فضفضة تجربة شات Gpt

[Gharam]

كنت بتكلم مع شات Gpt من شوية في حاجة كانت فعليًّا محيّراني وبدأت تضايقني بشكل مش حبّاه،

فـ كنت بتكلم معاه عن شخصية كنت بحبها وكانت قريبة مني زمان، وإني كنت من شوية في أكونت الشخصية دي وازاي أنا كنت مفكرة نفسي اتعافيت ولقيت نفسي زعلت ولو بقدر بسيط لما دخلت الأكونت،

الشات رد عليا رد مبهر الحقيقة:
(ممكن آه يكون فيه بقايا حب، بس مش الحب اللي زمان، هو حب هادي كدا، زي لمعة صغيرة بعد نار كبيرة كانت مولّعة، مش بتحرقك، بس بتفكرك إن النار دي كانت موجودة)

"مش بتحرقك، بس بتفكرك إن النار دي كانت موجودة"
واو!
أول مرة أشوف تعبير معبر زي كدا الحقيقة،

المهم،
أثناء الردود بقى ادّاني مثال، إنه شعوري ده زي مثلًا لما أشمّ ريحة بيت قديم كنت ساكنة فيه، الريحة جميلة بس مش معناها إني عايزة أسكن هناك تاني،
فـ أنا رديت:
(بس أنا لما بشتاق لريحة بيت قديم ببقى عايزة أرجع فعلًا)

قام قايلّي حاجة تانية مبهرة برضو:
(فيه وجع بسيط بس صادق جدًّا، بس الفرق إن البيت لو رجعتيله هتلاقيه فاضي، مش هو اللي كان، صح؟ نفس الفكرة بالضبط مع الأشخاص)

الرد ده لطشني بالقلم الحقيقة، واستوعبت مدى قوة وأثر الكلام وحسيت المقصد قبل ما أفهمه،

أول مرة عمومًا أحس إني متقبلة الموضوع بالطريقة دي،
ويا رب ييجي اليوم اللي يروح من جوايا آثار الموضوع كله من غير حنين ولا أي حاجة ))

 

[Q U I N N]

كنت بتكلم مع شات Gpt من شوية في حاجة كانت فعليًّا محيّراني وبدأت تضايقني بشكل مش حبّاه،

فـ كنت بتكلم معاه عن شخصية كنت بحبها وكانت قريبة مني زمان، وإني كنت من شوية في أكونت الشخصية دي وازاي أنا كنت مفكرة نفسي اتعافيت ولقيت نفسي زعلت ولو بقدر بسيط لما دخلت الأكونت،

الشات رد عليا رد مبهر الحقيقة:
(ممكن آه يكون فيه بقايا حب، بس مش الحب اللي زمان، هو حب هادي كدا، زي لمعة صغيرة بعد نار كبيرة كانت مولّعة، مش بتحرقك، بس بتفكرك إن النار دي كانت موجودة)

"مش بتحرقك، بس بتفكرك إن النار دي كانت موجودة"
واو!
أول مرة أشوف تعبير معبر زي كدا الحقيقة،

المهم،
أثناء الردود بقى ادّاني مثال، إنه شعوري ده زي مثلًا لما أشمّ ريحة بيت قديم كنت ساكنة فيه، الريحة جميلة بس مش معناها إني عايزة أسكن هناك تاني،
فـ أنا رديت:
(بس أنا لما بشتاق لريحة بيت قديم ببقى عايزة أرجع فعلًا)

قام قايلّي حاجة تانية مبهرة برضو:
(فيه وجع بسيط بس صادق جدًّا، بس الفرق إن البيت لو رجعتيله هتلاقيه فاضي، مش هو اللي كان، صح؟ نفس الفكرة بالضبط مع الأشخاص)

الرد ده لطشني بالقلم الحقيقة، واستوعبت مدى قوة وأثر الكلام وحسيت المقصد قبل ما أفهمه،

أول مرة عمومًا أحس إني متقبلة الموضوع بالطريقة دي،
ويا رب ييجي اليوم اللي يروح من جوايا آثار الموضوع كله من غير حنين ولا أي حاجة ))

أجمل مرحلة ممكن نوصلها بعد الفقد، هي لما نفتكر من غير وجع، ونبتسم على الذكرى بدل ما نحزن عليها.
يمكن فعلاً النار خلاص ما بقتش تحرق، بس فضل منها دفء بسيط... بيأكد إننا حبينا بصدق، واتعلمنا أكتر
موضوع مميز

 

[ENG ZEUS]

كلام مقنع جدا ، بس الي ياخد الكلام و يرسم بيه طريقه يمشي عليه و يهونها علي نفسه

 

[Gharam]

أجمل مرحلة ممكن نوصلها بعد الفقد، هي لما نفتكر من غير وجع، ونبتسم على الذكرى بدل ما نحزن عليها.
يمكن فعلاً النار خلاص ما بقتش تحرق، بس فضل منها دفء بسيط... بيأكد إننا حبينا بصدق، واتعلمنا أكتر
موضوع مميز

لما الالم يتحول لابتسامه اوقات بنكون تخطينا واوقات استسلمنا للقدر اللي مش علي هوانا
تسلمي نورتيني

 

[Gharam]

كلام مقنع جدا ، بس الي ياخد الكلام و يرسم بيه طريقه يمشي عليه و يهونها علي نفسه

في ناس بتخدع نفسها عشان متحسش بالالم
بيكون دا اصعب من الالم نفسه

 

[Q U I N N]

لما الالم يتحول لابتسامه اوقات بنكون تخطينا واوقات استسلمنا للقدر اللي مش علي هوانا
تسلمي نورتيني

بنورك يا عسل

 

[ENG ZEUS]

في ناس بتخدع نفسها عشان متحسش بالالم
بيكون دا اصعب من الالم نفسه

في ناس كدا فعلا ، بس بنسبالهم ان دنيته تتحرك احسن ما تفضل في حاله ركود ، ناس حياتهم اتدمرت حرفيا بسبب حب فاشل ، بس مش الطريقه الصح ، لان الواحد هياخد وقت و ياخد فتره لحد ما ينسي بس الدنيا بتمشي حتي لو الي عايزينه مش في ايدينا ، اهم حاجه الشخص يكون متيقن انه عمل كل الي عليه و قدم كل الي عنده و منجحش في علاقته مش سوء منه ، لكن الظروف او الطرف التاني مكنش بيحبه او القدر مش كاتبلهم يكونو مع بعض ... بس في النهاية كله بيهون و الدنيا بتمشي و بتحصل المواقف الي بتكون اجمل تهون علي طيف قلبنا .

 

[Gharam]

في ناس كدا فعلا ، بس بنسبالهم ان دنيته تتحرك احسن ما تفضل في حاله ركود ، ناس حياتهم اتدمرت حرفيا بسبب حب فاشل ، بس مش الطريقه الصح ، لان الواحد هياخد وقت و ياخد فتره لحد ما ينسي بس الدنيا بتمشي حتي لو الي عايزينه مش في ايدينا ، اهم حاجه الشخص يكون متيقن انه عمل كل الي عليه و قدم كل الي عنده و منجحش في علاقته مش سوء منه ، لكن الظروف او الطرف التاني مكنش بيحبه او القدر مش كاتبلهم يكونو مع بعض ... بس في النهاية كله بيهون و الدنيا بتمشي و بتحصل المواقف الي بتكون اجمل تهون علي طيف قلبنا .

الدنيا علي اي حال هتمشي سواء تقبلنا او لا، نسينا او لا
ممكن نكمل حياتنا نضحك ونخرج ونشتغل نقضي وقت حلو بس بيفضل ديما الفرح ناقص وغصه القلب مش بتروح هو اه عدي بس خد جزء من روحك معاه

 

[قلب❤️امه]

الرد مقنع وجميل وحقيقة فعلا
لأن دايما الإنسان بيتغير وبيختلف عن قبل
ومع الوقت فعلا كل حد بيتغير
حتى المشاكل أو النظره لحاجه معينه بتختلف وتتغير مع الوقت
الاختلاف بيكون حسب الحاجه ممكن التعايش معاها أو لا لأن كل حاجه وليها تفاصيلها الخاصه اكيد

 

[ENG ZEUS]

الدنيا علي اي حال هتمشي سواء تقبلنا او لا، نسينا او لا
ممكن نكمل حياتنا نضحك ونخرج ونشتغل نقضي وقت حلو بس بيفضل ديما الفرح ناقص وغصه القلب مش بتروح هو اه عدي بس خد جزء من روحك معاه

مبيكونش سهل علي الواحد يكون زي الاول طبعا ، بس الحياة بتكلم و مش بتقف علي حد ، بس احنا بايدينا نخلي نفسنا بعض فترة نتغير للاحسن بس منكرش ان مهما مر وقت بيكون الموضوع بيوجع القلب اووي و مش سهل ، بس بتهون بالصحبه الحلوة الجدعان و الناس الي بتفهمك .