مكتملة واقعية درامية رواية عاصفة الصمت 2 - سبعة عشر جزء (1 مشاهد)

[ميلفاوي متميز]

اليكم السلسلة الثانية من رواية​

عاصفة الصمت - بوليسية

​

الجزء السابع عشر من رواية عاصفة الصمت​

خ عايشة : غادة نوضي افتحي الباب وانتي زي القطوس غياب من المدرسة ونوم وخﻻص
غادة : هيا هي
* ناضت غادة بتفتح الباب … وفتحت الباب …. ابتسم مكرم ابتسامة عريضة وقالها : السﻻم عليكم
غادة : وعليكم السﻻم … اكرم كيف حالك
مكرم : الحمد*** كيف حالك انتي
غادة : بخير …حمدللله ع السﻻمة

خ عايشة : منو ياغادة
غادة : خش خش … هدا اكرم يمى
* طلعت خ عايشة من المطبخ وقالت : انستنا الحمد*** ع السﻻمة يادكتور مكرم
مكرم : هههه **** يسلمك … كيف حالك عمتي وشن اخبارك
خ عايشة : الحمد*** … قعمز قعمز ارتاح
مكرم : **** يسلمك
خ عايشة : شن جو مصر والعمل غادي
مكرم : الحمد*** كويس …. و**** كبرتي ياغادة ماشاء **** اخر مرة شفتك فيها كنتي مدايرة قرينات وتلعبي
غادة : ههههه ماحدش يقعد صغير
خ عايشة : نوضي فيسع جيبي حاجة
غادة : هيا هي …
خ عايشة : بش قتلنا قبل مانجي بش نستعدولك ونقوموا بالواجب ونطيبوا حاجة قنينة
مكرم : مانيش غريب ياعمتي بش اديري هدا كله … اهو عالموجود والحمدلله
خ عايشة : باهي تمام … احكيلي شن مداير ف مصر و العيادة متاعك كيف اخبارها
مكرم : ﻻ الحمد*** في خيار الخير
خ عايشة : خش خش اتكى ف المربوعة واهو تو اتجيبلك غادة حاجة تشربها
مكرم : باهي ان شاء **** هي


*خش مكرم واتكى … ويدكر في ايامة كيف كان يرفع في غادة معاه لكل مكان وقت كانت صغيرة … وكيف توا كبرت ولت ذات مقومات وجسمها كعارضة اﻻزياء…
مكرم >>>و**** كبرتي ياغادة … محﻻك ومحﻻ شعرك اﻻصفر المموج
ولبسك الصيفي الخفيف اللي يبرز مفاتن جسمك..
طق طق طق
مكرم : ادخل
* خشت غادة وجايبة صفرة فيها عصير وشوكﻻتة وقدمتها ل مكرم …
مكرم : صحيتي
غادة : **** يسلمك … صحتين عليك
مكرم : قعمزي هدرزي
غادة : ﻻﻻ خليك ترتاح توا
مكرم : قعمزي قعمزي شن بعدها مصر ع اهنا كله كله مشوار ساعة وجيت بطيارة
غادة : امممبه
* قعمزت غادة قبالته وقتله : احكيلي ع مصر شن جوها يقولوا ام الدنيا
مكرم : ب**** مش كل المناطق اغلبها عفن وفيه مناطق باهيات هكي
غادة : انشوف ف تلفزيون مدينة دريم ﻻند متع مﻻهي ياحلييييلي محﻻها نقعد غير نتسهف ونتحسر
مكرم : هههههه
غادة : و**** بجد يااكرم اهنا مافي شي زي الزهاااق
مكرم : امتى بتتعلمي اتقول مكرم
غادة : مانعرفش انحس اكرم احﻻ يطلع عليك
مكرم : هههه خﻻص ياستي اكرم اكرم
غادة : شن جو العيادة متاعك …
مكرم : اهو كويسة
غادة : مش عارفة كيف عندك قوة قلب ادير عمليات جراحية وك عليا
مكرم : اتعودت ياغادة اتعودت … اتعودت انشوف القتلى قصدي مرات ايموت الشخص تحت ايدي ونتوجع اني ماقدرتش نسعفه
غادة : هاا ماتزعلش روحك … عمرهم وقف **** غالب
مكرم : اي ونعم ب**** شنو كملتي قراية
غادة : ﻻﻻ مازال …اﻻمتحانات ف نص شهر 6
مكرم : باهي موفقة شدي كويس
غادة : ان شاء **** …
* خدي طاسة العصير وشرب منها رشفات وشبح في عيون غادة … وسرح فيها …ارتبكت غادة
مكرم : تتفكري قبل عامين غدوش
غادة : ﻻﻻ شنو
مكرم : وقت سهرنا انا وياك فوق ف السطح ههههه
* ادكرت غادة الموقف وقتله : ايه المهم قولي مرة شفت في تلفزيون دريم بارك فيها حوض سباحة ومنتجعات و..
قاطعها مكرم وقالها : خلينا من مصر … وخليني فيك انتي
ابتسمت وقتله : انخليك ترتاح توا ..


تنهد مكرم وقالها : باهي باهي اوكي
* طلعت غادة من المربوعة وسكرت الباب *
اتكى مكرم يفكر في غادة لين خداه النوم >>> عﻻش … عﻻش بتقتلني شن درت … ب**** عليك ﻻ … و**** عندي عيلة وصغار …. ﻻ ﻻااااا
طااااف <<<
ناض مكرم مخلوع : هاااااااه …. اه اه استغفر ****…استغفر ****
خشت عليه عمته وقتله : خيرك .. خيرك سمله اتصيح
مكرم : كابوس ياعمتي كابوس
خ عايشة : غاااادة …غادة
غادة : انعااااام
خ عايشة : جيبي اميا لمكرم … فيسسع
* جبتله اميا ومدتله الطاسة ويده جت فوق يد لبنى .. وامها وراها ماشافتش اللقطة …

نزار مقعمز عالكمبيوتر يبي يلعب الخلية الحرة ومش عارف كيف
{خير عمها اللعبة معقدة شن هالهم هدا … وخيرها غادة من الصبح نتصل بيها ماتردش }
ياصفاء تره تعالي شوية
صفاء : انا ف المطبخ بنحط الغدي يانزار
نزار :به مروة وين
صفاء : مريضة وراقدة
نزار : لبنةةة يالبنةةة ضرسي
* جاته لبنى وقتله : نعم
نزار : ب**** بالك عرفتي كيف تلتعب هالعبة يطلعلي ف تعليمات ومافهمت شي …..نشبح فيكم سهرتو عليه امس اكيدة زبطوا كيف
انحنت شوية لبنى وريحتها برفان شرين في دماغ نزار طول … خدت الفارة وقتله : خود الولد هداا … وحطه ع امه وخود الولد واﻻم واعزقهم ع بوهم
نزار : ههههههههههههه الولد واﻻم واعزقهم ع بوهم يعني الولد واﻻم بوهم واحد هههههههههه
لبنى : ههههههههت بﻻ جو المهم فهمتني
نزار : هههه فاهم فاهم خﻻص هاتي وانتي بتلعبيها كلها
* وبيحط ايده عالفارة وجت ايده فوق ايدها
نزار : نحي ايدك خﻻص فهمت
لبنى : به نحي ايدك من فوق ايدي
نزار : به هاه حولنا …. لبنة ! تي خﻻص هاتي
لبنى : خلي نكملها
* وقعمزت ع ركبيها تكمل ف لعبة *
نزار : امممم فيه رتيلا فوق شعرك
* وقفت لبنى وتصيح وتنفض ف شعرها زي المهبولة وعفست على مسمار كان بطريقة ما مسنن وموجه للاعلى وتعترت ف خطواتها لبنى و طاحت
وبدت تبكي الدلوعة
نزار : الصبرررر ﻻش البكي تو هي لبنى : رجلي خش فيها دبوس
نزار : به نحيه
قعمزت لبنى وقالت : و**** ماقادرة نزار : هاتي انحيهولك
* فرحت طبعا اﻻخت لبنى ومدت رجلها وضوافرها كانو بزمالطو احمر فااااق .. *
نزل نزار من الكرسي وقعمز تحت وبينحيلها المسمار وسارح في الزمالطوا اﻻحمر الجداب مع اظافرها الجميلة
لبنى : ﻻﻻﻻﻻ فكني تو تجبده بالقوة
نزار : ﻻﻻ
لبنى : ﻻﻻ خﻻص خليه خليه تو نحيه بشوية
نزار : و**** ماك منحياته حيقعد هكي للعشية فرجلك
لبنى : ﻻﻻ انحيه
نزار : حقا لبنى
لبنى : شنو
نزار : بنطلع انا وياك بس بروحنا ف العشية
* ودارلها غمزة *
لبنى حطت ايدها ع فمها و طارت من الفرحة تحسابه بادلها الشعور وجبدلها نزار المسمار
لبنى : ايييييي بالحق بالحق بنطلعو بروحنا
نزار : هههههه ﻻﻻ راك اتصدقي كله كله بش نجبد هالمسمار بس
لبنى : خزيه و**** كيف فرحت


مكرم : عمتي … شنو رايك ناخدك معاي انتي وغادة اتغيروا جو
خ عايشة : و**** مدابيا لكن غادة عندها قراية
مكرم : حناخدلها اذن من المدرسة لمدة اسبوع
خ عايشة : باهي يستر **** انشوف مصباح وانرد عليك
مكرم : ايه انا طيارتي غدوة … كان وافق قوليلي بش نأجلها يومين تانيات بش اتوتو روحكم وناخدلكم تداكر
خ عايشة : ان شاء **** … خلي انوض انوتي الغدي قبل ما الحاج ايجي
مكرم : به

وبينما عمك مصباح بو غادة طلع بش ايصلي الظهر … واامها في المطبخ انتهز الفرصة مكرم بش ايهدرز ع غادة … وشافها غادة متكية زي القطوس قدام التلفزيون وتتفرج …
قعمز على مقربة منها … فعدلت نفسها غادة وقعمزت
مكرم : حلوة المسرحية اهياه..
غادة : اي
طلع مكرم ميدالية من جيبه مكتوب عليها غادة **** يحفظك يالغلا ومدهالها
غادة : ليا انا هادي
مكرم : اي اسمك مكتوب عليها
ابتسمت غادة وقتله : تسلم كرومة
مكرم : يعني معادش كرومي
غادة : خلي نمشي نجيبلك بوريك حاجة
مكرم اغتاض وحسها تتهرب
وقالها : باه
* خشت لدار تفتش ف قجرها ولقت مكالمات … من نزار … فعاودتله
سكر عليها واتصل بيها


نزار : خيرك معش اتكلمي فيا زي قبل
غادة : ماهو عندنا ولد خالي
نزار : شن ولد خالي كيف
غادة : روح من السفر
نزار : وبه يمشي لحوشهم شن قاعد عندكم
غادة : ماعنده حد امه وبوه متوفيين ماعنداش اﻻ امي اللي هيا عمته
نزار : شن تلبسي لما يكون قاعد
غادة : لبسي العادي
نزار : شن هوا
غادة : ياشورت تلت رباع ونعاه تيشرت ياسروال وتيشرت
نزار يكشخ : مصح وجهك …كيف تقعدي قدام ولد خالك بشورت تحسابي روحك صغيرة …سكري تلفون
غادة : خيرك حبيبي
نزار : سكري تلفون قتلك
* سكرت غادة الخط ونزار قريب يطربق عاودلها بعد تﻻتة دقايق .
غادة : الو
نزار : نهارك اسود اكحل ع دماغك شورت مرة واحدة وين تحسابي روحك ف ﻻس فيغاس وﻻ في كندا
غادة : انت مكبر الموضوع نزار
نزار : ايه صح مكبره انا … قدام ولد خالك كان بتلبسي توتة بتلبسي تيشرتها طويل لركبة فاهمة
غادة : و**** ماعندي هاللي اتقول عليه انا بنت واحدة ومافيش حد غيري ف الحوش
نزار : به به اعطيني نص ساعة ونكلمك
* طلع نوار من الحوش وهوا متكنطي من لبس غادة قدام ولد خالها ومشي محل خدابها ستة توتات صيفية طوال وواسعات
نزار : ايوه حاتم وين انت
حاتم : قدام الحوش
نزار : انطمر غادي اهو جايك
*بعد عشرة دقايق *
نزار :ها حاتم
حاتم : شن تبي توا … منتهز الفرصة امس وضاربني وانا سكران
نزار : ماك اتكتر ف الرغوة …. هاك
حاتم : شن الشكارة هادي
نزار : وجهك لحوش عمك اعطي هادي لغادة وكان سئلاتك مرت عمك قولها صاحبي جايب بضاعة بجملة وخديتهم لغادة ….
حاتم : مانيش رافع شي …
قرن حواجبه نزار وقال : حاتم اكسر الشر ونوض
حاتم : باهي وانت قريب تضرب … هات اهني البلي
نزار : هاك…


الشقندي : شنو فيه
هارون : ايه طلع … قدام حوش صااحبه …
الشقندي :به ديرله موقف *** نعرف ف المطاردة مليح واﻻ ﻻ
هارون : باهي كيف بندير
الشقندي : دبر راسك … سﻻم

نزار : وصﻻتك البضاعة قصدي جابلك حاتم الشكارة
غادة : ايه
نزار : اتخشي تلبسي واحدة منهم فاهمة وشاشيفك حطي شاربة
غادة : باهي عﻻش ادير هكي … اشمعنى انت
نزار : شن انا
غادة : اشمعنى انت اهو بنت خالتك معاك في الحوش واكيدة شعرها عريان وتلبس ماتبي
نزار : ﻻ بنت خالتي تلبس ف توت يبدى التيشرت متعه طويل مرات حتى تحت الركبة
غادة : به وشعرها
نزار : مادخلكش فيها ديري زي مانقولك بنت خالتي زي اختي ومافكرتش فيها اخطى من هكي ومعش تغالطيني
غادة : ماغلطتكش انا
نزار : باهي به
غادة : خيرك عاد
نزار : شي شي
* لحظات صمت **
نزار : تهدرزي معاه ؟؟؟
غادة : اكيدة هدا ولد خالي
نزار : به به تو كان بنقولك معش بتهدرزي بتبدي خيره انت … هدرزي ف حدود المعقول ووسط العيلة
غادة : ممافيش مرة سئلتك عن طريقة تهدريزك مع بنت خالتك
نزار : تعرفي الطريقة هادي مانحبهاش
غادة : طريقة شنو
نزار : نبدى نتكلم ف حاجة تنوضيلي به خيره انت وخيرك انت ادير وخيره وخيره …. حاجة مش عاجباتك ناقشيها فوقتها مش تستني لين يصير موقف مشابه وتبدي اتقوليلي خيره انت وخيره انت
غادة : باهي يانزار … خﻻص مش حنهدرز عليه … ومش خاينة انا راهو
نزار : ﻻ حول وﻻ قوة اﻻ ب**** تو من قال انتي خاينة هي
غادة : كﻻمك هكي ايدل
نزار : صار كﻻمي هكي ايدل به سكري تلفون هي
غادة : ﻻﻻ اسفة خﻻص
نزار بنبرة عصبية : سكري قلت انا


* سكرت غادة الخط …وهيا زعﻻنة*

الشقندي : بعتت هارون يختبره
المساعد صقر : لكن يا حضرة الظابط هوا متورط في عدة قضايا غير عنده ظهر فمسحوله ماضيه وخلوله سجله نظيف
الظابط شقندي : مايهمنيش انا … اللي ايهمني اني نضغط عليه ونشده من اليد اللي توجعه لين نخليه يرضخ ويوافق انه يتعاون معانا … ويعطينا اسامي تجار الحشيش الكبار و يدهم عليهم ويشدهم
مساعد صقر : فوته ياحضرة الظابط على حسب ماسمعت فيه من وراه
وماعتقدش حيرضخ
شقندي : لو ماجاش بطيب نجيبوه بطريقة تانية وهوا يختار وليه حرية اﻻختيار …..

نزار : انعم … مني فاروق …. ايه اهو جاي خليك جنب المستودع

حنين : كيف حالك خالتي
خ عايشة : الحمد*** بخير خشي خشي …. من جابك اماﻻ
حنين : بوي حطني ومشي ل صاحبه عنده عرس ولده
خ عايشة : ها به

حنين : شن الجو غدوشة
غادة : امنكدة
حنين : خيرك
غادة : سكري باب الدار تو نقولك
حنين : به
* حكتلها بتفصيل شن صار *
حنين : اهااا وينه مكرم خلي نسلم عليه
غادة : يابليدة توا انا نقولك ع نزار وانتي تقوليلي وين مكرم
حنين : ماه عيب خلي نسلم عليه
غادة : ريحي روحك راقد
حنين : باه هاتي النقال هاتي خلي نكلم زهير… عاد توا عركة انتي ونزار تبيله بش يرضى
غادة : ايه … حرجان مني مش عركة
حنين : باه هاتي تلفون
غادة : هاك


نزار : السﻻم عليكم
فاروق : وعليكم السﻻم كيف الحال
نزار : باهي …. خليك اهنا مابين خشيت توسطتلك عند القيافة ووقت انادي عليك خش
فاروق : تمام

* خش نزار ولقي الكل موجود سفيان زهير شنشوبة ربحي حاتم وعلى رائسم القيافة
نزار : السﻻم عليكم
الكل : وعليكم السﻻم
نزار : نااااويييين عالشر واااضح ههههع
القيافة : جيت ف وقتك ياحبوب
نزار : ان شاء **** خير
القيافة : بندهموا ع شخص ومش قادرين نخططوا من بكري خطط فاشلة نسمعوا فيها من الفار
نزار : اها المهم فيه شبوب كويس نبيك اضمه ليك
القيافة : من هوا .
نزار : فاروق …
القيافة : من فاروق
نزار : اللي يشتغل تحت عبدو السوسة
القيافة : مستحيل
نزار : عارف انك ماتحبش عبدو السوسة لكن هدا مادخلاشي ف فاروق ….الولد تريس ويعجبك خدمه عندك حتى قهوة شاهي
القيافة : بشرط
نزار : شنو
القيافة : قعمز خططلي هالمهمة
نزار : باهي غير خدمه
القيافة : تمام به

حنين : مايردش زهير
غادة : زيدي شوي وعاوديله
حنين : ايه هوا هدا اللي بيصير

القيافة : اعطيه اﻻحداتيات يا سفيان

هارون : ياحضرة الظابط نزار خش عند راس السابق متاعه القيافة
الشقندي : ستناه ولحقه وديرله مووووقف
هارون : حاضر

* عطاه سفيان اﻻحداثيات …*
نزار : امممم ….بسيطة
القيافة : هي قول
خدي نزار الدفتر وقال: متﻻ هدا المكان اللي بطبو عليه
القيافة : به
طلع نزار تلفونه وحطه وقال ل زهير و سفيان : تره نقاﻻتكم
* مدوله الزوز نقاﻻتهم
نزار : تمام ومثلا نقال هدا سيارة سفيان ايدرس اهنا جنب مطعم ببت العيلة
الكل : تمام
حط نزار نقال زهير جنب الدفتر وقال : اهنا المخزن
*ويشرين نقال زهير … خداه نزار بش بيمدهوله ولمح الرقم ….رقم غادة وقف وقرن حواجبه و
يتبع………

الجزء الثامن عشر من رواية عاصفة الصمت​

طلع نزار تلفونه وحطه وقال ل زهير و سفيان : تره نقاﻻتكم
* مدوله الزوز نقاﻻتهم
نزار : تمام ومثﻻ نقال هدا سيارة سفيان ايدرس اهنا جنب مطعم ببت العيلة
الكل : تمام
حط نزار نقال زهير جنب الدفتر وقال : اهنا المخزن
*ويشرين نقال زهير … خداه نزار بش بيمدهوله ولمح الرقم وقف وقرن حواجبه و شد زهير وعطاه بونية وراء بونية ويهز فيه يمين يسار ….
القيافة : خيرك ياديناري خلي الولد

*شد سفيان نزار ونزار دفه جي متكعور ف تركينة
زهير : شن فيه …شن فيه خيرك ياديناري
شده تاني وعطاه كفوف مقومات… وبونيات وراء بعض على بطنه …. شده حاتم و سنشوبة وزهير يتكمد بضربات اللي حصلهم من نزار
نزار : ارخوووني و**** نقتلكم راهو ارخوني
خافو زهير وشنشوبة و رخوه
وشد نزار زهير ومرجه طريحة امقومة

زهير : به ﻻش هكي هي شن فيه..
نزار : اسسسسكت و**** نغرز فيك الموس ياحمار ياكلب
القيافة : تي فهمنا شن فيه
* شده نزار وجبده وطلعه لبرا ..
المستودع وقاله : ياكلب ياواطي ياعافن
* مع ضربة بونية على بطنه *
طلع دم من فم زهير وقال : شن فيه ياديناري عيب عليك هكي
نزار : عيب عليك انت واخد حاجة مش ليك …
زهير : ش شن خديت
طلع نزار تلفون زهير
من جيبه وقال : صاحبة الرقم شن بينك وبينها
زهير : ااا اننن
نزار : اتكلم مم
زهير : عطيتها اععطيتها رقم
نزار ايكشخ : وين ياعافن
زهير : في السوق
نزار : اما سوق
زهير : سوق الن الن النوفليين


* طلع نزار الخوصة متعه ورشقه ف فخد زهير
زهير : ااااااااااه عﻻش ياديناري ماندريش عليها اختك
نزار : باهية وحق *** كان هدا جنازتك اليوم
سمع حاتم طراطيش كﻻم وزبطه.. فركب سيارته وبيروح لحوشه

سفيان : خﻻص ساده ياديناري خليه فحاله
ضرب نزار على رقم غادة من تلفون زهير

غادة : حنين اطلعي من الحمام
حنين : ردي عليه ردي
غادة : ﻻﻻ فكني افتحي الباب هاك خودي نقال
حنين : به هي …..
*ردت حنين بصوت همس الو
نزار : امنورة امنورة اتخونيني مع زهير اتفيه و**** اﻻ مانوريك اهو جايك نهارك اسود
* وسكر الخط *
لبست حنين حوايجها وطلعت قالت كل شي لغادة …
غادة تبكي : ياحمارة يامعفنة و**** قتلك انا بالك يعرفه هاه شوفي شن درتي توا
حنين : سامحيني و**** ماقصدي كيف الراي توا
غادة : و**** ماني عارفة ووووه عليا دارني خاينة و**** بنموووت بنمووت

*ركب نزار سيارته…وماشي لحوش غادة *
وصل نزار غادي ولقي حاتم قدام الحوش …
نزل من سيارته وقال بصوت : حسبي **** ونعم الوكيل فيك …
حاتم : فكنا من الشهدرة يا نزار
نزار : و**** اﻻ مانوريك…. انا ادير فيا هكي …. عارفك تسمع فيا خزيه خزززيه عليك
حاتم : فوت الموضوع ولمه يانزار
نزار : تي انا انودك وانعزك وانحبك وتطعنيني ف ظهري انااا تي عﻻش ومع زهيرررر


غادة : بري ياحنين كلميه وقوليله
حنين : مصح وجهك كيف بنكلمه في الشارع و حاتم لوطة

حاتم : خﻻص لمه الموضوع يانزار
نزار : مش انا اللي ايخونوني ياحاتم مش انا
حاتم : باهي باهي خﻻاااااص
نزار : و**** مامسامحك وحق **** مامسامحك

مكرم : شن فيه … شن فيه
خ عايشة : مش عارفة…. شاب يتعارك هوا وحاتم

حاتم : تي خﻻص يانزار
نزار : خﻻص خﻻص ماشي وﻻ عمري حنسامحك اخيه عليك …
* روح نزار وهوا مغتاض من كل شي ظلمت الدنيا ف وجهه..

ركب حاتم بعفاريت عفاريته ل حوش عمه
حاتم : ناديلي غادة يامرت عمي
خ عايشة : شن فيه
حاتم : ﻻ شي غير ناديها بس
خ عايشة : به استنى …. غاااادة ياغاااادة


غادة : حيييي عليا ياحنين حيه
حنين : امسحي دموعك تو نشوف خيرها خالتي ونجيك

* طلعت حنين لخالتها *
حنين : نعم خالتي
غادة : بري نادي غادة قولها حاتم يبيك
حنين : به

هارون : لو سمحت ياخوي …
نزار : شن فيه
هارون : ب**** معليشي كان عندك نقال … غير مطر انكلم العويلة في الزاوية بنقولهم بنتاخر
* كيف بيقول نزار ﻻ مافيش فقاطعه هارون وقال : ب**** عليك
نزار : استغفر **** العلي العظيم
تفضل هي
* خدي النقال هارون ودار روحه يتصل ويتكلم وفجاة ركب سيارته وعطها الشياط

غادة : نعم ياحاتم
* جبدها حاتم برا وسكر باب الحوش وعطاها كف امدرجح
غادة شدت خدها وبدت تبكي وقتله : عﻻش هكي
حاتم : ياكلبة ياحمارة اتشهدري بيا قلنا اتكلمي في نزار وسكتنا و لفيتها وضميت فمي وبلعناها قلنا هيا نزار حيتجوزها ومش حيكدب عليها ومش حيغلط معها… اما تمشي اتكلمي شخص تاني من جماعتي فوجهي انا هادي معناها انك مش متربية
غادة : والل
حاتم : ضمي فمك يلي ماتتحشميش و**** اﻻ مانقول لبوك
غادة : و**** ماانا و**** ماكلمته زهير
حاتم : ابﻻ كدب كل شي صار قدامي وكنت حاضر وشفت وسمعت بعيوني انتلفي خشي حسابك مع بوك بعدين …. و**** غير ع خاطر امك ماضربتكش ياحمارة …. انتلفي خشي


{و**** ماناقص هالحمار هدا … يتمسكن زعميتك بيكلم وهوا خانب اتفيه عالحظ شن هاليوم هدااااا تي و**** اﻻ مانوريك ياغادة ياتافهة زهيييير زهير تخونيني معاه }

هارون : نعم ياحضرة الظابط هوا يجري ورانا توا ليه قريب سبع دقايق
الشقندي : خليك هكي اهرب منه لين يطربق عليك
هارون : به وكان دار فيا حاجة
الشقندي : كان دار فيك حاجة راك اترد عليه انسى روحك شرطي مؤقتا واستدرجه لمقر البلدية وغادي خش و كلم اي واحد قوله من طرف الشقندي … وخليه ياخد الحاجة اللي خديتها منه يعطيهاله واحد من جماعة البلدي
هارون : تمام

حنين : غير استهدي ب**** ياغادة
غادة : ضمي فمك كله منك ومن جرايرك
حنين : باهي تو نكلمه نزار
غادة : المشكلة ان حتى حاتم يحسابني انا نكلم في زهير
حنين : تو نكلمهم غير خليهم يهدو وايهدوا اعصابهم

طق طق طق
غادة : منو
مكرم : انا ياغادة …اطلعيلي برا اهو نستنى فيك
غادة : باهي به …
حنين : شن يبي هدا
غادة : وين نندري عليه …
حنين :وين خالتي مخلياته يرمح ف الحوش
غادة : مش عارفة اكيدة ياخشت تتكى ياتتفرج عتلفزيون …اففف ووووه و**** بنهبل يا حنين فوق من هكي حاتم بيقول لبوي
حنين : بجديات
غادة : ايه …هوا كان بيقول من قبل ونزار مانعه


*ونزار يجري ف جرت هارون من شارع لشارع من زنقة لزنقة

{لو نلحقه من الشارع هدا ونطلع من شارع الجاي انكون ع يمينه فيطر ايخش لزنقة حوش المقعمز …ايه و زنقة هديكا امسكرة }
* وفعﻻ صار اللي فكر فيه نزار وخش هارون في زنقة المسكرة ووراه نزار سكر عليه …
نزل نزار وقاله : طاح الفار ف المصيدة ….
نزل هارون يتمرعش ﻻنه قاري ملف نزار القديم …
هارون : سامحني ياخوي
نزار : السماح ف مزدة ياخونا …
* طربق باب سيارته نزار وتقدم خطوات باتجاه هارون فك منه النقال وعطاه تيستة براسه وتلفت عليه ومشي ركب سيارته ووخر

هارون : انعم … ايه لحقني وطربق عليا
الشقندي : غريبة قاعد عايش
هارون : عطاني تيستة براسه و**** لين راسي داخ
الشقندي : خطيني منك شنو اموره طيبة كمطاردة
هارون : 1000%
الشقندي : تمام مليح بكل

حنين : نوضي شوفيه مكرم خيره .. وانا تو نتصل بنزار ونحاول نفهمه
غادة : ااااخ اخ … باهي به

زهير : اييي ضلوعي معقولة يضربني ع خاطر بنت
سفيان : عاد كان مكلمها قبلك ويبيها خﻻص معناها انت خاش عالخط
زهير : و**** مانندري اهو طلعت تلعب عليا وتلعب عليه
سفيان : ايه المهم انكشفت انها تلعب
زهير : احيييه ياراسي احيه … راك اتكلم بنت ياسفيان ماتدري بالك تطلع اخته
سفيان : باهي هيا ماحكتلكش حتى ع ععﻻقة سابقة هكي ماحابتش اسمه وقت سئلتها
زهير : سئلت الهم اﻻحرف سئلت قتلي كنت مرتبطة مع ولد اسمه حسن …ماقالتش نزار
سفيان : **** غالب نصيبك هكي
زهير : و**** استاجعت كيف ضربني وكل مابنرد الضربة يخواها زي الجن
سفيان : ههههه
زهير : لكن و**** صوتها حليو
سفيان : مصحك تعتبر خاينة تلعب
زهير : مازال ماحبيتهاش انا … اتعلقت بيها بس
سفيان : يﻻ انن شاء **** ﻻباس عليك زهير …
زهير : ﻻ ايوريك باس … صحيت عالتوصيلة
سفيان : ماادور شي ياغالي … سﻻم


{عﻻش هكي ياغادة عﻻش و**** وجعتيني في وسط قلبي شلعتي في جوجيا النار …. ياالله ياعالم بكل خفية بيدك اسرار الكون ياوهاب كبدي على نار االحطب مشوية عجل دواها قبل ماتنصاب …الصبر ياربي
غادة ! اتخوني ! انا ؟؟؟ و**** مامستوعب حاجة وحق *** }

سفيان : ايه رفعته للمستشفى خيطوله فخدته وروحت بيه الحوش
القيافة : به وفهمت شن السبب
سفيان : ع حسب ماحكالي زهير انه موضوع بنت
صﻻح : هاااا الديناري ايحب قصدك
سفيان : ماندري ممكن
صﻻح : وزهير ضاقت عليه خﻻص مالقاش اﻻ يكلم البنت اللي يبيها نزار
سفيان : قال مانندريش عليها ..
القيافة : اممم خاينة صار تلعب عالحبلين مرة اتكلم نزار ههههه ومرة زهير
سفيان : هههه ايه شوف السبلة اتكلم فيه يوم بعد يوم تره قول شن اتقوله
صﻻح : شنوو
سفيان : اتقوله ماعنديش تلفون انكلم فيك برقم بنت خالتي
صﻻح : هههه مﻻعبية هادي … لكن بالك حق بنت خالتها هيا اللي يكلم فيها نزار وتانية يكلم فيها زهير
سفيان : ماندري ياودي ماعتقدش ما تطلع اﻻ هيا نفسها واخدة دورين

مكرم : خيرك مش ع بعضك ياغادة
غادة : ﻻ شي
مكرم : كيف شي امبكري نسمع فيك تبكي … احكيلي فضفضيلي
غادة : ﻻ شي غير شعري بدي يطيح عندي تقصف
مكرم : كان هدا تبكي
غادة : ايه مانحبش شعري ايطيح
مكرم : ماتزعليش روحك غدوشة تو نجيبلك دواء تساقط شعر
غادة : ان شاء **** …
مكرم : قوليلي …عﻻش كل مانكلمك ع ايام قبل تتهربي مني ..
غادة : عﻻش بنتهرب منك
مكرم : هكي مش عارف … هكي انحس …
غادة : مكرم انا توا راسي يوجع
فيا تو نهدرزو ف وقت تاني …
مكرم : اححححح به به خﻻص نخليك ترتاحي


{تعرفوا شعور لما شخص ايكوم مكمود ومطعون ف الظهر من اعز واغلى الناس ….. لما تبدى ملهوف عليه وتتمناه ف كل لحظة يكون معاك … لما يكون اول حب ف حياتك … لما ايكون هوا هدا اللي يهون عليك الهم اﻻحرف اللي عايش فيه … لما اتحس ان فيه حاجة عايش ع خاطرها وطلع فشينق… لما توتق ف شخص وطلع بلعوووط….اه ياربي اه كنت نبيها ليا … حبيتها وماحبيتش غيرها وخانتني …خانتني …كيف قدرت كيييييف }
نزل نزار من سيارته ووقف ف نص الكياس وقال : تي كييييييييييييف ….حد ايفهمني ياناااااس كيييبف صااااااااااار
* يشوفوله الناس باستغراب يحسابوه مهبول … على خطمة ربحي …. شافه واندهش من هةل المنظر … نزار ف الكياس وايصيح
نزله ربحي وخداه ع تركينة

ربحي : شن فيه خيرك
نزار : ااااخ اخ … خليني ياربحي و**** ماطايق حد
ربحي : به روح للحوش شن اللي ادير فيه ف الكياس شن جاك

* بكل اسى وحزن …. تقدم نزار بشوية لسيارته ولعها وروح للحوش وخش داره وسكر الباب ….

أذن العصر …. جت العشية … اذن المغرب… العشاء ونزار مازال ف داره …
*غادة مرضت … وحاتم كسر الشر ودس عليها عملتها …

حنين : حقااااا
غادة رابطة راسها وحرارتها مرتفعة وعيونها حمر من البكي … ردت وقالت : شنو
حنين : تو نحلها … الموضوع عندي .. ياغادة
غادة : كيف …قولي
حنين : اصبري بس

وصل مسج لنزار >> يانزار انا حنين وانت فاهم الموضوع غلط … انا اللي انكلم في زهير .. وانكلم فيه من نقال غادة … ومقايلة لزهير اسمي عفاف… عموما غادة مرضت وانا اسفة انحس بذنب فرقت بينكم انتوا اتحبوا بعض… و**** غادة وﻻ اتفكر اتخونك حتى في الحلم
ولو مش مصدق … امشي لزهير وخود نقاله واتصل ب 123 وتو تلقى رسالة صوتية في البريد بصوتي انا باعتتله اغنية …
حط نقاله نزار جنبه وماقتنعش باللي ف رسالة ..

{تزلز عليا تحسابني عبيط وين نندري بالك غادة قالت ل بنت خالتها ادير هكي وبعتتها توا لزهير … تحسابيني بنصدقها مﻻعبية خاينة عافنة }

خ رقية :نزار خيرك اماﻻ من بكري ف دارك ﻻ غدي ﻻ شي
نزار : مش خاطري راسي امصدع
خ رقية : نجيبلك حبيبة راس
نزار : ﻻﻻ خديت تو شوية ويهفت
خ رقية : به
* طلعت وسكرت الباب … بعد شوي خشت لبنى للمطبخ وحطتله طرف تورتة هيا مدايرتها وطقطقت عليه
نزار : نعم
* خشت لبنى *
لبنى : نزار… خيرك مش باين اليوم
نزار : هكي تاعب شوي
لبنى : خود جبتلك تورتة مش عادية حيمشي معاها تعبك …
* حطتله لبنى التورتة عالكمدينو جنبه وتلفتت بتطلع… للحظات جت قدام عيونه غادة فياخد الصونية متع التورتة ويفلقها عالحيط …
تلفتت لبنى وانصدمت … خنقتها العبرة وطلعت تجري وسكرت عليه الباب …
{اياح شن درت حتى اتا حسبي **** ونعم الوكيل فيك يا غادة … }

* طلع من داره ويدور ف لبنى مالقهاش … فركب لسطح … لقاها واخدة تركينة وتبكي وتقول : به انا شن درتله بش يلوح عليا الصونية عﻻش هكي ادير يانزار عﻻش …
قرب منها نزار وقعمز جنبها يشوف للقمر وقالها : مش قصدي يالبنى … انتي تعرفي ان مستحيل انلوح عليك حاجة … كنت متغلل من شخص وفجاة جي قدام عيوني … اغتضت وماندريش ع روحي …

* مسحت دموعها لبنى وقتله : فضفلي …
نزار : ماعندي مانفضفض … غير عرفتك بتمشي تبكي فجيتك نوضحلك بس
تنهدت لبنى وقتله : صار خير
* وقف نزار
لبنى : وين ماشي خليك هدرو
نزار : مضايق يالبنى … يوم تاني تو نقعمزوا ونهدرزوا
لبنى : اوكي ان شاء ****

ساعة 11 مساء … مستودع القيافة …بعد تنفيد مهمة

ربحي : وهدا اللي صار
صﻻح : تره كلمه ياسفيان
سفيان : اوكي هي…. مايردش
صﻻح : زيد عاودله …
سفيان : به

نزار : شن تبي ؟؟
سفيان : شن اﻻخبار
نزار : زفت شن تبي توا
سفيان: بنطمن عليك ياراجل
نزار : ماشي الحال
القيافة : قوله بالك بنت خالتها مش هيا ياسفيان

نزار : سمعته وقوله بدل ما تقعمز اتفكرلي بش اتحلي مشكلتي فكر لروحك و مهام متاعك
سفيان : غير هدي اعصابك
نزار : هي اتنسم اتنسم ….
سفيان : باهي ياطيب
نزار : اسمع
سفيان : نعم
نزار : تعرفه شن هوا هدا متع 123
سفيان : ايه البريد الصوتي هدا
نزار : فيه لقطة متﻻ متع تعرف امتى انبعتت الرسالة
سفيان : ايه هما رسايل صوتية بعد الرسالة اتقولك التاريخ والوقت
نزار : تمام سﻻمات

{مافيش حل اﻻ اني نطب ع زهير توا …وناخد نقاله ونسمع 123 وانحي شكوكي لو ظالمهم حقهم عليا الزوز و نرضيهم سوا غادة واﻻ زهير …}

هارون : ايه احنا قدام حوشه توا
الشقندي : شرين عليهم . . وعارفه انا مش حيجي معاك بطيب … اضربوه ع دماغه واﻻ دبروله وحطوه ف البوكس وجيبوه
هارون : تمام

* طلع نزار من داره ومتجه للباب … لحقاته لبنى وقتله : طالع
نزار : ايه
لبنى : جيبلي … شوكﻻتة
نزار : ان شاء ****

* طلع نزار فم الحوش ولقي هارون وجماعته ﻻبس لبسة مﻻزم اول
نزار : انت ؟؟؟
هارون : اتفضل معانا لو سمحت
نزار : تو انت خنبت موبايلي وتطلع شرطي
هارون : تغضل معانا نبوك ف امر ما

لبنى اتفكر …حي نسيت انقوله جيبنا اسكيمو وجيﻻتي نبردو بيه … خلي انكلمه اكيد قاعد م الباب

نزار : مانيش جاي مع حد ياوخيي

ضربوه ع راسه وفي نفس اللحظة انفتح الباب وشافت لبنى الموقف
اشرلها نزار بصبعه اشششش
وعيونه اتشقلبوا ياناري وساخ
سكرت الباب لبنى وهيا محتارة

قامه هارون وجماعته وحطوه ف البوكس وطاشوا بيه

يتبع…….

الجزء التاسع عشر من رواية عاصفة الصمت​

نزار ل هارون : مانيش جاي مع حد ياوخيي

ضربوه ع راسه وفي نفس اللحظة انفتح الباب وشافت لبنى الموقف
اشرلها نزار بصبعه اشششش
وعيونه اتشقلبوا ياناري وساخ
سكرت الباب لبنى وهيا محتارة

قامه هارون وجماعته وحطوه ف البوكس وطاشوا بيه

لبنى قاعدة مصدومة وراء الباب … فتحت تاني مالقت حد … حطت ايدها ع راسها وخنقتها العبرة .. ومعش عرفت شن ادير .. استندت عالحيط ورجليها معش حملوها فقعمزت وتبكي ….
وتفكر بصوت واضح >> باهي عﻻش قالي اششش قصده بش معش ايفيقوا بيا جماعة الشرطة واﻻ بش مانقولش للعيلة … خلي انقول لخالتي …. بس نزار مايحبش ايرعشها هو هداك النهار ف عرس بنت حليمة قتله امه خيره كتفك جاية بنقول عركة مشي غطى ع كﻻمي وقال انضربت ف الباب …باهي شن اندير ياربي
* سمعت خطوات لبنى فخشت للمربوعة بش معش يشوفوها تبكي وقعمزت في التركينة … كيف الحل و**** قعدت مربوطة ياريت حتى عندي اخ بش نقوله ويمشي ايشوف شن فيه …الحوش كله نسون حتى قلت…ح يبدى الصياح والعياط كيف بنتصرف كيف …

*فاق نزار وراسه مدروخ … حط ايده ع راسه يتحسس مكان الضربة

الشقندي : ياصح النوم
نزار : ﻻش المعمعة هادي كلها
الشقندي : ماه كان جيت معانا بالطيب راه مادارولك هكي
نزار : به هي اعطيني السبب ﻻش جايبني اهنا
الشقندي : اكيدة مش بش نلعبوا كورة
نزار : به نسمع هي ادوي وخلصني خلي انروح
الشقندي : احترم نفسك وعدل تقعميزتك راك اتكلم ف ضابط
نزار : به غير هيا فيسع عندي ماندير
الشقندي : شنو اماﻻ وليت لصراكتك اﻻولة
نزار : ياصبر ايوب … قاعد نسمع انا
الشقندي : بإختصار شديد … انت حتشتغل عندي …
نزار : عندي عمل الحمد*** ..هي السﻻم عليكم
الشقندي : انطمر ف مكانك … قعمز …
اغتاض نزار وقال : باه
الشقندي : لما قتلك بتشتغل عندي … قلتهالك ك امر مش اني حاط الموضوع اختياري بين ايديك
نزار : وعﻻش شن اللي يخليني نشتغل عندك …
الشقندي : قتلك امر … وشغلك حيكون مرموق
نزار : واللي هوا ؟؟
الشقندي : تمشي تقبض ع الروس الكبيرة متع المخدرات.. واداهم عليهم … ولو هربوا طاردهم
نزار : وشن دخلي فيهم ان شاء **** يطربقوا …الروس الكبيرة قالك …


* ولع الشقندي سيجارته … ونفث دخانه وابتسم ابتسامة الصفراء وخدي رشفة من فنجان القهوة وقال : يعني نفهم من كﻻمك مش موافق
نزار : اكيد ﻻ
الشقندي : مستقوى ب منو
نزار : مستقوى ب *** الحمد***
الشقندي : ههه به به … ياهارون هاااااارون
* خش هارون وقال : نعم حضرة الظابط
الشقندي : خوده لحوش خالته خوده وقول لساطور ايدلعه
هارون : حاضر
* جي هارون جيهة نزار وشدله يده فك ايده نزار وقاله : حول مش متهم انا
* وتلفت ل الشقندي وقاله : وكيف بتحبسني بأي وجه حق … عندك حاجة ضدي
الشقندي : عندي
نزار : ماعندك شي …
الشقندي : اتكدب فيا
نزار : ونتحداك مانيش خايف منك
الشقندي : هارووون !
طلع هارون سﻻحه وصوبه ع نزار وقاله : قدامي توا
* ابتسم نزار … وضحك
هارون : فيه حاجة اضحك
نزار : ﻻ شي سﻻمتك
* طلع نزار ووراه هارون في الممر شاد سﻻحه مصوبه ع راسه …مشوا خطوات و تلفتله نزار وبحركة سريعة ضربله يده وخدي سﻻح وصوبه ع هارون
اندهش هارون وفتح عيونه عﻻخر
نزار : اسكت حتى كلمة و**** نفرغ فيك المخزن كله
* هز راسه هارون … وخر نزار ومزال عينه ع هارون … لكن فجأة حس نزار بمسدس ع جمجمته
الشقندي : كنت حاس … كنت حاس انك حديرها …. نزل سﻻح فيسع
تلفتله نزار ومصوب سﻻحه باتجاه الشقندي وقاله : مش حنزل
الشقندي : عندك علم نقدر انلفقلك تهمة من خﻻل تصويبك لسﻻح هدا نزل سﻻحك
** نزل نزار سﻻح وخداه منه هارون وخدوه هما الزوز ل غرفة مظلمة زي القبو ونزلوه
الساطور رجل طويل وعريض عنده شكيمة ف خده قال : يامرحب يامرحب
الشقندي : دونك ليه ياساطور اعطيه لين يقول تمممم بنخدم معاكم
نزار : ههههههه
الشقندي :اضحك اضحك اهو تو نسمع اعياطك زي الوليه
* طلع الشقندي وهارون وكل ما الساطور بيشد نزار ونزار يفلت منه لين شده وعلقه من ايديه الزوز
نزار : تشتغل عندي
* عطاه الساطور بوونية ب ايده الكبيرة ع بطنه ونزار اتوجع
نزار : كم ايخلصوا فيك ع هالخدمة


*وسطور شي مايعدلش … طلع حديدة وبيجلده بيها

صفاء : لبنى شن اديري في المربوعة
لبنى : ﻻ شي غير *** نقعد بروحي
صفاء : اها اوكي به
* طلعت صفاء من المربوعة وجت ساغة 12 وقاعدة اتفكر لبنى شن ادير …
ترررررن تررررررن
لبنى : الو
ربحي : مساء الخير … و**** بنتصل ومتردد من بكري
لبنى : و**** جيت ف وقتك
فرح ربحي وقالها : قصدك فرحتي بمكالمتي
لبنى : ﻻﻻ بنقولك حاجة
ربحي : قولي

*لبنى اتفكر >>زعما انقوله ..لكن بالك نزار ايوريني … لكن هدا صاحبه … واكيد حيفيده
ربحي : الووو … قولي … تبكي يالبنى ؟؟؟
لبنى : ايه
ربحي : به شنو احكي
لبنى : جت شرطة وشدت نزار … ب**** عليك اتصرف ياعﻻء
ربحي : امتى وكيف
لبنى : قبل ساعة
ربحي : ان شاء **** حنتصرف خلي الموضوع عليا … معش تبكي
لبنى : ان شاء **** غير اتصرف
ربحي : حاضر هي سﻻم
لبنى : اسمع وبالله اتصل طمني حنقعد بحدى تلفون
ربحي : ان شاء **** سﻻم


* نزار وجهه دم من الضرب شد يديه فوق وقام رجليه وضرب الساطور في صدره … تراجع الساطور خطوتين للخلف ومشي لطاولة خدي منها زي السوط وجي بيجلد نزار
نزار : و**** كانك راجل اتفكني توا ونتواجهوا مش رابطني ومستقوى عليا يا بنية حارورة
الساطور : بتشتغل مع الشقندي واﻻ ﻻ
نزار : قول ل حناك تشتغل معاه شن رايك
* ويعطيه الساطور ويعزقه بهداك الصوت *

القيافة : هي نوض نوض ياحاتم قيم البضاعة ف المخزن وسكر المستودع
حاتم : ان شاء **** هي

* على جية ربحي خاش يجري
القيافة : بشوية وانت خاش زي الطلقة
ربحي : نزار نزار يالقيافة
صﻻح : خيره
ربحي : شداته الشرطة
* وقف صﻻح من شدة الخبر
وقال : كيف ؟؟؟ ملفه نظيف
ربحي : مش عارف توا كيف سمعت من عيلته
* قعمز صﻻح وخدي تلفون اﻻرضي وبدير مكالماته…

لبنى>>>حي عليا نزار كيف اندير ساعة 12:20 ولحد اﻻن عﻻء ماتصلش


صﻻح : ايه قصدك نلقاه عند مركز شرطة متع العاجي .. اوكي ان شاء ****
ربحي : ها شنو
صﻻح : قالي احتمال عند العاجي
…ايوه السﻻم عليكم … كيف حالك ياافندي … ﻻ الحمد*** ..شن مداير ياطيب …ﻻ الحمد*** حالي كويس … ب**** بنسئلك شديت اليوم شاب اسمه نزار … الديناري
العاجي : ﻻ ﻻ تقريبا عند عبدالله
صﻻح : تمام تمام سﻻم عليكم

صﻻح ل ربحي : قالي عند عبدالله
ربحي : ياودي حسهم يفلطحوا
صﻻح : امشي وراء الكداب لحد باب الدار …. ايوه السﻻم عليكم … كيف الحال … القيافة معاك … ايه ﻻ بخير … ب**** بنسئلك … نزار الديناري عندك
عبدالله : ﻻﻻ عند الشقندي تقريبا
صﻻح : باهي مشكور سﻻمات

ربحي : كيف صار
القيافة : قالي عندالشقندي … وحسهم ماحد يعرف مكانه …
ربحي : هيا جرب هالمرة وخﻻص
صﻻح : ان شاء **** خير

الشقندي : شنو نزار .. واﻻ نقولك الديناري … ايه قولي شن صار تشتغل معاي او …
نزار : برا ارقد بالك ف حلمك نلقاني نشتغل عندك
الشقندي : زيده ياساطور زيده
نزار : نسيت نقولك … انا نشتغل عند بلقاسم الحبيب … وياويلك منه
الشقندي : زيد اكدب زيد اعطيه ياساطور


صﻻح : مايردش هالبلي …. ايوه نعم السﻻم عليكم
هارون : وعليكم السﻻم
صﻻح : شن اﻻخبار … ب**** الشقندي موجود
هارون : دقيقة بس

صﻻح ل ربحي : قال دقيقة

الشقندي : ايوه نعم
صﻻح : شن اﻻخبار
الشقندي : تمام من معاي
صﻻح : القيافة
الشقندي : ههههههه
صﻻح : ب**** بنسئلك عندك نزار الديناري
الشقندي : ايه عنديبايت ف حوش خالته الليلة
صﻻح : سرحه و خليه ف حاله
الشقندي : هههه اكيد ﻻ
صﻻح : راهو مدعوم
الشقندي : من منو مدعوم منك انت او
صﻻح : من بلقاسم الحبيب تلفون واحد بس ليه وتولي ف خبر كاااان وانت عارف بلقاسم الحبيب
الشقندي : انتو الزوز تكدبوا عليا
صﻻح : ماعندي ﻻش بنكدب عليك .. تقدر تتاكد من العارف …
الشقندي : به ونتاكدوا من العارف عﻻش ﻻ
* توووت تووت توووت *


صﻻح : هالكلب شقندي
ربحي : طلع عنده او
صﻻح : ايه …
ربحي : وبه شنو توا
صﻻح : اهو نستنوا

الشقندي : هااارون …هاررررووون هارون : نعم نعم
الشقندي : امشي ل الساطور وقوله خود بريك
هارون : به تمام

ساخ نزار من كثر الضرب والتعديب و خداله الساطور قردل اميا وداره وبزعه ع وجهه
ساطور : فيق مش مكان نوم اهنا
فاق نزار مخلوع ويلهث كالاسد الجريح وقاله : تتمرجل عليا يا#@$/&

*حط الساطور حديدة على الجمر حماها … وقامها بطرف حاجة ومتقدم لنزار بش يكويه بيها ف ظهره
نزار : و**** انوريك بعد عليا هالبلي
* وكيف الساطور بيقرب الحديدة ل نزار …خش عليه هارون
هارون : خﻻص ياساطور قالك الظابط خود بريك
الساطور : به عطلت شوية … كان هدا رانا كويناه
نزار : شن اتشوف فيا حمار قدامك
الساطور : و**** نكويك راهو
هارون : ساطور …لوح اللي ف ايدك خﻻص هدا امر …
* لوح الساطور الحديدة وشاف لنزار عالجنب وقاله : غير عندك حظ بس …
* وطلع الساطور وطلع وراه هارون وسكروا عليه الباب *
{و**** ماناقص ياربي فرج عليا و**** تعبت… شن هالهم يوميا مشاكل }


ربحي : الو
لبنى : شن صار
ربحي : عرفنا طريقه وان شاء **** يطلع سالم
لبنى : **** يطمنك … سﻻم مانقدرش نتكلم
ربحي : سﻻم

خ سميرة : نوضي كان بترقدي يالبنى
لبنى : هيا شوية بس انتم مسلسل اهواه
خ سميرة : به اطلعي من المربوعة تفرجي ف وسط الحوش
لبنى : ايه اهو جاية وراك هي
شنو رقدو مروة وصفاء
خ سميرة : ايه كلهم رقدو …نوضي فيسع اطلعي من المربوعة تو يروح نزار بيخش فيها
* ناضت لبنى وسكرت التلفزيون وسكرت الضي وطلعت وقالت ل امها : اماﻻ خلي نرقد حتى انا تصبحي ع خير
خ سميرة : تﻻقي الخير …
* دارت روحها خشت لبنى لدار واطمنت امها وخشت لدارها … فوتت شوية وطلعت لبنى اتعسعس من روشن لروشن وتستنى ف نزار
الشقندي : ايواه يالعارف كيف الحال … ايه عارفه اتصالي متاخر اعذرنا … ايه ..**** غالب بنقولك … حقا نزار الديناري ضامه بلقاسم الحبيب تحته
العارف : تي ايه بش حكيتلك عليه
الشقندي : امتى
العارف : هداك النهار …قبل خمس ايام ممكن
الشقندي : توقعتك بلعاني دايرها
العارف : برا من عليا برا متصل عقاب ليل بش يقولي بلعاني
* توووت توووت توووت *

الشقندي : هارون … هارون
هارون : نعم
الشقندي : برا طلعه واربطله ايديه بالحبل ولوحه قدام حوشه
هارون : شن صار
الشقندي : بدون اسئلة نفد فيسع
هارون : حاضر

* طلعه هارون وكان نزار مدهول وجسمه كله جروح ووجهه دم وتااااعب واضح عليه وعلى عيونه وربطله يديه تنفرط نزار ويبي ايفك الرباط بس معش عنده جهد … رفعه هارون ف وحطه ف البوكس ونزار من التعب رقد ف البوكس
ومافاق اﻻ ع صوت هارون
بيجبده بش بيحطه قدام الحوش

* سمعت لبنى صوت سيارة فمشت للمربوعة وتشوف من روشنها وقالت : حيه عليا نفس السيارة متع امبكري … حيه نزار مسكين ووووه عليا وووه

حط هارون نزار قدام الحوش ويديه مربوطات وركب سيارته ومشي يجري طلع من الشارع … نزار مش قادر يتحرك وﻻ حتى يقيم ايده بش ايشرين عالحوش … وخاف ايخوف اماليه ف هاليل فاتكى عالباب وغاب عن الوعي
طلعت لبنى من المربوعة وفتحت الباب وشافت نزار ف حالة يرثى لها …. جبداته داخل … وسكرت الباب بشوية … وكملت جبداته للمربوعة وحطاته عالمندار… ومشت جابت منظفات جروح وفاشات ولصقات جرح ومشت لداره طلعتله كنتيرا وتيشرت نظاف وتسللت تاني للمربوعة وسكرت بابها …
نحتله تيشرته …. وهنا لبنى بدت اتفكر >>> حي كما ايفيقلي …عليك موقف كان هدا …
هي فيسع خلي نظفله جروحه ونلبسه تيشرت نظيف
ونظفتله جروحه بكل عناية وحنية

ولصقتله لصق جرح ف كل مكان
لبنى >>>ياريتك حﻻلي يانزار… متمنياتك ليا … ياريتك اتحس بيا كل الناس سمعتني وانت مش سامعني
* وبدت تتخيل عمتك لبنى خيااال ركزووو خيـــــااااال لانه عارفتكم بتكتبولي ف تعليقات حي واخيرا حبها هههههه *

(((نزار >> اتهبلي يالبنى ايديك ناعمات
لبنى >> *** يحفظك نيزووو
نزار >> تعرفي انتي ملاك في صورة انسان
لبنى >> تسلملي
نزار >> انحبك يالبنى انحبك نبيك ديما جنبي وبقربي ))
انتهى الخيال ….
* خنقتها الغبرة لبنى وخدت لصقة جرح تبي اديره ع خده… وﻻ اراديا انحنت بتطبع قبلة على خد نزار …. ونزار فتح عيونه …

*شن موقف لبنى …. وشن ردة فعل نزار هدااا اللي حنعرفوووه ف الجزء القادم

يتبع……….

الجزء العشرون من رواية عاصفة الصمت​

* خنقتها العبرة لبنى وخدت لصقة جرح تبي اديره ع خده… وﻻ اراديا انحنت بتطبع قبلة على خد نزار …. ونزار فتح عيونه … وراسه مشوش معش استوعب
طبعا لبنى منحنية ومغمضة عيونها وماشافتش نزار لما حل عيونه .. قبلاته ع خده … فغمض عيونه بقوة وفتحهم يحساب روحه ف حلم من ضرب وساطور وحبس الى لبنى مطبسة عليه بتقبله.. المهم دفها نزار وقال بنبرة حادة جدا : تو بش عيب عليك هكي … راجل مضروب قدامك واياماته سود على راسه وانتي اديري فيه هكي …
* انخلعت لبنى … واتحشمت ووجهى احمر ودمعوا عيونها …
لبنى حطت ايديها ع وجها وقالت : اسفة اسفة نزار
* وناضت تجري طلعت من المربوعة وسكرت الباب و خشت للمطبخ تبكي
{ااااخ ياضلوعي اخ حسبي **** ونعم الوكيل فيك يا شقندي الكلب و**** اﻻ مانوريك …. }
* شاف جنبه لقي الحاجات اللي جايبتهم لبنى وجسمه كله مضمد وامطبب ….خنقاته العبرة عاللي صار فيه ووجعاته نفسه كيف اهانه الشقندي وكيف الساطور ضربه …

{بارك **** فيها لبنى الباين خششتني من غير علم العيلة … وانا كشخت عليها … لكن عﻻش دارت لقطة زي هادي انا لو في مكانها وهيا سايخة ماكنتش حندير هكي اللطف ظ… تخلطت عليا من كل مكان ﻻ لقيتها من غادة ﻻ لقيتها من حياتي الي فاتت اللي نحساب روحي وليت نظيف واهو الشر ﻻحقني ﻻحقني … اقريب ننتقل مكان تاني وﻻ نطلع منها ليبيا مرة واحدة .. ..اخ وووه عليا وووه ضلوووعي اااااي خزيه خزيه ديناري ينضرب هكي وجعتني حالي ياربي احيييه محرها …. و**** يديا معاد حاس بيهم من كتوفي لتحت وظهري كله جروح يعطيك كسرة يا ساطور البلي &#@$
انحس بالعطش بنموت من عطشي اتقول فصحراء }
* بينوض نزار ومعش قدر جسمه مدقدق وكل جيهة من جسمه تشكي
نزار بكل نبرة عجز واسى وحزن وضيق نادي : لبنى … يالبنى …

* لبنى قاعدة ف المطبخ وقاتلة نفسها بكي …. وتسمع ف صوت نزار ينادي يالبنى
لبنى : ياكلبة بديتي حتى تتخيلي ف صوته و**** بنهبل … خلي نمشي ف دار اندس روحي خير …
نزار : لبناااا عارف انك تسمعي فيا تعالي … تعالي يابنت ب**** عليك

* كيف طالعة لبنى من المطبخ وسمعاته ينادي ويتكلم يقول لبنى … فمشتله …فتحت الباب بشوية وتبيت عليه وتبكي
نزار دايخ قالها : اميا يالبنى اميا …بنموت
*مشت تجري لبنى خدت مالقي طاسة ورجعت للمربوعة
عبتها وحطت المالقي ومدتهاله ومزال تبكي … ماقدرش نزار قام ايده نزار … وخدي طاسة وقام روحه شوي وجي قدامه الساطور فطاحت منه طاسه ….
لبنى : ستنى ستنى تو نجيب فوطة
* طلعت عسريع دارت حوايج ف فراشها بش معش يفبق بيها حد وفتحت الدرج خدت حبوب ايبروفين وجابت فوطة من دار نزار ورجعت للمربوعة …. مسحتله الميا من على بطنه ورقبته ومسحتله وجهه فيه شوي دم ع جبهته و راء ودنه وهيا مازالت تبكي …
نزار غصاته العبرة وقال : سامحيني يالبنى …معش تبكي و**** انا تعبان تعبان من كل شي ومش ناقص نشوف حد يبكي … قدامي خصوصا انتي وخواتي ب**** معش تبكي
* مسحت دموعها لبنى من سكات وعبتله طاسة وسندتله راسه ع ايدها وشرباته ميا ….
نزار : عبيها تاني عطشان
*زادتله طاسة ومدتله حبة اﻻيبروفين لجيهة فمه …
نزار : حبة شنو
لبنى : تخفيف الم
نزار : متع سنون هادي
لبنى : نتع كل شي تخفيف الم


*فتح فمه نزار وحطتله لبنى الحبة وسنداته تاني ع يدها وشرباته الميا*
نزار : صحيتي **** يبارك فيك
* لبنى مزالت ساكتة خدت كنتيرا بتلبسهاله *
نزار : ﻻﻻ مش ﻻزم
لبنى : انت ماتقدرش تتحرك ولو خشت عليك خالتي غدوة وشافاتك هكي حاترعش عليك جسمك زي الخريطة
*استسلم نزار وخدتله كانتيرا وتبكي دخلتله راسه فيها وبكل حنية قامتله يده بش دخلها ف مكانها
نزار : ايي اي اييي
لبنى : اهو كملنا خﻻص ….
نزار : ب**** عليك معش تبكي قتلك سامحيني … ماكانش قصدي ردة فعل …
لبنى : نبكي ع نفسي يانزار
نزار : عﻻش
لبنى : انحس في روحي سخيفة ومنحطة بالموقف اللي صار

نزار : حاشاك حشاك …اﻻنسان عبارة عن كتلة تتحكم فيه المشاعر واﻻحاسيس ….وهدا جراير مسلسﻻت تركية ايسوقولكم في امور غلط ويخلوا البنت تتخيل وتعيش عالم وردي … انا ولد خالتك سترك وغطاك صح مانشجعكش ع هيك موقف… انأنبك عليه لكن ف نفس الوقت مانلومكش ممكن مشاعرك ف هديكا اللحظة كانت اتفكر ف مسلسل التركي فدرتي هكي…كل انسان يغلط ماناش مﻻيكة…واتفهمت الموقف لكن معش تعاوديها يالبنى … خﻻص معش تبكي …
* حطت يديها لبنى ع وجها فقالها نزار : معش تبكي عاد خيرك هكي …
لبنى : المهم سامحني مش قصدي
نزار : عارف انك عفوية … احييه يارجلي …
لبنى : خلي انلبسك تيشرت متاعك وارتاح وارقد ….


*طلعت خ سميرة من دارها وخشت للحمام
لبنى : اشبح من ناض وخش للحمام … هيا فيسع حاول اتقيم ايدك … ايوه تمام
* لبساته التيشرت وكيف بتنوض بش بتمشي لدارها… امها طلعت من الحمام …
لبنى : حييي طلعت يانزار …
*وهيا طالعة زي اللي سمعت صوت لبنى جاي*
نزار : به طفي الضي
* تقدمت ام لبنى وتحساب لبنى رجعت تسهر ف المربوعة
سمعت لبنى خطوات تتقدم فمشت خطوتين خدت يرغان الضيوف وفتحت تلفزيون وفرشت الغطاء فوق نزار وخشت بحداه وتكمكمت

فتحت ام لبنى الباب وشافت نزار

نزار : انعم خالتي سميرة
خ سميرة : خير نزار
* وهديكا لبنى لاصقة ف نزار
ونزار جنبه مشلوط بحديدة …
نزار : احيييه خيرات فيه احيييه فيه حاجة ؟؟
خ سميرة : ﻻ شي نحساب لبنى اهنا
نزار : ﻻﻻ شن لبنى اهنا ياخالتي ليل اللطف
خ سميرة : ههههه ماه امبكري كانت ف المربوعة نحسابها ولت
نزار : اها ﻻﻻ احيه
* لبنى ف عالم اخر تحت اليرغان … فاتت الخيال من غادي ونزار برغم انه مضروب وموجوع اﻻ انه حس بشعور جميل … انثى بجنبه كلها دفئ وحنان … *
خ سميرة : سمله خيرك احيه احيه
نزار : رجلي توجع فيا
خ سميرة : ﻻباس عليك ادهنها بزويتة
طفى تلفزيون نزار وضلمت المربوعة وقاب : ان شاء **** غدوة ندهنها غير ناعس توا تصبحي ع خير


خ سميرة : تﻻقي الخير
* طلعت خ سميرة وسكرت الباب
نزار : ياشفشة الشفوش يا شن بيقول فمي عليك
*طلعت لبنى من اليرغان وقتله بالهمس : كان مادرتش هكي راه دارتنا تهمة امي ونعرفها
نزار : باه و ﻻش تتحركي وتمرجي فيا ف جنبي وانتي عارفة اني متحندب ومضروب
لبنى : مانبيش امي تزبط خفت تلقاك فجاة وليت سمين واتشك فيا
نزار : ﻻ مظلم شاشة تلفزيون ياهمي انا …
لبنى : اممم…به بنسئلك
نزار : نعم
لبنى : عﻻش صار فيك هكي ..
سرح نزار شوية وقالها : متشبهين فيا …. واحد مداير عملة ويحسابوه انا …
لبنى : كيف يحسابوه انت … شن ماعندهمش ادلة واسم الشخص
نزار : ﻻ … هوا مداير عملة وشبحوه بشكل واختفي …المهم يدورو عليه شبحوني يحسابوني انا
لبنى : اها اوكي
نزار : بس قوليلي
لبنى : نعم
نزار : كيف هكي ماكنتيش متسرعة وماقلتيش ل امي وامك وخواتي فهميني …
لبنى : هكي زبطت من لما قتلي اششش
نزار : مش خاشة راسي انك فهمتيني لما اشرتلك اشششش وقت رفعوني الشرطة
لبنى : ههههه ماه قعدت انحلل فيها ف راسي قلت زعما قالي اشش بش معش يفيفوا بيا الشرطة واﻻ بش معش انقول للعيلة … وادكرت هداك الموقف متع كتفك والباب وقت ماقلتش ل خالتي
نزار : بنت واتفكر مش خاشة راسي … حتى وقت وصلت للقسم قلت اكيدة قالبينها عياط ف الحوش
لبنى : مابيتش نقولهم قعدت نستنى وخﻻص
* للحظات … سرح نزار في تفكير وتفهم لبنى للموقف .. وكيف انها غطت عليه .. وسهرت تستنى فيه
{سبحان **** ياربي كيف غطت عليا واستنتني … وقامتني من قدام الباب وضمدتلي جروحي … وتحملتني برغم اني كشخت عليها }


لبنى اتفكر >> محﻻك يانزار كل شي فيك حلو … طيبك تفهمك محﻻه و**** محﻻه يجرح ويداوي نتمناك ليا امتى بتحس بيا امتى …
نزار : *** يحفظك يالبنى … بري ارتاحي … الوقت تاخر …
لبنى : ان شاء **** … تو غدوة الصبح انجيك نطمن عليك …
نزار : تمام …
* طلعت لبنى وسكرت المربوعة وتسللت لدارها وخشت رقدت … وجي اتصال ل نزار من القيافة
{ووووه و**** ماقادر نحرك ايدي بش نطلع تلفون من جيبي … هي 1،2،3 ايييي احييييه وووووه ووووه }
نزار : ايوه نعم ….
القيافة : الحمد*** ع السﻻمة
نزار : كيف عرفت
القيافة : ربحي جي قالي ان عيلتك قالوله جت الشرطة وخداته
نزار : عيلتي انا ؟؟؟
صﻻح : ايه اماﻻ عيلة امي !
نزار : و**** بجديات
صﻻح : تي ايه
{معناها لبنى قالت لربحي من غيرها و**** نهارها اغبر كان تطلع اتكلم فيه من وراي واﻻ هوا يستغل فرصة وجودي مهناش ويتصل بيها نهارهم اسود كان هدا }
صﻻح : الوووو
نزار : نعم معاك
صﻻح : خيرك اتبكشت
نزار : ﻻ شي غير التغطية هربت
صﻻح : المهم دوخونا ياراجل اتصوؤ نتصل من مغفر لمغفر حتى الكﻻب اللي مانبيش نكلمهم كلمتهم بش واخيرا وصلت لشقندي الخامر وقتله انك مدعوم وبش طلعك …كان هدا راك قاعد لتوا محبوس وماحدش يعرف طريقك
نزار : بارك **** فيك يالقيافة عارفك ماتقصرش
صﻻح : اشكر ربحي انا و**** ماكنت نعرف الحق لين حي قالي
نزار : باهي باه …هي هاوينه يا لقيافة سﻻمات
{ربحي يالبنى ! ربحي .. اديري الغلط والشينة انا و**** العظيم متسامح في اي موضوع وعاطيك عيوني بزيادة مش مفرق بينك وبين صفاء ومروة من اللي كان عمرك 15 العام …تحملت مسؤليتك انتي وخالتي ودرت معاها الباهية حتى بوها ما تلفتلها لوحها وخﻻص ومع هدا مش بجميلة هدا واجبي لكن اديري فيا هكي يالبنى … كنت نتمنى مانشدش عليك حاجة زي هكي كنت نتمنى انزفك لعريسك بيدي شخص ايجي من الباب شخص يكون راجل يطقطق علباااااب علباب يالبنى … حسبي **** ونعم الوكيل … خيرها المصايب تتلقط عليا من كل تركينة … اليوم من اوله مشكشك استغفر **** … ربحي يالبنى ! معناها هوا هدا الشخص اللي يتكلموا عليه صفاء ومروة ان لبنى اتحبه من طرف واحد وهوا مش مبادلها الشعور … صح مادخلتش انا ف الموضوع لكن نحسابها هكي وخﻻص بدون مكالمة وهيا تاريته تجري ف جرت ربحي وربحي مطاوعها يهدرز عليها وهيا اتحبه وهوا مايحبهاش …. اصبروا عليا انتوا الزوز …غير نبرا ونوقف ع رجليا بس ربحي مايحصلها عركة اﻻ زي زهير واحرف تو انوريكم المكالمات شن شكلها … و**** البنات ماينفع فيهم التفاهم والطيب ينفع فيهم كشخ … هزب ويالله ايجو لطريق حبيبتي خانتني مع صاحبي بالاتبات والدليل …وبنت خالتي اتكلم فصاحبي …. به صبركم ب**** بس وياويلك ياربحي الكلب انت واللبنة


*سحن سحن نزار وهفت عليه الوجع من حبة اﻻيبروفين اللي عطتهاله لبنى وخداه النوم *

ثاتي يوم ساعة 7 صباحا …
خ عايشة : غادة … ياغادة …نوضي يابنت كان بتمشي مدرسة
غادة : و**** تع تعبانة يمى
خ عايشة : شن فيك
غادة : عندي حرارة وصداع
خ عايشة : هي نوضي بﻻ تزعبين
غادة : و**** بجديات يمى
* حطت خ عايشة ايدها ع راس بنتها ولقتها سخونة زي الجمرة

خ عايشة : اللطف ! مناش جاتك الحرارة
غادة : مش عارفة
خ عايشة : به استني تو نجيبلك ليمة قارصة مشوية تحطيها ع راسك
* وكيف طالعة من دار غادة تﻻقت مع مكرم
مكرم : صباح الخير عمتي … خيرك تجري
خ عايشة : غادة مريضة حرارتها شايطة فيها النار
مكرم : خلي نرفعها مستوصف واﻻ العيادة
خ عايشة : زعما
مكرم : ايه ايه … اهو انا ﻻبس وواتي …لبسيها حوايجها
خ عايشة : انت ماعندكش سيارة يامكرم … خلي تو انديرلها ليمة مشوية كان ماتحسنتش تو نقول ل بوها يرفعها وخﻻص
مكرم : باه تمام
* خشت امها للمطبخ وانتهز الفرصة وتسلل لغادة وقالها : سﻻمتك غدوشي
غادة عيونها شبه مغمضات زي واجدة مسخسة و مبتسمة وتهلوس تتخايل فيه نزار : حبيبي .. ب ه ه باهي اللي كل كم كلمتني … معش تبعد ع عل عليا … انا ماعممري خن خنتك …انا نبيك انت
مكرم : عارف ياروحي انك ماخنتينيش عارف … وانا بحداك طول العمر
غمضت عيونها غادة وقاعدة تهلوس : انحبك …انحبك
فاقت حنين وسمعت اخر كلمتيم قالتهم غادة
مكرم : حتى انا انحبك حبيبي
حنين : مكرم شن ادير اهنا
مكرم : اه اسف اهو طالع هي …


طلع وسط الحوش وقعمز ويفكر ان غادة رجعت زي قبل وانها ماتغيرتش عليه … وانها رسمي تبيه ومشاعرها اتجاهه ماتغيرتش

حنين : غادة ياحمارة ….انتي ياكلبة
* على خشت خ عايشة وقتلها : اللطف البنت مريضة وانتي تقوليلها كلبة
حنين : خيرها توا كانت تدوي
خ عايشة : عندها حرارة يستر **** وخﻻص
* حطتلها ليمة مشوية
غادة : كل كلميه حن حنين ن ن نبيه
خ عايشة : شن اتقولي ياغادة
حنين : حي تهلوس شورها من الحرارة ياخالتي
غادة : م ماخنت ش … ني نزار … ني نزار ….ني زار … مش انا
خ عايشة : من نزار ؟؟؟؟
حنين : هدا هدا اﻻستاد نزار في المدرسة
خ عايشة : خيره وشن قصة خيانة
حنين : ﻻﻻ قالت ماخنبتش غير صونها مش مفهوم
خ عايشة : به شن القصة
حنين : بنت خنبت تلفونه ويحسبها هيا المهم في نهاية الدوام داروا تفتيش وحصله النقال من البنت
خ عايشة : وكيف يتهم هكي
حنين : قصة قديمة ليها من بداية الينة ياخالتي فوتيه المهم توا كيف بنهبطوا حرارة غادة
خ عتيشة : اهو نجربوا ليم كان مانفعش نقولو لبوها يرفعها وخﻻص
* بعد نص ساعة *

مكرم : ها شن صار عمتي
خ عايشة : باهي خفت عليها حرارتها
مكرم : اهو جبتلها دواء تخفيف حرارة … اعطيها منه
خ عايشة : باهي هي …

ساعة 8:15 صباحا …
ناضت لبنى اول واحدة قبل الكل … خدت دوش ولبست توتة جديدة وشعرها مبلول منسدل على كتفيها وبخت بخة بسيطة من برفان حلو …وخشت للمطبخ بتوتي الفطور ل نزار … دارت قهوة بالحبهان و شكشكت دحية وفتحت فردة خبزة ودارتلها هريسة عربية وحطت دحية وفوقها جبنة شرائح ساحت عالدحية السخونة …. وحطتهم ف سفرة….
نزار يحلم ان جماعة شدوه وغرقوه في البحر … وهوا يقاوم يبي يطلع ومش قادر … لين انقطع عليه النفس
وناض مخلوع
{استغفر **** العلي العظيم … اتغفر ****}
* وكيف ناض بش بيمشي للحمام ايعكز واحدة واحدة عليه … … خشت لبنى للمربوعة وقالت بكل سعادة : صباح الخير
* اذكر نزار عملتها مع ربحي قرن حواجبها وﻻ ارديا ولأول مرة نزار في حيااااااته ايمد ايده …وعطها كف امدرجح *

شن موقف لبنى من نزار … وشن حيصير في نيزوو وشن ييدير لربحي وشن صار في مكرم اللي يحساب ان غادة اتحبه …هدا اللي حنعرفوه في الجزء القادم ..

يتبع……..

الجزء الحادي والعشرون من رواية عاصفة الصمت​

ناض بش بيمشي للحمام ايعكز واحدة واحدة عليه … … على خشت لبنى للمربوعة وقالت بكل سعادة : صباح الخير
* اذكر نزار عملتها مع ربحي قرن حواجبها وﻻ ارديا ولأول مرة نزار في حيااااااته ايمد ايده …وعطها كف امدرجح
لبنى شدت خدها ووبكل براءة وحزن قالت : عﻻش ؟
نزار : استغفر **** …بري من قدامي خير مانعفجك طريحة امشي
لبنى : به عﻻش هدا كله
نزار سكر قبضة ايده وشاد روحه بسيف وقالها : بري !
* مشت تجري لبنى وهيا شادة خدها وتبكي … وخشت لدار وارتمت على سريرها …

*فاقت صفاء وسمعت لبنى تبكي *
صفاء : خيرنا
مروة : شن فيه !.
* بس لبنى ماردتش عليهم…
ومرت ساعة 9 ، 10 ، 11
ولبنى مازالت حزينة وتبكي والكل ماعرفش خيرها ….

نزار : اتنوض توا اتجيني
زهير : عﻻش شن فيه
نزار : توا قلت انا
زهير : باهي به تو انجي…
* ناض نزار سكر باب المربوعة اللي يفتح عالحوش بالمفتاح وفتح الباب اللي يفتح عشارع *


{و**** قاعد نسحن عليك ياربحي غير اصبر بس لين ايولي حالي باهي }

زليتن … ساعة 11 صباحا
سالم : معش قعدلي شي يا منير
* سالم … مواليد 74 .*
منير : وحد **** يا سالم وحد ****
سالم : ﻻ اله اﻻ **** … محمد **** ****
منير : محمد **** **** … هدا قضاء وقدر … و**** غالب
سالم : الحمد*** ع كل حال …
منير : سافر غير جو يومين … وابدى حياة جديدة فيها …
سالم : و**** ماخاطري ف حاجة يامنير … ماتوقعتش انا بأي شكل من اﻻشكال … لو اني هربت منهم حيديروا فيا هكي …
منير : ومن يقدرهم هادو منو .. حسبي **** ونعم الوكيل فيهم
سالم : ياريتني ماهربت يامنير ياريتني ماهربت
* نزلوا دموع من عين سالم بكل حرقة واسى *
منير : وكل **** يا سالم … صبرك ب**** …
سالم : ماعندهمش قلب هادو ! كيف قدروا يحرقوا صغار صغيرين وشيباني كيف
منير : هادو مايحسوش كل اللي همهم مواضيعهم اتم فقط
سالم :#$@#^&&$@$&*
وفوق من هدا كله بيبعتوني لطرابلس
منير : شن بدير غادي
سالم : مش عارف … ماقالوليش كل شي…. كل اللي قالوهولي ان فيه شخص غادي مايغلبه حد اسمه دينار تقريبا
منير : دينار اممم سامع بيه مش دينار …شنو اسمه ياربي …ايوه ديناري ..
سالم : ممكن مش عارف
منير : وبه شن بديرله
سالم : مابنديرله شي قالوا بيفتحوله مكتب وانا بنخدم تحته .فديت و**** من هالخدمة فديت … يلعن بو الفقر والساعة اللي خلتني انخش لهموال هدا


زهير : السﻻم عليكم
نزار : وعليكم السﻻم
زهير : نعم … تفضل
نزار : هات تلفونك
زهير : بأي وجه حق نع…
قاطعه نزار وقاله : هات تلفونك
* طلع زهير تلفونه وهوا مضايق ومده لنزار … خداه نزار واتصل ب 123
مرحبا بك في خدمة البريد الصوتي … لرسال رسالة اضغط 1 لسماع رسائلك اضغط 2
زهير : شن تبي فيهم ياديناري

*ماعدلش عليه نزار وضغط 2
رسالة رقم 1 : زيزو … وينك ياحبي
تم اﻻستقبال بتاريخ 4/29 ساعة
4 مساء
نزار : مني هادي
زهير : شن مني هادي
نزار : ايه منو
زهير : قريبتي …

رسالة 2 : وينك ياكلب على اساس بتجي
تم اﻻستقبال بتاريخ 5/2 ساعة 7 مساء
رسالة 3 : انا جاية قولك ارجع اسمع علشان انا صبري قليل كل مرة تضحك ع ايه انت اللي مسهرني الليل خدت مني روحي عمري عقلي
نزار : هادي مني
زهير : تتسهوك عليا ديناري
نزار : هادي مني
زهير : هادي اللي ضربتنا ع خاطرها هكي تبي تسمع


تم اﻻستقبال بتاريخ 5/15 الساعة 5 مساء …
* ابتسم نزار وقال متاكد ان هيا هادي
زهير : ﻻ حول وﻻ قوة اﻻ ب**** العلي العظيم … ايه هيا … اي خدمة تانية …
* وقف نزار وهوا يعرج …
ومدله نقاله وقاله : مع العشية بنمشي للقيافة … خليك غادي تو انجي
زهير : به به برغم تصرفاتك غغريبة ومش فاهم شي
نزار : غير دير زي مانقولك … وقول لربحي كان لقيته غادي … قوله حسابك معاي …
زهير : باهي به سﻻم عليكم

{و**** بنطير بفرحتي … بنطير غادة حبيبتي مش خاينة الحمد*** ياربي و**** دبت فيا الحياة من جديد … وزهير حقه عليا انرضيه وبزايد …خلب نتصل بغدوش}

حنين : كيف حالك توا ياغادة
غادة : باهية
حنين : معش تبكي ياغادة .
غادة : نزار … نزار ياحنين قريب نهبل عليه … انتي مش حاستني … شخص انحبه وانموت فيه فجأة يختفي من حياتي وياريتني حق غالطة … المشكلة ان سبب مالياش فيه … بنموت ياحليلي بنموت جيبيلي نزار
حنين : غادة غادة … غادة نزار يتصل
كانت متكية غادة وتبكي فجاة قعمزت وخدت نقال من حنين

غادة : الو … الو نزار…و**** ماخنتك و**** انحبك
نزار : اششش معش تبكي حبيبتي
غادة : نيزو … هادي بنت خالتي هيا اللي اتكلم فصاحبك مش انا مش انا يانزار
نزار : عارف عارف حبيبي
غادة : وبعدين معقولة اتشك فيا هكي … انا حبيتك ومافكرتش اني انخونك
نزار : كل الاشياء اللي صارت قدامي خلتني نتاكد ان انتي اللي اتكلمي فصاحبي … استاجعت وتالمت
غادة : وﻻ يمكن انفكر انخونك
نزار : اسف حبيبتي اسف … حقك عليا
غادة : و**** زعﻻنة منك مرضت حتى المرض
نزار : سﻻمتك ياروحي
غادة : ارتفعت عليا الحرارة … وبديت نهلوس لين جاب مكرم ادوية من صيدلية
نزار : من اكرم
غادة : ولد خالي
نزار : باهي به
غادة : مستاحشاتك ياعيوني مستاحشاتك
نزار : و**** اكثر منك ياروحي …
غادة : ماما جاية باي باي …


خ سميرة : خيرك يابنت…
شن فيه
لبنى : راسي يوجع فيا .
خ سميرة : خودي حبة راس
لبنى : ايه اهو تو ناخد …
*طلعت خ سميرة وتلفتت لبنى وتخبط بيدها ع المخدة *
لبنى >> عﻻش بس …تضرب فيا ش

ن درتلك انا شن درتلك
و**** اللي درته معاك مااديره واحدة …وهدا جزائي… معاد مدوراتك يانزار معاد مدوراتك …

ساعة 4 مساء …
نزار : السﻻم عليكم
الكل : وعليكم السﻻم … حمدلله ع السﻻمة
نزار : **** يسلمكم … انا جاي اليوم … برغم ان مش قادر نمشي مزبوط لكن جاب على خاطر بنعتذر من صديقي وعزيزي زهير … الحق ظلمته … واهنته قدام الكل … وانا نعتذر منه وان شاء **** يسامحني

* صفق شنشوبة وقال : اقوى زهيروو اعتذار من الديناري بطوبته

القيافة : شنو طلعت مش نفسها اماﻻ
نزار : ﻻﻻ ظلمته
القيافة : يفتح الستار يا زهير واﻻ ﻻ هههههه
زهير : ﻻ يفتح
نزار : خيرنا عاد يازهير
زهير : و**** شايل منك هكي الحق
نزار : به انت ف مكاني شن ادير
زهير : نغرز الموس فيك غرز
نزار : خﻻص اماﻻ ماتلومنيش يازهير
زهير : باهي خﻻص
نزار : وبالله يالقيافة المهمة الجاية زودله نسبته
القيافة : تم من عيوني ياديناري
* ابتسم زهير ابتسامة رضى * خشت ربحي …
ربحي : السﻻم عليكم
الكل : وعليكم السﻻم
ربحي : كيييف حالك ياديناري ان شاء **** ﻻ باس عليك …
وقف نزار وقاله : **** ﻻ يسلم حالك
ربحي : شن فيه
تقدم نزار يعرج وشد ربحي من سوريته وقاله : ياواطي يلي ماتتحشمش
القيافة : هاااه شنو من كلم هالمرة
نزار : غير و**** ماعندي جهد ليك و**** كان هدا عفجتك طريحة لين نقتلك تحت ايدي
ربحي : غير شن فيه …
* رخي ربحي نفسه من قبضة نزار وقاله : فيه حاجة قول يا نزار … وكان ماتبيش اتقول اهنا اهو نطلعلك برا ….
* طلع ربحي ولحقه نزار
لبرا *
ربحي : فهمني
بيقيم ايده نزار بش بيضرب ربحي
لكن وجعه كتفه…
ربحي : من غير ضرب وتعصب وواحدة واحدة قولي …
نزار : تتصل ع تلفون اﻻرضي متع الحوش
ربحي : ايه امس اتصلت بيك اندور فيك ونلقى فيك خارج
نزار : به وبعدين
ربحي : ايه المهم اتصلت بيك ع اﻻرضي ردت عليا مراة
نزار : ايه
ربحي : قتلها نزار قاعد قتلي ﻻ قتلها وقت ايجي قوله ربحي يبيك قتلي راهو جاته شرطة وشداته
فانا درت اﻻزم وقلت للقيافة
نزار : وغير هكي
ربحي : كيف وغير هكي
نزار : فيه حاجة تانية غير هكي
ربحي : ﻻ حاجة زي شنو


{باين عليه الراجل مايندري على شي … ومش مداير شي… زعما حق او }
نزار : تره تلفونك معليشي غير *** اندير مكالمة
* طلع ربحي تلفونه ومده لنزار … بعد شوية نزار وخش على سجل مكالمات لقي رسمي كﻻم ربحي عزقة مكالمات لرقم نزار و مكالمة واحدة اتصال للحوش متعه ومدة المكالمة 30 ثانية … فتأكد نزار و رده لربحي *
نزار : مشكور
ربحي : ادلل … بس خيرك عﻻش تبي تضرب وتهدد وبتقتل
نزار : ﻻ شي غير كانت طايرتلي من حاجة بس عموما شن كنت تبيني
ربحي : كنت بنقولك … حاجة بس بيني وبينك … كان انت موافق تمام … كان مش موافق ماتمشيش تواجه الشخص بالكﻻم اللي بنقوله
نزار : به تم
ربحي : سفيان
نزار : خيره
ربحي : طلب مني نسئلك .. انه يبي يتقدم لواحدة من خواتك التﻻتة
* ريتوه ربحي واﻻه فالح قال خواتك التﻻتة بش معش ايشك فيه *
نزار : حويلتك انت وياه
ربحي : مش موافق
نزار : نهائي… وبعدين وين راهم خواتي التﻻتة
ربحي : يوم ماجت جماعة الميلن ف شارعك وصارت العركة
نزار : اسمع ماتقوﻻش قال ﻻ فقش اممم قوله انا جسيت نبض نزار ودويتله بصفة عامة وقال ﻻ
ربحي : به تمام
نزار : خلي انروح انا …
ربحي : ف امان ****


* ركب سيارته نزار وبيروح للحوش *
{و**** ماقادر انروح متحشم اللي درته ف لبنى … عيب عليا البنت دارت معاي الواجب وبزيادة اعتنت بيا وسهرت على خاطري ونايضة اديرلي ف فطوري وانا شوف شن درت … وفوق من هكي ضربتها كف وماقالتش ل امها والعيلة ضلمتها ان شاء **** تسامحني}

القيافة : ايوه نعم … شن فيه ياسفيان
سفيان : توا كنت عند صاحبي .. خاله مدير شركة اللي قدم فيها نزار وحتى هوا موظف فيها شاد رئيس قسم
صﻻح : به
سفيان : المهم نهدرزوا قالي خالي جاه اتصال من فوق
صﻻح : شن من فوق
سفيان : من فوق واضحة قصدي شخص واصل المهم وقاله افصل نزار من العمل
صﻻح : لزه يعني
سغيان : ايه
صﻻح : به به تو ندير اتصاﻻتي نستفسر

خ عايشة : مكرم
مكرم : نعم عمتي …
خ عايشة : فيه راجل يبيك ع اﻻرضي
مكرم : هي اهو جاي هي … …
ايوه نعم
بلقاسم الحبيب : بعد المغرب اتجيني فاهم
مكرم : عفوا لكن عندك اسبوع سفر بلقاسم : من انت بش اتحاسبني
مكرم : ﻻﻻ العفو منك مش محاسبة ان شاء **** انكون عندك مع المغرب
وبينما نزار مروح للحوش جاه اتصال من القيافة
نزار : ايوه
القيافة : نزار … عندي ليك خبر مش حلو
نزار : اصﻻ متلقي انا باﻻخبار اللي مش حلوة
القيافة : عمك الحاج قطع رحلته ورجع
نزار : تي اما عمك الحاج
القيافة : تعاللالي انفهمك
نزار : قصدك متع اﻻيدز
القيافة : ايه
نزار : شن يبي
صﻻح : نوض وجهك لهني
نزار : تعبان انا امس مضروب وحالتي حالة
صﻻح : وفيه حتى خبر تاني غير تعالالي ونقولك جيب تقريرك …


نزار : باهي عندي موضوع توا انتمه ونجيك طول … ماشي سﻻمات
{امتى بنرتاح منه بلقاسم العافن هدا امتى .. وشن الخبر التاني اللي بيقوله القيافة …هيا غير انروح نراضي ضرسي اللبني وبعدين ساهل اكيدة تبكي مسكينة }

* روح نزار للحوش …ولقي الحوش فاضي مافيشي حد…ودوشة جاية من السطح عرفهم يشربوا ف شاهي فوق ….
{متاكد ان لبنى مش معاهم وحابسة روحها ف الدار متاكد }

مشي لدار البنات وفعﻻ لقي لبنى متكية وتبكي ووجها اصفر …
فقعمز نزار جنبها فعدلت تقعميزتها لبنى ونزلت راسها
نزار : زعﻻنة مني … عارف انك زعﻻنة ضرسي
* حط صوابعه تحت دقنها و قاملها راسها بطروف صوابعه وشاف ف عيونها وقالها : انا اسف لبنى سامحيني … صار موضوع وفهمت غلط …سوء فهم … نحسابك انتي غلطتي في شئ ما … المهم سامحيني
* دمعت عيون لبنى … وبكل رقة مسحلها نزار دموعها وقالها : تقهري فيا لما تبكي .. عارف اني غلطت لما مديت ايدي عليك … بس عارف ومتاكد ان قلبك كبير ويسامح نيزو ^^
* شدلها راسها بين ايديه وقالها : شن تبي تاني عاد هي
لبنى بكل برائة وود
وهدوء قالت : نبيك انت ….

يتبع……..

الجزء الثاني والعشرون من رواية عاصفة الصمت​

* شدلها راسها بين ايديه وقالها : شن تبي تاني عاد هي
لبنى : نبيك انت
نزار : كيف ادوي اهو نسمع فيك
لبنى : قصدي
نزار : شنو
لبنى :قصدي هكي … قصدي
نزار : ايه ؟
لبنى : نبيك اتنحي ظن السوء فيا .. افهم قبل ماتتصرف وجعتني منك انك تضربني كف
* لبنى اتفكر >> و**** ماواجعني الكف بقدر ما ولجعني انك مشحاس بيا ومش شايفني *
نزار : و**** نادم يالبنى سامحيني.. كان شخص تاني في مكاني كان حيدير احرف بس الكف هدا ﻻ اراديا و مافقتش لروحي اﻻ بعد ماضربتك وبعدها شديت روحي وقتلك امشي من اهنا … مانعرفش شن كنت خندير ساعتها …
لبنى : باهب فهمني السبب ششن فيه
نزار : ﻻﻻ مافيش داعي سوء فهم ومشي ع حاله… خﻻص ضرسي ابتسمي و**** مانحب نشوفك حرجانة هكي
لبنى : مش قادرة
نزار : عندك الحق
لبنى : حاسة روحي مضايقة ومخنوقة …
نزار : عارف بسببي …
لبنى : ﻻ مش منك … مضايقة على نفسي … انحس ف روحي نجري ع حاجة مش ليا
نزار : انجيبهالك هالحاجة شاوري بس
لبنى : ﻻﻻ عموما اطمن مش زعﻻنة منك
نزار : اكيد ضرسي
لبنى : اكيد …
* طبطب نزار ع كتف لبنى وقالها : *** يحفظك
على خشت صفاء فجاة وقتلهم : واحنا نقولوا لبنى ياناري قاعدة بروحها فدار ومضايقة وهوا تاريته معاك نيزو هدرزة وجو مليح وطبطيبات احنينات
ههه ورومنسيات
نزار بنبرة حادة : اتحشمي ع وجهك
شن الكﻻم هدا ! لبنى زيها زيك وزي مروة
* لبنى اتحطمت بكلمات نزار *
صفاء : مش قصدي و**** قلتها هكي بعفوية
لبنى : عيب عليك ياصفاء كﻻمك ماعجبنيش …
نزار : اخر مرة و**** نسمع منك كﻻم زي هدا انحشلك لسانك


* ناض نزار وطلع من الدار وهوا معصب من الموقف *

لبنى : خطرلك يعني تدوي وتقولي هالكﻻم قدامه استنيتي لين طلع وقلتيهولي ع راحتك
صفاء : الحق فيا كنت *** انرطب اﻻجواء بينكم
لبنى : خوك مايترطبش وشوره اللي يكلم فيها عامياته عﻻخير لين معش شايف غيرها
صفاء : فوتيه مش عارفة ﻻش معنكشة فيه
لبنى : مش بيدي انحبه

غادة : انحبه ياحنين … كان نلقى توقف هالدنيا ونكون
انا وياه بروحنا
حنين : انتي هابلة رسمي
غادة : مش مصدقة انك باعتة تسجيل لزهيرر ههههه صوتك مش متع اغاني الصراحة
حنين : ضمي فمك كان مش من التسجيل راه توا متكية تبكي في تركينة

خ عايشة : غادة كظشنو كيف حالك تو
غادة : ﻻ باهية خير من امبكري
خ عايشة : به نوضي معاي لدار السطح نضموها عسريع
حنين : ﻻﻻ خليها ترتاح ياخالتي اهو تو نجي معاك انا
خ عايشة : به هي
غادة : اه ريحتيني صحيتي حنين
حنين : سلمك


*ركبت ام غادة وحنين لسطح .. وعمك مصباح متكي راقد ف المربوعة شخيره يجيب لاخر الشارع ومن فيه مزال في الحوووش اكيد الذيب مكرم …
وطبعا غادة ف وسط الحوش تتفرج
قعمز بحداها مكرم وقالها : شن تتفرجي حبيبي
غادة : مش حبيبتك انا
مكرم : ههههه ﻻ حبيبتي ونص …
غادة : مش بالعافية
مكرم : عارف مش بالعافية ﻻنه بطيب وانتي حبيبي
غادة : مانحبكش
مكرم : مانصدقش
غادة : تصدق ماتصدقش هدا شئ يرجعلك
مكرم : سبحان **** امبكري قتيلي نبيك انت وانحبك
غادة : امتى
مكرم : في الصبح وقت كنتي مريضة
غادة : هاكا نهلوس بمسلسل تركي والكﻻم اللي قلته اكيد منه
مكرم : به عﻻش تغيرتي *** نفهم … شن غيرك … قبل كنتي اتحبيني وتموتي عليا … اترفي لما تسمعي اسم مكرم … توا معش يعنيلك شي
غادة : حب طفولة ماتحسباش
مكرم : و**** عاد كان انتي معش تحبيني وتخلفتي ع وعدك فانا قاعد ع وعدي وانحبك ونبيك
غادة : وانا مانبيكش مش بسيف
مكرم : الحاجة اللي نبيها هيا ليا
غادة : ماتحلمش هلبا يامكرم انا مستحيلة نكون ليك
مكرم : هيا هكي قصدك
غادة : ايه يامكرم
مكرم : صدقيني ماحد مسكر عليك باب غيري


نزار : ايشوف غيري … خطرله يعني انا بدات
القيافة : تسسسكت ومن يقدر يقول لبلقاسم ﻻ
نزار : به به شن اﻻخبار هي
صﻻح : بكل اسف يانزار … بلقاسم دار تلفون لصاحب الشركة اللي انت مقدم فيها وقاله يرفدك
نزار خدي طبلة الدخان او الطفاية ولوحها عالحيط وبكل تعصب قال : عﻻش ! #@//#
صﻻح : بش تتفرغ لخدمته بشكل تام
نزار : تي $## شن نتفرغ لخدمته يشبح فيا خدام بوه انا
صﻻح : ماهو … هئ حم … ماهو

نزار : ماهو شنو
صﻻح : ماهو فتحلك مكتب استشارات هندسية ….وهمي طبعا
نزار : كيف
صﻻح : باﻻسم انه استشارات هندسية لكن هوا عصابة وكان حيانا *** حتكون اكبر واقوى عصابة
نزار : ومن قال انا *** هكي
صﻻح : هوا يبي هكي ياديناري
* وقغ نزار وشفشف شعره و ﻻد على نفسه كم لود ويتأفأف وجوه ملخبط بكل
نزار : قيافة …. ب**** عليك ياقيافة معش *** نكمل *** انكون شخص نظيف و**** مطلبي بسيط ياناس
صﻻح : عارف ياولدي عارف …وسجلك حيقعد نظيف
نزار : شن فايدة نكتوب ع الورق نظيف وانا **** **** ايامي تعزق
صﻻح : اسمعني … شئ افضل من شئ …. كونك مقعمز ع مكتبك اتخطط وجماعتك اتنفذ خير من انك اتنفذ بروحك
نزار : تحساب روحك اتفرح فيا بهلكﻻم … في الحالتين انا خدمتي شنووز خدمتي متع حشيش
صﻻح : معليشي ياديناري اتحمل
نزار : ﻻمتى يالقيافة ﻻمتى
صﻻح : مش معروف لامتى
نزار : حسبي **** ونعم الوكيل


سالم : حسبي **** ونعم الوكييييل
منير : خيرك
سالم : جاني اتصال قالولي بعد غدوة اتكون مرزوع ف طرابلس
منير : بيبدى الشغل او
سالم : شوره واشبح شن بيكون هالديناري هدا … يستر **** وخﻻص
منير : صبر بالك ياسالم ان شاء **** خير
سالم : تعبت يا منير تعبت
منير : اسمع قاعد العمل هدا خير من التصفية راه اقلها مافيهاش قتل وارواح ناس
سالم : اللي هوا انا مليت سواء تصفية واﻻ اي خدمة عفن فديت

القيافة : تي بدل ماشادهالي فديت مليت مفروض تفرح …بتولي راس وتتحرك وتحتك جميعا
نزار : ماعندي ﻻش بنفرح … كله هم وخﻻص
صﻻح : عموما اتصرف ع انك مريض ياﻻيدز بش معش تطلع تنفد مهام وموصي دكتور خليفة بلعين ان يكتبلك كل سبوعين متابعة وجو اهواه
نزار : باهي باه تبي شي توا
صﻻح : سﻻمتك وراك تنسانا مصالحنا مشتركة … واي شخص ترتاب منه واﻻ اتحس عليه عﻻمة استفهام كلمني بس ونعطيك معلومات بالوافي
نزار : ان شاء **** ان شاء ****…سﻻمات

{نهار جده احرف بلقاسم الكلب … حسني الليلة بنهرب .. وانهرب معاي العيلة اي منطقة تانية .. ونبدى حياة جديدة وخﻻص …احسن شي اونه يفتح المكتب لروحه ولد }

صﻻح : قاعد اهنا
نزار : ايه سرحت شوية
صﻻح : ماتفكرش تهرب
نزار : وشن عرفك
صﻻح : شميتك
نزار : كيف صار
صﻻح : لان ردة فعلك كانت عادية جدا قلت هدا ايفكر في حاجة يا بيهرب
نزار : ايه بنهرب امنعني كان تقدر
*نفث دخانه القيافة وقاله : مانيش مانعك … تفضل هي … بالك نسمع خبرك … الديناري مات اتةفى قتلوه
نزار : عاجبك يعني
صﻻح : ﻻ بس فديت منك وعييت من اعادة الدوة وكثر الرغوة حسيت روحي نجري فجرتك بش معش اطيح بين يدين ناس ماترحمش…
نزار : اشبح
صﻻح : خود كﻻم الحق اذا كان انت ما خفتش على نفسك وعلى عيلتك بتتسلف شخص يخاف عليك … درت كل جهدي فيك ونحمي فيك واهو الولد يتعدل ويمشي فطوعهم وانت كل مرة طالعلي بموضوع
نزار :ماطلعتش بمةاضيع يالقيافة معش *** نخدم باختصار
صﻻح : باختصار الموضوع مش في ايدي … دونك ليه بلقاسم براله هي
نزار : به به وانت حشيشتك الواصلين و الدواوي هادي
صﻻح : خﻻص زي ماقتلك مصالحنا مشتركة … تو انسقوا مع بعضنا
* اكتفى نزار بنظرة اسى على نفسه وتلفت وماشي ركب سيارته القيافة بلونها اﻻسود
الجميل وقال : خلينا نشوفوك ديناري
نزار : ان شاء **** ترتزى فيه الديناري
صﻻح : بعيد السو ان شاء **** فقطوستنا ياغالي
* وسطرب القيافة ومشي … اذن المغرب وجي تلفون ل نزار
نزار : نعم


مكرم : نعم في شنو تحتاجني يااستاذ بلقاسم …
حط بلقاسم رجل ع رجل ورشف رشفة من اﻻبسليوت وقال : انا نحتاجك انتاااا ؟؟
مكرم : العفو منك … حاشاك
بلقاسم : ايوه ادوي كﻻم موزون خيرلك ماانت اﻻ حشرة تخدم عندي
مكرم : اكيد استادي اكيد
بلقاسم : حتقعد اهنا لمدة شهرين..
مكرم : بارك **** فيك *** ايدومك فوق روسنا
بلقاسم : ضم فمك ياحمار مازال ماكملتش دوتي
مكرم : اسف
بلقاسم : حتقعد اهنا شهرين … حتشتتغل تحت شخص وحنخوله بكل الصﻻحيات التامة لفعل اي شئ وانت حتنفذ
مكرم : لكن يااستادي انا مانشتغل تحت حد اﻻ انت … انا طول عمري يشتغلوا تحتي
بلقاسم : هدا شخص مش زي اي شخص … ولما نقول كلمة اتقول تم فاهم
مكرم : ان شاء **** ان شاء ****

نزار : ان شاء **** ايه ديناري معاك فيصل : انا .. انا فيصل
نزار : من فيصل
فيصل : ماتعرفنيش … ملقب ب الكوالي
نزار : وشن تبي
الكوالي : نبيك تحميني …
نزار : وشن قالولك عليا حامي الحمى او
الكوالي : غير افهمني … انا بيدهم عليا شخص والكل اتخلى عليا… ونبيك تواجهه معاي
نزار : شن مصلحتي من هدا كله
الكوالي : نعطيك اللي تبيه
نزار : مش محتاج
الكوالي : ب**** عليك … انا مانترجاش في حد عادتا اسئل حتى القيافة
نزار : مانيش
الكوالي : بالك يجي يوم وتلقاني ماتدري …. ارجوك ياديناري و**** بيقتلوني راهو … عندي بنت
** سكت فجأة الكوالي واجهش بالبكاء *
نزار : وحد **** ياراجل
الكوالي : و**** ماعليا انا … عندي بنتي صغيرة عمرها ستة سنين … امها متوفية مافيش اﻻ انا
{شن الحصلة هدا }


الكوالي : خﻻص خﻻص سﻻمات سﻻمات ياديناري
* توووت توووت سكر الخط *

{منين طلعلي هذا تو هي ! }
09137715**
القيافة : ايواه
نزار : شن اﻻخبار
القيافة : زي ماخليتني
نزار : تعرف شخص اسمه فيصل الكوالي ؟؟؟
صﻻح : كوالي كوالي .. ايه ايه خيره
نزار : قال جماعته سيبوه و بيدهم عليه شخص مستقوي عليه ﻻنه بروحه
صﻻح : وعﻻش يقولك
نزار : يبيني نحميه دارني قرنديزر
صﻻح : براله براله … شخخص كويس راه حتستفيد منه في هلبا حاجات
نزار : زي شنو
صﻻح : بما انه اتصل بيك معناها متورط في حاجة فلهدا جماعته سيبوه … لكن بمجرد ماتتنحى هالورطة صدقني تلقاه ف هلبا امور متوغل في الدولة من تحت لتحت .. وشاد هلبا امور عالروس
نزار : المفروض ايكون عنده جماعة
رسمي مش اي كﻻم
صﻻح : ماندري عليه
نزار : لكن انا تعبان امس كنت عند الشقندي املحني
صﻻح : اسمع ديناري انا مش فاضي توا … كان بتمشيله برا و كان بتاخد رجالتي معاك خود… ماتبيش تمشي على كيفك
نزار : باهي باه …. سﻻم تو

مروة : يامهبولة عﻻش
قاصة شعرك
لبنى : ماقصيتاش حففته بس
مروة : فيك هبال مافي حد …
لبنى : مش هبال … عادي انشوف في نفسي هكي احلى
مروة : ع راحتك …

نزار : السﻻم عليكم
مروة و لبنى : وعليكم السﻻم …
نزار : مروة ديرلي حاجة ناكلها عسريع … بنطلع
مروة : و**** دايخة يانزار
نزار : سﻻمتك … به ضرسي معليشي بنتعبك معاي
تنهدت لبنى وقالت : تعبك راحة .. شوية وتو نجيبلك الماكلة
نزار : تمام …
* خش نزار داره و رد الباب واتكى على سريره يفكر في الكوالي والكﻻم اللي قاله …
{واجعتني بنته بس … }
09255376**
سفيان : انعم يابش مهندس
نزار : ب**** سفيان … لملي الجماعة كلها واستنوني وراء شارعنا
سفيان : شنن فيه
نزار : شخص بيدهموا عليه وانا بنوقف معاه بس
سفيان : فيها كاش ؟؟؟
نزار بنبرة حادة : فيها فشاش نوض فيسع لم الجماعة وتعالا
سفيان : ان شاء **** هي

* حط تلفونه نزار وحط يده ع راسه يفكر … وناض لدوﻻب .. نحى التيشرت ولبس واقي الصدرية … وحط البوخوصة فجييه وطلع السلاح وحط في خسره في هاللحظة خشتله لبنى …وطبعا عاطي بالظهر مازال ماشافهاش
وقعدت واقفة مسموطة من شوفة السﻻح وﻻبس صدرية استغربت تلفت نزار ويشوف لبنى واقفة فاتحة فمها
نزار : ﻻزم اي حاجة خايبة مني اتجي تحت عينك ﻻاااازم

*حطت السفرة لبنى عالكمدينو وقتله : نزار ﻻش السﻻح وﻻش الصدرية
نزار : عركة عركة ماتخافيش
لبنى : امس كنت مش قادر تتحرك وجسمك كله خريطة واليوم ناط بتمشي تتعارك …
تقدم نزار بنظرات وابتسامة غامضة ولبنى اتوخر لين لصقت في الحيط … حط ايده عالحيط بجنب راسها وقالها : تخافي عليا
لبنى : اكيد نخاف اتصير فيك حاجة

نزار : حتى لو صارتلي حاجة واﻻ روحت متصاوب عارف ضرسي مش حتخليني … حتستناني وتعتني بيا عارفك ضرسي اللبني …
لبنى نزلت راسها ع وتشبح ع جنب وحزينة ووجهى احمررر
نزار : خيرك ضرسي ﻻش الزعل اهواه …. و**** تصدقي وجهك قاعد طفولي ومليان براءة لدرجة اني مانتحملش نشوفك حرجانة
لبنى : مانبيش نخسرك نزار
* وانهمرت بالبكاء كعادتها *
لبنى : مانبيش نشوف حاجة طاقة فيك … من لينا غيرك يانزار … انت راجل الحوش واكثر من هكي … شن انا من غيرك ؟؟ نقصد شن احنا من غيرك … و**** خايفة عليك … خايفة عليك نزار افهم …
نزار : اششش معش تبكي… وانتي تحبي تبكي مش عارف عﻻش
* مسحلها دمعتها ب ظهر اصابعه وكمل كﻻمه : ماتقلبيهاش حزن … خﻻص ضرسي ان شاء **** انروح مابياش… ونسهروا ونهدرزوا في السطح انا وياك ومروة وصفاء
لبنى : ماتمشيش نزار
نزار : مانقدرش لبنى …ﻻزم نمشي حاجات اتجي لعندي مش بيدي
لبنى : فوتهم
نزار : ماتعلمتش هكي
لبنى : به سكر تلفونك
نزار : مش نزار اللي يديرها ياضرسي …
* شدلها نهاية شعرها وقال : قصيتي شعرك ؟؟؟
لبنى : ﻻﻻ حففته بس
* وبما انه يحب شعر لبنى من كان كانت صغيرة…
{جذابة هالبنى … فيها شئ جميل جدا يصعب وصفه}
شد اطراف شعرها وكعادته بتصرفاته العفوية مع لبنى ﻻ اراديا حطه على خشمه وغمض عيونه و استنشقه بقوة واندفاع …
ومع استنشاقت نزار.. لبنى غمضت عيونها وارتعشت ارتعاشة بسيطة.. حست بأنفاسه اداعب رقبتها ……….

يتبع………

الجزء الثالث والعشرون من رواية عاصفة الصمت​

{جذابة هالبنى … فيها شئ جميل جدا يصعب وصفه}
شد اطراف شعرها وكعادته بتصرفاته العفوية مع لبنى ﻻ اراديا حطه على خشمه وغمض عيونه و استنشقه بقوة واندفاع …
ومع استنشاقت نزار.. لبنى غمضت عيونها وارتعشت ارتعاشة بسيطة.. حست بأنفاسه اداعب رقبتها …..
لبنى : محﻻ انفاسك
* استاقض لنفسه نزار ورخي شعرها … وقالها : هههههه اتسهوكي عاد هي

لبنى خجلت مشتها بضحكة : ههههه
نزار : محﻻ انفاسك ههههه شفشة
لبنى : ايه قصدي المستكة المينتا اللي تاكل فيها
نزار : ماناكلش ف مستكة انا
لبنى : اماﻻ يتهيئلي

نزار : ههههه

…
لبنى : اسمع اسمع
نزار : شنو شنو
لبنى : هات ايدك
نزار : عﻻش
لبنى : نقرالك كفك
نزار : سحر هدا واﻻه
لبنى : سحر عينك كان نعرف نسحر ماهدا حالي
نزار : باه هاه اقري هي


* شرين تلفون نزار بنغمة 007 ههههه مصدق روحه
نزار : شوية بس ضرسي
لبنى : به
نزار : اها سفيان
سفيان : احنا قدام الحوش
نزار : يارديف قتلك وراء الحوش بﻻ عار … ماتقوليش شنشوبة يلف ف حشيشة
* قالها بالهمس كلمة اﻻخيرة *
سفيان : ايه كيف عرفت
نزار : مصحك انت وياهم اقلبوا وجوهكم ف شارع التاني خير مايشوفكم حد من جيران
سفيان : هههه باهي هي
نزار : وشوية وجايكم … سﻻم

لبنى : صحابك
نزار : ﻻﻻ صاحبتي … خلي ناكل النص فيسع
لبنى : به رد بالك على روحك يانزار
نتش نزار النص ومشي نصه
لبنى : بشوية عليك
نزار : مستعجل طلعيلي تيشرت فيسع
لبنى : به هي …
* كمل نصه ولبس تيشرته وكيف بيطلع من الدار رجع وقال ل لبنى : اسمعي راك اتقولي ل امي اني طالع بنتعارك مع حد باهي
لبنى : ﻻﻻ مش حنقول ..غير رد بالك ع روحك
نزار : ان شاء **** … سﻻم


لبس نزار سبيدروه قدام الباب وطلع مشي لشارع الخلفي وركب مع جماعته *
حاتم : شنو فيه ياديناري قالي سفيان امر مهم
نزار : مهم نوعا ما
سفيان : وين الطريق
نزار : مانعرفهاش …
شنشوبة : اماﻻ كيف
نزار : زهير جي ؟؟
سفيان : اونه مقعمز التالي
نزار : زهيرووو ههههه و**** ماريتك السمينا شنشوية امدرق عليك
زهير : ايه الفيل والنملة حق
نزار : ههههه ﻻﻻ حشاكم … من يعرف حوش الكوالي ؟؟
سفيان : تقريبا نزبطه
نزار : خﻻص ادعس هي
سفيان : تم …

غادة : حنين
حنين : شنو
غادة : مكرم
حنين : خيره
غادة : يبيني
حنين : شن جد عليك ماه ديما يبيك هوا
غادة : بس انا مانبيشي
حنين : تي امبكري الصبح كنتي اتقوليله انحبك انحبك
غادة : تي مش ليه انا شورني نهلوس من الحرارة وهوا جي قدامي ماندريش حتى عليه
حنين : انا مش عاجبني نزار كات تخليك مع مكرم خير
غادة : بس انا مانبيشي مكرم .. *** نزار
حنين : ع راحتك
غادة : ومكرم الزقت مدكرلي السراكة الحرفة متع زمان
حنين : ماتقوليليش ايام السطح
غادة : ايه مش عارفة شن كنت انحب فيه هالدراه هدا
حنين : من يشبحك بس اﻻيام هديكا كنتي اتبيتي ع حاتم امتى يطلع يسهر مع صحابه وتركبي تتجاري لمكرم وقت كان يربي ف الحمام فوق
غادة : فيش داعي ادكريني خﻻص حب طفووولة كان عمري 14 العام راهو
حنين : انتي حبيتيه من كان عمرك 12 لى14 وتوا 16 شن فات يعني
غادة : فكيني منك ومنه وفوق من هدا كله قالي ماحد مسكر عليك باب غيري
حنين : يﻻ وخﻻص بوي قريب ايجي


نزار : هوا هدا الحوش ؟؟
سفيان : ايه
نزار : انزلوا هي … شنشوبة وحاتم وزهير وراء الحوش سفيان انت معاي … وكان جو من وراء الحوش صفرولي وكان العكس تو نصفرلكم
سفيان : الباين الحوش فاضي ياديناري
نزار : الضي مطفي صح … تره لود وراء الحوش يا شنشوبة شوف كان فيه ضي … وطفي هالحشيشة مش وقته
شنشوبة : ﻻزم نعدل الدماغ ياديناري مانقدرش نتحرك كان هدا
نزار : به برا امشي

* مشي شنشوبة ورجع وقال : مافيش ضي
نزار : هد الحوش تره بالك خشولهم وقتلوه وطلعوا
سفيان : خيرك ديناري بتركبنا تهمة هكي
نزار : ﻻﻻ مافيش تهم ان شاء **** هده يا شنشوبة
* هد شنشوبة الباب وخشوا ظﻻم داااامس … طلع نزار سﻻحه .. واشرلهم زوز يمشوا يسار وزوز يمين … وان هوا حيكمل طريق طول …
بربش نزار لين لقي تاكو الضي فتحه ….
جاه شنشوبة وزهير وقالوا : امان
حاتم وسفيان : امان
نزار : يا الحوش فاضي حق ياام كمين واحد من اتنين
* سمع نزار صوت حركة جاية من تحت … اشرلهم اششش … وتعالو وراي … مشي نزار بكل حذر ولقي زي الدروج نزل منه … وهد الباب برجله …لقي الكوالي شاد سﻻح ومصوبه ع مزار ونزار تفس الشي …

نزار : نزل سﻻحك
الكوالي : اه ديناري و**** خلعتني
نزار : من انتا ؟؟
الكوالي : انا فيصل … الكوالي
(شاب في 35 من عمره حنطي البشرة قصير القامة ويلبس نظارات طبية وصوته رقيق شوي )
* شاف نزار وراء الكوالي لقي **** صغيرونة وشادة دبدوب وخايفة *
الكوالي : و**** ماحسبتش انك حتجي مشكور بارك **** فيك
نزار : و**** على خاطر هالبنوتة بس كان هدا و**** ماجاي
فيصل : *** يحفظك
زهير : شن اسمك ياحلوة
نزار : تره اسكتوا شوية … خليتوا الباب مفتوح
شنشوبة : ايه تقريبا
نزار : كوالي خليك مع بنتك اهنا
كوالي : ﻻﻻ بنجي معاكم انا مصرر
نزار : باهي حاتم خليك مع البنية وسكر الباب كويس
حاتم : اوكي
نزار : والباقي وراي
* طلع نزار ووراه الكل …
وصارت معركة عنيفة … الجماعة اللي جابة اكثر عدد من جماعة نزار … شنشوبة انضرب برصاصة ف رجله … نزار حفت رصاصة على فخده بس ماخشتش فيه … صوب نزار وبكل خفة ضرب شخص اتنين تﻻتة اربعة وطيحهم
انخدش نزار بخوصة في جنبه الموجوع … شد نزار يد الشخص وعصرها لين طيح الموس متعه
وضربه بونية والشخص زبط نزار موجوع في جنبه فعطاه بونيتين ع جنبه … طاح نزار مستاجع جابله الشخص شيتا ( بالطة ) وبيغرها ف نزار …. طلع نزار مسدسه وعطاه رصاصة فبطنه طاح الشخص والتوى نزار ع نفسه متوجع من جنبه وضلوعه ….
استمرت المعركة هادي قريب ساعة وربع …
انسحبوا البلقي من جماعة اللي جاية ضد الكوالي …
الخﻻصة من هده العركة … شنشوبة مضروب برصاصة في بطنه … سفيان مغروز ب خوصة في كتفه … زهير مشلوط في وجهه … نزار موجوع من جنبه ورصاصة حفت على فخده … الكوالي مضروب على عينه …


فيصل : و**** ماني عارف كيف نشكركم ….
نزار : المهم سﻻمة بنيتك
طلع حاتم بالبنت … وروح نزار وجماعته …. حطوا شنشوبة ف المستشفى واستنوه لين طلع الرصاصة …
الدكتور : ﻻزم نعرف شن السبب مطر نتصل بشرطة … مرات اجرام
نزار : طلع الرصاصة ومن سكات
الدكتور : نطلعها لكن بنتصل بشرطة
نزار : يكون اخر يوم ف حياتك
الدكتور : تهددني
نزار : سميه كيف ماتبي تلفون واحد وتلقى روحك وراء الشمس
الدكتور : من انتا اصﻻ
نزار : حتى قلت اسمي ماعتقدش حتعرفني ….. عموما طلعله الرصاصة ومن سكات وبنلقاك متصل بشرطة عادي هما حيشوفوني حيولوا من نفس المكان اللي جوو منه وانت اللي حتحصل فيها … واهو قتلك وانت وراحتك

* خاف الدكتور من نزار ومن مﻻمحه الجادة …
فقاله : باهي به
نزار : ديرله بنج موضعي
الدكتور : تعال نحيها انت وخﻻص
نزار : ﻻ دير زي مانقولك بنج موضعي مش تام
*نفذ الدكتور كﻻم نزار *
وبعد ساعة …

نزار : نوض بالك
شنشوبة : خليني انبات اهنا
نزار : اتبات عينك نوض فز …
* ساعد سفيان شنشوبة وروحوا الكل لحياشهم ….


ومع ساعة 1 فتح نزار الباب بشششوية وخش … لداره اتلوح عسرير ومشي فيها نومة من التعب

* خشتله لبنى وحساته تاعب راقد زي الطفل …. قعمزت على طرف سريره مسحت على شعره وبتغطيه

نزار : ته ته تاعب ياض ياضرسي خليني
لبنى : بنغطيك بس
نزار : شن بتعطيني
لبنى : بنغطيييك
نزار : متفرجة ع تركي شورك الجو نو مش شتي يالبنة
لبنى انحرجت وقتله : به به تصبح ع خير
* كيف بتمشي شدلها
يدها وقالها : لبنة طيرتيلي النوم شن باخة
لبنى : صنة
نزار : صنة ف الليل
لبنى : ايه
نزار : شورك بطيحيني ههههههه
لبنى : هههه ﻻﻻ منزومة بيك
* جبدها نزار وقالها : غريبة البنات يتجارو عليا
* مع ترقيصة حاجب *
رخت ايدها لبنى من قبضة نزار وقالت : ههههه انا ﻻ
نزار : زعمك او
لبنى : ايه
نزار : اممم به …
لبنى : هههه باهي عﻻش ينعجبوا بيك … بالك انت تناشب
نزار : امممم تبي الحق
لبنى : اكيد
نزار : مرة واحدة بس ناشبت…
لبنى : مرة واحدة ….
يﻻ تصبح ع خير
نزار : خيرك ..
لبنى : ﻻ شي غير ناعسة بنمشي نرقد
نزار : احيييه اييي
لبنى : خيرك شن فيك
نزار : بري جيبيلي فاشة و حاجاتك بنطبب روحي
لبنى : سﻻمتك شن عندك
نزار : جنبي موجوع وفخدي مجروح لبنى : توا كنت ناعس وبترقد خطرلهم يوجعوك
نزار : كان النوم غاشي عليا وصنة اللي باختيها شرينت ف الدماغ طول لبنى : باهي دقيقة هي


* جابتله لبنى الحاجات وحطتهم جنبه وقتله : تبي شي تاني
نزار : ﻻﻻ ياضرسي صحيتي
لبنى : عﻻش اتقولي ضرسي …
نزار : مش حنقول
لبنى : نزار
نزار : ههه مش حنقول بري ارقدي امشي ليل عليك
لبنى : باهي يﻻ سعيدة …
نزار : سعيدة ومعش اتبخي صنة
لبنى : هههه

ثاني يوم نزار راقد ايشخر يجبد وايرد … جاه تلفون مرة واتنين وتﻻتة بلقاسم يتصل بيه وهوا شي ….مايندري عليها منين زارقة …

القيافة : حي علمه حيييه
سفيان : شنوو فيه
القيافة : عمك الحاج يتصل بنزار ونزار متبلد مايردش
سفيان : عمك الحاج هدا واصل او
القيافة : ايه ايه
سفيان : باه شن الراي نمشيله
صﻻح : اصﻻ ف خﻻل مانتكلموا اكيدة بعتله حد …

طق طق طق طف طف طف


خ رقية : افتحي الباب يالبنى ..
لبنى : هيا هي …. اهو بنفتح
* فتحت لبنى الباب واد به شخص حليق انيق … ذو عضﻻت وسيم
ب ابتسامة عريضة : السﻻم عليكم
لبنى : وعليكم السﻻم …
شاب : نزار قاعد …
لبنى : ايه قاعد … شوية بس من انقوله
شاب : قوليله رامي ..
لبنى : حاضر هي …
* مشتله لبنى وفيقاته وقتله عالشاب *
نزار : ماقالكش منو
لبنى : اسمه نزار قصدي رامي
نزار : مانعرفاش بري قوليله راقد امشي … قوليها من وراء باب راك تطلعيله
لبنى : به شوية بس …

لبنى : نزار راقد راهو
رامي : به قوله نوض
لبنى : راقد اللطف
رامي : قوله انا من طرف ب ح .. ولو ماجيتش معاي حيصير شئ مش كويس
لبنى : باه باه شوية بس

* مشتله لبنى وقتله عاللي صار *
نزار : ب ح تي منو …اه بلقاسم ايه ايه خﻻص لبنى اهو طالعله هي
لبنى : باه
* غسل وجهه نزار وطلعله
نزار : صباح الخير … تفضل ياخوي
رامي : صباح النور … اﻻستاد بلقاسم يتصل بيك من بكري وانت ماتردش …
نزار : كنت راقد بس
رامي : باهي هيا تعال معاي ببيك
نزار : شوية بس ناخد دوش وانبدل … استناني
رامي : تمام نستنى فيك في السيارة
نزار : تمام …
* وعسريع دوش نزار وبدل لبس سورية وسروال وطلع مع رامي
ورفعه رامي ل بلقاسم ….
رامي : استنى اهنا
نزار : باه اوكي
* خش رامي من باب مكتب … وبعد شوي طلع
رامي : تفضل هي …
* خش نزار للمكتب … مكتب فاخر اثاته فاخر … صور معمر تملئ المكان … *

نزار : السﻻم عليكم
بلقاسم : وعليكم السﻻم … كم مكالمة لقيت مني
نزار : خمس مكالمات … ومعليش كنت راقد ونقال صامت
بلقاسم : تفضل قعمز
* فتح نزار بطمة الجاكيت وقعمز وقال : معليشي بنسئلك
بلقاسم : ماحدش غيري يسئل اهنا
نزار : بس لو ان سؤالي مش ضروري ماكنتش حنقولك بنسئلك
بلقاسم : اسئل هي …
نزار : عملي كمهندس عﻻش لغيته .. كنت حنشتغل مع العشية لليل عندك و في الصبح في الشركة
بلقاسم : انا هكي اريحلي … اتكون متفرغ تماما … وراتبك حيكون ضعف الراتب اللي حتتقضاه من الشركة
* كيف جاي بيكشخ نزار ادكر كﻻم القيافة … فسكت *
بلقاسم : منين جاك اﻻيدز ؟؟
نزار : اه … في مداهمة من المداهمات … بنضرب شخص فا غرزلي يبرا كاتت حتجي في عيني بس انا حولت شوية فاجت في رقبتي …
بلقاسم : امممم …
* رشف رشفة بلقاسم من النسكافية وفتح القجر … طلع مفتاح ولوحه عطاولة قدام الديناري وقاله : هدا مفتاح مكتبك … مكتب استشارات هندسية … هوا المكتب نوعا ما وهمي… حطيتلك زوز رجالة كويسين في التنفيذ…رامي حيكون ديما معاك…شاب كويس حتستفيد منه و وليك كامل الصﻻحيات في تصرف ..
نزار : يستر ****
* شاف لساعته بلقاشم وقال : تقدر تمشي توا … واي مهمة حيجيبهالك رامي في ظرف اقراع وابعت لتنفيذ … بدير اي شي دير ماتجينيش اهنا بكل انساه المكان… الشرطة مش حتتعرضلك … وكان طحت في ورطة كبيرة ماتتكلمش انا حنطلعك منها
نزار : تمام
بلقاسم : اهم شئ الدقة واحترام المواعيد … تقدر تتفضل
نزار : سﻻم عليكم

* طلع نزار من عند بلقاسم وخداه رامي عالمكتب متعه ولقي سالم ومكرم موجودين والتقى الشخصان الذان يريدان نفس الفتاة ….

نزار : السﻻم عليكم .
مكرم وسالم :وعليكم السﻻم …
* مكرم ينظر ل نزار بنظرات حقد وبغض … على خاطر بلقاسم حطه تحت نزار … فتح المكتب نزار وخش وخشوا وراه هما التﻻتة
قعمز نزار والكل قعمز …
هدرز عليهم نزار وفهمهم طبعه ونمط عمله وكيف ايتم تنفيذ الخطط بدقة … ومن تاني يوم جابله رامي ظرف لنزار … وخطط ومكرم وسالم ورامي اينفذو بتمام …فات شهر…شهرين واستقوى نزار وتوسع نطاق عمله في كل مكان .. وطبعا مانساش القيافة يحسب فيه في كل شي ومرات يخططله… وبلقاسم فرحان بديناري … فاتت عدة اشهر … وطلعوا من سنة 2007 وجت سنة 2008 واتخرجت غادة من الثانوية وسجلها نزار في الجامعة تخصص طب بالواسطة والمعارف برغم ان درجتها كانت اتخشش علوم بس .. لبنى ومروة وصفاء قاعدين الحال كما هوا عليه … ﻻ شغل وﻻ شي خايف نزار عليهم… وخايف حد ايطق فيهم ويلويله ايده بخواته وبنت خالته… ومازال نزار معتبر لبنى زي اخته وطاير بحب غادة … ومكرم مجنون بغادة … رامي اعجب تماما ب لبنى … وعلى قد مادار عﻻقات قاعدة لبنى مرسومة فباله من لما فتحتله الباب
ووصلنا في 2009 اي ان اعمارهم
نزار >> 34 العام
صفاء ومروة >> 27
لبنى >> 26
غادة >> 18 العام …
شهر 2 … يوم اﻻحد … الساعة 4
مساء … ام لبنى مريضة ليها شهر ..عاينها نزار في كدة مصحة … بس كل مصحة اتقول مرض شكل
فقرر انه يرفعها للمعاينة برا

نزار طالع من داره فتﻻقى مع لبنى ف الممر فقالها : شنو كيف حال خالتي …
لبنى : قتلي خليني بنتكى شوي
نزار : به خلي نخشلها نقوللها حجزت تداكر بش بنسافر بيها
لبنى : بالحق نزار ؟؟
نزار : اي بالحق … الدكاترة اهنا مايفهموا شي ﻻزم نطلعها
* فرحت لبنى وقتله : به ..خش قوللها …. اكيد حتفرح …
نزار : هي …
* مشت لبنى قعمزت جنب خالتها وصفاء ومروة ونزار خش لخالته …
نزار : كيف حالك خالتي توا
خ سميرة : باهية اهو….
ب**** نزار …رد بالك ع بنتي
نزار : شن اتقولي ياخالتي *** ايطول ف عمرك ان شاء ****
خ سميرة : غير رد بالك عليها بش
نزار : ماتخافيش ضرسي في عيوني سومها من سوم خواتي صفاء ومروة
خ سميرة : ريحتني …. جيبلي ….جيبلي اميا عطشانة
نزار : ان شاء **** هي

* مشي نزار جابلها اميا ووقت
نزار : خالتي … خالتي رقدتي … خالتي جبتلك الميا …
* حط نزار الطاسة … وهزها مابتش تستجيب فعرفها اتوفت

يتبع………

الجزء الرابع والعشرون من رواية عاصفة الصمت​

نزار : ماتخافيش ضرسي في عيوني سومها من سوم خواتي صفاء ومروة
خ سميرة : ريحتني …. جيبلي ….جيبلي اميا عطشانة
نزار : ان شاء **** هي

* مشي نزار جابلها اميا ووقت
نزار : خالتي … خالتي رقدتي … خالتي جبتلك الميا …
* حط نزار الطاسة … وهزها مابتش تستجيب فعرفها اتوفت

دمعت عيون نزار …باس راس خالته و حط ايده على عيونه مسح دمعته وقال : ان *** وان اليه راجعون …
ﻻ حول وﻻ قوة اﻻ ب**** …
ياناري يالبنى… كيف بنقولها وكيف بتتقبل هالخبر… اﻻم كل شي في حياة اﻻنسان والبنت بذات …
الصبر ياربي الصبر …

خ رقية : ئه نزار خيرك تدوي بروحك …. خلي خالتك ترتاح مدامها راقدة …
* خنقت العبرة نزار … وقرب من امه و اضبطها … وقالها : ﻻ اله اﻻ **** يمى …
خ رقية : شن اتقول ياولد
نزار : *** خدي امانته ﻻ اعتراض وﻻاله اﻻ اله
* بعداته عليها وعيونها دمعوا وقالت : ﻻﻻ شن اتقول انتا ..
نزار : وحدي **** يمى … وحدي ****
خ رقية مشت لختها وتهز فيها وصيحت بأعلى صوتها وتخبط ع راسها : ياوووووووووووك اعلياااااا ووووووووه اوخيييتيييي


صفاء: شن صوت هدا من شارع ؟؟؟
لبنى: ﻻﻻ صوت خالتي واﻻه
مروة : نوضو نوضو
* وناضوا هما التﻻتة يتجارو لدار ولقوا خالتك رقية تبكي وشادها نزار
لبنى : شن فيه … خيركم
صفاء : خيرك يمى … وخيرها خالتي
خ رقية : خالتكم اتوفت ياوووه عليا
لبنى : ام امي … يمى
*ومشت جري لسرير امها وقعمزت ع ركابها واتهز ف امها وتبكي …
لبنى : يمى … نوضي نوضي يمى عارفتهم يكدبوا عليا … نوضي ب**** عليك … كيف بنعيش من غيرك يمة نوووضي
* قربت منها صفاء و شدتها من كتفها و باستلها ع راسها وقتله : وحدي **** يالبنى
لينى : حولي امي ماماتتش امي قتلي بنتكى شوية بس بتتكى شوية وبتنوض ….
* تريش في شعرها وشادة هالكلمات امي شوية وبتنوض …
* قرب منها نزار ووقفها وقالها استهدي ب**** يالبنى … استهدي ب**** ..
لبنى تلفتت لنزار وتضرب فيه بيديها وقتله :امي ماماتتش خيرك هكي نزار
* وبدت اتنقز واتعيط شدها نزار وغمرها بين يديها وقاله : ﻻ اله اﻻ **** وحدي **** وحدي **** يابنت
لبنى : محمد ررسول ****
* و ساخت لبنى بين يدين نزار ..
طلعها لبنى حطها ف دار امه … ورجع ومازال لقي الكل يتعايط… يشد واحدة ويسكتها اتنوض التانية معش عرف كيف ايدير …
نزار : ياسروا خﻻص هياااا اطلعوا من الدار …اطلعوا هياااا


* بعد نص ساعة من هالموقف … خدي نزار خخالته للمستشفى من اجل انه ايتم اﻻجرائات …. وكان ثاني يوم الدفن … لبنى من كثر البكاء عيونها راحو زي طماطم …
*بعد مرور اسبوع ويومين
عن وفاة خ سميرة … نزار كيف مروح في الليل من العمل متعه … بيخش لدار يسمع في صوت جاي من دار خالته …
فمشي بيشوف …لقي لبنى متكية على فراش امها وتبكي

لبنى : عﻻش خليتيني ومشيتي من بيا يمى من بيا …. انتي بسمتي ونور عيني … لو نقدر نعطيك من عمري عمر راني عطيتك … ياربي ياريتك خديتني بدلها ياريت …
* خشلها نزار وقعمز جنبها عالسرير … وخدالها ايدها بين يديها وقاله : لبنة … معش تقولي هكي … ادعيلها بالرحمة
* غمرها نزار وقالها : ب**** نعش تبكي و**** اتفترشي فيا تفاريش لما ابكي … ادعيلها بالرحمة وان شاء **** *** يصبرك …
لبنى : و**** بنموت يانزار بنموت
نزار : بعيد السو معش تقولي هكي
لبنى : امي يانزار مشت وخلتني ششن اﻻنسان بدون ام
نزار : **** غالب *** هكي كاتب ﻻ اعتراض …
لبنى : ﻻ اعتراض ع حكم **** بس و**** نار … نار يانزار شابة فيا . هيا كانت امي وبوي كانت كل شي في حياتي … و**** حتى النوم ليا سبوع مارقدتش … نسمع ف صوتها ف كل مكان …
* باسلها نزار راسها وقالها : غير اهدي وراس لبنى … و**** بكيتيني معاك نقولك مانحملش نشوفك تبكي بس انتي شي ماتبيش تفهميني …
لبنى :مش مني يانزار مش مني
* مسح دمعته وقالها :نوضي نوضي من اهنا
لبنى : ﻻ *** نقعد ف دار امي
نزار : هكي حتقعدي تبكي …
* رن تلفون نزار بنغمة رومنسية
طلع نزار تلفونه من جيب الجاكيت ولقي غدوش حبيبي تتصل بك ..
شافت لبنى اﻻسم … وزادت ف بكاها…. داره صامت نزار من الجنب ورد النقال لجيبه **
نزار : شن قلنا …. البكي مايفيدش قعمزي ادعيلها بالرحمة والغفران افضل
لبنى : **** يرحمها ويغفرلها …
نزار : ضرسي … امي امك وصفاء ومروة خواتك ونزار خوك … عيلة صغيرونة … صح ماتتعوش على اﻻم بس **** غالب … مافيش بإيدنا حيلة … لكل شخص عنده يوم يوقف فيه عمره … اصبري واحتسبي وان شاء **** *** ايصبرك على قد غﻻها ….
لبنى : ان شاء **** ****
نزار : نوضي هي …
* وقف نزار ومد ايده قالها : يﻻ نوضي ضرسي …
* وقفت لبنى وطلعت هيا ونزار من دار امها وسكروا الضي والباب ..
نزار : تصبحي ع خير … حاولي ترقدي باهي …
لبنى : ان شاء **** …


* مشتت لبنى لدارها مع صفاء ومروة وخشت لسريرها واتكت ونزار مشي للمربوعة … بش ايكلم غادة

مكرم يبعت في رسايل عبر النيمبز ل غادة ~ اسمعي غدوشتي
غادة ~ نعم ..
مكرم ~ تحبيني
غادة ~ ﻻ مانحبكش … خيرك هكي مكرم ~ فيه خبر امك حتقولك عليه غدوة
غادة ~ وشن هوا الخبر
مكرم ~ خلي اتقولك امك غدوة خير

* جاها اتصال غادة من نزار عبر تلفونها اللي دايرهولها هوا …
غادة : الو
نزار : اهلين …
غادة : اهلين بيك … وينك من بكري نتصل بيك
نزار : كنت مع بنت خالتي ياناري … لقيتها تبكي ف دار امها
غادة : باهي ناديلها واحدة من خواتك

مكرم ~ الووو وين مشيتي غدوشتي

نزار : شن الصوت هدا ؟؟؟
غادة : اه ﻻ شي هدا المنبه شوره .نزار : عندك تلفون تاني ؟؟؟
غادة : ﻻﻻ هدا تلفون حنين
نزار : وينها حنين
غادة : راقدة
نزار : عندها النيمبز
غادة : ايه
نزار : وانتي عندك او ؟؟
غادة : ﻻﻻﻻ ماعنديش
نزار : اه نحسابك … اديريه نهارك احرف
غادة : ﻻﻻ مش حنديره ششن بندير بيه ..
نزار : اممبه
غادة : وانت عندك منه
نزار : ماعنديش ومانفهمش فيهم الحجات هادي
غادة : اماﻻ كيف عرفت صوته
نزار : الشباب جماعتي عندهم منه
نسمع ف الصوت متعه
غادة : اه به …نحبك نيزوو
نزار : انموت عليك … كم مزالك سنة
غادة : هههه اياح مزالي هلبا.. ونفكرة نغير تخصصي
نزار : شن بتخشي
غادة : قانون زي ماتبي امي
نزار : وبه عﻻش اتعيطي من ارول وتبي طب … توا معش عجبك
غادة : توا اقتنعت صعب الطب .. ب**** نيزو حولني للقانون
نزار : باهي ان شاء **** غدوة تو نمشي انحولك


* لبنى قاعدة تبكي ومش قادرة ترقد تسمع في صوت امها

لبنى : مروة … نوضي قعمزي معاي … وهدرزي عليا
مروة : امس الليل بطوله ماخليتنيش نرقد وسهرت معاك وفي النهار ناس ماشية جاية مارقدتش بكل … كلمي صفاء تنوض
* وتلفتت مروة وبدت تشخر
لبنى : صفاء… صفاء نوضي انهدرزوا
صفاء : و**** مريضة يا لبنى عندي لوزتين وحرارة ونازل عليا النعاس بري ارقدي
*قعمزت على سريرها وضمت رجليها لبعض وحطت راسها ع ركبيها وتبكي …. وخدت نقال و
بعتت مسج لنزار >> نزار رقدت واﻻ قاعد فايق؟؟

غادة : شوية وانكلمك نيزو باهي
نزار : وين ماشية ياروحي
غادة : جعت ناخد حاجة ناكلها ونكلمك .
نزار : راك اتولي دبة هههه ..
غادة : ﻻﻻ اطمن … يﻻ باي
نزار : سﻻم
* سكر الخط وقري المسج فبعتلها مسج – ايه فايق شنو فيه ضرسي
لبنى – مش جايني نوم وصفاء ومروة ناعسات … عادي انجيك ؟؟
نزار – تعالي عادي …

* بمجرد ماقرت المسج فتحت لبنى الباب
نزار : هههههه شورك وراء الباب
لبنى : الحق ايه ﻻنك الشخص الوحيد الفايق فقعدت جنب المربوعة
نزار : خشي هي
لبنى : بالك ناعس
نزار : ﻻﻻ مش ناعس
{جيعان نوم من ساعة 6 الصبح مارقدتش }


لبنى : تعبانة يانزار
نزار : سﻻمتك من التعب
لبنى : انحس في روحي جسد بﻻ روح مضايقة فقدت اثمن ماعندي
نزار : مادايم اﻻ وجه **** يالبنة

مكرم ~ نسي ماضية نسي بسمته ورعشت ايديه في ايديا اه رعشت ايديه في ايديا
غادة ~ وووه عالماضي اﻻسود انسى خﻻص
مكرم ~ و**** ماني ناسي احﻻ ايام اصﻻ … وانتي بتموتي عليا وتستني لمسة مني وباين عليك …غادة ~ شن اللي باين
مكرم ~ باين بدليل انك ماسكرتيش ومازال تبيني نسترسل في الدوة بش اتعيشي الشعور
غادة ~ مغباك ومغبى تفكيرك مكرم …

نزار : امسحي دموعك امسحي … وعندي حاجة ليك
لبنى : شن هيا
نزار : امسحي دموعك قبل
لبنى :هاه مسحت هي
* ناض نزار فتح المكتبة وقربج قربج وطلع بنك الحظ وحطه قدامها
لبنى : هههههه مقدمك نزار من ايام انا كنت ف العدادي
نزار : هههه ماه قعدت ندور اي حاجة بش تبتسمي
لبنى : تتدكر لما رفعتنا انا وصفاء ومروة لدكان وولد صاحب الدكان ضحك عليا انا ومروة ع خاطر شعرنا مشفشف وانت ضربته برشادة ع راسه
نزار : هههه ايه …ماشاء **** داكرتك و****
لبنى : بس مش خاطري نلعب نزار خاطري متكدر
نزار : عارف … ومافيش حاجة ﻻ بإيدي وﻻ بإيدك … هي العبي
لبنى : ماتجيش بنك الحظ ب زوز
نزار : بﻻ سبل حتى سلم وثعبان هي … هاه العبي هي
لبنى : لكن ﻻ ديما تغلب فيا ف سلم وثعبان ههههه اتغش فيا
نزار : هههه و**** ﻻ … العبي هاه انتي اﻻولى


مكرم ~ مغباني صار … الوووو رددي …. المهم عارف انك بتهبلي عليا
غادة ~ برا ارقد مكانك مستشفى مجانين
مكرم ~ مكاني بحداك ….. تي و**** بتهبلي عليا معش تكابري … تعالي نتﻻقوا ف السطح …

* سكرت غادة النت
وقعمزت اتفكر >> قلبي لشخص واحساسي لشخص تاني ! كيف هكي زعما انا طبيعية واﻻ ﻻ ؟؟!

لبنى : هاه غشاش ههههه قتلك انا بتغشني واﻻه
{الحمد *** واخيرا تغير جوها ولو شوي *** يحفظك وخيتي …}
نزار : ماغشيتكش انتي حولة
لبنى : هههه عينك عينك الزهرة جت على 4 نقﻻت وانت درت ستة نقﻻت شن يقولوله هدا
نزار : تي اربعة ياودي هاه صفر واحد تﻻتة اربعة
لبنى : ههههههههههه و**** الا غشاش
* مروة طلعت من الحمام وجتهم وقتلهم : تو هدا وقته بنك الحظ انت وياها ليل صواتكم تجلجل بالضحك
نزار : دايرتني غشاش
مروة : ياودي عندك فيه متع الغش ع السلم التعبان ديما راكب فوق وديما رابح
لبنى : شهد شااااهد من اهله ههههههه الحمد *** مش انا بس
نزار : به قعمزي يامروة العبي انتي وياها هي
مروة : ﻻﻻ نااااعسة بنولي نرقد العبوا بروحكم
* مشت مروة ولت رقدت كمل نزار لعب معها وتموا اللعبة وهدرزوا شوي . وهوا يستنى ف اتصال غادة … فطلع نقاله … ودارلها رنة
عاودتله برنة … وكتبتله مسج >> مانقدرش نتكلم حبيبي …غدوة لما نمشي لجامعة انكلمك … ليلة سعيدة ..
فرد عليها بمسج … انتي اسعد بيبي


نزار : صار هكي ياضرسي …
* شافلها لقاها راقدة عالمنادير*
{بريئة انتي يالبنى راقدة زي البيبي … المشكلة كان بنوضها بيطير عليها النوم … وهيا ع حسب كﻻمها قداش ليها مارقدتش … خلي انوض نجيبلها بطانية ونغطيها }
* مشي لدار الجلسة وفتح الدوﻻب طلع بطانية ورجع للمربوعة غطاها …
{زعما نرقد اهنا واﻻ نمشي لداري … تو كان ناضت ومالقت حد تو تنوض ويطير عليها النوم … احسن شي … نمشي نبدل حوايجي ونجي نرقد اهنا وخﻻص غير ان شاء **** امي هههه ماتفهمنيش غلط }

*طلع تاتي نزار من مربوعة ومسي لداره بدل ولبس توتة وجاب بطانيته ومخدة … ورقد بعيد على لبنى .. *
ثاني يوم … ناض نزار بكري قبل الشحاتة وبنتها قام بطانيته ومخدته ونقاله وكل شي وحطهم ف داره وخدي دوش ولبس وتأنق وتعطر … وطلع ماشي لجامعة بش يتﻻقى مع غادة وايحولها قانون

ساعة 8 صباحا
نزار : غادة انتي وين
غادة : قاعدة قدام مسجل القانون
نزار : مشيت لقيته مكاتب شؤن طلبة
غادة : ﻻﻻ غيروله مكانه
نزار : به اطلعيلي وخوديني ليه
غادة : هههه باهي هي

* بعد شوي جاته غادة …
نزار : و**** استاحشتك … السبوع اللي فات كله مشالي زي الكابوس
غادة : حتى انا … حسيت بحاجة ناقصتني
نزار : هيا كملي هالقراية الغبرة هادي خلي نخطبك ونتجوزوا
غادة : و**** ياريت
نزار : ياريت فعينك وانت تتنطنطي من كلية لكلية زي البرغوثة
غادة : ههههه ﻻﻻ خﻻص و**** هادي اخر مرة و حنشد فيها بش نكمل فيسع
نزار : به هي قدامي عالمسجل …

*هدرزوا لين طقت ساعة 9:30بش جي المسجل…و سجلها نزار … في الكلية وعادلها مواد العامة اللي تحتاج تعادل وتم الموضوع عسريع بالواسطة والمحسوبية.. وقعمزوا برا … على الكراسي

ساعة 10:10 صباحا
نزار : مشناها القانون مكشوفة عشارع الرئيسي اللي ماشي واللي جاي ايفنص ههههه
غادة : ههههه بس اهناا احﻻ اقلها خير من الطب …
نزار : باهي يﻻ احﻻ احﻻ …
غادة : اتهبل حبيبي … محﻻها لحيتك …
نزار : وانتي كلك على بعضك اتهبلي
غادة : نيزو
نزار : ياعيون وقلب وروح نيزو
غادة : انحبك برشا برشا

خ رقية : ياصفاء زودي افتحي الباب
صفاء : هيا هي …
* فتحت صفاء الباب …
ع جمعة (بو لبنى ) : السﻻم عليكم
صفاء :وعليكم السﻻم … كيف حالك عمي جمعة
ع جمعة : ابخين … تره ضبحيلي على لبنا
صفاء : باهي هي … خش خش للمربوعة اهو تو اتجيك
ع جمعة : به هي يالله

خ رقية : منو ياصفاء
صفاء : عمي جمعة
خ رقية : من عمك جمعة
صفاء : بو لبنى يمى
خ رقية : وشن يبي
صفاء : يبي لبنى قال
خ رقية : تو مخليهم قريب ليه عشرة سنين واكثر خطرله توا يدورها
صفاء : ماندري عليه
خ رقية : خشي خشي نوضيها … اونيه راقدة ف المربوعة هالضويعة هادي غير ان شاء **** مايكونش نزار رقد معها امس ف المربوعة
صفاء : ﻻﻻ ماعتقدش شن يرقد معاها يمى
خ رقية : به بري نوضيها
صفاء : خششته توا للمربوعة عمي جمعة اكيدة نوضها
خ رقية : اخﻻص اماﻻ خليهم

ع جمعة : لبنى … بنتي نوضي
* فتحت عيونها لبنى وشبحتله وانخلعت وقعمزت … وقتله : منو ؟؟؟ بوي ؟؟؟
ع جمعة : ايه انا بوك
لبنى : شن تبي
ع جمعة : عظم **** اجرك في اميمتك
لبنى : لنا ولكم اﻻجر
ع جمعة : الحق كانت مراة كويسة
لبنى : وكيف كويسة ﻻش طلقتها ورميتني انا وياها
ع جمعة : مانبيش ندوي في القديم يابنت … وجاي اليوم بش ناخدك معاي
لبنى شبحتله بنظرة
استغراب وقتله : وين بتاخدني معاك
ع جمعة :اكيد لحوشي … شن بتقعدي اهنا بعد ما امك اتوفت
لبنى : انا اهنا كبرت واتربيت ومش حنمشي معاك لي ولى مكان
ع جمعة : نوضي فيسع قيمي حاجتك وهيا
لبنى : ﻻ مش حنوض
ع جمعة بصوت عالي : نوضي قلت انا !
لبنى : ﻻ مانيش نايضة يابوي
ع جمعة : تي كيف بتقعد في حوش فيه عزري …
لبنى : وين وكيف
ع جمعة : ولد خالتك ! شن تحسابيه اصغير او
لبنى : نزار زي خوي
ع جمعة : خويا في جنابك نوضي فيسع جيبي حاجتك فيسع
* وسمعت خ رقية طراطيش كﻻم لبست جبتها و وتستمال وطلعتله وعمك جمعة شخص سليط اللسان ومايعتبر في حد …وصار فيها الصياح والعياط وخ رقية عاركاته عاركاته ورقي عليها الضغط وساخت واستقوى عمك جمعة على التﻻتة بنات

نزار : قوليلي غدوش … انا نفكر بناخد سكن … تبيه دوبلكس واﻻ فيﻻ ؟؟؟
غادة : اممممم دبلكس خاطري فيه
نزار : يعني مش فيﻻ
غادة : ﻻﻻ دوبلكس احﻻ ….

* نقال نزار ايرن …
نزار : شوية بس خلي نرد ع وخيتي
غادة : ها بالك واحدة تانية
نزار : ههههه ايه موتي هي …. الو
مروة تبكي : نزار نزار ب**** عليك تعالا توا ….
نزار وقف وقال : شن فيه شن فيه يامروة
مروة : بو لبنى جي ويصيح في الحوش …. وامي ساخت ……
ﻻﻻﻻﻻ ماتخليشي ياصفااااااء
صفاء : و**** ماقدرته ياااا مروة زودي معاي
نزار : تي شنو كملي
مروة : تعال يانزار بو لبنى خداها غصب … خداها معاه وركبها سيارته ومشي

يتبع……….

الجزء الخامس والعشرون من رواية عاصفة الصمت​

نزار وقف وقال : شن فيه شن فيه يامروة
مروة : بو لبنى جي ويصيح في الحوش …. وامي ساخت ……
ﻻﻻﻻﻻ ماتخليشي ياصفااااااء
صفاء : و**** ماقدرته ياااا مروة زودي معاي
نزار : تي شنو كملي
مروة : تعال يانزار بو لبنى خداها غصب … خداها معاه وركبها سيارته ومشي
نزار : دار فيكم حاجة
مروة : كشخ ع امي لين ساخت ولبنى ريشها من شعرها لين كمكومة شعر جت في ايده
نزار : حيه ع امه حيه … تو نتصرف ردي بالك ع امي … باهي
مروة : باهي به

غادة : شن فيه يانزار
نزار : نوضي روحي توا … انا مستعجل سﻻم سﻻم

* ركب نزار سيارته …وطلع من الجامعة ماشي لحوش عمك جمعة
{ هالدراه شن جيبه … وشن ذكره فبنته توا ! خطرله يعني والنبي قداش سنة تو هي قريب 12 العام وهيا عندنا ف الحوش …مصح و**** وجهه ماناقص غير ياخدلي ضرسي

* نقال نزار ايرن …شافه نزار ولقاه …رامي يتصل بك … مرى واتنين وتﻻتة
{شن يبي هالرامي هدل}


نزار : ايوه رامي مش فاضي توا
رامي : باهي غير شفت اختك معاها راجل واتصيح وتعيط في سيارةقلت بالك مخطوفة
نزار : وين وين ف اما جيهة…
رامي : في شارع المدار
نزار : خليك وراه انا مش بعيد
رامي : باه اوكي

{زحمة البلي هادي … الناس زي السوس وين ماشيين النهار المبارك … }

خ رقية : وووه عليا ياحليلي خدالي بنت وخيتي …. حسبي **** ونعم الوكيل فيك اراك تنكسر ياجمعة وماتشوف يوم امقوم
صفاء : ان شاء **** يجيبها نزار و**** تعودنا عليها ماسد امها فارقتنا اتزيد حتى هيا
مروة : ياناري تفرفر علينا اتعيط وبوها ايشح فيها
خ رقية : تو يجيبها نزار… ولدي ونعرفه … مش حيخليها ..غير ايجيها بس … نقوله اتجوزها وخﻻص بش عاد ﻻ يتسبل بوها وﻻ شي

نزار : وين وصلوا ؟؟؟
رامي : خش عشرقية …
نزار : اتوقعته حوشه غادي اصﻻ … رامي : نقعد وراه
نزار : خليك وراه مانزبطاش وين بزبط حوشه ….
رامي : اوكي
نزار : اسمع انا بحدى سوق ابناء الفيتوري انت وين منه
رامي : ها وصلت فينا …امشي عشارع اللي بعده وخود يمين كمل ف الطويل تو تﻻقانا
* تمام هي …
{هالقرد … توا لبنى ادكرها و**** نسحن عليه فسحن ياسحن .. }
*وبطريقة او بأخرى خش من زنقة مختصرة وطلع وراء رامي و عمك جمعة …. زاد السرعة نزار وخطم من جنب عمك جمعة
طلعت راسها لبنى وقالت : نزااااااار نزااااااار ….
* وقف نزار بسيارته قدام سيارة عمك جمعة … فوقف عمك جمعة اجباري ونزل … ونزل نزار … ونزل راي ووقف وراء نزار
ع جمعة : تي سيارتك…
* تقدم نزار بعض الخطوات للأمام وقال : بأي وجه حق اتخش حوشي …واتعلي صوتك على امي وخواتي وتاخد لبنى وتطلع
ع جمعة : هادي بنتي وليا كامل الحق انخش وناخدها …
نزار : هههه يعني توا خطرلك بعد 12 العام انك تتدكر بنتك
ع جمعة : امها توفت شن تقعد معاك عزري
نزار : لبنى زي اختي وسومها من سوم خواتي واللي بيصير ع خواتي بيصير عليها …
ع جمعة : كﻻمك هدا ﻻ ايقدم وﻻ ايوخر
نزار : ايقدم هلبا .. بطيب وبﻻ شهدرة بنتك حتقعد عندي … انا اللي كبرتها وحميتها وصنتها
ع جمعة : تي من انت اصﻻ كله كله ولد خالتها انا بوها واحق منك بيها


نزار : انت بوها واﻻه تره شن قدمتلها … تره قولي ماك لوحتها هيا وامها حتى النفقة مافكرتش تعطيهم …وكنت اصغير وقتها كيف متخرج من الجامعة اتحملت مسؤليتهم ومامشيتش شكيت عليك ف المحاكم على النفقة وصرفت عليهم انا … مش بجميلة في النهاية خالتي بحسبة امي وبنتها بحسبة اختي وانت بتطلع منها ماليكش مكان بينا
ع جمعة : مايهمنيش اللي اتقول فيه
نزار : النقاش معاك عقيم جدا … رامي
رامي : حاضر هي
* شد رامي عمك جمعة … ومشي نزار لسيارته وطلع لبنى ونحى جاكيت متعه وحطه ع راسها وخدالها حجاته وخششها ف سيارته
ورامي ينظر لها بكل اعجاب و ود …

ع جمعة : و**** اﻻ ماتندم … تو انوريك اﻻ مانحبسك بتهمة خطف بنتي …. احنا ف دولة القانون ماعندك وين بتهرب
نزار بيركب سيارته وقال : اماﻻ سلملي عالقانون …واعلى مافي خيلك اركبه وبنتك حتقعد عندنا وحتعيش زي قبل … برا للمحاكم هي وحوشي وتعرفه
ع جمعة : حسبي **** ونعم الوكيل فيك اﻻ مانوريك
* ركب سيارته نزار وعطاها الشياط … سيب رامي عمك جمعة وركب سيارته ومشي

نزار : خﻻاااص اهو مروحين ﻻش البكي
لبنى : حيمشي يشكي فيك وحياخدوك الشرطة وحيردوني لبوي
نزار : هههههه ماتفكريش فيه الموضوع هدا بكل … نطلع منها زي شعرة من العجينة
لبنى : اكيد ؟؟؟
نزار : وبكل تأكيد … اه واسف جدا بالك حرجتي من كﻻمي اللي قلته لبوك … غير نرفزني الحق
لبنى : ﻻﻻ ماحرجتش صح هوا بوي بس من صغري يعامل فيا معاملة بايخة…ايقولي بش كان جيتي ولد خير …ويقولي امك جاباتك وقامت الصقالة وكل مرة حاجة
نزار : استغفر **** وخﻻص عليك كﻻم
لبنى : ايه وانت اللي سامحني و**** متحشمة منك ومن خالتي وصفاء ومروة …
نزار : **** غالب شن بنلومك على تصرفات بوك توا … شي وصار خﻻص
لبنى : و**** طلعني بتوتة اللي عليا وشحلي شعري نتفهولي يانزار تنتيييف
نزار : ب**** غيري الموضوع و**** شاد روحي عليه بسيف
لبنى : امممبه … اول مرة نركب جنبك فسيارة هكي …
نزار : ههههه وبه ؟؟لقطة حلوة قصدك
لبنى : اتهبل … و**** مش عادية .. بس *** اندير حاجة وماتعصبش عليا
نزار : اه شنو
لبنى : عارفة ان الوقت مش وقته بس عارفة ومتاكدة اتي مش حنركب معاك في الكرسي القدامي فمرة تانية
نزار : به شن هيا الحاجة
* حطت ايدها لبنى ع ايد نزار فوق المارشا … نزار جبهته اتعرقت وارتفعت درجة حرارته من هاللقطة
{تي وين شايفتها اللقطة اهياه و**** اكيد مسلسل تركي وووك عليا قيمي ايدك ياشفشة }


ولبنى سارحة >> **** ياربي ياريته حﻻلي ركبت من القدام وقالوا حيه هادي المدام وووك عليا بنهبل عليك يانيزوو
نزار : هيا سادك مسلسلات تركية خﻻص
* نحت ايدها لبنى واتحشمت ةدورت موضوع بش اتغطي وقتله : ههههه بس و**** قاعدة واجعني اللي صار يانزار …
نزار : خﻻص انسي انسي توا .. المهم بتولي معانا… بصراحة مش متخيل انه بياخدلي ضرسي !
لبنى : هههههه قصدك ماتتحمل الحوش من غيري
نزار : ايه اكيد … هي انزلي هي
لبنى : هههه وصلنا و**** مانندري ع روحي
نزار : ماك مريوحة
* نزلت لبنى حفيانة وخشت تجري للحوش اضبط خالتها وقعدت تبكي والخالة تبكي معاها …
صفاء : باهي اللي جبتها يانزار و**** من بكري واحنا نسحنوا
نزار : كبست عليه ف جيهتهم …بكل و**** غمني بكﻻمه ..
خ رقية : ئه ودار فينا شوي او ايعلي فصوته ويشح في البنت ومروة وصفاء يجبدوا صارت فينا حالة
نزار : ايهدد فيا قالي بنشكي عليك ومش عارف شنو
خ رقية : اللطف
نزار : و**** قتله اعلى مافخيلك اركبه
خ رقية : بالك يشكي حق ايديرها راه
نزار : مادوريشي
خ رقية : اخ حالة وخﻻص و**** طمسنا … نوضي يالبنى بري اتكي شوية وارتاحي
لبنى : ﻻﻻ بنوض ناخد دوش
خ رقية : به بري …. صفاء ومروة برو طيبوا الغدي امشوا
مروة : مازال بكري


*دارتلها تفنيصة عالجنب وعضة على شاربها فهمت مروة وناضت ومعاها صفاء *
خ رقية : لوح هالخيدة اللي تبربش فيها خلي نقولك كلمتين
نزار : شوية بس بنبعت هالرسالة
…. ايواه تم اﻻرسال .. تمام شن الكلمتين يمى
خ رقية : نبيك تتزوز لبنى

خ عايشة : مكرم بيعطي كلمة فيك ياغادة

نزار : مستحيل

غادة : قالي امس امك بتقولك خبر بس ماحسبتش هوا هدا ..

خ رقية : شن هوا المشتحيل ياولد مافيش حاجة مستحيلة اتجوز البنت
نزار : لبنى زي اختي … مش زي لبنى اختي هكي هاه

خ عايشة : وبه شن قولك
غادة : ابدا ماناخداش

خ رقية : لأمتى اصﻻ بتقعد هكي من غير زواج تره قولي راك اكبرت
نزار : مازال مازال
خ رقية : مش مزال اتزوزها
نزار : يمى رايد واحدة تانية ولبنى مانفكرش فيها زي وخيتي بزبط


غادة : ﻻﻻ مانبيشي
خ عايشة : ئه وين تلقي خير منه دكتور وبخيره وخميره
غادة : ﻻﻻ مانبيشي

خ رقية : غير زيد فكر سلم وليدي.. بوها مش حيخليها تقعد اهنا
نزار : بوها مسئلته محلولة ومعاي انا وماتفكريش فيه الموضوع بكل وﻻ حيقدر ايقرب اهنا وﻻ يعفس عتبة الحوش بكل

خ عايشة : الولد كويس ومايتفوتش
غادة : به وقرايتي
خ عايشة : كمليها ع راحتك وواحدة واحدة .. هوا بيعطي لكلمة لبوك
غادة : مش موافقة يمى …
خ عايشة : به به خليه الموضوع هدا ع جنب تو نتصرف انا … حنقوله يستناك لين تتخرجي بالك وقتها اتغيري رايك ….
غادة : مش حنغيره
* وناضت خشت للدارها مضايقة وتبكي …

خ رقية : باهي به… اصﻻ انت مافيك غير العناد … هدا فاش فالح
نزار : و**** ماعناد يمى … غير رايد وحدة تانية ونبيها
خ رقية : به هي نخطبهالك
نزار : ﻻﻻ مازال تو لما نكون واتي تو نقولك
خ رقية : وئه شن ناقص بمكتبك وتخدم عالكيف
نزار : ومع هدا مازال يمى صبرك ب**** وان شاء **** يصير ماتبي ونتجوز


قسم الشرطة …ساعة 12:30 مساء
ع جمعة : خطفلي بنتي يااستادي
مﻻزم علي : وين
ع جمعة : في الشرقية … ولد خالتها خطفها مني في الشارع وروح بيها لحوشه
مﻻزم : وين يسكن
ع جمعة : في منطقة كدا
مﻻزم : تمام …شن اسمه
ع جمعة : نزار خليفة
مﻻزم علي : الديناري ؟؟؟
ع جمعة : نزار خليفة ….
علي : باهي به استناني قدام المكتب … بندير اتصاﻻتي بس
ع جمعة : به

مكرم ~اسمعي قتلك امك عالخبر
غادة ~ خبر طياح سعدك مانبيكش وووه منك
مكرم ~ به …بري بري توننفضالك لما اروح … باي ياحبي اموووه

نزار : ايوه نعم
مﻻزم علي : ديناري
نزار : ايه نعم
مﻻزم : جي راجل اشتكي ضدك توا وقالي انك خاطف بنته
نزار : ( حكاله نزار بتفصيل )
مﻻزم : اها
نزار : وكان تبي اتجي للحوش وتتاكد من الوالدة اتفضل …
مﻻزم : ﻻﻻ مافيش داعي عارفك صادق
نزار : وبالله عمم على مراكز االي بجنبك ايجيك جمعة فﻻن ما يدوراش
مﻻزم : تمام ياطيب تمام سﻻمات
نزار : سﻻمات …


{و**** زبطه مزال بيلود عالمحاكم توا … احسن شي ندير اتصاﻻتي بكري بكري }
* دار نزار كل اتصاﻻته مع القيافة وبلقاسم وكل معارفه …. وحارب عمك جمعة وماحد جي معاه … فات شهر شهرين وشي ﻻ حصل ﻻ حق و ﻻ باطل ….لين استسلم وفقد اﻻمل …. وخﻻها عند خالتها …

وفاتت سنة 2009 … وجت 2010 …
سالم : نقولك حاجة ياديناري
نزار : قول
سالم : مليت من الخدمة اهياه تعبت *** نبدى حياة جديدة
نزار : تشبح فيا انا
سالم : ايه
نزار : ليا سنين ومنين وانا *** انسيب ومش قادر … كل ما نطلع من موضوع يجيني موضوع من سنة 98 ليومنا هدا 25/10/2010
سالم : يعني مش انت اللي تبي هكي
نزار : ﻻ مش انا … مدابيا … مدابيا نفتك …
* على خشت الكوالي فجأة
الكوالي : السﻻم عليكم
نزار : وعليكم السﻻاااام … مرحب مرحب
الكوالي : مرحبا بيك شن امورك
نزار : الحمد*** … شن الريح اللي دفاتك عندنا
الكوالي : و**** خاطم من اهنا قلت هيا خلي انخش انسلم
نزار : زارتنا البركة يا c …
الكوالي : **** يبارك فيك
نزار : معليشي ياسالم خلينا توا
سالم : انروح يعني
نزار : ﻻﻻ خليك قريب من المكتب… وقت نبيك انديرلك رنة
سالم : تمام … سلام عليكم

نزار : وعليكم السﻻم … ايه قولي ياكوالي كيف حال بنتك هديكا
كوالي : اهي تبرز الحمد*** … خيرك اتبان مهموم …
نزار : اخ ياكوالي…الشبوب اللي كان اهنا … يبي يعيش حياته ويفتك من هالشغل … ذكرني بنفسي لما نفرفش *** نتخلص من هالكابوس
واتصور يحسابني انا اللي طالبه وجايبه عندي بش يشتغل بسيف
الكوالي : اها وانت شنو … قاعد معش تبي تشتغل
نزار : ايه مليت مليت … تعرف
كوالي : انعم
نزار : خاطري نكون شخص حر فري بدون قيود ﻻ مهام وﻻ حشيش وﻻ شي …
كوالي : اممم انت تحت بلقاسم الحبيب واﻻه
نزار : كيف عرفت
كوالي : ايه نعرف هلبا حاجات انا نزار : زي شنو
كوالي : هلبا وخﻻص … وقبل انت درتلي معروف … ونردلك هالمعروف
نزار : كيف
كوالي : خليها عليا ياديناري
نزار : غير فهمني بالك ادير شي انا مش راضي بيه
كوالي : صدقني اﻻ يرضيك… هي سﻻم عليكم توا … مستعجل
نزار : باهي وعليكم السﻻم

{زعما شن بيديرله … نتوقع شاد عليه ملفات وجو اهواه ايه ايه اكيدة هكي … باهي مليح كان بنحبس بلقاسم الحبيب معناها انا نعيش مرتاح هههه ياريت و**** ياريت… اليوم نفاتح غادة في الموضوع ونقولها بنكلم بوك … هههه ونخلي بلقاسم الحبيب يكام بوها وتو يخاف ويعطوهالي ايه صح اقلها نستفيد منه قبل ماينحبس }

رامي : السﻻم عليكم
نزار : وعليكم السﻻم
رامي : فاضي ديناري ؟؟؟
نزار : ماتقوليش مهمة واﻻ مش عارف شنو راسي مصدع
رامي : ﻻﻻ مش مهمة
نزار : قعمز قعمز …
رامي : به
نزار : ايه شنو بتقول
رامي : انت تعرفني انا ﻻ متع حشيش وﻻ سكير … حتى الدخان ماندخنش
نزار : ايه عارف
رامي : ونصلي الحمد*** غير الوقت جابني للخدمة تحت اﻻستاد بلقاسم الحبيب بسبب ظروف العيلة …
نزار : به
رامي : وانا عيلة معروفة
نزار : ايه عيلتكم ماشاء **** الحق
رامي : المهم نخش في الموضوع طول
نزار : تمام
رامي : انا … *** اااا …. *** نتقدم ل وخيتك …قصدي بنت خالك ..بنت خالتك ايواه
نزار بصدمة : ضرسي !
رامي : نعم ؟؟
نزار : ﻻﻻ شي …
{ماكنتش حاط هالشي فبالي بس و**** رامي شاب كويس الحق ونعتبر فيه زي نفسي }
رامي : ب**** عليك ماترفضش انا برغم ماشفتهاش اﻻ مرتين يوم فتحتلي الباب ويوم متع وقت بوها بياخدها …. ومافكرتش فيها اﻻ بالحﻻل وقداش ليا بنتقدم لكن خفت ترفضني بسبب خدمتي
نزار : شوف يارامي انت شاب ماشاء **** عليك الحق … ادب واخﻻق وفي نفس الوقت امين وتريس ينعبا عليك
رامي : نفهم من كﻻمك ان موافق
نزار : بشرط
رامي : اكيد شنو شرطك
نزار : اتسيب خدمتك عند بلقاسم الحبيب او اي عند شخص اخر … وتبدى تخدم اي خدمة تانية
رامي : و**** نتمنى اليوم قبل غدوة لكن حالي حال هالشباب مانقدرش انسيب اﻻ لما هوا يستغنى عليا
نزار : المهم النية واردة انك معش تبي تشتغل
رامي : ايه اكيد
نزار : تمام … وهوا هدا اللب *** نوصله … وتو انكلم العيلة ونشوف البنت و نرد اعليك
رامي : تمام في انتظار ردك … نستادنك توا
نزار : تفضل

{ضرسي بيتجوز هههههه اكيدة حتفرح بهلخبر العقبة لخواتي **** خلي نتصل ب امي ونقولها ماشي بنكلم بو البنت}
09287037**

خ رقية : ايوه نزورة
نزار : مساء الخير يمى كيف حالك
خ رقية : باهية …الحمدوله
نزار : شن بنقولك يمى
خ رقية : قول
نزار : انا توا ماشي بنكلم بو البنت اللي نبيها … كان وافق بنبعتك انتي وصفاء يوم تاني
خ رقية : بش النساوين يمشوا قبل
نزار : ماهو يمى *** نسئله مانبيش تمشي ويردوك
خ رقية : به خﻻص برا وقولي شن يصير
نزار : ان شاء **** … اه حقا
خ رقية : شنو
نزار : عندي موضوع حلو شبوب اتقدم توا ويبي يخطب قتله نكلم العويلة قبل
خ رقية : روروري قولي منو بيخطب
نزار : وقت انروح نحكيلك شاب كويس ومﻻخير
خ رقية : باهي ماتتخرش
نزار : ان شاء **** … هي سﻻمات

خ رقية : ف امان ****
صفاء : شن فيه يمى اتزغرطي
خ رقية : جايينكم خطابة
صفاء : بجديات يمى … تعالي يالبنى يامروة اتعالوووو
* جو مروة ولبنى ويتسائلوا شن فيه شن فيه
صفاء : امي قالت جايينا خطابة
مروة : بجديات بجديات يمى
لبنى : خطابة !
صفاء : ان شاء **** ليا ****
مروة : عينك ليا انا

خ رقية : ارزنوا بﻻ خفة انتي وياها
صفاء : به منوا قولي وجاي عن طريق منو يمى
خ رقية : جاي عن طريق نزار .. شوره واحد من صحابه
مروة : ان شاء **** طرف ياربي
* الوحيدة اللي مش معدلة عالموضوع هيا لبنى … وقفت على الروشن وقعدت اتفكر في نوار يخطب فيها وعرس وعالم حايس *

نزار : السﻻم عليكم
بلقاسم : وعليكم السﻻم ..
نزار : كيف الحال استادي
بلقاسم : الحمد***
نزار : استادي نبيك في موضوع شخصي
بلقاسم : وشن هوا
نزار : *** نخطب …والبنت اللي بنخطبها اماليها مش حيوافقوا … فانبي منك يااتجي معاي ياتبعت حد معرفة يكون يعرفك ويعرف بو البنت
بلقاسم : عيلة منو هما
نزار : مصباح فﻻن
بلقاسم : و**** ماغريب عليا الاسم
نزار : ب**** عليك على طول هالسنين اللي خدمتهم عندك وكفائتي فيها طلبي بسيط بس هالبنت و**** رايدها وماقادر انعيش من غيرها
بلقاسم : تم … كلمة مني وكلمة راجل ماتكون اﻻ ليك هالبنت وليك انت بس مش لغيرك
نزار : و**** فرحتني الحق …
بلقاسم : لكن مصباح فﻻن و**** مار عليا تقريبا عمت واﻻ خالت مكرم متجوزة هالراجل …
نزار : من مكرم
بلقاسم : مكرم اللي يشتغل تحتك … هوا قال بيجي ..وقت ايجي نزيدوا نسئلوه
نزار : به
*طق طق طق
بلقاسم : ادخل

مكرم : السﻻم عليكم …
بلقاسم ..نزار : وعليكم السﻻم ..
بلقاسم : جيت ف وقتك
مكرم يشوف لنزار بنظرات كره متع شن ايدير هدا اهنا وقال : ان شاء **** خير يااستادي
بلقاسم : تعرف عيلة مصباح فﻻن
مكرم : ايه هدا راجل عمتي عﻻش
بلقاسم : تمام وكويس بكل … معناها محلولة يانزار..مكرم هوا اللي حيمشي معاك
مكرم : وين
بلقاسم : بش يخطب بنتهم

يتبع……

الجزء السادس والعشرون من رواية عاصفة الصمت​

مكرم يشوف لنزار بنظرات كره متع شن ايدير هدا اهنا وقال : ان شاء **** خير يااستادي
بلقاسم : تعرف عيلة مصباح فﻻن
مكرم : ايه هدا راجل عمتي عﻻش
بلقاسم : تمام … معناها محلولة يانزار … مكرم هوا اللي يمشي معاك
مكرم : وين
بلقاسم : نزار بيخطب بنتهم

{وفي نهاية طلع هالشنطوح قريبها }
وقف مكرم وقال : شنو ! قلت
بلقاسم : قعمز واضبط نفسك
مكرم : تي شن نظبط نفسي شنو … تتي انا نبيها وعاطي فيها الكلمة
نزار : عاطي طياح سعدك مش غير عاطي …
مكرم : تي خيرنا ياديناري البنت قريبتي وانا ادرى
نزار : ولد عمها صاحبي ويندري عليا نبيها من قبل حتى ماتروح انت
مكرم : اتكلم فيها
نزار : ﻻ مانكلمش فيها
مكرم : خﻻص البنت رايدتني وانا رايدها
نزار : رايدة #@$ مش غير رايداتك هني روحك
مكرم : به وكيف عرفت معناها اتكلم فيها
* واخر كرسيه بلقاسم وشرب رشفة من الابسليوت الفرنسي وقعد يتفرج *
نزار : مانكلمش فيها لكن ولد واخد الكلمة من ولد عمها حاتم !
مكرم : الكلمة يا من اﻻم يا من الاب وانا مكلم امها والبنت نبيها وتبيني باش تفهم انتا
نزار : امعش اتقول انها تبيك ياعافن …شن بدير بيك ضلال متع تصفية
مكرم : وانت شن بدير بيك شخص مئيدز اشبح قداش فاضله ويموت
نزار : اﻻعمار بيد **** انا مريض صح لكن مرات يومك قبل يومي وين تندري انتا واﻻ تعلم بالغيب استغفر **** ياربي
مكرم : ماعندناش بنات لزواج .. وكيف هوا هكي تو نتجوزها ومن اليوم
نزار : تتجوز حويلتك يا #@$/ اصﻻ مش حترضى بيك
مكرم : ههه وين تندري انت ؟؟ خاش فقلبها
اتنرفز نزار وقال : ايه ومافيش غيري
* ابتسم بلقاسم ونفث دخانه وحط ايده ع لحيته *
مكرم : شاك فيك اتكلم فيها
نزار : حتى ولو ماذا انت بفاعل؟؟؟
مكرم : ماتستهينش بيا ياديناري
نزار : ايه باهي انكلم فيها قريب 4 سنين من قبل حتى ماترجع انت من سفرك … ورينا هي …
مكرم : باهي نهار جدها اكحل اماﻻ
وقف نزار قدام مكرم وقال : ونهارك متزورق لو درت فيها حاجة اهو قتلك
* مكرم بيضرب نزار بونية شدله يده وعصرها وعطاه بونية جاته ع سنونه *
نزار : وحق *** يامكرم … انوريك راهو… هني روحك واكسر الشر والبنت ليا … ونبيها وراضية بيا باﻻيدز متاعي اطلع منها …
مكرم : به به ياديناري … تو نشوفوا ياتريس كانك خديتها
نزار : غصب ع خشمك
مكرم : يا #@$^&
بلقاسم : يكفي خﻻص اكتفيت منك انت وياه …. البنت مدامها موافقة بيه خﻻص البنت لديناري يامكرم
مكرم : تي كيف هكي تي قريبتي مش قريبتك بش تحكم ف الموضوع


بلقاسم : كيف اتكلمني بلهجة هادي… منين ليك الحق …
مكرم : اسف اسف
بلقاسم : يا رجب… رجب
* خش رجب فجأة وقال : نعم يااستادي
بلقاسم : تره خود معاك هالبهيم فهمه شوية اسلوب ومنطق
مكرم : ب**** سامحني يااستاد بلقاسم
بلقاسم : برا معاه خليه يعلمك وماتزيدش وﻻ حرف …
* طلع مكرم مع رجب … ورجب شخص طويل ورقيق … مهمته ععند بلقاسم انه يعطي كفوف وراء بعض لنوعية اللي زي مكرم

نزار : بارك **** فيك …

بلقاسم : بنسبة لمكرم مدوراش … وتو نبعت معاك سكرتير متاعي بش يخطب شخص معروف… ودبلوماسي نوعا ما حيتفاهم مع بو البنت
نزار : مشكور استاد بلقاسم …

* فتح بلقاسم الهاتف وقال : عبدالله تعال عندي
عبدالله : ان شاء **** هي

* خش بلقاسم وقال : نعم …
بلقاسم : عبدالله … برا مع ديناري بيخطب بنت من بوها … لخبطه يمين يسار وقوله انك تشتغل تحتي والكﻻم هدا
عبدالله : تمام … بتمشي توا ديناري ؟؟
نزار : ايه …
عبدالله : هي اماﻻ..


صفاء : **** ياربي واخيرا بيجي حد يخطبنا يامروة
مروة : ايه لامس بس كنت نبكي ان ماحد دق بابنا وخطب …
صفاء : الحمد*** **** كريم .
مروة : زعما ليا واﻻ ليك
صفاء : العلم عند **** …

عبدالله : شن اسمهم العيلة
نزار : مصباح فﻻن
عبد **** : اها ااوكي … هي توكلنا ع ****
* طق طق نزار عالباب وفتحله حاتم
حاتم : كيف الحال ديناري
نزار : الحمد*** شن اخبارك حاتم
حاتم : كويس بخير …شن سر الزيارة
نزار : جاي لحوش عمك …
حاتم : والسبب
نزار : بنهدرز على عمك
حاتم : اااه نويت يعني
نزار : حاجة زي هكي
حاتم : خش للمربوعة تو نركب اناديه
نزار : تمام …
* ركب حاتم لحوش عمه … ونادى عمه … وخش هوا وياه للمربوعة


ع مصباح : السﻻم عليكم
عبدالله و نزار : وعليكم السﻻم
ع مصباح : كيف الحال
عبد **** : بخير **** يبارك فيك
نزار : بخير الحمد*** …

* بعد سبعة دقايق …من اهلين وسهلين وشن اﻻمور شن اﻻخبار

عبدالله : انا عبدالله العنتالي نشتغل في السلك الدبلوماسي .. وسكرتير بلقاسم الحبيب …
* اندهش عمك مصباح وعرف بلقاسم الحبيب … ابتسم وقال : مرحبتين بيك
عبد **** : وبيك مرحب … وهدا نزار خليفة … عنده مكتب استشارات هندسية …
ع مصباح : اهلين بيه
نزار : وبيك اهلين … الحق ياعمي مصباح انتو عيلة ماشاء **** … وانا طالب القرب منك في بنتك …
عبدالله : طبعا نزار شاب كويس ومايتعيبش ومن خيرة الشباب … وسيطه في كل مكان مافيش حد مايعرفاش باستشاراته الهندسية
يصمم لناس القناقل وديما مطلوب
حاتم : ههههههههههههه
* فنص نزار ف حاتم …
ع مصباح : خيرك تضحك ياولد
حاتم : ﻻﻻ شي عجبتني كلمة قناقل بس
عبدالله : عموما يا عمي مصباح خلينا ف موضوعنا
ع مصباح : باهي شن عندك حوش او
نزار : ﻻ بس اﻻيام الجاية حنشري دوبلكس ان شاء ****
ع مصباح : امممم ووين عيلتك
نزار : قلت نجي انا اﻻول لو اقتنعت بيا كمواصفات بيا انجيب عيلتي
ع مصباح : وتعرف حاتم او
نزار : حاتم صاحبي راس من ايام الثانوي
ع مصباح : شنو ياحاتم
حاتم : تي هدا متع…
* تفنيصة من نزار مات حاتم ف مكانه
حاتم : قصدي ماشاء **** عليه … شاب كويس ومتع كلوو ومن اﻻخير ياعمي يعجبك تريس رسمي…
ع مصباح تلفت لحاتم و يوشوش : لكن انت عارف روحك متع شنو بالك صاحبك زيك
حاتم : هههههه ﻻﻻ ياعمي ﻻ … شهادة *** ماعمره حط حاجة خايبة ف فمه كون هاني فيه الموضوع هدا …


ع مصباح : على بركة **** قول للعويلة يتفضلوا ..بش يبدى الموضوع زي العادات
نزار : ان شاء **** بإذن **** حنقول للعويلة ونتصل بحاتم بش يبلغك
ع مصباح : تم وبإذن **** خير …
عبدالله : ان شاء ****
ع مصباح : وسلمونا على استاد بلقاسم هلبا
عبدالله : ان شاء ****…
نزار : سﻻم عليكم
عبدالله : سﻻم تو

ع مصباح : وعليكم السﻻم …

* طلع نزار وعبدالله من عند عمك مصباح ومروحين … كيف طلعوا من الباب لقوا مكرم كيف درس سيارته ونزل ووجه منفخ
من كفوف رجب …
مكرم : و**** اﻻ @$/&&$# و #/&/#@ يا /#@$/&&# تي انت #$/#@&*#
خ عايشة اتبيت من فوق وتشبح ف مكرم ايسب ف زوز شباب طالعين من عندهم …
طبعا اللي هوا نزار و عبدالله…

نزار : ماعندي مانقولك **** يسامحك … **** يسامحك
مكرم : ايه ايه دير روحك عاقل
نزار قدم بحداه وقاله : اسكت حتى كلمة و**** نكسرلك سنونك
عبد **** : شنو ماشعفتش من كفوف رجب واﻻ كيف …
مكرم : حنفضحك عند العيلة يا نزار النمي
نزار : جرب وديرها
عبد **** : ياويلك من بلقاسم يامكرم لو فركشت الموضوع … هكي حيأثر على نزار ومش حيخطط وبتالي استاذ بلقاسم حيتصرف معاك تصرف وﻻ عمرك ريته


* برطم مكرم وتلفت عليهم وخش للحوش وطربق الباب …

خ عايشة : ﻻﻻ نبيها ل مكرم
ع مصباح : اطلعي منه الموضوع ﻻ مكرم وﻻ واحدة .. هدا باين عليه املير وواصل حتى خدمته امقومة
خ عايشة : واصﻻ مكرم دكتور وعنده عيادة اما خير
ع مصباح : ولد خوك هدا مش خاشلي راس ومش مرتاحله … صكي عليه الموضوع
خ عايشة : تي ياودي هدا منا وفينا واللي نعرفوه خير من اللي مانعرفوشي
ع مصباح : اسمعي معش تناقشيني فيه الموضوع …الولد باين عليه واصل…وانا محتاج ظهر…اﻻيام هادي اللي ماعنداش ظهر يطيح ع وجهه
خ عايشة : الصبر ياربي الصبر
ع مصباح : نوضي نوضي حطينا الغدي
خ عايشة : باه باه
خ عايشة تفكر >> ياودي كان واحد من الشباب هدوكا الزوز باين عليهم محترمين … ع قد ماسبهم مكرم ماردوش عليه …. لكن اللطف خيره مكرم ﻻش هالسب هد كله

نزار : السﻻم عليكم
صفاء و مروة : وعليكم السﻻم …
صفاء : هاك جبتلك اميا د
ضنزار : صحيتي و**** عطشان
* شرب الميا وبيحطها عطاولة جاته مروة وقتله : مدايرتلك الغدي رز مخلط و مبطن ومشقشقات
نزار : اياح مقيومة اليوم
صفاء : تكدب انا درته الرز المخلط
نزار : معش تتعاركوا انتي واﻻ هيا بارط **** فيكم المهم درتوا


نزار : وين امي ؟؟
صفاء : راقدة انوضهالك ؟؟؟
نزار : ﻻﻻ خليها راقدة
صفاء : وااله عادي انوضهالك
نزار : ﻻ خلي المراة مرتاحة … بنخش نرتاح شوي ف المربوعة قوليلي لما يوتى الغدي
صفاء : ان شاء **** به …

قعمز نزار في المربوعة … واتصل بغادة
نزار : يا شن بيقول فمي
غادة : هههه خيرك حبيبي
نزار :مكرم طلع قريبك !
غادة :تعرفه قصدك ؟؟؟؟
نزار : نعرفه قريب ليا عامين توا
غادة : ومنين تعرفه
نزار : معرفة سطحية متع خير خير
غادة : اها … باه كان ضربني واﻻ حاجة
نزار : هههه مايقدرش…المهم مش هدا موضوعنا
غادة : امممممبه
نزار : حبيبي … وعمري وروحي غدوشي
غادة : ياقلبي انت بجد مش مصدقة وحق *** مامصدقة ان حنكونوا لبعض … وتعرف لما امي قتلي و**** طرت من فرحتي
نزار : مع العشية عندي ليك مفجاة تانية
غادة : قولي قولي
نزار : ﻻ مش توا …
غادة : نيزووو بيبي
نزار : الللا مانيش قايل
غادة : هههه باهي بيبي اسمع انا توا بنحط الغدي مع امي … تو نكلمك مع القايلة
نزار : ردي بالك ع روحك ياروحي
غادة : حتى انت بيبي … سﻻمات
نزار : سﻻم
{حبي غدوشي بتصير ليا انا بس … حق خلي نمشي لضرسي نقولها على الخبر }


طلع نزار وقال : وين ضرسي مش باينة يامروة
مروة : اونيه في الدار … شن تبي فيها
نزار : تو انقولك غير خلي نكلمها
بس
* توجه نزار للممر ومنه لدار … لقي لبنى فاتحة اغنية … وتنخ بشعرها وزاد طول اكثر من اﻻول هههه وبدل مايخش قعد يتفرج عليها ففجأة وقفت وقعمزت
خش وقالها : غير زيد اشوي مارينا شي غير زيد اشوي …
لبنى : هههههه و**** تبي القتل هي باهي او
نزار : ههه عﻻش
لبنى : تتلصلص عليا وتقولي عﻻش
نزار : عادي ماتلصلصتش ع غريب انتي ضرسي
لبنى : ضرسك وياريتك حاس بيه ان شاء **** اتجيك سوسة بش اتحسسس
نزار : ههههه باه ياستي اسف
لبنى : ﻻ مش مسامحاتك
نزار : لبنى بطلي عاد مانحبش حد غالي يحرج مني …
* لبنى ربعت يديها وتلفتت عليه *
نزار : بطلي يازعولة
لبنى : نسامحك بشرط
نزار : شنو
لبنى : امممم خلي انفكر
نزار : به
لبنى >> هدا معش ينفع معاه ﻻزم انطيحه بس جربت كل المحاوﻻت ياربي شن اندير … شن اندير .. اه صح نقوله يرقص معاي بالك على وعسى ايحس بيا وينظرلي على اني انثى … زعما … لكن بالك ايكشخ عليا واﻻ يعطيني كلمة فسنون …
نزار : تي شنو الشرط
لبنى : ترقص معاي
نزار : ش شنو هههههههههه بري روحي امشي
لبنى : اماﻻ خﻻص مش مسامحاتك
نزار : ماتسامحينيش …سبحان **** تلصلصت عليها حرجت وطلبت طلب اكبر من تلصليصة
* انحرجت لبنى ووقفت وكيف بتمشي شدلها يدها ووقف مقابل ليها وقالها : حرجتي ؟
لبنى : ﻻ ماحرجتش عادي …
نزار : و**** مانعرف نرقص شن الشرط هدا اللي شرطيه
لبنى : اعتبره طلب
نزار : استغفر **** شن خﻻك تطلبي مني طلب هكي
لبنى : ماعنديش غيرك نزار … افهمني انت كل شي ليا …
نزار : اهو ان شاء **** تتسهل اﻻمور وتتجوزي
وترقصي مع حﻻلك
لبنى شدت ايد نزار
بين يديها وقتله بصوت سحنون معسول بنبرات دافئة : انت يانزار … كل يوم نتخيل فيك ترقص معاي


{الصبر ياربي و**** متاكد اﻻ مسلسل تركي هي باهي او}
لبنى : ارجوك نزار …
نزار : باهي باهي شوية بس …
لبنى : هيييي خلي نفتح اغنية
نزار : عينك مش توا … خلي ف ليل وقت يرقدوا العيلة توا مان بتشوفني امي بديرلي قصة هكي كبر كبرها
لبنى : خﻻص موعدنا ف الليل وعد
نزار : وعد لكن موعد عينك ياشفشة …

صفاء : نزاااار … امي تبيك
نزار : اهو جاااااااي هي
لبنى : يﻻ ادعس عند خالتي
نزار : ديما اتلهي فيا بمواضيعك ماخليتينيش نقولك الخبرين اللي جاي بنقولهملك
لبنى : به شوف خالتي وتعال نكملوا هدرزتنا
نزار : خليها بعدين ﻻن بنهدرز مع امي وبنتغدى وبنطلع عندي مشاوير لبنى : اوكي …

* عبر النيمبز *
مكرم ~ ياحمارة الحمارات انا تبدليني بالكلب نزار
غادة ~ حشاه مش كلب
مكرم ~ ياقردة نبيك افهمي
غادة ~ وانا مانبيكش وخﻻص نزار جي تقدم رسمي انت شن تبي يااكرم
مكرم ~ عافنة انا نقولها نبيك ونحبك وهيا تتجكتر تاريتها تبي واحد تاني خزيه وخﻻص . .اصبري تو نفركشها ننخر زي السوسة لعمتي لين ترفضك
غادة ~ كﻻمك مايفيد شي
مكرم ~ اسمعي حاجة ومتاكد منها مش حتحسي بيه زي مااتحسي بيا وحتطلقي واتجيني تجري وقتها نعفس عليك ونمشي
غادة ~

خ رقية : المهم وافق بوها واﻻه ؟
نزار : ايه … تو غدوة نرفعك انتي وصفاء بش تخطبوها
خ رقية : به يستر **** من امها اللفعة كما ادير فينا زي مرة اﻻولى
نزار : ﻻﻻ ماعتقدش … المهم فيه شاب كويس ماشاء **** عليه … خلوق ويصلي ومﻻخير … شايف لبنى … وقال يبي يخطبها
خ رقية : اشششيه ماشاء **** سعدكم جي مع بعضكم ف نفس اليوم
نزار : ههههه المهم قتله نشوف العيلة ونرد عليك
خ رقية : خﻻص … غدوة نمشوا نخطبولك وبعد غدوة قول للعويلة يتفضلوا
نزار : ماتبيش تسئليها
خ رقية : ﻻﻻ مدامه صاحبك كويس ومايتعيبش خلي البنت اطب نصيبها … ايتيمة ياناري بالك ولد حﻻل و يسعدها
نزار : اللي اتشوفيه يمى … ومع هدا زيدي اسئليها ماتعطيهاش امر متع موتي وتجوزيه
خ رقية : ﻻﻻ نعرف كيف نتصرف هههه

مروة : يمى نزار …هيا الغدي
خ رقية : هي جايين

* تغدى نزار وطلع طول …
وقعمزو البنات التﻻتة بحدى خ رقية ويستنوا ف اﻻخبار واكيد الشخص الوحيد اللي مش مهتم هيا لبنى …
صفاء : هيا بشرينا يمى
مروة : هيا يمااااا
خ رقية : النصيب وقت ايدق الباب الواحدة تتسهل وخﻻص
مروة : ايه اكيد
خ رقية : والبنت ماليهاش غير حوش راجلها
صفاء : طبعا طبعا
خ رقية : والشاب حسب ماقال نزار مايتعيبش … وشاف لبنى وانعجب بيها وتقدملها
* انصدمت لبنى ومعش عرفت حتى تتكلم
صفاء : لبناااااا
مروة : يافرحة ماتمت
خ رقية : ﻻ عﻻش ف الحالتين فرحة سواء ليكم واﻻ ليها … ونزيدكم من االخير نزار غدوة بيخطب وتي روحك ياصفاء …
* وقفت لبنى وبتتكلم معش قدرت شدت راسها وطاحت سايخة …

يتبع…….

الجزء السابع والعشرون من رواية عاصفة الصمت​

صفاء : لبناااااا
مروة : يافرحة ماتمت
خ رقية : ﻻ عﻻش ف الحالتين فرحة سواء ليكم واﻻ ليها … ونزيدكم من االخير نزار غدوة بيخطب وتي روحك ياصفاء …
* وقفت لبنى وبتتكلم معش قدرت شدت راسها وطاحت سايخة …
ناضوا مروة وصفاء يتجارو وحطوها عالمندار
خ رقية : هدا من الفرحة واﻻ شنو
صفاء : ب**** اما فرحة
مروة : نوضي جيبي زهر صفاء فيسع …
خ رقية : وجيبي اميا وسكر
مروة : لبنى … نوضي … يالبنى
خ رقية : سمله عليك توا كنتي ﻻ بيك ﻻ عليك …
صفاء : هاك رشيلها زهر مروة
مروة : هاتي …
رشتلها مروة وبعد شوي فاقت لبنى .
خ رقية : خيرك اللطف
لبنى : حسيت ب دوخة ولفت بيا الدنيا ومعش ندري على روحي
خ رقية : اشربي ميا وسكر … اشربي
لبنى : به …
* شربت لبنى الميا والسكر وحطت الطاسة
صفاء : شنو اتحسي ف روحك توا
لبنى : باهي احسن من بكري


خ رقية : ريتوا الفرحة مادير او هههه من الحشمة لين ساخت
مروة : ايه ههههه يﻻ *** يتمم ع خير
* سرحت لبنى … واجهشت بالبكاء
خ رقية : وهادي دموع الفرح هههههه
لبنى : ﻻ ياخالتي مش دموع شي . . مش دموع فرح
* وناضت تجري وخشت لدار وسكرت الباب … وتبكي … وخالتها تشبحلها باستغراب …

صفاء : خليها تو تهدى اكيدة اتفكرت امها
خ رقية : ابه بالك

عﻻش بس هكي عﻻش … كنت نبيك ليا يانزار …وانت بتخطب واحدة تانية … وفوق منها جايبلي عريس تمنيت متت وﻻ صار هدا كله .. عمري كله مشي وانا نتخيل ونرسم احﻻمي معاك يانزار البلي … وانت وﻻ عمرك عبرتني ..

سمسار : ب 25000 الف
نزار : ايه و**** ماخسارة فيه دوبلكس ماﻻخير عجبني ابحق
سمسار : تمام …خﻻص مر عليا غدوة الصبح بش نتموا اﻻجرائات ونكتبوه ب اسمك
نزار : تمام بكل .. هي سﻻم عليكم
سمسار : وعليكم السﻻم …

{ﻻزم نبشر غدوشتي بالخبر الحلو}
نزار : يامساء السعادة
غادة : مسائك ورد وحنية
نزار : شن الجو حبيبي
غادة : تمام وانت حبوبي
نزار : بخير الحمد*** … قولي شن كنت اندير توا
غادة : شنووو
نزار : كنت عند السمسار و مشيت انا وياه بش انشوف ف دبلكس
غادة : حقااااا !
نزار : اييييه … وغدوة بنشريه
غادة : ياروح روحي انت و**** فرحتني
نزار : ومازال ماريتي شي ان شاء **** *** يقدرني نسعدك اكثر واكثر
غادة : ان شاء **** ويقدرني نسعدك
نزار : بيبي تو انكلمك بعدين عندي مكالمة انتظار
غادة : من منو
نزار : من واحد صاحبي سﻻمات
غادة : سﻻم


صفاء : ماديريش ف روحك هكي يالبنى
لبنى تبكي وتصيح : باهي عﻻش مايخدنيش انا عﻻش … ناقصة ايد واﻻ رجل … واﻻ فاش احسن مني اللي بياخدها … فاش
مروة : احنا عارفينه الكﻻم هدا لكن بالك ايحبها االي يبي يخطبها
لبنى : به وانا شنو انموت
صفاء : اهو جاك نصيبك واحد من صحايه شن تبي تاني
لبنى : باهي بنتجوزه وانا قلبي لشخص تاني
مروة : به يعني تقعدي تتفرجي ع نزار ماشي وجاي مع مرته وانتي تبكي ف تراكين
صفاء : ايه اما احسن تتجوزي واﻻ تتحسري
لبنى : مش حتفهموني نهائي فكوني منكم
خمروة : استهدي ب**** وفكري بعقلك الحب ايجي بعد الزواج وتو تحبي صاحبه ويعوضك عن كل اللي فات
لبنى : خلوني بروحي خلووووني …
* قعدت لبنى على هالحال الى الليل … وهيا تبكي واتسح وواجعها خاطرها ومضايقة …
ساعة 1 صباحا …
خش نزار ولقي الحوش مظلم والدنيا راقدة …
سمعت لبنى صوت ان نزار خش للمربوعة فبعتتله مسج >> قاسي القلب … عديم اﻻحساس …
نزار >> عﻻش هدا كله ! اكيدة تسحني عالرقصة اطمني مش ناسي
لبنى >> مانبيش منك شي نزار
حتى حاجة خﻻص …. اللي وصلني منك ساد

{خيرها لبنة … شن فيه شن درتلها انا … غلطت فيها ؟؟ جرحتها بكلمة.. بالك قتلها حاجة بدون قصد ﻻﻻ ماقتلها شي .. خلي نبعتلها مسج تاني }
نزار >> خيرك لبنى شنو فيه ؟؟


{اياح مابتش اترد… و**** حيرتنيني ياضرسي … }

حنين : شن جو نزار اماﻻ
غادة : من بكري ماتصلش … خلي نتصل بيه توا
حنين : باهي خلي نمشي ندور حاجة ناكلها

غادة : الو … اهلين نيزو
نزار : اهلين بيك
غادة : شن الجو
نزار : تمام ماشي اﻻمور ..
غادة : خيره صوتك حبيبي … فيه حاجة مضايقاتك
نزار : ﻻ مافي شي …
غادة : غير خيرك شن فيه
نزار : مافي شي لبنى خيرك قصدي غادة
غادة : يا لبنى اللي واخدة عقلك … من لبنى هادي
نزار : بنت خالتي
غادة : باهي خيرك تتنرفز عليا
نزار : اياح عاد
غادة : باهي خيرك حبيبي
نزار : الصبر
غادة : به به حنخليك اتريح اعصابك
نزار : تو انكلمك …
غادة : اوكي باي
نزار : باي


{استغفر **** و**** لخبطتلي جوي لبنى… شن درتلها النهار المبارك ااااااه اكيدة على خاطر العريس زعما قتلها امي وهيا ماتبيشي ؟؟؟ باهي كان ماتبيشي عادي اتقول انا مش حنغصبها…. و**** خلتني انفكر الا مانمشيلها في الدار }

* مشالها نزار لدار وفتحها بشوية ودار شق يبيت منه
ويقول بالهمس : لللبنة
* قامت راسها وشافت لقاته نزار غطت راسها وتلفتت … فخشلها ونخصها
لبنى تهمس : شن تبي
نزار : خيرك ماترديييش
لبنى : شن اتقول
نزار : قتلك خيرك مارديتيش ع المسج
لبنى : هكي مانيش رادة
نزار : شن فيه شن صار
* تحركت صفاء منزعجة من همس لبنى تحسابها تبكي فطبس نزار بش معش اتشوفه صفاء
صفاء : انتي بتهبلي فجرت نزار ارقدي تره معش تفكري فيه
لبنى : باهي اهو بنرقد …
صفاء : ونوضي سكري علينا هالباب مشرعتيه علينا
لبنى : باهي ياصفاء …
* تلفتت صفاء وتغطت …
نزار بالهمس : علاش بتهبلي فجرت نزار
لبنى : نزار برا ارقد
صفاء : اوووف عاد …
*وقف نزار وجبد لبنى من ايدها وناضت وراه وسكرت الباب … ورفعها للمربوعة ورد الباب وقالها : شن فيه
لبنى : مافي شي خليني فحالي


*طلع نقاله من جيبه وفتح نغمة راقصة …
وشدلها يدها..وقالها : ضرسي انا عارفك زعﻻنة على خاطر عطلت عليك وتحسابيني مانبيش نوفي بوعدي … و**** عند وعدي …معش تبكي معش تبكي …
*حط يده نزار وراء ظهرها …وكتمت لبنى اللي فقلبها وسكتت وشبكت يديها وراء رقبته ورقصت معاه وشادة دمعتها بسيف … بعدين حست روحها بتبكي فحطت راسها على صدره … وبكت
غمض عيونه نزار وقالها : تعرفي ريحتك زي البيبي …….
* قامت راسها لبنى وجت العين ف العين وكانوا قراب من بعض …
نزار : ياربي حتى رقصت معاك مزال تبكي عاد
لبنى : ﻻﻻ غير دموع الفرح بس …

* غمضت عيونها لبنى وحركت يديها على ظهره وعيونها ادمع…. اتشبتت بيه بقوة ﻻن عارفة ان هادي اخر مرة حيكون نزار بقربها بشكل هدا … من غدوة حيكون ملك انسانة اخرى غيرها ….

{مش عارف هالشعور اللي يجيني لما نكون قريب عليها هكي… عندها انوثة طاغية .. محﻻها لبنى …ياحليلك يارامي}
لبنى : نزار
نزار : نعم
لبنى : عارف لما تبي شي مش قادر توصله وفجاة الشي هدا يصبح مش ليك حتى بمجرد امل …
نزار : كل عام عامين تقوليلي شي مش قادرة نوصله حاجة مش ليا .. شن هيا نجيبهالك
لبنى : ﻻﻻ ماتقدرش
نزار : هيا سادك من الرقص
لبنى اتفكر عﻻش يانزار انت مش حاس اني نبيك بشي عﻻش… وقتله : انت اتحس واﻻ ﻻ ؟؟؟
نزار : مافيش حد مايحسش بس سادك رقص هههه
طلقاته لبنى وقتله : مش قصدي هكي
نزار : اعﻻش تبكي
انفعلت لبنى وقتله : انت يانزار ماتحسش وﻻ عمرك حسيت بيا
نزار : عل
قاطعاته وقتله : ماتقوليش عﻻش ..قد من يوم انقول اهو ايحس اهو يفهم …فاتو سنين ومنين وانا نتأمل فيك ونتخيل فيك وانت شي وﻻ هنا اتقول انا مش انثى … راجل انا قدامك ماتشوفش فيا ؟؟ عتريس ؟؟بوعجيلة فتحي امسقم ؟؟.هاااه اتكلم ..اصﻻ انتو الرجالة انانيين ماتبوش اللي تبيكم …تبوا واحدة اعصابها باردة وتتجارو فجرتها…
فكل مرة نكون فيها جنبك نتمنى انك اتعبرني … اتعبرني بس واتفكر ان لبنى عﻻش تتصرف معاك هكي بطيب وحنية .. خليتني ندوي بيك طول الوقت صبح ليل ظهر عشية قايلة نزار نزار …
انت شنو عديم اﻻحساس واﻻ كيف
نزار : و**** صدمتيني معش عرفت شن انقول
لبنى : ماعندك ماتقول مبروك عليك خطوبتك غدوة ومبروك عليا خطوبتي بعد غدوة … موافقة بيه صاحبك … بالك ايعوضني عالسنين اللي كنت حاطة فيها العين عليك …
نزار : ضرس
لبنى : ومعش اتقولي ضرسي مانيش ضرسك … الضرس لو صايرتله حاجة يتوجع صاحبه لكن انا متوجعة وانت مش حاس مش حاس غمضت عيونها وهي تبكي مع هالكلمة وحطت يدها ع عيونها و فاقت لنفسها بعد هالإنفعال…و الكﻻم اللي سطرباته وراء بعض واتحشمت من ولد خالها اللي يسمع ف الكﻻم ووراسه لوطة ف للارض …
لبنى : اسفة … اسفة مانندريش ع روحي نزار …ب**** سامحني..
*شدلها كتافها وشاف ف عيونها وقالها : انا …انا كنت نحسب فيك زي اختي لبنى .. مافيش مرة فكرت فيك غير هكي لكن هدا مايعنيش انك مش انثى واﻻ بوعجيلة زي ماتقولي …ﻻ بالعكس انتي انثى وماننكرش لما صارت بصدف وكنتي قريبة مني في كدة مرة …امتلكتني عواطف جياشة لين انا معش فهمت نفسي لكن … عقلي ماتحركش ماتحركش بكل يالبنى مافكرتش فيك اﻻ انك اختي …
لبنى : حتى انت من اللحظة هادي انت خوي يانزار … خووووي
تنهد نزار وقال : سامحيني قد انكون جرحتك بدون قصد ضرسي لبنى : مش ضرسك
نزار : حاضر … باهي كيف ندير
لبنى : مادير شي وموافقة بيه صاحبك وراك اتغير اي شي وماتفكرش تسخف عليا وتوزع صاحبك وتعتدر من عيلة البنت وتخطبني ﻻن مش حنوافق بيك نزار


* تلفتت لبنى وطلعت بسرعة وسكرت المربوعة ومشت لدارها ..
{وااااه ياربي … كيف ماكنتش فايق بيها … ضرسي تبيني و**** اﻻ قاعد مصدوم ..احيييه يابطني…. و**** مافكرت ياناس صح كل تصرفاتها يوم استنتني وقت خداني الشقندي عنده وداوتني ووق خشت معاي تحت بطانية لما امها خشت علينا وانا فاقد الوعي …و**** انا غبي جرحت البنت }

طول الليل ونزار يفكر ب لبنى …و ب لبنى ايفكر … ومداير طريق عالحمام بطنه توجع من هالصدمة
ولبنى قريب اطير ﻻن نزار خطوبته مامزالش عليها هلبا …

{ معقولة لبنى ! ضرسي ؟؟؟ تندروا عليها انتو ؟؟اه شنو تندروا ؟؟ باهي بما انكم تندروا عﻻش ماقلتوليش ! اقلها كنت نسحب نفسي شوية بش معش انعيشها فوهم }

*لبنى … ياريتني ماقتله نزار … ياريتني شديت روحي وماقتﻻش هالكﻻم ياريتني … عليك حشمة وخﻻص …. ﻻزم ناخد صاحبه بالك بش ننساه وفتك من وهم نزار والحب من طرف واحد … يكفيني اوهام ولله تعبت اتعبت

{بس انا قلبي رايد واحدة تانية يالبنى …. احسن شي بما انها موافقة حنكلم رامي ايجي يخطب غدوة العشية … وانا نخطب بعد غدوة … بالك تفرح ب رامي … واتنحيني من بالها }

وفات الليل بطوله وهما الزوز يفكروا ببعض هيا متحشمة منه وهوا حاس ب انها سبب تعاستها

تاني يوم الصبح … ناض نزار بكري ولبس وطلع من الحوش …
ساعة 10 صباحا
نزار : ايوه رامي … انت وين
رامي : انا ف الحوش
نزار : اسمع كلمت امي وقالت تفضلوا اليوم العشية
رامي : بجديات ؟؟؟
نزار : ايه …
رامي : باهي تمام …
نزار : وماتجيش للمكتب اليوم هههه خوده راحة
رامي : ان شاء **** … توصي بشي
نزار : سﻻمتك سﻻمات

{قريب ياضرسي اكيد حتفرحي ب رامي اكيد …خلي نتصل ب امي نقولها }
نزار : اها يمى …صباح الخير … ايه صح طلعت بكري … ﻻﻻ غير عندي شوي عمل … شن بنقولك العويلة اليوم بيجوكم بش يخطبوا لبنى
خ رقية : اللطف بش ع اساس اليوم بنمشوا نخطبولك
نزار : ﻻﻻ انا خليني غدوة ..
خ رقية : باهي جيب معاك شوي حلوات وعصير
نزار : ان شاء ****
خ رقية : وجيب باكو شاهي
نزار : ان شاء **** به …
وشن تاني
خ رقية : ﻻﻻ خﻻص هوا هدا
نزار : ان شاء **** سﻻمات …

{وتوا نتصل بحاتم ونقوله غدوة بنجيكم }
نزار : ايوه صباح الخير
حاتم : صباح النور
نزار : شن اﻻخبار
حاتم : تمام معدلة
نزار : اسمع يافار … قول لعيت عمك غدوة جايين ان شاء ****
حاتم : بكري بكري !
نزار : ايه بكري بكري
حاتم : باهي اوكي
نزار : هي سﻻمات عندي انتظار ..
حاتم : سﻻم

نزار : ايوه السﻻم عليكم … ايه اهو جاي … ايه معاي المبلغ تام … ان شاء **** مسافة الطريق بس ونكون عندك …
* مشي نزار لسمسار وتﻻقى مع صاحب الدوبلكس وشراه منه وانكتب الحوش بأسم نزار وسلمه المبلغ واستلم نيزو المفتاح … ومشي للمكتب … خطط وسالم نفد مهمة ورجعله ثمم سكر المكتب ومشي للمحل خدي ل لبنى فستان عادي طويل وخسر…. وخطم على حلويات النحلة خدي اصناف حلويات والسوبر ماركت خدي الحاجات الناقصة وروح للحوش … كانوا مروة وصفاء ايضموا ويسيقوا ولبنى مش باينة … كيف بينادي عليها كعادته ياضرسي … اﻻ انه سكت … وقال ل مروة : مروة … هاك الشكارة هادي اعطيها ل لبنى …
مروة : باه … نحطلك غدي
نزار : ﻻﻻ طالع … اهو الحجات فوق الطاولة يامروة كان نقصت عليكم حاحة كلميني
مروة : اوكي به

{فرحانلها وفي نفس الوقت انحس ف روحي مغموم … ﻻﻻ اكيدة شعور بذنب اتجاه لبنى ﻻني مانبادلش فيها الشعور }

صفاء : نوضي يالبنى خودي دوش و واستشوري شعرك … نزار مش حيفيدك بشي
لبنى : عارفة مش حيفيدني بشي نزار ايحب واللي يحبها عامياته

خشت عليهم مروة وقالت : لبنى نزار جابلك الشكارة اهياه
صفاء : شن فوسطها
مروة : تره …. اه قفطان حلو شوفي
لبنى : مانبيشي
صفاء : نوضي بالكي نوضي خﻻص اعترفتيله بمشاعرك واﻻه خﻻص المهم حاولتي نوضي شوفي امورك العصر قريب يأذن
مروة : هيا نوضي خلي احنا نكملوا ضمان ونوتوا الحلو …

غادة : توا قتلي امي ان غدوة بتجوا نزار : ايه … حقا خديت الدوبلكس
غادة : واااوووو الف الف الف مبروك علينا ياعمري ان شاء **** نسكنوا فيه طول العمر
نزار : ان شاء ****
غادة : بس خيرك هكي نبرة صوتك وكانك مش فرحان واﻻ صايرتلك حاجة
نزار : مش عارف انحس في روحي مغموم ومضايق …
غادة : عﻻش …
نزار : ﻻ شي .. هكي وخﻻص .. تو نكلمك بعدين
غادة : اوكي …رد بالك ع روحك ..سﻻم
نزار : سﻻم …

مضت الساعات … وجت ساعة 5 ولبنى كيف فكرت اتنوض تاخد دوش …دوشت وهيا تبكي سرحت شعرها وهيا تبكي ولبست الفستان اللي جابهولها نزار وهيا تبكي

صفاء : ياحمارة امسحي دموعك وديري كحل فمعاميك
لبنى : باهي ياصفاء باهي
مروة : الحوش يشرين
خ رقية : زودوا اقتحوا واحدة منكم وانتي يالبنة بطلي بكي اللي مش ليك عمرك ماحتاخديه مدام المولى مش كاتبه ليك
* انصعقت لبنى لهلكلمات ومسحت وجها … وطلعت مروة من الداؤ ومشت تفتح في الباب ومشت وراها خ رقية …. استقبلوهم جت ام رامي واخته وخالته هدرزوا وضيفوهم وطلعت عليهم لبنى وام رامي قريب طارت بيها و عجبتها … ولبنى مقعمزة وتحاول تبتسم برغم خانقتها العبرة ….
خ سعاد ام : و**** رامي يشكر في نزار هلبا وقالي قداش ليا نبيها هالبنت … ياريت تحددي موعد الفضانية و**** مستعجلين
خ رقية : ان شاء **** خير
خ سعاد : حكالي رامي انها عايشة عندكم و متعلقة بيكم اكثر من بوها
خ رقية : ايه … امها كانت عايشة معاي واتوفت قبل عامين
خ سعاد : **** يرحمها ويغفرلها
خ رقية : اتعيشي وتترحمي ..

* هدرزوا وتمت الهدرزة وروحوا عيلة رامي …. تم هاليوم عادي عالكل اﻻ نزار و لبنى
ف الليل ساعة 2
{عﻻش مخنوق انا ومضايق… ضرسي اكيد مبسوطة بجية عيلة رامي المفروض نفرح حتى انا … واﻻ انا حاس بذنب ؟؟؟ اكيد ﻻن صديتها ….*** ايسهلك يالبنى ويسعدك حتتنحى هالغمة بعد خطوبتي من غدوشي حبيبي }

ثاني يوم … العشية مشت ام نزار واخته صفاء وخطبوا غادة … وكان الموضوع شبه شكليات ﻻن بوها موافق… روحوا عيلة نزار …
ونزار قاعد حاس بروحه مش تمام …
بعتتله مسج غادة >> الف الف مبروك علينا ياروحي
في نفس الوقت جاه مسج من لبنى لبنى > مبروك عليك … تتهنى ان شاء ****
فكتب بمسج >> **** يبارك فيك
كتب كلمة ضرسي ومسحها وكتبها ومسحها وكتبها ومسحها
{و**** اﻻ مانكتبها ضرسي تبي واﻻ ماتبيش ضرررسي }…
* وماردتش عليه لبنى …
وبدت تتحاشى تقابله في الحوش وهوا مايروحش للحوش اﻻ ف ليل

بعد اسبوع بتحديد كانت فضانية وبيان لبنى في العشية … روح نزار ب لبنى من المزينة هيا ومروة … وحطهم ف الحوش … وخش للحمام …
لبنى قعمزت عالكنبة ونحت الوشاح والعباية وﻻبسة فستان زهري جميل جدا … طلع نزار من الحمام ووقف قعد يشوفلها … قامت راسها لبنى وشافت نزار …
سرحت لبنى وسرح فيها نزار … وادكر يوم الرقصة وكل شي … نزل راسه وطلع من الحوش …

ومع المغرب جوا عيلة رامي وجي بوها وبش بيتفقوا وتمت الفضانية روحوا الرجالة وخش رامي بش يلبسها دبلتها … ونزار واقف قدام الباب … جبهته تتعرق ويتفكر في لبنى وكل مواقفها معاه …

نزار : انعم غادة
غادة : وينك حبيبي
نزار : بعدين لبنى قصدي غادة
غادة : لبنى لبنى
نزار : ماهو فضانيتها اليوم هي سﻻمات
غادة : و**** مستاحشاتك خليك هدرز انت نعش ادور فيا من نهار تقدمتلي
نزار : تو نهدرزوا غدوش سلام توا
غادة : انت معادش مهتم بيا نزار ..
نزار : غير فوتي هاليومين وتو نهتم بيك حاضر .. سلام
غادة : سلام

{ان شاء **** اتكون فرحانة لبنى مش مهم انا لو مغموم وشعور ذنب ﻻحقني المهم لبنى تكون فرحانة وسعيدة }

لبنى تفكر في خﻻل ما رامي مقعمز جنبها ويشرب فيها العصير >> سامحني يارامي و**** تمنيتك نزار … بصدق قلبي قاعد معاه خايفة نضلمك معاي وانت ولد ماتتعيبش

{اه ياهمي انقلب بيا الحال من لما قتلي بشعورها امتى يتنحى الشعور بذنب امتى اكيدة لما تتعرس اكيد }

مكرم ~ تعالي ياحمارة تعالي نستنى فيك في السطح … اتعالي واﻻ نقول للقرد متاعك
غادة ~ مانيش جاية
مكرم ~ به اهو بنتصل بيه هي .. تو انوريك النجوم ف عز الظهر
غادة ~ ياسر يامكرم
مكرم ~ به تعالي *** نهدرز عليك غادة ~ به شوية نشوف حاتم كان قاعد واﻻ ﻻ
مكرم ~ حاتم مهناش اتعالي هيا
* كدبت غادة ع امها ع اساس مرت عمها تبيها وركبتله ف السطح *
غادة : شن تبي هي
مكرم : تعالي سنفورة تعالي … شوفي القمر كامل اليوم وبحداه نجوم صغيرونات … تعالي قعمزي
غادة : به شن *** ف القمر
مكرم : مايدكر فيك بشي القمر ..
غادة : ﻻ
مكرم : انا يدكر فيا بيك …
*قعمزت لبنى بعيد عليه شوي … لكنه شدها من يدها وقالها : صار نزار خير مني
غادة : انا نبيه وفضانيتي وبياني بعد تﻻتة ايام
مكرم : به به …
* نفخ مكرم في وذن غادة بنفخات بسيطة وهمسلها انحبك وحنقعد انحبك … وعارفك انتي عنيدة وتكابري …
* قاللها كﻻم رومنسي خارج النص .. وغادة كم يوم ماسمعتش كلمة حلوة من نزار فشدت روحها شدت وبعدها ودابت مع مكرم رومنسيات على ضوء القمر ….
واﻻخ نزار ياغافل ليك ****

بعد ماروحوا عيلة رامي وبارك نزار لرامي… وقعد مقعمز بروحه قدام الحوش لساعة 12:30
… فخش للحوش … وتقابل مع لبنى في الممر وقفت لما شفاته ووقف ويشوف ف عيونها … نزلت دمعة من عين اليمين ل لبنى …
نزار : الف مبروك ضرسي
لبنى : انا ضرس رامي توا مش ضرسك وعموما **** يبارك فيك … وعقبالك

* ابتسمتله وعلى خدها دمعة … تقدم ومد يده بيمسحلها دمعتها كالعادة بس ماقدرش لبنى مخطوبة ! سكر قبضة ايده ونزلها … غمضت عيونها لبنى لثواني وقتله : حبني او حب غيري صرت بعمري خيال قانعة واعرف مصيري مالي بقلبك مجال .
* كدابة طبعا *
رد عليها نزار : انت كالبيت الكبير اللي ضللني بوروده …صعب ابعد عن حدوووده ….
ومشي كل منهم ف عكس اتجاه اﻻخر …

يتبع………..

الجزء الثامن والعشرون من رواية عاصفة الصمت​

ابتسمتله لبنى وعلى خدها دمعة … تقدم ومد يده بيمسحلها دمعتها كالعادة بس ماقدرش لبنى مخطوبة ! سكر قبضة ايده ونزلها … غمضت عيونها لبنى لثواني وقتله : حبني او حب غيري صرت بعمري خيال قانعة واعرف مصيري مالي بقلبك مجال..
* كدابة طبعا *
رد عليها نزار : انت كالبيت الكبير اللي ضللني بوروده …صعب ابعد عن حدوووده ….
ومشي كل منهم ف عكس اتجاه اﻻخر …
وقفت لبنى وتلفتتله … لقاها مكملة طريقها … فمشي ع حاله ف نفس اللحظة تلفتت لبنى ولقت نزار خش داره …

اليوم بياني بش المفروض فرحانة ..لكن لا مش فرحانة … شن دنبك يارامي شن دنبك … حنحاول نحبه حننسى نزار …

نزار : ها غادة شن اخبارك …
غادة : الحمد*** حبيبي
نزار : شن مدايرة
غادة : كويسة
نزار : استحشتك هلبا
غادة : حتى انا هلباااا هلبات نستنى غير امتى يجي يوم بيانا
نزار : هانت مزال تﻻتة ايام … شنو نعطيك فلوس تاخدي الحاجة بروحك واﻻ ناخدلك انا
غادة : ﻻﻻ خودلي انت ع دوقك ياروحي
نزار : ان شاء **** به …
غادة : كيف كان بيان بنت خالتك
نزار : باهي كويس …
غادة : طلعتها تاخد واﻻ انت خديتلها ع دوقك
نزار : كله ع دوقي من اليبرا لصاروخ
غادة : باهي كويس *** ايهنيها ان شاء ****
نزار : ان شاء **** سنفورتي …
بعد فضانية ان شاء **** حنمشي نأتت الحوش …
غادة : ان شاء **** **** يﻻ حبيبي توا انحس ف روحي نعسانة
نزار : اوكي بيبي ليلتك سعيدة …
سﻻم
نزار : سﻻمات …


على تاني يوم … في الصبح ساعة 11
خ رقية : نزار هي امتى بتمشي تاخد حاجة البيان
نزار : باهي مع العشية ان شاء ****
خ رقية : به طلع معاك لبنى وصفاء ومروة خلي اتوتي روحها بالك عيلة خطيبها يقولوا العرس قريب
نزار : خليها بعد الفضانية وتلبيسة ومنه انا نشري اﻻتات ومنه هيا تاخدة حجاتها…
خ رقية : ان شاء **** به

لبنى : الو اهلين رامي
رامي : اهلين بيك لبنى شن اخبارك
لبنى : الحمد*** كويسة
رامي : ان شاء **** دوم …
لبنى : رامي انا مش فاضية توا .. تو نهدرزوا ف وقت تاني
رامي : تمام خودي
راحتك … سﻻم
لبنى : سﻻم

مروة : خيرك اتوزعي في الولد
لبنى : ماعنديش خلوق نهدرز الحق

مروة : مسكين رامي … مابعده منك
لبنى : باهي يامروة شوية شوية وان شاء **** خير .. تو نبدى انحبه


بإختصار شديد فاتت هالتﻻتة ايام .. طبعا نزار خدي كل شي ورفعهم لمحل زينة غلف السوابيت وخدالها مونة وماقصر في شي …
في يوم الفضانية لبس نزار بدلة ازرق كحلي روعة … وقف ع مراية الممر يواسي ف قرواطته .. خطمت لبنى من جنبه وقتله : غير بشوية عليك وانت اتعاند …
نزار : عفلقتني من بكري نحاول نزبطها اليوم بدات مابتش تزبط
لبنى : اكيد ﻻنك متوتر … هات نواسيهالك
نزار : به بالك تزبط معاك …
مدت يديها لبنى … وكانت لبسة قطعة بلوزة شيفون ببضاء … وتحتها كنتيرا حمراء تبرز مفاتنها .. وباخة برفان جايبهولها رامي هدية .
{مفروض مانخليهاش اتقرب مني هكي … بس يﻻ خليها ماعتقدش عندها مشاعر اتجاهي بعد خطوبتها }
لبنى تفكر>>محﻻك يانزار … تخيلتك عندك عرس واحد من صحابك وانا نواسيلك في قرواطتك …
* واستله قرواطته ونزلتله رقبة السورية وسرحت في عيونه للحظات … وقتله : انا مااعلن عنادي ﻻ وابدي الصدق ﻻ بس صار اﻻمر عادي وغيبتك ماهي مشكلة…نزار : القوي ماتهزه ريح… ومايصح اﻻ الصحيح …
لبنى : قلت ابعد واستريح
نزار : ومايصح اﻻ الصحيح ..
لبنى : *** يسعدك نزار
نزار : وبسعدك ياضرسي … وعد مني لنديرلك احﻻ عرس يحكوا بيه الدنيا كلها
لبنى : ووعد مني لنرقصلك في عرسك ونقيم نجمتك قيمان
نزار : *** يحفظك …حتمشي معانا
لبنى : ويحفظك … لو مامشيتش لبيان خوي الوحيد لمن بنمشي
نزار : سلمها وخيتي ….

صفاء : لبناااااااااا زودي رامي يتصل بيك …
تلفت نزار … للمراية زعميته يواسي ف شعره … ولبنى مشت للدار.


اتفقوا عيلة نزار مع عيلة غادة وفض فيها واتفقوا على العرس بداية شهر 12 ودارو وبدي بيان نزار …. نادوه وخش بش ايلبس الدبلة ومن اول ماخش جت عينه ع لبنى ..
{سبحان **** اول شخص جت عيني عليه هي ضرسي …. }
قعمز نزار جنب غادة وهوا مبتسم كانت غادة لابسة قفطان عسلي حلو اللي خداه نزار … ومسكلها يدها و لبسها دبلتها ولبنى بتبكي دم تمنت لو انها مكان غادة …
لبساته غادة دبلته وعيلتها زغرتوا … ﻻ اراديا وقفت لبنى وماعرفتش عﻻش وقفت وحست نفسها غبية فكلمت حنين وقتلها وين الحمام .. دلتها حنين على مكان الحمام وخشت لبنى تبكي ومقهورة ..
تم البيان وروح نوار بعيلته وكل مايخطموا من جنب بالو ضي يشوف للمراية ويلقى لبنى حزينة وقعدت هكي طول الطريق
ووقت وصلوا الكل يهدرز ويضحك اﻻ لبنى خشت طول لدارها
كانت مضايقة فابدلت وطلعت للبلكونة وقعمزت تشم ف هواء …
{واجعتني لبنى حتى بعد انخطبت لرامي مازلت انﻻحظ في الحزن ع عيونها ….اخ وخﻻص حنعرسها وكان سخر المولى عرسي بعد شهر ونص … ان شاء **** *** ايكمل ع خير …
وصل مسج لنزار
من الكوالي – تم المراد ياديناري وهاني رديتلك المعروف اللي درتهولي من زمان …عيش طير فيافي ياغالي ….
{شن قصده ! بالكﻻم هدا قصده قتل بلقاسم الحبيب ؟؟؟؟ ﻻﻻ معقولة ؟؟؟ هههه جو كان هدا }

مكرم ~ كنت نحسابك حتبطلي منه الموضوع …
غادة ~ ﻻ عﻻش انبطل منه انا نحبه نزار
مكرم ~ به ابعتيلي صور بيانك كيف طلعتي خاطري نشوفك
غادة ~ برا العب بعيد … تصبح ع خير
مكرم ~ به تعالي لسطح نهدرزوا
غادة ~ مانبيش وحتى النيم بز بنسكره معش بنفتح بكل بااااي …
مكرم ~ اسمعي خطيبك فيه اﻻيدز …
غادة ~ فيه عينك مش غير فيه اﻻيدز
مكرم ~ قصدك مش مصدقة
غادة ~ ايه مش مصدقة
مكرم ~ به غدوة تو نجيبلك ورقة انه مريض باﻻيدز وتو تشوفي ﻻزم نتبتلك ..
غادة ~ هههه العب غيرها اكرم
مكرم ~ غير اصبري ان غدا لناظره قريب مع القايلة تلقيه تقرير مرضه قداااامك


رامي…ﻻزم نتصل بنزار ونقوله على هالخبر القنين …

نزار : ايوه نعم
رامي : احنا فري دوم
نزار : كيف صار
رامي : تم الموضوع انا هكي جاني الخبر
نزار : قصدك خﻻص رسمي
رامي : ايه ايه
نزار : به نوص نوض وجهك للمكتب لم كل شي فيه الوتايق وماتخليش وﻻ ورقة حتى طرف صغير وافتح الخزنة وطلع الفلوس وخودهم عندك للحوش غدوة ان شاء **** ناخدهم منك ..
رامي : اوكي هي
نزار : اسمع امسح الخزنة والمكتب ماتخليش بصمات نهائي…
رامي : تم تم …سﻻمات …

{زغرطوووو واخيرا بنعيش حررر بدون قيود واخيرا … خلي نتصل ب القيافة }

القيافة : ايوه نعم
نزار : مرحبتين مرحبا
القيافة : ياودي عاش من سمع هالصوت
نزار : تعيش وتسمع ياغالي
شن بنقولك
صﻻح : نعم…
نزار : عمك الحاج كش ملك
صﻻح : ﻻﻻ تتسهوك
نزار : و**** بجديات واكيدة تو تسمع من هون ومن هون
صﻻح : كويس فصالحك الشي هدا . مر عليا نهدرزو
نزار : ان شاء **** وانت طيب … يﻻ نستادنك تو
صﻻح : ادنك معاك …سﻻمات


{بنقفل التلفون بش ﻻ يتصل بيا حد وﻻ يقولي اخدم عندي … خلي نستقل بحياتي …. وحننتقل بعيلتي في الدوبلكس الجديد يسكنوا معاي …ايه لمن بنخليهم امي وخواتي .. ناخد انا الدار الكبيرة بحمامها ونعطيهم باقي الحوش واكيد غدوش مش حتزعل من الموضوع …
امممم به وكان مارضتش … يﻻ كان مارضتش نشري شقة جنب الدبلكس ونسكن فيها انا وغدوش وخﻻص…}
فكر فكر نزار وخداه النوم …

ومن تاني يوم مشي هوا وخواته وامه بش يشروا اتاث الحوش .. وبعت رامي مع العمال وصاحب الطانطا وعطاه مفتاح السكن الجديد … وكمل طريقه هوا وعيلته بش لبنى تاخد حجاتها … لما يخشوا محﻻت نسائية يقعد نزار برا المحل يستنى فيهم …وبصدفة لبنى قامت قطعة روب قصير جدا بلون الاحمر الفاقع … في نفس اللحظة تلفت نزار بصدفة وشافها اتقلب في الروب اﻻحمر … فدكر يوم كانت ماشية لعرس بنت حليمة وكانت لابسة فستان احمر وقريب طاحت فهوا شدها …. قامت رلسها لبنى بصدفة وشافتلها التقت العينان … هز راسه حلو
لبنى قامت حواجبها بمعنى .. ماطلبتش رايك
نزار هز كتافه بمعنى ع راحتك ..
واشرلها بعﻻمة صح يعني قنين ..
هزت راسها باهي امشي من اهنا
ابتسم نزار وابتسمتله لبنى وحول نيزو من جنب المحل ..

في محل ثاني تبع فساتين اﻻفراح و بدﻻت المناسبات خش معاهم ع اساس بياخد حاجة لغادة …
لبنى : خود هادي … غادة ضعيفونة والبدلة هادي نوع منفوخ حتطلع عليها … بلون الفوشي قنين
نزار : تمام وانتي خودي هادي بلون تركواز …
لبنى : مششش حلوة
نزار : ذوقي توا معش يعجب يعني
لبنى : هههه ايه معش يعجب
نزار : به نقي بروحك هي
لبنى : اهو بنقي …
* حطوا ايدهم الزوز على نفس البدلة بصدفة *
نزار : ئه شايف ذوقك ولى من ذوقي
لبنى : حطيت ايدي قبلك
نزار : هههه انتي عارفة ان ايدك جت بعدي
لبنى : به حول انا بناخدها
نزار : حولي عجبتني بناخدها لغادة
لبنى : ﻻ بناخدها انا …رامي ايحب اللون هدا
نزار : ﻻ غادة اتحب اللون هدا
لبنى : غادة ضعيفة هادي مقاسها 42 وغادة تلبس 40
نزار : عادي انقصهالها في الخياط
لبنى : نزار !
نزار : هههههه باهي خوديها خﻻص اكيد حتطلع عليك قنينة ..
لبنى : تسلملي

صفاء : ريتي اتقول متجوزين النهار اﻻحرف روسهم فروس بعض ويتفتفوا ف الحوايج
مروة : فرخة لبنى قاعدة اتحبه حتى بعد انخطبت وهوا خطب مافيش فايدة
صفاء : ههههه اصﻻ مش مدورها هوا
مروة : ايه …
صفاء : ب**** ياناري علينا ﻻ انخطبنا وﻻ نحبوا قعدنا زي القزونات انا وياك
مروة : معش اتزيديني خليني ناسية ….
صفاء : اهو بيخلص نوار
مروة : باهي طيب فيهم

خلصوا وطلعوا
خ رقية : خي كم بتوا ف الدكان اللطف
نزار : ماه اﻻنسة لبنى معش بطلت بتاخد المحل كله
لبنى :هههههه فلست بيه ياناري
نزار : ﻻ عادي مش خسارة فيك
مروة : باه عطيني مصروفي هي
نزار : تو اللي يسمع يقول باخل عليك فحاجة شاوري بس والحاحة اتكون عندك طول …

مكرم يدوي مع نفسه : ههههه بلقاسم اتوفى هههههه احسن هكي نقدر نرد غادة ليا ..لكن كيف بنردها راجل عمتي الزقة مش حيوافق بعد مافضوا فيها …كيف الراي كيف
خلي نمشي للمكتب اكيدة حنلقى ديناري غادي نهدرز معاه ونغافله ونخنب التقرير متعه ونعطيه لغادة

* مشي مكرم كدة يوم للمكتب ويلقى فيه مسكر …ويبي يقول لنزار ان غادة اتحبه قبل لكن سكت وضم فمه … خاف من الديناري … انتقل نزار بعيلته للحوش الجديد غادة وافقت انها تسكن مع عيلته بعد الزواج… ووصل نهاية شهر 11
29/11/2010
وكان نزار منهمك ايوتي لعرسه وحاس ان شئ ما ناقصه …
لبنى اتوتي معاهم وقلبها يبكي .. وطقينا في تاريخ 15/12/2010
قبل عرسه بسبوعين اتوفى عم غادة فعمك مصباح اجل العرس حتى اشعار اخر …. رامي كلم نزار على اساس يبي العرس بداية شهر من السنة الجديدة … اﻻ ان اخته مرضت اطر يسافر بيها …. و بعد مايروح حيستأنف العرس ..
بس رامي عطل برا لين تم شهر 1 ورجع في 10/2/2011 وكانت اخته مزال مريضة فقرر ايأجل العرس لصيف على اﻻقل


في 15/2/2011

بنغازي >> نوضي نوضي يابنغازي طز طز في القدافي …

في يوم 16/2/2011
نزار : ها رامي خش خش باب مفتوح
رامي : سﻻم عليكم
نزار : وعليكم السﻻم شج ياغالي
رامي : **** يسلمك …شن اخبار العويلة ولبنة كيف حالها
نزار : الحمد*** … اسمع سمعت اخبار من هون وهون
رامي : شنووو
نزار : بنغازي ثارت ووقفت ضد النظام زي تونس ومصر
رامي : تتسهوك
نزار : و**** زي مانقولك تو …
رامي : كيف شن دارو وخيرني ماسمعتش
نزار : طلعوا فشوارع يقولو نوضي نوضي يابنغازي طز طز ف القدافي
رامي : وبه شرطة بنغازي شن دارت
نزار : تي حتى الشرطة معاهم
واليوم ايغطي عميرينة ومطلع الشعب مسيرة فساحة الخضراء
رامي : اه نحسابها مسيرة هكي وخﻻص ماحسبتش عالموضوع هدا .
نزار : تي برا كمل نومك برا..
رامي : هههههه ﻻﻻ لكن بجديات مليح كان يتنحى …
نزار : ايه بالك حالنا يتنقرش نحو اﻻحسن
رامي : وانت مع من
نزار : ليا ساعة ندويله ونقوله بالك حالنا يتحسن وهوا ايقولي مع منو اكيدة ضد هالنظام شن وصلني لهمواصيل غير دولته اللي بانيها شبابي كله وانا مرة ف ايد هدا ومرة ف ايد هدا
رامي : اممم حتى انا معاك في هالكﻻم
نزار : كان فيه راس موضوع بنمشي
رامي : وين بتمشي
نزار : قصدي كان صارت حاجة هكي واﻻ هكي
رامي : ياودي يستر **** وخﻻص


غادة : حقا ماما مكرم بيطوع
خ عايشة : ايه قال
غادة : اممم و**** خايفة تنقلب حال البﻻد
خ عايشة : ﻻﻻ ان شاء **** ﻻ … تعرفي كان طرني الموضوع نطلع نطوع حتى انا
غادة : هههههه على اساس توا تعرفي تستخدمي السﻻح
خ عايشة : ايه معلمينا قبل في الثانوي عسكرية…
غادة : احنا في ثانويتنا فيه حصة ثقافة بس
خ عايشة : ﻻﻻ فاتك الجو ايماتنا احلى …

17/2/2011 ثارت الشرق كلها بالكامل وبعض المناطق … وبدي قمع الرئي العام …. فات شهر 2 وجي 3
19/3/2011 تدخل الناتو وقصف رتل طان متوجه لشرق

نزار : مانيش متجوز يا رامي لين
يهدى وضع البﻻد
رامي : و**** طارت النية من كل شي اقسم ب**** …خالي شدوله وﻻده التﻻتة ومش معروف عليهم شي …
نزار : بجديات ؟؟؟
رامي : و**** بجد كله كله على خاطر اتكلموا بس شدوهم طول
نزار : ﻻ حول وﻻ قوة اﻻ ب**** *** ايصبر امهم وبوهم
رامي : اي و**** …
* وبينما هما ايهدرزوا سطرب قدامهم مكرم بتندرا كبيرة ونازل ﻻبس بدلة خضرا وشاد كﻻشن
وحاط نظارات …
مكرم : اوباش انتوا ضد النظام
نزار : جاي تتبلى علينا وار كيف
مكرم : و**** كان نأشر بس ايجو ايطبوكم … انا امر كتيبة توا
نزار : هههههه امر كتيبة باهي برا امشي لجبهات شن جاي شام صنانك
مكرم : معش تغلط و**** انفرغ فيك نزار : مانيش خايف تبي اتفرغ فرغ الرب واحد والعمر واحد
مكرم : به افسخ
نزار : خيرك انت اتنط من موضوع لموضوع زي العيل
مكرم : قلت افسخ انا و البنت معادش ليك كل المواضيع تمت وحنتجوزها تبي واﻻ ماتبيش
* وقفله نزار وتقدم بخطوات للامام ومكرم مصوب الكﻻشن ع نزار وفك التأمينة … تقدم نزار لين لصقة فوهة الكﻻشن ع صدره وقال : غادة خطيبتي ومهما يصير هيا ليا فلو تحساب ان هالكﻻشن مخوفني
فأنت غالط … وكانك فالح وامر كتيبة حق برا لجبهات مش جايني اهنا تفحج عليا بتندرا و بسﻻحك الرجال فجبهات مش ف الشوارع وبين الحياش ….
* كيف مكرم بيضغط الزناد جاه رامي وشدله سﻻحه وقاله : عاد القتل واخد عليه مش جديد عليك هني روحك واحنا مش ضد النظام ريحنا تره
مكرم : به تره قولوا مقولة هادي
……..وليبيا وبس
نزار : وحق *** كان ماتمشيش من اهنا مامظل اﻻ واخد كﻻشنك ونفرغه فيك …
رامي : برا ع حالك ياراجل برا …

* شافلهم عالجنب وقالهم : به به تو انوريكم …
وتلفت عليهم وركب سيارته وقالهم باين عليكم جردان …. تفو عليكم عبيد الناتو تو انوريكم
وسطرب بسيارته وغبر الشارع ومشي
نزار : عفلقني هالغبي
رامي : زعما حق بيتبلى علينا
نزار : اعلى مافي خيله يركبه كان جي حد وشدونا تو نتﻻقوا
رامي : هههه شي ايفدد تو هالكلب جاي يتمرجل علينا كنت نعطي فيه بالكفوف
نزار : كان انت تعطي فيه بلكفوف فانا كان يشتغل تحتي وياخد ف تيروات …. اسمع ماﻻخير فكرة اتلود في راسي الباين بنلتحق بصفوف الثوار
رامي : عارف اصﻻ
نزار : كيف عرفت
رامي : عارفك ماتتحملش تقعد هكي امكتف ف الحوش و هالحمار هدا يتمرجل عليك
نزار : ايه ومن غير هكي وضع البﻻد ايفدد اتحسه مغموم وابصر كيف …
رامي : به وعيلتك انت ولد واحد
نزار : من غدوة حنمشي ناخدلهم مونة اتسد عام تام وكل مستلزماتهم وحندير اتصاﻻتي بلقيافة وحنقوله يعطيني احداتياث واﻻ يربطني ب امر كتيبة لصفوف الثوار فديت خﻻص
رامي : بالك القيافة موالي لنظام
نزار : حتى ولو.. القيافة مايشهدرش بيا حتى كنت عكسه في الراي
رامي : تمام وانا معاك يا نزار
نزار : بتمشي معاي ؟؟
رامي : اكيد اماﻻ شنو …
نزار : خلاص تمينا … حنتصل بالقيافة توا …

يتبع………

الجزء التاسع والعشرون من رواية عاصفة الصمت​

نزار : خلي نخشوا داخل… حتى الحيوط عندهم ودان
رامي : اي صح
* خشوا داخل ف الدار الخارجية وقعمزوا
نزار : ايوه السﻻم عليكم
صﻻح : وعليكم السﻻم
نزار : شن اﻻمور واﻻخبار
صﻻح : تمام **** يبارك فيك
نزار : اسمع انا *** نشري منك بدلة جديدة تقدر اتجيبلي واﻻ ﻻ
صﻻح : بدلة شنو ؟؟ اه ايه ايه ﻻ عادي نقدر نجيبلك … ادلل
نزار : امتى انمر عليك
صﻻح : انا توا مش فاضي قاعد في الفيافي جايب عجانة … لكن نبعتك لواحد يعطيك بدلة جديدة
نزار : به تمام
صﻻح : خﻻص تو نبعتلك النعتة ف رسالة
نزار : اوكي تم
صﻻح : سﻻمات يامان
نزار : سﻻمات

رامي : شنو قالك
نزار : قالي انا مش فاضي قاعد ف الفيافي جايب عجانة
رامي : وقصده قاعد ف البر و في جبهة
نزار : بزبط
رامي : باهي زعما مع منو
نزار : نتوقع مع الثوار
رامي : القيافة ثاير ههههه
نزار : ههههه و**** توقعته مطحلب لكن تبي واﻻه …
رامي : شنو


نزار : احسن شخص قابلته في مجال العفن هههههه
رامي : هههه اياح
نزار : و**** بجديات

مروة : شن اديري
لبنى : اندير في قهوة
مروة : احسبيني معاك
لبنى : هادي لنزار ورامي
مروة : قالك واﻻ من راسك
لبنى : ﻻ من راسي بنخش نقدمها *** انغيض نزار
مروة : مصح وجهك و**** رامي شاب كويس
لبنى : كويس ماقلت شي لكن و**** قلبي قاعد مع نزاااار
مروة : نزار ايحب نزار خاطب نزار بيتجوز وانتي مخطوبة افهمي
لبنى : باهي بﻻش تو نمدهاله من الباب

نزار : اهو بعتلي النعتة …
رامي : وين
نزار : في منطقة كدا … شارع الحوتي
رامي : هي اماﻻ ..
نزار : هي … شوية بس خلي نرط على المكالمة
رامي : اوك خود راحتك…


* بعد نزار شوي ورد ع اﻻتصال
نزار : اه غادة
غادة : شن الجو حبيبي
نزار : تمام ياعيوني …
غادة : اه شن بنقولك …
نزار : قولي
غادة : انا وماما وحنين بنطلعوا للقيادة بيرفعنا بابا
نزار : انطمري في الحوش فاهمة
غادة : ب**** عليك حبيبي
نزار : و**** ماك ماشيتيها كلمة والكﻻم مرة
غادة : باهي خﻻص اهو قاعدة
نزار : بنتصل راه بنسمع دوشة بنغبرها ع راسك
غادة : اوكي نيزو خﻻص مش ماشية
نزار : باهي هيا عندي مشوار توا تو نكلمك
غادة : رد بالك ع روحك سﻻمات

* وقفت لبنى جنب الباب ونادت نزار … نزار
رامي : خشي يالبنى
نزار : قالت نزار ماناداتكش بش تقولها خشي
لبنى : كيف حالك رامي
رامي : الحمد*** ….


رامي يهمس : هوينا ياراجل خلينا نهدرزوا كلمتين …
نزار : مافيش …
لبنى : تعال شوي نزار …
نزار : به
* طلع نزار ومدتله القهوة
نزار : قتلك انا
لبنى : ﻻ بس رامي ايحب القهوة درتها ع خاطره
نزار : ياربي مدايرتله حتى قهوة
لبنى : هههه ايه اماﻻ شنو حتى هوا رامي …
نزار : باه باه وجهك من اهنا
رامي : ضرسي جيبيلي حبة راس راسي مصدع …
* تلفتله نزار بقوة لدرجة القهوة انسكبت في الصفرة وقاله : منين سمعتها الكلمة هادي
رامي : لبنى قتلي عليها …
* تلفت للبنى وقالها : وعﻻش مقايلتهاله
لبنى : حبيت نسمعها منه …
نزار : بري يالبنى من قدامي بري
لبنى : عﻻش خيرك
نزار : بري قلت انا
لبنى : باهي به … خﻻص

* مشت لبنى وخش نزار حط القهوة وقاله نوض
رامي : به خلي نشرب القهوة
نزار : مش ﻻزم نوض مستعجل


* خدي رامي الفنجان وشرب منه رشفتين وحطه وقال : ماه لبنى تزعل مني بعدين وانا مانقدرش على زعلها
نزار : تي باهي خﻻص ﻻزم بتفاصيل

*لبنى مزالت وراء الحيط من برا تسمع وتضحك **
رامي : خﻻص هي كملتها … هي نمشوا …
وقف رامي ولبنى مشتت تجري خشت داخل للحوش
وطلعوا هما الزوز ماشيين للعنوان اللي بعته القيافة …
وفي طريق لقوا عدة بوابات …
لين وصلوا للعنوان
تلاقوا مع صاحب القيافة وسئلوه على كل شي وفهمهم كل شي … وروح نزار هوا و رامي وكل واحد منهم فتح الموضوع لعيلته …
ام نزار دارت حالة قلبت عاليها واطيها وحرجت وتغششت ونزار مصرر يبي يمشي … ومن ثاني يوم طلع نزار ورامي مشوا من سوق لسوق وخدوا كميات كبيرة مونة وكل منهم روح لحوشه وعلى اساس العشية بيطلعوا … بش يسافروا

نزار : يمى خديتلك مونة وسبيزة اتكفي عام تام … وهدا مبلغ دسيه عندك وقت الحاجة اصرفي منه
خ رقية : عﻻش شن فيه
نزار : انا بنسافر يمى …
خ رقية : ووووه يعني قاعد حاطه فبالك هالموضوع
نزار : ايه
خ رقية : مصمم يعني
نزار : ضروري يمى …وحنكلمك اكيد بش نطمن عليك
خ رقية : فكنا ياودي من هالدوة
نزار : ﻻ ضروري نمشي… كان جي حد دورني ديروا روحكم خضر حتى النخاع… جبتلكم اعﻻم خضر علقوهم ف الحوش وكان سئلوك عليا قوليلهم هدا ﻻ ولدي وﻻ نعرفه
خ رقية تبكي : وكيف تبيني نقول هالكﻻم
نزار : معليشي ع سﻻمتكم ضروري اتقولي هكي …
لبنى ومروة وصفاء تﻻتة يبكوا
اضبط نزار خواته…وبيسلم ع لبنى مسحت دموعها مد ايده فظبطاته لبنى وبكت وقتله … رد بالك ع روحك يانزار ..
نزار : ان شاء **** حتى انتي …اسمعي اهو رامي قدام الباب يبي ايسلم عليك …
لبنى : به لحظة انحط وشاح وانجي
نزار : به اوكي …. بسﻻمة يمى
* اضبطها وباسلها راسها *
خ رقية : بسﻻمة ياولدي …
* طلع نزار قدام الباب الرئيسي ووقف … تلفت فشبح لبنى و رامي واقفين قدام الباب … يهدرزوا ولبنى تبكي …
{الظاهر انها حباته … وخايفة عليه … لدرجة شادة يده … اخ وخﻻص *** ايهنيكم ماعندي مانقول خلي نمشي سيارتي ونكلم غادة … بس مانقدرش انقولها اني ماشي اكيدة تلفونات مراقبة …. }


نزار : اهلين غادة …. شن اخبارك
غادة : تمام بخير شن امورك
نزار : كويس بخير
غادة : حبيبي بنقولك حاجة
نزار : قولي
غادة : *** نطلع اليوك العشية
نزار : وين
غادة : حنين وامي بيطلعوا للقيادة بيرفعنا بابا
نزار : ﻻ مافيش مشي
غادة : عﻻش حبيبي اهو بابا معانا
نزار : خليهم يمشوا عيلتك انا مانبيكش تطلعي ونلقاك عافسة برا الحوش ياويلك
غادة : اح باهي به
*نزار بيب ل رامي بيييييييب واشرله هيا سادك هدرزة *

رامي : ردي بالك ع روحك ياروحي
لبنى : حتى انت رد بالك ع روحك
رامي : هي خلي نمشي ولد خالتك قريب ياكلني ههههه سﻻم
لبنى : هههه سﻻمات .

نزار : ردي بالك ع روحك وطلوع ﻻ
غادة : باهي ان شاء **** …
نزار : سﻻم …


خش رامي لسيارة وقال : خيرك اللطف اتبيب
نزار : مصحك قلت بتسلم ماقلتش بتهدرز
رامي : معليشي البنت تبكي ماقدرتش نخليها ونمشي
* اتعفلق نزار ﻻن كل ماكانت لبنى تبكي كان نزار جنبها بس هالمرة تبكي قدام شخص اخر …وواساها شخص اخر… فعفس بنزينة بسرعة عالية
رامي : خيرك تجري
نزار : ﻻ شي ….

* سافروا هما اتنين… ومش واخد معاه شي اﻻ لبسة تانية فقط …. قابلتهم عدة بوابات وهلبا مشاكل ويحل فيها رامي ووصل لمنطقة المحددة واستقبلهم شخص… ووزع ع نزار ورامي كﻻشن وخﻻهم يرتاحوا من صباح اليوم اللي بعده بدي نزار رسمي في الجبهة هوا ورامي … وتﻻقوا مع القيافة … حاربوا وتقدموا … في شهر 4 جت كتيبة لعيلة نزار ومعاهم ظابطة خشتلهم
خ رقية : ماعندي شي في الحوش ظابطة : وين ولدك
خ رقية : ماندريس عليه مسافر قال
ظابطة : ولدك مع اﻻنقﻻب
خ رقية : نهاره حرف ﻻﻻ ولدي مايديرهاش
ظابطة : شن اتكدبي فيا واﻻ شنو
خ رقية : ﻻ مانكدبش فيك هوا قالي مسافر بيقرا لكن كان طالع يحارب خزيه عليه وعلى وجهه
صفاء شدت العلم وطلعت لظابطة وتقول : ياقاييبد تورتناااا ع دربك طوااالي
خ رقية : شفتي بعينك احنا خضررر
مروة : حتى دمنا اخضر
ظابطة : اه باهي كان عﻻفتوا اي معلومات قولونا
خ رقية : اكيدة اماﻻ شنو
* طلعت الظابطة من اهنا وسكرت مروة الباب وقعمزت خ رقية تبكي ع ولدها اللي منقطعة اخباره *

شهر 6 ساعة 8 مساء

غادة : وينك معش اتبان ومعش اتقابل
نزار : عمل ياروحي
غادة : واﻻ ملتحق بثوار ههههه
نزار : ههههه ﻻﻻ شن ثوار هادي
غادة : نبصر عليك حبيبي

نزار : اسمعي عندي انتظار شوية ونكلمك
غادة : اوكي بباي
نزار : باي …. ها ضرسي شن الجو ….
لبنى : تمام … كيف حالك وشن اخبارك
نزار : كويس
لبنى : و**** استحشتك يانزار بنهبل عليك
نزار : حتى انا استحشتكم هلبا
لبنى : نقولك حاجة
نزار : قولي
لبنى : الحوش من غيرك بعععع
نزار : ههههه استاحشت هبالك … اسمعي التغطية بلهون
لبنى : خالتي تبي اتكلمك
نزار : تغطية مانسمعش فيك الو الوو

لبنى : فصل الخط ياخالتي
خ رقية : فشل الخت ياخالتي من بكري اتلوقني عطيتيني نتكلم حتى تشيشة
لبنى : ههههههه سامحيني خالتي تو نحاول تاني

رامي : فمن كنت اتكلم
نزار : ف العويلة
رامي : من بكري انحاول ماشدش الخط
نزار : ههههه كلمتهم وكلمت حتى لبنة
رامي : وخيرها ما كلمتنيش
نزار : شن بدير ب زويلك
رامي : اتسهوك عاد هي
نزار : برا من عليا برا خلي نرقد تعبااااان

مكرم : ياعمتي نزار طالع مع الثوار خ عايشة : اللطف
ع مصباح : ومن امتى الدوة اهياه
مكرم : مانعرفش بالك ليه شهرين **** اعلم ﻻزم تفسخ بنتك منه ﻻزم
ع مصباح : انشوفها شن اتقول قبل
مكرم : تي شن اتشوفها شن اتقول اغصب عليها خﻻص ونردولهم حاجتهم
ع مصباح : غااااادة …. يااااا غادة
غادة : نعم نعم يابوي
ع مصباح : مكرم ايقول ان نزار جرد وقال افسخي منه انتي شن قولك
غادة : اللطف
مكرم : ايه جرد
سكتت غادة شوي وقالت : باهي مالياش عﻻقة شن توجهه السياسي مدامه ولد كويس خﻻص ﻻش نفسخ
مكرم : تي فهميها ياعمتي
خ عايشة : اسمعي يابنت بﻻش تزعبين مدامه جرد خﻻص ماعندنا مانديرو بيه يقتل فوﻻدنا
غادة : مانيس فاسخة يمى خيرك !
مكرم : بتفسخي غصبا ع وجهك
ع مصباح : هيييه ياسر شن تحسابها سايبة او … اتكشخ ع بنتي قدامي
مكرم : مش هكي ياعمي مصباح اشبحها شن اتقول
ع مصباح : مدامها تبي تقعد معاه خﻻص مانبيش نغصبها ع شي …

في يوم ما مش عارفة في اما منطقة بتحديد …
نزار : **** اكبرررر
هيثم : ماشاااااء **** سمح سمح عطيه واحد ثاني يانزار
علي : ع اليمين يانزار عليمين
رامي : ار بي جيي يانزااااار

كيف بيهرب نزار لكن جت جنبه بزبط متفجر وانصاب ونقلوه للمعاينة ….انبترت رجل نزار اليمين … في نفس اليوم في الليل فاق نزار

{قدر **** وماشاء فعل اكيدة *** يعاقب فيا عاللي كنت اندير فيه قبل استغفر **** واتوب اليه…ﻻﻻ مش حنبكي **** غالب هدا *** ماكتب الحمد*** على كل حال الحمد***… }
الدكتور : ها يابطل كيف حالك اليوم
نزار : الحمد*** احسن…
الدكتور : معليشي هدا مكتوب والمكتوب مافيه منه هروب
نزار : الحمد*** على كل حال .. امتى نقدر نطلع من اهنا
الدكتور : ماتقدرش تطلع لين اتجي جماعتك اطلعك لو سمع بيك حد انك ثاير يديرو فيا البهادل
نزار : باهي ممكن تلفون بنتكلم
الدكتور : مافيش تغطية اهنا استنى جماعتك تو ايجوك مع الليل

وفي نص شهر 7 عاند نزار ورجع لجبهة وخدي سيارة 14.5 قعمز فيها ويضرب …
وايضا حتى رامي في سيارة على 14.5 ….ناداه واحد من شباب عجنب فتلفت …
نزار : رااااامي اطلع منهااااا
حاول نزار نزل من سيارة وماشي يعكز لكن صاروخ اسرع منه
تلفت رامي على غفلة و كيف بينزل من 14.5 ضرب الصاروخ السيارة وتفجرت… رامي شبت فيه نار كله ع بعضه و انحرق… وجوه جماعته وغطوه ببطانية وتقلوه للمستشفى وفي نفس اليوم بعتوه برا …

بعد تﻻت ايام .. دار نزار اتصاﻻته فقالوله عايش بس جسمه كله متفحم حرق من الدرجة التانية …

قعد نزار ف جبهات رغم ان رجله مبتورة وتم التقدم لين وصلوا لطرابلس في 22/8/2011
وفي يوم 24 رجع نزار لعيلته ….

خ رقية :وليدي و**** نحساب مش حنشوفك تاني يروروروروروري
مروة : حمدلله ع سﻻمتك
صفاء : طيب ع سﻻمتك ياوخيي
نزار : **** يسلمكم و**** استاحشتكم ..
خ رقية : و**** احنا اكتر
صفاء : اقسم ب**** نقعمز نبكي بروحي من كثر مستحشتك
مروة : استفقدتك و****
نزار : سلمكم …ايييه يادنيا و**** شفت الموت بعيوني نحساب ان خﻻص معش بنشوفكم تاني غير *** كاتب عمر والحمدلله جتني في رجلي …. معش تبكي يمى الحمد*** اهو قاعد قدامك
خ رقية : ياناري قاعد عزري ياولدي قاعد اشبيب
نزار : الحمد*** على كل حال الحمد*** …. شن بنقولكم
خ رقية : قول
نزار : رامي ….
صفاء : خيره
نزار : وهوا فوق 14.5 جاه صاروخ كيف بينزل لكن صاروخ ضرب ف سيارة وتفجرت عليه وانحرق …
خ رقية : اللطف
نزار : و**** زي مانقولك وجعني
صفاء : ﻻ حول وﻻ قوة اﻻ ب****
نزار : اخييه عالدنيا وخﻻص ليبي يحارب في ليبي و**** لين قعدت نبكي
خ رقية : ﻻ حول وﻻ قوة اﻻ ب**** وكيف حاله تو
نزار : قاعد برا يتعالج كلمت امس واحد قاعد معاه غادي قالي كله مربط بالفاشة من فوق لتحت … ويستر **** وخﻻص
خ رقية : عليك عملة شن بنقولوا للبنة
نزار : وينها هيا
خ رقية : راقدة
نزار : اماﻻ خليها راقدة …. تو بعدين نفهمها بشوية يشوية
خ رقية : به خش ارتاح وليدي وارقد تشيشة اكيدة تعبان
نزار : بنموت من تعبي …
خ رقية : نوض اماﻻ اتكى نوض …
نزار : ايه هي
* خش لداره نزار ورقد ونومه كوابيس شوي شوب اينوض يصيح ويولي يرقد لين ادن المغرب وهوا على هالحال …

غادة : باهي اهو تمت الحرب خيره ماكلمنيش
حنين : اتصلي بيه
غادة : رقمه خارج التغطية
حنين : جربي تاني
غادة : به …. اهو شد شد ياحنين
حنبن : ينادي
غادة : ايه …..

يسمع نزار ف تلفون وفاق مخلوع شاف الرقم ورد : اه غادة
غادة : حبيبي و**** قريب نموت عليك
نزار : سﻻمتك كيف حالك
غادة : الحمد*** انت كيف حالك واخبارك طمني عليك
نزار : ﻻ الحمد*** حالي باهي
غادة : شهرين ياروحي وانا انحاول شهرين نستنى غير نسمع اخبارك
نزار : تغطية مافيش ومافضيتش الحق
غادة : باهي انت وين توا
نزار : في الحوش كيف روحت
غادة : طيييب على سﻻمتك ياعمممري الحمد*** ياربي و**** مش مصدقة و**** تعرف برغم اني طحلوبة واﻻه اﻻ اني قاعدة شارياتك ونبيك …حتى جي مكرم يكشخ ويصيح قبل شهرين قالي افسخي قتله ﻻ شي مانفسخ
نزار : مصح وجهه
غادة : بكل لكن بوي وقفله قاله مدامها تبيه خﻻص سكره موضوع
نزار : *** يحفظه عمي مصباح عارفه اصيل …بس بنقولك حاجة ياغادة
غادة : اه قول حبيبي
نزار : اا امم رجلي ايه رجلي اليمين انبترت …
شهقت غادة وقتله : كيف صار
نزار : صاروخ جي جنبي بزبط مالحقتش نهرب
غادة : ﻻ حول وﻻ قوة اﻻ ب**** معليشي حبيبي هدا امر **** …
نزار : الحمد*** على كل حال … بس خايفك تشوفيني مبتور تنخلعي
غادة : من وين بزبط
تنهد نزار وقالها : من فوق الركبة بشبر
* وخنقاته العبرة *
غادة : معليشي ياروحي ماتنكدش روحك … نخليك ترتاح توا وبعدين نهدرزوا …
نزار : ان شاء **** .. سﻻم تو
غادة : سﻻمات …

حنين : خيرك توحوحي شن فيه
غادة : نزار
حنين : خيره مات او
غادة : بعيد السو عليه …
جنين : اماﻻ شنو
غادة : رجله انبترت
حنين : ههههههههه يستاهل
غادة : خيرك هكي مافيش حاجة اضحك
حنين : هههت تخيلتك ماشية معاه ف الشارع يمشي ويتقردح ههههه وايعكز بالعكوز هههه وسرواله فاضي وزيدي عاد كان الجو ريح وعجاج تبدى رجل سرواله زي العلم هههههههههههههه وووك عليا جنابي ههههههه اللهم ﻻ شماتة ههههههه سامحيني لكن تخيلتكم ههههه اي ياجنابي هههه وﻻ وعاد كيف بيسوق السيارة واﻻ كيف بيقيم البونبة وهوا ولد واحد واﻻ واﻻ وهلبا وﻻت ياعليك حالة وخﻻص
غادة بتبكي وقتلها : كملتي
حنين : هههههه ايه خﻻص

فتحت الباب لبنى وخشت ع نزار لقاته مقعمز من اول ماشافها مسح دمعته …
قعمزت جنبه ومسحتله دمعته وباستله راسه وقتله : و**** مافي حاجة في الدنيا اتفرحني قد شوفتك …كل ليلة انوض نصلي ف قيام ليل بش اترد سالم انت ورامي … الحمد*** على سﻻمتك ياغالي . و**** الحوش مايسوى من غيرك وﻻ حيسوى
نزار خداها عنده واضبطها وبكي بكي بكي لين طاب خاطره طبطبت عليه لبنى وقتله : ياريته فيا وﻻ فيك

نزار : معش اتقولي هكي … انا راجل نتحمل لكن استاجعت من هلبا حاجات …شباب زي الورد ماتوا قدامي و**** يالبنى و**** و****

* انهار نزار وشد ف كلمة و****
وتعاطفت معاه لبنى هوا يبكي وهيا تبكي ومضبطين بعض هيا من شوقها ليه وهوا منهارر تماما
لبنى : معليشي ياروحي معليشي قصدي راحو هدا حد عمرهم
نزار : اشبيب شبيب ياضرسي كنت نهدرز انا وياه كان واقف بحدااااي بحداي بحداي اهنا صوت رصاص ونضربوا ونهدرزله ع موقف اتجيه رصاصة فدماغه وانا مازلت نهدرز نتلفت نلقاه طايح سايح فدممممه

لبنى : ياحليلي ياحلييييلي وووك عليا
نزار : كل مانحط راسي بنرقد يجي قدامي كابوس
* تكاته لبنى ع سريره وقعمزت جنبه اطبطب عليه
نزار : تعبان يالبنى تعبان شاد دمعتي قداش ليا
لبنى : سﻻمتك من التعب سﻻمتك …كيف حال رامي
* شد راسه نزار وقالها : سامحيني يالبنى …
لبنى : خيره خيره رامي
نزار : في المانيا رامي
لبنى : عﻻش شن صارله احكي
نزار : اتفجر جنبه صاروخ وعنده حروق في جسمه
لبنى : ووووه عليا ماحس
نزار : سامحيني لبنى و**** ماقدرت نوصله سامحيني
لبنى : به وكيف حاله وشن صارله
نزار : قاعد ف المانيا ان شاء **** *** يشفيه
* حطت راسه لبنى عالسرير جنب نزار وقعدت تبكي …. نزار معش عرف ايحط ايده عليها او ﻻ … بعدين طبطب عليها بحنية ….
لبنى : عﻻش حظي هكي ياربي عﻻش اشمعنى انا بدات و**** وجعتني يانزار ووجعني الولد ياناري
نزار : معش تبكي يالبنى و**** تزيدي فيا…. تزيدي فييييا
لبنى : ياحليلي يانزار انت ورامي و**** هلبا عليا هكي …
نزار : اسمعي ضرسي … رامي حتتحسن حالته ويروح بإذن **** تعالى … انا حنتصل بيه بعدين وحنعطيك تكلميه وتطمني عليه غير امسحي دموعك بس

غادة : ياكلبة عﻻش مقايلة ل امي ع موضوع نزار
حنين : مانحسباش الموضوع سر
غادة : مبردك ياحنين و**** باردة راهو
حنين : تو من جدك انتي مزال بتكملي معاه حياتك ياغبية فوتي النم تو يجيك غيره كان بوك وافق انه يخليك معاه فمش حيوافق انك تتجوزي نزار ومبتور اصﻻ حتى واعر تعيشي معاه … فكري فيها
غادة : ماعندي مانفكر
حنين : غير اسكتي وفكري في كل العواقب فكري بعقلك مش بقلبك فكري …
* سكتت غادة وتفكر وتفكر وتفكر وطال سكوتها وقالت : و**** تعرفي حسه كﻻمك صح

يتبع………

الجزء الثلاثون من رواية عاصفة الصمت​

حنين : غير اسكتي وفكري في كل العواقب فكري بعقلك مش بقلبك فكري …
* سكتت غادة وتفكر وتفكر وتفكر وطال سكوتها وقالت : و**** تعرفي حسه كﻻمك صح
حنين : 100% صح اماﻻ شنو
غادة : لكن انحبه
حنين : تحبيه لكن من قال بتعيشي سعيدة معاه انتي بنت واحدة ومدللة وطول عمرك بنت عز تبي من ايدلعك مش ايزيد يرهنك
غادة : صح
حنين : تي صح الصح زيدي فكري زيدي بش معش تقولي كله من حنين

* واسى روحه نزار وقعمز وقالها : ضرسي خﻻص عاد … تو يولي حاله باهي ان شاء ****
لبنى : ان شاء **** ****

* شاف لرجله نزار واتكدر خاطره وبان ع مﻻمح وجهه …فشفاته
لبنى وقتله : انا عكوزك نزار كان *** قدرني نشيلك شيلان في عيوني لين انزفك لعروستك وبعدين هيا تتكفل باﻻهتمام بيك

نزار : *** يحفظك ياضرسي
لبنى : مازلت اتقولي ضرسي
نزار : ﻻزلت وﻻ ازال ولبن انموت حنقولها
لبنى : به شن سبب ف تسمية هادي
نزار : تبي تعرفي
لبنى : اكيد
نزار : مش حنقول هدا سر بيني وبين نفسي ياضرسي ههههه
لبنى : ياحليلي وخﻻص تبي واﻻ ماتبيش استحشتك
نزار : هههه فكيني من كﻻمك المعسول … نوضي نوضي بالكي بنمشي ناخد دوش انحس ف روحي خااااااامرررر حشاك ليا فترة مادوشتش زيدي عليها لحيتي مغفغفة
لبنى : افيييي
نزار : هههههه ياسر ياشفشة
لبنى : هههه وانا نقول عﻻش عيوني بدوا يوجعوا وهوا منك هههههههه
نزار : هههه معش تلبسيني خﻻص اهو بنوض …
* بيوقف نزار لكن رجله فجابتله لبنى عكوزه وقتله : اسمع انا عندي برنوص (روب حمام) جديد حنعطيهولك تلبسه ووقت تطلع من الحمام بدل اهنا ف دارك
نزار : عينك ماناقص غير نابس لبس نسائي
لبنى : نسائي ودنك … رجالي هدا
نزار : معناها واخدتيه لرامي
لبنى : ايه
نزار : ﻻﻻ مانبيشي … خليهوله مدام مسميتيه ب اسمه …
لبنى : به كيف ماتبي … وبجد بجد فرحانة انك رجعتلي بسﻻمة رجعتنا قصدي
نزار : وانا فرحان ان انا بينكم من جديد … اه شن بنقولك …
لبنى : قول
نزار : تره ضبحيلي ع امي …
لبنى : باه


خ عايشة :عندك واحدة من الزوز ياتفسخي يانتصل انا ب امه ونقولها تعالوا خودوا حاجتكم
غادة : اصبري يمى مازال
خ عايشة : مازال عينك انا مانعطيش بنتي الوحيدة ل اعرج هدا ماناقص شن يقولوا عليا بنتها تجوزت جرد و اعرج
حنين : هههههههه قتلها انا ياخالتي كيف بتعيشي مع اعرج
غادة : باهي يمة
خ عايشة : بري امشي عندك من اهنا لغدوة الصبح كان ماتصرفتيش بنتصرف انا
غادة : به خليه حتى يرتاح شوية
خ عايشة : ﻻ مافيش … عندك لغدوة الصبح اهو قتلك

خ رقية : كيف حال نزار يالبنى …. عارفاتك كنتي عنده
لبنى : ههه حاله باهي بياخد دوش خ رقية : وك عليا ياوخيتي كيف بيدوش … ياريت حتى عنده خو يساعده
صفاء : بري يمى عاونيه
خ رقية : اللطف تحسابيه صغير بش نخش عليه ف الحمام
لبنى : ﻻ مازال ماخداش دوش قالي انضبح عليك قاعد ف الدار
خ رقية : به خلي نمشيله
* تدكير ب اعمار الشخصيات لسنة
2011
نزار 37 عام
صفاء ومروة 29
لبنى 28
رامي 34 *


خ رقية : اه شنو نزار
نزار : ب**** يمى خوديلي كرسي النايلو اللي ف مطبخ وحطيهولي في الحمام غير اتحشمت انقول ل لبنى
خ رقية استاجعت لحال
ولدها وقتلها : اخ وخﻻص ان شاء **** به تو نمشيله

رامي : ياعلي … قولي قداش بنقعد هكي تعبت
علي : معليشي قال الدكتور بالك غدوة يفكلك الرباط
رامي : ان شاء **** …. اعطيني نتكلم بتلفون …
علي : و**** حطه خالد بعيد عليا مانقدرش نتحرك يا رامي
رامي : خاااالد …. ياااخااالد
خالد : نعم نعم…
رامي : ب**** عليك مدلي تلفون بندير اتصال
خالد : ان شاء **** هي … . هاك اه

رامي : ان شاء **** ايشد الخط .. قداش ليا نحاول معاه نزار وشي مايشدش …
خالد : بالك قاعد ف الجبهة
رامي : ان شاء **** عايش ياربي
خالد : ان شاء **** …

{و**** نتجنب اندوش على هالمهزلة هادي تي كيف بنوقف وكيف بنتخطى البانيو الصبر ياربي … تره نجرب …. وووه نهار اسود قريب طحت …احسن شي ندوش برا البانيو وخﻻص المشكلة بنخلي الحمام كله مزرزق اميا … هيا معليشي ان شاء **** يتحملوني خواتي … }


لبنى من وراء الباب … نزار … نزار نقالك ايشرين …
نزار : باهي شوية وطالع
لبنى : رقم من برا
نزار : ردي ردي بالك رامي
لبنى : به ….الو

* سمع رامي صوت لبنى اتحسر وسكر الخط … فماحطتش فبالها انه رامي في نفس الوقت جت رسالة ل نقال نزار …وردت نقال نزار ف داره …

* كمل دوشه نزار ولبس حوايجه وطلع من الحمام وماشي بيقمز بحدى خواته وامه ف وسط الحوش ويسمع ف لبنى
لبنى : ياناري و**** وجعني رامي ياناري
مروة : **** غالب شن بديري هي …
ادكر نزار ورجع لداره واتصل باخر رقم …
نزار : ايوه السﻻم عليكم
خالد : وعليكم السﻻم …مني
نزار : منو خالد ؟؟؟
خالد : اوووو نزااار

رامي : هاته ياخالد
نزار : شن اﻻمور ياخالد كيف حال الشباب
خالد : و**** فخيار الخير ياطيب


رامي : تهاته ياخالد
خالد : اهو معاك رامي يبي يكلمك نزار : هاته هي

رامي : اه نزار … شن اﻻخبار
نزار : و**** عالكيف ليك وحشة ياغالي
رامي : و**** ليك اكثر كيف حال عيلتك
نزار : الحمد***
رامي : ولبنى كيف … كيف حالها
* خنقاته العبرة ف خﻻل هالكلمات *
نزار : باهية بخير … تبي تطمن عليك … كل شوي وتانية تسئل
رامي : قتلها قصدك
نزار : ايه قتلها كيف بندس عليها رامي : مش قادر نكلمها يانزار مش قادر …
نزار : عﻻش
رامي : مانعرفش مش قادر وخﻻص انحس ان مش حتتقبلني هكي …
نزار : ﻻﻻ ماتقولش هكي بنتنا بنت اصل واصول تحسابها بتتخلى عليك بسهولة
رامي بصوت حزن قال : و**** نشهد ب**** …ان …ان مافيش زيها الحق بس مش عارف عندي احساس مش عارف كيف
نزار : غير طمني شن حالك توا
رامي : باهي بس نفسية صفر اقسم ب**** …
نزار : معليشي *** ايكون ف عونك …شن قالك الدكتور
تنهد رامي وقال : الدكتور قال بينحيلي الرباط غدوة وان شاء **** خير
نزار : ان شاء **** …
رامي : … بنسئلك …
نزار : اسئل
رامي : شن حال خطيبتك و و شن ااا شن ااا
نزار : قصدك شن ردة فعلها بعد ماعرفت ان رجلي انبترت واﻻه
رامي : ايه كيف عرفت
نزار : عرفتك بتسئله واطمن اتقبلت اﻻمر وعندها عادي الحمد***
رامي : باهي طمنتني …
نزار : ايه اطمن ومعش اتفكر هكي لبنى حتكون معاك قلبا وقالبا
رامي : باهي ان شاء **** …
نزار : هي رد بالك ع روحك الرصيد يأشر … سﻻمات
رامي : سﻻمات


رامي يفكر … ﻻﻻ مهما كان مبتور مش زي محروق جسمي كله متفحم كيف بناخدها …يﻻ ان شاء **** خير و**** نفسيتي صفر من هالموضوع صفر اخيه عالدنيا وخﻻص … الحمد*** ع كل حال الحمد***

نزار : رامي يسلم عليك يالبنة
لبنى : كلمته
نزار : اي وقال حاله باهي وكويس لبنى : ب**** مادسش عليا
نزار : و**** بجديات هكي قالي
لبنى : باهي الحمد*** …
نزار : جعان يامروة …
خ رقية : نوضي فيسع حطي لخوك لقمة ياكلها
مروة : هي دقايق بس

حنين : خيرك امبلمة
غادة : بنكتب مسج لنزار
حنين : شنو اقتنعتي
غادة : بشنو
حنين : بكﻻمي وكﻻم امك
غادة : انحبه لكن
حنين : لكن شنو
غادة : انحبه لكن الباين مش حنعيش معاه سعيدة
حنين : ابعتيله مسج وافسخي وخودي مكرم
غادة : ﻻ مكرم هارب … وحتى فسخت مش حنتزوج مكرم …
حنين : به ماقتيليش بوك شن قال
غادة : بوي حتى هوا رايه من راي امي
حنين : امك مش موافقة وبوك مش موافق وحنين اتشوف فيها مأساة كان قعدتي معاه …
دمعوا عيون غادة على الشخص اللي حباته وقالت : خلي نكتبله مسج اصﻻ حتى حرام ناخده ومانهتمش بيه واﻻ نقوله كلمة هكي واﻻ هكي بدون قصد وتصير حساسيات و نطلقوا


نزار : و**** زي مانقولكم تو … مقعمزبن تحت الشجرة وفجاة
رماية رصاص فجرت بعضه وقعدنا نجرو واالي اتجي فيه *** يصبره
خ رقية : ﻻ حول ****
صفاء : كمليها يمى … ﻻ حول وﻻ قوة اﻻ ب****
خ رقية : ايه وﻻ قوة اﻻ ب****

حنين : ها شن كتبتي …
غادة : ايه… قاعدة نكتب…. اهو تميت … كتبتله عزيزي نزار انت شاب ماتتعيبش وانا حبيتك بس عيلتي يبوني نفسخ لسبب ممكن اكيد انت حتعرفه … سامحني مكرم تعال خود حاجاتك … وسامحني مرة تانية
حنين : باهي مسج منمق ابعتي
غادة : و**** ماهاين عليا اخخخخ وخﻻص… اهو تم اﻻرسال …

لبنى : و**** حالة هالثورة خدت وﻻدنا
خ رقية : **** غالب… كمل ماكلتك وليدي كمل
نزار : من مطيبه الكسكسي ضرسي
مروة : ايه
نزار : زابطه تطييبك ﻻزم تكتري فلفل ﻻزم
* ف هاللحظة وصل مسج لنزار من غادة *
لبنى : هههههه بش يقعد ناشط ومشطشط
* فتح المسج وقال : هههههه يامشطشط انتي
* وقري المسج من غادة كان مبتسم تلاشت اﻻبتسامة …
شن بيصيييير في نيزوووووكيف بتكون ردة فعله مع نفسيته الشبه مدمرة على خاطر رجله هدا اللي حنعرفوه في الجزء القادم .


يتبع……..

الجزء الحادي والثلاثون من رواية عاصفة الصمت​

نزار : زابطه تطييبك ﻻزم تكتري فلفل ﻻزم
* ف هاللحظة وصل مسج لنزار من غادة *
لبنى : هههههه بش يقعد ناشط ومشطشط
* فتح المسج وقال : هههههه يامشطشط انتي
* وقري المسج من غادة كان مبتسم تﻻشت اﻻبتسامة
وطاح منه الكاشيك اللي كان شاده ف يده اليمين
خ رقية : ئه سمله خيرك نزار
*قلب نزار الصفرة من غيضه وفلق النقال جي طرف طرف ع الحيط
انخلعوا خواته ولبنى حطت يدها ع فمها تحساب رامي صارتله حاجة
خ رقية : شن فيه شن فيه يانزار
* ماردش نزار واصﻻ متعصب وباله مشغول … خدي عكوزه وحاول ينوض … بتسعده صفاء فلت ايده ووقف ومشي يعكز خش لداره وطربق الباب وسكر بالمفتاح وطاح منه عكوزه … ويبرطم بكﻻم مش مفهوم … نقز ووقت قريب يوصل سريره عثر وطاح وخنقاااااته خنق عمتك العبرة …. ودموع باينات ف عيونه ….
نزار : كلبة كللللللللبااااااااااااااااااااااااااا

خ رقية وصفاء ومروة يطقطقوا وينادوا ف نزار يبوه يفتح الباب
…مزق نزار تيشيرت اللي كان ﻻبسه وعض صبعه من الغيض لين انجرح
{اصحيح يبوك ويموتوا عليك بمجرد ماعرفت بنت الكلب باعتني مافاتش حتى ايام او شهور ف نفس اليوم اتفيه عليها }
نزار : اتفييييييييه
* خدي فازة عالكمدينوا ولوحها على النرايا واتكسرت


خ رقية : سلم ولدي غير حل الباب سمله شن جاك
صفاء : افتح يانزار
مروة : ب**** عليك يانزار افتحنا
لبنى : على خاطرنا يانزار

* نزار مايسمعش فيهم راسه ايدخن من الخبر *
{سامحني ياربي سامحني اكيد تعاقب فيا على ايام ضﻻلي ياااا *** فرج **** و**** ماطايق روحي مخنوق }
نزار : بنموووووووووت بنموت

*وقف نزار بعد جهد وطلع من بلكونة داره ويصيح ب
اعلى صوته وبحرقة في قلبه ودمعة على خده : اااااااااااااااااااه

خ رقية : حي عليا ولدي ولدي ووووه
* وساخت طاحت طول وعرض…
قاموها صفاء ومروة ولبنى مشت تجري لبلكونة دار الضيوف كانت جنب بلكونة دار نزار ….
لبنى : يانزار ماديرش ف روحك هكي … خش خﻻص وافتحنا الباب
نزار : خششششي داخل خشي
* خافت لبنى وخشت وسكرت البلكونة
{اقريب انقز من هالبلكونة قريب كيف تبيعني وانا 4 سنين قاعد ع خاطرها ونستنى فيها درت المستحيل بش نخطبها وفي النهاية ترميني لما انبترت رجلي اتفيه عليها و**** كان بنت اصل و**** وحق اسمه ماكانوا يطاوعوها انها تفسخ وعارف مش من اماليها عارف منها هيا}
نزار : احمااااااااااار انا احمااااااار
{حبت فلوسي ماحبتنيش شخصيا صارف عليها قرايتها ولبسها و فطورها وكل حاجة تحتاجها كنت نوفرهالها غير شن تبي}
نزار : ابيوووووووع بنت الكلب


{**** ﻻ يربحك كسرتي بخاطري }

غادة : بس و**** واجعني
حنين : واجعك عينك … تره هدا كله دهب هوا جايبه
غادة : اح ايه
حنين : اوووف اوووف اوووف قريب جابلك محل تام … اسمعي الخاتم هدا عجبني
غادة : ﻻ عيب ﻻزم نردهمله هاتي اهنا
حنين : تي خاتم هوا وين بيزبط انه ناقص
غادة : ﻻﻻ مش خنابة انا … حي الخاتم
حنين : به هاه حطيته ….

لبنى : نوضي ياخالتي نوضي … ماديريش ف روحك هكي
خ رقية : نزار …. نزااار ياكبدي
لبنى : طلعت توا وكلمنه من بلكونة
صفاء و خ رقية : شن قال
لبنى : واحد من صحابه متع الجبهة اتوفى
خ رقية : ياناري
لبنى : ايه ونزار وجعه الشاب.. ماترعشيش روحك ياخالتي تو يهدى نزار غير خلوه بس
صفاء : ع اساس بيفتحنا تو… اهو مخليينه ع راحته

* قعمز نزار ف بلكونة وشاف لسمي والقمر باين … مضوي البلكونة … ودمعته تلمع ع خده بض ء القمر …
* قعد نزار مقعمز على هالحال لساعة 2 في الليل ولبنى مرة مرة اطلع راسها للبلكونة تشوف فيه هل قاعد او ﻻ .
نزار : عنجد السنين اللي ضيعتهم معاك … وكان مبتور شن فيها باعتني …


حارت لبنى وقعدت اتفكر…اكيد نقاله فيه الجواب
ومشت لوسط الحوش ولمت النقال وحطتله بتارية وفتحاته انكسر جهازه والشاشة انقسمت… مداير قفل … اكيدة صفار … تره نجرب … صح اربعة صفار ….
* وخشت عرسايل وقرت مسج غادة وانصدمت ومعش عرفت هل اتقول ل خالتها وخواتها
لبنى : زعما نقولهم ؟؟ لكن انا هكي اطفلت عليه بالك يوريني احسن شي نحاول نكلمه من بلكونة بالك يسمعلي …

{تعبان ياربي تعبان }

لبنى : ئه مهناكش ف البلكونة … خلي نمشي نطقطق عليه من الباب اكيدة خش لداره

*وكيف وصلت لبنى للباب فتح نزار الباب بش بيطلع
لبنى : جيت بش نطمن عليك
نزار : خليني فحالي بري ارقدي امشي …
وفاتها وطلع للحمام …
مشت لبنى لدارها وهيا متوجعة عاللي صار ل نزار … وجاها اتصال من رقم خارجي عرفاته رامي فطلعت لدار الجلسة تتكلم
لبنى : الو
رامي : اهلين لبنى
لبنى : اهلين بيك رامي …طيب فيك اتفكرتتي
رامي : و**** عالبال
لبنى : كيف حالك وشن اخبارك طمني عليك
رامي : باهي كويس… شن مدايرة انتي
لبنى : اهو الحمد***
رامي :و**** ليك وحشة يابنت
لبنى : و **** ليك اكثر يارامي … امبكري كنت نسال ف نزار عليك
رامي : قالك نزار شن صارلي واﻻه
*في هالحظة نزار واصل بجنب دار جلسة عرف لبنى غادي كان بيفضفضلها فسمعها تدوي مع رامي
لبنى : ايه قالي ووجعتني هلبا الحق قعدت غير نبكي
رامي : بس نخاف معش تتقبليني ونخاف …نخاف تسيبيني
لبنى : معش اتقول هكي يارامي اللي صارلك حاجة من عند *** ومكتوبلك هكي … وانت وقت خطبتني وافقت بيك عالحلوة والمرة وطنت معاي عالحلوة ماشاء **** عليك فوقت جت المرة بنسيبك ؟؟؟


* سمع هالكﻻم نزار وعض ع شاربه يبكي…
{ياحليلي عارفك يالبنى بنت اصل يافرحة رامي بيك …. *** ايخليكم لبعض }

شبحت لبنى ظل نزار
فقالت ل رامي : شوية ونكلمك باهي
* سمع نزار هالكلمات فتلفت وماشي لداره *
رامي : اوكي بعد مادكتور ايمر عليا حنكلمك
لبنى : اوكي باي
طلعت من دار جري ولحقت نزار …
لبنى : نزار … نزار
نزار : نعم
لبنى : شفت ظلك وانا مقعمزة ف الدار …بالك تبي حاجة
نزار : ﻻﻻ ملنبي شي …بري ارقدي
لبنى : به خليني نساعدك نوصلك لسريرك
نزار : ﻻﻻ اهو تو نخش بروحي …
لبنى : به اماﻻ انخش قبلك بش نهدرزوا..
نزار : لبنى بري ارقدي و**** اللي فيا كافيني مش ناقص شي ومش طايق شي عليم **** بحالي
تنهدت لبنى وقتله : باهي على راحتك نزار … تصبح ع خير
نزار : تﻻقي الخير ….

خش نزار وحاول يرقد وماقدرش ….


ساعة 8 صباحا بتوقيت المانيا .
الدكتور اﻻلماني يتكلم الماني راهو هههه غير بنترجملكم انا : صباح الخير
رامي : صباح النور …
الدكتور : شنو اتحس فروحك اليوم
رامي : باهي …
الدكتور : اليوم بنحيلك الرباط … واكيد شكلك متغير ماتخليش الشي هدا يأثر على نفسيتك … اوكي
رامي مافهمش هلبا كﻻم اللي فهمه انه بينحيله الفاشة بس فقاله : اوكي
* نحاله الفاشة من على جسمه ووجهه وانصعق عمك رامي في وجهه بدات شخص اخر… الوجه هوا طبعا المفروض منحيها من امتى لكن خالد موصي الدكتور خليهاله شهر على خاطر نفسية رامي فقط ليس اﻻ …
بكي رامي لين قال ياسر جاه خالد عاونه ولبسه حوايجه كان كل شبر في جسمه مكرمش ولون بني غامق المنظر مايسرش بكل ايرعش… يعتبر رامي مكتوبله عمر جديد …اللي فحالته مايعيشش

صبح الصبح في ليبيتنا الحبيبة ونزار مازااااال فايق ومهموم …
ولبنى شي مارقدتش مقعمزة فوسط الحوش اتعس على نزار بالك يدير ف روحه حاجة فجأة فتح الباب زطلع وايعكز بالعكوز و وجهه متعصب وواضح عليه مضايق

لبنى : وين ماشي يانزار … نزار
* بس نزار ماردش عليها وطلع من باب الحوش لحقاته لبنى وفتحت الباب لقاته ايعكز نازل من دروج خشت تجري جابت عباية ووشاح عرفاته ماشي لعيلة غادة …ولبست عبايتها وحطت الوشاح وطلعت جري من الباب … عثر نزار وطاح في اخر اربع درجات
نزار بصوت قهر والم : ااااااااه
جاته تجري لبنى بتساعده وقتله : عﻻش ادير ف روحك هكي
نزار : مقهوووووور مقهووووور
لبنى : اركب معاي يانزار اركب
نزار : و**** اﻻ و**** و**** و**** اﻻ مانوريهم ارخيني …
* فلت ايده نزار من ايد لبنى وتقدم خطوتين وفتح الباب وطلع و لحقاته لبنى
نزار : خشي يالبنى
لبنى : مانيش خاشة يانزار
نزار : خشي ياللبببببنى ماتخلينيش نعلي صوتي ف شارع
* فتح نزار السيارة وفتحت الباب وركبت وقتله : اركب يانزار عارفاتك ماشي لحوش غادة اركب
نزار : ماتهبلينيش كيف عرفتي
لبنى : اه هيا اتصلت بيا تطمن عليك وحكتلي وكانك ابتمشيلهم رجلي ع رجلك مانيش نازلة من سيارة
نزار : استغفر **** العلي العظيم
انزلي يالبنى
لبنى : ورحمت امي ماني ناااازلة وبنمشي معاك رجلب ع رجل
* ركب نزار وهوا يبرطم وولع سيارة وانطلق لحوش غادة *


خ رقية : ان شاء **** حاله باهي اليوم …خلي انشوفه
* خشت لداره ولقاته مش موجود ..
خ رقية حطت يدها على
فمها اتخمم : ئه سمله وين مشي من صباح **** خير …
وخيرها دار البنات محلولة ودنيا مشرتعة …
* طلت ولقت لبنى مهناش …
ومشت شافت الحمام وكل الديار
خ رقية : صفاااااء ياصفااااء نوضي نووووضي
صفاء : نعم يمى نعم
خ رقية : لبنى ونزار مهناكش
صفاء : اللطف كيف
خ رقية : وووك عليا وين مشوا وين عليك عمله شن صار ياربي ف هالليل شن صار
طلعت راسها مروة
من شرشاف وقالت : ماتحطيش فبالك هكي يمى شن بيديروا يعني قداش ليها عايشة معنا ماخطرش اﻻ توا يديروا العيبة !
خ رقية :ياحليلي الولد توا عنده ظرف خاص يبدى غير يبي من ايحن عليه
صفاء : ﻻﻻ شن هالكﻻم ماتوقعتش منك يمى
خ رقية : زودي اتصلي بيها فيسع

لبنى : غير بشوية يانزار استهدى ب****
نزار : باعتني باعتني يالبنى
لبنى : باهي خلينا انروحوا خلي نمشولهم ف العشية توا صبح
نزار : قتلك اقعدي ف الحوش انا واﻻه


صفاء : تلفونها اهنا يمى
خ رقية : خزييييه عليهم خززززيه
مروة : نحي اﻻفكار من راسك راهو الزوز خاطبين

نزار : كان بتقعدي ف سيارة اقعدي
لبنى : ﻻﻻ جاية معاك
* نزلو هما الزوز وسعادته لبنى وطقطقوا على حوش عمك مصباح وفتحلهم حاتم امطيينها حشيش وعيونه حمرررر
حاتم : يامرحب بديناري وامه يامرحب
نزار : حول من قدامي حول
حاتم : غير وين ماشي وين خيرها رجلك طالعة اجازة واﻻ شنو هئهئهئ
* تجاهله نزار وركب هوا ولبنى لحوش عمك مصباح وطقطقوا وفتحتله خ عايشة
خ عايشة : خير ان شاء **** جاي من بكرة الصبح
نزار : السﻻم عليكم قبل كل شي
خ عايشة : وعليكم السﻻم
نزار : معليشي ناديلي غادة
خ : اعتقد انها فسخت منك استنى خلي نجيبلك حاجتك
نزار : ناديهالي !
* فاقت غادة من نومها وسمعت صوت نزار تحساب روحها تتخيل فطلعت لوسط الحوش وجاته *
غادة : شن فيه
نزار : حسبي **** ونعم الوكيل فيك يابيوع يوم اللي كنت بصحتي اتقولي ف كﻻم معسول وعلى اساس تحبيني وقفت معاك ف قرايتك وفي كل شي كنت انا اﻻول حاضر معاك ماعمري نقثت عليك فحاجة حطيتك في عيوني
خ عايشة : هي وي…
نزار : خليني نكملللل …. حطيتك في عيوني ويوم اللي انبترت رجلي مافكرتيش حتى توقفي جنبي لين نطلع من اللي انا فيه … قتلك مع المغرب بعتيلي رسالة مع صﻻة العشي وين …. وين
ووووين الحب
* في اللحظة هادي نزار معش شد روحه فدمعت عينه *
نزار : وين الحب اللي كنت تتكلمي عليه اربعة سنين اربعة سنين عفستي عليا فساعة .
*وخبط يده في الحيط *
خ عايشة خشت تجري بتجيب جابت شكاير حاجات البيان
غادة : انا مش قصدي
لبنى : اللي نعرفه بنت الناس تقعد مع خطيبها عالحلوة والمرة .. وانتي بعتيه من اول ماصارتله حاجة **** كريم ياغادة …وحتشوفي *** شن ايدير فيك
غادة : معليشي هادي رغبت اماليا وجيت فكرت فيها قلت نفسخ خير ماتصير بينا الحاجة القدام ونوصلوا لطﻻق
نزار : و**** ماتتحشمي **** …
لبنى : سبحان **** قبل ماتفسخي كنتي في عينه وتوا طحتي من عينه وبديتي تحت رجله
غادة : شن جاية لحوشي بش تشميني انتي
نزار : كلميها باحترام واصﻻ مفروض ماجيتكش…جيتي عندك غلط فغلط…
غادة : سامحني يانزار صح انحبك لكن مانقدرش نستمر
لبنى : اصﻻ هوا مش جاي يقولك والنبي اقعدي معاي هوا جاي ايقولك ان انتي ماتستاهليشي بس
غادة : ان…
نزار : مانبي نسمع
منك شي خﻻص … افتكيت منك واحدة بيوع …
* بكت غادة وجت امها وقالت : وهادي بضاعتك ويادار مادخلت شر
…
خدت لبنى الشكاير وقالت : سامحيني فكلمتي مفروض حتى بنتك قالت بنفسخ ماطاوعتيهاش لكن كيف انتي هكي مانستغربش بنتك
خ عايشة : و**** جاية بتعلميني الصخ والغلط انتي
نزار : خﻻص لبنى خﻻص …


*تلفتت لبنى وبتنزل من الدروج شبح نزار شبحة تقتل ل غادة
وقالها : ايجيك يوم وتندمي …
ايجيك يوم وتعرفي قدري …
* خششت بنتها خ عيشة وطربقت الباب *
نزار مازال يشوف للباب وسارح … رجعت لبنى وخداته من ايده ونزلت هيا وياه … وخشوا سيارة …

نزار : مغموم يالبنى مغموم
لبنى : معليشي نزار هدي بالك …
* ولع سيارة ومشي للبحر بيشم هواء …

خ رقية : حي عليا يافضيحتي بين العربان
مروة : استهدي ب**** يمة اكيدة طلعوا يشروا حاجة
خ رقية : ماعمرهم دارووووها ماعمرهم قلبي واكلني فيه

نزار : كان بتقعدي اهنا ف سيارة اقعدي … وكان بتنزلي ماتتكلميش بكل
لبنى : به ننزل و مش حنتكلم …
نزار : تمام …
نزلوا هما الزوز ومشوا وقعمزوا عالشط ….
حط يده نزار ع رجله ومتحسر
نزار : بﻻ موجعة فارق عزيز عليا وﻻ لغيبته سابق انذار غياب …

* لبنى ساكتة وتشبح للبحر *
نزار : تعبت و**** تعبت الوقت الوحيد اللي فرحت فيه لما سيبت خدمتي من المكتب وكنت حاسب حنتجوز ونفرح مع البنت اللي حبيتها وكنت حاااااسب انها حبتني بس هيهات الشخص لما بصحته بعكس لما يكون عاجز … انا مش نادم اني شاركت في الثورة بالعكس الحمد*** حتى ولو انبترت رجلي اقلها هالبترة ورتني ناس كانت متخفية وراء قناع … ناس كنت حنقضي معاها عمري وهما مخادعيني على خاطر جيبي … الحمد*** ع كل حال … نستاهل كل اللي يصيرلي … اللي درته قبل مش شوية …
لبنى جاها فضول وسئلاته : عﻻش ..شن درت قبل
نزار : شي ياضرسي… هكي وخﻻص …. تو بش قتلك ماتتكلميش شفشة
لبنى : به اسفة …
نزار : اخ اخ اخ حتفرج ان شاء **** حتفرج … لكن اصدقتي لما قتيلها كنتي في عينه وتوا تحت رجله فعﻻ …اللي ماتوقفش مع خطيبها ف وقت محنته ماتستاهلض ان الشخص يخششها حوشه … لو انها بنت اصل واصول ماكانتش حتخليني هكي مكسور الخاطر ياضرسي … ماكانتش تفكر تجرحني بهده الطريقة … وجعتني ف نص كبدي امها واقفة معاها بدل ماتقولها هدا غلط … وتقولها *** فوق منك ماتدري شن يصير فيك القدام من دعوت الناس ﻻﻻ واقفة معاها وتناصي..
بعد ساعة ونص …
نزار : نوضي نوضي خلي انروحوا نسيت روحي انا هنا …
لبنى : خليك بالك ترتاح اكثر اهنا
نزار : لالا ساد هوا داك

صفاء : جيبي زهر يامروة امك ركبلها ضغط
مروة : هيا هي

خالد : استهدى ب**** يارامي انت شخص مؤمن ب****
وهدا قضاء وقدر …
* خدي مراية رامي وشاف روحه تاني وحدفها ع طول ايده ….

خ رقية : ياكبدي هييييه ياكبدي هيييه العيب ع زايد العقل ولدي اللي نحساااابه عاقل طلع امراهق ياكبدي هييييه
* فتح نزار الحوش وخش وراه لبنى
خ رقية : وين كنت انت وياها وين طالعين من صباح **** خير يلي ماتتحشموش
صفاء : بشوية يمى
نزار : كنت ف مشوار زي قلته ولبنى شدت فيا تبي تمشي معاي
خ رقية : وين كنتوا وين عيب عليكم
نزار : شن عيب عليا شن درت يمى
خ رقية : وين كنت انت وياها وين
نزار : تعبان انا تعبان … بنخش لداري بنرتاح اهو كان ب
تحكيلكم لبنى تحكيلكم…
خ رقية : شن هشكاير يالبنى
* شبح نزار ل لبنى بكل حزن ونزل راسه وكمل طريقه لدار خش وسكر الباب …
خ رقية : اتكلمي يابنت
لبنى : خالتي … خطيبت نزار فسخت منه …
خ رقية : اللطف ولواه
لبنى : على خاطر رجله مبتورة والصياح اللي داره امس على خاطر هالموضوع
خ رقية : هلي ماتتحشمش خزيه عليها وعلى وجها هالفانص
لبنى : والصبح طلع يجري فلحقته اصريت لين رفعني معاه ومشينا لحوشها …
صفاء : كلبة ﻻنها
مروة : يعطيها بترة فمكاسيرها الزوز
لبنى : تعرفوا حتى كﻻمهم واضح مش متحسرين واﻻ متحشمين ﻻﻻ بكل عين بقحة يتكلموا ويناصوا
خ رقية : حسبي **** ونعم الوكيل فيها هيا وامها …. مجربتها قبل وقت خطبت بنتها المرة اﻻولى ولزتني انا واختي …
مروة : ياناري نزار وجعني و****
صفاء : يوجع حق

* ظل نزار مهموم ومضايق ومايطلعش من داره اﻻ لضرورة … اكثر شخص كان يتقبل انه يهدرز عليه هيا لبنى … وكلمتين وقص شبه انه خش فحالة نفسية ورامي احرف منه …. بعد شهر من فسخت نزار رامي روح للبلاد … ومتحاشي انه يتصل ب لبنى …
لين طربق عليه نزار ف الحوش وانصدم بوجه رامي رايح زي شيباني بس نزار مابينﻻش انه مصدوم …
رامي :صار امورك طيبة
نزار : ماشي الحال
رامي : اماﻻ امتى عرسك نزار
{شن بنقولك فسخت بش انت تفقد اﻻمل …ﻻﻻ مش حنقوله اللي فيه كافيه }
نزار : مزال شوي امها مريضة فقلت نزيد ناجل
رامي : اه باهي … شن بنقولك … عارفك انك بتحرج من كﻻمي … بس ﻻزم نقوله
نزار : قول
رامي : انا ….انا *** نفسخ من لبنى

يتبع……….

الجزء الثاني والثلاثون من رواية عاصفة الصمت​

رامي : امتى عرسك نزار
{شن بنقولك فسخت بش انت تفقد اﻻمل …ﻻﻻ مش حنقوله}
نزار : مزال شوي امها مريضة فقلت نزيد ناجل
رامي : اه باهي … شن بنقولك … عارفك انك بتحرج من كﻻمي … بس ﻻزم نقوله
نزار : قول
رامي : انا ….انا *** نفسخ من لبنى
نزار : غير استهدى ب**** ياراجل شن تفسخ هادي
رامي : ايه بنفسخ
نزار : به اعطيني سبل مقنع سن البنت قتلك كﻻم مش كويس ؟؟
رامي : حشاها
نزار : شفت منها عيبة
رامي : نهائي
نزار : مش مهتمة بيك
رامي : بالعكس انا مختفي من حياتها قريب شهر
نزار : تصدق ونؤمن ب**** ماجتش شكتلي وقتلي مايدورش مثﻻ ؟؟ وﻻ سمعتها تدوي عليك بالعاطل مع خواتي
رامي : عارف عارف يانزار البنت ماتتعوضش ومافيهاش مشاكل بكل المشكلة فيا انا … ماعدتش زي قبل راهو …شوفني … شوفني كويس هل رامي هكي كان…. منظري زي الشيباني … شن دنبها البنت اتنوض من النوم تلقاني في وجهها شن دنبها … نخلعها … واﻻ بنمتلوا قصة الجميلة والوحش
* في هالكلمة اكتم نزار ضحكته ع كلمة جميلة والوحش مش قصده يتهزا بس ماتوقعش تخطر فبال رامي حاجة زي هكي *
نزار : عيب عليك البنت تندري بالظرف اللي صارلك وحق **** واسمه ماسمعتش منها كلمة مانبيشي واﻻ *** نفسخ منه …
رامي : مش قادر يانزار
نزار : انا عارف ان حاليا تشعر بشعور ان ااا مثﻻ انا مشوه وبتوقف قدامها وبتتحشم منها وتحس روحك ابصر كيف
رامي : اكيد
نزار : به انت غالط …
رامي : كيف
نزار : غالط لانك قررت ونفدت بروحك تبي اتغيب عليها بدون سابق اندار … انت تبيها اتغني بﻻ موجعة فارق عزيز عليا وﻻ لغيبته سابق اندار غياب … انت تبي اتوجعها وتكسر بخاطرها …
* ادكر روحه نزار لما فسخت منه غادة ويتكلم من هالمنطلق *
نزار : واجهها يا رامي واجها واسئلها وقولها هاني قدامك ترضي بيا يابنت الناس او ﻻ … وخليها تجاوبك … قالت بتفسخ فهداك توافقت ارائكم … قالت بتقعد معاك فهيا مش صغيرة وحتكون متحملة نتيجة اختيارها
رامي : مانبيش نظلمها
نزار : وانا مانبيهاش ايصيرلها زيي !
رامي : عﻻش شن صارلك انت
نزار : ماصار شي … تو نستنى فيك العشية اتجي
رامي : انا مانطلعش من الحوش نزار …
نزار : تو نزوركم العشية انا والعيلة ونجيبها معاي
رامي : لكن
نزار : من غير لكن ﻻزم تتفاهموا مع بعض ياتقنعها ياتقنعك اسلوب اﻻنانية بﻻش منه
رامي : باهي يانزار باهي اللي تشوفه …
نزار : هي نستادنك خلي انروح … اه حتى انا مانطلعش من الحوش الحال من بعضه من شهر فات اول طلعة جيتك اهنا … يعني ماتتحسرش يارامي
رامي : ان شاء **** يانزار بس و**** نفسيتي صفر افهمني يانزا
نزار : افهمني انت يارامي في وضعي انا وياك نحتاجوا مراة اتحن علينا اطبطب علينا اتحس بينا افهم انا مانضغطش عليك ﻻ بالعكس مانبيكش تجرح بنت خالتي مشناه شعور الفسخ بدون تفاهم بدون شرح اﻻسباب انطب عليها انقولها رامي فسخ منك بري دوري تركينة وابكي
(انت ناسي انها اتحبك يانزار ؟؟؟)
رامي : يستر **** تعال بيهم عيلتك العشية وان شاء **** خير …
نزار : ان شاء **** … هي سﻻمات ياطيب
رامي : فمان ****


صفاء : كساد و**** كساد فديت من قعدة الحوش ﻻ خدمة وﻻ راجل هلبا عليا و**** هلبا
مروة : قعدنا غير زي شغاﻻت غدي عشي وخﻻص طقينا 28 وماحد عبرنا …
صفاء : صراحة بنقول لنزار بنشتغل مروة : ايه ياريت حتى انا… لكن زعما يخلينا
صفاء : احنا نحاولو وخﻻص
مروة : لبنى شنو بتكلميه معانا
لبنى : ب**** عﻻش بنتكلم وانا ماعنديش حتى شهادة ههههه خايبة من حتى تانوي ماكملته
مروة : بالك يقبلوك
لبنى : باش بيقبلوني ومن غير هكي من قال رامي بيوافق اني نشتغل
صفاء : اقنعيه
لبنى : تي وينه هوا ﻻ اتصل وﻻ دورني ليه شهر تام
مروة : مرات مشغول
لبنى : ايه مرات **** اعلم
مروة : هكي خير ﻻن كثر مكالمات ادير المشاكل
صفاء : صح ايه
لبنى : يﻻ … وين نزار شفتوه اليوم مروة : ﻻ طلع بكري … اشبح وين مشي
لبنى : باهي اللي طلع من داره ساده نكد على هديكا اللي ماتسواش
صفاء : ب**** مادكرينيش بيها قاعدة انبكبك عليها لتوا
مروة : كان نلقى راجل زي خوي هكي طيب واحنين و**** حتى مقعد راضية بيه المهم يكون حنين عليا
صفاء : ههههه … سمعتوا بالفيس بوك
لبنى : ﻻ
مروة : شن هوا هدا
صفاء : تي اللي يتكلموا عليه ف اﻻخبار ايقولوا نشروا خبر كدة ع صفحة تواصل اﻻجتماعي فيس بوك
مروة : صح صح زعما شن يديروا بيه
لبنى : بالك متع اخبار
صفاء : استنوا خلي نبربش عليه ف النت
مروة : المتصفح ارزين متع النقال بايخ
صفاء : وهوا عندنا غيره اهو نجربوا لبنى : جربي وكان هدا ديريلي حتى انا فيش بوك
مروة : ههههه فيس يالبنى
صفاء : اهو فتح تعالوا شوفوا


نزار : السﻻم عليكم ….شفشات قلنا سﻻم عليكم
التﻻتة : وعليكم السﻻم
نزار : فاش مغطسين دماغتكم شن اديروا ….
صفاء : نجربوا ف الفيس بوك
نزار : هدا متع اﻻخبار
مروة : ايه
نزار : فتحتوه ؟؟
لبنى : ايه لكن ما ماعرفناش نسجلوا يقولنا بريد اكتروني ماعرفناش شن هوا
نزار : هههه باهي كان عرفتوا تفتحوه ديرولي واحد

صفاء : به
* بعد ساعتين من عناد قدروا يفتحوا بريد اكتروني وفيس
صفاء : نزار فتحنا شن تبي اسمك بش نفتحولك واحد
نزار : امممممم ديريه نزار الديناري
صفاء : به
نزار : واﻻ انقولك ديريه
عاصفة الصمت
صفاء : ههههه به ياعاصفة انت
نزار : هههه هيا افتحيه وقليلي …وضبحي ع ضرسي نبيها
صفاء : به


مروة : كل اللي نبيه يالبنى راجل يهتم بيا يحبني يحسسني اني موووجووودة
لبنى : ان شاء **** *** يعطيك
مروة : ان شاء **** ****
صفاء : لبنة يبيك نزار
لبنى : شن يبي
صفاء : **** اعلم
لبنى : باهي تو نمشيله هي …

{انا مش حنغصبها ليها حرية اﻻختيار لو تبيه او تفسخ منه ايه خير وتشوفه وتتنحى عقدة رامي ووقتها اتقرر مش حنغصبها ﻻ تقعد معاه وﻻ تفسخ هادي حياتها الشخصية }

لبنى : ها نزار …
نزار : قعمزي قعمزي نبيك ف موضوع …
لبنى : ان شاء **** خير هههه
نزار : خير خير
لبنى : يﻻ سمعني
نزار : امممم رامي رووح
لبنى : **** ومن امتى
نزار : ليه شهر
لبنى : غريبة ﻻ حس وﻻ خبر
نزار : ماهو يناري شكله متغير ومتحشم منك جاياته عقدة … خايف انك تشوفيه اتصديه واﻻ تجرحيه
لبنى : ياناري و**** واجعني
نزار : يوجع الحق
لبنى : باهي شن قالك
نزار : هكي متعقد من روحه .. وواضح راكباته حالة نفسية لدرجة انه مايطلعش من الحوش
لبنى : اه صارله زيك
نزار : ﻻ احرف …
لبنى : ياحليلي و**** موجوعة عليه يانزار كل مانفكر مجرد التفكير لما شبت فيه النار لحمي ينوض شوك شوك …
نزار : انا قاعد الموقف قدام عيوني


رامي : يمى *** نفسخ
خ سعاد : عير اهفت ياولد خلي انجوزك
رامي : يمى انا مش طايق روحي بصدق شوفي حالتي كيف
خ سعاد : هيا قتلك بنغسخ
رامي : ﻻ و**** بروحي
خ سعاد : اماﻻ خيرك بما ان البنت ساكتة وراضية …
رامي : ماحد فاهمني … على كل حال في العشية بيجوك عيلتها ومعاهم لبنى
خ سعاد : اللطف من امتى المخطوبة اتخش حوش خطيبها
رامي : ولد خالها قال ﻻزم اتشوفك وتهدرز انت وياها مايبينيش نفسخ منها
خ سعاد : اه كان هكي معليشي مرحبتين بيهم

لبنى : باهي بما انه متعقد من نفسه خليته يفسخ وبرضو جت منه
نزار : خفت عليه بس … اتزيد حالته النفسية وفي نفس الوقت خفت عليك انتي … مرات تتغششي لو فسخ …
لبنى : ﻻ بس نخاف حتى لو قتله عادي افسخ بالك يدير حاجة فروحه
نزار : هدا اللي خايف منه لكن مانبيش نغصبك وفي نفس الوقت انتي مش زيها يالبنى انتي بنت اصل
* نزل راسه نزار وادكر غادة وواضح ع وجهه متغشش لبنى انحطت بين نارين نار رامي ونار نزار *
لبنى : يستر **** ماتكدرش روحك اطمن مانيش زيها … اليوم قتلي واﻻه
نزار : ان شاء **** بعد العصر هكي …

لبنى : ان شاء **** …
نزار : ضرسي ..
لبنى : نعم
نزار : شن اتحسي اتجاه رامي ؟؟
لبنى : كيف
نزار : شي شي ب**** جيبيلي طاسة فروتة نوضي
لبنى : به هي …


ناضت لبنى وماشية للمطبخ وتفكر ،،ئه عﻻش سئلني نزار السؤال هدا زعما يبي يعرف مشاعري اتجاهه بش يتصرف ف موضوع الفسخ ؟؟ و اﻻ غير غاير منه ؟؟ لو انه فعﻻ غاير تو نوريه … دار فيا شوية او بهدلني مروجني قداش سنة فسنة

*ننصحك ياضرس لبني تفوتيه هالموضوووع ** وبينما نزار غارق يفكر كيف حيمشي يشتغل ف شركة من غير رجل ويفكر بصوت واضح ومسموع

نزار : لو اني نمشي نسافر نركب ساق خيرلي من التنقيز … معقولة كل مابنمشي نقعد نتكى على ضرسي … ايه ايه غير انتم موضوع لبنة و رامي قبل ..وبعدين نلهى بروحي
خشتله لبنى على
هالكلمات وقتله : شن بدير بتلهى بروحك بعد لبنة ورامي
نزار : صناطة هههه بنلهى بروحي ونتجوز
*وكيف بتمدله صونية الفروتة انغصت بهلكلمات وانتلصت منها صونية وتشرتعت ع نزار اللي كان متكي ع ظهره هههه ولى غابة فروتة
نزار : تو هدا شن يقولوله

لبنى : اسفة مش قصدي
*انحنت لبنى شوي وخدت قطعة من الفروتة اللي ع صدر نزار وحطتهاله ف فمه
نزار : هبلتي !!
وحطتله واحدة تانية …
نزار : ههههه ضرسي بطلي
* نفض روحه نزار من الفروتة
وخدتله واحدة تانية وحطتهاله ف فمه بيتكلم فحطت صبعها ع شفايفه وقتله : اششش
تغيرت نظرة نزار ولمعت عيناه وارتخي كله مع بعضه وكأن لبنى سحراته … وﻻ شعوريا خدالها قطعة فراولة وحطها ع شفايفها غمضت عيونها لبنى وكلتها وقت فتحت عيونها لقت نزار قدام وجها مباشرتا العين في العين … وكل منهم يسمع في انفاس اﻻخر … لثواني نسوا نفسهم وهما قبالت بعض… ونزار يقترب ولبنى تقترب وفي لحظة وجوهم بيوصلوا لبعض تلفت نزار على اليمين يحك ف رقبته ولبنى عليسار وتواسي ف ربطة شعرها …
* وواضح الخجل على كﻻهما *
نزار : زودي فيسع لمي هالجردينة اللي درتيها
لبنى خدودها حمر
قالت بكل خجل : به
لمت الفروتات ف الصونية تنحى نزار جانبا وخدي قطعة انانسة وكﻻها وقالها رونتيني بيها فروتة النمي … بتخليني ندير ابيخ جزء في حياتي اليومية
لبنى : دوش تقصد
نزار : ايه ..
*وقفت لبنى وقتله : تو نوتيلك البانيو برغوة شامبو دوش روعة
نزار : عينك يامريشة مانخشلاش البانيو ….انطيح
غمزتله لبنى وقتله : امااﻻ خﻻص تو نحطلك شامبو دوش بﻻفندر استعمله حيعجبك
نزار : بالك نسائي هههه
لبنى : هههه ﻻﻻ للكل مش خاص بنساء
** طلعت لبنى من دار نزار حطت الطاسة في المطبخ ومشت جري لدارها خدت شامبو الدوش اﻻفندر وخدت ليفة جديدة داستها بتات يعني جهاز العروس… وحطتهمله ف الحمام … وطلعت مبتسمة تضحك …. خش نزار بياخد دوش .. مسكين ايدوش عالكرسي
{هوا هدا اللي قالت عليه ئه جايبة حتى ليفة بكل هالضرسي… ياودي حسه نسائي خلي ندوش بصابون زي قبل … واﻻ هيا خلي ندوش بيه وخﻻص خير ماتزعل مني }
فتح الدوش وخدي الشبشابة هههه اشبح شن تقولولها انتوا المهم صب الشامبو ف ليفة ودوش باﻻفندر وغمض عيونه … جت قدامه لبنى طوووول .. نفس ريحتها اللي يعشقها من سنين … غير قبل كانت تستخدم ف صابون ومع سنين داروا شامبوا دوش ….
{ضرسي اللبني…محﻻها ريحتك عﻻش انحس بقشعريرة كل مانشم هالريحة }
(خطيرة يالبنى )
* كمل دوشه وطلع … وتغدوا وهدرز مع خواته وفتحتله صفاء موضوع العمل
صفاء : ها شن قلت
* اتكى نزار حط ايدهطيه راسه راسه وهوا متكي… وشم ريحة ساعد ايده ريحة لبنى فقال : اااه ضرسي
الكل يشبح لنزار نظرات ريبة >_>


لبنى : نعم
{حي عليا مصح وجهي نسيت روحي هههه تكلمت بصوت مسموع}
نزار : ايه اه ضرسي قصدي شنو ماتبيش تشتغلي معاهم
لبنى : ب**** ماعنديش شهادة
نزار : اه نسيت صح …
مروة : ها شن قولك ؟؟
نزار : ﻻ عادي عادي مافيش مشاكل قدموا ف شركة انتوا الزوز واشتغلوا
صفاء : بجديات ؟؟
نزار : ايه
مروة : اشمعنى قبل تقولنا ﻻ
نزار : قبل عندي عدوات وكنت خايف عليكم لكن توا شبه اتنحت العدوات تقدروا تشتغلوا ومني ليكم انا تز ندورلكم العمل
صفاء : و**** فرحتني الحق
مروة : ماتوقعتش انك اتوااافق
خ رقية : باهي و**** نسحابك غير بتكشخ عليهم
نزار : ﻻﻻ عﻻش ماعمريش كشخت عليهم يمى
خ رقية : به به فيه بنية بنخطبهالك
لبنة شرقت : كح كح كح
نزار : هههه شرقت البنت
لبنى : ايه من الشاهي
خ رقية : المهم فيه واحدة بنخطبهالك قنينة بسم **** ماشاء ****
نزار : لكن يمى.. انا مانبيش نتجوز
لبنى : كححح كح كح ههههه زي العزوزة وليت
خ رقية : نوضي بالكي اشربي اميا
لبنى : ﻻﻻ خﻻص مشت الشرقة
خ رقية : نوضي قتلك
لبنى : باهي هي
* ناضت لبنى للمطبخ شربت اميا وقعمزت عالكرسي وحطت يديها ع راسها … عﻻش هكي …كل مانقول بالك المسافة تتقرب بيني وبين نزار اتزيد تباعد … خالتي بتخطبله تاني وانا مخطوبة لرامي !
خ رقية : ايه شن قتلي يانزار ماتبيش تتزوز !
نزار : اجل
خ رقية : وﻻمتى ياغزيل امك عمرك طق 33
صفاء : 38 يمى
نزار : غير راك رزرزتي
خ رقية : شنننن هواااا 38 انهارك مغبر اقريب اطق 40 راهووو
نزار : معليشي عزري حويل
خ رقية : بنخطبلك ماخصنيش فيك
نزار : تي من بتقبل بيا برجل واحدة زي طائر القلق
خ رقية : البنت هادي تقبل
نزار : سكريه يمة الموضوع … مش مفكر فيه … عندي حاجة *** انديرها بعدين ساهل … وهيا نوضوا العصر قريب وتوا رواحكم بش نمشوا لحوش رامي
خ رقية : اح وخﻻص ….باهي هي


* بعد ساعة بتمام وتوا رواحهم وطلعوا ووصلوا حوش رامي… فتحلهم الباب خوه الصغير وهدرز ع نزار … وجي رامي وهدرز معاهم …بعدين طلع خوه …
رامي : و**** قريب نبكي يانزار عﻻش تحط فيا فموقف مع البنت تو تخاف مني
نزار : ب**** نحيلي قصة الجميلة والوحش من بالك تو تعيش مرتاح ههههه
رامي : به اسكت يا قصة القلق الحزين
نزار : **** غالب شن بنديروا بنعيشوا وخﻻص شئنا ام ابينا هدا وضع وانحطينا فيه

اخت راامي( هناء ) : هي تعالي لبنى خلي تخشي لرامي ف المربوعة …
خ رقية : نزار غادي او
هناء : ايه حيقعد معاهم
خ رقية : ﻻ باه قبل بنوض مدام نزار قاعد خلي نقعد مقعمزة مافيا مانضت معاها
هناء : هههه ﻻﻻ اطمني قاعد ..
واست لبنى وشاحها وقالت : هي

* لبنى متوترة وخايفة تجرح رامي بنظرة عيونها كمثلا تنظرله نظرة مش حلوة بدون قصد هدا من غير ان حبيبها نزار موجود … طلعوا عالممر هناء ولبنى وخششتها للمربوعة

ويتبع……….

الجزء الثالث والثلاثون من رواية عاصفة الصمت​

* لبنى متوترة وخايفة تجرح رامي بنظرة عيونها كمثﻻ تنظرله نظرة مش حلوة بدون قصد هدا من غير ان حبيبها نزار موجود … طلعوا عالممر هناء ولبنى وخششتها للمربوعة
رامي عيونه ف الوطى ويهز ف رجله متوتر ونزار يشبح للبنى وكانه بيدير معاها مقابلة شرعية …
لبنى : السﻻم عليكم …
رامي ونزار : وعليكم السﻻم …
*قامت راسها لبنى وشافت رامي اللي كان طرف وحليق انيق وحليوة اصبح شيباني مكرمش بلون بني
غمضت عيونها لبنى وفي اللحظة هادي قام راسه رامي …
فتحت ععيونها وابتسمت وقتله :
هكي رامي انهون عليك ليك شهر مروح ومادورتنيش

{شفشة اشي كيف ادلع فصوتها عالولد}
رامي : ماه انشغلت شوي بس
* ومش قادر رامي يقيم راسه يشوفلها شوية وينزل راسه متحشم من شكله
لبنى : *** ايعاونك …
رامي : **** يسلمك
لبنى : كيف حالك استفقدتك هلبا
نزار : هئ احم
{له له له غير بشوية علينا }
رامي : حتى انا …. قوليلي كيف حالك وشن اخر اخبارك
لبنى : بخير مدام انت بخير


{ياناري عليا ياكيتي كية مقعمز اتقول مزهرية }
رامي : الحمد*** على كل حال …
* رامي شاد دمعته *
لبنى : عﻻش منزل راسك واﻻ ماتبينيش نشوف عيونك العسليااااات ^^
{موت يانزار مافيش من يدلل عليك **** غالب }
رامي : ﻻﻻ مافيش داعي
لبنى : هاه اماﻻ كيف امممم ماتبيش توريني عيووونك زعلت منك
رامي : ﻻﻻ ماتزعليش اه شوفي عيوني …
* قام رامي طاقية الكاب وشافت لبنى وجهه بوضوح وعيونه الهدوب كيف بيبدو ينبتوا … انتفضت لبنى ﻻ شعوريا … لمحها رامي فرد الكاب ونزل راسه تاني …
رامي صوته تعرعج متأثر قال : قتلك مافيش داعي يالبنى
لبنى : ليش مافيش داعي ؟؟ بلعكس فيه داعي … لما انشوف عيونك نرتاح يارامي
{اضضضرررب فوق ياااا …شورها اتحبه الدعوة … }
رامي : راضية بيا هكي يالبنى واﻻ غير تجاملي فيا …
لبنى : ﻻ مانج…
قاطعها رامي وقالها : لو كان غاصبك نزار ومفنص فيك في الحوش بش تقبلي بيا قوليلي مانبيش انعيش على شفقة حد …
نزار : ماغصبتهاش
رامي : استنى يانزار … قوليلي يالبنى غاصبك نزار عليا
لبنى : ﻻ
رامي : باهي يابنت ناس راضية بيا هكي بشكلي هدا ؟؟

سكتت لبنى وتتدكر في كﻻم نزار وقت فسخت منه غادة …هيا مش بنت اصل لو بنت اصل راهو قعدت معاه …
{خيرها ساكتة …بس ان شاء **** ماتجرحاش ياربي ان شاء **** مايصيرش فيه زيني … بس عﻻش انحس بشعور الغيرة؟؟ }


لبنى : راضية بيك يارامي
رامي : بصدق يالبنى قولي الحق
* لبنى قريب تبكي من وجه رامي
وبدت اتفكر … استغفر **** ياربي ماتوقعتش هكي بيكون شكله … كيف اندير كيف ….
رامي : بصدق اتكلمي
* ومعش قدرت اتشد دمعتها دمعوا عيونها …شافها رامي وقال : عرفت الجواب يالبنى… انتي خفتي مني ومن شكلي وبكيتي …

{باهي بش كان شديتي دمعتك لين روحنا خير }
لبنى : ﻻﻻ مش هكي
رامي : ﻻﻻ خﻻص لبنى مافيش اﻻ هكي … شن اللي بيخليك تبكي غير شكل الشيباني المكرمش
نزار : ماتقصدش هكي يارامي ..
وقف رامي ووقف عالروشن وقال : ماتبررلهاش انا عارف الشي هدا حيصير قتلك خليني نفسخ من اﻻول انت عاندت وخليتها تشبحني وتخاف مني
لبنى : ﻻﻻ انا بكيت يارامي مش ﻻني خايفة منك او مش موافقة بيك بكيت ﻻن تمنيت اللي صارلك صارلي بدالك انت … مانتحمل فيك شي يارامي
{باهي مافيش حد بيقولي كلمتين حلوات يرطبلي قلبي }
رامي : ماترقعيش يالبنى
لبنى : مارقعتش يارامي
جي جنبها وقعمز رامي وقالها : متاكدة ؟؟؟ جسمي كله زي وجهي راهو ….
سكتت لبنى وبكت تاني
رامي : حنفسخ يالبنى وبالله مانبيش نسمع كلمة ﻻ منك نزار وﻻ منها خلوني انعيش ماتبقالي من عمر
نزار : غير اس …
رامي : خﻻص نزار …. شفت بعيني… تبكي خاطرها مش متقبلني وكﻻمها اتقول فيه تجامل فيا واﻻ ساخفة عليا
{ياودي ياضرسي زدتي عقدتيها حسك }
لبنى : انت راضي بقرارك هدا يارامي ؟؟
رامي : راضي ايه
لبنى : به وانا
رامي : انتي بنت ماشاء **** قنينة وجميلة وابتسامتك اتجيب نص وﻻد ليبيا *** يبعتلك نصيبك شاب احلى مني
لبنى : بس انا تعودت عليك وشارياتك وانتي بعتني
رامي : مابعتكش مابعتكشششش
و**** اقريب انروح روحي من الروشن راهوو حسوا بيا خلوني انعيش وحداني مانقعدش نفكر اهو شبحتلي متقززة مني اهو مشت حوش اماليها بتفتك مني ومن وجهي
لبنى : انت ظلمتني انا مش هكي يارامي وعلى راحتك يارامي اللي يريحك ديره …
رامي : تم
نزار : خﻻص بري يالبنى لخالتك وقوليلها قالك نزار هيا …
وقفت لبنى وقال : باهي هي… *** يسعدك يارامي …


رامي : ويسعدك **** ….ماتحرجش مني يانزار
نزار : ﻻﻻ ماحرجتش هادي قسمة ونصيب … خلي نروح بالعيلة وتو نوليلك نسهروا الليلة شن رايك
رامي : معليشي خليها غدوة واﻻ بعده
نزار : ان شاء **** به هي نستادنك
رامي : ادنك معاك ياطيب

* روح رامي ويشوف ل لبنى ف المراية وقارن حواجبه …
خ رقية : معليشي يالبنى ماتغششيش روحك القسم ع ****
نزار : رافعك بش تبكي انا ! قولي
لبنى : و**** ماقصدي
نزار : تي شن ماقصدكش هادي … شديتي روحك لين تروحي
لبنى : وجعني الولد و**** بكيت على حاله بس
نزار : وجعك حاله ماه عارفتيه خظهكي بيكون شكله
لبنى : باهي خيرك اتكشخ عليا
نزار : زدتيه الولد على مابيه انا ماغصبتكش عليه لكن حتى ماقتنعتيش بيه ابتسمتي في وجهه وقلتي كلمة طيبة …
لبنى : قلت كﻻم طيب مش غير كلمة
خ رقية : اخﻻص انت وياها خﻻص انهو مافيش نصيب
نزار : باهي به دارت زي هديكا اللي ماتتسمى
لبنى : تو انا زيها نزار !
نزار : شن الفرق ! بكيتي ف وجهه متع راني مانبيكش افهم بروحك واجعني حالي بنتحوزك لبن الراجل قالي بالك مفنص فيها
لبنى : باهي شنو بنكدب عليه حق و**** ماقدرتش نستوعب الموقف ياخالتي كان تشوفيه بس بالك اطيحي سايخة
نزار : شوفي الكﻻم هي وتقولي مش زيها … اقلها قلتيهاله بطريقة باهية
لبنى : ماﻻخير مافيش نصيب بيني وبينه يانزار الزواج مش بلعافية
خ رقية : ياسر انت وياها وصلنا للحوش وانتو طول طريق تتعاركوا
نزار : ماقلتش بالعافية واﻻ شايفتني واخدلك طوبو ونعطي فيك طريحة بش تتجوزيه
لبنى : به شن معنى كﻻمك هي ادف فيا متع خوديه تبي واﻻ ماتبيش
نزار : نقصي صوتك وانزلي
* نزلوا كلهم وخشوا الحوش سكر نزار الباب وقالها : يعني انا في النهاية طلعتيني هكي ؟؟؟ خوديه بسيف به صحة ليك
لبنى : انت تنظر للموضوع من منظور انك انجرحت لما غادة فسخت منك وخايف على رامي يصير فيه نفس الشي
نزار : ايه مزبوط وين تندري عليه شن ايدير فروحه تو هي …الشيطان شاطر
لبنى : به هدا مايعنيش انك تغصبني ناخده
* خلتهم خ رقية وخشت هيا وبناتها ف ديارهم بيبدلوا حوايجهم ﻻن حتى تكلموا الزوز مش حيعدلوا *
نزار : انهارك احرف ع دماغك مزال تقولي تغصبني انوريك فاهمة ! مافيش مرة غصبتك على شي ماتبيشي … وانتهى الموضوع خﻻص معش اتزيدي فيه وﻻ حرف
ضيقتيلي خاطري …
* شبحتله لبنى شبحة حزن ومشت خشت لدارها *
صفاء : *** يهديك بجديااات
مروة : لو انك سكتي وفتيه خير
صفاء : هو مضايق ع نفسه ومضايق ع صاحبه
لبنى : عفلقني لما قالي انتي زيها
مروة : تي هوا قاعد مكمود تحسابيه نسي لقطة الكلبة غادة
صفاء : *** يهديك بجديات كان سكتي خير … راهو تكلم كلمتين وفات الموضوع
مروة : شن الصوت التكسير هدا ؟
صفاء : هي تفضلي انسة لبنى هي اهو ناضت عليه الحالة زدتيه على مابيه
*حطت لبنى وجها بين يديها وتبكي


خ رقية : غير بطل سلم ولدي ياسر يانزار انت الكبير العاقل ماتاخدش ع كﻻمها
نزار : وﻻ عمري غصبتها ع حاجة يمة
خ رقية : عارفة غير استهدى ب****
نزار : اتقولي خايف ع صاحبك يصيرله زيك ادكر فيا ان خطيبتي فسخت مني ع خاطر مبتور

مروة : نوضي صفاء لخوك نوضي
صفاء : الصبر ياربي ماصدقنا اطلع من اللي هوا فيه

خ رقية : غير اهفت يانزار
نزار : تعبان يمى تعبان
صفاء : هدي اعصابك نزار … لبنى مصدومة بس ماتقصدش كل اللي قالاته
نزار : تحسابيها صغيرة بش تقوليلي ماتقصدش اللي قالاته
خ رقية : معليشي يانزار فووت
نزار : باهي به … معليشي خلوني *** نرقد …
خ رقية : رقاط شنو هدا …نوض اشرب معانا شويهية العشية وحلوات وبدل ساعة بساعة
نزار : ﻻﻻ تعبان وناعس وﻻجلي اتسطر فيا
صفاء : باهي … خﻻص خليه يمى… نوضي معاي
خ رقية : *** ايهدي سرك ياولدي

مروة : نوضي بالكي نوضي بﻻ عياط زايد …
صفاء : و**** وجعني نزار
مروة : ها شن قال
صفاء : واضح عليه متأثر وواجعته نفسه هلبا …
لبنى : كله مني ياريتني مادويت ياريتني مادووويت
صفاء : ايه ﻻن متاكدة كل اللي قاله ماقصده بيه شي … غير استاجع لنفسه ولصاحبه بس
خشت عليهم خ رقية وقالن : اتهنيتي يالبنة او … ماتقوليش الولد في فترة حساس … ماتقوليش نراعيه شوية بالكﻻم … ماتقوليش كانت عنده حالة نفسية …تناصي فيه كلمة بكلمة انتي وياه اتقول من ندك ﻻ حسبتي انه اكبر منك ﻻ درتيلي قدر انا موجودة بينكم
لبنى قامت راسها وتبكي قالت : قدرك فوق راسي ياخالتي انتي بحسبة امي لكن انا مش عارفة شن صارلي
خ رقية : حتى كان فيه فرصة بياخدك محيتيها هالفرصة … نسايس فيه امبكري ونقوله فيه بنت بنخطبهالك.. نتكلم عليك يادعوة
صفاء : لكن هيا مخطوبة كيف بتخطبيهاله
خ رقية : حلمت بيهم فسخوا وكنت عارفة ان خطوبتها مع رامي مش حتمشي للقدام … وانا انقوله ﻻ هالبنت تعرف بيك مبتور وترضى بيك ومش عارفة شنو …بكلمتين زي السم منك نوضتيله هم قلبه اﻻول والتاني وبينتي روحك بصورة مشوشة
لبنى : و**** ماقصدي ياخالتي و**** ماقصدي
مروة : خﻻص خﻻص سكروه الموضوع …حتى هوا مايبيش يتجوز راهو…. متحسس من رجله


{بإذن **** حنسافر مع السبوع الجاي نمشي نركب ساق اقلها لما نطلع لشارع انبان شخص طبيعي ااااخ وخﻻص … حتى لبنى طلع تفكيرها زي غادة … مانبيش نتجوز *** نقعد هكي اريحلي … }
*مضى الوقت وكل مالبنى تبي اتخش لنزار فداره تبي تكلمه اتكشخ عليها خالتها خايفاته تزيد حالته…. طبعا نزار ﻻ طلع من الدار وﻻ خلي من يخشله …
لين ليل مع ساعة 1 هكي و اطمنت لبنى ان الكل ارقد… دارت نقرات لبنى ع باب نزار بظفرها وفتحت الباب … زبطها نزار ودار روحه راقد … قربت منه لبنى وحطتله ورقة جنب خده…
نزار : قيمي عليا ورقك
لبنى : كنت عارفة انك فايق
نزار : به قيميها
لبنى : سامحني نزار
نزار : مسامح دنيا واخرة
لبنى : و**** مانقصد وﻻ كلمة من اللي قلته ب**** عليك سامحني
نزار : باهي مسامحك خليني توا
لبنى : مش حنخليك
نزار : به شن تبي هي السماح وسامحناك خﻻص خلي المبتور فحاله
لبنى : نزار … انت تعرف اني مانفكرش بيك بطريقة هادي … تعرف يانزار … ماتقارنيش بغيري واللي صار اليوم مش مني اندفعت بكﻻمي مش عارفة شن صارلي
* قاعد نزار عاطي بظهر وقالها : يعني توا جاياني بش تفتحي الموضوع تاني
لبنى : ﻻ بس انت تتجاهل فيا يانزار حتى بعد ماكان رامي رافض نظراتك ليا كانت ارمي روحك عليه ووافقي بيه
نزار : لبنى خيرك ! شن التفكير هدا و**** صدمتيني …
لبنى رجليها معش حملوها قعمزت وشدت صبعها الصغير وبدت تلعب بيه قريب تكسره
{باهي طلعت خير ماتزيد توجعني بكﻻمها … بكل هلبنة هادي }

سكتت لبنى وتبكي ..عﻻش هكي شن درت انا في الوقت اللي كان قريب ايكون نزار ليا فركشت كل شي …. يعني خطرلي نهب فيه اﻻ توا …مبردني الولد محتاج لحد يكون جنبه …ياريتني سكتت ولو شوي في السيارة …


نزار : اه ياربي فرج عليا … منين بنلقاها منين … من غادة اللي خلتني واﻻ من لبنى اللي مرة اتحن ومرة تقسى
لبنى : مانقسى عاللي يحبه قلبي مانقسى عاللي يريده الخاطر .. مانقسى عليك يانور العين
تفتلها نزار وقالها : قاعدة اهنا انتي
لبنى تبكي : سامحني نزار سامحني
وناضت تجري وارتمت عليه وهوا متلفت وقتله : انحبك عﻻش تفهم فيا غلط عﻻش
* ومسكره ايدها وتخبط فيه*

لبنى : ب**** عليك افهم مش متخيلة روحي مع حد غيرك … انحبك انت وانت مش شايفني ارجوك نترجاك تفهم
نزار : معش تخبطيني راني انحس
لبنى : عﻻش متلفت عليا انثى جنبك وانت ماتحركتلكش ولا ذرة مشاعر
{من قال لوﻻ الحرام والعيب راني خديتك وحطيتك جنبي ليل نهار }
لبنى : نزار
نزار : ياهم نزار
لبنى : انا همك توا … باهي يانزار سامحني … تصبح ع خير
* وقفت لبنى وتلفت نزار وجبدها من ايدها جت فوقه والعين ف العين قالها : به اتحبيني عﻻش تجرحي فيا بكﻻمك ….
لبنى : ماجرحتكش كان كﻻم ومش قصدي بيه شي… صدقني نزار انت حتى لو مقعد انشيلك شيل في هالعين …. كﻻمي كان…كان مجرد ردة فعل بس عاللي صار ووجعي على رامي خﻻني نبكي …اي بنت فمكاني كانت حتبكي …
نزار واساها كويس
وحطها جنبه وتلفتها وقالها بهمس : معش تبكي … ديما نقولك مانتحملش نشوف دموع ع خدودك …
لبنى : به حس بيا بس حس بيا
نزار : حاس بيك ..
* مسحلها دمعته بطرف صبعه *
لبنى : وسامحني عاللي صار
نزار : مسامحك
لبنى : من قلبك
نزار : من قلبي
* قدمت شوي لبنى وباساته على خده … وقتله : انحبك نزار …
لبنى : ههههه لما نكون بحداك ننسى نفسي كل القواعد والحدود اطير …
نزار : اممم لأي درجة تحبيني
لبنى : بﻻ حدود … الى ماﻻ نهاية
نزار : وعﻻش تحبيني
لبنى : اممم ﻻنك كل شي فحياتي
نزار : تبي الحق
لبنى : ايه
نزار : بعد ماروحت ماضايقتش ع خاطر رامي…ضايقني كﻻمك ف سيارة… وحتى انا اضايقت لنفسي قعدت نشوف ان الموقف مشابه ادكرت حاجة مانبيش ندكرها
لبنى بصوت معسول : به معش نضايقك بكﻻمي وعد …
(معليشي اليوم خطرت عليا رومنسية ههههه اللي مايبيش يقراه يدور عﻻمة # هادي اي ان تم النص )
معش شد روحه عمك الراجل قربها ليه اكثر واكثر وحط راسه بحدى رقبتها وخدي نفس عميييق … راس لبنى كان جنب رقبة نزار فقبلته فرقبته….
نزار : هههه عيب عيب ياضرسي مانتحملش نخاف نضعف قدامك …
لبنى : انا لحبيبي وحبيبي الي
نزار : ياعصفورة بيضاء لا بقى تسئلي ….
لبنى : انحبك نزار انحبك
نزار : حتى انا ياضرسي …
لبنى : انت شنو …
نزار : حتى انا انحبك
لبنى : من امتى…
نزار : ليا وقت انحس باحساس اتجاهك بس مانحسباش حب … كنت انحب شخص مايستاهلش الحب …
لبنى : ضمني ليك بقوة … ضمني نيزو
نزار : انتي بتهبليني يابنت … نوضي خير مااطب علينا خالتك رقية
لبنى : هههه و**** ماقادرة انوض خليني جنبك .. … خليني قربك …عوضني عن سنين حبيتك فيها وانت مش واخد بالك …
نزار : سامحيني لبنى …
لبنى : مسامحاتك… اللي ايهم انك معاي توا…
نزار قرب منها … ولبنى اتقرب فكانت قبلة سريييعة جدا …
نزار : ههههه واااك ياربي منها
لبنى : ههههه نيزو
نزار : انعم … تي بطلي سحن ركبتك تحفر في جنبي …افردي رجليك
لبنى : هههه به هاه فردت رجليا …
* للحظة نزار معش مسك نفسه ففتحله بطمتين من توتتها
لبنى : هههههه كان ايقولي عيب عيب وهوا شوف شن يدير
نزار : هههه به اسف اسف
لبنى : به يﻻ *** نعرف عﻻش اتقولي ضرسي اللبني
نزار : اياح بري بري مانيش قايل
لبنى : هههه هيا قووول وراس نيزو


نزار : ﻻﻻ فيش

لبنى : ههههه به قول
نزار : به لكن ماتضحكيش عليا
لبنى : ﻻﻻ مش حنضحك هي
نزار : اممم عندي ضرس لبني ماتنحاش… وسنوني من الخلف اضايقوا ونبت واحد جديد جنب اللبني … ومامشيتش قلعته
لبنى : هههههههه ببجديات تتكلم
نزار : اي بجد…فانتي ضرسي اللبني
لبنى : ههههههه
{نبيك حﻻلي يابنت و**** شاد روحي بسيف… زعما نسئلها تتزوجيني واﻻ نديرهالها مفجأة غدوة … بنهبل يالبنى عليك بنهبل }
#
* في هاللحظة وصل مسج لنزار فمدتله التليفون لبنى
رامي >> نزار سامحني اتصلت ب لبنى هلبا مرات *** نقولها سامحيني … ونبي نرجعوا عارفك صاحبي وحتوقف معاي … بجديات حسيت حاجة ناقصتني من بعد ماروحتوا … كلم ضرسك واقنعها
نستنى ف ردك ….
لبنى : خيرك نيزو عﻻش مﻻمحك اتغيرت شن قريت .
نزار : رامي يالبنى …
لبنى : خيره
نزار : هاك اقري …
* خدت تلفون لبنى وقرت المسج وانصدمت … *
لبنى : نزار … نزار كيف بتتصرف مانبيشي… نبيك انت …. ب**** عليك ماتردنيش ليه ماصدقت
نزار : باهي غير اصبري … حتى لو مارديتكش ليه… مانقدرش نكون معاك يالبنى … صاحبي هدا
لبنى : ﻻﻻﻻ ب**** عليك نزار كيف فرحت بيك
قعمز نزار وواسى روحه وقالها : به كيف اندير يالبنى كيف
لبنى : قوله ان خالتها ماوافقتش و و وان اللي يفسخ مرة معش عندنا ليه نصيب
نزار : حتى ولو معناها مانقدرش اندير وﻻ خطوة للقدام حنقعدوا هكي
لبنى : اخ وخﻻص ان شاء **** *** يفرج علينا …
نزار : هي نوضي لدارك نوضي
لبنى : باهي حبيبي …تصبح ع خير

* من تاني يوم كلم نزار رامي وقاله على الكدبة اللي قالتها لبنى ..زعل رامي شوي ورضي …ومرت اﻻيام وكان كل يوم نزار ولبنى عايشين غراميات طالعين مع بعض ويتفسحوا ويهدرزوا وشبه نزار خطبها من امه هههه عاش معاها اجمل اللحظات.. مروة وصفاء بدو يشتغلوا ف الشركة وانطلقوا للحياة … بعد فترة اي مع نهاية سنة 2011 خدي نزار تدكرة وسافر ل المانيا ركب ساق وتعود عالمشي بيها … ورجع في شهر
3/2012
وقت رجع سمع بخبر رامي انتحر … استاجع لهلخبر المؤلم . . واكتئب رسمي …
بعد عدة اشهر قدم نزار في شركة وبدي يشتغل فيها … وباع الدوبلكس وفلوسه حرقهم و الفلوس اللي كانوا عنده حرقهم ﻻن فلوسهم ماكانوش حﻻل ورجع سكن ف حوشهم القديم … و*** هداه وبدي يصلي … ويمشي لدعوة اﻻسﻻمية مع العشية يحفظ في القران …

ميار : بابا بابا …
نزار : ياعيون بابا
ميار : ثتلك ماما العدي تاتي ..
نزار : هههه واااتي
ميار : تاااتي
نزار : واااتي
ميار : تاتي !
نزار : هههه به قولها نكتب هالسطرين ونجي
ميار : امممبه …

* رجع نزار كتب ف مدكرته …
اتجوزت لبنى ف نهاية سنة 2012 وبعد شهرين حملت لبنى وبعد تسعة شهور جابت **** حلوة سميتها ميار … وها اليوم احنا في تاريخ 30/4/2015 وهادي كانت قصتي من سنة 98 لحد توا … نتمنى ان قصتي عجبتكم
وماتزعلوش ﻻنها تمت اكيد لوزة حتكتبلكم قصة جديدة تتفاعلوا معاها بس ردوا بالكم تنسوني … تحياتي نزار الديناري ….
* وسكر المدكرة *
جت لبنى من خلف نزار وبساته ف رقبته وقتله : شن ادير حبيبي
نزار : هههه شي شي حبيبي
لبنى : يﻻ الغدي تاتي هههه
نزار : هيا ياروحي هي اممموه
* مشوا بيتغدوا فخدي اول كاشيك نزار وقال : ماكلة باردة ياشفشة
لبنى : هههه ماه حطيته ونستنى فيك وانت ممن بكري اشبح شن تكتب
نزار : كنت نحسب ف المعاش بنشري حاجات … نوضي نوضي سخنيه مانحبش ماكلة باردة
لبنى : به … شد ميورة ماتخليهاش تقربج الصفرة
نزار : به تعالي ميورتي الحلوة … تحبي بابا انتي
ميار : هباااااا

* مشت لبنى للمطبخ وحطت الصونية في الميكرويف وطلعت مدكرتها تكتب
* تزوجني نيزو في نهاية 2012 وكان عرس وﻻ اروع … واحﻻ لقطة لما درجوه وﻻد جيرانة بالنوبة وكان مع كل دقة طبلة قلبي ايدق… وكنت نرعش … لوقت ماخش غليا وقعمز جنبي … حسيت روحي مالكة العالم كله … حبيبي اللي حبيته صار نصيبي احﻻ يوم بنسبة ليا .. وهادي كانت قصة حياتي مع حبيبي نزار

نزار : ياضرسي قتلك سخنيه مش تشي فيه النار
لبتى : هي جاية ياروحي …

* ماحبيتش نديرها نهاية تقليدية عرس والكلام ده هههه فختمتها هكي

متابعين بصمت اعطوا رايكم ولو بكلمة
تمت …اتمنى انها نالت اعجابكم ..