مكتملة واقعية درامية يا إحنا يا هما(كامله)

[ℱ𝒶𝓉𝓂𝒶]

٣ اخوات بنات عايشين في اسكندريه ، هايدي دكتوره، نجوان مهندسه ، ليلي مترجمه ، شغلهم اتنقل في القاهره التلاته صدفه فقرروا يدوروا علي بيت في القاهره سألوا سمسار عقارات ،،،، رشحلهم بيت في مصر الجديده بس هوا فيلا الحقيقه مش بيت بس ايجاره اقل جدا من قيمه ايجاره الفعليه ،،،،،،البيت معروف في المنطقه كلها انه فيه عفاريت ، ،،،، يا ترا هيهربوا من البيت و لا ما عفريت الا بني آدم خصوصاً أن الفتره اللي لازم يستلموه فيه شغلهم اسبوع يعني مفييش بيت غيره في الوقت الحالي ،،،،
(بتمني تقولولي رأيكم و تتفاعلوا معايا بكومنتات و تزودوا تقييم القصه ، شكرا ً )



هاي انا ليلي عندي ٢٥ سنه ، خريجه السن اسباني و بشتغل مترجمه فواحده من شركات الترجمه في اسكندريه او بالاصح كنت بشتغل في اسكندريه ،،،،عندي اختين هايدي عندها ٣٠ سنه دكتوره عظام و نجوان ٢٧ سنه مهندسه معماريه، اللي يشوفنا مايقولش علينا اخوات شكلنا مش شبه بعض اصلا ( هايدي محجبه و عيونها بني ، نجوان شعرها اسود طويل وعيونها عسلي ، اما انا بقي عيني خضرا و شعري بني ،احنا طولنا متوسط و اجسامنا متناسقه دي الحاجه الوحيده اللي متفقين فيها )،، الدنيا كانت زي الفل لحد اما جالنا شغل احنا التلاته في القاهره بصراحه عروض متترفضش يعني و كمان البيت كان فيه ضائقه ماليه فأضطرينا نوافق ، المهم نلاقي بيت قريب من اماكن شغلنا الجديده ، احنا مكنش لينا غير جدو هوا اللي ربانا اكيد مش هنسيبه في اسكندريه لواحده اهلنا ماتوا فحادثه هوا بقلنا الاب و الام و ربانا إننا نخاف **** و تعب علينا و الحقيقه عمره ما قصر معانا ، فأكيد لما نكبر مش هنعوقه ، مكنش موافق يجي القاهره ف الاول قاعدنا نزن علي دماغه لحد اما وافق قررنا احنا اننا نكلم سماسره ف القاهره يلاقولنا بيت سعره مناسب و قريب من اماكن شغلنا كلنا اماكن شغلنا قريبه من مصر الجديده ، ولا سمسار كلمنا و الوقت اللي المفروض نكون بنشتغل فيه في القاهره قرب ، مفيش غير استاذ سيد السمسار كلمني : سلام عليكم استاذه ليلي معايا
أنا : و عليكم السلام أزيي حضرتك يا استاذ سيد
استاذ سيد : أنا الحمد *** كويس و **** ان حضرتك فكراني بصي يا أستاذتنا انا هقولهالك بأختصار و بأمانه مفييش ولا بيت ف مصر الجديده او قريب منها متوفر للسكن ، الا مكان واحد و فيه عف،،،فاااريت اللهم احفظنا ، و ايجار عشان الناس كلها بتخاف منه ،،، الحق حق يا بنتي وانا بخاف **** و ميرضنيش اغشكم ،،
أنا: شوف يا استاذ سيد **** يكرمك علي صراحتك دي المشكله ان معندناش وقت ندور فيه علي سكن تاني معلش لو تكرمت تقولي كام الايجار و انا هشاور اللي معايا و اكلمك النهارده ان شاء ****
استاذ سيد: ٥٠٠ جنيه ف الشهر و هوا فيلا صغيره ف نص مصر الجديده ده لولا العفاريت كان زمان ايجاره نااار دلوقتي ، شاوري اللي معاكي هستني مكلمتك يا أستاذتنا
أنا: خير ان شاء **** ، في رعايه **** يا استاذ سيد
استاذ سيد: سلام عليكم ،، و اتقفل الخط
هايدي و نجوان كانوا قاعديين جنبي ، و كنت فاتحه الاسبيكر فكانوا سامعيين المكالمه كلها
نجوان : عفاااااريت يمامي ،هنقعد مع عفاريت لا لا مش ممكن ، كويس ان جدو نام
هايدي : بقي ده كلام مهندسه ب**** عليكي ، قال ايه عفاريت قال ، انا موافقه مفيش مكان ف مصر الجديده اجاره بالشكل ده و فيلا كمان ،،، قال عفاريت قال، اعقل يا بشمهندس نوجه كده ده احنا نطفشهم و**** ههههههه
أنا(ليلي): انا رايي من راي هايدي نوافق علي البيت و نروح القاهره الشغل هيطير من أيدينا كده و عندي حل بالنسبه لجد نقولوا نروح احنا نظبط أمورنا اسبوعين نكون ظبطنا الدنيا و نحجزله التذكره و نجيبه عندنا
نجوان : خلاص علي بركه **** بس نخبي علي جدو موضوع العفاريت ده هوا مش ناقص ،،،،
ليلي(انا): الو استاذ سيد احنا موافقين علي البيت و ان شاء **** بالكتير ٣ ايام و هنيجي القاهره نقابل حضرتك فين بالظبط ، خلاص هنكلمك اقبل اما نوصل تكون مستنينا فالكافيه خلاص اتفقنا سلام ،،،،،
قعدنا اليوم كله نقنع جدو انه يحصلنا بعدها بأسبوعين ، المهم اقتنع ،،،، بدانا نجهز شنطنا ، وحجزنا تذاكر القطار
(جاينلك يا قاهره )
،،،،،،،يتبع ،،،،،،





​

#٢ القاهره و استقبال العفاريت لينا​

قابلنا عم سيد في الكافيه و الاجراءات كلها خلصت وصلنا للبيت و ادانا المفاتح و قدام الباب،،،،
عم سيد: **** يخليكي يا استاذه ليلي افتحي انتي الباب انا مش عايز اتلبس
هايدي: هات يا عم سيد انا هفتح الباب ، و يا سيدي لو فيه عفاريت يبقي يا احنا يا هما في البيت ده ،،،،
هايدي فتحت الباب الغريب بقي ان البيت مفروش كلاسيك بطراز عالي جدا و زي الفل كأنه لسا حد مشتريه و فارشه جديد ،،،،
نجوان: عم سيد هوا احنا مأجرين البيت بالعفش ولا منغيره و اهوه شفت مفييش عفاريت ولا حاجه ولو ع العفاريت هنقرأ عليهم القرآن كله و نحرقهم
1

عم سيد: مكتوب أن امجد بيه و منير بيه و يوسف بيه مأجرين البيت بكل اللي فيه بيني و بينكم عايزيين يخلصوا من البيت ده بأي تمن انا لو منكم اقعد شويه لقيت الدنيا حلوه اشتري البيت علي طول ،،،،،،


أنا: معلش يا عم سيد وفر نصايحك لنفسك و هات المفتاح احنا مهدود حيلنا سفر و بهدله من مدينه للتانيه ، كتر خيرك يا راجل يا طيب لحد كده انت عملت معانا احلي واجب
عم سيد : اتفضلي يا استاذه المفاتيح اهيه بتاعه البيت كله و لو احتاجتوا حاجه كلموني ، سلام عليكم
نجوان : عنينا حاضر سلام عليكم يا عم سيد
هايدي : الحمد *** الراجل ده كان رغاي مبيسكتش اخيرا مشي و سابنا
كنا بنبص ناحيه الباب اللي لسه عم سيد قافله و لسه بقول البيت جميل وشرح و جميل و ذوق راقي فالديكور بتاعه خطير
بصينا لبعض بفرح فيلا شيك جدا بإيجار ميوفيش ربع لا ربع ايه تمن ديكوراتها ، ال٣ مخابيل اللي اجروهالنا و ****
الفيلا دورين و بدروم و جنينه ، البدروم فيه اوضه الغسيل و المطبخ و الدورين ، الدور الاول صالون و سفره و الدور التاني اوض النوم ال ٦ و السطوح فيه قاعده جميله جدا ،،،
بعد اما بصينا لبعض بنلف بقي لقينا البيت كله يضرب يقلب الكراسي كلها فوق بعض و الارض كلها تراب و السجاجيد متشاله و النجف مترب ، بصينا لبعض بإستغراب ده الدنيا كانت زي الفل لما عم سيد موجود مفيش ثواني ،،،،
هايدي : انا هطلع الشنط فوق انا و نجوان و ليلي تشوف حاجه ننضف بيها ده هيبقي يوم عال العال هههههه
نجوان : شكل البيت مسكون صحيح ده لو عفاريت احنا حفظين القرآن كله نحرقهم اه
و طلعوا الاتنين فوق و انا واقفه لوحدي في الصالون بشوف هنبدأ منين فجأه الراديو اشتغل علي خطبه جمال عبد الناصر بتاعه إعلان قناه السويس مصريه ،،،، الراديو كان قديم اوي تقريباً اول نسخه للراديو فقولت مش مشكله اكيد بايظ فبيقلب لوحده روحت شوفت السجاجيد و فجأه الراديو جاب اغنيه بتقول " عيون حبيبي خضر و خضر ضر فرفر ياخويا فرفر يا خويا" ببص نحيه الراديو لقيت عنين ف وشي قولت هفرفر أهوه و أغم عليا ،،،،،
فوقت لقيتني انا و نجوان و هايدي مربوطين في كراسي السفره و ٤ ستات باصيين علينا ،،،،،،
واحده منهم عجوزه بس مش عجوزه اوي و ٣ بنات
الست العجوزه : مين انتي ولد ،؟! ، من سلحدار هاااه جاي يشوف ورث ،، بعيد عن عينك ولد خرشوفه..
2



أنا : لحظه بقي حضرتك فهمانا غلط ، احنا هايدي و
نجوان و ليلي الاسيوطي ملناش علاقه بالسلحدار تماماً


نجوان: ااااا الللي أجرولنا البيت امجد ، منير و يوسف السلحدار بس احنا قسماً ب**** ما شوفناهم و لا نعرفهم احنا اجرنا البيت عن طريق السمسار
هايدي : صح و**** و بعدين حضرتك بتتكلمي زي الاتراك زمان كده ليه ، عربي مكسر ، حتي حضراتكم شيك جدا


أنا : بالذات حضرتك يا تيته التيير تحفه اسود و بروش و حاجه اخر شياكه، بس حضرتك مين و الآنسات مين برضه
الست العجوزه : أنا دريه هانم المنسترلي ، حرم طلعت باشا منسترلي و انا بتكلم عربي مكسر لاني من تركيا فعلا ولد ، و البيت بيتنا و البنات : عايده ، راقيه ، مياده المنسترلي و كلنا اشباح
نجوان : عفااااا عفاريت
دريه هانم : اسمها اشباح تربيه سيس ، أدب يوووك
أنا: **** تعرفي يا دريه هانم كان نفسي يبقي ليا جده زيك كده شبهك بالظبط
دريه هانم : بس ولد اصلا قلبي بدأ يرق من ناحيتك ، استني قبل ما انسي في كلب هنا كان عايز يحرقنا بالقرآن احب اقوله كلنا بنصلي و بنقرأ قرآن ، و الكلب تاني يقول يا احنا يا هما مش كده ولد كلب
نجوان و هايدي فنفس واحد: مش احنا
دريه هانم : مفييش قاعده هنا ، كلوا ياخد حاجتوا و اطلع بره
أنا : شوفي حضرتك يا دريه هانم ، يرضيكي ان احنا ٣ بنات من مدينه تانيه ، مسافرين لوحدنا متبهدلين نمشي كده ملناش مكان تاني نسكن فيه ، احنا جينا هنا عشان هايدي بتشتغل دكتورة و نجوان مهندسه و انا مترجمه و البيت ده قريب من شغلنا ، ده يرضيكي علي الاقل سبينا كام شهر نتثبت في اماكن شغلنا الجديده
ال ٣ اشباح بنات التانين : عايده ، راقيه ، مياده قالوا : خلاص يا ماما ارجوكي قاعديهم ، يا ماما هيروحوا فين بس ، مش من الكرم انه يجيلنا ضيف و احنا نطرده صح يا ماما
دريه هانم : سكوت انتوا معاكم حق كلوا ، خصوصاً ولد ليلي الوحيد المحترم و انا وافقت تقعدوا هنا ، بس لمده كام شهر فقط
أنا: **** يخليكي لينا يا دريه هانم ، بس تقيله اوي دريه هانم انا هقولك بعد أذنك يعني يا ديدي عشان حساكي جدتي اوي
دريه هانم : ديدي ههههه ،لا جزاكي **** فكرتني طلعت باشا المنسترلي كان قولي ديدي هاااه أيام ، انا موافق قول لي ديدي ليلي قول ، لكن ليلي فقط ، هفككم انتوا ال ٣ ، ليلي حصلني هعطيك غرفه و الكلبوبات الاخريات بيت نضف كعقاب علي قله التهذيب
عايده ، راقيه ، و مياده : حرام البنتين التانين هيعملوا البيت كله ، بلاش يا ماما ، عشان خاطرنا
ديدي هانم : سكوت و**** ب**** تالله لو ما سكتوا ولد مياده ، راقيه ، عايده هخليكوا تنضفوا معاهم .
ال ٣ بنات سكتوا و جابوا حاجه التنضيف و نجوان و هايدي بصوا لبعض و مفيش مفر هينضفوا البيت يعني هينضفوه
ديدي هانم : ولد ليلي حصلني و انتوا البيت يبرق و بعد ما تنتهي من تنضيف كله كله روحوا علي غرفه ليلي هقابلكم هناك نعطيكم غرف و نعرف حكايتك انت و هوا ايه ،،،،
،،،،،،،يتبع،،،،،،







​

#٣ احنا و ديدي​

ديدي دخلتني أوضه حلوه جداً هيا كانت صغيره بس متوضبه بشكل أكتر من رائع ، و فيها حمام منفصل عن باقي الفيلا ،،،
أنا: ديدي الاوضه حلوه اوي ، ميرسي اوي يا ديدي بس هوا كل اوضه ليها الحمام المنفصل بتاعها صح
ديدي : اكيد ولد كل غرفه ليها حمام خاص ، انا اديتك واحده من احلي الغرف عندنا هنا في الفيلا عارف ليه ؟؟!
أنا: ليه يا ديدي ، يمكن عشان حبيتك مثلا هههههه
ديدي : هههههه لا مش انت بس حبيت ديدي ، انا كمان حبك شوفت الطيبه ف عينك الجميل ،،
أنا : حبيبتي يا ديدي ممكن اقولك علي حاجه نسينا نقولك عليها !!! بس ما تتعصبيش و لا تزعلي ارجوكي !!
ديدي : قول ... **** يستر
أنا : احنا نسينا نقولك ان جدو هيجي بعد اسبوعين يعيش معانا في الفيلا ، ده بحسب اتفقنا معاه في اسكندريه ، و**** احنا سيبينه غصب عننا هوا جدو راجل كبير و عيان و علاجه غالي ف مرتبتنا علي معاشه اللهم لك الحمد ممشينا ف الدنيا ديه ، ما هوا مش بعد اما ربانا و كبرنا نهمله في كبره ، لو انتي مش عيزاه معانا يا ديدي م مش مشكله هناخد بعضنا و نمشي بس مش هنسيبه حتي لو هننام في الشارع، كله الا جدو **** يخليه لينا ( و عيني دمعت)،،،،
ديدي : ولد ليلي انت اصيل و الاتنين حيوان نجوان ، حيوان هايدي طيبين ، جدو مرحب بيه في اي وقت بس لو معاد وصوله بعد ١٢ مساءً قول لي عشان افتح باب الفيلا
أنا : ديدي معلش عندي سؤال كمان ، ده عشم بس و****
ديدي : قول ،،، عن الفكر في ذهنك قول
أنا : ايه علاقه السلحدار بحضرتك يعني ، و انا حاسه انك نظراتك لبناتك فيها عتاب ؟! انا مش فاهمه حاجه ،،،،،
ديدي : شوف ولد ليلي انا هحكي الحكايه كله كله بعد اما اتنين غير مهذب ينظف الفيلا ، في حاجه مهم دلوقتي روح جيب اكل للبيت ، احنا اشباح مفييش لينا اكل مفييش شرب ، انتوا هتاكلوا ايه ؟؟؟؟
أنا: ايوه صح هروح ادور علي سوبر ماركت قريب من هنا اشتري منه طلبات البيت و لا هدور علي رقمه اقرب فرع من الدليل و اكلمه يوصلنا لحد هنا
ديدي: معايا رقم بقال ، جزار بس ده من ايام طلعت باشا ،،،،
أنا : لا طلعت باشا ايه **** يرحمه ، اصبري هوريكي ، ده اسمه موبايل ممكن اتصل بالدليل و اعرف اقرب سوبر ماركت فين اقصد ( بقال ) و اكلمه يجيبلنا الطلبات للفيلا
ديدي: امان يا *** ، انت مخبول ولد هذه علبه ،،،
أنا : علبه طب انا هوريكي ، لحظه افتح الاسبيكر ،،،،
الموبايل مساء الخير يا فندم الدليل مع حضرتك )
أنا : مساء النور يا فندم لو سمحتي عايزه اعرف اقرب سوبر ماركت ،،،،،
اديت للدليل العنوان و الرقم و المنطقه و وسط ذهول من ديدي باصه علي الموبايل و عنيها مبرقه ، خلصت المكالمه و عرفت رقم السوبر ماركت ، قفلت مع الدليل من هنا و ديدي قالت من هنا : أماااااااان يا *** يا حفيظ عفريت ، عفريت يتكلم من علبه ، احفظنا يا *** ، يوم قيامه ، قول لي ولد ليلي احنا في يوم قيامه صح قول نبهني ولد قول
أنا : بس بس أهدي و يوم القيامه لسه عليه ، وبعدين فيه شبح يخاف من العفاريت يا ديدي ب**** عليكي
ديدي : صحيح انا شبح ، نسيت ، بما ان القيامه لم تقم كيف تتكلم العلبه
أنا: يا ديدي ده تليفون بس علي صغير عشان نعرف نوصل لبعض بسهوله اقصد البشر و بعضهم انتي عارفه احنا في سنه كام ؟!
ديدي : اخر سنه قبل موت كانت سنه ٧٠
أنا : ١٩٧٠ ينهار ابيض ما لازم تتفزعي ، اهدي كده احنا سنه ٢٠١٩
ديدي : امان ، كل هذه السنوات مرت علي وفاتنا
انتبهت انها اتأثرت فقولت ألهيها
أنا : استني اوريكي هنطلب ازاي الطلبيه
ديدي : موافق
شغلت الاسبيكر ، وبدأت امليهم الطلبات و ديدي مبسوطه اوي زي الاطفال و ف نهايه المكالمه و بقول العنوان ، السوبر ماركت : إيه فيلا العفاريت معندناش طلبات ، وقفل السكه ف وشي
ديدي : اطلب حيوان بقال ، اطلب أدب يووووك ، دم يوووك ، لازم تهذيب
أنا : اهدي يا ديدي شويه ولا كأنك سمعتي حاجه انا هروح اجيب الطلبات مسافه السكه مش هتأخر
ديدي : تمام ولد روح و انا اشوف عقاب بنتين اختك
أنا : ينهار ابيض ، نسيتهم ،،، عشان خاطري يا ديدي سامحيهم
ديدي : يستحيل
أنا : طب يلا ننزل نشوفهم ، و بالمره اخرج اجيب الطلبات
ديدي : يلا و بالمره انا نسي يقول العذاء الساعه ٤ بعده ترفع السفره حتي العشاء و العشاء في الساعه ٩ ، بعد ٩ ولا لقمه تأكل
أنا : طيب الساعه ٢ هنلحق ، ما اعتقدش هنلحق نطبخ يعني ممكن يكون النهارده استثناء عشان اول يوم
ديدي : يستحيل ،،،،
أنا وديدي نزلنا لقينا نجوان وهايدي يعيني شكلهم ولا الخدم و بيبصوا ليا بنظره صعبانيه و ال ٣ ستات التانين مش موجودين ،،،
ديدي : عايز النجف يبرق كلبه
نجوان و هايدي : حاضر
أنا: يا بنات هجيب الطلبات عشان الغداء علي ٤ و العشاء علي ٩ و مش مسموح ناكل غير في المواعيد ديه
ديدي : شاطر ولد بعد هذه المواعيد ولا لقمه
أنا : سمعتوا يا دوب
روحت اجيب الطلبات و وانا في السوبر ماركت لمحت شوكلاته افتكرت جدو لما كان بيعاقب حد فينا و يعنت رأيه نديله شوكلاته يبدأ يلين جبت خمسه شوكلاته عشان ديدي يا رب تقتنع تخليهم يوقفوا تنضيف ،،،،،
روحت البيت و فتحت الباب لقيت نجوان بتلمع النجف و هايدي بتعلق الستاير كل ده ف الصالون ساعه ف الصالون أومال باقي الفيلا،،،،
أنا : ديدي انا جبتلك حاجه و **** تعجبك
ديدي :جبت ليا حاجه انا عارفك من ساعتين بس ، جبت ليا إيه
أنا : جبتلك شوكلاته ، اتفضلي ،،، ارجوكي و حياه اغلي حاجه عندك خليهم يبطلوا تنضيف
ديدي : جبت ليا شوكلاته و انا اصلا اكل مفيش ،شرب مفيش ، بس حبيت طيبتك ولد ، نجوان ،،هايدي تن تنضيف وقف
نجوان ، هايدي ف نفس واحد : روحي يا شيخه **** يعمر بيتك
ديدي : روح اطبخ ولد منك ليه
أنا : لا يطبخوا ايه انا جبت أكل وانا جايه من المطعم فراخ مشويه و عيش ، عشان الوقت ديدي قالت كلمه وتمشي بالحرف الغداء علي ٤ و الساعه ٣ و ٣ونص نحط السفره
ديدي : مظبوظ مظبوظ الساعه ٤ ، اللي يحط سفره كضيافه ٣ مدامات سلحدار
أنا: مش فاهمه حاجه بس اوكي بس ممكن تقولي لاخواتي هيناموا فين عشان ياخدوا دش و يجهزوا ع العذاء
ديدي: مظبوظ مظبوظ نجوان ، هايدي هتناموا بدال مدامات سلحدار ، مدامات سلحدار نام ف البدروم
أنا : مفهمتش برضه بس ورينا الاوض ،،
ديدي وريتنا اوض البنات انبهرنا كالعاده ، بس المفاجأه الكبري ان دي اوض راقيه و عايده و مياده ، طب هما هيناموا فين ؟!
نجوان سألت ديدي : معلش يا دريه هانم بس انا شايفه ان بنات حضرتك مستقريين في الاوض دي نجمع بعض احنا فأوضه و احسن وو..،،،
لسه نجوان هتكمل ديدي قاطعتها : خونه ما تقولش عليهم بناتنا دول مدامات سلحدار ، نام في البدروم و هذا بيتنا و هذا امر
،،،،،،يتبع،،،،،،،







​

#٤ بدايه الحكايه​

و بعد الغدا
ليلي : ديدي لو سمحتي سيبي بناتك في اوضهم
ديدي: يستحيل
نجوان : معلش مدام دريه قوليلنا مين السلحدار دول ، عشان احنا مش فاهمين حاجه .
هايدي: اه و النبي واحنا بنشرب الشاي كده و غلاوه طلعت باشا..
ليلي : ديدي لو هتزعلي او هتضايقي بلاش
ديدي : شوف الفرق بين حبيب قلبي ليلي و بين باقي حيوانات ....، خلاص عشان خاطر ليلي قلبي انا احكي ، بس مدامات سلحدار انصرف .
نجوان : معلش يا مدمات السلحدار سيبونا دلوقتي من بعد اذنكم انا اسفه بس هموت و اعرف الحكايه
هايدي ميلت علي مياده و بصوت واطي و قالتلها : جايز نعرف نصلح الوضع بينكم و بين والدتكم
مياده: ولا يهمك انا هاخد اخواتي و امشي احنا اتعودنا و شكل امنا مش هتسامحنا عمرها .
مياده خدت اخواتها و مشيوا
ليلي : ديدي لو هتزعلي انا بقولك بلاش تحكي مره تانيه
هايدي: و**** يا مدام دريه انا حبيتك اوي يعلم **** و حسيت انك جدتي و ف غلاوتها و عمري ما هرضي بزعلك
نجوان قاطعتها : وانا كمان و**** حسيت بإني حبيتك و انك جدتي و بالرغم من ان تكسير العضم اللي حاسه بيه من تنضيف الفيلا الا اني حاسه بالحنيه منك فلو هتزعلي بلاش و**** مش هرضي بزعلك
ديدي : بنات انتوا باين عليكم حنيه القلب و انا كمان حبكم و خلاص انتوا بنات حظرتنا و كله قول لي ديدي
نجوان و ليلي و هايدي ف نفس واحد : حاضر يا ديدي و ضحكوا احكيلنا بقي
ديدي : ههههههه لا زاكم **** ، الحكايه بدأ ، اما طلعت باشا المنسترلي كان عنده صديقه فخر باشا السلحدار كان صدسق طلعت باشا من ايام المدرسه حتي درس مع فخر باشا في نفس الكليه كليه الحقوق ،كان طلعت باشا يعتبر فخر باشا السلحدار صديقه الوحيد و اخوه، كانوا يرحوا سوا كل مكان ، في يوم طلعت باشا زي ما قولت كان بيه بس ابوه كان باشا كان متربي في عيله كلها باشاوات خد البهاويه و هوا عنده ٢٠ سنه ، اما فخر باشا كان ابوه اقطاعي كبير و ابوه مكنش باشا كان بيه و كمان فخر باشا كان عنده ٢٠ سنه لما كان بيه ، بس بتوصيه من حمايا احمد باشا المنسترلي لانه زي ما قولت ان طلعت باشا مستواه الاجتماعي كان اعلي ، طلعت بيه وقتها و فخر بيه شافوا حظرتنا و اختنا فريال في سباق خيل خيري .
هايدي قاطعت الحكايه : **** سباق خيل اكيد كنتي زي القمر و اكيد طلعت باشا كان قمر وقتها ياااااي قلبي هيقف من الرومانسيه
ديدي : اه ولد الصوره المعلقه علي الحائط هناك صوره طلعت باشا في شبابه بس كانت ابيض و اسود ، كان جان و لبق و اشقر و عيونه زرقاء مثل السماء
نجوان : اللهم صل علي النبي ، طبعا ديدي لازم تتجوز واحد زي القمر
ديدي : ولد تأدب ههههههه، ديدي كمان كان قمر كل البهاوات و البشاوات طلبوا ايد ديدي بس ديدي قلبه كان لطلعت باشا من يوم السباق اول يوم تقابلنا
ليلي: يا ديدي يا جامد
ديدي : هههههه ولد ، المهم يوم السباق كنت انا و اختنا علا هانم كنا لسه جايين مصر ، طلعت باشا شاف حظرتنا و اعجب بحظرتنا و فخر باشا اعجب ب فريال اختنا ، حصل نقاش وقت السباق علي الحصان الفائز وقتها ، بعد السباق تقابلنا انا و طلعت باشا ف عدد من المناسبات و طبعا فريال هانم و فخر باشا كانوا معانا بالاخص ان والد طلعت باشا كان صديق والدنا رحمهم **** ، و في يوم تفاجأت من والدنا ان طلعت باشا خطب حظرتنا من والدنا ، قلبي كان يرقص يومها و وافق والدنا علي طلعت باشا ، و فريال طلبها فخر باشا ولكن والدنا رفض ، مستواه كان قليل بالنسبه لوالدنا ،،، اتخطبت فعلا انا وطلعت باشا ،، حاول يقنع والدنا بفخر باشا لكن والدنا رفض ، و فريال تزوج حد تاني
ليلي : يا عيني يا فخر باشا و فريال هانم قلبهم اتكسر
ديدي : احسن ان قلب حيوان فخر اتكسر و فريال تزوج و سافر من زوجه النمسا و حبوا بعض اكثر من روحهم
فخر باشا وقتها حقد علي طلعت باشا و حلف يكون احسن منه و ينتقم من طلعت باشا و عائله المنسترلي و قال لطلعت باشا انه لا صاحبه ولا يعرفه و انه هينتقم منه مهما مرت الايام و قال فخر كلب لطلعت باشا هذا الكلام بنصف بيتنا انا و طلعت باشا
نجوان : **** و طلعت باشا ماله ، هوا حاول يقنع والدك حضرتك بفخر باشا و هيعمل ايه تاني هيجوزهم بالعافيه
ديدي : اااه نصيب يا ابنتنا نصيب





،،،،،،،،،،،يتبع ،،،،،،،،،،









​

#٥ الانتقام​

ديدي : فخر حقد من طلعت باشا لان طلعت باشا و حظرتنا تزوجنا و هوا و فريال لأ غير انه كان حاسس بالغيره دائما من طلعت باشا لان طلعت باشا كان الاول بكل شئ في الدراسه ، في الشعل في كله كله ، سافر فخر بره مصر و مرت الايام و طلعت باشا اشتغل من ناار و نسي فخر تماما ، و رزقنا بمياده و عايده و راقيه .
نجوان : طب ما كله زي الفل اهوه ، امال ايه اللي حصل
ديدي : هتسيب ديدي احكي ولا ديدي يوقف الحكايه
هايدي : معلش حقك عليا يا ديدي كملي والنبي
ديدي: خلاص ولد ،،، المهم طلعت باشا اشتغل من نار لدرجه انه اصبح اكبر المحامين في مصر و اشتري اراضي وعقارات في مصر كلها و بره مصر كمان غير ارثه من اهله
ليلي : ماشاء **** ، **** اكبر واضح انه كان راجل محترم اوي يا ديدي علما و مقاما و كل حاجه
ديدي : صحيح ، غيره انه كان احد مستشاريين الملك القانونين في فتره كبيره من عمره ، بس لما حس انه تعب ترك المنصب.
ليلي : معلش يا ديدي بس سؤال مجنني طالما طلعت باشا كان عنده الثروه ديه كلها ليه سابك في الفيلا الصغيره ديه ، انا اعرف ان البشاوات وقتها كانوا عايشين ف قصور
ديدي : كله من فخر باشا و السلحدارات الكلاب ابناؤه
نجوان: لحظه يعني بناتك مياده و راقيه و عايده اتجوزوا من ولاد فخر السلحدار ، ازاي هوا طلعت باشا محكاش ليهم حاجه
ديدي : فخر باشا نافس طلعت باشا و وقف له كذا مناقصه و اشتري باقي البشاوات و البهاوات بامواله و هوا في الخارج ، عائله السلحدار كانت وقتها عائله كبيره و مترميه الاطراف و بالرغم من كده حكي طلعت باشا و حذر البنات من فخر السلحدار
ليلي : ازاي البنات وقعوا ف الفخ
ديدي : مصطفي و خالد و فضل السلحدار ابناء فخر السلحدار رجعوا القاهره و كانوا شباب واسيمين شافوا بنات حظرتنا في كذا مناسبه و اقنعوهم انهم من ابناء طه السلحدار ابن عم فخر و كان عايش ف الاسكندريه و كان واحد فيهم طبيب و التاني مهندس و التالت رجعل اعمال ، البنات حبوهم و ابناء فخر اقنعوهم انهم ليس لهم علاقه بفخر لا من قريب و لا من بعيد
في الوقت هذا طلعت باشا جمع اغلب ثروته و اوراقه الماليه و اسهمه ف البنوك و اخفاهم مع حظرتنا و باع ممتلكاتنا و حول الاموال خارج البلاد لانه سمع بأشاعه التأميم و ترك لي انا و البنات في مصر هذه الفيلا و كان يعيش معنا هنا ، غير ان الكلبات مدامات السلحدار تركوا المنزل و هربوا و تزوجوا ابناء فخر السلحدار من وراء ظهرنا انا و طلعت باشا .
ليلي : يالهووووووي يا عيني يا ديدي و استحملتي ده ازاي
ديدي : المشكله الحقيقه كانت ان بعد زواج البنات من ابناء السلحدار جاء فخر منزلنا انا و طلعت باشا و قاله له مبروك يا ابو نسب و اظهر عقود زواج مدامات سلحدار امام طلعت باشا و خلف ظهر فخر البنات مياده و عايده وراقيه طلعت باشا فقد الوعي و لانه كان مريض بالقلب دخل في ازمه قلبيه و ذهب للمستشفي .
نجوان : اوعي تقوليلي مات غضبان علي بناته
ديدي : لا طلعت باشا كان قلبه ابيض خرج من المستشفي البنات فضلوا يترجوا طلعت باشا يسامحهم و بالاخص بعد اما ظهرت وشوش اولاد السلحدار الحقيقيه و بدأوا في بهدله البنات ، طلعت باشا مش كان اعرف حاجه عن تعذيب اولاد السلحدار حاجه للبنات البنات كان قول لحظرتنا فقط ، وانا مش كان قول لطلعت باشا لانه مريض و لان روحه ببناته ، بعد فتره مات طلعت باشا .
تخيل بنات ان خالد و فضل و مصطفي ما وقفوش اخذ عزا في طلعت باشا و مش بس كده لا طالبوا بورث البنات بطلعت باشا ، **** يرحمك طلعت باشا كان قلبه حاسس ساب كله ورثه و امانته مع حظرتنا و انا حافظ عليها
ليلي : طب و**** خالد و مصطفي و فضل دول ولا عندهم ذره انسانيه و لا دم و لا كرامه
هايدي : ايه الحيوانات دول
نجوان : و**** كنت قطعتهم بسناني لو شوفتهم





،،،،،،،،،،يتبع ،،،،،،،،،،،








​

البنات الاشباح #٦​

ليلي : هما كده السلحدار انتصروا يعني بعد موت طلعت باشا
ديدي : لا يستحيل فضل و خالد و مصطفي رفعوا قضيه حجر علي فخر باشا و مصطفي لانه طبيب اعصاب خلا فخر باشا ياخد حبوب تفقده اعصابه و كسبوا قضيه الحجر . و بعدها حطوه فدار العجزه لحد موته ، جيه طلب من ديدي انه يسامحه و كان شكله فقير مسكين لكن ديدي مش سامحه و انا قولت *** يسامح
نجوان : يحيا العدل ، بس عيال ايه دول اللي يخلوا ابوهم يفقد اعصابه و يرفعه عليه قضيه حجر و يعملوا فيه كده
هايدي : **** شال الحنيه من قلبهم و بعدين متربين غلط هنقول ايه بس
ديدي : عندك حق ولد هايدي ، ديدي تعب و روح ارتاح شويه
نجوان : مش هتكمليلنا الحكايه و ازاي بقيتي شبح
ديدي : بعدين ، بعد العشاء و انتوا كمان روح ارتاح
ليلي : طيب يلا يا بنات بينا علي اوضتي بعد اذن ديدي عيزاكم ف موضوع ، البنات قاموا وراحوا علي اوضه ليلي .
ليلي بغضب : ايه رأيكم ف بنات ديدي ، و**** ديدي صعبت عليا جدا
نجوان : اه و**** ازاي بناتها يعملوا فيها كده
هايدي : بس هما ماتوا ازاي و شكلهم صغير مش كبير
و فجأه سمعت صوت خبط علي الباب ليلي فتحت و كانت مياده و عايده و راقيه
ليلي : نعم تؤمروا بحاجه
نجوان : عيب يا ليلي اتفضلوا ادخلوا
عايده و مياده و راقيه دخلوا ، و قعدوا راقيه بدأت بالكلام و قالت ممكن تسمعونا زي ما سمعتوا امنا احنا بقالنا زمن لا اتكلمنا مع حد و لا حتي امنا راضيه تتكلم معانا هيا بتكلمنا اصلا قدامكم بس لكن ف الحقيقه مش راضيه تتكلم معانا نهائي
هايدي: الست معاها حق قهرتوها و قهرتوا ابوكم و روحتم لناس ملهمش قيمه بعد الحب و الحنان اللي ادهولكم عيزاها ترقص من الفرح
نجوان : هايدي بالراحه ميصحش كده دول مهما يكونوا اكبر مننا و ميصحش نتكلم معاهم كده
مياده : هايدي عندها حق يا نجوان ، احنا كنا سامعين امنا و هيا بتحكيلكم اللي حصل لبيتنا و مش هتجيب سيره عن اللي حصلنا لانها متعرفهوش ، احنا نفسنا تصالحنا اوي و تحضنا و نشوف ولادنا اوي كمان ده السبب ان روحنا متعذبه و اتحولنا لاشباح ممكن تسمعونا يمكن تعملوا فينا خير و تساعدونا .
ليلي : امرنا *** ، احكوا
عايده : قالت انا كنت اكبر اخواتي كنت مش شايفه قدامي معميه حبيت مصطفي ، لأ حبيت الدكتور مصطفي السلحدار كان زي القمر و كل البنات بتجري عليه ضحك عليا علي انه مش ابن فخر السلحدار و حببني فيه و لان حبي ليه كان زي بتاع الروايات قالي تعالي نتجوز مكنتش موافقه الاول قولتله بابا مش هيوافق قاطعته فتره و اكتشفت في الفتره دي ان اخواتي بيحبوا اخواته فرحت لأني حسيت وقتها اني مبعملش حاجه غلط و ان احنا مظلومين
هايدي : ده واضح انه فيلم مفكرتوش انه ممكن يطلع فخ ولو احد في المليون
عايده : مفكرناش اللي بيحب مبيفكرش عرضوا علينا مصطفي و خالد وفضل اننا نتجوزهم و بعدها نصارح اهلنا و نحطهم قدام الامر الواقع و بكده ينتصر حبنا جابوا ابوهم و اقنعونا انه عمهم و عرف و جابوا المأذون و الشهود ولاننا كنا عدينا ال ٢١ و وكلنا نفسنا و كتبنا الكتاب ابوهم قالنا انه هيصارح اهلنا بالجواز و انه هيصارح ابونا الاول و هيقف معنا طبعا انا و مياده و راقيه كنا هنطير من الفرح ، بس لما فخر السلحدار واجه ابونا اتكشفنا انه فخر السلحدار و اننا اتجوزنا عياله و حاولنا نبقي في بيت ابونا مصطفي وفضل وخالد قالولنا لما ابونا يهدي هيصالحوا الابهات علي بعض فرحنا و روحنا معاهم لقصر فخر السلحدار
ليلي : و لقيتوا العز بعد اما روحتوا معاهم ، امال عذبوكم ليه و الحب نفعكم علي كده
مياده: عندك حق احنا من اول يوم جواز نزلوا اجوزنا فينا ضرب و شتيمه و اهانه كانوا بيأكلونا ف أوضه لوحدنا كل يوم كل بنضرب و لما كانت واحد فينا بتقول رأيها في حاجه كانت بتبقي كارثه ( دمعت مياده)
هايدي: طب خلاص متعيطيش طيب ، اهدي شويه عشان خاطري
راقيه: عارفين يا بنات حتي الحمل و اننا خلفنالهم ***** مطمرش فيهم بس كانوا احلي حاجه ف حياتنا و كنا مستحملين عشان خاطرهم انا كان معايا يوسف و عايده كان معاها امجد و مياده كانت مخلفه منير كانوا اشقيه و تحف بس كانوا بيخافوا من ابهاتهم اوي يا تري سببولهم عقده نفسيه و لا عملوا ايه ف العيال
ليلي : هما خلوا عم سيد السمسار يأجرلنا الشقه يعني هما ان شاء **** يكونوا بخير و كويسيين
ردت عايده وقالت : يا رب انتوا عارفين موتنا ازاي ، انا موت بسبب جوزي مصطفي ضربني جامد و كنت حامل و كنت بتخانق معاه علي السلم و وقعت من علي السلم و انا حامل سبني ومشي و محستش بجسمي ولقتني اتحولت لشبح
مياده : انا جوزي خالد جيه البيت و قت اما مياده وقعت طلبت منه يعمل حاجه و ياخدنا المستشفي بس كان سكران و مكنش فيه حد غيري انا و خالد ف البيت وقتها جريت علي الشارع اوقف عربيه ، جريت عليا عربيه بسرعه و خبطتني و اتحولت لشبح ولقيت عايده معايا
راقيه: انا بقي جوزي المحترم فضل بيه كان بيخني مع السكرتيره انا اول حد خرج من البيت عشان اقفشه وصلت مكتبه و واجهته كتم نفسي و اتحولت لشبح كلم فضل مصطفي بسرعه بعد اما خنقني ولقاني موت معرفش ازاي دبروا موتي علي انه سكته قلبيه
ليلي : يا ساتر دول وحوش مش بني ادمين
نجوان : يعني انتوا التلاته موتوا ف نفس اليوم
راقيه : بالظبط
هايدي: جيتوا عند ديدي ازاي و كان عمركم كام وقتها ؟
راقيه : كان عمري ٢٥ و عايده ٣٠ و مياده ٢٧ ، و اتحولنا شبح لفتره ف بيتنا ده لاننا ندمنا اننا مسمعناش كلام ابونا و اخر كلمه كانت علي لسان كل واحده فينا سامحينا يا ماما ، ماما ماكنتش شيفانا لحد اما اتحولت لشبح هيا كمان
نجوان : انا مش عارفه نزعل منكم ولا عليكم
هايدي: نساعدهم ولا ايه
ليلي و نجوان ف نفس واحد : نساعدهم و امرنا ***

،،،،،،،،، يتبع ،،،،،،،،،








​

#٧ المؤامره​

فات اسبوعين و كل يوم الساعه ٩ يطلبوا من ديدي تحكيلهم و تتهرب منهم ف يوم الخميس الساعه ٩ و جيه ميعاد العشاء حسب قواعد ديدي قرروا يعرفوا باقي الحكايه بالملي و ، البنات كانوا ناموا و طبعا طلبات البيت جت من الصبح هايدي نزلت اشتريتها لان محدش رضي يجيب الطلبات لبيت العفاريت ، نجوان قامت تحضر العشاء من ٨ و ليلي حضرت السفره و الاكل كان علي السفره و البنات ال ٣ علي دقه الساعه ٩ البنات قاعدوا علي السفره و ديدي واقفه قدام السفره و امرت انهم يبدأوا اكل
ديدي : حبيت انكم ماشيين علي النظام ، ديدي مبسوط
و راحت ديدي و شغلت الراديو علي اغنيه ام كلثوم فكروني
ليلي : سيدي يا سيدي ايه المزاج العالي ده ، شغلتي يا ديدي اغنيه فكروني عشان فكرناكي بطلعت باشا ولا ايه هههه
ديدي : ولد مشاكس ليلي ، بس صحيح الاغنيه ديه اغنيه طلعت باشا المفضله
نجوان : حسيت ان طلعت باشا جدي الكبير و حبيته بسببك يا ديدي هههههه
هايدي : بس كان زوقه حلو اوي كفايه انه اختار ديدي
ديدي : ولد مشاكس منك له ، كل اكلك كله كله و بعدين ارغي
ليلي : انتي تؤمري هههه
خلص البنات اكل و ديدي قاعده علي الكنبه جنب الراديو مندمجه ف الاغنيه و بناتها واقفين بعيد و مستخبين ورا الستاره عشان متشوفهمش قامت ليلي قعدت علي الكرسي قدام ديدي و قالت لها : مش هتكملي الحكايه انتقام ديدي من السلحدار و لا ايه
نجوان : انا جبت الشاي اهوه و هايدي شالت السفره و المواعين اتغسلت فمش هنسيبك غير لما تحكيلنا
هايدي : احنا فاضيين مفيش ورانا حاجه
ديدي : بكره الصبح وراكم شغل ولد
هايدي : ديدي احنا كده بقالنا اسبوعين اجازه الاطباء الجمعه و النهارده الخميس و كمان اجازه ليلي و نجوان جمعه و سبت ف أحكي بقي
ديدي : **** **** التوبه يا *** التوبه ، خلاص ديدي احكي احنا وقفنا لحد فين
ليلي : لحد اما فخر السلحدار مات
ديدي: فخر كلب مات ، و ولاده بدأوا يطالبوا بورث البنات في طلعت باشا ديدي رفض اديهم ورث البنات ، و ديدي كمان مش كان راضي شوف بنات نهائي مدامات سلحدار كذا مره يجوا للبيت عشان كلم ديدي بس ديدي يرفض يكلمهم
نجوان : طيب كنتي اسمعيهم هيقولوا ايه بس لو مش مقتنعه
ديدي : يووووك ، هما كلم ديدي لما اتجوز السلحدارات و جابوا ابناء ، هما سألوا ديدي اعمل ايه ، سألوا عن ابوهم ، ليه راحوا مع ابناء السلحدار قصرهم يومها ، كسروا خاطر و قلب ديدي يومها مش يستحق اسمعهم ، مش يستحق اسامحهم
ليلي: طيب معلش يا ديدي ف السؤال انتوا الاربعه موتوا ازاي ( غمزت ليلي لنجوان و هايدي منغير ما ديدي تاخد بالها)
ديدي: في يوم عرفت ان مدامات سلحدار مات كلهم في نفس اليوم واحده مخنوقه و الثانيه خبطتها اتومبيل و الثالثه وقع من السلم علي راسه مات ، انا استغرب وقتها ان التلاته ماتوا في يوم واحد و دورت وراء الموضوع
نجوان : صح ازاي ده حصل
ديدي : كله تدبير مصطفي جوز عايده بتعاون مع اخواته
ليلي : دول سفاحين يخربيتهم
هايدي : ازاي خطط لده
ديدي : هوا خطط انه كلم راقيه في التليفون قوله انه فاعل خير و اكتشف ان جوزها فضل بيخونها و تروح تشوفهم و اتفق مع اخوه فضل انه يكون في المكتب وهوا يخون راقيه و في نفس الوقت قبل ما يرجع البيت كان خلا خالد يسكر علي الاخر و هوا روح البيت و وقع عايده من علي السلم و هي حامل و ساب البيت و كمان اتفق مع صديقه شفيق يدوس مياده بالاتومبيل و بالتالي البنات كلهم يموتوا بحوادث و يعرفوا يورثوهم
خرجت عايده من ورا الستاره و هيا بتقول : ماما انتي اكيد بتهزري لأ مستحيل يكونوا عاملوا كده اكيد لأ
ديدي : ده اللي حصل و ديدي عرفه من لسان ابناء فخر السلحدار و عايده انتي عارفه ان ديدي عمره مش اكدب
مياده : كل ده يطلع منك يا مصطفي
ديدي : كلهم متفقين مع بعض مدام فضل السلحدار
راقيه : يعني ايه يعني احنا كنا مغفلات اوي كده قتلونا و حرمونا من عيالنا اه يحسرة قلبي عليهم
ديدي : مبروك عليكم جوازه مدامات اشباح سلحدار ، عارفين انا موت ازاي
كله بص لديدي و مستنينها تكمل ، قالت ديدي: كل واحد فيهم بعد العزاء طالب ديدي بورث في حق زوجته ، ديدي خاف علي الاطفال ال ٣ و قال للسلحدارات انه عايز الاطفال يتربوا عند ديدي و هياخدوا ورث بالمقابل بس يستنوا اعلان الوراثه
مياده : بس احنا ما شوفناش حد احنا كنا اشباح ف البيت قبل اما تموتي و مكنوش موجودين تعرفي حصلهم ايه يا ماما
ديدي: وصيت ألفت السلحدار عمتهم انت عارف انها كانت غير كل السلحدارت و ازاي لما اتجوزت و عرفت بأفعال ابوها قاطعت العيله باللي فيها و حنيت قلب ألفت خلت ديدي توصيها انها تهربهم برا البلد لفتره عشان ديدي كان خايف من السلحدارات
عايده : اه ألفت ازاي ماجتش ف بالي اسيب العيال عندها
ديدي : لانك مش تفكر ، السلحدارت جم البيت بعد اعلان الوراثه و طالبوا بالورث كانت ألفت هربت الاطفال بالفعل و ديدي اطمن عليهم عشان كده وقتها ديدي رفض انه يديهم الورث ، شهر وراء شهر لمده ٦ اشهر ساعتها ديدي تعب اوي وراح المستشفي و هناك الدكتور كاتبلي علي دواء و طلب من الممرضه تراعي ديدي ، الدكتور كان متفق مع مصطفي السلحدار و الممرضه و خلوا ديدي تاخد دواء يسبب هبوط حاد ف القلب و بكده ديدي مات و بقيت شبح
ليلي : لا لا ايه كل الاجرام ده يا ساتر يا رب معقول فيه حد يبقي بالشر ده
نجوان : و الاطفال حصلهم ايه
ديدي : انا مش اعرف عنهم حاجه بس اكيد ألفت واخد باله منهم
عايده و مياده و راقيه ف صوت واحد : سامحينا يا ماما لتاني مره
ليلي:انتوا عملتوا ايه تاني
ديدي : مش تاخد بالك ولد ليلي صحيح جدك هيجي امتي عشان ديدي استقبله انا مستنيه من الصبح
نجوان ردت : قالت و**** مالقيت حجز لجدي غير القطر اللي بيوصل ١٠:٣٠ بليل حق عليا و النبي ما تزعلي يا ديدي
ديدي : خلاص ديدي مش تزعل ، ديدي مستني جدو





،،،،،،،،،يتبع ،،،،،،،،،،،







​

#٨ المفاجأه​

الساعه ١٠:٣٠ و هايدي كانت وصلت المحطه القطر و بتجيب جدها من المحطه و نجوان جهزت الاوضه اللي جدهم هينام فيها و ليلي كانت بتهدي مدامات السلحدار المنهارين من العياط ، اما ديدي فكانت بسمع الراديو لاغاني ام كلثوم ، الساعه بقت ١١:١٥ الباب كان بيخبط ليلي قالت لمدامات السلحدار يقعدوا ف أوضتها و لديدي تنزل بعد اما يجي جدها بشويه عشان ميعرفش ان البيت فيه عفاريت ، نجوان جريت فتحت الباب و نطت فحضن جدها
نجوان : جدو جيه هييه جدو جيه
الجد ( مروان الاسيوطي): انتي مش هتبطلي شقاوه يا بت انتي
نجوان : عمري هههههه
ليلي جريت علي جدها و حضنته : جدو حبيبي وحشتني اوي
مروان الاسيوطي: و انتي وحشتيني يا اخر صبري ههههه مش هتدخلوني ولا ايه
هايدي : ده كلام ده انت تدخل و احنا نخرج يا باشا هههه
دخل مروان الاسيوطي : اللهم صل علي النبي ايه البيت الحلو ده ، برافو عليكوا انكم اجرتوا البيت بسعر كويس انا مبسوط بيكوا و فخور اوي
هايدي : مش اوي كده يا حج احم ، حد يقولوا ولا اقوله انا عشان احنا معندناش وقت كفايه و انتوا عارفين قصدي
نجوان : هروح اجيبلوا كوبايه مايه بسرعه و اجي و بعدها نقوله
مروان الاسيوطي : فيه ايه ، فيه مصيبه انتوا عاملينها صح انا قلبي مش مطمن
ليلي : لأ مصيبه ايه كفانا الشر لا مصيبه ولا حاجه اهيه نجوان جابت المايه اهيه اشرب المايه و بعدها نتكلم
نجوان بس ب**** عليك ما تتخض اوي احنا معندناش غيرك
مروان الاسيوطي : **** فيه ايه حجتكم المايه و أدي المايه اهيه هاه فيه ايه بقي
ليلي : بصراحه يا جدو البيت القمر ده ساكنين معانا فيه اربع عفريتات زي القمر
مروان الاسيوطي : بتقولي ايه عفا عفا عفاريت
و فجأه ديدي نزلت من علي السلم و قالت بصوت لطيف : اشباح ليلي اشباح ، نورت فيلاتنا مروان افندي
و كل ده و مروان مبرق عينه
ليلي : اعرفك ب دريه هانم كبيره الاشباح
مروان الاسيوطي اغم عليه ، ديدي صرخت وقالت بخضه : يا *** يا *** ، كولونيا بسرعه نجوان ، استر يا ***
نجوان جابت الكولونيا و شممتها لجدها جدها فاق و لقي ديدي ف وشه و عايده و راقيه و مياده كل واحد فيهم بتنزل جري و بيقولوا : فيه ايه يا ماما
ديدي: الراجل شاف ديدي اغم عليه لا حول ولا قوه الا ب****
مروان الاسيوطي بص ل هايدي و قالها : ده بجد
هايدي : ايوه يا جدو متخافش اقسم ب**** دول طيبين اوي و مش بيأذوا نمله
مروان الاسيوطي : طيب وقفيني علي رجلي يا نمله
ليلي : ديدي ، مدامات السلحدار لو سمحتوا سيبونا مع جدو لوحدنا نتكلم كلمتين
ديدي اخدت بناتها وقالت : تمام ليلي حبيب قلبي احنا فوق
ليلي هزت راسي ب ماشي
مروان الاسيوطي : عفاريت ساكنين مع عفاريت يا ولاد المجانين ، هوا احنا ناقصين ، بصوا احنا ناخد هدومنا و نجري و نقرأ قرآن و هما مش هيعملولنا حاجه ماشي ماتخفوش
نجوان : يا حج مروان دول اشباح يعني كانوا انس و تاني حاجه هما مسلمين و بيقرأوا قرآن عادي و تالت حاجه دول طيبين و بيعملونا زي عيالهم و اعز و احنا بقالنا اسبوعين عايشين معاهم و مشوفناش منهم اي حاجه وحشه مشوفناش غير كل خير
مروان الاسيوطي : اسبوعين يا ولاد المجانين ، انتوا اكيد اتلبستوا
ليلي : حج مروان اسمعني اتعامل معاهم علي انهم ناس و عايشين معانا ده اولا ثانيا مش هنلاقي مكان تاني نعيش فيه ثالثا معناش احنا فلوس للمرمطه ف فنادق ف اسمع كلامنا و ثق فينا ماشي
مروان الاسيوطي : طيب عندك حق بس مش هنقعد معاهم كتير
هايدي : الناس كتر خيرهم مستضيفنا ٣ شهور عقبال ما نلاقي مكان تاني نعيش فيه و صحيح اتعامل معاهم علي انهم هوانم و ديدي ديه اسمها دريه هانم و المفروض انها قد والدتك تيته فريال **** يرحمها و بناتها المفروض ف سنك ف عاملهم علي الاساس ده
مروان الاسيوطي : ماشي امري ***
ليلي : هنادي عليهم اتفقنا نتعامل عادي ماشي
مروان الاسيوطي: خلاص ماشي ولا يهمني
ليلي : يا ديدي ، يا مدامات السلحدار تعااااالوااااا
ديدي و مدامات السلحدار جم و مروان الاسيوطي ركبوا بتخبط ف بعض
مروان الاسيوطي : اسف يا هوانم و**** ما كنت اعرف انكم موجودين غير دلوقتي
ديدي : متفهمه موقفك مروان افندي ، امان يا *** امان يا ***
ليلي : فيه حاجه يا ديدي
ديدي : اسم حضرتك مروان ايه بالكامل و ايه اسم امه و اتولدت فين قول بسرعه
مروان الاسيوطي لقي ديدي مندهشه و مبرقه فقال بتردد : اسمي مروان طارق محمد الاسيوطي ، و امي اسمها عجيب شويه اصلها تركيه اسمها فريال مصطفي دينيز زاده و انا اتولدت ف النمسا هاه فقره الاسئله بتاعت حضرتك خلصت
ديدي قالت و هيا بتدمع و بصوت متهته : ليلي هاتلي ولد من غرفتنا صندوق فضي من علي الكومودينو دقيقه مروان افندي
ليلي بإستغراب : حاضر طلعت جابت الصندوق و نزلت
ديدي قالت ل ليلي طلعلي صوره بنت و رجل وطفل و اعطيها لمروان افندي
ليلي نفذت الكلام و ادت الصوره لمروان و مروان بإندهاش : **** ديه صورتي انا و امي و ابويا و احنا ف النمسا و انا *** انا انا عندي نسخه تانيه من الصوره ديه
قالت ديدي : و مش فاكر انت ان عندك خاله اسمها دريه مصطفي دينيز زاده متجوزه من طلعت باشا المنسترلي و ماتت صغيره و عندها ٥٠ سنه و بنتها كمان ماتوا صغيرين
نجوان : ديدي تبقي دريه هانم مرات طلعت باشا المنسترلي ، ده بجد يا جدو ، مظبوط الكلام ده
مروان الاسيوطي : مظبوط، **** حضرتك حضرتك شكل الصوره اللي عندي بتاعه خالتوا ، مش معقول خالتي
ديدي: مروان اتلم الشمل تاني يا قلبي ، امان يا *** علي حكمتك ، عشان كده قلبي حب البنات من اول مادخلوا البيت يا *** ( و انهارت ديدي من العياط)
ليلي : ده بجد يعني حضرتك تيته اخت تيته فريال عشان كده قلبي حبك زي جدتي بالظبط
هايدي : انا مبسوطه اوي اوي بس ديدي انتي عرفتي جدو منين
ديدي : شبه اختي فريال نفس العيون و الشعر و كله كله فريال اختي ، شوف مروان انت و عيالك هتكونوا ف بيتنا اقامه دائمه ، دول احفادي مش تحرمني منهم
مروان : امرك يا خالتوا
عايده قالت لمروان: صحيح انت اتجوزت من زمان و انت صغير كان عندك ٢٠ سنه باين هوا كان اكبر مننا يا بنات عشان ماما جابتنا بعد جوازها ب ٦ سنين و مامته جابته بعد جوازها بسنه ، اومال فين ابنك و خالتوا و مرات ابنك و عمو طارق احنا كنا نسمع عنكم من ماما و احنا صغيرين
مروان : بابا ، فخر السلحدار وقعه ف خسائر كبيره لدرجه انه خسر كل املاكه و ماما خادتني و عيشنا بعد وفاه خالتوا ف الاسكندريه عشان تنسي و للاسف مره ماما صممت تسوق العربيه و كانت معاها ابني و مراته اتقلبت بيهم العربيه و ماتوا كلهم و انا اللي ربيت البنات
ديدي : فريااااال ، ليه فرياااال سوق اتومبيل فريال مش اعرف سوق اتومبيلات لدرجه انه بابا حبس فريال شهر كعقاب ف البيت لأنها خدت الاتومبيل من وراء بابا و عملت حادث رهيب ، بس كانت تقاوح و تقول انها تعرف تسوق اخ يا فريال اخ بس اما اجي عندك
كل الموجودين ف صوت واحد : نننعععععععععععمممممم






​

#٩ مروان و مساعدته + ديدي و الكرتون​

ديدي لمروان الاسيوطي : ابننا مروان انا عايز اعرف فين مكان احفاد منسترلي ، الفت سلحدار اخدتهم قبل انا ما اموت و سفرهم بالاتفاق معنا ، عايز اعرف اماكن الاحفاد ( ديدي دمعت)، الامهات (عايده و مياده و راقيه) بكوا ، البنات اتأثروا و دمعوا .
مروان الاسيوطي : اهدوا شويه ، انا عندي اصحاب في السجل المدني في القاهره نحاول نوصل لأي حاجه ان شاء **** و لو حتي معلومه صغيره هتفيدنا
عايده : بجد يا ابيه مروان
مروان : بجد انا مش بقول اي كلام
(البيت كله هيص و كله اتننط من الفرحه )
ديدي : الوقت اتأخر و مش ممكن نأخر نوم يلا كله يطلع علي غرف نوم
نجوان: بس يا ديدي
ديدي: مفيش بس كله علي ال غرف حالا
البنات كلهم في نفس الصوت : يوووووه
ديدي: تربيه سيس ، تصبحوا علي خير
كل البيت ف نفس واحد : وانتي من اهله يا ديدي


تاني يوم الصبح : كله صحي لاقوا ديدي حضرت الفطار ، وقالتلهم يلا علي السفره كله كله
ليلي و هايدي و نجوان و مروان حاضر .
عايده و مياده و راقيه : هنجيب اللي ناقص من المطبخ و نكمل تحضير الفطار ليهم
و كلوا قاعد علي السفره مروان قالهم : انا رايح اقابل واحد صاحبي شغال في السجل المدني
ديدي قالت : **** بارك فيك مروان
نجوان : انا يا دوب اروح الشغل
هايدي : خديني ف طريقك و النبي عشان متأخره
ليلي : و انا هشتغل من البيت كالعاده هههههههه
ديدي : انت قاعد معنا
ليلي : صح و **** قاعدتي معاكي يا ديدي و مع طنط عايده و طنط راقيه و طنط مياده بالدنيا
عايده : يا بكاشه
( كله ضحك )
خلصوا فطار و كله راح مشواره
ليلي قعدت تترجم كالعاده ، و مره واحده عايده وراقيه و مياده قعدوا حوليها
راقيه : تفتكري يا ليلي ابيه مروان هيلاقي معلومات كافيه
عايده : العيال وحشوني اوي اوي نفسي اشوفهم ولو ثانيه
مياده : و مين سمعك
ليلي : ايه ده ازعل ولا ايه هوا انا مش بنتكم برضه ولا ايه
عايده : لا يا حبيبتي طبعا انتي بنتي وحبيبه قلبي
راقيه : و **** يا ليلي احنا ال ٣ بنعاملك انتي واخواتك زي بناتنا بالظبط
مياده : عارفه يا ليلي احنا حسينا احساس الامومه اول لما انتي و اخواتك دخلتوا البيت و دخلتوا قلبنا اول اما شوفناكم
ليلي : كنت بهزر معاكم ، انا عارفه انكم زي امهاتنا كده
هعيط و ****
ديدي : دخلت فجأه عليهم اوضه ليلي ديدي سيب ليلي ساعه عشان يقرأ كتاب و ليلي يشتغل براحته ، ارجع يلاقي انكم مزعلين ليلي ، مدامات سلحدار ، اخرج خارج غرفه
ليلي : ديدي محدش زعلي احنا كنا بنتكلم عادي
ديدي : قولت مدامات سلحدار بره غرفه انا اقعد ونس ليلي
راقيه و مياده و عايده خرجوا
ليلي : ديدي معلش انتي عارفه اني بحبك اوي بس تعاملك مع بناتك صعب اوي ، انا نفسي تعامليهم بشكل جميل زي ما بتعامليني كده
ديدي : ولد ليلي انت طيب هما لا ، و ديدي مش ممكن عاملهم حلو يستحيل ، انت انسي الموضوع فيه حاجه ديدي عايز يسألك عنها من زمان
ليلي : طبعا اتفضلي يا ديدي
ديدي : انا عايز افهم ايه صندوق المكون من جزئين ده جزء منهم اله كاتبه ، معناه ايه ، انت طول الوقت تقول اشتغل اشتغل ولا تمسك كتاب بس تفتح هذا صندوق ، ديدي مش فاهم ايه شئ ده
ليلي : قاصدك اللاب توب ههه
ديدي : ما تتضحكش علي ديدي ولد ، ادب يوك
ليلي : و**** ما اقصد اضحك بس الوصف بتاعك يجنن للاب توب اوي حبيته
ديدي : طيب اشرح تاب توب
ليلي : اسمه لاب توب ، بصي يا ديدي انا بقي بكتب علي الاله الكاتبه ديه و بتتطلع علي الصندوق اللي فوق كده كتابه و مش محتاجه كتب ولا ورقه ، اللاب توب بيوصلني بأي حاجه ف اي حته و اقدر اشتغل و اعمل حاجات كتير وانا قاعده عليه زي مثلا اقدر اشغل فيلم و**** فكره تيجي نتفرج علي فيلم
ديدي : الصندوق يقدر شغل فيلم ، ديدي متحمس يلا نشغل فيلم
ليلي : تحبي نشغل انهي نوع من الافلام
ديدي : بمعني
ليلي : خلاص انا اشغل افلام مختلفه وانتي تتفرجي علي اول ١٠ دقايق من الفيلم و تقوليلي نتفرج عليه او لا
ديدي : انا موافق
قعدوا ساعه بيختاروا فيلم و ليلي فضلت تتنقل بين افلام الكوميدي ،التراجيدي ، الدراما و ديدي مش عليها غير علي كلمه واحده : زفت ، مش محترم
لحد اما رسيوا ف الاخر انهم يتفرجوا علي كارتون ( الاسد الملك)
ديدي : حلو فيلم الحيوانات رسمات اتحرك انا عايز اتفرج عليه
ليلي : طيب وانا كمان بحب الكرتون ده يلا بينا


اتفرجوا علي الفيلم و ديدي فضلت تبكي ليلي : مالك يا ديدي
ديدي: شوفت ولد ليلي اسد صغير لما قول لأبوه ما تسبنيش ديدي اتأثر
ليلي في سرها ( طيب اقولها ايه ديه ، هديها ازاي )
ليلي: مش **** نصف الاسد الصغير و كبر و حكم الغابه بعد ابوه ف الاخر
ديدي : اه الحمد *** بس اسد صغير كان وحيد
في اللحظه ديه مروان خبط علي الاوضه بتاعه ليلي و دخل
مروان : **** ايه اللي حصل طنط دريه بتعيط ليه عملتلها ايه يا ليلي
ليلي : و**** ما عملت حاجه ده انا كنت بفرجها علي فيلم الاسد الملك و هيا شافت الحته بتاعه سيمبا بتاعه متسبنيش يا بابا و فضلت تعيط لحد دلوقتي
ديدي : انا صعب علي ظلم الحياه علي اسد صغير
مروان : طنط دريه ده خيال مش حقيقي و بعدين عندي خبر حلو ، نادي باقي الطنطات يا ليلي
ليلي : هوا
دقايق الكل اتجمع ف اوضه ليلي عايده : خير يا ابيه فيه حاجه
مروان : الحمد *** لاقيت واحد من اصحابي ليه معارفه ف الارشيف بتاع السجل المدني و كلهم علي استعداد انهم يساعدونا ، هيا مش مساعده كبيره اوي هما بس يقدروا يجيبوا شهادات ميلاد ( منير ، امجد ،يوسف ) ده غير شهاده ميلاد مدام الفت السلحدار و اخر تعاملات ليهم لو جم مصر و اكيد رجعوا لأن عم سيد السمسار اتوسط للأيجار مع مين يا تري لازم مع الاولاد او حد عاملهم توكيل ف يمكن التلاته جم ف اوقات مختلفه او واحد منهم جيه علي الاقل
ليلي : صح يا جدو ازاي مفكرناش ف كده مش ديه بس الفكره ازاي مكلمناش عم سيد السمسار نسأله
مروان : انا سألته قال عن طريق توكيل للبيع او الايجار من محامي حد فيهم او المحامي بتاعهم و كلمت المحامي قالي للاسف ان ديه بيانات العملاء بتوعه و مينفعش يخرجها بره ، وللاسف المحامي ده الوحيد اللي يعرف عنهم حاجات كتير
ليلي : بس عليا انا بقي الطلعه ديه
ديدي : هتعمل ايه ليلي
ليلي :هوا انتوا فاكرين ان جدوا لواحده اللي ليه علاقاته ، ولا ايه و بعدين لازم نستني باقي العصابه نجوان و هايدي و نعمل انا واخواتي خطط بقي و نفوق (منير / امجد / يوسف) نحن قادمون
مياده : يا فرج ****
راقيه : ابيه مروان هوا البنات فعلا يقدروا يجيبوا معلومات ولا ليلي يمكن تكون بتطمنا
مروان : ما ليلي قالتلكم انا احفادي عصابه لوحدهم ههههههه طالما ادخلوا اعتبروا عيالكم عندكم
ليلي : حبيبي يا جدو يا مشرفنا هههه ، صحيح يا ديدي في سؤال هيموتني قاعدتي اخر مره و انتي بتحكلنا عن السلحدار و عياله قولتلنا انتقام و انك انتقمتي حاجه زي كده ، عملتي ايه و النبي عشان الاثاره و التشويق هيقتلوني
ديدي : استني اما تكمل العصابه عشان نبدأ تجميع معلومات عن الاولاد و ابناء زفت فخر السلحدار مره واحد
ليلي : هستني علي احر من الجمر




،،،،،،،،،،،، يتبع ،،،،،،،،،،









​

#١٠ انتقام ديدي​

كله رجع البيت و كالعاده ليلي حضرت الغدا و البنات طلعوا غيروا هدومهم و قعدوا علي ترابيزه السفره اللي ليلي كانت مجهزاها بالفعل من كتر التشويق انها هتقول لاخوتها علي امجد و يوسف و منير
نجوان : الاكل تحفه **** لا يوريكم الجوع ولا يوريكم الشعلقه ع السقالات عامله ازاي لا و العمال بقي اللي عايزين اجازه كل خمس دقايق دول كوم تاني
هايدي : اومال انا اقول ايه اللي كل شويه عيان يدخلي و منهم اللي حرفيا مش مريض بس عنده فراغ انه يدفع كشف عشان يعاكس بس ، الحمد *** ان بكره الجمعه و هناخد اجازه يااااااه قربت انسي معني كلمه اجازه ههههه
ليلي : لأ ما احنا هنشتغل وقت اضافي
نجوان و هايدي ف نفس واحد : نعععععععععم
مروان : اهدوا و كلوا الحمد *** ان طنط دريه و البنات فوق
ليلي : و احنا بنعمل الشاي هحكيلكم كل حاجه حصلت النهارده عقبال ما جدو ينادي ديدي و الطنطات من فوق
هايدي : تمام
بعد اما اكلوا و هما بيعملوا الشاي ليلي حكتلهم علي كل حاجه
هايدي : بتهزري هوا ده الشغل ، انا دايسه ف الحوار ده
نجوان : وانا كمان حان وقت الاثاره و **** الشقاوه هترجع تاني يا بنات و كمان ديدي هتحكيلنا علي الانتقام لأ ده السهره صباحي
هايدي : بلا نوم بلا خيبه هما اللي ناموا خدوا ايه انا معاكم و بكره اجازه يعني مش باقيه علي الدنيا
البنات ضحكوا
خرجت ليلي للريسبشن و معاها صينيه الشاي و البنات وراها
هايدي : ديدي ليلي قالتلنا علي اللي حصل و ان شاء **** هنجمع كل المعلومات اللازمه
نجوان : ديدي متقلقيش هايدي اسمها الحقيقي شارلوك هولمز و احنا مقولنلكيش
هههههههههه
ديدي: شوف شوف مروان حماس البنات عشان ساعد ديدي و مدامات السلحدار ، قلبهم ابيض ، مسك يا **** احفظهم
ليلي : انا عايزه اسمع قصه الانتقام بقي من اولها
نجوان : واحنا كمان احكيلنا بقي يا ديدي
هايدي : اي معلومه ممكن تفيدنا ههههههه
ديدي : مش عارف قول عليه انتقام او صدفه او ايه اللي حصل
مصطفي جوز عايده بعد اما ديدي مات جيه علي الفيلا عشان دور علي ورث بسبب موت عايده مكنش اعرف ان روح ديدي عايش ف البيت هنا هوا جيه البيت في ذلك اليوم و معه صندوق عشان ياخد اي حاجه ذو قيمه معاه لو ملقاش فلوس انا فاكر كويس منظره كان زي منظر حرامي داخل يسرق المهم من غباءه قبل ما يطلع مصطفي سلم ترك الصندوق علي الارض عند اول سلمه و بعد اما طلع كل السلالم عند اخر سلمه فوق انا كنت عايز عفرته ف طلعت قولتله ( بخ) هوا من الخضه وقع من علي السلم كله و فضل يتدحرج لحد اما راسه خبطت في حرف الصندوق
هايدي : وبعدين حصله ايه
ديدي : انا شيلت مصطفي رميته بره البيت ، كان تقيل زي بقره
ليلي : ههههههههههه ، بقي بخ تعمل كل ده هههههههه
ديدي : ههههههه بس ولد سيبني اكمل ، مصطفي اتجمع حوله الناس و جابوا الاسعاف ، انا قولت روح وراه شوف ايه حصلوا طلع الوقعه علي حرف الصندوق كانت علي مخه
هايدي : متقوليش جاله شلل
ديدي : ولد هايدي انت دكتور شاطر فعلا جاله شلل رباعي و يرقد حتي الآن ف مستشفي
نجوان : بخ بتاعت ديدي مش اي بخ ، البخ القاضيه ههههههههه
كله ضحك حتي عايده بس ضحكتها كانت فيها زعل
عايده : انا مكنتش اتمني ان ده يحصله بس نال جزاءه ، مش متخيله اني حبيت و اتجوزت وحش زيه
هايدي : خلاص يا طنط متزعليش بصي روحي زوريه و قوليله بخ هههههههههه
عايده ضحكت من قلبها و ديدي و الكل
نجوان :و ايه اللي حصل ل خالد السلحدار
ديدي: نفس الكلام جيه حمار دور علي ورث بس المره ديه انا مش استناه يطلع سلم ههههههههه انا طلعله قولتله ولد خالد عايز ايه انت عايز ورث صح ، مياده قاله اهرب بس هوا قل ادبه ، ديدي اتعصب فضل يلف حوالين خالد لحد اما الحمد*** اتجنن و هوا الآن ف العباسيه عمال يقول : دريه هانم لف لف ، قطار توت توت ، بيب بيب بس ، هوا صحيح انا كنت ناوي عفرته بس مين قاله يقلل ادب مع مياده .
نجوان : بصي اقسم ب**** يستاهل و كمان بيقلل ادب
ليلي : طب و فضل
ديدي : لا فضل ده كنت عايز انتقم منه اشد انتقام لانه بعد موت راقيه ما جاش حتي جنازه ولا العزاء و كان بيضرب يوسف باستمرار كان شخص مستفز
هايدي : ديدي انتي عماله تقولي كان كان هوا مات
ديدي : اه
مروان : معقول حضرتك موتيه
ديدي : لأ انا ما موتوش ، شوفوا فضل بعد عزاء راقيه راح بعربيه يقابل واحده ، لأ و من وقاحته ركب الاتومبيل بتاعه و شغل اغنيه لأم كلثوم ( و بيردد كوبليه الدنيا مفيش ابدا ابدا احلي من الحب ) انا زعل اتضايق من كتر مراقبه ظهرله بس ف الكرسي الخلفي للاوتوموبيل و قلت اقفل ام كلثوم و شغل قرآن فيه حاله وفاه لزوجتك
قال فضل كفايه هيا هتفضل منكده عليا عيشتي حتي بعد اما ماتت و بعد اما قالت كده انتبه و نظر للخلف لاقاني جالسه علي الكرسي الخلفي ، قولت له انت تربيه سيس ادب يوك تربيه فخر السلحدار صحيح ، فضل شايف حضرتنا و مبرق و قال حماتي و فجأه دخل ف عمود مات





ليلي : **** اكبر يعني كده ( فخر السلحدار دخل دار المسنين ومات فيها ، و مصطفي اتشل ببخ و خالد اتجنن ، و فضل مات )
هايدي : يا ديدي يا عظمه
نجوان : احنا كده ما فضلش غير اننا نجمع المعلومات بقي من اللي سمعناه و جدو بكره صاحبك بتاع السجل المدني قال ايه
مروان : يوم الاحد ان شاء **** شهادات الميلاد هتبقي معانا
هايدي : كده ما فضلش غير نعرف معلومات عن المحامي ، جاهزين يا بنات
ليلي و نجوان بصوت علي : جاهزين
،،،،،،،يتبع ،،،،،







​

#١١ مزاجنجي​

بعد اما ديدي حكت انتقامها قالت ليلي : حلو بقي مفيش نوم النهارده او نسحر للفجر ندور علي احفاد المنسترلي النهارده الخميس معايا يا عصابتي الحلوه ولا ايه ههههههه
ردوا هايدي و نجوان ف نفس واحد : معاكي ههههههه
ديدي : يستحيل الساعه ١٠ كله نوم كله كله
ليلي : ديدي عايزه احفادك ولا لأ
ديدي : عايزه احفادي بس كده نوم بوظ نظام بوظ كله بوظ
نجوان : ديدي حبيبتي احنا بنلم شمل العيله من تاني و العيله دايما اولويه و يومين مش هيفرقوا حاجه عندك هايدي بيجيلها نبتشياط و عمليات لأنها جراحه عظام كمان مش دكتور عاديه يعني كائن عايش علي الكافيين ،وانا و بشرب تقريبا ٣ كوبيات قهوه يوميا عشان اعرف افوق و ليلي عايشه علي النسكافيه يعني دمنا ده كافيين اصلا هههههه
هايدي: ولكل قاعده استثناء يا ديدي و احنا نعمل عشان خاطرك اي حاجه
ديدي: بس انت كده اتعب ولد انت وهوا
ليلي : ولا يهمك يوم في سبيل ديدي هههههه
ديدي: ولد بكاش انت وهوا وهوا خلاص هأسمح لكم بالسهر
راقيه و مياده و عايده : واحنا هنعملكم المشروبات و هنشوفكم عايزين حاجه طول الليل ولا لأ
مروان : انا طالع انام انا مليش دعوه بيكم هههه تصبحوا علي خير
رد الكل : وانت من اهله
و فعلا طلع مروان و ليلي: قالت هيا الساعه دلوقتي يجيلها كام
ديدي : التاسعه مساءاً
ليلي: هايدي اطلعي بسرعه خدي اسم المحامي بتاع احفاد ديدي بسرعه و نمرته من جدو قبل ما ينام
هايدي: صحيح هجيبه جري
نجوان : ليلي انتي سألتي ع الساعه ليه ، اوعي تكوني بتفكري ف اللي بفكر فيه
ليلي: طبعا مزاجنجي هههههههه
نجوان : ده اساسي بسرعه كلميها
ديدي : مين مزمزانجي ولد وليه كلمها
نجوان: مزاجنجي يا ديدي ههههههه ، ديه كانت جارتنا من سننا ف اسكندريه اسمها تقي بس احنا مسمينها مزاجنجي عشان كل دقيقه بمزاج كده ، هيا محاميه شاطره جدا تعرف محامين كتير جدا جدا ف كل حته ولو ليها محامين صحابها كتير جدا
ديدي: اه فهمت ، ليلي مزامزنجي رد عليك
ليلي: ههه لسه ، الو مزاجنجي حب ايه الاخبار ، بقولك قاصداكي كده ف حاجه تخصني ، بلاش رغي يا بت بقي اسمعي ، همليكي اسم محامي و رقمه و عيزاكي تعرفيلي كل حاجه عنه ، لا يخربيت شطانك مش عريس لأ هههه حاجه تانيه
تقي في التليفون : اول ما افتكرتي يا اختي مزاجنجي ههه بصي عشان انا اجدع منك هنجزلك الحوار ده وانا هاجي القاهره قريب هشعلقك مكان الساعه انتي واخواتك لما اشوفكوا
ليلي : ههههه ماشي يا ستي شعلقينا براحتك اما تيجي ، بس متنسيش الحوار بتاع المحامي البت هايدي راحت تجيب اسمه
هايدي : نزلت من علي السلم جري وادت الكارت لليلي
ليلي : جدو جاب الكارت منين ههه مش سهل انت و**** يا جدو ، خد يا مزاجنجي الاسم " مراد الترك"
تقي في التليفون: اوعي يكون اللي ف دماغي " مراد الترك " اللي رقمه ******** ده
ليلي : يخرب عقلك هوا عرفتيه ازاي
تقي: لا ده حوار لوحده ده ، خدي بالك ده من اشطر محامين القاهره و غلس غلاسه ياباي ، بس الصراحه مزززز و تنك ف نفسه اوعي تكوني يا بت واقعه ف مصيبه انتي واخواتك و بتدوري علي محامي
ليلي: لا مش مصيبه اعوذ ب**** ، ده حوار عائلي كده ، مش هتيجي القاهره هبقي احكيلك معاكي الفيس بتاعه او اي حاجه عشان طابع الكارت منغير ايميل او اي حاجه
تقي : عيب عليكي هبعتولك ، هروح انا دلوقتي عشان امي بتنادي عليا سلام يا حب
ليلي : سلام
هايدي ، نجوان ، ديدي ، عايده ، راقيه و مياده مستنين ليلي بفارغ الصبر تنهي المكالمه
ديدي: مزمزانجي قول ايه
ليلي: طلعت تعرف المحامي و هتبعتلي كل ما يتعلق " بمراد الترك " ده
ديدي: مش سهل مزمزانجي ده ههههههه
كل الموجودين ضحكوا
راقيه: و هنعمل ايه دلوقتي
هايدي: مفيش هنستي تقي تبعت البروفايل او معلوماته و هندور فيها لحد اما نلاقي الاولاد بتاعكم عنده الا اذا كان بروفايله بتاع الشغل
ليلي : هيا تقي قالت انه غلس
هايدي: يبقي البروفايل بتاع الشغل حتي جدو معرفش يطلع منه بمعلومه
تقي بعتت البروفايل
نجوان : هاه هنعرف نستفاد من البروفايل
قاطعتهم عايده وقالت : يعني ايه بروفايل و هتدوروا ازاي علي ولادنا يا بنتي انتي و هيا دلوقتي اكيد المصالح الحكوميه قافله
ديدي: لا تقل يا ليلي ، هايدي ابحث ف صندوق صح
ليلي: **** ينور عليكي يا ديدي يا جامد هههه
ديدي: ديدي افهم تكنولوجيا يواش يواش ههههههه
هايدي : يا جماعه المحامي ده ف قمه الغلاسه قافل بروفايله و كاتب عليه الرسائل للعمل فقط و لحظه ده واخد دكتوراه ف القانون من امريكا
نجوان : عشان كده شايف نفسه و غلس
ليلي: ايه ده ده مززز فعلا هههههه يا بنت اللعيبه يا تقي مبتغلطش ديه ههههه
هايدي: ولا غلطه
ديدي: كل شويه مززز مززز ديدي مش افهم مززز يعني ايه
نجوان: يعني زي القمر ، و ليه حق يشوف نفسه الصراحه ههههههه
ديدي: تربيه سيس ادب يوك خلي ديدي شوف صوره مراد ترك
هايدي لفت لديدي اللاب توب ، ديدي: حلو ، مش قمر مثل طلعت باشا
هايدي: يا ديدي جيلك كان الحلوين كثر احنا جيلنا الحلوين قلائل هههههه
ليلي: صح و**** ههههه
" ملامح مراد الترك شاب طول بعرض ملامحه عربيه بحته عيونه لونها عسلي ، عنده ذقن خفيفه"
نجوان: تحسيه كويتي كده هههههه
هايدي : كويتي يا هلا بالسعوديه هههههههه اجيبلك فيراري الحين ههههههه
ليلي : بس بقي بطلوا غلاسه هههههه ، احنا لازم نستعجل تقي تيجي تشوفلنا صرفه معاه ده
هايدي :احنا نكلم تقي تاني هاتي التليفون يا ليلي
الو بصي يا اسطا الحوار كبير محتاجينك معانا ف القاهره
وراكي شغل ولا لأ محتاجينك ضروري عشان لازم نتصرف مع مراد الترك ده حرفيا بشكل سريع
تقي في التليفون : اهدي خلاص هقدم السفريه بتاعه القضيه اللي المكتب مكلفني بيها ف القاهره و كنت لازم كده كده القاهره ف خلال يومين تمام هاجي بكره هحجز الفندق اونلاين اهوه و......
هايدي : قاطعتها مفيش الكلام ده و حطت ايديها علي الموبايل و قالت لديدي ينفع نقعدها معانا ولا لأ
ديدي : اه ولد اعزمها تقعد معانا عادي
هايدي: مش هتباتي غير عندنا ف القاهره علي الاقل نرجع الذكريات
تقي : هههههه خلاص تمام هروح ابلغ امي و اجهز الشنط و انضم ليكم بكره و اكلم احمد اخويا يحجزلي القطر قبل ما يروح
هايدي: تمام سلام يا قلبي
تقي: سلام
هايدي : يا عيال تقي جايه بكره
ليلي : حلو نستقبلها بكره و نفرز المعلومات معاها و يوم السبت نظبط مقابله مع مراد الترك ده لو عرفنا و معانا تقي و الاحد ناخد شهادات الميلاد بس كده كله جاهز
ديدي : طالما كله جاهز اذهب كلوا للنوم دون نقاش
الكل: ماشي ، تصبحي علي خير
،،،،،،،،يتبع،،،،،،،،،







​

#١٢ الميعاد بالعافيه مع مراد الترك​

يوم الجمعه البنات استقبلوا تقي ف المحطه و هما ف العربيه ، ليلي : وحياه الغاليين علي قلبك يا مزاجنجي تجيبلنا معاد مع مراد الترك بكره
تقي : ملقتيش غيري انا اللي اجيبلك ميعاد ده بيطيق العما و ميطقنيش
هايدي: يا دي الخيبه هببتي ايه
تقي : ابدا يا ستي العبده *** بلا فخر كسبته ف قضيه و كنت الوحيده ف مصر كلها اللي علمت عليه هههههه
نجوان : حلاوته هههههههه هنههبب ايه
ليلي : احنا مكلمنهاش عن اهل البيت اللي هتسكن معانا فيه
هايدي : ينهاري صح .. ......
قبل اما هايدي تكمل ، سواق التاكسي : البيت اللي ادتوني عنوانه ده **** يجعل كلامنا خفيف لطيف عليهم يا رب البيت المسكون صح
تقي : لحظه يا عمهم مسكون مين يا بت انتي وهيا لأ انا مش مرتاحه ما تنطقوا
هايدي : هوا انتي ادتيني فرصه اتكلم حتي ، و بالنسبه للبيت يا اسطا ف هوا البيت اللي **** يجعل كلامك خفيف لطيف عليه
تقي : نعععععععم وانا اقول اتنقلتوا بسرعه ازاي عايشين مع عفاريت اقف علي جنب يا اسطا و نزلي
السواق وقف و تقي نزلت بسرعه ، هايدي : استسمحك يا اسطي تستنا دقايق و نزلت ليلي ورا تقي
ليلي : اصبري يا اما لسان متبري منك لو الحوار فيه خطر كنت هجيبك يا متخلفه
تقي : وانا ايش عرفني مش يمكن العفاريت طالبني بالاسم
ليلي : قاطعتها غباوه العفاريت هيطلبوكي ليه ليهم قضيه مرفوعه ف محكمه العفاريت مثلا ، اسمعي الحوار و بعدها احكمي
تقي : اهري
ليلي : حكت الحوار كله لتقي ، تقي بخضه : ايه ام الفيلم الهندي ده انتوا موعودين يا بنتي ، لأ و قرايبكم
ليلي : تخيلي بقي المهم تحترمي ديدي جدا و باقي الامهات تكلميهم بأسلوب كويس دول قد مامتك كده عيب
تقي: حاضر استرها معانا والنبي يا رب ، هتعرفي تكلمي مراد و لأ ارزعه تليفون اجيبه علي عينه
ليلي : هههههههه ارزعيه انتي ويلا عشان سواق التاكسي
تقي و ليلي ركبوا التاكسي
تقي : معلش يا اسطا هتنزلنا جنب البيت بسم **** الحفيظ لانه البيت اللي جنبه معلش زولناك ، هايدي كانت هتعترض بس تقي بصتلها
سواق التاكسي : انا استغربت و قلت الحوار فيه غلط
تقي: معلش يا اسطا احنا جداد ف المنطقه **** يفتحها عليك
السواق : علينا وعليكي يا استاذه
سواق التاكسي نزل البنات ف البيت اللي جنب فيلا المنسترلي
تقي : حد يشيل الشنطه يعني واكلين دماغي تعالي و بتاع نخلي شويه ذوق و ادب
هايدي: وانتي يا اختي حد قالك تقولي للسواق انه ينزلنا العماره اللي جنب الفيلا
تقي : نفسي اعرف بقيتي دكتوره ازاي ههه بصي فيه حاجتين ياما الناس هتخاف منك انك ساكنه ف الفيلا ، ياأما هيشكوا ان الفيلا مفيهاش و حد يفكر يسرق الفيلا و يقتلكم او يلاقوا العفاريت ف يطلع بقي اشاعات خلينا ف السليم
ليلي: ههههههه شغل المحقق كونان بس تمام معاكي حق هاتي الشنطه
البنات وصلوا قدام البيت ولسا هيخبطوا ديدي فتحت الباب : مزمزانجي ، عامل ايه ولد ادخل نورت القاهره
تقي : **** ينور بحضرتك ...ام ...منوره بأهلها و نورك
ليلي: هههههههههههه **** ينور بحضرتك معلش يا ديدي اول مره تتعامل مع اشباح هيا
تقي : هيا ديه ديدي ،،، ام ،،، اسفه و**** ما اقصد اصل حضرتك قمر و ميبانش ان حضرتك عففف
ليلي : شبح قصدها ان حضرتك احلي شبح ف الكوكب
ديدي : مزمزنجي ، من كرم اخلاقك ولد ادخل
مدامات السلحدار ، مزمزانجي حضر استقبل ضيف تعال
تقي : **** اكبر ، ازي حضراتكم
عايده و راقيه و مياده : هههههه
مياده: ازيك يا بنتي عامله ايه ،
تقي : انا بخير يا طنط ، تسلمي
عايده : انا جهزتلك السفره اكيد جعانه
تقي : **** ده انا ميته من الجوع و****
راقيه : بالهنا ، وانا ظبطت اوضه ليلي عشان تنامي عندها ف الاوضه و نجوان و هايدي يناموا ف اوضهم عشان حرفيا لقيت اوضه هايدي فيها هيكل عظمي ف اتخضيت و اوضه نجوان مكتب ومناقل ف كل حته
نجوان : طب وليه الفضايح ههههههههههه
مياده : يلا يا تقي عشان تاكلي و تنامي عشان ترتاحي
تقي : **** و انا اللي كنت خايفه منكم طب و**** حسيتكم اهلي
ليلي : مش قولتلك ههههههههه
تقي : هنفذ كلام الطنطات و بليل نتفاهم
بليل جيه الساعه بقت ٦ بليل وتقي لسا قايمه من النوم
و نازله علي السلم
ديدي: كل ده نوم ، ايه ده نوم اهل كهف لا ديدي يكره عدم نظام و**** لولا ان انت جاي من السفر و ليلي اقنع حضراتنا انك تعبان كان زمان ليا اجراء تاني
تقي : حقك عليا و**** كنت مقتوله هيا الساعه كام دلوقتي
ديدي طلعت الساعه بتاعتها من جيب الفستان و قالت : الساعه الان السادسه مساءاً
تقي : كاااااام هاتولي التليفون عشان اكلم مراد الترك بسرعه ده تنك و بيقفل المكتب ٦:٣٠
ليلي جريت جابتلها التليفون
تقي علي التليفون : الو الاستاذ مراد الترك موجود ، يعني ايه مش بنستقبل مكلمات ولا استفسارات قانونيه الساعه ٦ ، انت فاكرني زبونه اسمع قوله الاستاذه تقي العلي المحاميه عايزاه ف حاجه مهمه جدا ، اوكيه انا مستنيه علي الخط اهوه
مراد الترك : الو مين معايا و تقي العلي مين و عيزاني ف ايه عشان معنديش وقت
تقي : تقي العلي اللي كسبتك ف قضيه مزارع شبراويشي
مراد الترك : هوا انتي عايزه ايه بقي ،،،،
وقبل ما يكمل تقي : بقولك ايه اتكلم كويس معايا ده اولا ، ثانيا انا عايزه اتكلم معاك ف قضيه مهمه تخص الموكلين بتوعك و الموكلين بتوعك ،
مراد الترك : موكلين ايه وضحي
تقي : الموكلين امجد السلحدار و يوسف السلحدار و منير السلحدار موكليني عايزين نتفاوض معاهم والا هناخد اجراء قانوني ضدهم ، واخر كلام يا نقابلك بكره عشان نتكلم و نتفاوض يا نودي الورق للمحكمه
مراد الترك : اصبري بس اولا بكره انا عندي مواعيد كتير جدا ، ثانيا قضيه ايه اللي انتوا هترفعوها من فضلك وضحي
تقي : ايوه اتظبط معايا ف الكلام ، القضيه هتبقي احتيال بسبب البيت اللي مأجرينه لموكليني
مراد الترك : انا قولتلهم ميأجروش البيت الفقر ده ، من فضلك متوديش حاجه للمحكمه وانا هحاول اظبط جدول مواعيد بكره ، ممكن لحظه معايا ع التليفون
تقي : خد وقتك
ليلي : ايه اللي حصل
تقي و هيا حاطه ايدها علي السماعه : الواد جاب ناعم اصبري
مراد الترك : ممكن بكره نتقابل ف مكتبي انا و انتي و موكلينك الساعه ٣ العصر ، بس محدش يروح للمحكمه قبل ما نتناقش من فضلك
تقي : تمام ان شاء الساعه ٣ العصر هنكون عندك ابعت العنوان علي الواتس
مراد : تمام ، اشوفكم ان شاء **** ، مع السلامه
تقي : سلام ، يخربيت ام التناكه
ليلي : انتي قصفتي جبهته و قضيه ايه اللي هنرفعها
تقي : ديه الطريقه الوحيده عشان تقابلوه ولا الغي المقابله
هايدي : لأ و النبي ههههه احنا مصدقنا
تقي : اشمعني الموكلين دول لما دخلت فيه شمال اتكلم كويس انا مش فاهمه حاجه
ليلي : ولا انا هههههه بس كنتي جامده
تقي : عيب عليكي ههههههههه بقولك يا جدو مروان ، صاحبك هيجيب الورق الرسمي امتي
مروان : بكره الساعه ١١ كده هقابله واخد منه الورق واجي البيت
تقي : حلو عشان ابص ف الورق قبل ما نروح لمراد ده
و بالمناسبه احنا هنروح ٣ العصر بكره خليكم جاهزين يا بنات هايدي ، ليلي ، نجوان بكره لازم تيجوا معايا تحت اي ظرف
هايدي : مش هروح المستشفي بكره و هاخد اجازه
و نجوان : و انا شرحه
ليلي : جاينلك يا مراد يا ترك
،،،،،،،،،،،يتبع ،،،،،،،،،








​

#١٣ المقابله الموعوده​

يوم السبت الصبح مروان الاسيوطي نزل بدري للسجل المدني و فعلا جاب الورق بتاع السجل المدني بتاع منير و امجد و يوسف الساعه واحده و كل واحده من البنات راحت الشغل بتاعها حرفيا و خدت اجازه و ليلي اكيد كلمت مكتب الترجمه انها اتأخر ترجمه الكتاب بتاعها شويه ، تقي كمان خلصت وراها و الساعه واحده ونص
تقي : جدو مروان من فضلك ممكن تديني الورق بتاع احفاد طنط دريه
ديدي : قولي مزمزانجي ديدي زي باقي بنات
تقي : حاضر عنيا بس الورق فين الاول اراجعه
مروان : حاضر يا بنتي انا مجهزلك الورق علي تربيزه السفره
تقي : عظيم
وراحت تقي جابت الورق وقعدت تتفحص فيه و مره واحده تقي قالت بصوت عالي : ايه ده
كله اتجمع عليها ، ليلي : فيه ايه ، ايه اللي حصل
تقي : احفاد ديدي كلهم جم مصر اكتر من مره ده حتي التوكيل اللي عملوه لتأجير البيت كان من قبل تأجيركم للبيت بأيام و مراد اكيد ورا الموضوع لانه المحامي بتاعهم ، مراد يا الترك ده انت هتشوف مني ايام ، اصبر عليا بس
هايدي: يعني كانوا موجودين فعلا !!! ، و ليه طيب الوسيط كان عم سيد السمسار و المحامي و هما مظهروش ف الخلفيه ليه ، الموضوع فيه لغز ، بصي وريني صور البطايق كده ندور عليهم من علي الفيس و ....
تقي قاطعتها و قالت : الموضوع مش محتاج سيبوني اتصرف بس تعملوا اللي هقوله بالحرف
نجوان : تمام
عايده قالت : بلهفه طيب فيه احتمال نشوف اولادنا يا تقي و راحت مدمعه
تقي : ثقي فيا بس يا طنط انا هخلي ال ٣ بما فيهم مراد ده البيت هنا
ديدي: وانا هيتصرف معاهم بس انت جيبهم ولد
تقي : من عنيا يا ديدي متقلقيش ، دلوقتي لازم نجهز يلا يا بنات ورايا علي الاوض لازم نبقي اخر شياكه عشان ندخل علي مراد الترك بقلب جامد كده .
البنات فعلا دخلوا الاوض و كل واحده فيهم خرجت زي القمر ، تقي لما لقت ليلي جهزت قالتلها : بس اخرجي ده استنيني تحت و اتأكدي ان اخواتك خلصوا لحد اما اجهز .
ليلي خرجت من الاوضه و فعلا كله استني تقي تحت تقي خرجت لابسه بدله كحلي مناسب للون عينها بالظبط و شعرها الاسود الطويل سابته مفرود و حطت ميكب خفيف و نزلت ، تقي : يلا يا بنات الساعه ٢:٣٠ ، الاوبر فاضله ٥ دقايق و يوصل يا دوب نستناه قدام العماره اللي جنب البيت .
ديدي: امان يا *** ، ماشاء **** قمرات **** يحفظكم ، ولد انت و هوا خد بالك من نفسك
ليلي : حاضر يا احلي ديدي
البنات خرجوا من البيت كل واحده فيهم احلي من التانيه و ركبوا الاوبر و وصلوا مكتب مراد كانت الساعه ٣ بالظبط
سكرتير مكتب مراد باصص ف الورق اللي قدامه ، تقي : مساء الخير ممكن تقول للاستاذ مراد المحاميه تقي العلي و موكلينها وصلوا لان فيه ميعاد بيننا و بين الاستاذ مراد
السكرتير بص للساعه و رفع السماعه و قال: مراد بيه الاستاذه تقي العلي وموكيلينها و قفل التليفون .
مراد خرج يستقبل تقي و البنات
السكرتير رفع عينه فجأه وقال : **** اكبر هوا فيه كده
تقي و مراد في نفس الوقت : هوا ايه اللي فيه كده
مراد : انا اسف هوا اتجنن باين عليه
السكرتير : انا اسف و**** مش قاصدي ده ده .....
تقي: خلاص مفيش مشكله مراد بيه لو سمحت لازم نناقش الموضوع اللي جينا عشانه ،
( تقي ، كانت مفهماهم انه يسيبوها هيا اللي تتكلم و لو سأل حد فيهم يردوا علي القد)
مراد : انا اسف علي اللي حصل بره مره تاني ، و سعيد ان حضراتكم قبلتوا تتناقشوا قبل ما تروحوا المحكمه
تقي : اعتذارك مقبول ده اولا ، ثانيا انا كنت هروح المحكمه علي طول ، لكن موكليني طلبوا النقاش الاول
مراد: عارف انك مش بتحبي النقاشات الكتير واسهل حاجه عندك تروحي المحكمه ، يا ريت تقولوا الاتهام اللي ناويين تقدموه ضد موكليني
تقي : اللي فيه عيب مش بيبطلوا نقول ايه بقي
مراد : قصدك ايه
ليلي : ممكن تهدوا انتوا الاتنين فيه قضيه و بنناقشها
مراد : اتفضلي اتكلمي يا استاذه تقي
تقي: بص بقي يا استاذ مراد البيت اللي موكلين حضرتك مأجره لموكليني كله تلفيات بالهبل و محتاجين موكلينك و حضرتك تعينوا التلفيات و تدفعوا تعويضات ماديه عن الضرر
مراد: تلفيات بس اللي موجوده ف البيت
تقي : قصدك ايه ببس ديه ، هوا فيه حاجه غير التلفيات
مراد: لأ لأ طبعا ، و اروح ليه و موكليني يروحوا ليه ما انا ابعت لموكليني و حضراتكم تقدروا قيمه التلفيات ديه و تشرفوني مره تانيه و تاخدوا الفلوس و ننهي الموضوع
تقي : ايه الاسلوب ده .........، قاطعتها نجوان و قالت: هوا انت حضرتك شايفنا شحاتين مثلا او ميتين علي قرش ولا طماعين و جايين نتبلي علي حضرتك و نبتذك انا مهندسه محترمه و اختي ديه دكتوره و التانيه مترجمه ، احنا غلطانين اننا مسمعناش كلامك يا استاذه تقي و روحنا المحكمه علي طول
مراد: لا لا لا انا مش قصدي حاجه ، الالفاظ خانتني .....
قاطعته هايدي وقالت: مفيش كلام بينا يا استاذ احنا غلطانين اننا جينا اصلا
مراد : لحظه ارجوكم ، انا اسف واللي يرضيكم انا تحت امركم ، ده كان قصدي ، بأي شكل انا مع حضراتكم بس ننهي الموضوع بدون مشاكل من فضلكم
تقي :ولحظه احاول اقنعهم بده
تقي خدت البنات لأبعد مكان ف المكتب و كلمتهم بصوت واطي و قالت : سيبولي الطلعه ديه ده انا هسلمهم لديدي بما فيهم مراد بس المهم نقول لديدي علي مراد تظبطه لما يجي
تقي خدتهم و وقفت قدام مكتب مراد وقالت : شوف يا استاذ مراد انا اقنعتهم بالعافيه ان حضرتك و موكلينك تشرفونا ف البيت و تقدروا قيمه التلفيات اللي علي اساسها حسب العقد مكنتش مذكوره فيه زي السقف اللي بايظ و العفش المكسر و طالع بره و هكذا و نغير قيمه الايجار للأقل
مراد: للاقل ده اقل سعر لأيجار فيلا زي ديه
تقي : و**** انا ده مش مشكلتي العقد كاتب ان كل حاجه ف البيت بيما فيها العفش سليم ف مش مشكلتنا الحقيقه و متنساش ان موكلينك هما اللي حاطين قيمه الايجار مش موكليني خالص
مراد: تمام ، بس هوا مفيش حل تاني غير اننا نروح البيت
ليلي :تاني ، انا قولت يلا ع المحكمه بكره
مراد: خلاص خلاص اتفقنا ، تحبوا نيجي نعاين المشاكل بتاعت البيت امتي
نجوان : بكره الساعه ٥ المغرب ، لاننا هنكون رجعنا من الشغل و مفيش ميعاد تاني هنحدده
مراد : تمام اتفقنا
تقي : احنا هنمشي دلوقتي عشان ورانا اشغال ، يلا يا حضرات وآه حاول تحسن اسلوبك مع الناس شويه
تقي خدت البنات و مشيوا و مراد وشه كان احمر و هيفرقع من الغيظ
مراد خبطت بأيده علي المكتب بقوه و كلم السكرتير : انت يا ابني انت متوصليش مكلمات ولا تدخلي حد لمده نص ساعه .
و خد الموبايل بتاعه و اتصل برقم و بدأ تكلم : الو يا يوسف اسمعني انا حاولت اتصل بأخواتك و محدش رد و الحمد *** انكم ف مصر فاكر الفيلا الفقر بتاعه العفاريت ....( وبدأ يحكي كل اللي حصل معاه ف مقابلته مع البنات و تقي و بعد اما خلص قال ) : بص لازم تحضروا بكره معايا بأي شكل دول مخابيل و معاهم محاميه اجن منهم انا عارفها لازم نروح ع الساعه ٥ مفيش حل تاني
يوسف : اللي خفنا منه حصل ، المهم محدش فيهم جاب سيره العفاريت يبقي احنا كده ف الامان وديه اشاعات
مراد : باين كده بأي طريقه تيجوا معايا بكره انتوا ال٣
يوسف : تمام متقلقش انا هتصرف ، اقفل انتا دلوقتي وانا هكلم امجد و منير ، سلام
مراد: سلام
في الجانب الاخر ، البنات في الطريق كانوا ميتين من الضحك لحد اما وصلوا البيت
ديدي و الامهات و مران كانوا مستنينهم ، ديدي اول لما شافتهم : حصل ايه ولد طمن حظرتنا
تقي : جايين بكره الساعه ٥ المغرب و معاهم مراد الترك
ليلي : ده قليل الذوق ، عشان خاطري يا ديدي ، *** مراد الترك ده
ديدي : زعل بنات حفيدات ديدي ، يومه اكثر صعوبه من يوم ولادته ، اصبر ولد ديدي خد حق انت و الباقي
نجوان : **** يخليكي لينا يا رب
مياده : يا فرج **** هنشوف عيالنا بعد سنين و دمعت ، شكرا يا بنات اوي و شكرا يا تقي انا مش عارفهم بجد اقولكم ايه
تقي : العفو علي ايه انتوا تأمروا و احنا ننفذ
ديدي : ولد مياده انا خلي الاحفاد ذكور بالبيت ، شوفهم طلعوا احفاد طلعت باشا ولا زفت سلحدار
هايدي: هما جيين بكره اتصرفي معاهم براحتك ههههه





،،،،،،،،،،،،يتبع،،،،،،،،،،،،،







​

#١٤ لقاء الاشباح​

" حابه اعتذر عن التأخير ⇐ جالي اوميكرون ⇐يا دوب اتحسنت بدأت اكتب ⇐اسفه اوي "
☛نبدأ في الفصل :
يوم الاحد من اول النهار الامهات كانوا ف قمه الحماس أخيرا هيشوفوا عيالهم بعد سنين .
كله بيوضب البيت مستنين ، ديدي كان شاغل تفكيرها طول النهار هل امجد و منير و يوسف ورثوا شر فخر السلحدار ولا طيبه طلعت المنسترلي و فجأه ديدي جاتلها فكره بيها تعرف هل احفادها يستحقوا الورث اللي محدش يعرف مكانه غيرها ولا لأ ، الساعه جت ٤:٣٠ المغرب تقي قالت لديدي و الامهات : ديدي احنا لازم نوهمهم ان فيه تلف ف البيت قبل اما يدخلوا
ديدي: متخافش ولد مزمازنجي ديدي ، اقدر اوهمهم بتلف البيت ، مثلا بص علي الجنينه من الشباك مزمازنجي انت و بنات
البنات بصوا علي الشباك لقوا الجنينه اللي كانت مليانه ورد مفيهاش ورده واحده حتي و مدخل البياض بتاع البيت مقشر
ليلي : **** ينور يا ديدي انا قولتلك التلفيات اللي قولنالهم عليها
ديدي: متقلقش ولد ليلي كله شئ هيكون مظبوط في ميعاده
مياده نازله علي السلم جري : بتقول وصولوا
ديدي : زي ما فهمت الكل كله استخبي انا هستقبلهم و بعد 10 دقائق كل ام اخرج واحده ورا التانيه و البنات شوف ايه حصل هما و مروان من سلم فوق بشويش ، تمام
كله قال : تمام
⇒ قدام البيت : امجد و منير و يوسف و مراد
امجد : البيت فعلا من بره شكله يقرف ، اذا كان شكله كده من بره جوا هيبقي منظره ايه
منير : معاك حق كان لازم حد فينا يشوف منظر البيت قبل اما نأجره
يوسف : نشوف مين ياعم انت ناسي ان عمتك محذرانا الف مره من البيت ده
منير : انت مصدق حوار العفاريت ده انت كمان ، طب ما احنا اهوه قدام البيت متسخطناش ولا حصلنا الهوا
أمجد : معاك حق واضح ان عمتك بتهول ، مراد قول لمامتك ألفت هانم السلحدار اننا متسخطناش اهوه هههههه
مراد : اقسم ب**** لو عرفت اننا هنا تموت فيها انا جايبكم من وراها زي ما اتفقنا
يوسف : عيب عليك يا عم صوره بقي للذكري مع بيت الاشباح ههههههه
" كله وقف يضحك و فعلا خدوا صوره للذكري قبل اما يضربوا الجرس "
" و ضربوا الجرس فعلا"
ديدي حطت علي راسها طرحه سودا و حاولت بكل الطرق متبينش وشها لما فتحت الباب ، فتحت الباب و الاربعه دخلوا جوا البيت و قفلت الباب وراهم
" السقف كانت بينقط و عفش البيت طالع و فيه ريحه وحشه طالعه "
منير قال : الريحه زي الزفت فعلا و التلفيات موجوده
فجأه البيت اتحول و حاله البيت رجعت كويسه جدا
الولاد ال 4 تنحوا و فضلوا مبرقين
مراد : حضرتك مين حضرتك عف عف عف عف.....ريت صح
ديدي لفتله و الطرحه السودا اتشالت و قالتله : شبح حيوان حلوف
يوسف : حضرتك رئيسه الاشباح هنا انا مش خايف
قالتله ديدي : طبعا انت مش افتكرني حلوف انت كنت صغير ، لما حظرتنا مات
يوسف: هطط...لعي مين يعني ، واحده شيك و جميي..له ماتت هنا و خلاص
أمجد : اسكت يا زفت هنروح ف داهيه ديه......
" وقبل اما امجد يكمل كلامه الامهات خرجوا واحده ورا التانيه "
يوسف قال ماما و اغم عليه
منير : فوق يا يوسف احنا اكيد ف عالم اللاوعي قوووم
أمجد : اعوذ ب**** من الشيطان الرجيم ، هات ايدك يا مراد قول ورايا لا اله الا ****
مراد مسك ايد امجد و فضلوا يقولوا : لا اله الا ****
ليلي جابت مايه و حدفتها علي يوسف
يوسف فاق وفضل يقول : ديه معاهم معاهم
مراد : طلعتوا انتوا كمان اشباح
امجد : اهربوا من الباب بسرعه بسرعه
ديدي: هوا ايه الايمان نزل علي قلب كله فجأه وانت حيوان فاكر نفسك اعرف اخرج من البيت من غير ديدي ما يكون عايز ، لا زاكم ****
راقيه : اهدوا يا ولاد مش كده
امجد : نهدي ايه نشوف اموات و تقوليلي نهدي
ديدي : حلوف اهدي انت فاكر ديدي الوحيد
أمجد : فاكرك يا ستي فاكرك
ديدي : فاكر ديدي و تتكلم معاها بأسلوب ده حيوان تربيه سيس ، ادب يوووك
"وفجأه امجد لقي نفسه مربوط ف السقف و متعلق "
عايده: عشان خاطري نزليه ارجوكي
منير : اثبت يا امجد نزليه ارجوكي و هعملك كل اللي انتي عيزاه ، انا اسف ارجوكي
ديدي : هنزل حلوف تاني و انت كدا كدا هتعمل اللي ديدي عايزه ، بس حلوف امجد اعتذر
أمجد : اسف يا آنا دريه
يوسف : مين جدتنا دريه "و اغم عليه تاني "
ديدي :قوم حلوف " وحدفت علي يوسف مايه "
ديدي : صحيح مين حلوف مراد ، تقرب لاحفاد سلحدار ايه
مراد : انا الحفيد الرابع ابن ألفت السلحدار
ديدي : لسه ألفت عيان بالقلب
مراد : اه انتي تعرفي ... اقصد حضرتك تعرفي امي
ديدي : طبعاً ، انا اللي هرب 3 حلوفات دول مع ألفت ل لندن قبل ما امهاتهم موت
يوسف : انتي السبب ، انتي
مروان " طلع يجري وقف قدام يوسف " و قال لديدي : لو سمحتي يا خالتوا معلش هما مصدومين و بالنسبه ليوسف ف انا اسف بالنيابه عنه هوا مصدوم
ديدي : انت مش اتأسف مروان ، هوا حلوف يوسف مش اعرف حاجه ، حلوف انتوا ال 4 هات علبه
منير : يعني ايه علبه مش فاهم
هايدي: يعني الموبايل "علبه يعني الموبايل "
أمجد : جدتك عارفه الموبايل هههههههه
مراد : انت بتضحك يا امجد
امجد : اعمل ايه انا طيب ههههههههههه
ديدي : اخرس حيوان وقف ضحك ، كله سلم علبات و صناديق لو معاك ل ليلي ، و مفيش خروج بره فيلا نهائياً ، طلعتوا ابناء سلحدار ، بالرغم من أن حلوف يوسف : لون عينه ازرق و شعره اسود و ملامح زي طلعت باشا ، و حلوف منير عينه خضراء مثلنا و شعره بني نفسنا و حلوف امجد نفس ملامحنا و شنب طلعت باشا بس انتوا احفاد سلحدار
يوسف : متكلمنيش منفضلك
امجد : هههههههه الحمد *** خدت من طالعت باشا شنبه هههههه
مراد : هوا معلش مفيش خروج يعني ايه ، انا عندي موكلين
منير: و انا عندي مرضي
امجد : و انا عندي شركه هندسه لازم اراقب موظفينها
يوسف : لسه ورايا بحث بعمله لو مش هضايقك يعني يا دريه هانم تبقي تخليني اكمل البحث ف البيت لو تكرمتي
ديدي : انت ولد مراد خلي تقي نائب عندك ف شغل و هيا راقب شغل و عشان الفت انا خلي معاك علبه كلم امك ساعه ف اليوم ، اما زفت امجد نجوان اشتغل عندك و راقب شغلك ، و حيوان منير هايدي راقب مكانه و يوسف راقيه دخله مكتبه طلعت باشا اعمل بحثه
هايدي : منير انت تخصص ايه معلش
منير : *****
هايدي : انا عظام ديدي مينفعش اخد مكانه
نجوان : وانت يا عم امجد مهندس ايه بالظبط
امجد : عم امجد انا مهندس بترول
نجوان : وانا كمان منفعش
يوسف : وانتي كمان يا ليلي مينفعش تساعديني ما هيا كوسه بقي
راقيه : يوسف يا حبيبي اهدا شويه
يوسف : حاضر
ديدي : نجوان خد ورق كل يوم من شركه امجد و هاته و امجد كلم شركه عشان اديك ورق ، اما منير خد اجازه طويله و مراد عين تقي نائب شركته
مراد : مستحيل اعمل كده
ديدي : مفيش خروج انتوا 4 بره البيت سلحدارات
مراد قال لتقي : عندك طابعه
ليلي قالت : عندي
مراد قال : هكتب انك هعينك نائب و امضي علي الورقه و اكلم السكرتير ـ و امري *** اللي مطمني ان مصالح الناس بتهمك اكتر من مصلحتك يا تقي
تقي : استاذه تقي من فضلك
قرب عليها مراد بصوت واطي و قالها : هنفخك بس اصبري عليا
نفذوا كلام ديدي " امجد كلم المكتب و عمل توكيل لنجوان بالاداره و كمان مراد عين تقي النائب بتاعه ، و منير خد اجازه طويله . "
ديدي جابت هدوم و حدفتها للولاد : كله البس هدوم خدم ، امجد اعمل تنظيف هوا و مراد ، منير اعمل جنينه ، يوسف حلوف اعمل غسيل للسلحدارات وتنظيف مكتبه
امجد : انا مهندس محترم و شركتي واخده الايزو و الاولي ف الشرق الاوسط ابقي خدام
ديدي : انت قول حاضر او اعلقك تاني في سقف
امجد : ابدأ منين يلا يا مراد
مراد : الهدوم ريحتها وحشه اوي
يوسف : اه بتاعت مين الهدوم ديه
ديدي : خدم سابقين في فيلا
منير : ميتين صح
ديدي : اه
ليلي : ديدي واحنا هنعمل ايه
ديدي : انتوا ارتاحوا و خلوا بالكم من جدو مروان
يوسف : اشمعني
ديدي : كيف انا ، مزاج أنا
منير : يوووه
ديدي : ادب
منير : حاضر حاضر
ديدي : واحد شوف شغله ، ليلي خدت علب و صناديق كله
ليلي : اه كلها
ديدي : عظيم خد يوسف علي مكتبه و وري باقي سلحدارات اماكن نوم خدم ف البدروم
امجد : اقسم ب**** ولا كأننا احفادها ولا تعرفنا
ليلي : متسكت يا عم بقي ... يلا اوريكم اماكنكم و **** يستر
" يتبع """""""""""""""









​

#١٥ دار الايتام​

كلهم راحوا البدروم مع ليلي
ليلي :صحيح يا يوسف انت بتعمل بحث ف ايه
يوسف : ملكيش دعوه انا بعمل ايه وشغلي ايه مش كفايه انك واقفه مع دريه المنسترلي ، الست اللي خادتني من امي بكل قسوه و قالتلي هسفرك و انا كان عندي ٣ سنين و سببتلي صدمه مكنتش عارف انطق بسبب موت امي
منير :اهدا يا يوسف احنا قولنا ايه و ليلي مالها بس باللي حصل زمان
يوسف : انت ناسي حصل ايه ولا افكرك
منير : لا منستش و فاكر كل حاجه يا حبيبي
" وخد منير يوسف ف حضنه بعد اما عين يوسف دمعت "
مراد :احنا سوا مهما حصل يا چو ، من فضلك يا انسه ليلي اطلعي و سبينا مش كفايه انكم جبتونا هنا انتوا و تقي
ليلي "و عنيها بتدمع ": انا هقول حاجه بس ديدي كانت مهرباكم من اللي حصل بين ابهاتكم و امهاتكم و مكنتش عايزه انكم تبقوا موجودين ف النص ، و ممكن تسألوها علي اللي حصل بالظبط ، و تاني حاجه مطلعوش غلبكم فينا احنا ملناش دعوه ، محدش فيكم كلف خاطره يسأل احنا مين بالنسبالكم و جيبناكم هنا ليه حتي
" سابتهم ليلي و طلعت فوق جري ف اوضتها و هيا بتبكي "
منير : انت ايه اللي عملته ده يا يوسف ، و هيا عندها حق بالظبط احنا لا فكرنا مين البنات دول وجدهم ولا حكايتهم ايه ، و ليلي ملهاش علاقه بدريه هانم و اللي عملته زمان
مراد : معاك حق ، كله من تقي اللي جابتنا هنا ده انا هنفخها
" سمعوا صوت خبط علي الباب "
يوسف مسح دموعه وقال : مين
راقيه : انا يا ولاد ممكن تدخلوني
امجد فتح الباب وقال : نعم خير دريه هانم طالبه منك نعمل حاجات زي اما سفرتونا زمان بالغصب مع عمتي انا سمعت كل حاجه وقتها وقولتلهم ، ليه عملتوا كده انتوا عمركم ما حبتونا للاسف لا انتوا ولا ابهاتنا
راقيه : لا يا امجد احنا محبناش ف الدنيا قدكم انت عارف احنا ليه هربناكم و لجأنا لأمنا ، لأننا كنا عيزين نتأكد من حقيقه ابهاتكم البشعه قبل اما نظلمهم و قبل اما اروح لماما و اخواتي سمعت جدكم فخر السلحدار كان عايز يحطكم ف دار ايتام و مصطفي يدبر انكم تهتوا ف الشارع لما يرجع البيت ، و ماما للاسف بعد اما موتنا عينت محقق خاص واكتشفت ان احنا موتنا بالتخطيط من ابهاتكم للاسف و للاسف الكلام ده مثبوت بالورق مع ماما ، و خليتنا نشوفه
امجد : انتي بتهزري صح و ايه اللي يخلينا نعرف ان الكلام ده صح
راقيه : هخلي مياده تجيب الورق و عليه امضاء ابهاتكم للاسف من اوضه ماما و نتجمع بليل و ف قصر السلحدار لو مبعتهوش فيه كرسي عليه علي دراعه رمز اسد ، لفوا الاسد هتلاقوا جواها ورق دار الايتام جدكم كان مخبيه هناك ، محدش حبكم قدنا ف الدنيا كلها ولا حد هيحبكم زينا " خرجت راقيه من الباب "
منير : معقول يكون ده بجد ، امجد انت فاكر جدك فخر كان بيعاملنا ازاي ، كل اما يشوفنا يضربنا ويقلل مننا و يخلينا ناكل كل واحد فينا ف حته زي الحيوانات اللي كل واحد منهم من فصيله
امجد: فاكر اكيد انا كان عندي ٨ سنين وقتها و متأكد ان طنط راقيه بتقول الحقيقه
احنا هنجيب الورقه ازاي بتاعه التبني عشان نشيل احساس الزعل من اهمهاتنا و نتأكد انهم مظلومين ازاي و احنا محبوسين هنا​

​

مراد : مفيش غيرها حد من البنات يتكلم معانا فيديو و يروح القصر الحمد*** امي مبعتهوش ، و احنا نقول لهم علي الكرسي
منير : صح بس مين هيجازف،الحمد *** طنط ألفت مغيرتش حاجه لما روحت القصر اخر مره
امجد : انا هكلم نجوان بموجب العقد تقدر تجيبلي ورق من كل مكان و هطلب منها الطلب ده معتقدش هترفض
"مياده خبطت علي الباب " ، وقالت : افتح يا منير انا ماما
منير فتح الباب : نعم خير
مياده : اتفضل يا ابني الورق اللي اهلكم مضيينه و ورق المحقق كله والصور انا اسفه يا ولاد انها ديه حقيقه ابهاتكم بس للاسف مفيش حاجه بأيدي اعملها "و ادتلهم الورق و مشيت"
امجد طلع و نادي علي نجوان بأعلي صوته
نجوان : ايه يا عم مالك ، ما براحه و لا انت شوفت حاجه غريبه ، اهدا علي نفسك شويه
امجد: بصي انا مبحبش طوله اللسان انا كنت عايزك ف حاجه مهمه ، هتساعديني ولاايه
نجوان : انجز
امجد : انجز ، ماشي كنت عايزك تجيبي حاجه مهمه من قصر السلحدار
نجوان : يخربيتك ملقتش غيري مش هتحرك من هنا انت عايز ديدي تقتلني و بعدين انا هقع بلساني لا ياعم مقدرش
امجد: مين يقدر فيكم
نجوان : بص ليلي حالفه متعبر حد فيكم ، و تقي مش طايقه مراد ،يبقي مفيش غيرها هايدي بس بلاش النفخه الكدابه بتاعتك بدل ما هتنفخك و هايدي علي فكره احسن حد تعمل كده لأنها نبطشيه النهارده و ديدي مش هتسألها بتعمل ايه ولا رايحه فين
امجد : هايل قوليلها بقي او اقولك هخلي منير يقولها
نجوان : ما تقولها انتا لو قولت لحد غيرك هقولها انك بتعمل فيها مقلب
امجد : ده انتي غلسه ، نادي عليها طيب منغير من آنا دريه تاخد بالها ماشي
نجوان : اتفقنا
" نجوان راحت و نادت هايدي براحه و لقت امجد مستنيها ورا الستاره "
هايدي : ههههههه نعم يا عم طقيه الاخفاء
امجد :هس يخربيتك ، عايزك ف خدمه
هايدي: فيه ايه قول
امجد : عايزك تجيبي حاجه من بيت السلحدار ضروري و**** الموضوع ده هيقف عليه حاجات كتير بالنسبالنا
هايدي: هوا الموضوع خطر بس هحاول و**** يستر اعمل ايه
" امجد حكالها تعمل ايه بالظبط "
هايدي: تمام هروح البيت الساعه ٥ انا فاضيه من ٥ ل ٧ و هكلمكم فيديو وقتها علي موبايل مراد انا خلاص اخدت رقمه و **** يستر


امجد : ان شاء **** خير
هايدي: ديدي جايه
امجد : هجري انا علي البدروم
الساعه جت ٥ و كلمت هايدي تليفون فيديو مراد و قالت : مراد انا فتحت الباب اروح فين
امجد : هايدي بصي امشي علي طول هتلاقي اوضه المكتب ف الوش مفتاحها علي شكل نجمه افتحي الباب هتلاقي المكتب ف الوش
هايدي : اه فتحت الباب اهوه و المكتب ف الوش شايفينه
امجد : ايوه الكرسي بتاع المكتب الدراع بتاعه اليمين علي شكل اسد لفيه كده
هايدي لفت الاسد ولقت ورق وقالت : اه ده ورق تبني باسمكم انتوا التلاته
مراد قال : هاتيه و دوري علي اي ورق تاني يخصنا ف المكتب هاتيه وتعالي ، ماما قالت المكتب ده مكنش حد بيدخله غير جدي
هايدي : تمام انا هرجع البيت النهارده علي ١١ ابقوا صاحيين عشان اديكم الورق و مفاتيح البيت
امجد : تمام متقلقيش
قفلوا مع بعض
يوسف : معقول ماما تكون معاها حق و ابهاتنا مجرمين زي ما قالت
مراد : هوا لحد دلوقتي كلام امك صح يا يوسف
امجد : انت لازم تصالح ليلي و تعرف حكايتها و حكايه اخواتها ، مش هما يعرضوا نفسهم للخطر و احنا نزعلهم و واضح ان ليلي اكتر حد حساس فيهم
يوسف : خلاص هصالحها هروح يمكن الوقت يعدي و نخلص
ليلي بتترجم كتاب بالاسباني علي ترابيزه السفره عن امير من الفراعنه بتقول : ايه سفن ده فيه امير والنبي يبقي اسمه الامير سفن هههههه الفراعنه دول عليهم حاجات
يوسف : الامير سحفن من الاسره ٢
ليلي بزعل في صوتها : اه سحفن معلش معرفتش اقرأ اسمه
يوسف : مش سهل اي حد يعرف يقرأ اسم فرعوني
ليلي : معاك حق
يوسف : بصي انا اسف و مكنش قصدي ازعلك ، زعلي طلع كله عليكي الصبح وانتي ملكيش ذنب
ليلي : قالتله عادي ولا يهمك محصلش حاجه
يوسف : قوليلي بقي يا ستي انتوا مين و بتعملوا ايه هنا
ليلي : دريه هانم كان عندنا اخت تبقي والده جدو مروان اللي جدك فخر عمل كل العجب ده عشان ينتقم من طلعت باشا انه متجوزهاش لانه كان بيحبها
يوسف : يالهوووي و الست مالها ،و**** احسن انه متجوزتش جدي فخر
ليلي : هههههه جدك كان فظيع فعلا
يوسف :ههههههه اوي ، بصي يا ستي تعويض عن قله الذوق بتاعه الصبح بتاعتي هساعدك تترجمي عن الامير سحفن
ليلي : احلف ، هو انت تعرف الامير سحفن منين
يوسف : اللي قدامك عالم اثار ده علي الماشي هههههه ، و هساعدك هاه مش زعلانه
ليلي : هوا احنا اتخانقنا امتي هههههههه
يوسف : ههههههههههه
ليلي و يوسف فضلوا شغالين علي كتاب ليلي و مراد و تقي قضايا المكتب و كان منير بيعمل الجنينه و بتساعده و الجد قاعد ف اوضته و امجد بيساعده في تصليح الشباك و ديدي و الامهات بيراقبوهم في صمت لحد اما الساعه ١٠:٣٠ البنات عملوا نفسهم نايمين و الشباب كمان
" الشباب في البدروم "
يوسف : و**** طلعوا لطاف اوي
منير : اه جدا
امجد: اتهد حيلي بس و**** جدو مروان ده سكر
مراد : وتقي طلعت شاطره بجد
" هايدي رنت علي ليلي عشان تفتحلها الباب " و البنات الاربعه معاهم ورق و راحوا للبدروم
" باب البدروم خبط ، امجد مين "
هايدي: يا ابني افتح احنا اللي بنخبط
امجد فتح ليلي قالت بصوا احنا هنراقب لو ديدي جايه و هايدي اديهم الورق بسرعه
هايدي فعلا ادتلوا الورق و قالت : بص انا لقيت ورق بخط ايد جدكم ده كانت رسائل انه عايز يجوز ابهاتكم بعد وفاه امهاتكم علي طول و يحطكم ف دار ايتام
مراد قالها : وريني الامضاء متتطابق
امجد : للاسف خط جدي و امضائه ، انا اللي كنت بقرأله الرسايله قدام اصحابه عشان يتفشخر انه معلمنا كويس و مش منقص علينا حاجه
يوسف : امهاتنا معاهم حق ، و حبونا بجد احنا ظلمناهم و حتي ظلمنا دريه هانم
،،،،،،،،،،يتبع،،،،،،،،،،







​

#١٦ سوزي​

ليلي خدت يوسف علي المكتبه بدل الصالون عشان يساعدها ف ترجمه جزء الامير سحفن و كمان يدور لنفسه علي مراجع تنفعه ف بحثه
في المكتبه يوسف : ايه المكتبه ديه كلها انا مكنتش متخيل ان جدو بيحب الكتب اوي كده
ليلي: ديدي قالتلي قبل كده ان طلعت باشا كان بيحاول يجمع كتب نادره علي قد ما يقدر
يوسف: ده جوجل يتعلم من المكتبه ديه هههههه
ليلي : لخص بقي يا بتاع المومياء هتساعدنا ولا ايه
يوسف : بتاع مومياء يخربيت اللماضه ماشي يا ستي وريني انتي واقفه فين ز. في الوقت ده مراد و تقي كانوا شغالين علي قضيه مراد لتقي : لا بس طلعتي شاطره و يجي منك
تقي : انت نسيت اني علمت عليك في قضيه قبل كده ولا ايه.
مراد : يا ستي فاكر ماكنتش قضيه ذلاني بيها من ساعه ما قابلتك ، ملامحك القمر ديه مش لايقه علي لسانك ده .
تقي: قمر ! بقولك ايه انجز و خلينا نكمل شغل بدل ما اقلب عليك


مراد : وعلي ايه الطيب احسن خلينا نكمل
اما منير كان بيعمل ف الجنينه و مبتسم و هايدي بتبص عليه و بتقول : الواد ده ماله كده كيوت زياده عن اللزوم كده ليه هههه
اما نجوان فجابت الورق بتاع الشغل لامجد


امجد : الورق مترب كده ليه
نجوان : مترب انت بتكلم حانوتي مش عجبك ، لو جدع افتح الباب و اخرج
امجد : اخرج و انا دريه تشوفني ديه تعملني شورما ، ديه مش طيقاني لوحدها
نجوان : يبقي تقول متشكر بذمه
امجد : متشكر يا قمر
نجوان : قمر و**** اقول لديدي
امجد : ايه قلبك ابيض.
ف الوقت ده لقوا ديدي بتقول بصوت عالي أجمممممممع هنا كلوا كلوا .
كله جيه بيجري حتي جدو مروان
جدو مروان : فيه حاجه يا طنط دريه
ديدي : ايوه فيه مواعيد الاكل و الشرب هيا هيا الا الافطار هيصبح ٧ صباحاً ، ٧:٣٠ مفيش لقمه ، البنات هيبقوا قولوا لاولاد سلحدار عليها ، معاد اصحي الساعه ٦ صباحاً ، اما ميعاد نوم الساعه ١٢ بعد منتصف الليل اللي هتكون بعد ١٠ دقائق من دلوقتي ، مواعيد النوم تطبق علي كل ماعدا هايدي لانه طبيب
مراد : طب انا مبعرفش انام غير وانا بقرأ حاجه
ديدي : اجري خد من مكتبه طلعت باشا كتاب ، اي عدم اهتمام بالكتاب هخليك اندم انك جيت الدنيا حلوف مفهوم
مراد: حاضر ، هحافظ ع الكتاب
ديدي : ديدي لف ع البيت الساعه ١:٣٠ صباحاً عشان اديكم فرصه روحوا ف النوم لو انا لقي حد صاحي هيندمه ، ديدي قال كل حاجه عنده انصراف يلا ع النوم
كله راح علي مكان نومه ، حتي منير اللي كان شايل حاجه ف هدومه
في البدروم الولاد قاعدين لقوا صوت قطه صغيره
مراد : صوت القطه الصغيره ده جاي منين نفسي اعرف
منير : انا ، القطه معايا
امجد: انت مجنون يا منير انت مخبيها ف هدومه لا و كمان لو انا دريه شافتها يبقي روحنا فيها
منير : ما عشان كده كنت مخبيها ف هدومي عشان انا دريه متشوفهاش
يوسف : يخربيت كده هنعمل بيها ايه و انت جايبها ليه
منير: متتعصبوش عليا سوزي
امجد: سوزي مين ؟
منير : القطه
امجد قاطعه : انت سميتها سوزي كمان هههههه، احكيلنا بقي حكايه ست سوزي ايه ولا متطلعش قطه تطلع قط نسميه سوز هههههه
منير : ممكن تبطل تريقه علي فكره قطه مش قط انت ناسي ان الكس صاحبنا كان عنده قطه و قط و سابهم عندنا قبل كده
يوسف : متفكرنيش دول كانوا شياطين مش قطط فاكر يا مراد اما جبت جزمه جديده و كل واحد من القطط ساعتها خد فرده و طلع يجري فناحيه مختلفه و هما يجروا واحنا نجري وراهم ههههههه
مراد: الا فاكر دول مسابوش حته ف الفردتين بتوع الجزمه سليمه ههههه كان اسمهم شيري و بيلي ههه
منير: بيلي و سيلي كان اسمهم سيبك منهم دلوقتي خلينا ف سوزي ، سوزي مش عارفه تمشي كويس و رجليها متعوره و بتنزل دم ، و انا نسيت شنطه الاسعافات بتاعتي ده غير انه خايف تكون رجلها مكسوره
يوسف : طب ما تروح لهايدي هيا دكتوره عظام بشري بقي بيطري مش فارقه المهم نساعد القطه عشان حرام
منير : كلامك صح بس المشكله هننادي هايدي ازاي انا دريه مش هتسابنا ف حالنا
امجد: عارف لو كان مراد كنت قولت انه بيعمل كده عشان يظبط لكن انت لأ طول عمري كده حساس و بتحب تساعد اللي حوليك
مراد: يا سلام اجي فيك ايه ف التظبيط ده انت كل بنات الجامعه ف لندن الاكسات بتوعك
امجد:ههههههه ايام الشقاوه
منير: انتوا بتهزروا ولا بتتكلموا بجد فيه قطه بتنزف ف ايدي و كاتم الجرح بتاعها بالتيشرت ، هنعمل ايه
يوسف : لقيتها ، انت تقول لمامتك و هيا تنادي لهايدي و تتقابلوا ف الجنينه كإنك نسيت حاجه و انت بتشتغل فيها هيا تعالج القطه و انا هراقب الجو
منير : و**** يا چو انت الوحيد اللي بتفهم هوا انت صحيح اغلب الوقت قاعد لوحدك بس بتطلع افكار تحفه ف وقت الزنقه مش جوز العبط دول كل واحد فيهم بيتخانق مين اصيع من التاني
يوسف : يلا ولا ايه
منير : يلا
منير بصوت واطي : ماما لو سمحتي انا محتاجك ضروري ،
مياده جت بسرعه و قالت : نعم يا منير يا حبيبي فيه حاجه
منير : ايوه انا دريه فين
مياده : خير عملت ايه بتسأل علي انا ليه انا عرفاك
منير : يا ماما مش وقته بصي انا معايا قطه صغيره اوي اهيه و مجروحه و مش معايا حاجه اعالجها بيها ممكن تقولي لهايدي علي موضوع القطه ده و تمثل كأن فيه مريض اتصل بيها بيسألها علي حاجه و الشبكه مش مجمعه و تروح بالحاجه الجنينه
مياده : شبكه ايه هيا هايدي اتخطبت
منير : اتخطبت ايه ممكن بس تقوليلها اللي قولتهولك ده
مياده : مع اني مش فاهمه حاجه بس ماشي
هايدي نزلت ع الجنينه تتلفت حوالين نفسها و معاها علبه الاسعافات
هايدي بصوت واطي : بسبس منير
منير بص للقطه و قال : بتنزف و مش عارف اعمل ايه و شوفي كده لو رجليها مكسوره سوزي مش بتمشي كويس
هايدي: وطي صوتك هوا انا مش بيطريه بس هحاول اساعدها
هايدي ف نفسها :" ده انت طلعت كيوت اوي ههه"
هايدي عالجت القطه و شافت عضمها
هايدي: عضمها كويس و اهيه يا عم بقت زي الفل
منير : الحمد *** متشكر اوي
هايدي: لا شكر علي واجب هيا ديه القطه اللي انت كنت بتأكلها و كنت عامل نفسك بتسقي الزرع صح
منير : عرفتي ازاي
هايدي: اصلي شوفتك من الشباك خد بالك بعد كده لديدي تقفشك
منير : عندك حق ، متشكر مره تانيه
ديدي خرجت للجنينه فجأه و قالت :انتوا ليه لسه مش نمتوا و مش ف غرفكم
منير خبي القطه وراه بسرعه
ديدي : انت خبي ايه ولد
هايدي: احنا هنا يا ديدي عشان كان فيه *** عضمه بيوجعه اوي و كنت باخد رأي منير ف الحاله و مامته كلمتني دلوقتي ف بسأله اعمل ايه
ديدي: يا *** و الطفل بخير
هايدي: اه طلع الولد بيتدلع و مفيهوش حاجه تخيلي بقي بعد اما كنا هنام و خليت طنط مياده تصحي منير الولد يطلع بيتدلع
ديدي: ولد عفريت و**** لو اينفع انا روح ربيه كان راح
منير : لا ما مامت الولد قامت بالواجب وزعقت فيه جدا ده حتي كان معانا علبه الاسعافات عشان نتخيل الموقف و انا حاطط ايدي ورا ضهري بفكر اعمل ايه
ف الوقت ده القطه عملت نونوت بصوت واطي
هايدي : يالهوي بقي تلاقي قطه راحت هنا ولا هنا ف الجنينه روحي انتي يا ديدي و احنا وراكي هعتذر لمنير اني صحيته و ازعجته
ديدي: صح معك حق ولد انت لازم اعتذر خلاص انا روح
و مشيت ديدي
منير : كنا هنتقفش علي تكه و انتي يعني لازم تنونوي دلوقتي (ماسك القطه و بيلاعبها ) هايدي انا بجد مش عارف اشكرك كام مره النهارده
هايدي : ياعم عادي متقولش كده خد علبه الاسعافات معاك لتحتاجها هتعمل ايه ف سوزي صحيح ههههه
منير: هاحطها ف العلبه بتاعت الاسعافات و ارعيها لحد اما تخف هعمل ايه يعني هههه
هايدي: طب يلا بينا ندخل ننام لنتعلق
منير : يلا تصبحي علي خير
هايدي: وانت من اهله ،تصبحي علي خير يا سوزي







​

#١٧ الهروب الكبير​

تاني يوم الصبح الساعه ٦:٣٠ص و خلاص بيجهزوا السفره سوزي سمعت صوت الاطباق و شمت ريحه الاكل و نطت من ايد منير و استخبت قلب عليها البيت مش لاقيها
منير: يوسف الحقني و حاول تجمع البنات و باقي اخواتك احنا ف مصيبه
يوسف : يا ساتر يا رب ......
منير: لسه هتستغرب اجري اعمل زي ما بقولك
يوسف : طيب طيب
منير: سوزي سوزي يا جميله ، اظهري هنروح ف داهيه ، بسبس
(كله جيه يجري بما فيهم الامهات )
مياده: خير يا منير فيه ايه
منير: ايه ده يا يوسف انت كان فاضلك ديدي تجيبها و يبقي سلمتنا تسليم اهالي
يوسف : انا الحق عليا اللي عايز الحقك
امجد: بس انت و هوا فيه ايه يا منير احنا مرعوبين فهمنا دلوقتي انا عايز تفسير للخضه اللي احنا فيها دلوقتي حالا
منير : سوزي هربت مش لاقيها ف البدروم قلبت عليها كل حته ف الفيلا
مراد : يادي سوزي اللي قالب دماغنا بيها ، ايه فيها ايه يعني قطه و هربت
يوسف : مثلا ( يوسف بص حواليه لقي الامهات و امجد و جدو مروان وشهم اصفر ) فيه ايه يا جماعه وشكم مبيتفسرش ليه
ليلي : احنا كمان نفسنا نفهم
امجد : د ي د ي عندها فوبيا من القطط
مراد : اه .... ايه و هنهبب ايه
ليلي : يلا ندور عليها بسرعه
(البيت بعد اما كانوا بيحضروا فطار بقوا بيدوروا علي سوزي )
هايدي: اهيه يالهوي
(كله بص ناحيه ما شاورت هايدي، لقوا سوزي تحت الترابيزه اللي عليها الراديو بتلعب بمفرش الترابيزه من تحت و ديدي قدام الراديو واقفه بتظبط الراديو )
نجوان: ديدي بتعملي ايه ( ف ديدي انتبهت لنجوان و ماخدتش بالها من القطط ، نجوان شاورت للباقي من ورا ضهرها ياخدوا سوزي بسرعه)
ديدي: انا بيفتح محطه قرآن كريم ، عشان **** ابعت بركه للبيت
نجوان : **** يخليكي لينا يا ديدي و تفضلي تعلمينا نعمل ايه
(مراد مسك سوزي لكنها عضته من ايده و جريت )
امجد: هههههههه اومال لو مكنتش مصابه كده كانت خرشمتنا و**** ، الصغيره المكاره ديه هههه
هايدي : نفسي اعرف انت بتضحك علي ايه هنروح ف داهيه
جدو مروان : يا شباب سوزي ع السلم اجروا هاتوها بسرعه و انا هرتاح ع الكنبه عشان تعبت
( جدو مروان قعد ع الكنبه و الكل بيجري ع السلم ورا سوزي ، لحد اما وصلوا ناحيه الاوض و لقوا اوضه ديدي بابها مفتوح و ديدي جوا ، سوزي وقفت و بصتلهم و هيا علي عتبه الاوضه )
منير: سوزي ابوس ودانك متدخلي عشان خاطري
(سوزي بصت لمنير بصه ف منتهي البراءه و دخلت اوضه ديدي)
ليلي : انتوا وقفتوا ليه وراها قبل اما توصل لديدي
يوسف دخل اوضه ديدي ،
ديدي: فيه ايه حلوف حد ادخل اوضه حد منغير ما خبط علي باب ، مفيش تهذيب
يوسف : آنا انا كنت جاي اسألك علي حاجه ف لقيت الباب مفتوح افتكرتك شوفتيني و بعدها فتحتي الباب
ديدي: ها حلوف عايز اسأل ايه
( يوسف عمال يبص حواليه علي سوزي مش لاقيها )
يوسف : كنت هسألك هتعملي ايه و احنا بنفطر يمكن اساعدك
ديدي: انا اعمل كروشيه ، عشان ....بتسأل ليه حلوف
يوسف : ابدا اعمليه معانا واحنا بنفطر تبقي معانا
ديدي: انت قول لديدي اقعد معانا غريب ، بس ديدي موافق يلا ولد ( ديدي خدت معاها السبت اللي فيه خيوط الكروشيه و نزلت ، بصتلهم و قالت : يلا انت عاوزين ديدي اقعد معاكم ف يلا
( الكل نزل تحت )
يوسف قال لباقي الولاد و البنات و الامهات :الاوضه ملقتش فيها سوزي بعد شويه نلهي ديدي و ندور ف الاوضه ( لسه بيتكلم ديدي قالت : فين فطار لسه مش جاهز ليه و فين مروان)
مروان طلع من المطبخ و قال : بجهز معاهم الفطار يلا ساعدوني فتحضير السفره يلا
( كله دخل مع جدو مروان المطبخ يساعدوه و بعد شويه فجأه سمعوا صوت ديدي بتصرخ ، كله خرج جري يشوف فيه ايه ، لقوا ديدي واقفه علي السفره )
ليلي : فيه ايه يا ديدي
(ديدي شاورت علي سبت الكروشيه )
ديدي: صغير ، برتقالي يا حفيظ ، يا ***
( لقوا سوزي طالعه من السبت و علي راسه خيط و بتبصلهم)
منير جيه و خد سوزي
ديدي: انت اللي دخل قطه فيلا ، صحيح
منير : ايوه كانت مصابه ف رجلها و صغيره لسه عندها كام اسبوع ولا عايزه تسربيها زي بسبس القطه اللي جبهالي جدو طلعت و انا صغير فاكره
ديدي: اسمع ولد انا عندي رهاب قطط ، و انا مش سرب بسبس ، بسبس خرج لما كان عم عبدو البواب جيب جريده لطلعت باشا و جدك فخر قال اني سرب بسبس وانا مش سرب بسبس
امجد: خلاص لو عايزه تثبتي انك مسربتيش بسبس ، تسيبي سوزي معانا عشان خاطره علي الاقل
ديدي: انا هخلي منير اعتني بسوزي ، علي شرط سوزي مش اخرج من البدروم تحت اي ظرف كان
منير: هييييه موافق ، مش هتطلع ابدا ابدا
ديدي : اتفقنا
( البنات راحوا شغلهم و مروان قعد مع ديدي طول النهار و الساعه بقت ١٠ كلوا وقعدوا يشربوا الشاي )
ليلي : منزلتش مكتب الترجمه من فتره و مدير المكتب كان مبسوط من المعلومات اللي ترجمتها عن الامير سحفن طبعا الفضل كله يرجع ليوسف
يوسف : انا معملتش حاجه انا قولت المعلومات و اديتك الكتب كله بمجهودك انتي
امجد : صحيح يا نجوان ايه اخبار التراب بتاع البناء و شكاير الاسمنت
نجوان : ده انت غلس اوي ، فهمنا ياعم انك جامد ،ارحمني رايحه جايه تقولي كيس رمل من فضلك
امجد: هههههه خلاص يا ستي متزعليش نوعي هاتي تشكيله رمل علي جبس
نجوان : يخربيت خفه الدم ، هتشل من الضحك
امجد : هههههههههههه
عايده : خلاص يا امجد بقي مترخمش عليها
مراد : منير مش راضي يسيب سوزي من ساعه ما خد الاذن و مشوفناش وشه هههه
هايدي : فعلا ، هههههههههههه
ديدي:الساعه الان ال ١١:٠٠ مساءا كله اجهز ع النوم علي غرفته
( كله فعلا راح ينام الا الولاد )
( في البدروم )
منير : انتوا بتجهزوا ليه طب احنا اتفقنا اننا كل واحد يخلص مواعيده المهمه للاسبوع ده كل واحد فينا ينزل يوم
امجد: ما احنا محددناش ، مين هيبدأ ف الاسبوع ، عمتاً انا نازل النهارده ، لازم اخد العقد بتاع الشركه الاجنبيه النهارده مهما يحصل
مراد : و انا جتلي قضيه مهمه و مش هينفع أغير الميعاد مستحيل فلازم اقابل العميل بعد ساعه
يوسف : اما انا فلازم اكون ف المطار بعد شويه بستقبل عالم اثار كان مسافر ، الراجل نزل ترانزيت مصر مخصوص عشان يتكلم معايا ف البحث بتاعي فلازم انزل ،وانت بقي يا منير بتلبس ليه
منير : عندي عمليه لطفل مسأله حياه او موت
امجد: يبقي توكلنا علي **** حطوا المخدات و فوقيها الغطاء و الموبايلات بتاعتنا الاحتياطي اللي فيها الرقم الانجليزي بتاعنا مين مخبيها فيكوا
مراد : هيكون مين غيري ، كنت مخبيها ف مكتبي و خليت تقي تجبلي الظرف اللي فيه الموبايلات بطريقه ما منغير ما تعرف
( اتسحبوا وخرجوا من باب الجنينه ، و الساعه اتنين بليل ،كل واحد فيهم رجع ، بيفتحوا باب الجنينه عشان يدخلوا لقوا ديدي فوشهم زعلانه و متعصبه فدقيقه لقوا نفسهم ف الحمام اللي ف اوضه ديدي و ديدي ربطاهم و حطاهم ف البانيو و فتحت عليهم الدش )
و قالتلهم : عقابكم انكم تفضلوا ف البانيو مفتوح عليكم الدش للظهر
منير : ما احنا كدا هنموت و سوزي مين هيأكلها
ديدي: انتوا مش هتموتوا انا خليت بانيو اصرف ماء كأنكم مش موجود اصلا و سوزي خليت مياده اكلها
امجد : نعيماً يا رجاله
،،،،،،،،،، يتبع ،،،،،،،








​

#١٨ العيال تعبت​

الساعه بقت ٧ الصبح و الولاد ف البانيو تحت المايه
مراد: انا مش حاسس بأي حاجه و دماغي هتنفجر
امجد: بنحاول نقفل الدش من الساعه ١١ بليل و مفيش فايده الحنفيه بتلف ع الفاضي و نفك الحبل يتربط تاني بسرعه لوحده
يوسف : الطريقه ديه كانوا بيستخدموها الصنيين لتعذيب المساجين
منير: يا عم ارحمنا انت و التاريخ بتاعك هنموت هنا و انت بتفكر بمين اتعذب و مين لأ
امجد : احنا نتشاهد احسن مفيش حل تاني و ايه محدش من اللي برا دول عارف يعمل مع الست ديه حاجه





ديدي بصوت عالي : ولد امجد انا سمعك
مراد: اسكت يا عم الزفت ، حقك عليا يا آنا ديدي ، و غلاوه طلعت باشا تطلعينا
ديدي : انت فاكر نفسك ف محكمه ولد بس عشان خاطر طلعت باشا روحه زارت انا و قالتلي اسامحكم هسامحكم
يوسف : هييييييه افراج
امجد: **** دول بيزيدو ، بس حبيبي يا جدو **** يرحمك و يبشبش الطوبه اللي تحت راسك
ديدي : اقسم اخلي كله فك و انت وحدك امجد ف بانيو تحت دش
امجد : لا ابوس ايدك انا اسف حرمت
ديدي : ادب سز تربيه يوووك
منير : الحنفيه لسه مبتقفلش
فجأه ليلي فتحت و دخلت الحمام
يوسف : حد يدخل الحمام علي حد كده مش تخبطي
ليلي : مش عاجبك امشي انا
مراد : ابوس ايدك فكينا تعبان
نجوان : يا جماعه الباب فتح
جدو مروان : الحمد *** ده احنا بنحاول نفتح الباب من الساعه ١١ و بنتحايل علي طنط دريه تفتح الباب مكنتش بترضي حتي جربت اكسر الباب مكنش بيتكسر
عايده : يا قلبي عليكم ، فكيهم يا ليلي بسرعه
ليلي : مش بيتفكوا
دخلت ديدي وقتها وقالت بكل هدوء : خلاص اقف
الحبل اتفك من علي الولاد بسرعه و المايه اتقفلت
جدو مروان خرج الاولاد واحد واحد و خرجوا من الحمام مراد اغم عليه و وقع علي الارض
ديدي قالت وهيا مبرقه 🫣: مات
هايدي : لا الحمد *** اغم عليه ، يالهوي ده مولع
حطت ايدها علي راس منير و امجد و يوسف اللي مش قادرين يفتحوا عنيهم
هايدي: يالهوي ده تقريبًا عندهم حمي شديده
ديدي : انت دكتور عالجهم
هايدي : اعالجهم ازاي انا دكتوره عظام
تقي : ما انا عماله اقول لحضرتك هيتعبوا و مش هنعرف نعالجهم لازم نكلملهم دكتور
ديدي : يستحيل هايدي عالجهم هايدي دكتور انا شفته عالج سوزي هوا عالج شباب او منير قول نعمل ايه هو دكتور
منير بصوت ضعيف :انا دكتور ***** مش بالغين
ديدي : اقول نعمل ايه ولد بدل ما تجيب دكتور من برا ، اقسم ب**** البس الدكتور
منير : خلاص وعلي ايه (كتبلهم دوا ) هاتوا العلاج ده و ان شاء **** هنبقي كويسين بس محتاجين حد يعملنا كمدات لحد اما تيجي الادويه و هايدي تبقي تدينا الحقن مفيش حل تاني
امجد : متأكد من انها بتعرف تدي حقن
نجوان : هايدي اشطر دكتوره ممكن حد يقابلها ، انا هسامحك عشان انت عندك حمي
منير : هايدي حقك عليا هوا كده امجد لسانه زفت
هايدي : محصلش حاجه المهم تكونوا بخير
يوسف : الحمد *** مراد عنده اغماء والا كان فضحنا
ليلي :ليه
امجد : عنده فوبيا من الحقن
تقي : ده احنا هنشوف معاه الويل واحنا بنعالجه هات الورقه يا منير هروح اجيب الدوا
الامهات : و احنا هنعملها كمدات
ديدي: وانا هعمل لمراد زفت كمدات ده برضه امانه ف رقبتنا
كله بص لديدي
ديدي : ايه كله بص علي ايه ، شوفوا هنعمل ايه مع شباب يلا بسرعه






​

#١٩ حنان الام​

عايده و راقيه و مياده و ديدي بصوا للشباب و بصوا لبعض ، ديدي قالت للبنات عايزين ٤ ربطات شعر ، هايدي بإستغراب قالت :ليه
ديدي : كل واحد ف الولاد شعره فوق عينه ، نفذ كلام مش لسه هأشرح
نجوان : حاضر هجيب اهوه
مروان : انا هروح أخد بالي من القطه المسكينة اللي مع الشباب ف البدروم حرام
ليلي: ديدي ، انتي هتعملي مع الشباب لما تفوق ايه
ديدي : ديه ليها وقتها اما اثبت انهم ابناء سلحدار او ابناء منسترلي يلا انتوا استنوا مزمزانجي هنا و انا و امهات ادخل البدروم و بعدها دخل هايدي بس مع علاج و انتوا ليلي و نجوان استنا مع مزمزانجي بره البدروم لحد اما شباب فوق و اخرج مش عايز حد تاني اتعب عايز سمعان كلام مفهوم
نجوان : بس يا ديدي ...
ديدي: اسكت ولا كلمه امهات ورايا كل واحده ف ايدها رابطه عارف اعمل ايه
و دخلت ديدي البدروم هيا و الامهات و خرجت جدو مروان و سوزي بره
جدو مروان : هوا فيه ايه طنط دريه خرجتني بره زي حالات الاستنفار الامني و قالتلي اقول لهايدي تجيب مع العلاج بنج رش قوي وهيا داخله
هايدي : نفسي عارف ف دماغها ايه
ليلي : تصور يا جدو مخلتناش نطمن علي حد من الشباب
جدو مروان : تطمنوا ......ليه ...بصفتكم ايه
هايدي : قرايبنا مثلا
جدو مروان : ...قرايبكم ، اسمعوا يا بنات انا شعري مش لونه ابيض من فراغ كل شعره بيضا ف راسي ديه ليها حكايه و خبره ف الحياة انا عارف اللي انتوا حاسين بيه انتوا ال ٣ او خلينا نقول انتوا ال ٤ يا بنات انا اللي مربيكم انتوا ال ٣ و تقي معاكم اتربيتوا علي ايدي و تحت عيني انا عارفكم كويس و عارف اخلاقكم و مستنيكم تيجوا تحكولي و لحد اما تيجوا عايزه اقولكم حاجه اللي بيحبكم هيريد ليكم الخير و الخير مرتبط بالاصول و يعني لو حد في قرايبكم دول حبوكم هيجوا يطلبوكم مني غير كده مرتبطوش قلبكم و لا تعلقوه بحد فاهمين .


ليلي : (بتقول ف نفسها : معقول جدو خد باله اني معجبه بيوسف )
نجوان: ليلي روحتي فين جدو طلع من الصبح و ساب معايا سوزي انتي بتفكري ف ايه
ليلي : ......ايه انسي
الباب رن
هايدي : انا هفتح الباب
تقي : الدوا اهوه خدي اديه ليهم و انا هاجي معاكي
هايدي : تيجي فين ديدي ادت فرمان محدش يدخل عليهم غيري عشان الحقن
تقي : ايه ده بقي
ليلي : مالك ياختي قرفانه و متضايقة ليه
تقي : هاه ولا حاجه انا ايه اللي هيضايقني يعني
هايدي : انا هدخل اديهم الدوا
(هايدي بتقول ف نفسها :...يا حرام يا منير ، هوا انا قلقانه عليه ليه ، بس هوا كيوت الحقيقه ، ايه هايدي انا عارفه انك معجبه بيه لمي الدور لان شكله جدو خد باله )
هايدي بتخبط علي باب البدروم بالراحه
ديدي : ادخل هايدي
هايدي : هاه عاملين ايه ، ايه ده
( هايدي بتضحك لان كل واحده من الامهات لمت شعر ابنها لفوق بتوكه و حتي مراد كلهم بقي شعرهم لفوق بتوكه زي تسريحه الاطفال و معمولهم كمدات )
ديدي : انت اضحك علي ايه ولد
هايدي : لا ولا حاجه انا جبت العلاج اهوه و البنج بس حضرتك عايزاه ف ايه
ديدي : هتشوف
هايدي : عاملين ايه دلوقتي و الحمد *** مراد فتح عينه
امجد : احنا مولعين زي ما انتي شايفه اهوه
منير : هتفضل طول عمرك دبش ، اسمها الحمد *** بنتحسن مش كتر خيرها جايه تدينا الادويه
يوسف : منير معاه حق ، شكرا يا هايدي ، ليكم كلكم
عايده :شاطرين يا منير انت و يوسف انا اللي معرفتش اربي
ديدي: انت فعلا لا عرفت ولا لحقت *** اديهم دوا يا هايدي يلا
مراد : دوا ايه اوعي يكون اللي ف دماغي اوعي يكون فيه حقن
هايدي :متخا...
ديدي: عايزك يا هايدي ثانيه
هايدي: نعم
ديدي: فيه حقن صحيح
هايدي : ايوه حقن خافضه للحراره و مضاد حيوي
ديدي: طب بص الخطه انت رش بنج قوي ف وش مراد هوا نام انا اديه حقنه اتفقنا
هايدي : طب و**** فكره حلوه ، انتي بتعرفي تدي حقن
ديدي : طبعا انا كنت ادي حقن للاولاد المزعجين دول و هنا ***** لما كانوا اتعبوا
ديدي :يلا بسرعه
هايدي رشت البنج ف وش مراد ، مراد نام ديدي ملت الحقنه و خرجت هايدي بره
ديدي : ادتلهم الحقن
يوسف : ديدي ١ احنا صفر
امجد : طب و**** عجبتيني يا ديدي شوفتوا عملت ايه مع مراد دماغ شغاله
ديدي: عشان اعرف ديدي فكر احسن منك بتاع الجاز
مرت ٣ ايام و الولاد اتحسنوا طبعا بسبب رعايه ديدي و الامهات
ديدي : يلا انتوا ال ٤ خف قوم افطر بره يلا مع بنات و جدو مروان انا قولت لهم انكم هتفطروا كلكم كعيله واحد سوا سوا
منير : طيب مش اكشف عليهم و اطمن علينا
ديدي: بعدين قوم افطر كسلان ، نعمه *** علي السفره قوم افطر و اشكر ****
منير : حاضر انا كده كده نسيت الشنطه علي باب الجنينه من بره يا رب يكون حد دخلها
ديدي : متخافش هايدي دخلها و قالي انه شالها معاه لحد اما انت خف و راجعلك الامانه
منير في نفسه: ( فيها الخير و**** اهتمامها بالتفاصيل بتعجبني اوي ، الوحيده اللي بحس انها بتكملني انا كده كده ناوي بس اعرفها كويس و اتقدملها لاني مش هلاقي زيها)
مراد : يلا يا كسلان منك ليه
خرجوا من البدروم و راحوا السفره
البنات فضلوا يضحكوا و جدو مروان ضحك معاهم
امجد : فقره الضحك ايه سببها علي الصبح اللهم اجعله خير
نجوان : ايه شعرك مش حاسس فيه حاجه غريبه
الشباب بصوا لبعض و شافوا الربطات اللي ف شعرهم و شالوها بسرعه
منير : ديدي منقدرش نقولها لأ
هايدي: طبعا طبعا
ضحكوا كلهم و ديدي بصتلهم من بعيد و ابتسمت
بعد الفطار منير خد شنطته من هايدي و كشف علي الشباب و لقي انهم بقوا كويسين و صحتهم كويسه
ديدي : انتوا بخير دلوقتي مش مظبوط
منير : اه احنا تمام دلوقتي







​

#٢٠ وقت الاختبار​

العيله كلهم قاعدين ف الصالون
هايدي : منير مش تقول ان انت عندك عمليه ف اليوم اللي خرجت فيه
منير : صح انا نسيت الطفل حالته بقت عامله ازاي ، ازاي نسيت اتابعه او اسأل عليه حتي
هايدي: انت كنت محموم هتفتكر ازاي اهدأ كده انا بلغت المستشفى بتاعتك اما اتصلوا بيك ان انت محموم و روحت اطمنت علي الطفل امبارح و النهارده الساعه ٦الصبح و الحمد *** بقي كويس اوي و ديه التقارير
منير : وريني كده الحمد *** حمدًا كثيرا الولد بقي اتحسن جدا و ممكن يخرج اخر الاسبوع متشكر جدا و ايه ده ورقه اجازه مرضي ازاي عملتيها


هايدي: ازاي ديه بتاعتي انا و متشكرنيش تاني ديه المره ال ٣٩ اللي تشكرني فيها النهارده ، حمد *** على سلامتك يا دكتور
امجد : و**** فيكي الخير مش زي واحده اعرفها ما قالتليش صباح الخير ولا كأننا قرايب او عايشين ف بيت واحد او معاها توكيل بالاداره و لا حاجه
نجوان : علي فكره بقي انت خساره فيك الجميله ، انا كنت هقولك ان شركتك كسبت مناقصه الحفر ف الصحراء الغربية و هتبدأوا التنقيب بعد اسبوعين
امجد : احلفي ب**** ، عملتي الموضوع ده ازاي المناقصه ديه صعبه و انا نفسي استعوضت **** فيها
نجوان : عيب عليك يا ابني هوا انا اي كلام
امجد: **** ينور يا معلم
ليلي : و انت تحمد **** يا يوسف ان الدكتور اللي بيشرف علي بحثك اسباني اجلتلك مكالمة الفيديو اللي هتراجع فيها البحث لبكره و قولتله انك محموم
يوسف : الحمد *** ان ديدي خلت معاكم التليفونات و اللابتوبات بتاعتنا و الا كنا هنتبهدل
مراد بصلهم و سكت ، ديدي قالت : ولد مراد متخافش امك اتكلم و راقيه قلد صوتك و قالتلها انك بخير و عندك قضيه مهمه بتدرسها
مراد : قلدت صوتي ما هيا شبح ده طبيعي كويس ان طنط راقيه عملت كده ، وصحيح تقي تعرفي حاجه عن قضيه المنزلاوي اللي كانت ف مكتبي ده لو بعت السكرتير الملف بتاعها
تقي : بعت فعلا الملف علي الايميل و انا اترافعت النهارده مكانك و متخافش اتحكم فيها حكم نهائي ف صالح موكلك
مراد : الحمد *** انا كنت قلقان لاخسر القضية لاني مروحتش المحكمه بس الحمد *** ثقه ديدي فيكي كانت ف محلها و كنت عارف اني سايب مكتبي ف ايد حد امين
ديدي اختفت راحت البدروم وحطت علي الارض عقد من مجوهراتها اللي محدش يعرف عنها حاجه و قالت ف نفسها ( دلوقتي اعرف انكم منسترلي ولا سلحدار و اسيب لكم امانه طلعت باشا ولا لأ)


ف الصالون منير خد جدو مراد للجنينه يتكلم معاه ف حاجه و هما شايلين سوزي اللي مكنتش بتفارق منير لا و هوا صاحي ولا و هو نايم و لا حتي و هوا عيان
هايدي و البنات طلعوا اوضتهم
، في اوضه البنات تقي : انا عايزه اعترف بحاجه انا حاسه اني معجبه بمراد ، ليلي : و انا كمان معجبه بيوسف ، نجوان : و انا حاسه اعوذ ب**** اني منجذبه لامجد ازاي معرفش متخيلين انا و امجد لأ ، هايدي : وانا ... ،ليلي : متكاملين انتي و منير باين عليكم اوي بقي و حالتكم حاله هههه ، تقي : جدا و بيعملوا انهم عادي و هما ولا عادي ولا نيله و مفقوسين ، هايدي : اسكتي انتي و هيا (بتجري وراهم بالمخده)
و الاوضه اتملت ضحك
الامهات بيعملوا الغدا طبعا تحت اصرار منهم​

​

و الشباب امجد و يوسف و مراد دخلوا البدروم ،منير دخل وراهم البدروم و هو مبتسم و ديدي بتراقبهم في صمت
يوسف : و**** البنات دول بميت راجل و يعتمد عليهم
مراد : انا كنت عارف ان تقي قد الثقه و محاميه شاطره جدا
منير : اه و هايدي كل اما اعرفها بتثبتلي انها انسانه كويسه جدا
يوسف: انسانه كويسه بس علي فاكره باين عليك انك بتحبها متمثلش
منير: هوا باين للدرجادي
مراد: اه ،امجد انت ايه اللي ف ايدك ده
امجد: انا معرفش انا لقيت العقد ده ع الارض
منير : يمكن بتاع حد من البنات
يوسف : مظنش ، احنا نسأل لو حد ضايع منه حاجه مثلا ماما او ديدي
مراد : يخربيت طريقتك المباشره
منير : هنعمل ايه
امجد: العقد ده بملايين حرفيا احنا قدامنا ٣ حلول يا ناخد العقد و يا دار مدخلك شر و لا حد هيسألنا لان محدش دريان عنه ،...
يوسف: انت بتقول ايه يا امجد انت اتجننت ده اللي احنا اتربينا عليه نبقي حراميه و نخون الامانه علي اخر الزمن
امجد : انا مكملتش الحل التاني يا نسألهم عنه ممكن يبقي ضايع فعلا من ديدي او ماما
منير : ايه الحل التالت
امجد: نبلغ البوليس نسلمهم العقد بقي و هما يتصرفوا
يوسف : و ندخل ف سين و جيم بصوا انا مع الحل بتاع نسأل ديدي عليه ده لانه بيتهم و محدش دخله غيرهم
منير : وانا مع يوسف
مراد : فعلا احنا لازم نقولها ها يا امجد
كلهم بصوا لامجد بشك : ما تتلم ياض انت و هو انتوا شايفني حرامي انا كنت ميال لحل البوليس اكتر بس طالما الاغلبيه بتقول نقول لديدي ف يلا بينا
الشباب طلعوا من باب البدروم لقوا ديدي ف وشهم
منير: بسم **** الرحمن الرحيم ايه يا ديدي خضتيني
يوسف : كويس اننا لاقيناكي هات يا امجد لقينا العقد ده بتاعك او بتاع ماما او حد من خالاتي
ديدي : عقد الماس مرصع بالفيروز يطلع بكام ده
امجد : بملايين بتاعك او بتاع امي او خالاتي ولا لأ
ديدي: لو طلع مش بتاع حد فينا هتعملوا ايه
امجد:هناخده للبوليس فورا
ديدي : حتي لو ممكن يخليكم اغنياء عمركم كله
يوسف : الفلوس الحرام ملهاش لازمه
امجد : بينا ع البوليس
ديدي: استنوا مش يمكن يطلع العقد بتاعي
مراد : ياختي يعني بتاعك ولا لأ نروح البوليس ولا نستني
ديدي: تعالوا معايا للغرفه فورا
امجد: آنا انا طول عمري عارف ان قسوتك وراها حنيه و انك أأمن حد ف الدنيا بس لازم نسلم العقد ده للبوليس مش هينفع نسلمهولك
ديدي: تعالوا ورايا الغرفه و بعدها ليكم حريه التصرف
منير : يلا
مشيوا ورا ديدي لحد اما دخلوا الغرفه ، ديدي طلعت البوم صور و فتحتوا و طلعت صوره و ظهرت فيها و هيا لابسه فستان ابيض و واقفه جنب طلعت باشا ولابسه العقد
منير : العقد بتاعك
ديدي : العقد ده كان عقد زواجي من طلعت باشا كنت حابب اطمن انتوا فيكم من طلعت باشا و ابناء المنسترلي و فيكم الامانه و الشهامه زي طلعت باشا ولا فيكم طمع و جشع و غدر السلحدار طلعتوا منسترلي ابنائي ألفت ربتكم علي الاخلاق ، انا من الفرحه عايز احضنكم بس مش اعرف عشان انا شبح
امجد :......يعني كنتي بتخونينا احنا احفادك
منير: عندها حق لانك عندك جد اسمه فخر السلحدار لعنه كانت ماشيه ع الارض
ديدي : انا كان لازم اختبركم و اعرف لان جدكم طلعت باشا ، ساب معايا امانه ورث منسترلي كله اخر حاجه كنت اعرفها انه حولها ساندات و بعدها عرفت من وصيه انه ساب ورث هنا ف بيت ، عشان كده اباهاتكم جم هنا بعد ما ديدي مات و عشان كده انا موجود هنا عشان ادي ورث للي يستاهلوا ، ورث فين ف بيت انا مش اعرف ، انا حقق وصيته و الباقي عليكم انتوا دور علي ارث انا افضل هنا لحد اما تاخدوا ورث
امجد: هيطلعوا كام يعني عشان الحرب ديه تقوم ، تسوا ايه ان ارواح تتقل عشان الورث ده و **** ما ليه قيمه قصاد يوم واحد جنب امي و صحتي كويسه
منير:انا اتعلمت ف الطب ان الانسان ممكن يملك ملايين و يمرض و ميبقاش فيه علاج و ساعتها الملايين ديه مش هتساوي حاجه
ديدي: فعلا ابني ، بس للي افهم ، ورثكم ممكن يساوي مليارات في الوقت الحالي ، ابحث علي كنز عشان خاطر ديدي و جدو طلعت و وزعوهم عليكم بالعدل و خدوا حقكم انا عايز ارتاح
يوسف : حاضر عشان خاطركم










​

#٢١ المسامحه و بدايه الفرح​

منير : تسمحي يا ديدي نحكي حكايه الورث لجدو مروان و البنات لانهم عايشين معانا ف نفس البيت
امجد: و هما دخلهم ايه بحاجه زي كده
ديدي : انا حكيت حكايه الورث من زمان للبنات من اول ما عرف ان جدو مروان يبقي ابن اختي فريال و قبل جدو مروان ما يوصل القاهرة انا اختبرت البنات كتير و هما طلعوا ف قمه الامانه
يوسف : و هما سامحوكي لانك شكيتي ف امانتهم
ديدي : ده مش شك ف امانه ده خوف ، لما تبقي شايل هم امانه كبيره
يوسف: لو هما سامحوكي نسيوا ف انا مش هدور علي الورث الا بشرط
ديدي : ايه هوا شرط
يوسف : تسامحي امهاتنا
ديدي : يستحيل
امجد :مفيش ورث هندور عليه و يلا نمشي من هنا
ديدي: خلاص لما لاقوا الورث ابقي اسامحهم
منير : تسامحيهم دلوقتي ، انا عارف عند الاتراك ده علي فكره احنا كمان جدتنا تركيه و بنحبها و عنيدين زيها
ديدي:هههههه خلاص انا هسامح امهات
مراد : انا متكلمش في كل اللي اتقال لانه مايخصنيش ، انا اللي يخصني ان حضرتك تسامحي طنط راقيه و طنط عايده و طنط مياده لانهم طيبين جدا و مايستهلوش اللي حصلهم ده
يوسف : يلا بينا
الامهات بيعملوا الغدا و منسجمين في المطبخ الاولاد خلوا عليهم امجد : ماما ديدي عايزه اقولك حاجه
ديدي بصتله و برقت و يوسف بصلها ، فهزت راسها و قالت : ديدا ، ميا ، رايه
(عايده ، و مياده ، و راقيه لفوا وشهم بسرعه نحيتها لانها ديه اسماء الدلع اللي ديدي كانت بتناديهم بيها قبل اما تقاطعهم ، قعدوا يعيطوا لانهم فهموا ان امهم سامحتهم و بصوا لبعض و ابتسموا)
ديدي: وحشتوني يا صغيرات قلبي و عنيها نزلت منها دموع
و الشباب عنيهم دمعت و اتحولت الدموع لبكاء لانهم افتكروا ان امهاتهم ارواحهم هتطلع للسما و مش هيشوفوهم تاني و هيرجعوا ايتام
منير : انتوا هتطلعوا السما دلوقتي صح
راقيه :لسه يا حبيبي فيه سبب تاني احنا هنا عشانه
ديدي:بجد احلف
يوسف :ههههههههههه
امجد : اي هوا السبب
عايده: نشوفكم احلي عرسان ف الدنيا و نحضر فرحكم و بعدها هنطلع السما
منير قال لمياده و عينه مليانه دموع : كده يا ميا عايزه تسبيني بسرعه انا لو اعرف مكنتش عملت كده
مياده اتخضت و قالت :بخوف عملت ايه
منير: طلبت هايدي للجواز من جدو مروان و هو وافق بس قولتلوا نستني يومين قبل اما ياخد رأيها ، انا لو اعرف انك هتسيبني مكنتش هفكر ابدا اتجوز او اتقدم لحد انا مصدقت اني اقعد معاكي شويه
مياده: يا قلبي هتبقي احلي عريس ف الدنيا ، انا روح يا منير يعني موت وخلاص لازم حد يقف معاك و يعيش معاك باقي عمرك مش هينفع ليا وقت و هختفي فيه ، انا فرحانه انك اخترت هايدي مكنتش هلاقي ليك عروسه اجمل من كده لو كنت عايشه .
ديدي:اه يا قلبي قلبي انا ارقص
امجد :بصي اسمحيلي اضحك المرادي بس يا ديدي اصلي بحبك اوي و بحب تعليقاتك ههههه
ديدي:اضحك حلوف ههههه
مراد : اسمحيلي يا ديدي امشي من هنا انا دوري هنا خلص احفادك و عندك و بناتك و سامحتيهم و انا وشوفتك و بعدين ورايا مشوار لحد اسكندرية ضروري مصيري حياه او موت
ديدي: يا ساتر يا رب حياه او موت يا رب سلم انطق ولد قلب ديدي يرجف
مراد : هروح اخد تقي و نروح لاهلها نطلب ايدها وقعتني بنت الذيذه
ديدي: اذا كان كده روح اخطب مزمزانجي و ارجع يبقي عندي اتنين مزمز و مزمزانجي
امجد:هههههههه
ديدي برقت لامجد
امجد : اسف و****
عايده : هاه و انتوا مش ناوين علي فرح ولا كله غم بس
يوسف : ههههههه انا كلمت جدو مروان ف الحوار ده من ساعه لما كنت بساعد ليلي ف ترجمه الكتاب ف المكتبه و طلبت منه ايد ليلي بس قولتله ما يفتحهاش لحد اما اقدم المناقشه بتاعه البحث بتاعي
امجد : كلكوا طلعتوا مخبيين علي بعض اخوه ايه ديه يا جدعان بس
راقيه : امجد ناوي علي ايه
امجد : كل خير ان شاء ****
ديدي : اجابه محدده ولا انا خلي نجوان وافق علي العريس اللي متقدم لها
امجد : طب توافق كده و انا اضربهولها علقه موت اخليه ينطق الشهاده فيها
مراد : متخافش وراك محامي ههههههه
ديدي: ولد هتتقدم امتي للبنت
امجد : معرفش انا خايف مش شجاع زيهم انا
ديدي: انا هتقدم رسميا باسم منير و يوسف و مراد لمروان قول اسمك معاهم ولا لأ
امجد : ماشي
عايده : ماما عندها حق انا معرفتش اربي ( و حدفت علي امجد غطا شبشب)
امجد : ماجتش فيا و بعدين جبتيه منين ده هههههه ، اخطبولي نجوان حلو كده
عايده : ايوه كده ههههه
ديدي خرجت و وراها بناتها و وراهم الشباب و راحت علي الصالون لقت جدو مروان بيقرأ الجرايد
جدو مروان : طنط دريه ايه الموكب ده
ديدي بصوت عالي يا بنات تعالوا
البنات نزلوا جري علي السلم
ديدي قعدت في الكرسي اللي قدام جدو مروان و وراها واقف بناتها الشباب كانت هتقعد كل ام قالت لابنها يقف جنبها و وقفوا مراد ورا ديدي
ديدي قالت : و**** يا مروان انا مش عارف أبدأ من فين هههه اول مره ههههه كنت ام ل ٣ بنات و المره ديه انا جده ل ٤ شباب وسيمين ناجحين .........
جدو مروان : طنط دريه حضرتك كويسه
ديدي : شوف يا مروان يا ابني من الاخر انا عايز اخطب هايدي لمنير و نجوان لامجد و ليلي ليوسف و مزمزانجي لمراد قولت ايه
مروان بص للبنات هزوا راسهم بالموافقه
مروان : علي بركه **** خدوهم ، بس مراد يروح يخطب تقي من اهلها الاصول يبني متزعلش
مراد : و انا موافق حتي حجزت تذاكر النهارده بليل هاخدها و طيران علي بيت اهلها ، اه بالمناسبة نسيت اقولك حضري الشنطة
ديدي : يلا نقرأ الفاتحه
بعد اما قرأوا الفاتحه ديدي قالت :كده ما فضلش غير حاجتين ندور علي ورث و الفرح و نطلع السما بس يبقي وقت تنفيذ الارث حسب الميراث الشرعي نفس يوم الفرح الارث الصبح و الفرح بليل عشان كلنا احضر فرح و اه هنعمل فرح هنا في فيلا عشان احنا مش اقدر اخرج و مراد لازم يكون هوا المشرف علي تنفيذ ارث ده شرط ديدي للفرح انتهي







​

#٢٢ نهار جميل​

في اليوم التالي ......... مراد و تقي كانوا سافروا و الباقيين مجتمعين في الصالون و ديدي ادتهم وصيه جدو طلعت مسكها امجد بيقرأها بصوت عالي مكتوب فيها : (بناتي او احفادي الذين تقرأون رسالتي ، لا اعرف ان كنت مخطئ ام مصيب عندما قمت بإخفاء ميراثي عنكم قد تكونوا في امس الحاجة للمال الآن و لكني فعلت ما فعلت عندما شعرت بإنني مريض و خفت ان لا أؤمن مستقبلا جيدا لكم اعلموا انني احبكم من كل قلبي ، سوف يبحث من لا يحق له عن الورث و لكنني اعلم انني تركت حراسته لإمرأه كالنهار الجميل ، اذا بحث الناس في كل الروايات و الكتب عن مثل قصه حبنا انا و هي لو يجدوا ، اعرف انكم ستجدون الورث ف النهايه بمساعدتها ، لا تقلقوا ، طلعت المنسترلي )
منير : رساله ولا اغرب
جدو مروان خد البنات و قال : لا مؤاخذه نستأذن احنا و نطلع اوضنا لاني اخترتكم لبناتي لاصلكم الطيب مش عشان الورث
و يحصل اللي يحصل بقيتوا اغنياء بقيتوا فقراء ميهمنيش و الورث مشكلتكم انتم يلا علي فوق يا بنات
البنات و جدو مروان طلعوا
ديدي قالت : فهمتوا حاجه
امجد : ولا الهوا
منير : يا تري يا جدو عايز تقولنا ايه هوا كان بيقول نهار جميل ساعتها صح
يوسف انت ساكت ليه
يوسف :بحاول افتكر حاجه متنسوش اني اصغركم
امجد : يلا نقلب البيت و نقول للبنات يدوروا ف اوضهم و اوضه جدو مروان
بعد ساعات من البحث موصلوش لحاجه يوسف قال : انا رايح اشوف كتب ف المكتبه بتاعه جدو طلعت يمكن القسم الفرعوني فيها يفيدني بحاجه
يوسف بيدور بين الكتب حب يبص علي ركن الروايات الرومانسية لقي ف وسط الكتب كتاب مكتوب عليه بالفرعوني ( دوا نفر = النهار الجميل )
نادا يوسف علي منير و امجد بصوت عالي جم بسرعه قالهم : دوا نفر
امجد : و دا ايه ده
يوسف ضحك وقال : النهار الجميل لقيت الورث
منير : قول و**** لا و فوسط الروايات الرومانسية فعلا طب شده
يوسف شده : لقي خزنه ورا المكتبه مليانه سبايك دهب و الماظ
امجد : ديدي
ديدي جت : لقيتوا الورث عفارم عليك ولد
مراد رن علي الموبايل منير و رد عليه: قالهم مش هتصدق اهلها وافقوا و ماما و بابا كلموا اهلها فيديو و اقنعوا اهلها اننا نعمل الفرح كلنا سوا
منير انت مبتردش ليه
منير : لقينا الورث
مراد : طب لقيتوا ايه
منير : خزنه علي بابا
مراد : هههههه علي بابا مره واحده و احنا ال ٤٠ حرامي
يوسف خد الموبايل من منير و قال لمراد : تعالا بسرعه احنا حرفيا لقينا خزنه علي بابا و مش عارفين نعمل ايه محتاجينك
مراد : اهدا انا اصلا في المحطه وصلت ربع ساعه و اكون عندك سلام
بعد ربع ساعه مراد جيه امجد فتاحله الباب قاله فين خزنه علي بابا امجد شاور علي المكتبه بخضه
فتح باب المكتبه و هوا بيقول : فين بقي يا سيدي خزنه علي بابا شاف الخزنه قفل باب المكتبه بسرعه
مراد : انا خايف
يوسف : وانا كمان و فيه ملف ورق مفتحناهوش
ديدي : افتح انت الملف جزاك **** خيرا يا مراد
مراد فتح الملف : لقي اول ورقه رساله مكتوب قراها بصوت عالي ( كنت عارف يا يوسف انك هتلاقي الورث ، الوحيد اللي يعرف نفر يعني ايه ، كنت بتقول زمان انك هتطلع عالم اثار عشان كده كتبت دوا نفر و كنت بقولك دوا نفر يا بيه كل يوم عشان تفتكر ، بتمني تكون حققت هدفك ، جدو طلعت )
يوسف : عشان كده كنت بقولكم سيبوني افتكر دوا نفر كانت احلي ذكرياتي معاه كان دائما بيحب يكلمني ان الاثار المصريه القديمه و الملوك مع اني كنت صغير و كان بيشرحلي كلمه كلمه ، **** يرحمك يا جدو (عين يوسف دمعت )
مراد بص ف باقي الورق و قال :ايه ده ده عقود بيع و شراء لمزارع خيول عربيه اصيله بإسم ديدي
ديدي : اه نسيت اقولكم اني اشتريت مزارع خيول عربية بعد التأميم مباشره بكل ثروتي و خلتهم مع طلعت باشا و كل مزرعه كتبتها بإسم حد فيكم و واحده منها كتبتها بإسم ألفت السلحدار امك يا مراد
مراد : ليه تعملي كده و ايش ضمنك ان المزارع متاخدتش بوضع اليد
ديدي : ليه طول عمري اعتبر ألفت بنتي و بعدين انا حر في ثروتي يا مراد ، متاخدتش بوضع اليد لاني بعد ما مت بتوع السياس مكانوش اعرف ان ديدي مات ف اتصلت بيهم بعد موتي بيوم و قولتلهم يجوا فيلا احاسبهم و اكفأهم قولتلهم ان انا مات و قفلت الباب و انا طير قدامهم و قولتلهم لو فكروا ياخدوا المزارع بوضع اليد هألبس عيالهم و يراعوا المزارع بما يرضي **** و يحطوا الفلوس ف رقم وديعه في البنك بأسمائكم و تتجدد كل فتره و لو الودائع انتهت فتره تجديدها يحطوا الودائع بمبالغ كامله و يبعتوا ورق الودائع علي هنا في فيلا و فتحت الباب و كلهم اجروا و كل فتره البس كائن يبقي قريب من سور الفيلا و اروح شوف المزارع ماشيه صح ولا لأ و مره اضطريت البس عيل من عيالهم لمده اسبوع عشان خوفهم بس و المزارع ماشيه تمام و الورق اوصلني فعلا و كل واحد فيكم ليه مزرعته بإسمه
امجد :و**** اذكي حد انا شوفته ف حياتي
منير :احنا مش محتاجين كل الفلوس ديه أحنا كويسين الحمد *** و معانا اللي يكفينا احنا كنا محتاجينكم بس الحمد *** **** عوضنا و شوفناكم تاني
ديدي :حبيبي يا منير ، طول عمرك حنون
مراد : هتعملوا ايه هتبيعوا السبايك و الالماظ و لا هتخلوهم فكل الحلات لازم نرصد الحاجات ديه و نعرضها علي خبير مجوهرات عشان نقدر حق كل واحد فيكم بالظبط + هنروح نشوف المزارع اللي بأسم كل واحد فيكم
ديدي : عفارم عليك يا مراد
مراد : من بعد اذنك يا ديدي انا و امي هنتنازل عن المزرعه لمنير و يوسف و امجد لا انا و لا اهلي هنقدر نقبل الهديه الكبيره ديه
ديدي :يستحيل ديدي اغضب عليك ولد لو عمل كده
مراد :من فضلك اعفيني و لو بتحبيني خليني ارتاح
ديدي : شوف ولد علي الاقل تمتلك ٦ احصنه بإسمك ف مزرعه من المزارع و انا سامحك
مراد : ده كتير اوي من فضلك
ديدي : انتهي
مراد : يعني مفيش فايده
ديدي : يوووووك
مراد : ماشي
ديدي : تعالوا معايا في غرفتي انتم الاربعه
مراد : يلا نقفل المكتبه
ال ٤ طلعوا ورا ديدي غرفتها
ديدي بصتلهم بإبتسامه و طلعت صندوق مجوهراتها و قالتهم : مفيش حد فيكم جاب شبكه للبنات مش مظبوط
امجد :لسه هما هيختاروا بنفسهم
ديدي : امسك امجد العقد اللي انت لقيته ف بدروم هديه جواز انت و نجوان و العقد ده يا منير عقد زواجك انت و هايدي و انت يا يوسف عقد زواجك انت و ليلي و مش هنسي الصغير مراد هديه زواجك خد ابننا
مراد : ديدي ده كتير اوي
ديدي : انت صغيري مثلهم و ديه هديه ديدي ما ترفضهاش هديه من جده لحفيدها لو رفضت هديه جوازك قلب ديدي اكسر
مراد :تسلمي يا ديدي كنتي احن حد عليا بعد امي عمري ما هنساكي
ديدي : لا كله قدم شبكه لعروسته مش ديدي مش هأبكي يلا نعمل ترتيبات الفرح و الفيلا و قلب ديدي و الكل افرح






​

#٢٣ والاخير​

...............بعد كام شهر ..................
مروان بليل بعد ما بتوع الزينه مشيوا :طنط دريه ايه رأيك في الزينه كده حلوه
ديدي : اها كده مظبوط يا مروان
ليلي : ديدي حضرتك كنتي فين انتي و طنط عايده و طنط راقيه و طنط مياده احنا عارفين انكم بتحاولوا متظهروش بس مش تختفوا خالص
هايدي : فعلا كنا مستنين انكم تبقوا معانا اهوا انتوا تعوضوا غياب امنا نجوان : كنا قاعدين مش فرحانين
ديدي : احنا كنا معاكم لو بصيتوا هتلاقونا دخلنا جوا الصور في الحيطه كنا معاكم في كل لحظه و مراقبين فرحتكم و الحجه سهير كان سكر في حته
ليلي:طنط سهير مش مامت تقي و بس لا ديه مربينا زي امنا بالظبط
راقيه :بنت و انا مش مامتك
ليلي : انتي احلي و احن ماما في الدنيا كلها
نجوان : ياه لو نقدر نحضنكم
ديدي : مش انسي لما نصعد بكره للسما تقرأوا لينا الفاتحه و قرآن
هايدي : بلاش تفكريني **** يخليكي لا قلبي و عقلي متقبل فكره اننا مش هنشوفكم تاني
عايده : هنزوركم في المنام ، ديه سنه الحياة ، كل واحد و ليه وقته و احنا وقتنا جيه من زمان بس روحنا مكنتش مرتاحه
مياده : خدوا بالكم من بعض و متهملوش صحتكم و تنسوا وقتكم في الشغل و خلوا بالكم من عيالكم قضوا معاهم اطول وقت لانكم انتوا محور حياتهم
ليلي و الدموع في عنيها : حاضر
ديدي :يلا كله نام ورانا بكره يوم طويل
اليوم الموعود جيه الفرح الساعه ١١ الصبح طنط سهير و ألفت السلحدار بيجهزوا تقي ، تقي قالتلهم محدش يدخل اوضه البنات غير قبل الفرح بنص ساعه لان ده طلبهم بحجه انهم ميتأثروش و يزعلوا
الحقيقه ان عايده و راقيه و مياده كانوا هنا اللي بيجهزوا البنات وفي المكتبه مراد قاعد و معاه منير ،امجد و،يوسف وديدي ، مراد قال : كده انتوا رسميا ً متقسم عليكم ورث المنسترلي حسب الشرع و القانون اهوه شاهده يا ديدي كله زي ما انتي طلبتي بالظبط ، مبسوطه
ديدي: عفارم عليك جناب افوكادو افندي
امجد : محدش قدك يا عم خدت لقب من ايام الستينات ههههه
امجد بيجري و ديدي بتجري وراه ، و كلهم بيضحكوا فجأه ،
الليل جيه و كل المعازيم جت و كل عروسه نزله علي السلم اجمل من التانيه جدو مروان بينزل السلم مع كل عروسه لوحدها عشان مايحسسش اي واحده ف البنات بغياب اهلهم و بيسلم كل واحده فيهم لعريسها تقي كانت اخر عروسه نازلت علي السلم ماسكها اخوها عمر و وصلها لمراد
عمر :مراد خلي بالك من تقي محلتيش غيرها ديه بنتي و اختي
مراد :متقلقش بقي يا عمر بقي عندك اخ و اخت
عمر : ده اكيد
كله عمال يرقص و يزققط و الصور طبعا فيها ديدي وبناتها بيضحكوا و لابسين احلي فساتين عندهم و ألفت عماله تعيط و تبص علي الشباب واحد واحد و تتدمع و محمد الترك بيبصلهم بفرح
محمد الترك : اهدي يا ألفت الحمد *** اللي قدرنا و شوفناهم عرسان
ألفت : اه يا محمد دول كانوا بيزحفوا امبارح
محمد الترك : و البيت طلع ما شاء **** جميل اهوه و احلي حاجه انهم اختاروا يعيشوا مع بعض مش زي الاول كل واحد ف وادي
ألفت : اه سبحان **** اكتر بيت كنا خايفين منه هوا البيت اللي جمعهم
بعد الفرح العرايس و العرسان واقفين جنب بعض في الجنينه و قدامهم ديدي و بناتها ،منير قال :كده خلاص
هتمشوا
ديدي: فاضل ايه مش عملناه عملنا كل حاجة الحمد *** و راضيين كل الرضا
عايده :خلوا بالكم من بعض
مياده: متزعلوش حد من البنات و الا هاجيلكم في كوابيس هاه
راقيه : **** يحميكم
و بدأوا يختفوا واحده واحده لحد اما اختفوا خالص


فات ٦سنين علي اختفاء ديدي وبناتها من الفيلا امجد و نجوان جابوا بنت و سموها عايده و عندها ٥ سنين ، و منير و هايدي بقي معاهم مياده عندها ٤ سنين ، و يوسف و ليلي معاهم راقيه ٣ سنين ، اما مراد و تقي جابوا تؤام دريه شقيه و رغايه و تيم هادي و كلامه قليل و عندهم سنتين
الاطفال و الكبار قاعدين علي ترابيزه السفره دريه الصغيره رمت الشوكه علي الارض و قالت بصوت عالي : اكل يووووك ، عايده الصغيره : التوبه يا *** ، مياده الصغيره: ادب سز ، راقيه : حاله سز يا ، تيم ساكت
امجد : اعترفوا بقي مين اللي فرج العيال ع التركي
منير : العيال هيتكلموا تركي احسن من العربي
ليلي : احنا قاعدين معاهم و مبنفتحش مسلسلات تركي معرفش جابوا التركي ده منين
تيم : من ديدي
مراد : دريه عندها سنتين زيك يا تيم ، خالتك بتقول انكم مبتتفرجوش علي تركي بتتكلموه بطلاقه ازاي
تيم : ما انا قولتلك من ديدي
مراد : تيم بطل اختك قدك هتتكلم تركي ازاي هيا منغير ما حد يعلمها
تيم : انا مش بتكلم علي ديدي اختي انا بتكلم علي ديدي ديه دريه هانم المنسترلي و شاور لهم علي صوره ديدي الكبيره


......................................................انتهي...................................................




بتمني تكونوا حبيتوا الروايه و عجبتكم











​