقه..
حقيقه ايه؟... اسمعني وانت هتعرف.
أنا قصتي قصه غريبه اوي .. قصه بتتكلم عن الطمع والجشع اللي ممكن يودي الواحد ورا الشمس..مش قصه إنسانية ولا حاجا عشان دماغكوا مترحش بعيد..لا دي قصه تشيب.
زي ما قولت انا ابن صياد ابويا صياد متواضع من الصيادين اللي هنا فمكان شغلنا.. عندنا بقا...خلوني اعرفكو على الناس...
عندنا عم ماهر... عم ماهرده هو شيخ الصيادين او كبير الصيادين تقدرو تقولو عليه الكل فالكل رئيس شغلنا هناك يعني.. مفيش حموله تنزل ولا سفينه تطلع إلا بأذنه.. انا شخصيا مكنش في بيني وبينو عمار اوي مبرتحلوش حاجا كدا ربّاني ههههه.. المهم.. خليني اقولكم ان القصه بدأت في شهر يناير في عز البرد
زي ما بيقولوا مش فاكر كان يوم ايه بس كان يوم كلو برد ورعد.. عارفين لما يكون الجو كلو برد وكأيب من كتر البرد... وموج عالي.. لدرجه ان الموج كان بيقرب من العشش بتاعتنا فاليوم ده قررنا اننا نروح البيت بتاعنا انا وعيلتي ونسيب العشش بتاعتنا اصل احنا للعلم بنبات فالعشش دي لما بيبقى في شغل وحمولات كتير فمفيش وقت نروح.. فبنبات فيها بس فاليوم ده قولنا هنبات فبيوتنا يعني شقق زي اي حد.. فالتوقيت ده كان في سفينه صيد كبيره بنعتبرها من اهم واكبر السفن عندنا.. طلعت السفينه دي من الميناء من حوالي شهر وشويه شهرين تقريباً مش متذكر قوي تصتاد في منطقه جديده..احنا بنحب نستكشف وبنحب نسافر علشان الرزق وأكل العيش وكدا.. كان من ضمن الناس اللي سافروا على السفينه بتاعه الصيد دي.. هي مش سفينه بمعنى السفينه اللي فدماغكم لا هي مركب صيد كبيره كان من ضمن اللي كان على السفيه.. كان ابويا وعم جلال صاحب ابويا وكمال ده ابن عم جلال وشويه ناس تانيه مش هقعد اوجع دماغكم اني اقول لكم اسامي.. مش مهم.لكن اللي حصل انا السفينه وصلت قبل ما نوصل بيوتنا بسبب الريح الشديده والموج وكدا.. رجعت لكن الناس اللي كانت جايه على السفينه كان شكلهم غريب اوي.. مش ري ماراحو كانو رايحين مبسوطين وفرحنين والمفروض احنا رايحين لرزق يعني.. راجعين اكن ميت لهم ميت بالظبط... كل اللي شاف شكلهم كان عمال يقول.. هم عاملين كدا ليه هو علشان الصيد كان قليل ولا حاجا؟
بدانا كل الناس رحنا ننزل الحموله والاهالي بدأوا يسلمو على الصيادين اللي نزلو.. مهم غايبين مده زي ما قولتلكو.. سمعنا ناس وناس عماله تزعق وبيسألو على ناس معينه بالأسم.. اللي كانو على السفينه مبينطقوش ولا بيردو على حد.. لحد ما ابويا رد وقال ياجماعه المنطقه اللي احنا رحناها كان فيها سمك كتير الحمد *** بس السمك الكتير ده صحبو موج شديد
والبحر هايج اوي.. وهم غرقوا
حتى معرفناش نلاقي لهم أثر تاني.صويت طبعاً وعياط ونواح واهالي الناس اللي غرقو انهارو ولكن خلاص مكنش قدامهم غير انهم يسلمو للأمر الواقع.
وللعلم حموله السمك بتاعه السفينه المره دي كانت كتيره زيادة اوي.. وعدت الايام والحموله اتباعت.. وعدا تقريباً ممكن تقول اسبوعين.
لاقيت مين؟
لاقيت عم ماهر شيخ الصيادين اللي مفيش بيني وبينو عمار اوي لاقيتوجاي وبيقولي ان انا هروح البحر بالسفينه لان المرادي المكان اللي جه منو السمك كتير فهنروح نصطاد وبعدين قالي...
الريس ماهر: انت هتروح.
انا: ايه؟
الريس ماهر: ايوه هتروح المره دي.
انا: طب! والناس اللي غرقت والمكان...
الريس ماهر: هو الناس كل مره هتروح وتغرق هناك معادي يعني ماياما ناس غرقت.. متسترجل كدا.
كمال اللي هو ابن صاحب بابا كان شكلو حزين فالليله دي قبل يوم سفرنا وسألتو ايه السبب مرضيش يرد عليا... واداني ورقه ومبتكلمش.. الورقه دي مرسوم عليها بالظبط سفينه نفس رسمه السفينه بتاعه الصيد بتاعتنا دي.. الغريب ان كان حولين السفينه دي صوره واحده ست وبنت بتاع 16 سنه تقريباً و3 صيادين من اللي كانو فالرحله اللي راسمهم لدرجه انك تعرف هم مين.. اللي مش عادي هو ان اللي كانو فالصوره دول كلهم مشنوقين.. متعلقين فالساري العالي ده بتاع السفينه.. قولت لكمال.. ايه الصوره اللي انت راسمها دي.؟ ايه ده.
احوال الناس اللي كانو على السفينه كانت غريبه.. عاملين زي اللي اتلبسو متفهمش جرالهم ايه الطبيعي طبعآ ان احنا نقول علشان شافو صحابهم وهم بيغرقو... ولكن في حاجه مش مريحاني........... عدى اسبوعين وهم لسا زي ما هم مبيتكلموش ابدا رحت لبابا وقولت له.. بابا مش عايز بردو تقولي مالك؟........ مردش عليا.
دخلت العشه بتاعتنا دي اللي عند البحر علشان الليل كان دخل ولازم انام كويس علشان الفجر الصبح كلنا هنسافر علشان نصطاد.... فتحت عينيا في نص الليل على صوت زي ما يكون فيحد بيهمس.... قمت مخضوض ومفزوع من النوم الدنيا حوليا طبعاً ضلمه.. ناهيك عن ضلمه البحر دي بقى ترعب... صوت موج البحر على قد ما هو بالنهار ممتع اوي.. بالليل والبحر اسود الموج بيبقى لا يحتمل... لاول مره اخاف من صوت البحر اوي كدا.. حاولت اركز لان في اصوات سامعها جنبي... بدات ابص حوليا واقول.. في ايه مين مين.. كل اللي جه فبالي ان كان في حد بيستظرف... حد جاي يقف جنبي علشان يستظرف او يخوفني.. قولت انت مفكر نفسك ظريف يعني انا مبخفش بسهوله.. لاقيت فاللحظه دي زي ما يكون خيال واقف بره العشه.. الخيال واقف مبيتحركش.. نور القمر العالي مخلي الخيال منعكس على الارض.. عايز افتح الباب المتوارب ده واشوف في ايه!.. من اللي انا شايفه من ورا الباب خايف افتح.. ورحت مقرب من الباب بالراحه... لاقيت صوت ضحكه واحده ست بس يخوف.. فتحت الباب ملقتش اي حاجا كل اللي لاقيتو كمال قاعد على الرمل قدام البحر ومشغول قوي وعمال يهز براسو زي ما يكون في حوار بيدور عندو... انا قولت المجنون ده مالو؟... قربت منو بالراحه وسمعتو بيتكلم بيقول... سامحيني سامحيني واللَه العظيم انا كنت مجبر على كدا.. انا مليش ذنب واللَه انا مليش ذنب صدقيني انا مليش ذنب... كمال كان بيكلم حد مش موجود.. ولكن كان بيبص قدامو اكن في حد قدامو وبيكلمو.. رحت خبطت على كتفه وقولتلو.... كمال انت كويس؟
كمال اتفزع زي ما يكون شيطان هو اللي سألوا وحط ايدو على كتفه... ورجع تاني بص للبحر وبص على السفينه اللي مجرشه كدا فالمينا بتاع السفن............. غصب عني لما لاقيتو باصص بدأت ابص انا كمان اشوفو بيبص على ايه..شفت المنظر اللي كان فالصوره بالظبط لكن المره دي شوفتوا بجد..«السفينه فالبحر.. والست وبنتها.. اللي انا عارفهم.. و3 صيادين كلهم متعلقين ومشنوقين».
بصيت لكمال وقولت له..... بقولك ايه فوق من شغل المجنين اللي انت فيه.. انت شايف اللي انا شايفه ده؟ ... واضح ان كان سؤالي للشخص الغلط لان لما شفت كمال وفتح عينيه كانت كلها بيضه........قولتلو انت ايه؟
انت ايه؟.... لاقيتو فتح بوقو وبدأ يطلع اصوات غريبه مش فاهم ايه هي الاصوات دي... رحت طالع اجري من مكاني ووأنا بجري اتكعبلت فصخره ورحت واقع واستخبيت فيها لأنها كبيره.. وبدأت ابص واشوف كمال هيعمل ايه!.. لاقيت كمال قام واقف ورفع ايدو الاتنين ناحيه البحر.. ولاقيت الست اللي عالسفينه المشنوقه الميته نزلت بهدوء ومشيت فالميه... مشيت خطوه خطوه بهدوء وجايه نحيتي....... انا اتخشبت ودني واقف مكاني مش عارف اتحرك ولا حتى اجري... انا عندي امل انها تكون بتمشي ورايحه لحد تاني مش انا..لكنها جايالي وراحت فاكه الحبل من رقبتها وميلت عليا..فاللحظه دي انا كنت عامل زي المتبنج زي المتخدر.. لعارف اتحرك ولا عارف اتكلم.. كل الليعمال اقولو فسري... اعوذ باللَه ****....لما فكت الحبل من رقبتها راحت حطاه على رقبتي انا..لاقتها راحت شداني وساحباني على الرمل وانا لاقادر اقاوم ولا قادر ازعق ولا قادر اعمل اي حاجا.. والحبل بيخنقني على حاله البنج اللي انا فيها وهي عماله تسحبني وراها وانا **** نفسي تماماً.. ميفرقش كتير عن كلب صاحبو ساحبه بسلسله... حتى الكلب لما صاحبه بيسحبو مبيكنش بالمنظر ده... الدنيا بدأت تضلم وانا خلاص بتخنق وبدأت هي تقول كلام مش مفهوم طول ما هي شداني وانا بذكر ربِنا.. ورحت ناطق الشهاده.. لحد ما قربت من ميه البحر وانا خلاص بدأت افقد الوعي تماماً وهي مبسوطه وبتضحك الضحكه اللي تخوف بتاعتها.. حاولت امد ايدي عالحبل علشان اخلص نفسي منو مقدرتش.. الحبل زي ما يكون مولع من 
نار.. ولكن مش عارف ايه اللي حصل.. فلحظه كل حاجا اتبدلت.. كل حاجا اتغيرت.. لشفتها ولا سمعتها ولا اي حاجا حصلت.. كل اللي حصل اني لاقيت نفسي بقوم من النوم .... حلم!بفتح عيني لاقيت ابويا جنبي وبيبتسم لي اوي وبيقولي...
بابا: انت خايف من ايه؟
انا: ايه ده انتو جبتوني هنا امته؟
بابا: يابني انت بتتكلم وانت نايم وعمال تقول حاجات.
بس الألم اللي كان على رقبتي معنى ده اني مكنتش بحلم! او ممكن اكون حلمت وصدقت الحلم لدرجه اني حاسس بالألم!....
بابا: بلاش تسافر ياحمد بلاش احسن ولو مصمم اتحمل بقى النتيجه.
انا فضلت افكر هو ليه ابويا بيكلمني كدا!... امي بقى شافتني وقالتلي يابني بلاش بلاش السفريه دي بلاش السفينه دي... دي شؤم يابني على كل... مش كفايه ان الناس ماتت.
انا مبأمنش بالخرافات بس اللي انا شوفته ده مش حلم ولا كبوس... سبتهم وخرجت بسرعه من العشه.. خرجت لاقيت الصيادين اللي هيسافرو كلهم جاهزين وبينادو عليا بالفعل ولاقيت واحد منهم بيقولي.. انت جاي يابني ولا مش جاي؟ مش اتفقنا نمشي على الفَجر! الساعه بقت 6:00 دلوقتي.
قولتلهم طب! محدش صحاني ليه؟.. قالولي... عمالين نصحي فيك وابوك بيصحي فيك اديلنا ساعتين كل شويه يقولنا دا نايم زي القتيل..فاللحظه دي انا قولت.. تؤ وبعدين بقى...... رحت جاي متوضي وصليت بسرعه ولبست هدومي واخدت حاجتي اللي مجهزها من امبارح وطلعت السفينه... مش عارف ليه حاسس اني مش هرجع تاني........ وعدى النهار كلو لحد ما جه بالليل.. معظم الصيادين دخلو الكبينه اللي بينامو فيهم.. وفضلت انا سهران فوق على سطح السفينه من فوق عند الساري اللي شوفت عندو الناس مشنوقين.. قعدت شويه وقولت انزل بقى علشان اعرف انام شويه انا كمان.. ووانا ماشي عديت ناحيه الحمام وبصيت لاقيت واحد واقف فالحمام وبيبص لي من المرايه وبيبتسم اوي..... ورجع تاني بص على المرايه كل ده حصل وانا معدي بسرعه.... عارفين لما بتعدي بسرعه وبتشوف حاجا وترجع خطوه علشان تعرف في ايه!.... لكن انا اول ما رجعت عند الحمام لا لاقيت راجل ولا اي حاجا ولا الحمام في اي حد خالص.
رحت نحيه الكبينه ودخلت على السرير بتاعي واتغطيت لان الجو كان برد
اوي برد ورعد والجو ميطمنش خالص... البرق كل ما كان بينور ونوره يدخل ينور الاوضه كنت بخاف اكن في فاركان الاوضه حاجا مع ان مفهاش حاجا لكن فمره مع البرق والرعد... شوفت الخمسه واقفين فالأوضه (الست العجوزه والبنت و3 صيادين) واقفين جنب بعض قدام السرير بتاعي.. نور البرق اول ما قاد شفتهم وبعديها ملمحتش حاجا تاني لان الاوضه ضلمت... بقيت ادعي واقول **** برق تاني **** علشان اشوف... عارفين يعني ايه تخيلو الموقف الدنيا مضلمه عالٱخر وانت عارف ان في خمسه معاك في الاوضه ميتين...... فضلت استعيذ بالَله...... وفجأه لاقيت الست بتضحك الضحكه المرعبه بتاعتها... ورحت مادد ايدي بسرعه على الكوميدينو ادور على اي حاجا انور بيها.. ولاقيت اباجوره ونورت النور... بصيت ورايا لاقيتهم واقفين وباصين عليا نظره غضب في ماعدا الست واقفه مبسوطه وبتضحك.. واقفين قدام السرير الخمسه.وفجأه لاقيت البنت بتقرب مني على السرير وانا عمال اتلكفت فمكاني.... ومره واحده البنت صوتت فوشي... رحت قايم من الطربه من على السرير.. ورحت فاتح باب الكبينه وجريت بره الاوضه.... ولما خرجت صوت البحر والموج الهايج كان يرعب.. بدأت ادور على الناس.. وخبطت على الكباين... الكباين كلها فاضيه... فضلت اقول.......... الناس راحت فين؟
وانا عمال اتنفس بسرعه وقلبي بيدق جامد ومش عارف الناس راحت فين...رحت طالع اجري على سطح السفينه بره تاني لاقيت الريس بتاعنا الكبير واقف وبيبص لي وعمال يعمل حاجا فإيدو بحبل.. وراح قايل لي....
ريس السفينه: هو انت بتمشي وانت نايم يا مجنون.
انا: امشي وانا نايم ايه... انتو فين الناس فين؟
ريس السفينه: اه بتمشي وانت نايم.. انت من خمس دقايق طلعت هنا وتدخل اوض الناس وقعدت تتكلم وتقول كلام مش مفهوم وتزعق وتصوت ونادينا عليك نزلت تجري تاني تحت
.أنا: يعني ايه!
ريس السفينه: لا انا اللي بسألك!... انت بتمشي وانت نايم بجد بس منظرك وانت ماشي وانت نايم كوميدي على فكره
.سبتو ومشيت ومفيش غير في دماغي ان الراجل ده كداب.. الراجل ده كداب.. انا عمري ما مشيت وانا نايم وعمر ما حد قال لي ان ده حصل.. انا في حاجا بتحصل وههرفها... السفينه بتاعه الصيد دي كلها على بعضها مش طبيعيه.. في حاجا وههعرفها
انا اساسا منمتش واللي شوفتو فالأوضه ده مش وهم ولا بيتهيألي والراجل ده كداب... رحت سايب الراجل ونزلت الكبينه بتاعتي ونورت الابجوره لانها كانت مطفيه معرفش ازاي مع اني كنت مولعها قبل ما اجري من الاوضه.. ورحت فاتح الاجنده اللي بسجل فيها كل حاجا في حياتي عموماً.. دي هوايه عندي نسيت اقولكو عليها.. المهم... لكن وانا بكتب كان في صوت مش مريحني.. صوت زي ما يكون في خربشه تحت السرير وخربشه على القزاز بتاع الكبينه
..للمعلوميه.. شباك الكبينه بتاع اوضتي فيه شباك بيطل على البحر نفسو وبصيت منو وياريتني ما بصيت.. لاني لاقيت جسه عايمه على المية.. وقريبه اوي من الشباك.. فضلت اقول **** استر **** جسه مين دي كمان... لكن مره واحده الجسه جت عند الشباك وفتحت عينيها... 
انا من الخضه نطيت من مكاني وطلعت اجري... طلعت اجري على الباب ووانا بجري لمحت فمرايه الكبينه عندي فالاوضه صوره الجسه وحاطه إيديها عالمرايه زي ما يكون عايزه تطلع منها وعماله تبص يمين وشمال زي المجنين زي ما يكون بتدور على فتحه فالمرايه تطلع منها.. حاطه ايديها الاتنين عالمرايه وعايزه تطلع... تخيلو اللي انا بقولهولكو... زي ما يكون محبوسه فالمرايه وبتدور على حاجا تخرج منها... ورحت باصص ورايا ملقتش حاجا لاني متأكد ان مفيش ورايا حاجا.. الحاجا دي جوه المرايه نفسها.. كل اللي عملتو اني رحت بصيت ورا المرايه... منا هتجنن... وملقتش حاجا... رجعت تاني وقفت قدام المرايه لاقيت اللي فالمرايه دراعو طلع من المرايه... دراعو لما خرج من المرايه معرفش اتعور ولا ايه بس كان دراعو بينزف ددمم كتير عالمرايه من بره... رحت طالع اجري وعمال انادي بهستيريه.. ياريس ياريس.. لا لاقيت ريس ولا لاقيت حاجا.. لاقيت عم جلال.. خليني اقولكو ان عم جلال بيشتغل طباخ عموماً... وراح ماسكني من ايدي وبيكز على سنانه وبيقولي....
عم جلال: تعالى هنا تعالى هنا انت رايح فين.
انا: رايح فين ايه سيب ايدي!
عم جلال: انت عارف ايه وشوفت ايه؟
انا: في حاجا غريبه بتحصل انا......!
عم جلال: ششششش متتكلمش متقلش اي حاجا تعالى معايا دلوقتي وانا هفهمك وانت تفهمني اللي شوفتو.
عم جلال اخدني من ايدي ونزلنا على المطبخ وقالي...
عم جلال: بص انا عارف انك بتشوف نفس اللي انا بشوفو.. ولو حاولت تنكر انا مش هيأس.. هفضل وراك لحد ما تعترف.. انت بتشوف ايه.. قولي انت بتشوف ايه؟ قولي.. انت بتشوف اللي انا بشوف صح!... قولي بتشوف ايه علشان اصدق اني مش مجنون.
انا: بببب بشوف ايه انا.....
عم جلال: انت هتعمل نفسك عبيط.. اومال انت كنت طالع بتجري ليه... شفت ايه فالكبينه؟ قولي... لو مقولتش انا هطلع للقبطان اقولو كل حاجا.
أنا: بص يا عم جلال انا كنت طالع عادي مفياش حاجا انت بقى اللي بتشوف حاجات **** اعلم بقى.. انت راجل كبير فالسن.
عم جمال: واللللاااهي.. يعني مبتشوفش حاجا خالص؟.... مشفتهاش!... مشوفتش اللي معاها.
انا: مشوفتهاش ولا شوفت اللي معاها ولا اعرف انت بتتكلم عن مين... وبعد اذنك بقى اسمحلي انا تعبان وعايز انام.
عم جمال: هممم انت كنت بتنادي عالريس مصطفى ليه؟.. عايز منو ايه؟.
انا: وفيها ايه.. ممنوع انادي عليه يعني؟.. ممنوع يا عم جلال!.. عم جلال بقولك ايه انت عايز تخوفني والحاجات دي مبتأثرش فيا.
معرفش ليه فكرت انا الراجل ده عايز يعمل فيا مقلب بجد مش عارف ايه التفكير الغبي ده....
.عم جلال: بص يابني انت لسا صغير انا كبير وانا شوفت كتير انا لو مت محدش هيزعل عليا.. طالما ياحمد انت مش عايز تقولي يبقى متخلهمش يقربولك.. متخلهمش يقربولك يابني.. روح يابني ربِنا يسهلك.
بعد ما عم جلال سابني فالمطبخ وخرج بدأت اندم ونفسي انادي له واقولو ياعم جلال تعالى.. تعالى انت مش مجنون ولا حاجا لكن كبر بقى ولا خوف ولا متفهمش ايه السبب اللي خلاني مأناديش عليه!.
عدى دقيقتين تقريباً وانا بكلم فنفسي وبعدها طلعت على سطح
سفينه الصيد بتاعتنا كانت الساعه 3:بالليل والدنيا كلها برق ورعد وموج والجو يرعب... خفت ونزلت دخلت الكبينه بتاعتي تاني.. عمال ابص يمين وشمال وزقيت الباب بالراحه ملقتش حاجا.. وقعدت افكر قولت هو انا مجون هو بجد ممكن اكون مجون.. بس مجون ازاي طب ما الراجل نفسو شاف اللي حصل.. طب انا ليه مسألتوش.. انا فعلا غبي.. فتحت المذكرات بتاعتي تاني.. ولاقتني مش عايز اقعد فالأوضه الكبينه دي انا بكرهها.. اتمشيت كدا فالطرقه وبصيت عالكباين التانيه اللي بياكل واللي بيغني.. ورحت واصل لمنطقه بيخبو فيها بضاعه.. وقولت اقعد اكمل شويه كتابه هنا.. انا محتاج اكتب ومحتاج مكان معزول شويه عن الناس.. قعدت وبدأت اكتب اللي حصل.. كتبت موضوع المطبخ والكلام اللي انا قولته.. وعدى عليا ساعه ولا اتنين ودماغي بدأت تتقل وبدأت احس اني بنااام سندت راسي عالحيطه ونمت راسي تقيله وعيني مش قادر افتح ولا اغمض.. بدأت الاقي اللمبه بتاعه الاوضه زي ما يكون بتتحرق عماله تنور وتطفي.. وهي بتنور وتطفي.. شوفت الخمسه متعلقين فحيطه السقف قدامي.. وقصادي.. لنوم بقى ولا تقولي انا قومت نطيت من مكاني.. وصرخت وطلعت من مكاني وخبطت على باب واحد من الصيادين فالكبينه علشان ييجي يشوف اللي انا شوفته.. الراجل خرج من الاوضه مفزوع.. قالي في ايه.. قولتلو وانا بتهته اللللللللللل لمبه 
بتاعه الاوضه بتاعتي بايظه ممكن تصلحهالي.. قالي.. يعني انت بتخبط عليا دلوقتي فالوقت ده علشان اصلحلك اللمبه.. ماشي. لولا انك عيل... حاضر..انا مش عارف ليه قولت له روح الكبينه بدل ما اقولو يروح مكان البضاعه مش عارف ليه قولتله كدا..... كان لسا بدي اقول له روح هنا لاقيت الراجل دخل الكبينه بتاعتي... ومره واحده سمعت صوت ست بتصوت من جوه الكبينه معرفش ازاي... لاقيت الراجل طالع من الكبينه وبيقول... يانهار اسود ومنيل يانهار اسود ومنيل عم جلال اتقتل... قولتله ايه!.... قالي عم جلال مقتول فالكبينه بتاعتك ازاي... لاقيتني بعرق وبرتعش وبتهته وبقول... ممممممعرفش انا مكااانش قاااصدي انااااا كان قصدي تصلح لمبه الاوضه اللي هناك.. ومره واحده الراجل طلع يجري على سطح السفينه ويقول يا خلق هوووه عم جلال اتقتل..... ومبقتش عارف اجري وراه ولا اخرسو ولا اسكتو ولا اعمل ايه.. ورحت داخل الكبينه ابص.... المنظر اللي كان قدامي كان يرعب... عم جلال كان قاعد عالكرسي مديني ضهره ورقبتو راجعه لورا 180° يعني مكسوره وراجعه لورا... انا لو تشوفو منظره وعضم رقبتو خارج لبره مش قادر اوصف.. ونظره الراجل عمري مهنساها... قعدت اقول دخل اوضتي امته ده ومين فيهم اللي موته.... فاللحظه دي لاقيت الصيادين بالقبطان كلهم داخلين عليا وكلهم محدش قادر يتكلم من المنظر وكل كلامهم.. ايه ده!... وانا مش عارف ارد وادافع عن نفسي واقول ايه.. كل اللي عمال اقولو.. اقسم ب**** ما انا.. انااااااااا معرفش ادبح فرخه انتو مش شايفين منظره عامل ازايي.... وفاللحظه دي القبطان قالي..القبطان: بص يابوحمييد احنا بقالنا مع بعض 10 سنين فالشغلانه المزفته دي... لما ننزل على الشط الحكومه بقى تتصرف معاك...
انا: و**** العظيم ما انا اقسم ب**** ما انا اللي قتلته.
القبطان: خلي الحلفان ده بره الموضوع.. احنا فينا اللي مكفينا.. الراجل ده اغلب خلق ****.. انت مجنون وانا بقالي مده كدا شايفك مش مظبوط.
أنا: انا مجنون اقتل يعني؟
القبطان: انت قتلته ليه؟ مسكك بتعمل ايه؟ دخل اوضتك شافك بتعمل ايه فموتتو.
أنا: يانهار اسود ومنيل هعمل ايه فالاوضه هسرق حاجا ولا هعمل حاجا ولا اهبب ايه!. انتو اللي مجانين.
وفضلت اصرخ وازعق يا مجانين ارحموني ومفيش فايده وكل اللي حصل بعديها.. اتكاترو عليا وربطوني وخدوني ورموني فالمطبخ تحت وفقلو عليا الباب وواحد منهم قال انا هحرسه لحد ما نروح.. وفضلت اخبط عالباب واعيط واصوت واحلف و**** العظيم ما انا و**** العظيم السفينه فيها حاجه مش مظبوطه و**** ما انا.. بس مين يسمع.. والحارس واقف على باب الاوضه.. ومره واحده سمعت صوت صويت فالاوضه وقولت للحارس....
انا: انت مش سامع الصويت اللي فالاوضه.
الحارس: لا مش سامع حاجا متتكلمش معايا تاني ولو سمعت لك صوت انا هدخل بقى اادبك انا يا قاتل يا قتال القتله داحنا لو سابوني عليك بس.. هفشخك.
سبتو وقعت لحد ما سمعتو وهو بيقول من بره... ايه ده اللاه اعوذ ب**** من الشيطان الرجيم.. ومره واحده الراجل رقع بالصوت اااااااااا. وبس
ونور المطبخ انطفى اللي انا فيه وبقيت قاعد فالضمه.. بدأت انادي عالصياد اللي بره ومحدش بيرد.. انادي عليه ازاي مهو الصوت اللي طلع ده كان صوتو.. ومره واحده سمعت ضحكه الست تاني.. وقولتلها انتي عايزه ايه يا ست انتي انا مش شايفك ابعدي عني.. لكن واضح انها كانت قريبه مني المره دي.. لاني حسيت بصوت نفس جنبي.. وبدأ فاللحظه دي من تحت باب الاوضه يدخل ميه.. يا اما بقى السفينه بتغرق يا اما انا لوحدي اللي هغرق.. وبدأت الميه تيجي عند رجلي.. وصوت الست اختفى ومش سامع اي حاجا.. ورحت فاللحظه دي رايح ناحيه الباب وفضلت اخبط عليه.. ولا حد سامع ولا حد بيرد... لحد ما الكهربا والنور رجع ولاقيت نفسي واقف فالاوضه والميه واصله لحد ركبتي... وانا مش لوحدي فالاوضه.. ببص جنبي لاقيت جسه البنت اللي كانت متعلقه عالسفينه بعديها جسه الست العجوزه بعديها جسه ال3 صيادين كلهم قدامي... يعني انا قاعد فأوضه فيها جسس الخمس جسس موجودين حوليا.. وبدأت ازعق واصوت وانادي وانادي.. وفجأه الميه بدأت تنحسر من الاوضه زي ما دخلت.. وفاللحظه دي بدأ باب الاوضه يتفتح ولاقيت القبطان داخل عليا.. والصيادين..
القبطان: ولاقيتو بيقولي.. انا ٱسف يابني مممممما لو كنت مكاني كنت هتعمل ايه!.
أنا: يعني ايه.
القبطان: عبداللله اللي كان بيحرس الاوضه مات نفس الموته اللي عم جلال ماتها.. والواد عادل اللي كان بينضف المكان مات بنفس الطريقه احنا عرفنا ان انت بريئ دا انت محبوس جوه يعني مش معقول بتطلع تموتهم وبتدخل..
وطلعنا كلنا نجري عالسطع بتا السفينه والقبطان قال.. انا مش عارف فيه ايه؟ ومش عارف الخمسه اللي ماتو قبلنا دول ايييييييه.... بس اللي انا عارفه اننا لازم نمشي دلوقتي لازم نرجع.. فاللحظه دي انا اتكلمت وقولتلهم... هو انتو مش ملاحظين حاجا.. احنا بقالنا كتير اوي بالليل هو النهار مش بيطلع ليه.. وواحد من الصيادين قال وايه يعني.. والقبطان قال.. لا.. كلام احمد صح
انا من ساعه ما ركبت السفينه دي وانا حاسس اني راكيبها من شهر مش من يوم والوقت بيعدي بالراحه اوي... ورحت باصص فساعتي لاقيتها 3 بالليل.. قولت... يانهار اسود ومنيل الساعه لسا 3... دنا من وقت كانت الساعه لسا 3.. وفجأه كلو بص فساعته ولاقوها لسا 3.. وراح القبطان قايل... بقول لكو ايه مفيش حل احنا هنرجع.وفعلا كلنا دورنا السفينه وقولنا لازم نرجع.. وعدى علينا نص ساعه واحنا ماشيين فالبحر والبصله عماله تتحرك عشوائي
ولا عارفين الشرق من الغرب ولا اي حاجا.. دا غير ان الساعه لسا 3 تعبنا ونزلنا الكباين بتاعتنا وانا نزلت الكبينه تعبت ونمت وقومت من النوم لاقيت الليل لسا موجود والساعه لسا 3 وقمت من على السرير ورحت طالع على سطح السفينه لاقيت القبطان وكل الصيادين واقفين وبيبصو على حاجا ولكنهم قالقنين جدا.. كانو بيبصو على جزيره 🏝 وبرغم الضلمه الشديده باينه قدامنا.. لاقيت القبطان بيقول
القبطان: انا معرفش الجزيره دي جت امته انا مش فاكر ان كان في جزيره فالمكان ده قبل كدا حتى.......
انا: طب وفيها ايه يعني.
القبطان: طب والبوصله اللي مش شغاله دي.. وساعتك اللي لسا 3 صح
انا: ايوه.
واحد من الصيادين جنبي: ياخبر اسود ومنيل احنا ضعنا خلاص.
ورحت سايبهم ونازل تحت ونزلت الكبينه بتاعتي اندب حظي زي الولايه.. وقعدت لحد ما لاقيت واحد من الصيادين بيزعق وبيقول.. الحقو.. الحقو.... وجرينا وكان بينادي من اوضه من ضمن الاوض.. والاوضه دي اللي كنا بنحط فيها التلج علشان السمك..... دخلنا ولاقينا الاوضه التلج اللي فيها كلو ددمم قعدنا نقلب فالتلج يمين وشمال لكن انا لاقيت حاجا تانيه.. لاقيت صندوق صغير مرمي فركن فتحتو لاقيت فيه..مذكرات.. فتحت اول صفحه لاقيت مكتوب فيها... (احنا مش فاهمين اللي بيحصل مش فاهمين اي حاجا من اللي بتحصل.. احنى كل حاجا بقت غريبه جزيره غريبه ظهرت والساعات مبتتحركش الساعه واقفه عند 3 لافاهمين حاجا ولا فاهمين اللي بيحصل انا بكتب المذكرات دي علشان لو متنا حد يفهم.. لو حد وقع في ايده المذكرات دي خليه يبعد عن المكان ده.. يهرب... قبل ما يحصلو اللي حصل لنا.) قعدت اقلب فالمذكرات دي يمين وشمال واشوف مين اللي كاتبه.. مش معقول.. مين اللي كاتب.. لحد ما لاقيت الأمضه فالآخر...(سلمى عبد الحميد) فضلت اقول مين سلمى عبد الحميد دي.. فكملت تقليب فالمذكره ورقه ورا ورقه... لحد ما وانا بقلب لاقيت فصفحه صوره ملزوقه فالورقه.. الصوره دي كانت صوره البنت اللي كانت بين الخمسه الميتين اللي كنت بشوفهم..... وبدأت افكر وعايز اطلع اشوف في ايه وعايز اقول الكلام ده للصيادين والقبطان... فلسا طالع اقول لهم.... ياجماعه! موضوع الجزيره ده والمزكرات بتقول....!
وملحقتش افتح بوقي لسا هنطق.. والسفينه عطلت ووقفت.. ولاقيت طقم السفينه بيقول احنى مقدمناش حل غير اننا ننزل عالجزيره دي... لحد ما المهندس بقى يتصرف ويصلحها.. وانا قاعد اكلم نفسي واقول... طب! اقول لهم ايه دول... ولاقيتهم نزلو مركبين وركبنا ورحنا عند الجزيره.. وواحنا راكبين الكل قاعد يبص لي وبيقولولي.. ايه ياحمد مالك في ايه!.. قولتلهم مفيش حاجا.. واحنا داخلين عالجزيره... خلوني اوصفهالكم شويه..
هي جزيره عاديه ولكن مفيهاش شكل النباتات اللي بنشوفو فالافلام وكدا لا هي عاديه مفهاش نباتات كتير... كلها رمل وصخور وخلاص الجزيره ميته يعني بالبلدي... لشجر ولا ولا حيوانات ولا اي حاجا فيها الشط بتاع الجزيره كبير ورمله وصخور وبس.
قعدنا احنا الكل عالرمله وبدأت ارد على اسألتهم وكل واحد يسألني ارد عليه.. اللي يقولي مالك ياحمد وكدا... وبدأت احكيلهم عالمذكرات واللي انا قرأته فيها.. وفاللحظه دي المهندس جه وقال العطل اللي موجود ده سهل وهيتحل بإذن **** وكل حاجا بس هيعوز وقت فأعملو حسابكم انكم بايتين الليله دي فالجزيره.. فالوقت ده كنا تقريباً العصرعلى ما اتذكر.. وواحد من الموجودين قال..... هو انتو مش واخدين بالكو ان احنا بالنهار؟.. زي ما يكون كنا مغيبين كلنا واحنا فنفس واحد قولنا... ايه ده..!... وبدأنا نبص لبعض واللي زي ما يكون محدش مننا عايز يفسر اللي احنا فيه ده فسكتنا كلنا... وانا كمان ساكت هقول ايه.. منا مستغرب انا كمان... يعني القعده هنا شكلها هتطول باين عليها... وبعد كدا كل واحد مننا خد بقى اللي كان معاه حاجا كان جايبها فردها ونام عليها وكلنا نمنا عالشط....... لكني صحيت على صوت حاجا قلقتني.. معرفش زي ما يكون حد بيهمس او حاجا بتمشي مش عارف المهم انها قلقتني.. فرحت مفتح 👁 عيني وعمال ابص يمين وشمال ومفيش حاجا لافته للنظر بصراحه ملمحتش حاجا مريبه يعني.. آخر حاجا وانا ببص بصيت عالبحر على فكره ومن المنظر اللي انا شوفته انا اتهبلت.... لاقيت عم جلال طالع من الميه.. وجاي ناحيتي وجاي بنفس المنظر اللي مات بيه... رقبتو مكسوره وراجعه لورا... انا فاللحظه دي قومت من مكاني وقولت للي معايا اصحو اصحو عم جلال صحي اصحو يا جدعان... ولا حد فيهم رد عليا وكلهم نايمين زي ما يكون ماتو... وببص بعيني عالسفينه لاقيت حوالايها ضباب اسود 🌫 على ما زعقت واصحو وفجأه مفيش لعم جلال ولاااااااا اي حاجا... كل حاجا رجعت زي ماكانت.. لكن اللي كان مش طبيعي اني ببص عالرمله اللي انا واقف عليها وزي ما يكون حاجا بتتحرك تحتها.. ولسا برفع رجلي من عالرمله وببص تحتي.. لاقيت حاجا لونها اسود.. حاجا كدا عامله زي الميه بس لونها اسود ولزجه خالص.. فقولت فنفسي.. ده زيت ده ولا ايه.. ملحقتش افكر لان لاقيت لون احمر طلع من اللون الاسود وعرفت ان ده ددممْ.. فببص ناحيت الناس اللي نايمين لاقيت الدم حولينهم ومالي المكان.. انا من الفزع نطيت من مكاني وجريت جوه الجزيره ووانا بجري لاحظت زي ما يكون كهف كدا فرحت داخل فيه معرفش ليه دخل بس كان عندي فضول ادخل فيه.. ووانا ماشي جوه الكهف الجو برد اوي وضلمه عالآخر وعمال افكر طب ايه الدم ده والناس اللي بره دول حصلهم ايه.. هسيبهم كدا.. طب هروح ازاي دلوقتي... ووانا بفكر مره واحده سمعت ضحكه.. والضحكه دي انا عارفها كويس اوي... قولت يانهار اسود دي الست اللي عالسفينه.. صوتها كان جاي من ورايا... وسكتت.. انا واقف مرعوب وخايف اتلفت ورايا ومش عارف ايه اللي هشوفو.. فبصيت بالراحه ورايا لاقيت كل اللي ماتو.. وهنا مش اللي كانو عالسفينه عم جلال وعادل وعبداللله والخمسه اللي كانو بيظهرولي! لا دا كل اللي كانو غرقو فالرحله دي كانو قدامي.. ومره واحده لاقيتهم وطو عالأرض زي الحيوانات وكلهم رقبتهم مكسوره لورا وزي ما يكون جات لهم اشاره انهم كلهم يوطو فالارض.. وبدأو يزحفو نحيتي.. انا من المنظر طلعت اجري زي المجنون اجري واجري وولا ببص ورايا ولا عارف انا رايح فين ووصلت للشط اللي كان مفروض فيه نافوره ددمم تقريباً..
والصدمه اني ملقتش ولا واحد من الصيادين اللي كانو معايا والرمل رجعت زي ما كانت بالظبط وببص ناحيه البحر لاقيت مركب من اللي كانت مركونه اللي جينا بيهم عالجزيره رايحه ناحيه السفينه.. وفيها كل اللي كانو معايا.. انا ضحكت من الخوف وقولت ههه خلاص سابوني.. مدرتش بنفسي غير وانا بجري زي المجنون فالبحر وانادي عليهم واحد واحد.. ولااااااااااا في واحد فيهم رد عليا.. بدأت ايأس واقول لنفسي.. خلاص انت مصيرك هنا انت اتحبست هنا.. ووانا فالميه بعد ما تقريبا كانت غطت نص جسمي.. رجعت تاني للشط بتاع الجزيره لاني مش قدامي غير كدا.. لكن لما رجعت لمحت حد قاعد فببص عليه من ضهرو كدا معرفوش من لبسو ولا شكلو ولا شعرو الطويل الابيض مألوف ليا خالص.. انا تلقائيّ رحت قايل له.. الحقني ياعم.. والراجل قاعد ولا اكني بكلمه.. لحد ما قربت منه وياريتني ما جيت ناحيته.. لما قريت منه كان راجل عجوز شكلو مألوف شكلو واحد من اللي اختفو المره اللي فاتت فالرحله الاولى.. بس هو شكلو مش طبيعي.. واللي رعبني ان كان ماسك في ايدو حاجا زي سكينه وعمال يدق بيها.. زي ما يكون بيقطع بيها سمك.. لكن مكنش سمك الراجل كان بيسلخ جسه بني ٱدم.. انا فاللحظه دي عايز اصرخ مش عارف.. لكن صرخت.. وشافني وراح رامي السكينه اللي فأيدو وزق الجسه برجلو.. وقام وقف وجاي نحيتي.. انا مره واحده لاقيت نفسي مش عارف اتحرك ولا اتنفس.. وهو جاي بالراحه ناحيتي.. لكن مره واحده بسرعه نط من مكانو عندي.. وجه وقف قدامي وكانت عيني فعينو وهو وقعني فالارض وبيبص لي اوي.. انا كل اللي جه على بالي فاللحظه دي اني استعيذ ب**** وفضلت اقول ****.. وزي ما يكون الكلمات اللي انا قولتها سحرت الراجل وراح قايم من عليا وبدا يزحف عالرمله لحد ما وصل لصخره كبيره وبدا يخبط راسو فيها مره واتنين وتلاته واربعه زي المجنون والدم بدأ ينفجر من راسو وهو بردو ما بطلش خبط فالحجر.. لحد ما مات.. فاللحظه دي سمعت حد بيقول..انت هتقضيها نوم هنا ولا ايه عجبتك النومه.!
اكتشفت ان ده كلو كنت بحلم وقومت من مكاني مفزوع وبصيت عالمكان قدامي لاقيت.. السفينه موجوده ولسا منظرها ولسا الناس اللي بيحملو على المركب وماشيين عادي ولا اكن في حاجا حصلت وببص عالرمل لاقيت كل حاجا عادي.. سألت القبطان مصطفى وقولت له..
أنا: انتو صحيتو امته.؟ ومصحتنيش ليه اللاه وبعدين مش المهندس قال اننا هنبات هنا للصبح؟«القبطان وانا بتكلم كان مستغرب اصلا من كلامي وقال..»
القبطان: ياحمد انت ايه اللي بتقولو ده.. المهندس من ضمن الناس اللي ماتت.
انا: لا انت مقولتش ان المهندس مات.. وهو لو مات طب احنى هنا ليه.. مش احناجينا هنا لان السفينه عطلت ومبتتحركش وهو قال انو هيصلحها..
القبطان: ايه اللي انت بتخرفو ده؟ احنى هنا علشان السمك اللي حولين الجزيره دي كتير واحنا جينا هنا ناخد السمك ونستكشف الجزيره ونرتاح هنا شويه ده كل اللي حصل.. مش هتبطل بقى التخلف اللي بتعملو ده من اول ما طلعنا من الميناء.
انا: اش حال انتو شايفين اللي انا بشوفو.
القبطان: هههه شايفين هههه شايفين ايه ايه اللي انت بتشوفو احكيلنا انت بقى عليه.
انا: انا فسري.... نهار اسود ومنيل.
رحت سايبه وركبت المركب اللي رايحه عالسفينه.. ونزلت علكبينه بتاعتي اللي كنت سايب فيها المذكرات بتاعه البنت سلمى دي.. وفتحت اقلب فالورق لاني مكنتش قريتها كلها.. ورحت عند الورق رقم 6 لاقيتها كاتبه فوق حاجات غريبه... خلوني اذكر لكم اللي هي كاتباه....
1:في ناس بيختفو من السفينه ومش مفهوم ايه السبب.
2:في جزيره مش مسكونه وبلاش تروحوها انا قولت قبل كدا.. الجزيره دي مش مسكونه بالبني آدمين.. بتهيألي مسكونه بحاجات تانيه واحنى مبنشوفهاش.
3:السمك فالجزيره دي موجود بكميات كبيره ورهيبه عمرنا ما شوفنا زيها.
4:القبطان مصمم يرجع بكل كميه السمك اللي جابها وضرب نار فالجو وقال.. اللي مش موافق اننا نحمل كل السمك ده عالسفينه ويقول انها هتغرق هنسيبو هنا فالجزيره اهو عالاقل يخفف الوزن شويه.
5:انهارده اتقتل 3 من الصيادين اللي عارضو القبطان واترمو فالبحر.
6:قتلها ابن الكلبَ قتل امي بس مش هسيبه و**** ما هسيبه هقتله.
انا قاعد بفكر بعد ما قرأت الكلام بتاع سلمى دا قبطان الرحله الاولى كان....... احا دا ابويا... ابويا مش كدا ابويا مممممش قتال قتله ولا حاجا... ووانا بفكر باب الكبينه بتاعي خبط فرحت علشان افتح الباب ولسا بطلع عالسلم لاقيت كمال واقف وماسك البنت دي سلمى... ايوه هي بس مكنتش ميته... ولاقيت ابويا موجود... انا قولت ايه ده! زي ما يكون انا برجع بالزمن والمشهد اللي قدامي اللي حصل معاهم.... طب ازاي ده... وفجأه كمال اتكلم وقال لأبويا.. ارجوك مش انا اللي هقتلها بلاش انا اللي اموتها ارجوك... انا ببص على ابويا واكنو مش ابويا ابويا بشكل تاني.. ابويا بشكل مرعب.. وفجأه ابويا اتكلم وقال هتموتها دلوقتي يا كمال وإذا مموتهاش انت عارف هيحصلك ايه.. تحب تكون رقم من الارقام.. انا فضلت اقول فسري رقم ايه وارقام ايه.. ومره واحده ببص على كمال لاقيته مسك سلمى وقتلها بنفس الطريقه اللي مات بيها عم جلال.. كسر رقبتها.. ولاقيت ابويا بيشاورله فوق على عمود خشب كدا.. انا بمد عيني لفوق لاقيت كل الجسس متعلقه فيه... انا كل اللي عمال اقوله ينهار اسود ومنيل.. ابويا ابويا طب انا هروح له ازاي ده ولا هتعامل معاه ازاي ده.. وليه ليه... انا رحت داخل الكبينه بالراحه وقفلت عليا الباب لان انا عارف ان اللي بشوفه ده وهم ياما حاجا زي ما بيقولو مكشوف عني الحجاَب وبشوف حاجات قديمه او حصلت ولا انا اتجننت ولا ايه... رحت فاتح المذكره تاني وفضلت اقلقب واقلب لحد ما عيني وقعت على ملاحظه كدا معمول عليها سهم ومكتوبه جوه مربع فالورقه..«مترحش اوضه التلج» رحت قافل المذكره ورايح اوضه التلج.. وقفلت الباب عليا.. انا مش عارف انا عملت اللي هتسمعوه ده دلوقتي ازاي انا كنت حاسس اني ملبوس ساعتها... بدات احفر جوه التلج فالصناديق واشوف ايه جوه التلج لاني عارف اني هلاقي حاجا.. دوت فالصناديق لاقيت جسه والتانيه والتالته والرابعه والخامسه.. عم جلال والمهندس اللي قالولي مات ومعرفش مات امته وجسه الست وجسه الولد اللي كان بينضف السفينه وجسه الصياد اللي كان بيحرس الباب وانا محبوس... انا قولت فنفسي دي مقبره دي ولا ايه.. كلهم متجمعين ومحطوطين جوه التلج.. والغريب فالموضوع منظرهم كلهم عينيهم واسعه ومفتوعه عالآخر وبقهم مفتوحه عالاخر انا عارف ان اللي شافوه وهم بيموتو مكنش سهل ابدا.. رحت طالع من الاوضه وقفلت عليهم....................... انا بطلت احكي للناس اللي معايا حاجا لاني عارف لو حكيت طبعا هييجو يدورو مش هيلاقو حاجا لاني عارف ان العفاريت بتحاول توصلي معلومه او حاجا انا بس دون عن حد تاني..... وعدا اليوم واحنا ماشيين فالسفينه ورجعنا الانفوشي عادي.. وعرفت اننا بقالنا شهرين فالبحر مع ان انا اقسم ب**** تقريباً كان يومين او تلاته بس اللي قعدناهم فالبحر ورجعنا..محطتش فبالي اوي ورحت مروح البيت وقابلت ابويا وجوايا اسأله كتير ملهاش اجابه لكن انا عارف ان حل اللغز كله عنده.. اه بالحق وانا ببعد عن المكان ومروح ببص للقبطان والصيادين فكروني بمشهد انا فاكره كويس اوي... مشهد سفينه الصيد الاولانيه لما رجعت.. الكل اخرس ومبينطقش ومبيتكلموش ونزلو الحموله من على السفينه.... ببص بقى لاقيت ماهر شيخ الصيادين لو تفتكروه.. لاقيته واقف بيبص وعينيه بتلمع من الفرحه.. انا قولت طبعاً ما الحموله فيها كميه سمك
لعمري شوفته ولا هشوفه.. سمك بكميات مش طبيعيه.. وقولت هممم هوده السبب اللي خلاه يبعت سفينتين ورا بعض بقى واللي يموت يتحرق مش فدماغو اهم حاجا عنده كميه السمك.... انا مستنتش كتير ولا عايز اعرف ايه اللي هيحصل ورحت داخل العشه بتاعتنا وملاقتش حد من اهلى موجود فالعشه اللي على البحر رحت طالع من العشه وقابلت كام صياد كانو جنبي قولتلهم ابويا فين كان هنا من شويه راح فين؟... قالولي تلاقيه روح.. وواحد منهم قالي ابوك.. ابوك مجاش انهارده خالص على فكره... فضلت اقول وبعدين بقى.. وفعلا سبت الصيادين ورحت البيت خبطت عالباب مره واتنين محدش فتح.. فحاولت افتح اكره الباب وفتح.. دخلت لاقيت بابا قاعد على الكرسي بمنظر انا فاكره اوي وشوفته قبل كدا.. ابويا كان شبه منظر عم جلال **** يرحمه... ابويا مات ايوه مات بعد ما كان السبب في موت كل الناس دي ومين اللي موته.. «امي» لاقيتها واقفه زي المتخدره انا مشوفتهاش بالأمانه وهي بتموته لكن واقفه بتبصله وبتبص لي وبتضحك.. ضحكه مش غريبه عني... رحت قايل لها...أنا: انتي عملتي ايييييييييه.؟ ليه؟
امي: هو اخد جزآئه وكلو هياخد جزائه محدش هيعدي منها بسهوله ولا انت.
انا: انا عارف انو هو السبب فموت الناس كنتي سيبيني افهم منه مش احنى اللي نموت انتي عارفه اللي موتيه ده يبقى جوزك وابويا..!«انا زي ما يكون كنت بكلم فنفسي دي مش امي اللي انا اعرفها».
أمي: انا لو مكانك هخاف على نفسي وهروح ادور على حاجا تنقذني منها.
أنا: هي مين دي هي مين.؟
امي: لا هي ايه ههههه الجزيره حاول تفلت منها.
أنا: جزيره ايه منا موجود اهو معاكي.!
وامي لاقيتها بطلت تتكلم خالص وانا لعارف اقرب منها ولا حتى ابعد عنها..امي كسرت رقبه ابويا وموتتو.. دنا حتى مش عارف هل هيدي امي ولا مين.. ومره واحده لاقيت امي صرخت ووقعت فالأرض وفقدت الوعي.. بس انا عارف امي صرخت ليه.. امي صرخت لما فاقت وشافت ابويا قدامها.. انا قولت قبل كدا ان في حاجا غريبه والموضوع غريب........ وحصل بعد كدا بقى مأقلكوش... اجرآت و اسعاف وشرطه ودفن وجنازه وامي فالمستشفه وعليها حراسه.. فسألت وقالولي عندها صدمه عصبيه ومبتتكلمش لكنها هتتحط تحت المراقبه لأنها قتلت..عدى عليا فتره صغيره وسبت البيت ومش عارف اعمل ايه.. كل اللي جه فبالي اني اكلم كريم صاحبي... كريم ده كان معايا فالمدرسه ايام الثانويه وانا مكملتش صراحه وهو دخل كليه آثار.. اتصلت بيه وقولت له..
أنا: الو ازيك يا كريم.
كريم: اهلا ازيك ياحمد عامل ايه ليك وحشه و****.
انا: **** يخليك يا كريم انا بخير الحمد ***.
كريم: وايه اخباركو عاملين ايه والدنيا اخبارها ايه معاكو فالصيد.
انا: الللللل.
كريم: مالك ياحمد في ايه صوتك مالو كدا؟
انا: كريم انا هحكيلك على حاجات مش هحكيلك علشان تفسرلي لا انا هتجنن لو عندك راي فيدني فيه ارجوك.
كريم: ايه يابني مالك في ايه اهدى بس واستهدى ب**** واحكيلي حصل ايه.
فضلت احكي لكريم كل حاجا حصلتلي من اول ما طلعت السفينه لحد موت ابويا فالموبايل وكريم سامع ومنتبه جدا وبعد ما خلصت كلامي لاقيتته بيقولي..
كريم: ياحمد اللي انت بتحكيه ده ميجيش حاجا فاللي بيمر علينا من وقت ما دخلنا الكليه وقرأنا فلعنه الفراعنه الجِن والشياطين والسحر اصل السحر ده ياحمد موجود من زماااااان اوي... بص ياحمد انا مش عارف هقدر افيدك ولا لا تحب نروح لشيخ يعني ولا...
انا: لا انا مش عايز اروح لحد.
كريم: خلاص يابني متتنرفزش كدا طب انت عايز ايه.؟
انا: ممكن اقعد معاك فالبيت عندك شويه انا مش عايز ارجع بيتنا ده خالص.
وفعلا رحت لكريم البيت....
ودخلنا وقعدنا شويه وسلمت عليه وكلو تمام وقولتله..
أنا: كريم انا معنتش عايز ارجع بيتنا ده تاني بجد ممكن اقعد معاك الفتره دي لحد ما افكر هبيع البيت ولا اشوف سكن تاني بعيد عنه.
كريم: لا لا انت تقعد لوحدك انا هسيبلك الشقه تقعد فيها لوحدك زي منتا عايز انا هسافر.
انا: مسافر رايح فين.؟
كريم: لا دنا هسافر القاهره وهرجع تاني هنا اسكندريه عند اختي يعني هبقى قريب منك.
انا: يعني هتسيبني..
كريم: لا لما ارجع اسكندريه هبقى اكلمك ونتقابل.
كريم: طيب! نجيب شيخ ولا...
انا: نجيب شيخ يقرأ على مين عليا انا ولا هيقرا عالميتين ولا يقرا على امي اللي هتتعدم هي كمان.. ولا هيقرا عالسفينه ولا ولا...
كريم: بص انت عندك الكمبيوتر بتاعي جوه ادخل كدا بقى قلب فالنت يمكن تلاقي حل.. ساعات كدا النت بيكون عليه حاجات غريبه وحاجات مريبه وما وراء الطبيعه وكدا.. ممكن وصدقني ممكن تلاقي حل.
ومشي كريم وسابني فالبيت وهو سافر وانا دخلت على الكومبيوتر وفتحت جوجل وبدأت ادور ومش عارف حتى ادور ولا اكتب ايه.. شويه كنت بكتب سفن بتختفي وكل ما كنت بكتب سفن بتختفي يطلعلي مثلث برمودا... فضلت اكتب حاجات وادور وادور لحد ما كتبت فالسيرش...«جزيره غريبه 🏝» وطلع لي فيلم الجزيره بتاع احمد السقا كتبت اسكندريه طلعلي حاجات كتير... ورحت كاتب «جزيره فالأسكندريه يتوقف عندها الزمن» طلعلي زي رابط كدا دخلت عليه وبدأت اقرأ اللي فالموقع...
كاتب المقال بيقول..
«في اسطوره مشهوره بين الصيادين في الاسكندريه بتقول ان زمان ايام ما كانت مصر دوله رومانيه تحت حكم الرومان وده قبل الميلاد كان منتشر نوع من السحر سحر قوي جداً وخصوصاً كان موجود فالأسكندريه بما انها كانت اقرب مكان لروما
والبطالمه كان وقتها موجودين كتير اوي في الاسكندرية وكان معروف ان عندهم زي رجال ديِن او زي ما بنسميهم كهنه وكانو بيأمنو بآلهه ملهاش وجود» ووسط الموقع وانا بقرأ كان مكتوب كلمتين صغيرين..(جزيره السحره) فبجرب اضغط بالماوس عالكلمه لاقيتها بتفتح لي صفحه تانيه.. وفتحت لي صوره لنفس الجزيره اللي انا شوفتها فرحت عامل زووم عالصوره اكتر والصدمه اني شوفت الكهف اللي كنت دخلته وانا عالجزيره.. واللي لفت نظري ان كان مكتوب تحت الصوره كلام زي ما تكون حدوته.. خلوني أقرأ لكم الكلام...«زمان كان في صياد روماني كان بيصتاد من البحر بالمركب بتاعه ومنعرفش دي قصه حقيقيه من عدمها لكننا نكتبها زي ما نشرت وزي ما الناس تداولتها المهم.. الصياد ده لاقى الجزيره في حين ان الناس كانت بتيجي المكان ده ومبتشوفهاش نزل الصياد على الجزيره ولاقى حاجات عليها عمرو ما شافها لاقى انواع سمك كتيرو وغريبه ونادره ورجع بكميه سمك كبيره اوي فوق الخيال وبدء يحكي للناس بتوع المدينه بتاعته.. ولما الاخبار وصلت لرجال الديِن بتوع الرومان اللي اساسا كانو عباد اوثان وعندهم قوه جباره فالسحر والقوه السفليه.. لما سمعو الكلام ده قالو ان دي مش جزيره عاديه ولازم نروح هناك.. وبدءوا يدورو ويعرفو سر الجزيره دي... وكان مكتوب فالموضوع كمان ان سر الجزيره دي كان مكتوب فكتاب مع خريطه وكمان في رسمه للجزيره وللكهف وحتى الأن هذا الكتاب مفقود ولم يعثر عليه«ان رجال الديِن اللذين هبطو على الجزيره يؤمنون كل الإيمان ان تلك الجزيره هي انسب مكان لممارسه اسود وابشع انواع السحر والذي يعرف الأن بأسم السحر الأسود.. آنذاك كان يسمى بسحر الملكوت».
انا مندهش من اللي بقراه وفضلت اقرأ واقرا وفعلا زي ما يكون انا بدأت امسك الخبط اللي هيفسرلي كل حاجا.. ووانا بقرا الموضوع فجأه النور قطع.. ومبقتش شايف حاجا قدامي خالص.. لكن شوفت لان في حاجا خارج منها نور ضعيف وخارخ من الصاله..وباب الحمام راح مفتوع ولاقيت النور ده دخل جوه واتقفل الباب.. انا خايف اقوم من عالكرسي اساسا وبدات اسمع رزع فالشبابيك والابواب اللي حواليا.. دا غير ان باب الشقه عليه خبط شديد اوي انا ارتعبت ساعتها.. انا فضلت اقول يعني مش هعرف اطلع من الشقه لان في حد بره وشكلو مش بني آدم عمال اتحرك فالصاله وخايف اقرب من الحمام لان الحاجا المنوره دي جوه.... حاولت اقرب شويه من الباب وقربت ودني عايز اسمع حاجا تقولي ان ده بني آدم مش عفريت ومره واحده سمعت صوت حد بيصوت عامل زي زئير الأسد بس بصوت العن منو رحت باعد عن الباب وجريت ناحيه الاوضه رحت داخل ولاقيت في حد قاعد عالكرسي قدام الكمبيوتر حد زي ما يكون جلد وشو مسلوخ وشو كلو كان عباره عن ددم ونور الكمبيوتر هو اللي منور وشو والبيت كلو مفهوش نور.. لكن اللابتوب كان شغال ونورو جاي على وش البني ٱدم ده راح.. قايم من على الكرسي وراح جاي زاحف على الارض.. انا رجعت لورا ناحيه الصاله وببص فوق ناحيه النجفه لاقيت في واحد متعلق فالسقف... ووسط كل اللي بيحصل ده كنت شامم ريحه زفاره سمك
... لاقيت فالصاله كمان واحد لابس لبس صياديين وحاطت قدامه سمك كتيير وعمال يقطع السمك بضورافره.. وجه فدماغي اني لازم افتح الباب واللي يطلع يطلع المهم اجري من الشقه.. ورحت فاتح الباب ملقتش حد وجريت على السلم لحد ما وقفت على باب العماره تحت.. كل اللي عملته اني طلعت موبايلي وفتحته ورنيت على كريم....أنا: انت سفرت اتنيلت رحت مصر ولا لسه..
كريم: لا لا انا موجود مالك يابني في ايه...
انا: تعالى حالا الشقه فيها حاجات مش طبيعيه تعالى حالا..
كريم: اقفل انا جاي.......
وفضلت مستنيه تحت لحد ما جه وجه كريم واخدتو وطلعنا الشقه وفتحنا الباب ملاقيناش الراجل المشنوق لكن الحبل اللي كان مشنوق فيه موجود.. والراجل اللي كان بيقطع فالسمك مش موجود.. لكن ريحه الزفاره ماليه البيت.. وببص لكريم لاقيته متخشب فمكانه وبيقولي...
كريم: انت نيلت ايه هببت ايه.
انا: انا معملتش حاجا انا دخلت على النت زي ما سيادتك قولت ولاقيت مكتوب جزيره السحره وووومش عارف ايه اللي حصل انا كنت بقراء يعني وووو....... لسا بتكلم وفاللحظه دي النور جه.
كريم: انا مش هسيب بيتي انا هشوف شيخ ولا هنشوف هنعمل ايه... ممكن انت بقى تروح لو عايز تروح...
أنا: انت بتطردني يعني.. مش انت اللي بتقولي لفيت وعارف الحاجات دي.. دلوقتي بتطردني.
كريم: انا اسف.
وقعدت في اوضه كريم ولعنا النور وفضلنا سهرانين نبص لبعض ومبنتكلمش وانا عمال افكر.... طب ايه يعني الهدف من كل اللي بيحصل ده ايه.. اللي ماتو ماتو ليه.. امي وابويا واللي شفتو ده بشوفو ليه.. في حلقه مفقوده مش عارف اوصل لها لحد دلوقتي.......ووانا بفكر جمعت كدا وافتكرت الريس ماهر جه على بالي فجأه هااااا هو مفيش غيرو.. ماهر بيه شيخ الصيادين هو مفيش حل غيره هو اللي عندو الحل.. ووأنا بقول عم ماهر شيخ الصيادين نطقت.. بصوت عالي.. فكريم قال لي ايه؟.. قولتلو انا لازم امشي حالاً هكلمك لما ارجع انا ماشي.... ومشيت......... رحت عندو وسألت عليه قالولي هو هناك قاعد عالقهوه.. رحتلو وبصيت عليه لاقيتو شايل شنطه و مبسوط ومبتسم ابتسامه غريبه.. وقفت قدامه وقولتلو....
أنا: انا عارف انك عارف حاجا دا اذا مكنتش تعرف كل حاجا.. الناس اللي ماتت دي مماتتش غرقانه واللي انا بشوفه ده اكيد انت عارف عنو حاجا.. انت بعتني هناك وكنت مصر اني اروح وانت بعتت الناس برضو هناك.. عم ماهر ارجوك متنكرش ابوس ايدك متنكرش انا حياتي فخطر وصدقني انا ممكن اقتل عشان انقذ نفسي.. اللي قتلو مش احسن مني..
الريس ماهر: ههههههههههه بص يا شاطر انت هتموت هتموت.
انا: ايه؟
الريس ماهر: انت هتموت... انت العاشر هههههه الجزيره يا حبيبي بتختار كل سنه 10 عشره وانا علشان افضل موجود.. انا المسؤول عن العشره دول.. انا معرفش انت رجعت ليه بس ريح نفسك.. انا هرجعك تاني... شايف الكتاب ده (وطلع من الشنطه كتاب)
أنا: يا خبر اسود دا هو هو ده الكتاب بتاع الجزيره اللي قريت عنو فالنت.
ماهر: شااااطر هو ده الكتاب بتاع الجزيره....... الكتاب ده من ايام السحره بتوع الرومان الكتاب ده والسحر اللي فيه كان قبل المسيحيه وقبل حاجات كتييييير اوي... السحره دول مكانوش سحره اصلا دول كانو رجال ديِن وكانو بيعبدو آلهه قبل الميلاد... ولا متعرفش.. بس السحر موجود من زماااااااااااان... الكتاب ده لاقيتو فالمسرح الروماني وانا بلعب زمان.. كنت *** لسا عندي 12 سنه.. معرفش انا بقى الكلام ده من 100 من 200من 300 سنه.............
أنا: انت بتقول ايه؟
ماهر: اه منا بعيش انا مبمتش....... وقابلت صاحبي بالصدفه لما كان الكتاب ده معايا وكان عالم آثار كبير.. قولتلو الكتاب ده ايه... خدو وترجمو وقالي متقلقش انا هعرفلك الكتاب ده ايه.. وجه قالي على كل الاسرار اللي فيه... بس انا طبعاً قتلته ههههههه... اومال اسيب الاسرار دي تطلع ولا ايه.. او واحد غبي زي حالاتك يحاول يدور.. محدش هيعيش غيري ومحدش هيستلم الكتاب غيري.. اصل لو حد استلمو انا هموت ههههه... انا مش عارف انا بحكيلك ليه.. بس عجبتني.. انت الوحيد اللي رحت وجيت كدا.. وانا هستمتع اوي وانا ببعتك فرحله لوحدك.. كل سنه كدا لازم 10 نضحى بيهم.. زي العيد كدا كل سنه وانت طيب هههههه.. بس مقدرش انا اللي اقتلهم.. حكيت لأبوك محمود ولمصطفى القبطان بحكي للي انا عايزه وبخليهم يقتلو ناس ويجولي ههههههه فأقوم قاتلهم.. عارف بقى انت رجعت ليه!.. قال ايه مصطفى بيقولي انو مش قادر يكمل وجه عندك وبيقول العفريت بتاعه الميتين عماله تطلعلو.. هههههه كلام خايب سيبك من الكلام ده.. يلا بقى يا شاطر عايز ارجعك هناك.
أنا: طيب انا موافق بس انا مفهمتش كل حاجا البوصله والساعه اللي مبتتحركش ده ايه؟
ماهر: يابني انت مخدتش بالك من اللي انا بقوله.. الجزيره دي من ايام زمان ومحدش عارفها واللي اكتشفها صياد قديم.. وسحره الرومان متفهمش بقى راحو وقعدو فيها ونشرو السحر حولين الجزيره وعملو تعزيمه للجزيره ومليانه سحر من زمان متفهمش ايه اللي حصل.. السحر قضى على كل حاجا كانت عايشه فالجزيره دي.. جاي بقى تستغرب ان البوصله والساعه اللي وقفت والحاجات التافهه دي.. يابني اللي قبلك شافو حاجات اوسخ من دي بكتير اللي انت مريت بيه ده حاجات بسيطه اللي فالكتاب بيتقال ان اللي فالجزيره دي مش تبعنا اللي فالجزيره دي والعياذ ب**** شياطين..
ماهر: حماده انا ميهمنيش دلوقتي اننا هنعمل حموله تانيه وتطلع معاهم للجزيره.
انا: ياسلام و**** عادي كدا صح ارمي نفسي للتهلكه عادي كدا ههه.
ماهر: مهو اصل انت لو مرحتش بأرادتك هتروح غصب عنك.. تمام.
انا: انا مش هروح غصب عني....
ماهر: لالالا هتروح غصب عنك ههه انت متعرفش لو رفضت هيحصلك ايه.. هم بيطلعولك انا عارف ولو مرحتش هيطلعولك اكتر واكتر وهتموت نفسك.. فبدل ما تموت نفسك من الخوف والحاله النفسيه اللي انت هتبقى فيها.. روح موت هناك.. وعلى فكره هم ممكن ياخدوك ويودوك هناك.
انا: انا مش هروح هناك وانا هبلغ فيك.
ماهر: ههههههههه هتبلغ فيا هتقول ايه معاه كتاب ههههههههه بلغ ومتنساش احنا معادنا النهارده بالليل هااا بالليل... يا تيجي وهبعتك.. يا هم بقى هييجو ياخدوك.. يلا بقى امشي من هنا عشان عايز اشرب الشاي قوم روح من هنا.
ورحت ماشي.. مشيت فالشوارع وانا مش عارف هعمل ايه عمال اقول طب ابلغ فيه.. طب هبلغ فيه هقول ايه؟.. اقول لهم معاه كتاب.. اكيد هيقولو مجنون.. فضلت ماشي فالشوارع ماشي شارع يجيبني وشارع يوديني.. لحد ما رحت عند البحر.. الجو كان ضلمه وفي نور فالسما بسيييط اوي يدوب منور الشط.. فببص عالشط قريب من البحر لاقيت 4 اربعه واقفين ولابسين حاجا زي العبايات ومغطيين راسهم زي ما بنشوف فالأفلام كدا زي الكهنه زمان اللي كانو بيلبسو العبايه اللي بظونت دي.. كل واحد فيهم معاه كتاب.. وواحد منهم بدأ يرفع راسو وأيدو للسما ويتكلم كلام انا مش فاهمه.. وبدأت ارجع واحده واحده لور عشان مش عايز اشوف اكتر من اللي انا شوفته.. خصوصا ان اللي قدامي ده مش حلم لا دول ومجودين قدامي اهم.. لكني ووانا برجع دست على جسه... جسه قدامي فالارض ورحت صارخ بالصوت اااااااااااا.. وكل حاجا ساكته حوليا وانا مش عارف اعمل ايه.. والاربعه بعد ما صرخت شافوني وبصو نحيتي وبدأو يغيرو وقفتهم ويقفو طبور .. وبدأو يقولو نفس الكلام اللي انا مش فاهم منو كلمه وييجو نحيتي.. انا وقعت فالأرض بعد ما دست عالجسه وبزحف عالأرض على ضهري ومش قادر اقوم اقف.. وهم جايين كلهم جايين نحيتي.. وماشيين بهدوء والتفو حوليا وزي ما يكون بيتشاورو هيعملو فيا ايه.. لكن اكتشفت انهم مش لوحدهم لان الارض جنبهم.....في حاجا بتتحرك تحت الرمل تحتهم.. وفجأه طلع حاجات احجامها زي القطط او هي فعلا قطط.. هي كٱئنات صغيره سوده فحجم القطط كدا بتطلع وبتمشي بهدوء نحيه الدايره اللي هم عاملينها حوليا.. انا رجلي مش قادره تشيلني لاني عمال ارتعش ولا قادر اقف.. كل اللي عملتو اني اتشاهدت وغمضت عيني.. وفتحت بعد ما اتشاهدت ولاقيت الكائنات اللي خرجت من تحت الارض جايه عليا والاربعه العفاريت دول ولا معرفش ايه بدأ كل 2 منهم ييجو فجنب اتنين يمين واتنين شمال وزي ما يكون بيستقبلوهم وهم جايين عليا.. وبدأ العفاريت دول يتحركو بهدوء عندي.. والأربعه وقفو زي التمثيل مبيتحركوش.. ومره واحده حسيت زي ما يكون في حاجا تحت رجلي.. فببص لاقيتها ايد... ايد خرجت من تحت الارض ومسكت في رجلي.. فاللحظه دي انا صرخت.. ومره واحده لاقيت ايد تانيه طلعت وبدأو يكتفوني فالارض.. كتفو رجلي عشان مش ازحف اكتر من كدا.. والكهنه الاربعه واقفين زي ماهم مش بيتحركوا.. والكائنات الصغيره دي لسا بيتحركو نحيتي.. لحد ما وصلو كلهم ليا.. فوقي وبدأو انا مش قادر اوصف لكم اللي كانو بيعملوه.. كانو مش بيقطعو فلحمي لا دا كانو بيحفرو فجسمي.. ليهم ضوافر كبيره وقويه جدا.. وبيغرزوها فجسمي اكتر واكتر.. وانا خلاش مبقتش قادر اتحرك.. فاللحظه دي لاحظت ان العفريت دول ولا الكهنه دول مش كانو موجودين.. لا دول مانو قاعدين.. قعدو فالارض وبدأت
نار تطلع من الارض قدامهم.. نار مش زي النار اللي احنا بنشوفها لا دي نار لونها احمر.. زي ما يكون فيها ددمم.. ولسبب معرفوش مره واحده واحد من العفريت دول قام وشاور بأيدو وكانت فعلا اشاره لان الكائنات الصغيره اللي كانت عليا بعدت عني.. في نفس الوقت وبدأو يحفرو فالأرض في نفس المكان اللي خرجو منو.. وبدأوا يسحبو حاجات من تحت الرمل.. انا ببص لاقيتهم بيسحبو جسس من تحت الارض وبدأوا.. يشدوها ويحطوها فالمكان اللي انا نايم ومتكتف فيه.. انا من كميه الرعب والوجع اللي فجسمي مش قادر اوصفهولكو.. فبصيت على الجسس لاقيت جسه عبد **** وجسه البنت وبعد كدا جسه ناس تانيه انا عارفها.. كل الجسس اللي ماتت بتطلع من تحت الرمل وبتيجي ناحيتي.. لكن الهدف انها مكانتش تيجي عندي.. الهدف انها تترمي فالنار.. وصلو بيها للنار وبدأو يحدفو فيها زي ما يكون بشووها شوي..بس الغريب فالموضوع.. ان الجسس كانت بتتلوى زي ما يكون حيه.. بتتحرك من الألم.. وانا مرعوب من المنظر..وفاللحظه دي بدأت حاجا تانيه تحصل.. بدأت احس اني بندفن فالرمل.. والراجل عمال يشاور وسط التلاته اللي معاه بيشاور ناحيتي وبحس اني بنغرز فالرمل اكتر واكتر.. بحاول اقاوم ومش عارف.. بدأت اقرا واتشاهد.. ورحت مغمى عليا.. ولما فوقت لاقيت نفسي فمكان تاني خالص غير اللي انا كنت فيه.. فتحت عيني لاقيتني عالبحر بس في نور زي نور الفجر كدا وببص لاقيت كريم واقف قدامي ومرعوب.. وبيقولي......كريم: يابني فوق بقى حرام عليك نشفت دمي يابني هو ايه يابني.
انا: انا مكنتش بحلم انا مكنتش بحلم.
كريم: ايه كميه الخربيش اللي فجسمك دي انت كنت فين...؟
انا: صدقتني انا قولتلك انا مكنتش بحلم والمصيبه ياكريم انهم مبيظهروش لحد غيري.. كريم انا لازم اموت الموضوع تقريبا انا اللي مطلوب تحديدا اني لازم اموت.. هو مش قا لنا كدا..!
كريم: بص انا مش عارف انا فضلت ادور عليك وجه فبالي انك ممكن تكون بتتمشى عالبحر وانا عارف المكان ده.. فجيت لاقيتك مرميي فالأرض وبترتعش وقولت اكيد انت كنت بتحلم بكبوس ولا اي حاجا.
انا: انت مش مصدقني لحد دلوقتي.
كريم: ازاي يا غبي انا مصدقك طبعا مصدقك انا مصدق كل اللي انت بتقوله. بس احكيلي......(وبدأت احكي لكريم عاللي حصل)
انا: انا يا كريم مبقتش عارف ايه الحلم وايه الحقيقه بس اللي اقدر اقولهولك اني فالحالتين انا بتعذب يا كريم.
أنا: كريم ارجوك اقتلني.
كريم: نعم؟
انا: اه انا مش عايز انتحر موتني.
كريم: اه انت متنتحرش وانا ابقى قتال قتله.. بص يا أحمد انا معنديش غير حل واحد.. احنى هنروح نبلغ القسم هنروح نبلغ طالما انت بتقول ان في جسس فالمنطقه دي وانت شوفتها يبقى لازم نخرجها..
انا: طب ولما هم هاييجو بقى هيلاقو الجسس؟. ما انت عارف انهم مش هيلاقو حاجا.
كريم: طيب بص تعالى انا عايز اسأل اهالي الميتين اسألهم شافو ايه او يعرفو ايه.
وفعلا رحت انا وكريم لبيوت اهالي الناس اللي ماتت والناس اللي فقدت بقى مؤخراً مش جسس بقى ولا في اي حاجا.. لاقينا كلهم بلا استثناء بيقولو..(جسس ايه يا جماعهاحنى استلمني الحسس ودفناها من يومها).. قولتلهم استلمتو ايه؟ احنا مسلمنلاكوش حاجا.. قالولنا لا استلمنا الجسس.. فقولت لكريم....
انا: بص يا كريم تعالى نروح السفينه وانا هطلعلك الجسس من الاوضه اللي فيها التلج.
كريم!: يا سلام وهي يغني هتتساب؟
انا: مهي المشكله مش ان هم يتسابو.. هم لما يبقى في حد موجود هم مبيبقوش موجودين.. انا لما اكون موجود بيظهروا.. انت مش قولتلي ان انت مصدقني.. ارجوك كمل معايا للأخر.
وفعلا رحنا السفينه ونزل كريم يدور فكبينه واتنين وسامعو من تحت..... بيقول انا مش شايف حاجا ولا سامع حاجا.. فقولتلو استنى ونزلت على المكان اللي بيتحفظ فيه السمك.. ودخلت قعدت احفر فالتلج الصغير المتكسر اللي موجود لحد ما لاقيت ايد.. والأيد كان في صباعها خاتم
وفيها تجاعيد.. يعني دي جسه الست الكبيره.. لسا هنطق وانادي على كريم ألا واسمع ضحكه مرعبه تاني.. وببص عالجسه لاقيتها قعدت قدامي عالتلج.. انا مش قادر اوصف لكو شكلها كان عامل ازاي.. جسه زرقه.. وانا متخشب مكاني..فقولتلها انا اتعودت خلاص منا بشوف العفريت والميتين يعني هي جت عليكي يعني.. وراحت صارخه فوشي.. فرحت طالع جري من الاوضه ورزعت الباب ورايا وقفلت عليها جوه وطلعت عشان ابلغ كريم واقولو تعالى شوف.. دا اذا اصلا هيلحق يشوف حاجا.. ما اكيد طبعا لما ينزل هتختفي.. فرحت طالع على السفينه فوق ولاقيت كريم واقف فغرفه التحكم بتاعه السفينه فوق.. فقولتلو.....انا: تعالى هوريك! تعالى لو انت مش مصدقني.
كريم: اااااناا ااانا نزلت تحت لاقيت جستي تحت
انا شوفتني ميت انا مقتول..!انا: انت مقتول...؟ يعني ايه اهدى يا كريم استهدى ب**** بس اهدى.
كريم: انا جسّتي تحت.. انت مش انت اللي بتفهم بقى ده معناه ايه يأحمد فهمني ده معناه ايه.
انا: انا لو فاهم حاجا انا كنت فهمتك.. ماهر قال لازم يكملو 10 يعني لازم.............
كريم: يعني اه لازم حد يموت مش لازم يكون انت.. يعني الجسه بتاعتي اللي تحت دي معناها انك لازم تموتني
وانت بقى قولتلي تعالى عشان انا اموت صح.. انت متفق معاهم.انا: يابني اهدى ايه الافلام اللي انت عمال تأفلمها دي اهدى.. انت مش فاكر اني قولتلك موتني..
كريم: اه انا فاكر لحد ما تجيبني هنا اه انا العاشر صح.. قول قول.
انا: طب تعالى ورايا وريني الجسه دي فين........
نزلنا وطبعا لا لاقينا جسه ولا جسه كريم ولا جسه اي حد الكباين فاضيه تماماً. لاقيت كريم بيقولي..
كريم: مش انت قولت انا بشوف حاجات ومبتظهرش... و**** كانت جستي هنا انا شوفتني ميت.. احاااااا.........ايه ده؟..... ايه الصوت ده.. مين اللي بيضحك ده.؟ احمد بقولك ايه انا هروح.. بقولك ايه انا لما سألتك فالموضوع ده مكنتش اعرف انك هتجرني للموضوع اكتر من كدا.. مش انت بتقول انا مش هموت.. سلام يا عم احمد انا هروح.(كريم طلع وسابني فناديت عليه)
انا: استناني بس استنى..
ومره واحده سمعت صرخه.. الصرخه اللي سمعتها من كريم من تحت طلعت اجري.. طلعت لاقيت كريم واقف ومفهوش حاجا.. بس انا عرفت كريم بيصرخ ليه.. السفينه اتحركت بينا.. السفينه كانت فعرض البحر.. كريم قالي يانهار اسود دا ايه اللي حركها دي.. رايحهبينا على فين.. انا ساكت ومبقتش عارف ارد اقولو ايه لأني عارف هي رايحه فين..(الجزيره). هووووووف..
حاولنا نسيطر عالسفينه ولا نعمل ايه حاجا.. والسفينه ماشيه لوحدها زي ما يكون هي عارفه طريقها وفي حد بيمشيها..
انا: طب كريم بص احنا هنروح الجزيره وان شاء **** مش هيحصل حاجا.
كريم: نروح ايه؟ جزيره ايه ياعم انا مش هنزل من هنا روح روح انت انا هفضل قاعد ولما توصل الجزيره بتاعتك دي ابقى موت هناك ولا لما ترجع ابقى بلغني.
ونزل كريم الكابينه فعلا تحت وانا فضلت ابص على البحر شويه وعمال اقول.. اكيد النهايه دلوقتي..اكيد النهايه قربت اوي.. بس نهايه مين.. رحت سايب سطح السفينه ونزلت عالجزيره لاقيت واحد قاعد على كرسي.. هو مش كرسي هو عامل زي عرش كبير زي الملوك.. ومنظر الراجل انا عارفه.. ده واحد من السحره الأربعه اللي كانو بيعملو الطقوس السحريه عليا.. الراجل ده قاعد في منتهى الهدوء ولا بيتحرك يمين ولا شمال.. وبدأت اشوف من جنب العرش الكبير بتاعه ده زي ما يكون آثار رجلين بتتحرك بس الأثار دي كانت ددمم.. وجايه ناحيتي.. عماله تتقدم ووقفت وبدأ الراجل ده يشاور لي اشارات انا مش فاهمها.. ويشاورلي على تحت عند الكابينه اللي فيها كريم.. انا قعدت اقول يعني ايه.. يعني اموتو وبصيت له وقولتلو تقصد ان انا اموته.. لو موته هعيش؟.. بدأت اسمع صوت معرفش هو بيتكلم ولا الصوت ده فعقلي ولا ايه.. الصوت بيقولي..«يبقى الروح الآخيره» وعليك ان تختار اما ان تكون انت او تكون انت من يحصدها..
وبصيت للساحر ده وقولتلو خلاص حاضر حاضر هموتو بس اعيش.. وطلعت السفينه تاني ونزلت الكبينه اللي فيها كريم.. ودورت عليه وخبطت الباب.. ولاقيت كريم فتح باب الاوضه ومخبي ايدو ورا ضهرو.. قولتلو.....انا: انت مخبي ايه ورا ضهرك يا كريم؟
كريم: مخبر السكينه دي
وسامحني ههههه ما انت قولتلي هناك ان انا اموتك وانا الساحر قالي اني اموتك انا كمان هههههه عشان انا اعيش.انا: ساحر مين؟
كريم: ساحر من اللي بيظهرولك.
انا: يعني ايه انت بتشوفهم..
كريم: ايوه بشوفهم.. زيي زيك بالظبط وواحد فينا.. يا انا يا انت واحد فينا هيعيش وهيكمل... اااه صحيح عايز اقولك حاجا شيخ الصيادين مات ههههه.
انا: مات؟
كريم: اه مات وانا هكمل مكانه سامحني ياحمد سامحني انها ملهاش غير حل تاني.. يعني انت اللي شوفتو كتير صح! انا هموتك..
انا: كريم انت مجنون انا عمري مافكرت.......
كريم: لا لا انت كنت نازل عشان تموتني احمد انت كنت نازل تموتني.
انا: نازل اموتك ايه انا ايدي فاضيه.. انت مش مصدقني ليه.
كريم: لا لا لا مهو يا انت تعيش يا انا اعيش يا انت العاشر يا انا العاشر عايز اقولك حاجا ابوك مات وامك هتتسجن او هتموت هي كمان ملكش حد بقى تاني.. وانت من وقت ما عرفتني الموضوع وقولتلي وانا بدات اقرأ ورحت دورت وسألت ودخلت السفينه من وراك وشوفت كل حاجا.. كمل بقى جميلك وسيبني اقتلك.
فاللحظه دي كريم هجم عليا.. وكان يا انا اموت يا هو يموت خلاص.. كانت هي دي المعركه بتاعه النهايه واكيد بما ان انا اللي بحكي لكم اكيد كريم هو اللي مات.. كريم فاللحظه اللي كان بيهاجمني فيها كان عامل زي المجانين معرفش ايه اللي حصل.. مش فاكر ايه اللي حصل.. انا زقيت كريم عني لاقيتو فالأرض والسكينه مغروزه في قلبو
مات كريم والسفينه رجعت لوحدها تاني للشط بتاعنا.. رجعت ومتكلمتش ولا كلمه ولا حد هيسأل عن كريم ههههه ومين كريم اللي هيسألو عنو هههههه كفايه قوي ان انا اللي عشت.. وفعلا شيخ الصيادين مات اتقتل وقالو اللي قتلو شاب صغير كدا في ناس شافوه كان بيجري رفيع كدا وشعرو ناعم.. انا عرفت انو كريم ههههه وطلع كان بيشتغل على تقيل اوي..بس انا كدا ههههه بقيت حاصد الارواح.. واخدت الكتاب اللي كان فالشنطه اللي كانت مع كريم.. انا هعيش للأبد هههه طب دا جميل اوي اه مهو يا كان انا اللي اموت يا كريم وشيخ الصيادين خلاص مات تقريبا كان لازم حد يستلم الموضوع وماهر شيخ الصيادين مكنش يعرف ان انا اللي كان نفسو يموتني ويخلص مني.. هكون انا سبب كل اللي حصلو ههههههههههه.. وفعلا انا بقيت شيخ الصيادين وببعت كل سنه 10 ههههههه.. انا تقريباً باعد لحد دلوقتي 50 والدور قرب دلوقتي على 10 جداد.. لما تيجو اسكندريه وتيجو الانفوشي عندنا ارجوكو اسألو عن سفينه الصيد «زُمرّده» هههه عشان ممكن اختار حد منكو هههههه بس كدا خلاص سلام
اه بالمناسبه كنت عايز اقول لكو حاجا............
انا اكتشفت اني كنت اسير لعنه بدأت يمكن من قبل ما اتولد كنت فاكر انا اللعنه دي اني رحت بسبب الجزيره اللي انا رحتها.. بس كل اللي اقدر اقوله.. انا مش ذنبي اني بقيت كدا انا اتحطيت بين اختيارين.. يأما اموت.. يأما اعيش واكون اللي انا فيه دلوقتي.... انتو لو مكاني كنتو هتعملو ايه؟
انا دوشتكو انا عارف ههههههه كفايف بقى لحد كدا... مع السلامه
وبكدا تكون خلصت قصتنا اللي كان فيها احمد اتظلم بسبب اللي عملو باباه وبسبب جشع وطمع ماهر اللي هو اصلا سبب المصايب اللي حصلت لأحمد احمد مكنش عايز يكون اللي انتو سمعتوه منو احمد اتفرض عليه ده وللأسف دخل فطريق كلو أذى وسحر وقتل..بس عشان يعيش ويكون عامر فالدنيا.. الطمع والجشع فعلاً ممكن يخلي الانسان يعمل اي حاجا حتى لو الحاجا دي هتكون بشعه.
النهايه.
