مكتملة رومانسية درامية رواية همس العيون 2 (1 مشاهد)

[𝙷𝚄𝙻𝙺 𝙼𝙸𝙻𝙵𝙰𝚃]

➤السابقة

رواية همس العيون 2

ورس:صباح الخير رتوجة
رتاج:صباح النور …شنو اﻻبتسامة العريضة هادي ! شن السررر
نورس:متصبحة بناس قنينة يومي اكيييد حيمشي قنين
رتاج:غير بشوية علينا ع منو متصبحة
نورس:ع اياد صبح عليا وجابلي هدية عيد ميلادي
رتاج:بجدياااااات ؟؟؟
نورس:وحق *** …
رتاج:سعدودك يامعفنة معيشك اميرة ومين قدك
سرحت نورس ف نقالها خيره ماتصلش
رتاج :شن جابلك
نورس تفكر …فاتو قريب عشرة دقايق وينك اياد
رتاج:هئ حم
نورس… مبردني مزال بكري عشرة دقايق وانا نسحن
رتاج:فمن انكلم انا !
نورس:معليشي سرحت شوية
شن كنتي اتقولي ؟؟؟
رتاج:شن جابلك
نورس:جبة حلوة شوفيها
رتاج:محﻻﻻﻻﻻاااااهااااا اتهبل … عطيهالي نورس انتي ماتحبيش الجبب
نورس:ﻻ بما ان جابها اياد حنحبها وحنزيد ناخد منهم بش نلبسها اكيد ايحب البنت بجبة ^^

صلاح: من م6 الى 03.. 03 حول
ﻻسلكي:نعم يا م6
صلاح:تم اختطاف 09
ﻻسلكي:وين وكيف
صلاح:شارع فﻻن فوﻻني وماعنديش اي معلومات عن نوع سيارة
ﻻسلكي:ابحث الشوارع المجاورة يا م6 وتو نرسل قوة ادير بوابات ع الطرق
صلاح:تمام ….ايمن خود سيارة هادي وانا ناخد سيارة اياد دور ف طرق تاجوراء البيفي والجيهة هديكا اي سيارة مشتبه بيها او حسيت بأذنى شك اعترض طريقها و كلمني طول وانا تو ناخد طريق عكس اتجهاك
ايمن :تمام

فتح عيونه اياد وغمضهم وفتحهم تاني بس ماشاف شي مدايريله رباط ع عيونه حس روحه دايخ… جت فباله نورس وكلامها مش ماتتصلش ش ش معش نكلمك بكللل كل كل
تحرك شوي لقي روحه ايديه مربوطات
حاول يسمع ويحدد مكانه من غير مايحسو بيه انه فاق
بربش بيديه جنبه لقي طرف مرشة صغيرة ف الكرسي حطها ف جيبه التلاني ويسمع ف الزوز يتكلمو
شخص1 يتكلم ف تلفون: ايه ايه … اتغير المكان ؟؟ باه باه خلاص تم بحدا منطقة كدة واﻻه اوكي
شخص2:وين قالولك بيستلموه ؟
شخص 1: في منطقة كدا
شخص 2 :بالك فيها بوابات غادي شخص1:ﻻ مافيهاش …
شخص2 :تعرف كان ﻻقتنا بوابة نهارك احرف بنقولهم حتى انا مخطوف
شخص1: ماتفكرش هكي ياحمار كان تمت العملية ع خير نقبضو فلوسنا ونمشو انهيجو
اياد:تهيجو بفلوس حرام ؟
تلفتله واحد منهم وقاله : ضم فمك ضم …. ماتخشش ف دوة خير مانزيدك خبطة تانية ع دماغك

فكر اياد معناها مش هادو اللي يبوني …اماﻻ منو وشن يبو مني خطرت فباله فكرة انه يفتح باب السيارة وينقز لكن خاف تجي سيارة وراء سيارة هادي وتسحنه

صلاح.. مصيبة وحلت ع دماغنا كيييف صاحبي خطفوه ان شاء **** مايديرو فيه شي …. ااااخ يا اياد **** يسامحك قتلك نخشو كلية طيران راهو افتكينا من المؤمرات والخطف

اياد قاعد يفكر..ياربي كيف اندير كان وصلو بيا للمكان متعهم او لشخص اللي بيسلموني ليه مش حيديرو فيا خير تعذيب وتشريد واعمال قذرة بكل …
نحاول نفتح رباطي بالمرشة وبعدين بالك نقدر نهرب

ايمن :صلاح فيه سيارة مسلفرة جيهة البيفي
صلاح:اعترض طريقها وفتشها فيسع
ايمن :علم

شخص1:شن سيارة هادي اللي ادعك
شخص2بالك شرطة واﻻ حاجة زيد ف سرعة ياراجل

فرح اياد وقلبه قريب طار ^^

اعترض ايمن طريق السيارة ونزل بسلاحه فتح صاحب السيارة المرش وقاله نعم ياخونا
ايمن:افتح بيبانك الخلفيات
الشاب:غير شن فيه بس
ايمن :تعاون معانا ياخوي بنشوف كان لقيت حاجتي بنشدك كان مالقيتهاش بنخليك ع حالك
الشاب:تفضل هي فتحتلك حتى الكوفيني
شاف ايمن كويس مالقي شي فقال لشاب :سامحنا
الشاب:مسامح ياخوي
ايمن:منور *** يحفظك

شخص1:اها بنت تعاكس
شخص2:خلعتني بنت ……..

اياد:خلعاتك انثى! ماك كان مش داير شي ماتخليش انثاية تخلعك هههه

شخص2:ضم فمك خير مانجي نرنك كف انطرك ورا السمس

اياد:احترم نفسك ..مستنصر ﻻقي يديا مربوطات ياعافن فكلي يديا وتو نوريك الشمس شن شكلها

نورس واقفة عالروشن وتسحن ع اياد …. معقولة… معقولة يا
اياد ليا ساعة وربع نستنى فيك وانت ماتصلتش … كل دقيقة تفوت نحس ف روحي بنختنق ونموت … باهي كان ماتبينيش عﻻش تجيبلي هدية واﻻ هدية وداع بش اتنحي الذنب ع نفسك انك معش بتكلمني ! … ياودي بالك ظالماته…نزيد نستنى للقايلة برغم اني قتله اتصل وقالي بمجرد ماتخشي للمركز نتصل بيك …

ايمن:اها صلاح
صلاح:شنو حصلته
ايمن:ﻻﻻ ماحصلتاش وانت
صلاح:ﻻ و****
ايمن:به
صلاح:انت خاطف شخص وين حتمشي بيه فكر معاي تره
ايمن:و**** ماعارف عطيت بﻻغات لكل الدوريات وان شاء **** خير

اياد معش عرف شن ايدير غمض عيونه يفكر ف نورس … اخخخ ياربي شن هالحظ اكيد تحسابني نجري بيها وانا حالتي حالة اهنا … نورس ان شاء **** ماتفاهنينيش غلط انا مش معروف مصيري شنو مرات انموت

شخص1:اها ياصوندا… ايه يا راس انا ف المكان اللي قتلي عليه باه نستنى فيك …
بعد شوي طلع الصوندا من مبنى خدي اياد ودفع فلوس لزوز المختطفين ومشو الشخصين ع حالهم

صوندا:تي اتحرك وانت زي المسبوه
اياد:ممكن نعرف شن سبب الخطف !
الصوندا :ﻻ مش ممكن
اتكزمت اياد ومعش عرف كيف يدير
اتكنطى وحاول يفك رباطه ماقدرش
خششه الصوندا لمكان واسع ومظلم ونحاله عصبت عيونه وسكر عليه الباب
شاف يمين يسار مالقاش مخرج …
واخيرا انفتح رباط يديه قرب جيهة يسمع ف صوت عدة اشخاص يهدرزو قعمز اياد ع الوطى وحط ايديه ع راسه معش عرف شن ايدير …
يتمام سامحيني يمى … عمار رد بالك ع خواتك وامك … نورس ان شاء **** تحصلي شخص افضل مني مهندس وبشغل ماافيشي ضغائن … يوم ضاربيني برصاص ويوم مخطوف هم احرف … حنبعد عليك يانورس بس معش نسببلك مشاكل معاي

نورس..علاش بس علاش ..ماتوقعتكش هكي اياد كنت نتوقع منك اﻻحسن بقدر اهتمامك ليا
توا ساعة 1 بتوصل التﻻتة ومع وصلتي للحوش ينسى اني نرد عليه

عمار:يمى بنقولك حاجة …
خ مريم:قول ان شاء **** خير
عمار:ااا ااا هداااا اممم
خ مريم:تي اتكلم وانت اااا وخﻻص
عمار:اياد … خطفوه
خ مريم:انهاااااااار احرش ووووك وووك عليا وووك
عمار:ياريتني ماقتلك يمى
خ مريم:ياوك عليا وليدي البكر ياكبدي ياحليلي …
عمار:هدي بالك يمى
خ مريم تبكي حتى شاربتها نحتها وردت علبه:وين نهدي بالي وين ااااه ياضناي حتى الصبح طلع بكري من غير مانشوفه …قلبي غم عليا امبكري ووووووه اوليدي وووه
عمار:تي ادعيله *** يفك اسره خير من ووه ووه
خ مريم:ان شاء **** *** يفك اسره ويردلي سالم مابيه ﻻ سو وﻻ سوية

انفتح الباب وخشو تلاتة انفار
ععفجو اياد طريحة وهوا حاط راسه بين ايديه دشدشوه لين قال ياسر
بعدين خش عليهم الراس متعهم وقاله :الظابط اياد… هاهاهاهاهاها محلاك وانت مضروب احلا بهلبا من وقت ﻻبس القيافة متعك ..
ياصوندا
صوندا:انعم ياهكر
هكر:صورله صورة وهوا هكي مضروب وافتح ايميل جديد وابعتها لصفحة الخال
اياد:اتفيه عليك
هكر:قصدك مازال تتكلم …
اشر ب ايده … جماعة الهكر ضربت اياد تاني
هكر:صوره ياصوندا
صوندا:صورته
هكر: زيده صور تانية
اياد عيونه يلعبو من الضرب وفمه دم وجيهة عيونه وخشمه كله منفوخ … تلفت للهكر وقاله :ش شن سبب خطفي.. كان فيه حاجة اقتلوني وتم
هكر:هاهاها شرطي مايخافش من الموت لو انه انسان عادي كنت حنقتله من بكري … ام شرطي اضربه حتى الموت ويالله ايحسها
اياد:شن تبي فيا
هكر:قبل شهور ياخايب شديتلي خوي الصغير ضربته ع رجليه
اياد يعصر ف راسه امتى صارت الدوة هادي بعدين ادكر متع عمارة اللي قدام مركز روايات لوزة…
اياد: اخطيني انك قاتل 4 اشخاص ف هديكا الشقة المشكلة مش ف نقطة هادي …المشكلة ف انك رافع خوك الصغير معاك يا $#$&*
عطي الصوندا ل اياد تيرو
هكر:ماليكش عﻻقة المهم انا حنشردك اليوم ياو$#^*&$#
اياد: ماك كلب انت واللي معاك كان مش كلب راك واجهتني ببروحك مش مستنصر بكمشة هفاك بحداك
هكر:عطوه ع حموم سعده شردوه خلوه يضوق جميع انواع العذاب لكن ماتقتلوشي نبيه كل يوم يستمتع بضرب ..اه وصوندا برا قصقصلي ع عيلته جيهة حوشه خلي نشدو خوه الصغير حتى كان ماعنداش خو صغير خود اخته
صوندا :تم
اياد:خلي عيلتي فحالها ياتافه
هكر:عطوه ملحوه لين معش يقدر يتكلم هال*****

فاتت ساعتين ونورس بكت ووجعها خاطرها فتحت دوﻻب المكتب وحطت فيه كيسة هدية اياد .. وطربقت الباب …كان مازال كلمتك يا اياد وﻻ حنفكر انرد عليك نهائي… حست روحها غبية خدت شنطتها وروحت..
هكر مد ل اياد نقال وقاله: اتصل بالمركز متعك بش يطلقو سراح خوي
قام راسه اياد والدم سايل من شفايفه وقاله: مستحيل ان شاء **** تكلب ماني مكلمهم
هكر: به زيدو اضربوه زيدو … ماهوش طالع من اهني اليوم ياام تتصل بيهم يبدلو بيك بدل بخوي المحبوس يا تنضرب حتى الموت وانت اختار
اياد:اقتلني مش حنكلم حد

يتبع…….







الهكر:به زيدو اضربوه زيدو …ماهوش طالع من اهني اليوم ياام تتصل بيهم يبدلو بيك بدل بخوي المحبوس ياتنضرب حتى الموت وانت اختار
اياد:اقتلني مش حنكلم حد

ركبت سيارتها نورس وهي تبكي وعيونها حمر …
كان مازالت سمعت كلامك … اتقولي ردي بالك ع روحك و *** يحفظك اتودع فيا وانا زي المهبولة نحسابك بتقول نبيك انحبك … غبية يانورس غبيييية .
روحت نورس للحوش متحطمة وخشت ﻻ سلام وﻻ كلام من باب الحوش لدارها طواااالي لوحت شنطتها ع طول ايدها واتكت ع سريرها
جتها هديل وقتلها:نورسة خيرك حرجانة
نورس:بنطربق ياهديل بنطررربققق
هديل:خيرك شنو فيه من ضايقك
نورس:اياد
هديل تبربش ف تلفونها وردت ع نورس :بري بري الولد زي بلسم عالجرح … زي نسمة الهواء العليل … زي فراشة بين الزهور
هديل تتغزل ف اياد ونورس تتقطع مع كل كلمة اتقولها
نورس تصيح :خلاص خلاص اسكتي طلع كداب ماينفعش

اياد قاعدين يضربو فيه الشباب وهوا يتوجع في عز وجعه يقول.. نورس سامحيني اكيد وجعتك من غير قصد …ان شاء **** ياربي مايديرو شي ل اماليا و ل نورس انا عادي نتحمل بس هما ﻻ …

هديل:اسسسكتي خير مايسمعك رياض ويجيك يكشخ …فهميني شن صار
نورس(حكتلها اللي صار ))
هديل:بالك الولد مشغول
نورس:قتله مش تقول انشغلت و ماتتصلش
هديل:به ضربتيله
نورس:ضرربت مرة لقيته خارج تغطية نحى اليتارية
هديل:به استني نجرب من رقمي مايزبطاش
نورس:به اقلها نعرف هل مشغول واﻻ فاضي
هديل:سميلي رقمه
نورس:**09134412
هديل :اوك .. اهو نتصل
نورس:افتحي المايك
هديل: به
**الرقم المطلووب مقفل **
نورس:يتهرب خزيه عليه تافه انا نستنة فيه وهوا سكر نقاله

عمار مقعمز قدام الحوش طلع نقاله يشوف لصورته هوا وخوه …وينك ديارك يا اياد وين … امك قريب تهبل والحوش اتعبى باﻻقارب ان شاء **** *** يردك لينا سالم

شخص 1:هات شيشة …… هات راسي بيطربق
شخص2:هاك راك ت ت تكمالها نابي منننهاااا
شخص1:تابي عاينك اشرابت انت شيشا تتامة … وين حطيت الحبوب يامكركد
شخص2:امماﻻ هاتها متتاعي
ه هدي شيشة
شخص1:فكنا يا بوطمة مالجو متع خت فت وهات الحبووووب
شخص2:كليتهم الحبوب هنهنهنهنهن خليتلك واحدة بس
شخص1:كليت 4 اتتتفيه …هات عمها….. حيه فيه بوبة قدامنا
شخص2:هئهئهئهئ وينها البوبة
شخص1:بوابة ياكالب ا ارررزن ش شوية

وائل:شدها سيارة اهيا مسلفرة
صلاح:اوك
اعترض طريقهم صلاح

شخص1:البلا فيهم داس شيشات الوسكي ياخامر
شخص2:دسيتهم خاﻻص

جي جيهتهم صلاح وقف جنب الروشن متعهم وقالهم:تفتح الروشن ياصاحب الهيلوكس
فتح الروشن وقال:اصباح الخييير حضرة الشرتي هئهئ اوراقنا ساليمة ومييية مية ماتما حاتا مشكل
تلفت صﻻح ل وائل وقاله: مطين هوا وصاحبه سكير ع حبوب
وائل:نزلهم نزل
صلاح:انول انت وياه … توا
نزلو الشخصين وواحد منهم قال : تي خلينا ا افحالنه يا/##$ قابضين شوية افلوس بنعيشو بيهم الليلة خيرنا واﻻ مستخصرين فينا
وائل:قبضتو من شنو ؟ اتكلم انت وياه…. وعطي وائل كف لواحد منهم
شخص 2 اللي واكل عزقة حبوب يشوف ف دنيا وردية ههه فقال :شن جاي شام صنانك اعلينا و تعتي فينا اك اكفففوف هئهئهئ شدينا دابت الصوبح هئهئههئهئ انتقام من الطباط هئهئهئ
شخص 1:ت توسكت ياكلب
صلاح طلع سلاحه وبيطخهم بالرصاص شده وائل:تي اصبر خلي نعرفو مكانهم
شخص2:مادخليش انا…صوندا قالي
في لحظة هادي الصوندا خاطم بسيارة عادية ماشي بيقصقص ع عيلة اياد فا شده واحد من شرطة بوابة اللي مدايرينها صلاح و وائل بش بيفتش سيارته
تلفت الضوندا شاف الشخصين شادينهم الشرطة تلفت عليهم بش مايشوفوشي … الشرطي قاله برا
مشي صوندا وخدي نقاله واتصل بالهكر وقاله
وائل:تم عرفنا المكان خدي ﻻسلكي واتصل ب اﻻدارة القريبة من المنطقة
وائل:من 03 الى مركز ب7 ارجو الرد … مركز ب7 ارجو الرد
مركز ب7:نعم نعم اسمعم حول يا03
03:فيه اختطاف ف المنطقة كدا ارسلي قوة غادي عالسريع
مركزب7: علم
صلاح:تي هيا نمشو احنا ياوائل في الشك يوصلو بسرعة ب7
وائل:بالك يفوقونا عدد احنا 4 انفار بس
صلاح:غير هيا ياوائل وبعدين تلحقنا القوة
وائل:به والمسطولين هادو شن ندير فيهم
ايمن:انا حنرفعهم للمركز
وائل:ﻻﻻ خليك انت خلي احمد يرفعهم
ايمن :تمام

هكر:كله من الصوندا مأجر زوز مساطيل زي الهم اﻻحرف
بسرعة ياحمار انت وياه قيمو الحاجات اللي ف تلمخزن ماتخلوش اثر
اياد:هه تو يشدوكم
هكر:شنو انت *@”#* ماتسيخش بكل ع قد ماضربناك ! ب**** ياكريك اربطله ايديه وحطله عصبة ع عيونه ولوحه ف سيارتك فيسع..

وفي دقايق قامو حاجاتهم وركبو سياراتهم من الباب الخلفي للمستودع

صلاح :وصلنا … انزلو فيسع

اقتحموا وائل وصﻻح وايمن المكان لقوه فاضي
صلاح:*#$#@ تأخرنا
ايمن:ﻻﻻ فيه حركة من الباب التاني فيسع فيسع
طلعوا صلاح و وائل من الباب الخلفي …
وائل:اونوه الكلاب مش بعيد هما
رجع ايمن من نفس الباب ولع السيارة وﻻد ع المبنى وركبو معاه وائل وصلاح ويتجارو وراء سيارة

اياد راسه يحس فيه زي الدربوكة من الضرب اللي تعرضله فرفش شوية تنحت شوية من عضبة عينه
كريك ل صاحبه :شنو الشرطة اللي ورانا زعما شاكين فينا
كازيوني:تي بش قلنا الراس فيه من بلغ علينا
كريك:فالح الهكر خداها من طريق تانية ودبسها فينا
كازيوني:حتى الصوندا هرب
كريك:باهي مزال معنا السيارة اللي ورانا تو يغطو علينا

وائل :اي حد يسمع فيا يرد … يا مركز ب7 ردو رجاء
ب7:انعم
وائل:تي وين القوة اللي بترسلوها احنا نطاردو ف سيارتين اللي خاطفين الظابط في طريق كدة كدة ومش معروف اي اتجاه بيسلكو
ب7:احنا ارسلنا قوة للمكان اﻻول لكن حنعطيهم تعليمات بالطريق اللي انت فيها

كريك :كلم الشباب اللي ف سيارة ورانا يطلقو رصاص ع الشرطة الغبرة
كازيوني:اوكي

صلاح:*&&*&&# رصاص ! هلبا هكي اطلعلهم يا وائل
وائل:اطلعلهم انت اللي تعرف اتصوب مش انا
صلاح:ماه اعصابي نتوترة … به به تو نطلع هي
طلع صلاح من الروشن وصوب ع عجلة السيارة جت فيها تمايحت سيارة ..صوب عجلة تانية جت فيها وضرب رصاص ع مرش سيارة مشي جت ف واحد منهم وانقلبت بيهم السيارة

كريك:اوووف منهم عاد .
اياد قعمز استجمع قوته وشد كريك من رقبته برباط يديه تمايحت سيارة
كازيوني ضرب اياد بونية بس اياد ماباش يفلت الكريك لين تمايحت سيارة وخشت ف سور حديد ع الطريق … كازيوني خش ف المرش وساخ وكريك انفتحت وسادة ف وجهه واياد انضرب ف حاشية كرسي اللي قدامه
درس صلاح وايمن و وائل خدو اياد للمستشفى وايمن كلبش كريك و كازيوني

وقت وصلو بيه للمستشفى خششوه طول بالبريلا
بعد نص ساعة طلع الدكتور من الحجرة .. تلقاه صلاح وقاله :كيف حاله يادكتور
دكتور :عنده كسر ف ضلوعه ورضوض ف جسمه كله وكسر طفيف ف الركبة اليمنى … وهوا توا عطيناه مسكن الم محتاج لراحة تامة
صلاح:ممكن نشوفه
دكتور:عادي خشله بس بدون ازعاج
صلاح:ان شاؤ **** مشكور دكتور
اتصل صلاح بعيلة اياد وقالهم ان اياد ف مستشفى …. فرحوا عيلة اياد من قلبهم وزغرطو ووزعو شكلاتة
على الجيران وبعد نص ساعة وصلوا للمستشفى شافوه وهوا راقد اطمنو عليه انه بخير من صلاح وحكالهم صلاح شن صار بالتفصيل
خ مريم:الحمد*** وليدي وﻻلي سالم الحمد***
صلاح:اي الحمد *** .
بعد ساعة روحو عمار بعيلته ورجع للمستشفى ..

هديل:خﻻص يانورس بطلي بكي معش اديري ف روحك هكي
نورس:خليني ياهديل ب**** عليك
هديل:ﻻ مش حنخليك امك و بوك وخوك هروني اسئلة وين نورس خيرها ماتتغداش معانا خيرها ماتجيش تتعشى
نورس خدت كينكس مسحت دموعها وخشمها وقتلها :قولهم مريضة
هديل: به
وليل الليل ومر عليها كابوس طول الليل وهيا فايقة تدعي وتسحسح ع اياد
واياد ياناري مايدري عليها منين زارقة راقد …
ومع ساعة 6 الفجر فاق اياد فتح عيونه مر من قدامه شريط امس كله من لحظة مد الهدية ل نورس لوقت ما خشو ف السور
اياد:عمار عمار فيق
عمار:اه … فقت اياد ع سلامتك
اياد:**** يسلمك … وين وين نقالي
عمار:مش موجود مالقاشي صلاح
اياد:به عطيني نقالك فيسع
عمار: من بتكلم ياراجل ساعة 6
اياد:به وكان 6 مازال بكري تي هات نقالك ياعمار
عمار:باهي هاك هاه لكن مش 6عشية راهو 6 الفجر …
اياد يفكر.. زعما نتصل بيها بالك راقدة توا … واكيدة ماتقدرش تتكلم شن اندير و**** ماقادر نصبر لوقت اتنوض… نورس ان شاء تفهميني بس
عمار:وئ وين سرحت
اياد:انفكر بس
عمار:كيف حالك توا
اياد:باهي نحس ف روحي تسطير كلني مع بعضي امدقدق ادقديق

فاقت نورس عساعة 6:35 مخلوعة
شافت نقالها مالقتش مكالمات …
حست بغصة ف قلبها

اياد…بنتصل وخلاص … لككن حقا ياعمار… البنت اللي بعتك ليها وقت سميتلها رقمك اما رقم لبيانا واﻻ مدار
عمار:ابيانا
كتب اياد رقم نورس واتصل برقم المدار
نورس تشوف لرقم مابتش ترد …
عاود تاني خشلها ريح وشكت ان اياد المتصل … ماردتش بعد شوي جاها مسج … نورس ردي عليا انا رتاج ..
استغربت نورس شن تبي رتاج توا
عاود اياد وردت نورس :الو
غمض عيونه اياد وحس صوت نورس مسكن لجميع اوجاعه …
نورس:الووو
اياد: ايوه نورس
نورس سمعت صوت اياد خنقتها العبرة وسكرت عليه
عاودلها اياد مرة وتنين وتلاتة
تنرفزت نورس وردت عليه وقتله : شن تبي يااياد معش تتصل بيا ومعش تكلمني
اياد:اس
نورس:خليني ف حالي
اياد بصوت مخنوق :اسمعيني نورس ب**** عليك ماتزيديش عليا
نورس انفعلت:ماعندي مانسمع اياد ماعندي مانسمع معش تكلمني
اياد ناض قعمز :ااااي اي اسمعي اسمعي …انا كنت مخطوف
نورس:شنوو كنت م مخطوف !
اياد:احيييه … ايه كنت مخطوف يانورس … وكل لحظة نفكر فيك نقول ان شاء **** ماتفهمنيش غلط
نورس تبكي : علاش شن صار فهمني وامتى
اياد:من بعد ما طلعت من عندك خطفوني جماعة ((حكالها))
نورس:الحمد*** ع سلامتك الحمد*** ياربي انا ظلمتك هلبا … سامحني اياد… ظلمتك سامحني …. كنت حاطة فبالي انك ماتبيش تكلمني
اياد:معش تبكي سموحتي خلاص .. ومسامحك ماكنتيش تعرفي … واللي نبيك تعرفيه ان
نورس:اياد شحن بيفصل خليك عالخط خليك
اياد:به
نورس:اها معاك شن قتلي دودي
اياد:كنت بنقولك ان انا
جت السيستر وقال ل اياد: شنو محتاج اي شئ
اياد:ﻻﻻ مشكورة
…كمل مكالمته … نورس انا نبيك وعاجبتني وسامحيني خليت يوم عيد ميلادك مش حلو … وعادي تقدري تردي عليا حاليا لو ماتبيش ققوليلي حنتقبل ردك .
نورس دارت روحها غبيه وقتله :كيف يعني
اياد:اممم يعني فيه شعور هكي من ناحيتك … اييييي احيه رجلي وضلوعي
نورس:سلامتك اياد
اياد:فكري ع مهلك المهم فيه شعور من ناحيتك وكنت *** نقولهالك من الصبح بس ماقدرتش خفت تصديني ف وجهي …. ووقت خطفوني ماخفتش منهم واﻻ من الموت ﻻﻻ خفت نموت وانا ماقلتش اللي فبالي ليك …
نورس فرحت ومن دموع حزن صارو فرح … وابتسامتها ع خدودها وقتله :*** يحفظك دودي … في اما مستشفى قاعد
اياد:ف مستشفى كدة
نورس:تمام
اياد سرح ف كلام الهكر وخاف ان جماعته يضرو نورس فقالها:ردي بالك ع روحك … اسمعي خودي اجازة تلاتة ايام
نورس:علاش
اياد:غير ديري زي مانقولك … خودي اجازة نورس
نورس:ان شاء **** به
اياد:هيا ردي عليا يامشفشفة مانقدرش نصبر ^^
نورس:شنو بنرد
اياد:ماديريش روحك غبية هيا ردي .
نورس سكتت دقايق تفكر اممم الباين خدمته كلها مشاكل …
يوم مضروب برصاص ويوم مخطوف مسكين اياد وفوق من هكي ماشدوش الراس اللي خطفه … معناها حيخطفه تاني …ﻻﻻ بعيد السو عليه …وفوق منها قالي خودي اجازة معناها ياخوفي تصيرلي حاجة ليا واﻻ لماليا …
اياد:تي هياااا جاوبينيييي من بكري نستنى
نورس:

يتبع………







اياد:تي هياااا جاوبينيييي من بكري نستنى
نورس:اممم حتى انا
اياد:انتي شنو تستنى ف ردي ؟؟
نورس:هههههه تو منو يدير ف روحه غبي !
اياد:هههه ﻻ انا قتلك جاوبيني مشي قتيلي حتى انا
نورس:ﻻﻻ مش قصدي هكي
اياد:معناها تبادلنيني ف نفس الشعور ؟؟اللي انحس بيه
نورس سكتت معش ردت ع اياد
اياد:اممم باهي ردي حرقتيلي اعصابي شيطيلي ريقي شفشفتيلي شعري نوضتي عليا مواجعي اااااه ياضلوعي اه اااه يارجليا
نورس:هههههه سلامتك سلامتك
اياد:بري خلاص عرفت اجابتك مش حنتصل بيك ثاني …متوحشة قاسية القلب … متحجرة المشاعر
نورس:هههههههههه بطل و**** اضحك فيا
اياد:انضحك فيك ! شن قصدك ؟؟ واخدة مشاعري واللي انحس بيه هزوة
نورس:وال..
اياد:مايجيش هكي و**** كان قتيلي مانبيكش ارحم
نورس:مش ق…
اياد:عيب هكي طول قوليها مانبيكش مش تتهزي عليا انا نعبر عن مافي داخلي وانتي تقولي هكي هيا سلام
نورس:تي خليني نتكلم
اياد:خلاص راح وقت الكلام سلام
نورس:تي نبيك ياهمي
اياد:مانسمعش فيك تغطية هربت
نورس:قصدي ااا… نبيك ايه
اياد:ههههههههههه
نورس:تو منو اللي يتزها هي
اياد:ريتي كيف خليتك اتقوليها
نورس:باااه به يامحتال تو انوريك
اياد:هههه ركبتيلي الضغط بسكوتك

هديل:تي نوضي هدرزي ف مكان تاني خلي نكمل نومتي يادراهت الكبد

نورس دارت روحها ماتسمعش ف هديل وكملت هدرزتها :المهم احكيلي كيف حالك توا ان شاء **** مافيش وجع
اياد:و**** متوجع بس انتي بسلم اوجاعي انتي اللي مصبرني عاللي فيه انعاني … انتي هناي وراحتي ومطراي
ابتسمت نورس وردت عليه :انت فرحتي وبسمتي ودﻻلي … انت الهمس انعزك اليوم وبكرة وامس انت الغلا الصافي اللي صفاه اصفى من العسل الصافي
اياد:ماشاء **** ياشاعرة *** يحفظك … حقق قوليلي ان شاء **** عجباتك الهدية
نورس تفكرت وقت حطتها ف الدوﻻب وطربقت عليها …
اياد:ماعجباتكش ؟؟
نورس:ﻻﻻ حلوة عجبتني ^^
اياد:باهي كويس

هديل :انتي ياحمارة *** نرقد

نورس خدت المخدة وضربت بيها هديل
اياد:من جنبك ؟؟
نورس:هادي هديل تبي ترقد… تو نهدرزو بعدين اوكي
اياد:اوكي سلام …
نورس:سلام …
اياد:نورس نورس
نورس:نعم
اياد:فيه حاجة ماقلتهالكش
نورس:شنو
اياد:مقر عملي بحدا مقر عملك يبعد عليه شارعين
نورس:بجديات ؟؟
اياد:اي
نورس:جوووو وخيرك ماقتليش من قبل
اياد:انتي ماسئلتيش وانا ماشفتش سبب قبل اني نقولك بس اليوم بحكم صصرحتلك بمشاعري خبرتك
نورس:اهااا باهي حلو جنب بعض .. هي باي باي هديل قريب تاكلني
اياد:هههه اوك باي

بعد شوي خش عمار كان واقف ق الممر يستنى ف اياد يكمل مكالمته
عمار :ايادوه خلي نروح انا ناعس منه نطمن امي عليك ومنه نرقد وتو بعدين نجيبهم امي وخواتك
اياد :به اوكي سلملي عليهم
عمار:اوك … مازال تبيه تليفوني؟
اياد:ايه ايه خليه ..
عمار:اوك سلام

اتكى اياد سرح شووي في نورس وعيون نورس ومشي فيها نومة لعند ساعة 9 فاق شرب اميا على خشت
صلاح..
صلاح: صباح الخيييير
اياد:صباح النوور
صلاح:كيف حالك ياوحش …
اياد:الحمد*** مية مية
صلاح:خوفتني عليك و**** امس مشي كل رعايش
اياد:منور يااحبيبي … شن شديتو الهكر ؟؟
صلاح:ﻻﻻ شدينا الصوندا بس
اياد:وشن قال
صلاح:مايعرفش مكان الهكر وسمعت طراطيش كلام انه سافر امس ف الليل بجواز سفر مزور وتاكدت وطلع الخبر صح

اياد:&&#$#
صلاح:وصيت جماعة ف المطار من اول مايوصل ل ليبيا ايبلغوني طول وحد من اﻻمن يلحقه ويشوفه وين يستقر
اياد:حنجيبه حنجيبه هالكلب طال الزمن او قصر … نستنى ف اللحظة اللي نشده فيها ونحطه يتختخ ف الحبوس مادار فيا خير امس
صلاح:ان شاء **** انشدوه ..
اياد:لكن خيرك هكي باين عليك امهبي
صلاح:وﻻ حاجة المهم شن مداير
اياد:شن فيه ياصلاح؟؟
صﻻح:و**** شن بنقولك … هناء عرسها السبوع الجاي … قتلها نخطبك قتلي ﻻ صعب بابا بيجوزني لقريبنا
اياد:اها
صلاح:مشكلة و**** استاجعت من نص قلبي اني حبيتها يااياد وشاك فيها ان بوها ضغط عليها بش تتجوز قريبها ﻻن اتقول فيها وعندها عادي و**** صدقت لما قتلي دودات مايبوش اﻻ العفس
اياد:غير هدي اعصابك هيا ماتستاهلكش
صلاح:سبحان **** الكلام اللي كنت انقولك فيه انت اتقول فيه والكلام اللي كنت اتقولي فيه انا قلته توا
مش حنتوق في البنات تاني حتى كان حطيت عيوونك على طبق ذهب بتمشي لغيرك
اياد:انت موجوع توا …. حتى انا كنت نقول هكي يس لما تلقى البنت المناسبة حيتغير كل شي … اختيارنا كان خاطئ فماتسمحش لهلخيار الخاطئ انه يأثر عليك
صلاح:حسبي **** ونعم الوكيل فيها وجعتلي قلبي …

ومرت ايام
وتعافى اياد تماما من كل جروحه
ومر عالموقف هدا 7 شهووور اي صارو ليهم مع بعض 12 الشهر اي عام مسكر

وحب اياد نورس لدرجة ماتوصفش كان يلقى يحطها ف عيونها وماحد يشوفها غيره … نورس بالنسبالها اياد كل شي … وكل شي اياد
وصارو قلب واحد جسد واحد روح واحدة

في يوم ما في كافيتيرية ساعة 9:30 صباحا …
نورس:هادي امتى الصورة ؟
اياد:هادي كان عندنا استعراض قوة قبل 4 سنين فاتو
نورس:تهبل لما تلبس بدلتك متع الشرطة ^^
اياد:انتي اللي تهبلي سموحتي
حط ايدها بين ايديه وكمل كلامه: انتي اغﻻ حاجة في حياتي نورس
نورس:وانت حياتي كلها حبيبي انحبك
اياد:نحيا ونموت وندوب في حبك
نورس:هههه ياروحي انت
اياد سرح شوي ف عيونها وقالها:محلا عويناتك ديما نحس فيهم يهمسولي بكﻻم حلوو زيك انتي
نورس:قصدك تفهم ف همس العيون اياد:انا استاذ في لغة العيون … قد تكون احيانا ابلغ من الكلام
نورس:مش معقولة
اياد:معقولة
نورس:ﻻ
اياد:به جربيني
نورس:به اقرا عيوني هي …
اياد:به ..بس بشرط
نورس:شنو شرط
اياد:كان طلع صح ماتغيريش الكلام اللي فبالك واالي حكيتيه عبر عيونك
نورس:اوووكي…هي اقرا ..هاه شن قلت
اياد:امممم عيونك يهمسوا …. انحبك اياد … ونتمنى نكون معاك في كل دقيقة وكل ثانية …. هاه شنو صح
نورس قامت حواجبها اندهشت ف اياد كيف عرف اللي فبالها وقتله : صح حبيبي و**** صح
اياد:احم احم ريتي كيف قتلك استاذ
نورس:غير انا قلت في كل وقت مش كل دقيقة وثانية
اياد:الدقيقة والثانية من ضمن الوقت
نورس:به علمني
اياد:شنو بنعلمك
نورس:علمني همس العيون
اياد:حسيني اعرفي كيف نفكر حتعرفي تقري عيوني وشن نقول

نورس:خلي نجرب …
وصل مسج ل اياد … قراه وابتسم
نورس:منو بعتلك مسج
اياد:ضروري نمشي بيبي
نورس:علاش
اياد:شوي حاجات
نورس:اهم مني
اياد:اكيد ﻻ
نورس:ﻻﻻ فيش مشي
اياد:هوا داك سموحتي
نورس:به شن عندك هي
اياد عرفها حتشد فيه وهوا عنده موضوع ضروري ففكر يحرقلها اعصابها بش توافق وترجع لعملها وهوا يمشي ع حاله فقالها :عندي موعد
نورس:عندك عينك
اياد:ايه خيره مايطلعش عليا عندي موعد
نورس:برا برا عارفتك تتسهوك عليا
اياد:ﻻ مانتسهوكش ^^
نورس:و**** نقتلك
اياد:اقتليني هي
نورس خنقت اياد
اياد:ههههه يديك زي العصفورة ب**** زيدي اقتليني زيدي ههههه
نورس:هههههه اياد !
اياد:نوضي يامهبولة مستعجل البنت تستنى فيا …هيا سموحتي نوضي هي طول للعمل واقعدي ف عملك حتى طلوع مع زميﻻتك للغداء ماتطلعيش اوكي … ومدابيك تكلمي خوك يروح بيك
نورس:بجديات
اياد:ايه بجديات
نورس تعفلقت وقتله:به برالها هي
اياد:نوضي نوصلك سيارتك ونركب سيارتي
نورس بتنفريط قتله:باهي
خلص اياد صاحب كفيتيرية وطلعو هما الزوز من كافيتيرية
اياد:هي باي مهبولتي
نورس:باي
ركب سيارته اياد وخدي نقاله اتصل ويكلم

نورس ركبت سيارته وتمتم … مش مطمنة من هيا هادي اللي بعتتله مسج وماشيلها معقولة حق بنت اممم ﻻﻻ اكيد يتسهوك … لكن الفار يلعب ف عبي ﻻ قنتشة اﻻ مانلحققك يا اياد حتى من بعيد لبعيد
طلع اياد وطلعت وراه الست نورس من بعيد لبعيد

صلاح:تي نحسابك بتجي اهنا ياراجل اياد:ﻻﻻ مشيت طول
صلاح:بكل انت ادير ف حاجات اتكلفز الرقبة
اياد:تي علاش
صلاح:نستنو فيك انا وجماعة
اياد:به الحقوني هي
صلاح:باهي باهي تو نطلعو توا …سلام
صلاح:ايمن يا ايمن
ايمن:نعم حضرة المساعد
صلاح:كلم وائل و احمد وخالد قولهم بنطلعو بنقبضو على الهكر ا
ايمن:ايه يستنو ف الظابط اياد
صلاح:اياد سبقنا ف طريق مازال ماوصلش… فيسع كلمهم قولهم نستنى فيكم ف سيارة
ايمن :علم

نورس:وين ماشي هدا
وراك وراك يا اياد مش انا اللي يديرو عليها واحدة تانية

((غبية ماتعرفش تفصل بين البصارة والجد هههه))
درس سيارته اياد واتصل ب صلاح
درست نورس بعيد وتراقب من بعد
خدت نقالها واتصلت برتاج ..
نورس:اها رتاج صار كدا وكدا وكدا وانا لحقته لمكان كدا وهوا توا ف سيارته مقعمز يستنى فيها شوره
رتاج:اها مصح وجهه
نورس:خايفة تعرفي .. المكان بعيد ونسيت الطريق الرجعة …
رتاج:علاش وين المكان …
نورس:فلان الفوﻻني
رتاج:فيه عمارات هكي وفيه زي الشجرة مكسرة
نورس:ستني … ايه ايه فيه
رتاج:والعمارة اللي قدامها اياد شن فيه جيهتها
نورس:فيه شجرة رقيقة
رتاج:ياحلوة فيه شقة غادي متع نص كم
نورس:شن نص كم
رتاج:حاجات مش مزبوطة
نورس:…… وسكير
رتاج:ﻻ ماﻻخير فيه شقة في هالعمارة مثلا راجل ويجيب نساوين يهيصو معاه
نورس:هيييي انهار احرف
رتاج:حوش عمي يسكنو فيها العمارة … لحقيه كان خش لشقة قدام بابها تقريبا تقريبا فيه غرستين كبار معناها هيا هادي
نورس:غبارة فشكارة سكري سكري صدمتيني اصﻻ ﻻزم نلحقه قنتشة تلعب في عبي
رتاج:هيا باي

صلاح:اها اياد وصلت ؟؟
اياد:ايه كيف وصلت
صلاح:به اصبر نقتحمو مع بعضنا بالك مسلح واﻻ معاه مسلحين
اياد:تي ماعتقدش معاه مسلحين بش قتلي امس كيف روح
صﻻح:ايه غير اصبر بس قريب نوصلو اياد:باهي به …
سكر الخط اياد استنى شوية ومعش عنده صبر خدي سلاحه عباه رصاص وحطه ف حزامه
اتصلت بيه نورس … فصل عليها ودار نقاله صامت ونزل سكر سيارته وبمجرد ماخش للعمارة لحقاته نورس وركبت وراه بشوية بشوية يفصل بينهم دور واحد
وقف فتح الباب متع شقة الهكر بتل وخش
وﻻن الباب ايزوي خلاه مفتوح
وخش يدور عالهكر
نورس قربت من بحدا الباب لقت غرستين كباروقعدت وتسحن على اياد مصح وجهه عنده حتى المفتاح معناها شقته خزيه عليه ووقفت اتبيت من الشق بش تزيد تتأكد …
في نفس الوقت رتاج اتصلت ب نورس كدة مرة بس نقال نورس صامت …
الهكر طلع من المطبخ شاد صونية بوشار واياد وسط الحوش بمجرد مالهكر شاف اياد حدف عليه الصونية وهرب جيهة الباب لقي نورس شدها كضحية وطلع من حزامه سلاح وحطه ع راس نورس
لحقه اياد وسمع صوت صيحة صوت مئلوف وكدب وذانه لما وصل اياد ف الهكر شاف نورس بين ايدين الهكر ومصوب سلاحه ع راس نورس انصدم اياد صدمة عمره ومعش فهم شي

يتبع…..







لحق اياد الهكر وسمع صوت صيحة صوت مئلوف وكدب وذانه لما وصل اياد ف الهكر شاف نورس بين ايدين الهكر ومصوب سلاحه ع راس نورس انصدم اياد صدمة عمره ومعش فهم شي … يشوفلهم معش استوعب شي من شي .. نورس شن جيبها اهنا وكيف الهكر شدها هكي … زعما تعرف الهكر والا شنو

الهكر :عندك علم توقعتك متت بعد الضرب اللي حصلته من جماعتي ههههههه
اياد:مش قبل مانقتلك ياوسخ
الهكر:هههه وسخ صار به به حنمشيهالك
اياد يغزز ف سنونه ومغتاض وقاله:نحي يديك من عليها
هكر: اكيد اتبصر …ل
اياد: لا مانبصرش
اياد لا اراديا تحرك خطوة للقدام يبي يكمل لين يوصل ف الهكر بش بيعطيه ضربه في اي مكان ويخلص نورس من قبضته
هكر: لا لا لا ماتتقدمش ولا خطوة
اياد: عادي نتقدم وكان تعبيني رصاص مش مشكلة
نورس ميتة من الخوف تبكي وقالت :لاااااا
هكر: مش انت اللي بنعبيك رصاص… . هيا… وعارف الظابط اياد يخاف ع الناس المدنية ههههه وتو بنخليني ننزل واﻻ نقتلها
اياد اتكنطا وقاعد مصوب عالهكر
الهكر: نزل سﻻحك ياظابط اياد نزل … نقتلها راه تعرفني سفاح
نورس تبكي:سامحني اياد سامحني ماكانش قصدي
الهكر: اووو تعرفو بعضكم حلو حلو كان قتلتها توا معناها حتتوجع عليها مرتين هههههه
اياد:خليها ياهكر موضوعك معاي انا هيا ماليهاش عﻻقة
الهكر:اكيد ليها عﻻقة بما انها تعرفك …ياام اختك ياقريبتك ياخطيبتك يامرتك ياصاحبتك امممم يابنت الجيران
نستبعد انها اختك او قريبتك ﻻن وقت عملك وجاي داهم عليا ﻻش بتجيبهم … ونستبعد انها مرتك ﻻن يستحيل تجيبها معاك وتقحمها ف مشاكل .. خطيبتك ﻻ …مش ﻻبسين دبل معناها يابنت الجيران ياصاحبتك
اياد:تي خليها خير مانفرغ فيك الرصاص
هكر:تفرغ ف راسك نزل سﻻحك
اياد:مش منزل
ترك ترك (( الهكر سحب التامينة متع السلاح))
الهكر:نقتلها اماﻻ
نورس تبكي:ماتنزلش سلاحك اياد …خليه يقتلني
هكر:تسكتي ياجيفة كان خايفة عليه ماجيتي معاه
اياد:احترم نفسك
هكر:خليتلك اﻻحترام تي هيا نزل سﻻحك ماطيرهاليش تره
ترفز اياد وعض شاربه لين سال منه دم حس بلحظة عجز بدل من انتصار … نورس حولتله لحظة الفرح بالفوز ف هذه المعركة الى عجز وخوف عليها …المجرم قدامه واياد واقف مش قادر ايدير شي
الهكر:نزل سﻻحك ودفه برجلك طيحه لوطى ف العمارة فيسع
انحنى اياد حط سﻻحه وهوا بيموووت من القهرررر… ودفه برجله
الهكر : goodboy اياد goodboy
اياد:خليها هي
الهكر: مستحيل نخليها لين نوصل ل سيارتي لوطى وماتفكرش تلحقني وديرلي خت فت …
نزل بيها هكر وعينه ع اياد ونورس تبكي
اياد اتحسر 100 … ويبكبك ويسحن غمتله رسمي … كيف بيتحرك خطوة للﻷمام
هكر:نشبح فيك ياظابط ماتتهورش خليني نكمل باقي الدوار وننزل ..
جمد اياد ف مكانه مش خوفا من الهكر ﻻﻻ خوفا على المهبولة اللي اسمها نورس… فجأة سمع اياد صوت رصاص
طاف طاف طاف
نورس تصيح :ااااااااااااا
طاف طاف طاف
اياد غمض عيونه وخنقاته العبرة ويفكر…حيه نورس قتلها الهكر وصيح صيحة قوية :نوووووووووورسسس …
نزل يجري ف الدروج زي المهبول لقي صلاح و وائل.. والهكر طايح سايل ف دمه ونورس رجليها معش حملوها فقعمزت ع درج وتبكي
صلاح:عارف عارف جيت ف الوقت المناسب …لكن شن ادير نورس معاك ؟؟؟معقولة اياد رافعها لمكان زي هدا
وائل:منو هادي قريبته ؟؟؟ ﻻﻻ يااياد من امتى نرفعو ف اقرابنا معانا لهيك مهمات وزيادة بنت انت هكي عرضت حياتها للخطر
اياد ساكت حتى كبمة طارتله من الموقف اﻻول زيدها حتى كلام صاحبه وزميله حس روحه عيل قدامهم
وائل:وخيرك سبقتنا قلنالك استنى هاه ماضربتاش بنار لين احنا جينا نقولك معش تتسرع لكن انت اتحب اتبان ف الصورة
اياد:وائل وحق *** ماناقصك راه كنت حنقتله صارت حاجة خارجة عن المألوف
صلاح:يااا ايمن ضبح ع خالد وتعال قيمو الهكر حطوه ف سيارة
اياد نزل من الدروج وكمل طريقه ونزل
نورس :اياد … اياد
ولحقاته
نورس تجري ف الشارع … اياد اسمعني بس ….وصلت فيه وشداته من مرفقه
تلفتلها اياد ويكشخ:شن تبي ف عمي
نورس:انا مش
اياد:قلة ثقة ﻻحقتيني لهنا ماتقوليش تصير فيك حاجة انا المسئول
نورس دموعها مطر :انا مانندريش ع روحي
اياد :شن ماتندريش ع روحك تي كيف اتلحقيني اصلا شن تشوفي فيا ولد اصغير نرضع ف صبعي ..
ملحقتيني ع خاطر قتلك عندي موعد مش واثقة فيا … عندك علم كان وائل رجع للإدار وقال الكلام هدا حيحبسوني ﻻن حيحطو فبالهم اني رافع شخص مدني لسفاح اثناء تأدية واجبي وان وائل البطل هوا اللي خلصك من هيك حاجة ب**** عليك روحي تره و**** ماطايقك
نورس:اياد اس
اياد خبط ع مرش سيارة وكسره وقالها : تي روحي
غمضت عيونهل نورس وتلفتت ومشت لسيارتها وهي تبكي
خشت سيارتها وحطت راسها على الدومان نادمة عاللي صار

ركب سيارته اياد وطلع وطلعت وراه نورس
لاحظها اياد درس سيارته درست وراه… اتصل بيها
نورس مسحت دموعها وردت :الو
اياد: امعش تلحقيني ماشي خييرك انتي
نورس: مانعرفش الطريق اياد قلت نمشي وراك اقلها لين نوصل تاجوراء
اياد :به تلحقي فيا من غير ماتقولي ! من قالك ماشي لتاجوراء بالك مروح للحوش
نورس:باهي خلاص تو نسئل لين نوصل للحوش… هي سلام
اياد:لحقيني تو نوصلك
نورس:به

وصلها قدام باب المركز وكيف بيدور بيطلع جي صلاح من الطريق المقابلة اشرله
درس اياد سيارته … ونزل صلاح من السيارة وجي جيهة سيارة اياد
صلاح :شنو ياباشا جو النمر المقنع ماشي بروحك
اياد:وديني ماناقص بصارتك ياصلاح
صلاح:به فهمني ﻻش رافع نورس معاك حرت فيك الحق
اياد:مارفعتهاش ياصلاح
صلاح:اماﻻ شنو
اياد:لحقتني
صلاح: كيف وعلاش
اياد: قلة ثقة ياصلاح… وقعت بعتتلي المسج ان الهكر روح وعرفنا
مكانه ..نورس كانت بحداي شدت فيا نقعد مشي قتلها عندي موعد صلاح: بش تتكنطا وتروح
صلاح: مشي لحقاتك
اياد: ايه
صلاح :لا ماعندهاش حق تلحقك… المشكلة مش ف هكي المشكلة ف وائل ان شاء **** مايدويش
اياد: يستر ****… اضايقت ياصلاح انا وتقث فيها وهي ماوتقتش فيا اتلحق فيا… لهنا وستوب بجديات كرهت العلاقات والارتباط
صلاح: بتسيبها قصدك ?
اياد: مخنوق ياصلاح تو نتلاقو بعدين
صلاح: اوك يابرو سلام

نورس خشت لمكتبها وهي تبكي
قعمزت عالكرسي وحطت يديها ع راسها
خشت رتاج للمكتب كانت ف مكتب زميلتها…
رتاج: ها شن صار… نورس شنو خيرك تبكي
نورس: مصيبة يا رتاج مصيبة
رتاج: شنو فيه
نورس: ((حكتلها بتفصيل))
رتاج: غبااااااارتك سودة كحلة على دماغك… ياريتك مالحقتيه
نورس:مصحك انتي اللي قتيلي لحقيه
رتاج: لا ياروحي لا… انتي لحقتيه من الاول ووقت وصلتي قدام العمارة كلمتيني وقتلك شن فيها ومشيتك طلعت عالفاضي
الشقة هديكا معش ولت متع الدوة نص كم فهمتي
نورس: وعلاش ماقتيليش من الاول
رتاج: اتصلت بيك 7 مرات وبعتلك مسج شوفي نقالك
نورس: انا غبية يارتاج غبية
رتاج: ايه لانه لو كان ماشي موعد بيقولك غبوووو
نورس: تسكتي خلااااص…
بنروح انا خوديلي اذن انحس في روحي مش عارفة كيف
رتاج : اوك تو ناخدلك

خدت شنطتها نورس وطلعت من مكتبها ونزلت دروج… وطلعت على البركيدجو ولعت سيارتها بش بنروح

اياد درس سيارته ع شط البحر.. ونزل منها خدي نفس عميق وقعمز يفكر… اخيه عالوقت اللي تحبه ايوجعك ماحسبتش ان في نظرك كذاب يانورس… انقهرت قدام الهكر انقهرت بعدد شعر راسي تحسرت رسمي…

نورس.. و**** ماقصدي غيرة كلتني ان شاء **** تفهمني يا اياد… من حبي ليك تصرفت بطريقة هادي
حنخليه يهدا وفي ليل نكلمه

اياد: برغم اني نحبك يانورس الا ان لازم ننفصلو عن بعض … حب بدون ثقة كالنقش على الماء

يتبع………







وصلت نورس للحوش وكالعادة لما تصير بينها وبين اياد عركة تخش طول لدارها ﻻ سلام وﻻ كلام وسكرتها
استغربت خ سالمة شن جيبها نورس ؟؟طلعت من المطبخ ومشتلها لدارها فتحت عليها وقتلها :ئه خيرك فيسع اليوم ؟
نورس: عندي صداع خديت اذن وروحت
خ سالمة:شنو تبكي ؟؟
نورس:ايه هكي من الصداع النصفي خ سالمة:نجيبلك حبة راس ؟؟
نورس:ﻻﻻ اهو نتكى تو يولي حالي باهي
خ سالمة: به اماﻻ اتكي هي
طلعت خ سالمة وسكرت الباب
ونورس تبكي ندمت انها لحقاته
طلعت نقالها من الشنطة و اتصلت بيها

اياد نقاله ف السيارة مايسمعش فيه مرة واحدة انسجم على شط البحر

نورس .. علاش ماتردش عليا اياد عﻻااااش عارفة روحي غالطة لكن رد عليا .. صيح كشخ عليا المهم ماتتجاهلنيش هكي

اياد.. انحس ف روحي مضايق وفتت الضيق من غادي خلوقي في تل
…خلي نروح للحوش نتمرقد خيرلي بﻻ تفكير زايد

وقف اياد ويسمع في صياح بنت معش عرف من وين … خدي سلاحه من سيارة وقرب للمصيف التاني بشوي بشوي لين وصل ف عريشة اقتحمها
لقي ولد حاصل ع بنت في موقف مش هوا …
بعد عليها ياكلب
الشاب:شن دخل #@$&$@ فوتني
ضرب اياد الشاب ع راسه …
وخدي كليبشة من حزامه وكلبشه
البنت تبكي ومعش قدرت تتكلم وساخت ….
نحى اياد جاكة متعه وحطها على البنت
مشي جري اياد ل سيارته خدي نقاله ورجع تاني جيهة العريشة …
اياد:ايوه صلاح … ب**** عطيني رقم اي قسم شرطة فيسع
صلاح:عﻻش شن فيه
اياد:فيه حادثة خطف افي بحر كدا كدا ….
م6:اوكي ستنى شوية نشوف ف اﻻسماء .. هي اكتب **02133334 تو نجيك مش بعيد انا
ااياد:اوك سلام …
اتصل اياد …. بقسم شرطة اﻻداب وكلمهم وقالوله خليك في مكانك وتو نجوك
طبعا انتو تعرفو شرطتنا تبيلها بش اتجي هههه اخر من يوصل
بعد شوي وصل صلاح
صلاح:اياد
اياد:اها صلاح
صلاح:كيف صار
اياد:و**** نسمع في صياح وعياط تبعت الصوت لقيت هالخامر هدا ف العريشة مع البنت مسكينة جيت بنرفعه انا بس مش تخصصنا حاجات زي هادي قلت نتصل بشرطة اﻻداب
صلاح :اها تره نشوفه بالك نزبطه الخامر هدا
اياد:تي ﻻﻻ البنت مسكينة … بالك اتفيق و تلقاك واقف داخل تتخزرط…. الحقير مزقلها حوايجها
صلاح:به خلي نستنو اﻻداب وخلاص….
اياد:عندك وشاح ف سيارتك ديما ترفع فيه برا جيبه
صلاح:هداكا قبل لما كنت عﻻقة مع هناء توا خلاص لوحته مع الكراكيب ف السطح … متعها هيا عطتهولي
اياد:اها اوكي
بعد نص ساعة وصلت الشرطة

وسيم:صباح الخير حضرة الظابط
اياد:صباح النور
وسيم:وين اللي بلغتنا عليه
اياد:في العريشة اهواه فاقد الوعي ضربته ع راسه
خش اياد للعريشة وطلع الشاب
وسيم:الكلب هدا مش عارف امتى بيبطل اللي يدير فيه …
اياد:تعرفه ؟
وسيم:هدا عنده عقدة نفسية وياكل في حبوب ومش اول مرة يخطف بنت بطريقة هادي … يخطفها ويمزقلها حوايجها صح مايدير فيها شي اكيدة فاهمني
اياد:استغفر **** العلي العظيم .. ماضيعو الشباب غير الحبوب

فاقت البنت ولبست جاكيت اياد وهي تبكي … لفت وشحها
واتصلت بأمها …
وسيم:جاكيت متعك حضرة الظابط؟؟
اياد:ايه
وسيم:اوكي … وقت ايجو اماليها حناخده ونبعتهولك ع المقر متاعك
اياد:اوكي … سلام وسيم

مشي اياد لسيارته ولحقه صلاح ركب معاه
اياد:تو بش جاي بسيارتك ﻻش راكب معاي
صلاح : حاس انك امعبي دوة

هديل … روحت ماما
خ سالمة:ع سﻻمتك
هديل:سلمك …
خ سالمة:اختك روحت بكري اليوم
هديل:خيرها
خ سالمة :قالت راسها يوجع فيها
هديل:اها خلي نشوفها
خشت هديل ع نورس ف الدار… لقتها مقعمزة وضامة المخدة وتبكي وتقول اياد..اياااد
هديل :خيره اياد
نورس قامت راسها وشافت ل هديل وقتلها:درت عملة ياهديل عمممملة
هديل:نورس انتي ديما بعمايلك *** يهديه رياض المفروض سماك عملة مش نورس
نورس:مش وقت برادتك ياهديل
هديل:به شن صار
نورس: ((حكت اللي صار))
هديل: يانهارك اسود امطشطش متزورق امغبر على دماغك … اهبلتي انتي اهبلتي تي كيف اتلحقي ولد وياريته ولد عادي تي ظابط النم ظاااابط واضحة عنده عمل خير عمك انتي ؟
نورس:والنبي ماتزيدينيش ياهديل
هديل :ﻻ بنزيدك ﻻن اللي درتيه غلط في حقه اوﻻ و تانيا شن موقفك لو شافك رياض مافكرتيش هكي

اياد حط صوابعه ف فمه من الغيض وقال: قريب متت بحسرتي ياصﻻح قريب متتتت
صلاح:معليشي يا اياد حاجة وصارت والهكر مات خلاص
اياد خبط ع الدومان ورد عليه :مش هكي مشناها النظرة اللي نظرهالي متع انت عاجز انا قدامك ومش قادر اديرلي شي وجعني الموقف… كله من نورس كله منها

نورس ريش ف شعرها وقالت :مانندريش على روحي ياهديل الغيرة عمتني …

صلاح:انت تعرفها غيورة وشخصيتها اقوية و ماتهابش ادافع عن حاجتها ومايهمها شي … فهمت كيف مدايراتك متع انت ليا مانبيش وﻻ انثاية تقرب منك

اياد:حتى ولو انها غيورة ياصﻻح مش بطريقة هادي تي حزت ف خاطري النهار المبارك

هديل :لقطتك توجع ..انا بنت زيي زيك واختك لكن لو درتيهالي حنريشك من شعرك

صلاح:فوتهالها يااياد البنت اتحبك وشارياتك ودارت هكي اكيد من حبها ليك

هديل:تعرفي عﻻش ياهانم بنريشك من شعرك او ؟
نورس:اعﻻﻻﻻﻻش

اياد:قلت ثقة ياصلاح … المفروض حتى نكون مع 100 بنت توتق فيا ﻻن عارفتني انحبها

هديل: ﻻنها تعتبري انتي مش واثقة فيه انحبك انحبك والثقة يجيبها خليفة اﻻعور

صلاح:وخيرك انت ياحويج وقت كنت اديرلها في تيستات و اختبارات وامتحانات نهاية الفصل
اياد:فيه فرق

نورس:قتلك ياهديل مانندريش ع روحي كيف درت هكي انحبه مش مني

صلاح:شنو الفرق
اياد:وقت اختبرتها يابطمة كنا بداية تعارف سمعتني بدااااية تعارف مش علاقة لينا عام

هديل:*** يهديك يانورس بجديات … الولد بيضيع منك في جرت عمايلك الغبرة

صلاح:يااياد مهما كان رد بالك اتخلي موقف الهكر ايضيع اللي بينك انت و نورس … البنت اتحبك وفي اﻻيام هادي صعب تلقى بنت اتحبك وتكونلك انثى ومع باقي رجال رجل … حطها فبالك هادي

نورس:و**** انموت كان خﻻني اياد سمعتيني انمووووت مش متخيلة حياتي من غيره هوا نفسي وضي عيني …. ستني بنتصل بيه و**** معاد نقدر
هديل:اتصلي كان رد عليك

اياد:ياصلاح عارف الشي هدا لك..
نقال اياد يرن>>في عيونك لغز واسراااار في عيونك رحلة ومشوااار

صلاح:رد عليها
اياد:مش قادر ياصلاح مش قادر …
صلاح:نصيحة بس راك اتخليها حتندم عليها ماتخليش نفسك اتقرر في لحظة غضب

هديل:شنو رد
نورس هزت راسها ﻻ

اياد:اوكي ..هيا يابرو خلي بنروح بنرقد انحس ف روحي امبغضض
صلاح:اوكي ياصحيبي نتﻻقو

روح اياد.. وفات يوم اتنين تﻻتة ونورس تتملج بكي وقلت نوم وكان رقدت وكوابيس في الليل
واياد مش قادر يكلم نورس حرجان منها

وفي يوم ما نورس ف المركز … و**** حياتي مظلمة من غيرك اياد …نتمنى انك حتى ترد عليا … استحشتك واستحشت كل حاجة فيك عيونك وكلامك وابتسامتك … علاش ادير فيا هكي عﻻش …
وفكرت في فكرة وطول بتنفذها
خدت شنطتها و كلمت رتاج تغطي عليها وطلعت
ركبت سيارتها ودرست قدام مقر اياد
اي ان بيناتهم شارع اتمر منه سيارة …وقعدت تستنى فيه …
بعد تلت ساعة من اﻻنتظار

وائل:هيا انت وياه الفطور ع حسابي صلاح:انت اتفطرنا غريبة
اياد:وين ماتقولش ف القهوة اللي قبالتنا
وائل:هههههه اماﻻ وين قهوة فرج ناخدلكم نسكافيه ومالفي
صلاح:مالفي ياقفاص
اياد:ههههه مقدم جده المالفي
وائل:كان ماتبيش اقعد
صلاح:هيا نوضو نوضو جعان
طلعو هما التلاتة يضحكو ويبصرو

صلاح:هههههه اقوية اياد اقوية ..به اسمعو النكتة هادي … مرة فيه واحد ركب طيارة باهي المهم شوي جت قعمزت بحداه واحدة ﻻبسة قفطان قصير وشعرها اصفر والعيون زرق
المهم سئلها اللي مقعمز بحداها قالها ليبية اﻻخت ؟؟؟ قتله اوووف كيف عرفت انا مدايرة باروكة صفرا و عدسات زرق وﻻبسة لبس اجانب قالها ركابيك سوود يعن شكلك ههه
اياد:هههههههههههههههه
وائل:هههههههههههههه يعنجد ركابيك سود
اياد:ههههه و**** جنابي خلااااص
وهما يضحكو هكي كيف طلعو من باب المقر وشبحتهم نورس يضحكو التلاتة
قعدت تسحن عليه انا جوي معكر وهوا عايش حياته
واياد قاعد يضحك جت عينه في عين نورس … تﻻشت الضحكة وادكر موقف الهكر متع العمارة
نزلت نورس ووقفت جنب سيارتها واشرت ل اياد نبيك شوية..
اياد:اوكي اسبقوني للقهوة ياشباب تو نلحقكم …
وجي جيهة نورس ووقف عليها
هوا يشوفلها وهي تشوفله لحظة صمت …
اياد قرن حواجبه وقالها ..

يتبع ……..










اياد :غريبة ماخشيتيش للمقر وقعمزتي ف مكتبي مستغرب الحق بعد ما لحقتيني بديت نتوقع منك اي حاجة
تغاضت نورس عن كلامه وقتله :علاش ماتردش عليا … زودتها تلاتة ايام ﻻ مكالمة ﻻ مسج ﻻ شي فهمني راسي من رجليا مانقعدش هكي ﻻمعلقة ﻻ مطلقة
حط اياد ايديه في نصه ع حزامه وطبسلها شوية وحط عينه ف عينه وقالها : انتي غالطة والغلط راكبك من ساسك لراسك … ومزال تبيني انرن ونمسجلك مسجات
تراجعت نورس خطوة التالي حست اياد قريب منها هلبا وقريب ياكلها بعيونه

نورس:ماتعرفش عﻻش اتصرفت هكي … مافقتش لروحي اﻻ لما تواجدت قدام العمارة
اياد:به لحقتيني ومافقتيش لروحك اﻻ فم باب العنارة ﻻش راكبة ﻻاااش اقعدتي لوطى نص الهم وﻻ الهم كله يانورس
نورس:انا ا..
اياد:انتي غ ا ل ط ة
نورس:باهي عارفة عارفة لكن…
اياد:خليني ب**** عليك و**** ماطايق ندوي فيه الموضوع بكل بمجرد مانفكر فيه اتجيني غمة
نورس:انا اسفة ماكانش قصدي نتمنى تفهمني غيرة عمتني
اياد:الغيرة وقت اتزيد عن حدها اتولي شك وانتي شكيتي فيا … تي كيف عقلك اصلا صدق اني ماشي موعد تي كان انا خاين بنقولك بنخونك تي الدنيا معبيا بنات كان بنخون ومانقولكش …
حط صبعه ع راسها وقالها :افهميها كويس النقطة هادي

نورس معش قدرت تشد دموعها وقتله:عندك حق انك تضايقك مانلومكش لكن حط روحك مكاني انا نقولك ماشية موعد شن بيكون ردة فعلك
اياد:مش حنصدق لان زابطك اتغيضي فيا لكن النقطة هادي مافهمتيهاش
ملحقتني وانا عندي عمل وياريته عمل ميداني شن تحسابيني عيل نورس؟؟ بالك تتحسابيني عيل …شيباني راه 33 عام مش متع بندير كدة علاقة وعارفة موقفي من الخيانة حاكيلك تقريبا
نورس:خلاص اياد .. حننسحب من حياتك بما اني موجعاتك هكي
اياد:برررررا
نورس:بجد ﻻن مانستحملش هكي
اياد:بطببيها زدتي عميتيها كان ماجيتيش خير

سيارة خاطمة..نزل منها شيباني
نورس ! انتي يابنت
تلفتت نورس ولقاته بوها قالت ل اياد حي بابا
جي عمك محمد جيهتهم وقال:شنو فيه خيرها بنتي شن دارت ..
يحساب اياد موقفها
اياد:ﻻ حاجة بسيطة خدشتلي سيارة العمل و اعتذرت وقتلها خلاص مسامح
ع محمد:وينها سيارة العمل نصلحهالك
اياد:خششها زميلي للمقر … ومافيش دداعي يابوي اتصلحها مسامح انا
ركبت نورس سيارتها
عمي محمد:بارك **** فيك ياولدي
اياد:فيك بارك ****
بعد عليهم اياد شوي وطبس يربط في خيوط كندرته
نورس:انا راجعة للعمل تبي حاجة بابا
عمي محمد:جيت ااا جيت بنقولك روحي بكري حوش عمك بيجو يخطبوك
انصعق اياد ل هالخبر اللي سمعه
اللي طاح ف وذنه …
نورس:عمي منو سمله ؟؟ام عم
عمي محمد : عمك عبدالحفيظ
نورس :لا حول ولا قوة الا ب****
ع محمد:غير ولي خدمتك توا و بعدين روحي بكري
نورس بكل حزن : ان شاء **** بابا
انسبهت نورس ركبت سيارتها ولعتها ووخررت ولفت رجعت للمركز مشي عمك محمد ع حاله
خش اياد لجماعته ف القهوة
صلاح:خيره هارب عليك الضي
وائل:اشرب نسكافيه اشرب
اياد راسه يدير ف شريط حياته مع نورس …. مع اﻻغنية وكانه بروجكت
صلاح:شن فيه ياراجل
اياد صمت تاااااام
وائل :ايوه ايه باهي به هو جاي هي …
صلاح:شنو منو
وائل:يبوني ف اﻻدارة … هي نتلاقو
صلاح:اوكي
تلفت صﻻح ل اياد وقاله :خير بلاك شنو فيه
اياد:ببببب
صلاح:شنو بببب
اياد:بيخطبوا نورس
صلاح:منو وكيف
اياد:حوش عمها
صلاح:بالك تكدب عليك
اياد:ﻻﻻ بوها اللي قالها
صلاح :كيف صار
اياد:كنت انا وياها نتناقشو فجاة ((حكاله))
صلاح:اهااااا هي خود هي راحت عليك البنت
اياد:شن ندير
صلاح:حتى بترفض توا ماعندهاش سبب لرفض انت مسيبها ماليكش الحق اتلومها
اياد:تي …تي كيف ندير
صلاح :اصبر
اياد:مانقدرش نصبر …. برغم مكنطيتني وواصلتني منها صفار لكن مانبيهاش تكون لغيري
صلاح:كيف بدير توا
اياد:و**** ماني عارف مفركس بجديات
صلاح: ﻻ اعلم …. حقا امي بتخطبلي
اياد:مبروك عليك وقته تو
صلاح:عارف وقت مش مناسب لكن
شفت اختك في مستشفى واﻻه … لما انصبت عالمرتين
اياد:تبصبص ع خواتي

صلاح:ﻻﻻ راك تفهمني غلط و**** نظرة خاطفة الحق
اياد:مش ملاحظ ان الموضوع هدا مش وقته حتى بنقولك باهي نقول ﻻ …فوتني توا
صلاح:اوكي به اسف
اياد:مش هكي يستر **** افتحه موضوع لما تشوفني رايق

نورس:رتاااج رتاااج
رتاج:شنو فيه
نورس:بابا قالي حوش عمي بيجو يخطبو
رتاج:الف الف الف مبروووووك
نورس:على شنو تباركيلي يابلي مانبيش نتجووووز مش متخيلة حياتي من غير اياد
رتاج:بري تجوزي وتستتي ﻻ اياد ﻻ حلبة تره
نورس:انحبه
رتاج:تحبي حناك الشارفة بري تجوزي وتستتي ع حالك بلا حب بلا وجع قلب
نورس:والنبي اسكتي يارتاج اسكتتي
رتاج:به ع راحتك

روح عمي محمد للحوش
خ سالمة :وين كنت اماﻻ
ع محمد:كنت ف سوق الخضرا حي نسيتها ف سيارة …
خ سالمة:اه به
ع محمد:ولقيت نورس ف الطريق قتلها حوش عمك بيجو يخطبو
خ سالمة:اللطف معش قدرت تصبر لين تروح
ع محمد:كنت خاطم من غادي
لقيتها واقفة شادها شرطي… غ
خ سالمة:اللطف ﻻش شادها
ع محمد :خرطتله السيارة باهي طلع ولد حلال وسامحها
خ سالمة:اه باه

اياد يزربز زي المهبول مش عارف كيف يدير
صلاح:غير اهدى
اياد:كيف تبيني نهدى كيف البنت بضيع مني
صلاح:شن قتلي ! بش ع اساس بتسيبها و..
اياد:فكني منك شن نسيبها هادي
صلاح:به غير نوض نوض بنرجع للمركز
اياد:باهي هي
وهما راجعين للمركز متعهم قابله وسيم قدام البواية
وسيم:صباح الخير حضرة الظابط
اياد:صباح النور
صلاح:صباح النور
وسيم:شن اخباركم وشن اموركم
اياد:اهو معدلة
صلاح:تمام .. شن الريح القوية اللي جاباتك عندنا
وسيم:و**** شن بنقولك الحق الحق جاي ع خاطر جاكيت كل يوم بنبعت حد وننسى اهو جبتها اليوم خاطم من جيهة هادي
اياد:اها تي قريب نسيتها ياراجل
وسيم:نحساب بنحصلها وقتي امالي البنت ماجابولهاش حوايج روحت بيه جاكيت متعك وبعتاته مع بوها
اياد:اها اوكي مشكور وسيم
وسيم:الشكر *** هي سلام نتلاقو
اياد:نتلاقو يابرو
صلاح:سلام

نورس:وووه عليا و**** مانحبهم شكلات العيلة وووك علياااا
رتاج:باهي ارفضي
نورس:ماريتيش بابا وجهه كيف فرحان اتقول اشبح شنو
رتاج:انتي قابليه ديري مقابلة شرعية وكان ارتحتيله بعدين ساهل
نورس:تي نقولك ولد عمي معناها واضحة نعرفه خير بلاك هوا راس ولد من امتى نسمع فيهم يقولو ندوروله بنخطبوله بنخطبوله …
نقال نورس ايرن
نورس:اها ماما
خ سالمة:اسمعي يابنت بش تجيبي طشيشة حلوات ولد عمك بيخطب اليوم
نورس:مانبيش نتجوز ياماما مانبيييش
خ سالمة:اعقلي بلا هبال عارفة خوك يبي اميرة بنت عمك
نورس: وشن خصني انا
خ سالمة:كان رفضتي حتى هما بيرفضو افهمتي … هي الرصيد بدي يصفر جيبي حلوات معاك وانتي مروحة راك تنسي …
نورس :غبرت يارتاج غبرت
رتاج:خيرك
نورس:خوي البلي يبي بنت عمي
قتلي امي كان رفضتي حتى هما بيرفضو
رتاج:اممممم مشكلة
نورس:فكري معاي كيف الحل
رتاج:و**** ماعرفة
نورس:كنت في مصيبة وليت في مصيبتين

خشو اياد وصﻻح للمكتب وقعمزو
اياد:الصبر ياربي الصبر
صلاح:فيه ورقة طالعة من جاكة اللي جابهالك وسيم
اياد قام جاكة وطلع منها الورقة فتحها … مكتوب فيها
* شكرا …شكرا ياشرطي انك جيت في الوقت المناسب وتمنيت نشكرك بنفسي بس ماحصلتش فرصة
وهدا رقمي كلمني ب**** عليك **09253487
نستنى في اتصالك …*** يحفظك *
اياد حط الورقة وقال :ﻻزم نتصل بنورس ونفهم منها شن قصة الخطبة هادي
خدي نقاله بيتصل مالقاش رصيد فاتصل من اﻻرضي
صلاح:قولنا شن مكتوب ف الورقة
اياد:هاك اقراها
صلاح خدي الورقة قراها وقال :ﻻش الرقم … مفروض شكراتك وخلاص
اياد:تحب تفهم ادوخ
صلاح:ستنى ستنى … هدا وكأنه رقم اخت هناء
اياد:حق ؟
صلاح:و**** بجديات …. ستنى تره نشوف الرقم اللي فنقالي … ان شاء **** مامسحتاش بس

اياد:ايوه السلام عليكم
نورس:وعليكم السلام
اياد:شن الجو
نورس:تمام
اياد:مافيش حاجة بتقوليهالي
نورس:فيه
اياد:بتوافقي؟
نورس:ع شنو
اياد:ع نفس الموضوع اللي فبالك بتوافقي؟
نورس:قصدك ع موضوع الخطوبة
اياد:ايه
نورس:وكيف عرفت اللطف
اياد:جاوبيني بتوافقي
نورس:تو بش قتلي نسيبو بعض وكشخت عليا امبكري !
اياد بنبرة صوت حادة جدا قالها :بتوافقي ؟؟
نورس:ﻻﻻ مانبيشي مش متخيلة روحي مع راجل تاني اياد
اياد:اماﻻ ارفضيه لما يجوكم بعدين …
نورس:اﻻمر معقد
اياد:علاش ؟
نورس:خوي يبي بنت عمي .. اخت اللي بيخطبوني ليه
اياد:وين يخدم هوا
نورس:علاش
اياد:تي وين يخدم
نورس:شرطي لكن ف اما مركزه مش عارفة
اياد:شرطي … شن اسمه ؟
نورس:وسيم
اياد:وسيم ! ماتقوليليش قصير شوية
نورس:ايه
اياد:زبطه زبطه … صح و**** لقبه نفس لقبك حي عالدماغ ماركزتش مرة واحدة
نورس:تعرفه ؟؟؟؟
اياد:اكيد نعرفه … به خلي نمشيله
نورس:شن بتقوله ..
اياد:نعرف شن نقوله … غير انتي اطلعي منها ومشي اﻻمور عادية باهي
نورس :اممممبه خلاص … اياد
اياد:نعم
نورس:سامحتني ؟؟
اياد:ماسامحتكش وقاعد حرجان منك ومدكر مش ناسي … حسابك مازال ماتمش غير انفركش موضوع الخطوبة بعدين ساهل
نورس:اخخخ ياربي… به اوكي
اياد:هي سلام

صلاح:طلع الرقم اخت هناء
اياد:به اتصل بيها
صلاح:ﻻﻻ شن بنقولها انتي اللي خطفوك ! عيب … لكن من قبل شاك فيه الرقم لهناء واتقولي ل اختي
اياد:هات نجرب من اﻻرضي ونفتحلك المايك … كان طلع صوت هناء باهي كان واحدة تانية معناها اختها
صلاح:ماعندي ماندير بيهم … خلاص انا توا طالب القرب منك ^^
اياد:اممممم باهي تو نكلم الوالدة وخواتي كان وافقت اختي وين نلقى خير منك … كان رفضت ماتزعلش مني مانقدرش نضغط عليها الزواج دوم مش يوم
صلاح:زين الكﻻم
اياد:لكن اما واحدة فيهم
صلاح:سمعت الوالدة تنادي فيها سرور
اياد:ماشاء **** حافظ حتى اﻻسم
صلاح:ههههه … احكيلي شن قتلك نورس
اياد:قول من طلع ولد عمها
صلاح:منو
اياد:وسيم
صلاح:وسيم ماغيره
اياد:ايه هوا
صلاح:اها وكيف بدير
اياد:بنمشي نكلمه توا
صلاح:وشن بتقوله
اياد:بنقوله نبيها بنت عمك ويستر **** ان شاء **** ما يسكرش راسه بس

يتبع……..







اياد:قول من طلع ولد عمها
صلاح:منو
اياد:وسيم
صلاح:وسيم ماغيره
اياد:ايه هوا
صلاح:اها وكيف بدير
اياد:بنمشي نكلمه توا
صلاح:وشن بتقوله
اياد:يستر **** ان شاء **** ما يسكرش راسه بس
صلاح:ان شاء ****

نورس .. زعما اياد شن بيقول ل وسيم اممم ان شاء **** مايقوﻻش علاقة…حييي غبرت كنهدا … ياااودي عادي حتى كان قاله مش مهم المهم نكون مع اياد حتى كان وسيم جي وقال ل رياض عالموضوع عادي يبو يضربوني خلي يضربو وجع ساعة وﻻ وجع كل ساعة ياكبدي …

رتاج:ماتقوليلش خيرك فاتحة عيونك زي الحوتة وسارحة …… انتي يابلي
نورس:هااه هاه ماتخليش حتى من يفكر !
رتاج:قتلني الفضول *** نعرف في شنو اتفكري
نورس:وشن عندي نفكر من غير خطبة الهم
رتاج:به عطيهولي ولد عمك كان ماتبيشي …
نورس:ههههه كان عليا خوديه من توا وعليا كل تكاليف العرس

صلاح…زعما نمشي نوقف قدام حوشهم ونشوفها سرور لكن بطريقة اهياه نعتبر نخون ف اياد اممم شن اندير ياربي ….ان شاء **** توافق

اياد علق ف زحمة الطريق .. وبدل مايكمل مشواره ل وسيم …درس سيارته وبدي يسرح ف الطريق
لين جت ساعة 1
على اتصال صلاح
صلاح:وين انت ؟
اياد:ف عرادة
صلاح:شن ادير غادي
اياد:الطريق زحمة نسرح فيها
صلاح:اسمع فيه مجموعة مسلحة اقتحمت مبنى وفيه قتلى وجرحى تعال فيسع
اياد:مش وقتهم بكل امشي انت و وائل
صلاح:وائل طالع ونقاله خارج تغطية
اياد:تي اتصرف برا انت وايمن انا مازال مامشيتش ل وسيم
صلاح:و**** *** يهديك طالع من ساعة 12 بش اتسرح الطريق !
اياد:غير برا انت للمكان وكان اطر اﻻمر تو نلحق عليك
صلاح:باهي به

اياد…و**** ماوقتها الخدمة الغبرا هادي ..
ركب سيارته اياد وحس بتشوش ف الرؤيا … دوخة ﻻدت عليه الصفرا خدي شيشة الميا شرب منها والدوخة مستمرة ….
ولعع سيارته ومتجه ل وسيم

نورس:اها هديل … اكيدة قتلك امي عالخبر واﻻه
هديل:ايه قتلي … وقتلها وسيم و نورس مش لبعض بس مابتش تقتنع قتلي انتي شن فهمك … ايه حق شن قلتي ل اياد؟؟
نورس:ﻻﻻ سمع بروحه
هديل :كيف ؟
نورس: بابا جاني اليوم لجيهة العمل واياد كان بعيد شوية علينا فسمع الخبر
هديل:اهااااا
نورس:اسمعي تو نكلمك بعدين شحن بيفصل
هديل:اوك

وصل اياد عند مركز وسيم والدوخة مازال مئثرة فيه
درس سيارته ونزل وخش للمركز
علي:اوووووو زارتنا البركة
اياد:مرحبا علي كيف حالك
علي:تمام كيف حالك انت ياحضرة الظابط عاش من شافك
اياد:تعيش وتشوف شن امورك
علي:كويس **** ايعزك
اياد:تمام بكل ….اماﻻ وين وسيم
علي:وسيم طالع لكن استناه مش حيعطل
اياد :اوكي …
قعمز اياد مع علي وهدرز معاه ليييين جي عمك وسيم مع ساعة 2:25
وسيم:ﻻ عاد مش معقولة فيه خطأ ف الموضوع الظابط عندنا !
اياد:ههههه علاش خطأ قلنا نديرولكم زيارة
علي:تي اما زيارة و**** جاي ع خاطرك مخصوص ياوسيم ليه ساعة اﻻ ربع يستنى فيك
اياد:تي رزرز النهار المبارك هههه
وسيم:هههههه ان شاء **** خير
اياد:خير ان شاء ****
علي:باهي اماﻻ نستاذنكم تو
اياد:تفضل
وسيم:هئ احم باين عليك معبي دوة اياد:نوعا ما
وسيم:اوك هات ماعندك
اياد:احيييه
وسيم:خيرك شنو فيه
اياد:صداع ودوخة
وسيم :بالك مافطرتش
ااياد:خديت قهوة بس …
هدرزو وضحكو مع بعض وبعد شوي
اياد:عموما شن داير
وسيم :اهو ماشي الحال
اياد:شنو مازال مافكرتش تخطب
وسيم:و**** شن بنقولك … كنت *** واحدة ومعش حصلتها ف امي قررت تخطبلي بنت عمي وخلاص
فرح اياد لهلكلام اللي سمعه
ورد عليه: معناها انت خديت بنت عمك بش تتجوز وخلاص وفبالك اتحب واحدة تانية
وسيم:مش حب حب فيه بنت عاجبتني قداش ليا نجري ف جرتها لكن مابتش تعطيني وجه
اياد:ههههه صحة ليها
وسيم:تي شن صحة ليها مئة مرة قتلها مانبيش نلعب بيك مابتش تعدل عليا …
اياد:به عرفت وين حوشها
وسيم:ﻻﻻ قصقصت عليها من بعيد ل بعيد قالولي تسكن ف منطقة كدا وين **** اعلم
اياد فكر انه يساعد وسيم بش وسيم يتقبل موضوع اياد ومايهبش ف وجهه او يديرله شوشرة فقاله :اها هادي منطقتي … شن اسمها البنت بالك تطلع بنت جيرانة واﻻ حاجة
وسيم:سرور
اياد:طويلة شوية
وسيم:ايه
اياد:عيونها زرق

وسيم: ايه تعرفها اياد

اياد:تبي تخطب واﻻ بتلعب

وسيم:تي بنخطب شن نلعب هادي
اياد:ايه ﻻن لو كان بتلعب بنقتلك ف مكانك

ﻻن البنت اللي تتكلم عليها اختي

وسيم:بجديات ؟؟ بجديات اختك اياد قصدي الظابط اياد
اياد:ايه
وسيم:الحمد*** ياربي الحمد*** …. باهي في الحالة هادي انا طالب القرب
اياد:تو نكلم العويلة وان شاء **** خير …. مش عيلتك يلعبو براسك تمشي تخطب نورس !
وسيم:كيف عرفت اسمها بنت عمي
اياد:اه شنو …ايه ايه ماه انت قلتهولي امبكري
وسيم:ﻻ ماقلتاش
اياد:من اﻻخير بكل بكل بنت عمك ونبيها ونبي نخطبها
وسيم:اهااااااا وانا نقول من بكري غريبة ماقالي شي وقت حكيتله ع اخته
اياد:قتلك انا لو انك بتلعب كنت حنعرف شغلي معاك
وسيم:به حلو حلو و**** فرحتني *** يتمملك ع خير مع نورس غير كلملي عيلتك بنجوكم العشية
اياد:العشية صعب شوي خليها غدوة
وسيم:خلاص تم
اياد:تم … هي نستاذنك توا عندي عمل
وسيم:اوكي *** ايعاون
طلع اياد وركب سيارته وولعها واذكر صلاح طول …
اياد..حيه ع راسك يااياد صلاح يبي يخطب سرور وانا نسيت الموضوع مرة واحدة عليك عملة علييييك عملة مبردني كيف ننسى حاجة زي هادي …صاحبي راس كيف ندير نرجع ل وسيم نقوله مخطوبة ؟؟لكن حيديرني نجري بيه غير بش نسهل موضوعي … وكان قلت ل صلاح عاللي صار بيقولي بعتني ع خاطر مصلحتك … وووه و**** مابعتك ياصﻻح الدوخة مئثرة فيا لين نسيت كل شي …. **** سهل سهل اﻻمور ..

طلعت نورس من العمل وخطمت ع حلويات بلقيس خدت حلويات وروحت للحوش ..

وسيم يفكر…شن بنقول لحوش عمي ماصارش من خطبتي لبنتكم اه واﻻ اكتشفت اني مانبيهاش هههه وااااك عليك حصلة حصلتها كله من تزربيز امي *** نجوزك *** نجوزك ..كيف الراي و**** كان قلت لامي عالموضوع تاكلني تقولي تلعب بحوش عمك بنخطبو وبعدين ﻻ مانبوش نخطبو امممم ايه خطرت عليا فكرة …صح صح ياوسيم ماعندك اﻻ هالفكرة

رجع اياد للمقر وخش المكتب وقعمز يفكر ف المشكلة متعه …
بعد نص ساعة خشله صلاح
صلاح:هدا غير بتلحقنا … خليتنا انا وايمن بروحنا نجرو ماندرو … ياناري بنية صغيرة عمرها خمسة سنين واﻻ اقل مقتولة و**** شي يقطع القلب ياراجل ….تي وين سارح…اياد
اياد:اه نعم
صلاح:من بكري نهبهب بروحي وين سارح….شنو تعاركت انت و وسيم؟؟
اياد:ﻻ ما …
صلاح:خيرك كلمات متقاطعة
اياد:اسمع انا مروح توا تو نهدرزو بعدين
صلاح:تي ﻻش مروح قعمز هدرز
اياد:ﻻﻻ عندي شوي مواضيع *** انتمها
صلاح:به غير ادرجلي موضوعي من ضمن مواضيعك ^^
تلفت اياد ل صلاح وشافله شبحت حزن ): …ويفكر عليك عملة ياصلاح باين عليك متأمل هلبا استعفر **** ياربي كيف الحل كيف
صلاح:خيرك تشوفلي هكي ب بؤس
اياد:اها ﻻ شي هي نتلاقو بعدين
صلاح :اوكي يابرو

اياد..احسن شي نمشي نقول لأمي ع الزوز عرسان وخلاص وان شاء **** خير

نورس:رقم غريب ياهديل زعما منو
هديل:ردي
نورس:بالك اياد يجرب فيا
هديل:به ماترديش
نورس:به
رن الرقم مرة واتنين زتلاتة
هديل:تي ردي
نورس:كان طلع اياد و**** نقتلك
…. الو

يتبع

……..








نورس:الو
وسيم:اهلين
مدت نورس النقال ل هديل
هديل:منو
وسيم:انا وسيم شن اخبارك نورس
هديل:اهلين وسيم…انا هديل تمام بخير شن اخبارك انت
وسيم:تمام ….اسمعي هديل تره اعطيني نورس
هديل:اوك لحظة بس ….
مدت هديل النقال ل نورس وهمستلها :وسيم
خدت النقال نورس وردت:الو اهلين وسيم
وسيم:اهلين بيك …نورس بعدين في العشية وقت بنجوكم حنحط شروط تعجيزية باهي وانتي ارفضي
نورس:اوكي بس زي شنو الشروط
وسيم:مازال مافكرتش المهم ناقشيني وديري روحك متعصبة
نورس:اوكي ماتوصي حريص ههههه
وسيم:هههه تم
نورس:بس فهمني ! عﻻش بدير هدا كله
وسيم:تو بديري روحك مش فاهمة وقطة بريئة … كان عندي الظابط بطوبته ﻻفة عالراجل جايني دايخ من هالخبر
نورس:هههه
وسيم:شيطانة
نورس:به منين جبت رقمي
وسيم:خديته من اميرة اختي
نورس:اها اوكي …
وسيم:اوكي نتلاقو سلام
نورس:سلام

نورس سارحة وهديل تشبحلها ع جنب
هديل:به وبعدين
نورس:وسيم قالي ع خطة
هديل:خطة شنو
نورس:ان هوا بيحط شروط ومش حنتفقوا
هديل:حلووو معناها اياد كلمه
نورس:ايه

وصل اياد للحوش خش وسكر الباب
اياد:السلام عليكم
خ مريم:وعليكم السﻻم
اياد:كيف حالك يمى
خ مريم:الحمد*** كيف حالك انتا
اياد:الحمد *** كويس …اماﻻ وين سرور
خ مريم:ف المطبخ
اياد:به تمام ب**** يمى وتيلي حاجة ناكلها مابين ماخديت دوش ونبيك ف موضوع مهم جدا
خ مريم:ان شاء **** خير
اياد:خير خير
خش اياد لداره خدي حوايجه لقي نقاله يرن فا رد
اياد:اها صلاح
صلاح:مش عارف جاني احساس انك بتكلم العويلة
اياد:ايه ايه شوية ونقولهم تو نتلاقو بعدين مع العشية ونقولك شن صار تمام اوكي ..سلام
ومشي للحمام بيدوش

خ مريم ناضت زي الطلقة ومشت ل سرور
خ مريم:سرور سروووور نحي سماعات اللي ف ودانك
سرور:اها نعم ماما
خ مريم:خوك حسه جايب موضوع
سرور :موضوع شنو واما خو
خ مريم:اياد قالي نبيك ف موضوع مهم شوره جايبلك عريس
سرور:وبالك الموضوع المهم ليه ويبي يخطب
خ مريم:مش عارفة فيسع ديريله حاجة ياكلها
سور:به اوكي

بعد شوي طلع اياد من الحمام … وقعمز بحدا امه … ههدرزو شوي
خ مريم:شن الموضوع
اياد:ايه … هدا ياسيدي بن سيد جايين زوز عرسان ل سرور
على خطمت سارة وسمعت هالكلمتين جتهم تجري وقتلهم :ئه ماشاااء **** زوز عرسان خيرنا احنا واﻻ مش غاسلين وجوهنا

تعرف لمن اتجيب
خ مريم:تسكتي ياام لسان طويل
اياد:هههههه بكل انتي سارة ادكري فيا بواحدة
سارة:بجديات شنو زوز عرسان هادي اعدل يااخي واحد ليا وواحد ليها
خ مريم:تي اتحشمي اتحشمي خوك الكبير ياشفشة
اياد:عادي خليها يمى اتقول اللي فبالها
خ مريم:ما مخليها هكي اﻻ انت راهو … حتى قدام ناس كلمتها طول اتحطها ماادور حد
اياد:ههههه تي غير خلونا ف موضوعنا *** حل انا
خ مريم:حل كيف لشنو
اياد:الزوز هادو صحابي … حاير كيف ندير
ع خشت سرور جايبة صفرة ماكلة ل اياد
اياد:صحيتي
سرور :سلمك
اياد:قعمزي قعمزي مدايرين اجتماع
سرور:اجتماع شنو
اياد:هدا ياس..
سارة:جاينك زوز عرسان ريتي سعدك لوين واصل او… حتى هما العيون الزرق … كله منك يمى توحمتي ع عيون بابا كنهدا توا عيوني زرق مش عسليات
اياد:ياسارة خلي ندوو كلمتين ع بعضهم ياسبحان ****
سارة:به سكتت خلاص
اياد:المهم ياسرور هادو الزوز صحابي…
خ مريم:به من هما شن يشتغلو
اياد:واحد منهم تعرفوه … صلاح
سرور:مستحيل
اياد:علاش
سرور:سامحني وخيي عارفاته صاحبك لكن مستحيل ناخده
اياد:الولد كويس راهو
سرور:عارفاته بما انه صاحبك معناها كويس لكن مانبيشي
سارة:اشي كيف تتجكتر المعفنة !
اياد:عطيني سبب واحد مقنع
سرور:سمين وانا مانحبش السمان وصاحبك هدا نشوف فيه سمين من وقت كنت صغيرة معناها مافيش امل انه يضعف
خ مريم:عيب ياسرور
سارة:طيح سعدك وخيرهم السمان مش ناس او
اياد:خلاص خليها ياسارة ع راحتها معش تضغطي عليها
خ مريم:به شن بتقول لصاحبك تو
اياد:و**** ماني عارف
خ مريم:به والتاني
اياد:التاني اسمه وسيم يشتغل شرطي اقصر مني بشوية
سرور:المهم مش سمين
اياد:ﻻ مش سمين وعيونه ملونات زيك …هاه شنو باهي ؟؟
سرور:مش عارفة ..بس لو انك عارفه ولد كويس خلاص
اياد:باهي كوويس معناها وسيم مش صلاح…اممم غير زيدي فكري ف صلاح وراس وخيتي و**** شاب كويس ومافيش منه ودمه خفيف نوتق فيه اكثر من اي شي تاني … انا مانبيش نجبرك عليه….مانبيشكش في القدام اتقولي اياد ضغط عليا وزوجني بسيف لكن زيدي فكري فيه …
سرور:و**** عارفه انه كويس وولد ناس بس مانبيش سمان … مانحبهمش
اياد يفكر شن هالعملة هادي توقعتها بتوافق ع صلاح ياربي كيف ندير صاحبي كيف بنصده استغفر **** ياربي
خ مريم:ماتحرجش روحك يا اياد قول لصلاح الزواج قسمة ونصيب تبي نكلمه انا نكلمه
اياد:اخخخخ … ﻻﻻ تو نكلمه انا ونفهمه وخﻻص
سرور:سامحني بنحطك ف موقف
اياد:ﻻﻻ اﻻمور طيبة وخيتي اهم حاجة راحتك هدا زواج دوم مش يوم
سارة: ان شاء **** *** ايتمم ع خير .. وعقبالي
اياد: إن شاء **** شن *** غير نشوفكم متزوجات متستتات ومتريحات … وبالنسبة لوسيم قال بيجي غدوة هوا وعيلته
خ مريم:قوله خليه بعد ايام اقلها نوتوا رواحنا
اياد:ان شاء **** حنقوله

نورس:خيره اياد فايتني ومعش دورني من بكري نتصل بيه
هديل:بالك مشغول
نورس:امممم ممكن …
خلي نزيد نتصل
اياد:ايون
نورس:اهلين
اياد:اهلين بيك
نورس:وييييينك حبيبي من بكري نتصل بيك
اياد:توا كيف خشيت داري كنت مقعمز مع العويلة
نورس:اها اوكي
اياد:اكيدة تقصقصي تبي تعرفي شن صار مع وسيم واﻻه هههه
نورس:ههههه ﻻﻻ عرفت
اياد:كيف عرفتي
نورس:من وسيم
اياد:شنو شن حسك قلتي ؟
نورس:من وسيييم
اياد تعفلق وطارتله فقالها:سكري التلفون
نورس:عﻻش
اياد:سكري التلفون نورس
نورس:شنو فيه عل….
اياد:سكري التلفووون قتلككككك
نورس:به به باي

هديل:خيره اياد يلعلع
نورس:قالي اكيدة تبي تعرفي شن صار مشي قتله عرفت من وسيم
هديل:وانتي ﻻش قايلتله تعرفيه غيور وحزار
نورس:اما خير يعرف مني واﻻ من وسيم
هديل:يانورس مرات اديري ف لقطات غبية لين ننصدم فيك انتي اللي دات شخصية قوية هكي اديري
نورس:علاش كيف يعني
هديل:يفترض بيك قلتيله حبيبي بنقولك حاجة لمن ماتزعلش مني راهو صار كدا وكدا ماتحرجش مني
مش يقولك اكيدة تبي تعرفي تقوليله عرفت من وسيم

اياد اتكى ع كنبة ف داره ويفكر … ﻻش اتكلم فيه وسيم متناقشين فيه موضوع هدا … ﻻ اتكلم وﻻد عم و ﻻ وﻻد خال ﻻزم هكي تكسر كلمتي ماسد موقف الهكر زيده حتى هدا … ياودي يانورس بديتي اتعكي هلبا

ومن هون لهون بين ترتيبات وتحضيرات جت العشية وجو عيلة وسيم ل حوش نورس
بعد عشرة دقايق من كيف حالك وشن اخبارك بين خ سالمة وخ فاطمة(ام وسيم)خشو ف الموضوع
خ فاطمة: و**** اليوم جاية بنخطب زي ماقتلك ف التلفون و ولدي وسيم مصر انه يقعمز يهدرز مع نورس بيقولها شروطه بش اللي بدايته نور اخره سلامة
خ سالمة:عين العقل … خلي يجي رياض ويقعمز معاهم وتو ييهدرزو
خ فاطمة:به تمام …
بعد ربع ساعة روح رياض وقعمز مع وسيم
رياض فباله هدراه الكبد مرزن دمك ياوسيم النم … متحملك غير ع خاطر نورس وعلى خاطر *** اختك كنهدا راني مانقعمزش معاك حتى بالكدب
وسيم:صار حالك باهي رياض
رياض:معدلة شن امورك انت وشن مداير
وسيم:الحمد*** بخير

خ سالمة:ياهديل نادي نورس خلي تطلع ل وسيم ف المربوعة رياض جي
هديل:به
مشت هديل ل نورس ف المطبخ وقتلها :قتلك ماما اطلعي ل وسيم … استني ديري روحك فرحانة بش امي معش تزبط
نورس:به … تعرفي تاكلي بكﻻوة كلها نهارك احرف
هديل:من جابها
نورس:وسيم هههه

طلعت نورس من المطبخ وتوجهت للمربوعة ..
نورس:السلام عليكم
وسيم :وعليكم السلام
رياض:وعليكم السلام
قعمزت نورس بعيد عليهم
وسيم:كيف حالك يانورس
نورس:الحمد*** … كيف حالك انت

وسيم:نخش ف صلب الموضوع … شن شروطك يانورس واﻻ خلي نقول شروطي قبل
وسيم:بتلبسي خمار وسيارة حناخدها منك
رياض فباله ..مصح وجهك خمار مرة واحدة !
نورس ل وسيم:ﻻﻻ رافضة شرطك هدا
وسيم:عﻻش شن السبب
نورس:مش مقتنعة بيه الخمار ..
وسيم:اهو قتلك حنلبسك خمار تاني شرط …كان تبي تستمري ف العمل عادي بشرط انا ناخد معاشك كله …
رياض فباله وبنظرة حقد …حق ايه ماه تخدم عندك ياكلب
نورس:علاش انا نخدم ونتعب ف الحوش وبرا الحوش وانت اتجي بالبارد البريدي تاخدلي معاشي !
وسيم:انتي تخدمي بش تساعديني ف مصروف الحوش فانا ناخده بش ناخدلك الحاجات الضرورية فقط
تالت شرط …حوش اماليك مافيش مشي اﻻ يوم ف الشهر
رياض معش قدر يشد روحه فقاله : هلبا هكي بتشدها ع اماليها اللي ربوها
وسيم:يارياض مانقعدش كل شويى وتانية ماشي جاي جايبها عندكم
نورس:ﻻ يابابا هادو امالية شن بعدهم خلاص معناها نقعد غير ع زويلك بتاخدلي معاشي وبتفرض عليا خنار انا مش مقتنغة بيه وﻻ عمر حنقتنع بيه…
وسيم:شرطي الرابع عراس وصالات ﻻ
نورس:بتدفني في الحياة …. سامحني شروطك كلهم مش راضية بيهم … ﻻن مافيش وﻻ شرط اقتنعت بيه وحتى كان بابا اصر ان نتجوزو حتصير مشاكل بينا
وسيم وقف وقال:الباين مافيش نصيب هي السلام عليكم …
رياض:وعلييييكممم السلاااااااام ورحمة **** وبركااااته

طلع وسيم ورن ع امه بش تطلع
خ فاطمة:هي بسلامة مريم
خ مريم:بسلامة

رياض ل امه:متخلف متعقد درهلي كبدي قريب نضت عجنته طريحة
نورس دارت روحها حرجانة وقالت ل امها : مانبيشي ياماما مانبيشي
خ سالمة:علاش خيره
نورس(حكت اللي صار))
خ سالمة:انهار حرف خيره هدا هبل بالك ولى ملتزم ؟
رياض:ملتزم عينه ﻻبس احسن لبس وشعره معبي جل
نورس:ب**** ماما اوقفي معاي خايفة بابا يضغط عليا
خ سالمة: ﻻ مش حيظغط عليك كان سمع اللي سمعته
نورس:ان شاء **** …
ناضت نورس لدارها وخشت وسكرت الباب وارتمت ع سريرها وخدت نقالها بتتصل ب اياد

وسيم:ماصارليش منها نورس
خ فاطمة:اللطف خيرها شنو حتى كان مااعرفهاش قبل نقولو لكن هادي بنت عمك شايفها كدا مرة
وسيم:طبعها وافكارها ماعجبتنيش
خ فاطمة:بلا تزعبين عاد هي
وسيم:قلت لخوها مافيش نصيب
خ فاطمة:حشمتني قدام حوش عمك وسيم:هدا زواج يمى ﻻ حشمة وﻻ واحدة

صلاح:هاه بشر يابو صاحب شن صار
اياد:و**** شن بنقولك
صلاح:قول قول
نقال اياد يرن
صلاح :رد عليها
اياد:ﻻﻻ مدايرتلي لقطة مش حلوة
صلاح:به هدرزلي شن صار ف الموضوع
اياد:ايه من امتى تلبس فيهم نظارات هادو … ديما تتسهوك عليا لما نلبس فيهم
صلاح:حبيتهم ع خاطرك هههه تي هيا شن صار
اياد:ااااا ايه اللي صار
**نقال اياد يرن
اياد:شوية خلي نرد عليه
صلاح:احححححح به رد هي
ناض اياد بعد من ع صلاح شوي ورد :انعم تفضلي
نورس:دووووودي حبيبي
اياد:شن تبي
نورس:حبوبي قاعد زعلان مني
اياد:مش فاضي انا توا
نورس:علاش شن ادير دووودي
اياد:مش فاضي وخلاص
نورس:اتهبل … اتهبل وانت معصب …. بنقولك شن صار امبكري ..
اياد:مانبيش نعرف

نورس:غير اسمعني حبيبي ….
اياد:مانبيش نسمع
نورس:غير اسمعني دودي خيرك امبكري فيه رقم غريب يرن عليا ردت عليه هديل وعرفاته وسيم المهم اتفقت انا وياه ع موقف ان الخطبة كيف بتتفركش وفعﻻ شبه تفركشت
اياد يكشخ :تي عارفها بتتفركش ﻻش مكلمة عمه وسيم
سمعه صلاح … تلفت اياد ل صلاح وتلفت عليه ونقص صوته وقالها: ﻻش تكلمي فيه وسيم ﻻاااش كنت حنتفق انا وياه ع طريقة تفركيشة شن خششك ف النص قتلك اطلعي منها واﻻه
نورس:اسفة حبيبي
اياد:امشي امشي قاعد نلقطلك فيهم عفساتك مش ناسي راه
نورس:و**** ماقصدي ياروحي سامحني هالمرة وراس دودي حبيبي
اياد:ايه هوا هدا خوديني بلسان وخلاص
نورس:ههههههه انحبك وانت عصبي
اياد:وانا مانحبكش لما اديري حاجة من وراي وتوا صلاح يستنى تو نهدرزو بعدين فيه موضوع متاكد ان ماسمعتيشي من وسيم ونهارك اﻻحرف تتصلي بيه من فضول متاعك وتسأليه
نورس:ﻻﻻ مش حنتصل بحد باي حبيبي
اياد:باي

رجع اياد جنب صلاح وقاله :صلوحة من اﻻخير خايفك تفهمني غلط وموقف ما يفرق بينا
صلاح:ع حسب الموقف كان موقف قوي مرااات ايفرق بينا هههه
اياد سكت يفكر ويشوف ل الوطى نخاف تفهمني غلط وديرني بعتك ياصلاح على خاطر بنت موعرها لما تريس يقولك بعتني ع خاطر بنت اتحس روحك عيل
صلاح:تي هاه وين سارح
اياد:ااا اا …

يتبع…….











اياد:صلوحة من اﻻخير خايفك تفهمني غلط وموقف ما يفرق بينا
صلاح:ع حسب الموقف كان موقف قوي مرااات ايفرق بينا هههه
اياد سكت يفكر ويشوف ل الوطى نخاف تفهمني غلط وديرني بعتك ياصلاح على خاطر بنت موعرها لما تريس يقولك بعتني ع خاطر بنت اتحس روحك عيل
صلاح:تي هاه وين سارح
اياد:ااا اا …
صلاح:تي انطق هالجوهرة ياجيفة جبتهالي صفار
اياد:سامحنا وخيتي رفضت الموضوع صلاح:والسبب
اياد يفكر خلي نقوله السبب وندويله دوت سارة تو يكبش فيها طول
صلاح:والسبب ؟؟
اياد:ﻻ هكي يعني
صلاح:قاعد نعاودلك والسبب ؟؟
اياد:على خاطر بطوط برغم اختي التانية قعدت اتهزب فيها وقتلها وكان بطوط وشن فيها بس هيا ماقتنعتش
صلاح:رفضتني ع خاطر سمين !
اياد:ايه
صلاح:استغفر **** ياربي هي نستادنك
اياد:تي غير قعمز ياراجل
صلاح:ﻻﻻ هوا داك..عندي مشوار
اياد:تي غير قعمز بلا جو عارفك حرجت من الكلام اللي قلتهولك
صلاح:ﻻﻻ اﻻمور طيبة يابرو مادور شي
اياد:غير اسمعني وراس صلوحة قنعتها هيا مسكرة راسها سامحني بجديات ماتحرجش و**** قتلها ان مافيش منك شاب كويس وثقة نوتق فيه اكثر من نفسي لكن لقيتها مش متقبلة موضوع فا مابيتش نضغط عليها قلت الزواج دوم مش يوم
صلاح:اختك التانية قداش عمرها
اياد:شن قصدك توا كان مش حمد حميدة ؟
صلاح:ﻻ و**** مش هكي … شن بنقولك حلوة لما شخص يتقبلك كيف ماانت … وبما انها اختك التانية اتقنع ف سرور معناها عادي تتقبل السمان
اياد:هيا مواليد تسعينات
صلاح:على بركة **** وين نلقى خير من وخيتك اياد….حددلي موعد مع العيلة بنخطب وبالنسبة ل سرور زي وخيتي وان شاء **** تلقى شاب زي ماتبي ويكون خير مني
اياد:خير منك ماعتقدش…بنحكيلك حاجة
صلاح:احكي
اياد:انا ماعمري كدبت عليك ف حاجة
صلاح:اي عارف
اياد:عموما هو الموضوع صار خت فت بش اونه ف الصبح لقيت بوها
صلاح:ايه
اياد:المهم ((حكاله بتفصيل))
صلاح:شنهوووووااااااا تلعب بيا اياد !

نورس:حيه عليا بنبعت مسج ل رتاج بعته ل اياد
هديل:شن كتبتي
نورس:غبااارة … كتبتله

اياد:و**** مانلعب بيك ياصلاح بجديات هدا اللي صار
صلاح:معناها اختك مارفضتنيش ﻻني سمين انت خليتها ترفض بش انت تاخد نورس
اياد:عيب عليك عيب عليك ياصلاح اللي تقول فيه
صلاح:تي انا صاحبك النم ومكلمك ع اختك من قبل مايكلمك وسيم تمشي تعطيهاله بش يبطل من نورس وانت تاخدها بعتني هكي
اياد:**** يسامحك صﻻح … انا وقتها كنت دايخ وحالتي حالة معش فرزت شي ونسيت موضوع انك تبي اختي من صدمتي من كلام وسيم
صلاح:باهي باهي نستاذنك اياد
اياد:مش مصدقني ؟؟؟؟اوكي كيف ماتبي تفضل

روح صلاح وقعد اياد مقعمز ف الشارع بروحه وجعه الموقف ويفكر … معقولة هكي ياصلاح اتكدبني وتمشي وانا اللي بديتك عليا وقنعت سرور بناء ع مصلحتي وانت بكل بساطة تكدبني اييييه يادنيا **** يسامحك ياصلاح .

روح اياد للحوش وقعمز ع الكنبة ايفكر
خ مريم: ياد روحت وليدي
اياد:مالياش هلبه
خ مريم: اسمع غدوة بش تسحب فلوس ماعندناش مونة التلاجة فضت
اياد:ان شاء ****
خ مريم:واختك تلفونها اتكسر تبي تلفون جديد
اياد:ان شاء ****
خ مريم:ايه ونبي شوية خضيرا وانت مروح جيب معاك غدوة
اياد:ان شاء **** …
خ مريم:هههه حسني كملتلك معاشك ياولدي
اياد:فداك
خ مريم:خيرك مهموم ع خاطر الصرف ؟؟
اياد:ماندورش فيهم الفلوس … ف النهاية ماصرفتش ع حد غريب
خ مريم:اماﻻ خيرك
اياد:مخلطة عليا يمى من كل تركينة كل مانرقعها من جيهة تنفلق من جيهة تانية و**** طايرتلي
خ مريم:معليشي وعندي ليك خبر اكيدة حيفرحك
اياد:قولي
خ مريم:بنخطبلك
اياد يفكر ف صلاح كان بيخطب صلاح حيسحسها باعني سبحان **** شوره مش مكتوبلي نفرح
خ مريم:ههاه شنو موافق نخطبلك
اياد:ﻻ تخطبيلي ﻻ واحدة يمى **** يربحك مازال
خ مريم :خوك بيخطب امهبلني وانا مانخطبلاش من قبل ما نخطبلك هدا سبر العيلة …
اياد:تخطبيله عمار لكن انا مازال
خ مريم:به احكيلي مافيش بنت ف بالك
اياد :مش عارف اﻻمور ملخبطة شوي
وقف اياد بش بيمشي لداره
فقتله خ مريم:غير زيد فكر ف موضوع الخطوبة
اياد:بري اخطبيله عمار ﻻ سبر وﻻ عمك نوم
خ مريم:مانقدرش
اياد:وبعدين عمار وين بيسكنها حتى خدمة ماعنده
خ مريم:بيبني فوقك دويرا
اياد:به غير اخطبيله وبعده تو نخطب
خ مريم:مانيش خاطبة اماﻻ …
اياد:يستر **** يمى… غير فوتيلي اﻻيام هادي راسي مصدع ونفكر ف هلبا امور
كمل طريقه اياد ل داره خش وسكر الباب …بدل حوايجه وسكر تلفونه واتكى ع سريره وفتح ﻻبتوب بيتفرج ع فلم

ومشي الوقت رزين ع اياد و صلاح ونورس تسحن ع اياد ﻻنه نقاله مقفل ….
ف الليل مع ساعة 11فتح اياد نقاله وجوه كدس رسايل من نورس ..
عاودلها
نورس:طيب فيك
اياد:طيب وقتك
نورس:هدا وين قررت اتحن عليا وتفتح نقالك وتتصل
اياد:ب**** بيبي مش ناقص عتاب ماتزيدينيش على مابيا
نورس:علاش شنو فيه
اياد:مواضيع هكي خاشة بعضها
نورس:في العمل
اياد:ﻻﻻ ياريت
نورس:اماﻻ شنو دودي
اياد:هدا وسيم ولد عمك لخبطها
نورس:كيف
اياد(حكالها بتفصيل لحد ماتعارك هو وصلاح))
نورس:اووووف موعرها متع صلاح عليم موقف
اياد:بش قتلك ماتزيدينيش
نورس:اسمع اسمع، صلاح قلبه طيب
اياد:وانتي منين تعرفيه قلبه طيب واﻻ خرسانة مسلحة

نورس:قصدي من خلال حكيك عليه حسيته طيب
اياد:معش تحسي بحد غيري
نورس:قصدي
اياد:فاهم قصدك … يستر **** تو ندير راي غدوة
نورس:ان شاء **** تنحل بينكم … بس شفت الصدفة وسيم يبي سرور
اياد:ايه حتى انا استغربت
نورس:سبحان **** … حبيبي
اياد:نعم ياروحي
نورس:عندي اجتماع غدوة ف فندق كورنتيا
اياد:غادي !
نورس:ايه
اياد:وانتي تعرفي من الصبح من وقت كنتي ف العمل جاية توا ساعة 11 ف الليل اتقوليلي !
نورس:ماهو ماحصلتش وقت بجراير وسيم وخطبة المزيفة
اياد:من بيمشي من قسمك ؟
نورس:رتاج وبنت تانية وشاب من مكتب اللي بجنبنا
اياد:صبح واﻻ ظهر
نورس:مع ساعة 10
اياد:باهي ردي بالك ع روحك ﻻ يمين وﻻ يسار
نورس:ان شاء **** دودي …. ياااااا *** ياربي
اياد:شنو فيه
نورس:نتفرج ف فلم هندي فاجئها بوردة
اياد:خلعتيني نحساب اشبح شن فيه
نورس:محﻻها اللقطة بجديات حبيبي اياد:مانيش جايبلك ورد ﻻن الورد مايهدوشي ورد يااحلى وردة
نورس:تسلمممملي حبيبي
اياد:اممم شن بتلبسي غدوة
نورس:لحد اﻻن مقررة ع بدلة قونة
اياد:جاكيت طويل؟
نورس:يعني كويس
اياد:شن الون
نورس:احمر
اياد :حلووو …. نورس !
نورس:نعم ياعيون نورس
اياد:انحبك مهبولتي …. وهيا توا ارقدي اوكي نحس ف روحي تاعب بنتعشى ونرقد
نورس:اوكي دودي ليلة سعيدة
اياد:ليلتك اسعد .

صلاح متكي في فراشه ف المربوعة ويفكر…معقولة رفيق عمري لينا قريب 17 العام صحاب يبيعني ع خاطر مصلحته ! باهي اللي مش مرتبط بيها اختها كنهدا راهو وجعني الموقف اكثر من هكي …. ﻻﻻﻻ ياصﻻح اياد مايديرهاش .. لكن شن مايديرهاش واضحة بعين الشمس …. انا اخته الحق ماشفتهاش اﻻ مرتين يعني عندي عادي لو انها رفضتني لكن بش اما انه يقولي رفضاتك ع خاطر سمين وهوا سبب ع خاطر وسيم ! بش تتسهله اﻻمور … و**** شي يوجع اياد يوجع بجديات

صلاح يفكر ف اللي داره اياد و اياد يفكر في موقف اللي صارله مع صلاح …لين خداهم النوم

يوم الخميس الساعة 7 صباحا
منبه نورس يررررن واياد منبه متعه ايرن …
فاق اياد شاف اموره ودار قهوته ولبس لبسة العمل وحط ف كيسة مﻻبس مدنية وطلع
ونورس قاعدة ادير ف غفوة للمنبه وتولي ترقد
ليين وصلت ساعة 7:35 ناضت من سريرها عسريع شافت امورها ولبست بدلة عاﻻحمر وتأنقت وطلعت من الحوش

وصل اياد للعمل صبح عالكل وقعمز ف مكتبه
فاتت 8 ..9 وصلاحماجاش … اتكنطى اياد ﻻن صلاح فهمه غلط
ومع 9:15
بدل اياد حوايجه … لبس مدني ووصى ايمن ان كان حد سئل عليه قوله طالع وراجع
نزل من دروج وطلع من المقر و ركب سيارته ومشي لمشتل متع الورد … خدي وردة حمراة ولفهاله صاحب المحل …
طلع اياد من المحل ويتمتم تو بنمشي نهز بيها وردة هكي خلي نديرلها كيسة هداية صغيرونة …
فخطم ع المكتبة وخدي كيسة هداية
على اتصال نورس
اياد:صباحو
نورس:صباح الورد شن الجوو
اياد:تمام بخير شن جوك حبيبي
نورس:الحمد*** … دودي انا كيف بنطلع ل كورنتيا حنمشي بسيارتي انا ورتاج
اياد:علاش اماﻻ هما باش بيمشو اللي معاك
نورس:فيه اللي بيمشي بباص المركز وفيه بسيارته
اياد:باهي ردي بالك على روحك نورس
نورس:ان شاء ****
اياد:ﻻ يمين وﻻ يسار باهي وماتكلمي حد احضري اﻻجتماع وانخصي سيارتك ورحي
نورس:حاضر ياعمري
اياد:وقت توصلي غادي رني عليا بش نطمن عليك
نورس:ان شاء **** انحبك وانحب اهتمامك بيا
اياد:هههه *** يحفظك … سﻻم
نورس:سلام
سكر اياد الخط ومشي لجيهة كورنتيا ودرس بعييييد …
وصلت نورس دارتله رنه وخشت الفندق هيا ورتاج

بعد ربع ساعة اتصل اياد ب نورس فصلت عليه وبعتتله مسج انا ف اﻻجتماع …
بخ برفان اياد ونزل وخدي معاه الوردة
وخش ل كورنتيا وسئل وين قاعة اﻻجتماعات للي جو من مركز البحوث فدله شاب مشي ووقف ف
ردهة بعيد شوي ع القاعة
بعد نص ساعة من اﻻجتماع طلعو اللي في القاعة وطلعت نورس و رتاج … وماشافوش اياد وهوا مازال ماشافهمش
وهما خاطمين يخطم شاب ويوقف ع نورس
شاب:نووورس كيف حالك
نورس:عادل ! شن جيبك اهنا
عادل :تخصصي فندقة واﻻ ناسية
نورس بتتجاهله مشي وقفها وقالها :لحظة ب**** عليك اوقفي
رتاج تهمس بنمشي للحمام تو نرجع ومشت رتاج
هزت راسها نورس لرتاج وتلفتت ل عادل وقتله : شن تبي
عادل:بصدق يانورس خليتي مكانك
نورس :ههههههه هدا وين ندمت قصدك
وفي نفس اللحظة هادي تلفت اياد ويشوف الشوفة… نورس تضحك مع شاب
حط اياد ايده ع ذقنه يفكر ومصدوم من اللي يشوف فيه…ادكر حاجة من ماضيه البائس… نفس موقف رهف اتكررله بحذافيره

يتبع ……

الجزء العشرون والأخير من رواية همس العيون​

اياد يشوفلها ومصدوم ويفكر تي منو هدا اللي واقف معاها نهارها اكحل ع دماغها
نورس تلفتت بصدفة وشافت اياد فقالت ل عادل :كله منك اهو خطيبي شافني هي.اقعد اهنا ماتتحركش
ومشت وخلاته وجت جيهة اياد
اياد:شن تبيني نقولك برافو ! خاينة مع مرتبة الشرف !
نورس:ماخنتكش ماتخلطش اﻻمور منك ليك افهم قبل اياد
اياد يكشخ:شن تبيني نفهم شفتك بعيوني الزوز …تضحكي معاه
نورس:صح وصار … لكن انت ماتعرفش الحوار اللي دار بينا والكلام … ماتحكمش عليا بالخيانة هكي وخلاص كل شي اﻻ هادي
اياد:ووواااك يانورس تعبت من تبريراتك تعبت …فديت راهو وحق *** ماناقص…
نورس:اسمعني قبل
اياد:*** نفهم العوج ﻻش اديري فيه دكرتيني ب رهف نفس الشي ونفس الموقف بتفصيل ماخليتي منها شي
نورس:لهنا وستوب انا مش زيها صاحبتك اﻻولى ولو انك متليع منها مش بضروري كل البنات زيها ولو انك بتحط فبالك هيك مقارنات معناها حتى انا نقولك انت زي هداكا اللي كان واقف معاي
اياد:تي من هوا و وين تعرفيه انتي بش حتى تقارنيني بيه
نورس:هدا عادل يا اياد … ووقف عليا قالي انا نادم فأنا ضحكت قتله هدا وين ندمت انت ! وصدقني لو في موقف مشابه لهدا ورهف وقفت قدامك و حطاتك تحت امر الواقع كنت حدير زي ماانا درت ….
اياد:ماتبرريش لروحك نورس
نورس:مانبررش لروحي . عادل لو نبيه راني رجعتله من قبل مانرتبط بيك بس انا بعتله مسج وهزبته فيه وقطعت علاقتي بيه وقتي … مش نورس اللي تمشي لشخص باعها .. حطها فبالك اياد … ولو اني غالطة صدقني كنت حنعترف بغلطي وانت تعرف الشي هدا لكن انا مش غالطة واللي صار حكيته واونه عادل واقف تبي تسئله اسئله …. وتوا بنروح بصدق مانحبش من يظلمني
اياد:ديما بعفساتك وتقولي مانحبش من يظلمني سبحان **** المواقف ديما تصير قدام عيني..
نورس خنقتها العبرة وعينها بدمع فقتله:موقف ع موقف يختلف اياد …. وانا قتلك اللي صار.. وزي ماقتلك مش واثق من كلامي برا اسئله واعرف منه كل شي

وبينما اياد و نورس يتناقشو حس عادل انه تسبب في مشكلة بينهم فقرر انه يمشيلهم
تقدم منهم وقال:السلام عليكم
تلفتله اياد وعيونه غضب كان يلقى يعجنه طريحة
عادل:مماتبوش تردو سلام ….به عموما سامحنا ياخوي انا اللي وقفتها خطيبتك … و نتمنى ان ماتفهمهاش غلط …هيا اصلا ماعطتنيش وجه وان شاء **** *** يجمعكم ويهنيكم تستاهلوا كل خير … الحق جيت نقول الكلام هدا ومتخوش اتصير عركة واﻻ تمد ايدك عليا حنخسر عملي المهم قلت عمل ندور تاني لكن نكسر حاجة بين اتنين مايجيش يكفي اني كسرت حياة ناس كويسة فيما فات
تنهد اياد وقال:صار خير صار خير
عادل:منور خوي *** يحفظك … هي سلام عليكم
ومشي عادل وخﻻهم…
نورس:مروحة انا يا اياد
اياد:استغفر **** ﻻزم تحطينا ف مواقف زي هادي
نورس:المواقف اتجي لعندي
سكت اياد يفكر ويفكر وطال سكوته
ونورس تفكر … حي شورني قسيت عليه بالكلام افففف مطول لساني …به شن بندير نعتدرله وانا مش غالطة هلبا هكي …
اياد:خلاص اوكي روحي توا
نورس:اوكي مروحة …سﻻم
كيف مشت نورس خطوات قالها
اياد:استني
مسحت دمعتها نورس وتلفتتله وقتله :نعم
اياد شاف للكيسة بعدين شاف لعيونها ….
قعد يركز فيهم فقالها :عيونك يتكلموا نورس …
غمضت عيونها نورس وتلفتت لجنب نزلت من عيونها دموع
اياد:اشبحيلي اهنا … تي نكلم فيك
نورس:نعم
رفع ايده اياد وبطرف صبعه مسحلها دمعتها وقالها:معش تبكي نورس ..
اللي مصبرني عليك وع مواقفك هو جرائتك وانك صادقة معاي ولو على حساب نفسك حتى انك خايفة تخسريني اﻻ انك ماتكدبيش وديما تقولي ف الحق
نورس:كﻻمك وجعني اياد مس ف ذاتي …. انا مانخونش فيك حتى ف احلامي ف خيالي بنجي نخونك ف الواقع ! خلي ماضيك وراك اياد .. انا حاضر علاش تبي تمزجني مع بقايا ماضيك
اياد:انتي حاضري ومستقبلي يا زهور ربيعي …. انتي ضي العين ومانبي ضي العين لو غبتي عنها
نورس:انت حاضري ومستقبلي وكل دقيقة نتمناك اتكون يا ﻻاي
اياد قدملها الكيسة وقالها :تفضلي
نورس:جبتلي هدية
اياد:ايه خوديها
نورس:شكرا …. اااه محﻻها وردة اتهببببببل . رربي ايخليك ليا
اياد:ويخليك ليا … هي توا ارجعي للعمل
نورس:ان شاء ****… سلام

رتاج :الو نورس انتي وين
نورس:ف سيارة تعالي هي
رتاج:اوكي جاية هي

طلع اياد من كورنثيا وتوجه ل تاجوراء خطم ع سوق الخضرا خدي شوي خضرا وفاكهة وحطهم ف الكوفينو ورجع للعمل … وقعمز مع ايمن يهدرز …
اياد:جي صلاح؟؟
ايمن:جي ايه
اياد:وينه اماﻻ
ايمن :مش عارف اكيد ف مكتبك
اياد:به خلي نشوفه
ركب اياد ل مكتبه ولقي نقال صلاح لكن هوا مهناش
بعد شوي خش صلاح …
صلاح:السلام عليكم

اياد:وعليكم السلام
صلاح:كيف الحال

اياد:باهي كويس
صلاح:خطبت واﻻ مازال
اياد:ﻻ ماخطبتش ومانبيش نخطب
صلاح:مسامحك اياد راه لو انك درت اي شي من وراي
اياد:مادرت شي من وراك ماتكسرليش راسي صلاح لحد اﻻن قاعد ساكت راه كدبتني امس و طلعتني بيوع وسكتت ومشيتها لكن كل شوية لوك لوك لوك خلاص ياراجل مانبيش نتجوز تو نرفضه وسيم واختي تفضل اخطبها مرحبتين بيك تمام هكي مش انا اللي نبيع صاحبي يا صلاح مش انا….. ادكر كم موقف ادكر قعمز وادكر
صلاح:وجعتني يا اياد
اياد:براااا
صلاح: باهي به عموما صار خير وسامحنا
اياد:مسامح تعرفني مانشيلش ف قلبي
صلاح:اوكي طالع انا تبي حاجة
اياد:ﻻﻻ سلامتك
صلاح:اوك سﻻم

نقال اياد يرن
اياد:ايوه
وسيم:مرحبا اياد شن اخبارك
اياد:تمام شن اﻻموري
وسيم:شنو صار العويلة يبو يجو
اياد:و**** شن بنقولك … تفضل مرحبتين بيكم
وسيم:اما يوم هكي
اياد:يوم التلات ان شاء ****
وسيم:بإذن **** وانت طيب …
اياد:ماشي ماشي سلام

ومرو هالمواقف ع خير …وجي يوم التلات
صلاح:صار بيخطب وسيم اليوم
اياد:ايه وعمار قال بيخطب بنت الجيران
صلاح:به وانا امتى
اياد:شنو انت ؟
صلاح:بش طلبت منك اختك الثانية !
اياد:نحسابك بطلت معش فتحتلي الموضوع
صلاح:ﻻ غير كنت مشوش شوية
اياد:خﻻص تفضل اﻻربعاء غدوة
صلاح:تم

نورس: وسيم بيخطب يارتاج
رتاج:اها من بيخطب
نورس:بش قتلك اخت اياد
رتاج:صح ايه قتيلي
نورس:غير امتى انا بس
رتاج:بالك بعدها
نورس:ان شاء **** ****

روح اياد للحوش وقال ل امه ع موضوع سارة
خ مريم:ياوالله نهار سعيد
اياد:بحبحي يمى هي بتعرسيهم مع بعض
خ مريم:الحمد*** غير امتى تحط عقلك ف راسك وتخلينيي نخطبلك
اياد:ان شاء **** غير نتهنى ع وخياتي قبل وبعدين ساهل

وووصل يوم الثﻻتاء وجو اهل وسيم خطبو سرور … وكانت عيلة اياد شبه موافقة …
وتانيوم جو عيلة صﻻح وخدبو سارة
وعيلة اياد موافقين ﻻن خ مريم تعتبر ف صلاح زي ولدها
وحددو يوم للفضانية وداروها مع بعض العيلتين ف يوم واحد عيلة صلاح وعيلة وسيم وكان بو نورس حاضر معاهم ويشبح ل اياد وحس روحه وكأنه شايفه بس ماادكرش وين
واتفق معاهم اياد وخواله وتمت الفضانية ع خير وتعشو وروحو
اياد:مباااارك وخياتي ان شاء **** كل شي بالبركة
سارة:**** يبارك فيك الفال ليك
سرور:**** يبارك فيك
عمار:باهي امتى بتخطبولي النهارات
خ مريم:لين نخطب ل اياد
عمار:تي هيا اياد هوينا عاد
اياد:تي غير ابني قبل
عمار:ﻻﻻ بما ان خواتي مشو قلت نفتح داري ع دارك ونديرها دار نوم بالحمام وخلاص
اياد:حيه عالتخطيط !
خ مريم:بنعطيك دار واحدة بس
عمار:وراسك يمى مابين مادرت حوش
خ مريم:باهي باهي يستر ****

اياد:راسي مصدع شوي بنخش نتكى
خ مريم:نوضي سرور عطيه حبة راس فيسع
سرور:هيا هي

خش اياد لداره واتكى ع سريره .. بعد شوي جابتله سرور البنادول وطلعت … كلاه واتصل ب نورس
نورس:ياهﻻ
اياد:اهلين بيك سنفورتي
نورس:استحشتك هلباااااااا اليوم كله وانت مغيب عليا
اياد:ماه اليوم فضانية خواتي واﻻ نسيتي
نورس:ﻻﻻ مش ناسية الف مبروك وان شاء **** *** يتمملهم ع خير ****
اياد:ان شاء **** … عقبالنا بيبي
نورس:ان شاء ****
اياد:امممم
نورس:فاش تفكر
اياد:نفكر نخطب
نورس:بجد
اياد:ايه ….امي بتخطبلي بنت جيرانة
نورس:هههه ياسر بلا جو
اياد:قنينة وحليوة و فرفاشة ومندفعة وانا نحبها وهيا اتحبني
نورس:هههه اتحب عينك
اياد:عيني فيها نورس وماتبينيش نحب عيني
نورس:حتى انا انحبك لكن معش تبصر عليا هكي بنخطب بنت الجيران
اياد:بنخطبك انتي ياهبلة …. موافقة ؟؟؟
نورس:بجدد تتكلم ؟؟؟ بجد حبيبي
اياد:ايه لكن حوشي مش واتي يحتاج تجراية خطوط ضي واميا و الزواق والفرش
نورس:معليشي بشوية بشوية
اياد:به شوية ونكلمك هي
نورس:اووكي حبيبي ..باي

طلع اياد من داره وقعمز جنب خ مريم وقالها :يمى … فيه بنية *** نخطبها
خ مريم:ئه شن صار توا كنت ماتبيش تتجوز
اياد:ههههه المهم مع سبوع الجاي هكي شن رايك ف يوم اﻻحد
خ مريم : به … بنت منو اماﻻ
اياد:بنت فلان
خ مريم:اه باهي ان شاء **** تكون من قسمك
اياد:خلاص اتفقنا
خ مريم:ان شاء **** به ع بركة ****

** خش اياد تاني لداره واتصل ب نورس وقالها ان حكي لامه ويوم اﻻحد ..فرحت نورس ل هالخبر الحلو … وقالت لأمها ان شاب بيخطبها عن طريق رتاج صاحبتها … وصل يوم اﻻحد … رفع اياد امه وخالته بش يخطبو نورس … خطبوها … ورياض سئل ع اياد من وسيم بحكم ان وسيم خاطب سرور … وبعد عدة ايام اهل نورس ردو ع امالي اياد بالموافقة ودارو فضانية وبيان في يوم واحد … واخيرا ارتبطوا ارتباط رسمي رغم كل العقبات اللي صادفتهم
حددو عرس سرور وسارة وجوزوهم وحفلتهم كانت حلوة …عمار خشش سرور واياد خشش سارة لصالة شادين بعض اﻻيد ف اﻻيد …بعد عرس سارة وسرور ب اسبوعين عمار خطب بنت الجيران اللي يبيها
..كمل اياد حوشه وزوقه واتتثه وعمار نسق داره وفتحها ع دار اياد ونزكها وبعد عدة اشهر اتجوز اياد وعمار في نفس اليوم ….
دخل اياد ع نورس وهو طاير من الفرحة
اياد:السلام عليكم
نورس:وعليكم السلام
اياد:يسعد مسائك ياللي جمالك كيف اللولي … يسعد مساك يااغلى ماشافت عيني
نورس:ومسائك ياغﻻ روحي
قعمز جنبها اياد…وحط صبعين تحت ذقنها وقاملها راسها وقالها انحبك حبيبي … ومش مصدق انك معاي تحت سقف واحد … ان شاء **** *** ايهنيني بيك
نورس:ويهنيني بيك دودي
قرب منها اياد وطبع قبلة على جبينها وقالها:ان شاء **** *** ايقدرني نسعدك
نورس:ان شاء **** **** …
اياد:بين صمت الشفايف … وبين همس العيون لك ف قلبي حب مكنون …
نورس:همس العيون ومااجملها من لغة لغة العيون
اياد:شيطانة مدكرة كلماتي ههههه
نورس:اكيد حبيبي
قرب منها اياد و اممممممووواااه
نورس انكسفت وخدودها راحو حمررر
اياد:ههه هي بدلي فيلوك الحلو وخلي نصلوا ركعتين …
نورس:ان شاء **** …. انحبك اياد
اياد:وانا انحبك يا روحي
صلوا ركعتين … وطفو الضي ورقدو …
بعد ايام … تقدم شخص ل هديل اخت نورس بس هيا رفضت تبي تكمل ماجستير وتستقل بنفسها
وعاش الكل في سعادة وهناء

*تمت*


fin