الجو حر.... الشمس مش بترحم حد.... قاعد في السكن بتاعي ف الميري بفكر في حياتي.... و ف حب عمري.... حب عمري اللي باعت و اتجوزت غيري..... قاعد مش طايق نفسي.... شغال حرق سجاير و حرقة ددمم كمان.... شربت علبتين و لسه مش هديت.... قاعد مولع.... قرفان من نفسي و حياتي.... مستغرب.... امتي هخلص من الرزع بتاعي الميري دا...... واحد من زمايلي خبط عليا و انا قومت فتحت ليه.....
زميلي : سيزر.... القائد عايزك....
انا فرحان : مداهمة كمان ولا ايه.... ايوا بقا...
زميلي : انت فرحان ليه كدا.... انت لسه راجع من مداهمة.... و افرض فعلا مداهمة... ايه اللي يفرح.... انت ممكن تموت....
انا مبضون منه : غبي... يسطا هبقا شهيد... مفيش احسن من كدا... ع العموم اسبقني انت و انا هأفز و اجي...
زميلي ابتسم ليا و مشي....و انا قفلت الباب.... و كنت ب قاعد اصلا ب بنطلون الافارول و الببادة..... لبست قميص الافارول.... و الفيست الواقي و الخوذة... و اخدت المنظار بتاعي (منظار الرؤية الليلية...) ركبته ع الخوذة... و اخدت بعضي و نزلت.... اتمشيت لحد ما مكتب القائد......
انا : من فضلك قول للقائد اني برا... هو كان طلبني من شوية....
عسكري : تمام يا فندم....
العسكري خبط ع الباب و فتح الباب و دخل. و فورا فتح الباب ليا...... و انا دخلت و العسكري خرج و قفل الباب.... عملت التحية العسكرية....
انا : تمام يا فندم.... سيادتك... طلبت اجي لحضرتك...
القائد رد عليا التحية و هو قاعد : دا تصريح الاجازة بتاعتك... انت بقالك شهر طالع عينك و بصراحة لازم ترتاح... و خصوصا بعد مداهمة النهاردة... دراعك لسه واجعك...؟؟
انا: دراع ايه بس يا فندم.... انا زي الفل....
القائد : مممم... ارفع دراعك الشمال كدا...
طبعا دا امر مفيش نقاش... و الصراحة حاولت ارفع دراعي لكن مش قدرت.... لان كتفي اتخبط جامد في آخر مداهمة....
القائد متعصب : بس خلاص... ثابت يا سيزر.... و بتقولي دراع ايه.... اسمع بقا.... تاخد تصريح الاجازة.... و تريح جسمك و خصوصا كتفك....اتفضل يلا...
اخدت تصريح الاجازة و اخدت بعضي و طلعت من المكتب... و انا مش طايق نفسي.... رجعت السكن.... و غيرت هدومي.... و لبست ملكي.... و حضرت شنطتي.. و الباقي حطيته ف الدولاب بتاعي و قفلت عليه كويس... و اخدت بعضي و سلمت على زمايلي.... و اتحركت من الوحدة على البيت.... و تاني يوم الصبح كنت وصلت البيت.... طبعا دخلت سلمت ع الاهل و كدا.... و ريحت كام ساعة و رحت ف النوم طبعا.... و صحيت اكلت و روقت على حالي.... و بعدها كتبت جزء من قصتي.. خلصته في ساعتين.... و بعدها نزلته في المنتدي.... دخلت ع الفضفضة.... قعدت اقلب ف الفضفضة.... لاقيت موضوع معمول الصبح ب عنوان صباح الخير...... لكن الموضوع لعضو جديد و بنت كمان... ك العادة طنشت.... و اخدت بعضي... و قفلت.... و بعد كام ساعة كنا ف منتصف الليل.... دخلت المنتدى. تاني..... و لاقيت موضوع ل البنت الجديدة دي.... الموضوع بيتكلم عن القهوة و بتاع... طبعا انا مستغرب... الا.... دي محققة تفاعل برغم انها لسه جديدة.... دخلت الموضوع... و فعلا كانت بتتكلم عن القهوة و منزله صورة مج و بتعزم ع الأعضاء و بتاع... عادي... اهو موضوع و حقق تفاعل.... لكن هنا بقا كانت البداية..... ايه دا.... هيا ازاي كدا.... هي لو بنت فعلا مستحيل تبقا كدا... جيت أدخل ع صفحة الاكونت بتاعها..... لكن لاقيتها قافلة الصفحة لاي حد يزور صفحة الاكونت....رحت رايح ع السيرش و كاتب اسمها (
YOYA)..... لاقيت المواضيع بتاعتها ظهرت ليا.... دخلت اخدت لفة محترمة... في كل المواضيع اللي هيا نزلتها.... و برضو مكنتش مصدق نفسي.... هي ازاي ف منتدي جنسي... و عمرها ما اتكلمت في الجنس.... عمرها ما عملت مواضيع تدل حتى انها مهتمة بالجنس... و حتى ف التعليقات.... قمة الاحترام... حتى ف الهزار.... بتهزر على استحياء.... مش زي معظم البنات..... و كمان طريقة كلامها مش غريبة عليا.... طريقة كلامها و هزارها.... حاسس اني اعرفها.... فيه حاجة شداني اني اعرفها.... مش عارف الصراحة..... جه ف دماغي انها اكيد علشان جديدة.... ف اكيد.... لسه مش واخدة على جو المنتديات و كدا.... لكن.... هيا بقالها كام يوم .... و عملت مشاركات و مواضيع كتييير فشخ... اكيد... اخدت ع الجو... و طالما هي مش مهتمة بالجنس بشكل كبير..... و محترمة كدا ف التعليقات..... هدخل و أحاول اتعرف عليها... طالما هي محترمة و كويسة....و اهو نكون صحاب.... دخلت ع الخاص.... و بعتت ليها....انا : اهلا ب حضرتك.... اسمي سيزر.... هل ف الإمكان نبقى صحاب....
طبعا كان ممكن ادخل دخلة تانية غير دي.... بس مش هقدر اعمل كدا لأنها محترمة.... و انا مش هشغل دماغي نهااائي..
هي كانت نشطة.... لكن مفيش اي رد وصلني... و كمان هي خافية النشاط.... يعني مش هقدر اعرف اذا كانت فعلا دخلت المحادثة او لا.... طب ايه.... قولت اقفل.... و اقعد مع الاهل شوية..... و هي ترد براحتها او لا....... عدي حوالي يومين.... لكن هيا مش ردت... بالرغم انها كانت ف اليومين دول نشطة و بتنزل مواضيع عادي خالص.... لكن لاقيت انها عملت اعجبني ع الرسالة في المحادثة.... لكن مش ردت.... رحت باعت رسالة تحت الرسالة الأولى...
انا : كان ممكن تبعتي انك رافضة.... لكن ع العموم... شكرا ع التقدير......
و بعدها قفلت نت و كدا.... كنت مبضون.... هي ليه مش ردت عليا... انا بقولها نكون صحاب مش طلبت منها اي حاجة شمال.... و برضو جايز تكون داخلة تضييع وقت و خلاص... و مش عايزة تعمل صحاب من المنتدى و كدا... او جايز تكون خايفة مني.... او حد قال ليها حاجة عليا.... معرفش بقا.... انا عرفتها انها مش قدرتني لما طنشت و مش ردت عليا.... و اخدت بعضي و كنت هكتب جزء جديد لكن الصراحة لاقيت نفسي مبضون.... معرفش فيا ايه.... لكن كنت زعلان انها مش ردت.... مع اني عمري ما كنت كدا... مع أي بنت.... دخلت كلمتها ع الخاص.... او اي بنت كلمتني خاص... مكنش بيفرق معايا ترد او لا..... لكن اشمعني.... يويا.... فضلت مبضون شوية و قولت افتح المنتدى انزل موضوع ضحك مع الشلة و نقضيها ضحك... اهو جايز اطلع من الجو البضان دا.... فعلا دخلت و كانت المفااااااااجأة اللي تقريبا غيرت كتير من ملامح حياتي..... دا بجد فعلا.... انا ك سيزر اتغير ف حياتي كتير بعد المفااااااااجأة دي.... لاقيت يويا ردت.... طبعا انا فرحت انها ردت منكرش الصراحة..... المهم فتحت المحادثة و لاقيت الرد.....
يويا : متأسفة اني مش رديت لكن خوفت ارد لان فيه اتنين قبلك بعتوا ليا ع الخاص... صور مش لطيفة خالص.... (تقصد صور جنسية).....
انا : مفيش اسف ولا حاجة.... و بالمناسبة.... انا مش من النوع دا خالص... و الايام تثبت.....
بعد كدا اتعرفنا على بعض... تعارف عادي بسيط.... الاسم و السن و كدا.... و طبعا بعد فترة التعارف قربنا من بعض اكتر.... مبقاش يعدي يوم غير لما اكلمها.... و دايما... بقينا نتطمن على بعض.... و حكيت ليها بعض التفاصيل عني...بحب ايه و بكره ايه.... امتي بفرح... امتى بزعل.... كلام عادي.... لحد ما فعلا قربنا من بعض اكتر.... ان ونازل رايح مشوار و لما ارجع نكمل كلامنا..... و هكذا.... و بالنسبة ل يويا.... انا خلاص هنام و بكرة نتكلم.... انا صحيت و فطرت.... انت يا سيزر فطرت ولا لسه.... لا مش فطرت... طب قوم افطر يا سيزر و نتكلم.... و عدي وقت كبير على كدا لحد ما فعلا الكلام بيننا بقا شئ اساسي ف حياتنا و الا نقلق على بعض.... لازم دايما نتكلم....لحد ما جه اول حوار حصل بيننا.... كنت انا ف يوم متضايق و زعلان.... يا دوب بعتت رسالة اتطمن عليها.... و هي ردت و طمنتني عليها.... و فضلت كام يوم على هذا الحال... بقيت ادخل اطمن عليها و اخرج.... مبقاش فيه بيننا كلام.... ما هو معلش... وقتها كان تفكيري... هو ازاي اكلمها و انا ف الحالة دي..... لحد ما ف يوم شدت معايا و زعلت اني مش بقيت اطمنها عليا.... مكنش وقتها قدامي غير اني احكي مشكلتي ليها... و ف الاخر قولتلها.... انا مش عارفك علشان اخليكي تشيلي همي... و بصراحة متوقعتش الرد.... هيا ردت و قالت.... يا سيدي مشتكتش ليك،، بالعكس يا سيزر.... انا مبسوطة انك بتحكي ليا حتى لو هزعل علشانك بسبب الحوار دا.... لكن عموما بكون مبسوطة لما اكلمك.... هنا الصراحة... انا رديت عليها ان دا شرفني و الكلام الجميل دا و قولت ليها اني مشغول و لما اكون فاضي هنتكلم.... قفلت و هي قفلت.... و انا قعدت افكر..... ايه دا.... بجد فعلا ايه دا.... دا اللي كنت بحبها.... عمرها ما قالت ليا احكي عن اللي مضايقني....هي يويا ازاي كدا.... خليتها تشيل همي.... و هي مكنش عندها اي مانع.... مع ان اللي بحبها.... مش بطيق تشيل همي... لكن يويا شالت همي... و كمان فكرت معايا لحل ف المشكلة..... و فعلا الحل بتاعها كان صح جدا... و المشكلة اتحلت.... تعبت و فكرت و لما وصلت ل حل..... فتحت و بعتت ليا رسالة فيها الحل.... بجد فعلا ازاي يويا كدا... اصلا انا اول مرة اتعامل مع حد كدا... رجعنا نتكلم طبيعي تاني... و بعد فترة برضو حصل مشكلة ليا..... و لما هي عرفت اني مخبي.... زعلت مني جدا.... و سمعت منها كلام يوجع....
يويا متعصبة : انت ليه عامل فرق بيننا....
انا : فين الفرق دا...
يويا : انت ليه مش عايز تحكي ليا.... انت تقريبا عندك مشكلة.....
انا متفاجئ : ازاي عرفتي....
يويا: طريقتك ف الشات متغيرة خالص.... قول مالك...
انا : مش هينفع تشيلي الهم معايا يا يويا.... هي مشكلة و اتحلت....
يويا : عرفت بقا انك عامل فرق بيننا و مش عايز تحكي ليا....
انا : يعني احكي ليكي و انتي تشيلي الهم.... طب ازاي طيب... هو انا عارفك علشان اكون سبب حزن ليكي....
يويا : ولا حاجة.... تصبح على خير.....
طبعا هي قطمت الكلام.... و انا بقا مش عايز اقولكم.... عليا النعمة.... طلع ديك امي... و طلع عيني و عين اللي خلفوني علشان اصالحها..... طول اللي بحاول اراضيها.... لحد ما برضو حكيت المشكلة.... و برضو هي وقفت جنبي.... و حلينا المشكلة مع بعض.... و بقا دا المعتاد بيننا...... لدرجة اني مش بقيت اخبي اي حاجة عنها.... و هي كذلك مش بتخبي اي حاجة عني... بل العكس.... دايما نقعد و نتكلم و نضحك و نهزر و نشكي همومنا ل بعض.... طبعا ف الوقت دا كله.... كنت برجع الجيش و انزل إجازات و هكذا... الايام و الأسابيع بتعدي.... لحد ما ف يوم و انا ف الجيش..... اتصبت جامد... فضلت فترة مش بفتح.... لاني كنت محجوز ف المستشفى و مش عارف حتى احرك أيدي.... لكن تعدي الايام و بالعلاج الطبيعي.... و كنت كل يوم و كل ساعة و دقيقة و ثانية.... يويا اكيد قلقانة.... اكيد زعلانة.... ما انا مش ببعت بقالي ٢٠ يوم.... لما قدرت اوصل ف العلاج الطبيعي اني احرك ايدي (كانت الإصابة ف الكتف و الرجل ) و مراقبة الدكاترة خفت من عليا شوية.... قدرت امسك الفون.... و هنا كانت المفاجأة.... يويا باعته رسايل قعدت اقرأهم ف ٤ ساعات.... بعتت ليها و طمنتها عليا و هي فورا ردت و قعدت تعاتبني اني مش بفتح و زعلت جامد.... لكن طبعا قولت ليها اللي حصل و سبب اني مش بفتح.... و هي الصراحة قدرتني.... و قعدت تدعي ليا.... و زعلت جدا اني متصاب و كدا.... و بعد فترة كنت قومت من اصابتي و بقيت زي الفل و احسن من الاول كمان..... و ف الوقت دا..... كنا قربنا من بعض اكتر و اكتر...... لحد ما فعلا بقت اخت كبيرة ليا... (يخليكي ليا يا رخمة
).... و هي كمان بقت معتبراني اخوها الصغير المجنون... و بقا كل واحد فينا احنا الاتنين شخص اساسي ف حياة التاني.... لدرجة ان لما بقا يعدي كام من غير ما حد فينا يبعت... التاني بيدخل و يطمن عليه......... قبل ما اعرف يويا.... كانت حياتي عبارة عن مبدأ (كسمها في طيزها) و مبدأ ( الدنيا فانية زي كس الزانية) كلام تكاتك دا 
..... مكنش فعلا يهمني نفسي حتى.... بالعكس.... مكنش عندي مانع حتى ان يجرالي حاجة.... اللي هو بالعربي كدا.... كنت ضارب الدنيا بالجزمة.... مش فارقة.... و انا كنت بايع نفسي بصراحة........ لكن لما عرفتها و فعلا بقت اختي..... الموضوع اختلف تماما..... بقيت دايما هادي و مش متعصب.... دايما بضحك.... (طبعا الكل ملاحظ دا دلوقتي..... ايام زمان.... مكنتش بضحك الا قليل.... لكن دلوقتي الضحك للركب)....كنت الأول بحب المشاكل زي عنيا.... لكن دلوقتي.... مفيش مشاكل الا قليل جدا.... بقيت فعلا واخد بالي من نفسي.... لانها اخدت عليا عهد ب كدا.... بقينا نخاف على بعض اكتر من بعض 
.... محدش فينا بقا يعمل حاجة غير لما ياخد رأي التاني..... بقيت اخد رأيها ف اتفه حاجة ف حياتي و يويا كذلك برضو........ الأول مكنتش باخد و ادي ف الكلام.... كنت برمي الكلام و اللي يزعل كسمه..... لكن دلوقتي العكس تماما.... بقيت بعقل الكلام قبل ما أقوله..... بقيت اعمل حساب ان الكلام ممكن يطلع مني يتفهم بشكل خاطئ..... حتى الناس القريبين مني لاحظوا اني اتغيرت ١٨٠ درجة فعلا.... بقيت احسن بكتير من الاول....... و بقيت انا و هيا نغير جدا على بعض.... و بقينا أقرب اخوات لبعض.......... و حاليا..... هي ك امي و اختي و صحبتي 
......يا يويا.......
@YOYA
لو كل الناس نسيوكي..... انا لا يمكن انساكي..... لو الكل بعد عنك انا لا يمكن ابعد مهما حصل...... لو انتي بعدتي عني انا هضيع بجد..... دايما عقلك كبير.... دايما بتقدري تفهميني من غير ما اتكلم..... دايما بتحسي بيا لو زعلان.... بدون حتى ما اقولك..... من يوم ما عرفتك و انا حياتي بقت افضل..... من يوم ما عرفتك.... وقتها عرفت اكون فعلا فرحان..... من يوم ما عرفتك.... مبقتش مغرور.... بالعكس بقيت واثق من نفسي فقط.... دايما تدعميني و تديني الأمل اني اكمل..... حتى لما نزعل من بعض مفيش كام دقيقة..... و نضحك و نهزر ولا كان حصل حاجة..... راحتي معاكي انتي يا اختي... مش مع حد غيرك..... دايما بتتمني ليا الخير والسعادة.... زي ما انا دايما بقطع نفسك من الضحك
..... بجد تسلمي.... تسلمي انك اصلا رديتي علي اول رسالة ليا.... تسلمي انك اديتي ليا الفرصة اني اكون ف حياتك، ..... و اهو بقينا اكتر من الخوات يا هبلة ..... بجد يا ريتني كنت عرفتك من زمااااان..... كان اكيد هيتغير كتير ف حياتي للأفضل...... شكرا شكرا شكرا.... ليكي يا قلب اخوكي.... **** يخليكي ليا و مش يحرمني منك ابدا ابدا..... و تفضلي دايما فرحانة و مبسوطة و سعيدة..... دا كل هدفي حاليا.... انك تكوني اسعد حد ف الدنيا.... مش عايز اكتر من كدا يا اختي و دا لاني زي ما قولت..... يا يويا انتي....ملاك من السما
