فضفضة جـَــمَـــــالْ اٌلْــــحَــــــيَــــــاةْ فِــــــي بَـــــــسَــــــآطَـــــتِـــــهَــــا (1 مشاهد)

[𝔸𝕞𝕓𝕒𝕤𝕤𝕒𝕕𝕠𝕣 𝕠𝕗 𝕕𝕖𝕒𝕥𝕙]

فوق التلاتين :
بعد ما حبيت و صاحبت وكرهت .. بعد ما حزنت بحرقه و ضحكت بهستيريا
بعد ما اتزنقت في الفلوس .. و بعزقتها
بعد ما اتنصفت .. و اتظلمت و لبست فى الحيط

فوق التلاتين :
اكتشفت ان السعاده موجوده في الحاجات العاديه
الابتسامه .. و الهدوء .. النوم بدري .. و نسيم الفجر .. و صوت الراديو .. الخروجات العاديه مع الناس العاديين اللي بحس معاهم بأحاسيس عاديه .. و كلامنا مع بعض بيبقى عادي .. لا متزوق ولا فيه وعود ناريه و تصريحات عنتريه

فوق التلاتين :
مابقتش بنبهر بالناس
انا كمان بطلت احاول اكون سوبر WoW
ارتحت جدا لما اتصالحت مع فكرة اني شخص عادي و زميل عادي .. و صاحب عادي

فوق التلاتين :
في حروب كتير بيني وبين نفسي انتهت لما اتفقت معاها اني مش لازم اكون الاول ولا الاشيك ولا الاهم ولا الاظرف

فوق التلاتين :
اقتنعت ان اكبر نعم **** على الانسان انه يعيش حياه عاديه هاديه ومستقره

فوق التلاتين :
نظرتى لاي مرض و خطورته بقت قدر **** و ما شاء فعل و اللى عاوزه **** حيكون

جمال الحياة بجد ........ في بساطتها