كوميكس فكاهة اللولب (1 عدد المشاهدين)

[koko1972]

شيلتي اللولب ياشروق
جبتي فراخ رمضان وارتحتي ياختي هنصرف عليهم ازاي دول العلف والعلاج والكهرباء والفرشه هنصرف ازاي
متقلقش هتعدي ان شاءالله انت بس قبل ما نروح اسبقني وحط لمبه ٢٠٠ تدفي المكان واظبط الحراره علي ٣٢
من اولها ياشروق لمبه ٢٠٠
وحط كمان جير ع الارض وفوقه طبقه نشاره ٧ سنتي
خلاص ولا لسه
لسه حط سقايه مايه فيها كيس محلول جفاف بشري عشان تستقبلهم بيه اول ٨ساعات من عمرهم
محلول ايه ياختي دا العلبه ب٤٠ج وبعدين محلول ايه اللي تستقبليهم بيه دا انا يوم ما جيت اتجوزك استقبلوني بكوبايه مايه من الحنفيه وابوكي قالي سبلي شويه
اخلص بقي عشان ميبردو مننا الجو برد
ومتنساش تحط علف ناعم خالص تركيز ٢٣% واسلق بيضه خد منها حته ع العلف عشان تفتح نفسهم ويكبرو بسرعه
بيض كمان ياشروق دا انتي مبيتاني امباىح من غير عشا
اه بيض وربع معلقه صغيره ه كركم ومتحطش علف كتير
عشان ميتهدرش
حط شويه بشويه وف اطباق مفروده مش علافات عشان ياكلو كويس وارفع السقايات شويه عشان ميغرقوش نفسهم ويسقعو
والسقايه تبقي نص لتر مش كبيره
ومش لازم تفتح تهويه اول ٣ ايام قفل بس اوعي اللمبه تبقي عاليه عليهم لا يتخنقو ولا يعرقو
الترمومتر يبقي متعلق فوق راسهم وكل شويه بص عليه
ودا اسمه ايه بقي
اسمه يوم الاستقبال ولازم كل اللي قولته يتعمل بالحرف لو عاوز فلوسك اللي صرفتها متروحش ع الارض
انتي عارفه لو **** رزقني بفلوس كتير اول حاجه هعملها ايه ياشروق
ايه
هطلقك
يلا ياجميله منك ليها حطي الاوالجميل بتاعك عشان نكمل يوميات شروق يوم بيوم لحد ما ال١٠كتاكيت اللي خلفتهم بيكبرو ونكرمهم في رمضان