ثقافة جنسية النشوه الجنسيه عند أم السعد (1 مشاهد)

[🦂 the king Scorpion]

النشوه الجنسيه عند " أم السعد "
الأورجازم ( نشوه الجماع ) عند " أم السعد " عكسها عند " أبو حماده "

مش فاهم ⁉
نفهموك ... ببساطه شديده كده في الممارسه الجنسيه ؛ الذكر ممكن يحس بالنشوه الجنسيه مره واحده بس في اللقاء الجنسي الواحد ✔
علي عكس بقا ستك " أم السعد " ممكن تحس بنفس النشوه أكتر من مره في اللقاء الجنسي الواحد

و عشان طبعاً فيه فروق فرديه بين البشر كلهم سواء كانوا ذكور أو إناث
فالموضوع ما بيمشيش بالورقه و القلم و المعادلات
أصل كل أنثي بتختلف في طريقه إثارتها و وصولها للأورجازم عن غيرها .. و كمان بتختلف في مناطق الإثاره و درجه الإثاره من المناطق دي

و المفاجأه بقا إن الاورجازم ده مش هو دايماً الشرط الوحيد و الأساسي و الرئيسي للإستمتاع بالعلاقه الجنسيه عند " أم السعد "

في 2011 عملوا إستطلاع رأي في " أمريكا " نتج عنه إن :-
٢٩% بس من الستات هم بس إللي شايفيين إن " الأورجازم " شرط ضروري لتحقيق السعاده الجنسيه مع الشريك
٧١ % من الستات كان رأيهم مختلف سيكا ... كانوا شايفيين يا سيدي إن القرب العاطفي و الحب و الكيمياء زيي ما بنقول جوا العلاقه نفسها هم أساس السعاده الجنسيه

إستفدت أنا كده إيه بقا من الأرقام دي ؟!
أقولك .. " أم السعد " لما بتظهر رغبتها في ممارسه العلاقه الجنسيه .. وارد جداً جداً و كمان واحده جداً عشان الحبايب ؛ إن يكون هدفها مش الإيلاج و النشوه الجنسيه ، علي قد ما الهدف ممكن يكون :-
{ رغبه في التلامس الجسدي - الإحتواء - الحضن - الحب - الشعور بالحميميه و القرب .... إلخ }

ركز قوي في إللي جاي
دراسه إتعملت في 2⃣0⃣0⃣9⃣ عن سبب رفض بعض الزوجات لممارسه الجنس مع الزوج

وكان من ضمن الأسباب دي إن زوجه قالت بالنص :-
" زوجي يعرف جيداً ما يجعلني أصل للنشوه الجنسيه .. و يحاول أن يبدأ بفعله مباشره ؛ و هذا يفقدني رغبتي في الجنس من الأساس "

هو فيه إيه بقا بالظبط هي " أم السعد " دي هبله و لا إيه
إهدي يا اسطا ... صحتك ؛ إهدي ألا يحصلك حاجه

" أم السعد " مش هبله و لا حاجه
تخيل معايا المشهد ده .. " أبو حماده " قاعد مع " أم السعد " في الصالون بيتفرجوا علي فيلم حلو جداً

قام " أبو حماده " بقا قرر يمسك الريموت و يجيب نهايه الفيلم ... " أم السعد " إتضايقت قوي من إللي عمله لأن بالنسبه ليها ... المتعه في إللي بيحصل طول الفيلم مش في نهايته السعيده بس

الزتونه بقا إن نهايه الفيلم مش هدف " أم السعد "
زيي ما " الأورجازم " مش هدفها إللي لازم يتكرر في كل مره عشان تنبسط و تستمتع

هي بنبسط بالرحله كلها مش بس بالوصول .. إللي وارد إنه ما يحصلش