شعر قول دي لحبيبتك وهتدوب فيك... كما يليق بوردة لـ (عمرو حسن) (1 عدد المشاهدين)

[مها بنت السلطان]

جزء من قصيدة كما يليق بوردة للشاعر عمرو حسن

على أي حال
مهتم أقول كلمه أخيره للتاريخ
انتي أجمل ست ف العالم عموماً
أو عموماً انتي ألطف مارأيت
بنت بيت
حتى بعيوبك ياستي
عصبيّتك
افراطك المدهش ف ايام عزلتك
وانا اللي خارج من جيوب حنيّتك
باضحك لأيامي اللي جايه
...
هاكتب كده خارج حدود الشعر
بلا اهتمام بالمجازات العريضه والكلام المستعار
اثبات لقدرات الكتابه
لينا شعرا يعملوا الأشياء دي اجمل مني بكتير الحقيقه
أما انا
ف هاكتفي بسذاجة العشاق
وعشان ( بحبك ) هي أبلغ شعر يتقال عن ( بحبك )
هاقولها صافيه مجرّده
لو كان بإيدي يـارب اتحول كمنجه
كنت هافرح لما ايدها تشدني
واسكن ف اعلى كتفها
واقول باني بحبها
مرة **** وبعدها اروح لحالي
فيه بنت أبعد من خيالي
اقرب اليّ من حبل الوريد
الشعر يفعل مايريد الشعر
والحب يفعل في النهاية ما يريد.

 

[jopa]

جوابي الاخير ليكي 🫡

 

[taiwany]

العشاق سذج فعلا
بيصدقوا كلمة بحبك لسهولة

 

[jopa]

العشاق سذج فعلا
بيصدقوا كلمة بحبك لسهولة

القلب لما بيتعلق مبيسبش فرصه انك تسئل 🫡

 

[taiwany]

القلب لما بيتعلق مبيسبش فرصه انك تسئل 🫡

القلب ده هو سبب مشاكل الحب
لكن الحب بالقلب والعقل له فرصة يعيش

 

[jopa]

القلب ده هو سبب مشاكل الحب
لكن الحب بالقلب والعقل له فرصة يعيش

مفيش حاجه اسمها حب بعقل ديما ناقص والكل عارف كدا

 

[taiwany]

مفيش حاجه اسمها حب بعقل ديما ناقص والكل عارف كدا

اعتقد ان فيه حب بالقلب والعقل
وهو بعد الزواج

 

[jopa]

اعتقد ان فيه حب بالقلب والعقل
وهو بعد الزواج

لا ده اسمه حب المعاشرة الطيبه ملوش دعوه العقل خالص