𝔸𝕞𝕓𝕒𝕤𝕤𝕒𝕕𝕠𝕣 𝕠𝕗 𝕕𝕖𝕒𝕥𝕙
ميلفاوي كينج
مستر ميلفاوي
عضو
ناشر قصص
ناشر صور
فضفضاوي متألق
ميلفاوي متميز
ميلفاوي كوميدي
إستشاري مميز
ميلفاوي شاعر
ناشر موسيقي
ميلفاوي سينماوي
ملك الصور
كلنا في بدايتنا عملنا طبعا CV و احنا مش فاهمين ال CV دا هل هو كويس او لا كلو كان بيرمي فية اي كلام و خلاص علشان يقدم علي الوظيفة المتاحة دلوقتي هنتكلم علي ازاي تعمل CV يبقي بروفيشنال و يعدي من نظام ال ATS الي اغلب الشركات الكبيرة بتستخدمة دلوقتي للفلترة من ال CVs الي بتتقدملها
الاول نسأل سؤال مهم اية هو نظام ال ATS دا ؟
نظام ال ATS هو نظام بتستخدمة ال شركات الكبيرة عن طريق انها بتحط كلمات مفتاحية (متطلبات الوظيفة )للبرنامج و البرنامج بيقلب في ال CV الي مبعوتلة لو الكلمات دي موجودة يبقي ال CV بيعدي لل HR وهو يتواصل معاك تيجي مقابلة و الكلمات دي بتبقي مكتوبة في وصف الوظيفة الي بيبقوا منزلنها فا حاول وانتا بتعمل ال CV تغير فية كل مرة علي حسب الوظيفة الي هتبعتلها
ثانياً
ازاي اعمل CV اصلا ؟
(1) اوعي تعمل ال CV علي اسطنبة علي موقع و تاخدها سكرين شوط و تعملها PDF عاما ولا الشركة هتشوفة و في نظام ال ATS هيقراه علي انو صورة واحدة بس و انك مش باعت حاجة اصلا
مبدئيا هتفتح ال word و في البداية كدة اول حاجة هتكتب اسمك في النص و تحتية المسمي الوظيفي بتاعك و الخط ميقلش عن ١٤ و العناوين تبقي ١٦ متزيدش عن كدة و متقلش عن كدة دا هو المثالي
(2) هتنزل و تكتب ال Summary دا بيبقي فية نبذة عنك و عن الحجات الي بتعرف تعملها و عدد سنين خبرتك و البرامج الي بتعرف تشتغل عليها و كدة و حط فيها من الكلمات المفتاحية الي مكتوبة في الوظيفة الي مطلوبة
(3) هتنزل علي ال Education و دا هتكتب فية جامعتك و سنة التخرج جنبها و القسم بتاعك و كليتك و تحتها تقديرك العام و مشروع تخرجك و تقديرك فية
(4) هتبقي الخبرة Experience و دي هتكتب فيها خبرتك و تبقي من الاقدم للاجدد يعني لو بدأت في شركة اكتبها الاول و بعدها الشركة الي انتا فيها دلوقتي و تكتب خبرتك في كل شركة و نبذة عن الشغل الي انتا عملتة فيها
(5) هتبقي التدريب و دي اختياري Internship و دي لو اتدربت في شركة مثلا هتكتب فترة التدريب و اتعلمت قد ايه
(6) هتكتب ال Course و دي هتكتب فيها انتا واخد كورسات اية بس
هتنزل بعدها ل ال Skills و دي هتكتب فيها كل البرامج الي متعلمها في الكورسات او اون لاين و الي بتعرف تتعامل فية علي الكمبيوتر عاما
بعد كدة هتكتب ال personal information و دي هتكتب فيها تاريخ ميلادك و حالتك الاجتماعيه و موقفك من الجيش
(7) هتبقي ال contact و دي هتكتب فيها ارقام تليفوناتك و لو عندك LinkedIn و دا ضروري تعملة اصلا و الايميل بتاعك
ملحوظة مهمة:
اوعي تكتب اختصارات ل الكلام اكتبها ب معناها كلة يعني كلمة computer متكتبهالوش PC فاهمني يعني اكتبلوا كل حاجة بالحرف و خلي بالك من الاخطاء اللغوية و متحطش صورة ل نفسك في ال CV ملهاش لازمة اصلا و اعمل Gmail ب اسمك انتا و يكون مخصص للشغل بس و انك تبعت منو للشركات علشان الدنيا متسحش منك و متحطش الوان في ال CV بتاعك و الخط يبقي موحد في كل ال CV متحط اشكال و نصيحة بتفرق اوي و بتبينك بروفيشنال فشخ قدام الشركة فاكر ال CV المبهرج الي شكلة حلو فشخ الي انتا واخدة سكرين شوت في اول كلامي الي قولتلك متبعتوش لا انتا اعملة بس متبعتوش دا انتا تروح تطبعة لما الشركة تكلمك و تغلفة و تروح اول ما تدخل قدام ال HR اديهولة و قولة دا شكلة احلي من التاني بس كدة
